Transparency Myanmar

transparency.myanmar@gmail.com

BBC News, 24th December 2010

လာအို နိုင်ငံတွင် ဘူဆုန်း ဘူဖာဘန် ရုတ်တရက် နုတ်ထွက်သွားပြီးနောက် ဝန်ကြီးချုပ် အသစ် တစ်ယောက် ထပ်မံ တင်မြှောက်လိုက်သည်ဟု ကြေညာခဲ့သည်။

ဝန်ကြီးချုပ် ရာထူးကို ၄ နှစ်ကျော်ခန့် ရယူထားခဲ့သော အသက် ၅၆ နှစ် အရွယ်ရှိ ဘူဆုန်းကို ကွန်မြူနစ် ကြီးစိုးသော အမျိုးသား လွှတ်တော်က သောင်ဆင်း သာမာဗွန်ဖြင့် အစား ထိုးခဲ့ခြင်း ဖြစ်သည်။

မစ္စတာ ဘူဆုန်းက မိသားစု ကိစ္စများကို အကြောင်းပြ ခဲ့သော်လည်း လေ့လာ ဆန်းစစ်သူများကမူ ၎င်းနုတ်ထွက်ရခြင်း၏ အကြောင်းရင်းသည် ပါတီတွင်း အုပ်စုကွဲများ ပြန်လည် ညှိနှိုင်းမှု၏ ရလဒ်ဖြစ်ရန် များသည်ဟု ပြောကြားသည်။

လာအိုသည် လာမည့်နှစ် အစောပိုင်း၌ အထွေထွေ ရွေးကောက်ပွဲ ကျင်းပရန် စီစဉ်ထားသော နိုင်ငံ ဖြစ်သည်။

အစိုးရ ပြောရေးဆိုခွင့် ရှိသူ တစ်ဦးက မစ္စတာ ဘူဆုန်းသည် လာအို ပြည်သူ့ တော်လှန်ရေး ပါတီ၏ ဗဟို ကော်မတီဝင် အဖြစ် ဆက်လက် ရှိနေမည်ဟု ပြောကြားခဲ့သည်။ ၎င်းပါတီသည် အာဏာကို လက်ဝါးကြီး အုပ်လု နီးပါး ချုပ်ကိုင်ထားသည့် ပါတီ ဖြစ်သည်။

စီးပွားရေး မဟာဗျူဟာ

ယခု ဝန်ကြီးချုပ်သစ်ကို အမျိုးသား လွှတ်တော် ကိုယ်စားလှယ် ၁၀၁ ဦးက တခဲနက် သဘောတူ အတည်ပြု ခဲ့ကြခြင်း ဖြစ်သည်။

နိုင်ငံ ကြီးမားသော်လည်း လူဦးရေ နည်းပါးပြီး ဗီယက်နမ်၊ တရုတ်၊ ထိုင်းနိုင်ငံတို့နှင့် နယ်မြေချင်း ထိစပ်နေသော ကုန်းတွင်းပိတ် နိုင်ငံ တစ်ခု ဖြစ်သည့် လာအို ပြည်သူ့ ဒီမိုကရက်တစ် သမ္မတ နိုင်ငံတွင် နိုင်ငံရေး အပြောင်းအလဲများကို ဂရုတစိုက် စီစဉ် ဖန်တီးလျက် ရှိသည်။

"လက်ဖက်ညွန့်တွေကို ရွေးခူးသလိုမျိုး၊ ပါတီတွင်း အုပ်စုကွဲ အလိုင်းမင့် ပြောင်းသွားတာမျိုးပါ။ ပေါလစ် ဗျူရိုထဲမှာ အာဏာ ချိန်ခွင်လျှာ အပြောင်းအလဲ ဖြစ်သွားတာပေါ့" ဟု သြစတြေးလျ နိုင်ငံ မဲလ်ဘုန်း Deakin University မှ School of International and Political Studies ၏ နာယက ပါမောက္ခ Damien Kinqsbury က ပြောကြားသည်။

"ပွင့်လင်း မြင်သာမှု မရှိတာကတော့ အသေအချာပါပဲ။ ဒါပေမယ့် တစ်ခါတစ်ခါ ဖြစ်လာတတ်ပါတယ်" ဟု ၎င်းက BBC သို့ ပြောကြားသည်။

၎င်းက ဆက်လက်၍ ခေါင်းဆောင်ပိုင်း အပြောင်းအလဲ၏ ရလဒ်အဖြစ် မူဝါဒပိုင်း အပြောင်းအလဲ ဖြစ်လာမည့် အလားအလာ မရှိပဲ တိုင်းပြည်တွင်း တရုတ် လွှမ်းမိုးမှု ကြီးထွားခြင်း ဆက်လက် ဖြစ်ပေါ်နေမည့် အလားအလာ ရှိသည်ဟု ပြောကြားခဲ့သည်။

အာရှတိုက်၏ အဆင်းရဲဆုံး နိုင်ငံများထဲတွင် ပါဝင်သော လာအို နိုင်ငံသည် ပြည်ပ အလှူရှင်များ အပေါ် ကြီးမားစွာ မှီခိုနေရသည်။

ဗီယက်နမ်နှင့် နိုင်ငံရေးအရ ရင်းရင်းနှီးနှီး ကြာမြင့်စွာ ဆက်ဆံခဲ့သည့် လာအို နိုင်ငံ တဝှမ်းတွင် တရုတ်နိုင်ငံက ကြီးမားစွာ ရင်းနှီး မြှုပ်နှံလျက် ရှိပြီး၊ လမ်းများ ဖောက်လုပ်ခြင်း၊ စိုက်ပျိုးခြင်းနှင့် စက်မှုဇုံများ တည်ဆောက်ခြင်းတို့ကို ပြုလုပ်လျက် ရှိသည်။

ထို့အပြသ် တရုတ်မှ လာအိုသို့ မြန်နှုန်းမြင့် ရထား ပြေးဆွဲရန် စီစဉ်ထားသည် ဟုလည်း သိရှိရသည်။

၂၀၂၀ နောက်ဆုံး ထား၍ တိုင်းပြည်အား ဖွံ့ဖြိုးမှု နိမ့်ကျခြင်းမှ ကယ်တင်ရန် အတွက် ၂၀၁၅ အထိ နှစ်စဉ် စီးပွားရေး ကြီးထွားမှု အနည်းဆုံး ၈% ရရှိ အောင်မြင်နိုင်ရမည်ဟု ယခင် လာအို ဝန်ကြီးချုပ်က ယခုနှစ် အစောပိုင်းတွင် ပြောကြားခဲ့ဖူးသည်။

ကြီးမားသော ပြည်ပ ရင်းနှီး မြှုပ်နှံမှု စီမံကိန်းများက ယခု ဖွံ့ဖြိုးရေး မဟာ ဗျူဟာ၏ အခြေခံကို ဖွဲ့စည်းပေးခြင်း ဖြစ်သည်ဟု ဝေဖန် ဆန်းစစ်သူများက ဆိုသည်။

          NGO အဖွဲ့အစည်းများ ဘက်က လာအို နိုင်ငံအား ပြည်ပ လုပ်သားများ တင်သွင်းခြင်းကို ကန့်ကွက်ခဲ့ကြပြီး၊ သဘာဝ ပတ်ဝန်းကျင်နှင့် လူမှု စီးပွား ဖွံ့ဖြိုးမှုအပေါ် ဆိုးကျိုးများ သက်ရောက် လာမည့် အလားအလာကို သတိပေးခဲ့ကြသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment