Transparency Myanmar

transparency.myanmar@gmail.com

          မြန်မာအစိုးရ အာဘော် ဖြစ်သော သတင်း မီဒီယာတွင် ဟေတီငလျင် ဘေးဒုက္ခသည်များအား အမေရိကန် တပ်ဖွဲ့များက ကယ်ဆယ်ရေး လုပ်ဆောင်ပေးသည့် သတင်းများကို ထည့်သွင်း ဖော်ပြခြင်း မပြုရန် ပိတ်ပင်ထားကြောင်း မြန်မာနိုင်ငံရှိ သတင်းသမားများ၏ ထုတ်ဖော် ပြောကြားချက် များအရ သိရှိရပါသည်။

ဇန်နဝါရီလ ၁၂ ရက် နေ့က လှုပ်ခတ်ခဲ့သော ဟေတီ နိုင်ငံ၏ ငလျင် ဘေးဒုက္ခနှင့် ပတ်သက်သော သတင်းသည် အခြားနိုင်ငံများတွင် လှုပ်ရှားသော ငလျင် ဘေးဒုက္ခများနှင့် နှိုင်းယှဉ် ပါက သတင်း ထုတ်ပြန်မှုများ မရှိသလောက် ဖြစ်ကာ နှုတ်ပိတ် နေရသည့် ပုံစံမျိုး ဖြစ်လျက် ရှိပါသည်။

ထို့ပြင် အမေရိကန် တပ်ဖွဲ့ဝင်ပေါင်း ၁၆၀၀၀ နှင့် အခြား အနောက်နိုင်ငံ တပ်ဖွဲ့ဝင်များ လူသားချင်း စာနာ ထောက်ထားသော အားဖြင့် အကူအညီပေးလျက် ရှိသည့် သတင်းကိုလည်း စာပေ စိစစ်ရေးနှင့် မှတ်ပုံတင် ဌာန (စာပေ ဆင်ဆာအဖွဲ့) က ထည့်သွင်း ဖော်ပြခြင်း မပြုရန် ပိတ်ပင် ထားကြောင်း ရန်ကုန်နှင့် မန္တလေးမြို့များမှ ရရှိသော သတင်းများက ဆိုပါသည်။

အဆိုပါ ဟေတီ သတင်းအစား ကာရစ်ဘီယန်တွင် တရုတ်နိုင်ငံက သက်သာ ချောင်ချိရေး၊ ကယ်ဆယ်ရေး လုပ်ငန်းများ ဆောင်ရွက်နေပုံများကိုသာ အလေးပေး ဖော်ပြလျက် ရှိသည်။

"ဟေတီမှာ အမေရိကန် တပ်ဖွဲ့ဝင် ထောင်ပေါင်းများစွာ ကယ်ဆယ်ရေး လုပ်ငန်းတွေ ဆောင်ရွက်နေတဲ့ သတင်းကို အစိုးရ သတင်းစာတွေက ထုတ်ဖော် ရေးသားတာ မလုပ်ကြပါဘူး" ပြည်တွင်းဂျာနယ် တစ်စောင်မှ သတင်းထောက် တစ်ဦးက ဧရာဝတီ သတင်းဌာနသို့ ပြောကြားပါသည်။

စာပေ စိစစ်ရေး အဖွဲ့သည် အမျိုးသား အကျိုးစီးပွားနှင့် နိုင်ငံတော် ပေါ်လစီနှင့် ပတ်သက်ပြီး အကဲဆတ်သည့် မည်သည့် သတင်း ပေးပို့ချက်ကိုမဆို ပိတ်ပင် တားမြစ်လေ့ ရှိကြောင်း ၎င်းက ဆိုပါသည်။

လတ်တလော အနေ အထားတွင် နိုင်ငံ့ ဝန်ထမ်းများအား အစိုးရက လစာ တိုးမြှင့်ပေးလိုက်သည့် သတင်းနှင့် တရုတ် အစိုးရနှင့် နာမည်ကျော် Google အင်တာနက် ကုမ္ပဏီတို့အကြား ပြဿနာ ဖြစ်ပွားနေသည့် သတင်းတို့ကို စာပေစိစစ်က ပိတ်ပင်ထားသည်ဟု ဆိုပါသည်။

ဟေတီနှင့် မြန်မာနိုင်ငံသည် သဘာဝ ဘေးအန္တရာယ် ဆိုးကြီးများဒဏ်ကို လတ်တလော အလူးအလဲ ခံထားရသော နိုင်ငံများ ဖြစ်သည်။ ပြီးခဲ့သည့် ၂၀၀၈ ခုနှစ်၊ မေလတွင် တိုက်ခတ်ခဲ့သော နာဂစ် ဆိုင်ကလုန်းကြောင့် မြန်မာနိုင်ငံ တောင်ပိုင်းဒေသ အချို့မှာ ဆိုးရွာစွာ ပျက်စီး ထိခိုက်ခဲ့ရကာ လူပေါင်း ၁၄၀၀၀၀ ကျော် သေဆုံးခဲ့ရသည်။ လူဦးရေ နှစ်သန်း လောက်မှာလည်း နာဂစ် ဆိုင်ကလုန်းဒဏ်ကို ယနေ့အထိ ခံစားနေရဆဲ ဖြစ်သည်။

နာဂစ် ဆိုင်ကလုန်း တိုက်ခတ်ပြီးသော ကာလများတွင် စစ်အစိုးရက နိုင်ငံတကာက အကူအညီ အထောက်အပံ့များ ပေးပါမည် ဟူသော ကမ်းလှမ်းချက်များကို ပယ်ချခဲ့ပြီး နိုင်ငံတကာ သတင်း မီဒီယာများကိုလည်း ဝင်ရောက် သတင်းရယူခွင့် ပိတ်ပင်ခဲ့ပါသည်။ ထိုစဉ်က ယခု ဟေတီနိုင်ငံတွင် အမေရိကန်နှင့် အနောက်နိုင်ငံ တပ်ဖွဲ့များ ဝင်ရောက်ပြီး လူသားချင်း စာနာ ထောက်ထားသော အကူအညီများ ပေးသည့် ပုံစံမျိုးကို စစ်အစိုးရက မလိုလားသောကြောင့် ပယ်ချခဲ့ခြင်း ဖြစ်သည်။

မည်သို့ပင် ဖြစ်စေ စစ်အစိုးရသည် ပြည်တွင်းရေးကို နိုင်ငံတကာက ဝင်ရောက် စွက်ဖက်မည့် အရေးကို စိုးရွံ့ ထိတ်လန့်သောကြောင့် ယင်းသို့ အကူအညီပေးမည့် ကမ်းလှမ်းချက်များကို ပယ်ချခဲ့ခြင်း ဖြစ်ပါသည်။ သို့သော် နောက်ဆုံးတွင် မြန်မာ စစ်အာဏာပိုင်များက နိုင်ငံတကာမှ စစ်ဘက် မဟုတ်သည့် အရပ်သား ကယ်ဆယ်ရေး အဖွဲ့များကို ဝင်ရောက် လုပ်ကိုင်ခွင့် ပေးခဲ့သည်။

ဟေတီ ငလျင် ကယ်ဆယ်ရေးနှင့် ပတ်သက်သော နိုင်ငံတကာ ကွန်ဖရင့် တစ်ရပ်ကို ငလျင်လှုပ်ပြီး တစ်ပတ်ကျော်၊ နှစ်ပတ် နီးပါးခန့် ဇန်နဝါရီလ ၂၅ ရက်နေ့က ကနေဒါနိုင်ငံတွင် ကျင်းပ ဖြစ်ခဲ့သည်ဟု သိရပါသည်။

မြန်မာ နာဂစ် ဆိုင်ကလုန်း ကိစ္စတွင် ကယ်ဆယ်ရေးနှင့် ပြန်လည် နေရာချထားရေး ကွန်ဖရင့်ကို စစ်အစိုးရက မုန်တိုင်း တိုက်ခတ်ပြီး တစ်လမျှ အကြာတွင်မှ ပြုလုပ်ခဲ့သည်။

ဤအတော အတွင်းမှာပင် သတင်း ပေးပို့ချက်များအရ ဟေတီငလျင်တွင် သေဆုံးသွားသော လူပေါင်း ၁၅၀၀၀၀ ခန့်တွင် အဆိုပါ နိုင်ငံတွင် သွားရောက် လုပ်ကိုင်နေသော မြန်မာနိုင်ငံသား NGO ဝန်ထမ်းများလည်း ပါဝင်သည်ဟု သိရှိရပါသည်။

အင်တာနက် ဘလော့ဂ် (Blog) အတော် များများကလည်း ဟေတီငလျင်တွင် မြန်မာနိုင်ငံသား NGO ဝန်ထမ်းများ သေဆုံးခဲ့သည်ဟု သတင်း ပေးပို့သည်။ ဟေတီ ငလျင်တွင်မှ လွတ်မြောက်လာသော မြန်မာ နိုင်ငံသားတစ်ဦး၏ အဆိုအရ ငလျင်တွင် မြန်မာနိုင်ငံသား ဆရာဝန် တစ်ဦး ပျောက်ဆုံးနေပြီး ၎င်း၏ အမည်မှာ ဦးမြတ်သူ ဖြစ်ကြောင်း Freedom News Group က သတင်း ပေးပို့ပါသည်။

Irrawaddy မှ Burma Media Gagged on Haiti Relief Effort ကို ဘာသာပြန် ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment