Transparency Myanmar

transparency.myanmar@gmail.com

DBC,2 Dec 2009     

မြန်မာ့ရေးရာ ကျွမ်းကျင်သူများ အဖွဲ့တစ်ဖွဲ့သည် ယနေ့ညတွင် အငြင်းပွားဖွယ် အနောက်နိုင်ငံ အရေးယူ ပိတ်ဆို့မှုများ၏ ထိရောက်မှုကို ဆွေးနွေးသုံးသပ်မည်ဖြစ်ပြီး အသစ်စတင် လိုက်သော နိုင်ငံတကာအသိုင်းအဝိုင်းနှင့် မြန်မာအစိုးရ၏ ဆက်ဆံညှိနှိုင်းမှုကိုလည်း ဆက်လက်သုံး သပ်မည်ဖြစ်သည်။

          ပါဝင်ဆွေးနွေးကြမည့်သူများမှာ သန့်မြင့်ဦး(ကုလသမဂ္ဂနိုင်ငံရေးဆိုင်ရာ မူဝါဒရေးဆွဲရေး ဌာနမှုးဟောင်း)၊ Mark Farmaner (Burma Campaign UK ညွှန်ကြားရေးမှုး)၊ Derek Tonkin (ထိုင်း နှင့် ဗီယက်နမ်ဆိုင်ရာ ဗြိတိသျှသံအမတ်ဟောင်းနှင့် လက်ရှိ Network Myanmar ဥက္ကဌ)နှင့် Brad Adams (လူ့အခွင့်အရေး စောင့်ကြည့်လေ့လာရေး အာရှဆိုင်ရာ အမှုဆောင် ဒါရိုက်တာ) တို့ ဖြစ်ပါသည်။

          မြန်မာနိုင်ငံအပေါ် တရုတ်၏ စီးပွားရေး ထောက်ပံ့ ကူညီမှုများကြောင့် ထိရောက်မှုအားနည်း ရသည်ဟု စွပ်စွဲမှုများရှိနေသော မြန်မာနိုင်ငံအပေါ် ပိတ်ဆို့ အရေးယူမှုများ၏ ရလဒ်နှင့် ပတ်သက်၍ အသေးစိတ် ပြန်လည် စစ်ဆေးနေသည့် အချိန်တွင် ယခုကဲ့သို့ သုံးသပ်ဆွေးနွေးပွဲကို ကျင်းပခဲ့ခြင်း ဖြစ်သည်။

          နှစ်ပေါင်းများစွာ ပစ်ပယ်၊ ပိတ်ဆို့ထားခဲ့သော မြန်မာစစ်ဖက် အုပ်ချုပ်သူများနှင့် စတင် ဆွေးနွေးမည်ဟု ဝါရှင်တန်က အောက်တိုဘာလတွင် ကြေညာခဲ့ပြီးနောက် မြန်မာနိုင်ငံအပေါ် အမေရိကန်နှင့် အီးယူ၏ ပိတ်ဆို့မှုများ၏ အနာဂတ်နှင့် ပတ်သက်၍ မှန်းဆချက်များ စတင် ပေါ်ထွက်ခဲ့ခြင်းဖြစ်သည်။

          အထက်ပါ ဆွေးနွေးသုံးသပ်မှုကို ဂရင်းနစ် စံတော်ချိန် ၁၈း၄၅ မှ စတင်၍ အင်တာနက် ပေါ်တွင် တိုက်ရိုက် လွှင့်တင်ထားမည် ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

cplash.com, By Camsikarra,3 Dec 2009

          အိန္ဒိယ၏ အရှေ့ဘက် အိမ်နီးချင်းနိုင်ငံဖြစ်သော မြန်မာနိုင်ငံတွင် စစ်တပ်မှ အုပ်ချုပ်လာခဲ့ သည်မှာ အတော်ကြာပြီဖြစ်သည်။ အရပ်ဖက် ရုံးများတွင်ပါ စစ်တပ်မှ နေရာယူထားသည်ကိုတွေ့ရှိရပါ သည်။ တိုင်းပြည်တွင် ဒီမိုကရေစီထူထောင်ရေးကို ၁၉၆၂ ခုနှစ် ဗိုလ်ချုပ်ကြီးနေဝင်းလက်ထက်မှစ၍ လွှင့်ပစ်ခဲ့ရာ ယနေ့အထိ ဖြစ်ပါသည်။

          ၁၉၆၂ ခုနှစ်မှစ၍ စစ်အာဏာရှင်စနစ်နှင့်ပတ်သက်၍ ဝေဖန်မှုများစွာရှိခဲ့ပြီး၊ ဝေဖန်မှုအများစု မှာ တိုင်းပြည်တွင်း လူ့အခွင့်အရေးချိုးဖောက်မှုများပင်ဖြစ်ပါသည်။ စစ်အစုိုးရအားအရပ်သားများမှ တိုက်ပွဲဝင်ရာတွင် အဓိက ပုဂ္ဂိုလ်မှာ ဒေါ်အောင်ဆန်းစုကြည်ဖြစ်ပါသည်။

          သူမသည် ဒီမိုကရေစီလှုပ်ရှားမှုများကြောင့် နေအိမ်တွင် အကျယ်ချုပ်ချထားခဲ့ရပြီး၊ သူမသည် နိုင်ငံတကာ ထောက်ခံမှုများကြောင့်လည်းကောင်း လူအများကြားတွင် ပေါ်ပြူလာဖြစ်မှုကြောင့်လည်း ထင်ရှားလာခဲ့ပါသည်။

          စစ်အစိုးရသည် ကမ္ဘာပေါ်ရှိ အဓိကအင်အားကြီးနိုင်ငံများ၏ နိုင်ငံရေးအရ ဘေးဖယ်ခြင်းကို ခံနေရပါသည်။ သို့သော် အိန္ဒိယ၊ ရုရှား၊ တရုတ်တို့နှင့် ဆက်ဆံရေးများ ဆက်လက်ရှိနေပါသည်။ တရုတ်နိုင်ငံဆိုလျှင် မြန်မာနိုင်ငံနှင့် နိုင်ငံရေး ဆက်ဆံမှုကိုပါ ထိန်းသိမ်းလျက် ရှိပါသည်။

          မြန်မာအစိုးရသည် ပြည်သူများအား ဖိနှိပ်မှုများ ပြုလုပ်လျက်ရှိပါသည်။ ပြည်သူများသည် မည် သည့် နိုင်ငံခြားသားကိုမျှ မဆက်ဆံရဲပေ။ အဘယ်ကြောင့်ဆိုသော် အစိုးရ၏ ပြစ်ဒဏ်ပေးမှု ခံရမည်ကို ကြောက်၍ဖြစ်သည်။ တစ်နိုင်ငံလုံးတွင် စပိုင်များ မွေးမြူထားပါသည်။

          ၂၀၀၈ ခုနှစ်မေလ ၂ ရက်နေ့နာဂစ်မုန်တိုင်း၏ တိုက်ခတ်မှုကြောင့် မုန်တိုင်းဒဏ်ခံရသော ဒေသများတွင် အကူအညီများ လိုအပ်နေသော်လည်း အစိုးရသည် တက်တက်ကြွကြွ မရှိလှကြောင်းကို ပြန်လည် ထူထောင်ရေးအတွက် လာရောက်သော နိုင်ငံတကာ အကူအညီပေးရေး၊ အေဂျင်စီများကို ငြင်းပယ်ခြင်း၊ ကြန့်ကြာအောင်လုပ်ခြင်းစသည်ဖြင့် အစိုးရကပြုမူသည်ကို ကြည့်၍သိနိုင်ပါသည်။

          ယခုအခါ စစ်အစိုးရသည် ၂၀၁၀ တွင် ရွေးကောက်ပွဲ ကျင်းပပေးမည်ဟု ပြောလာပါသည်။ ပါ တီ နှစ်ခုသာရှိသော ဒီမိုကရေစီလားမပြောတတ်ပေ။ ရွေးကောက်ပွဲ လုပ်ပေးရခြင်း၏ အဓိကရည်ရွယ် ချက်မှာ စည်းကမ်းပြည့်ဝသော ဒီမိုကရေစီ ဖော်ဆောင်ရန်ဟု ဆိုပါသည်။

          စည်းကမ်းပြည့်ဝသော ဒီမိုကရေစီ ဆိုသည်မှာ ဘာလဲဟု သိလိုလှပါသည်။

          အစိုးရဆိုသည်မှာ တိုင်းပြည်၏ အရေးကိစ္စများအတွက် ဦးစီးပဲ့ကိုင်ဖြစ်သည်။ ထို့ကြောင့် အစိုးရတိုင်းသည် တိုင်းပြည်ကို မရှိမဖြစ် စီမံခန့်ခွဲရမည်ဖြစ်ပြီး၊ တိုင်းပြည်တွင် နေထိုင်ကြသော တိုင်းသူ ပြည်သားများကို ပျော်ရွှင်၍ ကြွယ်ဝသော ဘဝများဖြစ်စေရန် ရည်ရွယ် အုပ်ချုပ်ကြရမည် ဖြစ်ပါသည်။

          ပွင့်ပွင့်လင်းလင်း ပြောရလျှင် အချို့အစိုးရများ တစ်ပါတီတည်းရှိသော အစိုးရဖြစ်စေဦးတော့၊ ယုတ်စွအဆုံး စစ်အစိုးရတစ်ခုပင် ဖြစ်နေစေဦးတော့ တိုင်းသူပြည်သားများသည် ပျော်ရွှင်နေသည်ဆို လျှင် ဘာမျှဖြစ်စရာအကြောင်းမရှိပေ။

          သို့သော် အစိုးရသည် ပါတီစုံ ဒီမိုကရေစီ အစိုးရဖြစ်စေ၊ နှစ်ပါတီ ဒီမိုကရေစီဖြစ်စေ၊ တစ်ပါတီ အစိုးရဖြစ်စေ၊ စစ်အစိုးရဖြစ်စေ၊ အာဏာရှင် အစိုးရဖြစ်စေ၊ ဖိနှိပ်ချုပ်ချယ်မှုများ ပြုလုပ်ခြင်း၊ အခြေခံ လူ့အခွင့်အရေးများကို ချိုးဖောက်ခြင်းများ ပြုလုပ်လာပြီဆိုလျှင်၊ ပြည်သူလူထုကလည်း အစိုးရကို တစ်စိမ်း သူလို ခံစားလာရလျှင် ပြဿနာ စတင်ပေါ်ပေါက် လာတော့မည် ဖြစ်ပါသည်။

          အစိုးရ၏ ဥပဒေသည် တိုင်းသူပြည်သားတစ်ယောက် ရသင့်သော အခြေခံ လူ့အခွင့်အရေးများ ကို ဖန်တီးပေးရမည် ဖြစ်သည်။ လွတ်လပ်စွာ ပြောဆိုခွင့်၊ လွတ်လပ်စွာ စီတန်းလှည့်လည်ခွင့်၊ အစိုးရအဖွဲ့များတွင် ပါဝင်ခွင့်ရရှိရေး၊ လူထုလုပ်ငန်းများတွင် ပါဝင်ခွင့်ရရှိရေး၊ စီးပွားရေးလုပ်ငန်းများ လုပ်ကိုင်ခွင့်ရရှိရေး၊ အစိုးရကို ဝေဖန်ပိုင်ခွင့် ရရှိရေး စသည့် အခြေခံ လူ့အခွင့်အရေးများကို အာမခံ ပေးရေးသည် အစိုးရ၏ အလုပ်ပင်ဖြစ်ပါသည်။

          အစိုးရချမှတ်ထားသော ဥပဒေများတွင် ရာဇဝတ်မှု ကျူးလွန်သူများကို ထိုက်သင့်သော ပြစ်ဒဏ်ပေးရေး၊ သာမန် နိုင်ငံသားများကိုလည်း ရာဇဝတ်မှု မကျူးလွန်အောင် နမူနာဖြစ်သင့်ပါသည်။

          အစိုးရတစ်ခုအတွက် အဆိုးရွားဆုံးသော လုပ်ရပ်မှာ ကိုယ့်တိုင်းသူပြည်သားများအပေါ် ဖိနှိပ် မှုများပြုလုပ်ခြင်းပင်ဖြစ်ပါသည်။

          အစိုးရဆိုသည်မှာ မိမိအုပ်ချုပ်သော တိုင်းပြည်၏ ပြည်သူများ၏ စောင့်ရှောက်သူ၊ အုပ်ထိန်းသူ ဖြစ်ပါသည်။ သို့သော် အစိုးရသည် မိမိကိုယ်စားပြုသော ပြည်သူများကို ဂရုမစိုက်တော့ဘူးဆိုလျှင် မည်သို့ပြောရမည်နည်း။

          မြန်မာနိုင်ငံတွင် စစ်အစိုးရက ၂၀၁၀ တွင် ရွေးကောက်ပွဲ ကျင်းပပေးမည်ဟု ကြားသိရသည် ဖြစ်ရာ မျှော်လင့်ချက်များစွာ ပေါ်ပေါက်လာပါသည်။ ရွေးကောက်ပွဲကို လွတ်လပ်၍ တရားမျှတသော ရွေးကောက်ပွဲ ဖြစ်စေချင်ပါသည်။ ပြည်သူ့ဆန္ဒအရ အနိုင်ရသူကို တိုင်းပြည်အား အုပ်ချုပ်ခွင့် ရစေချင် ပါသည်။

          အကယ်၍ ပြည်သူများက တစ်ပါတီစနစ်ပဲကြိုက်ကြိုက်၊ နှစ်ပါတီစနစ်ပဲကြိုက်ကြိုက်၊ ပြည်သူ့အကြိုက်ဖြစ်ပါစေ။

          သို့သော် မြန်မာနိုင်ငံ ပြင်ပမှ ပုဂ္ဂိုလ်များက တိုင်းပြည်၏ နိုင်ငံရေး အခြေအနေကို အကဲဖြတ်မည် ဆိုလျှင် မြန်မာ ပြည်သူပြည်သားများ အခြေခံ လူ့အခွင့်အရေးများ ရရှိရေးနှင့် လွတ်လပ်စွာ ပြောဆိုခွင့် မည်မျှရှိသည်ကို ကြည့်၍ အကဲဖြတ်ရလိမ့်မည်ဖြစ်ပါသည်။

          သို့ဖြစ်၍ အထက်ပါယဉ်ကျေးသော လူ့အဖွဲ့အစည်းမှ အခြေခံ ရပိုင်ခွင့်များကို ရရှိခဲ့ပြီးဖြစ်သည် ဆိုလျှင် ထိုအဖွဲ့အစည်းက မည်သည့် နိုင်ငံခြား တိုင်းပြည်များနှင့်မျှ မဆက်ဆံလိုဟု ဆိုလျှင် သူ့သဘော အတိုင်းသာဖြစ်သည်။ ကိစ္စမရှိပေ။

          အဓိကအချက်မှာ တိုင်းပြည်တွင်းမှ လူအများ သူ့ဘဝနှင့်သူ ပျော်ရွှင်နေဖို့သာ လိုရင်းဖြစ်ပါ သည်။ အကယ်၍ စစ်အစိုးရသို့မဟုတ် တပ်မတော် ထိပ်တန်းခေါင်းဆောင်များသည် တိုင်းပြည်တွင် ၎င်းတို့၏ အရေးပါမှု လျော့ပါးသွားမည်ကို မစိုးရိမ်တော့ဘဲ၊ တိုင်းပြည်၏ လုံခြုံရေး တာဝန်ကိုသာ ယူတော့မည် ဆိုလျှင် ပြည်သူများ၏ လေးစားမှုကို ရလာပေလိမ့်မည်ဖြစ်ပါသည်။

          ထို့ကြောင့် မြန်မာနိုင်ငံတွင် ကျင်းပမည့် ရွေးကောက်ပွဲသည် လွတ်လပ်၍ တရားမျှတပါစေဟု ကျွန်ုပ်မျှော်လင့်ပါသည်။ မြန်မာ ပြည်သူပြည်သားများသည် ပျော်ရွှင်ပြီး၊ ချမ်းသာသုခ ပြည့်ဝသော ဘဝများ ပိုင်ဆိုင်နိုင်စေရန် ကျွန်ုပ်မျှော်လင့်မိပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

umpo.org,1 Dec 2009

          မြန်မာနိုင်ငံရေး လေ့လာသူ သန့်မြင့်ဦးနှင့် တွေ့ဆုံ စကားပြောခဲ့စဉ် ဒတ်ခ်ျ နိုင်ငံခြားရေးဝန်ကြီး Maxime Verhagen က မြန်မာနိုင်ငံအတွင်း ဒီမိုကရေစီ ထွန်းကားရေး ချို့တဲ့မှု၊ ဖိနှိပ် ချုပ်ချယ်ခံနေရသော လူ့အခွင့်အရေး အနေအထား၊ နိုဘယ်ဆုရှင် ဒေါ်အောင်ဆန်းစုကြည်အပေါ် ပြုမူ ဆက်ဆံမှု၊ အထူးသဖြင့် သူမ၏ အကျယ်ချုပ် သက်တမ်းကို တိုးမြှင့်ခြင်းနှင့် လူမျိုးစု တပ်ဖွဲ့များကို စစ်ရေးအရ တိုက်ခိုက်မှု စသော ကိစ္စများနှင့် ပတ်သက်၍ စိုးရိမ် ပူပန်ကြောင်း အလေးအနက် ဖော်ပြခဲ့ပါသည်။

          မြန်မာနိုင်ငံတွင်းရှိ တိုးတက် ပြောင်းလဲမှုများကို နိုင်ငံတကာ အသိုင်းအဝိုင်းက ပိုမို ထိရောက်စွာ လွမ်းမိုးနိုင်မည့် နည်းလမ်းများနှင့် ပတ်သက်၍ အကြံဥာဏ်များ ဆွေးနွေး ဖလှယ်ရန် Verhagen နှင့် သန့်မြင့်ဦးတို့ တွေ့ဆုံခဲ့ခြင်း ဖြစ်သည်။ မြန်မာနိုင်ငံရေး လေ့လာသူ သမိုင်းပညာရှင် သန့်မြင့်ဦးသည် ယခင် ကုလသမဂ္ဂ အထွေထွေ အတွင်းရေးမှူးချုပ်ဟောင်း ဦးသန့်၏ မြေး ဖြစ်ပါသည်။ မြန်မာနိုင်ငံနှင့် ပီပီပြင်ပြင် တွေ့ဆုံ ဆွေးနွေး ညှိနှိုင်းခြင်းဖြင့် အစဆွဲမိနေပြီ ဖြစ်သော ဒီမိုကရေစီ တိုးတက်မှု လမ်းစကို မြှင့်တင် ဆောင်ရွက်နိုင်လိမ့်မည်ဟု ၎င်းက ယုံကြည်ထားပါသည်။

          နှစ်ပေါင်း အတန်ကြာ အရေးယူ ပိတ်ဆို့မှုများသည် မည်သည့်ရလဒ်မှ မရသည့်အဆုံး နယ်သာလန်သည်လည်း အခြားနိုင်ငံများ နည်းတူ မြန်မာနိုင်ငံတွင် အပေါင်းလက္ခဏာ ဆောင်သော တိုးတက်မှုများ ရရှိနိုင်မည့် နည်းလမ်းများကို ရှာဖွေနေပါသည်။ ၂၀၁၀ ရွေးကောက်ပွဲအတွက် ကြိုတင် ပြင်ဆင်သည့် ကာလတွင် ပိုမို ပွင့်လင်းသော အခြေအနေကို ဖန်တီးပေးရန်နှင့် ဒီမိုကရေစီဆိုင်ရာ ပြောင်းလဲမှုများကို အားပေးရန် မျှော်လင့်ချက်ဖြင့် မြန်မာ အာဏာပိုင်များနှင့် တိုက်ရိုက် ဆွေးနွေးမှုများ စတင်မည့် ရည်ရွယ်ချက်ကို အမေရိကန် အစိုးရသစ်က မကြာသေးမီက ထုတ်ပြန် ကြေညာခဲ့ပါသည်။

          အထက်ပါ လမ်းကြောင်းအတိုင်း ပါဝင်ဆောင်ရွက်ရေးနှင့် ပတ်သက်ပြီး ဥရောပ သမဂ္ဂတွင် လည်း ဆွေးနွေးမှုများ ပြုလုပ်နေပါသည်။ ယခင် ချမှတ်ထားသော အရေးယူ ပိတ်ဆို့မှုများကို ဆက်လက် ထားရှိဦးမည် ဖြစ်၍ မြန်မာအစိုးရက မှန်ကန်သော လမ်းကြောင်းအတိုင်း လုပ်ကိုင် ဆောင်ရွက်မှသာလျှင် အရေးယူမှုများကို ဖြေလျော့ပေးမည် ဖြစ်ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News,Dec - 2009

        ပြဿနာ အကျပ်အတည်း ဖြစ်ပွားနေသော ဒါဖာ ဒေသရှိ ကုလသမဂ္ဂ ဦးဆောင်သော အာဖရိက သမဂ္ဂ ငြိမ်းချမ်းမှု ထိန်းသိမ်းရေး တပ်ပေါင်းစု၏ အကြီးအကဲ ရာထူးကို နိုက်ဂျီးရီးယား သံတမန် အီဗရာဟင် ဂမ်ဘာရီက ရရှိသွားသည်ဟု ကုလသမဂ္ဂက ထုတ်ပြန် ကြေညာပါသည်။

          မစ္စတာ ဂမ်ဘာရီသည် နိုက်ဂျီးရီးယား နိုင်ငံခြားရေး ဝန်ကြီးဟောင်း ဖြစ်၍ လက်ရှိ မြန်မာနိုင်ငံ ဆိုင်ရာ ကုလသမဂ္ဂ အထူး ကိုယ်စားလှယ်အဖြစ် တာဝန် ထမ်းဆောင် နေပါသည်။

          ၎င်းသည် အဆိုပါ ရာထူးကို ၂၀၁၀ ခုနှစ်၊ ဇန်နဝါရီ (၁) ရက်တွင် လက်ခံလိမ့်မည်ဟု ကုလ အတွင်းရေးမှူးချုပ် ဘန်ကီမွန်၏ ပြောရေးဆိုခွင့် ရှိသူက ပြောကြားပါသည်။

          ယခုနှစ် အစောပိုင်းက ရာထူးမှ နှုတ်ထွက်သွားသူ ကွန်ဂို သံတမန် ရိုဒိုဖီအေဒါဒါ ၏ နေရာတွင် မစ္စတာ ဂမ်ဘာရီက အစားထိုး တာဝန်ယူမည် ဖြစ်သည်။

          အထက် ဖော်ပြပါ ဒါဖါဒေသတွင် ယခုလများအတွင်း အကြမ်းဖက်မှုများ အကြိမ်ကြိမ် ဖြစ်ပွားနေပါသည်။

          ဆူဒန် မြို့တော် ခါတွန်ရှိ ဆူဒန် အစိုးရ၏ မတရား ဖိနှိပ်မှု၊ လျစ်လျူရှုမှုများကို မခံနိုင်သော ကလက် အာဖရိကန် လူမျိုးစု သူပုန် တပ်ဖွဲ့များက လက်နက်ကိုင် တော်လှန်ခဲ့သောကြောင့် ၂၀၀၃ ခုနှစ်မှစ၍ ဒါဖါဒေသတွင် အကြမ်းဖက်မှုများ ဖြစ်ပွားခဲ့ခြင်း ဖြစ်သည်။

          အစိုးရ ထောက်ခံသူ အာရမ် စစ်သွေးကြွများက ဘလက် အာဖရိကန် လူမျိုးများကို ဦးတည်၍ အကြမ်းဖက်မှုများ စတင် လုပ်ဆောင်ခဲ့ပါသည်။

          ပြဿနာ ဖြစ်ပွားခဲ့သော (၆) နှစ်တာ ကာလအတွင်း လူပေါင်း (၇) သိန်းခန့် အသတ်ခံရသည်ဟု ကုလသမဂ္ဂက ပြောကြားခဲ့ပြီး ခါတွန် (ဆူဒန်အစိုးရ) ကမူ လူပေါင်း တစ်သောင်းခန့်သာ သေဆုံးသည်ဟု ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

DBV,3 - Dec - 2009

        မြန်မာနိုင်ငံ၏ ဆိုင်ကလုန်း ဒဏ်ခံ ဧရာဝတီ မြစ်ဝကျွန်းပေါ်ဒေသတွင် အရေးပေါ် လယ်ယာ စိုက်ပျိုးရေး အထောက်အပံ့များ လိုအပ်နေဆဲ ဖြစ်၍ စိုက်ပျိုးရေး ကဏ္ဍအတွက် အစိုးရ၏ ရန်ပုံငွေ ထောက်ပံ့မှုမှာ လုံလောက်မှုမရှိဟု လယ်သမားများက ဖွင့်ဟ ပြောကြားပါသည်။

          ယခင်နှစ် မေလက ဆိုင်ကလုန်းကြောင့် ပျက်စီးသွားခဲ့ရသော ပတ်ဝန်းကျင်ကို ယခုထိ ပြန်လည် ထူထောင်နေရဆဲ ဖြစ်သည်။ ဆိုင်ကလုန်းကြောင့် ဆိုးဆိုးဝါးဝါး ပျက်စီးခဲ့ရသော ဘိုကလေးနှင့် လပွတ္တာမြို့နယ်များမှ ဒေသခံများမှာ လယ်ယာထွက်ကုန် ကျဆင်းမှု ရလဒ်ကို တွေ့ကြုံ ခံစားနေရပါသည်။

          တစ်ဧကလျှင် ချေးငွေ (၈,၀၀၀) ကျပ် (၈ ဒေါ်လာ) ထောက်ပံ့မည့် အစိုးရ၏ စိုက်ပျိုးစရိတ် ချေးငွေ အစီအစဉ်သည် လုံလောက်မှု မရှိဟု လယ်သမားတစ်ဦးက ဖြေကြားပါသည်။

          အစိုးရပိုင် လယ်ယာ စိုက်ပျိုးရေးဘဏ်တွင် ဝန်ထမ်းများစွာ ရှိကြောင်း ၎င်းတို့ကို ခရီးသွားစရိတ် ပေး၍ ကျေးလက်ဒေသ အရောက် ချေးငွေ ဖြန့်ဝေပေးနိုင်ပါက အချိန်နှင့် ငွေများစွာ သက်သာသွားမည်ဟု ၎င်းက ဆိုပါသည်။

          တစ်ဧက ချေးငွေ (၈,၀၀၀) ကျပ်သည် ဘာမှ သုံးလို့ မရပါ။ တစ်ဧက၏ စိုက်ပျိုးစရိတ်သည် (၇) သောင်းမှ (၈) သောင်းကျပ် (ဒေါ်လာ ၇၀ မှ ၈၀) အတွင်း ကုန်ကျပါသည်။ အစိုးရက တစ်ဧက ချေးငွေ (၅) သောင်းကျပ် (ဒေါ်လာ ၅၀) ထုတ်ပေးနိုင်မည် ဆိုပါက အဆင်ပြေဖွယ် ရှိသည်ဟု အဆိုပါ လယ်သမားက ပြောကြားပါသည်။

          နာဂစ်စ် အလွန် ပြန်လည် ထူထောင်ရေးနှင့် ပြင်ဆင်ရေး အစီအစဉ် သတင်းများအရ ဆိုင်ကလုန်းကြောင့် ပျက်စီးသွားသော လယ်မြေ ဧရိယာ (၇၈၃,၀၀၀) ဟက်တာခန့် ရှိသည်ဟု သိရပါသည်။ မြစ်ဝကျွန်းပေါ်ဒေသနေ မိသားစုများ၏ (၆၀ %) သည် စိုက်ပျိုးရေးလုပ်ငန်းမှ ရရှိသော အဓိက ဝင်ငွေကို မှီခိုရသူများ ဖြစ်ပါသည်။

          ဧရာဝတီ မြစ်ဝကျွန်းပေါ် ပုလိုင်းကြီး စံပြကျေးရွာတွင် နေထိုင်သော နာဂစ်စ် ဒုက္ခသည်များမှာ ခြိုးခြံချွေတာ၍ အဆက်မပြတ် ရုန်းကန်နေရပြီး ၎င်းတို့၏ ဇာတိဒေသသို့ ပြန်ခွင့်ပြုရန် တောင်းဆိုနေကြသည်ဟု သိရှိရပါသည်။

          အဆိုပါ ကျေးရွာတွင် နေထိုင်သူ (၅၀ %) မှာ ဆိုင်ကလုန်းကြောင့် ပျက်စီးသွားသော အခြားရွာများမှ ဒုက္ခသည်များ ဖြစ်ပါသည်။

          ၎င်းတို့ဒေသသို့ ပေးနေသော နိုင်ငံတကာ အထောက်အပံ့များ ရပ်တန့်သွားမှုနှင့် ဇာတိဒေသသို့ မပြန်ရန် အစိုးရက တင်းကြပ်စွာ တားမြစ်မှုတို့ကြောင့် ရွာသားများ၏ အနေအထားမှာ ပိုမို ဆိုးဝါးနေပါသည်။

          မြစ်ဝကျွန်းပေါ် ဒေသရှိ လူပေါင်း (၁၇၈,၀၀၀) ခန့်မှာ လုံလောက်သော အမိုးအကာ မရှိသေးဟု ကုလသမဂ္ဂက ယခင်လက ထုတ်ပြန် ကြေညာပါသည်။ အများစုမှာ ယခင်နှစ် မေလ နာဂစ်စ်အပြီးတွင် ဖြန့်ဝေထားသော တာပေါ်လင် အမိုးများဖြင့် နေထိုင်နေရဆဲ ဖြစ်သည်။ နာဂစ်ဒဏ်ခံ ဒေသများသို့ နိုင်ငံခြား ကယ်ဆယ်ရေး လုပ်သားများ လာရောက်ခြင်းကို အစိုးရက တားမြစ်ထားသောကြောင့် ကယ်ဆယ် ကူညီရေး လှုပ်ရှားမှုများမှာ အဟန့်အတားများနှင့် ရင်ဆိုင်နေရပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

VOA News,3 - Dec - 2009

        ဆိုမာလီယာ နိုင်ငံသားများဟု ယူဆရသော ပင်လယ်ဓားပြ (၁၃) ဦးကို အိုမန် ကမ်းလွန်တွင် ကုန်သင်္ဘောတစ်စီးကို အပိုင်စီးရန် ကြိုးစားစဉ် ဖမ်းဆီးရမိခဲ့သည်ဟု ဒတ်ခ်ျရေတပ်က ပြောကြားပါသည်။

          ဒတ်ခ်ျ ကာကွယ်ရေး ဝန်ကြီးဌာန၏ သတင်း ထုတ်ပြန်ချက်အရ ပင်လယ်ဓားပြများသည် BBC Togo ကုန်သင်္ဘောသို့ စပိဒ်ဘုတ်များဖြင့် ဗုဒ္ဓဟူးနေ့က ချဉ်းကပ်ခဲ့ပြီး ကုန်သင်္ဘောကို သေနတ်ဖြင့် ပစ်ခတ်ခဲ့သည်ဟု ဆိုပါသည်။ ပင်လယ်ဓားပြများသည် သင်္ဘောပေါ်သို့ တက်ရန် ကြိုးစားခဲ့သော်လည်း သံဆူးကြိုးများဖြင့် ကာကွယ်ထားသော အတားအဆီးများကို ကျော်လွှားနိုင်ခြင်း မရှိခဲ့ဟု သိရပါသည်။

          အကြီးစား ကုန်သင်္ဘောမှ ဆုတ်ခွာလာသော ပင်လယ်ဓားပြများကို ဆာလာလား၏ တောင်ဘက် (၂၈၀) ကီလိုမီတာအကွာ ပင်လယ်ပြင်တွင် ဖမ်းဆီးမိခဲ့သည်ဟု ဒတ်ခ်ျ ရေတပ်မတော်က ပြောပါသည်။

          ပင်လယ်ဓားပြများ ဖမ်းဆီးထားသည့် တန်ဇန်းနီးယား တံငါသည် (၂) ဦးကို ပြန်လွှတ်ပေးခဲ့ပြီး အေကေ (၄၇) ရိုင်ဖယ် သေနတ်များနှင့် ဒုံးပစ်လောင်ချာများ အပါအဝင် လက်နက်များလည်း သိမ်းဆည်းခဲ့သည်ဟု သိရပါသည်။

          ယခု အိုမန် ကမ်းခြေ ဖမ်းဆီးမှု အပြီးတွင် ကြားသိရသော အခြားသတင်းတစ်ရပ်အရ ဆိုမာလီယာ ပင်လယ်ဓားပြများသည် (၆) လကြာ ဖမ်းဆီးထားခဲ့သော ဂျာမန်ပိုင် ကုန်သင်္ဘော တစ်စင်းနှင့် သင်္ဘောသား (၁၀) ဦး အဖွဲ့ကို လွှတ်ပေးခဲ့သည်ဟု ဆိုပါသည်။

          ကြာသပတေးနေ့တွင် အီးယူက ထုတ်ပြန်သော အထက်ပါ ကြေညာချက်တွင် ပြန်ပေးငွေ ပေးရခြင်း ရှိ / မရှိကို ဖေါ်ပြခြင်း မရှိပါ။

          အန်တီဂွါ နှင့် ဘာဘူဒါ အလံ လွှင့်တင်ထားသော Mr Charelle သင်္ဘောကို အိုမန် တောင်ပိုင်း (၉၅) ကီလိုမီတာ အကွာအဝေးရှိ ပင်လယ်ပြင်တွင် ဇွန်လ (၁၂) ရက်၌ ပင်လယ်ဓားပြများက အပိုင်စီးခဲ့ခြင်း ဖြစ်သည်။

          အဆိုပါ ဒေသအတွင်း ပင်လယ်ဓားပြ အပိုင်စီးမှုများမှာ လွန်ခဲ့သော (၁၈) လ အတွင်း လျင်မြန်စွာ တိုးပွားလာခဲ့ပါသည်။ ၂၀၀၉ ခုနှစ်အတွင်း ဆိုမာလီ ကမ်းခြေ ပင်လယ်ဓားပြ တိုက်ခိုက်မှုများမှာ ယခင်နှစ် စာရင်းများထက် ကျော်လွန်သွားခဲ့ပြီး ဖြစ်သည်ဟု International Maritine Bureau က ထုတ်ပြန် ကြေညာပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

CNN,4 - Dec - 2009

        အယ်ကိုင်ဒါ ခေါင်းဆောင် Osama Bin Laden သည် ပါကစ္စတန်နိုင်ငံ၏ တောင်ကြားများတွင် ပုန်းအောင်းနေသည် ဆိုသည့် သတင်းကို ပါကစ္စတန်နိုင်ငံ ဝန်ကြီးချုပ်က ကြာသပတေးနေ့က ငြင်းဆို ခဲ့ပါသည်။ ထိုသတင်းကြောင့် အကြမ်းဖက်သမား နှိမ်နင်းရေးနှင့် ပတ်သက်၍ အစ္စလာမ် မာဘတ်သို့ တစ်ကမ္ဘာလုံးက ဖိအားပေးခဲ့ကြပါသည်။

          ဗြိတိန်နိုင်ငံရောက် ပါကစ္စတန် ဝန်ကြီးချုပ် Yousaf Raza Gilani သည် ဗြိတိန် ဝန်ကြီးချုပ် Gordon Brown နှင့် ပူးတွဲ သတင်းစာ ရှင်းလင်းပွဲတွင် မိမိတို့သည် အကြမ်းဖက်မှု နှိမ်နင်းရေးအတွက် တိုက်ပွဲများ ဆင်နွှဲလျက်ရှိကြောင်း ပြောကြားခဲ့ပါသည်။

          မိမိတို့တွင် ကာကွယ်ရေး အင်အား ကောင်းကောင်း ရှိကြောင်း၊ အမေရိကန် ပြည်ထောင်စုနှင့် ထောက်လှမ်းရေး ပူးပေါင်း ဆောင်ရွက်မှုများ ရှိကြောင်းနှင့် Osama Bin Laden သည် ပါကစ္စတန်နိုင်ငံတွင် ရှိနေသည်ဟု မိမိ မထင်ကြောင်း ၎င်းက ပြောပါသည်။

          ၂၀၀၁ ခုနှစ်တွင် အယ်ကိုင်ဒါတို့ အမေရိကန်နိုင်ငံကို တိုက်ခိုက်အပြီးတွင် အာဖဂန် နစ္စတန်နိုင်ငံတွင် အဓိက စစ်ရေးအရ တိုက်ခိုက်မှုများ ဖြစ်ပွားခဲ့ပြီး၊ Bin Laden ၏ နေရာကို မရှာဖွေနိုင်ခဲ့ပါ။ ထိုစဉ်ကတည်းက ပါကစ္စတန်နိုင်ငံသည် Bin Laden ပုန်းအောင်းနေသည်ဟု သံသယ ရှိသည့် နေရာများကို မှန်မှန်စုံစမ်း ဖော်ထုတ်ခဲ့သည်ဟု ဆိုပါသည်။

          ဗြိတိသျှ ဝန်ကြီးချုပ် Brown သည် ဗြိတိန် မြေပေါ်တွင်ပါ ခြိမ်းခြောက်လာနေသော အကြမ်းဖက်သမားများအား တိုက်ဖျက်ရန် ပါကစ္စတန်သို့ ပေါင်သန်း (၅၀) (အမေရိကန်ဒေါ်လာ ၈၃ သန်း) အကူအညီပေးရန် ကြာသပတေးနေ့က စီစဉ်ခဲ့ပါသည်။ Brown သည် ယခင်က ပါကစ္စတန်အား Bin Laden အား ခြေရာခံနိုင်ခြင်း မရှိ၍ ဝေဖန်ခဲ့ဖူးပါသည်။

          ယခုတိုက်ပွဲများသည် ပါကစ္စတန်၏ တိုက်ပွဲ ဖြစ်သလို၊ ဗြိတိသျှတို့၏ တိုက်ပွဲလည်း ဖြစ်ကြောင်း Brown က Gilani သို့ ပြောကြားခဲ့ပါသည်။ အစ္စလာမ် မာဘတ် မြောက်ပိုင်း Swat တောင်ကြား၌ ပါကစ္စတန် တာလီဘန်များ နေရာယူထားသော ဒေသများကို မကြာသေးမီက ပါကစ္စတန်တို့ စစ်ဆေးရေးများ ပြုလုပ်ခဲ့ရာ၊ ဗြိတိသျှတို့က အဆိုပါ စစ်ဆင်ရေး တိုးမြှင့် လုပ်ဆောင်နိုင်ရန် အားပေးခဲ့ပါသည်။

          "ပြီးခဲ့တဲ့ လများအတွင်း အဆွေတော်ရဲ့ ခေါင်းဆောင်မှုများဟာ အလွန် အရေးပါခဲ့တယ်" ဟု Brown က Gilani သို့ ပြောကြားခဲ့ပါသည်။

          ယခုအပတ် အစောပိုင်းက Brown သည် ဗြိတိသျှ စစ်သား (၅၀၀) ကို အာဖဂန် နစ္စတန်သို့ စေလွှတ်ရန် စီစဉ်ခဲ့ပါသည်။ ထို့အပြင် အမေရိကန် သမ္မတ Barack Obama ကလည်း ပါကစ္စတန်နှင့် အာဖဂန် နစ္စတန် နယ်စပ်တစ်လျှောက် အကြမ်းဖက်သမားများ နှိမ်နင်းရန် အမေရိကန် တပ်ဖွဲ့ (၃၀၀၀၀) စေလွှတ်ရန် စီစဉ်ခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ကင်ဂျုံအီလ် ခေါင်းဆောင်သော မြောက်ကိုရီးယား ကွန်မြူနစ်အစိုးရက ယခု တစ်ပတ်အတွင်း ငွေကြေး ပြုပြင်ပြောင်းလဲမှုများ ပြုလုပ်မည်ဟု သတင်း ထုတ်ပြန် လိုက်သည်။ ဤသို့ပြုလုပ်ခြင်းသည် စီးပွားရေးစနစ် ကောင်းတစ်ခုနှင့် ပတ်သက်မှုမရှိပေ။ သို့သော် Wall Street Journal ၏ အဆိုအရ မြောက်ကိုရီးယား ငွေကြေး ပြုပြင် ပြောင်းလဲမှုသည် ပြုံယမ်း အစိုးရ၏ ပရိယာယ်တစ်ခု ဖြစ်သည်။ စွန့်ဦး တီထွင်နိုင်သူ လူတန်းစားများ ကြီးထွားလာရေး အတွက် ဖြတ်လမ်းတစ်ခုကို ပရိယာယ်ဖြင့် ရွေးချယ်လိုက်ခြင်း ဖြစ်သည်ဟု ဆိုသည်။

ပုံမှန်ဘောဂဗေဒ စည်းမျဉ်းအရ ပြောပါက ငွေကြေး ပြုပြင်ပြောင်းလဲမှုများ ပြုလုပ်ခြင်းသည် ဆိုးရွားသော ပြဿနာ မဟုတ်ပေ။ တည်ငြိမ်မှု ရှိသော အစိုးရ အတော်များများသည် လွဲမှားသော စီးပွားရေး ပေါ်လစီများကို ပြန်လည်ပြင်ဆင် ရေးဆွဲနိုင်ရန် အလားတူ ငွေကြေး ပြုပြင်ပြောင်းလဲမှုများ လုပ်ဆောင်လေ့ ရှိသည်မှာ ဓမ္မတာပင် ဖြစ်သည်။

မှန်ကန် ကောင်းမွန်သော ငွေကြေး ပြုပြင်ပြောင်းလဲမှုဟု ဆိုရာတွင် ဈေးကွက်တွင်း အသုံးပြုလျက် ရှိသော ငွေစက္ကူဟောင်းများကို တဖြည်းဖြည်းချင်း ပျောက်ကွယ်အောင် ဖျက်သိမ်းပြီး ငွေစက္ကူသစ်များ ရိုက်နှိပ်ထုတ်ဝေခြင်း၊ ငွေမာများဖြစ်သော ဒေါ်လာနှင့် ယူရို အစရှိသည့် ငွေများကို ပြည်သူများ အလွယ်တကူ ယုံကြည်စိတ်ချစွာ အသုံးပြုနိုင်ရန် အစိုးရက တာဝန်ယူပေးခြင်း တို့ကို ဆိုလိုပေသည်။

ဤသို့ဖြင့် မက်ခရိုစီးပွားရေးဆောင်ရွက်ချက်များကို ပြုလုပ်နိုင်မည်ဖြစ်သည်။  ယခုနှစ်များအတွင်း တူရကီနှင့် ဂါနာ နိုင်ငံတို့သည် ငွေကြေးပြုပြင်ပြောင်းလဲမှုများကို အောင်မြင်စွာအကောင်အထည်ဖော်နိုင်ခဲ့လေသည်။

မြောက်ကိုရီးယား ကွန်မြူနစ် အစိုးရက ပြုလုပ်သော ငွေကြေးပြုပြင် ပြောင်းလဲမှုများမှာ အထက်ပါ နည်းလမ်းများနှင့် အတော့်ကို ကွဲလွဲလေသည်။ တူရကီနှင့် ဂါနာတို့က ပြည်သူများ လက်ဝယ်ရှိသော ငွေစက္ကူဟောင်းများ အားလုံးကို အဆင်ပြေ ချောမွေ့စွာ လဲလှယ်နိုင်ရန် ပြုလုပ်နိုင် ခဲ့သော်လည်း ပြုံယမ်းအစိုးရကမူ ငွေကြေးများကို အကန့်အသတ်ဖြင့်သာ လဲလှယ်ခွင့်ပြုခဲ့သည်။ သို့အတွက်ကြောင့် ဝမ်ငွေစက္ကူဟောင်း ကိုင်ဆောင်သူများ အကြား ရုတ်ရုတ်သဲသဲ ဖြစ်ခဲ့ရသည်။

မည်သည့် စီးပွားရေး ပြုပြင်ပြောင်းလဲမှုမဆို အခွင့်အလမ်း များစွာကို ဖန်တီးပေးနိုင်သည် ချည်းသာပင် ဖြစ်သည်။ ၂၀၀၂ ခုနှစ်တွင် ပြုလုပ်ခဲ့သော ဈေးနှုန်းနှင့် လုပ်အားခများ ပြုပြင်ပြောင်းလဲမှုသည် မြောက်ကိုရီးယား စစ်တပ်အတွက် အတော့်ကို အကျိုးအမြတ် ထွက်ပေါ်ခဲ့သည်။

ယခု ပြောင်းလဲမှုသည် ဈေးကွက်အင်အား ခေါင်းထောင်လာမှုနှင့် ဓနအင်အား ဖန်တီးနိုင်စွမ်းကို လျှော့ချနိုင်အောင် ပြုလုပ်လိုသည့် မြောက်ကိုရီးယား အစိုးရ၏ ဗျူဟာတစ်ရပ်ပင် ဖြစ်လေသည်။ မြောက်ကိုရီးယား အရင်းရှင် စီးပွားရေးစနစ်တွင် စက်ရုံ လုပ်သားမှအစ အစိုးရ အရာရှိများ အထိပါဝင်သည်။ သို့သော် သူတို့အားလုံးသည် နိုင်ငံတွင်း ထွက်ရှိသော ဆန်ကြမ်း၊ ဂျုံကြမ်းမှ အစ တရုတ်ပြည်မှ တင်သွင်းသော ကုန်ပစ္စည်းများ အားလုံးကို ရောင်းဝယ်မှု ပြုလုပ်နိုင်သည် ဟူသော စီးပွားရေး အသိတရားများ ရိုက်ချိုး ခံထားရလေသည်။

အစိုးရ၏ ချုပ်ကိုင်မှုအောက်သို့ လုံးလုံးလျားလျား ရောက်ရှိနေသော မြောက်ကိုရီးယား လူ့အဖွဲ့အစည်းတွင် ပုဂ္ဂလိကကဏ္ဍနှင့် ပတ်သက်သော ဈေးကွက်ဟူသည် မိမိဘာသာ အသက်ဆက် လည်ပတ်ရန် မနည်း ကြိုးစားနေရသည့် သဘောတွင်ရှိသည်။

မြောက်ကိုရီးယား ပြည်သူများ အကြား တစ်ဦးနှင့် တစ်ဦး အစိုးရ မသိနိုင်အောင် အပြန်အလှန် အရောင်းအဝယ် ပြုလုပ်ခြင်းမျိုးသာ ဖြစ်သည်။ အစိုးရက အရာရာ ချုပ်ကိုင်ထားသည် ဆိုသော်လည်း ပုဂ္ဂလိက ဈေးကွက်မှာမူ အစိုးရနှင့် သီးခြားဖြစ်နေသည့် သဘောကို ဆောင်သည်။ သို့အတွက်ကြောင့် အစိုးရက စီးပွားရေးယန္တရားကြီး တစ်ခုလုံး နိုင်ငံတော်လက်အောက်မှ လွတ်ထွက်သွားမည့် သဘောမျိုးဖြစ်လာမည်ကို ပြုံယမ်းအစိုးရက စိုးရိမ် ပူပန်လာသောကြောင့် ငွေကြေးပြုပြင် ပြောင်းလဲမှုများ ပြုလုပ်ခြင်း ဖြစ်ပေသည်။

မှတ်တမ်းများ အရ ၁၉၄၈ ခုနှစ်တွင် နိုင်ငံစတင် ထူထောင်ခဲ့သည့် အချိန်မှစ၍ အစိုးရက ငွေကြေး ပြုပြင်ပြောင်းလဲမှု၊ သို့တည်း မဟုတ် အလားတူ စီးပွားရေး ပေါ်လစီ ပြောင်းလဲမှုများကို ၁၀ နှစ် တစ်ကြိမ် ပြုလုပ်လာခဲ့သည်။  ပုဂ္ဂလိကပိုင်ငွေကြေးများ၊ လုပ်အားများ နှင့် ပစ္စည်းများ အားလုံးကိုလည်း မကြာခဏဆိုသလို ပြည်သူပိုင် သိမ်းလေ့ရှိသည်။ ယခုနောက်ဆုံး ပြုလုပ်လိုက်သည့် မြောက်ကိုရီးယား ငွေကြေး ပြုပြင် ပြောင်းလဲမှုအတွက် စီးပွားရေး စေ့ဆော်မှု အတော်အတန် ပေါ်ထွက်ခဲ့ဟန်ရှိသည်။

မြောက်ကိုရီးယား နိုင်ငံတွင်း ဆန်စပါး စားသုံးမှု၏ သုံးပုံနှစ်ပုံမှာ ပြည်တွင်း ထုတ်လုပ်မှုကို မှီခို အားထားရသည်။ ကျန်ရှိသော တစ်ပုံမှာ နိုင်ငံတကာမှ ရရှိသော အကူအညီ အထောက်အပံ့ ဖြစ်သည်။ လက်ရှိ အခြေအနေတွင် ဆန်စပါးထွက်ရှိမှု ကျင်းဆင်းပြီး ကောက်ပဲသီးနှံ ဈေးနှုန်းများလည်း အလွန်အမင်း မြင့်တက်လျက် ရှိရာ လယ်သမားများသည် အစိုးရထက် မှောင်ခိုဈေးကွက်ကို ပိုမိုအားထား လာရသည့် သဘောသို့ ရောက်ရှိလာသည်။ ကုလသမဂ္ဂက ချမှတ်ပြဋ္ဌာန်းလိုက်သော ပိတ်ဆို့ အရေးယူမှု ကြောင့်လည်း နိုင်ငံဘဏ္ဍာရေး ကဏ္ဍတွင် ကမောက်ကမ ဖြစ်မှုများ ပိုမိုထွက်ပေါ် လာလေသည်။

ယခု ငွေကြေးပြုပြင် ပြောင်းလဲမှုများ ပြုလုပ်ခြင်းသည် ပြုံယမ်းအစိုးရက ပုဂ္ဂလိက အခန်းကဏ္ဍ စီးပွားရေး ဆောင်ရွက်ချက်များကို နှိပ်ကွပ်ရန် ကြိုးပမ်းမှု သက်သက်ချည်း မဟုတ်ပေ။ ဈေးကွက် ဗဟိုပြုသော စီးပွားရေး ဆောင်ရွက်ချက်များကို ဗဟိုကော်မတ ဖွဲ့စည်းပြီး ထိန်းချုပ်ရန် ကြိုးစားသလို ခေါင်းပုံဖြတ် အမြတ်ကြီးစား လုပ်နိုင်ရန်လည်း အစိုးရက ကြိုးပမ်းလျက် ရှိသည်။ကြိုးနီစနစ် ဆန်သော အလေ့အထမျိုးဖြင့် ပုဂ္ဂလိက ဈေးကွက်ကို ထိန်းချုပ်ခြင်း ဖြစ်သည်။

ပြီးခဲ့သည့် ၂၀၀၄ နှင့် ၂၀၀၇ ခုနှစ်တို့တွင် သတ်မှတ် ပြဋ္ဌာန်းခဲ့သော မြောက်ကိုရီးယား စီးပွားရေး စည်းမျဉ်းစည်းကမ်းအရ တရားမဝင်သော စီးပွားရေး ဆောင်ရွက်မှုမျိုးကို ရာဇဝတ်မှုအဖြစ် သတ်မှတ်သည်။ ယင်းသို့ ဆောင်ရွက်မှုမျိုး တွေ့ရှိပါက အလုပ်သမား သင်တန်းသို့ ၂ နှစ်နှင့် အထက် တက်ရောက်ရသည်။ ထို့ပြင် ဟိုတယ်၊မိုတယ်၊ စားသောက်ဆိုင်၊  အရက်ဘားနှင့် စတိုးဆိုင်များ အစရှိသော စီးပွားရေး လုပ်ငန်းကြီးများ လုပ်ကိုင်ခြင်းကို နိုင်ငံတော် အဆင့် ရာဇဝတ်မှုမျိုး အဖြစ် သတ်မှတ်သည်။ ပြစ်ဒဏ်မှာလည်း လွန်စွာကြီးမားသည်။

လေ့လာ သုတေသန ပြုချက်များအရ မြောက်ကိုရီးယားအစိုးရက ဦးဆောင်ပြီး စီးပွားရေး လုပ်ငန်းများအပေါ် လွန်စွာ ဖိနှိပ်ချုပ်ခြယ်မှုများ ပြုလုပ်ခြင်းသည် ဈေးကွက်စီးပွားရေး ဆောင်ရွက်ချက်များကို လွန်စွာ ကမောက်ကမ ဖြစ်စေကြောင်း သိရသည်။

ဈေးကွက်စီးပွားရေး ဆောင်ရွက်မှုများတွင် ပါဝင်သူများ ထက်ဝက်ကျော်ခန့်မှာ ဖမ်းဆီး ထိန်းသိမ်းခံ ထားရသည်။ အဖြစ်အပျက်များမှာ ကြောက်ခမန်းလိလိပင် ဖြစ်သည်။ တရားမဝင် စီးပွားရေး ဆောင်ရွက်ခြင်းကြောင့် ဖမ်းဆီးထိန်းသိမ်း ခံထားရသော အကျဉ်းသားများမှာ အလုပ်သမား စခန်းများတွင် ပန်ပင်းဆင်းရဲကြီးစွာ နေထိုင်ကြရသည်။ California San Diego တက္ကသိုလ်မှ ပြုလုပ်သော စစ်တမ်းအရ ၂၀၀၈ ခုနှစ်အတွင်း မြောက်ကိုရီးယားနိုင်ငံတွင်း စီးပွားရေး ရာဇဝတ်မှု ကျူးလွန်ခြင်းကြောင့် ဖမ်းဆီးထိန်းသိမ်း ခံရမှုနှုန်းများနှင့် နှိပ်စက်ညှဉ်းပန်းမှု နှုန်းများမှာ အောက်ပါအတိုင်းဖြစ်သည်။

သေဒဏ်ပေးသည့် နှုန်း ၆၀ ရာခိုင်နှုန်းထိ။ အစာရေစာ အငတ်ထားခြင်း ၉၀ ရာခိုင်နှုန်း အထိ။ ရိုက်နှက် ညှဉ်းပန်းခြင်းကြောင့် သေဆုံးခြင်း ၂၀ ရာခိုင်နှုန်း အထိ။

အဆိုပါ ရာခိုင်နှုန်းမှာ တစ်နှစ်အတွင်း မြင့်တက်လာသော ကိန်းဂဏန်းများ ဖြစ်ပြီး အလုပ်သမား စခန်းတွင် ဖြစ်ပေါ်ခဲ့သည့် ဖြစ်ရပ်များလည်း ဖြစ်သည်။

ဤသို့ ဖိနှိပ်ချုပ်ခြယ်မှုများ အမျိုးမျိုး ပြုလုပ်ခြင်းကြောင့် ပြုံယမ်းအစိုးရမှာ အကျိုးအမြတ်ပေါင်း များစွာရရှိနေပါသည်။ စီးပွားရေး ရာဇဝတ်မှုများဖြင့် ဖမ်းဆီးထိန်းသိမ်းမှုများ တိုးပွား လာခြင်းကြောင့် အစိုးရတွင်း လာဘ်ပေးလာဘ်ယူမှု များလည်း မြင့်တက်ခဲ့သည်။ ပြုံယမ်းအစိုးရက ဦးစီးသော ဗဟို စီးပွားရေး ဦးစီးမှု ကော်မတီ၏ ဖိနှိပ်မှုများ၊ ကန့်သတ်ပိတ်ပင်မှုများ အဆမတန် များပြားလာလေ အစိုးရအရာရှိများ၊ ဝန်ထမ်းများ အလွဲသုံးစားမှု၊ အဂတိလိုက်စားမှု ကြီးထွားလာလေသာ ဖြစ်သည်။ ဤသို့သော စရိုက်လက္ခဏာများက စီးပွားရေးတွင် ပြုံယမ်း ကွန်မြူနစ်အစိုးရ၏ အခန်းကဏ္ဍကို မြှင့်တင်ပေးရုံသာမက စနစ်တကျ အဂတိ လိုက်စားမှုများ ဖြစ်ပေါ်အောင်လည်း ပြုလုပ်ပေးနေသကဲ့သို့ ရှိပေသည်။

ယခုလို ပုဂ္ဂလိက အခန်းကဏ္ဍကို နှိပ်ကွပ်ရန် ငွေကြေးပြုပြင် ပြောင်းလဲမှုများနှင့် ဥပဒေလုပ်ထုံးလုပ်နည်း ပြင်ဆင်မှုများ ပြုလုပ်သော်လည်း ပြုံယမ်းအစိုးရ အနေဖြင့် ဈေးကွက်တစ်ခုလုံးကို ပပျောက်သွားအောင် မစွမ်းဆောင်နိုင်သေးပေ။

Wall Street Journal မှ Kim Jong Il's Fake Currency Reform ကို ဆီလျော်အောင် ဘာသာပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ယခုအခါ ကမ္ဘာလုံးဆိုင်ရာ ဘဏ္ဍာရေး အကျပ်အတည်းသည် ပင်လယ်ကွေ့ဒေသရှိ  အာရပ် စော်ဘွားနိုင်ငံများ ပြည်ထောင်စု(UAE) သို့ ရိုက်ခတ် လာပြီဖြစ်ရာ ဒူဘိုင်းတွင် အလုပ် လုပ်ကိုင်လျက်ရှိသော နိုင်ငံခြားသား လုပ်သားများ ထိခိုက် နစ်နာမှုများနှင့် ရင်ဆိုင်လာရကြောင်း သိရသည်။

သတင်းများအရ ဒူဘိုင်းတွင် အလုပ်လုပ်သူ နိုင်ငံခြားသား အလုပ်သမား အများစုသည် အိန္ဒိယတိုက်မှ ဖြစ်ပြီး တိုက်တာ အဆောက်အုံ ဆောက်လုပ်ရေး လုပ်ငန်းခွင်များတွင် လုပ်ကိုင်လျက်ရှိကြောင်း၊ ကမ္ဘာ့ဘဏ္ဍာရေး အကျပ်အတည်းကြောင့် အဆိုပါ လုပ်သားများသည် အလုပ်ထုတ်ခံရခြင်း (သို့မဟုတ်) တရားမဝင် လုပ်သားအဖြစ် လုပ်ကိုင်ရခြင်းတို့ဖြင့် ရင်ဆိုင်နေရကြောင်း သိရသည်။

စာရင်းဇယားအရ UAE ၏ လူဦးရေ ၈၅ ရာခိုင်နှုန်းမှာ နိုင်ငံတကာမှ လာရောက်သော ရွှေ့ပြောင်းလုပ်သားများ ဖြစ်သည်။ UAE နိုင်ငံများ ဖြစ်ကြသော အဘူဒါဘီ၊ ဒူဘိုင်း၊ ဘူဂျီဒူဘိုင်း၊ စကီဒူဘိုင်း၊ ဘူဘိုင်းလန်း စသည် တို့တွင် ဆောက်လုပ်ရေး လုပ်ငန်းများ လွန်စွာ ကြီးထွားလျက် ရှိသည်။ ရွှေ့ပြောင်း လုပ်သားများသည် အဆိုပါ UAE နိုင်ငံများတွင် CEO၊ အင်ဂျင်နီယာ၊ ဘိလပ်မြေ ဖျော်သမား၊ ယာဉ်မောင်း၊ စာရင်းကိုင် အစရှိသည့် လုပ်ငန်းမျိုးစုံကို လုပ်ကိုင်ကြသည်။ အနောက် နိုင်ငံများမှ အလုပ်သမား အများစုသည် အရည်အချင်း ပြည့်ဝပြီး ပညာတတ်သူများ ဖြစ်ကာ အရှေ့အလယ်ပိုင်း ဒေသသို့ ဝင်ငွေခွန် ကင်းလွတ်ခွင့် ရရှိရေး၊ လုပ်အားခ တိုးမြင့်ရေး အစရှိသော ဦးတည်ချက်များဖြင့် လာရောက်ကြသည်။ ရွှေ့ပြောင်း လုပ်သား အများစုသည် ကျပန်းအလုပ်များကို ပို၍ အာရုံစိုက်လေ့ ရှိကြသည်ဟု ဆိုသည်။

ဒူဘိုင်းတွင် ကျပန်း အလုပ်လုပ်ကိုင်သူ ဦးရေ စုစုပေါင်း သုံးသိန်းကျော်ခန့် ရှိသည်။ သို့သော်လည်း အဆိုပါ ကျပန်းလုပ်သား အများစု၏ လုပ်အားခ ခံစားခွင့်မှာ အနောက်နိုင်ငံများက သတ်မှတ်ထားသော စံချိန်စံညွှန်းများနှင့် နှိုင်းယှဉ်ပါက လွန်စွာ နိမ့်ကျနေကြောင်း သိရသည်။

ဆော်ဒီအာရေဗျ၊ အိုမင်၊ကာတာ၊ ဘာရိန်း၊ ကူဝိတ်အစရှိသည့် ရေနံထွက်သော သူဌေးနိုင်ငံကြီး များတွင်လည်း ရွှေ့ပြောင်းလုပ်သား ဦးရေ အမြောက်အမြားရှိပြီး အများစုမှာ ဆောက်လုပ်ရေး လုပ်ငန်းခွင်များကို အဓိက မှီခိုအားထား ကြသည်။ ပညာ အရည်အချင်း ပြည့်ဝသော အလုပ်သမား အများစုမှာ ဗြိတိန်၊ အိုင်ယာလန်၊ အမေရိကန် ပြည်ထောင်စု အစရှိသော နိုင်ငံများမှ ဖြစ်ပြီး ကျပန်း လုပ်သားများမှာ မြန်မာ၊အိန္ဒိယ၊ ပါကစ္စတန်၊ ဆိုမာလီယာ အစရှိသော နိုင်ငံများမှဖြစ်သည်။ အိန္ဒိယနှင့် ပါကစ္စတန် နိုင်ငံတို့တွင်လည်း အရည်အချင်း ပြည့်ဝပြီး လုပ်အားခ အများအပြား ရရှိသည့် ရွှေ့ပြောင်း လုပ်သားများ ရှိသည်။

Financial crisis hurts Dubai's foreign labour forces ကို ဘာသာပြန်ဆို ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.