Transparency Myanmar

transparency.myanmar@gmail.com

အတိုက်အခံခေါင်းဆောင်ဦးဝင်းတင်နဲ့ မေးခွန်းများ

မိုးမခ

ဧပြီ ၁၃၊ ၂၀၁၀

 

လူမှုရေးနဲ့ နိုင်ငံရေးလှုပ်ရှားမှု အတိုင်းအတာ

 

အင်န်အယ်ဒီရဲ့ ဗဟိုပါတီကော်မီတီဝင်၊ အတိုက်အခံခေါင်းဆောင်၊ အနှစ် ၂၀ နိုင်ငံရေးအကျဉ်းသား၊ (ခုချိန်ထိ နိုင်ငံရေးအကျဉ်းသားတဦးလို နေထိုင်နေဆဲမို့ - အကျဉ်းသားဟောင်းလို့ မဆိုချင်)၊ သက်ကြီးဝါရင့် စာနယ်ဇင်းသမား ဦးဝင်းတင်နဲ့ မေးခွန်းတွေ ဆက်မေးဖြစ်တဲ့အထဲက ခုချိန်မှာ ရေပန်းစားတဲ့ မေးခွန်းတခုကို မေးဖြစ်ခဲ့ပါသေးတယ်။ အင်န်အယ်ဒီက နိုင်ငံရေးဆက်လုပ်မှာလား။ ဒါမှမဟုတ် လူမှုရေးလုပ်တဲ့ အဖွဲအစည်းအဖြစ်ကို "ဦးလှည့်" သွားတော့မှာလား ဆိုတဲ့ မေးခွန်းပါ။ ဆရာဦးဝင်းတင်က အခုလို ပြန်ပြောပြပါတယ်။

"ဒီနေရာမှာ ပြန်ပြီး ရှင်းပြချင်တဲ့အချက်က၊ မီဒီယာတွေမှာလည်း ပြောပြီးပါပြီ။ မတ်လ ၂၉ အင်န်အယ်ဒီပါတီရဲ့ ဆုံးဖြတ်ချက်က ဘာအဓိပ္ပါယ်လဲ ဆိုတဲ့အချက်။ ကျနော်က ဘာပြောခဲ့သလဲဆိုတော့ - ကျနော်တို့က အခုဒီလိုဆုံးဖြတ်လိုက်ကြတာလဲဆိုတော့ နိုင်ငံရေးမှာ ခေါင်းပြတ်မခံနိုင်လို့ ဆိုတာ ဖြစ်တယ်။ ခြေပြတ်၊ လက်ပြတ်တာကို ခံနိုင်မယ်။ ခေါင်းပြတ်သွားတာကို မခံနိုင်ဘူး။ ခြေပြတ် လက်ပြတ်ရင်တောင်မှ အစားထိုးပြီး ရှင်သန်လို့ရတယ်။ ခေါင်းပြတ်သွားရင် ခြေလက်တွေ ကောင်းနေသည့်တိုင် ဘာမှ အသုံးမ၀င်တော့ဘူး။ ဒါကြောင့် မတ် ၂၉ ဆုံးဖြတ်ချက်ဆိုတာ အင်န်အယ်ဒီသည် နိုင်ငံရေးဆက်လုပ်မယ့် ဆုံးဖြတ်ချက်၊ ခေါင်း အပြတ်မခံနိုင်ဘူးဆိုတဲ့ အဓိပ္ပါယ်ဖြစ်တယ် ဆိုတာကို ထင်ရှားစေချင်တယ်။ နားလည်ကြစေချင်ပါတယ်။"

 

အဲသည်မှာ ဆရာ့ကို ထပ်ပြီး မေးခွန်းထပ်ထုတ်တာက - ပါတီတွင်းမှာ အချို့က ပါတီ မရှိတော့ရင်၊ ပါတီအဖြစ် ဆက်လက် မရပ်တည်နိုင်တော့ရင် ဆိုတဲ့ အချက်တွေပေါ်မှာ အခြေခံပြီးတော့ အင်န်အယ်ဒီပါတီက အစိုးရမဟုတ်တဲ့အဖွဲ့အစည်းတခုလို၊ အင်န်ဂျီအိုတွေလိုမျိုး ရပ်တည်လာမယ် အစရှိသဖြင့် ထင်မြင် ယူဆ မှန်းချက်ထုတ် ပြောဆိုကြတဲ့ အချက်ကို ရှင်းလင်းပေးနိုင်ရန် မေးခွန်းမေးတာ ဖြစ်ပါတယ်။

 

"ဒီနေရာမှာ ပြောချင်တာက ကျနော်တို့တတွေဟာ နိုင်ငံရေးမပါဘဲနဲ့ လူမှုရေးတွေချည်းပဲ လုပ်နေလို့ မရဘူး ဆိုတာ ဖြစ်ပါတယ်။ လူမှုရေးဆိုတာကလည်း လူထုနှင့် တသားတည်း ရင်းနှီး ထဲဝင်ဖို့ အလွှာတခုအနေနဲ့ ရှိနေရမယ်။ ရှိနေတယ်။ ဒါ့ထက်မကတဲ့ နိုင်ငံရေးလုပ်ငန်းဆောင်တာတွေကို ဆက်လုပ်ဆောင်သွားရမှာ ဖြစ်တယ်လို့ ပြောချင်ပါတယ်။ ခုနင်က ပြောခဲ့သလို (ယခင်အင်တာဗျူးဆောင်းပါး - ဒီ/ချုပ်၊ ဒီ/လှုပ် ဆောင်းပါး) အင်န်အယ်ဒီရဲ့ ဂွင် လေး ဂွင်၊ ဒေါက်လေးဒေါက်မှာ ပြည်သူလူထု ဆိုတာက တခု ပါပြီး ဖြစ်နေတယ်။

ပါတီတွင်း တည်ဆောက်ရန်၊ မဟာမိတ်များနှင့် လက်တွဲရန်၊ နိုင်ငံတကာမှာ အားလုံးနှင့် ဆက်သွယ်ရန်၊ ပြည်သူလူထုနှင့် အတူတကွ ရှိရန် ဆိုတဲ့ အတွက် လူထုကို မျက်နှာမူတဲ့ နိုင်ငံရေးလုပ်ကြမယ်။ အဲသည်မှာ အလုပ်သမားအရေး၊ လယ်သမားအရေး၊ HIV လူနာတွေ၊ ကလေးစစ်သား၊ ရဟန်းသံဃာအရေး စတာတွေ အကုန်လုံး ပါဝင်လာမှာပဲ။ ဒါတွေကိုလည်း  ခပ်ခွာခွာမနေဘဲနဲ့ ပါဝင် လက်တွဲ ဆောင်ရွက်တာတွေ လုပ်ရမှာ ဖြစ်ပါတယ်။ အဲသည်လိုမျိုး နားလည်ကြစေချင်တယ်။ နောက်ပြီးတော့ ဒီအလုပ်တွေဟာ အင်န်အယ်ဒီရဲ့အလုပ်၊ အစကတည်းက လုပ်နေတဲ့၊ လုပ်နေရမယ့်အလုပ်တွေ ဖြစ်လို့ ဒါတွေဟာ အကြမ်းဖက်တဲ့အလုပ် မဟုတ်ပါ။ ပြီးတော့ ယူဂျီအလုပ်လည်း မဟုတ်ပါဘူး ဆိုတာကိုလည်း ထပ်ပြောချင်တယ် …"

လို့ ဆရာက ပြန်လည် ဖြေကြားပါတယ်။

 

လူမှုရေးနဲ့ နိုင်ငံရေးအကြောင်းကို အဓိကထားတဲ့ စကားပြောဝိုင်းဖြစ်နေတော့ မိုးမခကနေပြီးတော့ ဆရာ့ကို တင်ပြမိကြတာက ပြည်ပက၊ အမေရိကန်ပြည်ထောင်စုရောက် မြန်မာမိသားစုတွေရဲ့ မြို့နယ်အလိုက် စုစည်းပြီး ဆောင်ရွက်လာတဲ့ ပြည်သူ့ဂုဏ်ရည်လို့ အမည်ပေးထားတဲ့ စေတနာဝန်ထမ်းလူမှုလုပ်ငန်း စွမ်းဆောင်သူတွေကို ဂုဏ်ပြုရန် စီစဉ်နေတဲ့ အကြောင်း ဖြစ်ပါတယ်။ ဆရာဦးဝင်းတင်ကလည်း မျက်မှောက်ခေတ်ကို မျက်ခြေပြတ်မခံသူပီပီ အဲသည် ပြည်သူ့ဂုဏ်ရည်အစီအစဉ်အကြောင်း ကြားပြီးပြီ ဖြစ်တဲ့အကြောင်း၊ သဘောကျ အားပေး ထောက်ခံပါကြောင်း မှတ်ချက်ပေးသွားပါတယ်။

 

"အဲသည်မှာ လူမှုရေးလုပ်တဲ့နေရာမှာ သတ္တိရှိရှိနဲ့၊ ရဲရဲဝံ့ဝံ့နဲ့ စွန့်စားပြီး၊ စွန့်လွှတ်ပြီးတော့ အနစ်နာခံပြီး လုပ်ကြရတာကို ပြောချင်ပါတယ်။ အဲသည်လို လုပ်ကြတဲ့သူတွေ ရှိလာ များလာတဲ့အခါမှာ ပြည်သူတွေက အားတက်လာတယ်။ အားရှိလာတယ်။ ဥပမာဆိုရင် - ကိုဇာဂနာလိုမျိုး ဆောင်ရွက်သွားတာမျိုးတွေကို ကျနော်တို့က အသိအမှတ်ပြုရမယ်။"

လို့ ဆရာက သူ့အမြင်ကို ပြောပါတယ်။

 

          ဆရာ့ကို ဆက်ပြောဖြစ်ပြန်တာက အဲသည်ပြည်သူ့ဂုဏ်ရည်ဆုပေးဖို့ မြန်မာအမျိုးသားအချင်းချင်း ကြိုးစားဆောင်ရွက်ကြတဲ့နေရာမယ် ဂုဏ်ပြုရန်အမည်စာရင်း တင်သွင်းခံရသူ ၂၄ ဦး ရရှိတယ်လို့ ဆိုတဲ့အကြောင်း၊ အဲသည်ထဲမှာ ကိုဇာဂနာအပါအ၀င် ကိုကျော်သူတို့လို အနုပညာသမားတွေအပြင် နိုင်ငံရေးနဲ့ အင်န်အယ်ဒီနယ်ပယ်ထဲက မဖြူဖြူသင်း၊ ဦးမြင့်အေး၊ ဦးအေးမြင့်၊ ဦးအောင်သိန်း စတဲ့ရှေ့နေအစုအဖွဲ့တွေ ပါဝင်လာကြသလို လူမှုရေးအသင်းကြီးတွေ၊ ဘာသာရေးအဖွဲ့တွေ၊ ဆရာတော်တွေရဲ့ အမည်တွေ ပါဝင်လာတဲ့အကြောင်း တွေ့ရသည်များကို တင်ပြမိပါသေးတယ်။ ဆရာကလည်း သူနေထိုင်မကောင်းစဉ်က မိတ်ဆွေများက ပေးပို့ကူညီကြတဲ့ ငွေကြေးတွေကို ခွဲဝေပြီးတော့ အဲသည်က လူမှုလုပ်ငန်း စေတနာ့ဝန်ထမ်းစွမ်းဆောင်သူတွေထံ ပေးပို့ လှူဒါန်းတဲ့အကြောင်း၊ မိမိနဲ့ ဘ၀တူ နိုင်ငံရေးအကျဉ်းသားတွေ၊ မိသားစုတွေကို ကူညီအားပေးရန် သုံးစွဲတဲ့အကြောင်းတွေ ၀မ်းသာရအောင် ပြန်ပြောင်း ပြောပြပါတယ်။

         

          "ခုနင်ကလို ဖြူဖြူသင်းတို့ စောင့်ရှောက်နေတဲ့ လူနာတွေရဲ့ လုပ်ငန်းတွေက မနည်းဘူးပဲ။ အများကြီး။ အစက ကိုယ်က အဲသလောက်လို့တောင် မထင်မိဘူး။ နောက်ကျတော့မှ သိလာရတာလေ။ လူတွေက ဘယ်လောက် အားကိုးတကြီး ဖြစ်ကြသလဲဆိုတာ သိသာပါတယ်။ ဥပဒေအထောက်အကူအဖွဲ့တွေ ဆိုတာလည်း အရေးပါတယ်ဆိုတာ တွေ့ရပါတယ်။ လူတွေက ဥပဒေကြောင်းအရ ကူရာမဲ့၊ ကယ်ရာမဲ့ ဖြစ်နေရတာတွေ အများကြီး ရှိတယ်။ ဒါတွေကို သူတို့တတွေ လုပ်နိုင်ကြဖို့ လိုအပ်ပါတယ်။ နာရေး၊ ကျန်းမာရေး၊ ပညာရေးတွေမှာ လိုအပ်နေတာတွေ ရှိပါတယ်။"

 

          အဲသည်မှာ မေးဖြစ်တဲ့ မေးခွန်းကတော့ အင်န်အယ်ဒီကသာ ဒီနေရာတွေမှာ အင်န်ဂျီအိုတွေလိုသာ ၀င်ရောက်လုပ်ကိုင်လာမယ်သာဆိုရင် ဘယ်လိုမျိုး တုန့်ပြန်ချက်တွေ ရလာနိုင်သလဲ ဆိုတဲ့ မေးခွန်းဖြစ်ပါတယ်။ အဲသည်မှာ ဆရာဦးဝင်းတင်ရဲ့ ပြောပြချက်အရ အင်န်အယ်ဒီကသာ အဲသည်လိုရပ်တည်မယ်သာဆိုရင် ဘယ်လိုမျိုး အကူအညီတွေ၊ အထောက်အပံ့တွေ ပေးရမလဲလို့ ကမ်းလှမ်းလာကြတာတွေ ရှိတဲ့အကြောင်း၊ ဆရာအနေနဲ့ကတော့ ဒါမျိုးတွေကို စိတ်မ၀င်စားတဲ့အကြောင်း၊ မိမိတို့မူလ ရပ်တည်ချက်များ၊ ဆောင်ရွက်စရာများကို ဆက်လက် ဆောင်ရွက်သွားမှာ ဖြစ်ကြောင်း ဖြေကြားသွားပါတယ်။

         

          ဆရာဦးဝင်းတင်ရဲ့ သဘောထားများအရ နိုင်ငံရေးလုပ်ငန်းများကို ဆက်လက် ဆောင်ရွက်ဖို့ ဒီ/ချုပ်နဲ့ ဒီ/လှုပ်တွေမှာ ခိုင်မာညီညွတ်တဲ့ ရပ်တည်ချက်တွေ ရှိတယ် ဆိုတဲ့အတွက် မေးမိတဲ့ မေးခွန်းနောက်တခုကတော့ မြန်မာပြည်မှာ ပါတီတွေ၊ ခေါင်းစဉ်တွေ မရှိဘဲနဲ့ ရပ်တည်ခဲ့တဲ့ နိုင်ငံရေးလှုပ်ရှားမှုတခုကို ကောက်နုတ်ပြဖို့ဖြစ်ပါတယ်။

          "၁၉၅၀ ခုနှစ်တွေတုန်းက ဆရာကြီးသခင်ကိုယ်တော်မှိုင်းကို ၀န်းရံပြီး လှုပ်ရှားခဲ့တဲ့ ပြည်တွင်းငြိမ်းချမ်းရေးလှုပ်ရှားမှုကြီးကို သာဓကပြချင်ပါတယ်။ အဲသည်မှာ ဆရာကြီးသခင်ကိုယ်တော်မှိုင်းကို မဏ္ဍိုင်ပြုပြီး နိုင်ငံရေးသမားတွေ၊ စာပေအနုပညာရှင်တွေ၊ လူငယ်တွေ၊ တသီးပုဂ္ဂလတွေ၊ အလုပ်သမား၊ လယ်သမား လူတန်းစားအလွှာစုံက ပြည်တွင်းငြိမ်းချမ်းရေးအတွက် ၀ိုင်းရံဆောင်ရွက်ကြတာတွေကို တွေ့နိုင်ပါတယ်။ အဲသည်မှာ ပါတီတွေ၊ ခေါင်းစဉ်တွေ၊ ရာထူးတွေ ဆိုတာမျိုး အကန့်အသတ်တွေ မရှိကြဘူး။ အားလုံးမှာ လုပ်စရာ အလုပ်တွေပဲ ရှိတယ်။ ခုချိန်မှာလည်း အဲသည်လိုမျိုး အားလုံးဝိုင်းရံကြရမယ့် မဏ္ဍိုင်ကို အားလုံးက ၀ိုင်းရံပြီး လုပ်ကြရမယ့် သဘောမျိုးလို့ ပြောချင်ပါတယ်။"

 

          ဒီစကားဝိုင်းမှာ ပြောမိကြတဲ့ ခေါင်းစဉ်ဖြစ်တဲ့ လူမှုရေးနဲ့ နိုင်ငံရေး လှုပ်ရှားမှုနဲ့ အတိုင်းအတာများအကြောင်းကတော့ ဒီလောက်ပါပဲ။ မေးစရာ ကျန်သေးတဲ့ မေးခွန်းတွေနဲ့ စီစဉ်နိုင်သေးရင် စီစဉ်တင်ဆက်ပါဦးမယ်။

 

/ချုပ်ရဲ့ ဒီ/လှုပ်တွေရဲ့ လူထုကို မျက်နှာမူတဲ့ နိုင်ငံရေး

 

မတ်လ ၂၉ ရက် အင်န်အယ်ဒီပါတီက ၂၀၁၀ ရွေးကောက်ပွဲဥပဒေအလိုအတိုင်း ပါတီကို ထပ်ပြီး မှတ်ပုံတင်နေစရာမလိုဘူးလို့ ဆုံးဖြတ်တယ်။ အဲသည်တော့ ၁၉၉၀ ရွေးကောက်ပွဲအနိုင်ရပါတီ အင်န်အယ်ဒီက စစ်အစိုးရ ထပ်မံကျင်းပဦးမှာ ဖြစ်တဲ့ ၂၀၁၀ ရွေးကောက်ပွဲကို ငြင်းပယ်လိုက်တာ ဖြစ်ပါတယ်။

အဲသည်နောက်မှာ မိုးမခမှာ မောင်ရစ်က မြန်မာပြည်သူတွေရဲ့ ခေါင်းဆောင်၊ အတိုက်အခံခေါင်းဆောင် ဒေါ်အောင်ဆန်းစုကြည်နဲ့ ပါတီရဲ့ သဘောထားဟာ တထပ်တည်းကျတယ်။ လူထုရဲ့ သဘောထားကို ထင်ဟပ်တယ်။ အဲသည် မတ် ၂၉ ဆုံးဖြတ်ချက်ဟာ ဦးဝင်းတင်ပြောသလို မြန်မာပြည်ဒီမိုကရေစီရေးအတွက် အောင်ပွဲတခုဖြစ်တယ်လို့ ဆိုတာကို ကောက်နုတ်တယ်။ ပြီးတော့ ဒေါ်စု၊ ပါတီ၊ ပါတီဝင်နဲ့ ပြည်သူတွေရဲ့ အများစုဆန္ဒကို ကြားထဲကနေပြီး ၀င်နှောက်နေစရာ၊ သံသယသွေးထိုးစကားတွေ ပြောနေစရာမလိုဘူး ဆိုပြီး ဆောင်းပါးက ရေးထားပါသေးတယ်။

နောက် မိုးမခမှာပဲ နောက်ဆောင်းပါးတခုမှာ (မိုက်ခဲစိန်) က အင်န်အယ်ဒီပါတီရဲ့ ပြည်သူလူထုထံ ပြန်ကြားချက် ( အနှစ် ၂၀ လုံးလုံး ဒီမိုကရေစီရေးကို စွန့်လွှတ်အနစ်နာခံပြီး ဆောင်ရွက်ခဲ့ကြတဲ့ အင်န်အယ်ဒီပါတီဟာ ပြည်သူလူထုကို တောင်းပန်ပါတယ် ဆိုတဲ့စာ) ကို ပြန်ပြီး သုံးသပ်ပြရာမှာ အင်န်အယ်ဒီပါတီဟာ စစ်အစိုးရကမ်းလှမ်းခဲ့တဲ့ ၁၉၉၀ ရွေးကောက်ပွဲလမ်းကြောင်းကို လက်ခံပြီး စစ်အစိုးရရဲ့ စကားအတိုင်း ရွေးကောက်ပွဲဝင်ခဲ့တယ်၊ အနိုင်ရတဲ့နောက်ပိုင်းမှာလည်း စစ်အစိုးရနဲ့ တွေ့ဆုံဆွေးနွေး အဖြေရှာဖို့ အမြဲကြိုးစားတယ်။ အနှစ် ၂၀ လုံးလုံး မှာ စစ်အစိုးရချပေးတဲ့ ရွေးကောက်ပွဲလမ်းကြောင်းဟာ မအောင်မြင်တဲ့ လမ်းကြောင်း၊ ဆုံးရှုံးနစ်နာမှုနဲ့ ထိခိုက်ပျက်စီးစေတဲ့ ငရဲလမ်းကြောင်းပဲ ဖြစ်တယ်ဆိုတာကို အင်န်အယ်ဒီက မီးမောင်းထိုးပြပြီးတော့ သတ္တိရှိရှိနဲ့ စစ်အစိုးရရဲ့ ငရဲလမ်းကြောင်းကနေ လမ်းခွဲလိုက်တာဖြစ်လို့ တောင်းပန်နေစရာမလိုပါလို့ ဆိုထားခဲ့ပါတယ်။

အဲသည်အချိန်ကာလ မတ် ၂၉ ကနေ ယခု ဧပြီ ၁၀ ရက်အတွင်း ၁ ပတ်ကျော်ကာလအတွင်းမှာ အင်န်အယ်ဒီပါတီရဲ့ ခြေလှမ်းအပေါ်မှာ အမျိုးမျိုးသော တုန့်ပြန်ချက်တွေ၊ ဝေဖန်မှုတွေ၊ အာဘော်တွေ မျိုးစုံ တွေ့ရ ကြုံရ ကြားရပါတယ်။ အဓိကကတော့ အင်န်အယ်ဒီဟာ စစ်အစိုးရ ဖြစ်စေချင်သလို ကိုယ့်တပ်ကို ကိုယ် ဖျက်သိမ်းလိုက်တယ် ဆိ်ုတဲ့ အသံတချို့လည်း ပါဝင်ပါတယ်။

ဖြစ်ချင်တော့ တိုက်တိုက်ဆိုင်ဆိုင် အင်န်အယ်ဒီက ပါတီခေါင်းဆောင်အချို့ကနေပြီးတော့ ပါတီကို စနစ်တကျဖျက်သိမ်းနိုင်ရေးအတွက် ဦးတင်ဦးဦးဆောင်ပြီး စီမံခန့်ခွဲရေး အထူးကော်မီတီဖွဲ့လိုက်တယ်လို့ ထုတ်ပြန်လာပါတယ်။ အတိုက်အခံခေါင်းဆောင်ဦးတင်ဦးကလည်း ပါတီပိုင် ပစ္စည်းတွေ၊ စာရင်းတွေကို စနစ်တကျဖြစ်အောင် ပြင်ဆင်တယ်လို့ ဆိုလိုက်ပါတယ်။ အဲသည်မှာ ပါတီကို ဖျက်သိမ်းဖို့ ပြင်ဆင်တာမဟုတ်၊ ပါတီက ဆက်လက်မှတ်ပုံတင်မှာ မဟုတ်လို့ ပြေပြေလည်လည်ဖြစ်အောင် ဆိုပြီး ပြင်ဆင်တာလို့ ပြောထားတော့ အဲသည်ကိစ္စဟာ တဖက်က ထောက်ပြစရာ၊ အင်န်အယ်ဒီရဲ့ တည်ရှိမှုကို မေးခွန်းထုတ်စရာ ဖြစ်လာပါတော့တယ်။

အဲသည်အတွက် ပါတီရဲ့ ခေါင်းဆောင်များထဲက လွတ်လပ်ပွင့်လင်းစွာ ပြောဆိုလေ့ရှိသူ ဦးဝင်းတင်အတွက် မေးခွန်းတွေကို မေးမြန်းပြီး အဖြေရှာကြရန် ကြိုတင်ပြင်ဆင်ကြပါတယ်။ ပါတီက မေလ ၆ ရက်တောင် မရောက်သေးခင်မှာ အစောကြီးကတည်းက ကြိုပြီးတော့ ပစ္စည်းစာရင်းတွေ လုပ်နေရပြီလား။ ဘာလဲ၊ ဘယ်လဲ ဆိုတဲ့ မေးခွန်းပါ။ ပါတီဟာ ၁၉၉၀ မတိုင်ခင် ၁၉၈၈ စက်တင်ဘာ ၂၇ မှာကတည်းက မှတ်ပုံတင်ထားတဲ့ ပါတီဖြစ်တယ်။ ၁၉၉၀ ရွေးကောက်ပွဲ အနိုင်ရထားတဲ့ အတိုက်အခံပါတီကြီးတခုလည်း ဖြစ်နေတယ်။ ၂၀၁၀ ရွေးကောက်ပွဲဥပဒေက တောင်းဆိုနေတဲ့အတိုင်း မှတ်ပုံ ထပ်မံတင်နေစရာမလိုဘူးလို့ သဘောထား ထုတ်ပြန်ထားတာမျှသာ ဖြစ်ပါတယ်။ ဥပဒေစကားအရ ကပ်ပြီး ပြောကြကြေးဟေ့ ဆိုရင် မှတ်ပုံထပ်တင်စရာ မလိုလို့ ပြောရုံနဲ့ တင်ပြီးသား မှတ်ပုံတင်ကို ပြန်အပ်လိုက်ပြီ၊ ရုတ်သိမ်းလိုက်ပြီ ဆိုတာမျိုး ပြောဆိုတာမျိုးလည်း မသက်ရောက်ပါ။ ဒါတွေက ဘာသဘောလဲ။ ပါတီဝင်တွေနဲ့ ပြည်သူတွေက ဘယ်လို နားလည်မှာလဲ ဆိုတဲ့ မေးခွန်းပါ။

ဆရာကို မေးခွန်းမေးဖို့ တွေ့ဆုံရန် ကြိုးစားနေစဉ်ကာလမှာပဲ မိုးမခရဲ့ အတည်မပြုနိုင်တဲ့ သတင်းအရ အဲသည် စီမံခန့်ခွဲရေးကော်မီတီကို စေခိုင်းသူက ပါတီဥက္ကဋ္ဌ ဦးအောင်ရွှေ ဖြစ်တဲ့အကြောင်း၊ ပစ္စည်းစာရင်းလုပ်ဖို့ သိမ်းကြ ဆည်းကြဖို့အတွက် ဦးတင်ဦးနဲ့ အဖွဲ့တဖွဲ့ ထူထောင်ပြီး လုပ်တာကို ဒေါ်အောင်ဆန်းစုကြည်နဲ့ အချို့သော ပါတီခေါင်းဆောင်တွေက သဘောထားပေးကြရာမှာ နိုင်ငံရေးပါတီတရပ်ဟာ စတင်ဖွဲ့စည်းထားစဉ်ကအတိုင်း မူလအတိုင်းရပ်တည်မယ်လို့ ဆိုထားတဲ့အတွက် ဒီအလုပ်တွေ လုပ်နေစရာ မလိုဘူး၊ ပါတီဟာ လက်ရှိ လုပ်ငန်းစဉ်များ၊ လှုပ်ရှားမှုများ၊ အလံတော်များ၊ ဆိုင်းဘုတ်များအတိုင်း ဆက်လက် ရပ်တည် ရှိမြဲ နေမြဲအတိုင်း နေရမှာ ဖြစ်တယ်လို့ ၀ိုင်းဝန်းပြောဆိုကြတဲ့အတွက် အဲသည် စီမံခန့်ခွဲမှုကော်မီတီစခန်းလည်း ရပ်တန်းက ရပ်သွားတယ် ဆိုတဲ့အကြောင်း ကြားသိရပါတယ်။

ဆရာ့ကို အထက်က မေးခွန်းကို မေးရန် ရည်ရွယ်ထားတဲ့အတိုိင်း မေးတဲ့အခါမှာတော့ ဆရာက ဒီကိစ္စတွေကို အကျယ်တ၀င့် အသေးစိတ်မပြောနေတော့ဘဲ အခုလို သဘောထားကို ပေးပါတယ်။

"အခုအချိန်မှာ အင်န်အယ်ဒီဟာ အဖွဲ့အစည်းအမည်အားဖြင့် ဒီ/ချုပ် - ဒီမိုကရေစီအဖွဲ့ချုပ် ဖြစ်တယ်။ ဒီ/ချုပ်မှာ ပါဝင်ကြတဲ့သူတွေဟာ ဒီမိုကရေစီရေး လှုပ်ရှားသူတွေ - ဒီ/လှုပ် တွေ ဖြစ်တယ်လို့ ပြောချင်ပါတယ်။ ဒီ/ချုပ် ပဲ ဖြစ်ဖြစ်၊ ဒီ/လှုပ် ပဲ ဖြစ်ဖြစ် ဒီမိုကရေစီအရေးအတွက် လုပ်စရာတွေက အများကြီး ရှိနေပြီး ဖြစ်တယ်။ ပါတီရဲ့ ရွှေဂုံတိုင်ကြေငြာချက်ကို မူတည်ပြီးတော့၊ ပြီးတော့ ပါတီရဲ့ မူလရပ်တည်ချက်တွေဖြစ်တဲ့ ဒီမိုရေစီရေး၊ ငြိမ်းချမ်းရေး၊ တွေ့ဆုံဆွေးနွေးအဖြေရှာရေးအတွက် ထောက်ရမယ့် ဒေါက်တွေကိုလည်း ဆက်လက် တည်တံ့ခိုင်ခန့်အောင် လုပ်နေရမှာ ဖြစ်တယ်။

ပါတီအဖွဲ့အစည်းရဲ့ ပါတီတွင်း ပြန်လည်တည်ဆောက်ရမယ်၊ တိုးတက်အောင်လုပ်ရမယ်။ ပါတီရဲ့ မဟာမိတ်တွေဖြစ်တဲ့ စီအာရ်ပီပီနဲ့ တိုင်းရင်းသားအဖွဲ့အစည်းတွေ၊ မိတ်ဆွေတွေနဲ့လည်း ဆက်လက် လက်တွဲ ဆောင်ရွက်သွားရမယ်။ ပြီးတော့ နိုင်ငံတကာက မိသားစုတွေ၊ သံတမန်တွေ အားလုံးနဲ့ အရှေ့ အနောက် အားလုံးနဲ့ အပြုသဘောအဖြစ် ဆက်ဆံသွားရမယ်။ တိုးချဲ့ရမယ်။ တပြိုင်နက်တည်းမှာပဲ ဒီမိုကရေစီနဲ့ ငြိ်မ်းချမ်းရေးလိုလားတဲ့ မြန်မာပြည်သူတွေရဲ့ အရေးကိစ္စတွေအတွက်လည်း ပိုပြီးတော့ ထဲထဲဝင်ဝင် ရင်းရင်းနှီးနှီးနဲ့ ၀ိုင်းဝန်းဆောင်ရွက်ရမှာ ဖြစ်တယ်။ ဒါတွေကို ခွင်လေးခွင်၊ ဒေါက်လေးဒေါက်လို့ ပြောပြချင်ပါတယ်။"

အဲသည်မှာ ထပ်မေးတဲ့ မေးခွန်းကတော့ - အဆုံးစွန်ဆုံး တွေးကြတာက ပါတီခေါင်းစဉ်မရှိတော့ဘူး။ ပါတီအလံတော် မရှိတော့ဘူး။ ပါတီဖွဲ့စည်းပုံတွေ၊ ခေါင်းဆောင်မှု အဆင့်ဆင့်တွေ မရှိတော့ဘူးလို့ လူတွေက ယူဆလိုက်တဲ့အခါမှာ အင်န်အယ်ဒီနဲ့ အင်အယ်ဒီအဖွဲ့ဝင်တွေရဲ့ လမ်းကြောင်းက ဘာလဲ ဘယ်လဲ ဆိုတဲ့ မေးခွန်းဖြစ်ပါတယ်။ မြန်မာနိုင်ငံရေးသမိုင်းမှာ အစဉ်အမြဲ ပြောဆိုကြတဲ့ လှုပ်ရှားမှု - ယူဂျီ ဆိုတဲ့ မြေအောက်လှုပ်ရှားမှုတွေ ဖြစ်သွားမှာလား ဆိုတဲ့ မေးခွန်း ဖြစ်ပါတယ်။

"ဒီ/ချုပ် ရဲ့ ဒီ/လှုပ်တွေထဲမှာ အထင်ရှားဆုံး ဥပမာကတော့ ဒေါ်အောင်ဆန်းစုကြည်ပဲ။ ပါတီ ရှိနေတာ၊ မရှိတာက သူ့အတွက် အရေးမကြီးဘူး။ သူ့ရဲ့ ရပ်တည်မှုနဲ့ ဆောင်ရွက်ချက်တွေကပဲ အရေးကြီးတယ်။ ဒါကိုပဲ ပြည်သူတွေနဲ့ နိုင်ငံတကာက ထောက်ခံရပ်တည်ကြတာ ဖြစ်တယ်။ အခု အဲဒီသဘောက ပါတီနဲ့ ပါတီဝင်တွေအားလုံးပေါ်ကို အဲသည်လိုအခွင့်အရေး ညီတူညီမျှ ကျရောက်လာပြီ ဖြစ်တယ်။ အဲသည်လိုမျိုး ပါတီခေါင်းစဉ်တွေ၊ ပါတီအလံတော်တွေ ရှိနေတဲ့ကြားက သူတို့သဘောနဲ့ သူတို့ ရပ်တည်ပြီးတော့ ဒီမိုကရေစီရေးလှုပ်ရှားမှုတွေ လုပ်ကြတဲ့သူတွေ ပါတီဝင်တွေ ရှိကြတယ်။ စုစုနွေးတို့၊ ဖြူဖြူသင်းတို့၊ ဥပဒေပညာရှင်အစုအဖွဲ့တွေ။ တချို့ဆိုရင် ပါတီကို ထိခိုက်မှာစိုးလို့ဆိုပြီး ပါတီနဲ့ ခပ်ခွာခွာနေပြီး လုပ်ကိုင်ကြရတာတွေရှိတယ်။ အရင်တုံးကဆိုရင် အဲသည်လို အပြုအမူတွေအတွက် ပါတီရဲ့ အရေးယူခံရတာတွေတောင် ရှိတယ်။ အခုချိန်မှာ သည်လိုမျိုး အတားအဆီးတွေ၊ အဟန့်အတားတွေ မရှိတော့ဘူးပေါ့။ ဒီ/ချုပ်က ဒီ/လှုပ်တွေ တစုတစည်းတည်း ညီညီညွတ်ညွတ်နဲ့ ပိုပြီး လုပ်ကိုင်နိုင်ကြဖို့သာ ရှိပါတယ်။ အဲသည်လူတွေမှာ ပြီးခဲ့တဲ့ အဲသလိုအချိန်တွေမှာတုံးက  ပါတီခေါင်းစဉ်တွေ၊ ပါတီရုံးခန်းတွေ၊ ပါတီကျောထောက်နောက်ခံတွေ ရှိခဲ့သလား။ မရှိဘူး။ ဒါပေမယ့် ပြည်သူလူထုကို မျက်နှာမူတဲ့ နိုင်ငံရေးကို လုပ်ခဲ့ကြတာဖြစ်တယ်။ အကြမ်းဖက်လုပ်ငန်းတွေ မလုပ်ဘူး။ နေ့စဉ် ပုံမှန် သွားလာရင်း လုပ်ကိုင်ကြတာဖြစ်တယ်။ ခုချိန်နဲ့ ဘာမှထူးခြားသွားတာ၊ ပြောင်းလဲသွားတာတွေ မရှိတဲ့အတွက် မြေအောက်လှုပ်ရှားမှုတို့၊ ယူဂျီတို့ ဖြစ်သွားစရာလည်း မရှိဘူး လို့ ပြောချင်ပါတယ်။"

ဆရာဦးဝင်းတင်ရဲ့ ဖြေကြားချက်ထဲမှာ ဒီ/လှုပ်တွေ ဆိုတဲ့ အသုံးအနှုံးအသစ်တခု ပါလာပါတယ်။ အဲသည် ဒီ/လှုပ် ဆိုတာက နိုင်ငံတကာမှာ ခေတ်စားတဲ့ Activist ဆိုတဲ့ တက်ကြွလှုပ်ရှားသူ ဆိုတဲ့ သဘောထားနဲ့များ တူသွားသလား။ အဲဒါကို ထပ်မေးဖြစ်ပါတယ်။

ဘာဖြစ်လို့လဲဆိုတော့ နိုင်ငံတကာက Activist နဲ့ အဖွဲ့တွေဆိုတာက နိုင်ငံရေးပါတီဆိုတဲ့ အဆင့်မှာ မရှိဘူး။ အာဏာရှိ၊ သြဇာရှိတဲ့ အစိုးရ သို့မဟုတ် လုပ်ငန်းရှင်ကျောရိုးကြီးများရဲ့ မူဝါဒ၊ သဘောထားနဲ့ လုပ်ငန်းစဉ်တွေရဲ့ အချက်တခုသို့မဟုတ် အချက်အချို့တွေပေါ်မှာ သဘောမတူသည့်အပေါ်မှာဖြစ်စေ၊ သဘောတူသည့်နေရာတွင်ဖြစ်စေ ကန့်ကွက်တဲ့ အလုပ်၊ ထောက်ခံတဲ့ အလုပ်တွေ ဆောင်ရွက်ခြင်း၊ လူထုလှုပ်ရှားမှုများပြုလုပ်ခြင်း၊ အစီရီခံစာများ၊ ရန်ပုံငွေလှုပ်ရှားမှုများ ပြုလုပ်ခြင်းတို့နဲ့ ၎င်းတို့ အာဘော်တွေကို ခေတ်စားအောင်လုပ်တဲ့ နေရာကဏ္ဍမှာသာ ရပ်တည်တွက်အတွက် Activist ဆိုတဲ့ တက်ကြွလှုပ်ရှားသူ အဆင့်ကို မြန်မာပြည်ရဲ့ အဓိကနိုင်ငံရေးပါတီကြီးက ပြောင်းလဲသွားပြီလား ဆိုတဲ့ မေးခွန်း ဖြစ်ပါတယ်။

"အခုချိန်မှာ အင်န်အယ်ဒီက ဆုံးဖြတ်ချက်ချပြီး ထုတ်ပြန်တာက နိုင်ငံရေးပါတီအဖြစ် ထပ်မံ မှတ်ပုံမတင်တော့ဘူးဖြစ်တယ်။ အတိုက်အခံနိုင်ငံရေး အင်အားစုတခုအနေနဲ့ မူလကတည်းက ချမှတ်ထားပြီးသား မူဝါဒတွေ၊ သဘောထားတွေနဲ့ ကြေငြာချက်တွေကို ဆက်လက်ဆောင်ရွက်သွားမှာ ဖြစ်တယ်။ နိုင်ငံရေးလုပ်တယ်ဆိုတာ ပါတီမူဝါဒတွေ၊ လမ်းကြောင်းတွေကို ဖော်ဆောင်ရတာ။ ဒါ့ထက် အရေးကြီးတာက တိုင်းပြည်တပြည်လုံးရဲ့ လူထုအားလုံးကို ကိုယ်စားပြုတဲ့ လူ့အရေး၊ နိုင်ငံ့အရေးတွေ လုပ်နေတာ ဖြစ်တယ်။ အဲသည်အလုပ်တွေဟာ ၂၀၀၉ ခုနှစ် ဧပြီ - ရွှေဂုံတိုင်ကြေငြာစာတမ်း ထုတ်ပြန်စဉ်က ပြောခဲ့တဲ့ ကျနော့်ရဲ့ စကားအတိုင်းပြောရရင် ပြည်သူကို မျက်နှာမူတဲ့ နိုင်ငံရေးကို လုပ်ကြဖို့ပဲ ဖြစ်ပါတယ်။ အခုလည်းပဲ အဲသည်အတိုင်း ဒီ/ချုပ်ရဲ့ ဒီ/လှုပ်တွေက ရပ်တည်နေကြတာကို မြင်တွေ့နိုင်ပါတယ်လို့ ပြောချင်ပါတယ်။"

              ဆရာဦးဝင်းတင်နဲ့ စကားပြောခဲ့သမျှထဲက ကောက်နုတ်ဖော်ပြလိုက်ပါတယ်။ ဆရာဦးဝင်းတင်နဲ့ မေးခွန်းများ ဆက်မေးဖြစ်သေးရင် ဆက်လက်ဖော်ပြပါဦးမယ်

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ကိုဇာဂနာဖတ်ဖို့ ဟာသ
သင်္ကြန်စာ
 
ပျော်တော်ဆက်သာဂိ
ဧပြီ ၁၅၊ ၂၀၁၀
 ကိုဇာဂနာရေ …
သတိရစွာနဲ့ စာရေးလိုက်တယ်။ သင်္ကြန်တွင်းမှ ရေးတော့ သင်္ကြန်စာပေါ့ဗျာ။ ထူးထူးခြားခြား လာမည့်နှစ်မှာ အတာဘာစားမည်၊ ညာစားမည်၊ သကြားမင်းကြီး ဘာစီး ညာစီးလာမည်။ ဟိုဟာတွေ ဒီဟာတွေ မြူးလို့ ဘယ်ဟာတွေ ဟိုဥစ္စာတွေ ပေါများမည်တို့ ရေးမှာ မဟုတ်ပါဘူး။ အကျဉ်းကျနေသူ မိတ်ဆွေတွေ၊ မိသားစုတွေဟာ သင်္ကြန်မှာ ဘယ်လိုမျိုး ပျော်ကြရမှာလဲ။
           မြန်မာပြည်ကို ဆင်းတယ်ဆိုတဲ့ သကြားမင်းကလည်း ခါးမှာ ဗြောက်ထိုးထားတဲ့ စစ်အာဏာရှင်သင်္ကြန်မှာ ခပ်ကုပ်ကုပ်နဲ့ ခွေးသားရေပိုဒ်တောင် မထုတ်ရဲ၊ အမြီးတော့ မလှုပ်ရဲနဲ့ ကျီးကြည့် ကြောင်ကြည့်နဲ့ ဖြစ်နေမှာပါ။ ဟိုးတုန်းက မြန်မာပြည်သင်္ကြန်မင်းသားတွေဖြစ်တဲ့ ကိုဇာဂနာတို့၊ ကိုမင်းကိုနိုင်တို့ကို သံချပ်စင်တွေမှာ လိုက်ရှာနေမှာလားလို့တော့ မထင်ပေါင်။
၂၀၀၆ သင်္ကြန်ကတည်းကပေါ့နော် ခင်ဗျားရဲ့ စစ်အာဏာရှင်သင်္ကြန်ကို ခပ်စပ်စပ်ဝေဖန်ချက်ကြောင့် ခင်ဗျားရဲ့ အနုပညာတွေကို ပိတ်ပစ်လိုက်ကြတယ်။ ခင်ဗျားရဲ့ လှုပ်ရှားမှုတွေကို လူထုကြားထဲမှာ ပိတ်ဆို့လို့မရခဲ့ဘူး။ ၂၀၀၇ ရွှေဝါရောင်မှလည်း ခင်ဗျားကို ပိတ်ဆို့ဖမ်းဆီးခဲ့တာပဲ။ ၂၀၀၈ နာဂစ်ကျတော့ ခင်ဗျားရဲ့ မြန်မာပြည်ကြီးရဲ့ ဒုက္ခသည်တွေကို ကယ်တင်တဲ့ စောင့်ရှောက်တဲ့ လှုပ်ရှားမှုတွေကို ဇာတ်သိမ်းပစ်ဖို့ လုပ်ကြတယ်။ ခင်ဗျားကို ထောင် ၃၅ နှစ် ချထားလိုက်ပြီ။ ဒါပေမယ့် ပြည်သူလူထုဟာ ဇာဂနာရဲ့ သတ္တိနဲ့ ပြောရဲ ဆိုရဲ လုပ်ရဲ ကိုင်ရဲတဲ့ အပြုအမူကို အတုယူကြလို့ ခင်ဗျားဟာ စံပြပုဂ္ဂိုလ်တဦးပဲဆိုတာ လွှမ်းပတ်ကမ္ဘာတည်စေသော်ဝ်ပေါ့ဗျာ။
၂၀၁၀ မှာ အမေရိကန်ရောက် မြန်မာတွေက ပြည်သူ့ဂုဏ်ရည်ဆိုတဲ့ ဂုဏ်ပြုအစီအစဉ်တခု စတင်လုပ်ကိုင်ကြတယ်ဗျ။ သူတို့တတွေ ရွေးချယ်တဲ့ လူမှုလုပ်ငန်း စေတနာ့ဝန်ထမ်း စွမ်းဆောင်သူတွေ ၂၄ ဦးထဲမှာ ခင်ဗျားအမည် ပါလာတယ်။ ပြီးတော့ ၅ ဦး ဆန်ကာတင်ရွေးကြတော့ ခင်ဗျားအမည်လည်း ကျန်ရစ်တယ်။ နောက် ခင်ဗျားနဲ့အတူ ဆန်ကာတင်ကြသူတွေကလည်း ခင်ဗျားချစ်ခင် လေးစား ကြည်ညိုတဲ့ မိတ်ဆွေတွေ၊ ပုဂ္ဂိုလ်တွေပဲ ဖြစ်နေပြန်တယ်။ ဆရာတော်ကြီး ဦးဉာဏိသရ (သီတဂူဆရာတော်)၊ ကိုကျော်သူ၊ မဖြူဖြူသင်း၊ ဦးအေးမြင့် စသည် … ၀မ်းသာစရာပါဗျာ။ သာဓုခေါ်လိုက်ပါရဲ့။
မြန်မာပြည်က တပ်မတော်အစိုးရကြီးခင်ဗျာ ၂၀၁၀ မှာ လုပ်ပေးမယ် ပြောထားတဲ့ ရွေးကောက်ပွဲကြီးအတွက် လူမိုက်တွေ၊ လူညံ့တွေ၊ လူပေါတွေ ရွေးလို့မှ မပြီးသေးဘူး၊ အင်န်အယ်ဒီပါတီကတော့ နင်တို့တွေနဲ့ပေါင်းပြီး မိုက်တွင်းနက်မနေနိုင်ဘူးလို့ ဆုံးဖြတ်ချက်ချလိုက်တော့ မင်းတြားကြီး ဗိုလ်သန်းရွှေတို့မှာ အတော် အကြပ်ရိုက်နေတယ် ကြားတယ်ဗျ။
သူတို့ဘက်က လူတွေ (လူတွေတော့ မဟုတ်ဘူးဗျ၊ ဗိုလ်တွေ ဗိုလ်တွေ … လူတွေအပေါ်က ဗိုလ်လုပ်မယ့်သူတွေကို လွှတ်တော်ထဲ လွှတ်မှာဗျာ …) မှာက အဆင်သင့်ဖြစ်နေပြီ။ သူတို့ အပင်းသွင်းပြီး ပယောဂနဲ့ ပြုစားထားတဲ့ ဘိုလိုတော့ ဇွမ်ဘီ ပေါ့ဗျာ … ဖုတ်ကောင်ကြီးတွေခင်ဗျာ အင်န်အယ်ဒီနဲ့ ပုခုံးချင်းတိုက်ပြီး လွှတ်တော်ထဲ ဖျာဝင်ခင်းမယ်လို့ ပြင်ထားတာ သူတို့လည်း တန်းလန်းကြီး ဖြစ်နေကြတယ် ပြောတယ်။
နေပြည်တော်က ငလျင်ကြောတည့်တည့်မှာ ဆောက်ထားတဲ့ လွှတ်တော်သစ်ကြီးကို ဗိုလ်သန်းရွှေက အပြီးဆောက်နေချိန်မှာ ဖက်ဆစ်အလိုတော်ရိ လွှတ်တော်ရူးသူ ဖုတ်ကောင်တွေကလည်း လွှတ်တော်မပြီးလည်း ကိစ္စမရှိဘူး တဲ့ … ခင်းထားတဲ့ဖျာ ခေါင်းပေါ်တင်ပြီး အမိုးလုပ်လို့ နေပါ့မယ်လို့ မျက်ရည်ခံ ထိုးနေကြတယ် ကြားတယ်ဗျာ။ သင်္ကြန်မှာတောင် မဲဆွယ်တဲ့အနေနဲ့ မဏ္ဍပ်တွေမှာ ဖုတ်ကောင်အက သွားကပြီး စည်းရုံးရေးဆင်းမယ်လို့ သူတို့တွေ ပြင်ဆင်ကြသေးတယ်လေ။ သင်္ကြန်တွင်းမှာ ရွေးကောက်ပွဲ နိုင်အောင် ယတြာချေတဲ့အနေနဲ့ နေပြည်တော်က လွှတ်တော်ကြီးမှာ အုတ်စီ သဲသယ် လုပ်အားသွားပေးနေကြတယ် ပြောတယ်ဗျ။ သနားစရာပါဗျာ …
ကျနော်ကတော့ ခင်ဗျားပေးခဲ့တဲ့ မြပုဏ္ဏမာ အဖွဲ့သားများရဲ့ ၁၉၉၀ သင်္ကြန် သံချပ်များ ရုပ်သံဗီစီဒီလေးနဲ့ ခင်ဗျားကို အလွမ်းဖြေပြီး ကြည့်နေမိတော့တယ်။  စစ်အာဏာရှင်တွေလက်ထက်မှာ သံချပ်တွေ မရှိတော့တဲ့နောက် ရွေးကောက်ပွဲကြီး ပြီးသွားရင်လည်း သံချပ်တွေ ပြန်လည် ပွင့်လင်းလာမယ် မထင်ပါဘူးဗျာ။ ဒီမိုကရေစီဆိုတာ စစ်အာဏာရှင်ရဲ့ ဘောင်းဘီအိတ်ကပ်ထဲမှာ ရှိတယ်လို့ ဘယ်ပညာရှိတွေက အရူးချီးပန်း ပြောလိုက်လေသလဲ မသိဘူး။ ယုံတဲ့သူတွေက ယုံပြီးတော့ စစ်ဗိုလ်တွေရဲ့ ဘောင်းဘီအိတ်ထဲ ၀င်နှိုက်ဖို့ ကြံစည်နေကြောင်း လူသိရှင်ကြား ထုတ်ဖော်ပြောဆိုနေကြတဲ့ ဖုတ်ကောင်တွေကိုတော့ ဂရုဏာသက်မိပါရဲ့။ ဒီမိုကရေစီ ဆိုတာကို စစ်အာဏာရှင်ရဲ့ ဘောင်းဘီအိတ်ထဲမှာ မတွေ့ဘဲ ကာလနာတွေ တိုက်ကုန်ကြမယ် ထင်ပါရဲ့။
         ကြံဖန်ပြီး ၀မ်းသာစရာပြောရရင်တော့ ဒီဖုတ်ကောင်ကြီးတွေနဲ့ အပေါင်းအပါတွေ၊ တတိယအုပ်စုတို့၊ ဘဲဥ ကြက်ဥ ငုံးဥ အစုအဖွဲ့တို့ဆိုတာတွေဟာ လွှတ်တော်ကြီးထဲမှာ စစ်အာဏာရှင်တွေအလိုကျ ငိုရ ရယ်ရ အသုံးတော်ခံဖို့ ပြင်ဆင်ကြရတော့မှာ ဆိုတော့ ကိုကျော်သူရဲ့ အခုလုပ်ပေးနေတဲ့ လိမ္မာယဉ်ကျေးစေတဲ့ သရုပ်ဆောင်သင်တန်းကိုတော့ မတက်မဖြစ် သွားတော့ တက်ကြရမှာပဲဗျ။
 ပြီးတော့လည်း စစ်အာဏာရှင်တွေရဲ့ မတရားကျင့်မှုကို ခံရတဲ့နောက် ရောဂါဘယတွေ စွဲကပ်လာတဲ့အခါမှာ နာတာရှည်လူနာတွေကို ကုသစောင့်ရှောက်ပေးနေတဲ့ ဖြူဖြူသင်းတို့ဆီကိုလည်း အပူလာကပ်ကြရလိမ့်မယ် ထင်တယ်။
မတရာအလုပ်ခံရပြီဆိုတာ သိတဲ့ လွှတ်တော်ထဲက ဖုတ်ကောင်ကြီးတွေဟာ အမြင်မှန် အသိမှန်ရပြီးတော့ စစ်အာဏာရှင်တွေကို ပြန်လည် အရေးယူဖို့ ကြံစည်တဲ့နေရာမယ် အားနည်းသူတွေကို ကူညီနေတဲ့ ဦးအေးမြင့်တို့လို ရှေ့နေ ရှေ့ရပ်တွေဆီမှာ မျက်ရည်လေး တစမ်းစမ်းနဲ့ ရောက်လာကြဦးမှာပေါ့ဗျာ။
နောက် ဒါ့အပြင် သူတို့တတွေရဲ့ ဘ၀တွေဟာ စစ်အာဏာရှင်ရဲ့ ကပ်ဆိုးကြီးအောက်မှာ အဖတ်ဆယ်မရအောင် ဆုံးရှုံးသွားရပြီဆိုတာ အားလုံးထက် နောက်ကျပြီးမှ သိရှိ နောင်တရချိန်မှာလည်း ဘ၀ကူးလေး ဘာလေး ကောင်းအောင် ဆရာတော်ကြီးတွေဆီက ပရိတ်ရည်လေး ဘာလေး တောင်းသောက်ကြလိမ့်မယ် ထင်ပါရဲ့။
ဘ၀တွေ မပျက်ဘဲနဲ့ အသိမှန် အမြန်ရကြလို့ လွှတ်တော်ထဲက မျိုးချစ်ဖုတ်ကောင်ကြီးတွေက စစ်အာဏာရှင်တွေကို နင်ပဲ ငဆ ပြန်လှန်ပြောဆိုမိလို့ မတော်မတည့် နိုင်ငံတော်ရဲ့ အကျဉ်းထောင်တွေထဲ ထောင်ဒဏ် ကမ္ဘာ ၁ သိန်းနဲ့ ထောင်ချခံရရင်လည်း ထောင်ထဲမှာ ရောက်နှင့်နေပြီဖြစ်တဲ့ မိတ်ဆွေကြီး ကိုဇာဂနာရဲ့ အရိပ်အောက်မှာ ခြေသုတ်ပုဆိုး မြွေစွယ်ကျိုးမျှ လာရောက် ဦးညွှတ်ခိုလှုံကြရမှာပေါ့လေ။
အဲသလိုမျိုးလေး သူတို့ကို အားမငယ်ကြဖို့ အားပေးလိုက်ချင်တာပါပဲလေ။ စစ်အာဏာရှင်တွေရဲ့ ရွေးကောက်ပွဲကြီးကိုဝင်၊ ဖက်ဆစ်လက်ပါးစေ လွှတ်တော်ကြီးပေါ်ကို တက်ပြီး နောင်တနေ့မှာ ခွေးကျ ၀က်ကျ ကျဆုံးကြရင်တောင်မှ ကျနော်တို့ဖက်ကတော့ အားနည်းသူတွေ၊ မတရားအလုပ်ခံရသူတွေကို ကူနေ၊ ကယ်နေ၊ စောင့်ရှောက်နေကြဖြစ်တော့ သူတို့တတွေ ခွက်လက်စွဲကာ တောင်းစားပါ၍ ခွေးဆွဲ၊ ၀ဲစွဲ၊ လဒဆွဲပြီးတော့ သေနာကျကုန်ရင်တောင်မှ ကိုကျော်သူ၊ မရွှေဇီးကွက်နဲ့ သန်းမြင့်အောင်တို့ရဲ့ နာရေးကူညီမှုအသင်းကြီးက သူတို့တတွေကို အသေဖြောင့်အောင် စေတနာဝန်ထမ်းပေးမှာ ဖြစ်ကြောင်း သတင်းကောင်းလေးတော့ ပေးလိုက်ချင်ပါရဲ့။ (အဟိ)
အေးဗျာ … ရေးတာကတော့ သင်္ကြန်စာပါပဲ။ သင်္ကြန်စာက ချောတောငေါ့ပြီး မေတ္တာစာ ဖြစ်သွားတယ် ထင်ပါ့။ စစ်အာဏာရှင်ရဲ့ နေ၀င်ချိန်ကတော့ ဘယ်သူမှ အချိန်မီ သိလိုက်မှာ မဟုတ်ဘူး ကိုဇာဂနာ။ သူတို့နေ၀င်ချိန်မှာ မြန်မာပြည်ကြီးက မီးပျက်နေတော့ သူတို့ကို ကူဖို့၊ ကယ်ဖို့အရေး  မျက်စိမှောက်ကုန်ကြတယ် လို့ ဆိုတာပဲ။
ကိုဇာဂနာနဲ့ နိုင်ငံရေးအကျဉ်းသားများ နှစ်သစ်မှာ ကျန်းမာ ချမ်းသာကြပါစေ။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Thursday, April 15, 2010

ဗုံးပေါက်ကွဲမှုနောက်ဆုံးသတင်း

အစိုးရမီဒီယာများမှာ ဖော်ပြခဲ့တဲ့ နောက်ဆုံးသတင်းများအရ သင်္ကြန်ဗုံးပေါက်ကွဲမှုမှာ သေဆုံးသူ အမျိုးသား ၅ ဦး၊ အမျိုးသမီး ၃ ဦး ပေါင်း ၈ ဦး ရှိပြီး ဒဏ်ရာရသူ အမျိုးသား ၁၂၅ ဦး၊ အမျိုးသမီး ၄၅ ဦး ပေါင်း ၁၇၀ ဦးရှိတယ်လို့ သိရပါတယ်။ အစိုးရမီဒီယာများမှာတော့ သင်္ကြန်ရေ ကစားသူများ လုံခြုံရေး သတိရှိဖို့နဲ့ အဖျက်သမားများ သတင်းများရရှိရင် ချက်ခြင်းသတင်းပေးကြဖို့ နှိုးဆော်ထားပါတယ်။

ရန်ကုန်ဗုံးပေါက်ကွဲမှုနောက်ဆုံးသတင်း

အစိုးရ ရုပ်မြင်သံကြားသတင်းက ညနေ ခြောက်နာရီသတင်းမှာ ကရ၀ိတ်အနီး ကန်တော်ကြီး စောင်း ရေကစားမဏ္ဍပ်မှာ ဗုံးသုံးလုံး ပေါက်ကွဲပြီး အမျိုးသား ၃ ဦး၊ အမျိုးသမီး ၃ ဦး ပေါင်း ၆ ဦးသေဆုံးပြီး၊ အမျိုးသား ၅၉ ဦး၊ အမျိုး သမီး ၁၆ ဦး၊ စုစုပေါင်း ၇၅ ဦးဒဏ်ရာ ရတယ်လို့ ကြေညာသွားပါတယ်။ ပြီးခဲ့တဲ့လများအတွင်းက စက်မှုဇုန်တွေမှာ ဗုံးခွဲမှုတွေလုပ်ခဲ့တဲ့ သူတွေ ကိုဖမ်းမိခဲ့တုံးက နောက်ထပ် ဗုံးခွဲမယ့်အဖွဲ့တွေလွတ်နေသေးတယ်လို့ ရဲချုပ်က သတိပေးခဲ့ပြီးနောက် အခုတိုက်ခိုက်မှု ဖြစ်ပေါ်ခဲ့တာဖြစ်ပါတယ်။ ဒီတိုက်ခိုက်မှုဟာ ၂၀၀၄ ခုနှစ်က ကုန်တိုက်သုံးခုမှာ ဗုံးဖောက်ခွဲမှုဖြစ်ပြီးနောက်ပိုင်း အသေအပျောက် အများဆုံး တိုက်ခိုက်မှု ဖြစ်ပါတယ်။ မျက်မြင်သက်သေများကတော့ ဒဏ်ရာရသူတွေထဲမှာ လုံခြုံရေးတပ်ဖွဲ့ဝင် အချို့လည်းပါတယ်လို့ပြောသလို နောက်ထပ် မကွဲသေးတဲ့ ဗုံးတစ်လုံးလည်းရှာတွေ့တယ်လို့ ပြောကြပါတယ်။ ဘာပဲ ဖြစ်ဖြစ် အခုလို ပျော်ရွှင်ဖွယ်ရာသင်္ကြန်ကာလမှ လူတွေထိခိုက် သေဆုံး အောင် လုပ်ဆောင်ခဲ့တဲ့ တိုက်ခိုက်မှုကတော့ ဘယ်လိုမှ လက်မခံနိုင်တဲ့ရာဇ၀တ်မှုဖြစ်ပါတယ်။ ဒီလိုလုပ်ဆောင်ချက်ကို ငြိမ်းချမ်းစွာ ဒီမိုကရေစီ ဖော်ဆောင်ရေးကို လိုလားသူအားလုံးက ရှုံ့ချသင့်တယ်လို့လည်း ယုံကြည်ပါတယ်။

ရန်ကုန်သင်္ကြန် ဗုံးကွဲ

ဒီနေ့ နေ့လည် ၃ နာရီလောက်မှာ ကန်တော်ကြီး ကရ၀ိတ်နားမှာ ရှိတဲ့ မဏ္ဍပ်တစ်ခုတွင် ဗုံးတစ်လုံးပေါက်ကွဲကြောင်း သိရှိရပါတယ်။ အသေအပျောက်ရှိကြောင်း သိရပေမယ့် အရေအတွက် အသေးစိတ်ကိုတော့ မသိရှိရသေးပါဘူး။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

သင်္ကြန်ရေကစားပွဲတွေ လုံခြုံရေး တင်းတင်းကျပ်ကျပ်နဲ့ ကျင်းပ

14 April 2010

Party goers get  soaked underneath a mist of water during an annual water festival, to  celebrate the New Year in Yangon, Myanmar, Wednesday, April. 14,  2010-AP
ရန်ကုန်သင်္ကြန်ပွဲ ဆင်နွှဲနေသူအချို့။
ဧပြီ ၁၄၊ ၂၀၁၀။
ရန်ကုန်မှာ ဒီနှစ်တော့ ရေကစားမဏ္ဍပ်တွေ ခပ်ကျဲကျဲနဲ့ သိပ်စည်စည်ကားကား မရှိဘူးလို့ ရန်ကုန်မြို့ခံတွေက ပြောပြပါတယ်။ အပြည့်အစုံကို မသင်းသီရိက စုစည်းတင်ပြပေးထားပါတယ်။

"ကမ္ဘာအေး ဘုရားလမ်းရယ်၊ ပြည်လမ်းရယ် ဒါပဲ။ ကမ္ဘာအေးဘုရားလမ်းမှာ မဏ္ဍပ်အကြီးကြီးဆိုတော့ ၂ ခုပဲရှိတယ်။ ပြည်လမ်းမှာဆိုလည်း မဏ္ဍပ် အကြီးကြီးရှိတယ်။ သံချပ်တွေဘာတွေတော့ မထိုးဘူး။ သမီးသိတာတော့ ဗမာအကနဲ့ ပန်းကုံးတွေစွပ်ပြီးတော့ အဲဒီလိုမျိုးပဲ။ အရင်ကဆိုရင် တနေရာတည်းမှာ စုနေတာ။ အခုတော့ ဟိုနားနည်းနည်း၊ ဒီနားနည်းနည်း အဲလိုဖြစ်သွားတာပေါ့။"

"ပြည်လမ်းမှာတော့ နည်းနည်းဝေးတယ်။ ကန်တော်ကြီးမှာတော့ နည်းနည်းစည်တယ်။ ပြီးရင် မြို့ထဲဘက်ကို သွားရော။ မြို့ထဲမှာလည်း တော်တော်လှမ်းမှ တခု၊ တော်တော်လှမ်းမှ တခု။ နောက် သိမ်ဖြူလမ်းဘက်မှာ နည်းနည်းရှိတယ်၊ ကန်တော်ကြီးဘက် ဆက်လျက်ပေါ့။ အဲဒီဘက်တွေက နည်းနည်းစည်တယ်။ တခြားနေရာတွေမှာတော့ မရှိဘူး။ နေပူကြီးထဲမှာ ကားက မောင်းမောင်း၊ ပြီးတော့ မဏ္ဍပ်လေးတွေ့ရင် ရေပက်ခံ၊ မဏ္ဍပ်က ကျဲတော့။"

မနေ့က သင်္ကြန်အကြိုနေ့မှာတော့ နေပြည်တော်ဘက်မှာ မဟာသင်္ကြန် ရေသဘင်ပွဲ အခမ်းအနား ဖွင့်ပွဲတွေ ကျင်းပပြီး နာမည်ကြီး အဆိုတော် တော်တော်များများကိုလည်း နေပြည်တော်က မဏ္ဍပ်တွေက ငှားရမ်းထားတယ်လို့ ပြောကြပါတယ်။ မြန်မာစစ်အစိုးရထုတ်တဲ့ သတင်းစာထဲမှာတော့ ရန်ကုန် ပြည်သူ့ဆေးရုံကြီးနဲ့ အရေးကြီးတဲ့ တချို့နယ်မြေတွေကို ရေ ၂၄ နာရီ ပေးထားမယ်လို့ ရေးသားထားပါတယ်။ ဒါပေမဲ့ အများစု မြို့နယ်တွေက ရေသိပ်မရလို့ သိပ်မစည်ကားသလို ယူနီဖောင်းဝတ် အများအပြားကိုလည်း လုံခြုံရေးချထားတာ တွေ့ရတယ်လို့ မြို့ခံတဦးက ပြောပါတယ်။

"သူတို့က လုံခြုံရေးတွေ ချထားတာခင်ဗျ။ စွမ်းအားရှင်လိုပဲ၊ သူတို့က ယူနီဖောင်းတခု ၀တ်ထားတယ် အပြာတွေ။ တံဆိပ်မတပ်ထားတော့ ဘာယူနီဖောင်းမှန်းတော့ မသိဘူး။ မီးသတ်တို့၊ ရဲတို့ ချထားပါတယ်။ သူတို့လူတွေပဲ များပါတယ်။ ပြည်သူကတော့ အဲဒီထဲကို သိပ်မတိုးချင်ကြဘူး။ အပြာဝတ်တွေ များတယ်။ အရင်လို ပျော်ပျော်ပါးပါး သိပ်မရှိကြဘူး။ နှစ်သစ်ကူး အတာသင်္ကြန်မှာ အညစ်အကြေးတွေ ဆေးတဲ့ ရေကစားတဲ့ နေရာမှာ ရေကလည်း မလာတဲ့အခါကြတော့ တယောက်နဲ့တယောက် မူးပြီး သောက်စား၊ နောက်ပြောင်ပြီး သီချင်းတွေဆို၊ ကတယ်။ အဲဒါပဲရှိတယ်။ ဟိုးအရင်နှစ်တွေနဲ့တော့ မတူတော့ဘူးဗျ။"

ရန်ကုန်မြို့ခံတဦး ပြောပြခဲ့တာ ဖြစ်ပါတယ်။

အထူးသဖြင့် ဒီနှစ်တွေထဲမှာ စီးပွားရေး ကျပ်တည်းတာမို့ အလည်အပတ် သိပ်မရှိကြသလို ရပ်ကွက်နဲ့ မြို့နယ်တွေထဲမှာလည်း သင်္ကြန် အလှူဒါန ပြုတာမျိုး သိပ်မတွေ့ရဘူးလို့လည်း ပြောပါတယ်။

"မနှစ်ကနဲ့ စာရင်တော့ မစည်ဘူး၊ ဟိုးနှစ်တွေကနဲ့ စာရင်တော့ ပိုဝေးတာပေါ့။ အခုက ဘယ်လိုလဲဆိုတော့ ရေပက်ခံ ထွက်မယ်ဆိုလည်း ပိုက်ဆံနဲ့၊ ရေပက်မယ်ဆိုလည်း ပိုက်ဆံနဲ့၊ ရေပက်မဏ္ဍပ်မှာ ရေတက်ပက်ချင်ရင်လည်း တနေ့ကို ၃၀,၀၀၀၊ ၄၀,၀၀၀ အဲလိုမျိုးပေါ့။ ရေပက်ခံ ထွက်မယ်ဆိုလည်း ကားငှားရတာ ကားခက တသိန်းနဲ့ တသိန်းခွဲကြားမှာရှိတယ်။ အဲတော့ ရေပက်ခံထွက်မယ်ဆိုလည်း ပိုက်ဆံရှိမှ၊ ရေပက်ချင်ရင်လည်း ပိုက်ဆံရှိမှ အဲလိုဖြစ်နေတယ်။ မုန့်လုံးရေပေါ်တို့ ရွှေရင်အေးတို့ဆို ဒီနှစ် ဝေမယ့်လူ တယောက်မှမရှိဘူး။ ကျန်တဲ့ဟာ ဘယ်သူမှ လုပ်တာလည်း မတွေ့ဘူး၊ ဝေတာလည်း မတွေ့ဘူး။"

"သင်္ကြန် ရေကစားဖို့ ပစ္စည်းလေးတွေတောင်မှ ကျနော်တို့ ၀ယ်မပေးနိုင်ပါဘူး။ ဘာဖြစ်လို့လဲဆိုတော့ ကျနော် ၀မ်းနည်းပါတယ်၊ ကျနော်တို့က စားဝတ်နေရေး လုံးပန်းနေရတဲ့အတွက် သင်္ကြန်မှာပျော်ဖို့ ကလေးတွေအတွက် မပံ့ပိုးနိုင်တာကို ကျနော်တို့ ၀မ်းနည်းပါတယ်။"

ရန်ကုန်သင်္ကြန်ပွဲအကြောင်း မြို့ခံတွေ ပြောပြသွားတာ ဖြစ်ပါတယ်။

မန္တလေးဘက်မှာဆိုရင်လည်း အရင်နှစ်တွေကလို ကျုံးဘေးမှာ သင်္ကြန်မဏ္ဍပ်အကြီးတွေ သိပ်မရှိပေမဲ့ ဒီနေ့ အကျနေ့မှာတော့ စည်စည်ကားကား ရှိခဲ့တယ်လို့ မန္တလေးမြို့ခံတွေက ပြောပါတယ်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

နာဂစ်ဒေသ ရေရရှိရေး NLD ကူညီ

15 April 2010

ပါတီကို ပြန်လည် မှတ်ပုံမတင်တော့တဲ့အတွက် ပါတီ ဖျက်သိမ်းခံရပြီး နိုင်ငံရေး လှုပ်ရှားမှုတွေ မလုပ်နိုင်တော့ရင် လူမှုရေး လုပ်ငန်းတွေ ဆက်ပြီး လုပ်သွားမယ်လို့ ပြောထားတဲ့ NLD အမျိုးသားဒီမိုကရေစီ အဖွဲ့ချုပ်က ဧရာဝတီ မြစ်ဝကျွန်းပေါ် ဒေသဘက်မှာ ရေသန့်ရရှိရေး အပါအ၀င် လူမှုရေး လုပ်ငန်းတွေကို အခုကတည်းက လုပ်ပေးနေပါတယ်။ NLD ရဲ့ လူမှုရေး လုပ်ငန်းတွေအကြောင်း စုံစမ်းမေးမြန်းပြီး ဒေါ်ခင်မျိုးသက်က တင်ပြပေးထားပါတယ်။

၂၀၀၈ ခုနှစ်က နာဂစ်ဒဏ် ခံခဲ့ရတဲ့ ဧရာဝတီ မြစ်ဝကျွန်းပေါ် ဒေသတွေမှာ ပြီးခဲ့တဲ့နှစ် နွေရာသီအတွင်း ရေပြဿနာနဲ့ ကြုံခဲ့ရသလို ဒီနှစ်အတွက်လည်း သောက်ရေသန့် ပြဿနာနဲ့ ကြုံရနိုင်တာမို့ ရေရရှိရေး ကြိုးပမ်းကြဖို့ TCG အဖွဲ့က ပြီးခဲ့တဲ့လ အစည်းအဝေးမှာ ပြောကြားခဲ့ပါတယ်။ ပွန်ဂျာခေါ် နာဂစ်ဒေသ လေ့လာမှုတွေအရ မြစ်ဝကျွန်းပေါ်ဒေသက ရေကန်အားလုံးရဲ့ ၄၃% ဟာ ရေငန်ဝင်ပြီး သောက်သုံးဖို့ မသင့်လျော်တဲ့အပြင် မိုးရေသိုလှောင်တဲ့ ဓလေ့ကလည်း ပြတ်သလောက် ဖြစ်သွားတယ်လို့ ဆိုပါတယ်။ ဒါကြောင့် ကန်ရေကို အဓိက မှီခိုနေရတဲ့ ဒေသခံတွေရဲ့ ၇၀% ကျော်ကျော်အတွက် ရေရှည်ပြဿနာတွေနဲ့ ကြုံနေရတာ ဖြစ်ပါတယ်။

အမျိုးသားဒီမိုကရေစီ အဖွဲ့ချုပ်က နာဂစ်ဒေသ ကူညီရေးအဖွဲ့ ဖွဲ့ပြီး ရေတွင်း ရေကန်တွေ တူးဖော် သန့်စင်ပေးခဲ့တဲ့အပြင် အခု မကြာသေးခင်ကပဲ သောက်ရေသန့် ဖူလုံစေဖို့အတွက် တူးပေးနေတဲ့ ရေတွင်းတွေထဲက နောက်ထပ် ၂ တွင်းကို ဒေသခံတွေလက်ထဲ အပ်နှဲခဲ့တယ်လို့ ကူညီရေးအဖွဲ့က ဒေါက်တာ ဒေါ်မေ၀င်းမြင့်က ပြောပါတယ်။

"ဘိုကလေးမြို့နယ် အထက်ဖူးညိုနဲ့ ကလီကြီးဆိုတဲ့ရွာမှာ သွားပြီး လှူခဲ့တာပါ။ အခုတူးနေတာက ဘိုကလေးမြို့နယ်ပဲ ကဒုံကနိဆိုတဲ့၊ သူကတော့ မြို့နီးပါးလောက် ကြီးပါတယ်။ အဲဒီမှာရှိတဲ့ ငွေအားနဲ့ နောက်တနေရာ၊ နှစ်နေရာမှာ တူးတယ်။ မော်ကျွန်းဘက်မှာလည်း အခု တူးနေတယ်။ ဟို၂ ခုကတော့ အပ်ပြီးသွားပြီ၊ ပြီးခဲ့တဲ့အပတ်က။ တတွင်းကျတော့ နည်းနည်း သံဓာတ်ပါတယ်၊ နောက်တနေရာကျတော့ တတွင်းကို pH7 အတိုင်းပဲ ရပါတယ်။

"အခု ကဒုံကနိမှာ တူးတဲ့ တွင်းကတော့ ဟိုတလောတုန်းက ရေသန့် ထွက်ပြီးတော့မှ၊ ရေချိုထွက်ပြီးတော့မှ တွင်းပြိုသွားလို့ အခု ပြန်တူးနေရတယ်။ မော်ကျွန်းဘက်မှာ တူးတဲ့ တွင်းအခြေအနေကတော့ မပြောနိုင်သေးဘူးပေါ့။ ကျမတို့ဆီက ဦးအုန်းကြိုင်နဲ့ ဦးကြည်ဝင်းနဲ့ သွားကြပြီ။ ကျမတို့ နောက်ထပ် အသစ်တူးနေတဲ့တွင်းပေါ့၊ အဲဒီတွင်းတွေ အခြေအနေကို သူတို့ သွားကြည့်တာပါ။"

ဒီဒေသတွေမှာ ကန်ရေကို အဓိကထား သုံးကြပေမဲ့ ရာသီဥတု ပူပြင်းတဲ့အတွက် ခန်းပြီး ရေလုံလုံလောက်လောက် မရဘူးလို့လည်း ပြောပါတယ်။

"အဲဒီမှာ ကန်တွေတွေ့တယ်။ သူတို့က မိုးရေကို အဓိကထားပြီး လှောင်တာပေါ့။ ဒါပေမဲ့ ကန်တွေက ခန်းနေပြီ။ သုံးတဲ့လူက များပြီးတော့ ကန်ကသေးလို့။ ကန်တကန်ကတော့ အောက်ခြေမှာ ပက်ကြားအက်နေတယ်။ အဲဒီ ပက်ကြားအက်တဲ့ ကြားထဲက လက်ယက်တွင်းလို ပုံစံမျိုးနဲ့ အောက်ခြေမှာ လေးငါးနေရာလောက် တူးပြီး သုံးနေတာ တွေ့ရတယ်။ ဆိုတော့ မလုံလောက်ဘူးဆိုတဲ့ သဘောပေါ့။ အဲဒီ ကဒုံကနိဆိုတာ၊ ပင်လယ်အ၀ဘက်မှာ။ ရေငန်တွေများပြီး ရေချိုမရှိတာ တွေ့ရတယ်။ အဲတော့ ဒီလို ကန်ရေနဲ့တော့ လောက်မှာ မဟုတ်ဘူး။ ဘာဖြစ်လို့လဲဆိုတော့ ရွာက လူဦးရေက တိုးတက်လာတယ်၊  ပြီးတော့ နွေကျတော့ ခန်းသွားတော့ စက်တွင်းပဲ ပိုသင့်တော်တယ်လို့ ကျမ ထင်တယ်။"

ကုလသမဂ္ဂ ယူနီဆက်ဖ်နဲ့ တခြားအဖွဲ့တွေက ဒေသတွင်းမှာ ရေကန်ပေါင်း ၃,၈၀၀ ကျော်နဲ့ စက်တွင်းပေါင်း ၃,၀၀၀ ကျော် တူးပေးခဲ့တယ်လို့ စာရင်း ထုတ်ပြန်ခဲ့ပါတယ်။ အဖွဲ့အစည်း အသီးသီးက ဒီလို ကူညီမှုတွေ ရှိနေပေမဲ့ နာဂစ်ဒဏ်ခံရတဲ့ ဒေသတချို့မှာ အခုထိ သောက်သုံးရေ ဖူလုံမှု မရှိသေးပါဘူး။ NLD အဖွဲ့ကတော့ ရေတွင်းတူးသလို တွဲလျက် ရေကန်တွေပါ ဆောက်လုပ်ပေးခဲ့တယ်လို့ ပြောပါတယ်။

"တခြားသူတွေ လှူတာတော့ မသိဘူး၊ ကျမတို့ဆီက လှူတာတော့ စက်တွင်းတတွင်း တူးပြီးရင် ဘေးနားမှာ ရေကန်အကြီးကြီး၊ ဘေးနားမှာ လူတရပ်နီးပါးလောက် ရှိတဲ့ ကန်ပတ်လည်ပေါ့၊ အဲဒါကြီးကို တူးဖော်ပြီးမှ တခါတည်း ကန်ပါလှူလိုက်တာ ကျမတို့က။ သုံးတဲ့လူတွေကို တိုက်ရိုက်ပေးမခပ်ဘဲ ရေပိုသန့်အောင် စက်တွင်းထဲက ကန်ထဲကို တခါထည့်တယ်၊ ကန်ကမှ အောက်က ကော့ခ်လေးနဲ့ ထုတ်ပြီးတော့မှ ရွာသားတွေက ခပ်ကြတာပေါ့။ အဲတော့ ရေလည်း အလေအလွင့် မရှိဘူး၊ ပိုလည်း သန့်တာပေါ့။

"တခြားလူတွေ ပုံစံတော့ မသိဘူးပေါ့။ တခြားနေရာမှာ တခြား NGO တွေလည်း အများကြီး လှူနေတာ ရှိပါတယ်။ ဒါပေမဲ့ ကျမတို့ မြင်တာတော့ သူတို့ အခက်အခဲတွေ လာလာတင်ပြနေတာ ရှိတော့ သိပ်မလုံလောက်ဘူးလို့ပဲ သုံးသပ်လို့ ရပါတယ်။ ကမ်းနဖူးမဟုတ်ဘဲ ဟိုး အတွင်းဘက်တွေမှာတော့ အများကြီး ထပ်လုပ်ဖို့ လိုသေးတယ်လို့ ကျမအနေနဲ့ မြင်ပါတယ်။"

နာဂစ်ဒေသ ကူညီရေးအဖွဲ့က ဒေါက်တာ ဒေါ်မေ၀င်းမြင့် ပြောသွားတာ ဖြစ်ပါတယ်။




--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.