Transparency Myanmar

transparency.myanmar@gmail.com

မြောက်ကိုရီးယားနှင့် တောင်ကိုရီးယား နှစ်နိုင်ငံအကြား ရေပိုင်နက် နယ်နိမိတ်ဆိုင်ရာ အငြင်းပွားဖွယ် ဖြစ်ပေါ်နေသော ဒေသတွင် ကင်းလှည့်သွားလာလျက်ရှိသည့် မြောက်ကိုရီးယား မော်တော်တစ်စီးကို တောင်ကိုရီးယား ရေတပ်က ခြိမ်းခြောက်သည့်အနေဖြင့် ပစ်ခတ်ခဲ့ကြောင်း သိရသည်။

အဆိုပါ ဖြစ်ရပ်မှာ မတ်လ ၂၆ ရက်နေ့ တောင်ကိုရီးယား သင်္ဘောတစ်စင်း နစ်မြုပ်မှု ဖြစ်ပွားပြီးနောက် ပထမဆုံးဖြစ်သည်ဟု ဆိုသည်။

တောင်ကိုရီးယား စစ်ဘက်ဆိုင်ရာ အရာရှိများအဆိုအရ မြောက်ကိုရီးယားဘက်မှ သင်္ဘော နှစ်စင်းမှာ နယ်မြေကျူးကျော် ဝင်ရောက်လာခြင်းဖြစ်သည်။ "သူတို့ဘက်က ကင်းလှည့်သင်္ဘော နှစ်စင်းက လမ်းကြောင်းနှစ်ခုခွဲပြီး ဝင်လာတယ်။ အဲဒါနဲ့ ကျွန်တော်တို့ဘက်က ခြိမ်းခြောက်တဲ့အနေနဲ့ ပစ်ခတ်မှုတွေ လုပ်ခဲ့ပါတယ်" ဟု တောင်ကိုရီးယား ရေတပ်မှ ပြောခွင့်ရပုဂ္ဂိုလ်တစ်ဦးက ဆိုသည်။

ပြီးခဲ့သည့် မတ်လ ၂၆ ရက်နေ့က မြောက်ကိုရီးယား နယ်စပ်ဒေသအနီး တောင်ကိုရီးယား စစ်သင်္ဘောတစ်စင်း ပဟေဋိဆန်ဆန် နစ်မြုပ်ခဲ့ရာ သင်္ဘောသား ၄၆ ဦးသေဆုံး ခဲ့သည်။ အဆိုပါ ဖြစ်ရပ်ကြောင့် တောင်နှင့် မြောက်ကိုရီးယား နှစ်နိုင်ငံအကြား တင်းမာမှု ပိုမိုကြီးထွားလာခဲ့သည်။

မြောက်ကိုရီးယား ကင်းလှည့် မော်တော်နှစ်စီးမှာ တောင်ကိုရီးယား ရေပိုင်နက်အတွင်း ၂ ဒဿမ ၈ ကီလိုမီတာ (၁ ဒဿမ ၆ မိုင်) အကွာအဝေးအထိ ဝင်ရောက်လာခြင်း ဖြစ်ကြောင်း တောင်ကိုရီးယား တွဲဖက် စစ်ရေးချုပ်ကပြောသည်။ တောင်ကိုရီးယား သင်္ဘောတစ်စင်းက သတိပေး ကြေညာချက် အသံလွှင့်ကြေညာခဲ့ပြီးနောက် ယင်းသို့ ခြိမ်းခြောက် ပစ်ခတ်ခဲ့ခြင်းဖြစ်သည်။

ယင်းသို့ပစ်ခတ်မှုများ ပြုလုပ်ပြီး နာရီပိုင်းအကြာတွင် မြောက်ကိုရီးယား ကင်းလှည့်သင်္ဘော တစ်စီး နောက်တစ်ကြိမ် ဝင်ရောက်လာရာ မိမိတို့ဘက်မှ ထပ်မံသတိပေးချက် ထုတ်ပြန် လိုက်ရကြောင်း ၎င်းကဆိုသည်။ တောင်ကိုရီးယား ဘင်္ဘောဘက်မှ ပစ်ခတ်မှု နှစ်ကြိမ်တိတိ ပြုလုပ်ခဲ့သော်လည်း ထိခိုက်ဒဏ်ရာရရှိမှု တစ်စုံတရာမရှိပေ။

မတ်လ ၂၆ ရက်နေ့တွင် နစ်မြုပ်ခဲ့သော တောင်ကိုရီးယား သင်္ဘောမှာ တော်ပီတို ဒုံကျည်ဖြင့် ပစ်ခတ်မှုကြောင့် နစ်မြုပ်ခဲ့ပုံရသည်ဟု စစ်ရေးကျွမ်းကျင်သူများက ခန့်မှန်းထားသည်။ အဆိုပါ ဖြစ်ရပ်သည် မြောက်ကိုရီးယားကြောင့် ဖြစ်သည်ဟု တောင်ကိုရီးယားဘက်မှ စွပ်စွဲပြောဆိုခြင်း မရှိသည့်တိုင် ပြုံယမ်းအစိုးရအပေါ် နိုင်ငံတကာ အသိုင်းအဝိုင်းက သံသယများစွာ ဖြစ်ပေါ်လျက် ရှိသည်။

တောင်ကိုရီးယား သင်္ဘောနစ်မြုပ်မှုကို စုံစမ်းဖော်ထုတ်လျက်ရှိသော အဖွဲ့ဝင်များက ယခု ရက်သတ္တပတ်အတွင်း တွေ့ရှိချက်များ အားလုံးကို ထုတ်ဖော်ပြောဆိုမည်ဟု သိရသည်။

ပြီးခဲ့သည့် ၁၉၉၉ ခုနှစ် နှင့် ၂၀၀၂ ခုနှစ် ရေပိုင်နက် အငြင်းပွားမှုများ ဖြစ်ပေါ်နေသည့် အဆိုပါဒေသတွင် ရေတပ်ပဋိပက္ခများ ပြင်းထန်စွာဖြစ်ပွားခဲ့သည်။ ၂၀၀၉ ခုနှစ် နိုဝင်ဘာလ တုန်းကလည်း မြောက်ကိုရီးယားကင်းလှည့် မော်တော်တစ်စင်း ပစ်ခတ်ခံရ၍ မီးလောင်ကျွမ်းခဲ့ရသည်။
BBC  သတင်းကိုဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment