Transparency Myanmar

transparency.myanmar@gmail.com

ဒီမိုကရေစီ အသွင်ကူးပြောင်းရေးကာလသို့ ရောက်ရှိနေသည့် မြန်မာနိုင်ငံတွင် နိုင်ငံပိုင် ပစ္စည်းများ၊ လုပ်ငန်းများ ပုဂ္ဂလိကပိုင်ပြု ရေးလုပ်ငန်းစဉ်များကို အရှိန်မြှင့်တင်ကာ လုပ်ကိုင်လျက် ရှိသည်။

သို့ရာတွင် စစ်အစိုးရနှင့် နီးစပ်သူများကောင်းစားရေးဖြင့်သာ လုပ်ကိုင်နေခြင်း ဖြစ်သည်။ စစ်အစိုးရက အရေးကြီးသော နိုင်ငံပိုင်လုပ်ငန်းကြီးများနှင့် ပစ္စည်းများနှင့် ဘိဇနက်အီလစ်များအပေါ် ဆက်လက် ထိန်းချုပ်ထားလိုသောကြောင့် ၎င်းနှင့်နီးစပ်သော၊ ယုံကြည်စိတ်ချရသော အသိုင်း အဝိုင်းကို လွှဲပြောင်းပေးနေခြင်းဖြစ်သည်။

အိမ်ယာမြေများ၊ လောင်စာဆီအရောင်းဆိုင်များ၊ ဆိပ်ကမ်းများ၊ ရေကြောင်း ပို့ဆောင်ရေး ဆိုင်ရာ လုပ်ငန်းများနှင့် လေကြောင်းလိုင်းများ အပါအဝင် နိုင်ငံပိုင်ပစ္စည်း ၃၀၀ ခန့်ကိုယခု ၂၀၁၀ ပြည့်နှစ် အတွင်း ပုဂ္ဂလိကပိုင်ပြုပေးခဲ့သည်။ သို့သော် အများစုမှာ အများပြည်သူ မသိအောင် လွှဲပြောင်းရောင်းချခဲ့ခြင်းဖြစ်သည်။

လာမည့်နိုဝင်ဘာ ၇ ရက်တွင်ကျင်းပမည့် ဒီမိုကရေစီရွေးကောက်ပွဲမတိုင်မီ စစ်ဗိုလ်ချုပ်ကြီး များ အရပ်ဘက်အဝတ်အစား ပြောင်းဝတ် (စစ်ယူနီဖောင်းချွတ်)ပြီး တန်ဖိုးကြီးလှသော နိုင်ငံပိုင်ပစ္စည်းများ အားလုံးကို ပုဂ္ဂလိကပိုင်ပြုလျက်ရှိသည်။ ယင်းသို့ပြုလုပ်ရာတွင် ၎င်းတို့နှင့် နီးစပ်သော သို့မဟုတ် ၎င်းတို့မိသားစုဝင်၊ ဆွေမျိုးများပိုင်ဆိုင်သော ကုမ္ပဏီများသို့ လွှဲပြောင်း ပေးမှုများပါဝင်သည်။ ဤနည်းဖြင့် အဖိုးတန်လှသော နိုင်ငံပိုင်ပစ္စည်များ ၎င်းတို့လက်ဝယ်သို့ တိုက်ရိုက် ရောက်ရှိအောင် ပြုလုပ်နေသည်။ အနာဂတ်ကာလ အရပ်ဘက် အစိုးရလက်ထက်တွင် ၎င်းတို့က စစ်မှုထမ်းဟောင်း အီလစ်အသွင်မှ စီးပွားရေးနှင့် နိုင်ငံရေး အီလစ်အသွင်သို့ ပြောင်းလဲလိုသောကြောင့်ဖြစ်သည်။

"မြန်မာစစ်တပ်ဟာ သူ့ရဲ့နောက်လိုက်တွေ များပြားလာဖို့ နာမည်ကြီးတဲ့ ထိပ်တန်း ပုဂ္ဂိုလ်တွေကို စီးပွားရေး အခွင့်အလမ်းတွေ ဖန်တီးပေးနေတာပါ" ဟု အရှေ့တောင်အာရှ ရေးရာ ကျွမ်းကျင်သူ Jacob Ramsay ကသုံးသပ်ပြောဆိုသည်။

"စစ်တပ်ရဲ့ ထိပ်ပိုင်းရာထူးနေရာမှာရှိခဲ့ပြီး အခု စစ်ယူနီဖောင်း ချွတ်လိုက်ရတဲ့အတွက်ကြောင့် မပျော်မရွှင်ဖြစ်နေကြတဲ့ စစ်အရာရှိကြီးတွေကိုလည်း အရပ်ဘက် အစိုးရ လက်ထက်မှာ ထိပ်ပိုင်းနေရာ ပြန်ရအောင်ယူဖို့ စစ်အစိုးရက စည်းရုံးနေတယ်။ ငွေရပေါက်ရှိမယ့် အခွင့်အရေးတွေပြပြီး ချော့မြူနေတယ်" ဟု ၎င်းကဆိုသည်။

မစ္စတာ Jacob Ramsay က ၁၉၆၀ ပြည့်နှစ် အင်ဒိုးနီးရှား နိုင်ငံအသွင်ကူးပြောင်းရေး ကာလကို မိုဒယ်အဖြစ်ထားကာ မြန်မာစစ်အစိုးရ၏ လုပ်ကိုင်ဆောင်ရွက်နေမှုများကို ထောက်ပြ ပြောဆိုသည်။

Reuters သတင်းကိုဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment