Transparency Myanmar: May 3, 2010

{Yangon Chronicle 2010:1349} မာရှယ်လော ကြေညာရန် အစီအစဉ် မရှိဟု ထိုင်းဝန်ကြီးချုပ် ပြောကြား

Posted by Transparency Myanmar 2010

Monday, May 3, 2010

Associated Press, 2^nd May 2010

ဘန်ကောက် မြို့တော်ကို သီတင်းပတ် ၇ ပတ်ခန့် မလှုပ်ရှားနိုင်အောင် ပြုလုပ်ခဲ့ကြသည့် ဆန္ဒပြပွဲများ ပြီးဆုံးအောင် တင်းတင်းကြပ်ကြပ် ကိုင်တွယ်ရန် အစိုးရအား တောင်းဆိုမှုများ မြင့်တက်လာသော်လည်း မာရှယ်လော ကြေညာရန် အစီအစဉ် မရှိကြောင်း ထိုင်းဝန်ကြီးချုပ်က တနင်္ဂနွေနေ့တွင် ပြောကြားခဲ့သည်။

ယခုအခါ အနည်းဆုံး လူ ၂၇ ဦးခန့် သေဆုံးခဲ့ပြီ ဖြစ်ပြီး၊ တိုင်းပြည်၏ ဒေါ်လာ သန်းပေါင်း များစွာ နစ်နာ ဆုံးရှုံးကာ လူထု အုံကြွမှုများ ဖြစ်ပွားလာရန် မီးမွှေးနေသော လိပ်ခဲတည်းလည်း အခြေအနေကို ထိုင်းလူမျိုးများစွာက လွန်စွာ စိတ်ပျက်နေကြပြီ ဖြစ်သည်။

လက်ရှိ အကျပ်အတည်းကို ဖြေရှင်းရန် မျှော်လင့်ထားသော အစိုးရ အဖွဲ့ အရေးပေါ် အစည်းအဝေး မတိုင်မီ ဝန်ကြီးချုပ် အဘီဆစ်ဗဲ့ဂျာဂျီးဗားက "ယခု ပြဿနာကို အဆုံးသတ်ရန် အတွက် အစိုးရ၌ အစီအစဉ် ရှိသည်" ဟု ပြောကြားခဲ့သော်လည်း မည်သည့် အစီအစဉ် ဖြစ်ကြောင်း ပြောကြားရန် ၎င်းက ငြင်းဆိုခဲ့သည်။

"အစိုးရက ရှင်းရှင်းလင်းလင်း ကိုင်တွယ် ဆောင်ရွက်နေတယ် ဆိုတာကို အခိုင်အမာ ပြောလိုပါတယ်။ တာဝန် အားလုံးဟာ ကျွန်တော့်အပေါ်မှာ ရှိနေတာပါ။ ဆုံးဖြတ်ချက်တိုင်းကိုလည်း ချမှတ်ပြီးပါပြီ။ အကောင်းဆုံး ရလဒ်တွေ ရဖို့ အတွက် လောလောဆယ် အကောင်အထည် ဖော်နေတဲ့ အဆင့်မှာ ရှိပါတယ်" ဟု ဝန်ကြီးချုပ်က ၎င်း၏ အပတ်စဉ် ရုပ်သံ မိန့်ခွန်းတွင် ပြောကြားခဲ့သည်။

အလျှော့ပေး လိုက်လျောမှု အချို့ကို ပြုလုပ်ရန် ဆန္ဒရှိကြောင်း အဘီဆစ်က ထုတ်ဖော် ပြောကြားခဲ့သော်လည်း မည်သို့သော ဆုံးဖြတ်ချက်များ ဖြစ်သည် ဆိုသည်ကိုမူ ၎င်းက ထုတ်ဖော် ပြောဆိုခြင်း မရှိပါ။

"အခုလို အကြမ်းမဖက် ဥပဒေ ချိုးဖောက်တာတွေကို ရပ်တန့်ပစ်ရပါမယ်။ ဒါပေမယ့် နိုင်ငံရေးအရ တောင်းဆိုမှုတွေကိုတော့ အစိုးရက လျစ်လျူမရှုပါဘူး" ဟု ၎င်းက ဆိုသည်။

လက်ရှိ အစိုးရသည် ဘန်ကောက် ရေပေါ်ဆီ အသိုင်းအဝိုင်း နှင့် စစ်တပ်၏ တရားမဝင် ရုပ်သေးရုပ်သာ ဖြစ်သည်ဟု ယူဆထားကြသော 'ရှပ်နီ' များက အဘီဆစ် နှုတ်ထွက်၍ လွှတ်တော် ဖျက်သိမ်းကာ ရွေးကောက်ပွဲ အသစ် ကျင်းပရန် တောင်းဆိုနေကြသည်။

အဘီဆစ်သည် ဆန္ဒပြသူများနှင့် လူသိရှင်ကြား လိုက်လျော ဆွေးနွေးမှုများ ပြုလုပ်ခဲ့သော်လည်း ထောင်ပေါင်းများစွာသော ရှပ်နီများအား ဘန်ကောက်မြို့လည် လမ်းများပေါ်တွင် ပိတ်ဆို့ စခန်းချနေမှုကို စွန့်လွှတ်စေရန် နိုင်ငံရေး နည်းလမ်းဖြင့် အဖြေရှာ စည်းရုံးနိုင်လိမ့်မည်ဟု ယုံကြည်နေသေးကြောင်း ၎င်းက ပြောကြားခဲ့သည်။ သွေးစွန်းရန် သေချာသလောက် ဖြစ်နေသော နှိမ်နင်း ဖြိုခွဲမှုမျိုးကိုမူ ၎င်းက လုပ်ဆောင်လိမ့်မည် မဟုတ်ပါ။

သို့ရာတွင် မာရှယ်လော (အရေးပေါ် စစ်အုပ်ချုပ်ရေး ဥပဒေ) ကြေညာစေရန် လိုလားနေသည့် အစိုးရ ထောက်ခံသော ဆန္ဒပြသူများ၏ တောင်းဆိုချက်များကိုမူ သဘောတူ လိုက်လျောရန် ၎င်းအနေဖြင့် မလိုလားပါဟု အဘီဆစ်က တနင်္ဂနွေနေ့တွင် ပြောကြားခဲ့သည်။

"အခုအချိန်ထိ ကျွန်တော်တို့ (အစိုးရနှင့်စစ်တပ်) ဆွေးနွေးခဲ့တာကတော့ ဒီအနေအထားမှာ မာရှယ်လော ထုတ်ပြန်ဖို့ မလိုအပ်ဘူးလို့ ယူဆထားကြပါတယ်" ဟု ၎င်းက ဆိုသည်။

မည်သို့ပင် မာရှယ်လော ကြေညာပါစေ၊ မိမိတို့က လျစ်လျူရှုမည်သာ ဖြစ်ကြောင်း ရှပ်နီများက ပြောကြားထားသည်။

"သူတို့ မာရှယ်လော ကြေညာရင်တောင် ကျွန်တော်တို့က အိမ်ပြန်မှာ မဟုတ်ပါဘူး။ ဒီအတိုင်း ဆက်နေကြမှာပါ" ဟု ရှပ်နီခေါင်းဆောင် နာတာဝပ် ဆိုင်ကူးက ပြောကြားသည်။

ဆန္ဒပြသူများနှင့် အစိုးရ အကြား စေ့စပ် ညှိနှိုင်းမှုများ ဆက်လက် ပြုလုပ်နေခြင်းနှင့်အတူ ရှေ့မတိုး နောက်မဆုတ် အခြေအနေကို လျှော့ချကာ ငြိမ်းချမ်းစွာ အဆုံးသတ်နိုင်ရန် မျှော်လင့်နေကြပြီး နိုင်ငံတကာမှ ပါဝင် ပတ်သက်ရန် တောင်းဆိုမှုများလည်း ကြီးထွားလာသည်။

ထိုင်းနိုင်ငံ၏ နိုင်ငံရေးစနစ်မှာ ပျက်ပြားသွားခဲ့ပြီဟု The International Crisis Group ဥာဏ်ကြီးရှင် အုပ်စုက စနေနေ့တွင် ပြောကြားခဲ့ပြီး၊ ယခု လိပ်ခဲတည်းလည်း အခြေအနေမှ မကြေညာသော ပြည်တွင်းစစ် အထိ ယိုယွင်း ပျက်စီးသွားနိုင်သဖြင့် စိုးရိမ် ပူပန်ကြောင်း အလေးအနက် ဖော်ပြခဲ့သည်။

ဖြစ်နိုင်ပါက အရှေ့တိမော သမ္မတ ဂျိုဆေးရာမို့စ်ဟော်တာ ဦးဆောင်၍ ပြည်ပမှ ကြားဝင် စေ့စပ်ရေးကို အထက်ပါ အုပ်စုက လိုလားနေပြီး၊ နှစ်ဖက်စလုံးမှ ခေါင်းမာမှုကို အလျှော့ပေးကြရန်နှင့် ရွေးကောက်ပွဲ အသစ်နှင့် အမျိုးသားရေးအရ စည်းလုံးသော အစိုးရ အဖွဲ့တို့ကို ပြင်ဆင်ရေး အတွက် ကူညီရန် အားပေး တိုက်တွန်းလျက် ရှိသည်။

နိုင်ငံခြားမှ ကြားဝင် စေ့စပ်သူများ ဝင်ရောက် ညှိနှိုင်းရေး ကြိုးပမ်းမှုများကို အစိုးရက အကြိမ်ကြိမ် ပယ်ချခဲ့သည်။

နယူးယောက် အခြေစိုက် Human Rights Watch အဖွဲ့ကလည်း အကြမ်းဖက်မှုများ အဆုံးသတ်ကြရန် ဆန္ဒပြသူများနှင့် လုံခြုံရေး တပ်ဖွဲ့များအား တောင်းဆိုထားသည်။

လက်ရှိ အနေအထား ပိုဆိုး မသွားခင် အုပ်စုတွေ အားလုံးက သူတို့ရဲ့ ထောက်ခံသူတွေကို ဇက်ကြိုးသတ်ဖို့၊ တိုက်ခိုက်မှုတွေ ရပ်ဆိုင်းဖို့၊ နိုင်ငံရေး အဖြေထွက်အောင် စေ့စပ် ညှိနှိုင်းကြဖို့ လိုအပ်ပါတယ်ဟု Human Rights Watch မှ အာရှရေးရာ ညွှန်ကြားရေးမှူး Brad Adams က ပြောကြားလိုက်သည်။

ဆန္ဒပြသမားများ ခြေကုန်လက်ပမ်း ကျလာကာ မကြာမီ အိမ်ပြန်ကြရန် မျှော်လင့်ကြောင်း အစိုးရ အရာရှိ အချို့က ထုတ်ဖော် ပြောကြားခဲ့သော်လည်း ရှပ်နီ ခေါင်းဆောင် တစ်ဦးက စနေနေ့က ပြောကြားရာတွင် မြို့တော်လမ်းများ ပေါ်ရှိ မိမိတို့ အင်အားကို မြှင့်တင်ရန် နောက်ထပ် အင်အားဖြည့်သူများ လာနေကြသည်ဟု ဆိုသည်။

ရှပ်နီများသည် ဆန္ဒပြ နယ်မြေ အစွန်ရှိ ဆေးရုံတစ်ရုံသို့ အတင်း ဝင်ရောက်ကာ ၎င်းတို့၏ လူနာများကို ဘေးကင်းရာသို့ ရွှေ့ပြောင်းရန် တာဝန်ကျ ဆရာဝန်များအား သတိပေးခဲ့မှုကြောင့် ယခု ရက်ပိုင်း အတွင်း ပိုမို ပြစ်တင် ဝေဖန်ခံနေရသည်။

ဆေးရုံအား ပိတ်ဆို့ထားသော အတားအဆီးများကို ဖယ်ရှားခြင်းဖြင့် အပြောင်းအလဲကို ပြသရန် ကြိုးစားခဲ့သော အချို့ ဆန္ဒပြ ခေါင်းဆောင်များအကြား သဘောထား ကွဲစရာ ဖြစ်ခဲ့သော အထက်ပါ ဆေးရုံ စီးနင်းမှုကို ဆေးရုံအား နေသားတကျ ပြန်ဖြစ်စေလိုသော အခြား ခေါင်းဆောင်များကသာ ပြန်လည် ပြင်ဆင်နိုင်ပါလိမ့်မည်။ စနေနေ့ မွန်းလွဲပိုင်းတွင်မူ ၎င်းတို့က ဆေးရုံအား ပိတ်ဆို့ထားမှုကို ပြန်လည် ဖယ်ရှားပေးခဲ့ကြသည်။

ဆေးရုံအား လုပ်ငန်း ပြန်လည် လည်ပတ်ခွင့်ပြုရန် စစ်ဆင်ရေး အစီအစဉ် တစ်ခုကို အစိုးရက အမိန့်ပေးခဲ့သည်ဟု အဘီဆစ်က ပြောကြားခဲ့သော်လည်း မည်ကဲ့သို့ လုပ်ဆောင်မည် ဆိုသည်ကိုမူ ၎င်းက ထုတ်ဖော် ပြောကြားခြင်း မရှိပါ။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:1348} နာဂစ် နယ်မြေမှ အလုပ်အကိုင် အခွင့်အလမ်း

Posted by Transparency Myanmar 2010

comments (0)

Oxfam GB.UK, 30^th April 2010

မြန်မာနိုင်ငံတွင် ဆိုင်ကလုန်းဒဏ်ခံ ပြည်သူများအား ကျွမ်းကျင်မှု မြှင့်တင်ကာ ဝင်ငွေတိုးလာရန် "Oxfam" ၏ လေ့ကျင့် သင်တန်းပေး အစီအစဉ်က မည်ကဲ့သို့ ကူညီနေသည် ဆိုသည်ကို Ben Noikorn က ဤသို့ လေ့လာနေသည်။

အသက် ၄၀ အရွယ်ရှိ မင်းဇော်အား Oxfam သက်မွေးဝမ်းကျောင်း ကျွမ်းကျင်မှု သင်တန်းသို့ ယခင်နှစ် ဇန်နဝါရီလက တက်ရောက်ခဲ့ပြီး နောက်ပိုင်း ၎င်း၏ လက်ရှိဘဝ နှင့်ပတ်သက်၍ မေးမြန်းသည့်အခါ 'မယုံနိုင်စရာပါပဲဗျာ' ဟု ၎င်းက ရေရွတ်လိုက်သည်။

"တကယ့်ကို မယုံနိုင်စရာပါ။ ကျွန်တော့်ရဲ့ ကျန်တဲ့ ဘဝတလျှောက် ပုံမှန်ဝင်ငွေ ရရှိအောင် ဒီ ၂လ သင်တန်းက အမှန်တကယ်ကို အာမခံပေးခဲ့ပါတယ်" ဟု မင်းဇော်က ဆိုသည်။ ၂၀၀၈ ခုနှစ် နာဂစ် ဆိုင်ကလုန်းကြောင့် သက်မွေးဝမ်းကျောင်း လုပ်ငန်း ဆုံးရှုံးသွားသူများအား ကူညီရေး အစီအစဉ်အရ Oxfam က ထောက်ပံ့ ကူညီသည့် စက်ပစ္စည်း ပြုပြင် ထိန်းသိမ်းခြင်း သင်တန်းကို ၎င်းက ရည်ညွှန်းခြင်း ဖြစ်သည်။

၎င်း၏ ဘဝကို ပြောင်းလဲသွားစေသည်ဟု အတည်ပြု ပြောဆိုခဲ့သော သင်တန်းသို့ မင်းဇော် အပါအဝင် သင်တန်းသား ၁၀ ဦး တက်ရောက်ခဲ့သည်။ မင်းဇော်သည် နာဂစ် မတိုင်မီက ပြောင်းဖူး ရောင်းခဲ့သော်လည်း ဆိုင်ကလုန်းက လယ်ယာ စိုက်ပျိုးရေးကဏ္ဍကို လုံးဝ ဖျက်ဆီးလိုက်သည့်အခါ မင်းဇော်ကဲ့သို့ ဈေးသည်လေးများမှာ အထူးသဖြင့် အထိနာခဲ့သည်။ ယခု ၎င်း၏ ကျွမ်းကျင်မှုကို မြှင့်တင်ပေးလိုက်သည့်အခါ အလုပ်အကိုင် အခွင့်အလမ်းများ ပိုမို ရရှိလာကာ အိုးမကွာ အိမ်မကွာ ဝင်ငွေ ရှာနိုင်ခွင့်ရသွားပြီး မသန်မစွမ်း သမီးငယ်ကိုလည်း စောင့်ရှောက်နိုင်ပြီ ဖြစ်သည့် ၎င်းအတွက် အလွန် အရေးကြီးသော ဘဝ တစ်ဆစ်ချိုးပင် ဖြစ်သည်။

ယခင်ကမူ မင်းဇော်သည် ဖောက်သည်များ၏ အိမ်သို့ သွားရောက်ကာ စက်ပစ္စည်း အသေးအဖွဲ့များကို စစ်ဆေး ပြုပြင်ရသူမျှသာ ဖြစ်သည်။ ယခုအခါ ၎င်း၏ ကျွမ်းကျင်မှု အပေါ် ယုံကြည် စိတ်ချလာကြပြီး ဖောက်သည်များ ပိုမို ရရှိကာ နေအိမ်တွင်ပင် လုပ်ငန်း ဖွင့်လှစ်ထားနိုင်ပြီ ဖြစ်သည်။ စက်ပစ္စည်း အကြီးစားများကိုလည်း ပြင်ဆင်ရန် အပ်နှံနေကြပြီး ဖြစ်သည်။ "အခုတော့ သမီးလေးကိုလည်း စောင့်ရှောက်နိုင်ပါပြီ။ နို့မဟုတ်ရင် အမျိုးသမီးက ကလေးတစ်ဖက်နဲ့ ဈေးရောင်း၊ ထမင်းချက်၊ အိမ်အလုပ်တွေနဲ့ မနိုင်ဘူးပေါ့ဗျာ၊ ခုတော့ တော်တော့်ကို အဆင်ပြေနေပါပြီ" ဟု ၎င်းက ဖွင့်ဟသည်။

မင်းဇော်သည် စက်ပြင်အလုပ်နှင့် ပတ်သက်၍ အခြေခံ ဗဟုသုတ ရှိထားပြီး ဖြစ်သော်လည်း ယခု သင်တန်းကြောင့် ကျွမ်းကျင်မှုနှင့် ကိုယ့်ကိုကိုယ် ယုံကြည်မှု တိုးတက်လာခဲ့ပြီး ဖောက်သည်များထံမှ ယုံကြည်မှုကိုလည်း ရရှိခဲ့သည်ဟု ဆိုသည်။

"သင်တန်းတက်ပြီးနောက် လုပ်ငန်းက တိုးတက်လာတယ်။ ဖောက်သည်တွေက ဒီရွာကတင် မကဘူး။ အနီးအနား ရွာတွေကလည်း ပါတယ်။ အခု တစ်ရက်ကို အနည်းဆုံး ၂၀၀၀ ကျပ် ကနေ ၁၀၀၀၀ ကျပ်အထိ ဝင်ငွေ ရှိတယ်" ဟု မင်းဇော်က ပြောကြားခဲ့ပြီး မိန်းမ၏ အိမ်ဆိုင် ဝင်ငွေနှင့် ပေါင်းလိုက်လျှင် အခြေအနေ အလွန်ကောင်းနေပြီး၊ မွေးစကပင် စကားမပြောနိုင်သည့် သမီးအတွက် လိုအပ်သော ဆေးဝါးများကို ဝယ်ယူနိုင်ပြီ ဖြစ်သည်။

ကျုံဒါးချောင်းရွာမှ သင်တန်းသား တစ်ဦး ဖြစ်သူ အသက် ၁၉ နှစ် အရွယ် သူရကလည်း သင်တန်းတက် အပြီးတွင် လုပ်ငန်း အပေါ် ယုံကြည် စိတ်ချမှု ပိုရှိလာသည်ဟု ပြောကြားသည်။

"သင်တန်းမတက်ခင်က ပြောင်းဖူး ရောင်းတယ်။ တခြား စက်ပြင်ဆရာတွေ ပြင်တာကို ကြည့်ပြီး လေ့လာတယ်။ လက်ထောက် စက်ပြင် ဖြစ်လာတော့ အသေးအဖွဲတွေ ပြင်တယ် ဟု သူရက Oxfam သို့ ပြောသည်။ အခု သင်တန်းတက်ပြီးတော့ စက်ပစ္စည်းတွေ အလုပ်လုပ်ပုံနဲ့ ဘယ်လို ပြင်ရမယ် ဆိုတာကို တကယ် သဘောပေါက်သွားပြီလေ" ဟု ၎င်းက ဆိုသည်။

သင်တန်းအပြီး ကိုးလ အကြာတွင်မူ သူရအား အလုပ်အပ်သူ အရေအတွက် သိသိသာသာ တိုးလာပြီ ဖြစ်သည်။ အနာဂတ်တွင် ကိုယ်ပိုင် စီးပွားရေး လုပ်ငန်းလုပ်ရန် အိပ်မက်ကိုပင် စတင် စိတ်ကူးနိုင်ပြီ ဖြစ်သည်။

သူရသည် အကြီးစား ပြင်ဆင်မှုများ အတွက် ၁၀၀၀၀ ကျပ် နှင့် အသေးစား ပြင်ဆင်မှုများ အတွက် ၃၀၀၀ ကျပ် မှ ၄၀၀၀ ကျပ်ခန့် ဝင်ငွေ ရရှိနေသည်။ စိုက်ပျိုးရေးနှင့် ငါးဖမ်းလုပ်ငန်းဆိုင်ရာ စက်ပစ္စည်းများကို အများဆုံး ပြင်ဆင်ရခြင်း ဖြစ်သည်။ သူရ ပြောင်းဖူးရောင်းစဉ်က တစ်ရက် ၅၀၀ ကျပ်ခန့်သာ ရခဲ့သည်။

"အခု တစ်သိန်းခွဲလောက် စုမိနေပြီ။ ကျွန်တော်က ဂဟေလုပ်ငန်းကိုပါ တွဲလုပ်ချင်တာပါ။ ငါးသိန်းလောက်တော့ ရင်းဖို့လိုတယ်လို့ ထင်ပါတယ်။ ၂ နှစ် ၃ နှစ် အတွင်း အိပ်မက်တွေ တကယ် ဖြစ်လာမယ်လို့ မျှော်လင့်ထားပါတယ်" ဟု သူရက အပြုံးမျက်နှာဖြင့် ပြောကြားခဲ့သည်။

{Yangon Chronicle 2010:1347} မြန်မာနိုင်ငံ အပေါ် သံသယသစ်များ ထွက်လာ

Posted by Transparency Myanmar 2010

comments (0)

The Wall Street Journal, 3^rd May 2010

ထိပ်တန်း မြန်မာ ခေါင်းဆောင်များသည် ၎င်းတို့၏ စစ်တပ် ရာထူးများမှ ထွက်ကာ ရွေးကောက်ပွဲ ဝင်ရန် ပါတီ တည်ထောင်လိုက်ခြင်းဖြင့် ရွေးကောက်ပွဲတွင် မဲအစစ်အမှန် ဖြစ်ရေး အလားအလာများ အတွက် သံသယသစ်များ ထွက်ပေါ်လာသည်။

ဝေဖန် သုံးသပ်သူများက ပြောကြားရာတွင် ပြီးခဲ့သည့် အပတ်က ဝန်ကြီးချုပ် ဦးသိန်းစိန်နှင့် အခြား ၂၂ ဦးသည် ပြီးခဲ့သည့် အပတ်က စစ်တပ် ရာထူးများမှ နုတ်ထွက်ခြင်းသည် ပါလီမန်တွင် စစ်တပ်မှ ၂၅ % သော နေရာယူ၍ တိုင်းပြည်တွင် အာဏာ ဆက်လက် ချုပ်ကိုင်ထားနိုင်ရေး အတွက် မရိုးသားသောနည်းဖြင့် အကွက်ဆင် လာခြင်း ဖြစ်သည်ဟု ဆိုသည်။ အကယ်၍ စစ်တပ်မှ ခေါင်းဆောင်များ ပိုမို၍ ယူနီဖောင်း ချွတ်၍ အရပ်သား လုပ်လာပါက၊ ၎င်းတို့ ပါလီမန် နေရာ အတော်များများကို သိမ်းပိုက် နိုင်လိမ့်မည် ဖြစ်သည်။

မြန်မာ ထိပ်တန်း ခေါင်းဆောင်မှုကို စစ်တပ် အသွင်မှ ပြောင်းလဲပစ်လိုက်ခြင်းသည် ဖိနှိပ်မှုကို လှပအောင် တန်ဆာဆင်၍ အသွင်ပြောင်းခြင်းသာ ဖြစ်ကြောင်း ထိုင်းနိုင်ငံ Human Rights Watch မှ သုတေသနပြုသူ David Mathieson က ပြောသည်။ မြန်မာ အစိုးရကို ပြီးခဲ့သည့် နှစ်ပိုင်းများ အတွင်း နိုင်ငံရေး ဆန့်ကျင်သူ နှစ်ထောင်ကျော်အား ထောင်သွင်း အကျဉ်းချမှု အပါအဝင် လူ့အခွင့်အရေး ချိုးဖောက်မှု အမျိုးမျိုး ပြုလုပ်သည်ဟု စွပ်စွဲခဲ့ကြသည်။

မြန်မာ အစိုးရသည် နိုင်ငံခြား သတင်းစာ ဆရာများကို စကားပြောခဲ့သည် ဖြစ်ရာ၊ အစိုးရနှင့် ထိတွေ့ရန် ကြိုးစားမှု မှန်သမျှသည် မအောင်မြင်ခဲ့ပေ။ တိုင်းပြည် စစ်ခေါင်းဆောင် ဗိုလ်ချုပ်မှူးကြီး သန်းရွှေက ရွေးကောက်ပွဲသည် တရားမျှတလိမ့်မည် ဖြစ်ကြောင်း ယခင်က ပြောခဲ့သည်။

ဧပြီလ ၂၆ ရက်နေ့က ဦးသိန်းစိန်နှင့် အခြား ခေါင်းဆောင်များ စစ်တပ် ရာထူးများမှ နုတ်ထွက်ခဲ့ကြောင်း အစိုးရ မီဒီယာ သတင်းများအရ သိရှိရပြီး၊ ကက်ဘိနက် ရာထူးများကိုမူ ဆက်ယူထားမည်ဟု မျှော်လင့်ရပေသည်။ ကြာသပတေးနေ့ကမူ ၎င်းနှင့် အခြား ၂၆ ဦးတို့သည် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ အဖြစ် ပါတီမှတ်ပုံတင် လျှောက်ထားခဲ့သည်။

အချို့ ဝေဖန် သုံးသပ်သူများက ရွေးကောက်ပွဲသည် လက်ရှိ အစိုးရကို တရားဝင်အောင် ပြုလုပ်ပေးသည်ဟု ဆိုသော်လည်း အတိုက်အခံ အဖွဲ့များ အတွက် ပိုမို၍ ပြောဆိုနိုင်ရေး တံခါးသော့ ဖွင့်လာနိုင်ကြောင်း ဆိုသည်။ နိုင်ငံရေးပါတီ ၂၀ ကျော် ပါဝင်ရန် လျှောက်ထားလျက် ရှိကြပြီး၊ အချို့ကို နာမည်ကြီး အတိုက်အခံများ ခေါင်းဆောင်ကြသည်။ ထိုအထဲမှ အချို့မှာ ပါလီမန် အမတ် နေရာရနိုင်ကြောင်း မျှော်လင့်မှုများ ရှိခဲ့သည်။

ဝေဖန် သုံးသပ်သူများ ခန့်မှန်းသော အချက်တစ်ခုမှာ အရပ်သား ပါတီများ ပိုမိုလာရေး အတွက် အစိုးရ၏ ကြိုးပမ်းမှုများသည် ထိပ်တန်း စစ်ခေါင်းဆောင်များကြား ဝေဖန်မှုများကို ပိုမို လမ်းဖွင့်ပေးမည့် သဘောရှိသည် ဆိုခြင်း ဖြစ်သည်။ အချို့ စစ်ခေါင်းဆောင်များသည် ၎င်းတို့နေရာ ဆက်လက် ယူထားနိုင်ရေး အတွက် ပြည်သူ၏ ထောက်ခံမှုကို သီအိုရီအရ ရယူရလိမ့်မည် ဖြစ်သည်။ သို့သော် မရှင်းလင်းသည့် အချက်တစ်ခုမှာ အစိုးရ အနေဖြင့် ရွေးကောက်ပွဲကို လွတ်လပ်၍ တရားမျှတကြောင်း သေချာစေရန် နိုင်ငံတကာမှ လေ့လာသူများကို ခွင့်ပြု မပြုဆိုသော အချက်ပင် ဖြစ်သည်။ ယခု နောက်ဆုံး အဖြစ်ကို ကြည့်ပါက လက်ရှိ ခေါင်းဆောင် အချို့သည် လူငယ် ခေါင်းဆောင်များကို အာဏာလွှဲ၍ အငြိမ်းစားယူရန် ရည်ရွယ်ချက်ရှိပုံ မရကြောင်း၊ အချို့ မြန်မာ ပြည်တွင်း နေထိုင်သူများက မျှော်လင့်ထားခဲ့သလို ဖြစ်သည်။

တင်းမာမှုများက ထင်ထင်ရှားရှား ထွက်ပေါ်လာသည်။ ရန်ကုန်တွင် ဧပြီလ ၁၅ ရက်နေ့က ဗုံးပေါက်ကွဲမှု အပါအဝင် ယခု အပတ်များ အတွင်း ဗုံးပေါက်ကွဲမှု အနည်းဆုံး ၇ ကြိမ်ခန့် ဖြစ်ပွားခဲ့သည်။ ယခု ဗုံးပေါက်မှုများ နောက်ကွယ်မှ မည်သူ စီစဉ် ညွှန်ကြားသည် ဆိုသည်ကို မသိရှိရသေးသလို၊ ရေအားလျှပ်စစ်များတွင် ဗုံးပေါက်ကွဲမှုများနှင့် ဆက်စပ်မှု ရှိမရှိကိုလည်း မသိရှိရသေးပါ။

ထိုင်းနိုင်ငံနှင့် တရုတ်နိုင်ငံ နယ်စပ်တွင်လည်း စိုးရိမ်မှုများ ပိုမို မြင့်တက်လာလျက် ရှိနေသည်။ အဆိုပါ ဒေသများတွင် တိုင်းရင်းသား လက်နက်ကိုင်များက ထိန်းချုပ်ထားပြီး၊ မြန်မာ အစိုးရက ရွေးကောက်ပွဲ မတိုင်မီ အဆိုပါ နယ်မြေများတွင် တိုင်းရင်းသားများ ချုပ်ကိုင်မှု လျှော့ချနိုင်ရန် ကြိုးပမ်းချက်အား ဆန့်ကျင်ကြမှုကြောင့် ဖြစ်သည်။

မြန်မာ စစ်ခေါင်းဆောင်များက တိုင်းရင်းသား အဖွဲ့များကို မြန်မာ စစ်တပ် လက်အောက်ခံ နယ်ခြားစောင့်တပ် အသွင်ပြောင်းရန် တောင်းဆိုလျက်ရှိရာ၊ သတ်မှတ်ထားသော နောက်ဆုံးရက်မှာ ဗုဒ္ဓဟူးနေ့က ပြီးဆုံးခဲ့ပြီ ဖြစ်ပြီး၊ အများစုက ငြင်းဆန်လျက် ရှိသည်။ မြန်မာ စစ်တပ်က အဆိုပါ ဒေသများတွင် တပ်များ ပိုမိုချထားလျက် ရှိရာ ဒေသခံများ အနေဖြင့် ထိတ်လန့်ဖွယ် ပဋိပက္ခများ ထွက်ပေါ်လာမည်ကို စိုးရိမ်နေကြသည်။

ဗိုလ်ချုပ်မှူးကြီး သန်းရွှေက ရွေးကောက်ပွဲကို ပြည်တွင်းပြည်ပ အဖျက်သမားများက ရည်ရွယ်ချက်ဖြင့် အန္တရာယ် ပြုလျက်ရှိသည်ဟု ပြောကြားကြောင်း စနေနေ့က အစိုးရ သတင်းစာ New Light of Myanmar တွင် ဖော်ပြထားကြောင်း Associated Press က သတင်းပေးပို့သည်။

{Yangon Chronicle 2010:1346} အသေခံမလား၊ ရှင်သန်မလား NLD

Posted by Transparency Myanmar 2010

comments (0)

The Japan Times, By Nyunt Swe, 2^nd May 2010

(ရေးသားသူ ညွန့်ဆွေသည် အလွတ်တန်း သတင်းစာ ဆရာတစ်ဦး ဖြစ်ပြီး၊ NLD မြို့နယ် ခေါင်းဆောင်ဟောင်း တစ်ဦးဖြစ်ကာ၊ ၁၉၉၁ ခုနှစ်မှစ၍ တိုကျိုမြို့တွင် နေထိုင်နေသူ ဖြစ်သည်။)

မြန်မာ အစိုးရသည် စိတ်ဝင်စားသော အဖွဲ့များကို နိုင်ငံရေးပါတီ ဖွဲ့၍ မှတ်ပုံတင်ရန် ရက်ပေါင်း ၆၀ အချိန်ပေးခဲ့ရာ ကြာသပတေးနေ့တွင် ကုန်ဆုံးမည် ဖြစ်သည်။ မှတ်ပုံမတင်သော ပါတီများသည် ရွေးကောက်ပွဲ ဥပဒေ အသစ်အရ ပါတီအဖြစ် ဆက်လက် တည်ရှိခွင့် ရပ်ဆိုင်းသွားမည် ဖြစ်သည်။ အမျိုးသား ဒီမိုကရေစီ အဖွဲ့ချုပ် (NLD) ပါတီသည် ရွေးကောက်ပွဲကို သပိတ်မှောက်ရန် ကြေညာခဲ့ပြီးဖြစ်ရာ၊ အစိုးရက ပါတီအား မဖျက်သိမ်းရေးအတွက် ဥပေဒကြောင်းအရ ပြုလုပ်ရန် ဆုံးဖြတ်ချက် ချထားသည်။ အချို့လူများက ထိုကိစ္စကို သတ္တိရှိသော လုပ်ရပ်ဟု မြင်ကြသည်။ သို့သော် အဆိုပါ ဆုံးဖြတ်ချက်သည် အမြင်မကျယ်ဘဲ၊ အဓိပ္ပာယ် မရှိသော လုပ်ရပ် ဖြစ်သည်။

ကျွန်ုပ်သည် အသက် ၆၄ နှစ်တွင်မှ တိုကျို တက္ကသိုလ်မှ ဘွဲ့ရရှိခဲ့ပြီး၊ အကြွေး ဒေါ်လာ ၅၀၀၀၀ ခန့် တင်ကျန်ခဲ့သည်။ သို့သော် အဆိုပါ အတွေ့အကြုံမှ ဗဟုသုတ အများကြီး တိုးခဲ့ရသည်။ အပြောင်းအလဲသည် လေထဲတွင် ရှိနေပြီ ဖြစ်ပြီး၊ ဒေါ်အောင်ဆန်းစုကြည်နှင့် သူမ၏ လုပ်ဖော်ကိုင်ဖက်များ ဖြစ်စေလိုသော ပုံစံအတိုင်းမူ ဖြစ်လိမ့်မည် မဟုတ်ပေ။

ကမ္ဘာကြီး အနေဖြင့် ယုံချင်ယုံ မယုံချင်နေ၊ မြန်မာနိုင်ငံသည် ဒီမိုကရေစီ အတွက် ဦးတည်နေပါပြီ။ သို့သော် အသွင်ကူးပြောင်းရေး ကာလမှာ အချိန်ယူရမည် ဖြစ်သည်။ စစ်အာဏာရှင် စနစ်ကို အာဏာရှင်ဆန်သော ပါလီမန် ပုံစံသစ်ဖြင့် အစားထိုးမည် ဖြစ်ပြီး၊ လက်ရှိ အစိုးရ၏ လူများကပင် ဦးဆောင်၍ အကန့်အသတ်ဖြင့် ဖြေလျော့ပေးမှုများ ပြုလုပ်ပေးလိမ့်မည် ဖြစ်သည်။ နောက်ဆုံး တဖြည်းဖြည်းနှင့် နိုင်ငံရေး ဒီမိုကရေစီကို ဖွင့်ပေးသွားမည် ဖြစ်သည်။

အားကောင်းပြီး၊ တပည့်များ အပေါ် မီးသေ၍ ညီညွတ်နေစေသော စစ်တပ် အစိုးရ အောက်တွင် တရားမျှတပြီး ဒီမိုကရေစီကျသော ရွေးကောက်ပွဲ တစ်ခု ဖြစ်လာမည်ဟု မျှော်လင့်ခြင်းသည် အတွေးအခေါ် တိမ်သည်ဟု ပြောရမည် ဖြစ်သည်။ ကမ္ဘာပေါ်တွင် စစ်အစိုးရ ရှိသော မည်သည့် တိုင်းပြည်မှ ထိုသို့ ဘယ်သောအခါမျှ ဖြစ်လိမ့်မည် မဟုတ်ပေ။ မြန်မာ စစ်တပ်သည် တိုင်းပြည်ကို ရက်ရက်စက်စက် အုပ်ချုပ်ရင်း အနာဂတ်အတွက် ဒီမိုကရေစီကို စကားပြောလျက် ရှိသည်။ အဆိုပါ သဘာဝများကို ၁၉၈၆ ခုနှစ်က Guillermo O' Donnell နှင့် C. Philippe Schmitter တို့က "Transition from Authoritarian Rule: Tentative Conclusion About Uncertain Democracies" စာအုပ်တွင် ရေးသားထားခဲ့သည်။

သို့သော် အတိတ်က အခြား စစ်အစိုးရများ ဒီမိုကရေစီသို့ ပြောင်းလဲသွားခြင်းများ ရှိခဲ့သည်။ ချီလီနိုင်ငံကို ကြည့်ပါ။ ချီလီနိုင်ငံသည် ရိုင်းစိုင်းသော Pinochet အာဏာရှင်စနစ်မှ လက်ရှိ ဒီမိုကရက်တစ် အစိုးရသို့ ပြောင်းသွားခဲ့သည်။ ၁၉၈၀ ခုနှစ်က ချီလီ အတိုက်အခံပါတီ အများစုသည် Pinochet ၏ အခြေခံဥပဒေကို အစက ဆန့်ကျင်ခဲ့ကြသည်။ သို့သော် ၎င်းတို့ အခြား နည်းလမ်း ရှာမရသည့် အဆုံး ၁၉၈၆ ခုနှစ် နောက်ပိုင်းတွင် အများစုက လက်ခံလာကြရသည်။ နောက်သုံးနှစ် ကြာသောအခါ အတိုက်အခံသည် တစ်ပြည်လုံး မဲအပြတ်အသတ် ရရှိကာ အနိုင်ရပြီး၊ တိုင်းပြည်ကို Pinochet ၏ အခြေခံ ဥပဒေဖြင့် အုပ်ချုပ်ခဲ့သည်။ ချီလီနိုင်ငံသည် နိုင်ငံရေးအရ အခွင့်အလမ်း ရရှိသောအခါ လွန်ခဲ့သော ၁၆ နှစ်က ဒီမိုကရေစီ နည်းလမ်းမကျစွာ ရေးဆွဲထားသော အခြေခံ ဥပဒေကို ပြန်လည် ပြင်ဆင်နိုင်ခဲ့သည်။ ၂၀၀၅ ခုနှစ်တွင် လုံးဝ ဒီမိုကရေစီ ကျသော နိုင်ငံတစ်ခု ဖြစ်လာခဲ့သည်။

ဒေါ်အောင်ဆန်းစုကြည်နှင့် ၎င်း၏ လုပ်ဖော်ကိုင်ဖက်များသည် နှိပ်စက်ခံရမှုများ၊ ထောင်ချခံရမှုများကို ခံစားခဲ့ကြရသည်။ သို့သော် မတရား ဖိနှိပ်မှုများကို ကြံ့ကြံ့ခံပြီး ထိပ်တိုက် ရင်ဆိုင်ခြင်းကို ခေါင်းဆောင်မှုဟု အဓိပ္ပာယ် ဖွင့်ဆို၍ မရပေ။ နိုင်ငံရေး ဆိုသည်မှာ ငြိမ်သက်နေသော အရာတစ်ခု မဟုတ်ပေ။

မြန်မာ စစ်အစိုးရသည် ကြိုက်နှစ်သက်စရာ ကောင်းသည်ဟု ကျွန်ုပ် မဆိုလိုပေ။ သို့သော် အတိုက်အခံက အဆင်သင့် မဖြစ်သေးပေ။ စစ်အစိုးရ အနေဖြင့် ၎င်းတို့ ခေါင်းဆောင်များ၏ အသက် အိုးအိမ် စည်းစိမ်ကို ကာကွယ်သောအားဖြင့်၊ ၎င်းအား ဆန့်ကျင်သူများ၏ တောင်းဆိုမှုများကို ဘယ်သောအခါမျှ မလိုက်လျောရန် ပိုမို ဆုံးဖြတ်လာသည်။

အနောက်နိုင်ငံများက မြန်မာ အစိုးရအား အရေးယူ ပိတ်ဆို့ခြင်းအားဖြင့် လည်းကောင်း၊ အရှက်ရစေရန် ပြုလုပ်၍ လည်းကောင်း ဒဏ်ခတ်ခဲ့သည်။ သို့သော် တစ်ကမ္ဘာလုံးက မဟုတ်ပါ။ တရုတ်နှင့် ရုရှားသည် လိုအပ်သော အကူအညီများပေး၍ အကာအကွယ် ပေးထားသည်။ အာဆီယံ အဖွဲ့ကြီးမှာလည်း အဖွဲ့ဝင် နိုင်ငံများက သူ့ပြဿနာနှင့် သူ ရှိကြလေရာ၊ မြန်မာနိုင်ငံ အပေါ် ဘာမျှ သက်ရောက်မှု မရှိပေ။ အဖွဲ့ကြီး၏ စည်းမျဉ်းများကလည်း အကန့်အသတ်များ ရှိနေပြန်သည်။

အဆိုပါ နိုင်ငံတကာနှင့် ပတ်သက်သော အမှန်တရားများကို ကြည့်၍၊ အတိုက်အခံ အနေဖြင့် ၎င်းတို့၏ ရွေးကောက်ပွဲကို သပိတ်မှောက်၍ ပါတီ မှတ်ပုံ မတင်ရန် ဆုံးဖြတ်ချက်ကို သတ်မှတ်ရက် မတိုင်မီ ပြန်လည် စဉ်းစားသင့်သည်။ ၁၉၉၀ ခုနှစ်က ၎င်းအပေါ် မဲဆန္ဒ အပြည့် ပေးခဲ့ကြသော ပြည်သူလူထုကြီးကို မေ့မထားသင့်ပေ။ စွန့်မသွားသင့်ပေ။

ဟုတ်ပါသည်။ အစိုးရ၏ ရွေးကောက်ပွဲ ဥပဒေများကို လက်ခံလိုက်ခြင်းသည် ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများကို ပစ်ပယ်ရာ ရောက်သည်။ သို့သော် အနာဂတ်တွင် ၎င်းတို့အား ပါတီတွင် ပြန်လည် ပါဝင်စေရန် အခွင့်အလမ်း ရလာမည် ဖြစ်သည်။ ဒေါ်အောင်ဆန်းစုကြည်အား ပါတီမှ ထုတ်ပစ်ရန် ကိစ္စမှာ အသစ်အဆန်းတော့ မဟုတ်ပေ။ ရွေးကောက်ပွဲတွင် ပါဝင်ခြင်းမှ ကန့်သတ်ခြင်းမှာလည်း ယခုမှ ပထမဆုံး အကြိမ် မဟုတ်ပေ။ စစ်အစိုးရသည် သူမ၏ ဖခင် ဗိုလ်ချုပ် အောင်ဆန်း ရေးဆွဲခဲ့သော ၁၉၄၇ အခြေခံ ဥပဒေ ၇၄ (က) ကို အသုံးပြု၍ ဒေါ်အောင်ဆန်းစုကြည်အား ၁၉၉၀ ရွေးကောက်ပွဲတွင် မပါဝင်နိုင်အောင် ပြုလုပ်ခဲ့ဖူးသည်။ ယခု ထပ်မံ၍ သူမအား ရွေးကောက်ပွဲ မဝင်နိုင်စေရန်မက ပါတီ အဖွဲ့ဝင် အဖြစ်ပါ မပါနိုင်အောင် အစိုးရက အခြေခံ ဥပဒေကို အသုံးပြု၍ ပြုလုပ်ခဲ့ပြန်သည်။

အဆိုပါ ကန့်သတ်ချက်များသည် မှားသည် ဖြစ်စေ၊ မှန်သည် ဖြစ်စေ ၊ တချိန်တွင် မြန်မာ ပြည်သူများက အဆုံးအဖြတ် ပေးသွားရမည် ဖြစ်သည်။ ယခု လောလောဆယ်တွင်မူ မြန်မာ ပြည်သူများ အဖို့ ထိုသို့ ဆုံးဖြတ်ပိုင်ခွင့် မရှိသေးပေ။ ထို့ကြောင့် ပါတီ ဆက်လက် ရှင်သန်ရေးနှင့် ပါလီမန်တွင် နေရာ အတော်များများ ယူထားနိုင်ရေး အတွက် တည်ဆဲ ဥပဒေများကို လိုက်နာရမည်သာ ဖြစ်သည်။ အထူးသဖြင့် အစိုးရအား မည်သူမျှ ထိရောက်သော ပြောင်းလဲမှုများ ပြုလုပ်နိုင်ခြင်း မရှိသေးပေ။

NLD အနေဖြင့် ပါလီမန်တွင် နေရာ အတော်များများ အနိုင်ရရန် အခွင့်အရေး အများကြီး ရှိနေသေးသည်။ သို့သော် ရွေးကောက်ပွဲအား သပိတ်မှောက်ပြီး၊ တရားမဝင် ပါတီအဖြစ် တံဆိပ်ကပ်ခြင်းသည် ပြည်သူများကို ပစ်ပယ်ခြင်းပင် ဖြစ်သည်။ ပါတီ နိုင်ငံရေး ပြင်ပမှ အလုပ်လုပ်ခြင်း၊ လူမှုရေး လုပ်ငန်းများနှင့် လည်းကောင်း၊ မိမိပိုင်ခွင့်များဖြင့် တွန်းလှန်ခြင်းဖြင့် လည်းကောင်း ဒီမိုကရေစီ ရယူရန် ကြိုးစားခြင်းများသည် ယခု မြန်မာနိုင်ငံ၏ လက်ရှိ အခြေအနေအရ နေ့ခင်းမက်သော အိပ်မက်သာလျှင် ဖြစ်လိမ့်မည်။ NLD အနေဖြင့် ပို၍ လက်တွေ့ ကျသင့်သည်။

ယခုအခါ တိုင်းရင်းသား ပါတီများ အပါအဝင် ပါတီ အများအပြား မှတ်ပုံတင်လျက် ရှိသည်။ အနောက်နိုင်ငံများက အသိအမှတ်ပြုသည် ဖြစ်စေ၊ မပြုသည် ဖြစ်စေ၊ ယခု နှစ်ကုန်တွင် ရွေးကောက်ပွဲများ ကျင်းပတော့မည် ဖြစ်သည်။ NLD မှ မဟုတ်သော နိုင်ငံရေးသမားများကို မယုံကြည်ရသူများ၊ မျိုးချစ်စိတ် မရှိသူများ၊ အကျင့်ပျက် ခြစားမည့်သူများ၊ အခွင့်အရေးသမားများ အဖြစ် စွပ်စွဲနေခြင်းများသည် အခြေအမြစ် မရှိဘဲ ဒီမိုကရေစီ နည်းလမ်း မကျပေ။ မြန်မာ ပြည်သူများသည် စစ်အာဏာရှင်စနစ်ကို ငြီးငွေ့နေပြီ ဖြစ်ပြီး၊ အပြောင်းအလဲတစ်ခုကို လိုချင်နေကြပြီ ဖြစ်သည်။

ဖြစ်ပေါ်လာမည့် အစိုးရသစ်သည် အရပ်သား တစ်ဝက် အစိုးရ ဖြစ်လိမ့်မည် ဖြစ်ပြီး၊ အရပ်သား နိုင်ငံရေးသမားများနှင့် စစ်သားများ အတူတွဲ၍ အလုပ်လုပ်ရလိမ့်မည် ဖြစ်သည်။ ကျွန်ုပ်တို့ အနေဖြင့် အချိန်ကြာလာသည်နှင့် အမျှ အစိုးရကို ဒီမိုကရေစီ ဆန်လာရေး အတွက် နိုင်ငံရေး အခွင့်အလမ်း အချို့ ပွင့်လာလိမ့်မည်ဟု မျှော်လင့်သည်။ စစ်အစိုးရနှင့် အရပ်သား နိုင်ငံရေးသမားများ အကြားတွင် လိုအပ်နေသော နှစ်ဦးနှစ်ဘက် ယုံကြည်မှုသည် ဆက်ဆံရေးဖြင့်သာ တည်ဆောက်ယူရမည် ဖြစ်သည်။ ကျွန်ုပ်တို့တွင် ဤနည်းလမ်းမှတပါး ရွေးစရာ မရှိပေ။

NLD ရွေးကောက်ပွဲတွင် ပါဝင်ခြင်းအားဖြင့် အစိုးရ၏ ရွေးကောက်ပွဲကို အများက လက်ခံလိမ့်မည် ဖြစ်သည်မှာ အမှန်ပင် ဖြစ်သော်လည်း၊ အစိုးရက ထိုအချက်ကို သိပ်ဂရုစိုက်လှသည်တော့ မဟုတ်ပေ။ NLD သည် အကယ်၍ သူ၏ မဟာမိတ် ပါတီတစ်ခု မချန်ရစ်ဘဲ ဖျက်သိမ်းခဲ့မည်ဆိုလျှင်၊ မြန်မာပြည် အတွက် ဒီမိုကရေစီရေး ကြိုးပမ်းပါမည်ဟု ကတိပြုထားသော NLD ပါတီဝင်များ အနေဖြင့် ပြည်သူလူထုကို လှည့်စားသလို ဖြစ်ချေတော့မည်။

{Yangon Chronicle 2010:1345} မြန်မာနိုင်ငံ အပေါ် ဥရောပ သမဂ္ဂ၏ မူဝါဒ

Posted by Transparency Myanmar 2010

comments (0)

Asian Tribune, 3^rd May 2010

ဧပြီ ၂၆ ရက် ၂၀၁၀ တွင် ပြုလုပ်သော နှစ်စဉ် ပုံမှန် မူဝါဒ သုံးသပ် ဆွေးနွေးပွဲတွင် ဥရောပ သမဂ္ဂက စစ်ဖက် အုပ်ချုပ်သော မြန်မာနိုင်ငံ အပေါ် ချမှတ်ထားသော စီးပွားရေးအရ အရေးယူ ပိတ်ဆို့မှုများကို နောက်ထပ် တစ်နှစ် သက်တမ်းတိုးလိုက်သည်။

အဆိုပါ အရှေ့တောင် အာရှနိုင်ငံ (မြန်မာ) တွင် နိုင်ငံရေး ရှုပ်ထွေးမှုများ ဆက်လက် ဖြစ်ပွားနေခြင်းကြောင့် ယခု ဆုံးဖြတ်ချက်မှာ အံအားသင့်စရာ မရှိပါ။

မြန်မာ စစ်ဖက် အစိုးရ အဖွဲ့ဝင်များနှင့် ၎င်းတို့၏ အဆက်အနွယ်များ ပိုင်ဆိုင်သော ကုမ္ပဏီများ၏ ပိုင်ဆိုင်မှုများကို ပိတ်ပင်ခြင်းနှင့် ခရီးသွားလာမှု တားမြစ်ခြင်း အပါအဝင် အရေးယူ ပိတ်ဆို့မှုများသည် မြန်မာနိုင်ငံအား ဒီမိုကရေစီစနစ်သို့ အပြည့်အဝ ဦးဆောင်သွားမည့် တွေ့ဆုံ ဆွေးနွေးရေး လမ်းကြောင်းပေါ်သို့ တပ်မတော် ခေါင်းဆောင်များကို ခေါ်ဆောင်နိုင်ရန် ရည်ရွယ်ခဲ့ခြင်း ဖြစ်သည်။

မြန်မာနိုင်ငံတွင် လူမှုစီးပွားရေး ဖွံ့ဖြိုးရေးကို ဆောင်ရွက်ကာ လူ့အခွင့်အရေးကို လေးစားပြီး တစ်ချိန်ထဲတွင် နိုင်ငံတကာ အသိုင်းအဝိုင်းနှင့် ဆက်ဆံရေးကို ပြန်လည် ထူထောင်မည့် အရွေးကောက်ခံ ဒီမိုကရေစီ အရပ်ဖက် အစိုးရ ဖွဲ့စည်းသည်ကို ဥရောပ သမဂ္ဂက မြင်တွေ့လိုခြင်း ဖြစ်သည်။

ဥရောပ သမဂ္ဂက အတိုက်အခံ ခေါင်းဆောင် ဒေါ်အောင်ဆန်းစုကြည်အား လွှတ်ပေးရန် တောင်းဆိုထားမှုကို ထပ်မံ ထုတ်ပြန်ခဲ့ပြီး အကယ်၍ မြန်မာ အစိုးရက သိသာသော ဒီမိုကရေစီ ပြောင်းလဲမှုများကို ပြုလုပ်ခဲ့ပါက တွေ့ဆုံ ဆွေးနွေးမည်ဟုလည်း ကမ်းလှမ်းထားသည်။

သို့ရာတွင် ပူးပေါင်း ဆောင်ရွက်တတ်သည့် အကျင့်မရှိသော စစ်ဖက် အစိုးရသည် ဥရောပ သမဂ္ဂ၏ တောင်းဆိုမှုများကို သဘောတူ လက်ခံမည့် လက္ခဏာ မရှိပါ။ သို့ရာတွင် မြန်မာ အစိုးရ ချမှတ်ထားသော လမ်းကြောင်းမှာ နိုင်ငံတကာ အသိုင်းအဝိုင်းထံမှ ထောက်ခံမှုကို လုံးဝမရနိုင်သည့် အဆုံးတွင် အသိအမှတ်ပြု ခံရရေးပင် ဖြစ်သည်။

နိုင်ငံတကာ အသိုင်းအဝိုင်းထံမှ နှစ်ပေါင်းများစွာ ပြစ်တင် ဝေဖန်မှုနှင့် ဖိအားပေးမှုများကြောင့် မြန်မာ စစ်ဖက် ခေါင်းဆောင်များက အထွေထွေ ရွေးကောက်ပွဲ ကျင်းပကာ ၎င်းတို့၏ အုပ်ချုပ်ရေးကို တရားဝင်စေရန် စီစဉ်နေသည်။ ၎င်းတို့၏ ရည်မှန်းချက်မှာ အာဏာရှင်ပုံစံ အစိုးရကို အရပ်သားပုံစံ အစိုးရ အဖြစ် အသွင်ပြောင်းကာ အကြွင်းမဲ့ အာဏာကို စစ်တပ်၏ လက်ထဲတွင် ထားရှိရန်ပင် ဖြစ်သည်။

အရပ်ဖက် အစိုးရထံ အာဏာ အဆုံးရှုံး ခံရမည့် စစ်ဖက် ခေါင်းဆောင်များနှင့် သက်ဆိုင်သော အရာများအနက် အရေးကြီးသော အကြောင်းရင်း ၂ ခုမှာ စိတ်ချ လုံခြုံမှုနှင့် ထိန်းချုပ်နိုင်မှုပင် ဖြစ်သည်။

ပြည်သူများ အပေါ် ဆယ်စုနှစ်ပေါင်း များစွာ ရက်စက်ခဲ့ကြပြီးနောက်တွင် စစ်ဖက် ခေါင်းဆောင်ပိုင်းသည် ဒီမိုကရေစီ နည်းကျ ရွေးကောက် တင်မြှောက်သော အစိုးရ လက်အောက်တွင် ၎င်းတို့၏ ဘဝ လုံခြုံစိတ်ချရေး နှင့်ပတ်သက်၍ စိုးရိမ်ပူပန် ခဲ့ကြသည်။ အီရတ်တွင် စစ်ဖက် ခေါင်းဆောင်ဟောင်းများအား ခုံရုံးတင် အပြစ်ပေးခဲ့ခြင်းက မြန်မာ စစ်ခေါင်းဆောင်များအား စိတ်ပူပန်စေသည့် အကြောင်းအချက် တစ်ချို့ ဖြစ်နိုင်သည်။

နိုင်ငံရေးအရ ကိုယ်ပိုင်အုပ်ချုပ်ခွင့် တောင်းဆိုနေသော တိုင်းရင်းသား လူမျိုးစု အုပ်စုကွဲများကြောင့် ဗမာ လူ့အဖွဲ့အစည်း၏ ဗဟို ချုပ်ကိုင်မှု လျော့ပါးသွားမည်ကို အစိုးရက စိုးရိမ် ကြောင့်ကြနေခဲ့သည်။ လက်ရှိ စနစ်အရမူ ဥပဒေပြုရေး၊ အုပ်ချုပ်ရေး၊ တရားစီရင်ရေး အာဏာ ၃ ရပ် စလုံးကို စစ်တပ်က ထိန်းချုပ်ထားသည်။

ဥရောပ သမဂ္ဂက အရေးယူ ပိတ်ဆို့မှုများကို နောက်တစ်နှစ် သက်တမ်း တိုးခဲ့ခြင်းကြောင့် ယခု လက်ရှိ ဆုံမှတ်မှာ မြန်မာ အတိုက်အခံ အုပ်စုများ အတွက် အလွန် အရေးကြီးသည့် လက္ခဏာ တစ်ရပ်ပင် ဖြစ်သည်။ ယခု ဆောင်ရွက်ချက်သည် ဒီမိုကရေစီ လှုပ်ရှားမှုများကို ထောက်ခံ အားပေးသည့် အနေဖြင့် သီးသန့် ရည်ရွယ်ခဲ့ခြင်း ဖြစ်နိုင်သည်။ သို့ရာတွင် တရုတ်၊ အိန္ဒိယ နှင့် အာဆီယံ စသော နိုင်ငံများ၏ စီးပွားရေး ဆက်ဆံမှုများကြောင့် ယခု ကြိုးပမ်းမှုမှာ ယခင်ကဲ့သို့ပင် ရလဒ် ပျောက်ဆုံးနေဦးမည် ဖြစ်သည်။

မြန်မာနိုင်ငံ ဆိုင်ရာ မူဝါဒ မအောင်မြင်ရခြင်း အတွက် အဓိက တာဝန်ရှိသူမှာ ဥရောပ သမဂ္ဂ မဟုတ်ပါ။ နိုင်ငံတကာ အသိုင်းအဝိုင်း၏ မဟာဗျူဟာအား ထိရောက်မှု မရှိ ဖြစ်စေသည့် သဘောထား ကွဲလွဲဖွယ် တွေ့ဆုံ ဆွေးနွေးမှုနှင့် ပိတ်ဆို့မှုများကို ကျင့်သုံးခဲ့ခြင်းကြောင့်သာ ဖြစ်သည်။

စီးပွားရေး ပိတ်ဆို့ အရေးယူမှုအပြင် ဥရောပ သမဂ္ဂအနေဖြင့် လုပ်နိုင်သော အရာတစ်ခုမှာ အကယ်၍ လက်ရှိ တင်းကြပ်သော ဥပဒေများအရ ရွေးကောက်ပွဲ ကျင်းပခဲ့ပါက ရွေးကောက်ပွဲ ရလဒ်ကို အသိအမှတ် မပြုရန် နိုင်ငံတကာ မိတ်ဆွေများ (အနည်းဆုံး အနောက်နိုင်ငံများ) အား စည်းရုံး သိမ်းသွင်းရေးပင် ဖြစ်သည်။

ထို့အပြင် စစ်ဖက် အစိုးရနှင့် ထိထိရောက်ရောက် ဆက်ဆံနိုင်ရန် "ပူးပေါင်း ဆောင်ရွက်ရေး နိုင်ငံတကာ ဗျူဟာ" ကို ဖွဲ့စည်း ပုံဖော်ရေး အတွက် အပတ်တကုတ် ကြိုးစား နိုင်ပါသေးသည်။

အကယ်၍ ဥရောပ သမဂ္ဂနှင့်အတူ ၎င်း၏ နိုင်ငံတကာ မိတ်ဖက်များက ရွေးကောက်ပွဲ ရလဒ်ကို အသိအမှတ် မပြုရန် ဆုံးဖြတ်ခဲ့ပါက မြန်မာ စစ်ဖက် အစိုးရ ကြိုးပမ်းနေသည့် နိုင်ငံတကာ အသိအမှတ်ပြု တရားဝင် အစိုးရ ဖြစ်ရေး အိပ်မက် ဆုံးရှုံးသွားမည် ဖြစ်သည်။

ရွေးကောက်ပွဲ ရလဒ်ကို ခဏဘေးဖယ်ထားကာ၊ တိုင်းရင်းသား လူမျိုးစုများ အပေါ် ဖိနှိပ်မှုများ လျော့မသွားသ၍၊ ၎င်းတို့၏ အခြေခံ အခွင့်အရေးများကို ပိတ်ပင်ထားသ၍ မြန်မာနိုင်ငံ၏ နှစ်ပေါင်း ရှည်ကြာ အငြင်းပွားမှုများမှာ မပြီးဆုံးနိုင်ဘဲ တာရှည်နေဦးမည်သာ ဖြစ်သည်။

{Yangon Chronicle 2010:1344} Chevron အား မြန်မာနိုင်ငံ၌ အခွန်ကိစ္စ ဖွင့်ထုတ်ရန် ဖိအားပေး

Posted by Transparency Myanmar 2010

comments (0)

Inner Press Service, By Marwaan Macan- Markar, 30^th April 2010

နိုင်ငံစုံမှ အစု ရှယ်ယာဝင်များ ပါဝင်သော Chevron ကုမ္ပဏီသည် ၎င်း၏ နှစ်ပတ်လည် အစည်းအဝေးကို မေလကုန်တွင် အမေရိကန် ပြည်ထောင်စု၊ ဟူစတန်မြို့တွင် ကျင်းပမည် ဖြစ်ရာ ရှယ်ယာရှင်များသည် မြန်မာနိုင်ငံမှ နိုင်ထူးဆိုသူနှင့် တွေ့ဆုံကြမည် ဖြစ်သည်။ နိုင်ထူးနှင့် ၎င်း၏ အသိုင်းအဝိုင်းသည် မြန်မာနိုင်ငံတွင် အဆိုပါ စွမ်းအင် ဧရာမ ကုမ္ပဏီကြီး ဝင်ရောက် အမြတ်ထုတ်မှုကြောင့် နစ်နာခဲ့ကြရသူ ဖြစ်သည်။

"Chevron မြန်မာနိုင်ငံမှာ ရင်းနှီးမြှုပ်နှံမှုကြောင့် ဖြစ်ပေါ်လာတဲ့ အကျိုးဆက်တွေကို ကျွန်တော်တို့ ထုတ်ဖော် ပြောပြလိုပါတယ်။ အစု ရှယ်ယာရှင်တွေဟာ သူတို့ရဲ့ ငွေတွေ ဘယ်ကို သွားတယ်ဆိုတာရယ်၊ ဘယ်လိုအကျိုးဆက်တွေ ဆက်ဖြစ်တယ် ဆိုတာရယ်ကို သိဖို့ လိုအပ်ပါတယ်" ဟု အသက် ၃ဝ အရွယ်ရှိ ကရင်လူမျိုး ကိုနိုင်ထူးက ပြောသည်။

နိုင်ထူးသည် မြန်မာနိုင်ငံ တောင်ပိုင်းရှိ အငြင်းပွားဖွယ် ရတနာ သဘာဝ ဓာတ်ငွေ့ ပိုက်လိုင်း အကြောင်းအား Chevron အစု ရှယ်ယာရှင်များအား ပြောပြနိုင်မည့် ပထမဆုံး အခွင့်အလမ်း အတွက် ၎င်း ကြုံတွေ့ရမည့် စိန်ခေါ်မှုများကို ကြောက်ရွံ့ စိုးရိမ်ခြင်း မရှိလှပေ။ " ဒီလို ပြောခွင့်ရတာဟာ အပြောင်းအလဲအတွက် အခွင့်အလမ်းတစ်ခုပါပဲ" ဟု ၎င်းက IPS သို့ မေလ ၂၇- ၂၈ တွင် Chevron ရှယ်ယာရှင်များသို့ ပြောပြခဲ့သည်။

အဆိုပါ ကရင်လူမျိုး နိုင်ငံရေး လှုပ်ရှားသူ၏ အစီအစဉ်သည် Chevron ရှယ်ယာရှင်များကို အချိန်ကိုက် ဖိအားတိုးစေရန် ပြုလုပ်လိုက်သကဲ့သို့ ဖြစ်စေသည်။ ရှယ်ယာရှင်များကို ယခု နှစ်ပတ်လည် အစည်းအဝေးတွင် ၎င်းတို့ ကုမ္ပဏီမှ မြန်မာအစိုးရ အပါအဝင် နိုင်ငံခြား အစိုးရများသို့ ပေးရန်ရှိသည့် ငွေများကို လူသိရှင်ကြား ထုတ်ဖော်ရန် အဆိုပြုသော အဖွဲ့မှာ ဝါရှင်တန် အခြေစိုက် ပတ်ဝန်းကျင်နှင့် လူ့အခွင့်အရေး စည်းရုံးသော အဖွဲ့အစည်း ဖြစ်သည့် Earth Rights International (ERI) ဖြစ်သည်။

သို့သော် မြန်မာနိုင်ငံနှင့် ငွေရေး ကြေးရေး အဆက်အဆံများ ပိုမိုပွင့်လင်း မြင်သာရေး အတွက် Chevron အပေါ် ပေးလာသည့် ဖိအားများသည် အခြားသူများထံမှလည်း ထွက်ပေါ် လာမည်ဟု မျှော်လင့်ရသည်။

အမေရိကန် ကွန်ဂရက်သို့ တင်ပြထားသော ဥပဒေ အသစ်ကို ပါတီ နှစ်ခုလုံးကလည်း ထောက်ခံထားပြီး အတည်ပြုချက် ရရှိခဲ့ပါက ရေနံ၊ သဘာဝဓာတ်ငွေ့နှင့် သတ္တုတူးဖော်ရေး လုပ်ငန်းများမှ အမြတ်ငွေများ ရရှိနေသော ကုမ္ပဏီများသည် ၎င်းတို့ ကမ္ဘာတစ်ဝှမ်းတွင် ရင်းနှီးမြှုပ်နှံထားသည့် အစိုးရများထံ ပေးငွေများကို အသေးစိတ် ထုတ်ဖော် ပြသကြရမည် ဖြစ်သည်။

ငွေကြေးကိစ္စများကို အားလုံး ဖွင့်ချ ပြသရမည့် ပွင့်လင်း မြင်သာမှုဖြင့် စွမ်းအင် လုံခြုံရေး ဥပဒေ (Energy Security Through Transparency Act) ၏ သက်ရောက်မှုများသည် စွမ်းအင် ကဏ္ဍရှိ အမေရိကန် အခြေစိုက် ကုမ္ပဏီများ အပေါ် အကန့်အသတ် မရှိပေ။ အဆိုပါ ဥပဒေသည် အမေရိကန် Securities and Exchange Commission (SEC) တွင် မှတ်ပုံတင်ထားသော နိုင်ငံခြား ရေနံ၊ ဓာတ်ငွေ့နှင့် သတ္တု တူးဖော်ရေး ကုမ္ပဏီများကို သေချာစွာ ကြည့်ရှုနိုင်ရေး အတွက် ၎င်းတို့၏ စာရင်းများကို ဖွင့်ပြရမည် ဖြစ်သည်။

"ဥပဒေက ကွန်ဂရက်မှာ ကြန့်ကြာနေတာက တစ်မျိုး တစ်ဘာသာ ဖြစ်ပါတယ်" ဟု ERI မှ မြန်မာ စီမံကိန်း ညှိနှိုင်းရေးမှူး Mathew Smith က ပြောသည်။ "ဒီဥပဒေဟာ SEC မှာ မှတ်ပုံတင်ထားတဲ့ တရုတ်၊ အိန္ဒိယ နဲ့ တောင်ကိုရီးယား တို့က ကော်ပိုရေးရှင်းကြီးတွေ ပေါ်မှာလဲ သက်ရောက်ပါတယ်။ သူတို့ဟာ မြန်မာနိုင်ငံမှာ ရင်းနှီးမြှုပ်နှံ ထားပါတယ်။ ဒီဥပဒေဟာ ကျယ်ကျယ်ပြန့်ပြန့် ထိရောက်မှုများ ရှိနိုင်ပါတယ်" ဟု ၎င်းက ပြောသည်။

အဆိုပါ ဥပဒေကို ကြည့်၍ ဧပြီလ ၂၇ ရက်နေ့က ကမ္ဘာလုံးဆိုင်ရာ လှုပ်ရှားမှု အဖြစ် Chevron ကုမ္ပဏီ၊ ပြင်သစ် Total ကုမ္ပဏီနှင့် လက်အောက်ခံ ထိုင်းအစိုးရပိုင် ရေနံနှင့် သဘာဝဓာတ်ငွေ့ ကုမ္ပဏီများကို မြန်မာ အစိုးရအား ၁၈ နှစ် အတွင်း ပေးငွေများအားလုံးကို ထုတ်ပြန်ရန် တောင်းဆိုခဲ့ကြသည်။

NGO များ၊ အလုပ်သမား သမဂ္ဂများ၊ ရင်းနှီးမြှုပ်နှံမှု အဖွဲ့ပညာရှင်များ၊ နော်ဝေ ဝန်ကြီးချုပ်ဟောင်းနှင့် အိုင်ယာလန် သမ္မတဟောင်း အပါအဝင် နိုင်ငံရေး ခေါင်းဆောင်များ စုစုပေါင်း ၁၆၀ ကျော်က မြန်မာနိုင်ငံနှင့် ငွေကြေး ကိစ္စများ ပွင့်လင်း မြင်သာမှုရှိရေး အတွက် လက်မှတ်ရေးထိုး လှုံ့ဆော်ခဲ့ကြသည်။

Total ၊ Chevron နှင့် PTTEP တို့အား မြန်မာနိုင်ငံတွင် အခွန်ငွေ ပေးဆောင်ရေး၊ ပွင့်လင်းမှုရှိရေး ခေါင်းစဉ်ပါ နှစ်မျက်နှာ ကြေညာချက်တွင် အဆိုပါ ကုမ္ပဏီများအား သတင်းနှင့် အချက်အလက် အားလုံးကို ပုံနှိပ် ထုတ်ဝေရန် တိုက်တွန်းထားသည်။ အဆိုပါ အချက်များတွင် ၁၉၉၂ ခုနှစ် ရတနာ ဓာတ်ငွေ့ပိုက်လိုင်း အတွက် စာချုပ် လက်မှတ် ရေးထိုးချိန်မှစ၍ မြန်မာ အာဏာပိုင်များသို့ ပေးရသော အခွန်ငွေများ၊ စရိတ်များ၊ မူပိုင်ကြေးနှင့် ဘောနပ်စ်များ ပါဝင်သည်။

Total က မြန်မာ အစိုးရသို့ ၂၀၀၈ ခုနှစ်က ပေးသော အခွန်ငွေများကို သိရှိလိုက်ရရာ၊ ပိုက်လိုင်းမှ မြန်မာ အစိုးရ ရရှိနေသော ငွေပမာဏကြီးကို သတိပြုမိခဲ့သည်။ Total က မြန်မာ အစိုးရကို ပေးရသောငွေ အမေရိကန် ဒေါ်လာ ၂၅၄ သန်းကို မထင်မှတ်ဘဲ အများက သိရှိလိုက်ရပြီး၊ ၂၀၀၉ ခုနှစ်တွင်လည်း ထိုပမာဏကို ရရှိခဲ့သည်။

"အဆိုပါ အချက်အလက်ဟာ တန်ဖိုးရှိပါတယ်။ ဒါပေမယ့် လုံလောက်မှု မရှိသေးပါဘူး။ ကျွန်တော်တို့က မြန်မာ အစိုးရကို ပေးရတဲ့ငွေ အသေးစိတ်ကို သိလိုတာပါ။ အခွန်ကိစ္စ ပွင့်လင်းမှု ရှိခြင်းဟာ လူမှုရေး ကိစ္စတွေမှာ ကော်ပိုရေးရှင်းက တာဝန်ရှိတဲ့ အပိုင်းအတွက် အခြေခံ အချက် ဖြစ်ပါတယ်" ဟု Smith က IPS သို့ ပြောသည်။

Chevron က မြန်မာ အစိုးရကို ပေးရငွေများကို ဖော်ထုတ်ရန် တုန့်ဆိုင်းနေခြင်းသည် ၎င်း၏ နေရာတကာတွင် ပွင့်လင်းသည့် အကျင့်နှင့် ဆန့်ကျင်နေသည်ဟု Smith က ဝေဖန်သည်။ "Chevron ဟာ ထိုင်းနိုင်ငံမှာ ရင်းနှီးမြှုပ်နှံထားတဲ့ ငွေကြေးကိစ္စတွေမှာ ပွင့်ပွင့်လင်းလင်း ရှိလှပါတယ်။ အမေရိကန်မှာ အဲဒီလို ဖြစ်ဖို့ လိုပါတယ်" ဟု Smith က ပြောသည်။

အဆိုပါ ပိုက်လိုင်း ကိစ္စအတွက် ဝေဖန် သုံးသပ်သူများက ပိုက်လိုင်း ဝင်ငွေသည် ဖိနှိပ်သော မြန်မာ အစိုးရကို များစွာ အကျိုးဖြစ်ထွန်းစေသော်လည်း ဒုက္ခသုက္ခပေါင်း များစွာ ခံစားနေရသော မြန်မာပြည်သူများမှာမူ အနည်းငယ်သာ အကျိုးကျေးဇူး ခံစားကြရသည်ဟု ဖော်ပြကြသည်။ ၂၀၀၀ ခုနှစ် သဘာဝဓာတ်ငွေ့ စတင် ထုတ်လုပ်ချိန်မှစ၍ ၂၀၀၈ ခုနှစ် အထိ မြန်မာ အစိုးရသည် ဓာတ်ငွေ့ ရောင်းရငွေမှ အမေရိကန် ဒေါ်လာ ၈ ဘီလီယံခန့် ရရှိမည်ဟု ခန့်မှန်းကြသည်။

ဓာတ်ငွေ့ပိုက်လိုင်း ဖြတ်သွားသည့် ဒေသမှာ ကရင်လူမျိုးတို့၏ ဒေသဖြစ်ပြီး၊ ၎င်းတို့မှာ အကျိုးကျေးဇူး မခံစားရသလောက် ဖြစ်သည်။ အန်ဒမန် ပင်လယ်မှ ထိုင်းနိုင်ငံအထိ ပိုက်လိုင်း ဖြတ်သွားရာ ရွာများသည် လျှပ်စစ်မီး မရှိပဲ ဖယောင်းတိုင်နှင့် မီးအိမ်များ အပေါ်တွင်သာ မှီခိုရသည်။

ကရင်လူမျိုးများသည် ၁၉၉၁ ခုနှစ် ပိုက်လိုင်းလုပ်ငန်း စတင်ချိန်မှစ၍ နစ်နာမှုများ ပိုမို ခံစားကြရသည်။ ပိုက်လိုင်း ဆောက်လုပ်ချိန် အတွင်း မြန်မာ စစ်တပ်မှ လုံခြုံရေး အတွက် တာဝန်ယူခဲ့ရာ လူ့အခွင့်အရေး ချိုးဖောက်မှုများနှင့် ပတ်ဝန်းကျင်ဆိုင်ရာ ချိုးဖောက်မှုများ ရှိခဲ့သည်။

အဆိုပါ ဧရိယာတွင် တချိန်တည်း၌ တပ်ရင်း ၁၄ ခု နေရာချထားသည်ကို တွေ့ရပြီး အမျိုးသမီးများအား မတရားကျင့်မှုများ၊ ကရင်ရွာသားများအား နှိပ်စက်မှုများ ရှိခဲ့သည်။ "အဲဒီ လူ့အခွင့်အရေး ချိုးဖောက်မှုတွေဟာ ဒီနေ့အထိ ရှိနေဆဲ ဖြစ်ပါတယ်" ဟု ကရင်လူမျိုး နိုင်ငံရေး လှုပ်ရှားသူ နိုင်ထူးက ထုတ်ဖော် ပြောကြားခဲ့သည်။

"မြန်မာ အစိုးရက ဒီအခြေအနေဆိုးကို ပြောင်းလဲဖို့ တုန့်ဆိုင်းနေရင်တောင် နိုင်ငံစုံ ကုမ္ပဏီများက အပြောင်းအလဲ အတွက် ကူညီနိုင်မှာပါ" ဟု ရွှေသဘာဝဓာတ်ငွေ့ စီမံကိန်းကို ဆန့်ကျင်သည့် အဖွဲ့မှ ဝင်းအောင်က ပြောသည်။ ဝင်းအောင်သည် တရုတ် ရင်းနှီးမြှုပ်နှံမှု ပါဝင်သော ရွှေသဘာဝဓာတ်ငွေ့ စီမံကိန်းကို ဆန့်ကျင်သည့် မြန်မာ လှုပ်ရှားသူများ ပါဝင်သော အဖွဲ့မှ အဖွဲ့ဝင် တစ်ဦး ဖြစ်သည်။ "အခွန်ကိစ္စ ပွင့်လင်း မြင်သာမှု ရှိရေးကလည်း နည်းလမ်းတစ်ခုပါပဲ" ဟု ၎င်းက ပြောသည်။

"မြန်မာနိုင်ငံသားတွေ အတွက် အကျင့်ကောင်းလေး တစ်ခု ဖြစ်ရပါမယ်။ ဒီအချက်အလက်တွေကို အသုံးပြုပြီး အစိုးရရဲ့ သယံဇာတ ကြွယ်ဝမှုက ရတဲ့ငွေတွေ အသုံးပြုမှုကို စောင့်ကြည့်နိုင်ရပါမယ်။ အစိုးရကို ရှင်းလင်း တင်ပြဖို့နဲ့ တာဝန်ယူဖို့ တောင်းဆိုရပါမယ်။ အခုတော့ ဘာတစ်ခုမှ မရှိသေးပါဘူး" ဟု ၎င်းက ရှင်းပြသည်။

"အကယ်၍ ရွှေဓာတ်ငွေ့ စီမံကိန်း ရှေ့ဆက်သွားခဲ့ရင်၊ မြန်မာ အစိုရဟာ နှစ်သုံးဆယ် အတွင်း အမေရိကန် ဒေါ်လာ ၂၉ ဘီလီယံလောက် ဝင်ငွေရပါမယ်" ဟု ၎င်းက ပြောသည်။

{Yangon Chronicle 2010:1343} နယူးယောက်သို့ အလည်အပတ် မသွားမီ အီရန်သမ္မတက ဝါရှင်တန်အစိုးရကို ပြစ်တင်ရှုတ်ချ

Posted by Transparency Myanmar 2010

comments (0)

အမေရိကန် ပြည်ထောင်စုနှင့် အစ္စရေးတို့တွင် ကမ္ဘာ့ထိပ်တန်း အကြမ်းဖက် အဖွဲ့အစည်းများနှင့် အဆက်အသွယ်များ ရှိသည် ဟူသော သက်သေ အထောက်အထားများ ရှိထားကြောင်း အီရန် သမ္မတ မာမွတ် အာမက် ဒီနေဂျက်က အမေရိကန် ပြည်ထောင်စု၊ နယူးယောက်မြို့သို့ သွားရောက် လည်ပတ်မှု မပြုမီ ရက်ပိုင်းတွင် ထုတ်ဖော် ပြောကြားသည်။

"အမေရိကန် ပြည်ထောင်စုဟာ ကမ္ဘာ့ အကြမ်းဖက် ဝါဒရဲ့ ဇစ်မြစ် ဖြစ်တယ် ဆိုတာကို သက်သေပြနိုင်တဲ့ စာရွက်စာတမ်းတွေ ကျွန်တော်တို့မှာ ရှိပါတယ်။ လွန်ခဲ့တဲ့ နှစ်အတော်ကြာ လောက်ကတည်းက အမေရိကန်ဟာ အကြမ်းဖက် အုပ်စုတွေကို အထောက်အပံ့ ပေးခဲ့သလို အားပေး အားမြှောက်လည်း လုပ်ခဲ့ပါတယ်" ဟု အီရန် သမ္မတက ဆိုသည်။

မိမိတို့ အီရန်နိုင်ငံသည် အကြမ်းဖက် ဝါဒနှင့် ဆက်နွှယ်သည့် စာရွက်စာတမ်း တစ်စုံတရာ မရှိဟု မစ္စတာ အာမက်ဒီနီဂျက်က ပြောဆိုခဲ့ကြောင်း FARS သတင်း အေဂျင်စီက ဆိုသည်။

အီရန်နိုင်ငံ၏ နျူကလီယာ အစီအစဉ် အချို့ ပယ်ဖျက်ရေးအတွက် အဆိုပြုချက်ကို တီဟီရန် အစိုးရက ငြင်းပယ်လိုက်ရာ အမေရိကန် ပြည်ထောင်စုက အီရန်အပေါ် တင်းကြပ်သော ပိတ်ဆို့ အရေးယူမှုများ ပြုလုပ်ရန် ကြိုးပမ်းနေချိန်တွင် မစ္စတာ အာမက်ဒီနီဂျက်က ယင်းသို့ သုံးသပ် ပြောဆိုခဲ့ခြင်း ဖြစ်သည်။

အီရန်သမ္မတ အာမက် ဒီနီဂျက်သည် အမေရိကန် ပြည်ထောင်စု၊ နယူးယောက်မြို့တွင် ကျင်းပမည့် အီရန် နျူကလီယာ မပြန့်ပွားရေး ဆိုင်ရာ ကုလသမဂ္ဂ ထိပ်သီး ညီလာခံသို့ မတက်ရောက်မီ ယင်းသို့ ပြောဆိုခဲ့ခြင်းလည်း ဖြစ်သည်။

"အမေရိကန် ပြည်ထောင်စုကသာ စစ်ရေးပဋိပက္ခ ကာလအတွင်း အဏုမြူဗုံး အသုံးပြုခဲ့တဲ့ နိုင်ငံ ဖြစ်ပါတယ်။ အီရတ်နိုင်ငံကို စစ်ဆင်နွှဲတဲ့ အချိန်မှာ အဲဒီလို လက်နက်မျိုး အသုံးပြုခဲ့တယ် လို့တောင် သူတို့က ဝန်ခံ ပြောဆိုထားတာ ရှိတယ်" ဟု အီရန်သမ္မတ က ဆက်လက် ပြောဆိုသည်။

အမေရိကန် ပြည်ထောင်စုကမူ အီရန်သမ္မတ ညွှန်းဆိုသော လက်နက်မျိုးကို အီိရတ်စစ်ပွဲတွင် အသုံးပြုခဲ့ခြင်း မရှိကြောင်း ထုတ်ဖော် ပြောဆိုထားသည်။

မစ္စတာ အာမက် ဒီနီဂျက်သည် ကုလသမဂ္ဂ ကွန်ဖရင့်တွင် အီရန်နိုင်ငံ အနေဖြင့် နျူကလီယာ အစီအစဉ်ကို ဆက်လက် လုပ်ကိုင်ခွင့် ရရှိရန် အဆိုပြုလွှာကို တင်သွင်းမည် ဖြစ်ကြောင်း သူ၏ ထိပ်တန်း အကြံပေးပုဂ္ဂိုလ် Mojtaba Samareh Hashemi က IRNA သတင်းဌာနသို့ ပြောကြားသည်။

အမေရိကန် ပြည်ထောင်စုက အီရန်၏ နျူကလီယာ အစီအစဉ်သည် လက်နက် တပ်ဆင် ထုတ်လုပ်ရန် ရည်ရွယ်ခြင်း ဖြစ်သည်ဟု ဆိုသော်လည်း အီရန်က စွမ်းအင် ထုတ်လုပ်ရေး အတွက်သာ ဖြစ်ကြောင်း ပြောဆိုထားသည်။

အာမက် ဒီနီဂျက်ကမူ အမေရိကန်အနေဖြင့် မိမိတို့ အစိုးရနှင့် စေ့စပ် ညှိနှိုင်းမှုများ ပြုလုပ်သင့်ကြောင်း ပြောဆိုသည်။ "အပေါင်းအသင်း မိတ်ဆွေ ဖြစ်ခြင်းသည် ထိပ်တိုက် ရင်ဆိုင် တွေ့ဆုံခြင်းထက် ပိုမို ကောင်းမွန်သည်" ဟု အီရန် သမ္မတက မှတ်ချက်ပေး ပြောဆိုသည်။

အမေရိကန် ပြည်ထောင်စုနှင့် ပတ်သက်သော သုံးသပ် ဝေဖန်ချက်ကို အာမက်ဒီနီဂျက်က မေလ ၁ ရက် (ကမ္ဘာ့အလုပ်သမားနေ့) တွင် ပြောဆိုခဲ့ခြင်း ဖြစ်သည်။

အမေရိကန် နိုင်ငံခြားရေး ဝန်ကြီး ဟီလာရီ ကလင်တန်ကမူ နှစ်စဉ် ကျင်းပနေကျ ဖြစ်သော အမေရိကန်- ဂျူးလူမျိုးများ ကော်မတီ အစည်းအဝေးတွင် အီရန်နိုင်ငံနှင့် သမ္မတကို အပြင်းထန်ဆုံးသော စကားလုံးများဖြင့် ထိုးနှက် ဝေဖန်ခဲ့သည်။

"အီရန် နဲ့ ဂျူးဆန့်ကျင်ရေး ဝါဒီ အီရန် သမ္မတမှာ ဦးတည်ချက်မှားနေတဲ့ နျူကလီယာ ရည်မှန်းချက်တွေ ရှိနေပါတယ်။ နောက်ပြီး အစ္စရေးကိုလည်း ခြိမ်းခြောက်မှုတွေ လုပ်တယ်။ ဒေသတွင်း မတည်မငြိမ်မှုတွေ ဖြစ်အောင် ဖန်တီးတယ်။ အကြမ်းဖက် လုပ်ငန်းတွေကို စပွန်ဆာပေးတယ်" ဟု ဟီလာရီ ကလင်တန်က ဆိုသည်။

CNN သတင်းကို ဘာသာပြန်ဆိုသည်။

{Yangon Chronicle 2010:1342} ၂၀၁၀ ကမ္ဘာ့ကုန်စည်ပြပွဲ ရှန်ဟိုင်းတွင် ကြီးကျယ်ခမ်းနားစွာဖွင့်လှစ်

Posted by Transparency Myanmar 2010

comments (0)

တရုတ်နိုင်ငံ၊ ရှန်ဟိုင်းမြို့တွင် ၂၀၁၀ ကမ္ဘာ့ကုန်စည်ပြပွဲ (2010 World Expo) ဖွင့်လှစ် ကျင်းပလိုက်ခြင်းသည် တရုတ်ပြည်၏ ကမ္ဘာလုံးဆိုင်ရာ သြဇာလွှမ်းမိုးမှု မြင့်တက်လာမှုအတွက် သက်သေ အထောက်အထား တစ်ခုပင်ဖြစ်သည်။

အဆိုပါ ကုန်စည်ပြပွဲသို့ နိုင်ငံနှင့် နိုင်ငံတကာ အဖွဲ့အစည်းပေါင်း ၂၅၀ ခန့် လာရောက်ကာ ရိုးရာ ယဉ်ကျေးမှုများကို ခင်းကျင်းပြသခဲ့ကြသည်။ အများစုမှာ ရှေးဟောင်း ယဉ်ကျေးမှု ဗိသုကာ လက်ရာများကို ပြသကြခြင်း ဖြစ်သည်။

ပြင်သစ်သမ္မတ ဆာကိုဇီ အပါအဝင် ကမ္ဘာ့ ခေါင်းဆောင်များသည် ကြီးကြယ်ခမ်းနားစွာ ကျင်းပသော ဖွင့်ပွဲအခမ်းအနားသို့ တက်ရောက်ကြသည်။ "၂၀၁၀ ရှန်ဟိုင်း ကုန်စည်ပြပွဲကြီးကို ဖွင့်လှစ် လိုက်ပါပြီ" ဟု ထုတ်ဖော် ပြောဆိုလိုက်ချိန်တွင် တေးဂီတ အနုပညာရှင်များနှင့် ဖျော်ဖြေရေး သမား ၂၃၀၀ ကျော်က တစ်ပြိုင်နက်တည်း သီဆို ဖျော်ဖြေခဲ့ကြသည်။

ထို့နောက် ကုန်စည်ပြပွဲ၏ ဆောင်ပုဒ်ဖြစ်သော "သုခမြို့တော်၊ သုခ ဘဝ" ကို သီချင်းများ၊ အကများဖြင့် ဖျော်ဖြေကြသည်။ ရှန်ဟိုင်းမြို့ မြစ်ကမ်းနံဘေးတွင် ထောင်ပေါင်း များစွာသော မီးရှုးမီးပန်းများ၊ လေဆာရောင်ခြည်သုံး မီးဆလိုက်များကို အံ့မခန်း တွေ့မြင်ခဲ့ရကြောင်း၊ ရှန်ဟိုင်း ကုန်စည်ပြပွဲ ဖြစ်မြောက်ရေး ဆောင်ရွက်သူများက အကြီးမားဆုံးသော မီဒီယာပေါင်းစုံ စုဝေးမှု နှင့် ဖျော်ဖြေပွဲကြီး တစ်ရပ်ဖြစ်သည်ဟု အာမခံပြောဆိုကြောင်း ရှန်ဟိုင်းအခြေစိုက် ဘီဘီစီ သတင်းထောက်က ဆိုသည်။

ခြောက်လတာမျှ ဖွင့်လှစ်ပြသပေးမည့် အဆိုပါ ကုန်စည်ပြပွဲသို့ တရုတ်လူမျိုး အများစု အပါအဝင် ပရိသတ်ပေါင်း သန်း ၇၀ ခန့် လာရောက်ကြည့်ရှု အားပေးမည်ဟု ခန့်မှန်းရသည်။ တရုတ်ပြည်တွင်း မီဒီယာများ၏ အဆိုအရ ရှန်ဟိုင်း ကုန်စည်ပြပွဲအတွက် ကုန်ကျငွေ စုစုပေါင်း ဒေါ်လာ ၅၈ ဘီလီယံ ခန့်ရှိသည်။ အဆိုပါ ပမာဏသည် ၂၀၀၈ ခုနှစ် ဘေဂျင်း အိုလံပစ်ပွဲအတွက် ကုန်ကျငွေထက် ပိုမိုများပြားသည်။ အချို့က ယခုခန့်မှန်းထားသည့် ပမာဏထက်ပင် ပို၍ အဆပေါင်း များစွာ ကုန်ကျနိုင်ဖွယ် ရှိသည်ဟု ဆိုသည်။

အဆိုပါ ကုန်စည်ပြပွဲ ဖြစ်မြောက်ရေးအတွက် ရှန်ဟိုင်းအာဏာပိုင်များက လုံခြုံရေးကို အထူး တင်းကြပ်ထားသည်။ ရဲတပ်ဖွဲ့ဝင် ၈၀၀၀ ခန့်ကို ရှန်ဟိုင်းမြို့သို့ ခေါ်ဆောင်လာပြီး ရှိနှင့်ပြီးသား ဖြစ်သော ရှန်ဟိုင်း လုံခြုံရေး ရဲတပ်ဖွဲ့ဝင် အင်အား ၄၆၀၀၀ နှင့် ပူးပေါင်းစေခဲ့သည်ဟု ဆိုသည်။

သို့သော် ကုန်စည်ပြပွဲ ကျင်းပရာနေရာနှင့် နီးစပ်သော နေရာတွင် နေထိုင်သူများက တင်းကြပ်သော လုံခြုံရေး အစီအမံများကြောင့် အခက်တွေ့ နေရကြောင်း မကျေမနပ် ပြောဆိုလျက် ရှိသည်။

"လုံခြုံရေးက အရမ်း တင်းကျပ်နေတဲ့အတွက် အိမ်ထဲကို ဝင်ရာတာရော၊ အိမ်ထဲက ထွက်ရတဲ့ နေရာမှာပါ အဆင်ပြေချောမွေ့မှု မရှိဘူး၊ " ဟု အဆိုပါ နေရာတွင် နေထိုင်သူတစ်ဦး၏ ပြောကြားချက်ကို ကိုးကား၍ AP သတင်းဌာနက ဖော်ပြသည်။

ကုန်စည်ပြပွဲလာ မော်တော်ယာဉ် ရပ်နားရေးစခန်း တည်ဆောက်ရန် ဈေးများကို ပိတ်ထားကြောင်း ၎င်းကဆိုသည်။ ကုန်စည်ပြပွဲ အတွက် အခန်းများ တည်ဆောက်မှုကြောင့် နေရာများ ဖျက်ဆီးခြင်း ခံခဲ့ရသော လူခြောက်ဦးက မကျေမနပ်ဖြစ်၍ ဆန္ဒပြခဲ့ကြရာ အာဏာပိုင်များက ၎င်းတို့ကို အလုပ်သမားစခန်းသို့ ပို့လိုက်ကြောင်း ဟောင်ကောင်အခြေစိုက် လူ့အခွင့်ရေး အကာအကွယ် ပေးရေးဆိုင်ရာ အဖွဲ့က ပြောကြားသည်။

တရုတ် ရဲတပ်ဖွဲ့ဝင်များသည် တရုတ်လူမျိုး နိုင်ငံရေး လှုပ်ရှားသူ Feng Zhenghu နှင့် သက်ဆိုင်သော ကွန်ပျူတာ လေးလုံးကို သိမ်းဆည်းရမိခဲ့သည်။ Feng Zhenghu သည် ကုန်စည်ပြပွဲ ဖြစ်မြောက်ရေး အကောင်အထည် ဖော်ရာတွင် တရုတ်အစိုးရ၏ တရားမျှတမှု မရှိသော လုပ်ရပ်များကို ဖော်ထုတ်ရန် ကြိုးပမ်းနေခဲ့သူ ဖြစ်သည်။

ရှန်ဟိုင်း ကုန်စည်ပြပွဲသည် တရုတ်ပြည်နှင့် တရုတ်လူမျိုးတို့၏ အခန်းကဏ္ဍနှင့် သြဇာအာဏာ မြှင့်တင်ရေးအတွက် အခွင့်အလမ်းတစ်ခု ဖြစ်ကြောင်း ၎င်းကဆိုသည်။

BBC သတင်းကိုဘာသာပြန်ဆိုသည်။

{Yangon Chronicle 2010:1341} တရုတ်၏ မဟာမိတ်များ ရှန်ဟိုင်း Expo တွင် ပုံရိပ်ကောင်းရေး ပြင်ဆင်

Posted by Transparency Myanmar 2010

comments (0)

Gulf News, Reuters, 2^nd May 2010

မြောက်ကိုရီးယား၊ ဆူဒန်၊ အီရန်၊ မြန်မာနှင့် ဇင်ဘာဘွေ တို့သည် သာမန် ပုံမှန် နိုင်ငံများ မဟုတ်ဘဲ စီးပွားရေး အောင်မြင်မှုနှင့် သက်ဆိုင်နေသော သို့မဟုတ် ကမ္ဘာ့စင်မြင့်ထက် အထူးသဖြင့် အနောက်နိုင်ငံများက အာရုံစိုက်နေသော နိုင်ငံများ ဖြစ်သည်။

သို့ရာတွင် ၎င်းတို့ အားလုံးသည် တရုတ်နိုင်ငံနှင့် ရင်းနှီးသော ဆက်ဆံရေး ရှိနေကြပြီး တရုတ်နိုင်ငံ၏ စီးပွားရေး ဗဟိုချက်တွင် လာမည့် ခြောက်လအထိ ကျင်းပမည့် ကုန်ကျစရိတ် ကြီးမားလှသော ဖွင့်ကာစ Shanghai Expo ပြပွဲတွင် ကောင်းမွန်စွာ ပြသနိုင်ရန် အားထုတ် ကြိုးပမ်းလျက် ရှိသည်။

အမေရိကန် သမ္မတဟောင်း ဂျော့ဘွတ်ရ်ှက မိစ္ဆာနိုင်ငံများဟု သတ်မှတ်ထားသည့် မြောက်ကိုရီးယားနှင့် အီရန်တို့သည် ယခု ပြပွဲတွင် ပြခန်းများ ကပ်လျက် တည်ဆောက်ထားသည်။ ၎င်း၏ နူကလီယာ လက်နက် အစီအစဉ်ကြောင့် တရုတ်နှင့် ဆက်ဆံရေးတွင် အပယ်ခံ မြောက်ကိုရီးယားသည် ၎င်းအပေါ် ဒုက္ခရောက်စေသော လျှပ်စစ်ဓာတ်အား ပြတ်တောက်မှုနှင့် စားနပ်ရိက္ခာ မဖူလုံမှုများကို မသိကျိုးကျွံပြုကာ "ပြည်သူများအတွက် နိဗ္ဗာန်ဘုံ" ဟူသော ဆောင်ပုဒ်ကို နဖူးစည်းတပ်ထားသည်။

တရုတ်နိုင်ငံ၏ ဘဏ္ဍာရေး အချက်အခြာဖြစ်ပြီး လူနေ အထူထပ်ဆုံး၊ အချမ်းသာဆုံး မြို့တော်တွင် ပြုလုပ်သည့် ယခု Shanghai Expo သို့ တက်ရောက်ခြင်းသည် မိမိတို့ နိုင်ငံအတွက် ပထမဆုံးအကြိမ် ဖြစ်ကြောင်း မြောက်ကိုရီးယား အရာရှိ လီဆွန်အမ်က ဆင်ဟွာ သတင်းဌာနသို့ မတ်လတွင် ပြောကြားခဲ့သည်။

ပြခန်းမှာ ဥယျာဉ်မြို့တော် ပြုံးယမ်းကို ပြသမည် ဖြစ်ပြီး အင်အားကြီးမား၊ ချမ်းသာသော နိုင်ငံကို တည်ဆောက်နေသော မြောက်ကိုရီးယား ပြည်သူများ၏ စိတ်ဓာတ်၊ စရိုက်လက္ခဏာကို ထင်ဟပ်ထားသည်ဟု ၎င်းက ဆိုသည်။

လက်ရှိအနေအထား

မြောက်ကိုရီးယား၏ နံပါတ် နှစ် ခေါင်းဆောင် ကင်ယူနန်ကိုလည်း ပြပွဲ၏ ဖွင့်ပွဲ အခမ်းအနားတွင် တက်ရောက်သူ အဖြစ် မြင်တွေ့ရသည်။

တင်းကျပ်သော နိုင်ငံတကာ စီးပွားရေး ပိတ်ဆို့မှုများကြောင့် စီးပွားရေး အခြေအနေ မကောင်းသော မြောက်ကိုရီးယား အနေဖြင့် ကြီးမားသော နိုင်ငံတော် အလံဖြင့် အပြင်ဖက်တွင် အလှဆင်ထားပြီး အတွင်းဘက်တွင် ပြုံးယမ်း Juche မျှော်စင်ပုံစံငယ် တည်ဆောက်ထားသည့် ပြခန်း အဆောက်အဦးအတွက် မည်သို့ မည်ပုံ ပေးချေကြောင်း ရှင်းလင်းစွာ မသိရပါ။

အတွင်းတွင် ပြသထားသော ဓာတ်ပုံများနှင့် မှတ်တမ်း ရုပ်ရှင်များတွင် ရေခဲပြင် စကိတ်စီးနေသော ပြည်သူများကို တွေ့မြင်ရလိမ့်မည် ဖြစ်သည်။ ရှန်ဟိုင်းရှိ မြောက်ကိုရီးယား စားသောက်ဆိုင်အတွက် ကြော်ငြာကိုလည်း တွေ့မြင်ရမည် ဖြစ်ပြီး "Boys wipe out Bandits" အမည်ရ အင်္ဂလိပ် ဘာသာ ကလေး စာအုပ်များ၊ DVD များ၊ တံဆိပ်ခေါင်းများ အပါအဝင် အမှတ်တရ ပစ္စည်းများ ရောင်းချသော ဆိုင်လည်း ပါဝင်သည်။

"မြောက်ကိုရီးယား ပြခန်းကို ဝင်လိုက်တာနဲ့ အတွင်းမှာ သက်သောင့်သက်သာ မရှိသလို ခံစားရတယ်။ ဘာကြောင့်မှန်းတော့ မပြောတတ်ဘူး" ဟု ရှန်ဟိုင်း၏ အိမ်နီးချင်း Zhejiang ပြည်နယ်မှ ဧည့်သည် Liu Hongqiao က ပြောသည်။

"ပြခန်းထဲက ဝန်ထမ်းတွေက ကင်အီဆွန်း တံဆိပ်ပါတဲ့ ယူနီဖောင်းတွေ ဝတ်ထားလို့လား မသိဘူး။ ဒါမှမဟုတ် သူတို့ရဲ့ နိုင်ငံရေး စနစ်ကြောင့်လား မသိဘူး" ဟု သူမက ဆိုသည်။

ရှန်ဟိုင်းပြပွဲတွင် လူအများ အမုန်းပွားနေသော နိုင်ငံများသာ လာရောက် ပြသနေသည်ကို တွေ့ရသည်။

တရုတ်နိုင်ငံ၏ ပြည်နယ် အားလုံးနှင့် ဒေသများသည် ပြခန်းများ လာရောက် ပြသလျက် ရှိရာ Xinjiang ပြည်နယ်သည်လည်း အပါအဝင် ဖြစ်သည်။ အဆိုပါ ပြည်နယ်တွင် အပြောင်းအလဲ ပြုလုပ်လိုသော Uighur လူမျိုးများ နေထိုင်ပြီး ပြီးခဲ့သည့်နှစ်က တိုင်းရင်းသားများကြား ထိတ်လန့်ဖွယ် ဖြစ်ရပ်များ ဖြစ်ခဲ့ရပြီး လူပေါင်းနှစ်ရာခန့် သေဆုံးခဲ့ရာ Beijing က Al Qaida များ၏ ဩဇာ လွှမ်းမိုးမှု ရှိသော ခွဲထွက်ရေး သမားများ အဖြစ် စွပ်စွဲခဲ့သည်။

၎င်းတို့ ပြခန်း၏ ဆောင်ပုဒ်မှာ နေချင်စဖွယ် ကောင်းသော နေရာ (Xinjiang is a nice place) ဟူ၍ ဖြစ်ပြီး ပြသမှုများတွင် Xinjiang ဒေသမှ လူများ၏ ရက်ရောမှု၊ ဖော်ရွေမှုများကို ပြသထားသည်။

တိုင်းပြည်၏ အခြား မငြိမ်သက်သော အပိုင်း ဖြစ်သည့် တိဗက်၏ ပြခန်းလည်း ပါဝင်သည်။ တိဗက်ပြခန်းတွင် တစ်မျိုး တစ်ဘာသာ နှစ်လိုဖွယ်ကောင်းသော တိဗက် ယဉ်ကျေးမှုကို ခင်းကျင်းထားပြီး တိဗက် ပြည်သူများ၏ မျိုးချစ်စိတ်၊ တိုးတက်မှုအတွက် ခိုင်မာသော ဆုံးဖြတ်ချက်၊ ပြည့်စုံသော ဘဝအတွက် ရည်မှန်းချက်များ၊ ငြိမ်းချမ်းရေးအတွက် ညီညွတ်မှုများကို ဖော်ပြထားကြောင်း တရားဝင် Expo website (www.expo2010.com) တွင် တွေ့ရသည်။

Beijing က ခွဲထွက်ရေးသမား အဖြစ် စွပ်စွဲထားသော ဘာသာရေး ခေါင်းဆောင် Dalai Lama အကြောင်း ဖော်ပြမှုကိုမူ မမျှော်လင့်နိုင်ပေ။

လန်ဒန် အခြေစိုက် Free Tibet Campaign က နိုင်ငံခြားသား ဧည့်သည်များကို တိဗက်ပြခန်းအား သပိတ်မှောက်ရန် တောင်းဆိုခဲ့သည်။

"Shanghai Expo မှာ ရှိတဲ့ တိဗက်ပြခန်းကို နိုင်ငံခြားသား ဧည့်သည်များ လာခြင်းဟာ တိဗက်အပေါ် တရုတ်ရဲ့ မတရားအုပ်ချုပ်ထားမှု၊ နှိပ်စက်မှု၊ မျိုးချစ်စိတ်ကို ပြန်လည် ပညာပေးမှု စတဲ့ မူဝါဒကို ထောက်ခံပေးသလို ဖြစ်နေမှာပါ" ဟု Free Tibet မှ ဒါရိုက်တာ Stephanie Brigden က ပြောသည်။

တရုတ်က ၎င်းပိုင်သည်ဟု ပြောနေသော်လည်း ကိုယ်ပိုင် အုပ်ချုပ်နေသော တိုင်ဝမ်၏ ပြခန်းလည်း ပါဝင်ရာ ဝေဖန်မှုများ မတွေ့ရပေ။ တိုင်ဝမ် ပြခန်းသည် ၎င်း၏ လွတ်လပ်ရေးအား ထောက်ခံသူ အလားအလာ ကောင်းသည့် တရုတ်ပြည်နယ်များ၏ ပြခန်းဘေးတွင် ရှိသည်။

တရုတ်နှင့် တရားဝင် ဆက်ဆံမှု မရှိဘဲ တိုင်ဝမ်နှင့် တရားဝင် သံတမန် ဆက်ဆံရေး ထူထောင်ထားသော ပနားမား၊ ဟွန်ဒူးရပ်၊ ဟေတီနှင့် တူဗားလူတို့ကလည်း Expo တွင် ပါဝင် ပြသကြသည်။

{Yangon Chronicle 2010:1340} မြန်မာအစိုးရ အဖွဲ့ဝင်များ အရပ်သားအဖြစ်ပြောင်း

Posted by Transparency Myanmar 2010

comments (0)

The New York Times, By Seth Mydans, 1^st May 2010

မြန်မာ စစ်အစိုးရ အတွင်းမှ စစ်ဗိုလ်ချုပ်များက ယူနီဖောင်းချွတ်ကာ ၎င်းတို့ဘာသာ အရပ်သားအဖြစ် အသွင်ပြောင်းလဲခဲ့ပြီး အရပ်ဖက် အုပ်ချုပ်ရေးကို ကျင့်သုံးရန် ဆုံးဖြတ်ခဲ့ကြခြင်းမှာ သိသာ ထင်ရှားသည့် ဆောင်ရွက်မှု တစ်ခုဖြစ်သည်။

မြန်မာစစ်ဖက် အစိုးရအတွင်းမှ အဖွဲ့ဝင် တော်တော်များများသည် ယခုနှစ် ကျင်းပရန် မျှော်လင့်ထားသော ရွေးကောက်ပွဲများအတွက် သိသိသာသာ ကြိုတင်ပြင်ဆင်သည့် အနေနှင့် စစ်ဖက်ရာထူးများ စွန့်လွှတ်ကာ မြန်ဆန်သည့် ပြောင်းလဲမှု တစ်ခုကို ယခင် အပတ်က ပြုလုပ်ခဲ့ကြသည်။

၁၉၆၂ ခုနှစ်ကပင် မြန်မာနိုင်ငံကို အုပ်ချုပ်ခဲ့သည့် စစ်ဖက်အစိုးရသည် ၂ဝဝ၈ ခုနှစ်က လက်ခံ ဆုံးဖြတ်ခဲ့သည့် အခြေခံ ဥပဒေသစ်အရ အမတ် ၄၄ဝ ပါ လွှတ်တော် ပါဝင်သည့် အရပ်ဖက်အစိုးရနှင့် ၎င်းတို့ဘာသာ အစားထိုးရန် ပြင်ဆင်နေကြခြင်း ဖြစ်သည်။ အခြေခံဥပဒေ အသစ်အရ တပ်မတော် အရာရှိများအတွက် လွှတ်တော်နေရာ ၂၅ ရာခိုင်နှုန်းကို သီးသန့်ဖယ်ထားပြီး အဆိုပါ အရေအတွက်မှာ အရပ်ဝတ်လဲသည့် တပ်မတော် အရာရှိဟောင်းများကြောင့် ပိုမို တိုးပွားလာဖွယ် ရှိသည်။

မြန်မာအတိုက်အခံပါတီ NLD အပါအဝင် နိုင်ငံခြားမှ လေ့လာသူများစွာက ယခု ရွေးကောက်ပွဲများသည် တပ်မတော်က အာဏာ ဆက်ယူရေးအတွက် အရပ်သား မျက်နှာဖုံး ပြောင်းတပ်ရန် ရည်ရွယ်သော လှည့်ဖြားမှုတစ်ခုသာ ဖြစ်သည်ဟု သတ်မှတ်ပြောဆိုခဲ့သည်။

တရားဝင် သတင်းစာများ၏ အဆိုအရ ဝန်ကြီးချုပ် ဗိုလ်ချုပ်ကြီး သိန်းစိန်နှင့် ဝန်ကြီး ၂၂ ဦး သည် တနင်္လာနေ့က စစ်ယူနီဖောင်းကို စွန့်လွှတ်ခဲ့ကြောင်း သိရှိရပြီး ဤကိစ္စသည် ကြိုတင် မျှော်လင့်ထားသော ရွေးကောက်ပွဲ မတိုင်မီ ဆောင်ရွက်မှု တစ်ခုသာ ဖြစ်သည်။ ၎င်းတို့သည် အစိုးရ အဖွဲ့ရာထူးများကို ဆက်ယူထားကြပြီး နောင်တစ်ချိန်တွင် ထွက်ပေါ်လာမည့် အရပ်သား အစိုးရ၏ ရှေ့ပြေးနမူနာ ဖြစ်ရန် အလားအလာ များလျက် ရှိသည်။

၎င်းတို့နှင့်အတူ ဆက်လက်၍ စစ်ရာထူး စွန့်ကြဦးမည့် အရာရှိများသည် လွှတ်တော်တွင်း စစ်တပ်၏ ကြီးမားသော ကဏ္ဍကို ခိုင်မာစေလိမ့်မည် ဖြစ်သည်။ ထို့အပြင် နိုင်ငံ့ခေါင်းဆောင်သည် မည်သည့် ကိစ္စတွင်မဆို လွတ်လပ်စွာ ဆောင်ရွက်နိုင်မည် မဟုတ်ဟု နိုင်ငံခြားမှ လေ့လာသူများက မျှော်လင့်ထားကြသည်။ အခြေခံ ဥပဒေ အသစ်အရ တိုင်းပြည်၏ အာဏာ အရှိဆုံး နေရာကို ဆက်ယူထားမည့် တပ်မတော် အကြီးအကဲနှင့် စစ်ဖက် အရာရှိများက အရပ်ဖက် အစိုးရခေါင်းဆောင် အပေါ် လွှမ်းမိုးထားမည် ဖြစ်သည်။

ဝန်ကြီးချုပ် ဗိုလ်ချုပ်ကြီး သိန်းစိန်မှာ ယူနီဖောင်း ချွတ်ပြီးနောက် ယခု အရပ်သား ဖြစ်သွား၍ နိုင်ငံရေး ပါတီသစ်တစ်ခု ဖွဲ့စည်းရန် ရှိကြောင်း ယခင် အပတ်ထုတ် အစိုးရ သတင်းစာများတွင် ဖော်ပြခဲ့သည်။

အတိုက်အခံဘက်တွင်မူ ဒေါ်အောင်ဆန်းစုကြည် ခေါင်းဆောင်သော NLD ပါတီက ရွေးကောက်ပွဲ ဝင်မည် မဟုတ်ကြောင်း ကြေညာခဲ့ပြီး မျှတမှု မရှိ၊ ဒီမိုကရေစီ မရှိဟု ပြစ်တင်ရှုတ်ချခဲ့သည်။

NLD ပါတီသည် ၁၉၉ဝ ရွေးကောက်ပွဲတွင် အပြတ်အသတ် အနိုင်ရရှိခဲ့သော်လည်း အာဏာ မစွန့်လိုသည့် စစ်ဖက်အစိုးရ၏ ပိတ်ပင်တားဆီးခြင်းကို ခံခဲ့ရသည်။ ထိုအချိန်မှစ၍ ပါတီဝင်များစွာတို့မှာ ဖမ်းဆီးခြင်း ခံခဲ့ကြရပြီး ဒေါ်အောင်ဆန်းစုကြည်သည်လည်း အနှစ်၂ဝ နီးပါး နေအိမ် အကျယ်ချုပ် ထိန်းသိမ်းခြင်း ခံခဲ့ရသည်။ ပြစ်ဒဏ်ကျ မှတ်တမ်း ရှိသူများ ရွေးကောက်ပွဲ မဝင်ရန် ယခု ထုတ်ပြန်သော ဥပဒေသစ်က တားဆီး ပိတ်ပင်ထားသည်။

မြန်မာနိုင်ငံ၏ လှေကားထစ် တစ်ဝက်ရောက် ဒီမိုကရေစီသည် အနည်းဆုံး ပြည်တွင်း အဆင့်တွင် ကြီးမားသော တာဝန်ကို ကြာရှည် နှေးကွေးသော လုပ်ငန်းစဉ်အဖြစ် စတင်နိုင်ဖွယ် ရှိနေသည်။ မည်သည့် ကိစ္စတွင်မဆို အစိုးရအဖွဲ့အစည်းအတွင်း ဗျူရိုကရေစီ အုပ်ချုပ်မှု စနစ်အတွင်း စီးပွားရေး ကဏ္ဍအတွင်း စစ်တပ်က စနစ်တကျ စိမ့်ဝင် ပျံ့နှံ့နေမှုကြောင့် နယ်ပယ်အားလုံးတွင် ကြီးမားစွာ လွှမ်းမိုးထားမှုကို ဆက်လက် ရရှိနိုင်မည် ဖြစ်သောကြောင့် အရပ်ဖက်အစိုးရသည် မည်သည့် ပုံစံဖြစ်နေစေကာမူ အကြောင်း ထူးလိမ့်မည် မဟုတ်ပါ။

အရွေးကောက်ခံ အာဏာရ အစိုးရအဖြစ် အနည်းဆုံး ပုံသဏ္ဍာန်မျှ တရားဝင်ရေးသည် စစ်အစိုးရအတွက် ရေရှည်စီမံကိန်းတစ်ခု ဖြစ်သည်။ ၎င်းတို့၏ ပန်းတိုင်မှာ ၎င်းတို့ ပြောနေသော စည်းကမ်း ပြည့်ဝသည့် ဒီမိုကရေစီ ဖြစ်ပြီး ပိုမို ပွင့်လင်းသော အနောက်ပုံစံ ဒီမိုကရေစီမှ လွတ်လပ်ခွင့်များကို ရှောင်ရှားလိုခြင်း ဖြစ်ပုံရသည်။

တစ်ပါတီ စနစ် ပုံစံ နီးပါးဖြင့် အုပ်ချုပ်နေသော စင်ကာပူနှင့် ကမ္ဘောဒီးယားတို့၏ စည်းမျဉ်းခံ ဒီမိုကရေစီလွှတ်တော်စနစ်များ အပါအဝင် မြန်မာ၏ အိမ်နီးချင်း အရှေ့တောင် အာရှ နိုင်ငံများမှ အစိုးရများသည်လည်း ဒီမိုကရေစီ ပုံစံနှင့် ဒီမိုကရေစီ မဟုတ်ပုံစံများ အကြား ကျင့်သုံး အုပ်ချုပ်နေကြသည်။

၁၉၉၈ အင်ဒိုနီးရှားတွင် သမ္မတ ဆူဟာတိုကို ဖြုတ်ချပြီး နောက်ပိုင်းမှ စ၍ အရှေ့တောင် အာရှ နိုင်ငံများတွင် စစ်အစိုးရများ မရှိတော့ဘဲ ၎င်းတို့သည် အရပ်ဖက် ပုံစံချထားသော်လည်း မြန်မာနိုင်ငံမှ ပုံစံနှင့် တူညီနေဆဲ ဖြစ်သည်ဟု အကဲခတ်များက ပြောကြားသည်။

{Yangon Chronicle 2010:1339} ရွေးကောက်ပွဲ အဖျက်သမားများ အန္တရာယ်သတိပြုရမည်ဟု မြန်မာစစ်အစိုးရခေါင်းဆောင်ပြောဆို

Posted by Transparency Myanmar 2010

comments (0)

ယခုနှစ်အတွင်း ကျင်းပရန်ရှိသည့် ရွေကောက်ပွဲ ပျက်ပြားစေရန် ရည်ရွယ်ချက်ဖြင့် အဖျက်အမှောင့် လုပ်ငန်းများနှင့် အဖျက်သမားများကို အထူးသတိ ထားရမည်ဖြစ်ကြောင်း မြန်မာစစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေ၏ ပြောကြားချက်ကို ကိုးကား၍ နိုင်ငံပိုင်မီဒီယာက ရေးသားဖော်ပြသည်။

မေလ ၁ ရက် (အလုပ်သမားနေ့) တွင် ထုတ်ပြန်လိုက်သော ဗိုလ်ချုပ်မှူးကြီးသန်းရွှေ၏ သဝဏ်လွှာတွင် ရွေးကောက်ပွဲ ပျက်ပြားစေရန်နှင့် မူဝါဒလမ်းစဉ် ၇ ရပ် အကောင်အထည်ဖော်မှုကို အဟန့်အတား ဖြစ်စေရန် ပြည်တွင်းပြည်ပ အဖျက်သမားများ လှုပ်ရှားလာကြသည်ကို တွေ့ရကြောင်းဖော်ပြပါရှိသည်။

မြန်မာနိုင်ငံတွင် ယခုနှစ်များအတွက် ဗုံးခွဲတိုက်ခိုက်မှုများ ဖြစ်ပွားခဲ့ပြီး စစ်အစိုးရက အဆိုပါ တိုက်ခိုက်မှုများနှင့် ပတ်သက်၍ ပြည်ပြေးလက်နက်ကိုင် အုပ်စုများ သို့မဟုတ် ပြည်ပြေး တိုင်းရင်းသား အုပ်စုများအပေါ် ပြစ်တင်ဝေဖန်လျက် ရှိသည်။

ယခုနှစ် မြန်မာနှစ်သစ်ကူး ကာလတွင်လည်း ရန်ကုန်မြို့၌ ဗုံးဖောက်ခွဲ တိုက်ခိုက်မှုများ ဖြစ်ပေါ်ခဲ့သည်။ " သမိုင်းဖြစ်စဉ် အဆင့်ဆင့်တွင် အစဉ်အလာကောင်းများဖြင့် အကြိမ်ကြိမ် မှတ်ကျောက်တင် ခံနိုင်ခဲ့သည့် မြန်မာအလုပ်သမားကြီးများ၏ သူ့ကျွန်မခံစိတ်၊ နယ်ချဲ့ဆန့်ကျင် ရေး စိတ်ဓာတ်၊ အမျိုးသားရေးစိတ်ဓာတ်နှင့် ပြည်ထောင်စုစိတ်ဓာတ် တို့ကို ပိုမိုတိုးပွား ခိုင်မာစေလျက် မသမာသူ အဖျက်သမားများနှင့် တိုင်းတစ်ပါး၏ စွက်ဖက်နှောင့်ယှက်မှု၊ သပ်လျှိုသွေးခွဲမှုတို့ကို တွန်းလှန် တိုက်ဖျက်သွားကြရန် နှင့် နိုင်ငံတော် ရှေ့ဆက်သွားမည့် မူဝါဒလမ်းစဉ် ၇ ရပ် ချောမွေ့စွာ အကောင်အထည် ဖော်နိုင်ရန် တိုင်းရင်းသား ပြည်သူတစ်ရပ်လုံးနှင့်အတူ လက်တွဲ ကြိုးပမ်းသွားကြရန် တိုက်တွန်းပါသည်" ဟု ဗိုလ်ချုပ်မှူးကြီးသန်းရွှေ၏ သဝဏ်လွှာက ဆိုသည်။

မြန်မာနိုင်ငံရှိ ရေအားလျှပ်စစ် စီမံကိန်း နှစ်ခုတွင် ဗုံးများ ဆက်တိုက်ပေါက်ကွဲမှု ဖြစ်ပွားခဲ့သည်။ ဧပြီလ ၁၅ ရက်နေ့တွင်လည်း ရန်ကုန်ရှိ ရေကစားမဏ္ဍပ်တစ်ခုတွင် ဗုံးသုံးလုံး ပေါက်ကွဲခဲ့ရာ လူပေါင်း ၁၀ ဦးသေဆုံးပြီး အနည်းဆုံး ၁၇၀ ခန့် ဒဏ်ရာရရှိခဲ့ကြသည်။

မြန်မာနိုင်ငံတွင် ရွေးကောက်ပွဲ ကျင်းပရန် စိုင်းပြင်းနေချိန်တွင် ယင်းသို့ ပေါက်ကွဲမှုများ ဖြစ်ပွားခဲ့ခြင်း ဖြစ်သည်။ စစ်အစိုးရက ကျင်းပပေးမည့် ရွေးကောက်ပွဲဥပဒေမှာ အတိုက်အခံ ခေါင်းဆောင် ဒေါ်အောင်ဆန်းစုကြည် အနေဖြင့် ဝင်ရောက်ယှဉ်ပြိုင်ခွင့် မရရှိအောင် တားမြစ် ထားသောကြောင့် များစွာ ပြစ်တင်ဝေဖန်ခံနေရသည်။

Starits Times သတင်းစာမှ သတင်းကိုဘာသာပြန်ဆိုသည်။

Transparency Myanmar

transparency.myanmar@gmail.com

Welcome

Blog Archive

Labels

{Yangon Chronicle 2010:1349} မာရှယ်လော ကြေညာရန် အစီအစဉ် မရှိဟု ထိုင်းဝန်ကြီးချုပ် ပြောကြား

{Yangon Chronicle 2010:1348} နာဂစ် နယ်မြေမှ အလုပ်အကိုင် အခွင့်အလမ်း

{Yangon Chronicle 2010:1347} မြန်မာနိုင်ငံ အပေါ် သံသယသစ်များ ထွက်လာ

{Yangon Chronicle 2010:1346} အသေခံမလား၊ ရှင်သန်မလား NLD

{Yangon Chronicle 2010:1345} မြန်မာနိုင်ငံ အပေါ် ဥရောပ သမဂ္ဂ၏ မူဝါဒ

{Yangon Chronicle 2010:1344} Chevron အား မြန်မာနိုင်ငံ၌ အခွန်ကိစ္စ ဖွင့်ထုတ်ရန် ဖိအားပေး

{Yangon Chronicle 2010:1343} နယူးယောက်သို့ အလည်အပတ် မသွားမီ အီရန်သမ္မတက ဝါရှင်တန်အစိုးရကို ပြစ်တင်ရှုတ်ချ

{Yangon Chronicle 2010:1342} ၂၀၁၀ ကမ္ဘာ့ကုန်စည်ပြပွဲ ရှန်ဟိုင်းတွင် ကြီးကျယ်ခမ်းနားစွာဖွင့်လှစ်

{Yangon Chronicle 2010:1341} တရုတ်၏ မဟာမိတ်များ ရှန်ဟိုင်း Expo တွင် ပုံရိပ်ကောင်းရေး ပြင်ဆင်

{Yangon Chronicle 2010:1340} မြန်မာအစိုးရ အဖွဲ့ဝင်များ အရပ်သားအဖြစ်ပြောင်း

{Yangon Chronicle 2010:1339} ရွေးကောက်ပွဲ အဖျက်သမားများ အန္တရာယ်သတိပြုရမည်ဟု မြန်မာစစ်အစိုးရခေါင်းဆောင်ပြောဆို

transparency.myanmar@gmail.com

Subscribe To

Welcome

Blog Archive

Labels