Transparency Myanmar: 05/01/2010

{Yangon Chronicle 2010:1535} ချိုနန် စစ်သင်္ဘောနစ်မြုပ်မှု ဒေသတွင်းငြိမ်းချမ်းရေးကို ခြိမ်းခြောက်ဟု အာရှသုံးနိုင်ငံပြောဆို

Posted by Transparency Myanmar 2010

Monday, May 31, 2010

တောင်ကိုရီးယား စစ်သင်္ဘော နစ်မြုပ်ခဲ့ရမှုသည် အာရှဒေသတွင်း ငြိမ်းချမ်းရေးနှင့် တည်ငြိမ်ရေးကို ခြိမ်းခြောက်မှု တစ်ခုဖြစ်ကြောင်း ဂျပန်၊ တရုတ်နှင့် တောင်ကိုရီးယားနိုင်ငံ ခေါင်းဆောင်များက တညီတညွတ်တည်း ပြောကြားလိုက်သည်။

သို့သော် တရုတ်နိုင်ငံက ယင်းစစ်သင်္ဘော နစ်မြုပ်မှုနှင့်ပတ်သက်၍ မြောက်ကိုရီးယား နိုင်ငံအပေါ် ပြစ်တင် ပြောဆိုခြင်းမရှိခဲ့ပေ။

သင်္ဘောနစ်သည့် ကိစ္စနှင့်ပတ်သက်ပြီး တောင်ကိုရီးယားက တရုတ်နိုင်ငံကို ရပ်တည် ပြောဆိုပေးရန် ဖိအားပေးမှုများ ရှိသော်လည်း တရုတ်က ရေငုံနှုတ်ပိတ် လုပ်နေခဲ့သည်။ တောင်ကိုရီးယားက မိမိတို့၏ Cheonan စစ်င်္ဘောသည် မြောက်ကိုရီးယား၏ တော်ပီတို ဒုံးကျည်ဖြင့် တိုက်ခိုက်ခံခဲ့ရခြင်းဖြစ်ကြောင်း ပြောဆိုသော်လည်း မြောက်ကိုရီးယားကမူ မဟုတ်မမှန်ကြောင်း ငြင်းပယ်ထားသည်။

Cheonan သင်္ဘောနစ်မြုပ်မှုသည် ဒေသတွင်းငြိမ်းချမ်းရေးနှင့် တည်ငြိမ်ရေးအတွက် ခြိမ်းခြောက်မှုဖြစ်သည် ဟူသော သုံးသပ်ချက်မှာ တောင်ကိုရီးယားနိုင်ငံ၊ အပန်းဖြေစခန်းဖြစ်သော ဂျီဂျူးကျွန်းတွင် ပြုလုပ်သော ထိပ်သီးဆွေးနွေးပွဲ၌ ထွက်ပေါ်ခဲ့ခြင်းဖြစ်သည်။

ပြီးခဲ့သည့် မတ်လ ၂၆ ရက်နေ့၊ Cheonan သင်္ဘော တိုက်ခိုက်ခံရပြီး ကတည်းက ကိုရီးယား ကျွန်းဆွယ်ဒေသ၌ တင်းမာမှုများ ဖြစ်ပေါ်လျက်ရှိသည်။ ထိုဖြစ်ရပ်ကြောင့် သင်္ဘောသား ၄၆ ဦး သေဆုံးခဲ့ရသည်။

တရုတ်ဝန်ကြီးချုပ် ဝမ်ကျားပေါင်က သင်္ဘောနစ်မြုပ်မှုသည် အရေးအကြီးဆုံးသော ကိစ္စဖြစ်ကြောင်း ပြောဆိုခဲ့သော်လည်း ပြစ်တင်ဝေဖန်မှုများ မပြုလုပ်ခဲ့ပေ။

ယခုအချိန်တွင် အရေးတကြီး လုပ်ဆောင်ရမည့် ကိစ္စမှာ သင်္ဘောနစ်မြုပ်မှုကြောင့်ဖြစ်သော ဂယက်ရိုက်ခတ်မှုများကို ကောင်းစွာ ကိုင်တွယ်ဖြေရှင်းပြီး ယင်းကိစ္စနှင့် ဆက်နွှယ်သော တင်းမာမှုများကို တဖြည်းဖြည်းချင်း လျှော့ချသွားကာ ဖြစ်နိုင်ခြေရှိသော ပဋိပက္ခများကို ရှောင်ရှား သွားရန်ဖြစ်ကြောင်း မစ္စတာ ဝမ်ကျားပေါင်က ပြောကြားသည်။

"အာရှဒေသတွင်း ငြိမ်းချမ်းမှုနဲ့ တည်ငြိမ်မှုထိန်းသိမ်းရေးဆိုတာ ကျွန်တော်တို့ရဲ့ မစ်ရှင်ပါ။ တရုတ်နိုင်ငံဟာ အဲဒီမစ်ရှင်ကို အကောင်အထည်ဖော်နိုင်ဖို့ နိုင်ငံတိုင်းနဲ့ ပြင်းထန်တဲ့ စေ့စပ်ညှိနှိုင်းမှုတွေ၊ ပူးပေါင်းဆောင်ရွက်မှုတွေကို ဆက်လက်လုပ်ကိုင်သွားမှာပါ" ဟု ဝမ်ကျားပေါင်က ပြောသည်။

ပါဝါချိန်ခွင်လျှာ

တရုတ်နိုင်ငံသည် မြောက်ကိုရီးယားအား ပြစ်တင်ပြောဆိုမှု ပြုလုပ်ရန် ငြင်းပယ်ခဲ့သည်။ သို့သော် သက်သေအထောက်အထားများကို လက်တွေ့ကျကျ အကဲဖြတ်ကြည့်ရှု လေ့လာမည်ဟု ဆိုသည်။

တရုတ်သည် မြောက်ကိုရီးယား၏ အရင်းနှီးဆုံး ကုန်သွယ်ရေး မိတ်ဘက်ဖြစ်သလို ကုလသမဂ္ဂလုံခြုံရေး ကောင်စီ၏ အမြဲတမ်းအဖွဲ့ဝင် နိုင်ငံလည်းဖြစ်သည်။ တောင်ကိုရီးယားနိုင်ငံက စစ်သင်္ဘော တိုက်ခိုက်ခံရမှုကို လုံခြုံရေးကောင်စီသို့ တင်သွင်းမည်ဟုဆိုသည်။

ဂျပန်နိုင်ငံဝန်ကြီးချုပ် Yukio Hatoyama က တောင်ကိုရီးယားနိုင်ငံ သမ္မတကို ထောက်ခံမှုပြုကြောင်း၊ မြောက်ကိုရီးယားအပေါ် စွပ်စွဲပြောဆိုမှုများကို လက်သင့်ခံကြောင်း ပြောဆိုခဲ့သည်။ မြောက်ကိုရီးယားနိုင်ငံအပေါ် ပိုမိုတင်းကြပ်သော ပိတ်ဆို့အရေးယူမှုများ ပြုလုပ်သွားမည်ဟုလည်း ဆိုထားသည်။

တောင်ကိုရီးယား၊ ဂျပန်နှင့် တရုတ် ထိပ်သီးဆွေးနွေးပွဲမှာ ကုန်သွယ်ရေးကိစ္စကို အာရုံစိုက်ရန် ဖြစ်သော်လည်း သင်္ဘောနစ်မြုပ်သည့်ကိစ္စကို ပိုမိုအလေးပေးခဲ့ကြရကြောင်း သတင်းဌာနများက ဆိုသည်။

ဆိုးလ်မြို့ အခြေစိုက် BBC သတင်းထောက် John Sudworth က ယခု သင်္ဘောနစ်မြုပ်သည့် ကိစ္စကြောင့် ဒေသတွင်း ပါဝါချိန်ခွင်လျှာ ပြောင်းလဲမှုဖြစ်ပေါ်စေကြောင်း ပြောကြားသည်။ အကယ်၍ တရုတ်ကသာ မြောက်ကိုရီးယား၏ အပြစ်ကို လက်သင့်ခံလိုက်ပါက တရုတ်သည် မိမိကိုယ်မိမိ အရေးပါ အရာရောက်ပြီး ဂုဏ်သိက္ခာရှိသူတစ်ဦးထက် တာဝန်ရှိသူတစ်ဦးအဖြစ် သတ်မှတ်လာသည့် သဘောမျိုး ပြသရာရောက်နိုင်ကြောင်း John Sudworth ကပြောသည်။

BBC သတင်းကိုဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:1534} စစ်အစိုးရ၏ ခြိမ်းခြောက်မှုကို တုံ့ပြန်ရန် တိုင်းရင်းသား လက်နက်ကိုင်အုပ်စု ငါးစု လက်တွဲ

Posted by Transparency Myanmar 2010

comments (0)

မြန်မာစစ်အစိုးရက တိုင်းရင်းသား လက်နက်ကိုင် တပ်ဖွဲ့များအပေါ် နယ်ခြားဒေသစောင့်တပ် ပြောင်းလဲ ဖွဲ့စည်းရေးနှင့် ပတ်သက်ပြီး ဖိအားပေးမှုများ တိုးမြှင့် လုပ်ဆောင်လာရာ တိုင်းရင်းသား လက်နက်ကိုင်အုပ်စု ငါးဖွဲ့ စုပေါင်းပြီး စစ်ရေးဖြင့် တစ်ပြိုင်နက်တည်း တုံ့ပြန် တိုက်ခိုက်မှုများ ပြုလုပ်ရန် သဘောတူညီမှု ရယူထားကြောင်း တိုင်းရင်းသား လက်နက်ကိုင် အုပ်စု ခေါင်းဆောင်တစ်ဦးက ပြောကြားသည်။

မေလ ၂၁ ရက် နှင့် ၂၄ ရက်၊ ထိုင်း-မြန်မာ နယ်စပ်ဒေသတွင် ပြုလုပ်သော တွေ့ဆုံ ဆွေးနွေးပွဲ၌ တိုင်းရင်းသား လက်နက်ကိုင် အုပ်စုငါးစုက ယင်းသို့ စစ်ရေးတုံ့ပြန်မှုများ ပူးပေါင်း လုပ်ကိုင်သွားရန် လျှို့ဝှက်စွာ သဘော တူညီခဲ့ကြခြင်း ဖြစ်သည်။ အဆိုပါ အုပ်စုငါးစုမှာ ကချင် လွတ်လပ်ရေး အဖွဲ့ (KIO)၊ မွန်ပြည်သစ်ပါတီ (NMSP)၊ ချင်းအမျိုးသား တပ်ဦး (CNF)၊ ကရင် အမျိုးသား ယူနီယံ (KNU) နှင့် ကယန်း အမျိုးသား တိုးတက်ရေးပါတီ (KNPP) တို့ ဖြစ်ကြသည်။

"ကျွန်တော်တို့ သဘောတူညီချက်ရဲ့ အဓိက အချက်ကတော့ စစ်အစိုးရက တိုင်းရင်းသား လက်နက်ကိုင် အုပ်စုတွေ အပေါ်မှာ နိုင်ငံရေးအရရော စစ်ရေးအရပါ တိုက်ခိုက်မှုတွေ လုပ်လာမယ်ဆိုရင် အကျပ်အတည်း အခက်အခဲတွေကို အတူ လက်တွဲပြီး ရင်ဆိုင် တိုက်ခိုက်ဖို့ပါပဲ" ဟု အစည်းအဝေးသို့ တက်ရောက်ခဲ့သော မွန်ပြည်သစ်ပါတီ ခေါင်းဆောင်က Mizzima သတင်းဌာနသို့ ပြောကြားသည်။

အဆိုပါ တွေ့ဆုံဆွေးနွေးပွဲသို့ တက်ရောက်ရန် ညီညွတ်သော ဝ ပြည်နယ်တပ်ဖွဲ့ (UWSA) နှင့် ရှမ်းပြည်နယ် တပ်ဖွဲ့ (မြောက်ပိုင်း) (SSA-N) တို့ကို ဖိတ်ကြားခဲ့သော်လည်း ၎င်းတို့က တက်ရောက်နိုင်ခဲ့ခြင်း မရှိကြောင်း သတင်းရင်းမြစ် တစ်ခုက ပြောသည်။

စစ်အစိုးရသည် တိုင်းရင်းသား လက်နက်ကိုင် အုပ်စုများအား နယ်ခြား ဒေသစောင့်တပ်အဖြစ် ပြောင်းလဲ ဖွဲ့စည်းပြီး ၎င်း၏ လက်အောက်သို့ ဝင်ရောက်ရန် ဖိအားပေးလျက် ရှိသည်။ သို့သော် UWSA၊ KIO၊ NMSP၊ SSA-N နှင့် ကရင် တိုင်းရင်းသား အုပ်စုများ ဖြစ်သော KNU/KNLA ငြိမ်းချမ်းရေး ကောင်စီတို့က ငြင်းပယ်ခဲ့သည်။

"ဒီသဘောတူညီချက်ရဲ့ တခြား အရေးကြီးတဲ့ အချက်တွေကတော့ ကျွန်တော်တို့ အုပ်စုထဲကတစ်စု တိုက်ခိုက်ခံရမယ်ဆိုရင် အကူအညီ အထောက်အပံ့တွေ ပေးဖို့နဲ့ စစ်ဆင်ရေးတွေ တစ်ပြိုင်နက်တည်း ပူးတွဲ လုပ်ဆောင်သွားဖို့ပဲ ဖြစ်ပါတယ်။ ကျွန်တော်တို့မှာ တခြား ရွေးခြယ်စရာ မရှိဘူး" ဟု ကချင်အမျိုးသား တပ်ဦးမှ ဗဟိုကော်မတီဝင် တစ်ဦးက ပြောသည်။

အဆိုပါ တိုင်းရင်းသား လက်နက်ကိုင် အုပ်စုငါးခုမှ ခေါင်းဆောင်များသည် ပြီးခဲ့သည့် ဇန်နဝါရီလတွင် တိတ်တဆိတ် တွေ့ဆုံခဲ့ကြသည်။ ယခင် သမားရိုးကျ မဟာမိတ်အဖွဲ့ ပုံစံမျိုးထက် ပူးပေါင်း လက်တွဲသည့် ပုံစံဖြင့် စစ်အစိုးရကို ရင်ဆိုင်သွားရန် သဘောတူပြီးနောက် ယင်းသို့ တိတ်တဆိတ် တွေ့ဆုံခဲ့ကြခြင်း ဖြစ်သည်။ ထို့ပြင် တိုင်းရင်းသား လက်နက်ကိုင် တပ်ဖွဲ့များ ပိုမို တက်ရောက်နိုင်မည့် တွေ့ဆုံ ဆွေးနွေးပွဲများ မကြာသေးခင် ကာလတွင် ကျင်းပ ပြုလုပ်ရန်လည်း သဘောတူညီမှု ရရှိခဲ့ကြသည်။ အဓိက ဦးတည်ချက်မှာ အပစ်အခတ် ရပ်စဲထားသော အုပ်စုများနှင့် အပစ်အခတ် မရပ်စဲရသေးသော အုပ်စုများအကြား သဘောတူညီမှု တစ်ရပ် ရယူကာ ညီညွတ်သော အင်အားစု အဖွဲ့တစ်ခု ဖွဲ့စည်းရေးပင် ဖြစ်သည်။

Mizzima သတင်းကို ဘာသာပြန်ဆိုသည်။

{Yangon Chronicle 2010:1533} အမေရိကန်က မြောက်ကိုရီးယား၏ နောက်ထပ် လုပ်ဆောင်လာဖွယ် ရှိသည်များကို စိုးရိမ်

Posted by Transparency Myanmar 2010

comments (0)

Yahoo News, 30^th May 2010

အမေရိကန် ထိပ်တန်း စစ်တပ် အရာရှိ တစ်ဦးက တနင်္ဂနွေနေ့က ပြောကြားရာတွင် လူပေါင်း ၄၆ ဦး သေဆုံးသော တောင်ကိုရီးယား စစ်သင်္ဘောကို တော်ပီဒိုဖြင့် ပစ်ခတ် တိုက်ခိုက်မှု အပြီးတွင် မြောက်ကိုရီးယား၏ ဖြစ်နိုင်သော နောက်ထပ် တိုက်ခိုက်လာနိုင်မှုများ အတွက် စိုးရိမ်ကြောင်း ပြောဆိုခဲ့သည်။

တွဲဘက် စစ်ဦးစီး အရာရှိချုပ် ဥက္ကဋ္ဌ ရေတပ်ဗိုလ်ချုပ် Michael Mullen က ပြောကြားရာတွင် အမေရိကန်၏ ရည်မှန်းချက်မှာ ပဋိပက္ခ အသေအချာ မဖြစ်ပွားရေးပင် ဖြစ်သည်။

Fox News နှင့် တနင်္ဂနွေနေ့က အင်တာဗျူး၌ Mullen က ပြောကြားရာတွင် မြောက်ကိုရီးယား ခေါင်းဆောင် ကင်ဂျုံအီ၏ ရည်ရွယ်ချက်ကို စိုးရိမ်ကြောင်း၊ အဘယ်ကြောင့်ဆိုသော် ကင်သည် လုပ်ရပ် တစ်ခုမက လုပ်မည့်ပုံ ရကြောင်း ပြောကြားခဲ့သည်။

"ဒါကြောင့် ကျွန်တော် စိုးရိမ်တာက နောက်ထပ် လုပ်လာမည့် အစီအစဉ်တွေ ရှိနေနိုင်တယ် ဆိုတာပါပဲ" ဟု ၎င်းက ပြောသည်။

Mullen က ပြောကြားရာတွင် မတ်လ ၂၆ ရက်နေ့က တန် ၁၂၀၀ Cheonan သင်္ဘောကို တော်ပီဒိုဖြင့် တိုက်ခိုက်မှုသည် ကိုရီးယား ကျွန်းဆွယ်၏ တည်ငြိမ်မှုကို ပိုမို ပျက်ပြားစေခဲ့ကြောင်း၊ ကင်ဂျုံအီ နေရာ ဆက်ခံမည့်သူကို ရှင်းရှင်းလင်းလင်း သိရှိရခြင်း မရှိမှုကလည်း မရေရာမှုများကို ပိုမို ဖြစ်စေကြောင်း ဆိုသည်။

မေလ ၂၀ ရက်နေ့က ထုတ်ပြန်သော နိုင်ငံတကာ စုံစမ်း စစ်ဆေးသူများ၏ အစီရင်ခံစာတွင် ၎င်းတို့၏ နိဂုံးချုပ်တွင် မြောက်ကိုရီးယား ရေငုပ်သင်္ဘောက စစ်သင်္ဘောကို တော်ပီဒိုဖြင့် ပစ်ခတ် နှစ်မြှုပ်ခဲ့ခြင်း ဖြစ်ကြောင်း ဖော်ပြခဲ့သည်။ မြောက်ကိုရီးယားက ၎င်းတို့၏ ပါဝင်မှုကို ငြင်းဆိုခဲ့ပြီး၊ တောင်ကိုရီးယား လက်စားချေပါက စစ်ပွဲ ဖြစ်လာမည် ဖြစ်ကြောင်း ခြိမ်းခြောက်ကာ တုန့်ပြန်ခဲ့သည်။

မြောက်ကိုရီးယားသည် တောင်ကိုရီးယားနှင့် ဆက်ဆံရေး အားလုံးကို ဖြတ်တောက်ခဲ့သည်။ အငြင်းပွားနေသော ရေပိုင်နက် တစ်လျှောက် မတော်တဆ မငြိမ်သက်မှုများ ရှောင်ရှားရေး အတွက် ချုပ်ဆိုထားသော သဘောတူညီချက်များကိုလည်း ဖျက်ပစ်ခဲ့ပြီး ကျူးကျော်လာသော သင်္ဘောများကို တိုက်ခိုက်မည် ဖြစ်ကြောင်း ပြောကြားခဲ့သည်။

{Yangon Chronicle 2010:1532} နျူ ကင်းလွတ် အရှေ့အလယ်ပိုင်းဒေသ ဖြစ်ပေါ်ရေး ညီလာခံ ကျင်းပရန် ကုလသမဂ္ဂတွင် ဆွေးနွေးထောက်ခံ

Posted by Transparency Myanmar 2010

comments (0)

BBC News, 29^th May News

နျူကလီယာ မပြန့်ပွားရေး သဘောတူ စာချုပ်ကို လက်မှတ် ရေးထိုးထားသည့် နိုင်ငံပေါင်း ၂၀၀ နီးပါးသည် အရှေ့ အလယ်ပိုင်းဒေသတွင် နျူကလီယာ လက်နက် ကင်းမဲ့ဇုန် ဖြစ်လာရေး အတွက် ဦးတည် ဆောင်ရွက်ရန် သဘောတူခဲ့ကြသည်။

နျူကလီယာ ကင်းမဲ့ဇုန် ထူထောင်ရေး အတွက် အီရန် အပါအဝင် အရှေ့အလယ်ပိုင်း နိုင်ငံများ တက်ရောက်မည့် ညီလာခံ တစ်ခု ၂၀၁၂ တွင် ကျင်းပရန် နယူးယောက် ကုလသမဂ္ဂ အစည်းအဝေးသို့ တက်ရောက်လာသည့် အဖွဲ့ဝင်များက တောင်းဆိုလိုက်ကြသည်။

တခဲနက် သဘောတူခဲ့ကြသည့် သဘောထား စာတမ်းတွင် နျူကလီယာ မပြန့်ပွားရေး စာချုပ်ကို အစ္စရေးလည်း လက်မှတ်ထိုးသင့်သည်ဟု ဖော်ပြထားသည်။

အမေရိကန် သမ္မတ ဘားရက်အိုဘားမားက အထက်ပါ သဘောတူညီချက်ကို ထောက်ခံခဲ့သော်လည်း အစ္စရေးကို အစ ဆွဲထုတ်ခြင်းအတွက် အပြင်းအထန် ကန့်ကွက်သည် ဟု ပြောကြားခဲ့သည်။

၂၀၁၂ စည်းဝေးပွဲသို့ အစ္စရေး တက်ရောက်စေရန် စည်းရုံးခြင်းသည် အောင်မြင်ရန် အလားအလာ မရှိသည့် ကြိုးပမ်းမှုသာ ဖြစ်သည်ဟု အမေရိကန်က ပြောကြားလိုက်သည်။

အဆိုပါ သဘောတူ စာတမ်းသည် အလိမ်အညာသာ ဖြစ်သည် ဟု နောက်ပိုင်းတွင် အစ္စရေး အရာရှိ တစ်ဦးက ဝေဖန် တိုက်ခိုက်လိုက်သည်။

"အစ္စရေးကိုပဲ ခေါင်းစဉ် တပ်ပြောတာကတော့ ဆိုးပါတယ်၊ နျူကလီယာ လက်နက်ပိုင်ထားတဲ့ အိန္ဒိယ၊ ပါကစ္စတန်၊ မြောက်ကိုးရီးယား စတဲ့ နိုင်ငံတွေကိုတော့ ထည့်မပြောဘဲ ငြိမ်နေကြတယ်၊ နျူကလီယာ လက်နက်ပိုင်ဖို့ ကြိုးစားနေတဲ့ အီရန်ဆိုရင် အဆိုးဆုံးပေါ့ဗျာ '' ဟု အမည်မဖော်လိုသူ အစိုးရ အရာရှိကြီး တစ်ဦးက AFP သို့ ပြောကြားလိုက်သည်။

အရေးကြီးသော အဆင့်

ကမ္ဘာလုံးဆိုင်ရာ လက်နက်ဖျက်သိမ်းရေး ကြိုးပမ်းမှုများအတွက် အလွန်အရေးပါသည့် နျူကလီယာ သဘောတူ စာချုပ်ခိုင်မြဲရေး တစ်လကြာ ညီလာခံ နောက်ဆုံးနေ့တွင် အကြိတ်အနယ် ဆွေးနွေးခဲ့ပြီးနောက် စာမျက်နှာ ၂၈ မျက်နှာပါ အပြီးသတ် ကြေညာစာတမ်းကို အဖွဲ့ဝင် ၁၈၉ နိုင်ငံက သဘောတူခဲ့ကြသည်။

နျူကလီယာ လက်နက်နှင့် အခြား အဖျက်စွမ်းအင်ကြီး လက်နက်များ ကင်းလွတ်ဇုန် ထူထောင်ရေး အတွက် သဘောတူညီချက် ရရှိအောင် ၂၀၁၂ တွင် အရှေ့အလယ်ပိုင်း နိုင်ငံများကို အစည်းအဝေး ခေါ်ရန် ကုလသမဂ္ဂ အထွေထွေ အတွင်းရေးမှူးချုပ်အား ယခု ကြေညာစာတမ်းတွင် တောင်းဆိုထားသည်။

အပြီးသတ် ကြေညာစာတမ်းကို အတည်ပြု ပြီးနောက် ဖိလစ်ပိုင် ကိုယ်စားလှယ် ညီလာခံ သဘာပတိ Libran Cabactulan က "တစ်ကမ္ဘာလုံးက မျက်လုံးတွေ အားလုံး ကျွန်တော်တို့ကို စောင့်ကြည့်နေကြတယ်'' ဟု ပြောကြားခဲ့သည်။

ဖွံ့ဖြိုးဆဲ ၁၁၈ နိုင်ငံ၏ ဘက်မလိုက် လှုပ်ရှားမှု အဖွဲ့ ကိုယ်စား အီဂျစ်မှ Maged Abedelaziz က ဆုံးဖြတ်ချက်ကို ကြိုဆိုလိုက်ပြီး "နျူကလီယာ မပြန့်ပွားရေး စာချုပ်၏ ပန်းတိုင်နှင့် ရည်မှန်းချက်များ အမှန်တကယ် ဖြစ်လာစေရန် ဦးတည်သည့် အရေးကြီးသော ခြေလှမ်း တစ်ခု လှမ်းလိုက်ခြင်း'' ဟု ပြောကြားခဲ့သည်။

အဆိုပြုချက်များကို ဆွေးနွေးခဲ့ကြသော သံတမန်များသည် သောကြာနေ့ အစည်းအဝေး ပြန်မစမီ ကြာသပတေးနေ့ ညနက်ပိုင်း အထိအောင် ဆွေးနွေးခဲ့ကြသည် ဟု သိရှိရသည်။

ခက်ခဲသော အရာရှိ အနက် တစ်ခုမှာ နျူကလီယာ မပြန့်ပွားရေး စာချုပ် အဖွဲ့ဝင် မဟုတ်သော အစ္စရေးနှင့် ပတ်သက်နေပြီး အဆိုပါ နိုင်ငံတွင် နျူကလီယာ လက်နက်များ ရှိသည်ဟု ကျယ်ကျယ်ပြန့်ပြန့် လက်ခံ ယုံကြည်ထားကြသော်လည်း အစ္စရေး တို့ကမူ ပိုင်ဆိုင်သည်ဟု ဝန်မခံခဲ့ဖူးပေ။

အာရပ်နိုင်ငံများနှင့် အစ္စရေး၏ မဟာမိတ်များသည် နျူကလီယာ ကင်းလွတ်ဇုန် အဆိုပြုချက်နှင့် ပတ်သက်၍ သဘောတူညီချက် ရရှိအောင် ခက်ခက်ခဲခဲ ဆောင်ရွက်ကြရလိမ့်မည် ဖြစ်သည်။

ကြေညာထားခြင်း မရှိသည့် နျူကလီယာ လက်နက်တိုက်နှင့် ပတ်သက်၍ ဆွေးနွေးရန် မလိုလားသည့် အစ္စရေး နိုင်ငံအပေါ် ဖိအားပေးရန် အာရပ်နိုင်ငံများက ဆန္ဒရှိနေသည်ဟု သတင်းထောက်များက ပြောကြားသည်။

ကမ္ဘာသိ နျူကလီယာ လက်နက်ပါဝါ ၅ နိုင်ငံ အနေဖြင့် ၎င်းတို့၏ လက်နက်များကို ဖျက်သိမ်းရေး အတွက် စေ့စပ်ညှိနှိုင်း သဘောတူ စာချုပ် ချုပ်ရန် အချိန်ဇယား တစ်ခု သဘောတူကြရေးကို အီရန်က နောက်ပိုင်းတွင် တောင်းဆိုမှု ပြုလုပ်ခဲ့သည်။

နောက်ဆုံး သဘောထား ဆုံးဖြတ်ရာတွင် တိကျသော အချိန် ဇယား မရရှိခဲ့သော်လည်း နျူကလီယာ လက်နက်ပါဝါ ၅ နိုင်ငံက ၎င်းတို့၏ နျူကလီယာ လက်နက်လျှော့ချရေး ဦးတည်သည့် ပြောင်းလဲ တိုးတက်မှုများကို အရှိန်မြှင့်ရန် ကတိပြုခဲ့ကြပြီး အဆိုပါ ကိစ္စကို ၂၀၁၄ တွင် ပြန်လည် အစီရင်ခံကြမည် ဖြစ်သည်။

အီရန် အနေဖြင့်လည်း လက်နက် ထုတ်ရန် ရည်ရွယ်သည်ဟု အနောက်နိုင်ငံများက ယုံကြည်ထားသည့် ၎င်း၏ နျူကလီယာ အစီအစဉ်နှင့် ပတ်သက်၍ အဖန်တလဲလဲ မေးခွန်းများနှင့် ရင်ဆိုင်ခဲ့ရသည်။ တီဟီရန် ကမူ စွမ်းအင် လိုအပ်ချက်များ ပြည့်မီရန် ရည်ရွယ်ခြင်း ဖြစ်သည်ဟု ခုခံပြောကြားခဲ့သည်။

နျူကလီယာ မပြန့်ပွားရေး အဖွဲ့ဝင် ဖြစ်သည့် အီရန်က သဘောတူ စာချုပ်ပါ စည်းကမ်းများ အောက်တွင် ဆက်လက် လုပ်ဆောင်မည်ဟု ဆိုသည်။

အီရန်နှင့် မြောက်ကိုးရီးယားတို့၏ သံသယ ဖြစ်ဖွယ် နျူကလီယာ အစီအစဉ်များကို လေ့လာ စောင့်ကြည့်ရန် အကောင်းဆုံး နည်းလမ်းများ ထွက်ပေါ်ရေးတွင် အခက်အခဲများနှင့် ရင်ဆိုင်နေရသည်။

နျူကလီယာ လက်နက် ပိုင်ဆိုင်မှုနှင့် ပတ်သက်၍ လူသိများသည့် အိန္ဒိယ၊ ပါကစ္စတန်၊ မြောက်ကိုးရီးယားနှင့် အစ္စရေး တို့သည် မပြန့်ပွားရေး စာချုပ် လက်မှတ်ထိုးထားသော နိုင်ငံများ မဟုတ်ကြပါ၊ နျူကလီယာ မပြန့်ပွားရေး သဘောတူ စာချုပ်ပါ တစ်စုံတစ်ရာကို ၎င်းနိုင်ငံများက လိုက်နာကြမည် မဟုတ်ပါ။

နျူကလီယာ မပြန့်ပွားရေး ညီလာခံကို ၅ နှစ်လျှင် တစ်ကြိမ် ကျင်းပခဲ့ရာတွင် ၂၀၀၅ ခုနှစ် နောက်ဆုံး ညီလာခံတွင် တခဲနက် သဘောတူ ကြေညာချက်ကို ဆုံးဖြတ်နိုင်ခဲ့ခြင်း မရှိခဲ့ပါ။

{Yangon Chronicle 2010:1531} ရွေးကောက်ပွဲ မတိုင်မီ မြန်မာနိုင်ငံ၏ စီးပွားရေး အခြေအနေ

Posted by Transparency Myanmar 2010

comments (0)

Lex Rieffel ၏ အထူးအစီရင်ခံစာ, May 2010

ယခု အစီရင်ခံစာသည် အရှေ့တောင်အာရှ၏ ဒုက္ခအရောက်ဆုံး နိုင်ငံတစ်ခု ဖြစ်သည့် မြန်မာနိုင်ငံ၏ လက်ရှိအကြပ်အတည်းကာလ စီးပွားရေး အနေအထားကို လေ့လာထားသော အစီရင်ခံစာ ဖြစ်သည်။ တိုင်းရင်းသားများနှင့် မတူညီသော ဘာသာရေးများကို အခြေခံသော ပဋိပက္ခ အငယ်စားများသည် ၁၉၄၈ ခုနှစ် လွတ်လပ်ရေး ရပြီးကတည်းက တငွေ့ငွေ့ လောင်ကျွမ်းလျက် ရှိသည်။ တိုင်းပြည် အုပ်ချုပ်သော စစ်ဗိုလ်ချုပ်များသည် ဒေါ်အောင်ဆန်းစုကြည် ခေါင်းဆောင်သော ဒီမိုကရေစီ လှုပ်ရှားမှုများကို နှိမ်နှင်းလျက် ရှိသည်။ ယခု ၂၀၁၀ မကုန်မီ ကျင်းပပြုလုပ်မည့် ရွေးကောက်ပွဲသည် အရပ်သား အုပ်ချုပ်ရေးသို့ အသွင်ကူးပြောင်း ရမည့်အစား စစ်တပ်မျိုးဆက်သစ် အရာရှိများထံသို့ အာဏာ လွှဲပြောင်းခြင်းသာ ဖြစ်ပေသည်။ ယခု အစီရင်ခံစာမှာ USIP ၏ Center for Sustainable Economics တွင် ကြီးမှူး ကျင်းပသော မြန်မာနိုင်ငံ၏ စီးပွားရေး ပုံသဏ္ဍာန်ကို အလေးပေး ဆွေးနွေးသည့် တစ်ရက်ကြာ အလုပ်ရုံ ဆွေးနွေးပွဲမှ ဆွေးနွေးချက်များကို အနှစ်ချုပ် တင်ပြထားခြင်းဖြစ်သည်။ အဆိုပါ အလုပ်ရုံ ဆွေးနွေးပွဲတွင် မြန်မာ့စီးပွားရေး အဓိက ရှုဒေါင့်များ အတွက် ကျွမ်းကျင်သူများ၊ ကွန်ဂရက်၊ အမေရိကန်အစိုးရ ဋ္ဌာနများနှင့် အမေရိကန်-မြန်မာ ဆက်ဆံရေးနှင့် တိုက်ရိုက် ပတ်သက်သော အေဂျင်စီများမှ ဝန်ထမ်းများ တက်ရောက်ကြသည်။ အလုပ်ရုံ ဆွေးနွေးပွဲတွင် မက်ခရို စီးပွားရေး မူဝါဒ (macro-economic) ၊ အထူး ထုတ်နုတ်ထားသော ကဏ္ဍများနှင့် စိုက်ပျိုးရေး ကဏ္ဍများကို အလေးထား ဆွေးနွေးကြသည်။ နိဂုံးချုပ် ဆွေးနွေးပွဲတွင် ပါမောက္ခ Joseph Stiglitz က ပိုမို အလုပ်ဖြစ်မည့် လယ်မြေပိုင် စီးပွားရေး အကြောင်း ဆွေးနွေးသွားသည်။

ယခု အစီရင်ခံ စာရေးသူ Lex Rieffel သည် Brookings Institution မှ အကြီးတန်း Fellow တစ်ဦး ဖြစ်ပြီး ၎င်း၏ မကြာသေးမီက သုတေသနမှာ အရှေ့တောင် အာရှမှ အင်ဒိုနီးရှားနှင့် မြန်မာနိုင်ငံရှိ အရပ်ဘက်- စစ်ဘက် ဆက်ဆံရေး ဖြစ်သည်။

အစီရင်ခံစာ အကျဉ်းချုပ်

မြန်မာအစိုးရသည် အရေးကြီးသော အသွင် ကူးပြောင်းရေး ကာလကို ဖြတ်သန်းလျက် ရှိသည်။ မြန်မာ အစိုးရသည် ၂၀၁၀ခုနှစ် မကုန်မီတွင် ၂၀၀၈ ခုနှစ် က အတည်ပြုခဲ့သော ဒီမိုကရေစီ လုပ်ငန်းစဉ်အရ မဟုတ်ဘဲ ရေးဆွဲခဲ့သော အခြေခံ ဥပဒေကို အခြေခံ၍ ရွေးကောက်ပွဲ ကျင်းပတော့မည် ဖြစ်သည်။ အခြေခံ ဥပဒေ ဆန္ဒခံယူပွဲသည် နိုင်ငံတကာ အများလက်ခံသည့် စံများနှင့် မညီခဲ့ပါ။ ထို့နည်းတူစွာပင် ယခုရွေးကောက်ပွဲမှ ထွက်ပေါ်လာမည့် အစိုးရသည် စစ်တပ်ဆန့်ကျင်ရေး လှုပ်ရှားမှုများနှင့်လည်းကောင်း၊ နိုင်ငံတကာ အသိုင်းအဝိုင်းက တရားဝင်သည်ဟု ရှုမြင်မှုများနှင့် လည်းကောင်း၊ သက်ဆိုင်လ်ိမ့်မည် မဟုတ်ပေ။ သို့သော် အခြေခံ ဥပဒေနှင့် ရွေးကောက်ပွဲသည် နာဂစ်မုန်တိုင်းတွင် စတင်ခဲ့သော နိုင်ငံတကာ ပါဝင်မှုမျိုးကဲ့သို့သော ကိစ္စမျိုးများ အတွက် အခွင့်အလမ်း ပေါ်ထွက်လာလိမ့်မည် ဟု မျှော်လင့်ရပေသည်။

မြန်မာနိုင်ငံ၏ စီးပွားရေး လုပ်ဆောင်ချက်များသည် သူများတကာထက် နှေးကွေးလှသည်။ ထို့ကြောင့် သက္ကရာဇ် ၂၀၀၀ ခုနှစ်တွင် လူမှုစီးပွားရေး ညွှန်းကိန်းများအရ ကမ္ဘာ့အဆင်းရဲဆုံး နိုင်ငံစာရင်းတွင် ရှိနေသည်။ ထိုသို့ ဖြစ်ရခြင်း အချက်တစ်ခုမှာ တိုင်းရင်းသားများနှင့် မတူညီသော ဘသာရေး အယူအဆများကို အခြေခံသည့် ပြည်တွင်း ပဋိပက္ခများ၏ တငွေ့ငွေ့ လောင်ကျွမ်းမှုကြောင့် ဖြစ်သည်။ မြန်မာနိုင်ငံတွင် ၁၉၆၂ ခုနှစ် ပါလီမန် အစိုးရ ကျဆုံးပြီးကတည်းက အစဉ်အဆက် အုပ်ချုပ်လာခဲ့သော စစ်အစိုးရများသည် ၎င်းတို့ကို လူထု ထောက်ခံမှု ပျောက်ဆုံးသွားအောင် စီမံခန့်ခွဲခဲ့ကြပြီး၊ တိုင်းပြည်၏ များပြားလှသော သဘာဝ သယံဇာတများကို လက်ဝါးကြီးအုပ် ချုပ်ကိုင်ခဲ့ကြသည်။ တိုးတက်မှု မရှိသော စီးပွားရေး မူဝါဒများနှင့် ၁၉၈၈ ကတည်းက အစိုးရ ဆန့်ကျင်သူများအပေါ် သွေးထွက်သံယို နှိပ်ကွပ်မှုများသည် နိုင်ငံရေးနှင့် စီးပွားရေး ဒုက္ခသည် သုံးသန်းခန့်ကို မြန်မာနိုင်ငံမှ ထွက်ပြေးခဲ့ကြရသည်။

သို့သော် မြန်မာနိုင်ငံသည် အရှေ့တောင် အာရှဒေသတွင် မဟာဗျူဟာ ကျသော နေရာ၌ ရှိနေသည်။ မြန်မာနိုင်ငံသည် ထိုင်းနိုင်ငံသို့ အဓိက သဘာဝဓါတ်ငွေ့ တင်ပို့ရောင်းချသူ ဖြစ်ပြီး၊ ဒုတိယကမ္ဘာစစ် မတိုင်မီကကဲ့သို့ အဓိက စိုက်ပျိုးရေး ပို့ကုန် တင်ပို့သူ ဖြစ်နိုင်သည်။ ထို့အပြင် အာဆီယံ၏ ရည်မှန်းချက် ဖြစ်သော ၂၀၁၅ တွင် တစ်စုတစ်စည်းတည်း ဖြစ်ရေး အတွက် မြန်မာနိုင်ငံသည် အငြင်းပွားဖွယ် အကြီးဆုံး အတားအဆ်ီး တစ်ခု ဖြစ်လာနိုင်ပေသည်။ ၎င်း၏ ပြည်တွင်း ပဋိပက္ခများသည် တရုတ်နှင့် အိန္ဒိယကြားတွင် တင်းမာမှုများကို ဖြစ်စေမည် ဖြစ်သည်။

ဖြစ်ပေါ်လာမည့် အစိုးရသည် စီးပွားရေး တိုးတက်မှု အဆက်မပြတ် ဖြစ်ပေါ်စေနိုင်သော စီးပွားရေး မူဝါဒများ စဉ်းစားလိမ့်မည်ဟု မျှော်လင့်ချက် ရောင်ခြည် သန်းနေပေသည်။ သို့မှသာ နိုင်ငံရေးအရ ပြန်လည် ပေါင်းစည်းရေး ဝန်းကျင် တိုးတက်လာနိုင်မည် ဖြစ်သည်။ သို့မှသာ နိုင်ငံတကာ အသိုင်းအဝိုင်းမှ စိန်ခေါ်မှုများ အတွက် လမ်းကြောင်းသစ် အတိုင်း စီးပွားရေး မူဝါဒ ပြောင်းလဲမှုများကို အကူအညီပေးနိုင်မည့် နည်းလမ်းများ ထွက်ပေါ်လာမည် ဖြစ်ပြီး၊ စစ်တပ် အုပ်စိုးသူများ၏ နောက်ပြန်သွားသော အယူအဆများ အသစ်တဖန် မစတင်နိုင်ရေး ကလည်း လိုအပ်လှပေသည်။ စီးပွားရေး မူဝါဒ ပြောင်းလဲမှုများမှာ ခက်ခဲနိုင်ပြီး၊ စိတ်ရှည်သော စီးပွားရေး မဟာဗျူဟာတွင် အရေးယူ ပိတ်ဆို့မှုများ၊ အာဆီယံမှ ထိရောက်သော ပူးပေါင်းဆောင်ရွက်မှုများ ပါဝင်ပေသည်။

{Yangon Chronicle 2010:1530} ထိုင်းဝန်ကြီးချုပ်က အရေးပေါ် အခြေအနေ ရုပ်သိမ်းဖွယ် ရှိသည်ဟု ပြောကြား

Posted by Transparency Myanmar 2010

comments (0)

CNN News, 30^th May 2010

ထိုင်းနိုင်ငံတွင် အစိုးရက ၁၀ ရက်ခန့် ထုတ်ပြန်ထားသော ညမထွက်ရ ကာဖျူးအမိန့် ရုတ်သိမ်းခဲ့သည့် ပထမဆုံးည ပြီးဆုံးပြီး တနင်္ဂနွေနေ့ မနက်တွင် ထိုင်းဝန်ကြီးချုပ် အဘီဆစ် ဗဲ့ဂျာဂျီဗားက "တိုင်းပြည်၏ အခြေအနေ ငြိမ်သက်သွားပြီ" ဟု ပြောကြားလိုက်ကြောင်း အစိုးရ သတင်းများက ဖော်ပြသည်။

အဘီဆစ်က ၎င်း၏ အပတ်စဉ် ရုပ်သံ မိန့်ခွန်းတွင် အရေးပေါ် အခြေအနေ ကြေညာမှုကို ရုတ်သိမ်းနိုင်လိမ့်မည် ဖြစ်ကြောင်း ပြောကြားခဲ့သော်လည်း အရေးပေါ် ဥပဒေများ ဖြေလျှော့ပေးရမည့် အချိန်ကိုမူ ပြောကြားခဲ့ခြင်း မရှိဟု ထိုင်းသတင်းဌာနက ထုတ်ပြန်သည်။

ဘန်ကောက်မြို့လယ် ဈေးကွက် ရပ်ကွက်တွင် အစိုးရ ဆန့်ကျင် ဆန္ဒပြသူများ ထောင်ပေါင်း များစွာ စုဝေး စခန်းချခဲ့ခြင်းကြောင့် အာဏာပိုင်များက ဧပြီ ၇ ရက်နေ့တွင် ဘန်ကောက်နှင့် အနီးတဝိုက် ပြည်နယ်များ၌ အရေးပေါ် အခြေအနေ ကြေညာခဲ့ပြီး မေလ ၁၉ ရက်တွင် ဘန်ကောက်နှင့် ပြည်နယ် ၂၃ ခု ၌ ကာဖျူး အမိန့် ထုတ်ပြန်ခဲ့သည်။

ဆန္ဒပြသူများနှင့် အစိုးရ တပ်ဖွဲ့များ အကြား ယခုလ အစောပိုင်း ဖြစ်ပွားသော အကြမ်းဖက် ပဋိပက္ခများတွင် အနည်းဆုံး လူ ၅၀ ခန့် သေဆုံးခဲ့ပြီး ၄၀၀ နီးပါး ထိခိုက်ဒဏ်ရာ ရရှိခဲ့သည်ဟု အစိုးရ အရာရှိများက ဆိုသည်။

ထိုင်းဝန်ကြီးချုပ်က ကာဖျူး ရုတ်သိမ်း

ဘဏ်တိုက်၊ ရဲစခန်း၊ ပြည်တွင်း ရုပ်သံလွှင့်ဌာန၊ အကြီးဆုံး ဈေးဝယ် ကုန်တိုက်ကြီး အပါအဝင် အဆောက်အဦး ၃၀ ကျော် မီးလောင်ကျွမ်းခဲ့သည်။

နိုင်ငံရေး အုံကြွမှုကို စုံစမ်း စစ်ဆေးရန် လွတ်လပ်သော ကော်မတီကို ယခု တစ်ပတ်၌ ဖွဲ့စည်းမည်ဟု အဘီဆစ်က ပြောကြားသည်။

၂၀၀၆ ခုနှစ် သွေးမြေမကျ စစ်တပ် အာဏာသိမ်းမှုတွင် တိမ်းရှောင်သွားခဲ့သော ဝန်ကြီးချုပ်ဟောင်း သက်ဆင် ရှင်နာဝပ်ထရာက ရှပ်နီတို့၏ အစိုးရ ဆန့်ကျင်ရေး ဆန္ဒပြပွဲများကို နောက်ကွယ်မှ စီစဉ်ညွှန်ကြားကာ ရန်ပုံငွေ ကူညီခဲ့သည်ဟု ထိုင်း စုံစမ်း စစ်ဆေးရေး အရာရှိများက စွပ်စွဲလိုက်ကြောင်း ထိုင်းအစိုးရ သတင်းဌာနက ယခုတပတ်တွင် ပြောကြားခဲ့သည်။

ပဋိပက္ခများနှင့် ဆက်စပ်နေသော အကြမ်းဖက်မှုများနှင့် ပတ်သက်၍ အပြစ်ရှိသည်ဟု ဆိုကာ ထိုင်းတရားရုံးက သက်ဆင်အား ဖမ်းဆီးခွင့် ဝရမ်းကို ယခု အပတ်တွင် ထုတ်ပြန်သည်ဟု သတင်းဌာနက ကြေညာသည်။

ရှပ်နီ ဆန္ဒပြမှုများ၏ ခေါင်းဆောင်ဟု စွပ်စွဲခြင်းကို သက်ဆင်က ငြင်းဆိုလိုက်ပြီး ယခုကဲ့သို့ ဖမ်းဆီးခွင့် ဝရမ်း ထုတ်ပြန်ခြင်းသည် "အစိုးရ၌ ဥပဒေအရ မှန်ကန် မျှတစွာ ဆောင်ရွက်မှု ချို့တဲ့နေသည်" ဟူသော အချက်ကို ပြသနေသည်ဟု ပြောကြားလိုက်သည်။

{Yangon Chronicle 2010:1529} ငြိမ်းချမ်းရေး အတွက် ကိုရီးယား ကျွန်းဆွယ် ခေါင်းဆောင်များ တွန်းအားပေးကြရန် တရုတ်ဝန်ကြီးချုပ် ပြောကြား

Posted by Transparency Myanmar 2010

comments (0)

CNN News, 30^th May 2010

တောင်ကိုရီးယား စစ်သင်္ဘော နစ်မြုပ်မှု၏ အကျိုးဆက်အဖြစ် ပြင်းထန်သော ပဋိပက္ခများ မဖြစ်အောင် ရှောင်ရှားရန် ကိုရီးယား ကျွန်းဆွယ် ပါဝင်သော အရှေ့မြောက် အာရှဒေသက ငြိမ်းချမ်းရေး အတွက် တွန်းအားပေးရမည်ဟု တရုတ် ဝန်ကြီးချုပ် ဝမ်ကျားပေါင်က တနင်္ဂနွေနေ့တွင် ပြောကြားကြောင်း အစိုးရ သတင်းများတွင် ဖော်ပြသည်။

"အရှေ့မြောက် အာရှဒေသ တည်ငြိမ် အေးချမ်းအောင် ကျွန်တော်တို့ လုပ်လို့ရသမျှ နည်းလမ်း ပေါင်းစုံနဲ့ အားပေးရမယ်" ဟု ဝမ်က ပြောကြားကြောင်း တောင်ကိုရီးယား Yonhap သတင်းဌာန အဆိုအရ သိရသည်။ "ဒီကြီးမားတဲ့ ပြဿနာ အပေါ်မှာ တစ်ဦးကို တစ်ဦး မထိခိုက်အောင် ရှောင်ရှားသင့်တယ်။ အကဲခတ်တဲ့ ကိစ္စကို အကျိုးသင့် အကြောင်းသင့် ဆွေးနွေးသင့်တယ်။ နိုင်ငံရေးအရ ယုံကြည်မှုကို တည်ဆောက်ရမယ်" ဟု ဝမ်က ပြောဆိုခဲ့သည်။

တောင်ကိုရီးယား ဂျေဂျူးကျွန်းတွင် တောင်ကိုရီးယား သမ္မတ လီမြောင်ဘက်၊ ဂျပန် ဝန်ကြီးချုပ် ယူကီယို ဟာတိုယာမတို့နှင့် နှစ်ရက်ကြာ အစည်းအဝေး အပြီး၌ သတင်းထောက်များအား ပြောကြားသည့် ဝမ်၏ မှတ်ချက်များ ထွက်ပေါ်လာခြင်း ဖြစ်သည်။

ဒေသတွင်း တင်းမာမှု အထွတ်အထိပ်သို့ ရောက်ရှိနေသဖြင့် ထိပ်သီး ဆွေးနွေးပွဲ ကျင်းပခဲ့ခြင်း ဖြစ်သော်လည်း၊ ယင်းဆွေးနွေးပွဲကို သင်္ဘောသား ၄၆ ဦး အသက်ဆုံးရှုံးခဲ့သည့် ချိုနန် သင်္ဘောနစ်မြုပ်မှုသည် မြောက်ကိုရီးယား ပစ်ခတ်သော တိုပီဒိုကြောင့် ဖြစ်ကြောင်း စွပ်စွဲသည့် အစီရင်ခံစာ မထုတ်ပြန်မီကပင် စီစဉ်ထားခဲ့ခြင်း ဖြစ်သည်။

သမ္မတ 'လီ' က ယခုကိစ္စကို ကုလသမဂ္ဂ လုံခြုံရေး ကောင်စီသို့ တင်ပြရန် ၎င်း၏ အစိုးရက စီစဉ်ထားသည်ဟု ပြောကြားခဲ့သည်။ သို့ရာတွင် မြောက်ကိုရီးယား အပေါ် ဒဏ်ခတ်ရန် ကြိုးစားသည့် ဆောင်ရွက်မှု မှန်သမျှ လုံခြုံရေး ကောင်စီတွင် ဗီတိုအာဏာ သုံးစွဲခွင့် ရှိသည့် တရုတ်နိုင်ငံ၏ ပူးပေါင်း ဆောင်ရွက်မှုကို လိုအပ်သည်။

တောင်ကိုရီးယား အစီရင်ခံစာ၏ စွပ်စွဲချက်ကို မြောက်ကိုရီးယားက ငြင်းဆိုထားသည်။ မြောက်ကိုရီးယား၏ အဓိက နိုင်ငံတကာ ကျောထောက်နောက်ခံ တရုတ်နိုင်ငံကလည်း ယခု ပြဿနာတွင် လူသိရှင်ကြား ပါဝင်ရန် ရှောင်ရှားနေခဲ့သည်။

ယခုကိစ္စတွင် ရှင်းလင်းစွာ ရပ်တည်ရန် တောင်ကိုရီးယားက နိုင်ငံရေးအရ ဖိအား ပေးခဲ့သော်လည်း 'ဝမ်' ၏ တနင်္ဂနွေနေ့က မှတ်ချက်ပေးမှုတွင် မြောက်ကိုရီးယားကို တိုက်ရိုက် ရည်ညွှန်း ပြောကြားခြင်း မရှိခဲ့ဟု Yonhap သတင်းဌာနက ထုတ်ပြန်သည်။

ထို့အပြင် သောကြာနေ့က ဆိုးလ်တွင် သမ္မတ လီမြောင်ဘက်နှင့် ဆွေးနွေးစဉ် အတွင်း ဝမ်ကျားပေါင်က "သင်္ဘော နစ်မြှုပ်မှု အပေါ် တောင်ကိုရီးယား၏ စုံစမ်း စစ်ဆေးရေး ရလဒ်များကို လက်ခံရန် တရုတ်က မဆုံးဖြတ်ရသေး" ဟု ပြောကြားခဲ့ကြောင်း တောင်ကိုရီးယား အရာရှိများက ပြောဆိုသည်။

ချိုနန် နစ်မြုပ်မှုသည် အရှေ့မြောက် အာရှဒေသ ငြိမ်းချမ်းရေး၊ တည်ငြိမ်ရေးတို့နှင့် ဆက်စပ်နေသော ပြဿနာကိစ္စ တစ်ခု ဖြစ်သည်ဆိုသော အချက်ကို ခေါင်းဆောင်များက သဘောတူ ညီမျှခဲ့ကြသည်ဟု ဟာတိုယာမက တနင်္ဂနွေနေ့ သတင်းစာ ရှင်းလင်းပွဲတွင် ပြောကြားခဲ့ကြောင်း Yonhap သတင်းများအရ သိရှိရသည်။

ယခုကိစ္စကို သင့်မြတ် လျှော်ကန်စွာ ထိထိရောက်ရောက် ကိုင်တွယ်ရန်နှင့် ဒေသတွင်း တည်ငြိမ် အေးချမ်းရေးကို ထိန်းသိမ်းရေး အတွက် ဆက်လက် ညှိနှိုင်း တိုင်ပင် သွားကြရန် ဝမ်ကျားပေါင်၊ ဟာတိုယာမတို့နှင့် သဘောတူညီခဲ့သည်ဟု 'လီ' က တနင်္ဂနွေနေ့တွင် ပြောကြားခဲ့ကြောင်း Yonhap က သတင်းထုတ်ပြန်သည်။

၂ ရက်ကြာ ထိပ်သီး ဆွေးနွေးပွဲ အတွင်း ကုန်သွယ်ရေးနှင့် နျူကလီယာ လက်နက် ကိစ္စ အပါအဝင် ဒေသတွင်း စီးပွားရေးနှင့် နိုင်ငံရေး ကိစ္စများကို ခေါင်းဆောင်များက ကျယ်ကျယ်ပြန့်ပြန့် ဆွေးနွေးခဲ့ကြသည်ဟု သိရသည်။

အရှေ့မြောက် အာရှဒေသရှိ ငြိမ်းချမ်းရေး၊ လုံခြုံရေးနှင့် စီးပွားရေး အောင်မြင် ကြွယ်ဝမှုများ တည်မြဲစေရန် ကိုရီးယား ကျွန်းဆွယ် နျူကလီယာ ကင်းစင်မှုက ကြီးမားစွာ အထောက်အကူ ပြုလိမ့်မည် ဟူသော အချက်ကို သဘောတူခဲ့ကြကြောင်း ပူးတွဲ ကြေညာချက်တွင် ခေါင်းဆောင်များက ပြောကြားခဲ့သည်။

{Yangon Chronicle 2010:1528} ကုန်သွယ်ရေးသဘောတူညီချက် ထွက်ပေါ်ရေးအတွက် တရုတ်၊ တောင်ကိုရီးယားနှင့် ဂျပန်တို့ အရှိန်မြှင့်လုပ်ကိုင်မည်

Posted by Transparency Myanmar 2010

comments (0)

သုံးနိုင်ငံ လွတ်လပ်စွာ ကုန်သယ်မှု ပဋိညာဉ် ချုပ်ဆိုနိုင်ရေးအတွက် ရင်းနှီး မြှုပ်နှံမှုဆိုင်ရာ သဘောတူညီချက်နှင့် လေ့လာသုတေသန ပြုမှုများကို အရှိန်မြှင့်တင် လုပ်ကိုင်သွားရန် တောင်ကိုရီးယား၊ ဂျပန်နှင့် တရုတ်နိုင်ငံတို့ သဘောတူညီမှု ရရှိလိုက်ပြီ ဖြစ်သည်။

တောင်ကိုရီးယားနိုင်ငံ အပန်းဖြေစခန်း ဖြစ်သော ဂျေဂျူးကျွန်းတွင် သမ္မတ Lee Myung-Bak ၊ ဂျပန်ဝန်ကြီးချုပ် Yukio Hatoyama နှင့် တရုတ် ဝန်ကြီးချုပ် ဝမ်ကျားပေါင်တို့ ထိပ်သီး ဆွေးနွေးပွဲ ပြုလုပ်ပြီးနောက် အထက်ပါ သတင်း ထွက်ပေါ်လာခြင်း ဖြစ်သည်။

"တရုတ်၊ ဂျပန်နှင့် တောင်ကိုရီးယား သုံးနိုင်ငံအကြား လွတ်လပ်စွာ ကုန်သွယ်မှု သဘောတူညီချက် ထွက်ပေါ်ရေးအတွက် လေ့လာ သုတေသနပြုမှုများကို လာမည့် ၂၀၁၂ ခုနှစ်မှ စ၍ ကျွန်ုပ်တို့ ကြိုးပမ်း အကောင်အထည် ဖော်သွားမည် ဖြစ်သည်" ဟု သုံးနိုင်ငံ ပူးတွဲ ထုတ်ပြန်သော ကြေညာချက်၌ ခေါင်းဆောင်များက ဆိုသည်။

အဆိုပါ သုံးနိုင်ငံသည် ဒေသတွင်း စီးပွားရေး အကျိုးတူ ပူးပေါင်း ဆောင်ရွက်သည့် အုပ်စုတစ်ခု ပေါ်ပေါက်ရန် ရည်ရွယ်ထားသည့် လွတ်လပ်စွာ ကုန်သွယ်မှု ပဋိညာဉ်တစ်ရပ် ချုပ်ဆိုရေးအတွက် လိုအပ်သော သုတေသန ပြုမှုများကို ပူးပေါင်း လုပ်ကိုင်ရန် ပြီးခဲ့သည့် ၂၀၀၉ ခုနှစ်တွင် ပြုလုပ်သော ထိပ်သီးဆွေးနွေးပွဲ၌ စတင် သဘောတူခဲ့ကြသည်။

မေလ နောက်ဆုံးပတ် မတိုင်ခင်က ဂျပန်၊ တရုတ်နှင့် တောင်ကိုရီးယား ကုန်သွယ်ရေး ဝန်ကြီး သုံးဦးက လာမည့် နှစ်နှစ်အတွင်း ဖြစ်နိုင်ခြေ ရှိသော သုတေသနပြုမှုများ လုပ်ကိုင်သွားမည်ဟု အတည်ပြု ပြောဆိုခဲ့ကြသည်။ သုံးနိုင်ငံ လွတ်လပ်စွာ ကုန်သွယ်မှု အုပ်စုတစ်ခု ပေါ်ပေါက်ရေးအတွက်
ဖန်တီးသွားမည်ဟုလည်း ဆိုသည်။

ယခုနှစ် ထိပ်သီး ဆွေးနွေးပွဲတွင် သုံးနိုင်ငံ ခေါင်းဆောင်များက လာမည့် နှစ်အတွင်း တောင်ကိုရီးယား နိုင်ငံ၌ ကုန်သွယ်မှု ပူးပေါင်း ဆောင်ရွက်မှု ဆိုင်ရာ အထွေထွေ အတွင်းရေးမှူးရုံး ထူထောင်ရန်နှင့် ရင်းနှီးမြှုပ်နှံမှု ဆိုင်ရာ သဘောတူညီချက်များ အဆောတလျင် အဆုံးသတ်ရေး အတွက်လည်း တိုက်တွန်း ပြောဆိုခဲ့ကြသည်။

တောင်ကိုရီးယားသည် ဂျပန်၊ တရုတ်တို့နှင့် ကုန်သွယ်ရေးအတွက် ဆွေးနွေး ပြောဆိုရာတွင် နှစ်အတန်ကြာ တသီးတခြား ဖြစ်နေခဲ့သည်။ သို့သော် ယခုအခါ တိုးတက်မှု အနည်းငယ် ရှိလာပြီ ဖြစ်သည်။

လွတ်လပ်စွာ ကုန်သွယ်မှုအတွက် ပြီးပြည့်စုံသော စေ့စပ်ညှိနှိုင်းမှု မစတင်မီ လယ်ယာ စိုက်ပျိုးရေးကဲ့သို့ အကဲဆတ်သည့် အခန်းကဏ္ဍများအပေါ် ပဏာမ ဆွေးနွေး ညှိနှိုင်းမှုများ ပြုလုပ်ရန် တောင်ကိုရီးယားနှင့် တရုတ်တို့ သဘောတူညီခဲ့ကြသည်။

တရုတ်သည် တောင်ကိုရီးယား၏ အကြီးဆုံးသော ကုန်သွယ်ရေး မိတ်ဘက်နိုင်ငံ ဖြစ်လာသည်။ ၂၀၀၉ ခုနှစ်တွင် တရုတ်နိုင်ငံ၏ တောင်ကိုရီးယားသို့ ကုန်ပစ္စည်း တင်ပို့မှုသည် စုစုပေါင်း ပြည်ပတင်ပို့မှု၏ ၂၄ ရာခိုင်နှုန်းသို့ ရောက်ရှိခဲ့သည်။

တောင်ကိုရီးယားသည် ကုန်ပစ္စည်း တင်ပို့မှု အားပြုသော စီးပွားရေးတစ်ရပ် ထွက်ပေါ်လာရေးအတွက် လွတ်လပ်စွာ ကုန်သွယ်မှု သဘောတူညီမှုများ ရရှိအောင် တက်တက်ကြွကြွဖြင့် ကြိုးပမ်းလျက် ရှိသည်။

တောင်ကိုရီးယားသည် ချီလီ၊ စင်ကာပူ၊ အိန္ဒိယ၊ ဥရောပ လွတ်လပ်စွာ ကုန်သွယ်မှု အဖွဲ့၊ အရှေ့တောင် အာရှနိုင်ငံများ အဖွဲ့တို့နှင့်လည်း ကုန်သွယ်မှုဆိုင်ရာ သဘောတူညီချက်များ ရရှိခဲ့ပြီး ဖြစ်သည်။

AFP သတင်းကို ဘာသာပြန်ဆိုသည်။

{Yangon Chronicle 2010:1527} ဘန်ကောက်တွင် ကာဖျူးအမိန့် ရုပ်သိမ်း

Posted by Transparency Myanmar 2010

comments (0)

ထိုင်းနိုင်ငံတွင် အစိုးရ အာဏာပိုင်များက ဘန်ကောက် အပါအဝင် ပြည်နယ်ပေါင်း ၂၃ ခုတွင် ထုတ်ပြန်ထားသော ကာဖျူး (သတ်မှတ်ချိန်အတွင်း အပြင်မထွက်ရ) အမိန့်ကို ပြန်လည် ရုပ်သိမ်းလိုက်ပြီ ဖြစ်ကြောင်း သတင်းရရှိသည်။ ဘန်ကောက် မြို့တော်တွင် ရှပ်နီ ဆန္ဒပြ အုပ်စုများနှင့် စစ်တပ်အကြား မြို့တွင်း တိုက်ခိုက်မှုများ ဖြစ်ပွားပြီး ၁၀ ရက် အကြာတွင် ယင်း ကာဖျူးအမိန့်ကို အစိုးရက ရုပ်သိမ်းလိုက်ခြင်း ဖြစ်သည်။

လက်ရှိအခြေအနေမှာ ကောင်းစွာ ထိန်းချုပ်နိုင်ပြီ ဖြစ်ရာ ကာဖျူးအမိန့်ကို ဆက်လက် တိုးမြှင့်ရန် မလိုအပ်တော့ကြောင်း ဝန်ကြီးချုပ် အဘီဇစ် ဝိဇ္ဇာဝီရက ပြောကြားသည်။ သို့သော် လပေါင်းများစွာ ဆန္ဒပြမှုများ ဖြစ်ပေါ်စဉ်အတွင်း ထုတ်ပြန်ခဲ့သော နိုင်ငံတော် အရေးအပေါ် အခြေအနေ ကြေညာချက်ကို ဆက်လက် ထားရှိဦးမည် ဖြစ်သည်ဟု ၎င်းက ဆိုသည်။

မတ်လ ၁၄ ရက်နေ့က စတင်ခဲ့သော နိုင်ငံရေး လိပ်ခဲတည်းလည်း ဖြစ်မှုတွင် လူပေါင်း ၈၀ သေဆုံးခဲ့သည်။ ရှပ်နီ ဆန္ဒပြ အုပ်စုများက ဘန်ကောက်မြို့၏ အချက်အခြာကျသော နေရာများကို စီးနင်းကာ ဝန်ကြီးချုပ် အဘီဇစ် အစိုးရနှင့် ပါလီမန် ဖျက်သိမ်းရေးကို တောင်းဆိုခဲ့ကြရာမှ ထိုင်းနိုင်ငံရေး တင်းမာမှုမှာ အဆိုးဆုံး အခြေအနေသို့ ရောက်ရှိခဲ့သည်။ ရှပ်နီ ဆန္ဒပြသမားများ စီးနင်းမှုကြောင့် ဘန်ကောက်မြို့မှ ဟိုတယ်များနှင့် ဈေးဆိုင်များ ပိတ်ပင်ထားခဲ့ရသည်။

နိုင်ငံရေး လိပ်ခဲတည်းလည်း ဖြစ်မှုကို စေ့စပ်ညှိနှိုင်းမှုဖြင့် ဖြေရှင်းရန် ကြိုးစားခဲ့ကြသော်လည်း မေလ ၁၉ ရက်နေ့တွင် ပျက်ပြယ်ခဲ့သည်။ ထို့နောက် ရက်ပေါင်း ခြောက်ရက် တိတိထိုင်းစစ်တပ်နှင့် ဆန္ဒပြအုပ်စုများ အကြား အပြန်အလှန် တိုက်ခိုက်ကြသည်။ နောက်ဆုံးတွင် ဆန္ဒပြအုပ်စုများ ပြုလုပ်ထားသည့် အတားအဆီးများကို စစ်တပ်က အင်အားသုံး ဖယ်ရှားလိုက်ရာမှ လူစုကွဲကာ ပြီးဆုံးသွားသည်။

အဆိုပါ ဖြစ်ရပ်ကြောင့် ဘန်ကောက်ရှိ အထင်ကရ အဆောက်အအုံများ၊ ဈေးဆိုင်များ၊ ဘဏ်များ မီးရှို့ ဖျက်ဆီးခံရသည်။ စစ်တပ်က အင်အားသုံး ဝင်ရောက်သောကြောင့် သဘောထား တင်းမာသူ ဆန္ဒပြအုပ်စုများက မီးရှို့ ဖျက်ဆီးခဲ့ခြင်း ဖြစ်သည်။ ပျက်ဆီးသွားသော အဆောက်အအုံ များထဲတွင် ဘန်ကောက်၏ အကြီးဆုံး ရှော့ပင်းစင်တာ ဖြစ်သော Central World လည်း ပါဝင်သွားသည်။

"ကာဖျူးကို ကျွန်တော်တို့ ထပ်တိုးဖို့ မလိုတော့ပါဘူး၊ အခြေအနေ အားလုံးကို ထိန်းချုပ်နိုင်ပါပြီ" ဟု ဝန်ကြီးချုပ်က သတင်းစာဆရာများကို ပြောကြားသည်။

BBC သတင်းကို ဘာသာပြန်ဆိုသည်။

{Yangon Chronicle 2010:1526} မွန်ပြည်သစ်ပါတီ ခေါင်းဆောင်များ ရာထူးမှ နုတ်ထွက်

Posted by Transparency Myanmar 2010

comments (0)

မြန်မာစစ်အစိုးရ၏ ကမ်းလှမ်းချက်ဖြစ်သော နယ်ခြား ဒေသစောင့်တပ်အဖြစ် ပြောင်းလဲ ဖွဲ့စည်းရန် အဆိုပြုချက်ကို ပယ်ချခဲ့သော မွန်ပြည်သစ်ပါတီ (NMSP) မှ ထိပ်ပိုင်း ခေါင်းဆောင်သုံးဦး မေလ ၁၈ ရက်နေ့တွင် ရာထူးမှ နုတ်ထွက်သွားကြကြောင်း အဆိုပါ ပါတီ၏ ပြောခွင့်ရ ပုဂ္ဂိုလ်က ဆိုသည်။

မွန်ပြည်သစ်ပါတီ တွဲဖက် အတွင်းရေးမှူး Nai Chan Twe၊ ဗဟို အလုပ်အမှုဆောင် ကော်မတီ အဖွဲ့ဝင် Nai Tin La နှင့် Nai Kho Sap တို့သည် ပါတီတွင် ဆက်လက် တာဝန် ထမ်းဆောင်လိုစိတ် မရှိတော့သဖြင့် ရာထူးမှ နုတ်ထွက်သွားခြင်း ဖြစ်ကြောင်း၊ ၎င်းတို့၏ နုတ်ထွက်စာကို ပါတီက လက်ခံခဲ့ကြောင်း ပြောခွင့်ရပုဂ္ဂိုလ် Nai Chay Mon က ပြောကြားသည်။

Nai Tin La သည် မွန်ပြည်သစ် ပါတီတွင် နှစ်ပေါင်း ၂၅ နှစ် လုပ်ကိုင်ခဲ့ပြီး Nai Chan Twe နှင့် Nai Kho Sap တို့မှာ နှစ်ပေါင်း ၃၀ ခန့် တာဝန် ထမ်းဆောင်ခဲ့ကြသူများ ဖြစ်ကြသည်။

"သူတို့က ပါတီနဲ့ လက်တွဲပြီး တော်လှန်ရေးကို အချိန် အကြာကြီး လုပ်ခဲ့ကြတာ ဆိုတော့ အပြောင်းအလဲ တစ်ခု လိုချင်ပုံ ရပါတယ်" ဟု Nai Chay Mon က ပြောသည်။

မြန်မာ စစ်အစိုးရနှင့် မွန်ပြည်သစ် ပါတီအကြား ဆက်ဆံရေးမှာ တင်းမာပြီး နှစ်ဖက်စလုံးက စစ်ရေးဖြင့် ဖြေရှင်းရန် အသင့် အနေအထားတွင် ရှိကြသည်။

နုတ်ထွက်သွားသော ပါတီဝင်များသည် မွန်တိုင်းရင်းသား အုပ်စုသစ် တစ်ခု ဖြစ်သော မွန်ဒေသလုံး ဆိုင်ရာ ဒီမိုကရေစီပါတီ (AMPDP) ကို ထောက်ခံဖွယ် ရှိသည်ဟု မွန်ပြည်သစ် ပါတီက ခန့်မှန်း ပြောဆိုနေသည်။

AMRDP ပါတီတွင် ရွေးကောက်ပွဲသို့ ဝင်ရောက် ယှဉ်ပြိုင်မည့် ပုဂ္ဂိုလ် ၅၃ ဦး ရှိပြီး မွန်ပြည်နယ် အငြိမ်းစား ပညာရေးမှူး Nai Ngwe Thein က ဦးဆောင်သည်။ ထိုပါတီကို မေလ ၇ ရက်နေ့က မော်လမြိုင်မြို့တွင် ဖွဲ့စည်း ထူထောင်ခဲ့ပြီး မွန်ပြည်နယ်၊ ကရင်ပြည်နယ်၊ တနင်္သာရီ နှင့် ပဲခူးတိုင်းတို့တွင် ဝင်ရောက် ယှဉ်ပြိုင်ရန် ဦးတည်ထားကြောင်း ပါတီ ဥက္ကဋ္ဌ က ထိုင်းနိုင်ငံ အခြေစိုက် မွန်သတင်း အေဂျင်စီသို့ ပြောကြားသည်။

DVB သတင်းကို ဘာသာပြန်ဆိုသည်။

{Yangon Chronicle 2010:1525} ရွေးကောက်ပွဲအကြိုကာလ မြန်မာသို့ စစ်ဆေးရေးအဖွဲ့ စေလွှတ်မည့် အီးယူအစီအစဉ် မပြီးပြတ်သေး

Posted by Transparency Myanmar 2010

comments (0)

မြန်မာနိုင်ငံတွင် ကျင်းပရန် ရှိသည့် ရွေးကောက်ပွဲနှင့် ပတ်သက်ပြီး နိုင်ငံတွင်း ဒီမိုကရေစီ ဖြစ်ထွန်းမှု အခြေအနေကို စစ်ဆေးနိုင်ရေးအတွက် ကျွမ်းကျင်သူ များ စေလွှတ်ရန် ဥရောပသမဂ္ဂ (အီးယူ) ၏ ကြိုးပမ်းချက်မှာ ယခုအချိန်အထိ မပြီးပြတ်သေးကြောင်း အီးယူ နိုင်ငံခြားရေးရာ ဌာနက ဆိုသည်။

စပိန်နိုင်ငံ၊ မက်ဒရစ်မြ်ို့တွင် မြန်မာ နိုင်ငံခြားရေး ဝန်ကြီး ဦးဉာဏ်ဝင်း အပါအဝင် ဥရောပ သမဂ္ဂမှ ဝန်ကြီး ၂၇ ဦးနှင့် အာဆီယံ အဖွဲ့ဝင် နိုင်ငံများမှ ဝန်ကြီးများ တွေ့ဆုံ ညစာစားပွဲတွင် အီးယူ နိုင်ငံခြားရေး ဌာန၏ ပြောခွင့်ရ ပုဂ္ဂိုလ်က အထက်ပါ အတိုင်း ပြောဆိုခြင်း ဖြစ်သည်။

မြန်မာနိုင်ငံတွင်း ဒီမိုကရေစီ ဖြစ်ထွန်းမှု အခြေအနေကို လေ့လာရန် ကျွမ်းကျင်သူများ စေလွှတ်နိုင်ရေးအတွက် မည်သို့ ဖိအားပေးမည် ဟူသော ကိစ္စမှာ အီးယူ အဆင့်မြင့် ကိုယ်စားလှယ်က လုပ်ဆောင်ရမည် မဟုတ်ကြောင်း၊ ယင်းကိစ္စသည် အီးယူ အဖွဲ့ဝင် နိုင်ငံများက လုပ်ဆောင်ရမည်သာ ဖြစ်ကြောင်း ပြောခွင့်ရ ပုဂ္ဂိုလ် Maja Kocijancic က ပြောကြားသည်။

"ကျွန်မတို့ ဒီကိစ္စကို ဆောင်ရွက်ချင်ပါတယ်။ ဒါပေမဲ့ ခုချိန်ထိ အဆုံး မသတ်နိုင်သေးပါဘူး" ဟု သူမက ပြောသည်။ အဆိုပါ အိုင်ဒီယာမှာ အဖွဲ့ဝင်နိုင်ငံများမှ သံအမတ်ကြီးများ၏ လက်ဝယ်တွင်သာ ရှိနေခဲ့ကြောင်းလည်း ဖြည့်စွက် ပြောဆိုသည်။

စပိန်နိုင်ငံမှ အရာရှိကြီး တစ်ဦးက မြန်မာနိုင်ငံသို့ စုံစမ်းလေ့လာရေး မစ်ရှင် စေလွှတ်ပြီး ရွေးကောက်ပွဲ အကြောင်း ဆွေးနွေးမည့် ကိစ္စမှာ လွန်စွာ ရှုပ်ထွေးနက်နဲပြီး လွန်စွာမှလည်း သိမ်မွေ့ နူညံ့လွန်းကြောင်း ပြောဆိုသည်။ မြန်မာနိုင်ငံမှ အတိုက်အခံ ခေါင်းဆောင်များနှင့် တွေ့ဆုံခွင့်ရမည်၊ မရမည် ဟူသော ကိစ္စမှာလည်း အာမခံနိုင်ခြင်း မရှိကြောင်း ၎င်းက ဆိုသည်။

အီးယူ နိုင်ငံခြားရေးရာ ဌာန အကြီးအကဲ Catherine Ashton ကလည်း အီးယူနှင့် အာဆီယံ၏ ပူးတွဲ တောင်းဆိုချက် ဖြစ်သော မြန်မာနိုင်ငံတွင်း ယုံကြည် စိတ်ချရပြီး ပွင့်လင်းမြင်သာမှု ရှိကာ နိုင်ငံရေးသမားများ အားလုံး ပါဝင်ခွင့် ရှိမည့် ရွေးကောက်ပွဲ တစ်ရပ် ပေါ်ထွန်းနိုင်ရေး အတိုင်း ဖိအားပေး ပြောဆိုသည်။

စပိန်နိုင်ငံ၊ မက်ဒရစ်မြို့တွင် ပြုလုပ်သော တွေ့ဆုံ ဆွေးနွေးပွဲ၌ ဝန်ကြီးများ အားလုံးက "မြန်မာနိုင်ငံတွင် ရွေးကောက်ပွဲ မတိုင်မီ ကာလအတွင်း ဖမ်းဆီး ထိန်းသိမ်းထားသော နိုင်ငံရေး အကျဉ်းသား အားလုံးကို လွှတ်ပေးပြီး ရွေးကောက်ပွဲ၌ ပါဝင်စေလိုကြောင်း၊ သို့မှသာ သက်ဆိုင်သူ အားလုံး ပါဝင်မှု ရှိသည့် ဒိုင်ယာလော့ခ် တစ်ခုကို ငြိမ်းချမ်းစွာ လုပ်ကိုင်နိုင်မည် ဖြစ်ကြောင်း" တိုက်တွန်း ပြောဆိုသည်။

ထို့ပြင် ဝန်ကြီးများက ဖမ်းဆီး ထိန်းသိမ်းခံထားရသော အတိုက်အခံ ခေါင်းဆောင် ဒေါ်အောင်ဆန်းစုကြည်ကို အမြန်ဆုံး လွှတ်ရန်လည်း ရည်ညွှန်း ပြောဆိုသည်။

ဒေါ်အောင်ဆန်းစုကြည်၏ နိုင်ငံရေးပါတီ ဖြစ်သော အမျိုးသား ဒီမိုကရေစီအဖွဲ့ (NLD)သည် ရွေးကောက်ပွဲတွင် ဝင်ရောက် ယှဉ်ပြိုင်မည် မဟုတ်ဟု သပိတ်မှောက်ထားသည်။ အကြောင်းမှာ ရွေးကောက်ပွဲတွင် ဝင်ရောက် ယှဉ်ပြိုင်မည် ဆိုပါက စစ်အစိုးရ၏ ရွေးကောက်ပွဲ ဥပဒေအရ ဒေါ်အောင်ဆန်းစုကြည်ကို မလွဲမသွေ ထုတ်ပယ်ရမည် ဖြစ်နေသောကြောင့်ပင် ဖြစ်သည်။

ဤအတောအတွင်းမှာပင် NLD ပါတီက ၁၉၉၀ ပြည့်နှစ် ရွေးကောက်ပွဲတွင် အနိုင် ရရှိခဲ့သည့် နှစ် ၂၀ ပြည့် အထိမ်းအမှတ်ကို မေလ ၂၇ ရက်နေ့တွင် ကျင်းပ ပြုလုပ်ခဲ့ကြသည်။

AP ဌာန၏ သတင်းကို ဘာသာပြန်ဆိုသည်။

{Yangon Chronicle 2010:1524} အိန္ဒိယ ကုမ္ပဏီများ မြန်မာ ဓာတ်ငွေ့နယ်ပယ်သို့ ဝင်ရန် ပြင်ဆင်

Posted by Transparency Myanmar 2010

comments (0)

www.telegraphindia.com, 30^th May 2010

အထက်သို့ ဆန်နေကြသော Oil India.GAIL နှင့် ONGC စသော အိန္ဒိယ အဓိက ရေနံကုမ္ပဏီကြီးများသည် ၎င်းတို့ နိုင်ငံတွင်း စွမ်းအင် လိုအပ်ချက်ကို ပြည့်မီရန် အတွက် သဘာဝ ဓာတ်ငွေ့ ကြွယ်ဝသော မြန်မာနိုင်ငံမှ အခွင့်အလမ်းများကို ထပ်မံ ရှာဖွေနေကြသည်။

Oil India က မြန်မာနိုင်ငံတွင် လုပ်ကိုင်ရန် အဆင်သင့် ဖြစ်နေသည့် ဓာတ်ငွေ့သိုက်များကို ရှာဖွေနေချိန်တွင် ရှာဖွေရေး ကုမ္ပဏီ ONGC နှင့် ဓာတ်ငွေ့ ကုန်သည် GAIL (India) တို့က မြန်မာနိုင်ငံမှ ဓာတ်ငွေ့ တူးဖော်ရေး စီမံကိန်းနှင့် ကမ်းခြေ ပိုက်လိုင်း သွယ်ယူရေး စီမံကိန်းများတွင် အစုရှယ်ယာဝင်မှုကို သေချာစွာ ပြုလုပ်ခဲ့ကြသည်။

မြန်မာ ဓာတ်ငွေ့သိုက်များကို အိန္ဒိယ ကုမ္ပဏီများက စောစီးစွာ လက်ဦးမှု ရယူ တွေ့ရှိခဲ့သော်လည်း ပိုက်လိုင်း မရှိခြင်းကြောင့် အိန္ဒိယသို့ မသယ်ယူနိုင်ခဲ့ပါ။

၎င်းကုမ္ပဏီများ မြန်မာနိုင်ငံကို အာရုံစိုက်နေရသော အကြောင်းရင်းမှာ တွေ့ရှိပြီး ဓာတ်ငွေ့အရံသိုက်များ၏ ပမာဏ ၁၉ ထရီလီယံ ကုဗပေနှင့်အတူ ရှာဖွေခြင်း မပြုရသေးသော နေရာများစွာ ကျန်ရှိနေသေးသောကြောင့် ဖြစ်သည်။

"မြန်မာနိုင်ငံမှာ ရင်းနှီးမြှုပ်နှံဖို့ ကျွန်တော်တို့ လေ့လာ ရှာဖွေနေပါတယ်။ အားလုံးပြီးသွားရင် အသေးစိတ် အချက်တွေကို အသိပေးနိုင်လိမ့်မယ်" ဟု Oil India မှ ဥက္ကဌ ဖြစ်သူ NM Borah က ပြောကြားခဲ့သည်။

လေ့လာ စူးစမ်းဆဲ ဓာတ်ငွေ့သိုက်များထက် အဆင်သင့် ထုတ်လုပ်နိုင်သော ပင်လယ်ရပ်ခြား စွမ်းအင် ရင်းမြစ်များကို ရရှိနိုင်ရန် မိမိတို့ ကုမ္ပဏီက ရှာဖွေနေသည်ဟု ၎င်းက ပြောဆိုသည်။

"စွမ်းအင် လုံခြုံဖို့ အတွက် ကမ္ဘာပေါ်က အခွင့်အလမ်းတွေကို ရှာဖွေဖို့က ကျွန်တော်တို့ ကုမ္ပဏီရဲ့ မဟာဗျူဟာ အစိတ်အပိုင်း တစ်ခုပါ။ အစိုးရကလည်း သံတမန် နည်းလမ်းတွေနဲ့ ပါဝင် လုပ်ဆောင်နေပါတယ်" ဟု ၎င်းက ဆိုသည်။

"ကျွန်တော်တို့ကတော့ သန့်သန့်ရှင်းရှင်းပဲ တိုးတက်ချင်ပါတယ်။ ပြည်ပက အခွင့်အလမ်းတွေကို ရရှိအောင် အရှိန်မြှင့် ကြိုးပမ်းဖို့ ဆိုတာက တော်တော် သတိထားရတဲ့ ဆုံးဖြတ်ချက်ပါ။ ပင်လယ်ရပ်ခြားက အဆိုပြုချက်တွေကို တန်ဖိုးဖြတ်ဖို့ အတွက် ကျွန်တော်တို့ အလုပ်ချိန် ၃၅% ကို သုံးနေရပါတယ်။ ကျွန်တော်တို့ အဆက်မပြတ် လုပ်ဆောင်နေပါတယ်" ဟု Oil India မှ ဘဏ္ဍာရေး ဒါရိုက်တာ TK Ananth Kumar က ပြောကြားခဲ့သည်။

မိမိတို့ ကုမ္ပဏီသည် ယခု ဘဏ္ဍာရေးနှစ် အတွင်း များပြားလာသော အခွင့်အလမ်းများ အတွက် ရူပီးငွေ ကုဋေ ၄၀၀၀ ခန့် အဆင်သင့် သိမ်းဆည်းထားသည်ဟု ၎င်းက ဆိုသည်။

ကမ္ဘာတလွှားရှိ ရေနံနှင့် ဓာတ်ငွေ့သိုက်များတွင် နိုင်ငံပိုင် ကုမ္ပဏီကြီးများ ပါဝင် ရင်းနှီးမြှုပ်နှံရေးကို အဆင်ပြေအောင် ကူညီရန် အစိုးရက ဆုံးဖြတ်ထားပြီး ကုမ္ပဏီများ လိုအပ်သမျှ ကူညီပေးရန် ၎င်း၏ သံတမန်များကို တောင်းဆိုမှာကြားထားသည်။

မြန်မာနိုင်ငံရှိ ဓာတ်ငွေ့ စီမံကိန်းတွင် ONGC နှင့် GAIL က ဒေါ်လာ ၁.၃၃ ဘီလျံ ရင်းနှီးမြှုပ်နှံ ခဲ့ကြောင်း လတ်တလော အတည်ပြုထားပြီး အဆိုပါ ဓာတ်ငွေ့များကို တရုတ်သို့ တင်ပို့မည် ဖြစ်သည်။

မြန်မာနိုင်ငံ ကမ်းလွန် A1 နှင့် A3 လုပ်ကွက်မှ ထွက်ရှိသော ဓာတ်ငွေ့များကို သယ်ယူရန် တရုတ် CNPC ကုမ္ပဏီက တည်ဆောက်နေသော ပိုက်လိုင်း စီမံကိန်းတွင် ONGC နှင့် GAIL က ရင်းနှီး မြှုပ်နှံကြမည် ဖြစ်သည်။

ဓာတ်ငွေ့ ကြွယ်ဝသော မြန်မာနိုင်ငံမှ အခွင့်အလမ်းများ ပိုမို ရရှိရန် အဆိုပါ ကုမ္ပဏီများက ကြိုးစားနေကြသည်ဟု သတင်းများအရ သိရှိရသည်။

ကမ္ဘာ့ရေနံနှင့် ဓာတ်ငွေ့ ရင်းနှီးမြှုပ်နှံမှု နယ်ပယ်တွင် တရုတ်နှင့် ယှဉ်ပြိုင်နေရသော အိန္ဒိယ နိုင်ငံပိုင် ကုမ္ပဏီများကို ကူညီရန် လွတ်လပ်သော ရန်ပုံငွေ တစ်ရပ် ထူထောင်ရေး အတွက် ဘဏ္ဍာရေး ဝန်ကြီးဌာနနှင့် ဆွေးနွေးမှုများ ပြုလုပ်နေသည်ဟု ရေနံ ဝန်ကြီးဌာန သတင်းရပ်ကွက်မှ သိရှိရသည်။

"လွတ်လပ်တဲ့ ရန်ပုံငွေ ဒေါ်လာ ၂၀ ဘီလျံရဖို့ ကျွန်တော်တို့ အဆိုပြုထားပါတယ်။ ဒါပေမယ့် အရေအတွက်နဲ့ အမျိုးအစားတွေ တွက်ချက် သတ်မှတ်ဖို့ ဘဏ္ဍာရေး ဝန်ကြီးဌာနကို တင်ပြထားတုန်းပါ။ တိုင်းပြည်ရဲ့ စွမ်းအင် လိုအပ်ချက် မြင့်မားလာမယ်လို့ မျှော်လင့်ရတဲ့ အတွက် ဒီလို ရန်ပုံငွေ ထူထောင်ထားသင့်တဲ့ အချက်ရယ်၊ စွမ်းအင် လုံခြုံမှု သေချာအောင် ပြည်ပရင်းမြစ်တွေကို ရယူရမယ့် နည်းလမ်း တစ်ခုပဲ ရှိတယ်ဆိုတဲ့ အချက်ရယ်ကို အစိုးရ အဖွဲ့ထဲမှာ တခဲနက် သဘောတူခဲ့ကြပါတယ်" ဟု ရေနံဌာန အရာရှိက ပြောကြားသည်။

ပြည်ပ စွမ်းအင် ရင်းမြစ် ရှာဖွေနေသော ကုမ္ပဏီများကို ကူညီရန် တရုတ်နိုင်ငံက လွတ်လပ်သော ရန်ပုံငွေ ဒေါ်လာ ၃၀၀ ဘီလျံ ထူထောင်ထားသည်။

ကြားသိရသော အချက်အလက်များအရ စွမ်းအင် လိုအပ်ချက် ပြည့်မီရေးအတွက် ရေနံစိမ်း တင်သွင်းမှုသည် လက်ရှိ ၇၈% မှ ၂၀၃၀ တွင် ၉၀% အထိ မြင့်တက်လာမည်ဟု မျှော်လင့်ရသည်။ ရပ်တန့်နေသော ပြည်တွင်း ထုတ်လုပ်မှုများကြောင့် အသစ် ထပ်မံ တွေ့ရှိမှုများကို တောင်းဆိုနေပြီး စွမ်းအင်ဆိုင်ရာ မဟာဗျူဟာတွင် အမြင်သစ်များ ထွက်ပေါ်ရန် လိုအပ်နေသည်။

{Yangon Chronicle 2010:1523} ဒေါ်အောင်ဆန်းစုကြည် အမေရိကန် ဆီနိတ်တာနှင့် တွေ့ဆုံလိုခြင်း မရှိ

Posted by Transparency Myanmar 2010

comments (0)

DVB News, 28^th May 2010

မြန်မာ အတိုက်အခံ ခေါင်းဆောင် ဒေါ်အောင်ဆန်းစုကြည်က မြန်မာနိုင်ငံသို့ မခေါ်ဘဲလာမည့် အမေရိကန် ဆီနိတ်တာ Jinn Webb နှင့် တွေ့ဆုံရန် ငြင်းပယ်ဖွယ် ရှိနေသည်ဟု သဘာရင့် NLD ပါတီဝင် ဦးဝင်းတင်က ပြောကြားလိုက်သည်။

တောင်ကိုရီးယားနှင့် ထိုင်းနိုင်ငံသို့လည်း သွားရောက်မည့် အာရှ ခရီးစဉ်၏ တစိတ်တပိုင်း အဖြစ် Jim Webb သည် မြန်မာနိုင်ငံသို့ ယခု တပတ်တွင် လာရောက်ရန် စီစဉ်ထားသည်။ ၎င်းသည် ၂၀၀၉ သြဂုတ်လက မြန်မာနိုင်ငံသို့ နောက်ဆုံး လာရောက်ခဲ့ပြီး ဒေါ်အောင်ဆန်းစုကြည် ခြံထဲသို့ ရေကူး ဝင်ရောက်မှုဖြင့် အချုပ်ခံနေရသည့် အမေရိကန် နိုင်ငံသား John Yettaw ကို လွတ်မြောက်အောင် လုပ်ဆောင်နိုင်ခဲ့သည်။

သို့သော်လည်း ဦးဝင်းတင်က "ယခုတစ်ခေါက် ခရီးစဉ်ကို NLD ပါတီဝင်များက ကြိုဆိုမည် မဟုတ်သလို ဒေါ်အောင်ဆန်းစုကြည်ကလည်း တွေ့ဆုံချင်လိမ့်မည်ဟု မထင်ကြောင်း" ဆက်လက် ပြောကြားသည်။

Jim Webb သည် အငြင်းပွားဖွယ် Yettaw ကို အမေရိကန်သို့ အောင်မြင်စွာ ပြန်ခေါ် သွားသော်လည်း ဒေါ်အောင်ဆန်းစုကြည် လွတ်မြောက်အောင် အစိုးရကို ဖိအား မပေးနိုင်သည့် အတွက် မြန်မာ ဒီမိုကရေစီ အင်အားစုများ၏ ပြစ်တင် ဝေဖန်ခြင်းကို ခံခဲ့ရသည်။

၎င်း၏ အရေးယူ ပိတ်ဆို့မှု ဖယ်ရှားရေး သဘောထားမှာလည်း စစ်အစိုးရ အပေါ် ပျော့ပြောင်း လွန်းသည်ဟု အချို့က ရှုမြင်ကြသည်။ ၎င်း၏ ယခု ခရီးသည် အရေးယူ ပိတ်ဆို့မှုများ တိုးမြှင့်ရေးနှင့် ပတ်သက်ပြီး အမေရိကန် ဆီနိတ်တွင် ပြောဆိုနေမှုများနှင့် ပတ်သက် ဆက်စပ်နိုင်သည်ဟု ဦးဝင်းတင်က မေးခွန်းထုတ်သည်။

"ဒီတခါရော အရေးယူ ပိတ်ဆို့မှု ရုတ်သိမ်းဖို့ ထပ်ပြောဦးမှာလား။ အရေးယူမှုတွေ အဆုံးသတ်ဖို့ အတွက် စစ်အစိုးရကို အကြံဥာဏ် ပေးဦးမှာလား၊ ဒီလိုဆိုရင်တော့ ကျွန်တော်တို့က ထောက်ခံမှာ မဟုတ်ပါဘူး" ဟု ဦးဝင်းတင်က ပြောင်ပြောင် တင်းတင်း ပြောဆိုသည်။

ရွေးကောက်ပွဲ ဝင်ရန် မှတ်ပုံတင် ထားသော ပြည်ထောင်စု ဒီမိုကရေစီ အင်အားစု ပါတီ ဥက္ကဌ ဦးဖြိုးမင်းသိန်းက မြန်မာနိုင်ငံသို့ ယခင်လက လာရောက်ခဲ့သော အမေရိကန် လက်ထောက် နိုင်ငံခြားရေး ဝန်ကြီး Kurt Campbell ထံ တင်ပြခဲ့သည်နှင့် အလားတူ အဆိုပြုချက် ၃ ရပ်ကို Jim Webb ထံ တင်ပြလိုသည်ဟု ပြောကြားခဲ့သည်။

တကယ်လို့ အစိုးရက တရားမျှတမှုကို ပြသချင်တယ်ဆိုရင် ရွေးကောက်ပွဲတွေကို စောင့်ကြည့်ဖို့ လွတ်လပ်တဲ့ နိုင်ငံတကာ အကဲခတ် ကျွမ်းကျင်သူတွေကို ဖိတ်ခေါ်ရပါမယ်။ ဒီလိုလုပ်ဖို့ အတွက် မြန်မာအစိုးရကို စည်းရုံးပေးဖို့ Jim Webb ကို တောင်းဆိုမှာပါဟု ၎င်းက ပြောဆိုသည်။

စစ်အုပ်ချုပ်ရေး အမြစ်တွယ်အောင် ရည်ရွယ်၍ လှည့်ဖြားမှုဟု အများက သတ်မှတ်ထားကြသော ရွေးကောက်ပွဲများ မတိုင်မီ စစ်ဖက်နှင့် အရပ်ဖက် ပုဂ္ဂိုလ်များ ပါဝင်သော ကြားဖြတ် အစိုးရ ဖွဲ့စည်းရေး အတွက် အစိုးရကို တိုက်တွန်းပေးရန် Jim Webb ကို တောင်းဆိုမည်ဟုလည်း ၎င်းက ပြောကြားသည်။

ကုန်သွယ်ရေးနှင့် ပူးပေါင်း ဆောင်ရွက်ရေး ခိုင်မာရေးကို ဆွေးနွေးရန် အတွက် ဗိုလ်ချုပ်မှူးကြီး သန်းရွှေနှင့် တွေ့ဆုံရန် လာရောက်မည့် တရုတ် ဝန်ကြီးချုပ် ဝမ်ကျားပေါင်၏ ခရီးစဉ်နှင့် Jim Webb ၏ ခရီးစဉ်တို့ တိုက်ဆိုင်နေသည်။ တရုတ်-မြန်မာ အပြန်အလှန် ကုန်သွယ်ရေး ပမာဏမှာ ယခင်နှစ်က အမေရိကန် ဒေါ်လာ ၂.၉ ဘီလျံသို့ ရောက်ရှိခဲ့သည်ဟု တရုတ် နိုင်ငံခြားရေး ဝန်ကြီးဌာနက ပြောကြားသည်။

{Yangon Chronicle 2010:1522} ဝေဝါးဆဲ မြန်မာ့နိုင်ငံရေး ရှုခင်း

Posted by Transparency Myanmar 2010

comments (0)

The Asian Tribune, By Zin Linn, 30^th May 2010

မြန်မာ စစ်အစိုးရသည် ပြည်တွင်းရော ပြည်ပကပါ ဒီမိုကရေစီကို အဆက်မပြတ် တောင်းဆိုမှုများကြောင့် ၁၉၉၀ ရွေးကောက်ပွဲကို ဦးစီး ကျင်းပခဲ့သည်။

အမျိုးသား ဒီမိုကရေစီ အဖွဲ့ချုပ် (NLD) သည် ၎င်းတို့၏ ခေါင်းဆောင် ဒေါ်အောင်ဆန်းစုကြည် အကျယ်ချုပ် ကျခံနေရသည့်ကြားမှ ၁၉၉၀ ခုနှစ် မေလ ၂ရ ရက်နေ့ ရွေးကောက်ပွဲတွင် ပါလီမန်၏ ၈၂% သော နေရာ အနိုင်ရပြီး အောင်ပွဲခံခဲ့သည်။ သို့သော် ရွေးကောက်ပွဲ ရလဒ်သည် စစ်အစိုးရ အပေါ် ၎င်း၏ အစီအစဉ်များကို ပျက်သွားစေသဖြင့် စိတ် အနှောင့်အယှက် ဖြစ်ခဲ့သည်။

ထို့နောက် စစ်အစိုးရသည် ရွေးကောက်ပွဲ ရလဒ်ကို အသိအမှတ်ပြုရန် ငြင်းဆန်ခဲ့ပြီး၊ ဒေါ်အောင်ဆန်းစုကြည်မှာလည်း နေအိမ် အကျယ်ချုပ် နေခဲ့ရသည်မှာ ယနေ့တိုင် ဖြစ်သည်။ ထို့အပြင် ထောင်ပေါင်းများစွာသော ကျောင်းသားများ၊ NLD အဖွဲ့ဝင်များနှင့် ထောက်ခံသူများကို ထောင်ထဲသို့ ပို့ခဲ့သည်။ မြန်မာနိုင်ငံ အနှံ့အပြားရှိ ထောင်များတွင် နိုင်ငံရေး အကျဉ်းသား ၂၂၀၀ ကျော်ခန့်ကို ထိန်းသိမ်းထားသည်။ ၁၉၉၀ ရွေးကောက်ပွဲ ရလဒ်ကို အသိအမှတ် ပြုရန် ငြင်းဆိုခြင်းသည်၊ စစ်အစိုးရက ပြည်သူလူထု၏ ဆန္ဒကို မလေးစားကြောင်း လူသိရှင်ကြား ပြောလိုက်သည်နှင့် အတူတူပင် ဖြစ်သည်။ ဗိုလ်ချုပ်များ၏ ညံ့ဖျင်းမှုမှာ ၎င်းတို့၌ အသိဥာဏ်၊ ဗဟုသုတ မရှိခြင်းပင် ဖြစ်သည်။ ပြည်သူလူထု၏ ရွေးချယ်မှု ရလဒ်သည် ရွေးချယ်ခံပါလီမန် အဖွဲ့ဝင်များက ရပ်ဆိုင်းရန် သဘောမတူမခြင်း အတည် ဖြစ်သည် ဆိုသည့် အချက် ဖြစ်သည်။

စိတ်မချမ်းမြေ့ဖွယ် ကောင်းသော အချက်တစ်ခုမှာ စစ်အစိုးရ ခေါင်းဆောင်သည် ၁၉၉၀ ရွေးကောက်ပွဲ ရလဒ်ကို အသိအမှတ် မပြုသည့် အပြင် ယခုနှစ်တွင် နောက်ထပ် ရွေးကောက်ပွဲ တစ်ခု ကျင်းပရန် ပြင်ဆင်နေခြင်းပင် ဖြစ်သည်။ ၁၉၉၀ ပြည်သူလူထု၏ ဆန္ဒမဲများကို ပယ်ဖျက်ခြင်းမှာ တိုင်းပြည် တစ်ခုလုံးနှင့် ပြည်သူများ အပေါ် ရိုင်းပျ စော်ကားသော မှားယွင်းသည့် လုပ်ရပ် ဖြစ်သည်။ စစ်မှန်သော ပြောင်းလဲမှုကို အလိုရှိသော ပြည်သူ အများစုမှာ ဗိုလ်ချုပ်များ၏ မှားယွင်းမှုများကို မေ့နိုင်လိမ့်မည် မဟုတ်ပေ။ ထို့အပြင် တရားမျှတမှု မရှိသည့် ရွေးကောက်ပွဲ ဥပဒေများ ထွက်ပေါ်လာ ကတည်းက စစ်အစိုးရ၏ မြန်မာနိုင်ငံ အနာဂတ်နှင့် ပတ်သက်၍ အမြင်မကျယ်မှု၊ တနပ်စားကြံမှု တို့ကြောင့် ဆင်းရဲမွဲတေနေသော နိုင်ငံမှ လူအများကြားတွင် သဘောမတူမှုများ၊ မြင်သာစွာ ထွက်ပေါ်လာခဲ့သည်။

လက်ရှိ အခြေအနေအားဖြင့် မြန်မာနိုင်ငံသည် အရေးကြီးသော နိုင်ငံရေး လမ်းဆုံသို့ ရောက်ရှိနေပြီ ဖြစ်သည်။ စစ်အစိုးရက လိမ်ညာမှုများ ပါဝင်မည့် ၂၀၁၀ ရွေးကောက်ပွဲဖြင့် ၎င်းတို့၏ အာဏာကို ဆက်လက် ထိန်းသိမ်းလိုကြသည်။ စစ်မှန်သော ပြောင်းလဲမှုကို အလိုရှိသော ပြည်သူများကလည်း လွတ်လပ်စွာ ဖော်ထုတ်ခွင့်၊ ဖွဲ့စည်းခွင့်များ အပါအဝင် အခြေခံ လူ့အခွင့်အရေးများကို တောင်းဆိုလျက် ရှိသည်။ သို့သော် စစ်အစိုးရကမူ မြင်းနှင့်မြည်း စပ်၍ပေါက်ထားသော လားတစ်ကောင် အလား ခေါင်းမာနေပုံရသည်။ ၎င်းတွင် အရပ်သား လွတ်လပ်ခွင့်ပြုရန် နည်းနည်းမျှ စိတ်ကူးရှိပုံ မပေါ်ပေ။

ပြီးခဲ့သည့် မတ်လ ၁၀ ရက်က ထုတ်ပြန်သော ရွေးကောက်ပွဲ ဥပဒေသစ်တွင် စစ်အစိုးရသည် ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား ရွေးကောက်ပွဲတွင် မပါဝင်နိုင်အောင် ရည်ရွယ်ချက်ဖြင့် တားဆီးထားခဲ့သည်။ ထိုအချက်သည် နိုင်ငံရေးတွင် ပိုမို ရှုတ်ထွေးသော အခြေအနေကို ဖြစ်စေသည်။

Universal Declaration of Human Rights စာပိုဒ် (၂၁) တွင် အစိုးရ၏ အာဏာသည် ပြည်သူလူထု၏ ဆန္ဒအပေါ် အခြေခံရမည်ဟု ဖော်ပြထားသည်။ အဆိုပါ အချက်သည် နိုင်ငံတိုင်းနှင့် သက်ဆိုင်ပြီး၊ နိုင်ငံသားတိုင်း၏ ဆန္ဒသည် အစိုးရတိုင်း အခြေခံသည့် အခြေခံ ဥပဒေတွင် ထပ်ဟပ်သင့်ပေသည်။ ထို့ကြောင့် အခြေခံ ဥပဒေ ရေးဆွဲသည့် လုပ်ငန်းစဉ်သည် လွတ်လပ်ရမည်။ တရားမျှတရမည်။ အားလုံး ပါဝင်ရမည်။ ပြည်သူလူထု၏ ဆန္ဒများ ထင်ဟပ်ရမည် ဖြစ်သည်။

စောင့်ကြည့် လေ့လာနေသော ဥပဒေ ပညာရှင်များ အဆိုအရ မြန်မာနိုင်ငံ၏ အခြေခံ ဥပဒေ ရေးဆွဲခြင်း လုပ်ငန်းစဉ်ကို လက်ရှိ စစ်အစိုးရကပင် ချုပ်ကိုင်ထားပြီး၊ ပြည်သူလူထု၏ ပါဝင်မှုကို တားဆီးထားခဲ့သည်ဟု ဆိုသည်။ အခြေခံ ဥပဒေ ရေးဆွဲရေး လုပ်ငန်းစဉ်များတွင် ပြည်သူများ ပါဝင်ခွင့် မရအောင် ဥပဒေဖြင့် တားဆီးထားပြီး၊ ချိုးဖောက်ပါက ထောင်ဒဏ် ငါးနှစ်မှ နှစ်ဆယ့်ငါးနှစ် အထိ ချမှတ်ခံရနိုင်သည်ဟု ဆိုသည်။ ၎င်းအချက်သည် Universal Declaration of Human Rights နှင့် တိုက်ရိုက် ဆန့်ကျင်နေသည်။

ထို့အပြင် ပြည်သူလူထု အများစုသည် အမျိုးသား ဒီမိုကရေစီ အဖွဲ့ချုပ်က ၂၀၀၉ ခုနှစ် ဧပြီလ ၂၉ ရက်နေ့က ထုတ်ပြန်သော ရွှေဂုံတိုင် ကြေညာစာတမ်းကို စုပေါင်း ထောက်ခံလျက် ရှိကြပြီး၊ အဆိုပါ ကြေညာချက်တွင် NLD မှ ၂၀၁၀ ရွေးကောက်ပွဲတွင် ပါဝင်ရန် အခြေအနေ နှစ်ရပ် သတ်မှတ် ပေးခဲ့သည်။ ပထမ အချက်မှာ ၂၀၀၈ အခြေခံ ဥပဒေတွင် ဒီမိုကရေစီစံများနှင့် မညီသော အချက်များကို ပြန်လည် ပြင်ဆင်ပေးရေး ဖြစ်သည်။ ဒုတိယ အချက်မှာ အားလုံး ပါဝင်သော၊ လွတ်လပ်၍ တရားမျှတသော ရွေးကောက်ပွဲကို နိုင်ငံတကာ၏ ကြီးကြပ်မှုဖြင့် ကျင်းပပေးရန်တို့ ဖြစ်သည်။

ပြီးခဲ့သည့် မေလ ၉ - ၁၀ ရက်များတွင် အမေရိကန် လက်ထောက် နိုင်ငံခြားရေး ဝန်ကြီး Kurt Campbell သည် မြန်မာနိုင်ငံသို့ လာရောက်ခဲ့ပြီး၊ ဝန်ကြီးအချို့၊ ဒေါ်အောင်ဆန်းစုကြည် အပါအဝင် အတိုက်အခံ ခေါင်းဆောင်များနှင့် တွေ့ဆုံခဲ့သည်။ ခရီးစဉ် အပြီးတွင် Campbell က အမေရိကန် ပြည်ထောင်စု အနေဖြင့် မြန်မာ စစ်အစိုးရ၏ ရွေးကောက်ပွဲ ပြင်ဆင်မှုများနှင့် ပတ်သက်၍ အလွန်အမင်း စိတ်ပျက်ရကြောင်း၊ တရားဝင်မှု မရှိမည့် ကိစ္စများ အတွက် အမြန်ဆုံး ပြင်ဆင်ရန် ခြေလှမ်းစေလိုကြောင်း ပြောကြားခဲ့သည်။

နိုင်ငံတကာက ရွေးကောက်ပွဲ တရားဝင်မှု မရှိမည်ကို စိုးရိမ်နေချိန်တွင် မေလ ၁၀ ရက်နေ့ နိုင်ငံပိုင် မီဒီယာများ၌ မြန်မာနိုင်ငံ ၂၀၁၀ ရွေးကောက်ပွဲ ကော်မရှင် ဥက္ကဌ၏ အဆိုကို ကိုးကား၍ မြန်မာနိုင်ငံတွင် ရွေးကောက်ပွဲကို စောင့်ကြည့်ရန် နိုင်ငံခြား လေ့လာသူများ မလိုကြောင်း ဖော်ပြခဲ့သည်။

Campbell ၏ ရန်ကုန်တွင် ထုတ်ပြန်သော သတင်းကြေညာချက်တွင် အမေရိကန် အစိုးရ အနေဖြင့် လာမည့် ရွေးကောက်ပွဲတွင် ပါဝင်မည့် ပါတီများ သဘောတူညီမှု ရစေရေး အတွက် အများ လက်ခံမည့် တွေ့ဆုံ ဆွေးနွေးမှု တစ်ခု ပြုလုပ်ရန် မြန်မာ အစိုးရ တာဝန်ရှိသူများထံ အဆိုပြုခဲ့သည်ဟု ဆိုသည်။ သို့သော် အစိုးရသည် အတိုက်အခံများ၊ လွတ်လပ်သော အသံများနှင့် ညှိနှိုင်း တိုင်ပင်ခြင်း မပြုပဲ တဘက်သတ် ရှေ့ဆက်လျက် ရှိကြောင်း ၎င်းက ပြောသည်။

ထို့နောက်တွင် ပြီးခဲ့သည့် မေလ ၂၀ ရက်နေ့က ထုတ်ပြန်သော ဥရောပ ပါလီမန်၏ မြန်မာနိုင်ငံ၏ လက်ရှိအခြေအနေနှင့် ပတ်သက်၍ ဆုံးဖြတ်ချက်တွင် ဒီမိုကရေစီ အခြေအနေများ လုံးဝ မရှိသော အခြေအနေတွင် ကျင်းပသော ရွေးကောက်ပွဲ၊ အဓိက ဒီမိုကရေစီပါတီ မပါဝင်စေရန် အခြေခံ ရေးဆွဲသော ဥပဒေများဖြင့် ပြုလုပ်မည့် ရွေးကောက်ပွဲ၊ ရာထောင်ပေါင်း များစွာသော နိုင်ငံသားများကို ရွေးကောက်ပွဲတွင် ပါဝင်ခွင့် မဲပေးခွင့် မပြုဘဲ ကျင်းပသော ရွေးကောက်ပွဲကို သဘောမတူကြောင်း ဖော်ပြခဲ့သည်။ ဥရောပ ပါလီမန်သည် မြန်မာအစိုးရအား ရွေးကောက်ပွဲ လုပ်ငန်းစဉ်များ လွတ်လပ်၍ တရားမျှတရေး၊ ပွင့်လင်း မြင်သာရေးနှင့် ပါဝင်သင့်သူများ အားလုံး ပါဝင်ရေး ခြေလှမ်းများကို အချိန်မဆိုင်း ပြုလုပ်ရန် တောင်းဆို တိုက်တွန်းခဲ့သည်။ ထို့အပြင် စစ်အစိုးရအား နိုင်ငံတကာ လေ့လာသူများ ခွင့်ပြုရန် တိုက်တွန်းခဲ့သည်။ ထို့အပြင် မတ်လက ထုတ်ပြန်ခဲ့သော ရွေးကောက်ပွဲ ဥပဒေများသည် လွတ်လပ်၍ ပွင့်လင်းမည့် သဘောမရှိသောကြောင့် ရပ်ဆိုင်းရန် တောင်းဆိုခဲ့သည်။ ထပ်မံ၍ ဥရောပ ပါလီမန်သည် နိုင်ငံတကာ အသိုင်းအဝိုင်းက ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများကို နိုင်ငံရေး လုပ်ငန်းစဉ်များတွင် ပါဝင် ခွင့်ပြုရန် အသနားခံမှုအား လေးစားလိုက်နာရန် မြန်မာ အာဏာပိုင်များကို တောင်းဆိုခဲ့သည်။

ပြီးခဲ့သည့် မေလ ၂၆ ရက်နေ့က မဒရစ်မြို့တွင် ကျင်းပပြီးစီးခဲ့သော ၁၈ ကြိမ်မြောက် အာဆီယံ - အီးယူ ဝန်ကြီးအဆင့် ဆွေးနွေးပွဲတွင် ဥရောပ သမဂ္ဂ နှင့် အာဆီယံသည် မြန်မာ အာဏာပိုင်များက ရွေးကောက်ပွဲကို အများ လက်ခံရန်၊ ပွင့်လင်းမြင်သာရန် ဒီမိုကရေစီကျရန်နှင့် အားလုံး ပါဝင်ရန် တောင်းဆိုခဲ့သည်။

ပူးတွဲ ကြေညာချက်တွင် အာဆီယံနှင့် အီးယူ ဝန်ကြီးများက ပြောကြားရာတွင် ၎င်းတို့ အနေဖြင့် အတိုက်အခံ ခေါင်းဆောင် ဒေါ်အောင်ဆန်းစုကြည်အား စောစော လွှတ်ပေးခြင်းဖြင့် ရွေးကောက်ပွဲတွင် အားလုံး ပါဝင်ရေး ကိစ္စ၊ နိုင်ငံရေးအရ ငြိမ်းချမ်းသော အသွင် ကူးပြောင်းရေး အတွက် အကူအညီ ပေးနိုင်လိမ့်မည်ဟု ယုံကြည်ကြောင်း ပြောကြားခဲ့ကြသည်။ ထို့အပြင် အဆိုပါ ဝန်ကြီးများက မြန်မာ အစိုးရအား နိုင်ငံတကာ အသိုင်းအဝိုင်းနှင့် အဓိပ္ပာယ် ရှိသော ဦးတည်ချက်ဖြင့် ဆက်လက် ဆက်ဆံရန် အားပေးခဲ့သည်။

သို့သော် မြန်မာ ပြည်သူများကမူ ထိုအီးယူ - အာဆီယံ ပူးတွဲ ကြေညာချက်ကို လေထဲတွင် တိုက်အိမ်ဆောက်ခြင်း အဖြစ်သာ ရှုမြင်ကြသည်။ အီးယူနှင့် အာဆီယံသည် စစ်အစိုးရ၏ အလိမ်အညာ အခြေခံဥပဒေနှင့် နာမည်ခံ ရွေးကောက်ပွဲကို ထောက်ခံနေသယောင် ရှိနေပေသည်။ အမှန်တကယ် လုပ်သင့်သည်မှာ ၎င်းတို့သည် စစ်အစိုးရကို ၎င်း၏ တရားမျှတမှု မရှိသော ဒီမိုကရေစီ နည်းမကျသော အခြေခံ ဥပဒေကို ရှုတ်ချ၍ ရပ်ဆိုင်းရန် သတိပေးရမည် ဖြစ်သည်။ အဓိက မေးခွန်းထုတ်ရမည့် အချက်မှာ စစ်အစိုးရ၏ အခြေခံ ဥပဒေနှင့် ရွေးကောက်ပွဲ ဥပဒေများသည် အဓိက အတိုက်အခံပါတီများ မပါဝင်နိုင်အောင် ပြုလုပ်ထားရုံမက တိုင်းရင်းသားများ၏ နိုင်ငံရေး ရည်မှန်းချက်များကို လျစ်လျူရှုထားသည် ဆိုသည့် အချက် ဖြစ်သည်။

ဆင်ကြီးတစ်ကောင်လုံး ရှေ့မှာ တွေ့ထားလျက်နှင့် အီးယူ နှင့် အာဆီယံသည် ကံမကောင်းရှာသော မြန်မာပြည်သူများကို စိတ်ရှည်ရှည်ထားရန်နှင့် အကောင်ကြီးကို ခြေရာ ကောက်ခိုင်းနေတုန်းပင် ရှိနေခြင်း ဖြစ်သည်။ အီးယူနှင့်အာဆီယံတို့၏ ပူးတွဲ ကြေညာချက်သည် နိုင်ငံသားများကို ခြိမ်းခြောက် ပြုလုပ်မည့် ရွေးကောက်ပွဲကို မတားဆီးနိုင်ပေ။ ထို့ကြောင့် အကျိုးဆက် အနေဖြင့် တိုင်းပြည်တွင် ပြည်တွင်းစစ် အသစ်တဖန် ဖြစ်ပေတော့မည်။

၁၉၉၀ ခုနှစ် ရွေးကောက်ပွဲ ရလဒ်ကို အသိအမှတ် မပြုဘဲ၊ စစ်အစိုးရသည် မကြာသော ကာလတွင် မေးခွန်းထုတ်စရာ များပြားလှသော ရွေးကောက်ပွဲ တစ်ခုကို ကျင်းပရန် ပြင်ဆင်နေပြီ ဖြစ်သည်။ ထိုလုပ်ရပ်သည် တိုင်းပြည်နှင့် ပြည်သူအပေါ် ဥပဒေ ချိုးဖောက်ကာ မှားယွင်းသော လုပ်ရပ်အား မရှက်မကြောက် ပြုလုပ်ခြင်းပင် ဖြစ်သည်။

အနှစ် နှစ်ဆယ် လွန်မြောက်ပြီး၊ ၂၀၁၀ တွင်လည်း မြန်မာနိုင်ငံ၏ နိုင်ငံရေး ရှုခင်းမှာ အလွန်အမင်း ဝေဝါးနေဆဲပင် ဖြစ်သည်။

Transparency Myanmar

transparency.myanmar@gmail.com

Welcome

Blog Archive

Labels

{Yangon Chronicle 2010:1535} ချိုနန် စစ်သင်္ဘောနစ်မြုပ်မှု ဒေသတွင်းငြိမ်းချမ်းရေးကို ခြိမ်းခြောက်ဟု အာရှသုံးနိုင်ငံပြောဆို

{Yangon Chronicle 2010:1534} စစ်အစိုးရ၏ ခြိမ်းခြောက်မှုကို တုံ့ပြန်ရန် တိုင်းရင်းသား လက်နက်ကိုင်အုပ်စု ငါးစု လက်တွဲ

{Yangon Chronicle 2010:1533} အမေရိကန်က မြောက်ကိုရီးယား၏ နောက်ထပ် လုပ်ဆောင်လာဖွယ် ရှိသည်များကို စိုးရိမ်

{Yangon Chronicle 2010:1532} နျူ ကင်းလွတ် အရှေ့အလယ်ပိုင်းဒေသ ဖြစ်ပေါ်ရေး ညီလာခံ ကျင်းပရန် ကုလသမဂ္ဂတွင် ဆွေးနွေးထောက်ခံ

{Yangon Chronicle 2010:1531} ရွေးကောက်ပွဲ မတိုင်မီ မြန်မာနိုင်ငံ၏ စီးပွားရေး အခြေအနေ

{Yangon Chronicle 2010:1530} ထိုင်းဝန်ကြီးချုပ်က အရေးပေါ် အခြေအနေ ရုပ်သိမ်းဖွယ် ရှိသည်ဟု ပြောကြား

{Yangon Chronicle 2010:1527} ဘန်ကောက်တွင် ကာဖျူးအမိန့် ရုပ်သိမ်း

{Yangon Chronicle 2010:1526} မွန်ပြည်သစ်ပါတီ ခေါင်းဆောင်များ ရာထူးမှ နုတ်ထွက်

{Yangon Chronicle 2010:1525} ရွေးကောက်ပွဲအကြိုကာလ မြန်မာသို့ စစ်ဆေးရေးအဖွဲ့ စေလွှတ်မည့် အီးယူအစီအစဉ် မပြီးပြတ်သေး

{Yangon Chronicle 2010:1524} အိန္ဒိယ ကုမ္ပဏီများ မြန်မာ ဓာတ်ငွေ့နယ်ပယ်သို့ ဝင်ရန် ပြင်ဆင်

{Yangon Chronicle 2010:1523} ဒေါ်အောင်ဆန်းစုကြည် အမေရိကန် ဆီနိတ်တာနှင့် တွေ့ဆုံလိုခြင်း မရှိ

{Yangon Chronicle 2010:1522} ဝေဝါးဆဲ မြန်မာ့နိုင်ငံရေး ရှုခင်း

transparency.myanmar@gmail.com

Subscribe To

Welcome

Blog Archive

Labels