Transparency Myanmar

transparency.myanmar@gmail.com

AP, 30th July 2010

မြန်မာနှင့် မြောက်ကိုရီးယား အာဏာပိုင်များ အကြား ဆွေးနွေးမှုများ သောကြာနေ့တွင် နှစ်ရက်မြောက် ခဲ့ပြီးနောက် နှစ်နိုင်ငံ အကြား ဖူးသစ်စ လျှို့ဝှက် ဆက်ဆံရေးမှ နျူကလီယာ ပူးပေါင်း ဆောင်ရွက်မှု လက္ခဏာများကို သတိထား စောင့်ကြည့်နေသည်ဟု အမေရိကန် ပြည်ထောင်စုက ပြောကြားလိုက်သည်။

မြောက်ကိုရီးယား နိုင်ငံခြားရေး ဝန်ကြီး ပတ်အီချွန်၏ မြန်မာနိုင်ငံ ၄ ရက် ခရီးစဉ်ကို လျှို့ဝှက်ချက် အဖြစ် ဖုံးကွယ်ထားသည်။ နှစ်နိုင်ငံ သံတမန် ဆက်ဆံရေး ၂၀၀၇ ခုနှစ်က ပြန်လည် ထူထောင်ခဲ့ပြီး နောက်ပိုင်း ပထမဆုံး ဖြစ်ော ပတ်အီချွန်၏ ခရီးစဉ် နှင့်ပတ်သက်သည့် အသေးစိတ် အချက်အလက် အနည်းငယ်သာ ပေါက်ကြားခဲ့ပြီး အဆိုပါ ခရီးစဉ် ရောက်ရှိနေခြင်းကို မြန်မာ အစိုးရက တရားဝင် ကြေညာခြင်း မရှိပါ။

အဆိုပါ ခရီးစဉ် အပေါ် မှတ်ချက်ပေးရန် မေးမြန်းခဲ့ရာ အမေရိကန် နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ PJ Crowley က "လက်နက် ရောင်းဝယ်မှု တားမြစ်ခြင်း အပါအဝင် မြောက်ကိုရီးယား အပေါ် ချမှတ်ထားသော ကုလသမဂ္ဂ အရေးယူ ပိတ်ဆို့မှုများကို လိုက်နာရန်" မြန်မာနိုင်ငံကို တိုက်တွန်းလိုက်သည်။

"မြောက်ကိုရီးယားက နျူကလီယာ ပြန့်ပွားမှုကို ဆက်တိုက် ကျူးလွန်နေတဲ့ နိုင်ငံပါ။ မြောက်ကိုရီးယားဟာ သိသာ ထင်ရှားတဲ့ တရားမဝင် ဆောင်ရွက်မှုတွေမှာ ပါဝင် ပတ်သက်ခဲ့ပါတယ်။ မြန်မာနိုင်ငံအနေနဲ့ ကမ္ဘာတလွှားက တခြားနိုင်ငံတွေလိုပဲ လိုက်နာရမယ့် ဝတ္တရား ရှိပါတယ်။ ဒီလိုက်နာရမယ့် တာဝန် ဝတ္တရားတွေကို မြန်မာနိုင်ငံက ကျင့်သုံး လိုက်နာလိမ့်မယ်လို့ ကျွန်တော်တို့ မျှော်လင့်ပါတယ်" ဟု ၎င်းက ကြာသပတေးနေ့တွင် ဝါရှင်တန်၌ သတင်းထောက်များအား ပြောကြားခဲ့သည်။ "သူတို့ နှစ်နိုင်ငံရဲ့ ဆက်ဆံရေး အနေအထားက ပွင့်လင်း မြင်သာမှု မရှိတာကြောင့် မြောက်ကိုရီးယားဟာ တကယ်ပဲ မြန်မာနိုင်ငံမှာ နျူကလီယာ ပြန့်ပွားရေး အစီအစဉ်တွေ လုပ်ကိုင် ကျူးလွန်နေခြင်း ရှိမရှိကို အကဲဖြတ်ဖို့ ခက်ခဲပါတယ်" ဟု ၎င်းက ဆိုသည်။

"ပတ်အီချွန်သည် သောကြာနေ့တွင် စစ်ဖက် အစိုးရ ရုံးစိုက်ရာ နေပြည်တော်သို့ သွားရောက်ကာ ဝန်ကြီးချုပ် ဦးသိန်းစိန် အပါအဝင် နိုင်ငံခြားရေး ဝန်ကြီး ဦးဥာဏ်ဝင်းတို့နှင့် တွေ့ဆုံ လိမ့်မည်" ဟု စစ်အစိုးရ ရေဒါ စက်ကွင်း မလွတ်၍ အမည် မဖော်လိုသူ သံတမန်များနှင့် အရာရှိများက ပြောကြားသည်။

မြန်မာ နှင့် မြောက်ကိုရီးယားတို့သည် အာရှတိုက်၏ အဆိုးဆုံး အာဏာရှင် အစိုးရများ ဖြစ်ပြီး၊ အနောက်နိုင်ငံ အရေးယူ ပိတ်ဆို့မှုများနှင့် နှစ်နိုင်ငံစလုံး ရင်ဆိုင်နေရသည်။ ၎င်းနှစ်နိုင်ငံသည် လက်ရှိနှစ်များ အတွင်း ပိုမို ရင်းနှီးစွာ ဆက်ဆံလာကြပြီး၊ အထူးသဖြင့် စစ်ဖက်ရေးရာ ကဏ္ဍများတွင် ဖြစ်သည်။ စစ်ဖက် အုပ်ချုပ်သော အရှေ့တောင် အာရှ မြန်မာနိုင်ငံကို ပြုံးယမ်းက နျူကလီယာ နည်းပညာ ထောက်ပံ့နေသည်ဟု နိုင်ငံတကာက စိုးရိမ် ပူပန်လျက် ရှိသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment