Transparency Myanmar

transparency.myanmar@gmail.com

DVD News, By Larry Jagan, 18th March 2010

          မြန်မာနိုင်ငံကို အုပ်ချုပ်နေသော စစ်ဖက်အစိုးရသည် လက်ကို တဆုံး ထုတ်ပြလေ့ ရှိသူများ မဟုတ်ပါ။ ကြေညာချက် တစ်ခု(သို့) မူဝါဒတစ်ခုကို ထုတ်ပြန်ရခြင်း၏ အကြောင်းရင်းမှာလည်း အတိုက်အခံများကို ထိန်းထားရန်နှင့် နိုင်ငံတကာ အသိုင်းအဝိုင်း၏ မှန်းဆမှုများ အရေးမပါအောင် ပြုလုပ်ရန်ပင် ဖြစ်သည်။ စိတ်ဓာတ် စစ်ဆင်ရေးတွင် ဆရာတစ်ဆူ ဖြစ်သော အစိုးရ အကြီးအကဲသည် အတိုက်အခံများ၏ ခြေလှမ်းကို ထိန်းချုပ်ရန်အတွက် ရွေးကောက်ပွဲ ဥပဒေကို တစ်စပြီးတစ်စ ထုတ်ပြန်သည့် နည်းလမ်းကို အသုံးပြုနေခြင်း ဖြစ်သည်။

          သို့ရာတွင် ရွေးကောက်ပွဲသည် လွတ်လပ်မှုနှင့် မျှတမှု ရှိမည် မဟုတ်ကြောင်းနှင့် အကုန်မထုတ် ပြန်သေးသည့်တိုင် တစ်စချင်း ထုတ်ပြန်နေသော ဥပဒေများကို အကုန်လုံး ဖယ်ချခြင်းဖြင့် နိုင်ငံတကာ အသိုင်းအဝိုင်းက ကြိုတင် မှန်းဆတုန့်ပြန်ခဲ့ခြင်းမှာ စိတ်မကောင်းစရာပင် ဖြစ်သည်။ အမေရိကန်ပြည်ထောင်စုနှင့် ဗြိတိန်သည် နည်းဥပဒေများကို ဂရုတစိုက် လေ့လာခြင်း မပြုဘဲ တင်းမာသော သဘောထားကို ပြသခဲ့ကြသည်။ ယုံကြည် လေးစားလောက်သော ရွေးကောက်ပွဲ လုပ်ငန်းစဉ် ဖြစ်လာစေရန် အထိန်းသိမ်းခံ အတိုက်အခံ ခေါင်းဆောင် ဒေါ်အောင်ဆန်းစုကြည်ကို လွှတ်ပေး၍ ရွေးကောက်ပွဲ ဝင်ခွင့် ပြုရမည် ဟူသော အချက် တစ်ခုတည်းကိုသာ ၎င်းတို့က ဆုပ်ကိုင်ထားခဲ့ကြသည်။

          ယခုအချိန်အထိ ရွေးကောက်ပွဲ၏ အစိတ်အပိုင်းအချို့ (အထူးသဖြင့် စည်းရုံး မဲဆွယ်ခြင်း) ကို အမှန်တကယ် ထုတ်ပြန်ကြေညာခဲ့ပြီ ဖြစ်သည်။ သို့ဖြစ်၍ ရွေးကောက်ပွဲကို အပြည့်အဝ ပြစ်တင်ရှုတ်ချရန် အချိန်မကျသေးဟု ဆိုရမည်။ ရွေးကောက်ပွဲကို ပါဝင် ယှဉ်ပြိုင်ရန် ကြံဆနေကြသော နိုင်ငံရေးပါတီများနှင့် ပြည်တွင်း နိုင်ငံရေးသမားများမှ လွဲလျှင် အခြားသော လေ့လာသူများ အနေနှင့်လည်း ရွေးကောက်ပွဲ ဥပေဒေကို ထဲထဲဝင်ဝင် လေ့လာရန်၊ စဉ်းစားဆင်ခြင်ဥာဏ်နှင့် ပြည့်စုံရန် လိုသေးသည်။

          ရွေးကောက်ပွဲဝင်ရန် စီစဉ်နေသည့် ပါတီတစ်ခုမှ ဝါရင့်ပါတီဝင်တစ်ဦးက "ဒီဥပဒေက ရွေးကောက်ပွဲအတွက် အတော်လေး မျှတတဲ့ အခြေအနေကို ပေးထားပါတယ်" ဟု ပြောကြားလိုက်သည်။ ရွေးကောက်ပွဲ ဝင်မည့် ကိုယ်စားလှယ်လောင်း တစ်ဦးအတွက် မှတ်ပုံတင်ကြေး ၅ သိန်းကျပ်နှင့် နှိုင်းယှဉ်လျှင် ပါတီတစ်ခု၏ မှတ်ပုံတင်ကြေး ၃ သိန်းကျပ်မှာ သက်သာသည်ဟု ဆိုနိုင်သည်။ ကြိုတင်မှန်းဆထားသော နှုန်းများထက်လည်း လျော့နည်းသည်။ ရွေးကောက်ပွဲအတွက် ပြင်ဆင်နေသော နိုင်ငံရေး သမားအများစုက ကျပ်သိန်း ၂၀ မှ ကျပ်သိန်း ၅၀ အထိ ဖြစ်နိုင်သည်ဟု ယုံကြည်ထားခဲ့ကြခြင်း ဖြစ်သည်။

          ရွေးကောက်ပွဲကို ဝေဖန်ခြင်းသည် ဥပဒေကို ဆန့်ကျင်ရာ ရောက်ကြောင်း အစိုးရက သတ်မှတ်ထားသဖြင့် အမည်မဖော်လိုသူ မြန်မာနိုင်ငံရေး ပညာရှင် တစ်ဦးက "မဲရုံတွေမှာပဲ မဲရေတွက်ပြီး အဲဒီမှာပဲ ရလဒ်တွေကို ကြေညာမယ်ဆိုတဲ့ အချက်က အရေးကြီးဆုံးပါပဲ" ဟု သုံးသပ်သည်။ မဲရေတွက်မှုကို ဒေသခံ စစ်ဆေးသူများ၏ ရှေ့မှောက်တွင် ပြုလုပ်မည် ဖြစ်ပြီး ပုံမမှန်မှုများ မရှိကြောင်း သက်သေပြရန် အမတ်လောင်းများ၏ ကိုယ်စားလှယ်များကို စောင့်ကြည့်ခွင့် ပေးဖွယ် ရှိသည်ဟု သိရသည်။

          ဤအချက်မှာ ၂၀၀၈ ဆန္ဒခံယူပွဲကဲ့သို့ ရလဒ်များကို မရိုးမသား ပြုလုပ်ရန် အစိုးရအတွက် ခက်ခဲလိမ့်မည်ဟု ဆိုလိုခြင်း ဖြစ်ကြောင်း ပြည်တွင်းမှ အကဲခတ်သမားများက ပြောဆိုသည်။ သို့ရာတွင် အစိုးရက ရှင်းရှင်းလင်းလင်း ပြောကြားထားသည့်အတိုင်း နိုင်ငံတကာ စောင့်ကြည့် လေ့လာရေး အဖွဲ့များကို နိုင်ငံတွင်း၌ ခွင့်ပြုလိမ့်မည် မဟုတ်ပါ။ ပြီးခဲ့သောလက ရှေ့နေချုပ်၊ တရားသူကြီးချုပ်နှင့် ပြည်ထဲရေး ဝန်ကြီးတို့က ကုလသမဂ္ဂ လူအခွင့်အရေး ကိုယ်စားလှယ် Tomas Ojea Quintana အား နိုင်ငံတကာ အကဲခတ်လေ့လာသူများကို မလိုအပ်ကြောင်း ပြောကြားခဲ့ကြသည်။ သို့ဖြစ်၍ ရွေးကောက်ပွဲ လုပ်ငန်းစဉ်၏ ပွင့်လင်း မြင်သာရှိမှုအပေါ် သံသယများစွာ ကျန်ရှိနေဆဲ ဖြစ်ပြီး အထူးသဖြင့် ရွေးကောက်ပွဲကို စောင့်ကြည့် လေ့လာကြမည့် ပြည်ပ သတင်းထောက်များကို ဝင်ခွင့်ပြုရန် အစိုးရက လုံးဝ မလိုလားသောကြောင့်ပင် ဖြစ်သည်။

          "နိုင်ငံတကာက တခြား ဥပဒေတွေနဲ့ နှိုင်းယှဉ်ကြည့်ရင် ဒီဥပဒေက မမျှတဘူးလို့တော့ ကောက်ချက်ချလို့ မရနိုင်ပါဘူး" ဟု ရန်ကုန်မှ အမည်မဖော်လိုသည့် အနောက်နိုင်ငံ သံတမန်တစ်ဦးက DVB သို့ ပြောကြားသည်။ သို့ရာတွင် ကြီးမားစွာ ထိန်းချုပ်ထားသည့် အခြေခံ ဥပဒေအရ ရေးဆွဲသည့် လုပ်ငန်းစဉ် ဖြစ်နေခြင်း၊ စစ်တပ်ကို ဦးစားပေးထားသည့် အခြေခံဥပဒေ အတုအယောင် ဆန္ဒခံယူပွဲ ရလဒ်များနှင့် နိုင်ငံရေး ခေါင်းဆောင် ဖြစ်နိုင်သူများကို အနှစ် ၂၀ ကြာ ရည်ရွယ် ကြံစည် ဟန့်တားထားခြင်းတို့သည် ဆက်စပ် စဉ်းစားရမည့် ကိစ္စများ ဖြစ်နေသည်ဟု သူမက ပြောကြားသည်။

          ဤအခြေအနေများတွင် လေ့လာသူများ၊ သံတမန်များနှင့် အကဲခတ်သမား အများစုတို့က အစိုးရအား သံသယ၏ အကျိုးကို ခံစားရရှိစေရန် လိုလားကြောင်း ပါရှိသည်။ သို့ဖြစ်၍ လက်တွေ့ကျသော အရာအများစုမှာ ရွေးကောက်ပွဲ လုပ်ငန်းစဉ်ကို ကြီးကြပ်ရန် အစိုးရက ရွေးချယ်ထားသော အဖွဲ့ ဖြစ်သည့် ရွေးကောက်ပွဲ ကော်မရှင်အပေါ်တွင် အမှန်တကယ် တည်မီနေသည်ဟု ဆိုရမည် ဖြစ်သည်။

          အခြားနေရာများမှ ဒီမိုကရေစီ ရွေးကောက်ပွဲများကဲ့သို့ပင် ရွေးကောက်ပွဲ ကော်မရှင်အား လုပ်ပိုင်ခွင့် ကြီးကြီးမားမား ပေးအပ်ထားလိမ့်မည်ဟု မြန်မာနိုင်ငံကို စောင့်ကြည့်နေသော အနောက် သံတမန်တစ်ဦးက ပြောကြားသည်။ "ဒီနေရာမှာ ကွဲပြားတာ တစ်ခုက သူတို့ရမယ့် လုပ်ပိုင်ခွင့်က အပေါ်ယံပဲ ဖြစ်ပါလိမ့်မယ်။ စစ်ခေါင်းဆောင်တွေ့ရဲ့ ကန့်လန့်ကာ နောက်ကွယ်က ဆုံးဖြတ်ချက်တွေကို ထုတ်ပြန်ဖို့အတွက် သူတို့ရဲ့ လုပ်ပိုင်ခွင့်ကို ကန့်သတ်ထားမှာပါ" ဟု ၎င်းက အတိအလင်း ပြောကြားသည်။

          လတ်တလော ခန့်အပ်လိုက်သည့် ရွေးကောက်ပွဲကော်မရှင် အဖွဲ့ဝင် ၁၇ ဦးအနက် ဥက္ကဋ္ဌ ဦးသိန်းစိုးမှ လွဲလျှင် ကျန်အဖွဲ့ဝင်များသည် မည်သို့သော ပုဂ္ဂိုလ်များ ဖြစ်ကြောင်း မသိကြပေ။ ဦးသိန်းစိုးသည် ဗဟိုတရားရုံးမှ ဒုတိယ တရားသူကြီးချုပ် ဖြစ်ပြီး ယခင်က စစ်ဥပဒေချုပ်အဖြစ် တာဝန် ထမ်းဆောင်ခဲ့ကာ ယခု ယူနီဖောင်း မဝတ်တော့သော စစ်သားစစ်စစ်တစ်ဦး ဖြစ်သည်။ အခြား အဖွဲ့ဝင်များတွင် တပ်မတော် အရာရှိဟောင်းများ၊ တရားသူကြီးများ၊ ပါမောက္ခများနှင့် အငြိမ်းစား သံအမတ်များ ပါဝင်သည်။ ပညာရှင်များ၊ အစိုးရ ဝန်ထမ်းများနှင့် တရားသူကြီးများသည် ဖိနှိပ် ချုပ်ချယ်သော အစိုးရ၏ ဆိုးဝါးစွာ အနိုင်ကျင့် ခြောက်လှန့်မှုကို ကြုံတွေ့ဖူးသူများ ဖြစ်ရာ လွတ်လွတ်လပ်လပ် ဆောင်ရွက်နိုင်ရန် ကြိုးစားမည့်ပုံ မရဘဲ စစ်အစိုးရ ခေါင်းဆောင်များ၏ ညွှန်ကြားချက်များအတိုင်း လိုက်လံ ဆောင်ရွက်မည့် အလားအလာကသာ များနေသည်။

          ၁၉၆၂ နောက်ပိုင်း အထူးသဖြင့် ၁၉၈၈ နောက်ပိုင်းတွင် စစ်အစိုးရကို ဆန့်ကျင် ဆုံးဖြတ်သည့် တရားရုံး ဆုံးဖြတ်ချက်များ ထွက်ပေါ်မလာတော့ပါ။ သို့ဖြစ်၍ ၎င်းတို့၏ အမူအကျင့်များ ပြောင်းလဲလိမ့်မည်ဟု ယူဆစရာ အကြောင်းအရင်းများ လုံးဝ မရှိပါ။ ယခင် ရွေးကောက်ပွဲ ကော်မရှင်သည် ဒေါ်အောင်ဆန်းစုကြည်အား NLD ပါတီ၏ အထွေထွေ အတွင်းရေးမှူး အဖြစ်မှ ဖယ်ရှားရန် ကြိုးစားခဲ့သော်လည်း ယင်းညွှန်ကြားချက်ကို ပါတီက လျစ်လျူရှုခဲ့ပြီး သူမကလည်း အကျယ်ချုပ် ကျခံနေရသော ကာလ၌ပင် ပါတီတာဝန်ကို ထမ်းဆောင် ရပ်တည်ခဲ့သည်။

          ၁၉၉၀ ရွေးကောက်ပွဲ ရလဒ်များကို ယခု တရားဝင် ပယ်ဖျက်လိုက်သော သတင်းသည် အံ့အားသင့်စရာ မရှိပါ။ အစိုးရက အခြေခံ ဥပဒေသစ်ကို ရေးဆွဲကာ ဆန္ဒခံယူပွဲဖြင့် ဇွတ်အတည်ပြုခဲ့ခြင်း၊ ရွေးကောက်ပွဲ အသစ် ကျင်းပရန် စီစဉ်ခြင်း အားလုံးသည် ၁၉၉၀ ရွေးကောက်ပွဲများကို အလိုမရှိကြောင်းကို ရည်ရွယ်၍ ပြုလုပ်ခဲ့ခြင်း ဖြစ်သည်။ အမှန်စင်စစ် လွန်ခဲ့သည့် အနှစ် ၂၀ က အနိုင်ရရန် ပင်ပင်ပန်းပန်း ကြိုးစားခဲ့ကြသော၊ ဖိအားပေးမှု၊ အကျပ်ကိုင် ခြိမ်းခြောက်မှုနှင့် ဖမ်းဆီးမှုများကို ခံစားကြုံတွေ့ခဲ့ရသော NLD ပါတီနှင့် အခြားနိုင်ငံရေး အတိုက်အခံ အုပ်စုများအတွက် စိတ်အနှောင့်အယှက် ဖြစ်စရာ တစ်ခုပင် ဖြစ်သည်။

          ယခုအချိန်၌ အကယ်၍ ၎င်းတို့အနေဖြင့် လာမည့် ရွေးကောက်ပွဲတွင် ယှဉ်ပြိုင်လိုသည် ဆိုပါက ရွေးကောက်ပွဲ ကော်မရှင် အဖွဲ့သစ်၏ စုံစမ်းစစ်ဆေးမှုကို ခံရတော့မည် ဖြစ်သည်။ အမတ်လောင်းများ၏ အမည်စာရင်း တင်သွင်းမှုကို လက်ခံခြင်း (သို့) ပယ်ချခြင်း မပြုမီ ရွေးကောက်ပွဲ ဝင်လိုသူ မည်သူကိုမဆို ကော်မရှင်က ဖိတ်ခေါ်၍ စုံစမ်းမေးမြန်းခြင်း၊ အထောက်အထားများ စစ်ဆေးခြင်းတို့ ပြုလုပ်မည်ဟု ကြာသပတေးနေ့တွင် ကော်မရှင်က ထုတ်ပြန်သော စည်းမျဉ်း၊ စည်းကမ်းများတွင် ဖော်ပြထားသည်။ သို့ဖြစ်၍ ရွေးကောက်ပွဲ ဝင်လိုသူများအပေါ် ကြီးမားစွာ ထိန်းချုပ်ခွင့်ကို ကော်မရှင်အား အပ်နှင်းထားသည်ဟု ဆိုနိုင်သည်။ "အစိုးရက ကန့်ကွက်တဲ့ သူတိုင်းကို အသေးစိတ် စစ်ဆေးပြီး စည်းကမ်းနှင့် မညီညွှတ်ကြောင်း ပြသဖို့ အချက်အလက်တွေကို အပြစ်ရှာပါလိမ့်မယ်" ဟု ထိုင်းနိုင်ငံ အခြေစိုက် ဒီမိုကရေစီလှုပ်ရှားမှု အဖွဲ့ဝင်တစ်ဦး ဖြစ်သည့် ဇင်လင်းက ဆိုသည်။

          ထို့အပြင် အမတ်လောင်းနှင့် ပါတီများ မဲဆွယ်ရာတွင် သုံးခွင့်ရှိသည့် ငွေပမာဏကိုလည်း ပြင်းထန်စွာ ကန့်သတ်ထားသေးသည်။ အမတ်လောင်း တစ်ယောက်တိုင်း၏ မဲဆွယ်စရိတ်အတွက် ကျပ်ငွေ ၁၀ သန်း (သိန်း ၁၀၀) မျှကိုသာ ပါတီ ရန်ပုံငွေ (သို့) ကိုယ်ပိုင်ငွေမှ ထုတ်ယူ သုံးစွဲခွင့် ပြုထားသည်။ ပါတီအားလုံးနှင့် အမတ်လောင်းများအား ပြည်ပမှ ထောက်ပံ့ငွေ လက်မခံရန် တင်းကြပ်စွာ တားမြစ်ထားသည်။ ဤစည်းကမ်းမှာ အမေရိကန် ပြည်ထောင်စု အပါအဝင် နိုင်ငံအများစုနှင့် ကွဲပြားမှု မရှိသော်လည်း အမတ်လောင်းများနှင့် ပါတီများကို ရွေးကောက်ပွဲ ဥပဒေ ချိုးဖောက်မှုဖြင့် ထုတ်ပယ်ခွင့် ရှိသော ရွေးကောက်ပွဲ ကော်မရှင်အား ဘဏ္ဍာရေးဆိုင်ရာ အသေးစိတ် စစ်ဆေးခွင့် ပေးထားခြင်းမှာ သေချာသောစီစဉ်မှု တစ်ခု ဖြစ်သည်။

          ယခု ရွေးကောက်ပွဲ ဥပဒေအရ ထွက်ပေါ်လာသော အကြီးမားဆုံး ပြဿနာမှာ ဒေါ်အောင်ဆန်းစုကြည် အပါအဝင် နိုင်ငံရေးသမား အားလုံး လက်ရှိအချိန်တွင် ဖမ်းဆီးထိန်းသိမ်း ခံနေရခြင်းပင် ဖြစ်သည်။ သို့ဖြစ်၍ ထိုင်းနိုင်ငံနှင့် ဗီယက်နမ်ဆိုင်ရာ ဗြိတိသျှ သံအမတ်ဟောင်း လက်ရှိ မြန်မာအရေး ဝေဖန်သူ Derek Tonkin ကဲ့သို့သော အကဲခတ်သမားများက ဒေါ်အောင်ဆန်းစုကြည်သည် ထောင်ကျခြင်း မဟုတ်ဘဲ နေအိမ် အကျယ်ချုပ်သာ ဖြစ်၍ သူမအနေဖြင့် ကင်းလွတ်ခွင့် ရသင့်သည်ဟု တင်ပြနေကြသည်။ ဥပဒေအရဆိုလျှင် ရွေးကောက်ပွဲ ဝင်ခွင့် မရသည့်အပြင် ပါတီဝင်အဖြစ်ပင် ဝင်ခွင့် မရနိုင်ပါ။ ၎င်းတို့အားလုံးသည် နိုင်ငံရေးလုပ်၍ ထောင်ကျနေသူများသာ ဖြစ်သည်။ အများစုမှာ လုပ်ကြံစွပ်စွဲခံရပြီး မတရား ပြစ်ဒဏ် ချခံရသူများသူ ဖြစ်ကြသည်။ ဤဥပဒေ၏ တရားမမျှတမှုမှာ သံသယရှိစရာ လိုမည် မထင်ပါ။

          ဤဥပဒေပါ စည်းကမ်းချက်များသည် အစိုးရ၏ လုပ်ပိုင်ခွင့် အာဏာအရ အကြောင်းမဲ့ မထီမဲ့မြင်ပြုမှု တစ်ခုဖြစ်သည်ဟု Amnesty မှ ဘန်ကောက်အခြေစိုက် မြန်မာ့အရေး လေ့လာသူ Benjamin Zawacki က ပြောကြားလိုက်သည်။ "လက်ခံ ယုံကြည်ထိုက်တဲ့ ရွေးကောက်ပွဲ ဖြစ်ဖို့အတွက် နိုင်ငံရေးအကျဉ်းသား အားလုံးကို ရွေးကောက်ပွဲ ဝင်နိုင်ဖို့ လွှတ်ပေးရပါလိမ့်မယ်"ဟု ၎င်းကဆိုသည်။

          ဤအချက်သည် နိုင်ငံတကာ အစိုးရများနှင့် လူ့အခွင့်အရေး အဖွဲ့များက အမြဲတမ်း ကျယ်လောင်စွာ တောင်းဆိုနေကြသည့် အရေးကြီး အချက်တစ်ခုဖြစ်သည်။ ယခုအပတ် ဖိလစ်ပိုင်တွင် ပြုလုပ်သော ဘက်မလိုက် လှုပ်ရှားမှု အစည်းအဝေးတွင် မြန်မာ နိုင်ငံခြားရေး ဝန်ကြီး ဦးဥာဏ်ဝင်း၏ ပြောကြားမှု အပါအဝင် မြန်မာအစိုးရ ကိုယ်စားလှယ်များ ခုခံ ပြောကြားလေ့ ရှိသော "တံခါးဖွင့်၊ ပွင့်လင်းသည့် ရွေးကောက်ပွဲများ" ဖြစ်စေလိုလျှင် နိုင်ငံရေး အကျဉ်းသား အားလုံးကို လွှတ်ပေးရမည် ဖြစ်သည်။

          ကုလသမဂ္ဂ လူ့အခွင့်အရေး ကိုယ်စားလှယ်က ၎င်း၏ လတ်တလော မြန်မာခရီးစဉ်နှင့် ပတ်သက် ၍ DBV သို့ ပြောကြားရာတွင် "အကယ်၍ လက်ခံ ယုံကြည်ထိုက်သော ရွေးကောက်ပွဲများ ဖြစ်စေလိုပါက ရွေးကောက်ပွဲ မတိုင်ခင် နိုင်ငံရေး အကျဉ်းသား အားလုံးကို လွှတ်ပေးရန် လိုအပ်ကြောင်း ၎င်းအနေဖြင့် အဆက်မပြတ် ထုတ်ဖော် တင်ပြသွားမည်ဟု ပြောဆိုခဲ့သည်။ "ဒီလူတွေ (နိုင်ငံရေး အကျဉ်းသားများ) ဟာ ပညာတတ်တွေ၊ ရွေးကောက်ပွဲမှာ ပါဝင်သင့်တဲ့ အစွမ်းအစ ရှိသူတွေ၊ ရွေးကောက်ပွဲ သိက္ခာ တက်လာအောင် ကူညီနိုင်မဲ့သူတွေ ဖြစ်တယ်လို့ မြန်မာ အာဏာပိုင်တွေကို ကျွန်တော် ပြောခဲ့တယ်" ဟု ၎င်းက ပြောသည်။

          အထက်ပါ အချက်များသည် လုံးဝ မှန်ကန်သော အချက်များ ဖြစ်သလို ၎င်းတို့အား ဆက်လက် ဖမ်းဆီးထားပါက မြန်မာအစိုးရ၏ ရွေးကောက်ပွဲကို လွတ်လပ်မျှတသည်ဟု ကမ္ဘာက မြင်မည် မဟုတ်တော့ပါ။ အစိုးရသည် ကမ္ဘာက လက်မခံနိုင်သော ရွေးကောက်ပွဲဥပဒေ ဖြစ်အောင်လည်း လုပ်မည် မဟုတ်ပါ။ လက်ရှိတွင် NLD ပါတီ ဝင် ၄၀၀ ကျော် အပါအဝင် နိုင်ငံရေး အကျဉ်းသား ၂၀၀၀ ကျော် ထောင်ထဲတွင် ရှိနေပြီး ရွေးကောက်ပွဲရက်နှင့်အတူ တပြိုင်တည်း ကြေညာမည့် လွတ်ငြိမ်း ချမ်းသာခွင့်တွင် ၎င်းတို့အနက်မှ အများစု လွတ်မြောက်လာဖွယ် ရှိသည်။ သို့သော် အလွန်သေချာသည့် အချက်မှာ လွှတ်မြောက်လာမည့် သူများတွင် ဒေါ်အောင်ဆန်းစုကြည်နှင့် ၈၈ မျိုးဆက် ကျောင်းသားများ ပါဝင်မည် မဟုတ်ခြင်းပင် ဖြစ်သည်။

          သို့သော်လည်း ဒေါ်အောင်ဆန်းစုကြည်ကို ရွေးကောက်ပွဲ မဝင်နိုင်အောင် တားဆီးမှု တစ်ခုတည်းဖြင့် ရွေးကောက်ပွဲများ လွတ်လပ်မျှတမှု မရှိဟု ဆိုနိုင်မည် မဟုတ်ပါ။ ၎င်းတို့သည် အားလုံး ပါဝင်နိုင်အောင် လက်ခံ ယုံကြည်နိုင်အောင် ပြုလုပ်မည် မဟုတ်သည်မှာ သေချာနေသည်။ သို့သော် ယခု ဥပဒေအရ ပေါ်ထွက်လာသည့် အချက်မှာ အစိုးရက ရွေးကောက်ပွဲရလဒ်များကို ထိရောက်စွာ ထိန်းချုပ်နိုင်မည့် နည်းလမ်း၊ စနစ်များ ကျင့်သုံးရန် ကြိုးစားနေခြင်းပင် ဖြစ်သည်။ ရွေးကောက်ပွဲ ကော်မရှင်သည် ရလဒ်များကို ထိထိရောက်ရောက် ထိန်းချုပ်နိုင်ပြီး တရားဝင် အသွင်ဖြင့် လုပ်ဆောင်နေကြောင်း စောဒကတက်မှုများ ရှိလာပါက ကော်မရှင်အနေဖြင့် ပြဿနာနှင့် ရင်ဆိုင်ရမည် ဖြစ်ကြောင်း သိရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.
 
To unsubscribe from this group, send email to yangonchronicle2010+unsubscribegooglegroups.com or reply to this email with the words "REMOVE ME" as the subject.

0 comments:

Post a Comment