Transparency Myanmar

transparency.myanmar@gmail.com

မြန်မာစစ်အစိုးရ အာဏာပိုင်များသည် ၂၀၁၀ ရွေးကောက်ပွဲ ဝင်ရန် ပြင်ဆင်နေကြသူများ၏ နောက်ခံ သမိုင်းကြောင်းနှင့် ကိုယ်ရေးအထ္တုပတ္တိများကို လိုက်လံစုဆောင်းလျက် ရှိကြောင်း ရွေးကောက်ပွဲဝင်ရန် မှတ်ပုံတင်ထားသည့် နိုင်ငံရေးပါတီ တစ်ခုမှ အကြီးအကဲက ပြောကြားသည်။

နှစ်ပေါင်း ၂၀ လောက်အတွင်း ပထမဆုံးအကြိမ် ကျင်းပမည့် ဒီမိုကရေစီ ရွေးကောက်ပွဲသို့ ဝင်ရန် မှတ်ပုံတင်ထားသည့် ပါတီစုစုပေါင်းမှာ လက်ရှိအချိန်အထိ ၁၉ ပါတီ ရှိပြီဖြစ်သည်။ ရွေးကောက်ပွဲကို လာမည့် အောက်တိုဘာလတွင် ကျင်းပပေးမည်ဟု သတင်းများ ထွက်ပေါ်နေသော်လည်း အတည်ပြုနိုင်ခြင်း မရှိသေးပေ။

ယခုနှစ် ရွေးကောက်ပွဲသို့ ဝင်ရောက်ရန် ရှေ့ဆုံးမှ စိုင်းပြင်းလျက်ရှိသော ပြည်ထောင်စု မြန်မာနိုင်ငံ အမျိုးသားနိုင်ငံရေးအဖွဲ့ချုပ် (UMFNP) ဥက္ကဋ္ဌ ဦးအေးလွင်၏ အဆိုအရ လတ်တလော ကာလတွင် ရွေးကောက်ပွဲဝင်မည့် ပါတီမှ အဖွဲ့ဝင်များ၏ သမိုင်းကြောင်းကို အစိုးရအာဏာပိုင်များက လိုက်လံ ရယူလျက်ရှိသည်။

"ဗဟိုအလုပ်အမှုဆောင် ကော်မတီက အဖွဲ့ဝင် ၂၇ ဦး သို့မဟုတ် ၂၈ ဦးရဲ့ နောက်ခံ သမိုင်းကြောင်းကို အာဏာပိုင်တွေက တရားဝင် လိုက်လံရယူနေပါတယ်" ဟု ဦးအေးလွင်က ဆိုသည်။ UMFNP ပါတီ၏ မဟာမိတ်ပါတီဖြစ်သော ၈၈ မျိုးဆက် ကျောင်းသားဟောင်းများ (ပြည်ထောင်စု မြန်မာနိုင်ငံ) ပါတီ ကိုဦးအေးလွင်၏ ညီဖြစ်သူ ဦးရဲထွန်းက ဦးဆောင်သည်။

ဦးအေးလွင်မှာ ၁၉၈၈ အရေးအခင်းကာလက နိုင်ငံရေးတွင် တက်ကြွစွာ လှုပ်ရှားခဲ့သော ကျောင်းသားဟောင်း တစ်ဦးဖြစ်ပြီး ယခုအခါ စစ်အစိုးရ နှင့်နီးစပ်သော နိုင်ငံရေး သမားတစ်ဦးအဖြစ် သတ်မှတ်ခြင်း ခံနေရသည်။ ထို့ပြင်၎င်းသည် မြန်မာနိုင်ငံအပေါ် နိုင်ငံတကာ၏ စီးပွားရေး ပိတ်ဆို့ အရေးယူမှုကို ဆန့်ကျင်ဆန္ဒပြသူ တစ်ဦးလည်း ဖြစ်သည်။

ရွေးကောက်ပွဲ ကော်မရှင်တွင် နိုင်ငံရေးပါတီများ မှတ်ပုံတင်ရမည့် နောက်ဆုံးကာလမှာ မေလ ဒုတိယပတ်ဖြစ်သည်။ အမျိုးသားနိုင်ငံရေး မဟာမိတ်များပါတီ (NPA) မှ ဆက်သွယ်ရေးအရာရှိ ဦးအုန်းလွင်က မှတ်ပုံတင်ရန် သတ်မှတ်ကာလ ကျော်လွန်သွားပါက ရွေးကောက်ပွဲကော်မရှင်က ဝင်ရောက်ယှဉ်ပြိုင်ရန် လျှောက်ထားသည့် နိုင်ငံရေး ပါတီများအတွက် အတည်ပြုချက် ထုတ်ပြန် ပေးလိမ့်မည်ဖြစ်ကြောင်း ပြောသည်။

"ကြည့်ရတာ ရွေးကောက်ပွဲ ကော်မရှင်က နိုင်ငံရေးပါတီတွေ အားလုံးဆီက လျှောက်လွှာ တွေကို စောင့်ဆိုင်းနေပုံပဲ၊ ကျွန်တော်တို့ တတွေလည်း ကော်မရှင်က အကြောင်းကြား စာကို စောင့်နေတာပါ။ မဲဆွယ်တာတို့၊ ပါတီစည်းရုံးရေး ဆင်းတာတို့၊ ကြေညာချက်ထုတ်ပြန်တာတို့ မလုပ်သေးပါဘူး။ တကယ်လို့ အဲဒီလှုပ်ရှားမှုတွေ အခုလုပ်မယ်ဆိုရင် ကျွန်တော်တို့ကို ဥပဒေဘောင်ကျော်တဲ့ သူတွေလို့ မြင်မှာကိုစိုးရိမ်မိပါတယ်" ဟု ၎င်းကရှင်းပြသည်။

ရွေူးကောက်ပွဲဝင်ရန် မှတ်ပုံတင်လိုက်သော ပါတီစုစုပေါင်း ၁၉ ခုအနက် ၁၆ ခုအား လွန်ခဲ့သည့် ရက်သတ္တပတ်ခန့်က ကော်မရှင်က အကြောင်း ကြားစာများ ပေးပို့ခဲ့သည်ဟု သိရသည်။ ယင်းသို့ ဝင်ရောက် ယှဉ်ပြိုင်ရန် မှတ်ပုံတင်သော ပါတီအများစုမှာ စစ်အစိုးရနှင့် ရင်းနှီးကျွမ်းဝင်သူများ ဖြစ်သည် (သို့မဟုတ်) တတိယအင်အားစုများဖြစ်သည် ဟု သတ်မှတ် ပြောဆိုမှုများလည်း ရှိနေသည်။

ရွေးကောက်ပွဲလွန် ကာလများတွင် နိုင်ငံရေးပါတီများ၏ အခန်းကဏ္ဍ မည်သို့မည်ပုံ ရှိမည်ဟူသော အချက်မှာ ရှင်းရှင်းလင်းလင်း မသိရသေးပေ။ လေ့လာအကဲခတ်သူများကမူ ယင်း ရွေးကောက်ပွဲသည် စစ်အစိုးရအား တရားဝင်ဖြစ်စေရန် ပြုလုပ်သော "ပွဲ" တစ်ခုသာ ဖြစ်သည်ဟု သုံးသပ်သည်။

ရွေးကောက်ပွဲဝင်ရန် မှတ်ပုံတင်ထားသည့် ပါတီတစ်ခုဖြစ်သော ကချင်ပြည် တိုးတက်ရေးပါတီ (KSPP) သည် ကချင်လွတ်လပ်ရေးအဖွဲ့ (KIO) အပါအဝင်အခြားသော ကချင် အပစ်အခတ် ရပ်စဲရေးအုပ်စု သုံးစုဖြင့် ဖွဲ့စည်းထားခြင်းဖြစ်သည်။ KIO သည် ယခုအခါ နယ်ခြားဒေသစောင့်တပ် ဖွဲ့စည်းရန် ငြင်းပယ်ထားသောကြောင့် စစ်အစိုးရနှင့် တင်းမာမှုများ ဖြစ်ပေါ်လျက်ရှိသည်။

နယ်ခြားဒေသစောင့်တပ် ဖွဲ့စည်းရေးကိစ္စမှာ ရွေးကောက်ပွဲ ကာလအတွင်း စစ်အစိုးရကို အထောက်အပံ့ပေးရန်နှင့် လက်နက်ကိုင်တပ်ဖွဲ့များ အားလုံး နေပြည်တော်၏ တိုက်ရိုက် ထိန်းချုပ်မှု လက်အောက်သို့ ရရှိရန်အတွက် ရည်ရွယ်ထားခြင်းဖြစ်သော အရေးကိစ္စတစ်ခုအဖြစ် သတ်မှတ်ပြောဆိုခြင်း ခံထားရသည်။

DVB သတင်းဌာနမှ သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment