Transparency Myanmar

transparency.myanmar@gmail.com

DVB News, 28th July 2010

မြန်မာနိုင်ငံ တနင်္သာရီ အနောက်ဖက် ကမ်းရိုးတမ်းရှိ မဟာဗျူဟာမြောက် တန်ဖိုး မြင့်မားသည့် ဆိပ်ကမ်း ဖွံ့ဖြိုးရေး လုပ်ငန်း လုပ်ပိုင်ခွင့် ရရှိရန် ထိုင်းစက်မှု ကဏ္ဍ၏ ဖိအားပေးမှုများ တိုးမြင့်လာသည့် အချိန်တွင် မြန်မာ အစိုးရ ခေါင်းဆောင်ကို လတ်တလော ဆွဲဆောင် စည်းရုံးနေသည့် အိန္ဒိယနိုင်ငံ ကလည်း စိတ်ဝင်စားသော မျက်လုံးဖြင့် လေ့လာနေသည်။

ထားဝယ် ဆိပ်ကမ်းသည် မြန်မာနှင့် ထိုင်းအကြား မျှဝေ ပိုင်ဆိုင်ကြသော ကမ်းရိုးတန်း ကုန်းတန်းတွင် တည်ရှိပြီး၊ အန်ဒမန် ပင်လယ်နှင့် ထိုင်းပင်လယ်ကွေ့ကို ပိုင်းခြားထားသည်။ အဆိုပါ ဆိပ်ကမ်းသည် နှစ်နိုင်ငံ စလုံး အတွက် အကျိုးကျေးဇူး ဖြစ်ထွန်းစေမည် ဖြစ်သလို အာဆီယံ-အိန္ဒိယ လွတ်လပ်သော ကုန်သွယ်ရေးရုံး သဘော တူညီမှုဆိုင်ရာ ဆွေးနွေးမှု တိုးတက်မှု ရနေသည့် အားလျော်စွာ အိန္ဒိယနိုင်ငံ အနေဖြင့်လည်း အရှေ့တောင် အာရှ ဈေးကွက်သို့ ပိုမို လျင်မြန်စွာ ရောက်ရှိနိုင်မည် ဖြစ်သည်။

ထိုင်းနိုင်ငံက တစ်ချိန်တည်းတွင်ပင် စင်္ကာပူ အောက်ဖက်ရှိ မလက္ကာရေလက်ကြားကို ကွေ့စိုက် ဖြတ်သန်းခြင်း မရှိဘဲ တန်ချိန် ၃၀၀,၀၀၀ သင်္ဘောများ ဆိုက်ကပ်နိုင်သည့် ထားဝယ် ဆိပ်ကမ်းမှ တဆင့် ၎င်း၏ အလယ်ပိုင်းနှင့် အနောက်ပိုင်း မြေပြန့်ဒေသများသို့ အမြန်လမ်း ဖောက်လုပ်ရန် ကိစ္စကိုလည်း လေ့လာလျက် ရှိသည်။

ထိုင်းနိုင်ငံ တောင်ပိုင်းရှိ ပတ်ဘာရာနှင့် ဆောင်ခလာ ရေနက် ဆိပ်ကမ်းများကို အတည် မပြုနိုင်ခဲ့ခြင်းကြောင့် ဘန်ကောက်အတွက် ဖိအား ပိုမို ကြီးမားသည့် ထားဝယ် ဆိပ်ကမ်း အဆိုပြုလွှာ ပေါ်ထွက်လာခြင်း ဖြစ်သည်ဟု Bangkok Post က သုံးသပ်သည်။

အကယ်၍သာ ထားဝယ် ရေနက် ဆိပ်ကမ်း စီမံကိန်းကို ဆက်လက် လုပ်ဆောင်မည် ဆိုပါက ထိုင်းနိုင်ငံ အနေဖြင့် ထားဝယ်နှင့် ကန်ချနာဘူရီ အကြား ကီလိုမီတာ ၁၆၀ အဓိက အဝေးပြေး လမ်းမကြီးနှင့် ရထားလမ်းများ တည်ဆောက်ရန် စဉ်းစားရမည် ဖြစ်သည်။ ထားဝယ် စီမံကိန်းတွင် အကြီးစား စက်မှုလုပ်ငန်းများနှင့် ရေနံဓာတု စက်ရုံများအတွက် စတုရန်း ကီလိုမီတာ ၃၂၀ ကျယ်ဝန်းသော မြေပေါ်တွင်လည်း အဓိက စက်မှုဇုန် တည်ဆောက်ရဦးမည်ဟု Bangkok Post က ဖော်ပြခဲ့ပြီး ဆက်လက်၍ စိတ်ချ ယုံကြည်ရခြင်း မရှိသော နယ်မြေခံ လျှပ်စစ် ဓာတ်အား ဖြန့်ဝေမှုကို ဖြည့်ဆည်းရန် အတွက် အနီးအနားတွင် ရေအားလျှပ်စစ် စက်ရုံ တည်ဆောက်မည့် အဆိုပြုချက်ကိုလည်း ဆွေးနွေးလျက် ရှိသည်ဟု ပြောကြားသည်။

ထားဝယ် ဆိပ်ကမ်းကို အိန္ဒိယထံ လက်လွှတ် ဆုံးရှုံးနိုင်ခြေ ရှိခြင်းနှင့် ပတ်သက်၍ ထိုင်းနိုင်ငံ၏ စိုးရိမ် ပူပန်မှုများမှာလည်း မြန်မာနိုင်ငံ ရခိုင်ကမ်းရိုးတန်းရှိ အလှမ်းမကျယ်သော စစ်တွေ ဆိပ်ကမ်းကို နယူးဒေလီက ပိုမို စိတ်ဝင်စားနေခြင်းကြောင့် အတန်ငယ် လျော့ပါးသွားလိမ့်မည် ဖြစ်သည်။ ထို့အပြင် ရပ်လိုက် ပြန်စလိုက် ဖြစ်ရပ်များကြောင့် သတင်းမွှေးနေသည့် ထမံသီ ရေလှောင်တမံ ကဲ့သို့သော စိတ်ချရခြင်း မရှိသည့် အိန္ဒိယ အဆိုပြု အခြေခံ အဆောက်အဦ စီမံကိန်းများ၏ သာဓက ကြောင့်လည်း ပိုမို စိတ်သက်သာရာ ရစေပါသည်။

သို့သော်လည်း သယ်ယူ ပို့ဆောင်ရေး စီမံကိန်းများမှသည် အကြမ်းဖက် တန်ပြန် နှိမ်နင်းရေး ကိစ္စများအထိ ပါဝင်သော အပြန်အလှန် သဘောတူညီမှုများ လက်မှတ် ထိုးရန်အတွက် လတ်တလော နယူးဒေလီသို့ ရောက်ရှိနေသော ဗိုလ်ချုပ်မှူးကြီး သန်းရွှေနှင့်သာ ထိုင်းအစီရင်ခံစာများ၏ အချိန်ကိုက်မှုကို ပြောကြားနိုင်ပါလိမ့်မည်။

သို့ရာတွင် ဘင်္ဂလားပင်လယ်အော် ပတ်လည်မှ နိုင်ငံများအား စီးပွားရေး ဖွံ့ဖြိုးမှု အတွက် စုစည်းထားသည့် ဒေသတွင်း ပူးပေါင်းဆောင်ရွက်ရေး စနစ်တစ်ခု ဖြစ်သည့် BIMSTEC တွင် အိန္ဒိယများက ဦးဆောင် အဖွဲ့ဝင်များ ဖြစ်နေရာ အိန္ဒိယ လက်ရှိ အနေအထား အတွက် လိုအပ်ချက် ဖြစ်နေသော မြန်မာနိုင်ငံကို ဆွဲဆောင် စည်းရုံးရာတွင် အကူအညီ ပေးနိုင်လိမ့်မည် ဖြစ်သည်။

တစ်ချိန်တည်းတွင် မြဝတီ မဲဆောက် အဓိက ကုန်သွယ်ရေး ဝင်ပေါက်ကို မြန်မာဖက်က ပိတ်ထားခြင်းကြောင့် ထိုင်းနှင့် မြန်မာအကြား တင်းမာမှုများ မြင့်မားနေဆဲ ဖြစ်သည်။ နှစ်နိုင်ငံ နယ်ခြား သောင်ရင်းမြစ် တစ်လျောက် ထိုင်းဘက်ခြမ်းတွင် ကွန်ကရစ် ကမ်းပါး  တည်ဆောက်ခဲ့ခြင်းကြောင့် မြန်မာဘက်ခြမ်းတွင် ရေတိုက်စားမှု ဖြစ်ပွားခဲ့သည်ဟု မြန်မာဘက်က ကန့်ကွက်ထားသည်။

ယင်းကဲ့သို့ သာမန် အငြင်းပွားမှုများ ရှိနေသော်လည်း ထိုင်း မြန်မာ နယ်စပ် ကုန်သွယ်ရေးမှာ တစ်နှစ်ပြီး တစ်နှစ် အံ့အားသင့်ဖွယ် ၅၅ % တိုးတက်နေကာ ပြီးခဲ့သော ၉ လအတွင်း ကုန်သွယ်မှု တန်ဖိုး အမေရိကန် ဒေါ်လာ ၁.၇ ဘီလီယံခန့် ရှိခဲ့သည်ဟု သိရှိရသည်။ အကယ်၍ နယ်စပ်ကို ဆက်ပိတ်ထားပါက ကုန်သွယ်ရေး နစ်နာ ဆုံးရှုံးမှု တန်ဖိုး အမေရိကန် ဒေါ်လာ ၃၁ သန်း ရှိနိုင်သည်ဟု The Nation သတင်းစာက ယနေ့ သတိပေးထားသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment