Transparency Myanmar

transparency.myanmar@gmail.com

The Associated Press, 23rd May 2010

မြန်မာနိုင်ငံ၏ အရင်းနှီးဆုံး အင်အားကြီး မဟာမိတ် တရုတ် ဝန်ကြီးချုပ် ဝမ်ကျားပေါင်သည် မြန်မာ စစ်ဖက် ခေါင်းဆောင်များထံ ဇွန်လတွင် တရားဝင် ခရီးစဉ် လာရောက်မည် ဖြစ်ပြီး လွန်ခဲ့သော ၁၆ နှစ် အတွင်း မီဒီယာများ၏ စိတ်ဝင်စားမှုကို ပထမဆုံး ရရှိသော တရုတ်တို့၏ မြန်မာ ခရီးစဉ် ဖြစ်သည်ဟု သံတမန် တစ်ဦးက တနင်္ဂနွေနေ့တွင် ပြောကြားသည်။

မြန်မာနိုင်ငံသည် ၎င်း၏ ဆိုးဝါးသော လူ့အခွင့်အရေး ချိုးဖောက်မှု မှတ်တမ်းများနှင့် ဒီမိုကရေစီ အစိုးရကို အာဏာလွှဲပေးရန် ပျက်ကွက်ခဲ့ခြင်း တို့ကြောင့် အနောက်နိုင်ငံများ၏ ပစ်ပယ် ရှောင်ရှားခြင်းကို ခံခဲ့ရသော်လည်း တရုတ်နိုင်ငံကမူ နိုင်ငံရေး မဟာမိတ်နှင့် ကုန်သွယ်ဘက်အဖြစ် မပြောင်းမလဲ ရပ်တည်ခဲ့သည်။

ထို့နောက်တွင် ဝန်ကြီးချုပ် လီပင်းက ၁၉၉၄ တွင် ၎င်း၊ သမ္မတ ကျန်ဇီမင်းက ၂၀၀၁ ဒီဇင်ဘာတွင်၎င်း အသီးသီး လာရောက် လည်ပတ်ခဲ့ကြသည်။

ဝမ်ကျားပေါင်သည် တောင်ကိုရီးယား၊ ဂျပန်နှင့် မွန်ဂိုလီးယား နိုင်ငံများ ပါဝင်သော ၎င်း၏ အာရှ ခရီးစဉ်၏ နောက်ဆုံး ခရီးတစ်ထောက် အဖြစ် မြန်မာနိုင်ငံသို့ ဇွန်လ ၂ ရက်တွင် ရောက်ရှိလိမ့်မည်ဟု ပြောကြားခဲ့သော အာရှ သံတမန်က အဆိုပါ ခရီးသည် တရားဝင် ကြေညာခြင်း မရှိသေးသောကြောင့် ၎င်း၏ အမည်ကို ဖော်ပြလိုခြင်း မရှိပါ။

ဝမ်သည် ၎င်း၏ ၂ ရက်ကြာ ခရီးစဉ်အတွင်း မြန်မာအစိုးရ ခေါင်းဆောင် ဗိုလ်ချုပ်မှူးကြီး သန်းရွှေနှင့် ဝန်ကြီးချုပ် ဦးသိန်းစိန်တို့ အပါအဝင် ထိပ်ပိုင်း စစ်ဘက် အရာရှိကြီးများနှင့် တွေ့အုံးမည်ဟု ၎င်းသံတမန်က ပြောကြားသည်။

မြန်မာနိုင်ငံနှင့် ၁၃၇၀ မိုင် (၂၁၉၀ ကီလိုမီတာ) ခန့် နယ်စပ်ခြင်း ထိစပ်နေသော တရုတ်နိုင်ငံသည် ထိုင်းနှင့် စင်္ကာပူ ပြီးလျှင် မြန်မာနိုင်ငံ၏ တတိယ အကြီးဆုံး ကုန်သွယ်ဖက် ဖြစ်သည့် တရုတ်နှင့် မြန်မာ ကုန်သွယ်ရေး တန်ဖိုးသည် ၂၀၀၉ ခုနှစ်က ဒေါ်လာ ၁.၈ ဘီလျံသို့ ရောက်ရှိခဲ့သည်ဟု တရားဝင် စာရင်းဇယားများအရ သိရှိရသည်။

ဝေဖန် ဆန်းစစ်သူများက အတုအယောင်ဟု ပြစ်တင် စွပ်စွဲထားကြသည့် အထွေထွေ ရွေးကောက်ပွဲများကို မြန်မာအစိုးရက ယခုနှစ်ကုန် တချိန်ချိန်တွင် ကျင်းပရန် ပြင်ဆင်နေခြင်းကြောင့် ဝမ်၏ ခရီးစဉ် ထွက်ပေါ်လာခြင်း ဖြစ်သည်။ ၁၉၆၂ ကပင် အာဏာသိမ်းခဲ့သည့် တပ်မတော်သည် စစ်အုပ်ချုပ်ရေး အဆုံးသတ်မည် ဖြစ်ကြောင်း စိတ်မပါ လက်မပါ၊ အနည်းငယ်သာ အရိပ်အယောင်ပြခဲ့ပြီး အတိုက်အခံ ခေါင်းဆောင် ဒေါ်အောင်ဆန်းစုကြည် ရွေးကောက်ပွဲ မဝင်နိုင်အောင် တားဆီးရန် နည်းလမ်း ပေါင်းစုံဖြင့် ကြိုးပမ်းခဲ့သည်ဟု ဝေဖန်သူများက ပြောကြားခဲ့သည်။

ရွေးကောက်ပွဲ ကျင်းပမည့် ရက်ကို ကြေညာခြင်း မရှိသေးသော်လည်း ဒေါ်အောင်ဆန်းစုကြည်၏ NLD ပါတီက ရွေးကောက်ပွဲကို သပိတ်မှောက်သည့် အနေဖြင့် ပါတီ မှတ်ပုံမတင်ရန် ဆုံးဖြတ်ခဲ့သည်။ ရွေးကောက်ပွဲ ဥပဒေများသည် တရားမျှတမှု မရှိ။ ဒီမိုကရေစီ မပြည့်ဝဟု ပါတီက ပြောကြားခဲ့သည်။

၁၉၉၀ ခုနှစ်က နောက်ဆုံး ကျင်းပခဲ့သော ရွေးကောက်ပွဲများတွင် NLD ပါတီက ဦးဆောင် အနိုင်ရရှိခဲ့သော်လည်း အဆိုပါ ရလဒ်များကို အသိအမှတ်ပြုရန် တပ်မတော်က ငြင်းဆန်ခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment