Transparency Myanmar

transparency.myanmar@gmail.com

Mizzima news, 22nd January 2010

          အာရှနိုင်ငံများနှင့် ပတ်သက်၍ ပြောင်းလဲလိုက်သော အမေရိကန် ပြည်ထောင်စု၏ နိုင်ငံခြားရေး မူဝါဒအရ စစ်ဖက် အုပ်ချုပ်သော မြန်မာနိုင်ငံ အပါအဝင် ဒေသတွင်း နိုင်ငံများ အပေါ် လွှမ်းမိုးနိုင်မှု တိုးတက်စေမည့် အခွင့်အလမ်းကို တရုတ်နိုင်ငံသို့ ပေးလိုက်သည်ဟု ဆီနိတ်တာ Jim Webb က ကြာသပတေးနေ့တွင် ၎င်း သဘာပတိ ပြုလုပ်သော လွှတ်တော် ကြားနာမှုတွင် ပြောကြားခဲ့ပါသည်။

ဝါရှင်တန်၏ အာရှ နှင့် ဆက်ဆံရေး မူဝါဒနှင့် ပတ်သက်သော ဆီးနိတ် နိုင်ငံခြား ဆက်ဆံရေး ဆပ်ကော်မတီ ကြားနာမှုတွင် Jim Webb က မှတ်ချက် ပေးခဲ့ရာ၌ အမေရိကန်၏ အရေးယူ ပိတ်ဆို့မှုများနှင့် အခြား မူဝါဒ တင်းကြပ်မှုများသည် အရှေ့တောင် အာရှတွင် တရုတ်၏ နိုင်ငံရေး နှင့် စီးပွားရေးအရ သြဇာ လွှမ်းမိုးမှုကို မြင့်တက်စေရုံ သာမက အရှေ့ အာရှရှိ အမေရိကန်၏ သြဇာကိုပါ ကျဆင်းစေခဲ့သောကြောင့် တရုတ်ကို နှစ်ထပ်ကွမ်း အကျိုးရှိစေခဲ့သည်ဟု ပြောကြားခဲ့ပါသည်။

မဟာဗျူဟာအရ လည်းကောင်း၊ စီးပွားရေးအရ လည်းကောင်း အမေရိကန် ပြည်ထောင်စု၏ သြဇာ ကျဆင်းနေသည့် ကမ္ဘာကြီးတွင် တရုတ်နိုင်ငံသည် လက်ရှိ နှစ်များအတွင်း ခေါင်းထောင် လာသည့် တစ်ခုထဲသော နိုင်ငံ ဖြစ်သည်ဟု Webb က ဆိုပါသည်။

အမေရိကန် ပြည်ထောင်စုက အရေးပါသည့် စီးပွားရေး နှင့် သံတမန် ဆက်ဆံရေးများကို ဖြတ်တောက်ထားသည့် အချိန်တွင် တရုတ်နိုင်ငံ၏ သြဇာ မှန်မှန် ကြီးထွားလာခဲ့သည့် သာဓကကို ပြရမည် ဆိုလျှင် မြန်မာနိုင်ငံ ကိစ္စထက် ထင်ရှားသော သာဓက မရှိပါ၊ တရုတ်၏ လက်နက် ရောင်းချပေးမှုနှင့် စစ်ရေး အထောက်အပံ့သည် ဒေါ်လာ (၃) ဘီလျံ တန်ဖိုး ရှိခဲ့သည်ဟု ဗာဂျီးနီးယား လွှတ်တော်အမတ် Webb က ဆက်လက် ပြောကြားပါသည်။

၂၀၀၉ သြဂုတ်လတွင် မြန်မာနိုင်ငံသို့ သွားရောက်၍ ဗိုလ်ချုပ်မှူးကြီး သန်းရွှေ အပါအဝင် တပ်မတော် ထိပ်ပိုင်းအဆင့် အရာရှိများအပြင် အထိန်းသိမ်းခံ အတိုက်အခံ ခေါင်းဆောင် ဒေါ်အောင်ဆန်းစုကြည် တို့နှင့် တွေ့ဆုံခဲ့သည့် Jim Webb သည် ၁၉၈၈ ကပင် အာဏာ သိမ်းခဲ့သည့် မြန်မာစစ်ဖက် အစိုးရနှင့် တွေ့ဆုံ ဆွေးနွေးရေးကို ပြင်းပြင်းထန်ထန် ထောက်ခံသူ တစ်ဦး ဖြစ်သည်။

မြန်မာ အစိုးရ နှင့် အမေရိကန် ပြည်ထောင်စု၏ တွေ့ဆုံ ဆွေးနွေးမှု မရှိသေးသည့် အချိန်တွင် တရုတ်နိုင်ငံက နေရာ ဝင်ယူခဲ့ပြီး ဒေသတွင်း အမေရိကန်၏ လှုပ်ရှားမှုများကို သံသယ ပွားစေသည် အထိ  မြန်မာအစိုးရ အပေါ် ကြီးမားစွာ လွှမ်းမိုးခဲ့သည်ဟု Webb က ဆိုပါသည်။

တရုတ်နိုင်ငံရဲ့ ကြီးမားတဲ့ ရင်းနှီးမြှုပ်နှံမှုတွေထဲက ဥပမာ တစ်ခုလောက်ဘဲ ပြပါ့မယ်ဟု Webb က ပြောကြားကာ မြန်မာနိုင်ငံအတွင်း ဖြတ်သန်း သွယ်တန်းမည့် ပိုက်လိုင်း စီမံကိန်းကို ရည်ညွှန်း လိုက်ပါသည်။ ဘီဂျင်းသည် လာမည့် ဆယ်စုနှစ် (သို့) မကြာမီအတွင်း စွမ်းအင် ရင်းမြစ် ဆာလောင်နေသော ၎င်း၏ ရေနံချက် စက်ရုံများထံသို့ ရေနံစိမ်းများ၊ ဒေသတွင်း ထွက်ရှိလာသော သဘာဝဓာတ်ငွေ့များကို ကီလိုမီတာ (၂၃၈၀) ရှည်သော ပိုက်လိုင်းမှ တဆင့် အကုန် သိမ်းကြုံး ရယူ သွားတော့မည် ဖြစ်ပြီး ဒေါ်လာ ဘီလျံ (၃၀) တန်ဖိုး ရှိသည့် စာချုပ် ချုပ်ဆို ထားသည်ဟုလည်း ၎င်းက ပြောဆိုပါသည်။

ထို့အပြင် ဆီနိတ်တာ Jim Webb က ပြောကြားရာတွင် သဘောထား ကွဲလွဲသော အစိုးရများက ရှုပ်ထွေးမှုများ ဖန်တီးခြင်း၊ အဆိုး မြင်ခြင်း၊ စောင့်ထိန်းရမည့် သိက္ခာများ အပေါ် စွပ်စွဲခြင်းများ လုပ်ဆောင်လာစေမည့် မိမိတို့၏ မူဝါဒ အခြေခံ အချို့ကို ပြောင်းလဲမှုများ လုပ်ရမည် ဖြစ်ပြီး ဝါရှင်တန် အနေဖြင့် အာရှနှင့် ပတ်သက်သော နိုင်ငံခြားရေး မူဝါဒကို တသမတ်တည်း ဖြစ်အောင် ထိန်းသိမ်း သွားသင့်သည်ဟု ဆိုပါသည်။

ကြာသပတေးနေ့က ပြုလုပ်သော လွှတ်တော် ကြားနာမှုတွင် လက်ထောက် နိုင်ငံခြားရေး ဝန်ကြီး Kurt Campbell ၊ Georgetown University မှ Dr. Robert Sutter နှင့် Freedom House မှ Dr. Robert Herman တို့၏ ရှင်းလင်း ထွက်ဆိုမှုများကိုလည်း ပြုလုပ်ခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Asiantribune.com, 25th January 2010

          မြန်မာနိုင်ငံတွင် ဒီမိုကရေစီ အခွင့်အရေးများ ရရှိရေးအတွက် တစ်ကိုယ်တော် တိုက်ပွဲ ဆင်နွှဲနေသူ ဒေါ်အောင်ဆန်းစုကြည်အား ထောက်ခံသူများ အနက်မှ တစ်ဦး ဖြစ်သည့် ဒီမိုကရေစီ လှုပ်ရှားသူ စာရေးဆရာမ မသီတာက ကမ္ဘာ့အကြီးဆုံး ဒီမိုကရေစီ နိုင်ငံကြီး ဖြစ်ပါလျှက်နှင့် အိန္ဒိယနိုင်ငံသည် ၎င်း၏ အရှေ့ဖက် အိမ်နီးချင်း မြန်မာနိုင်ငံတွင် ဖြစ်ပျက်သမျှကို မမြင်ချင်ယောင် ဆောင်နေသည့် အတွက် စိတ်ပျက်မိကြောင်း ထုတ်ဖော် ပြောကြား လိုက်ပါသည်။

          အကျဉ်းထောင်ထဲတွင် လအတန်ကြာ နေခဲ့ရပြီး သေလုနီးပါး ဖြစ်ခဲ့သူ ဆရာဝန်၊ နိုင်ငံရေး လှုပ်ရှားသူ မသီတာက အိန္ဒိယ အစိုးရ နှင့် ပြည်သူတို့၏ မြန်မာနိုင်ငံ အပေါ် လျစ်လျူရှုမှုသည် ဝမ်းနည်းစရာ ကောင်းသော ကိစ္စ ဖြစ်သည်ဟု ပြောဆိုပါသည်။

စာပေပွဲတော် တက်ရောက်ရန် Jaipor တွင် ရောက်ရှိနေသော သူမက အိန္ဒိယထံမှ မြန်မာပြည်သူများ၏ မျှော်လင့်ချက်များနှင့် ပတ်သက်၍ ပြောကြားခဲ့ပြီး၊ မြန်မာနိုင်ငံတော်၏ ကြွယ်ဝသော သယံဇာတများသည် မြန်မာ ပြည်သူများအတွက် "ကံဆိုးမှု" တခု ဖြစ်နေသည်ကို ဝမ်းနည်းမိကြောင်း၊ အိန္ဒိယ အထူးသဖြင့် အိန္ဒိယ အစိုးရသည် မြန်မာနိုင်ငံတွင် ဖြစ်ပျက်နေသမျှနှင့် ပတ်သက်၍ အလွန်အမင်း လျစ်လျူရှုနေကြောင်း သတင်းဌာနသို့ ပြောကြားခဲ့ပါသည်။

အိန္ဒိယ အစိုးရ အပြင် အိန္ဒိယ မီဒီယာများကလည်း လျစ်လျူရှုနေကြောင်း၊ အနီးဆုံး အိမ်နီးချင်း မြန်မာနိုင်ငံတွင် ဖြစ်နေသမျှကို အိန္ဒိယ ပြည်သူများထံ သတင်းပေးရန် ပျက်ကွက် နေကြောင်း သူမက ဆက်လက် ပြောဆိုပါသည်။

မိမိတို့ နှစ်နိုင်ငံသည် တူညီသော ကိုလိုနီ သမိုင်းကြောင်း ရှိခဲ့ကြပြီး မြန်မာပြည်သူများက အိန္ဒိယထံမှ များစွာ မျှော်လင့်ထားကြောင်း၊ သို့သော်လည်း တစ်ချိန်တွင် ကမ္ဘာ့ ပါဝါ နိုင်ငံ ဖြစ်နိုင်သည့် အလားအလာများ ရှိနေသော်လည်း အိန္ဒိယသည် စီးပွားအရ လည်းကောင်း၊ နိုင်ငံရေးအရ လည်းကောင်း ဒေသတွင်း၌ ခေါင်းဆောင်အဖြစ် လုံးဝ ပေါ်ထွက်လာခြင်း မရှိကြောင်း၊ သို့အတွက် ဝမ်းနည်း စိတ်ပျက်မိကြောင်း စာရေးဆရာမ မသီတာ (စမ်းချောင်း) က ပြောကြားပါသည်။

၁၉၄၅ ခုနှစ် ဇွန် (၁၉) တွင် မွေးဖွားခဲ့သူ ဒေါ်အောင်ဆန်းစုကြည်သည် အတိုက်အခံ ခေါင်းဆောင် ဖြစ်ပြီး NLD ပါတီတွင် အထွေထွေ အတွင်းရေးမှူး တာဝန်ယူထားပါသည်။ နောက်ဆုံး ကျင်းပခဲ့သော ၁၉၉၀ ရွေးကောက်ပွဲတွင် သူမ၏ NLD ပါတီက ဆန္ဒမဲအားလုံး၏ (၅၉%) ၊ လွှတ်တော် ကိုယ်စားလှယ်နေရာ (၄၉၂) အနက် (၃၉၄) နေရာ၊ အနိုင်ရရှိခဲ့သော်လည်း ရွေးကောက်ပွဲ မတိုင်မီကပင် စစ်ဖက် အစိုးရက သူမအား အကျယ်ချုပ် ထိန်းသိမ်းထားခဲ့ပါသည်။ လွန်ခဲ့သော အနှစ် (၂၀) အတွင်း (၁၄) နှစ်ခန့် ထိန်းသိမ်းခြင်း ခံရသူ သူမသည် အကျယ်ချုပ် ထိန်းသိမ်းခံနေရဆဲ ဖြစ်သည်။

ဒေါ်အောင်ဆန်းစုကြည်သည် ယခုအခါ တတိယ အကြိမ်မြောက် အကျယ်ချုပ် ပြစ်ဒဏ်ကို ကျခံနေရပါသည်။ ၂၀၀၃ ခုနှစ် မေလတွင် ဒီပဲယင်းမြို့ အနီး၌ သူမ၏ ယာဉ်တန်းကို အစိုးရ လက်သပ်မွေး လူမိုက်များက တိုက်ခိုက်ခဲ့ကြပြီး သူမအား ထောက်ခံသူ (၁၀၀) ကျော် သေဆုံး ခဲ့ရပြီးနောက်ပိုင်း သူမကို ထပ်မံ ထိန်းသိမ်းထားခဲ့ခြင်း ဖြစ်သည်။

ဒေါ်အောင်ဆန်းစုကြည်သည် လွတ်မြောက်ရေး ကြိုးပမ်းသူ တစ်ဦး ဖြစ်၍ ၁၉၉၀ တွင် Rafto ဆု နှင့် Sakharor ဆု၊ ၁၉၉၁ တွင် ငြိမ်းချမ်းရေး၊ နိုဘယ်ဆု၊ ၁၉၉၂ တွင် အစိုးရထံမှ ဂျဝါဟာလာ နေရူး ဆုတံဆိပ်များ လက်ခံ ရရှိခဲ့သူ ဖြစ်သည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Economist, 25th January 2010

Beijing သည် မကြာသေးမီက ၅၉ နှစ်အတွင်း အအေးဆုံး အခြေအနေကို ခံစားခဲ့ရသော်လည်း စီးပွားရေးမှာမူ အေးခဲနေခြင်း မရှိပါ။ ပြီးခဲ့သည့် ဇန်နဝါရီလ ၂၁ ရက်နေ့ က ထုတ်ပြန်သော ကိန်းဂဏန်းများအရ စတုတ္ထ သုံးလပတ် အမှန်တကယ် GDP သည်  ၁၀.၇ %  အထိ တက်ခဲ့ကြောင်း ပြသနေပါသည်။

စက်မှု ထုတ်ကုန်များသည် ယခုနှစ်တွင် ဒီဇင်ဘာလ အထိ  ၁၈.၅%  ရောက်အောင် ခုန်တက်ခဲ့ပါသည်။ လက်လီ ရောင်းချရမှုတွင် ၁၇.၅ %  ထိ တိုးတက်လာခဲ့ပြီး ထိုသို့ တိုးတက်ရန် အစိုးရက တစိတ်တပိုင်း ကျခံပေးခြင်း၊ မော်တော်ကားနှင့် အိမ်သုံး လျှပ်စစ် ပစ္စည်းများ ဝယ်ယူမှုတွင် အခွန် မကောက်ခြင်း စသည်  တို့ကို ပြုလုပ်ပေးခဲ့သည်။ ယမန် နှစ်က လက်လီ ရောင်းချရမှုသည် နှစ်ပေါင်း နှစ်ဆယ်အတွင်း အများဆုံး ဖြစ်ခဲ့ပါသည်။

လွန်ခဲ့သော တစ်နှစ်က စီးပွားရေး ပညာရှင်များသည် အလုပ်လက်မဲ့ ပြဿနာနှင့် ငွေကြေးဖောင်းပွမှု တို့ကို စိုးရိမ်ခဲ့ကြပါသည်။ ယခုအခါ လျှင်မြန်သော ပြောင်းလဲမှုများကြောင့် ၎င်းတို့၏ စိုးရိမ်မှုများသည် လွန်ကဲစွာ အပူချိန် တက်လာသော တရုတ်နိုင်ငံ၏ စီးပွားရေးကို ပြောင်း၍ အာရုံပြု လာကြပါသည်။ တစ်နှစ်အတွင်း လူသုံးကုန် ပစ္စည်း ဖောင်းပွ မြင့်တက်မှုမှာ ဒီဇင်ဘာလတွင် ၁.၉ % ဖြစ်ခဲ့ပါသည်။ ပြီးခဲ့သည့် ဇူလိုင်လက လွန်ခဲ့သော တစ်နှစ်ကထက် ၁.၈ % နိမ့်ကျနေရာမှ ရုတ်တရက် ပြောင်းလဲ ဖောင်းပွ မြင့်တက်လာခြင်း ဖြစ်ပါသည်။

ထိုကဲ့သို့ ဖြစ်ရခြင်း၏ အဓိက အကြောင်းရင်းမှာ တရုတ်နိုင်ငံ မြောက်ပိုင်းတွင် ဆိုးဝါးသော ဆောင်းရာသီ၏ အအေးဒဏ်ကြောင့် အစားအသောက် ဈေးနှုန်းများ မြင့်တက်လာမှုကြောင့် ဖြစ်ပါသည်။ မြို့ကြီး တော်တော်များများတွင် လတ်လတ် ဆတ်ဆတ် ဟင်းသီးဟင်းရွက် ဈေးနှုန်း များသည် လွန်ခဲ့သော နှစ်လအတွင်း နှစ်ဆမက ထိုးတက်သွားခဲ့ပါသည်။

Goldman Sachs မှ Yu Song တို့က ငြင်းချက် ထုတ်ရာတွင် အစားအသောက် ဈေးနှုန်း တစ်ခုတည်းကြောင့် ငွေကြေး ဖောင်းပွ လာရခြင်း မဟုတ်ကြောင်း၊ စီးပွားရေးသည် ကန့်သတ်သည့် မြန်နှုန်းကို စတင် ကျော်လွန်နေပြီ ဖြစ်ကြောင်း ပြောကြားခဲ့ပါသည်။

အကယ်၍ တရုတ်နိုင်ငံကသာ ရင်ဆိုင် အံတုနိုင်မည် ဆိုလျှင် စီးပွားရေးတွင် လုပ်နိုင်သည့် အရည်အချင်း များစွာ ရှိနေသေးသဖြင့် သိပ်စိုးရိမ်စရာ ရှိမည် မဟုတ်ပေ။ ဈေးကွက်ထဲသို့ ပစ္စည်းများများ ဖြည့်တင်းပေးနိုင်လျှင် ဈေးနှုန်းကို ချပေးနိုင်မည်သာ ဖြစ်သည်။ သို့သော် ဆင်ပြောင်ကြီး အမြီးကျမှ တစ်ရမည့် ကိစ္စရပ်များ ပေါ်လာပါသည်။

အချို့နယ်များတွင် ကျောက်မီးသွေး သိုလှောင်ထားရှိမှု နည်းလာပြီး လျှပ်စစ်ဓါတ်အား မလုံလောက်မှုများ ရှိလာကြောင်း သတင်း ပေးပို့မှုများ ရှိလာပါသည်။ အလုပ်သမား ဈေးနှုန်းများမှာလည်း တိုးပေးရန် တောင်းဆိုမှုများ ရှိ်လာခဲ့ပါသည်။

စီးပွားရေးတွင် လုပ်စရာ ကိုင်စရာ အခွင့်အလမ်း နည်းပါးမှုကို အမြန် ပပျောက်အောင် ပြုလုပ်ရမည် ဖြစ်ပြီး၊ သို့မဟုတ်ပါက ငွေကြေးများ ပုံမှန် မဟုတ်ပဲ လျင်မြန်စွာ ကြီးထွားလာမည် ဖြစ်ပြီး၊ ယခင်နှစ်က ပိုငွေ ပြမှုများသည် ငွေကြေး ဖောင်းပွမှု ဖြစ်သွားလိမ့်မည် ဖြစ်ပါသည်။

ယခုနှစ်တွင် ဒီဇင်ဘာလအထိ ဘဏ်များတွင် သွင်းငွေ များပြားလာမှုသည် ၃၂ % ထိ တက်လာပြီး၊ တက်နှုန်း နှေးအောင် လုပ်ထားသော်လည်း မြန်လွန်း နေပါသေးသည်။ ဗဟိုဘဏ်သည် ဘဏ်များ၏ အရံငွေ လိုအပ်ချက်ကို မြှင့်ပေးပြီး၊ ထုခွဲ လွယ်သည့် ပစ္စည်းများကို ငွေအဖြစ် စီးဝင် လာစေသည့် အပြင်၊ ဘဏ်များကို ငွေချေးမှု လျှော့ချရန် ပြောကြားခဲ့ပါသည်။

ဘဏ်များသည် ငွေဖောင်းပွမှု ၃ % မကျော်မချင်း တရားဝင် အတိုးနှုန်းများကို မြှင့်လိမ့်မည် မဟုတ်သော်လည်း၊ ဖေဖော်ဝါရီ လလောက် အထိသာ တောင့်ခံ နိုင်မည် ဟု ယူဆရပါသည်။

၂၀၀၉ ခုနှစ်က အစိုးရသည် ယွမ်ငွေကို ဒေါ်လာနှင့် ယှဉ်လျှင် တည်ငြိမ်မှု ရှိစေရန် ပြုလုပ်ထားရခြင်း အတွက် အကြောင်းပြချက် ၃ ခု ပေးပါသည်။ ပို့ကုန်များ ကျဆင်းရခြင်း၊ GDP တိုးတက်လာမှု အားနည်းခြင်းနှင့် အနုတ် လက္ခဏာ ဆောင်သော ငွေကြေး ဖောင်းပွမှု တို့ဖြစ်ပါသည်။ ယခုအခါ ပို့ကုန်တွင်ရော GDP တွင်ပါ ဂဏန်း နှစ်လုံး အထိ တိုးတက်လာပြီး၊ ငွေကြေး ဖောင်းပွမှု ကလည်း လျင်မြန်စွာ တက်လာရာ ဒီတစ်ခါ အကြောင်းပြစရာ ရှိလိမ့်မည် မဟုတ်တော့ပေ။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

timesofindia.indiatimes.com, 24th January 2010

မြန်မာ ပိုင်နက် အတွင်းရှိ အိန္ဒိယ အရှေ့မြောက် ဒေသ သူပုန်များကို မောင်းထုတ်ရန် အိန္ဒိယ အစိုးရနှင့် ပူးပေါင်း ညှိနှိုင်း ဆောင်ရွက်ရေးအတွက် မြန်မာ စစ်ဖက်အစိုးရက စီစဉ်လျက် ရှိပြီး ပုန်းရှောင်နေသူ ULFA သူပုန် တပ်မှူး ပါရတ်ဘာရူး ကို ခြေရာခံရာတွင် ကူညီရန် ကတိပြုလိုက်ပါသည်။

ကြာသပတေးနေ့က နေပြည်တော်တွင် ကျင်းပသော နှစ်နိုင်ငံ ပြည်ထဲရေး ဝန်ကြီးများ၏ ၃ ရက်ကြာ ဆွေးနွေးပွဲတွင် အထက်ပါ အတိုင်း နယူးဒေလီ ကို အာမခံ ခဲ့ခြင်း ဖြစ်သည်။

လာမည့် ၂ လ မှ ၃ လ အတွင်း ရည်မှန်းချက် နယ်မြေများတွင် အိန္ဒိယ နှင့် မြန်မာ လုံခြုံရေး တပ်ဖွဲ့များ ပူးပေါင်း စစ်ဆင်ရေး ဆောင်ရွက်မည် ဖြစ်သည်။ စစ်ဆင်ရေး၏ ရည်မှန်းချက်မှာ အစိုးရ၏ နှိ်မ်နင်းခြင်း ခံရသော သူပုန်များ တဖက်နိုင်ငံသို့ ထွက်ပြေးခြင်း မပြုရန် ဖြစ်သည်ဟု ပြည်ထဲရေး ဝန်ကြီးဌာန အရာရှိ တစ်ဦး က ပြောကြားပါသည်။

အရူနာချာ ပရာဒက်ရှ်၊ နာဂါလန်၊ မဏိပူ၊ မီဇိုရမ် ပြည်နယ်များနှင့် ထိတွေ့နေသော ကီလိုမီတာ ၁၆၅၀ ရှည်လျား အိန္ဒိယ-မြန်မာ နယ်စပ် တလျောက်တွင် NSCN နှင့် ULFA စသော အိန္ဒိယ အရှေ့မြောက် ဒေသမှ အဓိက သူပုန်အဖွဲ့ များက အခြေစိုက် စခန်း ၂၀ ခန့်နှင့် လေ့ကျင့်ရေး စခန်းများ ထူထောင် ထားပါသည်။

ULFA တပ်မှူး ပါရတ်ဘာရူးသည် မြန်မာနိုင်ငံ ကချင်ပြည်နယ်တွင် ပုန်းအောင်းနေသည် ဟု ယုံကြည်ထားပါသည်။

ပါရတ်ဘာရူး မြန်မာပြည် နယ်စပ်တွင် ပုန်းအောင်းနေကြောင်း မြန်မာ ကိုယ်စားလှယ် အဖွဲ့ထံ မိမိတို့ သတင်းပေးခဲ့ပြီး မြန်မာတို့ကလည်း ၎င်းတို့ ပိုင်နက် အတွင်း တွေ့ရှိပါက ခြေရာခံ ထောက်လှမ်း ပေးမည် ဟု ကတိပေးခဲ့ကြောင်း အဆိုပါ အရာရှိက ပြောကြားပါသည်။

အိန္ဒိယ၊ မြန်မာ နှစ်နိုင်ငံ လုံခြုံရေး တပ်ဖွဲ့များသည် နယ်စပ်တလျောက်  လက်နက်၊ မူးယစ်ဆေးဝါး နှင့် ကုန်ပစ္စည်းများ မှောင်ခို ကူးသန်း ရောင်းဝယ်ခြင်းကို စောင့်ကြပ် စစ်ဆေးမှုအား တိုးမြှင့် ပြုလုပ်သွားမည် ဟုလည်း သိရှိရပါသည်။

အိန္ဒိယ အစိုးရ ပြည်ထဲရေးဝန်ကြီး GK Pillai ဦးဆောင်သော အိန္ဒိယ ကိုယ်စားလှယ် အဖွဲ့သည် ဗိုလ်မှူးချုပ် ဖုန်းဆွေ ဦးဆောင်သော မြန်မာ အထူး ကိုယ်စားလှယ် အဖွဲ့နှင့် တွေ့ဆုံ၍ နယ်စပ် လုံခြုံရေး၊ သူပုန်များ၏ နယ်စပ် ဖြတ်ကျော် လှုပ်ရှားမှုများ၊ နယ်စပ် ကုန်သွယ်ရေး၊ နယ်စပ် ဖြတ်ကျော် စီမံကိန်းများ စသော ကိစ္စများနှင့် ပတ်သက်၍ ကျယ်ကျယ်ပြန့်ပြန့် ဆွေးနွေး ညှိနှိုင်းမှုများ ပြုလုပ် ခဲ့ကြပါသည်။

မိမိတို့ စိုးရိမ်နေသော လုံခြုံရေး ကိစ္စများကို ဖြေရှင်းပေမည် ဟု မြန်မာ အာဏာပိုင်များက အာမခံခဲ့ပြီး နှစ်နိုင်ငံကြား ရင်းနှီး ဖော်ရွေသော ဆက်ဆံရေးကို ရှေ့ဆက် ထိန်းသိမ်းသွားမည်ဟု ကတိပေးခဲ့သည့် အတွက် ယခု အစည်းအဝေးသည် အလွန် အကျိုး ရှိခဲ့ကြောင်း အိန္ဒိယ ပြည်ထဲရေး အရာရှိက မှတ်ချက်ပေးခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

          ပြီးခဲ့သည့် ဇန်နဝါရီ ဒုတိယပတ်အတွင်း မြန်မာစစ်တပ်၏ ထိုးစစ်ဆင် တိုက်ခိုက်မှုကြောင့် မြန်မာနိုင်ငံ အရှေ့ပိုင်း ဒေသတွင် နေထိုင်သော ကရင် တိုင်းရင်းသား ၂၀၀၀ ခန့် အိုးအိမ် စွန့်ပစ်ကာ ထွက်ပြေးခဲ့ကြရကြောင်း လူသားချင်း စာနာ ထောက်ထားသော အကူအညီ ပေးရေး အဖွဲ့ တစ်ခုက ဇန်နဝါရီလ ၂၃ ရက် နေ့တွင် ထုတ်ဖော် ပြောဆိုလိုက်ပါသည်။

          မြန်မာ တပ်ဖွဲ့များသည် စစ်ဆင်ရေး အတွင်း ကရင်တိုင်းရင်းသား အများအပြားကို ပစ်ခတ် သတ်ဖြတ်ခဲ့ပြီး ၎င်းတို့၏ နေအိမ်များကိုလည်း မီးရှို့ ဖျက်ဆီးခဲ့ကြောင်း၊ အချို့ကိုမူ အဓမ္မ လုပ်သားအဖြစ် ဖိအားပေး စေခိုင်းခဲ့ကြကြောင်း မြန်မာပြည်တွင်း နေရာပြောင်းရွှေ့ နေထိုင်ရသူများကို အကူအညီပေးလျက် ရှိသည့် NGO ဖြစ်သော Free Burma Rangers (FBR) ၏ အဆိုအရ သိရှိရပါသည်။

          အဆိုပါ အဖွဲ့၏ အစီရင်ခံစာမှာ မှန်ကန်မှု ရှိသည်ဟု မဆိုနိုင်သော်လည်း အခြားသော မှတ်တမ်းများအရ ယခုနှစ်များအတွင်း မြန်မာစစ်တပ်၏ ထိုးစစ်ဆင် တိုက်ခိုက်မှုများကြောင့် ထိုင်းမြန်မာ နယ်စပ်ဒေသရှိ ဒုက္ခသည်စခန်းများ ရှိရာသို့ ကရင်တိုင်းရင်းသား ထောင်ပေါင်းများစွာ ထွက်ပြေး တိမ်းရှောင်ခဲ့ကြရသည်။

"ဒီတစ်ကြိမ် တိုက်ခိုက်မှုမှာ ဆိုးဆိုးရွားရွား ဖြစ်တဲ့ ပမာဏ သိပ်မများပေမယ့် ကရင်ရွာသား ၂၀၀၀ လောက် နေရာရွှေ့ပြောင်း ထွက်ပြေးခဲ့ကြရပြီး  အချို့ရွာသားတွေ ပစ်ခတ် သတ်ဖြတ် ခံရတာကို တွေ့ရပါတယ်" ဟု FBR က ဆိုပါသည်။

          ယခုအခါ နိုင်ငံတကာ အကူအညီ ပေးရေး အဖွဲ့များသည် ထိုင်းနှင့် တရုတ် နယ်စပ် ဒေသများ၌ မြန်မာနိုင်ငံမှ ထွက်ပြေးလာသော ဒုက္ခသည် ဦးရေ တိုးမြင့်လာမှုနှင့် ရင်ဆိုင်နေရသည်။ မြန်မာ စစ်အစိုးရက ဆယ်စုနှစ် နှစ်ခုအတွင်း ပထမဆုံး အကြိမ် ဖြစ်မည့် ဒီမိုကရေစီ ရွေးကောက်ပွဲကို ယခု နှစ်အတွင်း ကျင်းပရန် စီစဉ်လျက် ရှိပါသည်။

          စစ်အစိုးရက ၎င်းတို့ စီစဉ်ထားသည့် ဒီမိုကရေစီ ရွေးကောက်ပွဲနှင့် နိုင်ငံရေး ဖြစ်စဉ်ထဲတွင် တိုင်းရင်းသား လူမျိုးစုအဖွဲ့များ အားလုံး ပူးပေါင်း ပါဝင်ကြရန် ဆန္ဒရှိသည်။ သို့သော် တိုင်းရင်းသား အဖွဲ့အစည်းများက ထိုသို့ ရွေးကောက်ပွဲတွင် ဝင်ရောက် ပူးပေါင်းခြင်းဖြင့် မည်သို့မျှ အကျိုးအမြတ် ဖြစ်ပေါ်လိမ့်မည် မဟုတ်ကြောင်း၊ စစ်အစိုးရကိုလည်း ယုံကြည်မှု မရှိကြောင်း ပြောဆိုလျက် ရှိပါသည်။

          ထို့ပြင် စစ်အစိုးရက လက်နက်ကိုင် သူပုန်များနှင့် တိုင်းရင်းသား တပ်ဖွဲ့ဝင်များ အားလုံးကို ရွေးကောက်ပွဲ မတိုင်မီ နယ်စပ်ဒေသစောင့် တပ်ဖွဲ့ဝင်များအဖြစ် ပြောင်းလဲ ဖွဲ့စည်းရန် ဖိအားပေး စည်းရုံးလျက် ရှိသည်။ ထိုသို့ နယ်စပ်ဒေသစောင့် တပ်ဖွဲ့အဖြစ် မပြောင်းလဲသည့် အဖွဲ့အစည်းများ အပေါ် ရက်စက် ကြမ်းတမ်းစွာ နှိမ်နင်းမည်ဟုလည်း ခြိမ်းခြောက် ပြောဆိုထားသည်။

မြန်မာ စစ်အစိုးရက ကရင် အမျိုးသား သမဂ္ဂ (KNU) ကို အကြမ်းဖက် အဖွဲ့အဖြစ် သတ်မှတ်ထားသည်။ အဆိုပါ KNU သည် ၁၉၄၈ ခုနှစ် မြန်မာနိုင်ငံ လွတ်လပ်ရေး ရယူခဲ့သည့်အချိန်မှ စ၍ ကရင်ပြည် လွတ်မြောက်ရေးနှင့် ကိုယ်ပိုင်အုပ်ချုပ်ခွင့် ရယူရေးကို တောင်းဆိုခဲ့သော အကြီးဆုံး တိုင်းရင်းသား လက်နက်ကိုင် တပ်ဖွဲ့ကြီး တစ်ခုလည်း ဖြစ်ပါသည်။

          ဝေဖန် သုံးသပ်သူများ၏ အဆိုအရ မြန်မာ စစ်အစိုးရသည် မြန်မာနိုင်ငံ၏ အရေးပါသော ဘဏ္ဍာ ရင်းမြစ်များ သဖွယ် ဖြစ်သော သစ်ထုတ်လုပ်ရေး၊ ကျောက်မျက် တူးဖော်ရေး အစရှိသည်တို့ကို ကောင်းစွာ လုပ်ကိုင်နိုင်ရေးအတွက် ကရင် အပါအဝင် အခြားသော တိုင်းရင်းသား လူမျိုးစုများကို နှိပ်ကွပ်ရန် နည်းလမ်း ရှာလျက် ရှိပါသည်။

 Reuters သတင်းဌာန၏ Over 2000 Karens flee Myanmar army raids ကို ဘာသာပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

          မြန်မာ စစ်အစိုးရက ပြည်ပမှ မော်တော်ကား၊ ဘတ်စကား နှင့် အကြီးစား စက်ပစ္စည်းများ တင်သွင်းမှုအပေါ် ကန့်သတ်ချက်များ လျှော့ချပေးရန် စီစဉ်လျက် ရှိသည် ဟူသော သတင်း ပေးပို့ချက်များကြောင့် အမေရိကန် ဒေါ်လာနှင့် FEC ဝယ်လိုအားများ လွန်စွာ မြင့်တက်လာခဲ့ကာ မြန်မာ အမျိုးသား ငွေကြေး ဖြစ်သော ကျပ်ငွေ တန်ဖိုးများ ကျဆင်းလာကြောင်း သိရပါသည်။

          ရန်ကုန်မြို့မှ စီးပွားရေး သတင်းရင်းမြစ်များ၏ အဆိုအရ မှောင်ခို ဈေးကွက် အတွင်း ဒေါ်လာငွေ လဲလှယ်မှု နှုန်းထားမှာ ဇန်နဝါရီ ၂၀ ရက်နေ့တွင် တစ်ဒေါ်လာလျှင် ကျပ် ၁၀၄၀ အထိ ရောက်ရှိခဲ့သည်။ ဤသို့ ဖြစ်ရခြင်းမှာ လွန်ခဲ့သည့် ရက်သတ္တပတ်အတွင်း မြန်မာ့ စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာနက  ပုဂ္ဂလိက ကဏ္ဍအနေဖြင့် ဘတ်စကား၊ ကုန်တင်ယာဉ်နှင့် အကြီးစား စက်ပစ္စည်းများအား တင်သွင်းခွင့် ပြုမည်ဟု ကြေညာချက် ထုတ်ပြန်ခဲ့မှုကြောင့် ဖြစ်ပါသည်။

          ပုံမှန်အားဖြင့် ဆိုလျှင် မော်တော်ယာဉ် တင်သွင်းမှုများကို စစ်အစိုးရ ထိန်းချုပ်ထားသော မြန်မာ့ စီးပွားရေး ဦးပိုင် လီမိတက်နှင့် စစ်ဗိုလ်ချုပ်များနှင့် ရင်းနှီးကျွမ်းဝင်မှု ရှိသော စီးပွားရေး လုပ်ငန်းရှင်များမှ တစ်ဆင့်သာ လုပ်ကိုင်နိုင်ခွင့် ရှိခဲ့ပါသည်။

စစ်အစိုးရ၏ မော်တော်ယာဉ် တင်သွင်းမှုဆိုင်ရာ ကန့်သတ်ချက်များကြောင့် ပြည်တွင်း မော်တော်ယာဉ် ဈေးကွက်တွင် ဈေးနှုန်းများ လွန်စွာ ကမောက်ကမ ဖြစ်ခဲ့ရပါသည်။ မြန်မာနိုင်ငံရှိ မော်တော်ယာဉ်များ ဈေးနှုန်းမှာ အသစ်ဖြစ်စေ၊ အဟောင်းဖြစ်စေ အိမ်နီးချင်း နိုင်ငံများမှ ဈေးနှုန်းများနှင့် နှိုင်းယှဉ်ပါက မည်သို့မျှ ယုတ္တိ မရှိပေ။ မော်တော်ယာဉ် တင်သွင်းခွင့် လိုင်စင်များကို စစ်အစိုးရမှ ထိပ်ဆုံး ပုဂ္ဂိုလ်ကြီး နှစ်ဦး ဖြစ်သော ဗိုလ်ချုပ်မှူးကြီး သန်းရွှေနှင့် ဒုတိယ ဗိုလ်ချုပ်မှူးကြီး မောင်အေးတို့နှစ်ဦးသာ ထုတ်ပေးနိုင်ပါသည်။

ဤသို့ ပုဂ္ဂလိကကဏ္ဍ အနေဖြင့် ဘတ်စကား၊ ကုန်တင်ယာဉ်နှင့် စက်ပစ္စည်များ တင်သွင်းခွင့်ရ မည်ဟူသော သတင်းများ ထွက်ရှိနေစဉ် ကာလမှာပင် စစ်အစိုးရ၏ လက်ဝေခံ စီးပွားရေး အုပ်စုကြီးဖြစ်သော Htoo Trading ကုမ္ပဏီပိုင်ရှင် ဦးတေဇအား စစ်အစိုးရက မြန်မာနိုင်ငံ အထက်ပိုင်းဒေသမှ နိုင်ငံပိုင် သဘာဝ ဓာတ်ငွေ့ အရောင်းဆိုင်များကို လည်ပတ်လုပ်ကိုင်ခွင့် ပြုလိုက်ကြောင်း ရန်ကုန်အခြေစိုက် စီးပွားရေး သတင်း ရင်းမြစ်များက ဆိုပါသည်။

စစ်အစိုးရသည် ပြီးခဲ့သည့် ဒီဇင်ဘာလမှ စတင်၍ ပုဂ္ဂလိက စီးပွားရေး လုပ်ငန်းများနှင့် ၎င်းတို့နှင့် နီးစပ်သော စီးပွားရေးသမားများအား ပြည်ပမှ ဒီဇယ်တင်သွင်းခွင့် လိုင်စင်များ ချထားပေးခဲ့ကြောင်း အဆိုပါ သတင်း ရင်းမြစ်များက ဆိုပါသည်။

ယခုလက်ရှိ စစ်အစိုးရ၏ စီးပွားရေးပေါ်လစီ အပြောင်းအလဲများကြောင့်  မြန်မာ FEC ဈေးနှုန်းများ လွန်စွာမြင့်တက် သွားခဲ့ပါသည်။ ဇန်နဝါရီလ ၂၁ ရက်နေ့ မှောင်ခိုဈေးကွက်တွင် ၁၀၆၂ ကျပ် အထိ မြင့်တက်ခဲ့ကြောင်း၊ ယမန်နေ့တွင် ၁၀၅၀ ကျပ်ရှိရာမှ မြင့်တက် သွားခဲ့ခြင်း ဖြစ်ကြောင်း စုံစမ်း သိရှိရပါသည်။

စီးပွားရေး နည်းစနစ်များ အရ ဆိုပါက မြန်မာ FEC ၏တန်ဖိုးမှာ အမေရိကန်ဒေါ်လာနှင့် တူညီရမည် ဖြစ်သည်။ သို့တိုင်အောင် အဆိုပါ ငွေကြေးစနစ် နှစ်မျိုးမှာ မှောင်ခိုဈေးကွက်တွင် ကျပ်ငွေ ကိစ္စအပေါ် မူတည်ပြီး မကြာခဏ တန်ဖိုး မတူညီဘဲ ကွဲပြားလေ့ရှိပါသည်။

လတ်တလော အနေအထားတွင် FEC ကို ဒီဇယ်ဝယ်ယူရာ၌ အများအပြား သုံးစွဲမှုကြောင့် ယင်း ငွေတန်ဖိုးမှာ ဒေါ်လာထက် မြင့်တက်နေခြင်း ဖြစ်ပါသည်။ စွမ်းအင် ဝန်ကြီးဌာနက ပြီးခဲ့သည့် ၂၀၀၈ မှစ၍ ဓာတ်ဆီ၊ ဒီဇယ်ဆီ အရောင်းဆိုင်များ အနေဖြင့် FEC ကိုင်ဆောင်သူများအား လောင်စာဆီကို အကန့်အသတ်မရှိ ရောင်းချခွင့်ပြုရန် ညွှန်ကြားခဲ့ပါသည်။  

Irrawaddy သတင်းဌာန၏ Kyats falls on talk of trade liberalization ကိုဘာသာပြန်ဆိုပါသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

upstreamonline.com, 25th January 2010

          မလေးရှား Petronas Carigali နှင့် စင်ကာပူ UNOG ကုမ္ပဏီများသည် မြန်မာ့ကမ်းလွန် ရေနံ ဓာတ်ငွေ့သိုက် ၃ ခုနှင့် ပတ်သက်သည့် ထုတ်လုပ်ရေး ရှယ်ယာ ကန်ထရိုက် စာချုပ်များကို လက်မှတ် ရေးထိုးခဲ့သည်ဟု သတင်းများအရ သိရှိရပါသည်။

          MD-4, MD-5 နှင့် MD-6 လုပ်ကွက်များတွင် ရှာဖွေမှုနှင့် ထုတ်လုပ်မှုများ ဆောင်ရွက်ရန် မလေးရှား ကုမ္ပဏီ၊ စင်ကာပူ ကုမ္ပဏီနှင့် မြန်မာ့ ရေနံနှင့် သဘာဝ ဓာတ်ငွေ့ လုပ်ငန်းမှ အရာရှိများ နေပြည်တော်တွင် သဘောတူ လက်မှတ် ရေးထိုးခဲ့ကြသည်ဟု တရားဝင် သတင်းစာများကို ကိုးကား၍ ရိုက်တာက ထုတ်ပြန်ပါသည်။

          အသေးစိတ် အချက်အလက်များကို မရရှိသေးဟုလည်း သတင်းဌာနက ဆိုပါသည်။

          MD-4, MD-5 နှင့် MD-6 လုပ်ကွက်များသည် ရန်ကုန်မြို့ တောင်ဘက် မာတာဘင် ပင်လယ်ကွေ့ ရေနက်ပိုင်းရှိ လုပ်ကွက်များ ဖြစ်သည်ဟု သိရပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News, 24th January 2010

          တောင်ကိုရီးယားသည် မြောက်ကိုရီးယား၏ နျူကလီးယား အစီအစဉ်များကြောင့် အရင် ဦးအောင် တိုက်ခိုက်မည်ဟု ပြောကြားခဲ့ခြင်းကြောင့် မြောက်ကိုရီးယားတို့က စိတ်ဆိုးစွာ တုန့်ပြန်ခဲ့ ပါသည်။

          တောင်ကိုရီးယား ကာကွယ်ရေး ဝန်ကြီးက ပြောကားရာတွင် အကယ်၍ မြောက်ကိုရီးယားသည် နျူကလီယာ တိုက်ခိုက်မှုများ အတွက် ပြင်ဆင်နေပြီဟု လက္ခဏာ ပြပါက မိမိတို့က စတင် တိုက်ခိုက်မည် ဖြစ်ကြောင်း ပြောခဲ့ပါသည်။

          မြောက်ကိုရီးယား တရားဝင် သတင်းဌာနမှပြောကြားရာတွင် ယင်းသို့ စတင် တိုက်ခိုက်လာခြင်းကို စစ်ကြေညာခြင်းဟု မှတ်ယူမည် ဖြစ်ကြောင်း ဖော်ပြခဲ့ပါသည်။ လျန်မြန်သော စစ်ရေး တုံ့ပြန်မှုကို တွေ့ရမည် ဖြစ်ကြောင်း ဖော်ပြခဲ့ပါသည်။

          ယင်းကဲ့သို့ နှစ်နိုင်ငံကြား ဆက်ဆံရေး တင်းမာလာခြင်းမှာ မြောက်ကိုရီးယားက ၎င်း၏ တာဝေးပစ် ဒုံးပျံများ ချထားမှုအပေါ် ကျယ်ပြန့်စွာ ဝေဖန်မှုများကြောင့် ခြောက်နိုင်ငံ နျူကလီးယား ဆွေးနွေး ပွဲမှ ပြီးခဲ့သည့် ဧပြီလက ထွက်ခွာ သွားပြီးကတည်းက ဖြစ်ပါသည်။

          မေလတွင် နျူကလီယား စမ်းသပ်မှုများ ပြုလုပ်ပြီးနောက် နိုင်ငံတကာ ဖိအားပေးမှုများ နှင့် ကုလသမဂ္ဂ၏ အရေးယူမှု ရေးဆွဲခဲ့ပြီး နောက်ထပ် ဒုံးကျည် စမ်းသပ်မှုများလည်း ရှိခဲ့ပါသည်။

          ခြောက်နိုင်ငံ ဆွေးနွေးပွဲသည် ၂၀၀၃ ခုနှစ်မှ စတင်ခဲ့ပြီး ပြုံးယမ်းကို နျူကလီးယား အစီအစဉ်များ စွန့်လွှတ်ရန်၊ အကူအညီများ ပြန်ပေးရန်နှင့် လုံခြုံရေး အတွက် အာမခံချက်များပေးရန် ဆွေးနွေးခဲ့ ပါသည်။

          ပြီးခဲ့သည် နှစ်ကုန်ပိုင်းက မြောက်ကိုရီးယားသည် ခြောက်နိုင်ငံ ဆွေးနွေးပွဲသို့ ပြန်လာရန် ဆန္ဒရှိကြောင်း ပြောခဲ့ပါသည်။

          သို့သော် ယခုလ အစောပိုင်းက ပြုံးယမ်းက အရေးယူ ပိတ်ဆို့မှုများ ရုတ်သိမ်း ပေးမှသာ၊ ဆွေးနွေးပွဲသို့ ပြန်လာမည် ဖြစ်ကြောင်း ပြောခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

monstersandcritics.com, 24th January 2010

          ၂၀၀၉ ခုနှစ်က မြန်မာနိုင်ငံတွင် ကမ္ဘာလှည့် ခရီးသည် ရောက်ရှိမှုမှာ ၂၅ % မြင့်တက်ခဲ့ကြောင်း၊ ကမ္ဘာ့ စီးပွားရေး ကျဆင်းမှု၊ အထီးကျန် ပြုထားမှုနှင့် အရေးယူ ပိတ်ဆို့မှုများ ပြုလုပ် ထားသည့် ကြားမှ တိုးတက်လာခြင်း ဖြစ်ကြောင်း တနင်္ဂနွေနေ့က မီဒီယာများမှ သတင်းပေးပို့ပါသည်။

          ဟိုတယ်နှင့် ခရီး သွားလာရေး ဝန်ကြီးဌာန၏ ကိန်းဂဏန်းများအရ ၂၀၀၉ ခုနှစ် ဇန်နဝါရီလမှ ဒီဇင်ဘာလအတွင်း ကမ္ဘာလှည့် ခရီးသည် ၂၂၇၄၀၀ ဦး လာရောက်ခဲ့ပြီး၊ ၂၀၀၈ ခုနှစ်က ခရီးသည် ၁၇၀၈၁၂ ဦး ထက် ၂၅ % တိုးတက်ခဲ့သည်ဟု မြန်မာတိုင်းမ်က ဖော်ပြပါသည်။

          ခရီးသည် ၁၄၈၀၀၀ မှာ အာရှတိုက် နိုင်ငံများမှ ဖြစ်ပြီး၊ ထိုင်းနိုင်ငံမှ ၄၂၇၀၀ နှင့် တရုတ်နိုင်ငံမှ ၂၃၆၃၄ ဦး ပါဝင်ပါသည်။

          ခရီးသည် ၁၄၄၀၀ မှာ အမေရိကန် ပြည်ထောင်စုမှ ဖြစ်ပြီး၊ အမေရိကန်သည် မြန်မာနိုင်ငံ၏ ဒီမိုကရေစီ လှုပ်ရှားမှုများကို ဖိနှိပ်မှုကြောင့် အရေးယူ ပိတ်ဆို့မှုများ ပြုလုပ်ထားပါသည်။

          ခရီးသည် ၄၇၁၆၁ ဦးသည် ဥရောပ နိုင်ငံများမှ ဖြစ်ပြီး၊ စုစုပေါင်း ခရီးသည်၏ ၂၀ % ရှိပါသည်။ ဥရောပ နိုင်ငံများအနက် ပြင်သစ်နိုင်ငံသည် ခရီးသည် ၁၀၂၂၅ ဦးဖြင့် အများဆုံး လာရောက်ပြီး၊ နောက်မှ ဂျာမနီ နိုင်ငံသည် ၈၇၈၈ ဦး လာရောက်ပါသည်။

          မြန်မာနိုင်ငံ၏ ခရီးသွား လုပ်ငန်းတွင် ဆယ်နှစ်ကျော် လုပ်ကိုင်လာခဲ့သူ Sun Birds Travel မှ ဒါရိုက်တာ ဖြစ်သူ Werner Rumpf က ပြောကြားရာတွင် ဥရောပ ဈေးကွက်သည် တိုင်းပြည်၏ အခြေခံ အဆောက်အဦ တိုးတက်ရေးအတွက် အထောက်အကူ အများကြီး ဖြစ်ကြောင်း ပြောကြားခဲ့ပါသည်။

          "မြန်မာနိုင်ငံဟာ အာရှမှာ ခရီးသွားစရာ နေရာတစ်ခု အဖြစ် နံပါတ်တစ် နေရာမှာ တိုးတက် ဖြစ်လာနေပြီ ဖြစ်သော်လည်း မည်သူကမျှ ရှင်းရှင်းလင်းလင်း ပွင့်ပွင့်လင်းလင်း မပြောကြသေး တာကတော့ သဘာဝ မကျပါဘူး"ဟု Rumpt က အင်္ဂလိပ် ဘာသာဖြင့် ထုတ်ဝေသော အပတ်စဉ် Myanmar Times သို့ ပြောကြားခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

          ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်း (USDA) သည် လာမည့် ၂၀၁၀ အထွေထွေ ရွေးကောက်ပွဲအတွက် ယခု ဇန်နဝါရီ လဆန်းပိုင်းမှ စတင်၍ မြစ်ကြီးနား ဒေသရှိ မွတ်စလင် အုပ်စုများအား စည်းရုံးရေး ဆင်းလျက် ရှိကြောင်း သတင်း ရရှိပါသည်။

          မြန်မာ စစ်အစိုးရက ၂၀၁၀ ရွေးကောက်ပွဲအတွက် ဥပဒေပြဋ္ဌာန်းရန် လုပ်ဆောင်လျက် ရှိစဉ် ကာလအတွင်း အချို့သော နိုင်ငံရေး ပါတီများ၊ ကြံ့ဖွံ့ အပါအဝင် အခြားသော အဖွဲ့အစည်းများသည် စည်းရုံးရေး ဆင်းရန် ခွင့်ပြုချက်များ ရရှိလျက် ရှိကြောင်း တွေ့ရပါသည်။

          ရွေးကောက်ပွဲတွင် ကချင်ပြည်နယ်၏ အမတ်အဖြစ် ဝင်ရောက် ယှဉ်ပြိုင်မည့် စာတိုက်နှင့် ဆက်သွယ်ရေး ဝန်ကြီးဌာန၊ ဝန်ကြီး ဗိုလ်မှူးချုပ် သိန်းဇော်၏ အစ်ကို ဦးခင်မောင်လတ် ခေါင်းဆောင်သော အဖွဲ့သည် ခရစ်ယာန် ဘာသာဝင် အများဆုံး နေထိုင်ရာ ကချင်ပြည်နယ်ရှိ မွတ်စလင်များအား မြစ်ကြီးနားရှိ ဗလီများတွင် စည်းရုံးလျက် ရှိသည်။

"သူက စစ်အစိုးရ လက်ထက်မှာ တည်ငြိမ် အေးချမ်းမှုနဲ့ ဘာသာရေး ကိုးကွယ်မှုမှာလည်း တန်းတူ ညီမျှ အခွင့်အရေးတွေ ရလာတာကြောင့် ဒီအစိုးရရဲ့ ထောက်ခံမှုနဲ့ ရွေးချယ်ထားတဲ့ ကြံ့ဖွံ့ (USDA) ရဲ့ ကိုယ်စားလှယ် ဗိုလ်မှူးချုပ် သိန်းဇော်ကို မဲပေးဖို့ မွတ်စလင် အဖွဲ့အစည်းတွေကို ပြောဆို စည်းရုံးပါတယ်" ဟု အဆိုပါ ဗလီသို့ တက်ရောက်ခဲ့သူ တစ်ဦးက ပြောပါသည်။

          စည်းရုံးရေး အဖွဲ့တွင် မြစ်ကြီးနား ဇာတိ ဦးခင်မောင်လတ်၊ BSPP ပါတီ အဖွဲ့ဝင်နှင့် ယခင် မြို့နယ် ကောင်စီ အတွင်းရေးမှူး၊ ကချင်ပြည်နယ် ကြံ့ဖွံ့ အမှုဆောင် ကော်မတီ အဖွဲ့ဝင် ဒေါက်တာ ခင်မောင်ထွန်း၊ အငြိမ်စား ဗိုလ်မှူးမြင့်ဆွေ နှင့် ဒုတိယ ဗိုလ်မှူးကြီး မျိုးဆွေ တို့ ပါဝင်သည်။

          ၎င်းတို့သည် မြစ်ကြီးနားရှိ ရပ်ကွက် ခုနစ်ခု စလုံးအတွက် စည်းရုံးခွင့် ရရှိသဖြင့် ဗလီသုံးခုတွင် မဲဆွယ် စည်းရုံးခဲ့ကြသည်။ အဆိုပါ ဗလီများတွင် ဝတ်ပြုသူ မွတ်စလင် ၇၀၀ ကျော် ရှိကြောင်းလည်း သိရပါသည်။

          သူတို့သည် ဇန်နဝါရီ ၁ ရက်နေ့ ကအောင်နန်း ရပ်ကွက်၊ ဇန်နဝါရီ ၈ ရက်နေ့က ကျွန်းပင်သာ ရပ်ကွက်၊ ဇန်နဝါရီလ ၁၅ ရက်နေ့ ခေမာသီရိ ရပ်ကွက်တို့တွင် စည်းရုံးရေး ဆင်းခဲ့ကြသည်။ မင်းရပ်ကွက်မှ မွတ်စလင် အစည်းအရုံး အဖွဲ့ဝင် တစ်ဦး ကမူ "ဒီနေ့ ဒီရပ်ကွက်မှာ လုပ်မယ့် စည်းရုံးရေးပွဲကို ပယ်ဖျက်လိုက်မှာပါ" ဟု ပြောကြားပါသည်။

          ဗိုလ်မှူးချုပ် သိန်းဇော်သည် စီတာပူ၊ ဒူကသောင်း၊ နောင်နန်း၊ ရွှေဆက်နှင့် ရှာဒေါင်း အပါအဝင် မြစ်ကြီးနား မြို့နယ်ရှိ ရပ်ကွက် ၁၈ ခုနှင့် ကျေးရွာနေ ပြည်သူများအတွက် စေတနာ ပြည့်ဖြိုးနှင့် ပါရမီ ဟူသော အမည်ဖြင့် အခမဲ့ ဆေးကုခန်းများ ဖွင့်လှစ် ဆောင်ရွက်ပေးလျက် ရှိပါသည်။

          ကချင်ပြည်နယ် တိုးတက်ရေးပါတီ (KSPP)သည် ရွေးကောက်ပွဲ ဝင်ရန် စီမံလျက် ရှိသည်။ ကချင်ပြည်နယ်ရှိ မြို့နယ် ၁၈ ခုတွင် ရွေးကောက်ပွဲအတွက် စည်းရုံးရန် စီစဉ်ထားပြီး ဖြစ်သည်ဟု သိရပါသည်။

          မြန်မာနိုင်ငံတွင် ဗုဒ္ဓဘာသာဝင် လူဦးရေ ပေါင်း ၄၆ သန်း၊ ခရစ်ယာန် ၃ သန်း၊ အစ္စလာမ် ဘာသာ ကိုးကွယ်သူ မွတ်စလင် ၂ သန်းနှင့် ဟိန္ဒူ ဘာသာဝင် ၃ သန်း ရှိကြောင်း အစိုးရ၏ လူဦးရေ စာရင်း ဇယားများအရ သိရပါသည်။

 Mizzima သတင်းဌာန၏ USDA woos Muslims in Kachin state ahead of elections ကို ဘာသာပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.