Transparency Myanmar

transparency.myanmar@gmail.com

DVB, By Maung Htoo, 22nd May 2010

ရန်ကုန်တောင်ပိုင်းခရိုင် သုံးခွမြို့နယ် မြို့ပေါ်ရပ်ကွက်တွေနဲ့ ကျေးရွာအုပ်စု ရယက အဖွဲ့ဝင်တွေဟာ အများအပြား နုတ်ထွက်စာ တင်နေကြပါတယ်။

ရန်ကုန်တိုင်း၊ သုံးခွမြို့ပေါ်မှာက မြို့ပေါ်ရပ်ကွက် ၁၂ ခုနဲ့ ရှိနေပါတယ်။ ဒီ ၁၂ ခုထဲက ရပ်ကွက် ၁ဝ ခုက  ရယက ဥက္ကဋ္ဌ ၁ဝ ယောက် အပါအဝင် ရယက အဖွဲ့ဝင်တွေ နုတ်ထွက် နေကြပါတယ်။ ကိုယ်တိုင် နုတ်ထွက်စာ တင်ထားတဲ့ ရယက အဖွဲ့ဝင် တစ်ယောက်က အခုလို ပြောပြပါတယ်။

"ဥက္ကဋ္ဌတွေပါ ထွက်တယ်။ ဥက္ကဋ္ဌတွေ ၁ဝ ရပ်ကွက်လုံးပေါ့။ ၁ ကနေ ၁၂ ရပ်ကွက်ထိ ရှိတယ်။ ရပ်ကွက် ၁၂ ခုလုံးမှာ ၂ နဲ့ ၉ ပဲ ကျန်တယ်။ ကျန်တဲ့ ရပ်ကွက်တွေ အကုန်လုံး တင်တယ်။ ဟိုတစ်နေ့က ၁၂ ရပ်ကွက်ပါ တင်တယ်။ ပြီးခဲ့တဲ့ တစ်လလောက်က ၃ ရပ်ကွက်က နှစ်ကြိမ်တောင် တင်တယ်။"

ဘာကြောင့် အခုလို နုတ်ထွက်ချင်နေရတယ် ဆိုတာကိုလည်း အခုလို ဆက်ပြောပြ ပါသေးတယ်။

"ကျနော်တို့ လုံးဝ ဒီအဖွဲ့အစည်းမှာ ပြည်သူတွေရဲ့ ငြိုငြင်ခံရတယ်။ ကျနော်တို့ ရယက ဥက္ကဋ္ဌ တစ်ယောက်ရဲ့ ပါဝါလည်း မရှိဘူး။ အာဏာလည်း မရှိဘူး။ ကျနော်တို့က လူကြီး လုံခြုံရေးတွေ၊ လူကြီးကတော် (အမျိုးသမီး)တွေ လာရင် လုံခြုံရေးတွေ ယူပေးရတယ်။ ဗုံးခွဲမှု ကိစ္စတွေ၊ မသင်္ကာတဲ့ လူတွေ လုံခြုံရေးတွေ လုပ်ရတယ်။"

"ဘုရားကြို ဘုရားကြားတွေ၊ ရပ်ကွက် လက်ဖက်ရည်ဆိုင်တွေ၊ ရန်ကုန်က လုံခြုံရေး လိုရင် သွားခေါ် ၂၄ နာရီလုံးလုံး လိုက်လုပ်ရတာပေါ့။ အဲဒါတွေကို အယုံအကြည် မရှိတဲ့အတွက်ကြောင့် ကျနော်တို့ ကိုယ်တိုင် ပြတ်ပြတ်သားသား အကြောင်း အမျိုးမျိုးနဲ့ နုတ်ထွက်ကြတာပေါ့။"

အောက်ခြေ အုပ်ချုပ်ရေး ရပ်ကျေးအဖွဲ့ဝင်တွေ နုတ်ထွက်နေတာနဲ့ ပတ်သက်လို့ သုံးခွမြို့နယ် မယက ကို ဒီနေ့ ဆက်သွယ် မေးမြန်းခဲ့ပေမဲ့ တာဝန်ခံ ဖြေဆိုမယ့်သူ မရှိခဲ့ပါဘူး။ တကယ်တမ်း ကျတော့ ကျေးရွာအဆင့်တွေပါ နုတ်ထွက်နေကြတာ ဖြစ်ပါတယ်။

နုတ်ထွက်စာ တင်ထားတဲ့ ရယက အဖွဲ့ဝင်တစ်ဦးက ... "အခု ရပ်ကွက် ၁ဝ ရပ်ကွက်က တင်တာပေါ့။ ကျေးရွာ ၆၄ ရွာ ရှိတယ်။ အဲဒီရွာတွေကလည်း မယကမှာ ရွာတွေကပါ တင်ထားတယ်။ မယက ဥက္ကဋ္ဌ ခေါင်းကျိန်းနေတယ်။ ဒုက္ခရောက်နေတယ်တဲ့။ အထက်ကို တင်ပြတော့လည်း အထက်က လက်မခံဘူးတဲ့။"

အလားတူ နုတ်ထွက်စာ တင်ထားတဲ့ ရယက အဖွဲ့ဝင် နောက်တစ်ယောက်ကလည်း သူ့ ခံစားချက်ကို အခုလို ပြောပြပါသေးတယ်။

"အတွေ့အကြုံကို ပြောရမယ်ဆိုရင် ကျနော်တို့ ရပ်ကွက်မှာ ကျနော်လည်း ရယက အဖွဲ့ဝင်တစ်ယောက်ပါပဲ။ ရပ်ကွက်ထဲမှာ ရယက အဖွဲ့ဝင်တစ်ယောက်ရဲ့ လုပ်ပိုင်ခွင့်ပေါ့။ မရှိဘူးဗျ။ မယက က ခိုင်းထားလို့ လုပ်ရပေမယ့် ပြည်သူလူထုကနေပြီးတော့ ဆဲလိုက် ဆူလိုက်၊ ကြိမ်းမောင်းလိုက် အဲဒါတွေကို ခံနေရတယ်ဗျ။ အဲဒီ အခါမျိုးမှာ ကျနော်တို့လည်း တဖြည်းဖြည်း စိတ်တွေ ကုန်လာတယ်။ မလုပ်ချင်တော့ဘူး။"

 ဒါပေမဲ့လည်း မယက က နုတ်ထွက်ခွင့် မပေးတာမို့ စိတ်ပျက်နေကြပါတယ်။

"မယက ဥက္ကဋ္ဌ ဦးကျော်သောင်းကနေပြီးတော့ ပေးမထွက်နိုင်ဘူးတဲ့။ ၂ဝ၁ဝ ရွေးကောက်ပွဲ ပြီးမှ ပေးထွက်မယ်တဲ့။ ထွက်ခွင့်မပေးဘူး။ ဆက်လုပ်ခိုင်းတယ်။ ကျနော်တို့လည်း ဆက်မလုပ်ချင်တော့ဘူး။ ကျနော်တို့ ၂ဝ၁ဝ ရွေးကောက်ပွဲ ပြီးမှ ထွက်ရမယ့် ပုံစံမျိုး ဖြစ်နေတယ်။ ကိုယ့်စိတ်ထဲမှာ မပါတဲ့ အလုပ် မလုပ်ချင်တော့လို့ ကိုယ့်သဘောနဲ့ကိုယ် ထွက်စာတင်တယ်။"

အလားတူပဲ ကြံ့ဖွံ့လို့ ခေါ်တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး အသင်းကလည်း ပါတီကို ပြောင်းလိုက်တဲ့ အခါ အသင်းမှာပဲ နေချင်သူတွေနဲ့ ပါတီပြောင်းပြီး ရွေးကောက်ပွဲ ဝင်ချင်တဲ့သူတွေ ကြားမှာ နှစ်ခြမ်းကွဲ ပြဿနာ တက်နေကြတယ်လို့လည်း သူတို့က ပြောပြသွားခဲ့ပါသေးတယ်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment