Transparency Myanmar: Feb 25, 2010

မြန်မာနိုင်ငံတွင် လူ့အခွင့်အရေး ဆိုင်ရာ ရုန်းကန် ရင်ဆိုင်နေရမှုများနှင့် ပတ်သက်၍ Heroes Serving Humanity မှ အမှုဆောင် ဒါရိုက်တာ Thomas Van Dyke က အိုကလာဟိုမား ယူနီဗာစီတီ ကျောင်းသားများအား အင်္ဂါနေ့တွင် ပြောကြားခဲ့သည်။

မြန်မာစစ်တပ်သည် နိုင်ငံ အရှေ့ပိုင်းရှိ တိုင်းရင်းသား လူမျိုးစု များစွာကို သတ်ဖြတ်ရန် စနစ်တကျ ကျူးလွန်မှုများကို အကောင်အထည် ဖော်ရာတွင် ရွာများကို ပြောင်းရွှေ့ခိုင်းခြင်း၊ မုဒိန်းမှု ကျူးလွန်ခြင်း၊ နှိပ်စက် ညှင်းပန်းခြင်း၊ မြေမြှုပ်မိုင်းများ အသုံးပြုခြင်း စသော နည်းလမ်း အမျိုးမျိုးကို အသုံးပြုနေသည်ဟု ၎င်းက ပြောကြားခဲ့သည်။

မြန်မာနိုင်ငံ တစ်ခုလုံးသည် အကန့်အသတ်မဲ့ အကျဉ်းထောင် သဖွယ် ဖြစ်နေသည်ဟု Amnesty Council ၏ အဆိုကို ကိုးကား၍ Vam Dyke က ပြောကြားခဲ့သည်။

မိန်းကလေးငယ်များမှာ မုဒိန်းမှု ကျူးလွန်ခံရခြင်း၊ လိင်ကုန် ကူးခံရခြင်း၊ နယ်စပ် တိုင်းရင်းသား ကျေးရွာများ မီးရှို့ ဖျက်ဆီးခံရခြင်း၊ ရွာသားများကို အတင်းအကြပ် နေရာရွှေ့ပြောင်းစေခြင်း စသော ကိစ္စများမှာ ကြားသိရသူတိုင်း အတွက် စိတ်မသက်မသာ ဖြစ်ရသည်ဟု ၎င်းက ပြောသည်။

နေရာ ရွှေ့ပြောင်းခံရသော ရွာသားများသည် မြန်မာစစ်တပ်က အမိန့်ပေးသော စခန်းများ ပတ်လည်ကို ခြံစည်းရိုးများ ကာရံပေးရသည်ဟုလည်း ဆိုသည်။

"ရွာသားတွေဟာ ကိုယ့် အကျဉ်းစခန်းကို ကိုယ် ပြန်ဆောက်ဖို့ အတင်းခိုင်းစေခြင်း ခံနေရပါတယ်။ စစ်တပ်က ပစ်သတ်မှာကို ကြောက်တော့ ခိုင်းတဲ့အတိုင်း လုပ်ကြ၊ သွားကြရတယ်" ဟု Van Dyke က ရှင်းပြသည်။

မြန်မာ စစ်တပ်၏ နည်းလမ်း ပေါင်းစုံဖြင့် နှိပ်စက်ခြင်းကို ခံနေရသော မြန်မာနိုင်ငံမှ ကလေးများ၊ အမျိုးသမီးများ၊ အမျိုးသားများ၏ ဓါတ်ပုံ အထောက်အထားများကို ဆလိုက်ဖြင့် ပြသရင်း Van Dyke က ပြောကြားရာတွင် သနားစရာ ပြည်သူများကို ကူညီရန် ၎င်း၏ အဖွဲ့အစည်းက ကယ်ဆယ်ရေး လုပ်ငန်းများ လုပ်ဆောင်နေကြောင်းနှင့် မြန်မာ အစိုးရက ကယ်ဆယ် ထောက်ပံ့ရေး စီမံချက်များကို တားဆီး ပိတ်ပင်နေသည့် အတွက် လုပ်ရကိုင်ရ ခက်ခဲကြောင်း ပြောဆိုခဲ့သည်။

"ဒါကြောင့် ကျွန်တော်တို့က လျှို့ဝှက်ပြီး ဆောင်ရွက်နေပါတယ်။ ဥပဒေနဲ့ မညီပေမဲ့ နယ်စပ်ကို တရားမဝင် ဖြတ်ပြီး ကူညီဆောင်ရွက်နေတယ်" ဟု Van Dyke က ဆိုသည်။

Van Dyke သည် University of North Carolina တွင် ၁၂ နှစ်ကြာ ပါမောက္ခ အဖြစ် ဆောင်ရွက်ပြီးနောက် အလုပ်ထွက်ခဲ့ခြင်း ဖြစ်သည်။ အားနည်းသူများကို ကူညီရန် မိမိ၏ ပိုင်ဆိုင်မှုကို စွန့်လွှတ် ပေးဆပ်လိုသူများ ကမ္ဘာပေါ်တွင် ရှိနေသည်ကို သိရှိသည့် အားလျှော်စွာ ၎င်း၏ လုပ်ငန်းနှင့် ပတ်သက်၍ စိတ်တိုင်းကျ လုပ်ဆောင်နိုင်ခြင်း မရှိ သေးသည် ကိုလည်း နားလည် သဘောပေါက်ထားကြောင်း ၎င်းက ပြောကြားသည်။ မြန်မာနိုင်ငံရှိ လူ့အခွင့်အရေး ချိုးဖောက်မှုများကို လေ့လာ သိရှိနိုင်ရန်နှင့် လူသားချင်း စာနာ ထောက်ထားသော ကယ်ဆယ်ရေး လုပ်ငန်းများ ထောက်ပံ့ရန် ရည်ရွယ်၍ ၂၀၀၉ ခုနှစ်တွင် Heroes Serving Humanity ကို Vam Dyke က စတင် ဖွဲ့စည်းခဲ့ခြင်း ဖြစ်သည်။

ဝါရှင်တန် ဒီစီတွင် ဆွေးနွေးပွဲ တစ်ခုကို တက်ရောက်ခဲ့ရသောကြောင့် မြန်မာနိုင်ငံတွင် Van Dyke ၏ လုပ်ဆောင်မှုများကို သိရှိခဲ့ရပြီး Vam Dyke နှင့် တွေ့ဆုံကာ အနီးစပ်ဆုံး သတင်း အချက်အလက်များ ရရှိခဲ့သည်ဟု နိုင်ငံတကာနှင့် နယ်မြေဒေသ လေ့လာရေး အငယ်တန်း ပညာရှင် Melody Hollifield က ပြောကြားသည်။

"တကယ်လို့များ အိုကလာဟိုးမားကို လာဖို့ ဆန္ဒရှိတယ် ဆိုရင် မြန်မာနိုင်ငံ အကြောင်း လာရောက် ဟောပြောပေးဖို့ ကျွန်မတို့က ကမ်းလှမ်းခဲ့တာကို လိုလိုလားလား လက်ခံခဲ့ပါတယ်" ဟု Hollifield က ဆိုသည်။

"Van Dyke ရဲ့ လုပ်ဆောင်ချက်တွေကတော့ အံ့ချီး ဘနန်းပါပဲ" ဟု နိုင်ငံတကာ နယ်မြေဒေသ လေ့လာရေးနှင့် သတ္တဗေဒ ဒုတိယနှစ် ကျောင်းသူ Jessica Disteelhorst က ချီးကျူး ပြောဆိုလိုက်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:916} ရွေးကောက်ပွဲကို အများ လက်ခံနိုင်လိမ့်မည်ဟု အာဆီယံ အတွင်းရေးမှူးချုပ်ပြော

Posted by Transparency Myanmar 2010

comments (0)

The Irrawaddy, By Saw Yan Naing, 24^th February 2010

အရှေ့တောင်အာရှ နိုင်ငံများ အသင်း Asean အနေဖြင့် မြန်မာနိုင်ငံတွင် ၂၀၁၀ ခုနှစ်၌ ကျင်းပမည့် ရွေးကောက်ပွဲသည် အများက လက်ခံနိုင်ပြီး၊ ပွင့်လင်း မြင်သာလိမ့်မည် ဟု မျှော်လင့်ကြောင်း၊ သို့သော် ရွေးကောက်ပွဲတွင် ဝင်ရောက် စွက်ဖက်၍ ရနိုင်မည် မဟုတ်ကြောင်း၊ Asean အထွေထွေ အတွင်းရေးမှူးချုပ် Surin Pitsuwan က ဗုဒ္ဓဟူးနေ့က ပြောကြားလိုက်သည်။

''ဘယ်ရွေးကောက်ပွဲမှ ပြီးပြည့်စုံတယ် ဆိုတာ မရှိပါဘူး။ စလုပ်ဖို့ပဲ လိုတာပါ။ ဒါကြောင့် မြန်မာ အစိုးရက အခုစလုပ်ဖို့ ပြင်နေပါပြီ။ ဒီနှစ်ကုန် ရွေးကောက်ပွဲ လုပ်ဖို့ ကတိပေးထားပါတယ်။ ကျွန်တော်တို့ မျှော်လင့်သလို ဖြစ်လာအောင်၊ သေချာအောင် ကြိုးစားကြရမှာပေါ့။ ရွေးကောက်ပွဲဟာ အားလုံး လက်ခံပြီး၊ ပွင့်ပွင့်လင်းလင်း မြင်သာ ထင်သာ ရှိမှာပါ'' ဟု Surin က BBC ၏ Hard falk အစီအစဉ်၏ အင်တာဗျူးတွင် ပြောကြားခဲ့ခြင်း ဖြစ်သည်။

မြန်မာနိုင်ငံနှင့် ပတ်သက်၍ Asean ၏ အခန်းကဏ္ဍကို မေးမြန်းရာ Surin က အာဆီယံ ၁၀ နိုင်ငံ ပါဝင်သော အဖွဲ့ကြီးက အားလုံး အသိအမှတ်ပြု လက်ခံနိုင်မည့် ရွေး ကောက်ပွဲ ဖြစ်အောင် မြန်မာ အာဏာပိုင်များကို အားပေးလျက် ရှိကြောင်း ပြောကြားခဲ့သည်။ သို့သော် ကမ္ဘာ့နိုင်ငံများ ကမူ မြန်မာအစိုးရကို အမျိုးသား ပြန်လည် ပေါင်းစည်းရေး ကိစ္စအပေါ် မျှော်လင့်နေကြောင်း Surin က ပြောသွားသည်။

''ကျွန်တော်တို့ဟာ သူတို့ရဲ့ ခြေလှမ်းတိုင်းကို သတ်မှတ်ပေးလို့ မရနိုင်ပါဘူး။ အသေးစိတ်လည်း ဝင်ရောက် စွက်ဖက်လို့ မရနိုင်ပါဘူး'' ဟု ၎င်းက ပြောသည်။

၎င်းက ဆက်လက် ပြောကြားရာတွင် မြန်မာနိုင်ငံတွင် ကျင်းပမည့် ရွေးကောက်ပွဲသည် လူအများ မြင်ချင်သလို နိုင်ငံတကာ စံနှင့် အညီ ဖြစ်လာလိမ့်မည် မဟုတ်ကြောင်း၊ အဘယ်ကြောင့် ဆိုသော် စစ်တပ် အုပ်ချုပ်သော သမိုင်းကြောင်း ရှိနေသောကြောင့် ဖြစ်ကြောင်း ပါရှိသည်။

''မြန်မာနိုင်ငံဟာ လူများနှင့်မတူ ခြားနားတဲ့ တိုင်းပြည် ဖြစ်ပါတယ်။ သူများနဲ့ မတူတဲ့ နောက်ခံ သမိုင်းတွေ ရှိပါတယ်။ ဒါပေမဲ့ ရွေးကောက်ပွဲ လုပ်ပေးမယ်လို့ ကတိပြုထားတာဟာ အပေါင်းလက္ခဏာ ဆောင်ပါတယ်'' ဟု Surin က ပြောကြားခဲ့သည်။

Asean သည် မြန်မာနိုင်ငံနှင့် ပွင့်လင်းသော ဆက်ဆံမှုများ ရှိကြောင်း၊ နိုင်ငံရေး ပြောင်းလဲမှုများ၊ အမျိုးသား ပြန်လည် ပေါင်းစည်းရေး အတွက် ကြားဝင် ညှိနှိုင်းပေးရာတွင် ပွင့်လင်းစွာ ပတ်သက်မှုများ ရှိကြောင်း Surin က ဖြေကြားသွားသည်။ မြန်မာနိုင်ငံသည် ၁၉၉၇ ခုနှစ်တွင် Asean အဖွဲ့ဝင်နိုင်ငံ ဖြစ်ခဲ့သည်။

ထောင်ထဲတွင် ရှိနေသော နိုင်ငံရေး သမားများနှင့် အတိုက်အခံ အဖွဲ့များ၏ အခန်းကဏ္ဍအား မေးမြန်းရာ Surin က အမျိုးသား ဒီမိုကရေစီ အဖွဲ့ချုပ်သည် ရွေးကောက်ပွဲ ဝင်ရေး မဝင်ရေး မဆုံးဖြတ်ရသေးကြောင်း ဖြေကြားသွားသည်။

မြန်မာ ဒုက္ခသည်များနှင့် ပတ်သက်၍ ထိုင်းနိုင်ငံ၏ မူဝါဒကို မေးမြန်းရာ ထိုင်းနိုင်ငံခြားရေး ဝန်ကြီးဟောင်း Surin က ထိုင်းနိုင်ငံ အနေဖြင့် မြန်မာ ဒုက္ခသည်များ၏ ပြဿနာကို အချိန်ယူ ကိုင်တွယ်ရမည် ဖြစ်ကြောင်း ပြောကြားလိုက်သည်။ ထိုင်းနိုင်ငံတွင် မြန်မာ ဒုက္ခသည် ၁၄၀၀၀၀ ခန့် နေထိုင်လျက် ရှိသည်။

''ကျွန်တော်တို့မှာလည်း ပြဿနာတွေ ရှိပါတယ်။ ဒီပြဿနာတွေကို ကိုယ့်နည်း ကိုယ့်ဟန်နဲ့ ဖြေရှင်းနေရတာပါပဲ။ ပြီးပြည့်စုံအောင် မဖြေရှင်းနိုင်ပါဘူး။ စိတ်ကျေနပ်မှု ရှိ အောင်လည်း မလုပ်နိုင်သေးပါဘူး။ ဒီပြဿနာကို ဖြေရှင်းဖို့ အချိန်ယူရပါလိမ့်မယ်'' ဟု Surin က ပြောကြားခဲ့သည်။

ယခုအခါ ထိုင်းနိုင်ငံသည် ၎င်းထံသို့ ၂၀၀၄ ဇွန်လက ကရင်များနှင့် မြန်မာစစ်တပ် တို့၏ တိုက်ပွဲကြောင့် ပြေးလာရသော ဒုက္ခသည် ၃၀၀၀ ခန့်အား ပြန်ပို့မှုကြောင့် နိုင်ငံတကာ အသိုင်းအဝိုင်းနှင့် လူ့ အခွင့်အရေး အဖွဲ့များ၏ ဝေဖန်မှုများကို ခံနေရသည်။

ထိုင်း- မြန်မာ နယ်စပ်ရှိ ဒုက္ခသည်များက ၎င်းတို့သည် နေရပ်သို့ မပြန်လိုကြောင်း၊ စစ်ပွဲများကို ကြောက်သောကြောင့် လည်းကောင်း၊ မြေမြှုပ်မိုင်းများ အန္တရာယ်နှင့် မြန်မာ စစ်တပ်၏ အတင်း အဓမ္မ လုပ်အားပေး စေခိုင်းမှုကို ကြောက်သောကြောင့် လည်းကောင်း၊ မပြန်လိုဟု ဆိုကြသည်။ လူ့အခွင့်အရေး အဖွဲ့များ၏ အဆိုအရ ၎င်းတို့၏ ကံကြမ္မာမှာ မသေချာကြောင်း၊ ၎င်းတို့မှာ အချိန်မရွေး ပြန်ပို့ခံရနိုင်ကြောင်း သိရှိရသည်။

{Yangon Chronicle 2010:915} ကွန်မြူနစ် ခြစားမှုအတွက် စည်းကမ်းသစ်များ တရုတ်ထုတ်ပြန်

Posted by Transparency Myanmar 2010

comments (0)

BBC News, By Quentin Sommerville, 24^th February 2010

တရုတ်နိုင်ငံတွင် ကွန်မြူနစ် ပါတီသည် သူ၏ တာဝန်ရှိသူများ ကြားတွင် ကြီးထွားလာသော အကျင့်ပျက် ခြစားမှုများကို ထိန်းချုပ်ရန် ကြိုးစားသော အနေဖြင့် အချက် ၅၂ ချက်ပါ လိုက်နာရမည့် ကျင့်ဝတ် စည်းကမ်းများကို ထုတ်ပြန်ခဲ့သည်။

အဆိုပါ စည်းမျဉ်းတွင် အဖွဲ့ဝင်များအား အခြေပစ္စည်းများအား ဈေးကစား ရောင်းဝယ်မှု မပြုလုပ်ရန်၊ ငွေရသော လုပ်ငန်းအတွက် ဆက်ဆံခြင်းများ မပြုရန်နှင့် အလွန်အကျွံ သုံးစွဲမှုများ မပြုလုပ်ရန် တားမြစ်ထားသည်။

လွန်ခဲ့သော (၁၃) နှစ်က နောက်ဆုံး အထက်ပါ စည်းကမ်းမျိုး ထုတ်ခဲ့ဖူးသည်။

အကျင့်ပျက် ခြစားမှုသည် ပြည်သူများကြားတွင် ရေပန်းစားလာသော အကြောင်းအရာ တစ်ခု ဖြစ်လာသည်။ အာဏာကို အကြောင်းပြု၍ ငွေရှာခြင်းသည် သာမန် တရုတ်နိုင်ငံသားများ ကြားတွင် စိုးရိမ်ဖွယ်ရာ အကောင်းဆုံး ကိစ္စများ စာရင်းတွင် ပါဝင်လာသည်။

ယခု ထုတ်ပြန်လိုက်သော ကျင့်ဝတ်အသစ်များအရ ပါတီ အဖွဲ့ဝင် များသည် ပြည်သူများအတွက် အလုပ်ကို ကြိုးစား လုပ်ကိုင်ရမည် ဖြစ်ပြီး၊ လက်ဆောင်များ လက်ခံခြင်း၊ ၎င်းတို့၏ သြဇာဖြင့် မိသားစု၏ အကျိုးအတွက် လုပ်ဆောင်မှုများကို ရှောင်ရှားရမည်ဟု ဆိုသည်။

ခမ်းခမ်းနားနား မင်္ဂလာဆောင်ခြင်း၊ အသုဘကို ကြီးကြီး ကျယ်ကျယ် ပြုလုပ်ခြင်းနှင့် နိုင်ငံခြားသို့ ခရီးထွက်ခြင်းများကိုလည်း ပိတ်ပင်ထားသည်။

ပါတီ အဖွဲ့ဝင်များသည် အမြတ်ရမည့် လုပ်ငန်းများကိုလည်း မလုပ်ရန် တားမြစ်ထားသည်။

သို့သော် အချို့ ဝါရင့်ပါတီ တာဝန်ခံများသည် အခြေပစ္စည်းများကို ရောင်းဝယ်ကာ ဈေးကစားသည့် အလုပ်ကို လုပ်နေကြပါသည်။ တိုင်းပြည်က ချမ်းသာလာသည်နှင့် အမျှ၊ ပါဝင် ပတ်သက်သည့် ဦးရေ တိုးလာမည် ဖြစ်သည်။

အစိုးရ အဆောက်အဦးများကို ငွေ အမြောက်အမြား သုံး၍ ဆောက်ခြင်း၊ နှင့် ကား အကောင်းစားများ စီးခြင်းကို ခွင့်မပြုပါဟုလည်း ထည့်သွင်းထားသည်။

အချို့နယ်များတွင် ပါတီနှင့် အစိုးရ ဋ္ဌာနချုပ်များသည် ကြယ်ငါးပွင့် ဟိုတယ်ထက်ပင် ကောင်းမွန်နေသည်ကို တွေ့ရသည်။

နောက်ဆုံးပေါ် ဇိမ်ခံကားများဖြင့် အရာရှိများကို ကြိုပို့ လုပ်ငန်းများ လုပ်သည်ကိုလည်း တွေ့ရသည်။

တရုတ်နိုင်ငံ၏ တစ်ပါတီစနစ်သည် တိုင်းပြည်လူထုက စိတ်အနှောင့်အယှက် ဖြစ်နေပြီ ဖြစ်သည့် ကာလရှည် စွဲကပ်နေသော အကျင့်ပျက် ခြစားမှုများကို တိုက်ဖျက်ရန်ရုန်း ကန်လျက် ရှိနေသည်။

{Yangon Chronicle 2010:914} ကလေးစစ်သား စုဆောင်းမှု အရာရှိ သုံးဦး ပြင်းထန်စွာ အရေးယူခံရ

Posted by Transparency Myanmar 2010

comments (0)

DVB news, 24^th February 2010

မြန်မာစစ်တပ်က ကလေးသူငယ် စစ်သားသစ်များ စုဆောင်းနေခြင်းနှင့် ပတ်သက်၍ နိုင်ငံတကာ အလုပ်သမား အဖွဲ့ချုပ် ILO မှ ယခင်က မပြုလုပ်ခဲ့ဖူးသော အပြင်းအထန် ကန့်ကွက်ခြင်းကို ပြုလုပ်ခဲ့ခြင်းကြောင့် တပ်မတော် အရာရှိ ၃ ဦးကို အကျဉ်းချထားကြောင်း သိရှိရသည်။

၁၃ နှစ် အရွယ် ကလေးငယ်ကို စစ်တပ်ထဲ ဝင်ရန် အတင်းအကြပ် သိမ်းသွင်းခဲ့ရာတွင် ပါဝင် ပတ်သက်မှုဖြင့် ၎င်းတို့ ၃ ဦးအား အလုပ်ကြမ်းနှင့် အတူ ထောင်ဒဏ် ၁ နှစ် ၃ လ နှင့် ၁ လ အသီးသီး ကျခံရန် ပြစ်ဒဏ် ချမှတ်ခဲ့သည့် ပါဝင် ပတ်သက်သူ တခြား အဆင့် စစ်သား ၂ ဦးကို ရာထူး လျှော့ ပြစ်ဒဏ် ၁ နှစ် ပေးခဲ့သည်ဟု ဆိုသည်။

ပြည်သူတို့ အပေါ် မတရား ဆက်ဆံမှုများမှာ အလွန်ပင် သိသာထင်ရှား၍ များပြား လာကြောင်း နှင့် ယခု ကိစ္စသည် ILO အဖွဲ့၏ ရည်ရွယ်ချက် အတိုင်း ကလေးသူငယ် စစ်သား စုဆောင်းသူများကို ပထမဆုံး အကြိမ် ပြစ်ဒဏ် ချမှတ်နိုင်ခဲ့ခြင်း ဖြစ်သည် ဟု ရန်ကုန်မှ ILO ဆက်ဆံရေး အရာရှိ Steve Marshall က ပြောကြားခဲ့သည်။

ILO သည် ယခု ပြဿနာကို ကိုင်တွယ်ရန် အတွက် အခွင့် အာဏာ ရှိသော မြန်မာနိုင်ငံရှိ တစ်ခုတည်းသော နိုင်ငံတကာ အဖွဲ့အစည်း ဖြစ်သည်။ ILO ၏ အရေးယူ ကိုင်တွယ်ရေး အစီအစဉ် စတင်ခဲ့သည့် ၂၀၀၇ ဖေဖော်ဝါရီ မှစ၍ အသက် မပြည့်သူ ကလေးများအား စစ်သား အဖြစ် စုဆောင်းမှုကို ကန့်ကွက် တိုင်ကြားစာ စုစုပေါင်း ၁၂၀ ခန့် လက်ခံ ရရှိခဲ့သည်ဟု ILO က ယခင်လတွင် ပြောကြားသည်။

မြန်မာနိုင်ငံသည် ၁၉၉၁ တွင် ကလေးသူငယ် အခွင့်အရေး ဆိုင်ရာ ကုလသမဂ္ဂ ညီလာခံတွင် သဘောတူ လက်မှတ် ရေးထိုးခဲ့သော်လည်း အသက် မပြည့်သေးသူများအား စစ်သား အဖြစ် စုဆောင်းခြင်းကို ဥပဒေမဲ့ ကျူးလွန်လျက် ရှိပြီး တပ်ဖွဲ့ဝင် ၅ သိန်း ရှိသော တပ်မတော်၏ ၂၀ % မှာ အသက် မပြည့်သေးသူများ ဖြစ်ဖွယ် ရှိ၍ ကမ္ဘာပေါ်တွင် ကလေး သူငယ် စစ်သား စုဆောင်း သိမ်းသွင်းသော ဦးဆောင် နိုင်ငံတစ်ခု ဖြစ်နေသည်ဟု ပြည်တွင်း၊ ပြည်ပ လူ့အခွင့်အရေး ဥပဒေ ပညာရှင်များက ပြောကြားသည်။

ယခင်နှစ်က ထုတ်ပြန်သော Watch list on Children and Armed Conflict ၏ အစီရင်ခံစာတွင် မြန်မာ စစ်တပ်ထဲရှိ ကလေးစစ်သား အချို့မှာ ၉ နှစ်ခန့် အထိ ငယ်ရွယ်သည်ဟု စွပ်စွဲထားသည်။

ယခုကဲ့သို့ တပ်မတော် အရာရှိများကို ထောင်ဒဏ် ချမှတ်ခဲ့ခြင်းနှင့် စပ်လျဉ်း၍ Marshall က ပြောကြားရာတွင် "ILO လှုပ်ရှားမှုတွေ အားလုံးရဲ့ ရည်ရွယ်ချက်က ပတ်သက်သူ အားလုံးကို ဖမ်းဆီး ထောင်ချပစ်ဖို့ မဟုတ်ပါဘူး၊ စစ်တပ်ထဲမှာ ကလေးတွေကို အသုံးပြုနေတဲ့ တပ်သားသစ် အဖြစ် စုဆောင်း နေတဲ့ လုပ်ရပ်တွေ ရပ်ဆိုင်းသွားဖို့ပါ" ဟု ရှင်းလင်းစွာ ပြောဆိုခဲ့သည်။

ယခုကဲ့သို့ ကလေးသူငယ် စစ်သား စုဆောင်းမှုများ အဆက်မပြတ် ဖြစ်ပွားနေရခြင်း၏ အဓိက အကြောင်းရင်းမှာ စစ်ဖက် အစိုးရက ၎င်း၏ စစ်တပ်ကို လောဘတကြီး တိုးချဲ့နေခြင်းကြောင့် ဖြစ်ပါသည်။ အစိုးရက ညွှန်ကြားထားသော တပ်သားသစ် အရေအတွက် ပြည့်မီရန် သက်ဆိုင်ရာ အရာရှိများကို အထက်က မကြာခဏ ဖိအား ပေးနေခြင်းပင် ဖြစ်သည်။

ကလေးသူငယ် စစ်သား စုဆောင်းမှုနှင့် မတရား ခိုင်းစေမှု များနှင့် ပတ်သက်သော သတင်းအချက်အလက်များ ပေးပို့ကြရန် နိုင်ငံ တစ်ဝှမ်းလုံးသို့ လက်ကမ်း စာစောင်များ စတင် ဖြန့်ဝေတော့မည်ဟု ILO မှ ပြီးခဲ့သော လက ပြောကြားခဲ့ပြီး အဆိုပါ ပြဿနာများနှင့် ပတ်သက်၍ ပြည်သူလူထုကို ပညာပေးရန် ကြိုးစားခြင်း ဖြစ်သည်ဟု ဆိုပါသည်။ တိုင်းရင်းသား လက်နက်ကိုင် တပ်ဖွဲ့များသည်လည်း ကလေးစစ်သား စုဆောင်းသူများ ဖြစ်သည်ဟု ယုံကြည်ရကြောင်းလည်း သိရှိရပါသည်။

{Yangon Chronicle 2010:913} DKBA က နယ်ခြားစောင့် အသွင်ပြောင်းရေးကို ဆန့်ကျင်ဟုဆို

Posted by Transparency Myanmar 2010

comments (0)

The Irrawaddy, by LAWI WENG, 24^th February 2010

မြန်မာ ဒီမိုကရက်တစ် ကရင် ဗုဒ္ဓဘာသာတပ် (DKBA) သည် ယခင်က ဆုံးဖြတ်ချက် ဖြစ်သော နယ်ခြားစောင့်တပ် (BGF) အသွင်ပြောင်းရန် သဘောတူညီချက်ကို ပြန်လည် ပြင်ဆင်ခဲ့သည်။

ထိုင်း-မြန်မာ နယ်စပ်ရှိ ဘုရားသုံးဆူ စခန်းမှ လာသော သတင်းများက DKBA ခေါင်းဆောင်များက မြန်မာ ကုန်သည်များသို့ ၎င်းတို့၏ သဘောထား ပြောင်းလဲမှုကို ပြောပြခဲ့သည်ဟု ဧရာဝတီသို့ ပြောကြားခဲ့သည်ဟု သိရသည်။

ဘုရားသုံးဆူရှိ DKBA အရာရှိကလည်း ဧရာဝတီ သို့ ပြောကြားရာတွင် ၎င်းတို့၏ အဖွဲ့ဝင် အများစုသည် မြန်မာ အစိုးရ၏ အဆိုပြုချက်ကို သဘောမတူကြကြောင်း ပြောသည်။

DKBA နှင့် အဆက်အသွယ်ရှိသော ကုန်သည်များက ပြောကြားရာတွင် မော်လမြိုင် တောင်ပိုင်းတိုင်း စစ်ဋ္ဌာနချုပ်၏ စကားပြောရန် ကမ်းလှမ်းမှုကို DKBA ခေါင်းဆောင်များက ပယ်ချ ခဲ့သည်ဟု ဆိုသည်။

မြန်မာ အစိုးရသည် DKBA ကို မွန်ပြည်နယ်နှင့် ကရင်ပြည်နယ်ရှိ သူပုန်များကို တိုက်ခိုက်ရာတွင် ကြားခံအဖြစ် အသုံးပြုခဲ့သည်။ ၂၀၀၉ ခုနှစ် ဧပြီလက မြန်မာအစိုးရ၏ နယ်ခြား စောင့်တပ် အသွင်ပြောင်းရန် ကြေညာချက် ထွက်လာပြီး မကြာမီ DKBA က သဘောတူကြောင်း ပြောကြားခဲ့သည်။

သို့သော် ယခုလတွင် DKBA ၏ သြဇာ ရှိနေသော ခေါင်းဆောင် ဘုန်းတော်ကြီး အရှင် သုဇနသည် သူ၏ အတိုက်အခံများအား အစီအစဉ်နှင့် ပတ်သက်၍ လက်မခံကြောင်း ကြေညာခဲ့ရာ၊ DKBA ခေါင်းဆောင် အဖွဲ့ ကလည်း နဂို လက်ခံထားမှုမှ နောက်ပြန် ဆုတ်သွားခဲ့သည်။

''ကျွန်တော်တို့ အစိုးရရဲ့ အစီအစဉ်ကို သဘောမတူပါဘူး။ ဘာလို့လဲ ဆိုတော့ ကျွန်တော်တို့ ဘုန်းကြီးက လက်မခံလို့ပါ '' ဟု DKBA တာဝန်ရှိသူက ပြောခဲ့သည်။

အရှင် သုဇနသည် သက်တော် ၆၈ နှစ် ရှိပြီ ဖြစ်ပြီး၊ ကရင်ပြည်နယ် မြိုင်ကြီးငူ ဒေသတွင် သာသနာပြု လုပ်ငန်းများ လုပ်ကိုင်နေသည်မှာ ကြာပြီ ဖြစ်သည်။

ဆရာတော်သည် ယခု အစောပိုင်းက ၎င်း၏ ကာလရှည် ခံစားနေရသော အဆုတ်ရောဂါ အတွက် ဘန်ကောက်ရှိ ဆေးရုံတစ်ခုတွင် ကုသမှု ခံယူခဲ့ကြောင်း သိရသည်။ မြန်မာ အစိုးရက ရန်ကုန်ရှိ စစ်ဆေးရုံတွင် ကုသရန် လျှောက်ထားခဲ့သော်လည်း ဘန်ကောက်တွင် ကုသရန် ရွေးချယ်ခဲ့ခြင်း ဖြစ်သည်။

DKBA ကို လွန်ခဲ့သော ၁၅ နှစ်က ဖွဲ့စည်းခဲ့ပြီး၊ ၎င်း အဖွဲ့အစည်းက ထိုင်း မြန်မာ နယ်စပ်ရှိ ယခင်က KNU နယ်မြေ အတော်များများကို ချုပ်ကိုင်ထားသည်။ DKBA တွင် အင်အား ၆၀၀၀ ရှိပြီး တပ် အင်အားကို ၉၀၀၀ ထိ တိုးမြှင့်ရန် စီစဉ်လျက် ရှိသည်။ DKBA အနေဖြင့် KNU တပ်များနှင့် ပဋိပက္ခ ဖြစ်ရာတွင် လူ့အခွင့်အရေး ကိစ္စ ချိုးဖောက်မှုများ ရှိကြောင်းနှင့် ထိုင်း -မြန်မာ နယ်စပ်တွင် လူကုန်ကူးမှုများတွင် ပါဝင် ပတ်သက်မှု ရှိကြောင်း စွပ်စွဲခံနေရသည်။

{Yangon Chronicle 2010:912} စစ်သားများ မိုင်းနင်းမိပြီးနောက် မြန်မာနယ်စပ်အနီး မိုင်းရှင်းလင်းရေး ထိုင်းအစွမ်းကုန် ဆောင်ရွက်

Posted by Transparency Myanmar 2010

comments (0)

မြန်မာ နယ်စပ်ဒေသတွင် ထိုင်းစစ်သားများ မြေမြှုပ်မိုင်း နင်းမိ၍ ဒဏ်ရာ ရရှိခဲ့ပြီးနောက် ထိုင်းစစ်တပ်က Tak ပြည်နယ် ဒေသနှင့် ထိုင်း-မြန်မာ နယ်စပ်ရှိ Moei မြစ်ကမ်း တစ်လျှောက်တွင် မိုင်းရှင်းလင်း ရှာဖွေရေး လုပ်ငန်းများကို အစွမ်းကုန် တိုးချဲ့ လုပ်ကိုင်လျက် ရှိကြောင်း သိရသည်။

ထိုင်းစစ်တပ်မှ တပ်သား အချို့သည် မဲဆောက်ခရိုင် Thasailuad ကျေးရွာ အနီးတွင် မှောင်ခို ကုန်သွယ်မှု တိုက်ဖျက်ရေး အစီအစဉ်အရ ကင်းလှည့်စဉ် အတွင်း မိုင်းနင်းမိ ခဲ့ရာ ဒဏ်ရာများ ရရှိခဲ့ခြင်း ဖြစ်သည်။

အဆိုပါ မြေမြှုပ်မိုင်း ပေါက်ကွဲမှုကြောင့် ထိုင်း စစ်တပ်မှ တပ်ကြပ်ကြီး Wutthikorn Khamchum မှာ ညာဘက် ခြေတစ်ဖက် ဖြတ်တောက် ကုသလိုက်ရသည်။ Thawit Leumin နှင့် Thanapat Amthim တို့မှာ ဒဏ်ရာ အနည်းငယ်စီ ရရှိခဲ့ကြသည်။

Tak ပြည်နယ် အုပ်ချုပ်ရေးမှူး Samart Loifa က အဆိုပါ ဒေသတွင် နေထိုင်သော ကျေးရွာသူ ကျေးရွာသားများ အနေဖြင့် သတိကြီးစွာဖြင့် သွားလာကြရန်နှင့် သံသယ ဖြစ်ဖွယ်ရှိသည့် အရာများ တွေ့ရှိပါက အမြန်ဆုံး သတင်းပေးပို့ရန် အသိပေး ပြောဆိုထားကြောင်း ပြောကြားသည်။

အဆိုပါ မြေမြှုပ်မိုင်း ပေါက်ကွဲမှုမှာ ထိုင်းနိုင်ငံမှ မြန်မာနိုင်ငံ အတွင်းသို့ မော်တော်ကားများ၊ မော်တော် ဆိုင်ကယ်များ မှောင်ခို တင်သွင်းမှု ပြုလုပ်နေကျ နေရာတွင် ဖြစ်ပွားခဲ့ခြင်း ဖြစ်သည်။ ထိုင်းအစိုးရ အာဏာပိုင်များ၏ အဆိုအရ ယခု မြေမြှုပ်မိုင်း ထောင်သူများမှာ မှောင်ခိုသမားများ ဖြစ်နိုင်သည်။ ထိုင်းအစိုးရက ပုံစံသစ်ဖြင့် ချမှတ်လိုက်သော စည်းကမ်းချက်များကို မကျေနပ်သောကြောင့် ယခုကဲ့သို့ ပြုလုပ်ခြင်း ဖြစ်နိုင်သည်ဟု ထိုင်း အာဏာပိုင်များက ယုံကြည်လျက် ရှိကြသည်။

ထို့ပြင် ယခု လဆန်းပိုင်းကလည်း ထိုင်း-မြန်မာ နယ်စပ် ဒေသ တစ်လျှောက်တွင် ထိုင်း စစ်သားတစ်ဦးက မြေမြှုပ်မိုင်း တစ်ခုပေါ် တက်နင်းမိခဲ့ရာ ဒဏ်ရာ ပြင်းထန်စွာ ရရှိခဲ့ သေးသည်။

ဖေဖော်ဝါရီလ ၁၉ ရက်နေ့တွင် ထိုင်းတော်ဝင် တပ်မတော်၏ နာရူဆန် တိုက်ခိုက်ရေး တပ်ဖွဲ့မှ ဗိုလ်ချုပ် Sonthisal Wittaya- aneknan က ဒဏ်ရာ ရရှိခဲ့သော ရဲဘော် သုံးဦးကို သွားရောက် ကြည့်ရှုပြီး ပေါက်ကွဲမှု၏ အကြောင်း အရင်းများကိုပါ စတင် စစ်ဆေးခဲ့ကြောင်း သိရသည်။

ပြီးခဲ့သည့် ဖေဖော်ဝါရီလကလည်း ထိုင်း အာဏာပိုင်များက နယ်စပ် ဒေသတွင် နေထိုင်သော ကျေးရွာသူ ကျေးရွာသားများအား မိမိတို့၏ မော်တော်ကား၊ ဆိုင်ကယ်နှင့် ယာဉ်ပစ္စည်းများကို ဂရုတစိုက် စောင့်ရှောက်ကြရန် တိုက်တွန်းခဲ့သည်။ အကြောင်းမှာ ထိုစဉ်က မော်တော်ယာဉ်နှင့် ဆိုင်ကယ် အတော်များများ ခိုးယူခံရသောကြောင့် ဖြစ်သည်။

လစဉ်ပုံမှန် ကျင်းပလေ့ရှိသော သတင်းစာ ရှင်းလင်းပွဲ၌ Tak ပြည်နယ် အုပ်ချုပ်ရေးမှူးက မြဝတီမြို့မှ မြန်မာ အာဏာပိုင်များသည် ယခုအခါ မူရင်း မှတ်ပုံတင် လိုင်စင် မပါရှိသော မော်တော်ယာဉ်များနှင့် ဆိုင်ကယ်များကို မှတ်ပုံတင် ပေးလျက် ရှိသည်ဟု ပြောကြားသည်။

မြန်မာ အစိုးရ၏ အဆိုပါ လုပ်ရပ်ကြောင့် ထိုင်းနိုင်ငံမှ ဒေသခံများအပေါ် ထိခိုက် နစ်နာမှုများ ရှိကြောင်း၊ နောက်ဆက်တွဲ အနေဖြင့် ထိုင်း-မြန်မာ နယ်စပ် ဒေသတွင် နေထိုင်သော ထိုင်းနိုင်ငံသားများ၏ မော်တော်ယာဉ်နှင့် ဆိုင်ကယ်များ ခိုးယူခံရမှုများ တိုးပွားလာကြောင်း ပြောကြားသည်။

Mizzima သတင်းကို ဘာသာ ပြန်ဆိုသည်။

{Yangon Chronicle 2010:911} မြန်မာ ဒုက္ခသည်များကို မလေးရှား အစိုးရ အလုပ်အကိုင် အခွင့်အလမ်းပေးဖွယ်ရှိ

Posted by Transparency Myanmar 2010

comments (0)

တတိယနိုင်ငံ တစ်ခုခုသို့ သွားရောက်ရန် စောင့်ဆိုင်းနေကြရသော မလေးရှား နိုင်ငံရောက် မြန်မာ ဒုက္ခသည် ၈၀၀၀၀ အတွက် အလုပ်အကိုင် အခွင့်အလမ်းများ ပေးရန် မလေးရှား အစိုးရက အလေးအနက် စဉ်းစားလျက် ရှိကြောင်း မလေးရှား ထိပ်တန်း သတင်း အေဂျင်စီ တစ်ခုက သတင်း ပေးပို့သည်။

ကွာလာလမ်ပူ အခြေစိုက် The Star သတင်းစာ အဆိုအရ မလေးရှား အစိုးရသည် မြန်မာ အများစု ပါဝင်သော ဒုက္ခသည် ရှစ်သောင်းခန့်အား အလုပ်လုပ်ကိုင်ခွင့် ပြုရန် အဆိုပြုမှုများ လက်ခံရရှိပြီးနောက် ပြည်ထဲရေး ဝန်ကြီးဌာန နှင့် နိုင်ငံခြားရေး ဝန်ကြီးဌာနတို့က အဆိုပါ ကိစ္စအတွက် ဆွေးနွေးရန် ပြင်ဆင်နေကြကြောင်း သိရသည်။

မလေးရှား ပြည်ထဲရေး ဝန်ကြီး Datuk Seri-muddin Tun Hussein က မလေးရှား၌ ယာယီ ခိုလှုံ နေထိုင်နေသော ဒုက္ခသည်များနှင့် ပတ်သက်၍ "သူတို့ကို အလုပ် ပေးလုပ်ဖို့ အဆိုပြုတဲ့ အကြံက မဆိုးပါဘူး။ ဒါပေမဲ့ ကျွန်တော်တို့ အနေနဲ့ ရှုထောင့် ပေါင်းစုံကနေ ကြည့်ရပါလိမ့်မယ်။ ဆုံးဖြတ်ချက် မချခင် ဂယက်ရိုက် လာနိုင်မယ့် ကိစ္စတွေ အားလုံးကို ကြိုတင် ပြင်ဆင် ထားရပါမယ်။ ပြောရရင် ဒီကိစ္စ အပေါ်မှာ ကျွန်တော်တို့ ဝန်ကြီးဌာန တစ်ခုတည်း ဆုံးဖြတ်ချက် ချလို့ မရပါဘူး၊
နိုင်ငံခြားရေး ဝန်ကြီးဌာနတို့၊ တခြား နိုင်ငံခြား မစ်ရှင်တို့ စတဲ့ အဖွဲ့အစည်းတွေနဲ့ ပူးပေါင်းပြီး ဆွေးနွေးသွားရမှာပါ" ဟု ပြောကြားသည်။

မလေးရှား အလုပ်သမား သမဂ္ဂ ကွန်ဂရက် (MTUC) နှင့် အခြားသော ပါတီများက ပြည်ပမှ အလုပ်သမားများ ထပ်မံ ခေါ်ယူမည့် အစား အဆိုပါ ဒုက္ခသည်များအား အလုပ်အကိုင် အခွင့်အလမ်းများ ပေးရန်၊ အထူးသဖြင့် အလုပ်သမား ပြတ်လပ်နေသော လုပ်ငန်းများတွင် အလုပ်ပေးရန် မလေးရှား အစိုးရအား တိုက်တွန်း ပြောဆို ထားသည်။

The Star သတင်းစာ အဆိုအရ အကယ်၍ မလေးရှား အစိုးရကသာ အဆိုပြုချက်ကို လက်သင့် ခံလိုက်ပါက နိုင်ငံတွင်း ဖြစ်ပေါ်နေသော လုပ်သား အင်အား လိုအပ်မှုကို ဖြေရှင်းပြီးသား ဖြစ်သွားနိုင်ကြောင်း၊ ထိုမျှမကသေးဘဲ မလေးရှား နိုင်ငံကိုလည်း လူသားချင်း စာနာ ထောက်ထားသော နိုင်ငံတစ်ခုအဖြစ် နိုင်ငံတကာ အသိုင်းအဝိုင်းက ရှုမြင်လာမည် ဖြစ်ကြောင်း သိရသည်။

UNHCR မှ ပြောခွင့်ရ ပုဂ္ဂိုလ် Yante Ismail က "မလေး အစိုးရက အခုလို ဒုက္ခသည်တွေရဲ့ ပြဿနာကို ဖြေရှင်းဖို့ အလေးအနက် စဉ်းစားနေတယ်ဆိုတဲ့ သတင်းကို ကြားရတာ UNHCR အနေနဲ့ အလွန်အမင်း ဝမ်းမြောက်ဝမ်းသာ ဖြစ်မိပါတယ်" ဟု ဧရာဝတီ သတင်းဌာနသို့ မလေးရှား နိုင်ငံတွင် ပြောကြားလိုက်သည်။ "ဒါဟာ မလေးရှားနိုင်ငံရဲ့ လုံခြုံရေး၊ စီးပွားရေး နဲ့ လူသားချင်း စာနာ ထောက်ထားရေး စတဲ့ ရေရှည် အကျိုးစီးပွားတွေအတွက် ဖြစ်လိမ့်မယ်လို့ ကျွန်တော်တို့က ယုံကြည်ပါတယ်။ အခုလို ဒုက္ခသည်တွေအတွက် တစ်စုံတစ်ရာ လုပ်ပေးဖို့ စီစဉ်နေတဲ့ မလေးရှား အစိုးရကို ကျွန်တော်တို့ကလည်း အထောက်အပံ့တွေ ပေးသွားမှာပါ" ဟု ၎င်းက ပြောသည်။

မလေးရှား နိုင်ငံရောက် မွန်လူမျိုး ဒုက္ခသည်တစ်ဦး ဖြစ်သူ Oug Kar Mon ဆိုသူက "ဒီမှာ မြန်မာ ဒုက္ခသည်တွေ အတော် များပါတယ်။ သူတို့မှာ အစားအသောက်လည်း ပြည့်ပြည့်စုံစုံ မရှိကြပါဘူး။ အပြင်ကို ထွက်ပြီး အလုပ်လည်း မရှာရဲကြပါဘူး။ မလေး အစိုးရရဲ့ အခု နောက်ဆုံး အစီအစဉ်က မြန်မာ ဒုက္ခသည်တွေအတွက် အတော့်ကို အထောက်အကူ ပြုလိမ့်မယ်လို့ ထင်ပါတယ်" ဟု ပြောကြားသည်။

မလေးရှား သတင်းစာ တစ်စောင် ဖြစ်သော The New Straits Times သတင်းစာက ဖေဖော်ဝါရီလ ၁ ရက်နေ့တွင် ရေးသားသော သတင်းအရ မလေး အစိုးရသည် UNHCR နှင့် ပူးပေါင်းပြီး ဒုက္ခသည်များအတွက် အသိအမှတ်ပြု ကတ်ပြားများ ထုတ်ပေးမည်ဟု ပြည်ထဲရေး ဝန်ကြီးဌာန အထွေထွေ အတွင်းရေးမှူး Datuk Seri Mahmood Adam က ပြောကြားကြောင်း သိရသည်။

အဆိုပါ ကိစ္စနှင့် ပတ်သက်၍ ရခိုင်ပြည်နယ်မှ လာသော ဒုက္ခသည် ကိုခိုင်မျိုးသူက "အခုလို မလေးရှားက ဒုက္ခသည်တွေအတွက် အစိုးရက ကြီးကြီးမားမား လုပ်ပေးတယ် ဆိုတာမျိုးကို အရင်တုန်းက မကြားဖူးခဲ့ပါဘူး" ဟု ပြောသည်။

မည်သို့ပင်ဆိုစေ မလေးရှား ရဲတပ်ဖွဲ့များသည် အသိအမှတ်ပြု ကတ်ပြား ကိုင်ဆောင်ထားသူများ အပါအဝင် မြန်မာ ဒုက္ခသည်ပေါင်း များစွာကို ဖမ်းဆီး ထိန်းသိမ်းလျက် ရှိသည်ဟု လူ့အခွင့်အရေး စောင့်ကြည့် လေ့လာသူများက ဆိုသည်။ အချို့သော ဖြစ်ရပ်များတွင် မလေးရှား ရဲများသည် မြန်မာ ဒုက္ခသည်များကို မဖမ်းဆီးမီ UNHCR ၏ ဒုက္ခသည် ကတ်ပြားများကို ဦးစွာ ဆုတ်ဖြဲပစ်လေ့ ရှိသည်ဟု သိရသည်။

လူ့အခွင့်အရေး အဖွဲ့အစည်းများ အဆိုအရ ဖမ်းဆီး ထိန်းသိမ်းထားသော စခန်းများတွင် ဒုက္ခသည်များသည် အစာရေစာ ကောင်းမွန်စွာ မရခြင်း၊ ကျဉ်းမြောင်းသော နေရာတွင် ကျပ်တည်းစွာ နေထိုင်ရခြင်း စသည်တို့နှင့် ရင်ဆိုင် နေကြရကြောင်း သိရသည်။

ပြီးခဲ့သည့် ဇန်နဝါရီလတွင် မလေးရှား နိုင်ငံ အခြေစိုက် UNHCR ရုံးတွင် ဒုက္ခသည်ပေါင်း ၇၉၃၀၀ တိတိ မှတ်ပုံတင်ခဲ့ကြရာ ၎င်းတို့ အနက်မှ ၉၀ ရာခိုင်နှုန်းသည် မြန်မာနိုင် ငံသားများ ဖြစ်ကြသည်။ အများစုမှာ ချင်းနှင့် ရိုဟင်ဂျာ လူမျိုးများ ဖြစ်ကြသည်။

UNHCR က မိမိတို့ အနေဖြင့် ဒုက္ခသည်များကို တတိယ နိုင်ငံ တစ်ခုခုကို ပို့ပေးနိုင်ရေး၊ သို့တည်း မဟုတ် ၎င်းတို့၏ နိုင်ငံသို့ ပြန်နိုင်ရေးအတွက် ဆက်လက် တွန်းအားပေး ဆောင်ရွက် သွားမည်ဟု ဆိုသည်။

မလေးရှားမှ မြန်မာဒုက္ခသည် အများစုမှာ အမေရိကန် ပြည်ထောင်စု၊ ကနေဒါ၊သြစတြေးလျ၊ ပြင်သစ်၊ နယူးဇီလန်၊ ဆွီဒင်၊ ဖင်လန်၊ ဒိန်းမတ် နှင့် နော်ဝေ အပါအဝင် အခြားသော တတိယ နိုင်ငံများသို့ ပို့လွှတ်ခြင်း ခံခဲ့ရပြီး ဖြစ်သည်။

မလေးရှား နိုင်ငံ အစိုးရသည် ၁၉၇၅ ခုနှစ် မှစ၍ UNHCR နှင့် တွဲဖက်၍ လူသားချင်း စာနာ ထောက်ထားသော လုပ်ငန်းများကို လုပ်ကိုင်လာခဲ့သူ ဖြစ်သည်။

Irrawaddy သတင်းဌာန၏ သတင်းကို ဘာသာ ပြန်ဆိုသည်။

{Yangon Chronicle 2010:910} မြန်မာ မွတ်စလင်များအပေါ် ဖိနှိပ် ဆက်ဆံမှုများကို ကုလသမဂ္ဂ စစ်ဆေး

Posted by Transparency Myanmar 2010

comments (0)

The international, by Larry Jagan, 22^nd February 2010

မြန်မာ အာဏာပိုင်များက မြန်မာ မွတ်စလင်များကို ဖိနှိပ် ချုပ်ချယ်နေခြင်း နှင့် ပတ်သက်၍ အလွန်အမင်း စိုးရိမ်မိကြောင်း ကုလသမဂ္ဂ ကိုယ်စားလှယ်က ထုတ်ဖော် ပြောကြားလိုက်သည်။ "မွတ်စလင်တွေ အပေါ်မှာ မတရားသဖြင့် ခွဲခြား ဆက်ဆံနေတယ်ဆိုတာ သံသယ ရှိစရာ မလိုပါဘူး" ဟု မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူးအရာရှိ Tomas Ojea Quintana က မြန်မာနိုင်ငံ အနောက်ပိုင်း ရိုဟင်ဂျာများ နေထိုင်ရာ ဒေသမှ ပြန်လာပြီးနောက် ပြောကြားခဲ့သည်။

အာဂျင်တီးနား လူမျိုး၊ ယခင် အလုပ်သမား အခွင့်အရေး ရှေ့နေဟောင်း Mr. Quintana သည် ၎င်း၏ ၅ ရက် ခရီးစဉ် အတွင်း၌ ရခိုင်ပြည်နယ် မြို့တော် စစ်တွေနှင့် နိုင်ငံ၏ အနောက်ဖက်စွန်း မြို့လည်း ဖြစ်၍ ရိုဟင်ဂျာ (ခေါ်) မွတ်စလင်များကို ခွဲခြား ဖိနှိပ် ဆက်ဆံနေသည်ဟု စွပ်စွဲချက်များ ဖြစ်ပွားရာ နေရာ ဖြစ်သည့် ဘူးသီးတောင် မြို့နယ်များသို့ သွားရောက်ခဲ့သည်။

ကုလသမဂ္ဂ နှင့် နိုင်ငံတကာ ကယ်ဆယ်ရေး အဖွဲ့အစည်းများက အဆိုပါ ဒေသတွင် စီမံကိန်းများ ဆောင်ရွက် လုပ်ကိုင်နေကြသော်လည်း ကုလသမဂ္ဂ အဆင့်မြင့် ကိုယ်စားလှယ်ကို ထိုဒေသသို့ သွားရောက်ခွင့်ပြုသည်မှာ ပထပဆုံး အကြိမ် ဖြစ်သည်။

"မြန်မာ အာဏာပိုင်တွေနဲ့ ပတ်သက်တဲ့ စွပ်စွဲမှုတွေ အများကြီး ရှိနေပါတယ်။ ဒါကြောင့် အနေအထားကို ပထမ ဦးဆုံး လေ့လာသိရှိနိုင်ဖို့ ကျွန်တော့်အတွက် သိပ်ကို အရေးကြီးပါတယ်" ဟု Mr.Quintana က ဆိုသည်။

ရခိုင်ပြည်နယ် ဘူးသီးတောင်တွင် ရှိနေစဉ် အလွန် အံ့အားသင့်စရာ ကောင်းသော အကျဉ်းထောင်ကိုလည်း သွားရောက် ကြည့်ရှုခဲ့သည်ဟု ၎င်းက သီတင်းပတ်ကုန်တွင် ပြုလုပ်သော အင်တာဗျူး၌ ပြောကြားခဲ့သည်။

"ထောင်ထဲမှာ အမျိုးသမီးတွေနဲ့ပဲ ပြည့်နေတယ်။ တချို့ဆိုရင် နို့စို့ကလေးတွေကို ပြုစုနေတုန်းပဲ။" ဟု ၎င်းက ဆက်လက် ပြောကြားသည်။ အများစုမှာ လူဝင်မှု ဥပဒေ ချိုးဖောက်မှုဖြင့် တရားစွဲခံရသူများ ဖြစ်၍ ထောင်ဒဏ် ၅ နှစ်အထိ ပြစ်ဒဏ် ကျခံနေရသူများ ဖြစ်သည်။ သို့ရာတွင် လူ့အခွင့်အရေး အဖွဲ့များကမူ မွတ်စလင်များ လက်ထပ်ခြင်းကို အစိုးရက တားမြစ်ထားမှုကြောင့် မြေဇာပင် ဖြစ်ရသည့် သားကောင်များသာ ဖြစ်သည်ဟု ယုံကြည်ထားသည်။

"တရားမဝင် လက်ထပ်တာကြောင့် ယောက်ျားတွေလည်း မကြာခဏ ထောင်ကျပါတယ်။ ဒါပေမဲ့ အများစုကတော့ မိန်းမတွေပါ။ လက်ထပ်ဖို့အတွက် ဘင်္ဂလားဒေ့ရှ် ကို သွားပြီး အပြန်မှာ တရားမဝင် နယ်စပ် ဖြတ်ကူးမှုနဲ့ ဖမ်းတာပါ။" ဟု အဆိုပါ ဒေသမှ ရိုဟင်ဂျာများ၏ အနေအထားကို လေ့လာစောင့်ကြည့်နေသော Arakan Project မှ ဒါရိုက်တာ Chris Lewa က ပြောကြားလိုက်သည်။

လက်ထပ် ထိမ်းမြားခြင်းကို တားဆီးထားကြောင်း စွပ်စွဲချက်များနှင့် ပတ်သက်သည့် ကိစ္စကို ကုလသမဂ္ဂ အထူး ကိုယ်စားလှယ်က ဒေသအာဏာပိုင်များ၊ နေပြည်တော်မှ အာဏာပိုင်များနှင့် ဆွေးနွေး မေးမြန်းခဲ့သော်လည်း အဖြေ တစ်ခုတည်းကိုသာ လက်ခံရရှိသည်။

မွတ်စလင်များလည်း လူတိုင်းကဲ့သို့ပင် လက်ထပ်ခွင့် ရှိသော်လည်း မှန်ကန်သော မွေးစာရင်းနှင့် နိုင်ငံသား အသိအမှတ်ပြု စာရွက်စာတမ်းများ ရှိရန် လိုအပ်သည် ဟူ၍ ဖြစ်သည်။

ဤသည်မှာ ပြဿနာ၏ သော့ချက်ပင် ဖြစ်သည်ဟု အဆိုပါ နယ်မြေအကြောင်း သိရှိ၍ အနေအထားကို လေ့လာ စောင့်ကြည့်နေကြသော လူ့အခွင့်အရေး အဖွဲ့များ၊ ကယ်ဆယ်ရေး ဝန်ထမ်းများက ဆိုသည်။

"မြန်မာ မွတ်စလင်တွေဟာ စနစ်တကျ ချုပ်ခြယ် ဖိနှိပ်တာကို ခံနေရသူတွေပါ။ နိုင်ငံသား ဖြစ်ခွင့်ကို တားဆီးထားတယ်။ သူတို့ ပိုင်မြေတွေ အသိမ်းခံရတယ်။ အစိုးရ စီမံကိန်းတွေမှာ အတင်းအကျပ် စေခိုင်းတာ ခံရတယ်။" ဟု Amnesty International မှ ဘန်ကောက် အခြေစိုက် သုတေသန ပညာရှင် Benjamin Zawacki က ပြောကြားလိုက်သည်။

"မြန်မာနိုင်ငံမှာ သူတို့ကို မကြိုဆိုဘူး၊ မလိုချင်ဘူး ဆိုတာကို ရိုဟင်ဂျာတွေ သေချာသိအောင် အစိုးရက ဒီအခြေအနေတွေ၊ ဖြစ်ရပ်တွေကို ဖန်တီးတာပါ။" ဟု ၎င်းက ဆက်လက် ပြောသည်။

ကုလသမဂ္ဂ၏ အဆိုအရ ဖိနှိပ်မှုများမှ လွတ်မြောက်ရေးအတွက် မြစ်ကို ဖြတ်ကူးကာ အိမ်နီးချင်း ဘင်္ဂလားဒေ့ရှ် နိုင်ငံရှိ ဒုက္ခသည် စခန်းများသို့ ထွက်ပြေးသွားသောရိုဟင်ဂျာ ၃ သိန်းကျော် ရှိသည်ဟု သိရသည်။ ရိုဟင်ဂျာ ၇ သိန်းကျော်ခန့်မှာ မြန်မာနိုင်ငံတွင် နေထိုင်နေဆဲ ဖြစ်သည်။

မတရား စေခိုင်းမှုများ၊ ခြိမ်းခြောက် အနိုင်ကျင့်မှုများ၊ လယ်မြေ သိမ်းယူမှုများ၊ ခရီးသွားခြင်းကို ကန့်သတ်မှုများ၊ လက်ထပ်ခြင်းကို တားမြစ်မှုများနှင့် ကလေး သူငယ်များ တရားဝင် မှတ်ပုံတင်ခွင့် မရခြင်း စသည့် နာတာရှည် ဇာတ်လမ်းများကြောင့် Mr.Quintana က ၎င်း၏ ခရီးစဉ်တွင် ရခိုင်သို့ သွားရောက်ရန် ၎င်း၏ တောင်းဆိုမှုကို အစိုးရက တားမြစ်ခဲ့ခြင်း ဖြစ်သည်။

ရိုဟင်ဂျာများ လက်ထပ်ခွင့်ကို အစိုးရ အာဏာပိုင်များက ငြင်းဆန်မှုကြောင့် အများစုမှာ မွတ်စလင် ထုံးစံအတိုင်း အခမ်းအနားပြုလုပ်ပြီး အတူ နေထိုင်ကြသည်။ အဆိုပါ စုံတွဲများမှ မွေးဖွားလာသော ကလေးများမှာ မှတ်ပုံတင်ခွင့်၊ နိုင်ငံသား ဖြစ်ခွင့် မရကြပါ။ သက်သေခံ ဘာမျှ မရှိသည့် လူများ ဖြစ်အောင် ပြုလုပ်ထားခြင်းပင် ဖြစ်သည်။

Mr.Quintana သည် အဆိုပါ နိုင်ငံမဲ့ ကလေးများ၏ ကိစ္စကို နိုဝင်ဘာလက နောက်ဆုံး တင်သွင်းသော အစီရင်ခံစာတွင် ကုလသမဂ္ဂထံ တင်ပြခဲ့ပြီး ယခု ခရီးစဉ်တွင်လည်း အစိုးရ၏ ကိုယ်စားလှယ်များကို ထပ်မံ ဖိအားပေးခဲ့သော်လည်း ရလဒ် အနည်းငယ်မျှသာ ထွက်ပေါ်ခဲ့သည်။

"မှတ်ပုံတင်ခွင့် မရတဲ့ ကလေးတွေရဲ့ ကိစ္စက အရေအတွက် များလာတာနဲ့အမျှ ပြဿနာ ကြီးလာလိမ့်မယ်။" ဟု Mr. Lewa က ပြောသည်။ "ဒီကလေးတွေရဲ့ အနာဂတ်က ဘယ်မှာလဲ။ မှတ်ပုံတင် မရှိတော့ ခရီးသွားခွင့်၊ လက်ထပ်ခွင့် စတာတွေလည်း ရနိုင်မှာ မဟုတ်တော့ဘူး။ သူတို့ အားလုံး ဒုက္ခသည် အဆင့်ကို ရောက်လာလိမ့်မယ်။" ဟု ၎င်းက ဆိုသည်။

Mr.Quintana ၏ ရခိုင် ခရီးစဉ်သည် မြန်မာအစိုးရ၏ သိသိသာသာ လိုက်လျောမှု တစ်ခု ဖြစ်သည်။ "ကျွန်တော် ရခိုင်ကို မသွားခင် သတင်းရပ်ကွက် ပေါင်းစုံကနေ လွတ်လပ် ပွင့်လင်းတဲ့ သတင်းအချက်အလက်တွေ အများကြီး လက်ခံ ရရှိခဲ့ပါတယ်။ လက်ခံ ယုံကြည်နိုင်တဲ့ သတင်းတွေလည်း ဖြစ်ပါတယ်။" ဟု Mr. Quintana က ပြောခဲ့သည်။

အစီရင်ခံစာများတွင် တိုင်ကြားထားချက် အားလုံးကို သေချာစွာ စစ်ဆေးပေးရန် အချိန်မရခဲ့ပါ။ သို့ရာတွင် မြင်တွေ့ခဲ့ရသော အတိုင်းအတာအရ တိုင်ကြားချက်များသည် အနီးစပ်ဆုံး မှန်ကန်သည်ဟု ယုံကြည်ပါသည်။ ရခိုင် ခရီးစဉ်ကို သွားရောက်ခဲ့ခြင်းဖြင့် မြန်မာ မွတ်စလင်များ၏ အခက်အခဲများကို ကမ္ဘာက သိရှိအောင် ကူညီနိုင်လိမ့်မည်ဟု မျှော်လင့်ပါကြောင်း ၎င်းက ဆက်လက် ပြောကြားခဲ့သည်။

အားလုံး ခြုံကြည့်ပါက ကုလသမဂ္ဂ ကိုယ်စားလှယ်သည် ၎င်း၏ ခရီးစဉ်နှင့် ပတ်သက်၍ ကျေနပ်ခဲ့ပုံ မရပါ။ "နိုင်ငံရေး အကျဉ်းသား ၂ဝဝဝ ကျော်ကို အစိုးရက မကြာခင် အချိန်အတွင်း လွှတ်ပေးဦးမှာ မဟုတ်ပါဘူး။ သူတို့ရဲ့ အကျဉ်းထောင်ထဲမှာ မတရား ဖမ်းဆီးထားတဲ့ အကျဉ်းသားတွေ မရှိဘူးလို့ အစိုးရက မျက်စိမှိတ် ငြင်းနေတုန်းပါပဲ" ဟု ၎င်းက ပြောသည်။

အကယ်၍ ရွေးကောက်ပွဲ လုပ်ငန်းစဉ်ကို လက်ခံ ယုံကြည်စေလိုပါက ယခုနှစ် စီစဉ်ထားသော ရွေးကောက်ပွဲများ မတိုင်မီ နိုင်ငံရေး အကျဉ်းသား အားလုံးကို အစိုးရက လွှတ်ပေးစေရန် Mr.Quintana က လိုလားလျက် ရှိသည်။

"သူတို့တွေ (နိုင်ငံရေး အကျဉ်းသားများ) ဟာ ရွေးကောက်ပွဲမှာ ပါဝင်နိုင်မယ့် ပညာတတ်တွေ၊ စွမ်းရည် ရှိသူတွေ ဖြစ်ပြီး လေးစားလောက်တဲ့ ရွေးကောက်ပွဲ လုပ်ငန်းစဉ် တစ်ခု ဖြစ်အောင် ကူညီ ကြလိမ့်မယ်လို့ အာဏာပိုင်တွေကို ကျွန်တော် ပြောခဲ့တယ်" ဟု ၎င်းက ပြောကြားခဲ့သည်။

Mr.Quintana က မြန်မာနိုင်ငံသည် အချိန်တိုတို အတွင်း ပြောင်းလဲသွားလိမ့်မည်ဟု မျှော်လင့်ချက် ကြီးကြီး မထားခဲ့ပါ။

ရွေးကောက်ပွဲအတွက် ပြင်ဆင်နေမှုများ အပြည့်အဝ ဆောင်ရွက်ပြီးစီးနေသည့် အထောက်အထားများ ရှိနေသည့်တိုင်အောင် မြန်မာအာဏာပိုင်များက ရွေးကောက်ပွဲနှင့် ပတ်သက်၍ အသေးစိတ် ဆွေးနွေး ပြောဆိုလိမ့်မည် မဟုတ်ပါ။ ရွေးကောက်ပွဲကို ကြီးကြပ်မည့်သူ အားလုံးက ရွေးကောက်ပွဲ လုပ်ငန်းစဉ်ကို ပြင်ဆင် ဆောင်ရွက်နေဆဲ ဖြစ်ကြောင်းနှင့် ရွေးကောက်ပွဲ ဥပဒေ အချိန်မီ ပြီးစီးပါလိမ့်မည်ဟုသာ ပြောကြားလိမ့်မည် ဖြစ်သည်။

Transparency Myanmar

transparency.myanmar@gmail.com

Welcome

Blog Archive

Labels

{Yangon Chronicle 2010:917} မြန်မာရှိ အစုလိုက်အပြုံလိုက် သတ်ဖြတ်မှုများ ကိစ္စ နိုင်ငံတကာ လူသားချင်း စာနာရေး ပညာရှင် ပြောကြား

{Yangon Chronicle 2010:916} ရွေးကောက်ပွဲကို အများ လက်ခံနိုင်လိမ့်မည်ဟု အာဆီယံ အတွင်းရေးမှူးချုပ်ပြော

{Yangon Chronicle 2010:915} ကွန်မြူနစ် ခြစားမှုအတွက် စည်းကမ်းသစ်များ တရုတ်ထုတ်ပြန်

{Yangon Chronicle 2010:914} ကလေးစစ်သား စုဆောင်းမှု အရာရှိ သုံးဦး ပြင်းထန်စွာ အရေးယူခံရ

{Yangon Chronicle 2010:913} DKBA က နယ်ခြားစောင့် အသွင်ပြောင်းရေးကို ဆန့်ကျင်ဟုဆို

{Yangon Chronicle 2010:911} မြန်မာ ဒုက္ခသည်များကို မလေးရှား အစိုးရ အလုပ်အကိုင် အခွင့်အလမ်းပေးဖွယ်ရှိ

{Yangon Chronicle 2010:910} မြန်မာ မွတ်စလင်များအပေါ် ဖိနှိပ် ဆက်ဆံမှုများကို ကုလသမဂ္ဂ စစ်ဆေး

transparency.myanmar@gmail.com

Subscribe To

Welcome

Blog Archive

Labels