Transparency Myanmar

transparency.myanmar@gmail.com

A Wall Street Journal, 18th February 2010

          မြန်မာနိုင်ငံတွင် အဓိက နိုင်ငံပိုင် စီးပွားရေး လုပ်ငန်းများ တစ်ခုပြီး တစ်ခု ပုဂ္ဂလိကပိုင် အဖြစ် ပြောင်းလဲရန် ထွက်ပေါ်လာလျက် ရှိရာ စစ်အစိုးရ အနေဖြင့် ဈေးကွက် ပြုပြင်ရေးများ ပြုလုပ်ခြင်းလော၊ ယခုနှစ် နှောင်းပိုင်းတွင် ကျင်းပမည့် ရွေးကောက်ပွဲ မတိုင်မီ ငွေပေါ်အောင် ဖော်နေခြင်းလောဟု မေးစရာ ဖြစ်လာသည်။

          မြန်မာ အစိုးရသည် နိုင်ငံပိုင် အဓိက အခြေပစ္စည်း အတော်များများကို ရောင်းချရန် စီစဉ်လျက် ရှိကြောင်း ပြည်တွင်း စက်မှုလုပ်ငန်း တာဝန်ရှိသူများနှင့် Reuters သတင်းဌာနတို့၏ အဆိုအရ သိရှိရသည်။ ယင်းတွင် နိုင်ငံပိုင် ဒီဇယ်နှင့် ဓာတ်ဆီဆိုင် လုပ်ငန်းများနှင့် တိုင်းပြည်၏ ကုန်သွယ်ရေးတွင် ရာခိုင်နှုန်း အတော်များများကို ကိုင်တွယ်သော ဆိပ်ကမ်းများ ပါဝင်သည်။ ထို့အပြင် စက်ရုံများ၊ ရုပ်ရှင်ရုံများ၊ ဂိုဒေါင်များနှင့် နိုင်ငံပိုင် နိုင်ငံတကာ လေကြောင်းလိုင်းကိုပါ ရောင်းချရန် စဉ်းစားလျက် ရှိကြောင်း ဆိုသည်။

          မြန်မာနိုင်ငံသည် လျှို့ဝှက်တတ်သော သဘာဝ ရှိသည့် အလျောက် သတင်း အပြည့်အစုံ ရယူရန် ခက်ခဲမည် ဖြစ်သည်။ အစိုးရသည် နိုင်ငံခြား သတင်းထောက်များကို စကားပြောခဲ့သည် ဖြစ်ရာ ရောင်းချသော ဈေးနှုန်း၊ မည်သူ ဝယ်ယူသည် စသည်တို့ကို အတည်ပြုရေး ကြိုးစားမှုများ မအောင်မြင်ခဲ့ပါ။ ဗိုလ်ချုပ်မှူးကြီး သန်းရွှေသည် မူဝါဒကို ပွင့်ပွင့်လင်းလင်း ပြောလေ့ မရှိသောကြောင့်  မည်သည့် အစိုးရ အဖွဲ့ဝင်များက ယခုနောက်ဆုံး ပုဂ္ဂလိကပိုင် ပြုလုပ်ရေး လုပ်ငန်းကို မောင်းနှင်နေသည် ဆိုသည်ကို ရှင်းရှင်းလင်းလင်း မသိရှိနိုင်ပေ။

          သို့သော် အဓိက အချက်ဖြစ်သည့် ဆိပ်ကမ်းများနှင့် လောင်စာဆီဆိုင်များ ရောင်းချမည့် သတင်းကိုမူ ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်း (UMFCCI) မှ အတည်ပြုခဲ့သည်။

          ကျွန်ုပ်တို့သည် ပုဂ္ဂလိကပိုင် ပြုလုပ်ရေး လုပ်ငန်းများ ပိုမို ပြုလုပ်လာလိမ့်မည်ဟု မျှော်လင့်ကြောင်း UMFCCI မှ အထွေထွေ အတွင်းရေးမှူး ဦးမောင်မောင်လေးက တယ်လီဖုန်း အင်တာဗျူး တစ်ခုတွင် ဖြေကြားခဲ့သည်။ အစိုးရသည် နိုင်ငံတကာ စံများနှင့် အညီ ဖြစ်လိုကြောင်း၊ ပုဂ္ဂလိက ကဏ္ဍကို နေရာ ပိုမို ပေးလိမ့်မည် ဖြစ်ကြောင်း ၎င်းက ပြောကြားသည်။

          ပြည်တွင်း မီဒီယာ၏ သတင်းတစ်ခုက ပြည်တွင်း ပုဂ္ဂလိက ဘဏ်တစ်ခု ဖြစ်သော ကမ္ဘောဇဘဏ်သည် မြန်မာ နိုင်ငံတကာသို့ ပျံသန်းသော MAI လေကြောင်းလိုင်း၏ အစုရှယ်ယာ ၈၀% ဝယ်ယူရန် ကိစ္စမှာ တရားဝင် ကြေညာခြင်း မရှိသေးသော်လည်း ညှိနှိုင်းလျက် ရှိကြောင်း ဖော်ပြခဲ့သည်။ ကမ္ဘောဇသို့ ဆက်သွယ် မေးမြန်းရန် ကြိုးစားမှုမှာမူ မအောင်မြင်ခဲ့ပေ။

          ပုဂ္ဂလိကပိုင် ပြုလုပ်မည့် ပစ္စည်းများကို ဝယ်ယူမည့် သူများမှာ ပြည်တွင်း ကုမ္ပဏီများသာ ဖြစ်လိမ့်မည်ဟု ဦးမောင်မောင်လေးက ပြောသည်။ အမေရိကန်ရှိ ကုမ္ပဏီများမှာမူ ၎င်းတို့၏ မြန်မာ အစိုးရအပေါ် အရေးယူ ပိတ်ဆို့မှုကြောင့် မြန်မာနိုင်ငံတွင် ရင်းနှီး မြှုပ်နှံရန် မဖြစ်နိုင်သော်လည်း အာရှတိုက်မှ ရင်းနှီး မြှုပ်နှံသူများမှာမူ ပါဝင်ရန် စဉ်းစားကောင်း စဉ်းစားလိမ့်မည် ဖြစ်ပေသည်။

          အာရှ ကုမ္ပဏီများသည် အစိုးရနှင့် ဖက်စပ်လုပ်ငန်းများကို လွန်ခဲ့သော နှစ်များကပင် လုပ်ကိုင်လျက် ရှိရာ၊ ပိုမို တိုးချဲ့ရန် စိတ်ဝင်စားမည် ဖြစ်ပေသည်။ အဘယ်ကြောင့် ဆိုသော် တိုင်းပြည်၏ သဘာဝ အရင်းအမြစ် အများအပြား ရှိနေမှုနှင့် သန်းပေါင်း (၅၀) ရှိသော လူဦးရေ၏ စားသုံးနိုင်သည့် ဈေးကွက်ကောင်းကို မြင်တွေ့သောကြောင့် ဖြစ်သည်။

          ဈေးကွက် ပြုပြင် ပြောင်းလဲရေး အတွက် ပုဂ္ဂလိကပိုင် ပြုလုပ်ရေးကို ၁၉၈၀ ခု နှောင်းပိုင်းက စတင် တွေ့ရှိလာရခြင်း ဖြစ်သည်။ ထိုစဉ်က ရည်မှန်းချက်မှာ ဆိုရှယ်လစ် မူဝါဒများကို ပယ်ဖျက်ရန်သာ ရှိခဲ့သည်။ မြန်မာနိုင်ငံတွင် ၁၉၆၂ ခုနှစ် စစ်တပ်မှ အာဏာသိမ်းပြီး လုပ်ငန်းများကို နိုင်ငံပိုင် သိမ်းပြီး ဆိုရှယ်လစ် စနစ် ကျင့်သုံးခဲ့ရာ အိမ်နီးချင်း ထိုင်းနိုင်ငံ ချမ်းသာလာချိန်တွင် မြန်မာနိုင်ငံသည် ခေတ်နောက်ပြန် သွားခဲ့သည်။

          ၁၉၈၀ ပြည့်နှစ် နှောင်းပိုင်း ကာလများမှ စ၍ ပုဂ္ဂလိက ပိုင်ဆိုင်မှုများကြောင့် စီးပွားရေး တိုးတက်ရန် အထောက်အကူ ပြုခဲ့ပြီး၊ အချို့ စက်မှုလုပ်ငန်းများတွင် လုပ်ကိုင်နိုင်သော စွမ်းရည်များ ရရှိလာခဲ့သည်။ သို့သော် အရှိန်ကောင်းနေမှုမှာ ရပ်တန့်သွားခဲ့သည်။ အစိုးရ၏ ဖြစ်ချင်စိတ် အပေါ်တွင်သာ မူတည်နေသည်။ အစိုးရသည် အခြေခံ အဆောက်အဦများနှင့် သဘာဝ အရင်းအမြစ်များ ကဲ့သို့ ငွေအမြတ် ရမည့် လုပ်ငန်းများတွင် ရင်းနှီး မြှုပ်နှံခြင်းများကို ပုဂ္ဂလိကသို့ ခွင့်မပြုခဲ့ပါ။

          အစိုးရ အပေါ် ကျယ်ပြန့်သော ဝေဖန်မှုများ ပေါ်ထွက်ခဲ့ရာ ယခု အစီအစဉ်သည် ပွင့်လင်း မြင်သာမှု မရှိကြောင်း၊ ယခု ရောင်းချသော ပစ္စည်းများမှာလည်း အစိုးရ၏ မဟာမိတ်များ လက်ထဲသို့သာ ရောက်သွားကြောင်း ဆိုသည်။ မြန်မာနိုင်ငံ၏ အကြီးဆုံး ပုဂ္ဂလိက ကုမ္ပဏီများသည် စစ်ခေါင်းဆောင်များနှင့် ရင်းနှီးပြီး၊ အမေရိကန်၏ အရေးယူ ပိတ်ဆို့မှု ခံထားရသူများ ဖြစ်ကာ၊ ယခု နောက်ဆုံး အစိုးရ၏ အခြေပစ္စည်းများကို ၎င်းတို့ကသာ ဝယ်ယူကြောင်း အချို့က ယုံကြည်နေကြသည်။ Transparency International မှ ထုတ်ပြန်ချက်အရ မြန်မာနိုင်ငံသည် ကမ္ဘာပေါ်တွင် အကျင့်ပျက် ခြစားမှု အများဆုံး နိုင်ငံများတွင် အမြဲတစေ ပါဝင်ကြောင်း တွေ့ရှိရသည်။

          ပုဂ္ဂလိကပိုင် ပြုလုပ်ရေး အစီအစဉ်များ ပြန်လည် ထွက်ပေါ်လာရခြင်းမှာ ယခုနှစ် နှောင်းပိုင်းတွင် ရွေးကောက်ပွဲ ပြုလုပ်ရန် ရှိခြင်းနှင့် ဆက်စပ်နိုင်ကြောင်းပင် ဖြစ်သည်။ အစိုးရသည် ရွေးကောက်ပွဲဖြင့် ပြည်တွင်း ပြည်ပတွင် ၎င်းအား တရားဝင် လက်ခံအောင် ပြုလုပ်လိမ့်မည်ဟု ဝေဖန်သူ အများစုက ယုံကြည်ကြပြီး၊ အနည်းငယ်ကသာ လွတ်လပ်၍ တရားမျှတသော ရွေးကောက်ပွဲ ဖြစ်လိမ့်မည် ဖြစ်ကြောင်း မှန်းဆကြလိမ့်မည် ဖြစ်သည်။

          ၁၉၉၀ ခုနှစ်က ရွေးကောက်ပွဲတွင် ဒေါ်အောင်ဆန်းစုကြည်၏ NLD ပါတီက အနိုင် ရခဲ့သော်လည်း အစိုးရက အသိအမှတ် မပြုဘဲ ဒေါ်အောင်ဆန်းစုကြည်ကို နေအိမ် အကျယ်ချုပ် ထားခဲ့သည်။ အာဏာပိုင်များသည် ပြီးခဲ့သည့် စနေနေ့က NLD ပါတီ စတင် တည်ထောင်စဉ် ကတည်းက သူမနှင့် အတူ ပါဝင်ခဲ့သော ဦးတင်ဦးကို လွှတ်ပေးခဲ့သည်။

          စောင့်ကြည့် လေ့လာသူ အချို့က အစိုးရသည် ၎င်းအား ထောက်ခံသူများ တိုးလာရေး အတွက် စီးပွားရေး ပြုပြင် ပြောင်းလဲမှုများ ပိုမို ပြုလုပ်လာနိုင်ကြောင်း ခန့်မှန်းနေကြသည်။ အချို့ကမူ ရွေးကောက်ပွဲတွင် မထင်မှတ်သော ရလဒ်များ ထွက်ပေါ်လာနိုင်သောကြောင့် ရွေးကောက်ပွဲ မတိုင်မီ ငွေပေါ် ရောင်းချနေခြင်းသာ ဖြစ်သည်ဟု သုံးသပ်ကြသည်။

          ရွေးကောက်ပွဲတွင် မရိုးသားမှုများ ပြုလုပ်ခဲ့သည့်တိုင် အချို့စစ်တပ်၏ ထိပ်ပိုင်း ခေါင်းဆောင်များ အနားယူကြလိမ့်မည်ဟု ကျယ်ကျယ်ပြန့်ပြန့် ယုံကြည်နေကြသည်။ ရလဒ်အားဖြင့် ခေါင်းဆောင်မှုအပိုင်း အပြောင်းအလဲများနှင့် မတည်ငြိမ်မှုဖြင့် အချို့ အပြောင်းအလဲများ ရှိလာနိုင်ကြောင်း ခန့်မှန်းရသည်။

          စစ်တပ်က တိုင်းပြည်ကို အားလုံး ချုပ်ကိုင်ထားနိုင်သည့် အချိန်၌ ယခုလို ရောင်းချခြင်းသည် ချမ်းသာမှုများ အားလုံး လိုက်လံ သိမ်းဆည်းခြင်း ဖြစ်ကြောင်း သြစတြေးလျနိုင်ငံ Macquarie တက္ကသိုလ်မှ မြန်မာ့ စီးပွားရေး ကျွမ်းကျင်သူ ပညာရှင် Sean Turnell က ပြောကြားခဲ့သည်။

          လောင်စာဆီ အရောင်းဆိုင်များ ရောင်းချခြင်းမှာ တိုင်းပြည် စီးပွားရေးတွင် အရေးကြီးသော ကိစ္စတစ်ခုကို ပုဂ္ဂလိက လက်ထဲ ထည့်လိုက်ခြင်း ဖြစ်သည်။ ၂၀၀၇ ခုနှစ်က လောင်စာဆီ ဈေးတက်မှုကြောင့် ဆန္ဒပြပွဲများ ဖြစ်ပွား၍ အစိုးရက နှိမ်နင်းခဲ့ရာ လူ တစ်ဒါဇင် အနည်းဆုံး သေဆုံးခဲ့သည်။

          ထိုင်းနိုင်ငံ အခြေစိုက် ဧရာဝတီ သတင်းဌာန၏ အဆိုအရ အချို့ ဓာတ်ဆီဆိုင် အများအပြားကို အစိုးရနှင့် နီးစပ်သော ပြည်တွင်း လုပ်ငန်းရှင် ဦးတေဇသို့ ပေးထားကြောင်း၊ ၎င်းမှာ လက်နက် ရောင်းဝယ်သူဟု ယူဆရပြီး အမေရိကန် အစိုးရ၏ အရေးယူ ပိတ်ဆို့ခြင်း ခံရသူ တစ်ဦး ဖြစ်သည်။

          ဦးတေဇသို့ ဆက်သွယ် မေးမြန်းရန် ကြိုးစားသော်လည်း မအောင်မြင်ခဲ့ပါ။ UMFCCI မှ ဦးမောင်မောင်လေးက ပြောကြားရာတွင် အဆိုပါ ဆိုင်များကို ရောင်းချရခြင်း မရှိသေးကြောင်း၊ သို့သော် မတ်လကုန်တွင် ပြီးစီးအောင် ဆောင်ရွက်လျက် ရှိကြောင်း ပြောကြားခဲ့သည်။

          အခြား ပုဂ္ဂလိကပိုင် ပြုလုပ်ရန် စီစဉ်ထားသော လုပ်ငန်းမှာ ပို့ဆောင်ရေး ဝန်ကြီးဌာန၊ မြန်မာ့ဆိပ်ကမ်း အာဏာပိုင်က ပိုင်ဆိုင်သော ရန်ကုန်မြို့ရှိ ဆိပ်ကမ်း သုံးခု ဖြစ်သည်။

          အခြား ဆိပ်ကမ်း တစ်ခုမှာမူ ယခင်ကတည်းက ပုဂ္ဂလိက ကုမ္ပဏီ တစ်ခု ဖြစ်သော Asia World မှ ရယူထားပြီး၊ Asia World ၏ အုပ်ချုပ်မှု ဒါရိုက်တာမှာလည်း အမေရိကန် အစိုးရ၏ အရေးယူမှု စာရင်းတွင် ပါဝင်သည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Editorial by The Nation, 19th February 2010

          မြန်မာနိုင်ငံတွင် လက်ရှိ စစ်ဖက် အစိုးရ၏ ကမ္ဘာကြီးကို အရူးလုပ်ရန် နိုင်ငံရေး လှည့်ဖြားမှုများ တစ်ရက်ပြီး တစ်ရက် ကြံစည် ပြုလုပ် အချိန်ဖြုန်းနေသော နိုင်ငံမျိုး ယနေ့ ကမ္ဘာပေါ်တွင် မရှိပါ။ အတိုက်အခံ NLD ပါတီ၏ ဝါရင့် ခေါင်းဆောင် ဦးတင်ဦးကို လတ်တလော ပြန်လွှတ် ပေးလိုက် ခြင်းသည် ပိုမို မှုန်ဝါးလာသည့် နိုင်ငံရေး အနေအထားများ ကြားတွင် သတင်းကောင်း တစ်ခု ဖြစ်နိုင် သည်။

NLD ခေါင်းဆောင် နိုဘယ်ဆုရှင် ဒေါ်အောင်ဆန်းစုကြည် ကဲ့သို့ပင် ဝါရင့် ခေါင်းဆောင် ဦးတင်ဦးသည် ၂ဝဝ၃ ခုနှစ်မှ စ၍ အချိန်ကြာမြင့်စွာ နေအိမ် အကျယ်ချုပ် ကျခံခဲ့ရသည်။ ထူးဆန်း သော အချက်မှာ မြန်မာ အစိုးရက နိုင်ငံရေး အကျဉ်းသား တစ်ဦး လွှတ်ပေးသည့် အချိန်တိုင်း ကမ္ဘာ တစ်ဝှမ်းတွင် ခေါင်းကြီးပိုင်း သတင်းများ ဖြစ်လာခြင်း ဖြစ်သည်။ ယခု ဦးတင်ဦး၏ ကိစ္စတွင် ၎င်းအား နေအိမ် အကျယ်ချုပ် ဖမ်းဆီး မထားသင့်ကြောင်း ပထမဦးစွာ တင်ပြလိုသည်။

          နေပြည်တော် အစိုးရသည် နိုင်ငံတကာရှိ လူထု သဘောထားကို မရိုးဖြောင့်စွာ ဆက်လက် လှည့်စားနေသော အချက်သည် အလွန်ပင် ထင်ရှားပြီး အထူးသဖြင့် မြန်မာနိုင်ငံ အတွင်းရှိ အနေ အထားများကို လွှမ်းမိုး ချုပ်ကိုင်နိုင်သော အနောက် မီဒီယာများကို ရည်ရွယ်ပုံ ရသည်။ နှစ်ပေါင်း အတန်ကြာခဲ့သည့် တိုင်အောင် ကြောင်နှင့် ကြွက် ပြေးတမ်းလိုက်တမ်း ကစားပွဲမှာ မပြီးဆုံး နိုင်သေးပါ။ ယခင်နှစ် နောက်ဆုံး လေးလပတ် အတွင်း အမေရိကန်၊ မြန်မာ အဆင့်မြင့် အရာရှိများ အကြား ကနဦးက ရည်ရွယ်ချက်ကောင်း ရရှိခဲ့သော်လည်း အမျိုးသား ပြန်လည် ပေါင်းစည်းရေးနှင့် လွတ်လပ် မျှတသော ရွေးကောက်ပွဲများကို ရည်ရွယ် လှုပ်ရှားနေသည့် အနာဂါတ် အလားအလာ များမှာ ယခုအချိန်တွင် အရင်အတိုင်း အလှမ်းဝေးနေဆဲ ဖြစ်သည်။

          ဝါရှင်တန်သည် ပထမဆုံး အကြိမ် ကြိုးစားမှု အဖြစ် မြန်မာ အစိုးရနှင့် ထိထိရောက်ရောက် ဆွေးနွေးရန် လုပ်ထုံးလုပ်နည်းများ ပြောင်းလဲခဲ့သော်လည်း အဆိုပါ အနေအထားကို နေပြည်တော်က အကြီးအကျယ် အသုံးချ လှည့်ဖြားခဲ့သည်။ ဆယ်စုနှစ် အတန်ကြာ မြန်မာအစိုးရ၏ လက်တလုံးခြား လှည့်စားမှုများ အပြီးတွင် အမေရိကန်၏ မူဝါဒသစ် ခက်ခက်ခဲခဲ ထွက်ပေါ်လာခြင်းသည် အံအားသင့်ဖွယ် ဖြစ်သည်။ စေတနာနှင့် ရည်ရွယ်ချက်ကောင်း ပါးပါးလေးမျှသာ ရှိသည့် မြန်မာအစိုးရနှင့် ဆက်ဆံနေရသော အမေရိကန် ပြည်ထောင်စုမှာ လက်ရှိ ခဲယဉ်းစွာ ဆောင်ရွက် နေရသော အနေအထား ဖြစ်သည်။ မြန်မာနိုင်ငံ အဖွဲ့ဝင် အဖြစ် ပါဝင်နေသော အာဆီယံ အဖွဲ့အစည်း အနေဖြင့် မြန်မာနိုင်ငံ ပြဿနာတွင် ပိုမို အကူအညီ ပေးလိမ့်မည် ဟူသော ဝါရှင်တန်၏ မျှော်လင့်ချက်မှာလည်း ယခုအချိန်တွင် ရေစုန်မျော သွားပြီ ဖြစ်သည်။ အမှန်စင်စစ် အာဆီယံ၏ အလှည့်ကျ သဘာပတိသစ် ဗီယက်နမ်မှာလည်း မြန်မာနိုင်ငံကို ဖိအားပေးနိုင်သည့် အနေအထား မရှိပါ။

          ထိုင်းနိုင်ငံ အာဆီယံ သဘာပတိ ဖြစ်စဉ်ကမူ မြန်မာအစိုးရ အတွက် စိတ်ညစ်ညူးဖွယ် အကျပ်အတည်းများ တွေ့ကြုံခဲ့ရသည်။ အကြောင်းမှာ ဘန်ကောက် အစိုးရက ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားများကို လွှတ်ပေးရန် အဆက်မပြတ် ဖိအား ပေးခဲ့သောကြောင့် ဖြစ်သည်။ အာဆီယံ အဖွဲ့ဝင် အားလုံး၏ စိုးရိမ်ပူပန်မှု အဖြစ် ပေါ်ထွက်လာသင့် သည့် ထိုင်းနိုင်ငံ၏ ကြိုးပမ်းချက်များကို ဗီယက်နမ်၊ ကမ္ဘောဒီးယား၊ လာအို နှင့် ဘရူနိုင်းတို့က ပံ့ပိုးရန် ငြင်းဆန်ခဲ့ကြသည်။ အာဆီယံ အနေဖြင့် ၂၀၀၇ ခုနှစ်က လုပ်ဆောင်ဖူးသည့် အတိုင်း ဒေါ်အောင်ဆန်းစုကြည် လွတ်မြောက်ရေး အတွက် ဖိအားပေးရေး၊ အမျိုးသား ပြန်လည် ပေါင်းစည်းရေးနှင့် လွတ်လပ် မျှတသော ရွေးကောက်ပွဲများကို ထောက်ခံ လှုပ်ရှားရေး စသည့် ပူးတွဲ ကြေညာချက်များ ထုတ်ပြန်ရန် အာဆီယံ အဖွဲ့ဝင်များကို တောင်းဆိုနိုင်မည့် အခွင့်အရေးမှာ ဗီယက်နမ် သဘာပတိ ဖြစ်လာသော ယခုနှစ်တွင် မမျှော်လင့် နိုင်တော့ပါ။

          ယခုအချိန်မှ စ၍ မြန်မာအစိုးရသည် ၎င်းတို့ ဝါဒဖြန့် ကြွေးကြော်ထားသည့် အတိုင်း ရှေ့ဆက်ရန် လွတ်လပ်ခွင့် ရရှိသွားပြီ ဖြစ်ပြီး အာဆီယံ အဖွဲ့ဝင် ဖြစ်နေသည့် အခွင့်အလမ်းကိုလည်း ကြော်ငြာထိုးရန် အသုံးချပါလိမ့်ဦးမည်။ ဟနွိုင်း အစိုးရမှာလည်း သူ့အရပ်နှင့် သူ့ဇာတ် ဆိုသလို လုပ်ကိုင်နေသည် ဖြစ်ရာ မြန်မာနိုင်ငံ၏ အရှုပ်အထွေးတွင် အာဆီယံ ပါဝင်ခြင်းကို ဗီယက်နမ်က သဘောတူမည် မဟုတ်သလို ၎င်းကိုယ်တိုင်လည်း ပတ်သက်လိုသည့် ဆန္ဒရှိမည် မဟုတ်ပါ။ ထို့အပြင် ဗီယက်နမ် လူမျိုး ရှေ့နေ လီကောင်ဒင်း အပါအဝင် အခြား လူ့အခွင့်အရေး လှုပ်ရှားသူများကို လတ်တလော ဖမ်းဆီးခဲ့ခြင်းကြောင့် ဟနွိုင်း အစိုးရ၏ တစ်ချိန်က ရှိခဲ့ဖူးသော စိတ်စေတနာနှင့် အကောင်းဆုံး ပုံရိပ်များမှာ ဝါရှင်တန်နှင့် ကမ္ဘာ့ ဗိုလ်ပုံ အလယ်တွင် အကြီးအကျယ် သိက္ခာ ကျဆင်းခဲ့ရပြီ ဖြစ်သည်။ ၂၀၁၀ ခုနှစ်၏ လက်ကျန် လပိုင်းများတွင် ဗီယက်နမ်သည် အာဆီယံ အဖွဲ့ဝင်များ အကြား အငြင်းပွားစရာ မှန်သမျှနှင့် ကင်းရှင်းစွာ နေလိုသည့် ဆန္ဒ ရှိနေသည်။

          နေပြည်တော် အစိုးရ အနေဖြင့် ဆက်လက် ခေါင်းမာနေဦးမည်မှာ သံသယ ရှိစရာ မလိုပါ။ ယခုနှစ် ကျင်းပမည်ဟု ၎င်းတို့ အဆိုပြုထားသော ရွေးကောက်ပွဲ ကျင်းပမည့် ရက်ကိုလည်း လတ်တလော ကြေညာလိုခြင်း မရှိပါ။ အားလုံး အံ့အားသင့် သွားအောင် နောက်ဆုံး အချိန်ကျမှ ကြေညာမည့် အလားအလာ ရှိသည်။ ရွေးကောက်ပွဲ ရက်သည် လက်ရှိ အစိုးရနှင့် ၎င်းတို့၏ ကိုယ်စားလှယ်လောင်းများ အမြတ်ထွက်စေရန် အတွက် ယခုကဲ့သို့ လှည့်စားနေခြင်း ဖြစ်သည်။ ထို့အပြင် ရွေးကောက်ပွဲ ကျင်းပမည့် အချိန်ကာလသည် မြန်မာ အစိုးရ၏ လက်နက်တိုက် အတွင်းမှ အဆင်သင့် အသုံးပြုရန် သိမ်းဆည်းထားသော လက်နက်ကြီး တစ်ခုသာ ဖြစ်သည်။ နာဂစ်စ် ဆိုင်ကလုန်း အလွန် ကယ်ဆယ်ရေးနှင့် ပြန်လည် ထူထောင်ရေး လုပ်ငန်းများမှာ ဇွန်လ နောက်ဆုံးထား၍ အပြီးသတ်ရန် စီစဉ်ထားရာ နိုင်ငံတကာ ကယ်ဆယ်ရေး အဖွဲ့အစည်းများနှင့် ကိုယ်စားလှယ်များ တိုင်းပြည်တွင်းမှ ထွက်ခွာသွားမည့် အချိန်နှင့် ကိုက်၍ ဒုတိယ နှစ်ဝက် ကာလတွင် ရွေးကောက်ပွဲ ကျင်းပမည့် အချက်မှာ အလွန်ပင် သိသာ ထင်ရှားနေသည်။ သို့ဖြစ်၍ ရွေးကောက်ပွဲကို စစ်ဆေး အကဲခတ်မည့် ဒေသတွင်းနှင့် နိုင်ငံတကာ အဖွဲ့များ ရှိလိမ့်မည် မဟုတ်တော့ပါ။

          နောက်ဆုံးတွင် နေပြည်တော်မှ စစ်ခေါင်းဆောင်များသာ နိုင်ပြီးရင်း ထပ်မံ အနိုင်ရမည့် အနေအထားသာ ကျန်ရှိတော့ကြောင်း သုံးသပ်လိုက်ရသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Radioaustralianews.net, 20th February 2010

ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံရန် မြန်မာ အစိုးရက ခွင့်မပြု ခဲ့သောကြောင့် အလွန်ပင် စိတ်မကောင်း ဖြစ်ရသည်ဟု ကုလသမဂ္ဂ ကိုယ်စားလှယ်က ပြောကြား လိုက်သည်။

မည်သို့ပင် ဖြစ်စေ Tomas Ojea Quintana သည် မကြာမီက လွတ်မြောက်လာသော ဒုတိယ ခေါင်းဆောင် ဦးတင်ဦး အပါအဝင် ဒေါ်အောင်ဆန်းစုကြည်၏ NLD ပါတီမှ အဓိက ပုဂ္ဂိုလ်များနှင့် တွေ့ဆုံခဲ့သည်။

မြန်မာနိုင်ငံရှိ လူ့အခွင့်အရေး အနေအထားကို အကဲခတ် စစ်ဆေးရန် လာရောက်သော ၅ ရက် ခရီးစဉ် အပြီးတွင် Mr.Quintana က ဒေါ်အောင်ဆန်းစုကြည်နှင့် အခြား နိုင်ငံရေး အကျဉ်းသား အားလုံးကို လာမည့် ရွေးကောက်ပွဲများ မကျင်းပမီ လွှတ်ပေးရန် မြန်မာ အစိုးရကို တောင်းဆို လိုက်သည်။

မြန်မာအစိုးရ၏ အပုန်းကောင်းသူ အကြီးအကဲ ဗိုလ်ချုပ်မှူးကြီး သန်းရွှေနှင့်လည်း တွေ့ဆုံခွင့် ငြင်းပယ်ခံရသူ Mr.Quintana သည် နိုင်ငံခြားရေး ဝန်ကြီး၊ တရားသူကြီးချုပ်၊ ရှေ့နေချုပ်တို့နှင့် တွေ့ဆုံခဲ့သည်။

စောင့်မျှော်နေကြသော ရွေးကောက်ပွဲ ဥပဒေ ကြေညာမည့် အချိန်၊ ရွေးကောက်ပွဲ ကျင်းပမည့် ရက်တို့နှင့် ပတ်သက်၍ တစ်စုံတစ်ရာ မသိရှိ ခဲ့ရပါဟု ၎င်းက ပြောကြားသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

burmanet.org, 17th February 2010

ထိုင်းနိုင်ငံ ချင်းမိုင်၏ Chiangdao နယ်နှင့် မြန်မာနိုင်ငံကြားရှိ နယ်စပ် ဝင်ပေါက် နှစ်ခုကို ဖေဖော်ဝါရီလ ၅ ရက်နေ့မှ စ၍ ပိတ်ထားလိုက်သည်။ ပိတ်ရသည့် အကြောင်းမှာ ဝ စစ်သား တစ်ဦး အမဲလိုက်ရင်း နယ်စပ် ဖြတ်ကျော် ဝင်ရောက်လာမှုကို ထိုင်းနယ်စပ် လုံခြုံရေးတပ်၏ ပစ်သတ်ခဲ့ခြင်း ကြောင့် ဖြစ်သည်ဟု ထိုင်းနိုင်ငံနှင့် ရှမ်းမှ လာသော သတင်းများ အရ သိရသည်။

Nawngwen Muengna  ဝင်ပေါက်နှင့်  BP 1 - Nong Oak (  Arunothai ) ဝင်ပေါက် နှစ်ခုကို ဝ တပ်၏ (775) တပ်ရင်းမှ တပ်မှူး Yang Guojong က အမိန့် ထုတ်ထားခြင်း ဖြစ်သည်။ ထိုင်းနိုင်ငံတွင် နေထိုင်သော ရှမ်းလူမျိုး တစ်ဦးက ပြောကြားရာတွင် ၎င်းက မိမိအားခေါ်ယူပြီး ၎င်း၏စစ်သားအား သတ်ရာတွင် တာဝန်ရှိသော ထိုင်း အရာရှိ အမှတ်ဖြင့် ခေါ်ယူ ပြောဆိုခဲ့သည်ဟု ဆိုသည်။

အဆိုပါ အမည်မသိ ဝ စစ်သားသည် တပ်မဟာ 775 ၏ 303 တပ်ရင်းမှ ဖြစ်ပြီး မိုင်းတုံမြို့နယ် Nawng Wen တွင် တပ်စွဲထားသော တပ် ဖြစ်သည်။ ထိုင်း စစ်တပ်သည် AK 47 တစ်လက်ကို သိမ်းဆည်းရမိပြီး၊ ၎င်း၏ အဖော် နှစ်ယောက် အနက်မှ တစ်ဦးကို ဖမ်းဆီးရမိထားသည်။ အခြား တစ်ဦးမှာမူ နယ်စပ် ဖြတ်၍ ထွက်ပြေး လွတ်မြောက်သွားသည်။ ၎င်းတို့ထံမှ မည်သည့် မူးယစ်ဆေးဝါးမျှ ဖမ်းဆီး ရမိခြင်း မရှိပေ။ ထိုင်းနိုင်ငံမှ သတင်း တစ်ရပ် အရ လက်နက်ရော လူပါ ထိုင်း စစ်တပ်မှ ဖမ်းဆီးထားဆဲ ဖြစ်ကြောင်း သိရှိရသည်။

အဆိုပါ နယ်စပ် ဝင်ပေါက် နှစ်ခုမှာ တောင်များကို ဖြတ်ရသော နယ်စပ် လမ်းကြောင်းများ အနက် လူသုံး အများဆုံး ဖြစ်ပြီး ကားလမ်းနှင့် ဆက်နေသောကြောင့် ဖြစ်သည်။ တစ်ခေါက်လျှင် သယ်ယူ ပို့ဆောင်ရေး အတွက် ဘတ်  ၅၀၀ (၁၅ ဒေါ်လာ) နှင့် မြန်မာစစ်တပ်၊ ဝ စစ်တပ်နှင့် အခြား တပ်များသို့ ဘတ် ၈၀၀  ( ၂၄ ဒေါ်လာ ) ပေးရကြောင်း နယ်စပ်တွင် နေထိုင်သူ တစ်ဦးက ပြောသည်။ ထိုသို့ ပေးရခြင်းမှာ အနည်းငယ် ဈေးကြီးကြောင်း၊  Nakawngmu  မှ နယ်စပ်သို့ ၂၉  မိုင် ( ၄၆ ကီလိုမီတာ ) ဝေးသော်လည်း တောင်ပေါ်လမ်းများ ထက်စာလျှင် ပို၍ သက်သာပြီး မြန်ကြောင်း ၎င်းက ပြောကြားခဲ့သည်။

ထိုင်းစစ်တပ်နှင့် UWSA ကြား တင်းမာမှုများ ရှိနေသော်လည်း၊ တိုက်ခိုက်မှုများ ဖြစ်လာ လိမ့်မည် မထင်ကြောင်း ထိုင်း လုံခြုံရေး အရာရှိက ပြောကြားခဲ့သည်။ ဝ တို့သိသင့်သည်မှာ ၎င်းတို့ အနေဖြင့် တစ်ချိန်တည်းတွင် ရန်သူ နှစ်ဦး မရှိသင့်ကြောင်း၊ အကယ်၍ ဝ တို့က မိမိတို့အား တိုက်ခိုက် လာခဲ့မည် ဆိုလျှင်၊ မြန်မာ စစ်တပ်က ၎င်းတို့ကို အနိုင်ယူသွားမည် ဖြစ်ကြောင်း ၎င်းက ပြောကြား သည်။

လွန်ခဲ့သော ၂၀၀၁ ခုနှစ်နှင့် ၂၀၀၂  ခုနှစ်များက  UWSA သည် မြန်မာ စစ်တပ်နှင့် ပူးပေါင်း ကာ ထိုင်းတို့နှင့် စစ်ရေး အရ ထိပ်တိုက် ရင်ဆိုင်မှုများ ပြုလုပ်ခဲ့သည်။ ယခု အခါ ဝ တပ် UWSA မှာ လွတ်လပ်သော အနေအထားမှ မြန်မာ စစ်တပ် အောက်သို့ ပြောင်းလဲရန် ဖိအားပေး ခံနေရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Straits Times, 19th February 2010

ကုလ သမဂ္ဂ အထူး ကိုယ်စားလှယ်သည် သောကြာနေ့က အစိုးရ အဖွဲ့ မှ ဝန်ကြီးများနှင့် တွေ့ဆုံ၍ ဒေါ်အောင်ဆန်းစုကြည်နှင့် တွေ့ခွင့် ရရေး၊ ရွေးကောက်ပွဲ မတိုင်မီ လူ့အခွင့်အရေး ကိစ္စရပ်များကို ဆွေးနွေးခဲ့သည်။

ယခု အပတ် အတွင်း ဆဋ္ဌမမြောက် နိုင်ငံရေး လှုပ်ရှားသူများကို နှိမ်နှင်းသည့် အနေဖြင့် ဝါရင့် ဗုဒ္ဓဘာသာ ဘုန်းတော်ကြီး တစ်ပါးကို ထောင်ခုနှစ်နှစ် ချမှတ်ခဲ့ခြင်း ဖြစ်သည်။

Tomas Ojea Quintana သည် ငါးရက်မြောက် နောက်ဆုံးနေ့ အဖြစ် နေပြည်တော်သို့ သွားရောက်ပြီး တာဝန်ရှိသူများနှင့် တွေ့ဆုံခဲ့ရာ ဗိုလ်ချုပ်မှူးကြီး သန်းရွှေနှင့် တွေ့ဆုံခဲ့ခြင်း မရှိပေ။

Quintana သည် နိုင်ငံခြားရေး ဝန်ကြီး ဦးဥာဏ်ဝင်း၊ ပြည်ထဲရေး ဝန်ကြီး ဗိုလ်ချုပ် မောင်ဦး၊ တရားသူကြီးချုပ်၊ ရှေ့နေချုပ်နှင့် ရဲချုပ်တို့နှင့် တွေ့ဆုံခဲ့ပါသည်။ ထိုသို့ တွေ့ဆုံရာတွင် ပြောကြားမှု အသေးစိတ်ကိုမူ မသိရှိရသေးပေ။

ဒေါ်အောင်ဆန်းစုကြည်၏ NLD ပါတီမှ အဖွဲ့ဝင် တစ်ဦးက ပြောကြားရာတွင် ကြာသပတေး နေ့က ၎င်းတို့နှင့် တွေ့ဆုံရာတွင်  Quintana က ၎င်းသည် ဒေါ်အောင်ဆန်းစုကြည်နှင့် တွေ့ဆုံခွင့် ရရန် တောင်းခံထားသော်လည်း အစိုးရထံမှ မည်သည့် ပြန်ကြားချက်မျှ မရသေးဟု ပြောခဲ့သည်ဟု ဆိုသည်။

Quintana သည် မြန်မာနိုင်ငံသို့ ရောက်ကတည်းက မည်သည့် ထုတ်ဖော် ပြောကြားမှုမျှ မပြုလုပ် ရသေးသော်လည်း၊ ဘန်ကောက်သို့ မပြန်မီ ရန်ကုန်တွင် မီဒီယာများသို့ ပြောကြားမည်ဟု ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Irrawaddy news, 17th February 2010

ပြီးခဲ့သည့် သီတင်းပတ် ရန်ကုန် တရားရုံးက ထောင်ဒဏ် ၃ နှစ် အပြစ်ပေးခြင်း ခံခဲ့ရသည့် မြန်မာလူမျိုး အမေရိကန် နိုင်ငံသား ညီညီအောင်၏ ကိစ္စကို စုံစမ်း စစ်ဆေးရန် မတော် မတရား ဖမ်းဆီးမှု ဆိုင်ရာ ကုလသမဂ္ဂ လုပ်ငန်း ကော်မတီအား ဝါရှင်တန် အခြေစိုက် အဖွဲ့အစည်း  Freedom Now  က တောင်းဆို လိုက်သည်။

စာမျက်နှာ ၁၇ မျက်နှာ ပါသော မေတ္တာ ရပ်ခံလွှာကို ကုလသမဂ္ဂ အဖွဲ့ထဲမှ ညီညီအောင်နှင့် စေ့စပ်ထားသူ ဝါဝါကျော်၏ ကိုယ်စား တင်သွင်းခဲ့ခြင်း ဖြစ်ပြီး သူမက ''နိုင်ငံရေး လှုပ်ရှားမှုတွေ အတွက် လူတွေကို ဆက်ပြီး ဖမ်းဆီးလို့ မရတော့ဘူးလို့ စစ် အစိုးရက သဘောပေါက်လာအောင် ကုလသမဂ္ဂက ကူညီပေးနိုင်လိမ့်မယ်လို့ မျှော်လင့်ပါတယ် '' ဟု ပြောကြားခဲ့သည်။

''ညီညီအောင်ရဲ့ လူကျန်းမာရေးနဲ့ စိတ် ကျန်းမာရေး နှစ်မျိုး စလုံးအတွက် ကျွန်တော်တို့ အရမ်း စိတ်ပူနေပါတယ်။ သူ့ရဲ့ ထောင် ၃ နှစ် ပြစ်ဒဏ်မှာ အလုပ်ကြမ်း ပြစ်ဒဏ် ပါနေသလို အကျဉ်းသားတွေ အစားအစာနဲ့ ဆေးဝါး ရရှိနိုင်တဲ့ ထောင်ဝင်စာ တွေ့ခွင့်ကို အစိုးရက မတော် မတရား ပိတ်ပင်ထားလို့ ဖြစ်ပါတယ်'' ဟု Freedom Now ၏ နာယက Jared Genser က ပြောကြားသည်။

ညီညီအောင်သည် နိုင်ငံသား စိစစ်ရေးကတ် အတု ကိုင်ဆောင်မှု၊ တရားမဝင် ငွေကြေး လက်ဝယ် တွေ့မှု၊ ၂၀၀၂ ခုနှစ် အမေရိကန် နိုင်ငံသား အဖြစ် ခံယူစဉ်က မြန်မာနိုင်ငံသား အဖြစ်ကို စွန့်လွှတ်ကြောင်း ကြေညာရန် ပျက်ကွက်မှု တို့ဖြင့် ပြစ်ဒဏ် ချမှတ်ခံရခြင်း ဖြစ်သည်။ ညီညီအောင် အား သမာသမတ် ကျကျ မစစ်ဆေးဘဲ မှန်ကန် မျှတမှု မရှိသည့် တရားရုံးတွင် စစ်ဆေး၍ ပြစ်ဒဏ်ပေးခဲ့သည် ဟု Freedom Now  က မေတ္တာ ရပ်ခံလွှာတွင် ဖော်ပြထားသည်။

ညီညီအောင်သည် ၎င်း၏ ရှေ့နေများဖြင့်လည်း တွေ့ဆုံခွင့် မရသဖြင့် ခုခံ ကာကွယ်ရန် လုံလောက်သော ပြင်ဆင်ခွင့် မရခဲ့ပါ။ အစိုးရ အမှုလိုက် အရာရှိက သက်သေများ တင်ပြခဲ့သော်လည်း ညီညီအောင်ကိုမူ ခုခံ လျှောက်လဲရန် သက်သေများကို ခွင့်မပြုခဲ့ဟု သိရသည်။

"အစိုးရ အမှုလိုက်က တရားလိုပြ သက်သေ ၁၆ ယောက်လောက် တင်ပြခွင့်ရတဲ့ အချိန်မှာ ညီညီအောင်က သက်သေ ၂ ယောက်ပဲ တင်ပြခွင့် ရခဲ့ပါတယ်" ဟု  Freedom Now  က စွပ်စွဲလိုက်သည်။

ဖေဖော်ဝါရီ ၂၀ ရက်နေ့ ပြစ်ဒဏ် ချမှတ် အပြီးတွင် ညီညီအောင်အား အင်းစိန်ထောင်မှ ပြည် အကျဉ်းထောင်သို့ ပြစ်ဒဏ် စတင် ကျခံရန် ပြောင်းရွှေ့လိုက်သည်။ ထောင်ဝင်စာ မှန်မှန်တွေ့ခွင့် မရစေရန်နှင့် ၎င်း၏ အခြေအနေနှင့် ပတ်သက်သော သတင်းများ မီဒီယာများသို့ မပေါက်ကြားစေရန် ရန်ကုန်နှင့် ဝေးသော ဒေသသို့ ပို့လိမ့်မည်ဟု ယုံကြည်ရကြောင်း Freedom Now  က ပြောကြား လိုက်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာနိုင်ငံမှ တိုင်းရင်းသား လူနည်းစုများတွင် အားနည်းချက်များ ကိုယ်စီ ရှိနေရာ ၎င်းတို့အနေဖြင့် ယခုနှစ် ကုန်ပိုင်းတွင် ကျင်းပရန် ရှိသော ဒီမိုကရေစီ ရွေးကောက်ပွဲ မတိုင်မီ စစ်အစိုးရ၏ ဖိနှိပ်မှုများနှင့် ပိုမို ရင်ဆိုင်လာရဖွယ် ရှိကြောင်း လူ့အခွင့်အရေး အဖွဲ့အစည်းများက သတိပေး ပြောကြားလိုက်သည်။

မြန်မာနိုင်ငံမှ တိုင်းရင်းသား လူနည်းစုများသည် အတိုက်အခံ နိုင်ငံရေး ကဏ္ဍတွင် လွန်စွာ အရေးပါသော နေရာ၌ ရှိကြောင်း Amnesty International က ဆိုသည်။

သို့သော် တိုင်းရင်းသား လူနည်းစုများ၏ အခန်းကဏ္ဍကို ထိထိရောက်ရောက် အသိအမှတ် ပြုသည်မှာ လွန်စွာ နည်းပါးကြောင်း၊ အကြောင်းမှာ နိုင်ငံတကာ အသိုင်းအဝိုင်းက အတိုက်အခံ ခေါင်းဆောင် ဒေါ်အောင်ဆန်းစုကြည်ကိုသာ အာရုံ စိုက်နေကြ၍ ဖြစ်ကြောင်း Amnesty International က သုံးသပ်သည်။

တိုင်းရင်းသား အဖွဲ့အစည်းများအပေါ် ဖိနှိပ်သည် ဟူသော အချက်ကို မြန်မာ စစ်အစိုးရက ငြင်းပယ်ခဲ့ပြီး နှစ်ပေါင်း ၂၀ အတွင်း ပထမဆုံး အကြိမ် ဖြစ်မည့် ဒီမိုကရေစီ ရွေးကောက်ပွဲကို ကျင်းပပေးမည်ဟု ဆိုသည်။ သို့တိုင်အောင် ရွေးကောက်ပွဲ ကျင်းပမည့် နေ့ရက် အတိအကျကိုမူ အတိအလင်း ထုတ်ပြန် ကြေညာခြင်း မရှိသေးပေ။

Amnesty က မြန်မာနိုင်ငံ လူဦးရေ၏ ၄၀ ရာခိုင်နှုန်းသည် တိုင်းရင်းသား လူနည်းစုများ ဖြစ်ရာ အတိုက်အခံ နိုင်ငံရေး လှုပ်ရှားမှုတွင် ၎င်းတို့၏ အခန်းကဏ္ဍသည် လွန်စွာ အရေးပါကြောင်း၊ သို့တိုင်အောင် ဤအချက်ကို အသိအမှတ်ပြု လက်ခံသည်မှာ လွန်စွာ နည်းပါးကြောင်း ပြောကြားသည်။

တိုင်းရင်းသား လူနည်းစုများ အနေဖြင့် ဖိနှိပ်မှုများနှင့် ပိုမို ရင်ဆိုင်လာရဖွယ် ရှိသည် ဟူသော အချက်မှာ ငြင်း၍ မရကြောင်း၊ ယခုနှစ် ရွေးကောက်ပွဲအတွင်း နိုင်ငံတကာ အသိုင်းအဝိုင်းနှင့် မီဒီယာများက ဒေါ်အောင်ဆန်းစုကြည်နှင့်  အမျိုးသား ဒီမိုကရေစီ အဖွဲ့ချုပ် (NLD) ကိုသာ အာရုံ စိုက်ကြလိမ့်မည် ဖြစ်ကြောင်း အဆိုပါ အဖွဲ့မှ Benjamin Zawacki က BBC သို့ ပြောသည်။

"မြန်မာ့အရေးနဲ့ ပတ်သက်လာရင် နိုင်ငံတကာ အသိုင်းအဝိုင်းဟာ တိုင်းရင်းသား လူနည်းစုတွေကို အာရုံ မစိုက်ဘဲ တခြားကိစ္စတွေကိုပဲ အာရုံ စိုက်နေကြတာက များတယ်" ဟု ၎င်းက ပြောသည်။

"အဲဒီလို ဖြစ်နေတော့ စစ်အစိုးရ အနေနဲ့ တိုင်းရင်းသား လူနည်းစုတွေအပေါ် ပိုပြီး ဖိနှိပ် ချုပ်ခြယ်မှုတွေ ကောင်းကောင်း လုပ်နိုင်တော့တာပေါ့။ တိုင်းရင်းသားတွေထဲက အတိုက်အခံတွေကို ဖိနှိပ်မယ်။ ဘယ်သူကမှလည်း အရေးမစိုက်ကြတော့ စစ်အစိုးရ အနေနဲ့ ပိုပြီး လွတ်လွတ်လပ်လပ် လုပ်ကိုင်လို့ ရလာတာပေါ့" ဟု Benjamin Zawacki က ပြောကြားသည်။

မြန်မာ ပြည်သူလူထု အနေနှင့် နိုင်ငံရေး ဖြစ်စဉ်ထဲတွင် လွတ်လပ် ပွင့်လင်းစွာ ပါဝင်ခွင့် ရရှိနိုင်ရေးအတွက် အာဆီယံ အဖွဲ့နှင့် အိမ်နီးချင်း တရုတ်နိုင်ငံတို့က အလေးအနက်ထား လုပ်ဆောင်ပေးသင့်ကြောင်း Amnesty က တိုက်တွန်း ပြောကြားသည်။

မြန်မာနိုင်ငံသို့ အလည်အပတ် ရောက်ရှိနေသော ကုလသမဂ္ဂ လူ့အခွင့်အရေး ဆိုင်ရာ အထူး သံတမန် Tomas Ojea Quintana ရခိုင်ပြည်နယ်သို့ သွားရောက် လေ့လာနေစဉ် အတွင်း Amnesty International က ယင်းသို့ ထုတ်ဖော် ပြောဆိုခဲ့ခြင်း ဖြစ်သည်။

အဆိုပါ ရခိုင်ပြည်နယ် ဟူသည် ရိုဟင်ဂျာ လူမျိုးစုများ နေထိုင်ရာ ဒေသတစ်ခု ဖြစ်ပြီး မြန်မာနိုင်ငံ၏ အနောက်မြောက်ပိုင်းတွင် တည်ရှိသည်။ ရိုဟင်ဂျာ အများစုမှာ မွတ်စလင်များ ဖြစ်ကြပြီး ၎င်းတို့သည် ယခုအခါ စစ်အစိုးရ၏ ဖိနှိပ် ချုပ်ခြယ်မှုများ၊ ညှဉ်းပန်း နှိပ်စက်မှုများကို မခံနိုင်တော့၍ အိမ်နီးချင်း ဘင်္ဂလားဒေ့ရ်ှသို့ ထွက်ပြေးသွားကြပြီ ဖြစ်သည်။

Amnesty ၏ အဆိုအရ ရိုဟင်ဂျာတို့သည် ၂၀၀၇ ခုနှစ် အရေးအခင်းကို ဖြစ်ပွားအောင် ဦးဆောင်ခဲ့သောကြောင့် စစ်အစိုးရ၏ နှိပ်စက်မှုများကို ခံနေရကြောင်း၊ အဆိုပါ အရေးအခင်းတွင် ဆန္ဒပြသူများအား စစ်အစိုးရက အင်အားသုံး နှိမ်နင်းခဲ့ရာ အနည်းဆုံး လူပေါင်း ၃၁ ဦးခန့် သေဆုံးခဲ့ကြောင်း သိရသည်။

မြန်မာနိုင်ငံ အရှေ့ပိုင်း နယ်စပ်ဒေသ တစ်လျှောက်တွင်လည်း တိုင်းရင်းသား လက်နက်ကိုင် အဖွဲ့ အများစုက စစ်အစိုးရ၏ ဥပေက္ခာ ပြုမှု၊ လွဲမှားစွာ ကိုင်တွယ် ဖြေရှင်းမှုတို့ကို မကျေနပ်သောကြောင့် ဆယ်စုနှစ်များစွာ ကြာအောင် လက်နက်ကိုင် တိုက်ပွဲ ဝင်လာခဲ့ကြသည်။ အခြားသော အဖွဲ့အစည်းများမှာလည်း အတိုက်အခံ နိုင်ငံရေး အုပ်စုများ အသွင်ဖြင့် စစ်အစိုးရ၏ အုပ်ချုပ်မှုကို ဆန့်ကျင်လျက် ရှိသည်။

စစ်အစိုးရက ၎င်းကို ဆန့်ကျင်သူများကို နိုင်ထက်စီးနင်း ပြုသည့် နည်းလမ်းများ ကျင့်သုံးပြီး နှိမ်နင်းခဲ့ရာ ရွေးကောက်ပွဲ မတိုင်မီ ပိုမို ကြီးမားသော ဖိနှိပ်မှုကြီးများ ထွက်ပေါ်လာနိုင်သည်ဟု မစ္စတာ Benjamin Zawacki က ပြောသည်။

"လူ့အခွင့်အရေးနဲ့ ပတ်သက်တဲ့ ဘယ်လို ဖြေရှင်းမှုမဆို တိုင်းရင်းသား လူမျိုးစုများရဲ့ အခွင့်အရေးကို မဖြစ်မနေ ထည့်သွင်း စဉ်းစားပြီးမှ လုပ်ဆောင် သွားသင့်ပါတယ်" ဟုလည်း ဆက်လက် ပြောသည်။

Amnesty International က တိုင်းရင်းသား လူနည်းစု ၇ စုထဲမှ တက်ကြွစွာ လှုပ်ရှားသူ ၇၀၀ ခန့်ကို အင်တာဗျူး ပြုလုပ်ပြီးမှ အစီရင်ခံစာ ထုတ်ပြန်ခဲ့ခြင်း ဖြစ်ကြောင်း သိရသည်။

BBC သတင်းဌာန၏ Burmese groups repression risk ကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ဘင်္ဂလားဒေ့ရှ် နိုင်ငံ တောင်ပိုင်း ဒေသရှိ မြန်မာ မွတ်စလင် ဒုက္ခသည် စခန်းများ၏ လက်ရှိ အခြေအနေကို သိရှိနိုင်ရန် ဖေဖော်ဝါရီလ ၁၅ ရက်နေ့က ဥရောပ ပါလီမန် ကိုယ်စားလှယ်များ သွားရောက် ကြည့်ရှု လေ့လာကြကြောင်း ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး (UNHCR) ၏ သတင်း ထုတ်ပြန်ချက်အရ သိရသည်။

အဖွဲ့ဝင် ၁၂ ဦး ပါဝင်သော ဥရောပ ပါလီမန်မှ ကိုယ်စားလှယ် အဖွဲ့သည် ကောက်ပဇားမြို့ရှိ ရိုဟင်ဂျာ ဒုက္ခသည်စခန်းသို့ သွားရောက် လည်ပတ်ခဲ့ကြသည်။ ဥရောပ ပါလီမန် အနေဖြင့် နှစ်ဆန်းပိုင်း ကာလတိုင်းတွင် ဒုက္ခသည်စခန်းများသို့ ပုံမှန် သွားရောက် လည်ပတ်လေ့ ရှိသည်။

"ဥရောပ ပါလီမန် ကိုယ်စားလှယ်တွေရဲ့ ခရီးစဉ်နဲ့ ကုလသမဂ္ဂ လူ့အခွင့်အရေး ဆိုင်ရာ အထူး သံတမန် မစ္စတာ Quintana ရဲ့ ခရီးစဉ်နဲ့ ပတ်သက်မှု မရှိဘူးလို့ ကျွန်တော် ထင်ပါတယ်" ဟု UNHCR မှ အရာရှိ တစ်ဦးက ပြောကြားသည်။

မစ္စတာ Quintana သည်သည် ဖေဖော်ဝါရီလ ၁၅ ရက် နေ့တွင်ပင် မြန်မာနိုင်ငံသို့ ငါးရက်တာမျှ အလည်အပတ် ခရီးစဉ်ကို စတင်ခဲ့သည်။ ယခုအခါ ၎င်းသည် ရခိုင် ပြည်နယ်သို့ သွားရောက်ပြီး မွတ်စလင် လူထု၏ အခြေအနေကို ကြည့်ရှု လေ့လာလျက် ရှိသည်။

ဥရောပ ပါလီမန် ကိုယ်စားလှယ်များသည် Kutupalong ဒုက္ခသည် စခန်းသို့ နံနက် ၁၀ နာရီ ခန့်တွင် သွားရောက်ခဲ့ပြီး ဒုက္ခသည်များနှင့် တွေ့ဆုံခဲ့ကြောင်း သိရသည်။

"ကျွန်တော်တို့ ဒုက္ခသည် စခန်းကို ဥရောပ ပါလီမန် ကိုယ်စားလှယ်တွေ ရောက်လာတယ်။ ဒုက္ခသည်တွေကိုလည်း ဒီမှာ ရှိတဲ့ အခြေအနေနဲ့ ပတ်သက်ပြီး မေးခွန်းတွေ အများကြီး မေးကြတယ်။ နောက်ပိုင်းမှာ မွတ်စလင် ဒုက္ခသည် စခန်းအတွက် အကူအညီတွေ ပိုပေးမယ်လို့လည်း သူတို့က ကတိပေးခဲ့ကြတယ်" ဟု Kutapalong ဒုက္ခသည် စခန်းမှ ဆရာတစ်ဦးက ပြောသည်။

အဆိုပါ ဒုက္ခသည် စခန်းမှ မြန်မာ မွတ်စလင် ဒုက္ခသည်များက ၎င်းတို့အား ဥရောပ ပြန်လည် နေရာ ချထားရေး အစီအစဉ် အောက်တွင် ရှိသော တတိယနိုင်ငံများသို့ ပို့ပေးရန် ကိုယ်စားလှယ်များကို တောင်းဆိုခဲ့ကြသည်ဟု စုံစမ်း သိရသည်။

"ဒုက္ခသည် စခန်းတွေဟာ လက်ရှိ အနေအထားမှာ အတော့်ကို အခြေအနေ ဆိုးရွားနေပါတယ်။ ကျွန်တော်တို့လည်း ဒီမှာ မနေချင်တော့ဘူး။ ဒီစခန်းရဲ့ အပြင်ဘက်ကိုလည်း ထွက်ဖို့ အခွင့်အရေး မရှိပါဘူး။ ဒီမှာ နေရတာ အကျဉ်းထောင်မှာ နေရသလိုပါပဲ။ နောက်ပြီး မြန်မာပြည်ကိုလည်း ကျွန်တော်တို့ ပြန်လို့ မရဘူး။ အဲဒါကြောင့် တတိယနိုင်ငံ တစ်ခုခုကို ခေါ်သွားဖို့အတွက် သူတို့ကို တောင်းဆိုလိုက်တာပါ" ဟု ၎င်းက ပြောသည်။

ဒုက္ခသည် စခန်းများရှိ မြန်မာ မွတ်စလင်များအတွက် ပြန်လည် နေရာ ချထားပေးရေး အစီအစဉ်မှာ ယခုအထိ အကောင်အထည် ဖော်နေဆဲ ဖြစ်သည်။ ဒုက္ခသည် အတော်များများမှာ ကနေဒါ၊ ဗြိတိန်၊ သြစတြေးလျနှင့် အခြားသော ဥရောပ နိုင်ငံများသို့ ပြောင်းရွှေ့ သွားကြပြီ ဖြစ်သည်။

Kutapalong နှင့် Nayapara ဒုက္ခသည် စခန်းများတွင် ကုလသမဂ္ဂသို့ မှတ်ပုံတင် ထားသော ဒုက္ခသည် ၂၅၀၀၀ ရှိသည်။ မှတ်ပုံတင် ထားခြင်း မရှိသော အခြား ဒုက္ခသည် ၄၀၀၀၀ ခန့် မှာ အဆိုပါ စခန်းများ၏ ပြင်ပတွင် ခိုကပ် နေကြရသည်။

သတင်း ရင်းမြစ်များ အဆိုအရ ဒုက္ခသည် မှတ်ပုံတင် အမှတ် ၆၆၁၀ ကိုင်ဆောင်သော Sohshu Arlong ဆိုသူမှာ စခန်းတွင်း အခြေအနေများကို ဥရောပ ပါလီမန် ကိုယ်စားလှယ် များကို ထုတ်ဖော် ပြောဆိုခဲ့မိသည့် အတွက် ဘင်္ဂလားဒေ့ရှ် အာဏာပိုင်တို့၏ ရိုက်နှက် ဖမ်းဆီးခြင်း ခံခဲ့ရသည်။

Narinjara News မှ သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

             အရပ်ဘက် လူ့အဖွဲ့အစည်းများနှင့် သဘာဝ ပတ်ဝန်းကျင် ထိန်းသိမ်းရေး အုပ်စုများ၏ ဆန့်ကျင် ကန့်ကွက်မှုများ မည်သို့ပင် ရှိသော်ငြားလည်း မြန်မာနိုင်ငံတွင်း ဆည်နှင့် ရေအားလျှပ်စစ် ဓာတ်အား ထုတ်လုပ်ရေး စက်ရုံ ဆောက်လုပ်ရေး စီမံကိန်းကို ဆက်လက် အကောင်အထည် ဖော်ရန် ထိုင်း အစိုးရက စီစဉ်နေပြီ ဖြစ်သည်။

"ဒီကိစ္စနဲ့ ပတ်သက်ပြီး နောက်ထပ် စမ်းသပ် လေ့လာမှု လုပ်ရမှာပါ။ အချိန် ကြန့်ကြာမယ် ဆိုပေမဲ့လည်း စီမံကိန်းကတော့ ပျက်သွားမှာ မဟုတ်ပါဘူး" ဟု ထိုင်းနိုင်ငံ စွမ်းအင် တည်မြဲရေး ဆိုင်ရာ ဌာန မှ အတွင်းရေးမှူး Pornchai Rujiprapa ၏ ပြောကြားချက်ကို ကိုးကား၍ The Nation သတင်းစာက ရေးသား ဖော်ပြသည်။

မြန်မာနိုင်ငံ သံလွင်မြစ်အနီး တည်ဆောက်မည့် ဟက်ကြီး ရေအားလျှပ်စစ် စက်ရုံ စီမံကိန်းကို ထိုင်းနိုင်ငံ၊ လျှပ်စစ် စွမ်းအင် ထုတ်လုပ်ရေးဌာနက တာဝန်ယူ တည်ဆောက်မည် ဖြစ်ပြီး အဆိုပါ စက်ရုံမှ လျှပ်စစ် စွမ်းအင် ၁ ဒဿမ ၃၅ ဂစ်ဂါဝပ် ထုတ်နိုင်မည်ဟု ခန့်မှန်းထားကြောင်း၊ လျှပ်စစ် စွမ်းအင် ထုတ်လုပ်ရေးနှင့် ထိုင်းနိုင်ငံသို့ သွယ်တန်းပေးပို့ရေး စသည့် လုပ်ငန်းများကို လာမည့် ၂၀၁၅ သို့မဟုတ် ၂၀၁၆ ခုနှစ်များတွင် စတင် လုပ်ကိုင်နိုင်မည်ဟု ခန့်မှန်းထားကြောင်း သိရသည်။

သို့သော် အဆိုပါ စီမံကိန်းမှာ သဘာဝ ပတ်ဝန်းကျင် ထိန်းသိမ်းရေး အဖွဲ့များနှင့် အရပ်ဘက် လူ့အဖွဲ့အစည်းများ၏ ဆန့်ကျင် ကန့်ကွက်မှုကြောင့် ဆိုင်းငံ့ ထားရသည်။

အဆိုပါ ရေအား လျှပ်စစ် ထုတ်လုပ်ရေး လုပ်ငန်းခွင် လုံခြုံ စိတ်ချရေးအတွက် မြန်မာ စစ်တပ်က လုပ်ကိုင်ရာတွင် ထောင်ပေါင်း များစွာသော မြန်မာ ပြည်သူများ ဒုက္ခမျိုးစုံဖြင့် ရင်ဆိုင်ရမည် ဖြစ်သည်ဟု The Nation သတင်းစာက ဆိုသည်။

ဖေဖော်ဝါရီလ ၁၆ ရက် နေ့တွင် သဘာဝ ပတ်ဝန်းကျင် ထိန်းသိမ်းရေးနှင့် တိုင်းရင်းသား လူနည်းစုများ အခွင့်အရေးအတွက် လှုပ်ရှားနေသည့် အဖွဲ့များ စုပေါင်းပြီး ထိုင်း ဝန်ကြီးချုပ် Abhisit Vejjajiva ထံသို့ စာတစ်စောင် ပေးပို့ခဲ့သည်။ ထိုင်းစွမ်းအင် ဝန်ကြီးဌာနက ဦးဆောင် အကောင်အထည် ဖော်နေသော ဟက်ကြီး ရေလှောင်တမံ ဆောက်လုပ် ရေး စီမံကိန်းကို ဝန်ကြီးချုပ် Abhisit အနေဖြင့် ပြန်လည် ရီဗျူးလုပ်ရန် အဆိုပါ စာတွင် တိုက်တွန်း ရေးသား ထားသည်။ လတ်တလော ကာလအတွင်း စွမ်းအင် ဝန်ကြီးဌာန အနေ ဖြင့် ဟတ်ကြီး ရေလှောင်တမံ စီမံကိန်းကို အကောင်အထည် ဖော်နိုင်ရေးအတွက် ကော်မတီ တစ်ရပ် ဖွဲ့စည်းရန် ဝန်ကြီးချုပ်က အမိန့် ထုတ်ပြန်ခဲ့သည့် အတွက် ယင်းသို့ စာရေးသား ပေးပို့ခြင်း ဖြစ်ပါသည်။ အဆိုပါ စီမံကိန်းအတွက် ဖွဲ့စည်းမည့် ကော်မတီတွင် ဘက်လိုက်မှုများ ရှိလာမည် ဖြစ်သည့် အတွက် သဘာဝ ပတ်ဝန်းကျင်နှင့် တိုင်းရင်းသား အရေး လှုပ်ရှားသူ အဖွဲ့အစည်းများက ဆန့်ကျင် ကန့်ကွက်ကြသည်။

"ဟက်ကြီး ရေလှောင်တမံကို တည်ဆောက်မယ့် ထိုင်း လျှပ်စစ် စွမ်းအား ထုတ်လုပ်ရေး အဖွဲ့ကို ကြီးကြပ်ဖို့အတွက် စွမ်းအင် ဝန်ကြီးဌာနကို ပြန်ပြီး ကော်မတီ ဖွဲ့ခိုင်းတဲ့ ကိစ္စဟာ လက်သင့် ခံစရာကို မရှိပါဘူး" ဟု Asia Rivers Network မှ Pianporn Deetes က ပြောကြားသည်။

Asia River Network အဖွဲ့သည် သံလွင်မြစ် တစ်လျှောက် ရေအား လျှပ်စစ် စက်ရုံနှင့် ဆည်တမံ ဆောက်လုပ်ရေး စီမံကိန်းများကို ပြင်းပြင်းထန်ထန် ကန့်ကွက်လျက် ရှိသော လွတ်လပ်သည့် အဖွဲ့တစ်ခု ဖြစ်သည်။

ထိုင်းနိုင်ငံသည် မြန်မာနိုင်ငံမှ သဘာဝ ဓာတ်ငွေ့ ၆၀ ရာခိုင်နှုန်းခန့် ဝယ်ယူ တင်သွင်းလျက် ရှိသည်။ ထိုင်း စွမ်းအင် ဝန်ကြီးဌာနမှ ပြောခွင့်ရ ပုဂ္ဂိုလ် တစ်ဦးက မိမိတို့ အနေဖြင့် အဆိုပါ ဟက်ကြီး စီမံကိန်းကို ပြန်လည် အကောင်အထည် မဖော်ပါက တရုတ်နိုင်ငံက ဝင်ရောက် ရယူသွားမည်ကို အထူးပင် စိုးရိမ်လျက် ရှိကြောင်း ထုတ်ဖော် ပြောဆိုသည်။

"တကယ်လို့ ထိုင်းအစိုးရကသာ ဒီစီမံကိန်းကို ဆက်ပြီး မလုပ်ဘူးဆိုရင် တရုတ်နိုင်ငံက အစားထိုး ဝင်ရောက် လုပ်ကိုင်သွားပါလိမ့်မယ်။ အဲဒါကြောင့် ကျွန်တော်တို့ အနေနဲ့ စီမံကိန်းကို စတင်ရပါလိမ့်မယ်။ ဒါပေမဲ့လည်း ဆည်တမံ ဆောက်မယ့် ကိစ္စမှာ လူ့ အခွင့်အရေး ချိုးဖောက်မှုနဲ့ ပတ်သက်တာတွေ ရှိမရှိ အသေးစိတ် လေ့လာမှာ ဖြစ်တဲ့အတွက် အချိန်တော့ ကြာဦးမှာပါ" ဟု ၎င်းက ပြောသည်။

Burma Rivers Network အဖွဲ့၏ အဆိုအရ မြန်မာနိုင်ငံသည် စစ်အုပ်ချုပ်ရေး အောက်တွင် အပြည့်အဝ ရောက်ရှိနေသည့် အဖွဲ့တစ်ခု ဖြစ်ရာ ပတ်ဝန်းကျင် ထိန်းသိမ်းရေး အဖွဲ့များ၊ တိုင်းရင်းသား အခွင့်အရေး လှုပ်ရှားသော အဖွဲ့များ အနေဖြင့် ဆည်တမံ တည်ဆောက်ရေးနှင့် ပတ်သက်သော သတင်း အချက်အလက်များကို ရယူရန် ခက်ခဲလိမ့်မည်ဟု ဆိုသည်။

အိမ်နီးချင်း နိုင်ငံများသည် မြန်မာနိုင်ငံတွင်း သဘာဝ ပတ်ဝန်းကျင်နှင့် လူမှုရေး ဆိုင်ရာ ထိခိုက် နစ်နာမှုများအတွက် လျော်ကြေး မပေးရဘဲ လျှပ်စစ်စွမ်းအင် မြောက်မြားစွာ ရယူကာ အကျိုးအမြတ်များ ဖြစ်ထွန်းလျက် ရှိကြောင်း Burma Rivers Network က သုံးသပ် ပြောဆို သည်။

မြန်မာနိုင်ငံ၏ ကမ်းလွန်ဒေသရှိ ရေနံနှင့် သဘာဝ ဓာတ်ငွေ့များက နိုင်ငံခြား ရင်းနှီး မြှုပ်နှံသူများအတွက် စွဲမက်ဖွယ်ရာ များသဖွယ် ဖြစ်နေပါသည်။ ခန့်မှန်းချက် များအရ မြန်မာနိုင်ငံတွင် ထပ်မံ တူးဖော်၍ ရနိုင်သော အရန် ရေနံ ပမာဏမှာ စည်ပေါင်း ၃ ဒဿမ ၂ ဘီလီယံခန့် ရှိသည်။
UPI သတင်းဌာန၏ သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Associated Press, 18th February 2010

          လူ့အခွင့်အရေး အခြေအနေ တိုးတက်မှုများကို စစ်ဆေး အကဲဖြတ်ရန် မြန်မာနိုင်ငံသို့ ရောက်ရှိနေသော ကုလသမဂ္ဂ ကိုယ်စားလှယ်သည် လတ်တလော လွတ်မြောက်လာသော အတိုက်အခံ ခေါင်းဆောင်နှင့် ကြာသပတေးနေ့တွင် တွေ့ဆုံမည် ဖြစ်ပြီး အထိန်းသိမ်းခံ နေရဆဲ ဖြစ်သော ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံ ဆွေးနွေးနိုင်ရန် ကြိုးစားနေသည်ဟု အတိုက်အခံ ပါတီ ပြောရေးဆိုခွင့် ရှိသူက ပြောကြားသည်။

          ၅ ရက်ကြာ ခရီးစဉ်အတွက် တနင်္လာနေ့က ရောက်ရှိလာခဲ့သော ကုလ ကိုယ်စားလှယ် Tomas Ojea Quintana သည် ၇ နှစ် နီးပါး အကျယ်ချုပ် ကျခံပြီး စနေနေ့က လွတ်မြောက်လာသော NLD ပါတီ ဒုတိယ ခေါင်းဆောင် ဦးတင်ဦးနှင့် တွေ့ဆုံ ဆွေးနွေးမည်ဟု ပြောရေးဆိုခွင့် ရှိသူ ဦးဥာဏ်ဝင်းက ဆိုသည်။

          တိုက်ပွဲဝင် ဆုတံဆိပ် များစွာ ရရှိခဲ့ဖူးသော ကာကွယ်ရေး ဝန်ကြီးဟောင်း ဦးတင်ဦး (အသက် ၈၂ နှစ်) က အလည်အပတ် ရောက်ရှိနေသော ကုလသမဂ္ဂ ကိုယ်စားလှယ်ကို ကြိုဆိုသည့် အနေဖြင့် "ကုလသမဂ္ဂ လူ့အခွင့်အရေး ကိုယ်စားလှယ် အဖွဲ့တွေ များများလာလေ၊ တိုင်းပြည် အတွက် ပိုကောင်းလေပါပဲ" ဟု ပြောကြားလိုက်သည်။

          ဒေါ်အောင်ဆန်းစုကြည်၏ ယုံကြည် စိတ်ချရသော လုပ်ဖော်ကိုင်ဖက် တစ်ဦး ဖြစ်သူ ဦးတင်ဦးသည် ဖမ်းဆီး မခံရမီအထိ ဒီမိုကရေစီ အရေး လှုံ့ဆော်ရန် ဒေါ်အောင်ဆန်းစုကြည် နှင့်အတူ နိုင်ငံအနှံ့ ခြေဆန့်ရာတွင် တောက်လျှောက် လိုက်ပါခဲ့သူ ဖြစ်သည်။

          Quintana သည် အတိုက်အခံ ပါတီ ဗဟို ကော်မတီ အဖွဲ့ဝင်တစ်ဦး ဖြစ်သော အချိန် ကြာမြင့်စွာ အကျဉ်းကျခံခဲ့ရသည့် ဦးဝင်းတင်နှင့်လည်း တွေ့ဆုံမည်ဟု ဦးဥာဏ်ဝင်းက ဆိုသည်။

          ဦးဝင်းတင်သည် ရန်ကုန် အင်းစိန်ထောင်တွင် အကျဉ်းကျ ခံနေစဉ်က Quintana နှင့် တစ်ကြိမ် တွေ့ဆုံခဲ့သေးသည်။ Quintana သည် မြန်မာနိုင်ငံ အနောက်မြောက်ဘက် ရခိုင်ပြည်နယ်တွင် အကျဉ်းသားများ၊ ဒေသခံ တာဝန်ရှိ ပုဂ္ဂိုလ်များနှင့် တွေ့ဆုံပြီးနောက် ကြာသပတေးနေ့တွင် ရန်ကုန်သို့ ပြန်လာရန် စီစဉ်ထားသည်။

          ဆက်လက်၍ Quintana သည် မြန်မာနိုင်ငံမှ မထွက်ခွာမီ ပြည်ထဲရေး ဝန်ကြီး အပါအဝင် အဓိက အစိုးရ တာဝန်ရှိ ပုဂ္ဂိုလ်များနှင့် တွေ့ဆုံရန် အတွက် အုပ်ချုပ်ရေး မြို့တော် နေပြည်တော်သို့ သောကြာနေ့တွင် သွားရောက်ရန် မျှော်လင့်ထားသည်။

          ကုလ အထူး ကိုယ်စားလှယ်သည် နေအိမ်တွင် အကျယ်ချုပ် ကျခံနေရဆဲ ဖြစ်သော နိုဘယ်ဆုရှင် ဒေါ်အောင်ဆန်းစုကြည်နှင့် တွေ့ဆုံရန် တောင်းဆိုထားပြီး၊ ပြီးခဲ့သော ခရီးစဉ်များတွင်လည်း ၎င်းအား သူမနှင့် တွေ့ဆုံခွင့် မပေးခဲ့ပါ။

          ဒေါ်အောင်ဆန်းစုကြည်သည် အမေရိကန် လူစိမ်း ဧည့်သည် တစ်ဦးအား တည်းခိုခွင့် ပေးမှုဖြင့် ယမန်နှစ်က နေအိမ် အကျယ်ချုပ် ၁၈ လ ပြစ်ဒဏ် ချမှတ်ခံရပြီး အဆိုပါ တရားစွဲဆိုမှုကြောင့် မြန်မာ အစိုးရအား နိုင်ငံတကာက ဝိုင်းဝန်း ပြစ်တင် ရှုတ်ချခဲ့ကြသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Telegraph, 18th February 2010

          အိန္ဒိယ နိုင်ငံပိုင် ရေနံနှင့် သဘာဝ ဓာတ်ငွေ့ ကော်ပိုရေးရှင်း ONGC နှင့် GAIL (India) Limited တို့၏ မြန်မာနိုင်ငံ ဓာတ်ငွေ့ စီမံကိန်းများတွင် ဒေါ်လာ ၁.၃၃ ဘီလျံ ရင်းနှီး မြှုပ်နှံမည့် အစီအစဉ်ကို အိန္ဒိယ အစိုးရက ယနေ့ အတည်ပြု လိုက်သည်။ အဆိုပါ စီမံကိန်းမှ ထွက်ရှိမည့် ဓာတ်ငွေ့များကို တရုတ်နိုင်ငံသို့ တင်ပို့မည် ဖြစ်သည်။

          ONGC ၏ ပင်လယ်ရပ်ခြား ဌာနခွဲ ONGC Videsh သည် အဆိုပါ စီမံကိန်းများတွင် ဒေါ်လာ ၈၃၂.၅၄ သန်း ထပ်မံ ရင်းနှီး မြှုပ်နှံမည် ဖြစ်၍ စုစုပေါင်း ရင်းနှီး မြှုပ်နှံငွေ ဒေါ်လာ ၁ ဘီလျံ ကျော်သွားပြီ ဖြစ်သည်။

          တရုတ်သို့ ပို့မည့် ကမ်းလွန်ဓာတ်ငွေ့ ပိုက်လိုင်းနှင့် ဓာတ်ငွေ့လုပ်ကွက် အပါအဝင် စီမံကိန်းများတွင် ဓာတ်ငွေ့လုပ်ငန်း GAIL (India) က ဒေါ်လာ ၅၀၂ သန်း ရင်းနှီး မြှုပ်နှံဦးမည် ဖြစ်သည်။

          မြန်မာ့ကမ်းလွန် A-1 နှင့် A-2 လုပ်ကွက်များမှ ထွက်ရှိသော ဓာတ်ငွေ့များကို သယ်ဆောင်ရန် တရုတ်နိုင်ငံ CNPC က တည်ဆောက်နေသော ပိုက်လိုင်း စီမံကိန်းတွင် ရင်းနှီး မြှုပ်နှံရန် ဝန်ကြီးချုပ် မန်မိုဟန်ဆင်း ဦးဆောင်သော ဗဟို အစိုးရ စွမ်းအင် ကော်မတီ CCEA က OVL နှင့် GAIL ကို ခွင့်ပြုလိုက်ခြင်း ဖြစ်သည်။

          OXL သည် ဓာတ်ငွေ့ ထုတ်လုပ်ရေး လုပ်ငန်းတွင် ၂၀ % ရင်းနှီး မြှုပ်နှံမှု အတွက် ဒေါ်လာ ၆၆၄.၇ သန်း ပေးသွင်းရမည် ဖြစ်ပြီး ပိုက်လိုင်း စီမံကိန်း ရှယ်ယာ ၈.၃၅ % အတွက် ဒေါ်လာ ၁၆၇.၈၄ သန်း သီးခြား ပေးသွင်းရမည် ဖြစ်သည်။

          အဆိုပါ ရင်းနှီး မြှုပ်နှံမှုများကို ပြည်တွင်းနှုန်းဖြင့် တွက်ချက်ပါက ၁၂.၅၃ % နှင့် ၁၅.၅ % အမြတ် အစွန်း ပြန်လည် ရရှိမည်ဟု OVL က မျှော်လင့်ထားသည်။

          အဆိုပါ လုပ်ကွက်များမှ ထွက်ရှိသော ဓာတ်ငွေ့များကို မြန်မာကမ်းခြေ အရောက် ဗြိတိသျှ သာမယ် တစ်ယူနစ်လျှင် အမေရိကန် ဒေါ်လာ ၇.၇၂ ဖြင့် ရောင်းချမည် ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Irish Sun, 18th February 2010

          ဘင်္ဂလားဒေ့ရှ် နိုင်ငံသည် ဒေသတွင်း ဆက်သွယ်မှု တိုးတက်ရေး အတွက် ၎င်း၏ အရှေ့တောင်ဖက်မြို့ Cox's Bazar မှ မြန်မာနိုင်ငံသို့ လမ်းဖောက် လုပ်ရာတွင် အကူအညီများ ရယူရန် အာရှ ဖွံ့ဖြိုးရေးဘဏ် (ADB) သို့ ချဉ်းကပ်လျက် ရှိသည်။

          ဘင်္ဂလားဒေ့ရ်ှသည် မြန်မာနိုင်ငံနှင့် လည်းကောင်း၊ တရုတ်နိုင်ငံနှင့် လည်းကောင်း၊ တရုတ်နိုင်ငံ ကူမင်းနယ်အထိ ကုန်းတွင်း ဆက်သွယ်မှု အတွက် အချိန် အတော်ကြာကပင် စကားပြောလျက် ရှိသည်။

          ပြီးခဲ့သည့် ဗုဒ္ဓဟူးနေ့က ဒက်ကာမြို့တွင် ဝန်ကြီးချုပ် Sheikh Hasina နှင့် ADB မှ တောင်အာရှ ဌာန ညွှန်ကြားရေးမှူးချုပ် Sultan Hafeez Rahman တို့ တွေ့ဆုံရာတွင် အဆိုပါ ကိစ္စကို ပြောကြားခဲ့ကြောင်း The Daily Star သတင်းစာက ပြောသည်။

          သူမသည် တောင်အာရှ နိုင်ငံများကြား ဖွံ့ဖြိုးတိုးတက်မှု အရှိန်မြှင့်တင်ရန်နှင့် ဆင်းရဲမွဲတေမှု လျော့ချရန် ရည်ရွယ်၍ ဒေသတွင်း ပူးပေါင်း ဆောင်ရွက်မှုနှင့် ဆက်သွယ်မှု ပိုမိုအားကောင်းရန် လိုအပ်ပုံကို အလေးပေး ပြောကြားခဲ့သည်ဟု ဆိုသည်။

          ဘင်္ဂလားဒေ့ရှ်၊ နီပေါ၊ ဘူတန်နှင့် အခြား တောင်အာရှ နိုင်ငံများသည် နှစ်နိုင်ငံနှင့် ဒေသတွင်း ဆက်သွယ်မှု ပိုမို တိုးတက်ရေးကို လုပ်ဆောင်လျက် ရှိသည်။

          ဝန်ကြီးချုပ်နှင့် ADB ထိပ်တန်း တာဝန်ရှိသူတို့သည် လျှပ်စစ်မီး၊ စွမ်းအင်၊ သယ်ယူ ပို့ဆောင်ရေးနှင့် လူမှုရေး ကဏ္ဍများ ကဲ့သို့သော အခြေခံ အဆောက်အအုံများကို ငွေကြေး အကူအညီ ပေးရေး ဆွေးနွေးခဲ့ကြသည်။ ထိုကဏ္ဍများကို ငွေကြေး အကူအညီပေးခြင်းသည် ကမ္ဘာ့စီးပွားရေး ပျက်ကပ်ကြောင့် ဖြစ်လာမည့် အကျိုးဆက်များ နည်းပါးအောင် ကြားခံ ပေးသလိုလည်း ဖြစ်သည်ဟု ဆိုသည်။

          ဝန်ကြီးချုပ်က ဘင်္ဂလားဒေ့ရ်ှကို အခြေခံ အဆောက်အဦး စီမံကိန်းကြီးများတွင် ထပ်ဆောင်း ငွေကြေး အကူအညီများ ပေးနိုင်ကြောင်း ပြောခဲ့သည်ဟု United News of Bangladesh သတင်းဌာန၏ သတင်း ပေးပို့ချက်အရ သိရှိရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News, 18th February 2010

ဘင်္ဂလားဒေ့ရှ် နိုင်ငံသည် မှတ်ပုံတင် မထားသော မြန်မာနိုင်ငံမှ ရိုဟင်ဂျာ ဒုက္ခသည်များကို ပြင်းထန်စွာ နှိမ်နှင်းခဲ့သည်ဟု နိုင်ငံတကာ ကယ်ဆယ်ရေး အေဂျင်စီက စွပ်စွဲလိုက်သည်။

နေထိုင်သူ အရေအတွက် တိုးပွားလာသော အိမ်ရာမဲ့များ စခန်းတွင် လူသားချင်း စာနာမှု မရှိသော ပြဿနာများ ပေါ်ပေါက်နေသည်ဟု Medecins sans Frontieres (MSF) ကလည်း သတိပေးထားသည်။

ဒုက္ခသည် ထောင်ပေါင်းများစွာသည် မတရား ဆက်ဆံ ခံရမည်ကို ကြောက်ရွံ့စိတ်ဖြင့် စခန်းသို့ ရောက်လာခဲ့ကြသည်ဟု MSF က ပြောကြားသည်။

ဘင်္ဂလားဒေ့ရှ် နိုင်ငံသားများနှင့် ရဲအဖွဲ့က ရိုက်နှက် လိုက်သူများကို ဆေးကုသ ပေးနေရသည်ဟု အဆိုပါ ဆေးခန်းမှ ဆရာဝန်များက ပြောဆိုသည်။

ဘင်္ဂလားဒေ့ရှ် နိုင်ငံ အတွင်း၌ ဆယ်စုနှစ် ၃ ခုခန့် အေးချမ်းစွာ နေထိုင်ခဲ့ရသော ရိုဟင်ဂျာ အများစုက ၎င်းတို့၏ အိမ်များ ဖျက်ဆီးခံရကြောင်းနှင့် နယ်ခြားစောင့် လုံခြုံရေး တပ်များကလည်း အတင်း မောင်းထုတ်လျက် ရှိကြောင်း တိုင်ကြားထားသည်။

၎င်းတို့အား နိုင်ငံသား အဖြစ် အသိအမှတ် မပြုသော မြန်မာနိ်ုင်ငံသို့ ပြန်ရန် ရိုဟင်ဂျာများက ငြင်းဆန်ကြပြီး ပိုမို ဆိုးဝါးစွာ ဆက်ဆံခံရမည်ဟု ၎င်းတို့က ပြောကြားသည်။

နှိမ်နှင်း ဖြိုခွဲမှု စတင်သော အောက်တိုဘာလမှ စ၍ ဘင်္ဂလားဒေ့ရှ် အရှေ့တောင်ပိုင်း နယ်မြေများမှ ဒုက္ခသည် ၆၀၀၀ ခန့် ကူတူပလောင်း စခန်းသို့ ရောက်ရှိလာကြသည်ဟု MSF က ဆိုသည်။

ပိုမို နက်ရှိုင်းလာသော ပြဿနာများ

လိုအပ်သော အခြေခံ ဖြည့်ဆည်းမှုများ မရှိသည့် ပြွတ်သိပ်၊ ညစ်ပတ်နေသော နေရာတွင် လူပေါင်းများစွာ ရောက်ရှိနေကြသည်ဟု ပြောဆိုသူမှာ ဘင်္ဂလားဒေ့ရှ် ဆိုင်ရာ MSF  မစ်ရှင် အကြီးအကဲ  Paul Critchley  ဖြစ်သည်။

၎င်းတို့ ဘာသာ ရှင်သန် နေထိုင်ရန် အတွက် အလုပ်လုပ်ခြင်းကို တားမြစ် ပိတ်ပင်ထားပြီး ကယ်ဆယ်ရေး ရိက္ခာကိုပင် ခွင့်ပြုခြင်း မရှိပါ။ ဒုက္ခသည် အရေအတွက် များလာပြီး လိုအပ်သော ရင်းမြစ်များ ပိုမို ရှားပါးလာသည့် အတွက် ပြဿနာများ ကြီးထွားလာမည်ကို အလွန်အမင်း စိုးရိမ် ပူပန်သည်ဟု ၎င်းက ဆိုသည်။

ဘန်ကောက် အခြေစိုက် ကယ်ဆယ်ရေး အဖွဲ့  Arakan Project  က ယခု အပတ် ထုတ်ပြန်သော အစီရင်ခံစာတွင်လည်း အလားတူ သတင်း အချက်များကို ဖော်ပြထားသည်။

ဘင်္ဂလားဒေ့ရှ် နိုင်ငံရှိ အကာအကွယ်မဲ့ ရိုဟင်ဂျာများ အပေါ်တွင် လူသားချင်း မစာနာသော ကပ်ဘေးကြီး ဆိုက်ရောက်လျက် ရှိသည်ဟု အစီရင်ခံစာက ဆိုသည်။

မှတ်ပုံတင်ထားခြင်း မရှိသော ရိုဟင်ဂျာ ဒုက္ခသည်များ အပေါ် စားနပ်ရိက္ခာနှင့် အသက်မွေး ဝမ်းကျောင်းခွင့်များ ဆက်လက် ပိတ်ပင် တားဆီးခြင်းနှင့် အပြင်းအထန် နှိပ်ကွပ်မှုများကို ဘင်္ဂလားဒေ့ရှ် အာဏာပိုင်များက ချက်ချင်း မရပ်ဆိုင်းပါက အခြေအနေများ ပိုမို ဆိုးဝါး ယိုယွင်း လာလိမ့်မည် ဟုလည်း ဖော်ပြထားသည်။

ရိုဟင်ဂျာများသည် မြန်မာနိုင်ငံ အနောက်မြောက် ဒေသများမှ ဖြစ်၍ ဘင်ဂါလီ စကား ပြောဆိုသူများ ဖြစ်သည်။

မြန်မာ အစိုးရက ၎င်းတို့ကို နိုင်ငံသား အဖြစ် အသိအမှတ် မပြုသလို ကိုယ်ပိုင် နယ်မြေပေးရန် ငြင်းဆန်ထားသောကြောင့် ရိုဟင်ဂျာများမှာ ကမ္ဘာပေါ်တွင် အဖိနှိပ် ခံရဆုံးနှင့် ငြင်းပယ် ခံရဆုံး လူသားများ ဖြစ်နေသည်။

၎င်းတို့အား ခွင့်ပြုချက် မရှိဘဲ ခရီးသွားလာခြင်း၊ လက်ထပ်ခြင်းများကိုလည်း ပိတ်ပင်ထားသည်။

လတ်တလောတွင် တရားမဝင် နေထိုင်သူများ အဖြစ် လူဦးရေ ၂ သိန်းခန့် ရောက်ရှိနေသော ဘင်္ဂလားဒေ့ရှ် နိုင်ငံကလည်း ၎င်းတို့ကို ကြိုဆိုခြင်း မရှိသလို အလုပ် လုပ်ကိုင်ခွင့်၊ ကျန်းမာရေးနှင့် ပညာသင်ခွင့်များလည်း မရှိကြပါ။

လောလောဆယ် ၎င်းတို့ နေထိုင်နေသော ဒေသသည် ဘင်္ဂလားဒေ့ရ်ှတွင် အဆင်းရဲဆုံး နိုင်ငံ ဖြစ်၍ ရိုဟင်ဂျာများသည် ဒေသတွင်း ရင်းမြစ်များကို ဖောက်စားနေကြောင်း၊ အလုပ်အကိုင်များကို လုယူနေကြောင်း၊ ရာဇဝတ်မှုများနှင့် မှောင်ခို လုပ်ငန်းများတွင် ပါဝင် ပတ်သက်နေကြောင်း ဒေသခံ အသိုင်းအဝိုင်းက ကန့်ကွက် တိုင်ကြားမှုများ ရှိနေသည်။

ဒုက္ခသည် ၃၀၀၀၀ ခန့်မှာ ကုလ သမဂ္ဂမှ ဒုက္ခသည် အဖြစ် အသိအမှတ် ပြုမှုကို လက်ခံရရှိသော်လည်း အဆိုပါ အခွင့်အရေးကို မရရှိသော အများစုမှာ ဘင်္ဂလားဒေ့ရှ် အစွန်အဖျား ကျေးရွာများ၊ အိမ်ရာမဲ့ စခန်းများတွင် အလွန် ဆိုးဝါးသော အခြေအနေ၌ ရှင်သန် နေထိုင်ရသည်။

၎င်းတို့အား ထိထိရောက်ရောက် အကာအကွယ် ပေးရန် ဘင်္ဂလားဒေ့ရှ် အစိုးရနှင့်  UNHCR ကို MSF က တောင်းဆိုလျက် ရှိသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

www.mnnonline.org, 18th February 2010

ကရင်ပြည်နယ်ရှိ ရွှေ့ပြောင်း ဆေးခန်း တစ်ခု၊ စာသင်ကျောင်း နှစ်ကျောင်း အပါအဝင် အိမ် (၇၀) ခန့်သည် မြန်မာ စစ်တပ် ၏ မီးရှို့ ဖျက်ဆီးခြင်းကို ခံလိုက်ရသည်။

မြန်မာနိုင်ငံသည် အင်ဒို - ချိုင်းနား (Indochina) ဒေသတွင် ပထဝီအရ အကြီးဆုံး နိုင်ငံ တစ်ခု ဖြစ်သည်။

ကရင် လူမျိုးများသည် မြန်မာနိုင်ငံ၏ စုစုပေါင်း လူဦးရေ၏ ၇ % ရှိပြီး၊ ကရင်ပြည်နယ် လွတ်လပ်ရေး အတွက် တိုက်ပွဲ ဝင်လာသည်မှာ နှစ်ပေါင်း ၆၀ ကျော်ပြီ ဖြစ်သည်။

Vision Beyond Borders မှ Patrick Klein သည် အဆိုပါ ဒေသမှ မကြာမီကမှ ပြန်ရောက်လာသူ ဖြစ်သည်။ ၎င်းက စစ်တပ်သည် ဒေသ တစ်ခုတွင် အိမ် (၄၆) လုံး၊ နောက်ထပ် ဒေသ တစ်ခုတွင် အိမ် (၂၈) လုံး မီးရှို့ခဲ့ကြောင်း၊ မီးရှို့ရာတွင် ရွှေ့ပြောင်း ဆေးခန်း တစ်ခု၊ အလယ်တန်းကျောင်း တစ်ကျောင်းနှင့် မူကြိုကျောင်း တစ်ကျောင်း ပါဝင်သည်ဟု ဆိုသည်။ ထောင်ပေါင်းများစွာသော လူများသည် တိုက်ခိုက်မှုကြောင့် အိုးမဲ့ အိမ်မဲ့ ဖြစ်ရပြီး၊ ပုန်းအောင်း နေကြရသည်ဟု ဆိုသည်။

ယခုကဲ့သို့ တိုက်ခိုက်ခြင်းမှာ ခရစ်ယာန် ဘာသာဝင်များကို ပြောင်ကျကျ တိုက်ခိုက်ခြင်း ဖြစ်ပြီး၊ လူမျိုးတုံး အောင် သတ်ဖြတ်ခြင်း တစ်မျိုး ဖြစ်ကြောင်း Klein က ပြောသည်။ မိမိတို့၏ Vision Beyond Borders သည် မြန်မာနိုင်ငံတွင် နာဂစ်ဒေသ၌ ပြန်လည် ထူထောင်ရေးများ လုပ်ပေးနေသော ဘာသာရေး အဖွဲ့တစ်ခု ဖြစ်ကြောင်း၊ မိဘမဲ့ ကလေးများကို စောင့်ရှောက်လျက် ရှိကြောင်း၊ သို့သော် အစိုးရ၏ ဆန့်ကျင်ဘက် လုပ်ရပ်များကို ပိုမို ကြုံတွေ့လာရကြောင်း ဆိုသည်။ အစိုးရသည် အထူးသဖြင့် ခရစ်ယာန်များက ကလေးများကို ခရစ်ယာန် ဘာသာဝင်များ ဖြစ်အောင် မွေးမြူသည်ကို မလိ်ုလားကြောင်း ၎င်းက ပြောသည်။

''ကျွန်တော် ပြီးခဲ့တဲ့ အပတ်က မြန်မာနိုင်ငံကို ရောက်ခဲ့ပါတယ်။ အဲဒီမှာ ရှိတဲ့ ကျွန်တော့် အဆက်အသွယ်တွေနဲ့ စကားပြောခဲ့ပါတယ်။ ရွေးကောက်ပွဲ မတိုင်ခင် လူတွေ ပိုပြီး အသတ်ခံရမှာကို သူတို့ စိုးရိမ်နေကြတယ် '' ဟု Klein က ပြောသည်။

မြန်မာ အစိုးရ ခေါင်းဆောင် ဗိုလ်ချုပ်မှူးကြီး သန်းရွှေက ရွေးကောက်ပွဲကို လွတ်လပ်၍ တရားမျှတသော ရွေးကောက်ပွဲ ဖြစ်စေရမည်ဟု အာမခံထားသည်။ သို့သော် ဗိုလ်ချုပ်မှူးကြီးသည် အာဏာ မက်မောသည်။ သူသည် တိုင်းပြည်မှ ငွေ အမြောက်အမြား ယူငင် စုဆောင်းထားရာ ဒေါ်လာ တစ် ဘီလီယံကျော် စုဆောင်းမိပြီ ဖြစ်သောကြောင့် ယခုအခါ တိုင်းပြည်တွင် အကြွင်းမဲ့ အာဏာရှင် ဖြစ်ချင်နေသည်။

ကမ္ဘာအနှံ့ ခရစ်ယာန် စုစည်း ညီညွတ်ရေး အဖွဲ့ (Christian Solidarity Worldwide) ၏ အဆိုပါ Benedict Rogers က သတင်း ထုတ်ပြန်ချက်တွင် ယခု တိုက်ခိုက်မှုများသည် မြန်မာ အစိုးရ၏ တိုင်းရင်းသားများ အပေါ် သွေးထွက် သံယိုမှုများဖြင့် အပြောင်ရှင်းမည့် အစီအစဉ် ဖြစ်ကြောင်း ထင်ရှားသည့် သက်သေပင် ဖြစ်ကြောင်း၊ ကရင်များသည် လူ့ အခွင့်အရေး ချိုးဖောက်မှု အခံရဆုံး ဖြစ်ပြီး အချိန် ကြာမြင့်စွာကပင် ခံနေရခြင်း ဖြစ်ကြောင်း၊ မြန်မာ အစိုးရ၏ လူ့အခွင့်အရေး ချိုးဖောက်သည့် လက်နက် ရောင်းဝယ်မှုကို ပိတ်ပင်ပြီး တုန့်ပြန်သင့်ကြောင်း ဖော်ပြထားသည်။

CSW သည် လူ့အခွင့်အရေး အဖွဲ့တစ်ခု ဖြစ်ပြီး၊ ခရစ်ယာန် ယုံကြည်မှုကြောင့် ဖိနှိပ် ခံနေရသူများ ကိုယ်စား တိုက်ပွဲ ဝင်ပေးနေရပြီး လူတိုင်း လွတ်လပ်စွာ ယုံကြည် ကိုးကွယ်ခွင့် ရအောင် လုပ်ဆောင် ပေးနေသည့် အဖွဲ့ ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာနိုင်ငံ၊ ဧရာဝတီတိုင်းတွင် နာဂစ် ဆိုင်ကလုန်း မုန်တိုင်းဒဏ် ခံခဲ့ရသော မိသားစု ဝင်ပေါင်း ငါးသောင်း အတွက် နေထိုင်စရာပေးရန် International Organisation for Mirgation(IOM) အဖွဲ့က အမေရိကန်ဒေါ်လာ ၁၇ သန်း မေတ္တာရပ်ခံ တောင်းဆို ထားပါသည်။

"ဧရာဝတီ မြစ်ဝကျွန်းပေါ်ဒေသက မုန်တိုင်းဒဏ်သင့်တဲ့ မိသားစု တစ်သိန်း လောက်ဟာ လာမယ့် မိုးရာသီအတွက် နေထိုင်စရာ အလုံအလောက် မရှိပါဘူး။ လာမယ့် မေလ မှာ နောက်ထပ် ရန်ပုံငွေ အသစ် ထပ်မရဘူးဆိုရင် ဧရာဝတီ မြစ်ဝကျွန်းပေါ် ဒေသက ကျွန်တော်တို့ရဲ့ နေထိုင်စရာ ချထားပေးတဲ့ အစီအစဉ်ကို ရပ်ဆိုင်းရပါတော့မယ်။ ရုံးခန်းတွေလည်း ပိတ်ပစ်ရပါတော့မယ်" ဟု မြန်မာနိုင်ငံဆိုင်ရာ IOM အကြီးအကဲ Mariko Tomiyama ကပြောကြားပါသည်။

၂၀၀၈ ခုနှစ်၊ မေလတွင် တိုက်ခတ်ခဲ့သော နာဂစ် ဆိုင်ကလုန်းကြောင့် လူပေါင်း တစ်သိန် လေးသောင်းခန့်သေဆုံးခဲ့ပြီး ၂ ဒဿမ ၄ သန်းခန့် အိုးမဲ့အိမ်မဲ့ဖြစ်ခဲ့ရသည်။

ကုလသမဂ္ဂ၊ အာဆီယံနှင့် မြန်မာနိုင်ငံ အစိုးရတို့ ပူးပေါင်းလုပ်ကိုင်နေသော နာဂစ် အလွန် အရေးပေါ် တုံ့ပြန်ရေးနှင့် ပြန်လည် တည်ဆောက်ရေးဆိုင်ရာ အဖွဲ့ဖြစ်သည့် Tripartite Core Group ၏အဆိုအရ ယနေ့အချိန်အထိ နာဂစ်ဒဏ်သင့်သူ လူပေါင်း ၅ သိန်း ခန့် အိုးအိမ်မဲ့ ဖြစ်နေသေးကြောင်း သိရပါသည်။

IOMသည် နာဂစ်မုန်တိုင်းပြီးနောက်ပိုင်း လပေါင်း ၂၀ ခန့်မျှ ဧရာဝတီဒေသတွင် အရေးပေါ် ကယ်ဆယ်ရေးနှင့် ပြန်လည် နေရာချထားရေး လုပ်ငန်းစဉ်များကို ဆောင်ရွက်ခဲ့ပြီး လူပေါင်း လေးသိန်းခန့်အတွက် နေထိုင်စရာများ အပါအဝင် ကျန်းမာရေး စောင့်ရှောက်မှု၊ စိတ်ပိုင်းဆိုင်ရာ ကုသမှုတို့ ရရှိစေရန် စီစဉ်ပေးနိုင်ခဲ့သည်။

Relief Web မှ Press Release ကိုဘာသာပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.