Transparency Myanmar

transparency.myanmar@gmail.com

ဗြိတိန်နိုင်ငံ ပြည်ပနှင့် ဓနသဟာယ အဖွဲ့ရုံး ဝန်ကြီး Ivan Lewis ၏ ထုတ်ပြန် ကြေညာချက်

31st March 2010

          တပ်မတော်နေ့ မိန့်ခွန်း၏ ဆိုလိုရင်းမှာ ထူးခြားလာခြင်း မရှိပါ။ တပ်မတော်နေ့တွင် စစ်သားများ နေပြည်တော်ကို ဖြတ်သန်း ချီတက်ခဲ့ပြီးနောက် ဗိုလ်ချုပ်မှူးကြီး သန်းရွှေက စည်းကမ်း ပြည့်ဝသည့် ဒီမိုကရေစီနှင့် ပတ်သက်သော သူ၏  အမြင်ကို ထုတ်ဖော် ပြောကြားလိုက်သည်။ ထိုအချိန်သည် ဝမ်းနည်း ပူပန်နေရမည့်အစား ဂုဏ်ပြု အခမ်းအနား ကျင်းပခဲ့ချိန်ပင် ဖြစ်သည်။

ပိုမို ကောင်းမွန်သော အနာဂတ် လမ်းကြောင်းပေါ်သို့ မြန်မာနိုင်ငံ ရောက်ရှိရန် တစ်ကြိမ်သာ ပေါ်ထွက်လာသော အခွင့်အလမ်းကို အလဟသ ဖြုန်းတီး ပစ်ရန် စစ်ဗိုလ်ချုပ်များက ဆုံးဖြတ်ထားပုံ ရသည်။ လာမည့် ရွေးကောက်ပွဲများသည် လွတ်လပ်မျှတ၍ အားလုံး ပါဝင်ခွင့်ရမည့် အလားအလာ မရှိဟု လတ်တလော ကြေညာခဲ့သော ရွေးကောက်ပွဲ ဥပဒေက ရည်ညွှန်းနေသည်။ ဒေါ်အောင်ဆန်းစုကြည်၏ ပါတီမှာ သူမအား ထုတ်ပယ်ရန် သို့မဟုတ် ဖျက်သိမ်းရန် ဖိအားပေးခြင်း ခံနေရသည်။ မဲဆန္ဒရှင် ပြည်သူများမှာလည်း "မှန်ကန်စွာ ရွေးချယ်ကြ" ဟု သတိပေးခြင်း ခံနေရသည်။ အထွေထွေ ရွေးကောက်ပွဲ ဖြစ်ရမည့် အစား စစ်ဗိုလ်ချုပ်များ၏ ရွေးကောက်ပွဲသာ ဖြစ်လာလိမ့်မည်။

အထက်ပါ အကြောင်းများကြောင့် ဗြိတိန်နိုင်ငံက အဆိုပါ ဖြစ်ပေါ်မှုများကို ဆွေးနွေးရန် ကုလသမဂ္ဂ လုံခြုံရေး ကောင်စီ အရေးပေါ် အစည်းအဝေးကို ကျင်းပရန် ကြိုးပမ်းခဲ့ခြင်း ဖြစ်ပြီး ကုလ လူ့အခွင့်အရေး ကောင်စီက မတ်လ ၂၆ ရက်နေ့တွင် လက်ခံ ချမှတ်ခဲ့သော မာကျောသည့် ဆုံးဖြတ်ချက်ကို အားပေးထောက်ခံခဲ့ခြင်း ဖြစ်သည်။

နိုင်ငံတကာ အစည်းအဝေးများတွင် မြန်မာနိုင်ငံ အရေးကိစ္စကို ဦးစားပေး ဆွေးနွေးရန် မိမိတို့ ဆုံးဖြတ်ထားသည်။ မြန်မာနိုင်ငံတွင် စစ်အာဏာရှင် အုပ်ချုပ်မှုကြောင့် ထွက်ပေါ်လာသော လူသား အကျိုးပြု ရလဒ်များ မည်သည်မျှ မရှိပါ။ ကြီးမားသော ဆင်းရဲဒုက္ခကို ခံစားရခြင်း၊ ထိပ်လန့်ဖွယ် လူ့အခွင့်အရေး ချိုးဖောက်မှုများ ဖြစ်ပွားနေခြင်း၊ လူသားဘဝ ဝမ်းနည်းဖွယ် ဆုံးရှုံးနေခြင်း စသည့် အကျိုးဆက်များသာ ထွက်ပေါ်လာခဲ့သည်။

မြန်မာပြည်သူတို့၏ ရဲရင့်မှုနှင့် ဆုံးဖြတ်ချက်ကို လေးစား တုံ့ပြန်ရန် မိမိတို့တွင် တာဝန်ရှိပါသည်။ ခါးသီးမှုကြောင့်သာ မကဘဲ နိုင်ငံ၏ ကောင်းမွန်သော အနာဂတ်ကို တွေ့မြင်လိုသော အဖိနှိပ်ခံ ပြည်သူများကို ကူညီရေး အတွက် ဘဝကိုပင် စွန့်လွှတ်ရန် အဆင်သင့် ရှိနေသော လူငယ် နိုင်ငံရေးသမားများနှင့် မိမိတို့ တွေ့ဆုံခဲ့ပါသည်။ ဤသည်မှာ နိုင်ငံတွင်း လူမဆန်သည့် လုပ်ရပ်များကြားမှ အံ့အားသင့်ဖွယ် ထွက်ပေါ်လာခြင်း ဖြစ်ပြီး မြန်မာလူမျိုး အများစုမှာ အမျိုးသား ပြန်လည် ပေါင်းစည်းရေးအတွက် ငြိမ်းချမ်းသော လုပ်ငန်းစဉ်တစ်ခုကိုသာ အခိုင်အမာ ဆက်လက် တောင်းဆိုနေပါသည်။

နိုင်ငံ၏ စစ်မှန်သော တိုးတက်မှုကို ဖြစ်ပေါ်စေမည့် ဒီမိုကရေစီ စနစ်သို့ အပြည့်အဝ အသွင်ပြောင်းရေး ဟူသော ရည်မှန်းချက် အောင်မြင်အောင် ကြိုးစားရန်  ပြည်သူတို့တွင် အခွင့်အရေး ရှိသည်ဟု မိမိ အခိုင်အမာ ယုံကြည်ထားသည်။

ကိုယ်ကျိုးစီးပွား မရှာဘဲ ပြည်သူတို့၏ အကျိုးစီးပွားကို ဆောင်ရွက်မည့် အစိုးရ ထွက်ပေါ်လာစေရန် မြန်မာပြည်သူတို့က လိုလားနေပါသည်။ မှားယွင်းသော စီးပွားရေး စီမံခန့်ခွဲမှုများနှင့် တစ်နိုင်ငံလုံး အကျင့်ပျက် လာဘ်စားမှုများကြောင့် မြန်မာနိုင်ငံသည် အာရှတိုက် ဆန်အိုးကြီး ဘဝမှ ပြည်သူများ ဆင်းရဲတွင်းနက်သည့် နိုင်ငံ အဖြစ်သို့ ရောက်ရှိခဲ့သည်။ ကျန်းမာရေးနှင့် ပညာရေးကဏ္ဍအတွက် ငွေကြေးသုံးစွဲမှုမှာလည်း ကမ္ဘာ့နိုင်ငံများ အနက် အနိမ့်ဆုံး ဖြစ်နေသည်။ မြန်မာနိုင်ငံအပေါ် ပြင်ပမှ နောက်ဆုံး ရှုမြင်မှုမှာ ပြည်သူတို့သည် ကမ္ဘာ့ကုန်သွယ်ရေးမှ အကျိုးအမြတ် ရရှိနိုင်ရန် စတင် ကြိုးစားခွင့် ရှိနေပြီး အစိုးရသည်လည်း နိုင်ငံ၏ သယံဇာတများမှ ရရှိသော ဝင်ငွေကို ပြည်သူ့ဝန်ဆောင်မှု လုပ်ငန်းများနှင့် မျိုးဆက်သစ် ပညာရေး အစီအစဉ်များတွင် အသုံးပြုခွင့် ရှိနေခြင်းပင် ဖြစ်သည်။

ဤအချက်သည် မြန်မာစစ်ခေါင်းဆောင်များ အတွက်လည်း ရွေးချယ်စရာတစ်ခု ဖြစ်သည်။ လက်ရှိ ရက်စက်သော အာဏာရှင်စနစ်နှင့် ဆိုးဝါးသော အာဏာ အလွဲသုံးမှုများအစား မြန်မာကို ကမ္ဘာတွင် ဝင်ဆန့်စေနိုင်မည့် ရေရှည် တည်ငြိမ်မှုနှင့် လုံခြုံမှုကို ရရှိစေမည့် အသွင် ကူးပြောင်းမှု တစ်ခုကို လုပ်ဆောင်နိုင်မည် ဖြစ်ကာ သမိုင်း၌ နေရာတစ်ခုကို ရရှိနိုင်ပါလိမ့်မည်။ သို့မဟုတ်ပါက ကြောက်ရွံ့မှု၊ အရှက်တကွဲ သိက္ခာ ကျဆင်းမှုတို့ဖြင့်သာ ဆက်လက် စခန်းသွားရလိမ့်မည် ဖြစ်သည်။

မြန်မာနိုင်ငံ၏ အိမ်နီးချင်း နိုင်ငံများအတွက်လည်း စစ်မှန်သည့် တံခါးဖွင့် နိုင်ငံရေး အခြေကျမှုကြောင့် စစ်ပြေး ဒုက္ခသည်များကို အိမ်ပြန်လွှတ်နိုင်မည် ဖြစ်ကာ နယ်စပ်ဒေသ မတည်ငြိမ်မှုကို အဆုံးသတ်နိုင်ပါလိမ့်မည်။ လက်ရှိတွင် ရိုဟင်ဂျာ၊ ကရင်နှင့် အဖိနှိပ်ခံ ပြည်သူများ၏ နယ်စပ် ဖြတ်ကျော် ထွက်ပြေးမှုမှာ အရေအတွက် အလွန် များပြားနေပါသည်။ ပြည်သူများအား နေရပ် စွန့်ခွာ ထွက်ပြေးစေသည့် အကြောင်းရင်းများကို မပြောင်းလဲနိုင်ပါက ပြဿနာများ ဆက်လက် ဖြစ်ပွားနေမည်သာ ဖြစ်သည်။ ဤအခြေအနေများကို ပြောင်းလဲပစ်နိုင်ပါက မူးယစ်ဆေးဝါး ကုန်သွယ်မှုနှင့် လူမှောင်ခို ရောင်းဝယ်မှုကိုပါ ကိုင်တွယ်နိုင်မည် ဖြစ်ပြီး နောက်ဆုံးတွင် ယခင် အခြေအနေနှင့် ပြောင်းပြန် ဖြစ်သွားနိုင်သည်။

အထက်ပါ အကြောင်းများကြောင့် ဗြိတိန်နိုင်ငံက မြန်မာပြည်သူများအတွက် ဆက်လက် ရပ်တည်သွားရန် ဆုံးဖြတ်ထားသည်။ မိမိ ယုံကြည် လက်ခံထားသော အချက် ၃ ချက် ရှိသည်။

ပထမ တစ်ချက်မှာ မိမိ ပြည်သူကို မိမိ ဖိနှိပ် ချုပ်ချယ်ရေးကို တပ်မတော်၏ ဦးစားပေး မူဝါဒ အဖြစ် သတ်မှတ်ထားသော မြန်မာနိုင်ငံသို့ မည်သူကမှ လက်နက် မရောင်းသင့်သော အချက် ဖြစ်သည်။ တစ်ကမ္ဘာလုံး လိုက်နာရမည့် လက်နက်ရောင်းဝယ်မှု တားမြစ်ရေး ဆုံးဖြတ်ချက်ကို ချမှတ်သင့်သည်မှာ အချိန်ပင် လွန်နေပြီ ဖြစ်သည်။ မြန်မာ စစ်ခေါင်းဆောင်များအား လက်နက် ရောင်းချပေးခြင်း ရပ်ဆိုင်းရန်နှင့် အီးယူ၏ ဦးဆောင်မှုကို လိုက်နာရန် အခြားနိုင်ငံများအား ဗြိတိန်က တိုက်တွန်း နှိုးဆော်နေသည်။

ဒုတိယ တစ်ချက်မှာ ဒေါ်အောင်ဆန်းစုကြည် အပါအဝင် အကျဉ်းသား အားလုံးကို လွှတ်ပေးခြင်း၊ အတိုက်အခံနှင့် တိုင်းရင်းသား အဖွဲ့အစည်း အားလုံးကို ပါဝင်ခွင့် ပေးခြင်း စသည်တို့ကို မပြုလုပ်ပါက ယခုနှစ်ကုန် ရွေးကောက်ပွဲသည် လက်ခံ ယုံကြည်ဖွယ် ရှိမည် မဟုတ်သလို မြန်မာနိုင်ငံ၏ ပြဿနာ အရပ်ရပ်ကို ပြေလည်ရန် အထောက်အကူ ရလိမ့်မည် မဟုတ် ဆိုသည်ကို မြန်မာ စစ်ခေါင်းဆောင်များ ရှင်းရှင်းလင်းလင်း နားလည်အောင် ပြုလုပ်ရမည် ဖြစ်သည်။

နောက်ဆုံး တစ်ချက်မှာ တိုးတက်မှု မရှိ၍ စိတ်ပျက်စရာ ဖြစ်နေသော လိပ်ခဲတည်းလည်း အခြေအနေကို ဆန့်ကျင် ကန့်ကွက်ရမည့် အချက် ဖြစ်သည်။ အကယ်၍ မြန်မာပြည်သူများက အနာဂတ် အလားအလာအပေါ် အကောင်းမြင် မျှော်လင့်နေခြင်းကို ဆက်လက် ဆုပ်ကိုင်ထားပါက လှည့်ပြန်ရန် သို့မဟုတ် လက်လျှော့ရန် မိမိတို့တွင် အခွင့်အရေး မရှိပါ။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

အမေရိကန် သမ္မတ ဘားရက် အိုဘားမား အုပ်ချုပ်ရေးအဖွဲ့၏ စေ့စပ်ညှိနှိုင်းရေး မူဝါဒကို မြန်မာ စစ်အစိုးရက ကောင်းစွာ အသုံးချပြီး မျှတမှု မရှိသည့် ရွေးကောက်ပွဲကို မျှတမှု ရှိသည်ဟု ထင်မြင်လာစေရန် ကြိုးပမ်းနိုင်ကြောင်း သုံးသပ်ချက် အစီရင်ခံစာ တစ်စောင် ထွက်ပေါ်လာသည်။

အဆိုပါ အစီရင်ခံစာကို Asia Society ဟူသော အမေရိကန် အခြေစိုက် Think Tank တစ်ခုက မြန်မာ စစ်ဗိုလ်ချုပ်များကို ဖိအားပေးမှုများ ပြုလုပ်ရန် ကြိုးပမ်းလျက် ရှိသော ဝါရှင်တန် အစိုးရအတွက် အထောက်အပံ့ တစ်ရပ်အနေဖြင့် ပြုလုပ်ခဲ့ခြင်း ဖြစ်သည်။ အမေရိကန် အစိုးရက ရွေးကောက်ပွဲသည် ယုံကြည် စိတ်ချရမှု ရှိပြီး တိုင်းရင်းသား လူနည်းစုများ၊ နိုင်ငံရေးသမားများ အားလုံး ပါဝင်ခွင့် ရရှိစေလိုသည်။

သို့သော် အမေရိကန် အစိုးရအနေဖြင့် ယခု လာမည့် ရွေးကောက်ပွဲကို တရားဝင် အသိအမှတ် ပြုပေးသလို ဖြစ်နိုင်သည့် အနေအထားသို့ ရောက်ရှိနေသည့် အချက်ကို သတိပြု သင့်သည်ဟု အဆိုပါ Think Tank က ဆိုသည်။ အဆိုပါ ရွေးကောက်ပွဲသည် ဒီမိုကရေစီ ပြောင်းလဲရေး ဖြစ်စဉ်မျိုး မဟုတ်ဘဲ စစ်အာဏာရှင် စနစ် သက်ဆိုးရှည်စေရန်သာ ရည်ရွယ်သည်ဟု အတိုက်အခံများက သုံးသပ်ထားသည်။

"အမေရိကန် အနေနဲ့ အန္တရာယ်တွေကို ကြိုတင် သိရှိထားရမည်။ စစ်အစိုးရက အမေရိကန်၏ စေ့စပ်ညှိနှိုင်းမှု မူဝါဒကို အသုံးချပြီး ၎င်းကိုယ်တိုင် အကွက်ဆင်ထားသည့် ရွေးကောက်ပွဲကို အမေရိကန်က ထောက်ခံသည် ဟူသော အချက်ကို ပြည်သူများ လက်ခံလာအောင် ကြိုးပမ်းကောင်း ကြိုးပမ်းနိုင်သည်" ဟု ပြင်းပြင်းထန်ထန် သတိပေးထားသည်။ အကယ်၍ ဖော်ပြပါ အချက်ကို သတိမမူမိပါက မြန်မာနိုင်ငံအရေးတွင် စစ်တပ် ခြယ်လှယ်နေသည့် ကိစ္စအား အမေရိကန်က အသိအမှတ်ပြု လက်ခံလိုက်သလို ဖြစ်သွားနိုင်သည်။

အဆိုပါ အစီရင်ခံစာကို ၂၀၀၄ ခုနှစ် သမ္မတ ရွေးကောက်ပွဲတွင် ဒီမိုကရက်တစ်ပါတီမှ ဝင်ရောက် ယှဉ်ပြိုင်ခဲ့သူ အငြိမ်းစား ကြည်းတပ် ဗိုလ်ချုပ်ကြီး Wesley Clark နှင့် ယခင် သမ္မတဟောင်း ဂျော့ဒဗလျူဘွတ်ရ်ှတို့က ပူးတွဲ ကြီးကြပ်ခဲ့သည်။ သမ္မတဟောင်း ဘွတ်ရ်ှသည် ယခုအခါ နိုင်ငံတကာ ဖွံ့ဖြိုးမှုဆိုင်ရာ အမေရိကန် အေဂျင်စီ၏ အကြီးအကဲအဖြစ် လုပ်ကိုင်လျက် ရှိသည်။

အမေရိကန် သမ္မတ အိုဘားမားက ကာလ ကြာရှည်စွာ မြန်မာနိုင်ငံအပေါ် ကျင့်သုံးခဲ့သည့် အထီးကျန်ဖြစ်စေရေး မူဝါဒကို ပြောင်းလဲပြီး စစ်ဗိုလ်ချုပ်များနှင့် စေ့စပ်ညှိနှိုင်းသည့် မူဝါဒကို စတင် ကျင့်သုံးမည်ဟု ထုတ်ဖော်ထားသည်။ အဆိုပါ မူဝါဒသစ် ထုတ်ပြန်ပြီး ခြောက်လခန့် အကြာတွင် Asia Society Think Tank က အစီရင်ခံစာ ထုတ်ပြန် သတိပေးခဲ့ခြင်း ဖြစ်သည်။

အမေရိကန် အစိုးရ၏ မူဝါဒသစ်သည် ယခုအချိန်အထိ မြန်မာ့ ဒီမိုကရေစီ အရေးအတွက် အနည်းငယ်သာ အကျိုး သက်ရောက်မှု ရှိစေသည်။ ယခု ရက်သတ္တပတ် အတွင်း၌ အတိုက်အခံ ခေါင်းဆောင် ဒေါ်အောင်ဆန်းစုကြည်၏ အမျိုးသား ဒီမိုကရေစီ အဖွဲ့ချုပ်က စစ်အစိုးရ ကျင်းပ ပြုလုပ်ပေးမည့် ရွေးကောက်ပွဲကို သပိတ်မှောက်ကြောင်း ထုတ်ဖော် ကြေညာလိုက်သည်။ NLD အနေဖြင့် ရွေးကောက်ပွဲ ကော်မရှင်တွင် မှတ်ပုံတင်မည် မဟုတ်သကဲ့သို့ ရွေးကောက်ပွဲတွင် ဝင်ရောက် ယှဉ်ပြိုင်မည်လည်း မဟုတ်ကြောင်း ကြေညာခဲ့သည်။

ယင်းသို့ ကြေညာလိုက်ခြင်းဖြင့် အမျိုးသား ဒီမိုကရေစီ အဖွဲ့ချုပ်သည် မကြာမီ ကာလအတွင်း ပါတီအဖြစ်မှ တရားဝင် ဖျက်သိမ်းခံရတော့မည် ဖြစ်သည်။

အိုဘားမား အုပ်ချုပ်ရေးအဖွဲ့က မြန်မာအရေးတွင် စေ့စပ်ညှိနှိုင်းမှုများ ပြုလုပ်ရန် ကြိုးပမ်းနေသောကြောင့် စိတ်ရှည်လက်ရှည် ရှိရမည်ဟု ဆိုပြန်သည်။ ဤ အတောအတွင်း မှာပင် အမေရိကန် အစိုးရ အရာရှိများက မြန်မာနိုင်ငံအပေါ် ထားရှိသည့် စီးပွားရေး ပိတ်ဆို့ အရေးယူမှု ဝါဒကို ဖယ်ရှားပေးမည် မဟုတ်ကြောင်း အသိပေးလိုက်သည်။ ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများကို စစ်အစိုးရက လွှတ်ပေးခြင်း၊ ဒီမိုကရေစီ ဖော်ဆောင်ပေးခြင်း၊ ပြည်သူလူထုအပေါ် ကောင်းမွန်စွာ ဆက်ဆံခြင်း အစရှိသည်တို့ ပြုလုပ်မှသာ ပိတ်ဆို့ အရေးယူမှုကို ဖယ်ရှားပေးမည်ဟု ဆိုသည်။

အမေရိကန် ပြည်ထောင်စုအနေဖြင့် မြန်မာ့အရေးကို ကိုင်တွယ်ရာတွင် အချိန်နှင့် ငွေကြေး ကန့်သတ်ချက်များ ရှိလိမ့်မည် ဖြစ်ကြောင်း၊ အကြောင်းမှာ အမေရိကန် ပြည်ထောင်စုတွင် အခြားသော ကမ္ဘာ့ အရေးကိစ္စများလည်း ရှိနေသောကြောင့် ဖြစ်ကြောင်း ယင်းအစီရင်ခံစာက ဆိုသည်။ အာဖဂန်နစ္စတန်နှင့် အီရတ်မှ စစ်ပွဲများကိစ္စ၊ တရုတ်နှင့် စီးပွားရေး၊ စစ်ရေး ပူးပေါင်း ဆောင်ရွက်မှုဆိုင်ရာ အရေးကိစ္စများ၊ အီရန်၊ မြောက်ကိုရီးယား၏ နျူကလီယာ ကိစ္စများမှာ အမေရိကန် ရင်ဆိုင် ဖြေရှင်းနေရသော ကမ္ဘာ့အရေး ကိစ္စများပင် ဖြစ်သည်။

သို့အတွက်ကြောင့် အိုဘားမား အုပ်ချုပ်ရေးအဖွဲ့ အနေဖြင့် မြန်မာနှင့် အမေရိကန် ပူးပေါင်း ဆောင်ရွက်ရေးအတွက် အထူးသံတမန်တစ်ဦး ခန့်အပ်ထားသင့်သည်ဟု အစီရင်ခံစာက တိုက်တွန်းထားသည်။

ကျင်းပရန် ရှိသည့် ရွေးကောက်ပွဲကို အမေရိကန်က တိုက်ရိုက် ကြီးကြပ်စောင့်ကြည့်မှု မပြုလုပ်သင့်ကြောင်း၊ အကြောင်းမှာ ယင်းသို့ စောင့်ကြပ် လေ့လာမှု ပြုခြင်းသည် အားနည်း ချို့ယွင်းချက်များ ရှိသည့် ရွေးကောက်ပွဲကို အသိအမှတ်ပြုသည်ဟု ထင်မှတ် သွားနိုင်သောကြောင့် ဖြစ်ကြောင်းလည်း သတိပေးထားသည်။

AP သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Irrawaddy, By Saw Yan Naing, 30th March 2010

မြန်မာနိုင်ငံ အနောက်ဖက် ရခိုင်ပြည်နယ်တွင် မူလကတည်းက နေထိုင်ကြသော မူစလင် လူမျိုးစု ဖြစ်သော ရိုဟင်ဂျာများသည် လာမည့် ရွေးကောက်ပွဲတွင် ပါဝင်ယှဉ်ပြိုင်ရန် နိုင်ငံရေး ပါတီတစ်ခု ဖွဲ့စည်းမည် ဖြစ်ကြောင်း ရိုဟင်ဂျာ အဖွဲ့အစည်း၏ ထင်ရှားသော အဖွဲ့ဝင်များနှင့် နီးစပ်သော အသိုင်းအဝိုင်းမှ လာသော သတင်းများအရ သိရသည်။

"သူတို့ ပါတီတစ်ခု ဖွဲ့ပါလိမ့်မယ်။ သူတို့က ဆက်သွယ်လာတယ် ဆိုတော့ အချင်းချင်း ကူညီရမှာပေါ့" ဟု အမျိုးသားနိုင်ငံရေး  မဟာမိတ်ပါတီမှ ခေါင်းဆောင် ဦးအုန်းလွင်က ပြောသည်။ ရိုဟင်ဂျာများ၏ ပါတီအသစ်တွင် ခေါင်းဆောင်မှာ ရန်ကုန်မြို့တွင် နေထိုင်သော ရိုဟင်ဂျာတစ်ဦး ဖြစ်သူ ဦးအုန်းတင် ဖြစ်သည်ဟု ၎င်းက ပြောသည်။

ရိုဟင်ဂျာ ပါတီ အသစ်သည် အမည်ရွေးရခြင်း၊ မှတ်ပုံတင်ရခြင်းလည်း မရှိသေးကြောင်း သိရသည်။ "သူတို့ ပါတီ နာမည်က ရိုဟင်ဂျာဆိုတဲ့ နာမည် မထည့်ပါဘူး။ ဘာဖြစ်လို့လဲ ဆိုတော့ လက်ရှိအစိုးရက သူတို့ကို တရားဝင် တိုင်းရင်းသားလို့ အသိအမှတ်မပြုသေးဘူးလေ" ဟု ဦးအုန်းလွင်က ပြောသည်။ အချို့သတင်းများအရ ရိုဟင်ဂျာ ပါတီအသစ်ကို "မြန်မာ ဘင်္ဂါလီ" ဟု အမည် ပေးလိမ့်မည်ဟု ဆိုသည်။

ရိုဟင်ဂျာ အများစုသည် မြန်မာနိုင်ငံတွင် ရခိုင်ပြည်နယ်၌သာ နေထိုင်သည် ဆိုသော်လည်း ဦးအုန်းလွင်၏ အဆိုအရ ရိုဟင်ဂျာပါတီသည် နိုင်ငံအနှံ့ ရခိုင်ပြည်နယ်တွင် စစ်တွေ၊ ဘူးသီးတောင်၊ မောင်းတော၊ ရသေ့တောင်၊ မန္တလေးတိုင်းတွင် ကျောက်ဆည်၊ မိတ္ထီလာနှင့် ရမည်းသင်း၊ ရန်ကုန်တိုင်းတွင် မင်္ဂလာတောင်ညွန့်၊ သင်္ကန်းကျွန်းနှင့် တာမွေ၊ မွန်ပြည်နယ်တွင် မော်လမြိုင်တို့၌ ရွေးကောက်ပွဲ ဝင်မည် ဖြစ်သည်။

မြန်မာနိုင်ငံသား မဟုတ်သော ရိုဟင်ဂျာ အဖွဲ့အစည်းအတွက် နိုင်ငံရေး ပါတီ ဖွဲ့ရန် ခက်ခဲကောင်း ခက်ခဲနိုင်သည်။ စစ်အစိုးရကလည်း ရိုဟင်ဂျာများကို ယခင်က ရက်ရက်စက်စက် နှိပ်ကွပ်ခဲ့သည်။ သို့သော် ယခုအခါ ရွေးကောက်ပွဲ ရည်ရွယ်ချက်ကြောင့် ဖြစ်မည် ထင်ရပြီး နိုင်ငံသား ပြဿနာ ဖြေရှင်းနိုင်သည့် အကူအညီများ တွေ့လာရသည်။

ရွေးကောက်ပွဲ ဥပဒေ အသစ်အရ ယာယီ မှတ်ပုံတင် ကိုင်ဆောင်ထားသူများသည် အသက် (၁၈) နှစ်ကျော်လျှင် မဲပေးခွင့် ရရှိမည် ဖြစ်သည်။

ဖေဖော်ဝါရီ လဆန်းပိုင်းက ရခိုင်ပြည်နယ် ဒေသဆိုင်ရာ လူဝင်မှု ကြီးကြပ်ရေးမှ တာဝန်ရှိ ပုဂ္ဂိုလ်များသည် အရွယ်ရောက်ပြီးသူ ရိုဟင်ဂျာများအား အစိုးရ ကျောထောက်နောက်ခံပြု ကြံ့ခိုင်ရေး အသင်း (USDA) နှင့် တိုင်းရင်းသား စည်းလုံးညီညွတ်ရေး ပါတီ (NUP) တို့၏ အကူအညီဖြင့် ယာယီမှတ်ပုံတင်များ ထုတ်ပေးခဲ့သည်။ ရိုဟင်ဂျာများသည် ယာယီ မှတ်ပုံတင်အတွက် ၃၅ဝဝ ကျပ် (အမေရိကန် ဒေါ်လာ ၃.၅) ပေးရပြီး ရခိုင်ပြည်နယ်တွင် နေထိုင်သော ရိုဟင်ဂျာများ၏ ၆ဝ % သည် ယာယီ ကတ်ပြားများ ထုတ်ယူပြီး ဖြစ်သည်။

သတင်းများက ဧရာဝတီသို့ ပြောကြားရာတွင် မတ်လလယ်ခန့်က ပြည်ထဲရေး ဝန်ကြီး ဌာန ဒုတိယ ဝန်ကြီး ဗိုလ်မှူးချုပ်ဖုန်းဆွေသည် ရိုဟင်ဂျာ စီးပွားရေး လုပ်ငန်းရှင် အချို့နှင့်အတူ ရိုဟင်ဂျာများနေထိုင်ရာ ဘူးသီးတောင်နှင့် မောင်းတောသို့ တစ်ပတ်ကြာ စည်းရုံးရေး ဆင်းခဲ့သည်ဟု သိရသည်။

ထို့အပြင် ရိုဟင်ဂျာပါတီ အသစ်သည် မည်သည့် လမ်းစည်ကို ရွေးမည် ဆိုသည်ကို စောင့်ကြည့်ရမည် ဖြစ်ကာ လေ့လာသူများကမူ ရိုဟင်ဂျာများကို အစိုးရဘက်မှ မဟာမိတ်အဖြစ် ပါဝင်ရန် စည်းရုံးလိမ့်မည်ဟု ဆိုသည်။

ရိုဟင်ဂျာ စီးပွားရေး လုပ်ငန်းရှင် နှစ်ဦး ဖြစ်သော ဦးအောင်ဇော်ဝင်းနှင့် ဦးအောင်နိုင်တို့ကမူ အစိုးရ၏ မဟာမိတ်ပါတီများ အဖြစ် သီးခြားစီ ပါတီထောင်၍ ရွေးကောက်ပွဲတွင် ပါဝင် ယှဉ်ပြိုင်မည်ဟု သိရှိရသည်။ ၎င်းတို့ နှစ်ဦးသည် အစိုးရ ကျောထောက်နောက်ခံ ပြုထားသော ပါတီများ ဖြစ်သော USDA နှင့် NUP ပါတီများနှင့်အတူ စည်းရုံးရေး ဆင်း မဲဆွယ်လျက် ရှိကြောင်း ရိုဟင်ဂျာ အသိုင်းအဝိုင်းနှင့် နီးစပ်သော သတင်းများအရ သိရှိရသည်။

ရိုဟင်ဂျာများသည် ရခိုင်ပြည်နယ်တွင် နေထိုင်ပြီး ရခိုင်လူမျိုးပြီးလျှင် ဒုတိယ အများဆုံး လူမျိုးစု ဖြစ်သည်။ ၎င်းတို့သည် ရခိုင်ပြည်နယ် မြောက်ပိုင်း မောင်းတော၊ ဘူးသီးတောင်နှင့် ရသေ့တောင်တို့တွင် အများဆုံး နေထိုင်ကြပြီး ပြည်နယ် လူဦးရေ၏ ၃ဝ ရာခိုင်နှုန်း (၂.၇၅ သန်း) ခန့်ရှိသည်။

ရိုဟင်ဂျာများသည် အစိုးရ၏ ပြင်းထန်သော နှိပ်ကွပ်မှုကို ခံရပြီး ၎င်းတို့ကို ရခိုင်ပြည်နယ် ပြင်ပသို့ ခရီးသွားလာခွင့်ကို ကန့်သတ်ထားပြီး အခြား တရားမျှတမှု မရှိသော ဥပဒေများဖြင့်လည်း ကန့်သတ်ထားသည်။ သာမန်အားဖြင့် ရိုဟင်ဂျာများသည် ရခိုင်ပြည်နယ် အနောက်မြောက်ဘက်တွင် မွေးဖွားကြပြီး သေသည်အထိ ထိုအရပ်တွင်ပင် နေထိုင်ကြသော်လည်း အစိုးရက မြန်မာနိုင်ငံသား အဖြစ် အသိအမှတ် မပြုခဲ့ပါ။

ရိုဟင်ဂျာများသည် ၁၉၄၈ ခုနှစ်တွင် မြန်မာနိုင်ငံ လွတ်လပ်ရေး ရကတည်းက သမိုင်းကြောင်းအရ ဖိနှိပ်ခံလာရသော်လည်း အစိုးရသည် ၎င်းတို့အတွက် အသုံးပြုရန် လိုအပ်လာပါက အသိအမှတ် ပြုလာရခြင်း ဖြစ်သည်။

ရိုဟင်ဂျာများကို ပထမဆုံး အသိအမှတ် ပြုခဲ့သူမှာ မြန်မာနိုင်ငံ၏ ပထမဆုံး ဝန်ကြီးချုပ် ဦးနုဖြစ်သည်။

ဦးနုနှင့် ၎င်း၏ လုပ်ဖော်ကိုင်ဖက် ဖဆပလမှ ဦးဗဆွေတို့သည် ၎င်းတို့၏ မဲဆွယ် စည်းရုံးရေး ဆင်းရာတွင် ဘင်္ဂါလီ မူဆလင်များအား ရိုဟင်ဂျာ အမည်ဖြင့် မြန်မာတိုင်းရင်းသား လူမျိုးစုတစ်စု အဖြစ် လူသိရှင်ကြား အသိအမှတ် ပြုခဲ့သည်။ ထို့နောက် ထိုဒေသရှိ ဖဆပလ ခေါင်းဆောင်များသည် အသစ်ဝင်ရောက်လာသော ဘင်္ဂါလီများကို ချက်ချင်း နိုင်ငံသား အဖြစ် အသိအမှတ် ပြုခဲ့ပြီး ၎င်းတို့ ပါတီအတွက် မဲပေးစေခဲ့သည်။

ယခု လက်ရှိ အစိုးရကလည်း ရိုဟင်ဂျာများကို ထိုနည်းအတိုင်းပင် အသုံးချဖွယ် ရှိနေသည်။ ၁၉၈၂ ခုနှစ်က အစိုးရက ရိုဟင်ဂျာများကို ဒေသမရှိသူများ အဖြစ် ကြေညာခဲ့သည်။

၁၉၉ဝ ခုနှစ် ရွေးကောက်ပွဲတွင် ရိုဟင်ဂျာများကို မဲပေးခွင့် ပေးခဲ့ပြီး ဘူးသီးတောင်နှင့် မောင်းတောတွင် ရိုဟင်ဂျာ လေးဦး အနိုင်ရခဲ့သည်။ ၂ဝဝ၈ ခုနှစ်ကလည်း အခြေခံ ဥပဒေ အတွက် ဆန္ဒခံယူပွဲ ပြုလုပ်ရာတွင် ယာယီ မှတ်ပုံတင်များကို အသုံးပြုစေခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ယခု နှစ်ကုန်ပိုင်းတွင် ကျင်းပမည့် မြန်မာနိုင်ငံ ဒီမိုကရေစီ ရွေးကောက်ပွဲ ကာလအတွင်း မြန်မာ စစ်အစိုးရအနေဖြင့် အမေရိကန် သမ္မတ ဘားရက်အိုဘားမား အုပ်ချုပ်ရေးအဖွဲ့၏ မူဝါဒသစ် ဖြစ်သော အပြန်အလှန် စေ့စပ်ညှိနှိုင်းမှု မူဝါဒကို အသုံးပြုကာ ရွေးကောက်ပွဲသည် တရားမျှတမှု ရှိသည် ဟူသော ပုံစံမျိုး ပြသနိုင်ဖွယ် ရှိကြောင်း အစီရင်ခံစာ တစ်ရပ်က သုံးသပ်လိုက်သည်။

အမေရိကန် ပြည်ထောင်စု၊ နယူးယောက်မြို့ အခြေစိုက် Asia Society Think Tank တစ်ခုက အမေရိကန် ပြည်ထောင်စု၏ မြန်မာနိုင်ငံအပေါ် ထားရှိသည့် မူဝါဒ အပြောင်းအလဲတွင် သတိထားရမည့် ကိစ္စများကို ထုတ်ဖော်ခဲ့သည်။ မြန်မာနိုင်ငံ ရွေးကောက်ပွဲနှင့် ပတ်သက်၍ အမေရိကန်က တောင်းဆိုထားမှုများကို စစ်အစိုးရက အပြုသဘော ဆောင်စွာ တုံ့ပြန်မည့် အရိပ်အယောင်များ မတွေ့ရကြောင်း အဆိုပါ Think Tank က ဆိုသည်။

မြန်မာအစိုးရ အာဏာပိုင်များ၏ တစ်ကိုယ်တည်း ထင်ရာစိုင်းနေမှုများနှင့် ပတ်သက်၍ စေ့စပ် ညှိနှိုင်းမှုများ ပြုလုပ်သွားမည်ဟု အမေရိကန် အစိုးရက ပြီးခဲ့သည့် ၂၀၀၉ ခုနှစ် အတွင်း ကြေညာချက် ထုတ်ပြန်ခဲ့သည်။ အမေရိကန် သမ္မတ အိုဘားမား ကိုယ်တိုင်က ခက်ထန်ကြမ်းတမ်းသော နိုင်ငံများကို ဒိုင်ယာလော့ခ်နည်းဖြင့် ချဉ်းကပ်သွားမည် ဖြစ်သည်ဟု ဆိုခဲ့သည်။

Asia Society အဆိုအရ အစောပိုင်း ကာလများတွင် ထင်သာမြင်သာ ရှိသည့် အထောက်အထားများ အနည်းငယ်သာ တွေ့ရကြောင်း၊ သို့သော် စေ့စပ် ညှိနှိုင်းမှုကြောင့် အာဆီယံတွင် အထီးကျန်နေသော မြန်မာနိုင်ငံတွင် တိုးတက် ဖြစ်ထွန်းမှုများ ဖြစ်ပေါ်လာသည်ဟု ဆိုနိုင်ကြောင်း သိရသည်။

စစ်အစိုးရက လတ်တလော ထုတ်ပြန်သော ရွေးကောက်ပွဲ ဥပဒေမှာ အဓိက အတိုက်အခံ ပါတီ ဖြစ်သော NLD အနေဖြင့် ရွေးကောက်ပွဲကို ဖိအားပေး သပိတ်မှောက်ခိုင်း စေသကဲ့သို့ ဖြစ်နေသည်။

"ဖြစ်နိုင်ခြေ ရှိသည့် စစ်အစိုးရ၏ ပင်မ ဦးတည်ချက်မှာ အမေရိကန်နှင့် စေ့စပ် ညှိနှိုင်းရေးပင် ဖြစ်သည်။ ဤသို့ ပြုလုပ်ခြင်းအားဖြင့် အမေရိကန်အနေဖြင့် စစ်အစိုးရ၏ ဒီမိုကရေစီ ဖော်ဆောင်ရေး လုပ်ငန်းစဉ် ၇ ရပ်ကို ထောက်ခံသည် ဟူသော အချက်ကို မြန်မာ ပြည်သူများအား ပြသလိုပုံ ရသည်" ဟု Asia Society က ဆိုသည်။

"အမေရိကန် အနေဖြင့် လွန်စွာ အန္တရာယ်များသော (မြေမြှုပ်မိုင်းများ ရှိသော) နယ်မြေထဲသို့ ဝင်ရောက်သကဲ့သို့ ရှိမည်။ မြန်မာ စစ်အစိုးရ ခေါင်းဆောင်များအား ယုံကြည် စိတ်ချရသော ရွေးကောက်ပွဲ တစ်ရပ် ကျင်းပအောင် ဖိအားပေးမှုများ ပြုလုပ်ရင်း လွဲမှားသော ရွေးကောက်ပွဲ (သို့မဟုတ်) နိုင်ငံရေး ဖြစ်စဉ် တစ်ရပ်ကို တရားဝင် အသိအမှတ် ပြုပေးလိုက်သည့် အခြေအနေမျိုး ရောက်ရှိသွားနိုင်သည်" ဟု ဆိုသည်။

ပို၍ ဆိုရပါက အမေရိကန်က ရွေးကောက်ပွဲ ဖြစ်စဉ်ကို တိုက်ရိုက် လေ့လာ စောင့်ကြည့်ရန် ကြိုးပမ်းနေခြင်းသည် အပြစ် အနာအဆာများသည့် ဖြစ်စဉ်တစ်ရပ်ကို အသိအမှတ် ပြုပေးနေသည့် ပုံစံမျိုး ဖြစ်လာနိုင်သည်။

အဆိုပါ Asia Society ၏ မြန်မာ ရွေးကောက်ပွဲအပေါ် ကောက်ချက် ဆွဲထားသော အစီရင်ခံစာကို မြန်မာ့အရေး ကျွမ်းကျင်သူ ဦးအောင်နိုင်ဦးက ထောက်ခံခဲ့သည်။ သို့သော် "မြန်မာ အစိုးရကတော့ အမေရိကန်ရဲ့ မူဝါဒ အယူအဆတွေနဲ့ ပတ်သက်ပြီး ဂရုမစိုက်မှာ မဟုတ်ဘူး" ဟု သတိပေးသည်။

"ပထဝီ နိုင်ငံရေး သဘောအရ မြန်မာစစ်တပ်က မျက်နှာသာ ရနေတယ်။ အိမ်နီးချင်းတွေ ဖြစ်တဲ့ အိန္ဒိယနဲ့ တရုတ်က မြန်မာနိုင်ငံမှာ စစ်ရေးအင်အား ကောင်းအောင် လုပ်ပေးနိုင်တဲ့ အစိုးရမျိုး ပေါ်ထွန်းစေချင်တယ်" ဟုလည်း ၎င်းက သုံးသပ်သည်။

အမေရိကန် နိုင်ငံခြားရေး မူဝါဒအရ မြန်မာနိုင်ငံသည် ဝါရှင်တန်အတွက် မျှော်လင့် အားထားဖွယ်ရာ ကောင်းလောက်သည့် အခြေအနေမျိုး မရှိပေ။ အမေရိကန်တို့ အားထားလောက်သည့် သယံဇာတမျိုးမှာ မြန်မာနိုင်ငံတွင် အကန့်အသတ်ဖြင့်သာ ရှိသည်ဟု ဆိုသည်။

ဦးအောင်နိုင်ဦးက ဖြည့်စွက် ပြောဆိုရာတွင် ဒေသတွင်း ပါဝါများ အနေဖြင့် မြန်မာနိုင်ငံ၏ လက်ရှိ အပြောင်းအလဲကို အားပေး အားမြှောက် ပြုသင့်သည်ဟု ပြောသည်။ စစ်အစိုးရက လွတ်လပ်ပြီး တရားမျှတသော ရွေးကောက်ပွဲကို ကျင်းပပေးမည်ဟု ကတိပေးထားမှုအား မပျက်ပြားအောင် ဝိုင်းဝန်း လုပ်ဆောင် ပေးသင့်သည်ဟုလည်း အကြံပြုသည်။

NLD အနေဖြင့် ရွေးကောက်ပွဲမှ နုတ်ထွက်လိုက်ခြင်းဖြင့် ပြည်တွင်းရော နိုင်ငံတကာမှပါ တုံ့ပြန်မှုများ ဖြစ်ပေါ်လာသည်။ နိုင်ငံတကာ အသိုင်းအဝိုင်းကမူ NLD က မည်သည့် ဆုံးဖြတ်ချက်ကို ချစေကာမူ အခိုင်အမာ ထောက်ခံမည်မှာ မလွဲမသွေပင် ဖြစ်သည်။ သို့သော် မြန်မာနိုင်ငံ၏ ပင်မနိုင်ငံရေး ရေစီးကြောင်းထဲမှ ယခုကဲ့သို့ အတိုက်အခံပါတီ နုတ်ထွက်သွားခြင်းဖြင့် အစိုးရ၏ အရှိန်အဝါဖြင့် ဖွဲ့စည်းထားသော အခြား ပါတီများ ရွေးကောက်ပွဲတွင် အားတက်သရော မှတ်ပုံတင်ကာ ဝင်ရောက် ယှဉ်ပြိုင်ကြမည်မှာ အသေအချာပင် ဖြစ်သည်။

DVB သတင်းကို ဘာသာပြန်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.