Transparency Myanmar

transparency.myanmar@gmail.com

Irrawaddy, 9th April 2010

မြန်မာ စစ်ဖက် အစိုးရသည် နိုင်ငံတကာ အသိုင်းအဝိုင်း၏ အကြံဥာဏ်ကို မကြာခဏ တိုက်ရိုက် ဆန့်ကျင်ကာ လျစ်လျူရှုလျက် ရှိသော်လည်း မြန်မာ ခေါင်းဆောင်များနှင့် ဆွေးနွေး ညှိနှိုင်းမည့် မူဝါဒကို ဆက်လက် ကျင့်သုံးသွားမည်ဟု အိုဘားမား အစိုးရက ယနေ့ ပြောကြားလိုက်သည်။

"ကျွန်တော်တို့ မြန်မာနိုင်ငံနဲ့ ဆွေးနွေး နေပါတယ်" ဟု ပြည်သူ့ရေးရာ အမေရိကန် လက်ထောက် နိုင်ငံခြားရေး ဝန်ကြီး PJ Crowley က ပြောကြားသည်။ "ဒေသတွင်း တခြား နိုင်ငံတွေ ကလည်း မြန်မာနဲ့ ဆွေးနွေး နေပါတယ်။ အာဆီယံ အဖွဲ့လည်း အပါအဝင်ပေါ့" ဟု ၎င်းက ဆိုသည်။

အိုဘားမား အစိုးရသည် အိန္ဒိယ နှင့် တရုတ် နိုင်ငံများ နှင့်လည်း မြန်မာနိုင်ငံ အရေးကို ဆွေးနွေးနေသည်ဟု Crowley က ပြောကြားခဲ့သော်လည်း အသေးစိတ် ထုတ်ဖော် ပြောဆိုခြင်း မရှိပါ။

"ဒေသတွင်း တည်ငြိမ်မှု ရရှိဖို့ နိုင်ငံတိုင်းက စိတ်ဝင်စားမှု ရှိနေပြီး၊ အထီးကျန် အပယ်ခံ ဘဝကနေ မြန်မာနိုင်ငံ ရုန်းထွက်တာကို မြင်ချင်ကြတယ်လို့ ကျွန်တော် ထင်ပါတယ်။ ဒါပေမယ့် သေချာတဲ့ အချက်က မြန်မာနိုင်ငံအနေနဲ့ လုပ်ဆောင်ရမယ့် အဆင့်တွေ ကျန်နေပါသေးတယ်။ ဒေသတွင်း ဆွေးနွေးပွဲတွေကို ကျွန်တော်တို့ ဆက်လုပ်ပြီး မြန်မာနိုင်ငံ အပေါ် အလားတူ ထင်မြင်ချက် ပေးတဲ့ သူတိုင်းကို တိုက်တွန်း အားပေး သွားမှာပါ" ဟု Crowley က ရှင်းလင်း ဖြေကြားခဲ့သည်။

မြန်မာနိုင်ငံ အပေါ် လေးစားမှု ပြသသည့် အမေရိကန် မူဝါဒသစ်ကို အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က ယခင်နှစ်က စတင် ကျင့်သုံးခဲ့ပြီး တွေ့ဆုံ ဆွေးနွေးမှုနှင့် အရေးယူ ပိတ်ဆို့မှုကို တပြိုင်နက် ကျင့်သုံးမည့် အစီအစဉ်များ ပါဝင်သည်။

အမေရိကန် ပြည်ထောင်စုသည် မူဝါဒ အသစ်ကို ကြေညာပြီး နောက်ပိုင်း မြန်မာ စစ်ဖက် အစိုးရ နှင့် နှစ်ကြိမ်တိုင် ဆွေးနွေးမှု ပြုလုပ်ခဲ့သည်။

အဆိုပါ ကာလ အတောအတွင်း နိုင်ငံရေး အကျဉ်းသားများ လွတ်မြောက်ရေး၊ လာမည့် ရွေးကောက်ပွဲများ လွတ်လပ် မျှတရေး နှင့် လူ့အခွင့်အရေး အခြေအနေ တိုးတက် ကောင်းမွန်ရေး အပေါ် မျှော်လင့်ချက် ထားနေသည့် နိုင်ငံတကာ အသိုင်းအဝိုင်းကို မြန်မာ အစိုးရက မလိမ့်တပတ်ဖြင့် လှည့်စားခဲ့သည်။

Crowley ၏ အဆိုအရ နောက်ထပ် ဆွေးနွေးမှုများ ပြုလုပ်ရန် ရက်သတ်မှတ်ထားခြင်း မရှိဟု သိရသည်။

ဗီယက်နမ် နိုင်ငံ ဟနွိုင်းတွင် ယနေ့ ဖွင့်လှစ်မည့် ၁၆ ကြိမ်မြောက် အာဆီယံ ညီလာခံတွင် မြန်မာနိုင်ငံနှင့် ပတ်သက်သော ကိစ္စများ ဆွေးနွေးရန် အာဆီယံ အဖွဲ့ဝင်များက စီစဉ်ထားသည်။

အဓိက အတိုက်အခံ ပါတီနှင့် ပါတီ ခေါင်းဆောင် ဒေါ်အောင်ဆန်းစုကြည် ပါဝင်ခြင်း မရှိသော အတုအယောင် ရွေးကောက်ပွဲ တစ္ဆေသည် အာဆီယံ အဖွဲ့ကို သိက္ခာချရန် ခြိမ်းခြောက်လျက် ရှိပြီး၊ မြန်မာ အစိုးရ အပေါ် ဖိအားများများ ပေးရန် မမျှော်လင့်နိုင်သည့် အာဆီယံ အဖွဲ့ကို စွမ်းရည်မဲ့ အဖွဲ့အစည်း အဖြစ် ပြစ်တင်ခံရအောင် နောက်တစ်ကြိမ် ပြုလုပ်ဦးမည် ဖြစ်သည်။

ဟနွိုင်းတွင် မိန့်ခွန်း ပြောကြားသော စင်္ကာပူ နိုင်ငံခြားရေး ဝန်ကြီး George Yeo သည်လည်း အာဆီယံ အဖွဲ့ဝင် အများစု၏ ခြံစည်းရိုးပေါ် ခွထိုင်နေသော သဘောထားကို ဖော်ပြခြင်းသာ ဖြစ်ပုံရသည်။

"ဒါက စိတ်ပျက်စရာ ကိစ္စ တစ်ခုပါပဲ။ ဘာကြောင့်လဲ ဆိုတော့ ရွေးကောက်ပွဲ ဥပဒေက ပညာပြ ဖော်ထုတ်လိုက်တဲ့ လမ်းကြောင်းကြောင့် ပါပဲ။ NLD ပါတီ အနေနဲ့ ရွေးကောက်ပွဲမှာ ပါဝင်ဖို့ မဖြစ်နိုင်တော့ပါဘူး" ဟု Yeo က ပြောကြားခဲ့သည်။ သို့ရာတွင် ၎င်းက ဆက်လက်၍ "ကျွန်တော်တို့ဟာ မြန်မာနိုင်ငံကို အရေးယူနိုင်တဲ့ အနေအထားမှာ မရှိပါဘူး။ တကယ်လို့ တရုတ်နဲ့ အိန္ဒိယက မြန်မာနဲ့ ဆက်ပြီး ဆွေးနွေးနေတုန်း ဆိုရင် ကျွန်တော်တို့လည်း ဆွေးနွေးရုံပဲပေါ့" ဟု သုံးသပ် ပြောဆိုခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Irrawaddy News, By Simon Roughneen, 8th April 2010

ချက်သမ္မတ နိုင်ငံသည် ကုလသမဂ္ဂ မြန်မာနိုင်ငံ ဆိုင်ရာ လူ့အခွင့်အရေး အထူးအရာရှိ Tomas Ojea Quintana တင်ပြသော အကြံပြုချက်ကို ထောက်ခံသည့် တတိယမြောက် နိုင်ငံ ဖြစ်လာခဲ့ပြီး ထိုအကြံပြုချက် အရ မြန်မာနိုင်ငံတွင်းမှ လူသားမျိုးနွယ် အပေါ် ကျူးလွန်သော ရာဇဝတ်မှုများနှင့် စစ်ရာဇဝတ်မှုများ အပေါ် စုံစမ်းရေး ကော်မရှင် ဖွဲ့စည်းရေး အတွက် လုံခြုံရေး ကောင်စီအား လေ့လာ သုံးသပ်ရန် တိုက်တွန်းထားသည်။

"စုံစမ်းရေး ကော်မရှင် ဖွဲ့စည်းဖို့ ဖြစ်နိုင်ချေကို အသေအချာ လေ့လာ သုံးသပ်သင့်တယ်လို့ ကျွန်တော်တို့ ယုံကြည်ထားပါတယ်" ဟု ဧရာဝတီသို့ ပေးပို့သော ကြေညာချက်တွင် ချက် နိုင်ငံခြားရေး ဝန်ကြီးက ပြောကြားသည်။

တိုင်းရင်းသား မျိုးနွယ်စု အရပ်သားများ အပေါ် နိုင်ငံရေး ဖိနှိပ် ချုပ်ချယ်မှုနှင့် စစ်ရေး တိုက်ခိုက်မှုများ ကြီးမားစွာ အဆက်မပြတ် ဖြစ်ပွားနေမှုကြောင့် ရောမမြို့ နိုင်ငံတကာ ရာဇဝတ်မှု တရားရုံး ဥပဒေ စည်းမျဉ်းများက သတ်မှတ်ထားသည့် နိုင်ငံတကာ ရာဇဝတ်မှုများတွင် အကျုံးဝင်လျက် ရှိသည်ဟု ကြေညာချက်တွင် ပါရှိသည်။

မြန်မာနိုင်ငံတွင် အန္တရာယ် ကြီးမားသော လူ့အခွင့်အရေး ချိုးဖောက်မှုများ အဆက်မပြတ် ဖြစ်ပွားနေသောကြောင့် စိုးရိမ် ပူပန်မှုများ ရှိနေကြောင်း နှင့် မြန်မာ အစိုးရ၏ ဒီမိုကရေစီ လမ်းညွှန် မြေပုံ အကျိုး သက်ရောက်မှုမှာလည်း မေးမွန်း ထုတ်စရာ ဖြစ်နေသည်ဟု ဆက်လက် ဖော်ပြထားသည်။

တစ်ချိန်တည်းတွင်ပင် ထိုင်း-မြန်မာ နယ်စပ် အခြေစိုက် Free Burma Rangers FBR နှင့် မိတ်ဆွေများက ထုတ်ပြန်သော အစီရင်ခံစာကို ကိုးကား၍ ဒေါ်အောင်ဆန်းစုကြည်အား ထင်ရှားစွာ ထောက်ခံသူ ချက်သမ္မတဟောင်း Vaclav Havel ကလည်း ကြေညာချက် တစ်စောင် ထုတ်ပြန်သည်။ FBR က ဗုဒ္ဓဟူးနေ့တွင် ထုတ်ပြန်သော အစီရင်ခံစာကို "နေစရာမဲ့ ကလေးသူငယ်များ" ဟု ခေါင်းစဉ် ပေးထားပြီး နိုင်ငံ အရှေ့ပိုင်းရှိ အစိုးရ စစ်တပ်များ၏ လက်ထဲတွင် ကလေးသူငယ်တို့၏ ဘဝမှာ သေဆုံးခြင်း၊ ပျက်စီးခြင်း၊ ဆုံးရှုံးခြင်း၊ လစ်လျူရှု ခံရခြင်းများဖြင့် ထိခိုက် ခံစားနေရမှုများကို ဖော်ပြထားသည်။

ယင်း အစီရင်ခံစာကို ကိုးကား ထုတ်ပြန်သော Havel ၏ ကြေညာချက်တွင် "မြန်မာ အာဏာပိုင်များက ၎င်းတို့၏ ပြည်သူများ အပေါ် ရက်စက် ကြမ်းကြုတ်မှုများကို လွတ်လွတ်လပ်လပ် ပြုမှုနေပုံကို ထိတ်လန့် တုန်လှုပ်မိသည်။ အနေအထားများ အဆိုးဆုံးသို့ ရောက်ရှိနေသည်ကိုလည်း အမှန်တကယ် စိုးရိမ် နေသည်။ အဆိုပါ အကြမ်းဖက် တိုက်ခိုက်မှုများမှာ အစိုးရက ရွေးကောက်ပွဲ အတွက် ပြင်ဆင်မည့် နှစ်ကုန်ပိုင်းတွင် ပိုဆိုးလာမည် ဖြစ်သည်။ ရွေးကောက်ပွဲ ရလဒ်များကိုလည်း ပြည်သူများက ဆုံးဖြတ်မည် မဟုတ်ဘဲ ၎င်းတို့ (အစိုးရ) ကသာ ဆုံးဖြတ်မည် ဖြစ်သည်" ဟု ဖော်ပြ ပါရှိသည်။

Havel က ၎င်း၏ ကြေညာချက်တွင် ဆက်လက်၍ "မြန်မာ ပြည်သူများမှာ ယနေ့အထိ ခံစားနေရဆဲ ဖြစ်သည်။ အဖိနှိပ် ခံရသူများဘက်မှ ရပ်တည်ရမည်မှာ မိမိတို့ တာဝန် ဖြစ်သည်။ မြန်မာနိုင်ငံတွင် ဒီမိုကရေစီ ပြန်လည် ရရှိမည်" ဟု မိမိ မျှော်လင့်သည်။ တိုင်းရင်းသား ပြည်သူများသည် မြန်မာနိုင်ငံ၏ အနာဂတ် နိုင်ငံရေးတွင် ရင်းနှီး မြှုပ်နှံထားမှုကြောင့် ထိုကလေးသူငယ်များ ကြီးပြင်းလာသည့်အခါ လွတ်လပ်၍ ပြည့်စုံသော ဘဝများ ဆီသို့ ဦးဆောင် နိုင်လိမ့်မည် ဟု ပြောကြားထားသည်။

ယခု သတင်းကို ကြိုဆိုလိုက်သော Burma UK Campaign မှ ဒါရိုက်တာ Mark Farmaner က "စုံစမ်းရေး ကော်မရှင် ဖွဲ့စည်းရန် တောင်းဆိုပြီးနောက် စစ်မှန်သော လှုပ်ရှားမှုဖြင့် အရှိန်မြှင့် နိုင်ခဲ့သည်" ဟု ပြောကြားခဲ့သည်။

Mr. Ojea Quintana ၏ အကြံပြုချက်ကို သြစတြေးလျ နှင့် ဗြိတိန်က ထောက်ခံ ခဲ့ပြီးနောက် ယခု တတိယနိုင်ငံ အဖြစ် ချက်သမ္မတနိုင်ငံက ကြေညာချက် ထုတ်ပြန်လိုက်ခြင်း ဖြစ်သည်။ ဘန်ကောက်မှ နိုင်ငံရေး ကောင်စစ်ဝန် George Kent ၏ အစီရင်ခံစာကို ကိုးကား၍ အမေရိကန် ကလည်း "Quintana ၏ အကြံပြုချက်မှာ နီးစပ်လာပုံ ရသည်" ဟု ပြောကြားခဲ့သည်။

မြန်မာနိုင်ငံရေး လောကကို အဓိက လွှမ်းမိုးထားသော နိုင်ငံရေး ပါတီ ဖြစ်သည့် NLD က လာမည့် ရွေးကောက်ပွဲ အတွက် မှတ်ပုံတင်ရန် ငြင်းဆန်ခဲ့ပြီး ရက် အနည်းငယ် အကြာတွင် "ချက်" နိုင်ငံ၏ ကြေညာချက် ထွက်ပေါ်ခဲ့ခြင်း ဖြစ်သည်။

စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေအား ရည်ညွှန်း၍ "အခု ရွေးကောက်ပွဲဟာ သူ့ရဲ့ အာဏာရှင် အုပ်ချုပ်ရေး တရားဝင်အောင် လုပ်တဲ့ ရွေးကောက်ပွဲ အတု ဆိုတာထက် ပိုစရာ မရှိပါဘူး" ဟု ပြောကြားခဲ့သူ Farmaner က ဆက်လက်၍ "သူဟာ ရာဇဝတ်သား တစ်ယောက် ဖြစ်ပြီး သံတိုင်တွေ နောက်မှာ ရောက်နေသင့်တဲ့ လူတစ်ယောက်ပါ။ နိုင်ငံတကာ အသိုင်းအဝိုင်းက တပ်လှန့် နှိုးဆော်မယ့် အချိန်က ဒီနှစ်ထဲမှာ ရောက်လာလိမ့်မယ်" ဟု ပြောဆိုခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

အာဆီယံ လူ့အခွင့်အရေး ဆိုင်ရာ ချာတာအပေါ် မြန်မာနိုင်ငံက ချိုးဖောက်သည့် ကိစ္စနှင့် ပတ်သက်၍ အရေးယူဆောင်ရွက်ရန် နိုင်ငံတကာ လွတ်ငြိမ်း ချမ်းသာခွင့် အဖွဲ့က ဒေသတွင်း နိုင်ငံများကို တိုက်တွန်းလိုက်ကြောင်း ဗီယက်နမ်မှ လာသော သတင်းများအရ သိရသည်။

ဗီယက်နမ်နိုင်ငံ၊ ဟနွိုင်းမြို့တွင် နှစ်ရက်တာမျှ ကျင်းပခဲ့သည့် အာဆီယံ ထိပ်သီး ဆွေးနွေးပွဲ ကာလအတွင်း လွတ်ငြိမ်း ချမ်းသာခွင့် အဖွဲ့က ယင်းသို့ တိုက်တွန်းခဲ့ခြင်း ဖြစ်သည်။  မြန်မာနိုင်ငံသည် အာဆီယံ ချာတာ၏ လူ့အခွင့်အရေး ဆိုင်ရာ သတ်မှတ် ပြဋ္ဌာန်းချက်များကို လုံးဝ မလိုက်နာဘဲ စနစ်တကျ ချိုးဖောက်လျက် ရှိကြောင်း၊ ထို့ကြောင့် အာဆီယံ ထိပ်သီး ဆွေးနွေးပွဲအတွင်း အဆိုပါ ချိုးဖောက်မှုအား အလျင်အမြန်နှင့် အရေးပေါ် ကိစ္စအဖြစ် တင်ပြ ဆောင်ရွက်သင့်ကြောင်း နိုင်ငံတကာ လွတ်ငြိမ်း ချမ်းသာခွင့် (လူ့အခွင့်အရေး) အဖွဲ့၏ အာရှဒေသ ဆိုင်ရာ အစီအစဉ် ဒုတိယ ဒါရိုက်တာ Donna Guest က ပြောကြားသည်။

အဆိုပါ လူ့အခွင့်အရေး ဆိုင်ရာ တောင်းဆိုချက်ကို မြန်မာနိုင်ငံ အပါအဝင် အာဆီယံ အဖွဲ့ဝင် နိုင်ငံများ ခေါင်းဆောင်များသို့ ထိပ်သီး အစည်းအဝေး အမီ တိုက်တွန်းခဲ့သည်ဟု သိရသည်။

လူ့အခွင့်အရေးနှင့် ပတ်သက်၍ တက်ကြွစွာ လှုပ်ရှားသူများ၊ လူနည်းစု တိုင်းရင်းသားများ၊ နိုင်ငံရေးအရ အစိုးရနှင့် သဘောထား ကွဲလွဲ ဆန့်ကျင်သူများအား အဆက်မပြတ် တိုးမြှင့် ဖိနှိပ်မှုများသည် တစ်နေ့ထက်တစ်နေ့ လွန်စွာ ဆိုးရွားလျက် ရှိသည်ဟု အဆိုပါ အဖွဲ့က ဆိုသည်။

မြန်မာ အစိုးရသည် ရွေးကောက်ပွဲ ဥပဒေကို ချမှတ်ကာ လူအများအား ရွေးကောက်ပွဲ ဝင်ခွင့် မရရှိအောင် ဖိနှိပ် ပိတ်ပင်လျက် ရှိသည်ဟု ဆိုသည်။ ထိုသို့ ဖိနှိပ် ပိတ်ပင်ခံရသူများတွင် ဒေါ်အောင်ဆန်းစုကြည်လည်း ပါဝင်သည်။

အာဆီယံ ဒေသဆိုင်ရာ ဆွေးနွေးမှုများသည် အဓိပ္ပာယ် ပြည့်ဝသည်ဟု ထင်ရှား ကျော်ကြားခဲ့သော်လည်း အကယ်၍ မြန်မာနိုင်ငံ ဆိုင်ရာ ပြဿနာများ ဖြစ်သော ဖိနှိပ်မှုမှ လွတ်မြောက်ရေး၊ လူ့အခွင့်အရေး လေးစား လိုက်နာရေး စသည်တို့ကို အလေးမထားပါက အာဆီယံ၏ ဂုဏ်သိက္ခာ ကျဆင်းမည် ဖြစ်ကြောင်း Donna Guest က ပြောကြားသည်။

'အာဆီယံချာတာ' အပိုဒ် ၂၀ (၄) တွင် ဖော်ပြချက်အရ အကယ်၍ ချာတာ သို့မဟုတ် ပြဋ္ဌာန်းချက်များကို မလိုက်နာဘဲ ဖောက်ဖျက်ပါက ယင်းကိစ္စကို အာဆီယံ ထိပ်သီး အစည်းအဝေးက အဆုံးအဖြတ် ပေးရမည် ဟူ၍ ဖြစ်သည်။ အဖွဲ့ဝင် ၁၀ နိုင်ငံက မြန်မာနိုင်ငံအား ဖောက်ဖျက်မှုများကို ရပ်ဆိုင်းရန်၊ လှုပ်ရှား တက်ကြွသူများ၊ အထူးသဖြင့် တိုင်းရင်းသား လူနည်းစု အဖွဲ့အစည်းများအား ဖိနှိပ်ခြင်းများမှ ရပ်တန့်ရန် ယင်း လွတ်ငြိမ်း ချမ်းသာခွင့် အဖွဲ့က တင်ပြခဲ့သည်။

ထို့ပြင် အာဆီယံအနေဖြင့် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသမား ၂၂၀၀ ခန့် လွတ်မြောက်ခွင့် ပေးရန်၊ လွတ်လပ်၍ တရားမျှတသော ရွေးကောက်ပွဲကို ယခုနှစ်အတွင်း ပြုလုပ်ပေးရန်လည်း တောင်းဆိုခဲ့သည်။

"ဒီထိပ်သီး အစည်းအဝေးပွဲမှာ အင်ဒိုနီးရှား၊ ဖိလစ်ပိုင်၊ ထိုင်း၊ စင်ကာပူနှင့် မလေးရှား စတဲ့ နိုင်ငံတွေ အနေနဲ့ မြန်မာနိုင်ငံရဲ့ လူ့အခွင့်အရေး ဆိုင်ရာ တိုးတက်မှုအတွက် တောင်းဆိုနိုင်တဲ့ အခွင့်အရေးတွေ ရရှိကြမှာပါ။ မြန်မာနိုင်ငံ လူ့အခွင့်အရေး ချိုးဖောက်မှုတွေနဲ့ ပတ်သက်ပြီး ပြတ်ပြတ်သားသား ပြစ်တင် ရှုတ်ချချက် တွေကိုလည်း ထုတ်ပြန်နိုင်မှာပါ" ဟု Donna Guest က ဆိုသည်။

Mizzima သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

၂၀၁၀ ဧပြီတွင် ပြုလုပ်မည့် လုံခြုံရေးကောင်စီ အစည်းအဝေးတွင် မြန်မာနှင့် ပတ်သက်သော အစီအစဉ် မပါရှိသည့် အတွက် ယင်းကောင်စီဆိုင်ရာ ဥက္ကဋ္ဌ၊ ဂျပန်နိုင်ငံ ကိုယ်စားလှယ် ယူကီယို တာကာစုက မြန်မာရွေးကောက်ပွဲ ကိစ္စနှင့် ပတ်သက်၍ စိတ်မကောင်း ဖြစ်ရကြောင်း ပြောကြားလိုက်သည်။

အမျိုးသား ဒီမိုကရေစီအဖွဲ့ချုပ် (NLD) က ရွေးကောက်ပွဲ မဝင်ရောက်ဘဲ သပိတ်မှောက်သည့် ကိစ္စ အပါအဝင် ဒေါ်အောင်ဆန်းစုကြည်နှင့် အခြား အကျဉ်းကျ နိုင်ငံရေးသမားများ ကိစ္စနှင့် ပတ်သက်၍  အမေရိကန်၊ ပြင်သစ်၊ ဗြိတိန် ကိုယ်စားလှယ်များက မစ္စတာ ယူကီယိုတာကာစုအား မေးမြန်းရာ ၎င်းက "ဒီအထွေထွေ ရွေးကောက်ပွဲကို လုပ်ပေးမယ်လို့တော့ ထင်ပါတယ်။ ဒါပေမဲ့ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသမားတွေ ပါဝင်မယ်၊ မပါဝင်ဘူး ဆိုတာကိုတော့ မပြော နိုင်သေးပါဘူး။ ထုတ်ပြန်ထားတဲ့ ဥပဒေတွေ အရတော့ ပါဝင်နိုင်ဖို့ မလွယ်ဘူး" ဟု ပြောဆိုသည်။

"ကျွန်တော်တို့ ရွေးကောက်ပွဲ ဥပဒေနဲ့ ပတ်သက်ပြီး သိပ်ပြီး စိတ်မကောင်း ဖြစ်မိတာ အမှန်ပါ။ ကျွန်တော်တို့ရဲ့ နိုင်ငံခြားရေးဝန်ကြီး အိုကာဒါဟာ မြန်မာနိုင်ငံရဲ့ အကြီးတန်း အတွင်းရေးမှူး တစ်ယောက်နဲ့ ဆက်သွယ် ပြောဆိုပြီးပါပြီ" ဟုလည်း ၎င်းက ဆိုသည်။

ကုလ အထွေထွေ အတွင်းရေးမှူးချုပ် ဘန်ကီမွန်းသည် ယင်းမြန်မာနိုင်ငံ ဆိုင်ရာ ကုလ သံတမန် အီဗရာဟင် ဂမ်ဘာရီအား မူလနေရာတွင် ပြန်လည် ထားရှိရန် ကြိုးပမ်းလျက် ရှိရာ ကုလသမဂ္ဂအတွက် အံ့သြဖွယ်ရာ တစ်ခု ဖြစ်နေသည်။

ကုလသမဂ္ဂသို့ အမေရိကန် ကိုယ်စားလှယ်အဖွဲ့ သွားရောက်ပြီး နောက်ပိုင်း ဂမ်ဘာရီ နေရာတွင် ဗီဂျေနမ်ဘီးယားအား အစားထိုး ခန့်အပ်မည့် ကိစ္စကို မြန်မာ ရွေးကောက်ပွဲ ပြီးသည့် တိုင်အောင် ရပ်ဆိုင်းထားသည် ဟုလည်း အချို့က ပြောဆိုကြသည်။

ကုလ အထွေထွေ အတွင်းရေးမှူး၏ လုပ်ဆောင်ချက်များသည် များစွာ ထိရောက်မှု ရှိသည်။ သူသည် မြန်မာနိုင်ငံသို့ သွားရောက်ကာ မြန်မာအစိုးရ ခေါင်းဆောင်များနှင့် တွေ့ဆုံ ညှိနှိုင်းခဲ့သည်။ ဂျပန်နိုင်ငံ အပါအဝင် အားလုံး၏ ထောက်ခံမှုကိုလည်း ရယူနိုင်ခဲ့သည်။ ထို့ကြောင့် မြန်မာ့ ဒီမိုကရေစီ ရရှိရေး ဆောင်ရွက်ရာ၌ အောင်မြင် တိုးတက်မှုများ ရှိသည်ကို တွေ့ရသည်။

မကြာသေးခင်က မြန်မာ စစ်အစိုးရ ခေါင်းဆောင်ကြီး ကိုယ်တိုင်ပင် ရွေးကောက်ပွဲကို မဖြစ်မနေ ပြုလုပ်ပေးမည် ဖြစ်ကြောင်း၊ လွတ်လပ်ပြီး တရားမျှတမှု ရှိစေမည် ဖြစ်ကြောင်း ကတိပေးခဲ့သည်။ သို့သော် နိုင်ငံရေးသမားများ ပါဝင်ပြီး ယုံကြည် စိတ်ချရသော ရွေးကောက်ပွဲ ဖြစ်ရန်လည်း လိုအပ်သည်။ ရွေးကောက်ပွဲ ဆိုင်ရာ ဥပဒေ ထွက်ပေါ်လာသောအခါ အချို့ ပြည်သူများမှာ ဥပဒေအရ ဘောင်မဝင်ဘဲ ဖြစ်သွားရသည်။ ဤသို့သော အနေအထားများသည် ယုံကြည် စိတ်ချရသော ရွေးကောက်ပွဲတစ်ရပ် ဖြစ်ပေါ်စေမည့် အခြေခံကောင်း တစ်ခု မဟုတ်ပေ။

ဂျပန်နိုင်ငံ အနေဖြင့် ယင်းကိစ္စကို အလေးအနက် ထားရှိပြီး များစွာ စိတ်ထိခိုက်ရကြောင်း ပြောဆိုသည်။ လွတ်လပ်ပြီး တရားမျှတသော ရွေးကောက်ပွဲ ကျင်းပပေးရုံဖြင့် မပြီးသေးဘဲ ဥပဒေကြောင်းအရ အဟန့်အတားများ ဖြစ်စေခြင်းသည်လည်း မလိုလားအပ် ဟုဆိုသည်။ ယင်းသို့ စိတ်မကောင်း ဖြစ်ရသည်ကို ဂျပန် နိုင်ငံခြားရေး ဝန်ကြီးဌာနမှ တစ်ဆင့် မြန်မာအစိုးရ၏ ထိပ်ပိုင်း အာဏာရှင်များ ဆီသို့ ဆက်သွယ် မှာကြားခဲ့ပြီး ဖြစ်သည်ဟု သိရသည်။

Irrawaddy သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Economist, 8th April 2010

ယခုကဲ့သို့ ပိုးသား လမ်းမကြီးများ မပေါ်ပေါက်မီ လွန်ခဲ့သော နှစ်ပေါင်း ၆၀၀ ကျော်ကတည်းက အာရှ၏ ကူးသန်း ရောင်းဝယ်ရေးတွင် သယ်ယူ ပို့ဆောင်ရေး၌ ကုန်းပိုင်း မဟုတ်ဘဲ ကမ်းရိုးတန်း တလျှောက်၊ ကျွန်းချင်း ဆက်ကာ ပင်လယ်ကို အသုံးပြုခဲ့ ကြရသည်။ အစ ပထမတွင် လေကို အသုံးပြု ရွက်လွှင့်ခဲ့ပြီး၊ နောက်ပိုင်း ဒီဇယ်ဖြင့် မောင်းနှင်သော သင်္ဘောများကို အသုံးပြု လာကြသည်။ စစ်ပြီးခေတ် အာရှ၏ အံ့ဖွယ် ပုံပြင်တွင် ရေကြောင်း သွားလာရေးကို ထိပ်ဆုံးက ထည့်ပြောရမည် ဖြစ်သည်။ ပထမ ဦးဆုံး ဂျပန်၊ ထို့နောက် တောင်ကိုရီးယား၊ ဟောင်ကောင်၊ ထိုင်ဝမ် နှင့် စင်္ကာပူ၊ နောက်ဆုံး မြောက်ကိုရီးယားနှင့် မြန်မာ မှလွဲ၍ အရှေ့တောင် အာရှနှင့် အရှေ့အာရှ နိုင်ငံ အားလုံးသည် ထုတ်ကုန် တင်ပို့မှုကို အခြေခံသော စီးပွားရေး ပုံစံကို ကျင့်သုံးလာ ခဲ့ကြသည်။ တရုတ်နိုင်ငံ၏ နိုးထလာမှုသည် ပင်လယ် ရေကြောင်း သွားလာရေး၏ အကူအညီ မပါလျှင် ဘာမျှ ဖြစ်လာလိမ့်မည် မဟုတ်ပေ။ အာရှ၏ အံ့ဖွယ် တိုးတက်မှုတွင် သင်္ဘောဖြင့် ကုန်သေတ္တာ သယ်ယူမှု ကဏ္ဍ မရှိလျှင် ယုံနိုင်ဖွယ် ရှိလိမ့်မည် မဟုတ်ပေ။

အာရှတိုက်၏ လုံခြုံရေး အတွက် စည်းမှာလည်း ရေမျက်နှာပြင်သည် ကျယ်ပြန့်စွာ ကာရံထားသည်။ ၁၉၄၁ မှ ၁၉၄၅ ထိ ပစိဖိတ် စစ်ပွဲကတည်းက အမေရိကန် ပြည်ထောင်စုသည် ရေတပ် အင်အားနှင့် သြစတြေးလျမှ ဂျပန်ထိ ကျွန်းအနားသတ် မဟာမိတ်များ မှတဆင့် ငြိမ်းချမ်းရေးကို တွန်းအား ပေးခဲ့သည်။ အမေရိကန်၏ လွှမ်းမိုးမှုကို စိန်ခေါ်မည် ဆိုလျှင် ပင်လယ်ပြင်မှာသာ ဖြစ်လိမ့်မည် ဖြစ်သည်။ တရုတ် နှင့် အိန္ဒိယတို့၏ စစ်ရေး ပါဝါ နိုးထလာမှုသည် ၎င်းတို့၏ ရေတပ်များ ကြီးမားစွာ တိုးပွားလာမှုကြောင့် ဖြစ်ပေသည်။

သို့သော် ဆစ်ဒနီရှိ Lowy Institute မှ Anthony Bubato နှင့် Malcolm Cook တို့က The American Interest တွင် ငြင်းချက် ထုတ်ရာ၌ အဆိုပါ ရှုထောင့်မှ အမြင်များသည် အသုံးဝင်မှု အကန့်အသတ်များကို ကျော်လွန်၍ တိုးပွားလာနေသည်ဟု ဆိုသည်။ အာရှတိုက် ကုန်းတွင်းပိုင်း နယ်မြေ ပိုင်နက် အတွက် ကုန်ကျစရိတ်များကို ပြန်လည် ပုံဖော်ရန် စတင်လိုသော ပြင်းပြသည့် ဆန္ဒအား မျက်နှာဖုံး စွပ်၍ တံဆိပ်ကပ်ခြင်းသာ ဖြစ်သည်။ နှစ်ဆယ် ရာစု တစ်ခုလုံး နီးပါး အာရှတိုက်၏ ကုန်းမြေ အများဆုံး ပိုင်ဆိုင်ကြသော အင်အားကြီး သုံးနိုင်ငံ ဖြစ်သည့် တရုတ်၊ အိန္ဒိယ နှင့် ယခင် ဆိုဗီယက် ယူနီယံ တို့သည် နိုင်ငံတကာနှင့် ဖလှယ်မှု အနည်းအကျဉ်းသာ ရှိပြီ၊ တိုက်ကြီးများ ကုန်းတွင်းပိုင်း တနံတလျား တိုးတက်မှုများမှာ မပြောပလောက်ပေ။ သို့သော် ယခု ပြောင်းလဲသွားပြီ ဖြစ်သည်။

အာရှတိုက် ကုန်းတွင်းပိုင်းကို ဖြတ်၍ မျဉ်းဖြောင့် ဆွဲသော လမ်းမသစ်ကြီးများ၊ ရထားလမ်းများ၊ ပိုက်လိုင်းများ ထွက်ပေါ်လာပြီ ဖြစ်သည်။ ပြီးခဲ့သော ဒီဇင်ဘာလက ကာဇက်စတန် နှင့် ဥဇဘက် ကစ္စတန် တို့ကို ဖြတ်၍ Turkmenistan မှ တရုတ်သို့ ကီလိုမီတာ ၇၀၀၀ (မိုင် ၄၄၀၀) ရှည်သော သဘာဝ ဓာတ်ငွေ့ ပိုက်လိုင်းကို ဖွင့်လှစ်ခဲ့သည်။ ရုရှားနှင့် တရုတ်တို့သည် Russian Far East မှ တရုတ် အထိ ဒေါ်လာ ၂၅ ဘီလီယံ တန်ဖိုးရှိ ရေနံ ပိုက်လိုင်း စီမံကိန်းကို လုပ်ဆောင်နေသည်။ အီရန် - ပါကစ္စတန် ပိုက်လိုင်းကလည်း တည်ဆောက်လျက် ရှိပြီး တဖြည်းဖြည်း အိန္ဒိယ သို့မဟုတ် တရုတ် အထိ တိုးချဲ့ သွားမည် ဖြစ်သည်။ မြန်မာနိုင်ငံတွင်လည်း တောင်ကိုရီးယား နှင့် အိန္ဒိယတို့သည် တရုတ်နိုင်ငံ အနောက်တောင်ပိုင်းသို့ သဘာဝ ဓာတ်ငွေ့ ပို့လွှတ်ရေး အတွက် စီမံကိန်းကြီးကို အကောင်အထည် ဖော်လျက် ရှိသည်။

လမ်းမကြီးများ ကွန်ရက်များကိုလည်း တိုးချဲ့လျက်ရှိရာ တရုတ်နှင့် အိန္ဒိယ (အာဖကန်နစ္စတန်တွင်ပါ တိုးချဲ့လျက် ရှိသည်) တို့က ခေါင်းဆောင်ကြသည်။ မြေလမ်းများသာ ရှိသော မြန်မာနိုင်ငံကလည်း တရုတ်၏ အဝေးပြေး လမ်းမကြီး စီမံကိန်းတွင် ဝင်ရောက်လာသည်။ လမ်းမကြီး အသစ်များသည် မဲခေါင်မြစ် တလျှောက်ရှိ အိမ်နီးချင်း နိုင်ငံများကို တစ်စုတစ်စည်းတည်း ဖြစ်စေသည်။ ဗဟိုအာရှတွင်လည်း လမ်းဖောက်လုပ်မှု စီမံကိန်းများကို တွေ့ရလေသည်။

ရထားလမ်းများကလည်း အပြင်းပြဆုံး ဆန္ဒများကို ထင်ဟပ်သည်။ တရုတ်နိုင်ငံသည် ဟိမဝန္တာမှ တိဗက် လာဆာမြို့ အထိ ရထားလမ်းကို ဖောက်လုပ်ပြီး ဖြစ်ရာ ၂၀၀၆ ခုနှစ် ကတည်းက လူငါးသန်းကျော် စီးနင်းခဲ့ကြပြီး ဖြစ်သည်။ ယခု တရုတ်သည် ထိုရထားလမ်းကို နီပေါ၊ ဘင်္ဂလားဒေ့ရှ် နှင့် ဘူတန် အထိ ဆက်လက် ဖောက်လုပ် လိုသည်။ ကျည်ဆံ ရထား အနေဖြင့် လက်ရှိ တရုတ်နိုင်ငံမှ  စတင် လုပ်ဆောင်နေမှုများသည် အရှည်ဆုံးနှင့် အမြန်ဆုံး ဖြစ်သည်။ တရုတ် အစိုးရသည် ကျည်ဆံ ရထား ကွန်ရက်ကို အာရှကို ဖြတ်ကာ ဥရောပ အထိ ဖောက်လုပ်ရန် စီမံကိန်း ရှိသည်။ အဓိက လမ်းကြောင်း သုံးခုကို အဆိုပြုထားရာ နိုင်ငံ ၂၄ နိုင်ငံ ဆက်သွယ်ရမည် ဖြစ်ပြီး တောင်ဖက် စင်္ကာပူမှ အနောက်ဖက် ဂျာမနီ အထိ ဖြစ်သည်။ (တရုတ် ပြည်မကြီးမှ ထိုင်ဝမ် အထိ ဥမင်လိုဏ်ဖြင့် စတင်မည် ဖြစ်သည်။) ၂၀၂၅ ခုနှစ်တွင် ရှန်ဟဲမှ လန်ဒန် အထိ ၂ ရက် ခရီးသာ ကြာမည် ဖြစ်ကြောင်း၊ တရုတ် ရထား ဝန်ကြီးဌာနက ယုံကြည်လျက် ရှိသည်။

အဆိုပါ ရည်မှန်းချက် အတွက် အတားအဆီးမှာ (နိုင်ငံရေးကိစ္စ ထည့်သွင်း တွက်ချက်ခြင်း မရှိဘဲ) ကြီးမားသော ငွေကြေး လိုအပ်ချက်ပင် ဖြစ်သည်။ အဆိုပါ စီမံကိန်းများသည် အာရှမှ လူများ၏ ပုံရိပ်ကို အဓိပ္ပာယ် ဖော်ဆောင်နေခြင်းပင် ဖြစ်သည်။ ကမ္ဘာကြီး တစ်ခုလုံးနှင့် အားကောင်းသော ကုန်သွယ်ရေး အဆက်အသွယ်များသည် ကမ်းရိုးတန်းပေါ်တွင်သာ မှီခိုရမှု ရှိတော့မည် မဟုတ်ပေ။ အာရှတိုက်ကို ဖြတ်သော ဆက်နွယ်မှုများသည် အရေးပါလာပြီ ဖြစ်သည်။ ဒေသတွင်း အချင်းချင်း ကုန်သွယ်ရေးသည် ပြင်ပကမ္ဘာနှင့် ကုန်သွယ်ရေးသည် ပြင်ပကမ္ဘာနှင့် ကုန်သွယ်ရေးထက် နှစ်ဆခန့် တက်လာသည်။ လွန်ခဲ့သော အနှစ်နှစ်ဆယ်က ဘာမှ မဟုတ်သော်လည်း တရုတ်သည် ယခုအခါ အိန္ဒိယ၏ အကြီးဆုံး ပါတနာ ဖြစ်လာနေသည်။ နှစ်နိုင်ငံ ကုန်သွယ်မှုသည် ယခုနှစ်တွင် ပမာဏ အများဆုံး ဒေါ်လာ ဘီလီယံ ၆၀ ရှိမည် ဖြစ်သည်။ ဗဟို အာရှ၏ တရုတ်နှင့် ကုန်သွယ်မှုသည် ၁၉၉၀ ခုနှစ်က ဒေါ်လာ သန်းပေါင်း ၁၆၀ သာ ရှိခဲ့ရာမှ ၂၀၀၆ ခုနှစ်တွင် ဒေါ်လာ ၇ ဘီလီယံထိ တက်လာသည်။ တရုတ်သည် အရှေ့ အလယ်ပိုင်း အတွက် အကြီးဆုံး ပို့ကုန် လုပ်ငန်းရှင် ဖြစ်လာသည်။ တရုတ် အရှေ့ပိုင်း Zhejiang နယ်မှ Yiwu မြို့သည် ကြီးမားသော လက်ကား ဈေးကြီးရှိရာ ထိုမြို့မှ ဗလီတွင် ရှစ်ခိုးသော ကြီးမားသော ပမာဏရှိ မူဆလင်များကို ကြည့်ခြင်းဖြင့် အဆက်အဆံ ပမာဏကို သိနိုင်သည်။ အာရှတိုက်ကြီး၏ အနောက်ဘက် အစွန်းကို ကြည့်လျှင် အာရှတိုက်၏ အဆုံးသည် မည်သည့်နေရာတွင် ရှိသည် ဆိုသည်ကို သိပင် မသိနိုင်အောင် ကျယ်ပြန့်နေပြီ ဖြစ်သည်။

ယခု အာရှတိုက်ကြီး၏ အတွေးအမြင်သစ်များသည် ရေကြောင်း သွားလာမှုကိုလည်း မထိခိုက်စေပါ။ တစ်ခါတစ်ရံ ပိုမို အားကောင်းစေရန် ပြုလုပ်ပေးသည်။ အိန္ဒိယ ပညာရှင် C.Raja Mohan က ထောက်ပြရာတွင် အာရှတိုက်ကြီး ဖွံ့ဖြိုး တိုးတက်မှုသည် ဝေးလံသော နေရာမှ လူဦးရေများကို နိုင်ငံတကာ ဈေးကွက်နှင့် ထိတွေ့အောင် အကူအညီ ပေးရာ၌ ကုန်းတွင်းပိတ် ဒေသကို ပင်လယ်နှင့် ဆက်သွယ်ရန် လမ်းကြောင်း ပေးခြင်းများ ပါဝင်သည်။ ဥပမာအားဖြင့် တရုတ်ပြည် အနောက် တောင်ပိုင်းကို ဘင်္ဂလား ပင်လယ်အော်သို့ ဆက်သွယ်ပေးခြင်းမျိုး ဖြစ်သည်။ တချိန်တည်းမှာပင် အခြေခံ အဆောက်အအုံများ တိုးတက်လာမှုသည် ရေကြောင်း သွားလာမှု လုပ်ငန်းကို တိုးတက်စေသည်။ တရုတ်သို့ သယ်ယူသော ရေနံစိမ်းများ၏ ငါးပုံလေးပုံသည် မလက္ကာ ရေလတ်ကြားကို ဖြတ်၍ သယ်ယူနေရဆဲ ဖြစ်သည်။ အင်အား တိုးတက်လာမှု ကြားတွင် သယံဇာတ ပြိုင်ဆိုင်မှုများနှင့် ပင်လယ် ရေပိုင်နက် ကာကွယ်ရေး အတွက် ရေကြောင်း မဟာဗျူဟာ ပညာရှင်များကို (Naval Strategists) နှစ်ပေါင်း များစွာ အလုပ်ပေးထားဆဲ ဖြစ်သည်။

ကုန်းပေါ်တွင် ပြိုင်ဆိုင်မှုများသည် ပူးပေါင်း ဆောင်ရွက်မှုကို ဖြစ်စေသလား။ ပဋိပက္ခကို ဖြစ်စေသလား ဆိုသည်မှာ မေးခွန်း ထုတ်စရာ ဖြစ်နေဆဲ ဖြစ်သည်။ မတည်ငြိမ်မှုများကလည်း ရှိနေပြန်ရာ ဗဟို အာရှမှ ဆိုးသွမ်းသော အစိုးရများနှင့် တရုတ်နှင့် အိန္ဒိယတွင် ရှိနေသော စိတ်ညစ်ညူးဖွယ် လူဦးရေများကလည်း ပါဝင်သည်။ ကြီးမားသည့် အိမ်နီးချင်းများ၏ စည်းရုံး သိမ်းသွင်း ခိုင်းစေမှုကို နိုင်ငံငယ်လေးများက မည်သို့ တုံ့ပြန်သနည်း ဆိုသည့် အပေါ်တွင်လည်း မူတည် နေပြန်သည်။ ဗဟို အာရှမှ လူအားလုံးက ၎င်းတို့၏ အစိုးရများ တရုတ်နှင့် စွမ်းအင် ကိစ္စ ဆက်ဆံနေသည်ကို ကြိုက်လှသည်တော့ မဟုတ်ပေ။ တောင်အာရှသား အများအပြားကလည်း အိန္ဒိယ၏ ဆောင့်ကြွားကြွား အမူအယာကို သဘော မကျလှပေ။ ယခု ရုရှားကလည်း အနောက်ဖက်မှ သူများအပေါ် သြဇာ လွှမ်းမိုးနိုင်ရန် အလိုရှိနေပြန်သည်။

အာရှတိုက် ကုန်းတွင်းပိုင်းတွင် အာရှတိုက်၏ ရေကြောင်းတွင် အမေရိကန် ပါဝင်သကဲ့သို့၊ ငြိမ်းချမ်းရေးကို အားဖြည့်ပေးမည့် သူမရှိပေ။ မည်သည့် အသစ် ဖွဲ့သော အဖွဲ့များ၊ ဥပမာအားဖြင့် တရုတ်၊ ရုရှားနှင့် ဗဟို အာရှ နိုင်ငံများ ပါဝင်သော ရှန်ဟဲ ပူးပေါင်း ဆောင်ရွက်ရေး အဖွဲ့များတွင်မျှ အမေရိကန် ပါဝင်လာခြင်း မရှိပေ။ အီရန်၏ နျူကလီယာ အစီအစဉ်များ အပေါ် အမေရိကန်၏ ဖိအားများကလည်း တရုတ် နှင့် ရုရှား၏ စွမ်းအင် စိတ်ဝင်စားမှုများကြောင့် ထိရောက်မှု မရှိလှပေ။ အာဖဂန်နစ္စတန်တွင် အမေရိကန်တို့ အနေနှင့် စစ်အင်အား ကြီးမားစွာ ရှိနေသော်လည်း ပြန်လည် ထွက်ခွာလိုပြီ ဖြစ်သည်။ တဖန် မြန်မာနိုင်ငံ၏ ရိုင်းပျသော အစိုးရ အပေါ် အမေရိကန်က သြဇာ လွှမ်းမိုးနိုင်ရန် ကန့်သတ်မှုများ ဆက်ဆံမှုများဖြင့် ကြိုးစားလာသည်။ တရုတ်နှင့် အိန္ဒိယ နိုင်ငံတို့က စီးပွားရေး မူဝါဒ ရှေ့တင်၍ မြန်မာနိုင်ငံနှင့် ပိုမို ကောင်းမွန်သော အဆက်အသွယ်များ ရှိလာသောကြောင့် အမေရိကန်က ဝင်ရောက် ကြိုးစားရခြင်း ဖြစ်သည်။ Messrs Bubalo နှင့် Cook က ပြောရာတွင် အနောက်နိုင်ငံများ အနေဖြင့် အာရှ ရေကြောင်း ကဏ္ဍတွင် ပိုမို အလေးပေးမိပါက၊ အာရှ ကုန်းတွင်းပိုင်း ကဏ္ဍသစ် ဖွင့်လှစ်လာပြီး ရှုပ်ထွေးလာပါက၊ အနောက်နိုင်ငံများ အနေဖြင့် မျက်မမြင်ကဲ့သို့ ဘာကိုမျှ မတတ်နိုင်သော အခြေအနေ ဆိုက်နိုင်ကြောင်း ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

DVB, By Francis Wade, 7th April 2010

မြန်မာ အစိုးရသည် လက်ရှိ လပိုင်းများ အတွင်း နိုင်ငံပိုင် လုပ်ငန်းများကို ပုဂ္ဂလိက စီးပွားရေး လုပ်ငန်းရှင်များထံ အပြောင်ရှင်း ရောင်းထုတ်ခြင်း နှင့်အတူ မြန်မာနိုင်ငံ၏ စီးပွားရေး ပုံစံတွင် ကြီးမားသော ပြောင်းရွှေ့မှု ဖြစ်ပေါ်လျက် ရှိသည်။ ရုန်းကန် နေရသော စီးပွားရေးကို ပြောင်းလဲရန် ကြိုးစားမှု အဖြစ် အချို့ အကဲခတ်များက ရှုမြင်ကြသလို အချို့ကလည်း ရွေးကောက်ပွဲ အပြီး တက်လာမည့် အစိုးရ၏ မျိုးစေ့များကို လက်ဦးမှု ရယူ ပျိုးကြဲခြင်း ဖြစ်သည်ဟု အပြစ်တင်ကြသည်။

အကြောင်းရင်းများ မည်သို့ပင် ကွဲပြားနေသော်လည်း လက်ရှိ အစိုးရ ဝန်ကြီးများနှင့် အပေါင်းအပါများသည် ရွေးကောက်ပွဲလွန် ကာလတွင် ၎င်းတို့ အတွက် အနေမချောင်နိုင်ဟု ခံစားနေရကြောင်း၊ အားလုံးသော အချက်အလက်များက ညွှန်ပြနေသည်ဟု သြစတြေးလျား Macquarie University မှ မြန်မာ့ရေးရာ စီးပွားရေး ကျွမ်းကျင်သူ Sean Turnell က DVB သို့ ပြောကြားလိုက်သည်။

မေး     - မြန်မာနိုင်ငံမှာ ပုဂ္ဂလိကပိုင် ပြုလုပ်ရေး အစီအစဉ်ကို ကမန်းကတန်း ပြုလုပ်နေပါတယ်။ ဒီဖြစ်စဉ်ရဲ့ နောက်ကွယ်က အကြောင်းရင်းတွေက ဘာတွေများလဲ။

ဖြေ     - အကြောင်းရင်း နှစ်ချက်၊ သုံးချက်လောက် ရှိတယ်လို့ ယူဆပါတယ်။ ပထမ တစ်ချက်ကတော့ ဝေစု ခွဲကြတာပါပဲ။ အားလုံး သိတဲ့အတိုင်း ရွေးကောက်ပွဲ ပြီးရင် လက်ရှိ အစိုးရပဲ ပြန်တက်လာမယ် ဆိုပေမယ့် အစိုးရ အဖွဲ့ဝင် တစ်ဦးချင်း အတွက်တော့ သူတို့ရဲ့ နေရာနှင့် မိသားစု စီးပွားရေး အနေအထားက မသေချာတော့ပါဘူး။ ဒါ့ကြောင့် အနာဂတ် စီးပွားရေး လုပ်ငန်း အချို့ကို ဆွဲယူချင်ကြတာပါ။ ယူနိုင်တုန်းမှာ ယူနိုင်သလောက် ယူကြတာပေါ့။ အစိုးရ အဖွဲ့ဝင်တွေပဲ ဖြစ်ဖြစ်၊ သူတို့နဲ့ နီးစပ်တဲ့ စီးပွားရေးသမားတွေပဲ ဖြစ်ဖြစ်၊ ရွေးကောက်ပွဲ အပြီးမှာ တစ်ဦးချင်း အခြေအနေ ကောင်းဖို့ သေချာတဲ့လူ မရှိပါဘူး။

          နောက်တစ်ချက်ကတော့ ကျွန်တော်တို့ ရထားတဲ့ သတင်းတွေ အရ လောလောဆယ် အစိုးရက ငွေလိုနေတယ်လို့ သိရပါတယ်။ ကြံ့ခိုင် ဖွံ့ဖြိုးရေး အသင်းနဲ့ တခြား အစိုးရ ထောက်ခံတဲ့ ပါတီတွေကို ရန်ပုံငွေ ထောက်ပံ့ နေရတာကြောင့် ခဏတဖြုတ် လိုတာ ဖြစ်ဖို့ များပါတယ်။ ဒါပေမယ့် အစိုးရက ကမ်းလွန် ဓာတ်ငွေ့ ရောင်းတဲ့ ပိုက်ဆံတွေ ရနေတာ ဆိုတော့ ပြည်တွင်း ဘဏ္ဍာရေး အနေအထားက ခုချိန်ထိ မဆိုးလှဘူးလို့ ပြောရမယ်။ ရွေးကောက်ပွဲ အတွက် ပြည်သူတွေကို မျိုးစုံ လာဘ်ထိုးရလို့ လိုတာလောက်တော့ ဂရုစိုက်စရာ မလိုလှဘူး။

          တတိယ တစ်ချက်ကတော့ တိုးတက်တဲ့ စီးပွားရေး ပြုပြင် ပြောင်းလဲရေး အစီအစဉ်တွေလို့ ဟန်ဆောင် လှည့်စား ထားပေမဲ့ တကယ့် ပကတိ အခြေအနေကို ကျွန်တော်တို့ တွေ့မြင်နိုင်တဲ့ အချက်ပါ။ တကယ်ကတော့ တိုးတက်တဲ့ မူဝါဒ ပြောင်းလဲမှုလည်း မဟုတ်ဘူး။ စီးပွားရေး ကဏ္ဍမှာလည်း ထိထိရောက်ရောက် ပြောင်းလဲမှု မရှိဘူး။ အစိုးရ လက်ဝါးကြီး အုပ်ထားတဲ့ အရာတွေကို ပုဂ္ဂလိက ဆိုသူတွေရဲ့ လက်ထဲ ထည့်တယ် ဆိုရုံလေးပါပဲ။

မေး     - နောက်တက်မယ့် အစိုးရကို ဖွဲ့စည်းနေတယ်လို့ စိုးရိမ် ပူပန်နေကြတာနဲ့ ပတ်သက်ပြီး ပြောပြပါဦး။

ဖြေ     - ဒါပေါ့ဗျာ၊ လုံးဝ မပါဘဲ၊ သူတို့ရဲ့ စီးပွားရေး ခန့်ခွဲမှုတွေ ဘယ်လောက်ပဲ မှားမှား၊ အစိုးရ အဖွဲ့ဝင်တွေရယ်၊ နောက်ပြီး အစိုးရနဲ့ အဆက်အသွယ် ရှိသူတွေကတော့ သူတို့ အိုကေမှာ စိုပြေနေဖို့ အတွက် ကောင်းပါတယ် လို့ပဲ ပြောမှာပေါ့။ ကမ္ဘာတဝှမ်းက တခြား အစိုးရတွေရဲ့ လတ်တလော သုံးသပ်ချက်ကတော့ လူကြိုက်များတဲ့ ခေါင်းဆောင်တွေ ပေါ်လာနိုင်တဲ့ အချိန်မျိုးထက် အခုအချိန်က ခင်ဗျားအတွက် စီးပွားရေး ပါဝါကို ချုပ်ကိုင်နိုင်အောင် ကြိုးစားဖို့ အသင့်တော်ဆုံးပဲလို့ ဆိုတယ်ဗျ။ နိုင်ငံပိုင် ဓနဥစ္စာကို ပြည်သူတွေကို ခွဲဝေပေးတဲ့ ထိုင်းနိုင်ငံချုပ် သက်ဆင်ရှင်နာ ဝပ်ထရာကို မြန်မာမှု ပြုထားတဲ့ ပုံစံမျိုး ပေါ်မလာနိုင်ပေဘူးလား။ နောက်တစ်ခုကတော့ အခု ပုဂ္ဂလိကပိုင် လုပ်တဲ့ ကိစ္စက ပုဂ္ဂလိက ကဏ္ဍက ငွေတွေကို ယူသုံးဖို့ လုပ်တာလို့ ကျွန်တော်တို့ ကြားရတယ်။ ပုဂ္ဂလိက ကဏ္ဍက တချို့လူတွေက ဒီလုပ်ငန်းတွေကို မလိုချင်ကြဘူး။ ဒါက ပုဂ္ဂလိက ကဏ္ဍက ငွေတွေကို ဖျောယူပြီး ရွေးကောက်ပွဲ ကာလမှာ လက်ရှိ အုပ်ချုပ်သူ လူတန်းစားကို ပံ့ပိုးဖို့ လုပ်တာပါ။

မေး     - စီးပွားရေး အသွင်ပြောင်းမှုနဲ့ ပြည်ပ ရင်းနှီးမြှုပ်နှံမှုတွေကို အတော်များများ ခွင့်ပြုထားတော့ အနောက်နိုင်ငံတွေ အတွက် အရေးယူ ပိတ်ဆို့မှုကို ပြန်လည် သုံးသပ်ဖို့ အချိန်ရောက်ပြီလား။

ဖြေ - ဟုတ်တယ်၊ ပိတ်ဆို့မှုတွေကို တင်းကျပ်ရမယ့် အချိန် ဆိုပေမယ့် ငွေကြေး ပိတ်ဆို့မှု တစ်ခုပဲ လုပ်ရမှာလို့ ကျွန်တော် ထင်တယ်။ အစိုးရက ဓာတ်ငွေ့ကနေ ပိုက်ဆံတွေ အများကြီး ရနေတော့ ဒါတွေကို အလဟသ ဖြုန်းတီးတာပဲ ဖြစ်စေ၊ လူတိုင်း ဖွင့်နိုင်တဲ့ ဘဏ်ငွေစာရင်းတွေ ထဲမှာ ဖြစ်စေ သိမ်းထားတာတွေ ရှိတယ်။ ဒီတော့ ငွေကြေး ပိတ်ဆို့မှုတွေ လုပ်ဖို့ သိပ်ကို အရေးကြီးလာပြီ။ အမေရိကန်နဲ့ ကမ္ဘာ့နိုင်ငံတွေ အနေနဲ့ ငွေကြေးဆိုင်ရာ တင်းကြပ်မှုတွေ လုပ်မယ်ဆိုရင် မြန်မာ အစိုးရကို ဖိအား ပေးရုံလောက်မကဘဲ ဖိအား ပေးနည်းကို ပြောင်းလဲဖို့ ကြိုးစားစေချင်တယ်။ ဒါပေမယ့် အစိုးရပိုင် ငွေတွေကို ခြေရာခံဖို့ပဲ လိုတာပါ။ ပြီးတော့ အမေရိကန်ဟာ အခြား အစိုးရတွေနဲ့ ညှိနှိုင်း ဆောင်ရွက်ဖို့ တစုံတယောက်ကို ခန့်အပ် တာဝန်ပေးရမယ်။ ဒါမှသာ ပိုက်ဆံတွေ ဘယ်ရောက်သွားလဲ ဆိုတာကို သိပြီး ဒီပိုက်ဆံတွေကို လက်ခံထားတဲ့ ငွေကြေး အာဏာပိုင်တွေကို ဖိအားပေးဖို့ အကြံဥာဏ်ကောင်းတွေ ရလာမှာပါ။ ဒါ့ကြောင့် ကျွန်တော့် အထင်ပြောရရင် ပြည်ပ ရင်းနှီးမြှုပ်နှံမှုတွေဟာ မြန်မာ အစိုးရကို လှုပ်သာလှည့်သာ အခြေအနေနဲ့ အနောက်နိုင်ငံတွေကို လှည့်စားဖို့ အခြေအနေ ပေးနေတယ် ဆိုပေမယ့် အနောက်နိုင်ငံတွေ အတွက်လည်း ငွေကြေးဆိုင်ရာ တင်းကြပ် ပိတ်ဆို့မှုတွေ ပိုလုပ်ဖို့ အခွင့်အရေးတွေ ပိုရလာတယ်လို့ မြင်ပါတယ်။

မေး     - မြန်မာ အစိုးရနဲ့ ဆွေးနွေး ညှိနှိုင်းတာမှာ တိုးတက်မှု နည်းနည်းပဲ ရခဲ့တဲ့ အမေရိကန်ရဲ့ ခံစားချက်က ဘယ်လိုများ ဖြစ်မလဲ။

ဖြေ     - မနှစ်က စက်တင်ဘာတုန်းကလေ၊ ကျွန်တော်လည်း အဲဒီမှာ ရောက်နေတယ်ဗျ၊ အားလုံးက အမေရိကန် မူဝါဒ ပြောင်းလဲမှု အကြောင်းကိုပဲ ပြောနေကြတယ်၊ မြန်မာ အစိုးရရဲ့ ညှိနှိုင်း လိုက်လျောမှုကို ရရှိဖို့ အပြန်အလှန်အားဖြင့် ပိတ်ဆို့မှု တချို့ကို ဖြေလျော့ပေးမယ့် အစီအစဉ်တွေလည်း မဖြစ်မနေ ပါဝင်တာပေါ့၊ အခုတခေါက်ကတော့ အရမ်းကို ခြားနားသွားပြီ၊ အထူးသဖြင့် Capitol Hill မှာ အရမ်းကို ဒေါသ ထွက်နေကြတယ်၊ စိမ်းစိမ်းကားကား ငြင်းဆန်လိုက်လို့ စိတ်မကောင်း ဖြစ်ရတာမျိုးပေါ့၊ လက်ရှည်ရှည် ထုတ်ပေးလိုက်ပေမယ့် ဘာမှ ပြန်မရခဲ့ဘူးလေ၊ တကယ်လို့များ တစ်စုံတစ်ရာပေ့ါဗျာ၊ ညီညီအောင်ကို ဖမ်းဆီးခဲ့တာမျိုးလို နည်းနည်းလေး စိတ်ကသိကအောက် ဖြစ်အောင် လုပ်တတ်တဲ့ အကျင့်မျိုး မြန်မာ အစိုးရမှာ မရှိတော့ဘူးလို့ သူတို့ ခံစားမိခဲ့ရင်တော့ အထူးသဖြင့် ရွေးကောက်ပွဲ ဥပဒေမှာ အပြောင်းအလဲ ရှိနိုင်ပါတယ်၊ အမေရိကန်ကတော့ ဒေါ်အောင်ဆန်းစုကြည်ကို ထုတ်ပယ်ဖို့ မလိုအပ်ဘူးလို့ ရှုမြင်ထားပါတယ်၊ ဒီလောက်အထိ လုပ်တာက လွန်လွန်းအားကြီးတယ်ပေါ့ဗျာ၊ ဒီတော့ ငွေကြေး ပိတ်ဆို့ အရေးယူမှုတွေကို တွန်းအားပေးမှာလား ဆိုတဲ့ မေးခွန်းနဲ့ ဆက်စပ်နေတဲ့ ကိစ္စတွေက အမှန်တကယ်တော့ စားပွဲပေါ် ရောက်နေပြီးသားပါ၊ ကျွန်တော် အဲဒီမှာ ရှိချိန် (ပြီးခဲ့သော စက်တင်ဘာ) ကတည်းက အဓိက ပြောဆို ဆွေးနွေးနေကြတဲ့ ကိစ္စ တစ်ခုပါ။

မေး     - မြန်မာနိုင်ငံထဲကို ပြည်ပ ရင်းနှီးမြှုပ်နှံမှုတွေ အများကြီး ဝင်လာတာကို ခင်ဗျား မအံ့သြမိဘူးလား၊ ဈေးကွက် မငြိမ်သက်မှုလည်း ဖြစ်နိုင်တယ်လေ။

ဖြေ     - ငွေကြေး ဆုံးရှုံးမှု အများကြီး ရှိနိုင်တယ် ဆိုတဲ့ ဒုတိယ အချက်ကိုတော့ ကျွန်တော် သံသယ မဖြစ်ဘူး၊ ဒါပေမယ့် တရုတ်နိုင်ငံရဲ့ စွမ်းအင် ငတ်မွတ်မှုကတော့ အံ့သြလို့ကို မကုန်နိုင်ဘူးဗျာ၊ သိပ်ကို သိသာ ထင်ရှားတဲ့ အချိန်ပါပဲ၊ တစ်စုံတစ်ရာ အခွင့်အလမ်းတွေ အတွက် သူတို့ အများကြီး ပေးရလိမ့်မယ်၊ ဒါက လုံးဝကို သာမန် ဖြစ်ရိုးဖြစ်စဉ် မဟုတ်ပါဘူး၊ သယံဇာတတွေကို ရေရှည် ချုပ်ကိုင်ဖို့ ဆန္ဒရှိနေတဲ့ တရုတ်နိုင်ငံ အဖို့တော့ မဟာဗျူဟာမြောက် ရွေးချယ်စရာတွေ ပေးနေတဲ့ မဆုံးနိုင်တဲ့ ပုံပြင်ပေါ့။

မေး     - တရုတ် - အာဆီယံ လွတ်လပ်သော ကုန်သွယ်ရေး သဘော တူညီချက်က မြန်မာ အပေါ် သက်ရောက်မှု ရှိမယ် ဆိုတာကို ခင်ဗျား ဘယ်လို ယူဆသလဲ။

ဖြေ     - မြန်မာနိုင်ငံရဲ့ ဖွံ့ဖြိုး တိုးတက်မှု ရပ်ဆိုင်း သွားနိုင်တယ် ဆိုတဲ့ စိုးရိမ် ပူပန်မှုတွေကိုတော့ ကြားနေရပါတယ်၊ ဒါပေမယ့် ဒီလို ပုံကြီးချဲ့ ပြောဆိုမှုတွေ မရှိခင် ကတည်းက ဒီကိစ္စက ပွဲပြီးနေပြီးသားပါ၊ မြန်မာ စားသုံးသူ ဈေးကွက်ထဲကို တရုတ် ကုန်ပစ္စည်းတွေက လွှမ်းမိုးထားတာ ကြာလှပြီ၊ အမှန်တကယ်က မြန်မာနိုင်ငံမှာ ပုဂ္ဂလိက ကဏ္ဍရဲ့ အရေးပါတဲ့ ထုတ်လုပ်မှု လုံးဝ မရှိဘူး၊ တရုတ် သွင်းကုန်တွေကြောင့် မြန်မာ အစိုးရပိုင် စက်ရုံတွေလည်း လုံးဝ မြောင်းထဲ ရောက်သွားပြီးသားပါ၊ ဒါ့ကြောင့် ရှင်းရှင်းပြောရရင် မြန်မာနိုင်ငံက ဒီကုန်သွယ်ရေး သဘော တူညီချက်ကို မလိုအပ်ပါဘူး၊ မြန်မာနိုင်ငံရဲ့ ကုန်စည် စီးဆင်းမှုမှာ အကြီးဆုံး အတားအဆီးက ပြည်တွင်းမှာပဲ ရှိနေတယ်လို့ ကျွန်တော် ထင်ပါတယ်၊ နယ်စပ် တလျှောက်မှာ ရှိတဲ့ စစ်ဆေးရေး ဂိတ်မျိုးစုံရယ်၊ နောက်ပြီးတော့ တရားမဝင် အခွန်နဲ့ ဒဏ်ကြေး ပေါင်းစုံကောက်ပြီး ဂုတ်သွေးစုတ်နေတဲ့ ကိစ္စတွေရယ်၊ ဒါတွေက အကြီးမားဆုံး အတားအဆီးတွေပေါ့ဗျာ။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

DVB, By Joseph Allchin, 8th April 2010

ယခု အပတ်တွင် ဘယ်လာရုစ် နိုင်ငံမှ Alexander Lukashenko ၏ အစိုးရ ကိုယ်စားလှယ် အဖွဲ့သည် နေပြည်တော်သို့ ရောက်ရှိခဲ့သောကြောင့် မြန်မာ အစိုးရသည် နောက်ထပ် ပြဿနာ နိုင်ငံ တစ်ခုနှင့် ပတ်သက်မိပြန်ပြီဟု ဆိုနိုင်သည်။

ဘယ်လာရုစ်မှာ ယခင် ဆိုဗီယက် ပြည်ထောင်စုမှ ကုန်းတွင်းပိတ် နိုင်ငံတစ်ခု ဖြစ်ပြီး၊ ခေါင်းဆောင် Alexander Lukashenko ကိုယ်တိုင် အာဏာရှင် ဖြစ်ကြောင်း ဝန်ခံထားသည်။ ပုံမှန် မဟုတ်သော နိုင်ငံရေး အခြေအနေကြောင့် ပြင်းထန်သော ဝေဖန်မှုများကို ခံနေရသော နိုင်ငံ ဖြစ်ပြီး၊ ၎င်းသည် ၁၉၉၄ ကတည်းက အငြင်းပွားဖွယ် ရွေးကောက်ပွဲများဖြင့် အာဏာ ဆက်လက် ကိုင်စွဲထားသူ ဖြစ်သည်။

ဘယ်လာရုစ်သည် ဥရောပတွင် တစ်ခုတည်းသော ဒီမိုကရေစီ နိုင်ငံ မဟုတ်သော နိုင်ငံ ဖြစ်ပြီး၊ သေဒဏ်စနစ် ကျင့်သုံးဆဲ တစ်ခုတည်းသော ဥရောပ နိုင်ငံလည်း ဖြစ်သည်။

ဘယ်လာရုစ် အစိုးရသည် အစိုးရ စစ်တပ်နှင့် နည်းပညာ ကော်မတီ ပထမ ဒုတိယ ဌာနမှူး Roman Halowchanka ခေါင်းဆောင်သော အဆင့်မြင့် ကိုယ်စားလှယ် အဖွဲ့သည် လေးရက်ကြာ ခရီးစဉ် အဖြစ် မြန်မာနိုင်ငံသို့ ဧပြီလ ၅ ရက်နေ့တွင် ရောက်လာပြီး၊ နှစ်နိုင်ငံ စစ်ရေးနှင့် နည်းပညာ ပူးပေါင်း ဆောင်ရွက်မှုများ အတွက် ဒုတိယ အကြိမ် ဆွေးနွေးမည် ဖြစ်ကြောင်း၊ ကော်မတီ ပြောခွင့်ရ ပုဂ္ဂိုလ် Uladzimar Lawranyak က ဘယ်လာရုစ် သတင်းဌာန Belapan သို့ ပြောကြားခဲ့သည်။

ပထမ အကြိမ် ဆွေးနွေးပွဲမှာ ပြီးခဲ့သည့်နှစ် ဇွန်လက ဘယ်လာရုစ် နိုင်ငံ မြို့တော် Minsk တွင် ကျင်းပခဲ့ကြောင်း ကော်မတီက ပြောကြားခဲ့သည်။ ဘယ်လာရုစ် ကိုယ်စားလှယ် အဖွဲ့သည် မြန်မာ ဗိုလ်ချုပ်များနှင့် ကာကွယ်ရေး ဆိုင်ရာ စာချုပ်များ ပိုမို သေချာစေရန် ပြုလုပ်သွားမည်ဟု ဆိုသည်။

ဘယ်လာရုစ်သည် ပြီးခဲ့သည့် နှစ်များ အတွင်း စစ်ရေးနှင့် နည်းပညာ ဆက်ဆံမှုများ ထူထောင် နိုင်ခဲ့ကြောင်း ပြောခွင့်ရ ပုဂ္ဂိုလ်က ပြောသည်။ ကန်ထရိုက်များမှ နိုင်ငံခြားငွေ အဖြစ် အခွန် ကောက်ခံမှုများမှာမူ မရနိုင်သေးကြောင်း၊ စစ်ရေးနှင့် နည်းပညာ နယ်ပယ်တွင် ပူးပေါင်း ဆောင်ရွက်မှုများ တိုးတက်လာရန် အလားအလာများ ရှိနေသေးကြောင်း ၎င်းက ပြောသည်။

မြန်မာ အစိုးရသည် လက်နက်များကို တရုတ်၊ ရုရှား၊ စင်္ကာပူ၊ ယူကရိန်း၊ အစ္စရေး နှင့် ဆားဗီးယားတို့မှ ရရှိသည်။ မြန်မာနိုင်ငံသည် အာရှတိုက်တွင် အဆင်းရဲဆုံး နိုင်ငံ စာရင်းတွင် ပါဝင်ပြီး ကလေး လူဦးရေ၏ ၃၅ % သည် အစာရေစာ လုံလောက်အောင် မရသော်လည်း၊ အစိုးရ ဘတ်ဂျက်၏ ၄၀ % ကို စစ်ရေး ကဏ္ဍတွင် အသုံးပြုသည်။

ပြီးခဲ့သည့် ဒီဇင်ဘာလက ရုရှားသည် မြန်မာနိုင်ငံသို့ ဒေါ်လာ သန်း ၅၇၀ ဖိုးရှိ MIG – 29 တိုက်လေယာဉ် အစီး ၂၀ ရောင်းချခဲ့သည်။ အစိုးရအား ဝေဖန်သူများက မြန်မာနိုင်ငံတွင် လက်ရှိ ပြင်ပ ရန်သူ မရှိဘဲ တိုက်လေယာဉ်များ ဝယ်ယူမှု အတွက် စစ်တပ်၏ အမြင် ကျဉ်းမြောင်းသော ဝါဒ အတွက် မေးခွန်းထုတ်ခဲ့သည်။

ဗြိတိန် ဝန်ကြီးချုပ် Gordon Brown နှင့် အရှေ့ တီမော ခေါင်းဆောင် Dr. Jose Ramos – Horta အပါအဝင် ကမ္ဘာ့ ခေါင်းဆောင်များက မြန်မာနိုင်ငံကို လက်နက် ရောင်းဝယ်မှု ပိတ်ဆို့ရန် တောင်းဆိုခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News, 8th April 2010

ဗီယက်နမ်တွင် ကျင်းပမည့် အာဆီယံ ထိပ်သီး အစည်းအဝေး အစီအစဉ်တွင် မြန်မာနိုင်ငံ၏ ရွေးကောက်ပွဲ ကိစ္စကို ထိပ်ဆုံးတွင် ထည့်သွင်းရန် အာဆီယံ ၁၀ နိုင်ငံ ခေါင်းဆောင်များအား တိုက်တွန်းခဲ့သည်။

ယခု အာဆီယံ ထိပ်သီး အစည်းအဝေး၏ ရည်ရွယ်ချက်မှာ ဒေသဆိုင်ရာ ပူးပေါင်း ဆောင်ရွက်မှု တည်ဆောက်ရန် ဖြစ်သည်။

မြန်မာနိုင်ငံတွင် တရားမျှတသော ရွေးကောက်ပွဲ ဖြစ်စေရေး အတွက် ဖိအားပေးရန် ဒေသတွင်း ဥပဒေပြု အမတ် ၁၀၀ ခန့်က အာဆီယံ ခေါင်းဆောင်များသို့ အသနားခံစာ တင်သွင်းခဲ့သည်။

ဘန်ကောက် ဆန္ဒပြပွဲများကြောင့် တိုင်းပြည်ကို အရေးပေါ် အခြေအနေ ကြေညာထားရသည် ဖြစ်ရာ ထိုင်းနိုင်ငံ ဝန်ကြီးချုပ် အဘီဆစ်သည် ထိပ်သီး အစည်းအဝေးသို့ မတက်ရောက်နိုင်ပေ။

အဘီဆစ်သည် ဟနွိုင်းနှင့် ဘန်ကောက်ကို လွန်းပျံ သွားရောက်ရန် စီစဉ်ထားခဲ့သော်လည်း အခြေအနေမှာ ရှုပ်ထွေးလာသောကြောင့် တိုင်းပြည်မှ ထွက်ခွာရန် ဆန္ဒ မရှိတော့ကြောင်း တာဝန်ရှိသူများက ပြောသည်။

ယခု အာဆီယံ ထိပ်သီး အစည်းအဝေးတွင် အဓိက အာရုံပြုမည့် ကိစ္စမှာ ဒေသတွင်းနှင့် အိမ်နီးချင်း ကုန်သွယ်ဖက် ပါတနာများ အကြား ဆက်ဆံရေး တိုးတက်လာရေး အတွက် ဖြစ်သည်။

တက်ရောက်လာကြသော ကိုယ်စားလှယ်များ အကြားတွင် ကျယ်ပြန့်သော အမြင်မတူ ခြားနားမှုများ ရှိနေသော်လည်း ၂၀၁၅ တွင် လူသန်း ၆၀၀ ပါဝင်သော လွတ်လပ်သော ဈေးကွက် အဖွဲ့ကြီး ဖွဲ့စည်းနိုင်ရေးကို အဓိက ဦးစားပေး ဆွေးနွေးမည် ဖြစ်သည်။ မြန်မာနိုင်ငံတွင် လွတ်လပ်ပြီး တရားမျှတသော ရွေးကောက်ပွဲ ကျင်းပနိုင်ရန် မြန်မာ အပေါ် ဆုံးဖြတ်ချက် ခိုင်မာသော လုပ်ဆောင်မှု ပြုလုပ်ရန် ဒေသတွင်း ဥပဒေပြု အမတ်များ လက်မှတ် ရေးထိုး၍ ထိပ်သီး အစည်းအဝေးသို့ တင်ပြထားသည်။

ပြီးခဲ့သည့် လက မြန်မာနိုင်ငံတွင် ရွေးကောက်ပွဲ ဥပဒေများ ထုတ်ထားပြီး အချို့ အာဆီယံ အဖွဲ့ဝင်များက မြန်မာနိုင်ငံ၏ ရွေးကောက်ပွဲ အစီအစဉ်ကို ဝေဖန်ခဲ့သည်။ အချို့ နိုင်ငံများမှ ကိုယ်စားလှယ်များက ပြောကြားရာတွင် ဟနွိုင်း ထိပ်သီး အစည်းအဝေးတွင် မြန်မာ့ အရေးကို ဆွေးနွေးရေး တင်ပြရန် ရည်ရွယ်သည်ဟု ဆိုသည်။

ဖိလစ်ပိုင် နှင့် အင်ဒိုနီးရှားတို့က မြန်မာနိုင်ငံတွင် စစ်မှန်ပြီး အားလုံး ပါဝင်သော ရွေးကောက်ပွဲ ဖြစ်ရန် တောင်းဆိုကြောင်း ထုတ်ဖော် ပြောကြားခဲ့ကြသည်။ ဒေါ်အောင်ဆန်းစုကြည် ခေါင်းဆောင်သော အတိုက်အခံများ ပါဝင်နိုင်ရေးကို တောင်းဆိုခဲ့ကြသည်။

ဒေါ်အောင်ဆန်းစုကြည်၏ NLD ပါတီသည် ပြီးခဲ့သည့် အပတ်က ပါတီ မှတ်ပုံ မတင်ရန် ဆုံးဖြတ်ခဲ့သည်။

အင်ဒိုနီးရှား နိုင်ငံခြားရေး ဝန်ကြီး Marty Natalegawa က ပြောကြားရာတွင် မြန်မာနိုင်ငံ၏ ရွေးကောက်ပွဲသည် အလားအလာ အများကြီး ရှိပြီး အလွန်တရာ အရေးကြီးကြောင်း ပြောကြားခဲ့သည်။ မြန်မာ အစိုးရက လွတ်လပ် ပွင့်လင်းပြီး၊ ဒီမိုကရေစီ ကျကျ လက်ခံနိုင်သည့် ရွေးကောက်ပွဲ ဖြစ်ရန် ကတိကဝတ်များ ပြောကြားခဲ့ပြီး ဖြစ်ရာ ထိုကတိများကို လက်တွေ့ အကောင်အထည် ဖော်သည်ကို မိမိတို့ မြင်တွေ့လိုကြောင်း Marty က ပြောကြားခဲ့သည်။

ထိပ်သီး အစည်းအဝေးတွင် ခေါင်းဆောင်များ ဆွေးနွေးမည့် မူကြမ်းအရ စီးပွားရေး အတွက် ငွေထည့်သွင်း ပေးရမှုများ မည်သို့ အမြန်ဆုံး ရပ်ဆိုင်းရမည် ဆိုသည်ကို လည်းကောင်း၊ ဒေသတွင်း အခြေခံ အဆောက်အအုံများ ဆောက်လုပ်မှု အရှိန်မြှင့်ရေးကို လည်းကောင်း၊ ရာသီဥတု ပြောင်းလဲမှု အတွက် လုပ်ဆောင်စရာများကို လည်းကောင်း ပါဝင်သည်။

တောင်တရုတ် ပင်လယ်တွင် တရုတ်၏ အချုပ်အချာ အာဏာနယ် တိုးချဲ့ တောင်းဆိုမှုကို ဒေသတွင်း ချဉ်းကပ် ဆွေးနွေးရေးကိုလည်း ဆွေးနွေးလိုကြောင်း အစည်းအဝေး မတိုင်မီက အိမ်ရှင် ဟနွိုင်းက ပြောကြားခဲ့သည်။

အတွေးအမြင်မှ လုပ်ဆောင်မှုများ ဆီသို့ (From Vision to Action) ဆိုသည့် အာဆီယံ၏ ဆောင်ပုဒ် နှင့်အညီ နိုင်ငံရေး ကိစ္စများထက် စီးပွားရေး ကိစ္စများကိုသာ ဦးစားပေးဖွယ် ရှိသည်။

ထိပ်သီး အစည်းအဝေး၏ အဓိက အချက်များတွင် စီးပွားရေး အသိုင်းအဝိုင်း တစ်ခု ထူထောင်ရေး ပါဝင်ကြောင်း ဗီယက်နမ် လက်ထောက် နိုင်ငံခြားရေး ဝန်ကြီး Pham Quang Vinh က ပြောသည်။

အာဆီယံသည် တိုးတက်ပြီး စီးပွားရေး အခြေအနေ ရှိပြီးသော အင်ဒိုနီးရှား၊ စင်္ကာပူ၊ မလေးရှား၊ ထိုင်း၊ ဖိလစ်ပိုင်၊ ဗီယက်နမ် နှင့် ဘရူးနိုင်း တို့ကို မြန်မာ၊ လာအို နှင့် ကမ္ဘောဒီးယားတို့နှင့် ပေါင်းစည်းနိုင်ရေး အတွက် ကြိုးစားသွားမည် ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Straitstimes.com, 8th April 2010

ဒေသတွင်း အာဆီယံ ညီလာခံတွင် တွေ့ဆုံ စည်းဝေး နေကြသော အာဆီယံ ဝန်ကြီးများက မြန်မာနိုင်ငံ၏ အငြင်းပွားဖွယ် ရွေးကောက်ပွဲ အစီအစဉ်များ အပေါ် ဝိုင်းဝန်း မေးမြန်း ခဲ့ကြသော်လည်း စစ်ဖက် အုပ်ချုပ်သူများကို အပြစ်တင်သည့် အဆင့်အထိ မရောက်ရန် ရပ်ဆိုင်းခဲ့ကြသည်ဟု ကြာသပတေးနေ့တွင် ပြောကြားခဲ့သည်။

ဆယ်စုနှစ် နှစ်စု အတွင်း ပထမဆုံး ရွေးကောက်ပွဲများကို ယခုနှစ်ကုန်တွင် ကျင်းပရန် မြန်မာနိုင်ငံက စီစဉ်နေသော်လည်း ၎င်းတို့ ထုတ်ပြန်သော ဥပဒေသစ်များက အထိန်းသိမ်းခံ အတိုက်အခံ ခေါင်းဆောင် ဒေါ်အောင်ဆန်းစုကြည် မပါဝင်နိုင်အောင် ထိရောက်စွာ တားဆီး ထားသဖြင့် သူမ၏ ပါတီက ရွေးကောက်ပွဲကို သပိတ်မှောက်ခဲ့သည်။

အာဆီယံ နိုင်ငံခြားရေး ဝန်ကြီးများသည် ညီလာခံ မတိုင်မီ ဗုဒ္ဓဟူးနေ့ ညနေတွင် တွေ့ဆုံခဲ့ကြပြီး လွတ်လပ် မျှတသော ရွေးကောက်ပွဲများ ကျင်းပရေး ကိစ္စကို မြန်မာ နိုင်ငံခြားရေး ဝန်ကြီး ဦးဥာဏ်ဝင်း နှင့် ဆွေးနွေးခဲ့ကြသည်ဟု ဆိုသည်။

"ကျွန်တော်တို့ သူ့ကို အပြစ် မတင်ခဲ့ပါဘူး။ ဆရာလည်း မလုပ်ဘူး။ ဘာလုပ်ရမယ် ဆိုတာမျိုးလဲ မပြောခဲ့ဘူး။ အကဲခတ် လေ့လာတာနဲ့ အကြံပြုတာလောက်ပဲ ကျွန်တော်တို့ လုပ်ခဲ့ပါတယ်။ သူကလည်း ကောင်းကောင်းမွန်မွန် လက်ခံ မှတ်သားပါတယ်" ဟု စင်္ကာပူ နိုင်ငံခြားရေး ဝန်ကြီး George Yeo က ပြောကြားခဲ့သည်။

Mr. Yeo က ဆက်လက်၍ "လာမယ့် လတွေကတော့ မြန်မာနိုင်ငံအတွက် အရေးကြီးတဲ့ ကာလ ဖြစ်လိမ့်မယ်၊ နောက်ဆုံးမှာတော့ မြန်မာနိုင်ငံမှာ ဘာဖြစ်မှာလဲ ဆိုတာကို မြန်မာ ပြည်သူတွေပဲ ဆုံးဖြတ်ရမှာပါ။ ကျွန်တော်တို့က အပြင်လူပါ။ တိုးတက်မှုတွေကို အမြန်ဆုံး လုပ်ဆောင် ကြလိမ့်မယ်လို့ပဲ ကျွန်တော်တို့ မျှော်လင့်ပါတယ်" ဟု ပြောကြားသည်။ ရွေးကောက်ပွဲ ဥပဒေ အရ ဒေါ်အောင်ဆန်းစုကြည်၏ NLD ပါတီသည် ရွေးကောက်ပွဲ ဝင်လိုပါက ပြစ်ဒဏ်ကျခံ နေရသော သူမအား ပါတီမှ ထုတ်ပယ်ရန် လိုအပ်သည်။

"အာဆီယံ အဖွဲ့က မြန်မာနိုင်ငံ ဘာလုပ်ချင်သလဲ ဆိုတာကို အပြည့်အဝ ထုတ်ဖော် ပြောကြားခွင့် ပေးထားခဲ့ပါတယ်" ဟု အာဆီယံ အထွေထွေ အတွင်းရေးမှူးချုပ် ဆူရင်ပစ်ဆူဝမ်က ပြောကြားခဲ့သည်။ သို့ရာတွင် ၎င်းတို့၏ လူ့အခွင့်အရေး ချိုးဖောက်မှု မှတ်တမ်းများက အာဆီယံကို ဆက်လက်၍ စိတ်ပျက် လက်ပျက် ဖြစ်စေသည့် ကိစ္စကိုလည်း စစ်ဗိုလ်ချုပ်များအား အသိပေးခဲ့သည်ဟု "ဆူရင်" က ဆက်လက် ပြောဆိုသည်။

အင်ဒိုနီးရှားသည် မြန်မာနိုင်ငံ၏ ဒီမိုကရေစီ ဖော်ဆောင်ရေး ပျက်ကွက်မှု အပေါ် အများဆုံး ဝေဖန်ခဲ့သော အာဆီယံ အဖွဲ့ဝင် နိုင်ငံ ဖြစ်ပြီး နိုင်ငံခြားေးရး ဝန်ကြီး နာတာလီဂါဝမ် ကလည်း မြန်မာ အစိုးရအား လွတ်လပ် မျှတသော ရွေးကောက်ပွဲ ကျင်းပပါမည်ဟု ပေးထားသော ကတိကို စောင့်စည်းရန် တောင်းဆိုထားသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာစစ်အစိုးရနှင့် စေ့စပ်ညှိနှိုင်းရေး ဟူသော ဝါရှင်တန် အစိုးရ၏ မူဝါဒသည် မည်သည့် အကျိုးအမြတ် တစ်စုံတစ်ရာကိုမှ ထုတ်ဖော်နိုင်ခြင်း မရှိခဲ့ကြောင်း အမေရိကန် သံတမန် များက အတိုက်အခံ အမျိုးသား ဒီမိုကရေစီအဖွဲ့ချုပ် (NLD) ကို အသိပေး ပြောဆိုလိုက်သည်။

ရန်ကုန် အခြေစိုက် အမေရိကန်သံရုံးမှ သံတမန်နှစ်ဦးသည် ဗဟန်းမြို့နယ်၊ ရွှေဂုံတိုင်ရှိ NLD အဖွဲ့ချုပ်သို့ သွားရောက်ကာ မြန်မာ စစ်အစိုးရက ထုတ်ပြန်ထားသော ရွေးကောက်ပွဲ ဥပဒေများ အပေါ် ဝါရှင်တန်အစိုးရက အလွန်အမင်း စိတ်ပျက်လျက် ရှိသည်ကြောင်း ပြောဆိုခဲ့သည်။

"မြန်မာ စစ်အစိုးရနဲ့ စေ့စပ်ညှိနှိုင်းရေး မူဝါဒဟာ အခုအချိန်အထိ ဘာတစ်ခုမှ အကောင်အထည် မဖော်နိုင်ဘူးလို့ သူတို့က ဝန်ခံ ပြောဆိုခဲ့ကြပါတယ်" ဟု NLD ၏ ဒုတိယ ဥက္ကဋ္ဌ ဦးတင်ဦးက ပြောကြားသည်။

အမေရိကန် သံတမန်များက ဝါရှင်တန် အစိုးရ၏ သဘောထားကို ထုတ်ဖော် ပြောဆိုမှုသည် NLD ပါတီက ၎င်းတို့အနေဖြင့် ဒီမိုကရေစီ ဖော်ဆောင်ရာတွင် ပျက်ကွက်မှု ရှိခဲ့သည့်အတွေက် ရိုးသား ပွင့်လင်းစွာ တောင်းပန်ပါကြောင်း ကြေညာချက် ထုတ်ပြန်မှု နှင့် တိုက်ဆိုင်နေသည်ကို တွေ့ရသည်။ အမျိုးသား ဒီမိုကရေစီပါတီက မိမိတို့အနေဖြင့် ရွေးကောက်ပွဲသို့ ဝင်ရောက် ယှဉ်ပြိုင်မည် မဟုတ်ကြောင်း မတ်လကုန်ပိုင်းက အတိအလင်း ထုတ်ဖော်ခဲ့သည်။ သို့အတွက်ကြောင့် NLD သည် ရွေးကောက်ပွဲ ဥပဒေအရ တရားဝင် ပါတီအဖြစ်မှ ပယ်ဖျက်ခံရတော့မည် ဖြစ်သည်။

NLD က ကြေညာချက် ထုတ်ပြန်ရာတွင် နှစ်ပေါင်း ၂၀ တိုင်အောင် စစ်အစိုးရနှင့် ဒိုင်ယာလော့ခ် ပြုလုပ်ရန် ကြိုးပမ်းမှုသည် လည်းကောင်း၊ ဒီမိုကရေစီ ဆန်သော ဖွဲ့စည်းပုံ အခြေခံ ဥပဒေ ရေးဆွဲရန် ကြိုးပမ်းမှုသည် လည်းကောင်း လုံးလုံးလျားလျား မအောင်မြင်ခဲ့ကြောင်း ဖော်ပြထားသည်။

NLD နှင့် အမေရိကန် အစိုးရတို့၏ မြန်မာနိုင်ငံအပေါ် ဝန်ခံ ပြောဆိုချက်များကို ကြည့်လျှင် စစ်အစိုးရ၏ သဘောထား တင်းမာမှုများကို အထင်းသား တွေ့မြင်နိုင်သည်။ စစ်အစိုးရသည် ရွေးကောက်ပွဲ အပြီး ထွက်ပေါ်လာမည့် အရပ်သား အစိုးရ လက်အောက်တွင် စစ်အာဏာရှင် စနစ်ကို သက်တမ်း ဆက်ရန် ကြိုးပမ်းနေပုံ ရသည်။

ဝါရှင်တန် အစိုးရ အရာရှိကြီးများနှင့် အကြိမ်ကြိမ် တွေ့ဆုံခဲ့သည့် သြစတြေးလျ အခြေစိုက် စီပွားရေး ပညာရှင် Sean Turnell က ပြီးခဲ့သည့် စက်တင်ဘာလ ကတည်းက အမေရိကန် အစိုးရက မြန်မာနိုင်ငံအပေါ် ထားရှိသော မူဝါဒများ သိသိသာသာ ပြောင်းလဲလာကြောင်း ပြောဆိုသည်။

"အခုဆိုရင် အမေရိကန် အစိုးရဟာ မြန်မာ စစ်အစိုးရကိစ္စနဲ့ ပတ်သက်ပြီး ဒေါသထွက်ရမယ့် အနေအထားကို ရောက်နေပါပြီ။ သူတို့ရဲ့ ခံစားချက်၊ စေတနာကို ရိုက်ချိုးလိုက်သလို ဖြစ်နေလို့ပါ။ သူတို့ဘက်က လိုက်လျောတာတွေ ရှိခဲ့ပေမယ့် ဘာမှ ပြန်မရခဲ့လို့ပါ" ဟု ပြောသည်။

ဝါရှင်တန် အစိုးရသည် ပြီးခဲ့သည့် စက်တင်ဘာလတွင် မြန်မာ စစ်အစိုးရနှင့် စေ့စပ် ညှိနှိုင်းမှုများ ပြုလုပ်ရန် ကြိုးစားသွားမည်ဟု မူဝါဒသစ် တစ်ရပ်ကို ကြေညာခဲ့သည်။ သို့သော်လည်း ထိုမူဝါဒက ရလဒ် အနည်းငယ်ကိုသာ ဖော်ထုတ်နိုင်ခဲ့သည်။ ထို့အတူ NLD က ရွေးကောက်ပွဲကို သပိတ်မှောက်ခဲ့သည့် လုပ်ရပ်သည်လည်း ရှုပ်ထွေးမှုများစွာ ဖြစ်ပေါ်စေခဲ့သည်။ အချို့သော သုံးသပ် လေ့လာသူများနှင့် နိုင်ငံတကာ အသိုင်းအဝိုင်းမှ လူအများစုက NLD ၏ လှုပ်ရှားမှုကို ထောက်ခံ ကြိုဆိုသော်လည်း အချို့က NLD အနေဖြင့် အသွင် ကူးပြောင်းရေး ကာလတွင် ပါဝင်ကာ အကျိုးအမြတ် ရယူသင့်သည်ဟု သုံးသပ် ပြောဆိုကြသည်။

Irrawaddy သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာနိုင်ငံ၏ လက်ရှိ အခြေအနေ၊ အထူးသဖြင့် ကျင်းပရန် ရှိသည့် ဒီမိုကရေစီ ရွေးကောက်ပွဲနှင့် ပတ်သက်၍ ထိုင်းနိုင်ငံခြားရေး ဝန်ကြီး Kasit Piromya က အာဆီယံ ခေါင်းဆောင်များကို အတိုချုံး ပြောဆိုမည် ဖြစ်ကြောင်း သိရသည်။

မြန်မာ စစ်အစိုးရက ကျင်းပပေးမည့် ဒီမိုကရေစီ ရွေးကောက်ပွဲသည် လွတ်လပ်ပြီး တရားမျှတမှု ရှိကာ နိုင်ငံရေးသမားများနှင့် တိုင်းရင်းသား လူနည်းစုများ အားလုံး ပါဝင်သင့်ကြောင်း မစ္စတာ Kasit Piromya က ပြောသည်။

ဗီယက်နမ် နိုင်ငံ၊ ဟနွိုင်းမြို့တွင် ကျင်းပ ပြုလုပ်မည့် ၁၆ ကြိမ်မြောက် အာဆီယံ ထိပ်သီး ဆွေးနွေးပွဲအတွင်း ညပိုင်း အချိန်တွင် မစ္စတာ Kasit က အာဆီယံ ခေါင်းဆောင်များအား မြန်မာ့အရေးကို အလွတ်တမ်း သဘောဖြင့် အတိုချုံး ပြောဆိုရန် စီစဉ်ထားခြင်း ဖြစ်သည်။

ဧပြီလ ၈ ရက်နေ့တွင် အာဆီယံ နိုင်ငံခြားရေး ဝန်ကြီးများက အာဆီယံ အမျိုးသမီးများနှင့် ကလေးငယ်များ ကာကွယ် စောင့်ရှောက်ရေး ကော်မရှင် (ACWC) တစ်ရပ်ကို စတင် ထူထောင်လိုက်သည်။ သို့သော် ACWC သည် အာဆီယံ လူ့အခွင့်အရေးဆိုင်ရာ အစိုးရအဖွဲ့များ ကော်မရှင် (AICHR) ၏ လုပ်ထုံးလုပ်နည်း အတိုင်း လုပ်ဆောင်နိုင်မှု ရှိ၊ မရှိ ဟူသည်ကို မသိရသေးပေ။

သတင်းများအရ ဖိလစ်ပိုင်နိုင်ငံက ACWC ကို AICHR အဖွဲ့၏ လက်အောက်တွင် လုပ်ကိုင် လည်ပတ် စေလိုသည်။ ထိုင်းနိုင်ငံက ACWC သည် AICHR ၏ လုပ်ဆောင်မှုများကို ပြီးပြတ်အောင် လုပ်ဆောင်ပေးနိုင်ပြီး လူ့အခွင့်အရေးကို ကာကွယ် မြှင့်တင်ရေး အတွက်လည်း ဆောင်ရွက် ပေးနိုင်သည်ဟု လက်ခံ ပြောဆိုသည်။

The Nation သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.