Transparency Myanmar

transparency.myanmar@gmail.com

မြန်မာနိုင်ငံ၏ လက်ရှိ အချိန်ကာလသည် နိုင်ငံရေး အပြောင်းအလဲ ပြုလုပ်ရန် လမ်းဆုံ လမ်းခွထဲသို့ ရောက်ရှိနေသည်။ စစ်အစိုးရက ပိုနေမြဲ ကျားနေမြဲ အခြေအနေမျိုးကို ထိန်းသိမ်း ထားလိုပြီး ပြည်သူလူထုက အသစ်ဖြစ်မည့် အပြောင်းအလဲ တစ်ခုကို ရယူရန် ဆန္ဒရှိသည်။ လူထုက လွတ်လပ်စွာ ထုတ်ဖော်ပြောဆိုခွင့် ရရှိရေးကို တောင်းဆိုနေသော်လည်း စစ်အစိုးရကမူ ပြည်သူများ၏ အခြေခံ လွတ်လပ်ခွင့်များ ပေးရန်ပင် တုတ်တုတ်မျှ မလှုပ်ပေ။

ပြည်သူ အများစုက အမျိုးသား ဒီမိုကရေစီအဖွဲ့ (NLD) ၏ နိုင်ငံရေး အဆိုပြုချက် များကို အားပေး ထောက်ခံမှု ပြုရန် ပိုမို ဆော်သြလာသည်ကို တွေ့ရသည်။ ပြီးခဲ့သည့် ဧပြီလ ၂၉ ရက်စွဲဖြင့် NLD က ထုတ်ပြန်သော ရွှေဂုန်တိုင် ကြေညာချက်တွင် ၂၀၁၀ တွင် ကျင်းပမည့် ဒီမိုကရေစီ ရွေးကောက်ပွဲနှင့် ပတ်သက်၍ အရေးကိစ္စနှစ်ခုကို စစ်အစိုးရအနေဖြင့် လိုက်လျော ပြုလုပ်ပေးရန် တောင်းဆိုထားသည်။

တစ်ခုမှာ ၂၀၀၈ ခုနှစ် ဖွဲ့စည်းပုံ အခြေခံဥပဒေတွင် ပါရှိသော အချက်အချို့သည် ဒီမိုကရေစီ စံချိန်စံညွှန်းများနှင့် ကိုက်ညီမှု မရှိသောကြောင့် ပြင်ဆင်ရေးဆွဲပေးရန် ဖြစ်ပြီး နောက်တစ်ခုမှာ ရွေးကောက်ပွဲကို နိုင်ငံတကာ၏ ကြီးကြပ်မှု လက်အောက်တွင် သန့်ရှင်းလွန်လပ်ပြီး မျှတမှုရှိစွာ ကျင်းပပေးရန် ဖြစ်သည်။  

စစ်အစိုးရအနေဖြင့် ၂၀၁၀ ရွေးကောက်ပွဲအတွက် ဖမ်းဆီးထားသော နိုင်ငံရေး အကျဉ်းသားများ အားလုံးကို လွှတ်ပေးပြီး နိုင်ငံတကာ၏ အထောက်အပံ့ကို ရယူရန် နိုင်ငံတကာ အသိုင်းအဝိုင်းက တိုက်တွန်းခဲ့သည်။  

"စစ်အစိုးရ အနေဖြင့် ဒေါ်အောင်ဆန်းစုကြည်ကို နေအိမ်အကျယ်ချုပ်မှ အမြန်ဆုံး လွှတ်ပေးပြီး ရွေးကောက်ပွဲတွင် ပါဝင်ယှဉ်ပြိုင်ခွင့် ပြုရပါမည်။ ဤသို့ မဟုတ်ခဲ့ပါက အဆိုပါ ရွေးကောက်ပွဲသည် ဂုဏ်သရေ ရှိလိမ့်မည် မဟုတ်သလို အမေရိကန် ပြည်ထောင်အစု၏ ပိတ်ဆို့ အရေးယူမှု များကိုလည်း ဖယ်ရှားပေးမည်မဟုတ်" ဟု အမေရိကန် ဒုတိယ လက်ထောက် နိုင်ငံခြားရေး ဝန်ကြီး Scot Marciel က မြန်မာနိုင်ငံ ခရီးစဉ်အပြီးတွင် သတိပေးပြောကြားပါသည်။

နိုဝင်ဘာလ ၃ ရက်နှင့် ၄ ရက်နေ့များတွင် အမေရိကန် လက်ထောက် နိုင်ငံခြားရေး ဝန်ကြီး Kurt Campbell နှင့် မစ္စတာ Scot Marciel တို့ မြန်မာနိုင်ငံသို့ သွားရောက် ခဲ့သော်လည်း ခရီးစဉ် အတွင်း နှစ်နိုင်ငံ သံတမန် ဆက်ဆံရေးအတွက် ထူးခြားပြောင်းလဲမှု တစ်စုံတရာ ဖော် ထုတ်နိုင်ခဲ့ခြင်း မရှိပေ။ သူတို့ နှစ်ဦးသည် ဒီမိုကရေစီ ခေါင်းဆောင် ဒေါ်အောင်ဆန်းစုကြည်၊ စစ်အစိုးရ ဝန်ကြီးချုပ် သိန်းစိန်အပါအဝင် အတိုက်အခံ နိုင်ငံရေးသမားများ၊ တိုင်းရင်းသား လူမျိုးစု ခေါင်းဆောင်များနှင့် တွေ့ဆုံ နိုင်ခဲ့သော်လည်း မြန်မာစစ်အစိုးရ၏ နံပါတ်-၁ ခေါင်းဆောင်ကြီး ဗိုလ်ချုပ်မှူးကြီး သန်းရွှေနှင့် တွေ့ဆုံခွင့် မရရှိခဲ့ပေ။ ဗိုလ်ချုပ်မှူးကြီးနှင့် အမေရိကန် သံတမန်များ တွေ့ဆုံရန် အဘယ့်ကြောင့် စီစဉ်နိုင်ခဲ့ခြင်း မရှိသနည်း ဟူသော မေးခွန်းမှာ ရှင်းရှင်းလင်းလင်း မသိခဲ့ကြရပေ။

ဤသို့ တွေ့ဆုံခွင့် ရရှိခဲ့ပါက နှစ်ဦးနှစ်ဖက် စလုံးတွင် အကျိုးအမြတ်များ ထွက်ပေါ် လာနိုင်သောကြောင့် တွေ့ဆုံမှု မပြုလုပ်ခဲ့ခြင်း ဖြစ်သည်ဟု နောက်ဆုံး၌ သတင်းများ ထွက်ပေါ်လာသည်။ 

မြန်မာ့အရေး အကဲခတ် လေ့လာသူများ၏ အဆိုအရ အမေရိကန် သံတမန်များ ဦးဆောင်သော အထူးမစ်ရှင်အဖွဲ့ မြန်မာနိုင်ငံသို့ လာရောက်ပြီး ကတည်းက ထူးခြား တိုးတက်မှု တစ်စုံတစ်ရာ မထွက်ပေါ်သေးပေ။

စစ်အစိုးရက ဖိနှိပ်ရန်ရှာမှု အမျိုးမျိုးကိုသာ ပိုမိုလုပ်ဆောင် လာသည်ကို တွေ့ရသည်။ မီဒီယာများနှင့် အရပ်ဘက် လူ့အဖွဲ့အစည်း (Civil Society) များအပေါ် ကန့်သတ် ပိတ်ပင်မှုများ ပိုမိုပြုလုပ်သည်။ အင်တာနက် သုံးသူများကို ယခင်ကထက် ပိုမိုချုပ်ကိုင်လာသည်။ ဖမ်းဆီးမှု အမျိုးမျိုးကို တိုးမြှင့်ပြုလုပ်သည်။ တိုင်းရင်းသား လူမျိုးစုများ အပေါ်တွင်လည်း စစ်ရေးဖြင့် တိုက်ခိုက်မှုများ ပြင်းပြင်းထန်ထန် ပြုလုပ်လာသည်။ 

သို့အတွက်ကြောင့် စစ်အစိုးရ ဆန့်ကျင်သူများသည် ယခင်ကထက် ပိုမို သတိထား လာကြရသည်။ တစ်ဦးနှင့် တစ်ဦး အပြန်အလှန် သတိပေး နေထိုင်လျက်ရှိပြီး နိုင်ငံတကာ အသိုင်းအဝိုင်း အနေဖြင့် စစ်အစိုးရကို ယခင်ကထက် ပိုမိုဖိအားပေးရန် ဆော်သြလာကြသည်။ 

အကယ်၍ စစ်အစိုးရတွင် ရိုးရှင်း အပြစ်ကင်းသော စိတ်သဘောထားရှိပြီး ဒီမိုကရေစီ ပြုပြင်ပြောင်းလဲမှုများကို စတင် ပြုလုပ်မည်ဆိုပါက မီဒီယာများသည် အစကတည်းက လွတ်လပ်မှု ရှိကိုရှိရမည် ဖြစ်သည်။ သန်စွမ်းမှုရှိသော ဒီမိုကရေစီစနစ် တစ်ရပ် ထူထောင် နိုင်ရေးအတွက် သတင်း လွတ်လပ်ခွင့်သည် အရေးကြီးသော ကိစ္စကြီး တစ်ရပ် ဖြစ်ပါသည်။ ပို၍ တိတိကျကျ ပြောရပါက မီဒီယာဟူသည် ဒီမိုကရေစီ၏ အဓိက ကျောရိုးဖြစ်သည်ဟု နိုင်ငံတကာ လူ့အခွင့်အရေး ကြေညာချက်၏ အပိုဒ်-၁၉ ကဆိုထားလေသည်။  

"လူတိုင်းလူတိုင်းတွင် မိမိ၏ အမြင်နှင့် အာဘော်ကို လွတ်လပ်စွာ ထုတ်ဖော် ပြောဆိုပိုင်ခွင့် ရှိသည်။ အဆိုပါ အခွင့်အရေးကို မည်သူကမျှ ဝင်ရောက်စွက်ဖက် ကြိုးကိုင်ခြင်းမျိုး မရှိစေရ။ လူတိုင်းသည် မိမိ၏ အမြင်များ၊ ခံစားချက်များကို မီဒီယာများမှ တစ်ဆင့် အတားအဆီးမရှိ ထုတ်ဖော် ပိုင်ခွင့်လည်း ရှိသည်" ဟု လူ့အခွင့်အရေး ကြေညာစာတမ်းက ဆိုသည်။  

သို့သော် မြန်မာပြည်တွင် အတိုက်အခံ နိုင်ငံရေးသမားများ သာမက သတင်းစာ ဆရာများနှင့် မီဒီယာများပါ စနစ်တကျ ကြိုးကိုင်ဖိနှိပ် ကန့်သတ်မှုများဖြင့် ရင်ဆိုင်နေကြရသည်။ အခြားနိုင်ငံကြီး အများစုတွင်မူ သတင်းစာဆရာများ (သို့မဟုတ်) သတင်း မီဒီယာတွင် လုပ်ကိုင်သူများသည် ကြောက်ရွံ့ ထိတ်လန့်မှု တစ်စုံတရာမရှိဘဲ၊ အစိုးရကို မျက်နှာချို မသွေးရဘဲ လွတ်လပ်စွာ လုပ်ကိုင် နိုင်ကြလေသည်။  

အာဏာရှင် စစ်အစိုးရ စနစ်အောက်သို့ ရောက်နေသော မြန်မာနိုင်ငံတွင်မူ သတင်းစာ ပညာဟူသည် ပင်ပန်းကြီးစွာဖြင့် အသက်ဆက်နေရသည်။ ဂျပန်လူမျိုး သတင်းစာဆရာ Kenji Nagai ဆိုလျှင် ၂၀၀၇ ခုနှစ်က ဖြစ်ပေါ်ခဲ့သော ရွှေဝါရောင် တော်လှန်ရေးတွင် သေနတ်ပစ်ခံရပြီး သေဆုံးခဲ့ရသည်။ ပြည်တွင်းမှ ဂျာနယ်လစ် အတော်များများမှာလည်း ထောင်သွင်း အကျဉ်းချခံ ထားရသည်။  

မြန်မာ့ မီဒီယာအသင်းအဖွဲ့ (Burma Media Association) နှင့် နယ်စည်းမခြား သတင်းထောက်များအဖွဲ့ (Reporters Sans Frontieres) တို့၏ အဆိုအရ  ပြီးခဲ့သည့် ၂၀၀၈ခုနှစ် နာဂစ်ဆိုက်ကလုန်း မြန်မာပြည်သို့ ဝင်ရောက်တိုက်ခိုက်ပြီးချိန် နောက်ပိုင်း ဂျာနယ်လစ် ၁၂ ဦးနှင့် ကဗျာဆရာ၊ စာရေးဆရာများ အပါအဝင် မီဒီယာသမား အတော်များများမှာ စစ်အစိုးရ၏ မတရား ဖမ်းဆီးထိန်းသိမ်းခြင်း ခံခဲ့ရသည်။ ရုပ်ရှင်ဒါရိုက်တာ၊ စာရေးဆရာနှင့် ဟာသသရုပ်ဆောင် ဇာဂနာ(ကိုသူရ) နှင့် အင်တာနက် ဘလော့ဂ်ရေးသူ ကိုနေဘုန်းလတ်တို့မှာ လည်း နှစ်ကာလ ကြာမြင့်သည့် ထောင်ဒဏ် ပေးခြင်းခံခဲ့ရသည်။

ပြီးခဲ့သည့် ၂၀၀၈ ဇန်နဝါရီလတွင် ကဗျာဆရာ စောဝေမှာ ဗိုလ်ချုပ်မှူးကြီး သန်းရွှေ ကို လှောင်ပြောင်သရော်သည့် ကဗျာရေးသားမှုကြောင့် ဖမ်းဆီး ထိန်းသိမ်း ခံခဲ့ရသည်။ ကဗျာဆရာ စောဝေမှာ ချစ်သူများနေ့ (ဗယ်လင်တိုင်းဒေး) အတွက် ရေးသောကဗျာတွင် ဗိုလ်ချုပ်မှူးကြီး သန်းရွှေကို လှောင်ပြောင် သရော်ခဲ့ခြင်းဖြစ်ပြီး ၎င်းအား စစ်အစိုးရက ထောင်ဒဏ် ၂ နှစ် ပြစ်ဒဏ်ချမှတ် လိုက်သည်။  

အမေရိကန် ပြည်ထောင်စု၊ နယူးယောက်တွင် အခြေစိုက်သော သတင်းစာ ဆရာများ ကာကွယ်ပေးရေး ကော်မတီ (Committee for the Protection of Journalists)က အောက်တိုဘာလ ၂၈ ရက်နေ့တွင် ဖမ်းဆီးထိန်းသိမ်း ခံခဲ့ရသော အလွတ်တမ်း ဂျာနယ်လစ်နှင့် အင်တာနက် ဘလော့ရေးသူ ကိုပိုင်စိုးဦး ခေါ် ဂျေပိုင် အား စစ်အစိုးရက ဖမ်းဆီးထိန်းသိမ်းခဲ့သည့် အတွက် ပြင်းထန်စွာ ဝေဖန်ကန့်ကွက်ခဲ့သည်။

ကိုပိုင်စိုးဦးသည် လင်းလက်ကြယ် (Shinning Star) ဟုအမည်ရသော နာဂစ်ဆိုင်ကလုန်း ဒုက္ခသည်များ ကယ်ဆယ်ရေး အဖွဲ့ဝင်တစ်ဦး ဖြစ်သည်။ ကိုပိုင်စိုးဦးအား ဖမ်းဆီး ထိန်းသိမ်းခြင်းသည် ဒီမိုကရေစီ အသွင်ကူးပြောင်းရန် ကြိုးပမ်းမှုများကို ထိခိုက်စေသောကြောင့် ၎င်းအား အမြန်ဆုံး လွှတ်ပေးရန် CPJ က တောင်းဆိုထားသည်။  

"မြန်မာစစ်အစိုးရသည် ဒီမိုကရေစီ ဖော်ဆောင်ရေးကို လုပ်ဆောင် နေပါသည်ဟု ထုတ်ဖော် ထားသော်လည်း သတင်းစာဆရာ (ဂျာနယ်လစ်) များကို ထပ်ခါတလဲလဲ ဖမ်းဆီး ထိန်းသိမ်းလျက်ရှိသည်" ဟု CPJ ၏ အရှေ့တောင် အာရှ ဒေသဆိုင်ရာ ကိုယ်စားလှယ် Shawn Crispin ကပြောကြားသည်။

အမည်မဖော်လိုသော အလွတ်တမ်း ဂျာနယ်လစ်ဦး၏ အဆိုအရ ပြီးခဲ့သည့် အောက်တိုဘာ လမှစ၍ အလွတ်တမ်း ဂျာနယ်လစ်များ၊ စာရေးဆရာများ၊ ကဗျာဆရာများ အပါအဝင် မီဒီယာသမား စုစုပေါင်း ၂၀ ခန့်မှာ စစ်အစိုးရ ၏ ဖမ်းဆီးထိန်းသိမ်းခြင်း ခံခဲ့ရသည်။

အောက်တိုဘာလ ၂၁ ရက်မှ ၂၈ ရက်အတွင်း ဖမ်းဝရမ်းမပါဘဲ ဖမ်းဆီး ထိန်းသိမ်းမှု တော်တော်များများ ဖြစ်ပေါ်ခဲ့သည်။  ပြည်တွင်းထုတ် The Voice ဂျာနယ်၊ Foreign Affair ဂျာနယ်၊Favourite ဂျာနယ်၊ ပြည်မြန်မာဂျာနယ် နှင့် ကန္ဓာရဝတီ ဂျာနယ် တို့မှ သတင်းထောက် များလည်း ဖမ်းဆီးထိန်းသိမ်းခံခဲ့ရသည်။  

ဂျာနယ်လစ် ၄ ဦး အပါအဝင် အနည်းဆုံး ၈ ဦးခန့်မှာ စစ်အာဏာပိုင်များ၊ ရဲတပ်ဖွဲ့ဝင်များနှင့် စစ်ထောက်လှမ်းရေး အဖွဲ့ဝင်များ၏ ဖမ်းဆီးမှု ခံခဲ့ရကြောင်း၊ ၎င်းတို့သည် မိမိနေအိမ်တွင် နေထိုင်နေစဉ် အတွင်း ဖမ်းဆီးထိန်းသိမ်း ခံခဲ့ရခြင်း ဖြစ်ကြောင်း အဆိုပါ အမည်မဖော်လိုသူ အလွတ်တမ်း ဂျာနယ်လစ်တစ်ဦးက အတည်ပြုပြောကြားသည်။

ဖမ်ဆီး ခံရသူများထဲတွင် အလင်္ကာဝတ်ရည် ဂျာနယ်မှ ကဗျာဆရာနှင့် ကွန်ပျူတာ ဒီဇိုင်နာ ကို ခန့်မင်းထက်၊ Foreign Affair ဂျာနယ်မှ အယ်ဒီတာ ကိုသန့်ဇင်စိုး၊ အလွတ်တမ်းသတင်းထောက် ကိုညီညီထွန်း ခေါ် မီးတုတ် နှင့်ကို ပိုင်စိုးဦး ခေါ် ဂျေပိုင် လည်းပါဝင်သည်။ ကျန်လေးဦးမှာ ကိုအောင်မြတ်ကျော်သူ၊ ကိုသက်ကို၊ ကိုမြင့်သိန်းနှင့် ကိုမင်းမင်းတို့ဖြစ်ကြပြီး ၎င်းတို့မှာ ဒဂုံတက္ကသိုလ် ကျောင်းသားများ ဖြစ်သည်။  

စစ်အစိုးရက ဖမ်းဆီးထိန်းသိမ်းလိုက်သော လူငယ်များမှာ လင်းလက်ကြယ် အမည်ရ နာဂစ်ဆိုင်ကလုန်း ဒုက္ခသည်များ ကယ်ဆယ်ရေးနှင့် အကူအညီပေးရေး အဖွဲ့ဝင်များ ဖြစ်ကြသည်။ အဆိုပါ လင်းလက်ကြယ်အဖွဲ့ကို ပြီးခဲ့သည့် ၂၀၀၈ မေလတွင်စတင်ထူထောင်ခဲ့ပြီး အဖွဲ့ဝင် ၄၀ ခန့်ပါဝင်သည်။ အဖွဲ့ဝင်အများစုမှာ ရန်ကုန်မြို့တွင် အခြေစိုက်သော သတင်းထောက်များနှင့် လူမှုရေး လုပ်ငန်း လုပ်ကိုင်သူများ ဖြစ်ကြသည်။ လင်းလက်ကြယ် အဖွဲ့သည် မိဘမဲ့ ကျောင်းသား ကျောင်းသူ ကလေးငယ်များအား ကျောင်းစာအုပ်များ၊ ပညာသင်စရိတ်များ ထောက်ပံ့ပေးလျက် ရှိသည်။ 

စစ်အစိုးရက အစိုးရ ဆန့်ကျင်သူများကို ဖမ်းဆီး ထိန်းသိမ်းမှုပြုသည့် အခါတိုင်း မြန်မာပြည်တွင်း မီဒီယာများကိုလည်း ပစ်မှတ်တစ်ခုသဖွယ် သဘောထားလေ့ ရှိသည်။ နိုင်ငံတကာ အသိုင်းအဝိုင်းက လာမည့်နှစ် ဒီမိုကရေစီ ရွေးကောက်ပွဲအတွက် နိုင်ငံရေး အကျဉ်းသားများ အားလုံးကို လွှတ်ပေးရန် တောင်းဆိုမှုများအား စစ်အစိုးရက မသိကျိုးနွံ ပြုလုပ်လျက်ရှိပြီး သတင်းစာ ဆရာများ ဖမ်းဆီး ထိန်းသိမ်း ခံရမှုများမှာလည်း ပိုမိုဖြစ်ပေါ်လျက် ရှိပါသည်။  

Asian Tribune မှ Burma Media Faces Junta Squeeze ကို ဆီလျော်အောင် ဘာသာပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာ့အရေး ကိစ္စများ နှင့်ပတ်သက်၍ အမြင်ချင်းဖလှယ် နိုင်ရန် ဥရောပသမဂ္ဂ (အီးယူ)၏ မြန်မာနိုင်ငံ ဆိုင်ရာ အထူးသံတမန် Piero Fassino က ထိုင်းနိုင်ငံခြားရေးဝန်ကြီး Kasit Piromya အား တွေ့ဆုံခဲ့ကြောင်း သိရသည်။ အဆိုပါ တွေ့ဆုံဆွေးနွေးပွဲသို့ ဆွီဒင်နိုင်ငံ သံအမတ်ကြီး၊ သံရုံး တာဝန်ခံ နှင့် ထိုင်းနိုင်ငံဆိုင်ရာ ဥရောပသမဂ္ဂ ကိုယ်စားလှယ်ရုံးမှ အဆင့်မြင့် ခေါင်းဆောင်များလည်း တက်ရောက်ကြသည်။  

အဆိုပါ ဆွေးနွေးပွဲတွင် ထိုင်းနိုင်ငံခြားရေး ဝန်ကြီးက လက်ရှိ မြန်မာနိုင်ငံတွင် ဖြစ်ပေါ်နေသော နိုင်ငံရေး တိုးတက်ဖွံ့ဖြိုးမှု အချို့ကို ကြိုဆိုကြောင်း ထုတ်ဖော်သည်။ အမေရိကန် လက်ထောက် နိုင်ငံခြားရေးဝန်ကြီး ကတ်ကမ်းဘဲလ် မြန်မာနိုင်ငံသို့ လာရောက်လည်ပတ်ခြင်း၊ စင်ကာပူနိုင်ငံ၌ ပြုလုပ်သည့် အေပက် ထိပ်သီးဆွေးနွေးပွဲတွင် အမေရိကန် သမ္မတ အိုဘားမားနှင့် မြန်မာနိုင်ငံ ဝန်ကြီးချုပ် သိန်းစိန်တို့ တွေ့ဆုံစကားပြောခွင့် ရရှိခဲ့ခြင်း နှင့် မြန်မာဝန်ကြီးချုပ်က လာမည့် ၂၀၁၀ ပြည့်နှစ်တွင် လွတ်လပ်ပြီး တရားမျှတသော ရွေးကောက်ပွဲ ကျင်းပပေးမည်ဟု ကတိကဝတ်ပြု ပြောဆိုခဲ့ခြင်း အစရှိသည်တို့သည် မြန်မာပြည်၏ နိုင်ငံရေး ဖွံ့ဖြိုးတိုးတက်မှုများ ဖြစ်သောကြောင့် ကြိုဆိုရမည် ဖြစ်သည် ဟု ထိုင်းနိုင်ငံခြားရေး ဝန်ကြီးက ဆိုသည်။

မြန်မာစစ်အစိုးရ ဝန်ကြီးချုပ် သိန်းစိန်သည် ထိုင်းနိုင်ငံ ချာအမ်းတွင်ကျင်းပခဲ့သည့် ၁၅ ကြိမ်မြောက် အာဆီယံ ထိပ်သီးဆွေးနွေးပွဲ၌ လာမည့် နှစ်ရွေးကောက်ပွဲသည် လွတ်လပ်ပြီး မျှတမှု ရှိမည်ဟု အာမခံသွားခြင်း ဖြစ်သည်။  

မြန်မာနိုင်ငံတွင် ပြုလုပ်မည့် ရွေးကောက်ပွဲများ စီမံခန့်ခွဲရေးနှင့် မြန်မာပြည်တွင်း လူသား အရင်းအမြစ် ကောင်းများ တည်ဆောက်ရေး အစရှိသည့် နယ်ပယ်များတွင် အာဆီယံ အဖွဲ့ဝင်နိုင်ငံများက အကူအညီပေး ပူးပေါင်းဆောင်ရွက်ရန် အသင့်ရှိပါကြောင်း ထိုင်းနိုင်ငံခြားရေး ဝန်ကြီးက ဆိုသည်။ 

အရှေ့တောင်အာရှ နိုင်ငံများအဖွဲ့ (အာဆီယံ) သည် လာမည့် ၂၀၁၅ ခုနှစ်တွင် အာဆီယံ အဖွဲ့အစည်းတစ်ရပ် ထူထောင်ရန် ကြိုးပမ်းလျက်ရှိရာ ၂၀၁၀ ၌ ကျင်းပပြုလုပ်မည့် မြန်မာ့ ဒီမိုကရေစီ ရွေးကောက်ပွဲသည် အာဆီယံအတွက် ထူးခြားသော အပြောင်းအလဲကြီးတစ်ရပ် ဖြစ်လိမ့်မည်ဟု ၎င်းက ဆိုသည်။  

အဆိုပါ မြန်မာ့ ဒီမိုကရေစီ ရွေးကောက်ပွဲ လွတ်လပ် မျှတမှုရှိရေး၊ ရွေးကောက်ပွဲတွင် နိုင်ငံရေး သမားများအားလုံး ပါဝင်နိုင်ရေး တို့အတွက် အီးယူက အကူအညီ အထောက်အပံ့များ ပေးအပ်ရန် အသင့်အနေအထားတွင် ရှိပါကြောင်း အီးယူ အထူးသံတမန် က ပြောကြားသည်။

မြန်မာနိုင်ငံနှင့် စေ့စပ်ညှိနှိုင်းမှုများ၊ ပူးပေါင်း ဆောင်ရွက်မှုများ တိုးမြှင့်ပြုလုပ်သွားရန် အီးယူအနေဖြင့် သက်ဆိုင်သူများ အားလုံးနှင့် အပြုသဘော ဆောင်သော ဒိုင်ယာလော့ခ် ပြုလုပ်ရန် ဆန္ဒရှိပါကြောင်း ၎င်းက အလေးအနက်ထား ပြောဆိုသည်။ 

အီးယူသည် မြန်မာ့အရေးနှင့် ပတ်သက်ပြီး အာဆီယံအဖွဲ့ကို အနီးကပ် အကြံဉာဏ် ပေးမှုများ ပြုလုပ်လျက်ရှိကြောင်း၊ ၂၀၁၀ ဒီမိုကရေစီ ရွေးကောက်ပွဲသည် မြန်မာနိုင်ငံတွင်း အမျိုးသား ပြန်လည် သင့်မြတ်မှု ပေါ်ထွန်းရေးအတွက် လှေကားထစ်တစ်ခု ဖြစ်လိမ့်မည်ဟု မျှော်လင့်ပါကြောင်း အီးယူအထူးသံတမန် မစ္စတာ Fassino ကထုတ်ဖော်ပြောဆိုသည်။ 

မစ္စတာ Fassino သည် ယခင်က အီတလီ နိုင်ငံခြားရေး ဝန်ကြီးဟောင်းတစ်ဦး ဖြစ်ပြီး ပါလီမန် အဖွဲ့ဝင်လည်း ဖြစ်သည်။ ၎င်းအား မြန်မာနိုင်ငံဆိုင်ရာ အထူးသံတမန်အဖြစ် အီးယူ၏ နိုင်ငံခြားရေးနှင့် လုံခြုံရေး ပေါ်လစီဆိုင်ရာ အဆင့်မြင့် ကိုယ်စားလှယ် မစ္စတာ Javier Solana က ခန့်အပ်လိုက်ခြင်း ဖြစ်သည်။  

Thai Press မှ Thailand EU Special Envoy discusses Myanmar issue with Thai Foreign Minister ကို ဘာသာပြန်ဆိုပါသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Global Post , Richard Sollom,28 Nov 2009

          ၁၉၈၉ ခုနှစ် နိုဝင်ဘာလတွင် ဘာလင်တံတိုင်းကြီးပြိုကျသွားပြီးနောက် ယခုအနှစ်နှစ်ဆယ် အကြာတွင် မြန်မာနိုင်ငံ၏ အစွန်အဖျားတစ်နေရာတွင် ဖိနှိပ်မှုတံတိုင်းတစ်ခု တိတ်ဆိပ်စွာထွက်ပေါ် လာခဲ့ပါသည်။

          မြန်မာစစ်အစိုးရသည် မြန်မာနိုင်ငံ အနောက်ဖက် ဘင်္ဂလားဒေရှ် နယ်စပ်တွင် သံဆူးကြိုးများပါ ဝင်သော အုတ်တံတိုင်းကို စတင်တည်ဆောက်ခဲ့ပါသည်။ ဘင်္ဂလာဒေ့ရ်ှမှ ပြန်ဝင်လာမည့် ရိုဟင်ဂျာ လူမျိုး နှစ်သိန်းခန့်ကို တားဆီးရန် ရည်ရွယ်၍ တံတိုင်းတည်ဆောက်ခြင်းဖြစ်နိုင်ပါသည်။ ရိုဟင်ဂျာများ မှာ ဖိနှိပ်ခံနေရသော မြန်မာမူဆလင် တိုင်းရင်းသားများဖြစ်ပြီး၊ ယခုအခါတိုင်းပြည်မဲ့ဖြစ်နေပါသည်။

          ယခုအဖြစ်အပျက်သည် မြန်မာနိုင်ငံ၏ လွတ်လပ်သော ကမ္ဘာကြီးမှ အထီးကျန်ပြီးနှစ်ပေါင်း ငါးဆယ်ခန့် စစ်တပ်အုပ်ချုပ်ရေး၏ အမှတ်အသားများပင်ဖြစ်ပါသည်။ တိုင်းရင်းသား လူမျိုးများကို ဖိနှိပ်နေမှုများသည် အနောက်ကမ္ဘာအား မြန်မာနိုင်ငံ၏ အတားအဆီးများ နောက်ကွယ်မှ ဖိနှိပ်မှုများ အား သတိပြုမိအောင် သတိပေးနေသလို ရှိပါသည်။

          လူ့အခွင့်အရေး ကိစ္စများကို ရှာဖွေဖော်ထုတ်သူ အနေဖြင့် ကျွန်ုပ်သည် မြန်မာအပါအဝင် ဘင်္ဂလားဒေ့ရှ်၊ အိန္ဒိယနှင့် ထိုင်းနိုင်ငံတို့သို့ သုံးပတ်ကြာသွားရောက်ခဲ့ပါသည်။ အဆိုပါခရီးစဉ်အတွင်း ကျွန်ုပ်သည် မြန်မာအရပ်ဘက် လူ့အဖွဲ့အစည်းများ၊ လူ့အခွင့်အရေးအရ နှိပ်စက်မှု ခံခဲ့ရသော သူများနှင့် တွေ့ဆုံခဲ့ပါသည်။ ကျွန်ုပ်တို့သည် လက်ရှိ မြန်မာနိုင်ငံတွင် ဖြစ်ပေါ်နေသော လူသားချင်း မစာနာသော ရာဇဝတ်မှုများကို ဖော်ထုတ်နိုင်ခဲ့ပါသည်။ လူသတ်မှုများ၊ အဓမ္မ ရွှေ့ပြောင်းစေမှုများ၊ အဓမ္မခိုင်းစေမှု များ၊ ကလေးသူငယ်များကို စစ်မှုထမ်းစေခြင်း၊ အမျိုးသမီးများကို အဓမ္မပြုကျင့်မှုများကို စစ်တပ်မှ ပုဂ္ဂိုလ်များ ကျူးလွန်လျက်ရှိပြီး တိုင်းရင်းသား လူမျိုးများ အပေါ်တွင်လည်း လူ့အခွင့်အရေးအရ နှိပ်စက် ညှင်းပမ်းမှုများပြုလုပ်လျက်ရှိပါသည်။

          ဘင်္ဂလားဒေ့ရ်ှနိုင်ငံ Cox's Bazaar တွင် ၂၀၀၇ ခုနှစ်က ရွှေဝေါရောင်တော်လှန်ရေး(ဘုန်း တော်ကြီး အရေးအခင်း)တွင် ပါဝင်ခဲ့ပြီး စစ်အစိုးရ၏ ထောင်ချနှိပ်စက်ခြင်းခံရသူ အသက် ၇၂ နှစ်အရွယ် ဘုန်းတော်ကြီးတစ်ပါးနှင့်တွေ့ဆုံခဲ့ပါသည်။

          အိန္ဒိယနိုင်ငံ Aizawl တွင် ယခုနှစ် ချင်းပြည်နယ်မှ ထွက်ပြေးလာသော ခရစ်ယာန် အမျိုးသမီး များ၏ သတင်းပေးမှုအရ စစ်တပ်၏ အတင်းအကျပ်ခိုင်းစေခံရသော အလုပ်သမားများအား လိင်ပိုင် ဆိုင်ရာ ရက်ရက်စက်စက်နှိပ်စက်မှုများကို သိရှိရပါသည်။

          ထိုင်းနိုင်ငံ၏ နယ်စပ်မြို့မဲဆောက်တွင် ကျွန်ုပ်သည် အသက် ၁၄ နှစ်အရွယ် ယောက်ျား လေးတစ်ဦးနှင့်တွေ့ဆုံခဲ့ရာ ၎င်းသည် ကရင်ပြည်နယ်စပ်တွင် ကျွဲထိန်းကျောင်းရင်း မြေမြှုပ်မိုင်းနင်းမိ ကာ ဘယ်ဖက်ခြေထောက် ဖြတ်ခဲ့ရသူဖြစ်ပါသည်။

          လူ့သိက္ခာ ညှိုးနွမ်းအောင် ပြုလုပ်သော ကျူးလွန်မှုအဖြစ်အပျက်များမှာ မပြောပဲ ချန်ထား၍ မရအောင် ထင်ရှားပါသည်။ ထိုကိစ္စရပ်များသည် စစ်တပ်၏ အစိုးရဆန့်ကျင်သူများကို ထောင်ချခြင်း၊ နှိပ်စက်ခြင်း၊ အတင်းအကျပ်လုပ်အားပေးစေခြင်း၊ ချင်း၊ ကရင်၊ ကိုးကန့်၊ ရခိုင်၊ ရိုဟင်ဂျာနှင့် ရှမ်းစ သည့် တိုင်းရင်းသားများကို အသံတိတ်နေအောင် လုပ်ထားခြင်း စသည်တို့ကို စနစ်တကျ ကျယ်ကျယ် ပြန့်ပြန့် လုပ်ဆောင်နေမှုများကို မီးမောင်းထိုးပြနေသလိုဖြစ်ပါသည်။ အစိုးရ၏ နှိပ်စက်မှုမခံရသော အဖွဲ့ဟူ၍ မရှိပါ။

          မြန်မာနိုင်ငံတွင် ၁၉၉၀ ခုနှစ်က ရွေးကောက်ပွဲကျင်းပခဲ့ဘူးပြီး အနိုင်ရသော NLD ပါတီ၏ ရလဒ်ကို အသိအမှတ်မပြုပဲ၊ NLD ခေါင်းဆောင် ဒေါ်အောင်ဆန်းစုကြည်ကိုလည်း ထိန်းသိမ်းထားခဲ့ပါ သည်။

          ကြင်နာမှု ကင်းမဲ့သော မြန်မာစစ်ခေါင်းဆောင်သည် လာမည့်နှစ် ရွေးကောက်ပွဲတွင် ဒုတိယ တစ်ကြိမ် ရှုံးနိမ့်မှု အဖြစ်ခံလိမ့်မည် မဟုတ်ပေ။ ထို့ကြောင်ပင် ဗိုလ်ချုပ်မှူးကြီးသန်းရွှေသည် ၎င်း၏ တိုင်းပြည်ကို စစ်တပ်လွှမ်းမိုးမှု သြဇာသွင်းရန် ရှေ့တိုးကြိုးစားခဲ့ရာ ရလဒ်အဖြစ် အတင်းအကျပ် ရွှေ့ပြောင်းစေမှုများ လူ့အခွင့်အရေး ချိုးဖောက်မှုများကိုသာ ဖြစ်စေပါသည်။ သန်းရွှေ၏ စစ်တပ်သည် နိုင်ငံရေး အကျဉ်းသား ၂၂၀၀ ကျော်ကို ဖမ်းဆီးထားပြီး၊ ရွာပေါင်း ၃၂၀၀ ခန့်ကိုလည်း ဖျက်ဆီးကာ လူပေါင်း ၃ သန်းခန့်ကို ထွက်ပြေးစေခဲ့ပါသည်။ ထိုသို့ပြုမှုများကြောင့် NLD နှင့် အခြားနိုင်ငံရေး ပါတီများသည် လာမည့် ရွေးကောက်ပွဲအတွက် မည်သို့မျှ မလှုပ်ရှားဝံ့အောင် ရှိနေရပါသည်။

          တစ်ချိန်တည်းမှာပင် အမေရိကန်ပြည်ထောင်စု သမ္မတ Obama ကလည်း မြန်မာနိုင်ငံနှင့်ပတ် သက်၍ မူဝါဒအသစ်ပြောင်းခဲ့ပြီး အရှေ့အာရှနှင့် ပစိဖိတ်ရေးရာ လက်ထောက်နိုင်ငံခြားရေးဝန်ကြီး Kurt Campbell နှင့်အဖွဲ့သည် စက်တင်ဘာလက နယူးယောက်တွင် မြန်မာအဆင့်မြင့် အရာရှိများနှင့် တွေ့ဆုံခဲ့ပြီး၊ ယခုလအစောပိုင်းက နေပြည်တော်တွင် ဒုတိယအကြိမ် တွေ့ဆုံခဲ့ပါသည်။ Obama ကိုယ်တိုင် ယခုလအတွင်း စင်ကာပူတွင် မြန်မာဝန်ကြီးချုပ်အပါအဝင် အာဆီယံ ခေါင်းဆောင်များနှင့် တွေ့ဆုံခဲ့ပါသည်။

          အထက်ပါ သံတမန်ရေးရာ လုပ်ဆောင်မှုများ အောင်မြင်ရန်အတွက် Obama အစိုးရအနေဖြင့် သတ်မှတ်ချက်များ ပြုလုပ်ထားရမည်ဖြစ်ပြီး၊ လက်ခံနိုင်လောက်သည့် အကျိုးဆက်များကိုလည်း ဖော် ပြရမည်ဖြစ်ပါသည်။ အကျိုးဆက်များတွင် မြန်မာနိုင်ငံအပေါ် ဆက်ဆံရေး မဟာဗျူဟာအသစ်သည် စစ်မှန်သော နိုင်ငံရေး ပြောင်းလဲမှုများအတွက် လှုပ်ရှားမှုများ ထွက်ပေါ်မလာပဲ မအောင်မြင်နိုင် ကြောင်းကိုလည်းထည့်သွင်း တွက်ချက်ရမည် ဖြစ်ပါသည်။ နှစ်နိုင်ငံဆက်လက်စကားပြောရေးအတွက် မြန်မာ အစိုးရအနေဖြင့် အနည်းဆုံး နိုင်ငံရေး အကျဉ်းသားများ လွှတ်ပြီး တိုင်းရင်းသား လူမျိုးစုများ အပေါ်ဖိနှိပ်မှု များရပ်ဆိုင်းပေးသည့် အလျော်အစားတော့ ပေးရလိမ့်မည်ဖြစ်သည်။ အဆိုပါအချက် ၂ ခုကို မပြုလုပ်ပဲ ၂၀၁၀ တွင် လွတ်လပ်၍ တရားမျှတသော ရွေးကောက်ပွဲ ဖြစ်လာမည်မဟုတ်ပေ။

          အမေရိကန်တို့နှင့် တွေ့ဆုံလိုက်ခြင်းအားဖြင့် ဗိုလ်ချုပ်မှူးကြီးသည် သူအလိုချင်ဆုံးအရာတစ်ခု ဖြစ်သည့် နိုင်ငံတကာက အသိအမှတ်ပြုမှုကို ရရှိလိုက်ပြီးဖြစ်ပါသည်။ မြန်မာနိုင်ငံတွင် ပြောင်းလဲမှုအ တွက် အကောင်းဆုံးမျှော်လင့်ချက်ဖြစ်သည်။ အကယ်၍သာ ယခုအဆင့်မြင့်သံတမန် စကားပြောမှု များသည် စစ်အစိုးရကို အပေါင်းလက္ခဏာဆောင်သော အရေးကြီးသည့် ပြောင်းလဲမှုများပြုလုပ်ရန် မလုပ်နိုင်ပါက၊ အမေရိကန်ပြည်ထောင်စုအနေဖြင့် ပိုမို၍ပြင်းထန်သော အရေးယူမှုများ ပြုလုပ်သင့်ပါ သည်။ ၂၀၀၈ ခုနှစ်က ချမှတ်ပြီးသော မြန်မာ့ကျောက်စိမ်း ဥပဒေကို အပြည့်အဝချမှတ်ရေး၊ ကုလသမဂ္ဂ လုံခြုံရေးကောင်စီတွင် မြန်မာနိုင်ငံ၏ လူသားချင်း ကိုယ်ချင်းမစာနာသည့် ရာဇဝတ်မှုများ စုံစမ်းရေး ကော်မရှင် ဖွဲ့စည်းရေးကို ဖိအားပေးရမည်ဖြစ်ပါသည်။

          မြန်မာ စစ်အစိုးရသည် ပြင်ပမှ ပြောင်းလဲမှုများအတွက် တောင်းဆိုမှုများကို လစ်လျူရှုခဲ့သည်မှာ ဆယ်စုနှစ်များရှိခဲ့ပြီဖြစ်ပါသည်။ အမေရိကန် ပြည်ထောင်စုက အဆိုပါ အပြုအမူကို ပြောင်းလဲရန် ကြိုးစားနေခြင်းသည် အရာမထင်ခဲ့သော သံတမန်ရေးရာ ဆက်ဆံမှုများအတွက် အကောင်းအဆိုးများ၊ တာဝန် ယူရမှုများကို ရပ်တန့်သွားစေရန်မဟုတ်ပေ။­­­­­­

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

 

cubusiness.com, 27 Nov 2009

စစ်အုပ်ချုပ်ရေး ကျင့်သုံးနေသော မြန်မာနိုင်ငံတွင်းရှိ တိုးမရ၊ ဆုတ်မရ ရပ်တန့်နေသော နိုင်ငံရေး ကစားကွက်တွင် အရေးကြီးသော တိုးတက် ဖြစ်ပေါ်မှုအဖြစ် တပ်မတော်အစိုးရနှင့် ဆွေးနွေးခွင့် အပါအဝင် အခွင့်အလမ်းများ ပေါ်ထွက်လာခဲ့ရာ ဤအခွင့်အရေးကို လက်လွှတ်ခံ၍ မရပါဟု ဥရောပ အထူးကိုယ်စားလှယ်အဖွဲ့က သောကြာနေ့တွင် ပြောကြားခဲ့ပါသည်။

မြန်မာနိုင်ငံဆိုင်ရာ ဥရောပသမဂ္ဂ အထူး ကိုယ်စားလှယ်အဖွဲ့မှ အီတလီ နိုင်ငံရေးပညာရှင် ပီယာရို ဖာစီနိုသည် လတ်တလော သွားရောက်ခဲ့သည့် အရှေ့တောင်အာရှ ခရီးစဉ်အတွင်း မြန်မာနိုင်ငံတွင် ဒီမိုကရေစီ ထွန်းကားရေး တွန်းအားပေးရန် ကြိုးပမ်းမှုများနှင့် ပတ်သက်၍ အာဆီယံ ခေါင်းဆောင်များနှင့် ဆွေးနွေးခဲ့ပါသည်။

လတ်တလော တိုက်တွန်း အားပေးမှုများ၏ ရလဒ်အဖြစ် မြန်မာနိုင်ငံ အရေးကိစ္စနှင့် ပတ်သက်သော အခွင့်အလမ်း ပြတင်းပေါက် ပွင့်လာပုံ ရသည်ဟု ဖာစီနိုက ၎င်း၏ အစီရင်ခံစာတွင် ဖော်ပြထား ပါသည်။

အမေရိကန်သမ္မတ ဘားရက်အိုဘားမား၏ အခြားနိုင်ငံများကို ပါဝင်စေသော ချဉ်းကပ်ပုံ အသစ်နှင့် တပ်မတော် ခေါင်းဆောင်များထံမှ မကြာခဏ ထွက်ပေါ်လာသော အချက်ပြမှုများသည် တွေ့ဆုံဆွေးနွေးရန် အခွင့်အရေးကို ဖြစ်ပေါ်စေခဲ့သည်ဟု ၎င်းက ဆိုပါသည်။

အထိန်းသိမ်းခံ အတိုက်အခံ ခေါင်းဆောင် ဒေါ်အောင်ဆန်းစုကြည်က ဗိုလ်ချုပ်မှူးကြီး သန်းရွှေထံ တွေ့ဆုံခွင့် တောင်းသော နိုဝင်ဘာပေးစာနှင့် အာဆီယံနိုင်ငံများ၏ ကြိုးပမ်း အားထုတ်မှု များကိုလည်း ဖာစီနိုက ရည်ညွှန်း ကိုးကားခဲ့ပါသည်။

ထွက်ပေါ်လာသော အခွင့်အလမ်းများကို လက်လွှတ်ခံ၍ မရကြောင်း ယခု ဖြစ်စဉ်အားလုံးက ညွှန်ပြနေသည်ဟု ဖာစီနိုက ပြောကြားသည်။

၂၀၁၀ ရွေးကောက်ပွဲ မတိုင်မီတွင် လွတ်လပ် မျှတ မြင်သာထင်သာရှိ၍ အများ လေးစားသော သိက္ခာရှိသည့် ရွေးကောက်ပွဲလုပ်ငန်းစဉ်ကို ရှေ့ရှုသည့် လုပ်ငန်းအဆင့်တိုင်းကို တိုက်တွန်း အားပေးသွားရန် လိုအပ်သည်ဟုလည်း ၎င်းက ဆိုပါသည်။

ဗိုလ်ချုပ်မှူးကြီးသန်းရွှေသည် လာမည့်နှစ် ရွေးကောက်ပွဲတွင် မပါဝင်နိုင်ရန် တားဆီးခံထားရသော ဒေါ်အောင်ဆန်းစုကြည်နှင့် ၂၀၀၂ မှ စ၍ တွေ့ဆုံခဲ့ကြခြင်း မရှိပါ။

၁၄ နှစ်တိုင်တိုင် ထိန်းသိမ်းခံနေရသော လူထုခေါင်းဆောင် ဒေါ်အောင်ဆန်းစုကြည် အပေါ် ချမှတ်ထားသော အကျယ်ချုပ်ပြစ်ဒဏ်ကို လွန်ခဲ့သော သြဂုတ်လက ၁၈ လ သက်တမ်း ထမ်မံ တိုးခဲ့ပါသည်။

နိုင်ငံတကာက Burma ဟု လူသိများသော မြန်မာနိုင်ငံကို ၁၉၆၂ မှ စ၍ တပ်မတော်က အုပ်ချုပ်ခဲ့ခြင်း ဖြစ်သည်။

ကုလသမဂ္ဂ ကော်မရှင်က ယခုလ ထုတ်ပြန်သော ဆုံးဖြတ်ချက်တွင် မြန်မာနိုင်ငံတွင်း လူ့အခွင့်အရေး ချိုးဖောက်မှုများနှင့် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားများအား ထိန်းသိမ်းထားခြင်းနှင့် ပတ်သက်၍ အရေးတကြီး စိုးရိမ် ပူပန်မိသည်ဟု ဖော်ပြထားပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Bangkok Post, By Aung Zaw,28 Nov 2009

မြန်မာ တပ်မတော်အစိုးရသည် ၂၀၁၀ တွင် ကျင်းပ ပြုလုပ်မည့် ရွေးကောက်ပွဲနှင့် ပတ်သက်၍ ရွေးကောက်ပွဲ ကျင်းပမည့်ရက်ကို သော်လည်းကောင်း၊ ရွေးကောက်ပွဲ ဥပဒေကို သော်လည်းကောင်း၊ ကြေညာခြင်း မပြုသေးသော်လည်း၊ နေပြည်တော်တွင် ပြင်ဆင်မှုများ ထွက်ပေါ်လာနေပြီ ဖြစ်ပါသည်။ ရရှိသော သတင်းများအရ ဖြစ်နိုင်ချေရှိသည့် ရွေးကောက်ပွဲဝင်မည့် သမ္မတ၊ ဒုတိယသမ္မတ၊ ကာကွယ်ရေးဦးစီးချုပ်၊ ကာကွယ်ရေးဝန်ကြီးလောင်းများ စသည်တို့ကို ရွေးချယ်ပြီးကြောင်း သိရှိရပါသည်။

လက်ရှိ စာရင်းသည် ရွေးကောက်ပွဲမတိုင်မီ အပြောင်းအလဲ ရှိနိုင်ပြီး၊ အလားအလာရှိသည့် ကိုယ်စားလှယ်လောင်းများသည် လက်ရှိအစိုးရအဖွဲ့မှ ဖယ်ရှားခြင်း ခံရမည် ဖြစ်ပါသည်။ အရာရာအားလုံးသည် ဗိုလ်ချုပ်မှူးကြီးသန်းရွှေပေါ်တွင် မူတည်ပြီး၊ အရေးကြီးသော ဆုံးဖြတ်ချက်များကို ၎င်းကပင် ပြုလုပ်နေဆဲ ဖြစ်ပါသည်။

ဗိုလ်ချုပ်မှူးကြီးသန်းရွှေသည် အသက် ၈၀ နား နီးနေပြီ ဖြစ်ပြီး၊ ၎င်း၏ ဒုတိယလူ မောင်အေးသည် ၎င်းထက် အနည်းငယ်သာ ငယ်ပြီး၊ ရွေးကောက်ပွဲ ပြီးပါက အနားယူလိမ့်မည် ဖြစ်ပါသည်။ သတင်းများ၏ အဆိုအရ နေပြည်တော်တွင် အငြိမ်းစားယူလျှင် နေထိုင်ရန် ကြီးကျယ် ခမ်းနားသော အိမ်ကြီးများ တည်ဆောက်လျက် ရှိသည်ဟု ဆိုပါသည်။

သို့သော် ဗိုလ်ချုပ်မှူးကြီးသည် ၎င်းအနားမယူမီ သူ၏ မိသားစု လုံခြုံ စိတ်ချစွာ နေထိုင်နိုင်ရေးအတွက် အဆင့်မြင့် ရာထူးနေရာများကို ၎င်း၏ ယုံကြည် စိတ်ချရသူများဖြင့် ထားရစ်ခဲ့မည် ဖြစ်ပါသည်။

သန်းရွှေသည် စစ်အစိုးရ၏ နံပါတ်သုံး ခေါင်းဆောင် ဗိုလ်ချုပ်ကြီးရွှေမန်းအား ရွေးကောက်ပွဲပြီး ပါက သမ္မတ ဖြစ်လာစေမည် ဖြစ်ပါသည်။

တပ်နှင့် နီးစပ်သော အသိုင်းအဝိုင်းများ၏ အဆိုအရ ၂၀၁၀ ရွေးကောက်ပွဲအပြီး ထွက်ပေါ် လာမည့် ဆီးနိတ်နှင့် အထက်လွှတ်တော်ရှိ တပ်မတော် ကိုယ်စားလှယ်များက အသက် ၆၂ နှစ်ရှိ ဗိုလ်ချုပ်ကြီးရွှေမန်းအား သမ္မတအဖြစ် ရွေးချယ်ရန် အမည်စာရင်း တင်သွင်းကြမည် ဖြစ်ပါသည်။

၂၀၀၈ ခုနှစ် အခြေခံဥပဒေအရ စစ်တပ်သည် ကျေးရွာ၊ မြို့နယ်၊ တိုင်း၊ ဒေသကြီးများ အဆင့်ဆင့်တွင် ၂၅ %သော နေရာကို ရရှိမည် ဖြစ်ပါသည်။

သမ္မတနေရာအတွက် သုံးဦး အမည်စာရင်း တင်သွင်းရမည် ဖြစ်ရာ၊ အမျိုးသားလွှတ်တော် (Nationalities Parliament or Senate) မှ တစ်ဦး၊ ပြည်သူ့လွှတ်တော်(People's Assembly or House) အဖွဲ့ဝင်ထဲမှ တစ်ဦးနှင့် လွှတ်တော် ၂ ရပ်မှ တပ်မတော် ကိုယ်စားလှယ်တစ်ဦး၊ စုစုပေါင်း ၃ ဦး တင်သွင်းရမည် ဖြစ်ပါသည်။

ဗိုလ်ချုပ်ကြီးရွှေမန်းသည် ဗိုလ်ချုပ်မှူးကြီးသန်းရွှေ၏ လက်ရင်းတပည့်ဖြစ်ပြီး ၎င်းသည် ရိုးသားပြီး၊ အမိန့် နာခံတတ်သူတစ်ဦး ဖြစ်ပါသည်။ သို့သော် မြန်မာနိုင်ငံ၏ လူမှုရေး၊ စီးပွားရေးနှင့် နိုင်ငံရေးဆိုင်ရာ ကိစ္စများတွင် ၎င်း၏ ခြေရာလက်ရာများကို မတွေ့ရသေးသဖြင့် မြန်မာနိုင်ငံ၏ အနာဂတ်နှင့် ပတ်သက်၍ ၎င်း၏ အမြင်ကို မှန်းဆ၍ မရနိုင်သေးပေ။

သို့သော် ဗိုလ်ချုပ်ကြီးရွှေမန်းသည် ရန်ကုန်နှင့် နေပြည်တော်တွင် ကျင်းပသော တပ်မတော် အရာရှိကြီးများ၏ နိုင်ငံရေးနှင့် လုံခြုံရေးရာ ပုံမှန် အစည်းအဝေးများတွင် ပိုမို ကိုင်တွယ်လာသည်ကို တွေ့ရပါသည်။ နောင်တွင် ဗိုလ်ချုပ်မှူးကြီးသန်းရွှေကလည်း ရွေးကောက်ပွဲပြီးလျှင် နောက်ကွယ်မှ ကြိုးကိုင်နေဦးမည့် လက္ခဏာ ရှိပါသည်။

ဗိုလ်ချုပ်ကြီးရွှေမန်းနှင့် သူ၏ အမျိုးသမီးတို့သည် ဗိုလ်ချုပ်မှူးကြီး၏ မိသားစုနှင့် ပုဂ္ဂိုလ်ရေးအရ ရင်းနှီးမှုများ ရှိပြီး၊ စင်္ကာပူသို့ အတူတကွ ဈေးဝယ် ထွက်လေ့ရှိသည်ဟု သိရပါသည်။

မကြာသေးမီက ဗိုလ်ချုပ်ကြီးရွှေမန်း၏ ၂၀၀၈ ခုနှစ် နိုဝင်ဘာလက မြောက်ကိုရီးယား ခရီးစဉ်သည် သတင်း စာမျက်နှာများပေါ်တွင် နေရာယူခဲ့ပါသည်။

အခြေခံဥပဒေအရ ဖြစ်ပေါ်လာမည့် သမ္မတသည် အမျိုးသားကာကွယ်ရေးနှင့် လုံခြုံရေးဆိုင်ရာ ကော်စီ၏ ဥက္ကဋ္ဌအဖြစ် တာဝန်ယူရမည် ဖြစ်သည်။ တိုင်းပြည်ကို အခြေခံဥပဒေ ရပ်ဆိုင်းပြီး အရေးပေါ် အခြေအနေ ကြေညာနိုင်သည့် အခွင့်အာဏာလည်း ရှိပါသည်။

ဗိုလ်ချုပ်မှူးကြီးသန်းရွှေ၏ ဒုတိယ သမ္မတနှစ်ဦးအနက် အခြားတစ်ဦးမှာ ဗိုလ်ချုပ်ဌေးဦး ဖြစ်ပါသည်။ ၎င်းသည် လယ်ယာနှင့် ဆည်မြောင်းဝန်ကြီး ဖြစ်ပြီး၊ ကြံ့ခိုင်ရေးနှင့် ဖွံ့ဖြိုးရေးအသင်း (USDA) ၏ အဓိက ခေါင်းဆောင်တစ်ဦး ဖြစ်ပါသည်။

ဗိုလ်ချုပ်ဌေးဦးသည် မကြာသေးမီက ဂျပန်သို့ သွားရောက်ခဲ့ပြီး၊ စစ်တပ်မှ လာသော သတင်းများ အဆိုအရ ၎င်းသည် တပ်မတော် အရာရှိတစ်ဦးထက် နိုင်ငံရေးသမားတစ်ဦး၏ အရည်အသွေးများ ရှိသူ တစ်ဦး ဖြစ်ကြောင်း ဆိုပါသည်။

အခြား ဒုတိယသမ္မတတစ်ဦးမှာမူ တိုင်းရင်းသားလူမျိုးတစ်ဦး ဖြစ်မည် ဖြစ်ပါသည်။

ယခင်က မြန်မာနိုင်ငံ၏ ဖဆပလခေတ် ပထမဆုံး သမ္မတနှင့် ဒုတိယအကြိမ် သမ္မတတို့မှာ ရှမ်း လူမျိုးနှင့် ကရင်လူမျိုးများ ဖြစ်ခဲ့ပါသည်။

လေ့လာသူများက တပ်မတော် ကာကွယ်ရေးဦးစီးချုပ် မည်သူဖြစ်လာမည်လဲ ဆိုသည်ကို စဉ်းစားလျက် ရှိကြပါသည်။

ဗိုလ်ချုပ်မှူးကြီးသန်းရွှေသည် ယခုအချိန်အထိ စစ်တပ်တွင် အာဏာအရှိဆုံး ပုဂ္ဂိုလ် ဖြစ်နေပြီး၊ ထိုနေရာကို ဆက်ခံမည့်သူမှာ သူ၏ အယုံကြည်ရဆုံး မဟာမိတ်တစ်ဦး ဖြစ်ရလိမ့်မည် ဖြစ်ပါသည်။

ထိုနေရာနှင့် သင့်တော်သူများမှာလည်း အများအပြား ရှိနေပါသည်။ ၎င်းတို့မှာ ဗိုလ်ချုပ်လှဌေးဝင်း၊ ဒုဗိုလ်ချုပ်ကြီးကိုကို၊ ဗိုလ်ချုပ်တင်ငွေ၊ ဗိုလ်ချုပ်ကျော်ဆွေတို့ ဖြစ်ပြီး၊ ဗိုလ်ချုပ်မှူးကြီးသန်းရွှေနှင့်ရော ဒုတိယဗိုလ်ချုပ်မှူးကြီးမောင်အေး နှင့်ပါ ရင်းနှီးသူများ ဖြစ်ကြပါသည်။

ဗိုလ်ချုပ်တင်ငွေသည် အလယ်ပိုင်းတိုင်း စစ်ဌာနချုပ်တိုင်းမှူး ဖြစ်ပြီး၊ ဦးစီးချုပ်နေရာအတွက် လေ့လာသူများကြားတွင် တစ်ပြေးနေသူ ဖြစ်ပါသည်။ ၎င်းသည် ပြီးခဲ့သည့် ဗိုလ်ချုပ်မှူးကြီး၏ သီရိလင်္ကာခရီးစဉ်တွင် လိုက်ပါသွားသူ ဖြစ်ပါသည်။

ဗိုလ်ချုပ်တင်ငွေသည် ညောင်ဦးတွင် မွေးဖွားသူတစ်ဦး ဖြစ်ပြီး ဗိုလ်ချုပ်ကျော်ဆွေနှင့်အတူ စစ်တက္ကသိုလ် အပတ်စဉ် ၂၂ သို့ တက်ရောက်ခဲ့သူ ဖြစ်ပြီး၊ ကာကွယ်ရေးဦးစီးချုပ်ရုံးတွင် စစ်ဦးစီးမှူး ပထမတန်း တာဝန် ထမ်းဆောင်ခဲ့ဖူးပြီး၊ ဗိုလ်ချုပ်မှူးကြီးသန်းရွှေနှင့် ဗိုလ်ချုပ်ကြီးရွှေမန်းကို သစ္စာခံသူဟု အများက သိကြပါသည်။

အခြေခံဥပဒေအသစ်အရ၊ ကာကွယ်ရေးဦးစီးချုပ်သည် ကာကွယ်ရေးဝန်ကြီးဌာန၊ နယ်စပ် ရေးရာများနှင့် ပြည်ထဲရေးကိစ္စများကို ကိုင်တွယ်ရမည်ဖြစ်ပြီး၊ ကျယ်ပြန့်သော အုပ်ချုပ်မှု အာဏာ ရှိမည် ဖြစ်ပါသည်။

လေ့လာသူများက ဗိုလ်ချုပ်မှူးကြီးသန်းရွှေ၏ လက်ရင်း တပည့်တစ်ဦးဖြစ်သူ ဒုတိယဗိုလ်ချုပ်ကြီးမြင့်ဆွေကို ကာကွယ်ရေးဝန်ကြီး ဖြစ်လာမည့်သူအဖြစ် တစ်ပေးကြပါသည်။ ၎င်းသည် စစ်တက္ကသိုလ် အပတ်စဉ် ၁၅ သို့ ၁၉၇၁ ခုနှစ်က တက်ရောက်ခဲ့သူ ဖြစ်ပြီး လက်ရှိ စစ်ဆင်ရေး အထူးအဖွဲ့ ၅ ၏ စစ်ဆင်ရေး အထူးအဖွဲ့မှူး ဖြစ်ပါသည်။ ၎င်းသည် ခလရ (၁၁) တွင် တပ်ရင်းမှူး တာဝန်ထမ်းဆောင်ခဲ့သူ ဖြစ်ပြီး၊ ရန်ကုန်တိုင်း တိုင်းမှူး၊ ရန်ကုန်၏ လုံခြုံရေး ကိုင်တွယ်သူတို့ ဖြစ်ခဲ့ပါသည်။

အထက်ပါ အစီအစဉ်များသည် ၂၀၁၀ ရွေးကောက်ပွဲဖြင့် ဗိုလ်ချုပ်မှူးကြီး၏ ငြိမ်းချမ်းစွာ အနားယူရေး အစီအစဉ်များ ဖြစ်လိမ့်မည်ဟု ယူဆရပြီး၊ ချောမောစွာ အကောင်အထည် ဖော်နိုင်ခဲ့လျှင် ဗိုလ်ချုပ်မှူးကြီးအနေဖြင့် ၎င်း၏ရှေ့မှ အာဏာရှင် ဗိုလ်ချုပ်ကြီးနေဝင်းနှင့် ဗိုလ်ချုပ်ခင်ညွှန့်တို့၏ ကံကြမ္မာမျိုးကို ရှောင်ရှားနိုင်မည် ဖြစ်ပါသည်။

လေ့လာသူများက ဗိုလ်ချုပ်မှူးကြီးသည် သူနှင့် သူ့မိသားစုအတွက် လုံခြုံသော ထွက်ပေါက် မဟာဗျူဟာဖြစ်သော ၂၀၁၀ ရွေးကောက်ပွဲကို သေချာအောင် စီမံလိမ့်မည်ဟု ယူဆရသည်ဟု ဆိုပါသည်။ ၎င်း၏ အစီအစဉ်အရ မြန်မာနိုင်ငံ၏ အစိုးရအဖွဲ့တွင် သူ၏ စိတ်ချရသူများကို ထားရစ်ခဲ့မည် ဆိုခြင်းကြောင့် တိုင်းပြည်ကို စစ်တပ်ကပင် ဆက်၍ အုပ်ချုပ်လိမ့်ဦးမည်ဟု အဓိပ္ပါယ် ကောက်နိုင်ပေသည်။

(ရေးသားသူ အောင်ဇော်သည် ဧရာဝတီမဂ္ဂဇင်း တည်ထောင်သူနှင့် အယ်ဒီတာဖြစ်ပါသည်။)

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ဆန်စပါးဈေးနှုန်းများ အဆမတန် မြင့်တက်လာခြင်း၊ မြန်မာပြည်တွင်းမှ ဒုက္ခသည် အမြောက်အမြား ဝင်ရောက်လာခြင်း တို့ကြောင့် ထိုင်း-မြန်မာ နယ်စပ်ဒေသရှိ ဒုက္ခသည် စခန်းများ အနေဖြင့် လာမည့် နှစ်များအတွင်း အခက်အခဲများစွာဖြင့် ရင်ဆိုင်ရဖွယ် ရှိကြောင်း ဒုက္ခသည် စခန်းများအား အကူအညီ ပေးလျက်ရှိသော အဖွဲ့မှ ထိပ်ပိုင်းခေါင်းဆောင် တစ်ဦးက ပြောကြားသည်။ 

ထိုင်းနိုင်ငံ၊ မယ်လဒေသရှိ ဒုက္ခသည် စခန်းသို့ ဥရောပသမဂ္ဂ (အီးယူ)မှ အရာရှိကြီးများ လာရောက် လည်ပတ်မည်ဟု ကြေညာပြီးနောက် မကြာမီမှာပင် အဆိုပါ သုံးသပ်ချက်များ ထွက်ပေါ်လာခြင်း ဖြစ်သည်။ မဲလဒုက္ခသည် စခန်းတွင် မြန်မာဒုက္ခသည် ဦးရေ လေးသောင်း (၄၀၀၀၀) ခန့်ရှိသည်။  

အီးယူက ပေးသော နိုင်ငံတကာ အထောက်အပံ့ငွေ စုစုပေါင်းမှာ နှစ်စဉ် အမေရိကန်ဒေါ်လာ သန်း ၆၀ ဖြစ်ပြီး အဆိုပါ ထောက်ပံ့ငွေ၏ ၆၅ ရာခိုင်နှုန်းမှာ ထိုင်း-မြန်မာ နယ်စပ်ရှိ ဒုက္ခသည် စခန်းများက နှစ်စဉ် ရရှိကြောင်း သိရသည်။ 

ဘန်ကောက် အခြေစိုက် နိုင်ငံတကာ အဖွဲ့အစည်း တစ်ခုဖြစ်သော Thailand Burma Border Consortium(TBBC) ၏ အကြီးအကဲ Jack Dunford က ယခုနှစ်အတွက် ထောက်ပံ့ကြေး ရန်ပုံငွေ အလုံအလောက် ရရှိထားသော်လည်း လာမည့်နှစ်အတွက် စိုးရိမ်စရာ အခြေအနေတွင် ရှိကြောင်း ပြောကြားသည်။ TBBC သည် ထိုင်း-မြန်မာ နယ်စပ်ဒေသရှိ ဒုက္ခသည် စခန်းများ အတွက် အစားအသောက်၊ ဆေးဝါးနှင့် နေထိုင်စရာ အကာအကွယ်များ ထောက်ပံ့ပေးနေသော အန်ဂျီအို တစ်ခုဖြစ်သည်။ 

"        ကျွန်တော်တို့ အဖွဲ့က လုပ်လို့မရတဲ့ ကိစ္စတွေ အများကြီး ရှိပါတယ်။ ငွေကြေး လဲလှယ်မှု နှုန်းထားတွေ၊ ဆန်ဈေးနှုန်းတွေ၊ ဒုက္ခသည်တွေ တိုးလာတာတွေပါ။ ဆိုတော့ ကျွန်တော်တို့ အနေနဲ့ ရန်ပုံငွေ ကိစ္စက အမြဲတမ်းလိုလို ပြဿနာဖြစ်နေပါတယ်" ဟု Jack Dunford ကပြောသည်။ 

" ခုနကပြောတဲ့ အဲဒီ ပြဿနာသုံးခုက ကျွန်တော်တို့ကို စိန်ခေါ်နေပါတယ်။ ကမ္ဘာလုံး ဆိုင်ရာ အထောက်အပံ့ ရန်ပုံငွေတွေ ကျဆင်းလာတာနဲ့အမျှ နောက်လာမယ့် နှစ်တွေမှာ အခက်အခဲတွေ ရှိလာမှာ သေချာပါတယ်" 

ဆန်စပါးအဓိက ထွက်ရှိသော အိန္ဒိယနှင့် ဖိလစ်ပိုင် နိုင်ငံတို့တွင် ရေလွှမ်းမိုးမှုများ ဖြစ်ပွားခဲ့ခြင်းကြောင့် ဆန်ဈေးနှုန်းများ တက်မည့် အနေအထားတွင်ရှိကြောင်း ၎င်းကဆိုသည်။  

လာမည့် နှစ်တွင် ကျင်းပမည့် ဒီမိုကရေစီ ရွေးကောက်ပွဲ မတိုင်မီ မြန်မာ စစ်အစိုးရသည် တိုင်းရင်းသား လက်နက်ကိုင် တပ်ဖွဲ့များကို အပြီးသတ် ချေမှုန်းမည်ဖြစ်ရာ ထိုင်းနယ်စပ် ဒေသသို့ ဒုက္ခသည် မြောက်မြားစွာ ဝင်ရောက်လာဖွယ်ရှိသည် ဟု မစ္စတာ Jack Dunford က သတိပေး ပြောကြားသည်။ 

" နောက်လမယ့် ၁၂ လ လောက်အတွင်းမှာ မြန်မာ့အရေးနဲ့ ပတ်သက်ပြီး ဘာတစ်ခုမှ ရေရာသေချာမှု ရှိလာမှာ မဟုတ်ဘူး။ ထိုင်း-မြန်မာ နယ်စပ် ဒေသမှာလည်း ဘာတွေ ဖြစ်လာမယ် ဆိုတာကို ဘယ်လိုမှ အတိအကျ ပြောလို့ရမှာ မဟုတ်ပါဘူး"

မြန်မာ စစ်အစိုးရသည် ၎င်းကိုတိုင် အစီအစဉ် ရေးဆွဲထားသော ဒီမိုကရေစီ ရွေးကောက်ပွဲ မတိုင်မီ ပြည်တွင်းမှ လက်နက်ကိုင် တပ်ဖွဲ့ စုစုပေါင်း ၁၈ ဖွဲ့အား နယ်စပ်ဒေသစောင့် တပ်ဖွဲ့အဖြစ် ပြောင်းလဲရန် ဖိအားပေးလျက် ရှိသည်။  

ပြီးခဲ့သည့် ဇွန်လအတွင်း မြန်မာစစ်တပ်၊ ဒီမိုကရက်တစ် ဗုဒ္ဓဘာသာ ကရင်တပ်မတော် (DKBA) နှင့် ကရင်အမျိုးသားသမဂ္ဂ (KNU) လက်နက်ကိုင် တပ်ဖွဲ့များ အကြား ဖြစ်ပွားသော တိုက်ပွဲများကြောင့် ကရင်အမျိုးသား အရပ်သား ငါးထောင် (၅၀၀၀) ခန့်မှာ ထိုင်းနိုင်ငံ ဘက်သို့ ထွက်ပြေး ခဲ့ကြရသည်။  

ထို့ပြင် မြန်မာနိုင်ငံ အရှေ့မြောက်ပိုင်း ရှမ်းပြည်နယ်တွင် သြဂုတ်လ အတွင်းက ဖြစ်ပွားခဲ့သော ကိုးကန့် လက်နက်ကိုင် တပ်ဖွဲ့နှင့် မြန်မာစစ်တပ်အကြား တိုက်ပွဲကြောင့် တရုတ်ပြည်ဘက်သို့ ဒုက္ခသည် သုံးသောင်း ခုနစ်ထောင် (၃၇၀၀၀) ခန့် ထွက်ပြေး ခဲ့ကြရသည်။ 

ထိုင်း-မြန်မာ နယ်စပ်ဒေသရှိ အချို့သော ဒုက္ခသည် စခန်းများမှာ လွန်ခဲ့သည့် နှစ်ပေါင်း ၂၅ နှစ် လောက်ကတည်းက ဖွင့်လှစ်ခဲ့ခြင်း ဖြစ်သည်။ အီးယူက အဆိုပါ နယ်စပ် ဒုက္ခသည် စခန်းများ ရှိရာသို့ အဆင်မြင့် အရာရှိကြီးများ စေလွှတ်ပြီး အကူအညီပေးရန် အစီအစဉ်များ ပြုလုပ်လေ့ရှိသည်။ စာရင်းများအရ အဆိုပါ နယ်စပ်ဒေသတွင် မြန်မာဒုက္ခသည် စုစုပေါင်း တစ်သိန်း သုံးသောင်းခန့်ရှိပြီး အများစုမှာ ကရင်တိုင်းရင်းသားများဖြစ်ကြပါသည်။  

DVB သတင်းဌာန ၏ Thai refugee camps face tough year ahead ကို ဆီလျော်အောင် ဘာသာ ပြန်ဆိုပါသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Aler net,25 Nov 2009       

လွန်ခဲ့သော ၁၈ လ နာဂစ်မုန်တိုင်း တိုက်ခတ်ခဲ့စဉ်ကတည်းက စ၍ ကယ်ဆယ်ရေးစခန်းများ၌ နေထိုင်နေရသော မြန်မာပြည်သူ ၁ သိန်းခန့်အတွက် ဗုဒ္ဓဟူးနေ့က ထပ်မံ ပေးအပ်ခဲ့သော အလှူငွေများသည် လမ်းဆုံးသို့ ရောက်နေသူများအတွက် အလင်းရောင် ထွန်းညှိပေးနိုင်ပါလိမ့်မည်။

          သို့ရာတွင် နေအိမ်များ ပျက်စီး ဆုံးရှုံးခဲ့ရသော ကျန်ပြည်သူ ၉ သိန်းခန့်၏ အနာဂတ် မျှော်လင့်ချက်များမှာ မှေးမှိန်နေဆဲ ဖြစ်ပါသည်။ နိုင်ငံတကာ အလှူရှင်များက နာဂစ် အသက်ရှင် ကျန်ရစ်သူများအတွက် နေအိမ်သစ်များ၊ ကျောင်းများ၊ အလုပ်အကိုင် ရရှိရေး အစီအစဉ်များတွင် အသုံးပြုရန် ဒေါ်လာ ၈၈ သန်း ထပ်မံ ပေးအပ်ရန် ကတိပြုခဲ့ပါသည်။ ယခု ရန်ပုံငွေသည် မိသားစုပေါင်း ၁၇၈၀၀ ခန့်အတွက် နေအိမ်သစ်များ ဆောက်လုပ်ရာတွင် ကူညီနိုင်မည် ဖြစ်သည်။

          ကုလသမဂ္ဂ စံနှုန်းဖြစ်သော မိသားစုတစ်စုလျှင် မိသားစုဝင် ၅ ဦးမှ ၆ ဦးနှုန်းထားဖြင့် တွက်ချက် ခန့်မှန်းပါက နေအိမ်သစ်များတွင် လူဦးရေ ၁ သိန်းခန့် နေထိုင်နိုင်မည် ဖြစ်ပါသည်။ သို့ရာတွင် ကုလသမဂ္ဂ သတင်းများအရ လူဦးရေတစ်သန်းခန့်မှာ နေစရာ အကူအညီ လိုအပ်နေဆဲဟု သိရပါသည်။

          ယခုနှစ် အစောပိုင်းက ကုလသမဂ္ဂ စာရင်းကောက်ယူမှုများအရ ဆက်လက် အသုံးပြုနိုင်သော ဆိုင်ကလုန်းဒဏ်ခံ အဆောက်အဦးများ အရေးတကြီး လိုအပ်နေမှုသည် ၂၀၀၉ - ၁၀ အတွက် ဦးစားပေး ကိစ္စ ဖြစ်သည်ဟု ဆိုပါသည်။ အဆိုပါကိစ္စအတွက် ရန်ပုံငွေ မလုံလောက်မှုကို ကြုံတွေ့နေရဆဲ ဖြစ်သည်ဟုလည်း သိရှိရပါသည်။

          နေအိမ်များဆောက်လုပ်ရေးကိစ္စသည် အစိုးရ၏ တာဝန်သာဖြစ်သည်ဟု အလှူရှင်များက ယူဆထားကြပြီး အလှူရှင်အများစုမှာ မြန်မာအစိုးရ၏ လက်အောက်မှ တဆင့်ခံဆောင်ရမည့် လုပ်ငန်းမျိုးကို ရှောင်ရှားလိုသော ဆန္ဒရှိကြသည်ဟု လူမှုရေးကူညီသူများက ပြောကြားပါသည်။

          အကယ်၍ မိမိတို့တွင်သာ စွမ်းအားရင်းမြစ်များရှိပါက ယခုထက် ပိုမို စွမ်းဆောင်နိုင်လိမ့်မည်ဟု ယုံကြည်ကြောင်း ကုလသမဂ္ဂ ကိုယ်စားလှယ်နှင့် လူသားချင်း စာနာ ထောက်ထားရေး ဆိုင်ရာ ညှိနှိုင်းရေးမှူး Bishow Parajuli က ပြောဆိုပါသည်။ မြန်မာနိုင်ငံတွင်းရှိ ပြန်လည် ထူထောင်ရေးလုပ်ငန်းများ အတွက် အဓိကပြဿနာမှာ ငွေကြေး ချို့တဲ့နေခြင်းပင် ဖြစ်သည်ဟု ဆိုပါသည်။

          တစ်ခါက မြန်မာပြည်၏ ဆန်အိုးကြီးဟု တင်စားခဲ့သော ဧရာဝတီ မြစ်ဝကျွန်းပေါ်ဒေသကို ယခင်နှစ် မေလက နာဂစ်ဆိုင်ကလုန်း ဝင်ရောက် ဖျက်ဆီးခဲ့ရာ လူပေါင်း ၁၄၀၀၀၀ ခန့် သေဆုံး၊ နေအိမ်ပေါင်း ၄၅၀၀၀၀ ခန့် ပျက်စီးကာ လူပေါင်း ၂ သန်းခွဲခန့် စားဝတ်နေရေး ဒုက္ခများနှင့် ရင်ဆိုင်နေရပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Straits Times ,26 Nov 2009

          မြန်မာနိုင်ငံရှိ တိုင်းရင်းသား လက်နက်ကိုင် သူပုန်များသည် ၎င်းတို့ထံတွင် ရှိနေသည့် မြောက်များစွာသော မူးယစ်ဆေးဝါးများကို စစ်တပ်၏ တိုက်ခိုက်လာမည်ကို စိုးရိမ်၍ ငွေဖော်ရန် အလို့ငှာ ရောင်းချလျက် ရှိကြကြောင်း ကုလသမဂ္ဂ ကိုယ်စားလှယ်က ကြာသပတေးနေ့က ပြောကြားလိုက်ပါသည်။

          တိုင်းရင်းသား အဖွဲ့များသည် ဗဟိုအစိုးရ၏ ခြိမ်းခြောက်မှုကို ခံနေရပြီး၊ ၎င်းတို့သည် မူးယစ်ဆေးဝါး ရောင်းဝယ်ခြင်း လုပ်ငန်းကို ၎င်းတို့ ရှင်သန်ရေးနှင့် နယ်မြေ ထိန်းချုပ်ထားနိုင်ရေးအတွက် ရည်ရွယ် လုပ်ကိုင်ကြကြောင်း ကုလသမဂ္ဂ မူးယစ်ဆေးဝါးနှင့် ရာဇဝတ်မှုရုံး (UNODC) မှ ကိုယ်စားလှယ် Gary Lewis က ပြောကြားခဲ့ပါသည်။

          အရှေ့အာရှနှင့် အရှေ့တောင်အာရှတွင် အမ်ဖက်တမင်း စိတ်ကြွဆေး (Amphetamine type stimulants ATS) နှင့် အခြား မူးယစ်ဆေးဝါးများအကြောင်း UNODC မှ အစီရင်ခံစာ တင်သွင်းရာတွင် Gary Lewis က ပြောကြားရာ၌ မူးယစ်ဆေးဝါးထုတ်ကုန်များ နယ်စပ်ကို ဖြတ်ကျော်၍ ပိုမို ဝင်ရောက် လာနေသည်ကို မိမိတို့ တွေ့နေရကြောင်း ထည့်သွင်း ပြောကြားသွားပါသည်။ မြန်မာနိုင်ငံမှ ဝင်ရောက်လာသော မူးယစ်ဆေးဝါးများတွင် ဘိန်း၊ မော်ဖိန်း ထုတ်ကုန်များနှင့် ATS များ ပါဝင်ကြောင်း ၎င်းက ပြောပါသည်။

          မြန်မာနိုင်ငံတွင်လည်း မူးယစ်ဆေးဝါးများကို ငွေပေါ်စေရန် ပိုမို တိုးထုတ် ရောင်းဝယ်နေကြောင်း၊ ဖြစ်လာမည့် အန္တရာယ်များကို ကာကွယ်သည့် အနေဖြင့် စစ်တပ် အဆက်အသွယ်များ မှတစ်ဆင့် ရောင်းဝယ်နေကြောင်း၊ ၎င်းက ဆက်လက် ပြောကြားပါသည်။

          မြန်မာစစ်အစိုးရသည် ပြီးခဲ့သည့် လများအတွင်း ၂၀၁၀ ရွေးကောက်ပွဲ မတိုင်မီ တိုင်းရင်းသား လက်နက်ကိုင် အဖွဲ့များကို ၎င်းတို့ လက်အောက်သို့ သွတ်သွင်းရေးအတွက် အရှိန်မြှင့် ဆောင်ရွက်လျက် ရှိနေပါသည်။

          ဝေဖန် သုံးသပ်သူများက ပြောကြားရာတွင် စစ်အစိုးရသည် ယခင်က တိုင်းရင်းသားအဖွဲ့များ မူးယစ်ဆေးဝါး ရောင်းဝယ်မှုများကို မသိယောင် ဆောင်နေခဲ့သော်လည်း၊ ယခုအခါ နယ်ခြားစောင့်တပ် သဘောမတူသူ အဖွဲ့များကို မူးယစ်ဆေးဝါး ကိစ္စဖြင့် ဖိအားပေးလာခဲ့ကြောင်း ဆိုပါသည်။ ထို့အပြင် စစ်အစိုးရသည် ၁၉၉၉ ခုနှစ်က ၂၀၁၄ ခုနှစ်တွင် မူးယစ်ဆေးဝါးကင်းစင်ရေး အစီအစဉ်ကို ရေးဆွဲထားပါသည်။ သို့သော် မြန်မာနိုင်ငံသည် ကမ္ဘာပေါ်တွင် အာဖဂန်နစ္စတန် ပြီးနောက် ဒုတိယ ဘိန်းထုတ်လုပ်မှု အများဆုံး နိုင်ငံအဖြစ် ရပ်တည်နေဆဲ ဖြစ်ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Australia Network, ABC News, 27 Nov 2009

          အတိုက်အခံ နိုင်ငံရေးသမားများနှင့် နိုင်ငံရေး လှုပ်ရှားသူ ရဟန်းသံဃာများကို ချုပ်နှောင်ထားသည့် နေရာတစ်ခု ဖြစ်သော မြန်မာ စိတ်ရောဂါကု ဆေးရုံအတွင်းမှ လျှပ်တပြက်ပုံရိပ်များကို လျှို့ဝှက် ကင်မရာတစ်လုံးဖြင့် ရိုက်ကူး ဖော်ထုတ်နိုင်ခဲ့ပါသည်။

          အဆိုပါ ဆေးရုံအတွင်းမှ နိုင်ငံရေး လှုပ်ရှားသူများကို မြန်မာ ဗွီဒီယို သတင်းထောက်တစ်ဦးက ရိုက်ကူးခဲ့ရာတွင် ရာချီသော လူနာများ ရှိနေပြီး လုံလောက်သော ထောက်ပံ့မှုများ မရှိဟု ဆိုပါသည်။

          အဝတ်အစားနှင့် ဖိနပ်များ ပိုမို လိုအပ်လျက် ရှိသည်ဟု သူနာပြု အကြီးအကဲက ပြောကြားပါသည်။

          အလွန် ဆိုးဝါးသော ကျူးလွန်မှုများ ရှိနေသည်ဟု သူမက အသိအမှတ် ပြုခဲ့ပြီး စိတ်ကျန်းမာရေး အခြေအနေကြောင့် ချုပ်နှောင်ထားမှုများ ရှိသည်ဟု ဆိုပါသည်။

          အဆိုပါ ဆေးရုံအတွင်း ချုပ်နှောင်ခံရသူ အချို့မှာ ဘုန်းတော်ကြီးများ ဖြစ်ကြောင်း အဆိုပါ ဗွီဒီယိုသတင်းတို့မှ ပေါ်ထွက်ခဲ့ပါသည်။

          ဗွီဒီယို သတင်းတွင် ဦးခေါင်း ဆံပင်ရိတ်ခြင်းကို ခွင့်ပြုထားသော်လည်း အချို့ ငြင်းဆန်နေသည့်ကြားမှ သင်္ကန်းများ အတင်းအကျပ် ချွတ်ပစ်ခဲ့သည်ကို တွေ့ရှိရပါသည်။

          မြန်မာအစိုးရ၏ ရူးသွပ်သော လုပ်ဆောင်မှုတစ်ခု ဖြစ်သည့် နိုင်ငံရေးစိတ် ပြင်းထန်သော ဘုန်းကြီးများအား စိတ်ရောဂါကု ဆေးရုံ၌ ဖမ်းဆီး ချုပ်နှောင်ထားသည့် ကိစ္စနှင့် ပတ်သက်၍ လေ့လာသူများက အချိန် ကြာမြင့်စွာကပင် သံသယ ရှိခဲ့ပါသည်။

          Saffron Revolution ဟု လူသိများသည့် သံဃာများ ဦးဆောင်သည့် နိုင်ငံရေး အုံကြွမှုတွင် လူပေါင်းမည်မျှကို ဖမ်းဆီးခဲ့သနည်းဟူသော အချက်ကို မသိရှိနိုင်သေးပါဟု AAPP in Burma (မြန်မာနိုင်ငံရေး အကျဉ်းသားများ အကူအညီပေးရေး အဖွဲ့အစည်း) မှ ဘိုကီးက Australia Network သတင်း အစီအစဉ်သို့ ပြောကြားခဲ့ပါသည်။

          အထက်ပါ နိုင်ငံရေး အုံကြွမှုကို စစ်ဖက်အစိုးရက ၂၀၀၇ စက်တင်ဘာတွင် ကြိတ်ခြေပစ်ခဲ့ပါ သည်။ ယင်းသို့ ဖြစ်ပွားခဲ့ပြီး နောက်ပိုင်း ဘုန်းတော်ကြီးအချို့နှင့် နိုင်ငံရေးသမားများကို စိတ်ရောဂါ ကု ဆေးရုံသို့ ပို့ဆောင် ချုပ်နှောင်ခဲ့ခြင်း ဖြစ်သည်။

          ၎င်းတို့ကို တစ်စုံတရာ ရူးသွပ်နေသူများအဖြစ် စစ်အစိုးရက သတ်မှတ်ယူဆခဲ့ပါသည်။

အတိုက်အခံများကို ငြိမ်သက်အောင်လုပ်ဆောင်ခြင်း

          အထက် စိတ်ရောဂါဆေးရုံရှိ ဘုန်းကြီးများအား ရိုက်ကူးထားသော ဗွီဒီယိုသည် အတိုက်အခံ အဖွဲ့များ ယခင်က ရရှိထားခဲ့သော သတင်းများကို အတည်ပြု နိုင်ခဲ့ခြင်းပင် ဖြစ်သည်။

          မိမိတို့ ထိုနေရာသို့ သွားရောက်၍ သတင်းယူရန် မဖြစ်နိုင်ပါဟု ဘိုကီးက ဆိုပါသည်။

          သို့သော်လည်း သံဃာလှုပ်ရှားမှု အပါအဝင် အခြား ဆန္ဒပြပွဲများ၌ ပါဝင်မှုကြောင့် ထိုနေရာတွင် ဖမ်းဆီးထားခြင်းမှာ သေချာသည်ဟု မှတ်ချက်ပေးပါသည်။

          အဆိုပါ နည်းလမ်းသည် ဘုန်းကြီးကျောင်းများမှ ပေါ်ထွက်လာသော အတိုက်အခံ နိုင်ငံရေး လှုပ်ရှားမှုများကို ငြိမ်သက်အောင် အစိုးရက လုပ်ဆောင်ရာတွင် အထောက်အကူ ပြုနေသည်ဟု သိရပါသည်။

          စေတနာအရ လှူဒါန်းမှုများမှာလည်း ခွင့်ပြုချက် ရယူရသည်ဟု ဆိုပါသည်။

          "နိုင်ငံရေး လှုပ်ရှားမှုများတွင် ထပ်မံ ပေါ်ထွက်လာမည့် အခြား ဘုန်းတော်ကြီးများ ရှိသေးသည်" ဟု မကြောက်မရွံ့ အော်ဟစ် ပြောဆိုသော သံဃာတော်များကိုလည်း တွေ့ရှိခဲ့ရပါသည်။

          ၎င်းတို့သည် သေရမည်ကို ကြောက်ရွံ့ပုံ မရပါ။ ထိုနေရာတွင် မည်သည့် ညစ်ပေမှုများ ရှိနေစေကာမူ ထိုညစ်ပေမှုများကို သန့်စင်ပေးမည့်သူ ပေါ်ပေါက်လာမည်သာ ဖြစ်ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Xinhua News ,26 Nov 2009

          တရုတ်အစိုးရအနေဖြင့် မြန်မာအာဏာပိုင်များအား ဖမ်းဆီး ထိန်းသိမ်းထားသော တရုတ်ပြည်မကြီးနှင့် ထိုင်ဝမ်မှ ငါးဖမ်းသမားများ၏ လုံခြုံရေးနှင့် တရားဝင် ရပိုင်ခွင့်များကို အကာအကွယ် ပေးရန် တိုက်တွန်းထားကြောင်း နိုင်ငံခြားရေး ဌာနမှ ပြောခွင့်ရပုဂ္ဂိုလ် Gin Gang က ကြာသပတေးနေ့က ပြောပါသည်။

          ထိုင်ဝမ် သတင်းဌာနများ၏ အဆိုအရ ထိုင်ဝမ် ငါးဖမ်းသင်္ဘောနှစ်စီးကို မြန်မာစစ်တပ်က ဖမ်းဆီးခဲ့ကြောင်း သိရှိရပါသည်။

          အဆိုပါကိစ္စကို ပုံမှန် သတင်းစာ ရှင်းလင်းပွဲတွင် အတည်ပြုနိုင်ရန် မေးမြန်းရာ၌ Qin Gang က မြန်မာ အာဏာပိုင်များသည် အင်္ဂါနေ့ ညနေက မြန်မာနိုင်ငံရှိ တရုတ်သံရုံးသို့ အကြောင်းကြားခဲ့ကြောင်း ၎င်းတို့သည် နိုင်ငံခြား ငါးဖမ်းသင်္ဘော ၁၀ စီးတွင် နိုင်ငံခြားသား ၁၂၈ ဦးကို တရားမဝင် ငါးဖမ်းမှု ကြောင့် ဖမ်းဆီးထားကြောင်း ပြောခဲ့သည်ဟု ဆိုပါသည်။

          ၎င်းတို့သည် ထိုင်ဝမ်မှ သင်္ဘောသား ၄ ဦး၊ ပြည်မကြီးမှ သင်္ဘောသား တစ်ဦး အပါအဝင် သင်္ဘောသားများကို ဖမ်းဆီးထားသည်ဟု ဆိုပါသည်။

          Qin Gang က တရုတ်သံရုံးသည် ဖမ်းဆီးခံထားရသော သူများနှင့် တွေ့ခွင့်ရရန် မြန်မာ အာဏာပိုင်များအား တောင်းဆိုထားသည်ဟု ဆိုပါသည်။

          တရုတ်နိုင်ငံခြားရေးဌာနနှင့် သံရုံးသည် မြန်မာအာဏာပိုင်များအား အဆိုပါကိစ္စကို တရား ဥပဒေနှင့်အညီ သေချာစွာ ကိုင်တွယ်ရန်နှင့် ဖမ်းဆီးခံထားရသူများ၏ လုံခြုံရေးနှင့် တရားဝင် ရပိုင်ခွင့်များကို အကာအကွယ်ပေးရန် တောင်းဆိုထားသည်ဟု Qin က ပြောပါသည်။

          တရုတ်အစိုးရသည် ပြည်မကြီးမှ ဖြစ်စေ၊ ဟောင်ကောင်မှ ဖြစ်စေ၊ မကာအိုမှ ဖြစ်စေ၊ ထိုင်ဝမ်မှ ဖြစ်စေ တရုတ်လူမျိုး အားလုံး၏ လုံခြုံရေးနှင့် တရားဝင် အခွင့်အရေးများကို အကာအကွယ်ပေးရန် အမြဲတမ်း အဆင်သင့်ရှိကြောင်း Qin က ပြောကြားသွားပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

From AFP, 27 - Nov - 2009

        တောင်ကိုရီးယား ဝန်ကြီးချုပ် Lee Myung - Bak က နျူကလီးယားကိစ္စ ဖြေရှင်းရေးနှင့် ပတ်သက်၍ အထောက်အကူ ဖြစ်မည်ဆိုလျှင် မြောက်ကိုရီးယား ခေါင်းဆောင်နှင့် မည်သို့သော တွေ့ဆုံမှုမျိုးကို မဆို အဆင်သင့်ရှိကြောင်း ပြောကြားလိုက်ပါသည်။

          တွေ့ဆုံ ဆွေးနွေးမှုကို Seoul တွင် ပြုလုပ်ရမည်ဟု မတောင်းဆိုလိုကြောင်း၊ အခြားနေရာတွင် ဖြစ်ပါကလည်း ကိစ္စမရှိပါကြောင်း Lee Myung - Bak က မြို့တော်ခန်းမ ဆွေးနွေးပွဲတွင် ရုပ်မြင်သံကြား ရိုက်ကူးစဉ်က ပြောကြားခဲ့ပါသည်။

          နှစ်နိုင်ငံ ထိပ်သီး ဆွေးနွေးပွဲနှင့် ပတ်သက်၍ တွန်းအားပေးရန် လတ်တလော အစီအစဉ် မရှိကြောင်း ၎င်းက ပြောပါသည်။

          မြောက်ကိုရီးယား မူဝါဒနှင့် ပတ်သက်၍ အမေရိကန် အထူးကိုယ်စားလှယ် Stephen Bosworth သည် ဒီဇင်ဘာလ (၈) ရက်နေ့တွင် မြောက်ကိုရီးယားသို့ သွားရောက်မည်ဖြစ်ရာ မြောက်ကိုရီးယားကို ခြောက်နိုင်ငံ နျူကလီးယားလက်နက် ဖျက်သိမ်းရေး အစည်းအဝေးသို့ ပြန်လာရန် ဆွဲဆောင်နိုင်လိမ့်မည်ဟု မျှော်လင့်ကြောင်း Lee က ပြောပါသည်။

          မြောက်ကိုရီးယားသည် ပြီးခဲ့သည့် ဧပြီလက ခြောက်နိုင်ငံ ဆွေးနွေးပွဲမှ ထွက်ခွာသွားခဲ့ပြီး၊ မေလတွင် ဒုတိယအကြိမ် နျူကလီးယား လက်နက် စမ်းသပ်မှု ပြုလုပ်ခဲ့ပါသည်။

          မြောက်ကိုရီးယား ခေါင်းဆောင် Kim Jong - IL က ပြီးခဲ့သည့်လက ပြောကြားရာတွင် ၎င်းအနေဖြင့် ခြောက်နိုင်ငံ ဆွေးနွေးပွဲသို့ ပြန်လာရန် အဆင်သင့်ရှိကြောင်း၊ သို့သော် အမေရိကန်နှင့် နှစ်နိုင်ငံ ဆွေးနွေးမှု စိတ်တိုင်းကျမှသာ ပြန်လာမည် ဖြစ်ကြောင်း ထည့်သွင်း ပြောကြားသွားခဲ့ပါသည်။

          မြောက်နှင့် တောင် နှစ်နိုင်ငံကြား ထိပ်သီး ဆွေးနွေးပွဲသည် ပွင့်လင်း၍ မြင်သာထင်သာရှိရန် လိုအပ်ကြောင်း Lee က ပြောပါသည်။

          ကိုရီးယားကျွန်းဆွယ် နျူကလီးယား ကင်းစင်ရေး ကိစ္စသည် အရေးကြီးသည့် ကိစ္စဖြစ်သည့် အလျောက်၊ မိမိအနေဖြင့် Kim Jong - IL နှင့် မည်သည့်အချိန်၊ မည်သည့်နေရာတွင်မဆို မိမိတို့ ရည်မှန်းချက် အောင်မြင်ရေးအတွက် တွေ့ဆုံရန် စီစဉ်နိုင်ကြောင်း တောင်ကိုရီးယား ဝန်ကြီးချုပ် Lee က ပြောပါသည်။

          တောင်နှင့် မြောက် နှစ်နိုင်ငံ ထိပ်သီး ဆွေးနွေးပွဲကို ၂၀၀၀ ခုနှစ် နှင့် ၂၀၀၇ ခုနှစ်တို့တွင် ကျင်းပခဲ့ပြီး၊ နှစ်နိုင်ငံ ပြန်လည် ပေါင်းစည်းရေး ကိစ္စများနှင့် စီးပွားရေး ပူးပေါင်း ဆောင်ရွက်ရေး ကိစ္စများကို သဘောတူခဲ့ကြပါသည်။

          Lee သည် တောင်ကိုရီးယား ဝန်ကြီးချုပ်အဖြစ် ၂၀၀၈ ခုနှစ်၊ ဖေဖော်ဝါရီလ မှစ၍ တာဝန်ယူစဉ် ကတည်းက နှစ်နိုင်ငံ ဆက်ဆံရေး အဆင်မပြေခဲ့သော်လည်း ပြီးခဲ့သော သြဂုတ်လက ပြုံယမ်းသည် ငြိမ်းချမ်းရေးနှင့် ပတ်သက်၍ လေသံမာ လာခဲ့ပါသည်။ မြောက်ကိုရီးယား နျူကလီးယား လက်နက် ဖျက်သီးရေးနှင့် ပတ်သက်၍ စီးပွားရေး ပူးပေါင်း ဆောင်ရွက်မှုများကို ချိတ်ဆက် နိုင်ခဲ့ပါသည်။

          နှစ်နိုင်ငံ ဆက်ဆံရေးသည် ပြီးခဲ့သည့် နိုဝင်ဘာလ (၁၀) ရက်နေ့က Yellow Sea နယ်စပ်တလျောက် ရေတပ်ချင်း ပစ်ခတ်မှု ဖြစ်ပြီး ပြန်လည် တင်းမာလာခဲ့ပါသည်။

 

 

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.