Transparency Myanmar

transparency.myanmar@gmail.com

Associated Press, 17th August 2010

ဘေဂျင်းသည် ဝါရှင်တန်၏ စစ်ဖက်ဆိုင်ရာ ပိုမို ပွင့်လင်း မြင်သာရေး မျှော်လင့်ချက်များကို ကျေနပ် နှစ်သိမ့်စေမည့် လက္ခဏာ မရှိသဖြင့် ၎င်းတို့ နှစ်နိုင်ငံ လက်နက်ကိုင် တပ်ဖွဲ့များ အကြား တင်းမာမှုများမှာ ကျန်ရှိနေဆဲ ဖြစ်သည်ဟု တရုတ် ပညာရှင်များက အင်္ဂါနေ့တွင် ပြောကြားသည်။

တရုတ်နိုင်ငံသည် အဓိက စစ်ရေးပါဝါ ဖြစ်လာရန် လျှို့ဝှက်စွာ လုပ်ဆောင်မည့် ရည်မှန်းချက်ကို ဆက်လက် ဆုပ်ကိုင် ထားသဖြင့် နားလည်မှု လွှဲမှားမည့် အလားအလာနှင့် အခြား နိုင်ငံများနှင့် ပြဿနာ ဖြစ်ပွားမည့် အလားအလာ ကြီးထွားလာသည်ဟု ဖော်ပြထားသော ပင်တာဂွန် နှစ်ပတ်လည် အစီရင်ခံစာ ထုတ်ပြန်ခဲ့ ပြီးနောက် တရုတ် ပညာရှင်များက ပြောဆိုခဲ့ခြင်း ဖြစ်သည်။

ဘေဂျင်း အခြေစိုက် ပညာရှင်များက "ပြည်သူ့ လွတ်မြောက်ရေး တပ်မတော်သည် ပိုမို ပွင့်လင်းရန် ကြိုးစားခဲ့သော်လည်း ပွင့်လင်း မြင်သာမှု စံသတ်မှတ်ချက် ကွာဟ နေဆဲ ဖြစ်သည်" ဟု ပြောကြားခဲ့သည်။

"တရုတ်နိုင်ငံဟာ ပြီးခဲ့တဲ့နှစ် အနည်းငယ် အတွင်းမှာ စစ်ဖက်ဆိုင်ရာ ပွင့်လင်းမှုကို ဖြေးဖြေး မှန်မှန် တိုးမြှင့်လာခဲ့ပေမယ့် အမေရိကန် ပြည်ထောင်စုက တောင်းဆိုတဲ့ အဆင့်ကို ရောက်ဖို့ လတ်တလော မဖြစ်နိုင်သေးပါဘူး" ဟု Renmin Unversity မှ အမေရိကန်ရေးရာ ကျွမ်းကျင်သူ ရှီရင်ဟောင်က ဆိုသည်။

ကြာမြင့်စွာ လျှို့ဝှက် ဖုံးကွယ်ခဲ့သော တရုတ် စစ်တပ် PLA သည် လတ်တလော နှစ်များ အတွင်း ၎င်း၏ ပြင်ဆင် ဖွဲ့စည်းမှုနှင့် တာဝန်ကို အစီရင်ခံစာများ ထုတ်ပြန်ခဲ့ပြီး ဆိပ်ကမ်း ဆိုက်ရောက် ခရီးစဉ်များ၊ ငြိမ်းချမ်းမှု ထိန်းသိမ်းရေး မစ်ရှင်များ၊ ပူးတွဲ စစ်ရေး လေ့ကျင့်မှုများမှ တဆင့် အခြားနိုင်ငံ တပ်မတော်များနှင့် ဆက်ဆံ ထိတွေ့ခဲ့သည်။ ယင်းသို့ လုပ်ဆောင်မှုများသည် တရုတ် စစ်ရေး တည်ဆောက်မှု၏ နောက်ကွယ်မှ အကြောင်းရင်း အပေါ် စိုးရိမ်မှုများ လျှော့နည်းရန် အထောက်အကူ ပြုလိမ့်မည်ဟု မျှော်လင့်ကြောင်း သံတမန်များက ပြောဆိုကြသည်။

သို့သော်လည်း ဘေဂျင်းက မဟာပြိုင်ဘက် အဖြစ် သတ်မှတ်ထားသော အမေရိကန် ပြည်ထောင်စုနှင့် ပိုမို ပွင့်လင်း မြင်သာမှု အကျိုးကျေးဇူးများ ရရှိစေမည့် နိုင်ငံခြားရေး မူဝါဒကို ထိပ်ပိုင်း အရာရှိများက များစွာ သံသယ ရှိနေကြသည်ဟု ယုံကြည်ရသည်။

တပ်ဖွဲ့ဝင် အင်အား ၂.၃ သန်းရှိ စစ်တပ်ကို ကိုင်တွယ်နေသည့် တရုတ် ကာကွယ်ရေး ဝန်ကြီးဌာနနှင့် တရုတ် နိုင်ငံခြားရေး ဝန်ကြီးဌာနတို့က ပင်တာဂွန် အစီရင်ခံစာ အပေါ် ချက်ချင်း မှတ်ချက် မပေးကြသေးပါ။

ပင်လယ်ဝါတွင် ပြုလုပ်သော အမေရိကန်-တောင်ကိုရီးယား ပူးတွဲ ရေတပ် လေ့ကျင့်မှုများ အပေါ် ဘေဂျင်းက အလွန်အမင်း မကျေမနပ် ဖြစ်နေသည့်ကြားမှ အစီရင်ခံစာ ထုတ်ပြန်မှု ထွက်ပေါ်လာခြင်း ဖြစ်သည်။ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်၏ ယခင်လက ပြောကြားမှုများမှာလည်း တရုတ်နိုင်ငံကို စိတ်အနှောင့်အယှက် ဖြစ်စေခဲ့သည်။ တောင်တရုတ် ပင်လယ်ပြင်နှင့် ပတ်သက်၍ တရုတ်နှင့် အရှေ့တောင် အာရှနိုင်ငံများ အကြား ပိုင်နက် အငြင်းပွားမှုများတွင် မလိုလားအပ်သော ကြားဝင် စွက်ဖက်မှုဟု တရုတ်တို့က ရှုမြင်ခဲ့ကြသည်။

ထို့အပြင် အမေရိကန် ပြည်ထောင်စုက ထိုင်ဝမ်နိုင်ငံသို့ ဒေါ်လာ ၆.၄ ဘီလျံ တန်ဖိုးရှိ လက်နက်များ ရောင်းချပေးခဲ့ခြင်းကို လက်တုန့်ပြန်သည့် အနေဖြင့် အမေရိကန် စစ်ဖက်နှင့် ဆက်ဆံမှုကို ဘေဂျင်းက ဇန်နဝါရီလတွင် ရပ်ဆိုင်း ထားခဲ့သည်။

အထက်ပါ ကိစ္စများ ပေါင်းစုမှုကြောင့် နှစ်နိုင်ငံ အကြား တင်းမာမှုကို မကြုံစဖူး ကြီးထွားစေခဲ့သော်လည်း အမေရိကန်၏ စစ်ရေး စွမ်းရည် သာလွန်မှုကြောင့် ပဋိပက္ခ တကယ် ဖြစ်ပွားမည့် အလားအလာ နည်းပါးသည်ဟု ပီကင်း တက္ကသိုလ် နိုင်ငံတကာ လေ့လာရေးဌာနမှ ဇူဖန်းက ပြောကြားသည်။

"နှစ်နိုင်ငံ အကြား စစ်ရေး အင်အား ကွာဟမှု အရမ်း ကြီးမားတယ် ဆိုတာကို ပင်တာဂွန်က ကောင်းကောင်း သိပါတယ်။ အမေရိကန် လေယာဉ်တင် သင်္ဘောတွေကို တရုတ်က တိုက်ခိုက်လိမ့်မယ်လို့ ပြောတာကတော့ ရီစရာ မကောင်းပေဘူးလား" ဟု ဇူဖန်းက ဆိုသည်။

အမေရိကန် လေယာဉ်တင် သင်္ဘောများကို တိုက်ခိုက် နိုင်စွမ်းရှိသည့် ကီလိုမီတာ ၁၅၀၀ ပစ်လွှတ် နိုင်သော တာဝေးပစ် ဒုံးပျံများကို တရုတ်က ထုတ်လုပ်နေသည်ဟု ပင်တာဂွန် အစီရင်ခံစာက ဆိုသည်။ သို့သော် သက်ဆိုင်ရာ နည်းပညာ အောင်မြင်ရန် မည်မျှ နီးစပ်နေပြီ ဆိုသည်ကိုမူ ဖော်ပြခြင်း မရှိပါ။ ၎င်းဒုံးပျံများ နောက်ဆုံးအဆင့် စမ်းသပ်မှုမှာ ၁ နှစ် ၂ နှစ်ခန့် ကြာဦးမည်ဟု ယုံကြည်ရသော်လည်း ပစ်မှတ်ကို ပိုမို တိကျစွာ ထိမှန်နိုင်ရန် ၁၀ နှစ်ခန့် အချိန်ယူရဖွယ် ရှိသည်ဟု အချို့ ကျွမ်းကျင်သူများက ဆိုသည်။

တရုတ်နိုင်ငံသည် ၎င်း၏ ပထမဆုံး လေယာဉ်တင် သင်္ဘော တည်ဆောက်မှုကို ယခု နှစ်ကုန်တွင် စတင်နိုင်ဖွယ် ရှိပြီး လေယာဉ်တင် သင်္ဘောမှ တောင်ပံသေ လေယာဉ်များ မောင်းနှင်ရန် အတွက် လေယာဉ်မောင်း ပိုင်းလော့ ၅၀ ကို လေ့ကျင့်မည့် အစီအစဉ်ကို စတင်ခဲ့သည်ဟုလည်း အစီရင်ခံစာတွင် ဖော်ပြထားသည်။ ထို့အပြင် လေယာဉ်တင် သင်္ဘော ကုန်းပတ် ပြေးလမ်းနှင့် ပုံစံတူကို မြေပြင် အခြေစိုက် တည်ဆောက်နေသည့် လက္ခဏာ ရှိပြီး ပိုင်းလော့များ လေ့ကျင့်ရန် ရုရှားသို့ စေလွှတ်ထားသည်ဟု ကျွမ်းကျင်သူများက ပြောကြားသည်။

ထိုင်ဝမ် အရေးနှင့် ပတ်သက်လျှင် လိုအပ်ပါက အင်အားသုံးရန် တရုတ် ပြည်မက ဆုံးဖြတ်ထားပြီး အင်အား ချိန်ခွင်လျှာတွင် ဘီဂျင်းက အလေးသာနေဆဲ ဖြစ်သည်ဟုလည်း သိရှိရသည်။ ကျွန်းနိုင်ငံ၏ ကာကွယ်ရေးကို ဝါရှင်တန်က ကူညီနိုင်ရန် အမေရိကန် ဥပဒေများ လိုအပ်သည်။

ဘေဂျင်းသည် ထိုင်ဝမ် အပေါ် အမေရိကန်၏ အကူအညီပေးမှု မှန်သမျှကို ဟန့်တား၊ နှောင့်ယှက်၊ ပိတ်ပင်ရန် အဆက်မပြတ် ကြိုးပမ်းနေသည့် အချိန်တွင် ထိုင်ဝမ် ပြဿနာကို ၎င်း၏ အလိုကျ အပြီးသတ်နိုင်ရန် အတွက် ထိုင်ဝမ် လွတ်လပ်ရေးကို ပိတ်ပင်ရန်၊ လွှမ်းမိုးရန် PLA ပြည်သူ့ လွတ်မြောက်ရေး တပ်မတော်၏ စွမ်းရည်ကို တိုးမြှင့်နေသည်ဟု အစီရင်ခံစာတွင် ဖော်ပြထားသည်။

ထိုင်ဝမ် ကာကွယ်ရေး ဝန်ကြီးဌာနကလည်း တုန့်ပြန်သည့် အနေဖြင့် ယခု ဆယ်စုနှစ် အတွင်း ၎င်းတို့ စစ်ဖက်မှ အလိုရှိဆုံး ပစ္စည်း နှစ်မျိုးဖြစ်သည့် F-16 C နှင့် D အမျိုးအစား တိုက် လေယာဉ်များနှင့် ဒီဇယ် အင်ဂျင်သုံး ရေငုပ်သင်္ဘောများ ၎င်းတို့အား ရောင်းချပေးရန် အမေရိကန်ကို ထပ်မံ တောင်းဆိုခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment