Transparency Myanmar

transparency.myanmar@gmail.com

thehindv.com, 18th May 2010

      နျူကလီးယားပါဝါ၊ နေစွမ်းအင်၊ လေစွမ်းအင် စသော သမားရိုးကျ မဟုတ်သည့် စွမ်းအင်များနှင့် အခြား မစမ်းသပ်ရသေးသော စွမ်းအင် ရင်းမြစ်များသည် ရေရှည်တွင် အိန္ဒိယစွမ်းအင် လုံခြုံရေး၏ မရှိမဖြစ် အစိတ်အပိုင်းများ ဖြစ်လာနိုင်သော်လည်း လောလောဆယ်နှင့် ရေတိုကာလတွင်မူ ရေနံနှင့် ဓာတ်ငွေ့ အပေါ် မှီခိုရသည့် အနေအထားမှ မလွတ်မြောက်နိုငသေးပါ။ ကမ်းခြေ ရေနံ တွေ့ရှိမှု အချို့နှင့် ကရစ်ရှနား ဂိုဒါဗာရီ ချိုင့်ဝှမ်းမှ သဘာဝဓာတ်ငွေ့ အကြီးအကျယ် ထွက်ရှိမည့် လက္ခဏာများ ရှိနေသော်လည်း နိုင်ငံ၏ ကြီးမားလှသော ရေနံဓာတ်ငွေ့ လိုအပ်ချက် ပမာဏအတွက် ပင်လယ်ရပ်ခြား ရေနံလုပ်ငန်းများကို မှီခိုနေရဆဲ ဖြစ်သည်။
     ပြည်ပရှိ ရေနံနှင့် ဓာတ်ငွေ့ ရင်းမြစ်များ ရှာဖွေ စုဆောင်းရေးသည် အနာဂတ် မျှော်မှန်းချက် တစ်ခု ဖြစ်သော်လည်း ထိုကဲ့သို့ အိန္ဒိယ၏ ရည်ရွယ် ကြိုးပမ်းမှုများမှာ ကမ္ဘာ့ကုမ္ပဏီကြီးများ၊ ရည်ရွယ်ချက်တူ အစိုးရများ၏ ပြင်းထန်သော ယှဉ်ပြိုင်မှုနှင့် ကံမကောင်းမှုတို့ကြောင့် အခက်အခဲများနှင့် ရင်ဆိုင်ခဲ့ရသည်။ အိန္ဒိယသည် ရုရှားနှင့် ကောင်းမွန်သော နိုင်ငံရေး ဆက်ဆံရေး ရှိနေသော်လည်း ရုရှားတွင် ရေနံနှင့် ပတ်သက်သော အခွင့်အလမ်းကို ရရှိအောင် မစွမ်းဆောင်နိုင်ခဲ့ပါ။ အီရန်နိုင်ငံနှင့် စွမ်းအင် ဆက်ဆံရေးမှာလည်း နိုင်ငံတကာ အရေးယူ ပိတ်ဆို့မှုများ၏ ခြိမ်းခြောက်မှုနှင့် ရင်ဆိုင်နေရသောကြောင့် အန္တရာယ်များစွာ ရှိနေသည်။
     အင်ရိုလာ၊ နိုင်ဂျီးရီးယားနှင့် အခြား ရေနံ ကြွယ်ဝသော အာဖရိကနိုင်ငံများတွင်လည်း ကြီးမားသော ငွေရင်းပမာဏနှင့် ပြုလွယ် ပြင်လွယ် စီးပွားရေး ကျင့်ထုံးကို သုံးစွဲနေသော တရုတ်ကုမ္ပဏီများကို အိန္ဒိယနိုင်ငံက ယှဉ်ပြိုင် ကမ်းလှမ်းနိုင်ရန် မလွယ်ကူလှပါ။ ထို့အပြင် ဗဟို အာရှဒေသတွင် ကြီးမားသော စွမ်းအင် သဘောတူညီချက် ရရှိရေးမှာလည်း ခက်ခဲနေဆဲပင် ဖြစ်သည်။ ၂၀၀၄ - ၂၀၀၅ အတွင်း အာရှတိုက် တစ်ခုလုံး စွမ်းအင်ဆိုင်ရာ ပူးပေါင်း ဆောင်ရွက်ရေး ဖွံ့ဖြိုးရန် ကနဦး စတင် ကြိုးပမ်းခဲ့မှုများလည်း နောက်ဆက်တွဲ တိုးတက်မှု မရှိခဲ့ပါ။ အလားတူပင် တာ့ခ်မင်နစ္စတန် နှင့် အီရန်မှသည် မြန်မာနှင့် တရုတ်အထိ ရေနံဓာတ်ငွေ့ ပိုက်လိုင်းများ သွယ်တန်း ဆက်သွယ်ရေးကို ဦးတည် ဆွေးနွေးနေကြသော်လည်း ယခုအချိန်အထိ မည်သည့် ဓာတ်ငွေ့မျှ အိန္ဒိယနယ်စပ်ကို ဖြတ်ကျော် ရောက်ရှိလာခြင်း မရှိသေးပါ။

      အထက်ပါ ဖြစ်ရပ်များကို တွန်းလှန်လိုက်ပုံရသော ဗင်နီဇွဲလား ကာရာဘိုဘို အကြီးစား ရေနံစီမံကိန်းတွင် အိန္ဒိယ ကုမ္ပဏီများ ပါဝင် ဆောင်ရွက်သည့် သတင်းမှာမူ အမှန်တကယ် သတင်းကောင်းပင် ဖြစ်သည်။ ဗင်နီဇွဲလား သမ္မတ ဟူရိုးချာဗက်စ်သည် ၎င်း၏ တိုင်းပြည် စွမ်းအင်ကဏ္ဍတွင် အမေရိကန် အပေါ် မှီခိုမှုကို လျော့ချရေးနှင့် တောင်အမေရိကနိုင်ငံ အချင်းချင်း ပူးပေါင်း ဆောင်ရွက်ရေး နည်းလမ်းအဖြစ် အိန္ဒိယ၏ ကြီးမားစွာ ပါဝင် ဆောင်ရွက်မှုကို အချိန်ကြာမြင့်စွာကပင် လိုလားခဲ့သည်။ အိန္ဒိယသို့ တစ်နှစ်လျှင် ရေနံစိမ်း တန်ချိန် ၃.၆ သန်း ပေးပို့ရန် မျှော်လင့်ထားသည့် အဆိုပါ စီမံကိန်းတွင် ၁၈% ရှယ်ယာ ပါဝင်မှု အဖြစ် ဒေါ်လာ ၂ ဘီလျံ ရင်းနှီးမြှုပ်နှံရန် ONGC Videsh Ltd, IOC နှင့် Oil India Limited တို့က ၎င်းတို့က ကတိပြုခဲ့သည်။

မလေးရှားနှင့် စပိန် ရေနံကုမ္ပဏီများလည်း ပါဝင် မြှုပ်နှံကြသလို ဗင်နိုဇွဲလားနိုင်ငံပိုင် ရေနံကုမ္ပဏီကလည်း ၆၀% ရှယ်ယာ ပိုင်ဆိုင်ထားသည်။ အိမ်နှင့် နီးသည်ကို သဘောကျသည့် အိန္ဒိယ ကုမ္ပဏီများသည် ရေနံမြေ ပိုမိုကျယ်ပြန့်သည့် အီရန်နိုင်ငံတွင် ထိထိရောက်ရောက် ပါဝင် လုပ်ဆောင်ရန် လိုလားကြသည်။ နယူးဒေလီကလည်း ၎င်းတို့ကို အထောက်အပံ့ပေးရန် ပြင်ဆင်နေသည်။ ရင်းနှီးမတည်ငွေ ကြီးမားစွာ လိုအပ်ခြင်း အပါအဝင် မမျှော်မှန်းနိုင်သော အပိုကုန်ကျစရိတ်နှင့် နိုင်ငံရေး အခြေအနေများကြောင့် စွမ်းအင်ကဏ္ဍတွင် ပါဝင် လုပ်ကိုင်နေကြသည့် ပင်လယ်ရပ်ခြား ကုမ္ပဏီများသည် စွန့်စားမှုမှ ကင်းလွတ်နိုင်မည် မဟုတ်ပါ။ မန်မိုဟန်ဆင်း အစိုးရသည် အမေရိကန် ပြည်ထောင်စုနှင့် နျူကလီယာ ပူးပေါင်း ဆောင်ရွက်ရေးတွင် စွန့်စားမှု ပြုလုပ်ရန် ဆန္ဒရှိနေသော်လည်း နှစ်နိုင်ငံ သဘောတူညီချက်ကို မည်သို့ ဖော်ပြမည် ဆိုသည့် အပေါ် ဝါရှင်တန်နှင့် သိသိသာသာ သဘောကွဲလွဲနေဆဲ ဖြစ်သည်။ တိုင်းပြည်အတွင်း "အပူတပြင်း စွမ်းအင် လိုအပ်ချက်" ရှိနေမှုကြောင့် "ရေနံဓာတ်ငွေ့မျှော် ဆက်ဆံရေး နည်းပရိယာယ်" တွင် ခပ်ပြောင်ပြောင် ရဲရဲတင်းတင်း ဆောင်ရွက်ရမည့် အချက်မှာမူ အလွန် သေချာနေသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News, 17th May 2010

      ထိုင်းနိုင်ငံသည် ချောက်ကမ်းပါးစွန်းမှ နောက်ပြန်ဆုတ်ရမည် ဖြစ်ပြီး ဆန္ဒပြသူများနှင့် စစ်တပ် အကြား ပဋိပက္ခကို အဆုံးသတ်ကာ ဆွေးနွေးပွဲများ စတင်ကြရန် ကုလသမဂ္ဂက ပြောကြားလိုက်သည်။

      ၃၇ ဦး သေဆုံးခဲ့သော ၅ ရက်ကြာ ရုန်းရင်းဆန်ခတ်မှုများ အပြီးတွင် ဘန်ကောက်မြို့တော်သည် အထိန်းအချုပ်မဲ့ အန္တရာယ် ကြီးမားမှုနှင့် ရင်ဆိုင်နေရသည်ဟု ကုလသမဂ္ဂ လူ့အခွင့်အရေး အကြီးအကဲ Navi Pillay က ပြောကြားခဲ့သည်။

      အစိုးရက ပယ်ချခဲ့သော အကျပ်အတည်း ပြီးဆုံးရေး၊ ကုလသမဂ္ဂ နောက်ခံပြု ဆွေးနွေးပွဲများ ကျင်းပရေးကို ဆန္ဒပြသူများက တောင်းဆိုခဲ့ပြီး နောက်တစ်ရက်တွင် သူမက အထက်ပါအတိုင်း ပြောကြားခဲ့ခြင်း ဖြစ်သည်။

      ဆန္ဒပြ ခေါင်းဆောင်နှင့် အစိုးရ ညှိနှိုင်းရေး အရာရှိတို့ ၅ မိနစ်ခန့် ဖုန်းဖြင့် ဆွေးနွေးခဲ့သော်လည်း ယာယီ ပြေငြိမ်းမှု မရရှိခဲ့ပါ။

      ဆွေးနွေးပွဲ မစတင်မီ ဆန္ဒပြသူများသည် ဘန်ကောက်မြို့လယ်မှ ယာယီစခန်းကို စွန့်ခွာရမည်ဟု အစိုးရ ဝန်ကြီးများက တောင်းဆိုထားသည်။

      ဆန္ဒပြသူများ ထွက်ခွာရန် ညနေ ၃ နာရီ နောက်ဆုံးအဖြစ် သတ်မှတ်ထားသော်လည်း "အနီရောင်ဇုန်" တွင် စခန်းချနေသော ဆန္ဒပြသူများ အနက် အနည်းငယ်ကသာ ၎င်းရာဇသံကို လိုက်နာခဲ့သည်ဟု သိရသည်။

      အစိုးရ တပ်ဖွဲ့များကို ခုခံနေသော ဆန္ဒပြသူများသည် တစုံတရာ စေ့စပ် ညှိနှိုင်းမှု မစတင်မီ ရှပ်နီစခန်းမှ အတားအဆီးများကို ဖယ်ရှားပေးရမည်ဟု အစိုးရက တောင်းဆိုထားသည်။

      ကြေညာချက်တွင် Ms Pillay က "ထိုင်းပြည်သူများရဲ့ အကျိုးအတွက် မာနနဲ့ နိုင်ငံရေး သိက္ခာကို ဘေးဖယ်ထားကြဖို့ ခေါင်းဆောင်များကို တိုက်တွန်းပါတယ်" ဟု ပြောကြား ခဲ့သည်။

      ထပ်မံ အသက်ဆုံးရှုံးမှုများ မဖြစ်စေအောင် တားဆီးရန် ဆန္ဒပြသူတွေကလည်း ချောက်ကမ်းပါးစွန်းမှ နောက်ပြန်ဆုတ်ရမည် ဖြစ်သကဲ့သို့၊ လုံခြုံရေး တပ်ဖွဲ့များကလည်း အစိုးရက ပေးသော အမိန့်နှင့်အတူ အမြင့်ဆုံး သည်းခံ ထိန်းချုပ်မှုကို ပြသကြပါဟု မေတ္တာရပ်ခံကြောင်း သူမက ပြောဆိုခဲ့သည်။

      လက်ရှိ ဝန်ကြီးချုပ် အဘီဆစ်ကို နုတ်ထွက်ပေးစေလိုသော ဆန္ဒပြသူများက ဘန်ကောက်မြို့ လယ်ကို မတ်လလယ်ကပင် သိမ်းပိုက်ထားခဲ့ကြသည်။

      ၎င်းတို့၏ ဆန္ဒပြပွဲများကို စစ်တပ်က အကြမ်းဖက် ဖြိုခွဲခဲ့သောကြောင့် ဧပြီလအတွင်းက လူ ၂၅ ဦး သေဆုံးခဲ့သော ဖြစ်ရပ် အပါအဝင် အနိဋ္ဌာရုံ ဖြစ်ရပ်များ တစတစ ဖြစ်ပွား လာခဲ့သည်။

      ပြီးခဲ့သော ကြာသပတေးနေ့တွင် အကြမ်းဖက် ဖြိုခွဲမှု ထပ်မံ ဖြစ်ပွားခဲ့ရာ စစ်သားများက ကျည်ဆံ အစစ်များ ပြောင်ပြောင်တင်းတင်း သုံးစွဲခဲ့ပြီး လက်ဖြောင့် သေနတ်သမားများဖြင့် ပစ်ခတ်မှုများ ပြုလုပ်ခဲ့သည်ဟု ကြားသိရသည်။

      ဆန္ဒပြသူများ အတွင်း စိမ့်ဝင်နေသော အကြမ်းဖက်သမားများကို ပစ်မှတ်ထားခြင်းဟု အာဏာပိုင်များက ပြောကြားသော်လည်း လမ်းပေါ်မှ လက်နက်မဲ့ ဆန္ဒပြသူများ အပစ်ခံရသည်ကို ရုပ်သံမှ ထုတ်လွှင့် ပြသခဲ့သည်။

      ရှပ်နီ အများစုက ငြိမ်းချမ်းစွာ ဆန္ဒပြလျက် ရှိနေသော်လည်း အချို့က တာယာများ စုပုံကာ အတားအဆီးပြုလုပ်၍ မီးရှို့ထားသလို အချို့က လက်နက်များ ကိုင်ဆောင်ထားသည်ဟု မျက်မြင် သက်သေများက ဆိုသည်။

      တနင်္လာနေ့ နှောင်းပိုင်းကမူ နောက်ဆုံး အကြမ်းဖက်မှု အပြီး ပထမဆုံးအကြိမ်ဟု ယုံကြည်ရသော တိုက်ရိုက် ဆွေးနွေးမှုကို နှစ်ဖက် တာဝန်ရှိသူများ ပြုလုပ်ခဲ့ကြသည်။

      ရှပ်နီ ခေါင်းဆောင် နာတာဝပ်ဆိုင်ကူးက ဖုန်းဖြင့် ဆက်သွယ်၍ အပစ်ရပ်ရန် တောင်းဆိုခဲ့သည်ဟု အစိုးရ ညှိနှိုင်းရေးအဖွဲ့ အကြီးအကဲ ကော်ဆက်ဆာဘားဗာဆူးက ပြောကြားသည်။

      သို့ရာတွင် သဘောတူညီချက် မရရှိခဲ့ဟု မစ္စတာကော်ဆက်က အေပီသတင်း ဌာနသို့ ပြောကြားခဲ့သည်။

      တနင်္လာနေ့က ချင်းမိုင်တွင် စစ်ကားတစ်စီးကို မီးရှို့ခြင်း နှင့်အတူ ထိုင်းနိုင်ငံ မြောက်ပိုင်း မြို့ ၂ မြို့တွင် ဆန္ဒပြပွဲများ ဖြစ်ပွားခဲ့ပြီး ဆန္ဒပြပွဲများ မြို့တော် ပြင်ပသို့ ပျံ့နှံ့သွားခဲ့ပြီ ဖြစ်သည်။

      ဆန္ဒပြသူ အများစုမှာ ၂၀၀၆ ခုနှစ်က အာဏာသိမ်းခံရသော ဝန်ကြီးချုပ်ဟောင်း သက်ဆင်ကို အခိုင်အမာ ထောက်ခံနေဆဲ ဖြစ်သည့် နိုင်ငံ မြောက်ပိုင်းရှိ ဆင်းရဲသည့် ကျေးလက်ဒေသများမှ ရောက်လာကြခြင်း ဖြစ်သည်။

      ၂၀၀၈ ဒီဇင်ဘာလတွင် သက်ဆင် လိုလားသော အစိုးရကို အခြေခံ ဥပဒေ တရားရုံးက မဲလိမ်သည်ဟု စွပ်စွဲ၍ ဖြုတ်ချပြီးနောက် အာဏာ ရရှိလာသည့် လက်ရှိ အစိုးရသည် ဥပဒေအရ တရားမဝင်ဟု ဆန္ဒပြသူများက ပြောဆိုလျက် ရှိသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

 

အငြင်းပွားစရာများ ပြည့်နှက်နေသော မြန်မာဒီမိုကရေစီ ရွေးကောက်ပွဲအပေါ် ယုံကြည် စိတ်ချရမှုများ ဖြစ်ပေါ်စေရန် အလို့ငှာ မြန်မာရွေးကောက်ပွဲ ကာလအတွင်း နိုင်ငံတကာမှ စောင့်ကြည့် လေ့လာသူများကို ဝင်ရောက်ခွင့်ပြုရန် ကုလသမဂ္ဂက မြန်မာစစ်အစိုးရကို ဆက်လက် တိုက်တွန်း သွားမည်ဟု သိရသည်။

မေလ ၁၃ ရက်နေ့က ပြုလုပ်သော သတင်းစာ ရှင်းလင်းပွဲတွင် ကုလသမဂ္ဂ၏ ပြောခွင့်ရပုဂ္ဂိုလ် Martin Nesirky က ရွေးကောက်ပွဲကို သပိတ်မှောက်ရန် အမျိုးသား ဒီမိုကရေစီပါတီ (NLD) က ဆုံးဖြတ်ခဲ့သည့် ကိစ္စအပေါ် ကုလသမဂ္ဂက နှုတ်ဆိတ်နေခဲ့ခြင်းမှာ NLD ပါတီအပေါ် လေးစားသမှု ပြုသည့် အမှတ်သင်္ကေတပင် ဖြစ်ကြောင်း ပြောဆိုသည်။

နိုင်ငံရေးပါတီများအနေဖြင့် ကိုယ်ပိုင်ဆုံးဖြတ်ချက် ချမှတ်သည့် ကိစ္စကို လေးစား အသိအမှတ်ပြုသည့် သဘောမျိုးကို ကုလသမဂ္ဂက ထုတ်ဖော်ပြသသည့် အနေဖြင့် နှုတ်ဆိတ်နေခဲ့ခြင်း ဖြစ်သည်ဟုဆိုသည်။

အဆိုပါ ဆုံးဖြတ်ချက်ကြောင့် NLD မှာ မေလ ၆ ရက်နေ့တွင် တရားဝင်ပါတီအဖြစ်မှ ပယ်ပျက် သွားခဲ့သည်။ လက်ရှိအနေအထားတွင် စစ်အစိုးရ၏ ပြောဆို ထုတ်ပြန်ချက်များအရ နိုင်ငံတကာမှ ရွေးကောက်ပွဲ စောင့်ကြည့်လေ့လာသူများကို ဝင်ရောက်ခွင့် ပြုမည်မဟုတ်ပေ။

ရွေးကောက်ပွဲကော်မရှင် ဥက္ကဋ္ဌ ဦးသိန်းစိုးက မြန်မာနိုင်ငံတွင် ရွေးကောက်ပွဲနှင့် ပတ်သက်၍  အတွေ့အကြုံများစွာ ရှိကြောင်း၊ မိမိတို့အနေဖြင့် ရွေးကောက်ပွဲ စောင့်ကြည့် လေ့လာသူများ မလိုအပ်ကြောင်း ထုတ်ဖော်ပြောဆိုထားသည်။

မြန်မာစစ်အစိုးရက နိုင်ငံတကာ ရွေးကောက်ပွဲ စောင့်ကြည့်လေ့လာသူများကို ဝင်ရောက်ခွင့် မပြုသည့် ကိစ္စနှင့်ပတ်သက်၍ တရားဝင် ထုတ်ပြန်ကြေညာခြင်း မရှိပေ။ ပြီးခဲ့သည့် တပ်မတော်နေ့ အခမ်းအနားတွင် စစ်အစိုးရအကြီးအကဲ ဗိုလ်ချုပ်မှူးကြီးသန်းရွှေက အသွင်ကူးပြောင်းရေး ကာလများအတွင်း နိုင်ငံရေးအတွေ့အကြုံ ရင့်ကျက်သော နိုင်ငံကြီးများသည် ၎င်းတို့၏  အကျိုးအမြတ်အတွက် ဝင်ရောက်ခြယ်လှယ်လေ့ရှိသည်။ သို့အတွက်ကြောင့် အင်အားကြီး ပါဝါများအပေါ် မှီခိုမှုမပြုရန် အထူးပင် လိုအပ်သည် ဟု ထုတ်ဖော် ပြောဆိုခဲ့ဖူးသည်။

ယခုအခါ မြန်မာနိုင်ငံ ရွေးကောက်ပွဲကော်မရှင် အဖွဲ့ဝင်များ၏ နောက်ခံ သမိုင်းကြောင်းကို အနည်းငယ်သာ သိရှိကြသည်။ ကော်မရှင်ဥက္ကဋ္ဌ ဦးသိန်းစိုးမှာ ယခင် ဗဟိုတရားရုံးချုပ်မှ ဒုတိယ တရားသူကြီးချုပ်အဖြစ် တာဝန်ထမ်းဆောင်ခဲ့ဖူးပြီး စစ်ဘက်ရေးရာ တရားရုံး၏ ရှေ့နေချုပ်လည်း ဖြစ်ခဲ့ဖူးသည်။ မြန်မာ့အရေး လေ့လာသူ သတင်းစာဆရာ Larry Jagan က ရွေးကောက်ပွဲကော်မရှင် အဖွဲ့ဝင်များမှာ တပ်မတော်အရာရှိကြီးများ၊ ဥပဒေအရာရှိကြီးများ၊ ပေါမောက္ခကြီးများ အငြိမ်းစား သံအမတ်ကြီးများ ဖြစ်ကြောင်း DVB သတင်းဌာနသို့ ဟြေကြားသည်။

ယခုရက်ပိုင်း အတွင်းမှာပင် ဖိလစ်ပိုင် နိုင်ငံခြားရေးဝန်ကြီး Alberto Romulo က မြန်မာနိုင်ငံ ရွေးကောက်ပွဲသို့ နိုင်ငံတကာ စောင့်ကြည့်လေ့လာသူများ သွားရောက်သင့်၊ မသင့် ဟူသောကိစ္စကို မေးခွန်းထုတ် ပြောဆိုဝေဖန်ခဲ့သေးသည်။

"ဒီရွေးကောက်ပွဲဟာ စစ်အစိုးရအကွက်ဆင်ထားတဲ့ ဟာသဇာတ်လမ်းကြီးတစ်ခုပါပဲ။ အဲဒါကို ဘာကြောင့် ဒုက္ခရောက်ခံပြီး စောင့်ကြည့်လေ့လာရေး အဖွဲ့တွေစေလွှတ်ဦး မှာလဲ။ ဒါကြီးက ဂိမ်းတစ်ခုပဲ။ ကလေးတွေကစားတဲ့ဂိမ်းတစ်ခုလိုပါပဲ" ဟု ၎င်းက ဟြေဆိုဝေဖန်သည်။

DVB သတင်းကိုဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

 

နိုင်ငံတကာ ထောက်လှမ်းရေး သတင်းများအရ မြန်မာစစ်အစိုးရနှင့် စစ်ရေးဆောင်ရွက်မှုများ ပြုလုပ်လျက်ရှိသော တရုတ်နှင့် မြောက်ကိုရီးယား နှစ်နိုင်ငံသည် မြန်မာစစ်ဗိုလ်ချုပ်များ၏ စစ်ရေး ရည်မှန်းချက်များ အကောင်အထည် ဖော်နိုင်အောင် ထောက်ပံ့ကူညီလျက် ရှိသည်။

မြန်မာစစ်ဗိုလ်ချုပ်ကြီးများ၏ အဆိုပါ ရည်မှန်းချက်များတွင် မြန်မာနိုင်ငံ နျူကလီးယား အင်အားကြီး နိုင်ငံတစ်ခုဖြစ်ရေးလည်း ပါဝင်သည်။ မြန်မာစစ်အစိုးရမှ ဗိုလ်ချုပ်ကြီးများသည် လွန်ခဲ့သည့် နှစ်လခန့်က မြို့တော်သစ် နေပြည်တော်တွင် ခေတ်မီသော စစ်တပ်ဖြစ်ပေါ်ရေး၊ နိုင်ငံခြား ဆက်ဆံရေး၊ တိုင်းရင်းသား လက်နက်ကိုင်အုပ်စုများနှင့် ဖြစ်ပေါ်နေသော တင်းမာမှုများ အဆုံးသတ်ရေးနှင့် မြို့ကြီးပြကြီး ဒေသများမှ အစိုးရအတိုက်အခံ အင်အားစုများအပေါ် ဖိနှိပ်ရေး အစရှိသော အရေးကိစ္စများအတွက် ဆွေးနွေးညှိနှိုင်းခဲ့ကြသည်။ စစ်ဗိုလ်ချုပ်ကြီများက ညပိုင်း အချိန်တွင် ယင်းသို့ ဆွေးနွေးညှိနှိုင်းမှုများ ပြုလုပ်ခဲ့ခြင်း ဖြစ်သည်ဟု ထောက်လှမ်းရေး သတင်းများက ဆိုသည်။

သတင်းပေးပို့ချက်များအရ မြန်မာစစ်အစိုးရသည် တရုတ်နှင့် မြောက်ကိုရီးယား နှစ်နိုင်ငံမှ တာဝေးပစ် ဒုံးကျည်များ အပါအဝင် ရော့ကက်လောင်ချာ အစရှိသော စစ်လက်နက်များကို ပြီးခဲ့သည့် ဧပြီလအတွင်းက ဝယ်ယူခဲ့သည်။ မြန်မာစစ်အစိုးရက အဆိုပါ စစ်လက်နက်များအား ဧပြီလတွင် ဝယ်ယူရန် ဆုံးဖြတ်ခဲ့ခြင်းမှာ ထိုလသည် မြန်မာပြည်သူများ နှစ်သစ်ကူး ပျော်ပွဲရွှင်ပွဲများ ဆင်နွှဲနေချိန် ဖြစ်သောကြောင့် ဖြစ်သည်။

စစ်လက်နက် ဝယ်ယူမှုကို အများပြည်သူ အာရုံမစိုက်နိုင်လောက်သည့် အချိန်တွင် ဝယ်ယူခဲ့ခြင်း ဖြစ်သည်ဟု ဆိုသည်။

မြောက်ကိုရီးယားမှ ဝယ်ယူသော စစ်လက်နက်များထဲတွင် နျူကလီးယား ထုတ်လုပ်ရေး အတွက် လိုအပ်သော ပစ္စည်းများလည်း ပါဝင်ပြီး မြန်မာနှစ်သစ်ကူး ရုံးပိတ်ရက် အစပိုင်းတွင် တင်သွင်းခဲ့ခြင်း ဖြစ်ကြောင်းသိရသည်။

မြို့တော်ဟောင်းဖြစ်သော ရန်ကုန်မှ ပေးပို့သည့် သတင်းအချက်အလက်များအရ ဧပြီလအတွင်း ရန်ကုန်သီလဝါ ဆိပ်ကမ်းသို့ အမည်မဖော်ပြသော သင်္ဘောတစ်စင်း ဆိုက်ကပ် လာကြောင်း၊ ထိုသင်္ဘောသည် မြောက်ကိုရီးယားမှ လာသည်ဟု ယုံကြည်ရကြောင်း သိရသည်။

မြန်မာစစ်အစိုးရ  အရာရှိကြီးများက အဆိုပါသင်္ဘောသည် မြောက်ကိုရီးယားသို့ ဆန်တင်ပို့ရန် သီလဝါဆိပ်ကမ်းသို့ လာရောက်ဆိုက်ကပ်ထားခြင်း ဖြစ်သည်ဟု ဆိုသည်။

နေပြည်တော်နှင့် ပြုံးယမ်းတို့၏ စစ်ရေးဆက်ဆံမှုသည် ယခုအခါ နိုင်ငံရေး လေ့လာ သုံးသပ်သူများ၊ သံတမန်များနှင့် သတင်းစာဆရာများ၏ စိတ်ဝင်စားမှုကို များစွာခံလာရသည်။ ပြီးခဲ့သည့် ၂၀၀၉ ခုနှစ်၊ သြဂုတ်လတွင် သြစတြေးလျ သတင်းစာတစ်စောင်ဖြစ်သော Sydney Morning Herald တွင် မြန်မာနိုင်ငံနှင့် ပတ်သက်သော ဆောင်းပါးတစ်ပုဒ် ပါရှိခဲ့သည်။

မြန်မာစစ်အစိုးရသည် လာမည့် ငါးနှစ်အတွင်း အဏုမြူဗုံး တီထွင်ထုတ်လုပ်နိုင်ရန် ရည်မှန်းထားကြောင်း၊ ယင်းလက်နက် တီထွင်ရာတွင် မြောက်ကိုရီးယားမှ ရရှိသော နျူကလီးယား နည်းပညာနှင့် မြန်မာနိုင်ငံတွင်း သန့်စင်ရရှိသော ယူရေနီယံတို့ကို အသုံးပြုမည် ဖြစ်ကြောင်း အဆိုပါ ဆောင်းပါးတွင် စွပ်စွဲရေးသားထားသည်။

မြောက်ကိုရီးယားကလည်း နျူကလီးယား နည်းပညာနှင့် အပိုပစ္စည်းများအပြင် ရော့ကက်မျိုးစုံ ပစ်လွှတ်နိုင်သည့် စင်များ၊ မြေပြင်မှ ဝေဟင်ပစ်နှင့် ဝေဟင်မှ ဝေဟင်ပစ် ခတ်နိုင်သော ဒုံးကျည်များ၊ မြေအောက်စစ်ရေး လှုပ်ရှားမှုများ ပြုလုပ်နိုင်သည့် နည်းပညာများကို မြန်မာစစ်တပ်အတွက် ထောက်ပံ့ပေးခဲ့သည်။

အဆိုပါ ထောက်ပံ့မှုများကို လွန်ခဲ့သည့် ၂၀၀၀ ပြည့်နှစ် လောက်ကတည်းက ပြုလုပ်ခဲ့ခြင်း ဖြစ်သည်ဟု မြန်မာနိုင်ငံ စစ်ရေးလှုပ်ရှားမှုများကို စောင့်ကြည့် လေ့လာနေသော စစ်ရေးကျွမ်းကျင်သူ Andrew Selth ၏ အဆိုအရသိရသည်။

"မြောက်ကိုရီးယားက မြန်မာနိုင်ငံက အရေးကြီးတဲ့ ထွက်ကုန်တွေ၊ ထုတ်ကုန်တွေကို လိုအပ်တယ်လေ။ အဲဒါကြောင့် မြန်မာစစ်အစိုးရကလည်း အဲဒီထွက်ကုန်တွေကို မြောက်ကိုရီးယားက စစ်လက်နက်တွေ၊ နည်းပညာတွေနဲ့ လဲလှယ်ယူတယ်။ ဘာတာစနစ်ပုံစံနဲ့လုပ်တာ"ဟု Andrew Selth က သြစတြေးလျနိုင်ငံတွင် ထုတ်သော International Affairs Journal တွင် ဆောင်းပါး ရေးသားခဲ့သည်။
Inter Connected World မှ သတင်းကိုဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

(၂၀၁၀ခုနှစ်၊ မေလ(၁၈)ရက်နေ့ မြန်မာစံတော်ချိန် (၀၆း၀၀)နာရီ မိုးလေဝသနှင့် ဇလဗေဒညွှန်ကြားမှု ဦးစီးဌာနမှ  မုန်တိုင်းသတင်း ထုတ်ပြန်ချက်)

ယနေ့ မြန်မာစံတော်ချိန် ၀၅း၃၀ နာရီအချိန် တိုင်းထွာချက်များအရ ယမန်နေ့က ဘင်္ဂလား ပင်လယ်အော် တောင်ပိုင်းတွင် ဖြစ်ပေါ်ခဲ့သော မုန်တိုင်းငယ်သည် အနောက်မြောက်ဘက်သို့ ဆက်လက်ရွေ့လျားခဲ့ပြီး အိန္ဒိယနိုင်ငံ ချင်းနိုင်မြို့၏ အရှေ့တောင်ဘက် မိုင် ၄၃၀ ခန့်အကွာ ပင်လယ်ပြင်သို့ ဗဟိုပြုနေပါသည်။ မုန်တိုင်းငယ်၏ အမြင့်ဆုံးလေတိုက်နှုန်းမှာ တစ်နာရီလျှင် မိုင် (၄၀) ခန့်ရှိပြီး ပိုမိုအားကောင်းလာကာ အနောက်မြောက်ဘက်သို့ ဆက်လက်ရွေ့လျားမည်ဟု ခန့်မှန်းရပါသည်။

မုန်တိုင်း၏ လက်ရှိ အခြေနေမှာ အဝါရောင်ဆင့်သာရှိပြီး မြန်မာနိုင်ငံဖက်ဆီသို့ ဦးတည်ရွေ့လျားခြင်းမရှိဟု သတ်မှတ်ပါသည်။ မုန်တိုင်းငယ်၏ အရှိန်ကြောင့် မြန်မာ့ ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင် တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းအသင့်အတင့်မှ လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်မြေပြင်လေသည် တစ်နာရီလျှင် (၃၅) မိုင်အထိ တိုက်ခတ်နိုင်ပါသည်။

 
 
Tropical Cyclone.gif
 
မုန်တိုင်းသွားမည့် လမ်းကြောင်းကို ပြထားခြင်းဖြစ်သည်။ ဓါတ်ပုံကို မိုးလေဝသအင်တာနက် စာမျက်နှာတစ်ခုမှ ကူးယူဖော်ပြသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.