Transparency Myanmar

transparency.myanmar@gmail.com

Mizzima News,24 Dec 2009

မြန်မာနိုင်ငံပိုင် သတင်းစာ New Light of Myanmar က နိုင်ငံခြားရေးဝန်ကြီး ဦးဥာဏ်ဝင်း သည် ကုလသမဂ္ဂ ရာသီဥတု ပြောင်းလဲခြင်းဆိုင်ရာ ညီလာခံ တက်ရောက်ပြီးနောက် ဒိန်းမတ်နိုင်ငံမှ ပြန်လည် ရောက်ရှိကြောင်း ဗုဒ္ဓဟူးနေ့က ဖော်ပြခဲ့ပါသည်။

          အဆိုပါ သတင်းစာက ဆက်လက်၍ ဦးဥာဏ်ဝင်းသည် ညီလာခံတွင် မိန့်ခွန်းပြောကြားခဲ့ ကြောင်း၊ ထို့အပြင် ဆွီဒင်နိုင်ငံခြားရေးဝန်ကြီး Carl Bildt ဦးဆောင်သော ဥရောပသမဂ္ဂ နိုင်ငံခြားရေး ဝန်ကြီးများနှင့် လည်း ကိုပင်ဟေဂင် ညီလာခံ အဝန်းအဝိုင်းတွင် တွေ့ဆုံခဲ့ပြီး အိမ်ရှင် ဒိန်းမတ် နိုင်ငံခြား ရေးဝန်ကြီး Per.Stig Moller လည်း တက်ရောက်ခဲ့သည်ဟု ဖော်ပြပါသည်။

          အထက်ပါ တွေ့ဆုံမှုတွင် မြန်မာနိုင်ငံဆိုင်ရာ အီးယူအထူး ကိုယ်စားလှယ် မစ္စတာ ပီယာရိုဖာစီနို လည်း တက်ရောက်ခဲ့ပြီး မြန်မာနိုင်ငံတွင် ဒီမိုကရေစီစနစ်သို့ ကူးပြောင်းရန် ရှေ့ရှုသော ထင်ရှားသည့် တိုးတက်မှုများ ဖြစ်ပေါ်ရေးနှင့် လူအခွင့်အရေးများကို လေးစားရေးတို့ကို ရည်မှန်းချက် ထားသော ဆွေးနွေးမှုများ ဆက်လက်ပြုလုပ်သွားမည့် ၎င်းတို့၏ ဆန္ဒကို အီးယူ နိုင်ငံခြားရေး ဝန်ကြီးများက ထပ်ဖန်တလဲလဲ ပြောကြားခဲ့သည်ဟု သတင်းစာ ရှင်းလင်းပွဲတွင် အီးယူက ထုတ်ပြန်ပါသည်။

          မြန်မာနိုင်ငံတွင် ရင်ဆိုင်နေရသော နိုင်ငံရေး၊ လူမှုရေး၊ စီးပွားရေး ပြဿနာများကို ဖြေရှင်းရန် လိုအပ်ချက်ဖြစ်သည့် အမျိုးသား ပြန်လည်ပေါင်းစည်းရေးနှင့် ပတ်သက်၍ အရေးကြီးသော တိုးတက်မှု များကို ပြသနိုင်ရေး၊ အားလုံးပါဝင်ခွင့်ပြုနိုင်ရေးတို့အတွက် ၂၀၁၀ ရွေးကောက်ပွဲများသည် အရေး ကြီးသည့် အခွင့်အလမ်းတစ်ရပ်ဖြစ်ကြောင်း အီးယူနိုင်ငံခြားရေးဝန်ကြီးများက ဦးဥာဏ်ဝင်းကို ပြော ကြားခဲ့ပါသည်။

          ထို့အပြင် မြန်မာတပ်မတော် အစိုးရအနေဖြင့် လွတ်လပ်၍ မျှတသော ရွေးကောက်ပွဲများကို ရှေ့ရှုသည့် အစစ်အမှန် ဆောင်ရွက်ချက်များ ပြုလုပ်ရန်ကိုလည်း ဝန်ကြီးများက တိုက်တွန်းခဲ့ပါသည်။

          သီတင်းတပတ် အကြာတွင် ထွက်ပေါ်လာသော ဦးဥာဏ်ဝင်း၏ ဒိန်းမတ်ခရီးစဉ်နှင့် ပတ်သက် သော သတင်းဖော်ပြချက်သည် မြန်မာအစိုးရ အာဘော်သတင်းစာက ဖော်ပြနေသော အစိုးရတာဝန်ရှိ ပုဂ္ဂိုလ်များ၏ လှုပ်ရှားမှုများနှင့် ပတ်သက်သည့် သတင်းများအနက်မှ တခုဖြစ်ပါသည်။

          တပ်မတော် ခေါင်းဆောင်များ၏ ဖွံ့ဖြိုးရေး ဆောင်ရွက်ချက်များကိုသာ သတင်းအဖြစ် ထုံးစံအတိုင်း ဖော်ပြလေ့ရှိသော အင်္ဂလိပ်ဘာသာ သတင်းစာသည် အပယ်ခံ မြန်မာနိုင်ငံသို့ လာရောက်ခဲ့သော ပြည်ပနိုင်ငံ ခေါင်းဆောင်အနည်းငယ်နှင့် ဒုတိယခေါင်းဆောင်များ၊ ပြည်ပအစိုးရ တာဝန်ရှိ ပုဂ္ဂိုလ်များ၏ သတင်းများကို လွန်ခဲ့သော သီတင်းပတ် အနည်းငယ်အတွင်း ဆက်တိုက် ဖော်ပြခဲ့သည်ကို တွေ့ရပါသည်။

          ကြာသပတေးနေ့က ထုတ်ဝေသော သတင်းစာတွင် Central China Power Grid International Economic and Trade Co.Ltd ဥက္ကဌ မစ္စတာ လီချာအို ခေါင်းဆောင်သော ကိုယ်စား လှယ်အဖွဲ့၏ ခရီးစဉ်အပါအဝင် အဆိုပါ ကိုယ်စားလှယ်အဖွဲ့နှင့် အမှတ်(၂) လျှပ်စစ်စွမ်းအား ဝန်ကြီး ဗိုလ်ချုပ်ခင်မောင်မြင့်တို့ တွေ့ဆုံမှုကို ဖော်ပြခဲ့ပါသည်။

          ဗုဒ္ဓဟူးနေ့က ထုတ်ဝေသော သတင်းစာတွင် ဂျပန်နိုင်ငံ စီးပွားရေး၊ ကုန်သွယ်ရေးနှင့် စက်မှုလုပ်ငန်း ဒုတိယဝန်ကြီး မစ္စတာ ဟီရိုယူကီအီရှီဂဲ၏ ခရီးစဉ်အပါအဝင် ၎င်းနှင့် ဝန်ကြီးချုပ် ဗိုလ်ချုပ်ကြီး သိန်းစိန်တို့၏ တွေ့ဆုံမှုကို ဖော်ပြခဲ့ပါသည်။

          အင်္ဂါနေ့ထုတ် သတင်းစာတွင် တရုတ်နိုင်ငံ CTTIC အုပ်စု၏ အကြီးအကဲ ချန်ဇန်မင်း၏ ခရီးစဉ် အပါအဝင် ၎င်းနှင့် ပို့ဆောင်ရေးဝန်ကြီး ဗိုလ်ချုပ်သိန်းဆွေတို့၏ တွေ့ဆုံမှုကို ဖော်ပြခဲ့ပါသည်။

          တနင်္လာနေ့ထုတ် သတင်းစာတွင် တရုတ်ဒုတိယသမ္မတ ဂျင်ဇီပင်း၏ ခရီးစဉ်အပါအဝင် ၎င်းနှင့် ဗိုလ်ချုပ်မှူးကြီးသန်းရွှေ၊ ဒုတိယဗိုလ်ချုပ်မှူးကြီး မောင်အေးတို့၏ တွေ့ဆုံမှုကို ဖော်ပြခဲ့ပါသည်။ လာရောက် လည်ပတ်သော ပြည်ပဧည့်သည်တော်အများစုမှာ နိုင်ငံခေါင်းဆောင်များ မဟုတ်၍ အရေး ပါသည်ဟု မဆိုနိုင်သော်လည်း အနောက်နိုင်ငံများက အရေးယူထားသော မြန်မာနိုင်ငံသို့ ပြည်ပဧည့် သည်များစွာ လာရောက်ခဲ့သည့်အချက်မှာ အရေးပါသည်ဟု မြန်မာအရေး အကဲခတ် လေ့လာသူတစ်ဦးက ဆိုပါသည်။

          ထိုင်းနိုင်ငံအခြေစိုက်မြန်မာအကဲခတ်သမား ဝင်းမင်းက ယခုနောက်ပိုင်း မြန်မာအစိုးရထံ လာရောက်လည်ပတ်ဆက်ဆံရန် စိတ်ဝင်စားလာသော နိုင်ငံများတိုးပွားလာပြီး အမေရိကန် ပြည်ထောင်စု၏ မြန်မာနိုင်ငံမူဝါဒသစ်သည် ယင်းကဲ့သို့ပြောင်းလဲလာခြင်း၏ အကြောင်းအရင်းတစ် ချက်ဖြစ်နိုင်သည်ဟု ပြောကြားပါသည်။

          အမေရိကန် ပြည်ထောင်စု၏ အရေးယူ ပိတ်ဆို့မှုနှင့် တပြိုင်တည်း ညှိနှိုင်းဆွေးနွေးရေး မူဝါဒသစ်သည် အခြားနိုင်ငံ ကိုယ်စားလှယ်များ လာရောက်နိုင်ရန်အတွက် တစိတ်တပိုင်း အားပေးမှုတစ်ခု ဖြစ်ဖွယ်ရှိသည်ဟု ၎င်းကဆိုပါသည်။

          အမေရိကန် ပြည်ထောင်စုသည် မြန်မာအစိုးရအပေါ် ထားရှိမည့် မူဝါဒသစ်ကို စက်တင်ဘာလ က ကြေညာခဲ့ပြီး ၎င်းမူဝါဒအရ အမေရိကန်သည် ပိတ်ဆို့မှုများ ချမှတ်ထားဆဲ ကာလတွင် မြန်မာအစိုး ရနှင့် တိုက်ရိုက် ဆွေးနွေးလိုခြင်း ဖြစ်သည်။ အမေရိကန် - မြန်မာ ဆက်ဆံရေး ပထမအဆင့် အနေဖြင့် လက်ထောက် နိုင်ငံခြားရေးဝန်ကြီး Kurt Campbell ဦးဆောင်သော ကိုယ်စားလှယ်အဖွဲ့ နေပြည်တော်သို့ နိုဝင်ဘာလက ရောက်ခဲ့ပြီး ဝန်ကြီးချုပ် ဗိုလ်ချုပ်ကြီး သိန်းစိန်နှင့် ဆွေးနွေးခဲ့ပါသည်။

          ပြည်နိုင်ငံ အများစုက ရွေးကောက်ပွဲ လုပ်ငန်းစဉ်ကို တံခါးဖွင့်စေရန် ရည်ရွယ်သော ၎င်းတို့၏ ခရီးစဉ်မှ အကျိုးရလဒ်များ ထွက်ပေါ်နိုင်သည်ကို မြင်တွေ့လိုကြသည့် အချိန်တွင် အချို့နိုင်ငံများက ရွေးကောက်ပွဲ မတိုင်မှီ ၎င်းတို့၏ ကိုယ်ကျိုးစီးပွား အကျိုးအမြတ်များ သေချာစိတ်ချရစေရန် ကြိုးစား နေကြသည်ဟု ဝင်းမင်းက မှတ်ချက်ပေးပါသည်။

          ၎င်းက ဆက်လက် ပြောကြားရာတွင် စီးပွားရေး နိုဗယ်ဆုရှင် ဂျိုးဇက်စတစ်ဂလစ်၏ မြန်မာပြည် ခရီးစဉ်အတွင်း မြန်မာအစိုးရ ခေါင်းဆောင်များအား စီးပွားရေး ပြုပြင်ပြောင်းလဲမှုနှင့် ပတ်သက်၍ အကြံဥာဏ် ပေးနိုင်ဖွယ်ရှိပြီး ဂျပန်နိုင်ငံကလည်း ပိုမိုလွတ်လပ်သော စီးပွားရေးကဏ္ဍ၏ ဖြစ်နိုင်ချေများကို လေ့လာရန် စိတ်ဝင်စားဖွယ် ရှိသည်ဟု ဆိုပါသည်။

          ၂၀၁၀ တွင် ရွေးကောက်ပွဲများ ကျင်းပရန်စီစဉ်ထားသော အစိုးရ၏ လမ်းပြမြေပုံအတွက် နိုင်ငံတကာ အားပေးထောက်ခံမှုများ ရရှိအောင် မြန်မာအစိုးရက ပြင်းပြင်းထန်ထန် ကြိုးစားနေသည် ဆိုသော အချက်ကို နိုင်ငံခြား ဧည်သည်တော်များ၏ ခရီးစဉ်များက ရည်ညွှန်းနေသည်ဟု ဝင်းမင်းက ဖြည့်စွက် သုံးသပ်လိုက်ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.