Transparency Myanmar

transparency.myanmar@gmail.com

IPS News

Date: 11 - Nov - 2009

        ဂျပန်ဝန်ကြီးချုပ် Yukio Hatoyama ၏ ယခင်အပတ်က မဲခေါင်ဒေသနိုင်ငံများကို ယန်း (၅၀၀) ဘီလျံ (အမေရိကန်ဒေါ်လာ (၅.၆) ဘီလျံ) ထပ်မံ အကူအညီပေးမည့် ကတိထွက်ပေါ်လာ ခဲ့ပြီးနောက် အများ သတိပြုစရာ ဖြစ်လာခဲ့ပါသည်။

          အာရှစီးပွားရေး အထူးသဖြင့် မဲခေါင်မြစ်ဝှမ်းဒေသကို ဦးတည်သော ဂျပန်နိုင်ငံ၏ ရည်မှန်းချက်များသည် သိသာစွာ ပြောင်းလဲသွားခြင်း မရှိပါဟု Keio University မှ နိုင်ငံခြားရေး မူဝါဒ လေ့လာသူ ပါမောက္ခ တိုမိုဟီကို တာနီဂူချီ ကပြောပါသည်။

          ထိုကဲ့သို့ အခြေအနေများ ပြောင်းလဲသွားခြင်းမှာ ဂျပန်နိုင်ငံ၏ အဓိကပါတီကြီးနှစ်ခု၏ လွှတ်တော် အမတ်များကြားတွင် မဲခေါင်ဒေသသည် တရုတ်နိုင်ငံ၏ "ကစားကွင်း" ဖြစ်လာနေသော အချက်နှင့် ပတ်သက်၍ စိုးရိမ်ကြောင့်ကြမှု ပြဿနာများ ဖြစ်ပေါ်ခဲ့ပြီး၊ အရေးပေါ် ဆောင်ရွက်ခဲ့ခြင်း ဖြစ်ပါသည်။

          စက်တင်ဘာ ရွေးကောက်ပွဲတွင် အပြတ်အသတ် အနိုင်ရရှိခဲ့သော အစိုးရသစ်၏ မဟာဗျူဟာမှာ အာရှအဖွဲ့အစည်းကို ဥရောပသမဂ္ဂကဲ့သို့ တည်ဆောက်သွားရန် ဖြစ်သည်ဟု ၎င်းက ဆိုပါသည်။

          ဂျပန်နှင့်တကွ သဘောထား ကိုက်ညီသူနိုင်ငံများက ဆောင်ရွက်နိုင်ခဲ့ခြင်းမရှိပါက အိမ်နီးချင်း တရုတ်ဘီလူးကြီးက အားလုံးသိမ်းကြုံး ယူငင်သွားလိမ့်မည်ဟု တာနီဂူချီ ကပြောခဲ့ပြီး၊ ဂျပန်နိုင်ငံက ၎င်း၏ ရည်ရွယ်ချက် အစစ်အမှန်ကို ထုတ်ဖေါ် ပြောကြားမည် ဖြစ်ကြောင်းအား မထင်ပါဟု ဆိုပါသည်။

          လွန်ခဲ့သော (၁၀) နှစ်အတွင်း တရုတ်နိုင်ငံသည် မဲခေါင်ဒေသအပေါ် ၎င်း၏အကူအညီနှင့် ရင်းနှီးမြှုပ်နှံမှုများကို တိုးမြှင့်ခဲ့ပြီး လာအိုရှိ သတ္တုတွင်းနှင့် ရာဘာလုပ်ငန်း၊ မြန်မာနိုင်ငံနှင့် ကုန်သွယ်ရေးလုပ်ငန်းများလည်း ပါဝင်သည်။

          ကနေဒါ အခြေစိုက် International Institute for Sustainable Development က ထုတ်ပြန်သော ၂၀၀၈ မူဝါဒ အသေးစိတ်တွင် ဖေါ်ပြထားသည်မှာ တရုတ်နိုင်ငံသည် လာအို၊ ကမ္ဘောဒီးယားနှင့် ဗီယက်နမ်နိုင်ငံများသို့ စဉ်းစားတွေးတောဖွယ် အထောက်အပံ့များကို မကြာခဏ အကြောင်းမရှိဘဲ ပေးဆပ်ကူညီခဲ့ပြီး၊ ယဉ်ကျေးမှုဆိုင်ရာ ဖလှယ်ရေးနှင့် အကူအညီများကိုလည်း အကြိမ်ပေါင်းများစွာ ပြုလုပ်ပေးအပ်ခဲ့သည်ဟု ဆိုပါသည်။

          မည်သို့ပင်ဖြစ်စေ နိုဝင်ဘာ (၆) ရက် မှ (၇) ရက်အတွင်း တိုကျို၌ ကျင်းပသည့် ဂျပန်-မဲခေါင် ထိပ်သီးညီလာခံတွင် ဟာတိုယားမားက အထက်ပါကတိစကားကို ပြောကြားခဲ့စဉ် တရုတ်- ဂျပန်ပြိုင်ဆိုင်မှုကို အနည်းငယ်ပင် ပြောကြားခဲ့ခြင်း မရှိပါ။ ၎င်းက မိမိတို့နှစ်နိုင်ငံ (တရုတ်နှင့်ဂျပန်) သည် အပြန်အလှန် အကျိုးစီးပွားများ ဖြစ်ထွန်းရေးအတွက် အတူတကွ လုပ်ဆောင်နိုင်မည့် နည်းလမ်းများကို ရှာဖွေရန် ဆွေးနွေးညှိနှိုင်းမှုများ၊ ပူးပေါင်းဆောင်ရွက်မှုများ ပြုလုပ်သွားမည်ဟု ပြောကြားခဲ့ပါသည်။

          လွန်ခဲ့သော (၁၀)နှစ်က တရုတ်နိုင်ငံသည် ဂျပန်၏အကူအညီကို အများဆုံးလက်ခံသူ ဖြစ်ခဲ့ပါသည်။ သို့ရာတွင် ၂၀၀၃ တွင် လူလိုက်ပါသော အာကာသယာဉ်ကို တရုတ်နိုင်ငံက ပထမ အကြိမ် လွှတ်တင်ခဲ့ပြီးနောက် ဂျပန်အစိုးရက "တရုတ်နိုင်ငံသည် လူလားမြောက်လာခဲ့ပြီဖြစ်၍ ODA (တရားဝင်ဖွံ့ဖြိုးရေးအကူအညီ) အစီအစဉ်မှ  ကင်းလွတ်သွားပြီ" ဟုပြောကြားခဲ့ကြောင်း တာနီဂူချီ ကဆိုပါသည်။

          သို့သော်လည်း ဂျပန်နိုင်ငံက ပတ်ဝန်းကျင် အခြေအနေ နိမ့်ကျမှုများ အဆုံးသတ်ရေးနှင့် ကွန်မြူနစ်နိုင်ငံ၏ ကျေးလက်ဒေသများတွင် စာသင်ကျောင်းများ ဆောက်လုပ်ရေးနှင့် ပတ်သက် သော အကူအညီများကိုမူ တရုတ်နိုင်ငံသို့ ဆက်လက်ထောက်ပံ့ခဲ့ပြီး၊ ငွေကြေးပမာဏအရမူ လျော့နည်းသွားသည်ဟု သိရသည်။

          မဲခေါင်ဒေသသို့ ပေးအပ်မည့် ဂျပန်၏ ODA အစီအစဉ်သစ်အရ လာမည့် (၃)နှစ်အတွင်း ငွေကြေးအကူအညီများ ဖြန့်ဝေသွားမည် ဖြစ်ပြီး၊ ယခင် ရယူထားခဲ့သည့် တိုးတက်ဖွံ့ဖြိုးရေး မိတ်ဆွေကောင်း အနေအထားကို ပိုမို ခိုင်မာစေရန် ရည်ရွယ်ထားပါသည်။

          ၂၀၀၇ ကပင် ဒေသအပေါ် ပေးအပ်ရန် ကတိပြုထားသော ငွေကြေးရန်ပုံငွေ ယန်း (၄၀၀) ဘီလျံ (ဒေါ်လာ (၄.၅) ဘီလျံ) တွင် ယခု အကူအညီသစ်များကို ထပ်မံဖြည့်တင်းသွားမည် ဖြစ်သည်။

          တရားဝင် ဖွံ့ဖြိုးရေးအကူအညီ (ODA) ဆိုသည်မှာ ဂျပန်ကဲ့သို့သော အလှူရှင်နိုင်ငံများက ဖွံ့ဖြိုးဆဲနိုင်ငံများကို ပေးအပ်သော နည်းပညာနှင့် ရန်ပုံငွေများကို ဆိုလိုပါသည်။

          ဒေသတွင်း ပိုမိုတိုးတက်လာစေရန် ရည်ရွယ်သော ODA အစီအစဉ်ကို အရှိန်မြှင့်ရေးမှာ ဂျပန်နိုင်ငံ၏ ဦးစားပေးကိစ္စဖြစ်သည်ဟု ဟာတိုယားမားက တိုကျိုမြို့ ဝန်ကြီးချုပ်အိမ်တော်တွင် ပြုလုပ်သော သတင်းစာရှင်းလင်းပွဲတွင် သတင်းထောက်များအား ပြောကြားခဲ့သည်။

          လူဦးရေ သန်း (၂၂၀)ရှိ၍ သယံဇာတရင်းမြစ် ကြွယ်ဝသော မဲခေါင်ဒေသနှင့် ရင်းနှီးသော ဆက်ဆံရေး ထူထောင်ရန် ကြိုးစားသည့်အနေဖြင့် အကူအညီသစ်များပေးရန် ဂျပန်က ကတိပြုခြင်းသည် မဲခေါင်နိုင်ငံများအပေါ် တရုတ်၏ သြဇာ ကြီးထွားလာမှုကို ဟန့်ထားရန် သိသိသာသာ ကြိုးပမ်း အားထုတ်မှုတစ်ရပ် ဖြစ်သည်ဟု ကျွမ်းကျင်သူများက သဘောတူခဲ့ပါသည်။

          ဂျပန်နိုင်ငံသည် တရုတ်နိုင်ငံ၏ စည်းရုံးသိမ်းသွင်းမှုနှင့် လွှမ်းမိုးမှုကြီးထွားလာခြင်းကို လျော့ချနိုင်ရန် ဒေသတွင်း ပိုမိုထိန်းချုပ်နိုင်စွမ်းရှိမည့် အနေအထားတစ်ခု ရရှိရန် ကြိုးစားနေသည် ဟု Temple University Tokyo မှ Jeffrey Kinston က ပြောပါသည်။

          တာနီဂူချီ ၏အဆိုအရ မဲခေါင်ရှိ ODA အခြေခံအဆောက်အဦးမှာ အရေးကြီး၍ အာဆီယံ ၏ မူလအဖွဲ့ဝင်များဖြစ်သော စင်္ကာပူ၊ အင်ဒိုနီးရှား၊ မလေးရှားနှင့် ထိုင်း စသောနိုင်ငံများ၏ ကုန်းတွင်းပိုင်းဒေသသဖွယ် ဖွဲ့စည်းတည်ရှိပြီး၊ ပင်လယ်ရေကြောင်းဆက်သွယ်ရေး၏ အလယ်ခေါင်တွင် တည်ရှိသဖြင့် ဂျပန်စီးပွားရေးအတွက် အသက်သွေးကြောပင် ဖြစ်သည်ဟု သိရပါသည်။

          တည်ငြိမ် အေးချမ်းသော အရှေ့အာရှဒေသ၏ စီးပွားရေးသည် ဂျပန်နှင့် အမေရိကန်တို့၏ အရေးကြီးဆုံး မူဝါဒ ရည်မှန်းချက် ဖြစ်ပါသည်။

          ညီလာခံတွင် ဂျပန်က ဒေသတွင်းရှိ အဝေးပြေးလမ်းများ ရေရရှိရေး၊ အမှိုက်စွန့်ပစ်ရေး၊ ရာသီဥတု ပြောင်းလဲမှုနှင့် နည်းပညာဆိုင်ရာ စီမံကိန်းများအတွက် ၎င်း၏ ဖွံ့ဖြိုးရေးအကူအညီ (ODA) ကို ဆက်လက် တိုးမြှင့်သွားမည်ဟု အလေးအနက် ကတိပေးခဲ့သည်။

          ယခု ညီလာခံကျင်းပရခြင်း၏ ရည်ရွယ်ချက်မှာ အာဆီယံနိုင်ငံများအတွင်း လက်ရှိ ကွာဟနေသော အနေအထားကို လျော့ချခြင်း (သို့) ဖယ်ရှားပစ်ရန် ဂျပန်နှင့် မဲခေါင်နိုင်ငံများ အတူတကွ အကောင်းဆုံး ဆောင်ရွက်နိုင်မည့် နည်းလမ်းများကို ဆွေးနွေးရန် ဖြစ်သည်ဟု ဂျပန်နိုင်ငံခြား ရေးရာ ဝန်ကြီးဌာနမှ ပြောခွင့်ရပုဂ္ဂိုလ် ကာဇူအိုကိုဒါးမား ကပြောကြားသည်။

          အာဆီယံအဖွဲ့ဝင် (၁၀) နိုင်ငံအတွင်းတွင် လာအိုကဲ့သို့ ဖွံ့ဖြိုးမှု အနည်းဆုံးနိုင်ငံမှသည် စင်္ကာပူကဲ့သို့ စီးပွားရေး အလွန်ဖွံ့ဖြိုးသောနိုင်ငံမျိုးအထိ စီးပွားရေး ဖွံ့ဖြိုးတိုးတက်မှု အဆင့်အတန်း ကွဲပြားနေသည်ဟု ၎င်းက ဆိုသည်။

          ယခုညီလာခံတွင် ဟာတိုယားမားနှင့်အတူ ကမ္ဘောဒီးယား၊ လာအို၊ မြန်မာ၊ ထိုင်း၊ ဗီယက်နမ် စသော အာဆီယံ အဖွဲ့ဝင် (၅)နိုင်ငံမှ ခေါင်းဆောင်များ တက်ရောက်ကြပြီး၊ အဆိုပါ နိုင်ငံ များသည် တရုတ်နိုင်ငံနှင့်အတူ မဲခေါင်မြစ်ကြောင်းတလျှောက် ဝေမျှ ပိုင်ဆိုင်ထားပါသည်။

          တိဘက် ကုန်းပြင်မြင့်တွင် မြစ်ဖျားခံကာ တရုတ် ယူနန်ပြည်နယ်၊ မြန်မာ၊ ထိုင်း၊ လာအို၊ ကမ္ဘောဒီးယားနှင့် ဗီယက်နမ်နိုင်ငံများကို ဖြတ်သန်း စီးဆင်းသွားသော ကီလိုမီတာ (၄၈၀၀) ခန့် ရှည်လျားသည့် မဲခေါင်မြစ်၏ အောက်ဖျားပိုင်း တလျှောက်တွင် မဲခေါင်မြစ်ဝှမ်းဒေသ တည်ရှိပါ သည်။ အရှေ့တောင်အာရှ၏ အခြားဒေသများထက် ဤဒေသတခုလုံးက ပိုမို နွမ်းပါးပါသည်။

          ယခုကဲ့သို့ ထိပ်သီးအစည်းအဝေးမျိုးကို နှစ်စဉ် ကျင်းပရခြင်းသည် အလွန်ပင် အဓိပ္ပာယ် ပြည့်ဝပြီး၊ နိုင်ငံတကာဝန်းကျင် အနေအထားကို အပြောင်းအလဲများ ဖြစ်ပေါ်စေသည်ဟု ဂျပန်ဝန်ကြီးချုပ်က သတင်းထောက်များကို ပြောကြားခဲ့ပြီး၊ ၎င်းက ဆက်လက်၍ ဂျပန်-မဲခေါင် ထိပ်သီးညီလာခံကို တိုကျိုတွင် (၃) နှစ်လျှင် တစ်ကြိမ် ကျင်းပရန် စီစဉ်ထားပြီး၊ ကြားထဲတွင်မူ အခြားအဖွဲ့ဝင်နိုင်ငံများတွင် ကျင်းပမည်ဟု ပြောပါသည်။

          မဲခေါင်နိုင်ငံများနှင့် ချစ်ကြည်ရင်းနှီးမှုကို ရှေ့ရှုသောအားဖြင့် လာမည့်သုံးနှစ်အတွင်း ကျောင်းသားလူငယ် (၃)သောင်းကို ဂျပန်နိုင်ငံသို့ ဖိတ်ခေါ်မည် ဖြစ်ပြီး၊ ဂျပန်နိုင်ငံအပေါ် ဒေသ၏ ယုံကြည်မှုကို မြင့်မားလာစေရန် အထောက်အကူပြုလိမ့်မည် ဖြစ်သည်။ ဤကိစ္စအားလုံးသည် အလွန် အရေးကြီးပါသည်ဟု ဂျပန်ဝန်ကြီးချုပ်က ဆိုပါသည်။

          ဂျပန်နှင့်တရုတ်အပြင် မဲခေါင်ဒေသကို စိတ်ဝင်စားမှုမရှိခဲ့သော ဘွတ်ရ်ှအစိုးရ နှင့် မတူခြားနားစွာပင် ယခု အိုဘားမားအစိုးရလက်ထက်တွင် အမေရိကန်ကလည်း ဤဒေသ အပေါ် အလွန်စိတ်ဝင်စားကြောင်း ပြသခဲ့ပါသည်။

          အမေရိကန်နှင့် တရုတ်သည် မဲခေါင်ဒေသနှင့် ပူးပေါင်းဆောင်ရွက်မှုများ တိုးမြှင့်ရန် ကြိုးစားနေကြခြင်းသည် ဂျပန်အတွက် သိပ်မဆိုးလှပါ။ ရှေ့ဆက်၍ ပူးပေါင်း ဆောင်ရွက်သွားခြင်း ဖြင့် ၎င်းတို့နှင့် သူ့ဖက်ကိုယ့်ဖက် အကျိုးရှိသော ဆက်ဆံရေး (win-win relationship) ကို ဖန်တီးသွားရန် ဆန္ဒရှိပါသည်ဟု ဂျပန်ဝန်ကြီးချုပ် ဟာတိုယားမားက ဆက်လက် ပြောကြားခဲ့ပါ သည်။

          ၎င်းက အမေရိကန်၏ ဒေသတွင်း ဒီမိုကရေစီ ထွန်းကားရေးအစီအစဉ်သည် အလွန်ကောင်းမွန် သင့်မြတ်၍ ကြိုဆိုထိုက်သည်ဟု ထောက်ပြပါသည်။

          ယခု ညီလာခံသို့ မြန်မာနိုင်ငံ ပါဝင်တက်ရောက်လာခြင်းသည် ဂျပန်နှင့်တကွ အခြား NGO အဖွဲ့အစည်းများ၏ စိတ်ဝင်တစား သတိပြုခြင်းကို ရရှိခဲ့သည်။ အခြားနိုင်ငံခေါင်းဆောင်များနှင့် အတူ ညီလာခံသို့ တက်ရောက်ခဲ့သော ဗိုလ်ချုပ်ကြီးသိန်းစိန်သည် ၂၀၀၃ ခုနှစ် နောက်ပိုင်း ဂျပန်နိုင်ငံသို့ ပထမဆုံးလာရောက်သော အရှေ့တောင်အာရှ စစ်ဖက်အုပ်ချုပ်သော နိုင်ငံ၏ ဝန်ကြီးချုပ် ဖြစ်ပါသည်။ ၎င်း၏ရှေ့တွင် ဗိုလ်ချုပ်ကြီးခင်ညွှန့်က ဂျပန်အာဆီယံအစည်းအဝေးသို့ တက်ရောက်ခဲ့ဖူးပါသည်။

          ၂၀၀၉ ဖေဖော်ဝါရီလက ဂျပန်-မဲခေါင် စီမံကိန်းနှစ် ကူးပြောင်းခြင်းကို ရန်ကုန်မြို့တော်တွင် စတင်ခဲ့ပြီး၊ ဂျပန်-မြန်မာ ပူးပေါင်းဆောင်ရွက်ရေးနှင့် မိတ်ဆွေဆက်ဆံရေးကို ပြသခဲ့ပါသည်။

          Kingston ၏ အဆိုအရ မြန်မာနိုင်ငံကို တင်းကြပ်စွာ အရေးယူရန် ထောက်ခံထားသော NGO များ စိတ်ပူနေသောအချက်မှာ အရှေ့အာရှ အသိုက်အဝန်းကို ထူထောင်ရန် ဟာတိုယားမား ၏ ဆောင်ရွက်ချက်များသည် ခွဲခြားပစ်ပယ်ထားရေး မဟာဗျူဟာကို အားပျော့သွားစေနိုင်ပြီး သဘာဝမဲခေါင်ထီးရိပ်ကို ခိုထားသော မြန်မာနိုင်ငံက ၎င်းအပေါ် ရပ်ဆိုင်းထားသည့် အစီအစဉ်များ ပြန်စရန် အာရှဖွံ့ဖြိုးရေးဘဏ် (ADB) ၏ တံခါးကို ဖွင့်ခွင့် ရသွားနိုင်ခြင်းပင် ဖြစ်သည်။

          ဥရောပသမဂ္ဂပုံစံ အရှေ့အာရှအဖွဲ့အစည်းသည် စက်တင်ဘာလက ဟာတိုယားမား အာဏာလွှဲပြောင်း ရယူစဉ်ကပင် ကြံစည်ထားသည့် အားထုတ်မှုတစ်ခု ဖြစ်သည်။ ဤအစီအစဉ်တွင် ဂျပန်၊ တရုတ်၊ တောင်ကိုရီးယား၊ အိန္ဒိယ၊ သြစတြေးလျား၊ နယူးဇီလန်နှင့် အာဆီယံ (၁၀) နိုင်ငံတို့ ပါဝင်ပြီး၊ ဥရောပသမဂ္ဂနှင့် အလားတူ ဒေသတွင်း ဆက်ဆံနှောင်ဖွဲ့မှုများကို အကူအညီပေးမည် ဖြစ်သည်။

          စနေနေ့က ကျင်းပခဲ့သော သတင်းစာရှင်းလင်းပွဲတွင် ဗီယက်နမ် ဝန်ကြီးချုပ် Nguyen Tan Dung က အရှေ့အာရှအဖွဲ့အစည်းကို အတားအဆီးမရှိ ဖွင့်လှစ်ခြင်း၊ ပွင့်လင်းမြင်သာခြင်း တို့ကို အခြေခံ၍ ရေရှည် တည်ဆောက်သွားရေးကို ဖော်ဆောင်ရန် ကြိုးစားနေသည့် ဟာတိုယားမား၏ ဆောင်ရွက်ချက်ကို သဘောတူ လက်ခံကြောင်း ထုတ်ဖေါ် ပြောကြားခဲ့ပါသည်။

          "A decade toward the Green Mekong" "ဆယ်စုနှစ်ချီ မဲခေါင်စိမ်းလန်းရေးဆီ" အစီအစဉ်ကို အတူတကွ ဆောင်ရွက်သွားကြရန် ခေါင်းဆောင်အားလုံးက သဘောတူခဲ့ကြပြီး၊ ၂၀၁၀ တွင် စတင်မည် ဖြစ်ပါသည်။ ထို့အပြင် ကိုပင်ဟေဂင် ရာသီဥတု ပြောင်းလဲခြင်းဆိုင်ရာ ညီလာခံတွင် အောင်မြင်သော ရလဒ်များ ဆောင်ကြဉ်းနိုင်ရန် ဝိုင်းဝန်း ကတိပြုခဲ့ကြပါသည်။

          ၎င်းအပြင် မဲခေါင်ဒေသတွင်း ရာသီဥတု ပြောင်းလဲခြင်း၊ နိုင်ငံရေး၊ လုံခြုံရေး၊ ကူးစက်ရောဂါ ထိန်းချုပ်ရေး၊ စီးပွားရေး၊ ယဉ်ကျေးမှုနှင့် ခရီးသွားကဏ္ဍများတွင် ကျယ်ကျယ် ပြန့်ပြန့် ပူးပေါင်းဆောင်ရွက်ရေး နည်းလမ်းများကိုလည်း ဆွေးနွေးခဲ့ကြသည်ဟု သိရှိရပါသည်။


--~--~---------~--~----~------------~-------~--~----~
The information from this group yangonchronicle2010 were allowed to be reposted on the website named http://transparencymyanmar2010.blogspot.com/   upon their request.

-~----------~----~----~----~------~----~------~--~---

By Eli Clitton

From Inter Press Service. 12th Nov 2009

          အမေရိကန်ပြည်ထောင်စု သမ္မတ Barack Obama သည် လာမည့် တနင်္ဂနွေနေ့တွင် စင်္ကာပူ နိုင်ငံတွင် APEC ဆွေးနွေးပွဲတွင် APEC ခေါင်းဆောင်များနှင့် တွေ့ဆုံပွဲတက်ရောက်မည် ဖြစ်ရာ အာရှ နိုင်ငံပေါင်းစုံချစ်ကြည်ရေး လုပ်ငန်းစဉ်များတွင် အမေရိကန်ပါဝင်ရေးအတွက် ဦးတည်ချက် အသစ်များကို မှတ်တမ်းတင်လိမ့်မည် ဖြစ်ပြီး စစ်အစိုးရအုပ်ချုပ်သော အထီးကျန် မြန်မာနိုင်ငံအပေါ် အမေရိကန်၏ ဆက်ဆံရေးမူဝါဒအပေါ် အလေးပေးလိမ့်မည် ဖြစ်ကြောင်း သိရှိရပါသည်။

          APEC ထိပ်သီးဆွေးနွေးပွဲ၏ အရန်ဆွေးနွေးပွဲအဖြစ် ပြုလုပ်မည့် Obama နှင့် အရှေ့တောင် အာရှခေါင်းဆောင်များ တွေ့ဆုံမှုသည် Bush အစိုးရ၏ ချဉ်းကပ်မှုနှင့် ခြားနားစွာ အရှေ့တောင်အာရှ အပေါ် ပြောင်းလဲလာသော အမေရိကန်၏ မူဝါဒ၏ အရေးပါမှုကို ပြသနေပါသည်။ Bush အစိုးရ လက်ထက်က အကြမ်းဖက်မှုများ ပြန်လည်တိုက်ခိုက်ရေးနှင့် စစ်ရေး ပူးပေါင်းဆောင်ရွက်မှုများကိုသာ အာရုံကျခဲ့ပြီး အာဆီယံ ဒေသတွင်း သံတမန်ရေးရာများကို လစ်လျှူပြုခဲ့ပါသည်။ ထိုအတောအတွင်း တရုတ်သည် ဒေသတွင်း ၎င်း၏ စီးပွားရေး ပူးပေါင်းဆောင်ရွက်မှုများကို တိုးချဲ့ခဲ့ပါသည်။

          တရုတ်၏ အရှေ့တောင်အာရှတွင် တိုးချဲ့လာသော စီးပွားရေးနှင့် ပတ်သက်သော ဆက်ဆံ ရေးများ၏ အဓိက သက်သေပြစရာများမှာ စစ်အစိုးရ အုပ်ချုပ်သော မြန်မာနိုင်ငံနှင့် စီးပွားရေး ဆက်ဆံမှုများ တိုးပွားလာမှုနှင့် လာမည့် ဇန်နဝါရီလတွင် စတင်မည့် တရုတ် - အာဆီယံ လွတ်လပ်စွာ ကုန်သွယ်ရေး သဘောတူညီချက် (Free Trade Agreement) တို့ပင်ဖြစ်ပါသည်။

          ယခု Obama နှင့် အရှေ့တောင် အာရှခေါင်းဆောင်များ တွေ့ဆုံမှုသည် အမေရိကန် - အာဆီ ယံ သံတမန်ရေးရာ ဆက်ဆံမှုအတွက် အမေရိကန်၏ စိတ်ဝင်စားမှုကို ပြန်လည် အသက်သွင်းရေး အတွက်လည်းကောင်း မြန်မာစစ်အစိုးရ ဝန်ကြီးချုပ်နှင့် ပထမဦးဆုံးအကြိမ် အဆင့်အမြင့်ဆုံး တွေ့ဆုံမှုသည်လည်းကောင်း သမိုင်းမှတ်တမ်း တင်လိမ့်မည် ဖြစ်ပါသည်။

          အမေရိကန်သည် မြန်မာစစ်အစိုးရ၏ ကျယ်ပြန့်စွာ လူ့အခွင့်အရေး ချိုးဖောက်မှုများကြောင့် စီးပွားရေးနှင့် ပတ်သက်သော အရေးပိတ်ဆို့မှုများကို တင်းကြပ်စွာ ချမှတ်ခဲ့ပါသည်။

          မြန်မာနိုင်ငံအပေါ် အာဆီယံ၏ အပြုသဘောဆောင်သော ဆက်ဆံရေးမူဝါဒသည် အမေရိ ကန်နှင့် အာဆီယံဆက်ဆံရေးအတွက် ကွဲပြားခြားနားစေသော အကြောင်းကိစ္စတစ်ခု ဖြစ်ပါသည်။ လူ့အခွင့်အရေး လှုပ်ရှားသူများက အာဆီယံ၏ ဆက်ဆံရေးသည် မြန်မာနိုင်ငံနှင့် စီးပွားရေးအရ အကျိုးရရှိရန် အကြောင်းပြုဆက်ဆံခြင်းသာ ဖြစ်သည်ဟု စွပ်စွဲပါသည်။

          ASEAN ၏ အပြုသဘောဆောင်သော ဆက်ဆံရေးသည် အကျိုးအမြတ်ရှိသည့် ဆက်ဆံရေးဖြစ်ကြောင်း US Campaign for Burma မှ ဒါရိုက်တာ Jennifer Quigley က ပြောပါသည်။ ထိုင်းနှင့် စင်္ကာပူသည် မြန်မာနိုင်ငံနှင့် စီးပွားရေးဆောင်ရွက်မှုကြောင့် အမြတ်ငွေများစွာ ရရှိခဲ့ကြောင်း သူမက ပြောပါသည်။

          Bush အစိုးရလက်ထက်က မြန်မာနိုင်ငံအပေါ် စီးပွားရေးအရသော်လည်းကောင်း၊ သံတမန်ရေးအရ သော်လည်းကောင်း၊ အရေးယူပိတ်ဆို့မှုများကြောင့် မြန်မာပါဝင်သော ASEAN ဒေသတွင်း ဆက်ဆံရေး လုပ်ငန်းများပြုလုပ်ရန် အခက်အခဲများ ရှိခဲ့ပါသည်။

          ယခုအခါ Obama အစိုးရသည် မြန်မာနိုင်ငံအပေါ် စီးပွားရေး အရေးယူမှုများ ရှိနေသော်လည်း စစ်အစိုးရနှင့် သံတမန်ရေးအရ ဆက်ဆံရေးပြုလုပ်ရန် ဆုံးဖြတ်ခဲ့ပါသည်။ အဆိုပါဆုံးဖြတ်ချက်သည် အမေရိကန်အစိုးရကို ၂၀၁၀ ရွေးကောက်ပွဲကို လွတ်လပ်၍ တရားမျှတစေရေး ကိစ္စတွင် ပါဝင်နိုင်ရေး နှင့် စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေအား ဖိအားပေးရာတွင် ASEAN နှင့် ဆက်ဆံ၍ ကြားခံအဖြစ် ဆောင်ရွက်နိုင်ရေးတို့အတွက် များစွာ အကျိုးရှိစေပါသည်။

          အကယ်၍ ကျွန်ုပ်တို့သည် မြန်မာခေါင်းဆောင်များအား မြန်မာ့လူအဖွဲ့အစည်းမှ ကိုယ်စားလှယ်ပေါင်းစုံနှင့် တွေ့ဆုံဆွေးနွေးရေးကို တိုက်တွန်း အားပေးနိုင်ခဲ့လျှင်၊ အခြားနိုင်ငံများရော ASEAN ကပါ ပါဝင်တိုက်တွန်းရန် မျှော်လင့်ကြောင်း၊ ASEAN ဆိုလျှင် အကူအညီများပင်ပေးနိုင်ကြောင်း၊ အဘယ့်ကြောင့်ဆိုသော် ရွေးကောက်ပွဲအစီအစဉ်များသည် ဦးစားပေးရမည့် ကိစ္စဖြစ်ပြီး၊ ရွေးကောက်ပွဲကို မည်သို့ စောင့်ကြည့်ကြမည် ဆိုသည်ကိုလည်း ခွဲခြမ်း စိတ်ဖြာဆွေးနွေးရန် လိုမည် ဖြစ်ကြောင်း၊ အမေရိကန် နိုင်ငံခြားရေးဝန်ကြီး ကလင်တန်က ဗုဒ္ဓဟူးနေ့က စင်္ကာပူနိုင်ငံတွင် သတင်းထောက်များအား ပြောကြားခဲ့ပါသည်။

          Obama အစိုးရ၏ မြန်မာနိုင်ငံနှင့် ပတ်သက်သော မူဝါဒအသစ်ကို ပြီးခဲ့သည့် အပတ်က အများသို့ စတင်ပြသခဲ့ပြီးဖြစ်ရာ လက်ထောက် နိုင်ငံခြားရေးဝန်ကြီး Kurt Campbell နှင့် သူ၏လက် ထောက် Scott Marciel တို့သည် မြန်မာနိုင်ငံသို့ ၂ ရက်ခရီး သွားရောက်ခဲ့ပြီး စစ်အစိုးရအာဏာပိုင် များနှင့်လည်းကောင်း၊ ဒေါ်အောင်ဆန်းစုကြည်နှင့် လည်းကောင်း တွေ့ဆုံခဲ့ပါသည်။

          လူ့အခွင့်အရေးအကျိုးဆောင်များက Obama အစိုးရ၏ မူဝါဒသစ်သည် တစ်စုံတစ်ခု ထွက်ပေါ် လာလိမ့်မည်ဟု အကောင်းမြင်ပြောကြားခဲ့ပြီး၊ အရေးယူမှုများကိုမူ စစ်အစိုးရက သိက္ခာရှိသော ၂၀၁၀ ရွေးကောက်ပွဲပြုလုပ်ပေးသည်အထိ ဆက်လက်ထားရှိရန် သတိပေးခဲ့ပါသည်။

          လာမည့်နှစ်ရွေးကောက်ပွဲသည် အကြီးဆုံး အကြောင်းအရာတစ်ခု ဖြစ်ကြောင်း၊ အကယ်၍ စစ်အစိုးရအနေဖြင့် ရွေးကောက်ပွဲဖြင့် ရှေ့သို့ ဆက်လက် လျှောက်လှမ်းပြီး နိုင်ငံတကာ၏ ထောက်ခံမှုကို ရယူလိုပါလျှင် ရွေးကောက်ပွဲမတိုင်မီ အနည်းဆုံးရလဒ်များကိုတော့ ပြသနိုင်ရမည် ဖြစ်သည်ဟု Quigley က ပြောပါသည်။ ရွေးကောက်ပွဲ မတိုင်မီ မြန်မာအစိုးရက ဘာတွေပေးနိုင်မလဲ ဆိုသည်မှာ စမ်းသပ်မှုတစ်ခုပင် ဖြစ်ကြောင်း ၎င်းက ပြောပါသည်။

          ယခု APEC ထိပ်သီး အစည်းအဝေးနှင့် ASEAN ခေါင်းဆောင်များနှင့် Obama တွေ့ဆုံမှုများ မှာ အဓိက သဘောတူညီချက်များ၊ အများအံ့သြစေမည့် အရာများ ထွက်ပေါ်လာလိမ့်မည် မဟုတ်ပေ။ သို့သော် ဝါရှင်တန်ရှိ ကျွမ်းကျင်သူများက APEC ကို ညှိနှိုင်းနိုင်သည့် ဆွေးနွေးပွဲအဖြစ် အလေးထားသော အမေရိကန်၏ မူဝါဒသစ်ကို ညွှန်ပြနေကြောင်း ပြောကြားခဲ့ပါသည်။ Bush အစိုးရလက်ထက်က APEC ကို အရေးမပါသော နေရာဟု သဘောထားခဲ့ပါသည်။ ၎င်းတို့က မြန်မာနိုင်ငံနှင့် သံတမန်နည်းလမ်းအရ ပြန်လည် ဆက်ဆံခြင်းကိုလည်း Obama အစိုးရ၏ အာရှ - ပစိဖိတ်ရှိ ၎င်း၏ မဟာမိတ်များအပေါ် ပိုမို အလေးထားဆက်ဆံလိုသည့် ရည်ရွယ်ချက်ကို ပြသသည့်လက္ခဏာ ဖြစ်ကြောင်း သုံးသပ်ထားပါသည်။

          APEC နှင့် ပြန်လည်ဆက်ဆံခြင်းသည် အခြားအကျိုးအမြတ်များကိုလည်း ဆောင်ကျဉ်းပေးလိမ့်မည် ဖြစ်ကြောင်း နိုင်ငံခြားဆက်ဆံရေးကောင်စီ အရှေ့တောင်အာရှ ဖဲလိုး (Fellow) Joshua Kurlantzick က ရေးသားခဲ့ပါသည်။ ထို့အပြင် ဝါရှင်တန်သည် အာရှပေါင်းစည်းရေးတွင် အဓိကကျသော ဗဟိုနေရာမှ ပါဝင်လိုကြောင်း အရှေ့အာရှဝါဒ ခေါင်းဆောင်များကို ပြသလိုက်သလို ဖြစ်ပြီး၊ ယခင် ဆယ်စုနှစ်များက အမေရိကန်သည် ဘေးထွက် ထိုင်နေခဲ့သည်ထက်စာလျှင် ပါဝင်လှုပ်ရှားလိုကြောင်း ပြသခြင်းဖြစ်ကြောင်း Joshua က ရေးသားထားပါသည်။

          အမေရိကန်သည် အာရှတွင် ဖြစ်ပျက်နေသည့် အရေးကိစ္စများ၏ ဖွဲ့စည်းမှု ပုံသဏ္ဍန်ကို နားလည်ကြောင်း လက်တွေ့ပြသလိုခြင်း ဖြစ်ပြီး၊ အဆိုပါသင်ခန်းစာများကို တရုတ်က ကျေညက်ပြီး ဖြစ်ကြောင်း ၎င်းက ဆက်လက် ရေးသားထားပါသည်။

          အမေရိကန်၏ ဒေသတွင်း သံတမန်နည်းလမ်းများအရ ဆက်ဆံမှုများ တိုးမြှင့်လုပ်ဆောင်လာသည့် မူဝါဒသစ်ကို အမေရိကန်ပြည်တွင်းရော ပြည်ပနိုင်ငံများကရော အမှတ်အများကြီး ပေးကြပါလိမ့်မည်။ အမေရိကန် ဝါရင့် အစိုးရအာဏာပိုင်များသည် ၂၀၀၄ ခုနှစ်နှင့် ၂၀၀၈ ခုနှစ်အကြား အရှေ့တောင် အာရှပြည်တွင်း ထုတ်လုပ်မှုသည် နှစ်ဆတက်ခဲ့သည့် အံသြဖွယ်စီးပွားရေး တိုးတက်မှုကို သတိပြုမိကြပြီး တရုတ်နိုင်ငံ၏ အဆိုပါဒေသတွင်း ကုန်သွယ်ရေး သဘောတူစာချုပ်များ ဆက်တိုက် ချုပ်ဆိုမှုကိုလည်း လျစ်လျှူရှု မထားနိုင်တော့ပေ။

          ပြီးခဲ့သည့်နှစ်က တရုတ်သည် အမေရိကန်ကို ကျော်တက်ပြီး အရှေ့တောင်အာရှ၏ တတိယ အကြီးဆုံး ကုန်သွယ်ဖက်နိုင်ငံဖြစ်ပြီး ဂျပန်နှင့် ဥရောပသမဂ္ဂတို့၏ နောက်တွင် ရပ်တည်ခဲ့ပါသည်။ စုစုပေါင်း ကုန်သွယ်မှုပမာဏ အမေရိကန်ဒေါ်လာ ၁၉၃ ဘီလီယံရှိခဲ့ပါသည်။

          ယခုအချိန်အထိတော့ Obama အစိုးရ၏ ဒေသတွင်း ပိုမိုအာရုံစိုက်မှု တိုးတက်လာမှုသည် အမေရိကန်ပြည်တွင်း ယုံကြည်မှု အချို့ပြန်ရသင့်သည်။ အကယ်၍ Obama အစိုးရသည် ယခုကြိုးစားမှုကို ဆက်လက် ထိန်းသိမ်းထားနိုင်မည်ဆိုပါက ဒေသတွင်း တရုတ်၏ သြဇာလွှမ်းမိုးမှုကို တိမ်းညွတ်လာစေမည့် အရေးကို ထိန်းညှိပေးလာနိုင်မည် ဖြစ်ပါသည်ဟု Carnegie Endowment for Peace မှ ဒုတိယဥက္ကဋ္ဌ Douglas H Pool က ရေးသားထားပါသည်။


--~--~---------~--~----~------------~-------~--~----~
The information from this group yangonchronicle2010 were allowed to be reposted on the website named http://transparencymyanmar2010.blogspot.com/   upon their request.

-~----------~----~----~----~------~----~------~--~---

13 Nov 2009

Xinhua News

          မြန်မာနိုင်ငံသည် ဘာရိန်းနိုင်ငံနှင့် သံတမန်ဆိုင်ရာ ဆက်သွယ်မှုကို စတင်ထူထောင်လိုက်ပြီး သံအမတ်ကြီးအဆင့် ထားရှိမည်ဟု အစိုးရပိုင် မြန်မာ့အလင်းသတင်းစာက သောကြာနေ့တွင် ဖော်ပြ ထားပါသည်။

          သံတမန်ဆက်သွယ်ရေးထူထောင်ခြင်းဆိုင်ရာ ပူးတွဲသတင်းထုတ်ပြန်ချက်ကို ကုလသမဂ္ဂ ဆိုင်ရာ မြန်မာနှင့် ဘာရိန်းကိုယ်စားလှယ်များက နယူးယောက်တွင် အင်္ဂါနေ့က လက်မှတ်ရေးထိုးခဲ့ သည်ဟု သိရှိရပါသည်။

          မြန်မာနိုင်ငံသည် ယခုနှစ်အတွင်း အင်ဒိုရာ၊ ဇင်ဘာဘွေနိုင်ငံများ ပြီးနောက် ယခုဘာရိန်းနှင့် သံတမန်ဆက်ဆံခဲ့ခြင်းဖြစ်ပြီး ၁၉၄၈ ခု လွတ်လပ်ရေးရရှိစဉ်ကစ၍ ယခုအထိ ဆက်သွယ်မှုရှိသော နိုင်ငံပေါင်း ၁၀၀ ခန့်ရှိခဲ့ပြီးဖြစ်သည်။

          နိုင်ငံခြားရေး ဝန်ကြီးဌာနသတင်းများအရ မြန်မာနိုင်ငံသည် နိုင်ငံပေါင်း ၃၀ တွင် သံရုံးများ ထူ ထောင်ပြီး နယူးယောက်နှင့် ဂျီနီဗာတွင် အမြဲတမ်း ကိုယ်စားလှယ် ဦးထားရှိကာ တရုတ်ဟောင်ကောင်၊ ကူမင်း၊ နန်နင်းနှင့် အိန္ဒိယ ကာလကတ္တားတွင် ကောင်စစ်ဝန်များ ထားရှိသည်ဟု ဆိုပါသည်။

          မြန်မာနိုင်ငံတွင် သံရုံး ဖွင့်လှစ်ထားသော နိုင်ငံ၊ ၂၈ နိုင်ငံရှိပြီး ကောင်စစ်ဝန်များအနေနှင့် အိန္ဒိယနှင့် တရုတ်က မန္တလေးတွင်လည်းကောင်း၊ ဆွစ်ဇာလန်က ရန်ကုန်တွင် လည်းကောင်း၊ ဘင်္ဂလားဒေ့ရ်ှက စစ်တွေတွင်လည်းကောင်း ထားရှိသည်ဟု ဆိုပါသည်။


--~--~---------~--~----~------------~-------~--~----~
The information from this group yangonchronicle2010 were allowed to be reposted on the website named http://transparencymyanmar2010.blogspot.com/   upon their request.

-~----------~----~----~----~------~----~------~--~---

By Linda Mottram , Singapore

From Radio Australia News

12 Nov 2009

          သြစတြေးလျအစိုးရသည် မြန်မာနိုင်ငံကို လက်ရှိပေးနေသော လူသားချင်း စာနာ ထောက်ထားသည့် အကူအညီများအပြင် ဖွံ့ဖြိုး တိုးတက်ရေးအတွက် အကူအညီများ ပေးရေးအတွက် စဉ်းစားလျက်ရှိကြောင်း သြစတြေးလျ နိုင်ငံခြားရေးဝန်ကြီး Stephen Smith က ပြောကြားလိုက်ပါသည်။

          အမေရိကန်ပြည်ထောင်စုက မြန်မာနိုင်ငံကို ချဉ်းကပ်မှုအသစ်ကြောင့် သြစတြေးလျကလည်း ယင်းသို့ စဉ်းစားလာခဲ့ခြင်း ဖြစ်ပါသည်။ အမေရိကန်သည် စစ်အစိုးရကို ဆက်သွယ် စကားပြောရန် ကြိုးစားလျက်ရှိပြီး အခြားနိုင်ငံများ၊ အထူးသဖြင့် အာရှပစိဖိတ်ဒေသတွင်းတွင်လည်း ထိုသို့ လုပ်ဆောင် ကြရန် တိုက်တွန်းလျက် ရှိပါသည်။

          အမေရိကန်ပြည်ထောင်စုကဲ့သို့ပင် သြစတြေးလျကလည်း နိုင်ငံရေးအကျဉ်းသားများ လွတ် ပေးရန်နှင့် လာမည့်နှစ်တွင် လွတ်လပ်၍ တရားမျှတသော ရွေးကောက်ပွဲကို မြင်တွေ့လိုကြောင်း မစ္စတာ Smith က ပြောပါသည်။

          သြစတြေးလျအစိုးရသည် စစ်အစိုးရအား ဒီမိုကရေစီ ပြုပြင်ပြောင်းလဲမှုများ ခွင့်ပြုရန် တိုက်တွန်း အားပေးနိုင်မည့် နည်းလမ်းသစ်များ ကိုရှာဖွေနေကြောင်း ၎င်းကဆက်ပြောပါသည်။

          စစ်မှန်သော ဖွံ့ဖြိုးတိုးတက်မှု အကူအညီများ ပေးနိုင်ရေးကို မိမိတို့ စဉ်းစားနေကြောင်း၊ အထူးသဖြင့် လူမှုရေးပတ်ဝန်းကျင်အချို့တွင် အကူအညီပေးလိုကြောင်း ၎င်းကပြောပါသည်။

          သို့သော် မိမိတို့ စွန့်စားရမည် ဖြစ်ကြောင်း၊ စိတ်တူ သဘောတူ မိတ်ဆွေများနှင့် တိုင်ပင်ညှိနှိုင်းပြီးမှ လုပ်ဆောင်ရမည် ဖြစ်ကြောင်း မစ္စတာ Smith က ပြောသွားပါသည်။


--~--~---------~--~----~------------~-------~--~----~
The information from this group yangonchronicle2010 were allowed to be reposted on the website named http://transparencymyanmar2010.blogspot.com/   upon their request.

-~----------~----~----~----~------~----~------~--~---

          မြန်မာတပ်မတော် အစိုးရအနေဖြင့် ဒီမိုကရေစီခေါင်းဆောင် ဒေါ်အောင်ဆန်းစုကြည် ကိုယ်တိုင် ပါဝင်ယှဉ်ပြိုင်နိုင်သော သန့်ရှင်းလွတ်လပ်မှု အပြည့်အ၀ရှိသည့် ဒီမိုကရေစီ ရွေးကောက်ပွဲ တစ်ရပ်ကို ကျင်းပပေးရန် အမေရိကန်ပြည်ထောင်စုနှင့် အာဆီယံနိုင်ငံများက ပူးပေါင်းပြောဆို တိုက်တွန်းမည် ဖြစ်ကြောင်း အေပီသတင်းအရ သိရပါသည်။ ကျင်းပဆဲဖြစ်သည့် အမေရိကန် သမ္မတအိုဘားမားနှင့် အာဆီယံအဖွဲ့ဝင် ၁၀ နိုင်ငံမှ ခေါင်းဆောင်များ တွေ့ဆုံဆွေးနွေးပွဲ အပြီးတွင် ထုတ်ပြန်မည့် ပူးတွဲကြေညာချက်ကို ကိုးကား၍ အေပီသတင်းဌာနက သတင်းရေးသားလိုက်ခြင်း ဖြစ်သည်။

          အမေရိကန်နှင့် အာဆီယံတို့သည် မြန်မာ့အရေးနှင့် ပတ်သက်ပြီး အလားတူ တိုက်တွန်း ပြောဆိုမှုများ ပြုလုပ်ခဲ့ပြီး ဖြစ်သော်လည်း ယခုတစ်ကြိမ် ထုတ်ပြန်မည့် ကြေညာချက်မှာ နိုင်ငံရေး အရ ပိုမို သိသာ ထင်ရှားမည် ဖြစ်သလို အလေးအနက်သဘောလည်း ဆောင်မည် ဖြစ်သည်။ အိုဘားမားနှင့် အာဆီယံခေါင်းဆောင်များ ပထမဆုံး တွေ့ဆုံကြသည့် ထိပ်သီးဆွေးနွေးပွဲတွင် မြန်မာတပ်မတော် အစိုးရ ခေါင်းဆောင်များလည်း ပါဝင်သည်။

          အေပီသတင်းဌာနက ရရှိလိုက်သော မြန်မာ့အရေးဆိုင်ရာ ကြေညာချက်မူကြမ်းတွင် ၂၀၁၀ တွင်ကျင်းပမည့် ဒီမိုကရေစီရွေးကောက်ပွဲသည် လွတ်လပ်ပြီး တရားမျှတမှုရှိသော နည်းလမ်းကို ကျင့်သုံးကာ ကျင်းပပေးခြင်းမျိုး ဖြစ်ရမည်ဟု ရေးသားထားပြီး နိုင်ငံရေးသမားများ အားလုံးပါဝင်ခွင့် ရရှိကာ နိုင်ငံတကာအသိုင်းအဝိုင်း၏ ယုံကြည် စိတ်ချမှုမျိုးလည်း ရရှိနိုင်ရမည်ဟု သတိပေးထားသည်ကို တွေ့ရသည်။

          အမည်မဖော်လိုသူ အမေရိကန် အရာရှိကြီးတစ်ဦး၏ အဆိုအရ အဆိုပါ အာဆီယံနှင့် အမေရိကန် အစိုးရ ပူးတွဲကြေညာချက် မူကြမ်းကို ယခုအခါ ရေးဆွဲလျက်ရှိပြီး ထိပ်သီးဆွေးနွေးပွဲ အပြီးတွင် ထုတ်ပြန်မည်ဟု သိရသည်။

          အမေရိကန်အစိုးရသည် မြန်မာနိုင်ငံအပေါ် ထားရှိသည့် စီးပွားရေးပိတ်ဆို့မှု မူဝါဒချည်း သက်သက် ကျင့်သုံးခြင်းထက် စေ့စပ်ညှိနှိုင်းမှုများပါ ပြုလုပ်သွားရန် စီစဉ်ထားပြီး ဖြစ်သည်။ အဆိုပါ မူဝါဒသည် နှစ်များစွာ ကာလအတွင်း အမေရိကန်အစိုး၏ ပထမဆုံး မူဝါဒအပြောင်းအလဲ ဖြစ်သည်။ ဒေါ်အောင်ဆန်းစုကြည်ကို နေအိမ်အကျယ်ချုပ် ထိန်းသိမ်းထားခြင်းမှ အမြန်ဆုံး လွှတ်ပေးရန် တောင်းဆိုမှုများစွာ ထွက်ပေါ်နေသော်လည်း မြန်မာစစ်အစိုးရက ခေါင်းမာစွာ ငြင်းဆန်ပြီး နိုင်ငံတကာ အသိုင်းအဝိုင်းနှင့် အမေရိကန်တို့ကို မသိကျိုးကျွံ ပြုလုပ်လျက်ပင် ရှိသည်။

          အာဆီယံအဖွဲ့တွင် မြန်မာ  ပါဝင်နေသောကြောင့် အမေရိကန်ပြည်ထောင်စုက ချမှတ်ထားသော ပိတ်ဆို့ရေး မူဝါဒသည် အမေရိကန်နှင့် အာဆီယံတို့ အပြန်အလှန် ပူးပေါင်းဆောင်ရွက်မှု ပြုလုပ်ရာ ဟန့်တားနေသကဲ့သို့ ရှိသည်။ သို့သော် အဆိုပါမူဝါဒမှာ ပြီးခဲ့သည့် ရက်သတ္တပတ်ခန့်က အမေရိကန်အထူး သံတမန်များ မြန်မာနိုင်ငံသို့ လာရောက်ပြီး စစ်အစိုးရခေါင်းဆောင်များနှင့် စေ့စပ်ညှိနှိုင်းမှုများ ပြချိန်တွင် ပြောင်းလဲသွားခဲ့သည်။ ယခု ကျင်းပလျက်ရှိသည့် ထိပ်သီးဆွေးနွေးပွဲတွင် အမေရိကန်သမ္မတ အိုဘားမားနှင့် မြန်မာတပ်မတော် အစိုးရ ဝန်ကြီးချုပ်ဗိုလ်ချုပ်ကြီး သိန်းစိန်တို့ တစ်စားပွဲထဲ ထိုင်ကာ  တွေ့ဆုံစကားပြောခွင့် ရရှိကြလိမ့်မည်။

"အခု ကျွန်တော်တို့ ထုတ်ပြန်ဖို့ ကြိုးစားနေတဲ့ ကြေညာချက်ဟာ မြန်မာ့အရေးကို အကြောင်းပြပြီး အာဆီယံကို စိတ်အနှောင့်အယှက်ဖြစ်အောင် လုပ်ဖို့ မဟုတ်ပါဘူး။ ကျွန်တော်တို့အာဆီယံ ၁၀ နိုင်ငံစလုံးနဲ့ တွေ့ဆုံမှာပါ။ ဆွေးနွေးပွဲစကားဝိုင်းမှာ မြန်မာပါလို့ဆိုပြီး တခြားအဖွဲ့ဝင် ကိုးနိုင်ငံ ကို ပြဿနာရှာမှာလည်း မဟုတ်ပါဘူး" ဟု အမေရိကန် အမျိုးသားလုံခြုံရေးကောင်စီမှ အရာရှိဖြစ်သူ ဂျက်ဖရီဘေဒါက ပြောကြားသည်။

          "ကျွန်တော်တို့ စိတ်ရှုပ်နေတာ တစ်ခုကတော့ ဒီနှစ်ပိုင်းတွေမှာ မြန်မာနိုင်ငံနဲ့ အပြန်အလှန် ဆက်ဆံမှုမျိုး မလုပ်နိုင်ခဲ့တာကြောင့် အမေရိကန်အနေနဲ့ အာဆီယံတစ်ဖွဲ့လုံးနဲ့ပါ အပြန်အလှန် ဆက်ဆံမှုမျိုး မလုပ်နိုင်ခဲ့ဘူးဆိုတဲ့ အချက်ပါ" ဟု မစ္စတာဘေဒါက ပြောကြားသည်။

          မြန်မာနိုင်ငံသာ ဒီမိုကရေစီအသွင် ကူးပြောင်းမှု မပြုလုပ်နိုင်ပါက စီးပွားရေး ပိတ်ဆို့မှုများကို ဖယ်ရှားပေးမည် မဟုတ်ကြောင်း အမေရိကန်အစိုးရက အတိအလင်း သဘောထားထုတ်ပြန်ထား သည်။ "ဒါဟာ ထူးခြားတဲ့ ဖြစ်ရပ်တစ်ခုပါ။ အမေရိကန်နဲ့ အာဆီယံဟာ ထိပ်သီး ဆွေးနွေးမှုတွေ လုပ်တယ်ဆိုတာ တကယ့်ကို ထူးခြားတာပါ။ အရင်တုန်းကဆိုရင် မြန်မာ့အရေးဟာ တကယ့်ကို ပြဿနာ ဖြစ်စေတဲ့ကိစ္စတစ်ခု ဖြစ်ခဲ့ပါတယ်" ဟု စင်ကာပူ နိုင်ငံခြားရေးဝန်ကြီး ဂျော့ရိုးက ပြောကြား သည်။ အတောအတွင်း မြန်မာစစ်အစိုးရ၏ ထိပ်တန်း သံတမန်တစ်ဦးဖြစ်သော ဦးမင်းလွင်က ၎င်း တို့အစိုးရသည် ဒီမိုကရေစီခေါင်းဆောင် ဒေါ်အောင်ဆန်းစုကြည်ကို မကြာခင် လွှတ်ပေးဖွယ် ရှိကြောင်း၊ သို့အတွက်ကြောင့် ဒေါ်စုအနေဖြင့် ရွေးကောက်ပွဲ ဝင်ရောက်ယှဉ်ပြိုင်နိုင်မည် ဖြစ်ကြောင်း ပြောကြားသည်။

          မည်သို့ဆိုစေကာမူ မြန်မာစစ်အစိုးရက ဒေါ်အောင်ဆန်းစုကြည်ကို လွှတ်ပေးပြီး ဒီမိုက ရေစီရွေးကောက်ပွဲ ဝင်ရောက် ယှဉ်ပြိုင်ခွင့်ပြုမည်ဟူသော ကိစ္စမှာ ဖြစ်နိုင်ခြေမရှိပေ။ စစ်အစိုးရက ရေးဆွဲထားသော ဖွဲ့စည်းအုပ်ချုပ်ပုံ အခြေခံဥပဒေက ဒေါ်အောင်ဆန်းစုကြည်အား ရွေး ကောက်ပွဲသို့ ၀င်ရောက်ခြင်းမှ ဟန့်တားထားပြီး စစ်တပ်သြဇာအာဏာ ပိုမို ကြီးထွားရန်သာ ဦးတည်ထားသည်ကို တွေ့ရသည်။

အေပီသတင်းဌာန၏ US ASEAN to tell Myanmar to hold 'credible polls ကို ဘာသာပြန်ထားခြင်း ဖြစ်ပါသည်။



--
Posted By icypress to Sensible Rumour at 11/13/2009 03:29:00 AM