Transparency Myanmar

transparency.myanmar@gmail.com

DVB, By Aye Nai, 22nd April 2010

မြန်မာနိုင်ငံ တောင်ပိုင်းဒေသများတွင် ဆိုးဝါးသော သောက်သုံးရေသန့် ပြတ်လပ်မှုကြောင့် ကူးစက်ရောဂါများ ပြန့်ပွားလာမည်ကို စိုးရိမ်ရကြောင်း ဒေသခံများက ပြောကြားကြသည်။

ပြဿနာ၏ ပင်မမှာ ၂၀၀၈ ခုနှစ်က တိုက်ခတ်ခဲ့သော နာဂစ်မုန်တိုင်း ဖြစ်ပြီး မုန်တိုင်းကြောင့် ကျဉ်းမြောင်းသော ကုန်းမြေ ဧရိယာများ ပျက်စီးခဲ့ပြီး၊ သောက်ရေ ရရှိနိုင်သော ရေကန်များ ညစ်ညမ်းသွားသော ပြဿနာမှာ ယခု နှစ်နှစ်တိုင်သည့်တိုင် ရှိနေဆဲ ဖြစ်သည်။

"ကျွန်တော်တို့ သောက်ရေ အတွက် အသုံးပြုနေတဲ့ မြို့ထဲက ရေကန်မှာ ရေက မကောင်းတော့ဘူး" ဟု ဧရာဝတီတိုင်း ဘိုကလေးမြို့ခံ တစ်ဦးက ပြောသည်။ "မကြာသေးမီ နှစ်တွေက ရေကန်ကို ပြန်လည် ပြုပြင်ရေး လုပ်ပြီးတော့၊ ရေက အနီရောင် တောက်တောက်ကို ပြောင်းသွားတယ်။ အဲဒီရေက သောက်ဖို့ မကောင်းဘူးဗျ" ဟု ၎င်းက ပြောသည်။

"အခု နွေရာသီ ရောက်လာတော့ အခြေအနေကို ပိုဆိုးလာတယ်။ ရေကန်တွေက ခန်းကုန်ပြီ။ မြစ်ထဲက ရေတွေနဲ့ ကန်ထဲကို ဖြည့်ပြီး သောက်ရေ ရဖို့ ကျွန်တော်တို့ လုပ်ရမယ်" ဟု ၎င်းက ဖြည့်စွက် ပြောသည်။

နောက်ဆုံးတွင် လူများသည် ရေတစ်စည်လျှင် ၁၀၀၀ ကျပ် (တစ်ဒေါ်လာ) နှင့် မဝယ်မဖြစ် ဝယ်သုံးနေကြရသည် ဖြစ်ရာ အဆိုပါ ဆင်းရဲသော ဒေသမှ လူများအဖို့ ဈေးနှုန်းအရ ဖိစီးမှုများ ဖြစ်လာရသည်။ ဒေသခံ တစ်ဦးက ပြောကြားရာတွင် အကူအညီပေးရေး အေဂျင်စီတွေက ပေးထားတဲ့ ရေသန့် ဆေးပြားတွေကလည်း ပြတ်လပ်ကုန်ပြီ ဖြစ်ကြောင်း ပြောပြသည်။

"ကျွန်တော် မနေ့က ဆေးရုံ ရောက်ခဲ့တယ်။ အချို့ ဗိုက်နာပြီး ဝမ်းရောဂါ ဖြစ်နေတာ တွေ့ခဲ့ရတယ်။ ဒါပေမယ့် လူတော့ သိပ်မများသေးပါဘူး။ အသေအပျောက်လဲ မရှိသေးဘူး" ဟု ၎င်းက ပြောသည်။

လပွတ္တာမြို့ အနီးတွင် နေထိုင်သူ တစ်ဦးက ပြောကြားရာတွင် ရေပြတ်လပ်မှုသည် မြို့ပေါ်သို့ မထိခိုက်သေးကြောင်း၊ လပွတ္တာ အနီးတွင် ရှိသော ရွာများတွင် မြစ်ထဲသို့ ပင်လယ်ရေများ ဝင်ရောက်လာမှုကြောင့် ထိခိုက်မှုများ ရှိကြောင်း ပြောသည်။

အခြား ဧရာဝတီသား တစ်ဦးက ပြောကြားရာတွင်မူ ယခုလို ရာသီမျိုးတွင် ရေပြတ်လတ်မှုသည် ဖြစ်လေ့ဖြစ်ထ ရှိကြောင်း၊ ထို့ကြောင့် အသည်းရောဂါ အဖြစ်များပြီး၊ ရောဂါ ဖြစ်သော ဦးရေများလာသည်ဟု ဆိုသည်။

ဝါးခယ်မ ဆေးရုံရှိ မြို့နယ် အဆင့် ကျန်းမာရေး အရာရှိ တစ်ဦးက ပြောကြားရာတွင် နွေရာသီ ရေပြတ်သည်မှာ ဖြစ်လေ့ရှိကြောင်း ရေပြတ်သော ဒေသမှ လူများကို ပညာပေး အလုပ်ရုံ ဆွေးနွေးပွဲများ လုပ်ရန် တိုက်တွန်းထားကြောင်း ဆိုသည်။

"ကျွန်တော်တို့က ရေသန့်ကို သုံးဖို့၊ ရေကို ကျိုချက်သောက်ဖို့နဲ့ ရေကန်တွေမှာ ကလိုရင်းတွေ ထည့်ဖို့ ပညာပေး နေပါတယ်" ဟု ၎င်းက ပြောသည်။

ပုသိမ်မြို့ရှိ ပြည်တွင်း NGO တစ်ခုက ပြောကြားရာတွင် ရေပြတ်လပ်မှုသည် အရေးကြီးသော ပြဿနာ တစ်ခု အဖြစ် ရောက်မလာသေးကြောင်း၊ သို့သော် ယခင် ပြုလုပ်ပေးနေသော ရေသန့် စီမံချက်များမှာ ကုလသမဂ္ဂ ကလေးများ အေဂျင်စီက ရန်ပုံငွေ ပြန်လည် ရုတ်သိမ်းသွားသည့် နောက်ပိုင်း ရပ်ဆိုင်းသွားကြောင်း စောဒက တက်သည်။

"ကျွန်တော်တို့ နွေရာသီ ရေဖြန့်ဖြူးရေး အစီအစဉ်ကို ရန်ပုံငွေ မရှိလို့ ရပ်လိုက်ရပါတယ်။ မနှစ်က အေဂျင်စီက ရန်ပုံငွေ ချပေးတော့ လုပ်နိုင်ပေမဲ့၊ အခုနှစ် ဘယ်သူမှ ငွေပေးမယ့် လူမရှိတော့ မလုပ်နိုင်တော့ဘူး" ဟု အဆိုပါ NGO က ပြောသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment