Transparency Myanmar

transparency.myanmar@gmail.com

IPS / Terra Viva, 8th March 2010

မြန်မာနိုင်ငံ မြောက်ပိုင်း ကချင်ပြည်နယ်မှ ချမ်းချမ်းက မြန်မာစစ်သား ၇ ယောက်သည် သူမနှင့် သူငယ်ချင်း ၃ ဦးတို့အား တိုက်ခိုက်ခဲ့သည်ဟု ထုတ်ဖော် ပြောကြားလိုက်သည်။

ကျောင်းသွား၍ တောင်ယာ အလုပ် ကူလုပ်ရမည့် အရွယ်ဖြစ်သော သူမ၏ ဘဝမှာ ယခုမူ အညွှန့်ကျိုးသွားခဲ့ပြီ ဖြစ်သည်။

''ကျွန်မတို့ရှိတဲ့ ကာရာအိုကေ ဆိုင်ထဲကို မြန်မာစစ်တပ်က ဗိုလ်မှူးရယ်၊ ဗိုလ်ကြီးရယ်၊ စစ်သားတွေရယ် မပြောမဆို ရောက်လာပြီး သူတို့နဲ့ လိုက်ခဲ့ဖို့ ကျွန်မတို့ကို အတင်းခေါ်သွားပါတယ်။ ပြီးတော့ ဆိုင်ကနေ မိနစ် နှစ်ဆယ်လောက် သွားရတဲ့ စခန်းကို ခေါ်သွားတာပါ'' ဟု သူမက ပြန်ပြောပြသည်။ အဆိုပါ စစ်သားများ ကာရာအိုကေဆိုင်သို့ ရောက်လာချိန်က စစ်ဝတ်စုံ ဝတ်ဆင်ထားသည်ကို မြင်တွေ့ မှတ်မိခဲ့သည်ဟုလည်း ဆိုသည်။

"သူတို့နဲ့ အတူ လက်နက်တွေလည်း ပါလာတယ်။ စခန်းကို ရောက်တော့ ကျွန်မတို့ ၄ ယောက်ကို အခန်းတစ်ခုထဲ ထည့်ထားတယ်၊ နောက်တော့ တစ်ခန်းစီ ခွဲပြီး သော့ပိတ်ထားတယ်။ ကျွန်မတို့ ၄ ယောက်ကို အတူတူ ပေါင်းပြီး တစ်ခန်းထဲထားဖို့ တောင်းပန်ပေမဲ့ သူတို့က ဆဲဆိုပြီး ခြိမ်းခြောက်ကြတယ်'' ဟုလည်း သူမက ရှင်းပြသည်။

စစ်သားများက ခြိမ်းခြောက်၍ မတရား ဆက်ဆံကြပုံများကို ယခင် အပတ်က ကျင်းပသည့် ကုလသမဂ္ဂ အမျိုးသမီးများ ညီလာခံတွင် ချမ်းချမ်းက တည်ငြိမ်သော လေသံဖြင့် ပြောပြသွားသည်။ ''ကျွန်မတို့ တစ်ညလုံး အဓမ္မကျင့်ခံရပါတယ်။ အရမ်းလည်း မှောင်နေတော့ သူတို့ ဘယ်နှစ်ယောက်လည်း ဆိုတာ အတိအကျသိဖို့ မလွယ်ပါဘူး။ ၇ ယောက် လောက်တော့ ရှိမယ် ထင်ပါတယ်'' ဟု သူမက ပြောကြားခဲ့သည်။

''ဒီအကြောင်းတွေကို အပြင်မှာ ပြန်ပြောရင် ကျွန်မနဲ့ ကျွန်မမိသားစုတွေ ဒုက္ခရောက်သွားမယ်လို့ သူတို့က ခြိမ်းခြောက်ကြပါတယ်။ ကျွန်မ ငိုရုံ အပြင် ဘာမှ မတတ်နိုင်ခဲ့ပါဘူး'' ဟုလည်း သူမက ပြောသည်။

အမှတ် ၁၃၈ ခြေလျင် တပ်ရင်းမှ အရာရှိ နှင့် စစ်သားများက အသက် ၁၈ နှစ်အောက် မိန်းကလေး ၄ ယောက်ကို အဓမ္မပြုကျင့်ခဲ့သည့် အကြောင်းကို BBC မြန်မာပိုင်း အစီအစဉ်မှ ထုတ်လွှင့်ခဲ့ပြီး နောက်တွင် မြန်မာနိုင်ငံ အမျိုးသမီး ရေးရာ ကော်မတီက ရောက်လာပြီး မိန်းကလေးများကို ခေါ်ဆောင်သွားသည်။ ထို့နောက်တွင် သူမတို့အား ပြည့်တန်ဆာ ဥပဒေဖြင့် တရားစွဲကာ ထောင်ဒဏ် ၁ နှစ်စီ အပြစ်ပေးခဲ့သည်။ စစ်သားများမှာမူ အရေးယူခြင်း မခံရပါ။

မြန်မာနိုင်ငံတွင် အရေအတွက် ထောင်နှင့်ချီသော အမျိုးသမီးများသည် အုပ်ချုပ်သူ စစ်ဖက် အစိုးရ၏ လက်တွင် ဒုက္ခများနှင့် ရင်ဆိုင်နေရသည်ဟု ကြားသိရပါသည်။ အဓမ္မပြုကျင့်ခံရခြင်း၊ လိင်ပိုင်းဆိုင်ရာ အကြမ်းဖက်ခြင်း၊ အဓမ္မ ခိုင်းစေခံရခြင်း၊ ညှင်းပမ်း နှိပ်စက်ခံရခြင်း၊ မတရား ဖမ်းဆီးထောင်ချခံရခြင်း၊ အဓမ္မ နေရာရွှေ့ပြောင်း ခိုင်းခြင်း စသည်တို့မှာ အမျိုးသမီးများ ပုံမှန် ရင်ဆိုင်နေရသော ဒုက္ခများ ဖြစ်သည်။

မြန်မာ အမျိုးသမီးများအပေါ် ကျူးလွန်သော ရာဇဝတ်မှုများကို စစ်ဆေးတော့မည့် နိုင်ငံတကာ အထူး ခုံရုံး ရှေ့တွင် ၎င်းတို့ ကြုံတွေ့ခဲ့ရသော အမှုတွဲ ဇာတ်လမ်းများကို တင်ပြရန်အတွက် မတ်လ ၁ ရက်မှ ၁၂ ရက် အထိ ပြုလုပ်သော အမျိုးသမီး ဥပဒေ ဆိုင်ရာ ကော်မရှင်သို့ ရောက်ရှိလာမည့် သတ္တိခဲ အမျိုးသမီး ၁၂ ဦးတွင် ချမ်းချမ်းလည်း တစ်ဦး အပါအဝင် ဖြစ်သည်။

အမျိုးသမီး သက်သေ ၁၂ ဦးကို နယူးယောက်သို့ ခေါ်ဆောင်လာခဲ့သည့် Nobel Women's Initiative နှင့် Women League of Burma အဖွဲ့များ၏ အဆိုအရ ယခု အများပြည်သူ ခုံရုံး စစ်ဆေးမှုကြောင့် မြန်မာ အမျိုးသမီးတို့၏ ခက်ခဲသော အနေအထားကို နိုင်ငံတကာက ပိုမို သိရှိလာကြမည် ဟု သိရသည်။ ဒီမိုကရေစီ တည်ဆောက်သူများ ဖြစ်သော မြန်မာ အမျိုးသမီးတို့၏ အားအင်ကို ကမ္ဘာက မြင်တွေ့ခွင့်ရလိမ့်မည် ဖြစ်သည်။ အမှန်တကယ် အပြောင်းအလဲများကို လုပ်ဆောင်နိုင်လိမ့်မည် ဟူသော ယုံကြည်ချက်ဖြင့် သက်သေ ထွက်ဆိုကြခြင်း ဖြစ်သည်ဟုလည်း ၎င်းတို့က ပြောကြားသည်။

အသက် (၂၂) ရှိ ရုသာကို စစ်သားများ ခေါ်ဆောင်သွားစဉ်က သူမတွင် ကိုယ်ဝန် ၅ လ ရှိနေပြီး သူမ အပါအဝင် ပြင်ဦးလွင်မှ မိန်းကလေးများကို စစ်သားများက ဖမ်းဆီး ခေါ်ဆောင်သွားခြင်း ဖြစ်သည်။ ''ညအချိန် ရောက်တော့ စစ်သား တစ်ယောက်က အခန်းထဲ ခေါ်သွားပါတယ်။ ကျွန်မမှာ ကိုယ်ဝန်ရှိနေလို့ ဘာမှ မလုပ်ဖို့ တောင်းပန်ပေမဲ့ နားမထောင်ပါဘူး'' ဟု သူမက ပြောသည်။

"ကျွန်မက ဒူးထောက်ပြီး တောင်းပန်တာကို အဲဒီ စစ်သားက တွန်းပစ်ပြီး ပါးရိုက်တယ်။ ကျွန်မ အရမ်းကြောက်လာပြီး အော်မိတာပေါ့၊ ဒီတော့ သူက မင်း ဆက်အော်နေရင် မင်းဗိုက်ထဲက ကလေးကို ဖောက်ပစ်မယ်လို့ ခြိမ်းခြောက်ပြန်ပါတယ်၊ ကျွန်မကလည်း အော်တာပဲ၊ သူက မျက်နှာကို ဖြတ်ရိုက်ပစ်လိုက်တယ်" ဟု ရုသာက ပြောပြသည်။

"ကျွန်မ ဆက်အော်နေရင် ဓားနဲ့ထိုးမယ်လို့ သူက ပြောတယ်၊ ကျွန်မ အတွက် ရွေးစရာ မရှိတော့ပါဘူး။ သူ မုဒိန်းကျင့်တာကို အားမတန်တော့ မာန်လျှော့လိုက်ရပါတယ်။ တစ်ချိန်လုံး ငိုနေမိတာပါပဲ။ ပြီးရင်တော့ နားရလိမ့်မယ်လို့ ထင်တာပေါ့၊ မဟုတ်ဘူးရှင်၊ နောက်တစ်ယောက် ဝင်လာပြန်တယ်၊ သူတို့ကိုလည်း ကျွန်မ တောင်းပန်ပေမဲ့ မရပါဘူး၊ တစ်ယောက်ပြီး တစ်ယောက်ပေါ့" ဟု သူမက ရှင်းပြသည်။

ကုလသမဂ္ဂသို့ လာရောက် ထွက်ဆိုရခြင်း၏ အကြောင်းရင်းကို ရုသာက ရှင်းပြရာတွင် ''ကျွန်မ ကြုံခဲ့ရတဲ့ အဖြစ်မျိုး တခြား မိန်းကလေးတွေ မကြုံရအောင် ကာကွယ်ပေးရာမှာ အကူအညီ ဖြစ်လိမ့်မယ်လို့ ယုံကြည်ပါတယ်၊ သူတို့လည်း ကျွန်မလိုပဲ လုံခြုံ စိတ်ချရတဲ့ နေရာတစ်ခုကို မျှော်လင့်နေကြမှာပါ'' ဟု ပြောဆိုခဲ့သည်။

"မြန်မာနိုင်ငံက အထီးကျန် နိုင်ငံတစ်ခု ဖြစ်သလို လူတွေကလည်း ပါးစပ်ပိတ်နေကြရတယ်"ဟု Women's League of Burma မှ အထွေထွေ အတွင်းရေးမှူး လွယ်အေးနန်းက ပြောကြားလိုက်သည်။ ''ဒီလို သတင်းမျိုးက ကမ္ဘာသိအောင် ထွက်မလာတတ်ပါဘူး၊ ဒါကြောင့် အခု သတင်း အချက်အလက်တွေ၊ အနေအထားတွေကို ကမ္ဘာက သိဖို့ သိပ်ကို အရေးကြီးပါတယ်၊ ဒါမှသာ မြန်မာ အစိုးရကို အရေးယူ ဆောင်ရွက်နိုင်ပါမှာ'' ဟု သူမက ရှင်းလင်း ပြောကြားသည်။

'နန်း' က ဆက်လက် ပြောကြားရာတွင် "ဒီအမျိုးသမီးတွေဟာ သူတို့ကို အကူအညီ ပေးရမယ့် သူတို့ရဲ့ အစိုးရ ကိုယ်တိုင် ၊ သူတို့ရဲ့ တပ်မတော် ကိုယ်တိုင်က သူတို့ကို လိင်မှု အကြမ်းဖက်တာကို ခံနေရသူတွေပါ၊ တစ်ခု တည်းသော လုပ်စရာကတော့ စစ်အစိုးရကို ဖိအားပေးဖို့ပါပဲ၊ ဒီရာဇဝတ်မှုတွေ အားလုံး အတွက် တာဝန်ရှိတဲ့ မြန်မာ အစိုးရကို ကိုင်တွယ်ရပါလိမ့်မယ်" ဟု ဆိုသည်။

ယနေ့ သက်သေ ထွက်ဆိုသော အမျိုးသမီးများမှာ မြန်မာပြည်တွင် ကျန်ခဲ့သော မိသားစုများ အတွက် စိတ်ပူနေပုံ ရသည်။ ''မိန်းမတွေ ပါးစပ် ပိတ်ထားရမယ် ဆိုတဲ့ နေရာမျိုးမှာ သူတို့ ရှင်သန် နေရတာပါ။ မုဒိန်းမှု တစ်ခု ဖြစ်လာရင် မိန်းမတွေကိုပဲ ဝိုင်းပြီး အပြစ်တင်ကြတာပါ။ ထုတ်ပြောမယ် ဆိုရင်လည်း သူတို့ ဘဝအတွက် အန္တရာယ်ကြီးတယ်လေ'' ဟု 'နန်း'  က အလေးအနက် ပြောဆိုသည်။ သို့သော်လည်း ထုတ်ဖော် ပြောဆိုခြင်းသည်သာ အသံတိတ် နှိပ်စက်ခံနေရမှုများမှ လွတ်မြောက်နိုင်မည့် တစ်ခုတည်းသော နည်းလမ်း ဖြစ်နေသည်။

(သက်သေများ၏ ကိုယ်ရေး အချက်အလက်များကို ကာကွယ်ရန် နာမည်များကို ပြောင်းလဲထားသည်။)

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာနိုင်ငံမှ ကွန်ပျူတာ ဆော့ဖ်ဝဲ ကုမ္ပဏီများသည် အစိုးရ ဝန်ကြီးဌာနများတွင် e-government စနစ်ကျင့်သုံးရန် စတင် မိတ်ဆက်ပေးနေပြီ ဖြစ်ကြောင်း၊ ဝန်ကြီး ဌာနပေါင်း ၃၂ ခု ရှိသည့်အနက် ၉ ခုတွင် အဆိုပါစနစ်ကို စတင်အသုံးပြုနေပြီ ဖြစ်ကြောင်း မြန်မာနိုင်ငံ ကွန်ပျူတာအသင်း (MCA) မှ သတင်းရင်းမြစ်များက ဆိုသည်။

e-government စနစ် စတင် ကျင်သုံးနေပြီ ဖြစ်သော ဝန်ကြီးဌာန ၉ ခုမှာ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ လယ်ယာ စိုက်ပျိုးရေး ဝန်ကြီးဌာန၊ အလုပ်သမား ဝန်ကြီးဌာန၊ ပြည်ထဲရေး ဝန်ကြီးဌာန၊ ပို့ဆောင်ရေး ဝန်ကြီးဌာန၊ လျှပ်စစ်စွမ်းအား ဝန်ကြီးဌာန၊ ဆက်သွယ်ရေး စာတိုက်နှင့် ကြေးနန်း ဝန်ကြီးဌာနတို့ ဖြစ်ကြသည်။

အဆိုပါ ဝန်ကြီးဌာနများတွင် အသုံးပြုနေသော ဆော့ဖ်ဝဲများမှာ Internal Information System ၊ Employee Bio Data Information System၊ Document Exchange and Management System၊ Industry Reporting System နှင့် Tender Reporting System တို့ ဖြစ်ကြောင်း MCA က ဆိုသည်။

တစ်ချိန်တည်းမှာပင် ဘဏ်လုပ်ငန်း အခန်းကဏ္ဍများတွင်လည်း Banking Network System များကို စတင် အသုံးပြုနေပြီ ဖြစ်သည်။ ဘဏ်စုစုပေါင်း ၆ ခုတွင် ငွေကြေး လွှဲပြောင်းမှုများနှင့် ကုန်သည်ကြီးများ ငွေပေးချေမှုများ ပြုလုပ်ရာတွင် လွယ်ကူ ချောမွေ့စေရန် တပ်ဆင် အသုံးပြုခြင်း ဖြစ်ကြောင်း၊ အစိုးရဘဏ်များနှင့် ပုဂ္ဂလိကဘဏ်များလည်း လုပ်ငန်းချင်း ချိတ်ဆက် လုပ်ကိုင်နိုင်ရန် ဖြစ်ကြောင်း MCA က ဆိုသည်။

Banking Network System စတင် အသုံးပြုနေသော ဘဏ်များမှာ ရိုးမဘဏ်၊ မြန်မာနိုင်ငံသားများဘဏ်၊ ထွန်းဖောင်ဒေးရှင်းဘဏ်၊ မြန်မာ့နိုင်ငံခြား ကုန်သွယ်မှုဘဏ်၊ မြဝတီဘဏ် နှင့် မြန်မာစက်မှု ဖွံ့ဖြိုးရေးဘဏ်တို့ ဖြစ်ကြသည်။ အဆိုပါဘဏ်များအတွက် ပုဂ္ဂလိက နည်းပညာ ကုမ္ပဏီများ ဖြစ်သော MIT နှင့် Global Net တို့က တာဝန်ယူ ဆောင်ရွက်ခဲ့ခြင်း ဖြစ်သည်။

မြန်မာနိုင်ငံတွင် အီလက်ထရွန်းနစ် ငွေပေးချေစနစ် (e-payment) စနစ်ကို အပြည့်အဝ အသုံးပြုနိုင်ခြင်း မရှိသေးသော်လည်း e-government စနစ်နှင့် mobile –(m-) commerce စနစ်များကို စတင် အသုံးပြုနိုင်မည့် အနေအထားတွင် ရှိကြောင်း နည်းပညာ ကျွမ်းကျင်သူများက သုံးသပ် ပြောကြားသည်။

Xinhua သတင်းဌာန သတင်းကိုဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

နိုင်ငံတွင်း ဆန်ဝယ်လိုအားများ မြင့်တက်လာသောကြောင့် ဘင်္ဂလားဒေ့ရ်ှနိုင်ငံက မြန်မာနိုင်ငံ မှ ဆန်တန်ချိန် ၂၅၀၀၀ ဝယ်ယူ တင်သွင်းမည် ဖြစ်ကြောင်း ဘင်္ဂလားဒေ့ရှ် အာဏာပိုင်များထံမှ စုံစမ်း သိရှိရသည်။

မြို့တော် ဒါကာတွင် ဘင်္ဂလားဒေ့ရှ် ပြည်သူများ ဆန်ဝယ်ယူမှုအပေါ် ပြုလုပ်သော ဆွေးနွေးပွဲ၌ မြန်မာနိုင်ငံမှ ယင်းသို့ ဆန်ဝယ်ယူရန် ဆုံးဖြတ်ခဲ့ကြခြင်း ဖြစ်သည်။ အဆိုပါ ဆွေးနွေးပွဲသို့ ဘင်္ဂလားဒေ့ရှ် ဘဏ္ဍာရေးဝန်ကြီး AMA Muhith က ဥက္ကဋ္ဌအဖြစ် ပါဝင်ခဲ့သည်။

စင်ကာပူ အခြေစိုက် Indo-Sino Trade Limited က မြန်မာနိုင်ငံမှ ဆန်များကို တစ်တန်လျှင် အမေရိကန် ၃၉၅ ဒေါ်လာဖြင့် တင်ပို့ ရောင်းချရန် စာချုပ် ချုပ်ဆိုထားပြီး ဖြစ်သည်။ ဘင်္ဂလားဒေ့ရှ် အစိုးရသည် ဈေးကွက်အတွင်း ဝယ်လိုအား မြင့်တက်လာမှုအတွက် လုံလောက်သော ဆန်ပမာဏ ရရှိထားရန် ဆန္ဒရှိကြောင်း စားနပ်ရိက္ခာဆိုင်ရာ ဝန်ကြီး Abdur Razzak က အစည်းအဝေးတွင် သတင်းထောက်များကို ပြောကြားသည်။

ထို့ပြင် ဘင်္ဂလားဒေ့ရှ် ကက်ဘိနက်သည် ဆန်တန်ချိန် ငါးသန်း ဝယ်ယူ တင်သွင်းရန် အဆိုပြုလွှာကိုလည်း အလေးအနက် စဉ်းစားလျက် ရှိသည်ဟု ၎င်းက ဆိုသည်။

လက်ရှိ အနေအထားတွင် အမေရိကန်၊ ဥရောပ သမဂ္ဂနှင့် ကနေဒါ နိုင်ငံတို့က စီးပွားရေး ပိတ်ဆို့မှုများ ပြုလုပ်နေသောကြောင့် မြန်မာနိုင်ငံမှ ဆန်တင်ပို့သူများက Letter of Credit(LC) စနစ်ဖြင့် ငွေပေးချေမှု ပုံစံမျိုးကို မလိုလားကြပေ။

သို့အတွက်ကြောင့် လတ်တလော ကာလများတွင် ဘင်္ဂလားဒေ့ရ်ှနှင့် မြန်မာ နှစ်နိုင်ငံအကြား နိုင်ငံခြား ကုန်သွယ်မှုများအတွက် ငွေပေးချေရာတွင် စင်ကာပူကဲ့သို့သော တတိယနိုင်ငံ တစ်ခုခု မှတစ်ဆင့် ပေးချေနေကြရသည်။

ဘင်္ဂလားဒေ့ရ်ှမှ ဝယ်ယူ တင်သွင်းသူများသည် ယခုအခါ တတိယနိုင်ငံများ၏ နိုင်ငံခြားဘဏ်များမှ ထုတ်ပေးသော ဘဏ်ငွေ ပေးချေသည့် လက်မှတ်များဖြင့် ငွေပေးချေမှုကို အသားကျလျက် ရှိသည်။ ဘင်္ဂလားဒေ့ရှ်-မြန်မာ နယ်စပ် ကုန်သွယ်မှု သဘောတူညီချက်အရ တစ်ကြိမ်လျှင် သွင်းကုန်တန်ဖိုး အမေရိကန်ဒေါ်လာ ၁၀၀၀၀ နှင့် ၂၀၀၀၀ တန်ဖိုး တင်သွင်းသူ တစ်ဦးအနေဖြင့် ဘဏ်ငွေချေ စနစ်ဖြင့် ငွေချေခွင့် ရှိသည်။

မြန်မာနိုင်ငံမှ ဆန်တင်ပို့သူ အချို့က မောင်းတော-တက်ကနက် နယ်စပ် ကုန်သွယ်ရေး လမ်းကြောင်းမှ ဆန်တင်ပို့မှုကို ပိုမို စိတ်ဝင်စားကြသည်။ သို့သော် ယင်းသို့ ပြုလုပ်ရန်အတွက် အစိုးရ၏ ခွင့်ပြုချက် ရယူရန် လိုအပ်သည်ဟု ဆန်လုပ်ငန်းရှင်များက ဆိုသည်။

အခြားတစ်ဖက်တွင် ၂၀၀၉-၁၀ ဘဏ္ဍာရေးနှစ်အတွင်း ဆန်စပါး ထုတ်လုပ်မှုကို မက်ထရစ်တန် ၃၅ ဒဿမ ၀၅၁ သန်းအဖြစ် လျာထားခဲ့သည်။

Mizzima သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

အရှေ့တောင်အာရှ နိုင်ငံများအဖွဲ့ (အာဆီယံ) က မြန်မာနိုင်ငံရှိ နာဂစ်ဆိုင်ကလုန်း မုန်တိုင်း ဒဏ်သင့်သော ဒုက္ခသည်များအတွက် ပြန်လည်ထူထောင်ရေးနှင့် လူသားချင်းစာနာ ထောက်ထားသော အကူအညီများ ပေးအပ်ရေး လုပ်ငန်းများကို မြန်မာအစိုးရနှင့် ပူးပေါင်း ဆောင်ရွက်ခဲ့ရာ ယခုနှစ် ဇူလိုင်လတွင် အပြီးသတ်တော့မည်ဖြစ်သည်။

နောက်ထပ်အကူအညီ အထောက်အပံ့များ ဆက်လက် ပေးအပ်သွားနိုင်ရေး အတွက်လည်း အရှိန်မြှင့် ဆောင်ရွက်သွားမည် ဖြစ်ကြောင်း သိရပါသည်။ ဗီယက်နမ်နိုင်ငံ၊ ဟနွိုင်းမြို့၌ ကျင်းပ ပြုလုပ်သော ခုနစ်ကြိမ်မြောက် အာဆီယံလူသားချင်း စာနာထောက်ထားမှုဆိုင်ရာ လုပ်ငန်းအဖွဲ့ (AHTF) အစည်းအဝေးတွင် ယင်းသို့ အကူအညီများ ဆက်လက်ပေးပို့သွားရန် ဆုံးဖြတ်ခဲ့ခြင်း ဖြစ်သည်။

"အာဆီယံ လူသားချင်း စာနာထောက်ထားမှုဆိုင်ရာ လုပ်ငန်းအဖွဲ့ အနေနဲ့ မြန်မာနိုင်ငံမှာ ဆောင်ရွက်ခဲ့တာ လာမယ့် ဇူလိုင်လဆိုရင် အဆုံးသတ်တော့မှာပါ။ ဒါပေမဲ့ နာဂစ် ဒုက္ခသည် တွေအတွက် ပြန်လည်ထူထောင်ရေး လုပ်ငန်းတွေကတော့ နောက်ထပ်နှစ် အတော်ကြာ ဆက်လုပ် သွားဦးမှာပါ" ဟု အာဆီယံ အထွေထွေအတွင်းရေးမှူး ဆူရင်ပစ်ဆာဝမ် က ပြောပါသည်။

"ကျွန်တော်တို့ အဖွဲ့က နောက်ဆုံးပြုလုပ်တဲ့ အချိန်ကာလအလိုက် သုံးသပ်ချက်အရ အခုထိ ကွာဟမှုတချို့ ရှိနေတာကို တွေ့ရပါတယ်။ နေထိုင်စရာအဆောက်အုံ၊ ဘဝ တည်ဆောက်မှုနဲ့ ရေကောင်းရေသန့် ရရှိရေး စတာတွေ လိုအပ်နေသေးတာကို တွေ့ရပါတယ်။ အဲဒါကြောင့် လိုအပ်ချက်ရှိနေတဲ့ မြန်မာပြည်သူတွေအတွက် အကူအညီ အထောက်အပံ့တွေ အမြန်ဆုံး ပေးပို့သွားနိုင်အောင် လုပ်ရပါမယ်။ အဲဒီကိစ္စက အရေးကြီးနေပါတယ်" ဟု ၎င်း က AHTF အစည်းအဝေးပွဲတွင် ပြောဆိုသည်။

"တစ်ချိန်တည်းမှာပဲ အာဆီယံအနေနဲ့ ကယ်ဆယ်ရေးနဲ့ ပြန်လည်ထူထောင်ရေး လုပ်ငန်းတွေ လုပ်ကိုင်နေတဲ့ အစိုးရ ဝန်ကြီးဌာနတွေကို လုပ်ငန်းလွှဲပြောင်းပေးဖို့ ပြင်ဆင်သွားမှာပါ"ဟု ယင်းက ဆိုသည်။

အာဆီယံအဖွဲ့သည် ပြီးခဲ့သည့် ၂၀၀၉ ခုနှစ်၊ နိုဝင်ဘာလတွင် လူသားချင်း စာနာထောက် ထားသော အကူအညီများ ပေးသည့် အဖွဲ့နှင့်အတူ ကယ်ဆယ်ရေး လုပ်ငန်းများ လုပ်ကိုင်ရေး အတွက် အမေရိကန်ဒေါ်လာ ၁၀၃ သန်း အသုံးပြုရန် အဆိုပြုခဲ့သည်။

၂၀၁၀ ပြည့်နှစ်၊ ဖေဖော်ဝါရီလ ၂၈ ရက်နေ့တွင် ဒေါ်လာ ၉၁ ဒဿမ ၃ သန်း သုံးစွဲ ထောက်ပံ့ရန် ခွင့်ပြုချက်ရရှိခဲ့သည်။ လက်ရှိ အခြေအနေအရ နာဂစ်ရန်ပုံငွေအဖွဲ့ သို့မဟုတ် ကူညီ စောင့်ရှောက်ရေး အဖွဲ့အစည်းများအတွက် စုစုပေါင်း ဒေါ်လာ ၃၈ ဒဿမ ၅၇ သန်း ခန့် လက်ဝယ် ရရှိထားပြီး ဖြစ်သည်။

အာဆီယံက လွှဲပြောင်းပေးမည့် ဆောင်ရွက်မှုများတွင် နာဂစ်ဖြစ်ပေါ်ပြီး နောက်ပိုင်း ရန်ပုံငွေ သုံးစွဲမှုမှတ်တမ်း ပြုစုရေး၊ အသုံးစာရင်းပြုစုခြင်း၊ လှုပ်ရှား ဆောင်ရွက်မှုများအပေါ် အခါ အားလျော်စွာ သုံးသပ်ခြင်းနှင့် လူမှုရေးဆိုင်ရာ ကိစ္စများ ဆောင်ရွက်ခြင်းတို့ ပါဝင်သည်။

တစ်ချိန်တည်းမှာပင် အာဆီယံသည် မြန်မာနိုင်ငံဆိုင်ရာ သဘာဝဘေးအန္တရာယ် လျော့ပါးရေး လှုပ်ရှားမှု စီမံချက် အကောင်အထည်ဖော်ရေး လုပ်ငန်းကိုလည်း ကူညီ ထောက်ပံ့သွားမည် ဖြစ်သည်။ မြန်မာနိုင်ငံတွင် လူသားချင်း စာနာထောက်ထားမှု လုပ်ငန်းများ ဆောင်ရွက်ရာ၌ ရရှိသော အတွေ့အကြုံနှင့် သင်ခန်းစာများကို မှတ်တမ်းတင်ရန် ယခုအချိန်မှစ၍ ဇူလိုင်လအတွင်း နာဂစ်ဒဏ်သင့် ပြည်သူများ သက်သာချောင်ချိခွင့် ပိုမိုရရှိစေရန်၊ ကယ်ဆယ်ရေးကိစ္စ အားလုံးကို မြန်မာ အစိုးရထံသို့ အဆင်ပြေချောမွေ့စွာ လွှဲအပ်ရန် အာဆီယံ အတွင်းရေးမှူးနှင့် လူသားချင်း စာနာထောက်ထားမှုအဖွဲ့ ဥက္ကဋ္ဌ ဆူရင်ပစ်ဆာဝမ်က တိုက်တွန်း ပြောကြားပါသည်။

အာဆီယံဒေသ သဘာဝဘေးအန္တရာယ် စီမံကွပ်ကဲမှုနှင့် အရေးပေါ်တုံ့ပြန်မှု (AADMER) ဆိုင်ရာ အာဆီယံ သဘောတူညီချက်များကို ခိုင်မာအောင် ဆောင်ရွက်ရာတွင် နာဂစ်လွန် ကာလ မြန်မာနိုင်ငံ၏ အတွေ့အကြုံများကိုလည်း အတုယူသွားနိုင်ကြောင်း ၎င်းက ပြောဆိုပါသည်။
Relifeweb မှသတင်းကိုဘာသာပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

8th March 2010

အိန္ဒိယနိုင်ငံတွင် အခြေစိုက်ဖွယ်ရှိသော အရှေ့တောင်အာရှ ဒေသဆိုင်ရာ စွမ်းအင် ဗဟိုဋ္ဌာနကို စတင်ရန် သဘောတူ လက်မှတ်ရေးထိုးပွဲ အခမ်းအနားကို မြန်မာနိုင်ငံတွင် မကြာမီ ကျင်းပလိမ့်မည် ဖြစ်သည်။

အထက်ပါ ဆောင်ရွက်မှုကို မြန်မာနိုင်ငံက လက်ရှိ အလှည့်ကျ ဥက္ကဋ္ဌ အဖြစ် ဆောင်ရွက်နေသော နည်းပညာနှင့် စီးပွားရေး ကဏ္ဍပေါင်းစုံ ပူးပေါင်း ဆောင်ရွက်ရေး ဆိုင်ရာ ဘင်္ဂလား ပင်လယ်အော် လှုပ်ရှားမှု အဖွဲ့ (BIMSTEC) ဘင်းစတက် အဖွဲ့ဝင် ၇ နိုင်ငံက ကြေညာ ခဲ့ခြင်း ဖြစ်သည်။

အဖွဲ့ဝင် ထိုင်းနိုင်ငံမှ စွမ်းအင် ဝန်ကြီးဋ္ဌာန ပြောရေးဆိုခွင့် ရှိသူက DVB သို့ ပြောကြားရာတွင် စွမ်းအင် ဗဟိုဋ္ဌာနသည် ဗဟုသုတနှင့် နည်းပညာ လွှဲပြောင်းပေးရန် ကြိုးစားသွားမည် ဖြစ်၍ ဘင်းစတက် ဒေသတွင်း အသုံးပြုမည့် စွမ်းအင် အဆက်မပြတ် ဖွံ့ဖြိုးရေးကို အားပေးမြှင့်တင်ရန် ညှိနှိုင်းရေး အစီအစဉ်နှင့် စီမံကိန်းများ ပါဝင်သည် ဟု ဆိုသည်။

ကျန် အဖွဲ့ဝင် နိုင်ငံများမှာ ဘင်္ဂလားဒေ့ရှ်၊ ဘူတန်၊ နီပေါ၊ သီရိလင်္ကာနှင့် ပြီးခဲ့သော ဒီဇင်ဘာ အထိ အလှည့်ကျ ဥက္ကဋ္ဌ တာဝန်ယူခဲ့သော အိန္ဒိယနိုင်ငံတို့ ဖြစ်သည်။

ဘင်းစတက် အဖွဲ့၏ သဘောတူ စာချုပ်ကို လာမည့် ၃ လ အတွင်း မြန်မာနိုင်ငံ၌ လက်မှတ် ရေးထိုးကြမည် ဖြစ်၍ ၂၀၁၀ ဇူလိုင်လတွင် ဖြစ်နိုင်ချေ များသည်ဟု အဆိုပါ အရာရှိက ပြောကြားသည်။

မတ်လ ၅ ရက်နေ့ ဘန်ကောက်တွင် ပြုလုပ်သော ဒုတိယအကြိမ် ဘင်းစတက် စွမ်းအင်ဝန်ကြီးများ အစည်းအဝေး အပြီးတွင် အဆိုပါ ကြေညာချက်ကို ထုတ်ပြန်ခဲ့ခြင်း ဖြစ်သည်။

မြန်မာနိုင်ငံ၏ သတ္တု သယံဇာတ ပိုင်ဆိုင်မှုတွင် ရှယ်ယာ ထည့်ဝင် ရင်းနှီးရန် အိန္ဒိယ၏ ကြိုးစားမှုနှင့် အတူ ဒေသတွင်း ပေါင်းစည်းရေးနှင့် စီးပွားရေး ပူးပေါင်းဆောင်ရွက်ရေးကို ရည်ရွယ်သော စီမံကိန်း အတွဲများ၏ နောက်တွင် ယခု ကြေညာချက် ထွက်ပေါ်လာခြင်း ဖြစ်သည်။

ထိုင်းစွမ်းအင် ဝန်ကြီးဋ္ဌာန ပြောခွင့်ရ ပုဂ္ဂိုလ်၏ အဆိုအရ သဘောတူ စာလွှာတွင် အစိတ်အပိုင်း ၇ ခု ပါဝင်သည် ဟု သိရသည်။ ပါဝင်သော အစိတ်အပိုင်းများမှာ အဖွဲ့ဝင် အချင်းချင်း စွမ်းအင် လဲလှယ်ရေးနှင့် ဖွံ့ဖြိုးရေး စီမံကိန်း၊ ဘင်းစတက် ဒေသတွင်း သွယ်တန်းမည့် ဓါတ်ငွေ့ ပိုက်လိုင်း၊ ဘင်းစတက် ဒေသတွင်း ရေအား အခြေပြု စွမ်းအင် အလားအလာ၊ စွမ်းအင်လုံခြုံရေး၊ အချက်အလက် စီမံခန့်ခွဲမှုနှင့် စွမ်းအင် ဆိုင်ရာ သုတေသန နှင့် လေ့လာမှုများ ဖြစ်သည်။

အိန္ဒိယ နိုင်ငံခြားရေး ဝန်ကြီး Smt. Nirupama Rao နှင့် မြန်မာနိုင်ငံခြားရေး ဒုဝန်ကြီး ဦးမောင်မြင့် တို့အကြား ကျင်းပခဲ့သော အစည်းအဝေးတွင် ဓါတ်ငွေ့၊ ရေနံ နှင့် စွမ်းအင် ကဏ္ဍတို့ကို ဆွေးနွေးခဲ့သည်ဟု အိန္ဒိယ ပြည်ပရေးရာ ဝန်ကြီး ဋ္ဌာနက မတ်လ ၁ ရက်နေ့တွင် ကြေညာခဲ့သည်။

ထို့အပြင် မြန်မာနိုင်ငံရှိ ဓါတ်ငွေ့ လုပ်ကွက်နှင့် ဆက်စပ် စီမံကိန်းများတွင် အိန္ဒိယ ONGC နှင့် Gail ကုမ္ပဏီများက အမေရိကန် ဒေါ်လာ ၁ ဘီလီယံကျော် ရင်းနှီး မြှုပ်နှံခဲ့ခြင်းကို မြန်မာနိုင်ငံက ကြိုဆိုခဲ့သည် ဟုလည်း ဝန်ကြီးဋ္ဌာန ကြေညာချက်တွင် ဖော်ပြထားသည်။

ဓါတ်ငွေ့ လုပ်ငန်း နယ်ပယ်တွင် ခိုင်မြဲစွာ ပူးပေါင်း ဆောင်ရွက်သွားကြရန် နှစ်ဘက်စလုံးက သဘောတူခဲ့ကြသည် ဟုလည်း ဆိုသည်။

ဘင်းစတက် အဖွဲ့၏ သဘောတူ စာလွှာကို လက်မှတ်ရေးထိုးပြီး ၂ နှစ် အတွင်း စွမ်းအင် ဗဟိုဋ္ဌာန တည်ဆောက်ရေး လုပ်ငန်းကို စတင်နိုင်ရန် မျှော်လင့်ထားကြသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

 Associated Press, 8th March 2010

မြန်မာနိုင်ငံ၌ ယခုနှစ်ကုန်တွင် ကျင်းပပေးမည်ဟု ဆိုသော ရွေးကောက်ပွဲ အတွက် လူအများ ကာလကြာမြင့်စွာ စောင့်ဆိုင်းနေခဲ့ကြသော ရွေးကောက်ပွဲ ဥပဒေများကို အစိုးရက ကြေညာပေးခဲ့သည်။

အစိုးရ ရုပ်မြင်သံကြားဋ္ဌာနက တနင်္လာနေ့ နေ့လယ်က ထုတ်လွှင့်ရာတွင် အစိုးရသည် ရွေးကောက်ပွဲ ဥပဒေနှင့် နိုင်ငံရေး ပါတီများ မှတ်ပုံတင်ရေး ဥပဒေ တို့ကို ပြဋ္ဌာန်းခဲ့သည်ဟု ဆိုပါသည်။ အသေးစိတ် ဖော်ပြခြင်း မရှိဘဲ၊ အင်္ဂါနေ့ထုတ် နိုင်ငံပိုင် သတင်းစာများတွင် ဖော်ပြသွားမည်ဟု ဆိုသည်။

မြန်မာ အစိုးရသည် ၂၀၀၈ ခုနှစ် အစောပိုင်းက ရွေးကောက်ပွဲကို ၂၀၁၀ ခုနှစ်တွင် ကျင်းပပေးမည်ဟု ကြေညာခဲ့သော်လည်း၊ ယခု အချိန်အထိ ကျင်းပမည့်ရက်ကို ထုတ်ပြန်ခြင်း မရှိသေးပါ။ ၁၉၉၀ ခုနှစ်က ပြုလုပ်သော ရွေးကောက်ပွဲတွင် ဒေါ်အောင်ဆန်းစုကြည်၏ NLD ပါတီသည် အနိုင်ရခဲ့သော်လည်း အစိုးရက အာဏာလွှဲပေးခြင်း မရှိခဲ့ပေ။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Bloomberg news, 8th March 2010

မြန်မာနိုင်ငံတွင် ယခုနှစ် အတွင်း ကျင်းပရန် စီစဉ်ထားသော ရွေးကောက်ပွဲများတွင် နေအိမ်တွင် အကျယ်ချုပ် ထိန်းသိမ်းခံနေရဆဲ ဖြစ်သော အတိုက်အခံ ခေါင်းဆောင် ဒေါ်အောင်ဆန်းစုကြည် ပါဝင်ရမည်ဟု ကုလသမဂ္ဂ အထွေထွေ အတွင်းရေးမှူး ဘန်ကီမွန်းက ပြောကြားလိုက်သည်။

ရွေးကောက်ပွဲ အတွက် ပြဋ္ဌာန်းသည့် ဥပဒေသစ်ကို မြန်မာအစိုးရက ကြေညာပြီးနောက် ဘန်ကီမွန်းက နယူးယောက်တွင် မှတ်ချက်ပေးလိုက်ခြင်း ဖြစ်သည်။ ယုံကြည် လေးစားခံရသော ရွေးကောက်ပွဲများ ဖြစ်လာစေရန် နိုင်ငံရေး အကျဉ်းသားများ အားလုံးကို စစ်ဖက် အစိုးရက လွှတ်ပေးရမည်ဟုလည်း ဘန်ကီမွန်းက ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

VOA News, 9th March 2010

          နိုင်ငံတကာ မူးယစ်ဆေးဝါး ထိန်းချုပ်ရေး မဟာဗျူဟာ၏ ၂၀၁၀ ခုနှစ်တွင် ထုတ်ပြန်သော အစီရင်ခံစာအရ မြန်မာနိုင်ငံသည် ကမ္ဘာပေါ်တွင် ဘိန်းထုတ်လုပ်မှု၌ ဒုတိယအကြီးဆုံး ထုတ်လုပ်သူ ဖြစ်ကြောင်း ဖော်ပြထားသည်။

          ပြီးခဲ့သည့် ၂၀၀၉ ခုနှစ် ဒီဇင်ဘာလက စစ်သားများနှင့် အရပ်သားများသည် မြန်မာနိုင်ငံ အရှေ့မြောက် ရှမ်းပြည်နယ်တွင် ဘိန်းပင်များကို ဖျက်ဆီးရာတွင် တုတ်များကို အသုံးပြုခဲ့သည်ဟု ဆိုသည်။ ၁၉၉၈ ခုနှစ်မှ ၂၀၀၆ ခုနှစ်အတွင်း ဘိန်းတိုက်ဖျက်ရေးနှင့် တောင်ပေါ်ဒေသ ဘိန်းစိုက်ဒေသများတွင် ဘိန်းစိုက်ပျိုးမှု ကင်းစင်ရေးအတွက် စိုက်ပျိုးမှု လျှော့ချခဲ့ရာ စိတ်ကျေနပ်စရာ ကောင်းခဲ့သည်။ သို့သော် ၂၀၀၈ ခုနှစ်တွင် ဘိန်းပြန်လည် စိုက်ပျိုးမှုများ ထွက်ပေါ်လာခဲ့ပြီး စိုက်ပျိုးမှုနှင့် ထုတ်လုပ်မှုတွင် မြင့်တက်လာခဲ့သည်။

          ၁၉၉၆ မှ စ၍ မြန်မာနိုင်ငံတွင် ဘိန်းစိုက်ပျိုးမှု ကျဆင်းလာခဲ့သောကြောင့် ဘိန်းမှ ထုတ်လုပ်ခြင်း မဟုတ်သော မူးယစ်ဆေးဝါး (Synthetic Drugs) များ ထုတ်လုပ် တင်ပို့မှုများ အရှိန်အဟုန် ကောင်းလာခဲ့သည်။ ဘိန်း၊ ဟီးရိုးအင်းနှင့် အင်ဖက်တမင်း ဆေးဝါးများ ထုတ်လုပ်မှုမှာ ရှမ်းပြည်နယ် နယ်စပ်ဒေသများ၊ တိုင်းရင်းသားများ ချုပ်ကိုင်သော ဒေသများတွင် ထုတ်လုပ်သည်။

          အဆိုပါ အစီရင်ခံစာအရ ၂၀၀၉ ခုနှစ်တွင် မြန်မာနိုင်ငံမှ တာဝန်ရှိသူများသည် အောင်မြင်မှုများ ရှိခဲ့ကြောင်း၊ မက်သဖက်တမင်း ဆေးပြားများ၊ မူးယစ်ဆေးဝါးထုတ်သည့် ဓာတုပစ္စည်းများ ဖမ်းဆီးရမိမှုတွင် သိသိသာသာ တိုးတက်ခဲ့သည်။

          ဘိန်းစိုက်ပျိုးမှု အစဉ်တစိုက် လျှော့ချရေးအတွက်မူ ဘိန်းအစားထိုး မဟာဗျူဟာ တစ်ရပ် လိုအပ်ပြီး၊ ဥပဒေအရ ထိထိရောက်ရောက် အရေးယူနိုင်မှု၊ ဘိန်းစိုက်သော တောင်သူများကို အကူအညီ ပေးနိုင်မှု၊ ပြင်ပ ကူညီထောက်ပံ့မှုများကို လမ်းဖွင့်ပေးမှုတို့ လိုအပ်သည်။

          ၂၀၁၄ ခုနှစ်တွင် ဘိန်းစိုက်ပျိုး ထုတ်လုပ်မှုနှင့် ရောင်းဝယ်မှု ပပျောက်ရေး ရည်မှန်းချက်ကို အောင်မြင်ရေးအတွက် မြန်မာအစိုးရအနေဖြင့် မူးယစ်ဆေးဝါး ထုတ်လုပ် ရောင်းဝယ်သော တိုင်းရင်းသား အဖွဲ့များနှင့်အနီးကပ် ပူးပေါင်း ဆောင်ရွက်ရန် လိုအပ်သည်။

          အဆိုပါ အစီရင်ခံစာတွင် မြန်မာအစိုးရအား တိုင်းရင်းသားအဖွဲ့များနှင့် ပိုမို နီးကပ်စွာ ပူးပေါင်း ဆောင်ရွက်ခြင်းဖြင့် ထိရောက်သော ခြေလှမ်းသစ်များ ချမှတ်၍ မြန်မာ့နယ်မြေမှ အင်ဖက်တမင်း ဆေးပြားများ ထုတ်လုပ်ရောင်းဝယ်ရေး ရပ်ဆိုင်းသွားရေးအတွက် ဆောင်ရွက်ရန် တောင်းဆိုခဲ့သည်။

          မြန်မာနိုင်ငံ၏ မူးယစ်ဆေးဝါး ထုတ်လုပ် ရောင်းဝယ်မှု လျော့ချရေး ကြိုးပမ်းရာတွင် နိုင်ငံတကာမှ အကူအညီများ ပေးနိုင်သည်။ သို့သော် အမေရိကန် အပါအဝင် အလှူရှင်များသည် မြန်မာနိုင်ငံ အစိုးရသို့ တိုက်ရိုက် အကူအညီပေးမှုများသည် မြန်မာနိုင်ငံတွင် အဓိပ္ပါယ်ရှိသော ဒီမိုကရေစီ ပြောင်းလဲမှုများ ဖြစ်ပေါ်ရေးအပေါ် မူတည်နေသည်။ အမေရိကန်သည် မြန်မာနိုင်ငံသို့ မူးယစ်ဆေးဝါး တိုက်ဖျက်ရေးအတွက် တိုက်ရိုက် အကူအညီပေးမှုများကို ၁၉၈၈ မှစ၍ ရပ်ဆိုင်းထားသည်။ ယခုအခါ မြန်မာစစ်အစိုးရသည် ပြည်သူများ၏ အသံကို လေးစားပြီး ဒီမိုကရက်တစ် အသွင် ကူးပြောင်းမှုကို စတင်ရန် ခွင့်ပြုသင့်ပြီ ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

English.people.com.cn, 8th March 2010

          ယခုနှစ်အတွင်း စတင် အကျုံးဝင် သက်ရောက်မည့် တရုတ်-အာဆီယံ ကုန်သွယ်ရေး လွတ်လပ်နယ်မြေ (CAFTA) ၏ လုပ်ငန်းဆောင်တာများမှ တစ်ဆင့် တရုတ်-မြန်မာ အပြန်အလှန် ကုန်သွယ်ရေးနှင့် ပူးပေါင်း ဆောင်ရွက်ရေးကို တိုးမြှင့် ဆောင်ရွက်သွားမည်ဟု မြန်မာနိုင်ငံ ဆိုင်ရာ တရုတ် စီးပွားရေး ကောင်စီဝန် ဂျင်ဟောင်ဂျန်က တနင်္ဂနွေနေ့ သတင်းစာ ရှင်းလင်းပွဲတွင် ပြောကြားသည်။

          CAFTA ဖွဲ့စည်း တည်ထောင်လိုက်ခြင်းကြောင့် တရုတ်-မြန်မာ နှစ်နိုင်ငံအကြား ကုန်သွယ်မှု ချောမွေ့ရေးနှင့် စီးပွားရေး ပူးပေါင်းဆောင်ရွက်ရေးအတွက် အခွင့်အလမ်းကောင်းများ ဖန်တီးနိုင်လိမ့် မည်ဟုလည်း ၎င်းက ဆိုသည်။

          တရုတ်အစိုးရ တရားဝင် စာရင်းဇယားများအရ တရုတ်-မြန်မာ နှစ်နိုင်ငံကြား ကုန်သွယ်ရေးသည် ၂၀၀၉ ခုနှစ်တွင် ယခင်နှစ်ကထက် ၁၀ % မြင့်တက်ကာ အမေရိကန် ဒေါ်လာ ၂.၉၀၇ ဘီလျံအထိ ရောက်ရှိခဲ့သည်ဟု သိရသည်။ စုစုပေါင်း ကုန်သွယ်မှု တန်ဖိုးတွင် တရုတ်မှ မြန်မာသို့ တင်ပို့မှုမှာ ဒေါ်လာ ၂.၂၆ ဘီလျံ ရှိခဲ့ပြီး မြန်မာမှ တရုတ်သို့ တင်သွင်းမှုမှာ ဒေါ်လာ ၆၄၆ သန်း ရှိခဲ့သည်ဟုလည်း စာရင်း ထုတ်ပြန်သည်။

          ၂၀၀၈ ခုနှစ် အကုန်တွင် တရုတ်က မြန်မာနိုင်ငံတွင်း ရင်းနှီး မြှုပ်နှံခဲ့သော တန်ဖိုးမှာ အမေရိကန် ဒေါ်လာ ၁.၃၃၁ ဘီလျံ ရှိခဲ့ပြီး သတ္ထုတူးဖော်ရေး၊ ရေအားလျှပ်စစ်၊ ရေနံနှင့် သဘာဝဓာတ်ငွေ့ ကဏ္ဍများတွင် အဓိက မြှုပ်နှံခြင်း ဖြစ်သည်။

          တရုတ်နိုင်ငံသည် လက်ရှိ အချိန်တွင် မြန်မာနိုင်ငံ၏ တတိယ အကြီးဆုံး ကုန်သွယ်ဘက် အဖြစ်လည်းကောင်း၊ မြန်မာနိုင်ငံတွင် စတုတ္ထ အကြီးဆုံး ရင်းနှီးမြှုပ်နှံသူ အဖြစ်လည်းကောင်း ရပ်တည်နေသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

DVB, 8th March 2010

စစ်ဖက် အစိုးရ လက်အောက်ခံ မြန်မာ တရားရုံးက အမေရိကန် နိုင်ငံသားတစ်ဦး ဖြစ်သော ညီညီအောင်ကို လိမ်ညာစွပ်စွဲကာ အလုပ်ကြမ်းနှင့် ထောင်ဒဏ် ၃ နှစ် ပြစ်ဒဏ် ချမှတ်ခဲ့သောကြောင့် အမေရိကန် ပြည်ထောင်စုနှင့် ဆွေးနွေး ညှိနှိုင်းရန် စိတ်ဝင်စားမှု မရှိဟု မြန်မာက ကမ္ဘာကို ကြေညာသလို ဖြစ်ခဲ့သည်။

အမေရိကန် ပြည်ထောင်စုနှင့် ဆွေးနွေးရန် ဆန္ဒရှိကြောင်း ထုတ်ဖော် ပြောကြားထားသော စစ်ဖက် အစိုးရက ယခု ညီညီအောင်၏ ကိစ္စကြောင့် အမေရိကန် အစိုးရ၏ မြန်မာနှင့် ဆွေးနွေး ညှိနှိုင်းရေး မူဝါဒ အပေါ်တွင် ဆိုးကျိုး သက်ရောက်မည် မဟုတ်ဟု ယုံကြည်ထားပုံ ရသည်။

ညီညီအောင်ကို စတင် ဖမ်းဆီးစဉ်မှ စ၍ မြန်မာ အစိုးရက မည်သည့်အရာမျှ လိုက်လျောခြင်း မပြုဘဲ ၎င်း၏ ကိုယ်စား အမေရိကန် ပြည်ထောင်စု၏ သံတမန်ဆိုင်ရာ မေတ္တာရပ်ခံချက်ကို လျစ်လျူရှုခဲ့ပြီး နိုင်ငံတကာ ဥပဒေကိုလည်း မထီမဲ့မြင် ပြုခဲ့သည်။ ညီညီအောင်ကို မနှစ်က စက်တင်ဘာ ၃ ရက်တွင် ရန်ကုန် လေဆိပ်၌ မြန်မာအစိုးရက ဖမ်းဆီးခဲ့သည်။ အကျဉ်းစံ ဒီမိုကရေစီ လှုပ်ရှားသူ ညီညီအောင်သည် ကင်ဆာရောဂါ ခံစားနေရပြီး ဆေးကုသခွင့် မရသူ မိခင်နှင့် တွေ့ဆုံရန် မြန်မာနိုင်ငံသို့ ပြန်လာခဲ့ခြင်း ဖြစ်သည်။

ညီညီအောင်အား ဖမ်းဆီးမှုကို အမေရိကန် သံရုံးသို့ အကြောင်းကြားရမည့်အစား ၎င်းအား အစာနှင့်ရေ အငတ်ထားခြင်း၊ နာရီသံများဖြင့် အိပ်မရအောင် နှိပ်စက်ခြင်း၊ ရိုက်နှက်ခြင်း စသည်တို့ကိုသာ တစ်ပတ်ခန့် ပြုလုပ်ခဲ့ကြသည်။ ယင်းသို့ ဖမ်းဆီး နှိပ်စက်မှုများသည် ဗီယင်နာ ညီလာခံ စည်းမျဉ်းများနှင့် နှိပ်စက် ညှဉ်းပန်းခြင်း မပြုရန် တားဆီးထားသော နိုင်ငံတကာ ဥပဒေများအရ လိုက်နာရမည့် စည်းကမ်းများကို မြန်မာနိုင်ငံက ပြောင်ပြောင်တင်းတင်း ချိုးဖောက်ခြင်းပင် ဖြစ်သည်။

နိုင်ငံတကာ ဥပဒေအရ တာဝန်ယူ လိုက်နာရမည့် စည်းကမ်းများကို ဖောက်ဖျက်ရုံ သာမက လွန်ခဲ့သော ၅ လ တစ်လျှောက်လုံး ကောင်စစ်ဝန်နှင့် တွေ့ဆုံခွင့်ကိုပါ ညီညီအောင်အပေါ် ပိတ်ပင် ထားခဲ့သည်။ ရှေ့နေများနှင့် တွေ့ဆုံခွင့်ကိုလည်း တားမြစ်ထားခဲ့ပြီး ခုံရုံးတင် စစ်ဆေးခြင်းကိုလည်း လူသိရှင်ကြား မပြုလုပ်ခဲ့ပါ။ ညီညီအောင်အား ထောင်ထဲတွင် ၁ လခန့် တိုက်ပိတ် ထားခဲ့သည်ဟုလည်း သိရှိရသည်။ ဖေဖော်ဝါရီ ၁၀ ရက်နေ့တွင်မူ ဒီမိုကရေစီ လှုပ်ရှားမှုများ အပေါ် အရေးယူသည့် အနေဖြင့် ညီညီအောင်အား လိမ်ညာ စွဲချက်တင်ကာ အလုပ်ကြမ်းနှင့် ထောင်ဒဏ် ၃ နှစ် ပြစ်ဒဏ် ချမှတ်လိုက်သည်။

ညီညီအောင် အပေါ် မြန်မာ အစိုးရ၏ ပြုမူဆက်ဆံပုံများမှာ တုန်လှုပ်စရာ ကောင်းသည်။ ယင်းသို့ တုန်လှုပ်သွားကြခြင်း ဖြစ်နိုင်ချေ အကြောင်းရင်းမှာ ညီညီအောင် ကိုယ်စား အမေရိကန် ပြည်ထောင်စု၏ သံတမန်ဆိုင်ရာ ကြိုးပမ်းမှုများကို မြန်မာအစိုးရက လုံးဝ ဂရုမစိုက်ပဲ နေပြခဲ့ခြင်းပင် ဖြစ်သည်။ ညီညီအောင်အား ရှေ့နေများနှင့် တွေ့ဆုံခွင့်ပြုရန် တောင်းဆိုခြင်းကို တုန့်ပြန် လိုက်လျောရမည့်အစား လူသိရှင်ကြား အမှုစစ်ဆေးခြင်းကိုပင် ပိတ်ပင်ထားခဲ့သည်။

ညီညီအောင်အား နှိပ်စက် ညှင်းပန်းမှုများကို ရပ်ဆိုင်းရန်နှင့် ကောင်စစ်ဝန်နှင့် တွေ့ဆုံခွင့်ပေးရန် တောင်းဆိုနေကြခြင်းကို တုန့်ပြန်ရမည့်အစား အာဏာပိုင်များက တိုက်ပိတ် အကျဉ်းချထားခဲ့ပြီး ရှေ့လျှောက်တွင်လည်း ထောင်ဝင်စာ တွေ့ဆုံခွင့်မရှိဟု ပြောကြားခဲ့ကြသည်။

မြန်မာ စစ်ဖက် အစိုးရက ၎င်း၏ ပြည်သူများအပေါ် အထိန်းအကွပ် မရှိ ကြောက်မက်ဖွယ် ပြုမူ ဆက်ဆံပုံများကို အမေရိကန်နှင့် နိုင်ငံတကာ အသိုင်းအဝိုင်းက ကျေနပ်စွာ ခွင့်ပြုထားသလို ဖြစ်နေသည်။ ညီညီအောင်နှင့် သူ့မိခင် အပြင် နိုင်ငံရေး အကျဉ်းသား ၂၁၀၀ ကျော်ခန့် မြန်မာနိုင်ငံတွင် ရှိနေသည်။ အထင်ရှားဆုံးသူမှာ အားလုံးသိကြသည့်အတိုင်း အတိုက်အခံ NLD ပါတီ ခေါင်းဆောင် ဒေါ်အောင်ဆန်းစုကြည် ဖြစ်သည်။ ထို့ပြင် သူမသည် ကမ္ဘာပေါ်တွင် တစ်ဦးတည်း သော အထိန်းသိမ်းခံ ငြိမ်းချမ်းရေး နိုဘယ်ဆုရှင်လည်း ဖြစ်သည်။

မြန်မာ အစိုးရကဲ့သို့ မိမိပြည်သူများအပေါ် ရာဇဝတ်မှု ကျူးလွန်နေသော နိုင်ငံမျိုးဆိုသည်မှာ မည်သည့် အချိန်တွင် ကြည့်ကြည့် အရေအတွက် အနည်းငယ်သာ ရှိလိမ့်မည် ဖြစ်သည်။ မြန်မာ အစိုးရသည် နိုင်ငံအတွင်းရှိ တိုင်းရင်းသား လူမျိုးစုများကိုလည်း စစ်ပွဲ ဆင်နွှဲနေသည်။ ၁၉၉၀ မှစ၍ ရေတွက်ပါက အစိုးရ ဖျက်ဆီးခဲ့သော ကျေးရွာပေါင်း ၃၀၀၀ ကျော်ခန့် ရှိ၍ အဆိုပါ တိုင်းရင်းသား လူနည်းစုများ အပေါ် မုဒိန်းမှု၊ နှိပ်စက် ညှင်းပန်းမှု၊ လူသတ်မှုများ ကျူးလွန်ခဲ့သည်။

ပြည်တွင်းရှိ နေအိမ်များမှ ထွက်ပြေး တိမ်းရှောင်သူ အရေအတွက်ကို ဖုံးကွယ်ထားပြီး အိမ်နီးချင်းနိုင်ငံများသို့ ထွက်ပြေးသော ဒုက္ခသည် အရေအတွက်မှာ တစ်သန်းကျော် ရှိသည်။ မြန်မာ စစ်ဖက် အစိုးရသည် ကမ္ဘာပေါ်ရှိ အဖိနှိပ်ဆုံး အစိုးရများတွင် ထိပ်ဆုံးက ပါဝင်နေပြန်သည်။

ထိုအချက်များကြောင့်ပင် မြန်မာနိုင်ငံတွင် အမျိုးသား ပြန်လည် ပေါင်းစည်းမှု ရရှိရန်နှင့် ဒီမိုကရေစီ ထွန်းကားလာစေရန် အတွက် အမေရိကန်၊ ကုလသမဂ္ဂ နှင့် နိုင်ငံတကာ အသိုင်းအဝိုင်းက မြန်မာ အစိုးရနှင့် ဆွေးနွေး ညှိနှိုင်းနေကြခြင်း ဖြစ်သည်။ သို့ရာတွင် မြန်မာ အစိုးရအနေနှင့် ရှေးဦးစွာ နားလည်ထားရမည့် အချက်မှာ ၎င်း၏ ပြည်သူများအပေါ် ဆက်ဆံရာတွင် လည်းကောင်း၊ နိုင်ငံတကာ ဆက်ဆံရေးကို ဆောင်ရွက်ရာတွင် လည်းကောင်း နိုင်ငံတကာ စံနှုန်းများအရ လက်သင့်ခံနိုင်မည့် ဘောင်အတွင်းမှ လုပ်ဆောင်မှသာလျှင် ဆွေးနွေး ညှိနှိုင်းမှု ဖြစ်မြောက်နိုင်လိမ့်မည်ဆိုသည့် အချက်ပင် ဖြစ်သည်။

ထို့အပြင် အမေရိကန် နိုင်ငံသားတစ်ဦးကို ဒီမိုကရေစီ လှုပ်ရှားမှုကြောင့် မတရား ဖမ်းဆီး နှိပ်စက်ခြင်းကို အမေရိကန် နှင့် နိုင်ငံတကာ အသိုင်းအဝိုင်းက သည်းခံမည်မဟုတ် ဆိုသည်ကိုလည်း မြန်မာအစိုးရက နားလည်ထားရလိမ့်မည်။ အကယ်၍ မြန်မာ အစိုးရသည် အမေရိကန်နှင့် ဖြစ်စေ၊ အခြားနိုင်ငံများနှင့် ဖြစ်စေ ညှိနှိုင်းဆွေးနွေးရန် ဆန္ဒရှိပါက အထိန်းအကွပ် မရှိ လုပ်ချင်တိုင်း လုပ်နေ၍ မဖြစ်နိုင်ပါ။ ပြည်ပ နိုင်ငံသားများ၏ လူ့အခွင့်အရေးကိုလည်း လေးစားရလိမ့်မည်။

ညီညီအောင်ကို ချက်ချင်း လွှတ်ပေးရေး အတွက် ဗိုလ်ချုပ်မှူးကြီး သန်းရွှေကို တောင်းဆိုရန် သမ္မတ အိုဘားမားနှင့် နိုင်ငံခြားရေး ဝန်ကြီး ကလင်တန်တို့အား ပုဂ္ဂိုလ်ရေးအရ တိုက်တွန်းလိုက်သည်။ မြန်မာစစ်ဖက် အစိုးရသည် မြန်မာပြည်သူများ၏ ဘဝကို လုံးဝ ဂရုမစိုက်ကြောင်း မိမိတို့ သိရှိထားသည်။ အမေရိကန် အစိုးရ အနေဖြင့် ၎င်း၏ နိုင်ငံသား တစ်ဦးကို ဂရုစိုက်ရန် မြန်မာအစိုးရကို ကိုင်တွယ်နိုင်လိမ့်မည်ဟုသာ မျှော်လင့်ရုံ ရှိတော့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ရန်ကုန်မြို့ ဆင်ခြေဖုံးဒေသရှိ စက်မှုဇုန် တစ်ခုတွင် ဖေဖော်ဝါရီလ ၆ ရက်နေ့က လုံလောက် မျှတသည့် လုပ်အားခ ရရှိရေး တောင်းဆိုဆန္ဒပြပွဲ တစ်ရပ် ဖြစ်ပွားခဲ့ကြောင်း စုံစမ်း သိရှိရပါသည်။ လုပ်သားအင်အား ၄၀၀၀ ခန့် က တစ်နေရာတည်းတွင် ထိုင်ကာ ဆန္ဒပြခဲ့ကြသည်ဟု ဆိုသည်။

တောင်ဒဂုံမြို့နယ် အမှတ် ၂ စက်မှုဇုန်ရှိ အထည်ချုပ်စက်ရုံ နှစ်ရုံမှ လုပ်သားများ နံနက် ၈ နာရီခန့်တွင် စတင် ဆန္ဒပြခဲ့ကြခြင်း ဖြစ်သည်။ "စက်ရုံလုပ်သားတွေဟာ ကုမ္ပဏီရဲ့ ဖယ်ရီ ဘတ်စ်ကား တွေပေါ်ကဆင်းပြီး သူတို့ရဲ့ စက်ရုံ ဝင်းထဲကို ဝင်ရောက်ဖို့ ငြင်းခဲ့ကြပါတယ်။ ပြီးတော့ ဆန္ဒပြကြတယ်။

မကြာခင်မှာပဲ အဓိကရုဏ်း နှိမ်နင်းရေး တပ်ဖွဲ့တွေ ရောက်လာပါတယ်" ဟု မျက်မြင်တစ်ဦးက ပြောကြားပါသည်။ အဆိုပါ စက်ရုံနှစ်ရုံကို SGI အမည်ရှိ ကုမ္ပဏီက ပိုင်ဆိုင်သည်။ "စက်ရုံပိုင်ရှင်က လုပ်သားတွေရဲ့ တောင်းဆိုချက်တွေကို လိုက်ရောပေးမှာပါ လို့ ပြောပြီး သူတို့ကို အိမ်ပြန်ဖို့ တိုက်တွန်းနေတာ တွေ့ရပါတယ်" ဟု အခြားမျက်မြင်တစ်ဦးက ပြောပါသည်။

ယခုလတ်တလောကာလတွင် မြန်မာနိုင်ငံ၏ စီးပွားရေး မြို့တော်ဖြစ်သော ရန်ကုန်မြို့ရှိ စက်ရုံ လုပ်သားများ အနေဖြင့် လက်ရှိရရှိနေသော လုပ်အားခ အပေါ် ကျေနပ်မှုမရှိကြပေ။ ကုန်ဈေးနှုန်း မြင့်တက်ခြင်းကြောင့် ငွေကြေး ဖောင်းပွမှုများ ဖြစ်ပေါ်လျက်ရှိရာ ရရှိသော လစာငွေများသည် အခြေခံ စားသောက်ကုန် ပစ္စည်းများ ဝယ်ယူရုံမျှဖြင့် ကုန်သလောက် ဖြစ်သွားသည် ဟုဆိုသည်။

ထိုနည်းတူ ရွှေပြည်သာမြို့နယ်ရှိ စက်ရုံအလုပ်သမား များကလည်း လုပ်ခငွေ တိုးမြှင့်ရေး နှင့် လုပ်သားဘဝ မြှင့်တင်ရေး အတွက် တောင်းဆိုသည့် ဆန္ဒပြမှုများ ပြုလုပ်ကြကြောင်း သိရပါသည်။ ထိုအလုပ်သမားများမှာလည်း တစ်နေရာတည်းတွင် ထိုင်ကာ ဆန္ဒပြကြခြင်း ဖြစ်ပါသည်။

အဆိုပါ ဆန္ဒပြမှုများအတွက် အလုပ်သမား ဝန်ကြီးဌာနမှ တာဝန်ရှိသူများက စက်ရုံ အလုပ်ရုံများမှ လုပ်သားများ၊ စီမံရေးရာဌာနများမှ ကိုယ်စားလှယ်များနှင့် တွေ့ဆုံညှိနှိုင်းလျက်ရှိ ပါသည်။

မြန်မာနိုင်ငံ ကုန်သည်ကြီးများနှင့် စက်မှုလက်မှု လုပ်ငန်းရှင်များ အသင်းမှ တာဝန်ရှိသူ အကြီးအကဲတစ်ဦးကမူ အစိုးရဝန်ထမ်းများ၏ လစာငွေကို တိုးမြှင့်လိုက်ခြင်းကြောင့် ယခုကဲ့သို့ လုပ်သားများ မကျေမနပ် ဖြစ်ခဲ့ရခြင်း ဖြစ်သည်ဟု ပြောဆိုသည်။

အစိုးရ ဝန်ထမ်းများသည် ယခုနှစ် ဇန်နဝါရီလမှ စတင်ကာ လစာငွေ ၂ သောင်းစီ တိုးမြှင့်ရရှိ ခဲ့ကြသည်။ "ဗီယက်နမ်နဲ့ ကမ္ဘောဒီယား စတဲ့နိုင်ငံတွေမှာတော့ လုပ်သားတစ်ယောက်ကို အနည်းဆုံး ဒေါ်လာ ၁၂၀ ရပါတယ်။ မြန်မာနိုင်ငံမှာတော့ တစ်လကို ဒေါ်လာ ၃၀ ကနေ ၅၀ ဝန်းကျင် လောက်ပဲရကြတာပါ" ဟု အထက်ပါပုဂ္ဂိုလ်က ဆက်လက်ပြောဆိုသည်။

Irrawaddy သတင်းဌာနမှ သတင်းကိုဘာသာပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

စစ်အစိုးရ တာဝန်ရှိသူတဦး၏ ပြောကြားချက် (၃)

ပိတောက်မြေ 2010 March 9
https://www.blogger.com/comment.g?blogID=7012297844331854525&postID=1462294494949739520
ကျွန်တော်အရင်က ပြောခဲ့ဖူးသလိုပေါ့ဗျာ။ အချိန်တန်တော့ ထွက်လာပါပြီ။
ဒီတော့ အားလုံး ဆုံးခန်းတိုင်အောင် ဖတ်စေချင်ပါတယ်။ လောလောဆယ်တော့
ဒီတစ်ပတ်လုံး နေ့စဉ်ထုတ်သတင်းစာတွေမှာ နေ့စဉ်နှင့် အမျှ ဆိုသလို
ထည့်သွင်းပေးသွားမှာ ဖြစ်ပါတယ်။

တစ်ချို့ ဥပဒေတွေဟာ နိုင်ငံတော်မှာ နိုင်ငံရေးပါတီတွေကို ကြပ်ထားတယ်လို့
ထင်ကောင်း ထင်နိုင်ပေမယ့် သေချာ လေးနက်စွာတွေးကြည့်မယ်ဆိုရင် ဒီမိုကရေစီ
နိုင်ငံကြီးများရဲ့ စံချိန်စံညွှန်းများနဲ့ ကိုက်ညီ ရေးဆွဲ ခဲ့တာ
ဖြစ်ကြောင်း လေ့လာသိရှိရမှာ ဖြစ်ပါတယ်။ ပါတီများ ဖွဲ့စည်းခြင်း
အပိုင်းကျရင် မိတ်ဆွေ များ ငြင်းကြခုန်ကြအုန်းမှာ မြင်ယောင်ပါသေးတယ်။
နောက်ပြီး လွှတ်တော်အမတ်များ မှတ်ပုံတင်ခြင်းနဲ့ ရွေးကောက်ပွဲ ၀င်ခြင်း
အပိုင်းတွေကို မိတ်ဆွေများ ပိုစိတ်ဝင်စားကြမှာပါ။

ကျွန်တော် ပြောခဲ့သလိုပေါ့။ မတ်လ ထဲမှာ ရွေးကောက်ပွဲ ဥပဒေထွက်မယ်။
ပြီးရင် ကော်မရှင် အဆင့်ဆင့် ဆက်လက် ဖွဲ့စည်းမယ်။ တာဝန်ပေးမယ်။
ဒီအချိန်ကာလဟာ သင်္ကြန် မတိုင်ခင် ဒီအတိုင်းပဲ သွားပါမယ်။ နောက်-
နိုင်ငံရေးပါတီများကို သင်္ကြန်အပြီးမှာ ဖိတ်ခေါ်ပါမယ်။
မှတ်ပုံတင်ခိုင်းပါမယ်။ ပြီးရင် စီစစ်ပါမယ်။ မေလအတွင်းမှာ
မှတ်ပုံတင်ခွင့်ပြုပြီးတဲ့ နိုင်ငံရေးပါတီများကို ထုတ်ပြန်ကြေငြာပါ့မယ်။
ဒီအချိန်က စပြီး နိုင်ငံရေးပါတီများ စတင်စည်းရုံးရေးဆင်းနိုင်ပြီ
ဖြစ်ပါတယ်။ စည်းရုံးချိန် -၆ လခန့် ရမှာ ဖြစ်ပြီး ၂၀၁၀ နိုဝင်ဘာလ ၁၁ ရက်။
(၁၁-၁၁-၂၀၁၀) မှာ ပါတီစုံဒီမိုကရေစီ အထွေထွေရွေးကောက်ပွဲကြီးကို ကျင်းပ
ပြုလုပ်မှာ ဖြစ်ပါတယ်။

မိတ်ဆွေများ ကြိုက်နှစ်သက်ရာ ပါတီနဲ့ လွှတ်တော်အမတ်များကို
ရွေးချယ်နိုင်ကြမှာ ဖြစ်ပါတယ်။ အသည်းကြားက မဲတစ်ပြားက ဘယ်သူ့ဘက်ကို သာမလဲ
ဆိုတာ စောင့်ကြည့်ကြရုံသာ ရှိပါတယ်။
March 9, 2010 1:11 AM

စစ်အစိုးရ တာဝန်ရှိသူတဦး၏ ပြောကြားချက် (၂)

မိတ်ဆွေတွေ ဆွေးနွေးသွားကြတာ ကောင်းပါတယ်။ ကျွန်တော်အရင်ကလဲ
ဝင်ရောက်ဆွေးနွေးဖူးသလိုပေါ့ဗျာ။ ရွေးကောက်ပွဲကတော့ လုပ်ဖြစ်သွားမှာ
သေချာပါတယ်။ မည်သို့သော ကန့်ကွက်မှုတွေ၊ မပါဝင်မှုတွေ ပါဝင်မှု တွေ
ပြောနေစေကာမူ ရွေးကောက်ပွဲသည် နေ့စဉ်နှင့်အမျှ နီးသထက်နီးလာသည်ကို
သတိထားရတော့မှာ ဖြစ်ပါတယ်။ ဒီတော့ ဒီလအတွင်း တပ်မတော်နေ့
(တော်လှန်ရေးနေ့) နဲ့ ရှေ့ဆင့်နောက်ဆင့် ဆိုသလို ရွေးကောက်ပွဲ ဥပဒေ
ကြေငြာမယ်လို့ ခန့်မှန်းပါတယ်။
အချိန်အတိအကျ မရှိသေးလို့ ဘေးထိုင်၊ ဘုပြောမနေကြပါနဲ့။ ၂၀၁၀ ဒီဇင်ဘာလ ၃၁
ရက်ထက်တော့ နောက်မကျဘူးဆိုတာ မိတ်ဆွေများ ခန့်မှန်းသိနိုင်ကြပါတယ်။
အရေးကြီးတာက မိမိတို့ရဲ့ ပါတီ ရည်မှန်းချက် လမ်းစဉ်တွေ၊ မူဝါဒတွေကို
ပြည်သူသိအောင် နည်းလမ်းမျိုးစုံနဲ့ ကြိုးစားနိုင်ကြတာပဲ မဟုတ်လား။
ဒီနေရာမှာ ဘယ်ပါတီပဲ ၀င်ပြိုင်ဝင်ပြိုင် နိုင်ငံရေးလုပ်တဲ့ နေရာမှာ
ငွေရှိမှ ဖြစ်မယ်။ ကိုယ်တိုင် ငွေရှိရင် ရှိ၊ မရှိရင်
ထောက်ပံ့ပေးနိုင်မယ့် အသိုင်းအ၀ိုင်းကြီး တစ်ခု ရှိနေဖို့ လိုတယ်ဗျ။
ရွေးကောက်ပွဲ ဥပဒေရဲ့ နိုင်ငံရေးပါတီများ ဖွဲ့စည်းခြင်းဆိုတဲ့ အပိုင်းမှာ
- နိုင်ငံရေးပါတီတစ်ရပ်သည် ပါတီဖွဲ့စည်းခွင့် ရရှိသည်နှင့် တစ်ပြိုင်နက်
ရွေးကောက်ပွဲ ၀င်ကြေးစပေါ်ငွေအဖြစ် သိန်း ၅၀၀ တင်ရမည် တို့။
လွှတ်တော်အမတ်လောင်းသည် ရွေးကောက်ပွဲဝင်ကြေး ၁၀ သိန်း တင်ရမည် တို့
ဖြစ်လာမယ်နော်။ အရင်တုန်းက ထက် များဖို့ပဲ ရှိတယ်လေ။ နည်းသွားဖို့တော့
မဖြစ်နိုင်ဘူး။ ဒီတော့ ရန်ပုံငွေ မတောင့်တင်းရင်၊ ပိုက်ဆံမရှိရင်
နိုင်ငံရေးမလုပ်နိုင်ဘူး ဖြစ်နေတယ်။
နောက်တစ်ခု စဉ်းစားမိတာက ပါတီများများ သိပ်ပေးဖွဲ့မယ့် ပုံမပေါ်ဘူးပေါ့လေ။
ဒါလဲ တစ်မျိုးကောင်းတာပဲ။ သိပ်များတော့လဲ စဉ်းစားရ ခက်ပါတယ်။
ဒီမိုကရေစီနိုင်ငံကြီးတွေလို ပါတီနဲနဲ နဲ့ ပွဲစည်တာမျိုး ဖြစ်ချင်ပေမယ့်
တိုင်းရင်းသားတွေ အရေးကလဲ ရှိနေပြန်တယ်။ အခုတောင် " ၀ " ကိစ္စ ဘယ်လို
ဖြစ်မယ် မပြောတတ်သေးဘူးလေ။ ကျွန်တော့် သဘောကတော့ ဘယ်တိုင်းရင်းသားမှ
လက်နက်မကိုင်စေချင် တော့ပါဘူး။
အားလုံး နိုင်ငံရေးကို စုပေါင်းအဖြေရှာ ညှိနှိုင်းကြဖို့ပါ။
နိုင်ငံရေးမကောင်းရင် ဘာမှ မကောင်းနိုင်ဘူး။ အပြုသဘောဆောင်တဲ့
ယုံကြည်နားလည်မှု ဟာ အခုအချိန်မှာ အရမ်းလိုအပ်နေတဲ့ နိုင်ငံရေးလိုအပ်ချက်
တစ်ခု ဖြစ်တယ်လို့ ယူဆမိပါတယ်။ အားလုံးပါဝင်စေချင်တယ်ဗျာ။ ဘယ်လိုပဲ
ဖြစ်ဖြစ် မစသေးတာထက်စာရင် စလိုက်ကြရအောင်။ မလုပ်သေးတာထက်စာရင်
လုပ်လိုက်ကြရအောင်။ မဖြစ်သေးတာထက်စာရင် ဖြစ်လာတာကို
ကြိုဆိုလိုက်ကြရအောင်။ အခက်အခဲတွေ လိုအပ်ချက်တွေ အများကြီး ပါ။
ပြောနေရုံနဲ့ မပြီးပါဘူး။
ပြည်ထောင်စု သမ္မတ မြန်မာနိုင်ငံတော်ကြီး အေးချမ်းတည်ငြိမ်စွာ
ပြောင်းလဲနိုင်ပြီး ကမ္ဘာ့အလယ်မှာ ပြန်လည် တင့်တယ်လို့ ဖွံ့ဖြိုးမှုအပေါင်း
သရဖူဆောင်းနိုင်ပါစေဗျား။ ပြည်ထောင်စုမြန်မာနိုင်ငံတော်ကြီးသားများ
အားလုံး တက်ညီလက်ညီ ပြန်လည် ရုန်းထနိုင်စွမ်းအားကြီးမားပုံကို ကမ္ဘာကို
ပြသနိုင်ကြပါစေဗျား။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Irrawaddy, 8th March 2010

မြန်မာနိုင်ငံတွင် နာဂစ် မုန်တိုင်းဒဏ် ခံရသော ဒေသများ၌ ပြန်လည် ထူထောင်ရေး အတွက် ပေးနေသည့် အကူအညီများကို လာမည့် ဇူလိုင်လတွင် ရပ်ဆိုင်းမည် ဖြစ်ကြောင်း ဟနွိုင်းတွင် ကျင်းပသော အာဆီယံ လူသားချင်း စာနာသော အကူအညီပေးရေး လုပ်ငန်းအဖွဲ့ Asean Humanitarian Task Force ၏ ခုနှစ်ကြိမ်မြောက် အစည်းအဝေးတွင် အာဆီယံက ကြေညာခဲ့သည်။

သို့ရာတွင် နာဂစ်ဒဏ်ခံရသော ဧရာဝတီတိုင်းနှင့် ရန်ကုန်တိုင်းတို့တွင် လူပေါင်း ငါးသိန်းခန့်သည် အမိုးအကာမဲ့၊ အလုပ်အကိုင်မဲ့ ဖြစ်လျက် ရှိနေသေးကြောင်း မြန်မာနိုင်ငံတွင်းရှိ NGO အဖွဲ့များ ပါဝင်သော ကယ်ဆယ်ရေး အဖွဲ့များက ပြောကြားခဲ့သည်။

လူသားချင်း စာနာသော လုပ်ငန်းစဉ်များ ဇူလိုင်လတွင် ပြီးဆုံးရန် ပြင်ဆင်ရာ၌ အာဆီယံသည် အဆိုပါ ဒေသများသို့ အကူအညီများ အရှိန်မြှင့်၍ ပေးသွားမည် ဖြစ်ပြီး၊ ပြန်လည် ထူထောင်ရေး အတွက် ညှိနှိုင်းပေးသည့် ကဏ္ဍကို မြန်မာ အစိုးရသို့ လွှဲပြောင်းပေးသွားမည် ဖြစ်ကြောင်း အာဆီယံ၏ ကြေညာချက်အရ သိရှိရသည်။

အာဆီယံ အထွေထွေ အတွင်းရေးမှူး Surin Pitsuwan က ပြောကြားရာတွင် AHTF က ၎င်း၏ လုပ်ငန်းစဉ်များကို ၂၀၁၀ ဇူလိုင်လတွင် ရပ်ဆိုင်းမည်ဟု ဆိုသော်လည်း နာဂစ်ဒေသ ပြန်လည် ထူထောင်ရေး လုပ်ငန်းများမှာ နှစ်ချီ၍ ကြာနိုင်ကြောင်း ပါဝင်သည်။

နောက်ဆုံး ထုတ်ပြန်သော ပြန်လည် သုံးသပ်မှု အမှတ် (၃) တွင် လစ်ဟာမှုများ ရှိနေသေးကြောင်း၊ နေအိမ်များ၊ အသက်မွေးမှု ဘဝများ၊ ရေနှင့် သန့်ရှင်းမှုတို့တွင် လိုအပ်ချက်နှင့် ကွာဟဆဲဖြစ်ကြောင်း ဖော်ပြထားသည်။ ထို့ကြောင့် အဆိုပါ လိုအပ်ချက်များ အမြန် ပြန်လည်ရရှိရေး အတွက် အရှိန်မြှင့်ရန် အရေးကြီးကြောင်း Surin က ပြောကြားခဲ့သည်။ ဆိုင်ကလုန်း နာဂစ်သည် မြန်မာနိုင်ငံ မြစ်ဝကျွန်းပေါ်နှင့် ရန်ကုန်တိုင်းတို့တွင် ၂၀၀၈ ခုနှစ် မေလ ၂ ရက်နေ့က တိုက်ခတ်ခဲ့ပြီး၊ လူပေါင်း ၁၄၀,၀၀၀ သေဆုံးပြီး၊ လူ ၂ သန်းခန့်ကို များစွာ ထိခိုက်မှုများ ဖြစ်စေခဲ့သည်။

Surin က ဆက်လက် ပြောကြားရာတွင် မြန်မာနိုင်ငံတွင် ကယ်ဆယ်ရေး လုပ်ငန်းစဉ်ကြီး လုပ်ကိုင်ပေးရာမှ ရရှိသော သင်ခန်းစာများကို မှတ်တမ်းတင်ထားရန် လိုအပ်ကြောင်း၊ နာဂစ်ဒဏ်ခံ အသိုင်းအဝိုင်းများ ခံစားရမှုများ လျော့ပါးသွားရေးအတွက် ၂၀၁၀ ဇူလိုင်လ အထိ ညှိနှိုင်းရေး ကဏ္ဍကို ဆက်လက် တာဝန်ယူထားမည် ဖြစ်ပြီး၊ မြန်မာနိုင်ငံသို့ လွှဲပြောင်းပေးရာတွင် အဆင်ပြေ ချောမွေ့ရေး အတွက် ပြင်ဆင်ကြရန် ပြောကြားခဲ့သည်။

စောင့်ကြည့် လေ့လာသူများက အာဆီယံက အကူအညီ ရပ်ဆိုင်းမည့် ဇူလိုင်လ နောက်ပိုင်းတွင်လည်း ပြန်လည် ထူထောင်ရေး လိုအပ်မည့် အိမ်ထောင်စုများစွာ ကျန်ဦးမည် ဖြစ်ကြောင်း ပြောကြားခဲ့သည်။ ပြန်လည် ထူထောင်ရေး လုပ်ငန်းများကို အရှိန်မြှင့်ရခြင်း အကြောင်းမှာ ရွေးကောက်ပွဲ အတွက် ပြင်ဆင်ခြင်း အစိတ်အပိုင်း တစ်ခု ဖြစ်လိမ့်မည်ဟု ယူဆရပြီး၊ နိုင်ငံခြားသားများအား ရွေးကောက်ပွဲ ကျင်းပချိန်တွင် မြန်မာနိုင်ငံ၌ ရှိမနေစေလိုသည့် သဘော ဖြစ်မည်ဟု ၎င်းတို့က ပြောသည်။

ပြီးခဲ့သည့် နိုဝင်ဘာ ၂၀၀၉ ခုနှစ်က အာဆီယံသည် လူသားချင်း စာနာသည့် လုပ်ငန်း အသိုင်းအဝိုင်း နှင့်အတူ နာဂစ်ဒဏ် ခံစားရသူများ အရေးတကြီး လိုအပ်ချက် အတွက် အမေရိကန် ဒေါ်လာ ၁၀၃ သန်း ပေးရန် အသနားခံခဲ့သည်။

၂၀၁၀ ဖေဖော်ဝါရီလ ၂၈ ရက်တွင် စုစုပေါင်း ဒေါ်လာ ၉၁.၃ သန်းထိ တိုးပေးခဲ့ပြီး၊ ဒေါ်လာ ၃၈.၅၇ သန်းမှာ ထိုဒေသတွင် လုပ်ကိုင်နေသော အဖွဲ့များနှင့် ရန်ပုံငွေများမှ လက်ခံ ရရှိပြီး ဖြစ်ကြောင်း အဆိုပါ ထုတ်ပြန်ချက်တွင် ဖော်ပြထားသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.