Transparency Myanmar

transparency.myanmar@gmail.com

      ပုံမှန်အားဖြင့်ဆိုပါက မြန်မာပြည် မြောက်ပိုင်းမှ ကိုးကန့် တိုင်းရင်းသားတို့ နေထိုင်ရာ ကိုးကန့်ဒေသသည် လှုပ်လှုပ်ရှားရှား ဖြစ်လေ့ မရှိပေ။ တရုတ်ပြည်မှ လာသော ပန်းသီးများကို အရောင်းအဝယ် သမားများက လက်တွန်းလှည်းများဖြင့် လောက်ကိုင်မြို့ လမ်းမများပေါ်တွင် ပုံမှန် ရောင်းချလေ့ ရှိသည်ကို တွေ့ရသလို ကာစီနို လောင်းကစားရုံများတွင် ပြည်တွင်းမှ ခရီးသွားများ လာရောက် လောင်းကစား ပြုလုပ်လေ့ ရှိသည်ကိုလည်း တွေ့နိုင်သည်။ ထိုသို့ ပုံမှန် အနေအထားမျိုးဖြင့် အေးဆေး ငြိမ်သက်စွာ ရှိခဲ့သော ကိုးကန့်ဒေသမှာ ပြီးခဲ့သည့် ၂၀၀၉ ခုနှစ်၊ သြဂုတ်လက စ၍ လှုပ်လှုပ်ရှားရှား ဖြစ်လာခဲ့သည်။

       မြန်မာစစ်တပ်က ကိုးကန့် တိုင်းရင်းသား လက်နက်ကိုင် အုပ်စုများအပေါ် တိုက်ခိုက်မှုများ စတင် ပြုလုပ်ခဲ့ရာ ကိုးကန့်တို့ကလည်း အခြားသော လက်နက်ကိုင် တပ်ဖွဲ့ဝင်များ၏ ပူးပေါင်းမှုဖြင့် ပြန်လည် ခုခံ တိုက်ခိုက်ခဲ့ကြသည်။ သို့အတွက်ကြောင့် ကိုးကန့်ဒေသတွင် နေထိုင်သော ပြည်သူ သုံးသောင်းခန့်မှာ တရားဥပဒေ စိုးမိုးမှု မရှိသော ဒေသကို စွန့်ခွာပြီး တရုတ်နိုင်ငံထဲသို့ ထွက်ပြေး ဝင်ရောက် သွားခဲ့ကြသည်။ ထိုကိုးကန့်ပြည်သူများ ဝင်ရောက်လာသော ကိစ္စကြောင့် တရုတ် အစိုးရမှာ ရတက်မအေးနိုင် ဖြစ်ခဲ့ရသည်။

      "ကိုးကန့်တွေအပေါ် သိပ်ပြီး ဖိအားမပေးဖို့ မြန်မာအစိုးရကို ကျွန်တော်တို့ သတိ ပေးထားပါတယ်။ ဒါပေမဲ့ သူတို့က ကျွန်တော်တို့ ပြောတာကို နားမထောင်ခဲ့ကြဘူး" ဟု တရုတ် အစိုးရ အရာရှိ တစ်ဦးက ပြောသည်။

      ကိုးကန့် ဒေသတွင် ဖြစ်ပွားသော တိုက်ခိုက်မှုများမှာ တမူ ထူးခြားခဲ့သည်။ အဆိုပါ ဒေသသည် မြန်မာနိုင်ငံ မြောက်ပိုင်းနှင့် အရှေ့ပိုင်းတွင် တည်ရှိပြီး စစ်အစိုးရက အနည်းငယ်သာ ထိန်းချုပ်ထားသည် ဖြစ်ရာ တော်လှန် ပုန်ကန်သူများ အနေဖြင့် လုပ်ချင်တာ လုပ်၍ ရသည့် အနေအထားတွင် ရှိသည်။ စစ်အစိုးရနှင့် တိုင်းရင်းသား လူနည်စုများ အကြား ထားရှိသည့် အပစ်အခတ် ရပ်စဲရေး သဘော တူညီချက်မှာလည်း တဖြည်းဖြည်းချင်း ပျက်ပြားလျက် ရှိသည်။ အဆိုပါ ကိုးကန့်ဒေသ စစ်ရေး ပဋိပက္ခကြောင့် နဂိုကပင် နာမည်ပျက်လျက် ရှိသော လူ့အခွင့်အရေး အကျပ်အတည်းကို အဖတ် ဆယ်မရအောင်လည်း ဖြစ်စေခဲ့သည်။

      မြန်မာစစ်တပ်က ကိုးကန့် လက်နက်ကိုင် အုပ်စုများကို ဖိနှိပ် တိုက်ခိုက်ရုံ တင်သာမက ကိုးကန့် အရပ်ဘက်ပြည်သူများ အပေါ်ကိုလည်း ဖိနှိပ်ခဲ့ကြသည်။ ထိုင်းနိုင်ငံတွင် အခြေစိုက်သော Burma Border Coalition အဖွဲ့၏ ခန့်မှန်းချက်အရ မြန်မာနိုင်ငံ အရှေ့ပိုင်း ဒေသတစ်ခုတည်းမှာပင် ပြည်တွင်း၌ ပြောင်းရွှေ့ ထွက်ပြေးနေရသူ ဒုက္ခသည် စုစုပေါင်း ၄၅၀၀၀၀ ခန့် ရှိသည်။ ထိုဒုက္ခသည်များ အနက် အများစုမှာ အစာရေစာ ငတ်မွတ်မှုနှင့် တွေ့ကြုံ ခံစားနေရသည်။

      ဒုက္ခသည်များသည် ညှဉ်းပန်း နှိပ်စက်မှုမှ လွတ်မြောက်အောင် ပြေးလွှားရင်း အချိန်ကုန်လျက် ရှိသည်။ ကလေးငယ်များ၊ သက်ကြီးရွယ်အိုများမှာလည်း တောတွင်း နေရာများတွင် ပုန်းခိုနေကြရကာ တွေ့ရာ သစ်သီး သစ်ဥ သစ်ဖုများဖြင့် ခြိုးခြံနေရသည်ဟု ဆိုသည်။ ကျန်းမာရေး စောင့်ရှောက်မှု မရှိသောကြောင့် ဒုက္ခသည်များမှာ ကူးစက်ရောဂါများ၏ နှိပ်စက်မှုဒဏ်ကိုလည်း ပြင်းထန်စွာခံ 
စားကြရသည်။ အချို့မှာ ရောဂါနှိပ်စက်၍ သေဆုံးလျက် ရှိသည်။ ထို့ပြင် မြန်မာစစ်တပ်မှ စစ်သားများက ဒုက္ခသည် အမျိုးသမီးများကို အဓမ္မပြုကျင့်မှုများ ကျူးလွန်လျက် ရှိရာ HIV ဗိုင်းရပ်စ် ကူးစက်မှုမှာလည်း တိုးမြင့်လျက် ရှိသည်။ အကယ်၍ စစ်ရေးတိုက်ခိုက်မှုများ ထပ်မံ ဖြစ်ပွားဦးမည် ဆိုပါက ထောင်ပေါင်းများစွာသော ပြည်သူများမှာ ခြေသလုံး အိမ်တိုင်ဘဝဖြင့် ဒုက္ခအတိ တွေ့ကြရဦးမည်သာပင် ဖြစ်သည်။

Washington Monthly မှ သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News,19th May 2010

ဘန်ကောက်မြို့လယ်ကို သီတင်းပတ်ပေါင်းများစွာ ရပ်ဆိုင်းသွားစေခဲ့သော အစိုးရ ဆန့်ကျင် ဆန္ဒပြပွဲများကို ခေါင်းဆောင်သူများသည် ၎င်းတို့ စခန်း၏ အတားအဆီးများကို လုံခြုံရေး တပ်ဖွဲ့များက အပြင်းအထန် အင်အားသုံး ဖယ်ရှားခဲ့ပြီး နောက်တွင် အညံ့ခံလိုက်ကြပြီ ဖြစ်သည်။

ထိုင်းမြို့တော်တွင် နောက်ဆုံး ဖြစ်ပွားသော ပဋိပက္ခများတွင် အနည်းဆုံး လူ ၅ဦး သေဆုံးခဲ့ပြီး ဆန္ဒပြခေါင်းဆောင်များက " မည်သူ့ကိုမျှ မသေစေလိုခဲ့ပါ '' ဟုပြောကြားခဲ့သည်။

နောက်ဆုံး အလျှော့ပေးမှု မတိုင်ခင် အထိ ခေါင်းဆောင်များက ဆန္ဒပြသူများအား နိုင်ငံရေး အပြောင်းအလဲ အတွက် တိုက်ပွဲကို လက်မလျော့ကြရန် တိုက်တွန်းခဲ့ကြသည်။ ယခုမူ တခါတရံ ဟိုတစ်စု ဒီတစ်စု ခုခံမှု အချို့သာကျန်ရှိပါသည်။

အခင်းဖြစ်နေရာမှ သတင်းပေးပို့မှု အရ အဓိက ဆန္ဒပြ နယ်မြေမှာ ရှင်းလင်းသွားပြီ ဟု သိရှိရသည်။

သို့ရာတွင် အဓိက ဆန္ဒပြ စခန်း၏ တောင်ဖက် အဓိက ကျသောနေရာတွင် လုံခြုံရေး တပ်ဖွဲ့များနှင့် ရင်ဆိုင်နေသော ဆန္ဒပြအုပ်စုများရှိနေဆဲ ဖြစ်ပြီး ခေါင်းဆောင်များ၏ ဆုံးဖြတ်ချက်ကို ဆန္ဒပြသူ အားလုံးက ထောက်ခံခြင်း ရှိ၊ မရှိ မသဲကွဲ သေးပါ။

ဂျာတူပွန် ပရွန်ပန်က အဝေးသို့ မထွက်ခွာမီ "ကျွန်တော် အားလုံးကို တောင်းပန်ပါတယ်။ ဒါပေမဲ့ နောက်ထပ် အသက်တွေ မဆုံးရှုံးစေချင်တော့ပါဘူး၊ ကျွန်တော် ကိုယ်တိုင်လည်း စိတ်ပျက် ဝမ်းနည်းမိပါတယ်'' ဟု စင်မြင့်ပေါ်မှ ပြောကြားခဲ့ကြောင်း ရိုက်တာ သတင်းဋ္ဌာနက သတင်းပေးပို့ပါသည်။

အခြားခေါင်းဆောင် တစ်ဦး ဖြစ်သူ နာတာဝပ်ဆိုင်ကူးကလည်း ဆန္ဒပြထောက်ခံသူများအား အလျှော့ပေးရန် တိုက်တွန်းခဲ့သည်။

စစ်တပ် ပြောရေးဆိုခွင့်ရှိသူ ဗိုလ်မှူးကြီး ဆန်ဆန်းကွေကမ်နတ် က၎င်းတို့အား အကြမ်းဖက် ခေါင်းဆောင်များ ဟု သတ်မှတ်လိုက်သည်။

ထောင်ပေါင်းများစွာသော ဆန္ဒပြသူများသည် ဆန္ဒပြ နယ်မြေ မှ ထွက်ခွာနေကြသည် ဟု စစ်တပ်ပြောရေးဆိုခွင့်ရှိသူ တစ်ဦးက ဆိုပါသည်။ ဆန္ဒပြသူများစွာမှာ ကျေးလက်တောပိုင်းမှ လာရောက်ကြခြင်းဖြစ်၍ ၎င်းတို့အိမ်ပြန်ရာတွင် အကူအညီ ရလိမ့်မည် ဟု ထို ရဲ အရာရှိက ပြောကြားသည်။

ဆန္ဒပြခေါင်းဆောင်များ အညံ့ခံလိုက်သော်လည်း ဒေါသထွက်နေသော ဆန္ဒပြ လူအုပ်ကြီးက ဈေးဝယ်ကုန်တိုက်ကို မီးရှို့ခဲ့သဖြင့် အသေးစား ခိုးယူမှုများ ဖြစ်ပွားခဲ့သည်ဟု သတင်းများက ဆိုပါသည်။

တစ်ချိန်တည်းတွင် အနီးအနား၌ လက်ပစ်ဗုံးများ ပေါက်ကွဲမှုကြောင့် စစ်သား ၂ဦးနှင့် သတင်းထောက် တစ်ဦး ဒဏ်ရာရရှိခဲ့ပါသည်။

အခင်းဖြစ်ပွားရာ ဗုဒ္ဓဟူးနေ့ အစောပိုင်းတွင် ရဟတ်ယာဉ်များက ကောင်းကင်တွင် ပတ်၍ ပျံဝဲခဲ့ကြပြီး ဆန္ဒပြစခန်း၏ အတားအဆီးများကို စစ်သားများက သံချပ်ကာကားများဖြင့် အဓမ္မ ဝင်ရောက် ရှင်းလင်းခဲ့ကြခြင်း ဖြစ်သည်။

စစ်တပ်က အင်အားသုံး ဝင်ရောက်ခြင်း မပြုမီ ဖြိုခွဲမှု စစ်ဆင်ရေး စတင်တော့မည် ဖြစ်ကြောင်း အသံချဲ့စက်များမှ တဆင့် သတိပေးခဲ့သည်။

စစ်တပ်နှင့် ဆန္ဒပြသူများ အပြန်အလှန် ပစ်ခတ်မှုကြောင့် ဒါဇင်နှင့် ချီ၍ ဒဏ်ရာရခဲ့ကြပြီး သေဆုံးသူများထဲတွင် အီတလီ ဓါတ်ပုံ သတင်းထောက် တစ်ဦးလည်း ပါဝင်သည်။

ဒီနေ့တော့  ဒီဒေး (D-Day) ပဲဟု ထိုင်းစစ်သား တစ်ဦးက ပြောဆိုခဲ့ခြင်းကို AP သတင်းဋ္ဌာနက ဖော်ပြခဲ့သည်။

M-16 ရိုင်ဖယ် သေနတ်များ တပ်ဆင်ထားသော တပ်ဖွဲ့များသည် မြို့လယ် စီးပွားရေး ဇုံ အတွင်း ချီတက်နေရာယူခဲ့ကြပြီး တာယာပုံများ မီးလောင်ရာမှ ထွက်လာသော မီးခိုးလုံးကြီးများသည် မိုးမျှော်တိုက်များကို ဖုံးလွှမ်းသွားပါသည်။

စစ်တပ်အင်အားသုံး၍ အဓမ္မ ရှင်းလင်းခဲ့ခြင်းကြောင့် ဆန္ဒပြသူများ ထွက်ပြေး ဆုတ်ခွာ သွားသော လမ်ပီနီ ရပ်ကွက် တဝိုက်တွင် တငွေ့ငွေ့လောင်နေသော မီးပုံများ၊ ပြန့်ကျဲနေသော ဖိနပ်များ ပြောင်းပြန်လှန်နေသော ကုလားထိုင်များဖြင့် ပွစာကျဲလျက်ရှိပါသည်။

ဆန္ဒပြ လူတန်းများ၏ နောက်တွင် အထူးလေ့ကျင့် ပေးထားပုံရသော ဝတ်စုံနက်ဝတ် သေနတ်သမားကို တွေ့ရှိခဲ့သည်ဟု ဘန်ကောက်မှ BBC သတင်းထောက် Rachel Hervey ကပြောကြားပါသည်။

ဆန္ဒပြသူများက ဆက်လက်ခုခံခြင်း ပြု၊ မပြုမှာမူ အသေအချာ မသိရသေးပါ။

ဘန်ကောက်မြို့လယ် တစ်ဝိုက် အထူးသဖြင့် လမ်ပီနီ ရပ်ကွက်မှာ ပြုလုပ်တဲ့ လုံခြုံရေး စီမံချက် အောင်မြင်တယ် လို့ ထိုင်း ဘုရင့်အစိုးရက သတင်းထုတ်ပြန်ဖို့ ရှိပါတယ်ဟု အစိုးရ ပြောရေးဆိုခွင့် ရှိသူ ပါနီတန် ဝါတာနာယာဇွန် က ပြောကြားပါသည်။

အစိုးရက မြို့လယ်ကို ထိန်းချုပ်ရန် အတွက် အင်အားသုံး ဖြိုခွဲမှုကို စတင်ခဲ့ခြင်းကြောင့် ဆန္ဒပြ စခန်း တဝိုက် ၆ရက်ကြာ အကြမ်းဖက် ပဋိပက္ခများ ဖြစ်ပွားခဲ့ပြီး ဆန္ဒပြပွဲများကို နောက်ကွယ်မှ စီစဉ်နေသူ " ဘက်ပြောင်း ပူးပေါင်းသည့် စစ်ဗိုလ်ချုပ် တစ်ဦး '' သေဆုံးခဲ့ပါသည်။

ယခင် အပတ်မှစ၍ သေဆုံးခဲ့သူ ၄၀ခန့် ရှိနေပြီ ဖြစ်သည့် ဘန်ကောက်တွင် မတ်လ ၁၄ရက်မှစ၍ ဆန္ဒပြခဲ့သော ရှပ်နီများက မြို့လယ် ဈေးဝယ် ရပ်ကွက်ကို သိမ်းပိုက်ခဲ့ခြင်းကြောင့် ဟိုတယ်များ၊ ဈေးဆိုင်များ ပိတ်ထားခဲ့ရပါသည်။

ရှပ်နီအုပ်စုသည် လက်ဝဲယိမ်း နိုင်ငံရေး သမားများ၊ ဒီမိုကရေစီ လှုပ်ရှားသူများနှင့် ထိုင်းနိုင်ငံ ကျေးလက်တလွှားမှ သက်ဆင်ထောက်ခံသူများ စုစည်းထားသော မဟာမိတ် အင်အားစု ဖြစ်ပြီး အစိုးရဖက်မှ ရပ်တည်သော စာနယ်ဇင်းများက ရှပ်နီများကို လျော့တိလျော့ရဲ စုစည်းထားသော အင်အားစု အဖြစ် သိက္ခာချ ရေးသား လျက်ရှိပါသည်။

လက်ရှိ အစိုးရသည် ရွေးကောက် တင်မြှောက်ခံရခြင်း မဟုတ်ပဲ လွှတ်တော်တွင် အပေးအယူ လုပ်၍ အာဏာရလာသော အစိုးရ ဖြစ်သဖြင့် တရားမဝင်ဟု ရှပ်နီများက စွပ်စွဲထားပြီး ရွေးကောက်ပွဲ အသစ် ကျင်းပရန် တောင်းဆို နေကြပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News,19th May 2010

တောင်ကိုးရီးယား နိုင်ငံခြားရေး ဝန်ကြီးက ပြီးခဲ့သည့် မတ်လက တောင်ကိုးရီးယား ရေတပ် သင်္ဘောအား မြောက်ကိုးရီးယားက နှစ်မြှုပ်ပစ်ခဲ့သည်မှ ထင်ရှားကြောင်း ပြောဆိုလိုက်ပါသည်။

နိုင်ငံခြားရေး ဝန်ကြီး Yu  Myung-hwan က အဆိုပါ ကိစ္စအား ကုလသမဂ္ဂသို့ တင်ပြရန် လုံလောက်သော အထောက်အထားများးရှိနေပြီ ဖြစ်ကြောင်း ပြောကြားခဲ့ပါသည်။

တောင်ကိုးရီးယား စစ်သင်္ဘော Cheonan သည် အငြင်းပွားနေသော ကိုးရီးယား ရေပိုင်နက် နယ်စပ် အနီးတွင် မတ်လ (၂၆) ရက်နေ့က နစ်မြုပ်ခဲ့ပြီး သင်္ဘောသား (၄၆) ဦးသေဆုံး ခဲ့ရပါသည်။

နိုင်ငံတကာ ပါဝင်သော အဖွဲ့က အဆိုပါ နစ်မြုပ်မှုအား စစ်ဆေး၍ တွေ့ရှိချက်ကို ကြေညာရန် ပြင်ဆင်နေစဉ် Yu ၏ မှတ်ချက်ထွက်ပေါ်လာခြင်း ဖြစ်ပါသည်။

ယခုကဲ့သို့ တောင်ကိုးရီးယား၏ မြောက်ကိုးရီးယား အပေါ် အပြစ်တင်မှုမှာ ရှင်းလင်း ပြတ်သားသော ပြောဆိုလိုက်မှုပင် ဖြစ်ပါသည်။

မြောက်ကိုးရီးယားက အဆိုပါ ကိစ္စအတွက် ငြင်းဆိုခဲ့ပြီး၊ နှစ်နိုင်ငံကြား တင်းမာမှု ပိုမိုတိုးပွားစေခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

AFP News, 18th May 2010

      တရုတ် သမ္မတ ဝမ်ကျားပေါင်သည် ဘီဂျင်း အဆင့်မြင့် ခေါင်းဆောင် တစ်ဦး၏ တရားဝင် ခရီးစဉ် အဖြစ် မေလ ၃၀ ရက်တွင် ဂျပန်နိုင်ငံသို့ ၃ ရက်ကြာ လာရောက် လည်ပတ်မည်ဟု ဂျပန် နိုင်ငံခြားရေး ဝန်ကြီးဌာနက အင်္ဂါနေ့တွင် ပြောကြားသည်။

      ဝမ်ကျားပေါင်သည် ကိုရီးယားနိုင်ငံ ဂျီဂျူးကျွန်းတွင် ပြုလုပ်မည့် ဂျပန်၊ တရုတ်နှင့် တောင်ကိုရီးယား ထိပ်သီး ညီလာခံအပြီး နောက်တစ်ရက်တွင် ဂျပန်သို့ ရောက်ရှိမည် ဖြစ်ကာ ဂျပန် ဝန်ကြီးချုပ် ဟာတိုယာမ နှင့် မေ ၃၁ ရက်တွင် လည်းကောင်း၊ ဘုရင်မင်းမြတ် အကီတို၊ မိဖုရားကြီး မီချီကိုတို့နှင့် ဇွန်လ ၁ ရက်တွင် လည်းကောင်း တွေ့ဆုံရန် ရှိသည်။

      တရုတ် သမ္မတ ဟူကျင်းတောင်သည် ၂၀၀၈ မေလတွင် တိုကျိုသို့ နောက်ဆုံး သွားရောက်ခဲ့ပြီး ဝမ်ကျားပေါင်က ထိုနှစ် ဒီဇင်ဘာလတွင် ဖူကူအိုကာ၌ တရုတ်၊ ဂျပန်၊ တောင်ကိုရီးယား ၃ နိုင်ငံ ထိပ်သီး ညီလာခံသို့ တက်ရောက်ခဲ့သည်။ ဂျပန် ဝန်ကြီးချုပ် ဟာတိုယာမက အောက်တိုဘာတွင် ဘီဂျင်းသို့ သွားရောက်ခဲ့သလို လာမည့် ဇွန်လတွင် ရှန်ဟိုင်း ကမ္ဘာ့ ကုန်စည်ပြပွဲသို့ သွားရောက်ရန် စီစဉ်နေသည်။

      ဝမ်ကျားပေါင်သည် ဇွန် ၃ ရက် အထိ ၄ နိုင်ငံ ခရီးစဉ် အဖြစ် မွန်ဂိုးလီးယားနှင့် မြန်မာနိုင်ငံများ သို့လည်း သွားရောက်လိမ့်မည်ဟု ကျိုနီ သတင်းဌာနက ထုတ်ပြန်သည်။

      ဝမ်၏ ပြည်ပခရီး အစီအစဉ်များအပေါ် မှတ်ချက်ပေးရန် တရုတ်နိုင်ငံခြားရေး ဝန်ကြီးဌာနက ငြင်းဆိုခဲ့သည်။

      ကမ္ဘာ့ စီးပွားရေး နံပါတ် ၂ နှင့် နံပါတ် ၃ အဖြစ် နေရာယူထားသော အာရှ ဘီလူးကြီးများ ဖြစ်သည့် ဂျပန်နှင့် တရုတ်အကြား ဆက်ဆံရေးသည် နွေးထွေးမှု ရှိသော်လည်း ၎င်းတို့၏ စစ်ပွဲ သမိုင်းကြောင်းနှင့် သိုင်နက်၊ သံယံဇာတ တို့အပေါ် အငြင်းပွားမှု ရှိနေဆဲ ဖြစ်သဖြင့် မကြာခဏ တင်းမာမှု ရှိနေသည်။

      ပြီးခဲ့သည့် စက်တင်ဘာလက အာဏာရ လာခဲ့သော လက်ဝဲယိမ်း ခေါင်းဆောင် ဟာတိုယာမသည် ဂျပန်နှင့် အရှေ့အာရှ အိမ်နီးချင်းများအကြား ရင်းနှီး ခိုင်မြဲသော ဆက်ဆံရေးရအောင် ကြိုးစားခဲ့ပြီး ဥရောပ သမဂ္ဂ ပုံစံ အာရှနိုင်ငံများ အသိုင်းအဝိုင်းကို ဖွဲ့စည်းရန် ရေရှည် ရည်မှန်းချက် ထားရှိသည်။

      ဂျပန် နိုင်ငံခြားရေး ဝန်ကြီး ကူဆူယာ အိုကာဒါက အင်္ဂါနေ့တွင် ကြေညာရာ၌ ဂျပန်နိုင်ငံသည် လာရောက် လည်ပတ်မည့် ခရီးသည်များ တိုးပွားစေရန် ကြိုးစားမှုအဖြစ် တရုတ် ကမ္ဘာလှည့် ခရီးသည်များ အတွက် ပြည်ဝင်နှင့် ဗီဇာ လိုအပ်ချက်များကို ယခု နွေရာသီမှ စ၍ လျော့ပေါ့ပေးမည်ဟု ဆိုသည်။

      တိုးရစ်ဗီဇာ လျှောက်ထားသည့် တရုတ် ခရီးသည်များ အတွက် ဝင်ငွေအဆင့် သတ်မှတ်ချက်ကို လျှော့ပေးခြင်း အပါအဝင် ပြောင်းလဲမှုများ၏ ရလဒ် အဖြစ် လက်ရှိလာရောက် လည်ပတ်နေသော အရေအတွက်ထက် ၁၀ ဆ တိုးလာရန် မျှော်လင့်ထားသည်ဟု အိုကာဒါက ပြောကြားသည်။

      သို့ရာတွင် တိုကျို နှင့် ဘီဂျင်း အကြား ဆက်ဆံရေးမှာ လတ်တလော သီတင်းပတ်များ အတွင်း ထပ်မံ ထိခိုက်ခဲ့ပြီး အကြောင်းရင်းမှာ သံယံဇာတ ကြွယ်ဝသော ရေပြင်ပိုင်နက်နှင့် ကျွန်းစုများ အရေးတွင် နှစ်နိုင်ငံ ရေရှည် အငြင်းပွားမှုများ ရှိနေသောကြောင့် ဖြစ်သည်။

      ယခု သီတင်းပတ်များ အတွင်း အရှေ့ တရုတ် ပင်လယ်ပြင်တွင် တရုတ် ရေတပ် သင်္ဘောစုမှ ရဟတ်ယာဉ်များက ၎င်းတို့ကို စောင့်ကြည့်နေသော ဂျပန် ရေတပ် သင်္ဘောများ အနီးသို့ ၂ ကြိမ်တိုင် ပျံ့ဝဲခဲ့သလို၊ တရုတ်ရေပြင် တိုင်းတာရေး သင်္ဘောနှင့် ဂျပန် ကမ်းခြေစောင့် သင်္ဘောတို့ ထိပ်တိုက် 'ငြိ' ခဲ့ကြသည်။

      အဆိုပါ ဖြစ်ရပ်များကြောင့် တရုတ် စစ်ရေး တည်ဆောက်မှုအပေါ် ပူပင် သောကဖြင့် အချိန်ကြာ စောင့်ကြည့်ခဲ့သည့် ဂျပန်က သံတမန်ရေးအရ ကန့်ကွက်မှုများ ပြုလုပ်ခဲ့သည်။

      လတ်တလောဖြစ်ပွားခဲ့သည့် နောက်ထပ် ဖြစ်ရပ်တစ်ခုမှာ အိုကာဒါက တရုတ် နိုင်ငံခြားရေး ဝန်ကြီး ယန်ကျားချီအား ဘီဂျင်း အနေဖြင့် ၎င်း၏ နျူကလီးယား လက်နက် တည်ဆောက်မှုကို ရပ်ဆိုင်းရန် (သို့) နျူကလီးယား လက်နက်များ ထပ်မံ သိုလှောင်နေမှုကို ရပ်ဆိုင်းသင့်ကြောင်း ပြောကြားခဲ့မှု ဖြစ်သည်။

      "ယန်ကျားချီက ဂျပန်နိုင်ငံ၏ တာဝန်မဲ့ မှတ်ချက်ပေးမှုကို မှားယွင်းကြောင်း ချက်ချင်း ဖြေရှင်းခဲ့ပြီး တရုတ်၏ နျူကလီးယား မဟာဗျူဟာနှင့် မူဝါဒမှာ ပွင့်လင်း မြင်သာမှု ရှိသည်ဟု ထောက်ပြခဲ့ကြောင်း" တရုတ် နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ မာကျောက်ဇူက ပြောကြားသည်။

      ပင်လယ်ပြင် အငြင်းပွားမှုများနှင့် ပတ်သက်၍ မေးမြန်းခဲ့သော အိုကာဒါက "တရုတ် - ဂျပန် ဆက်ဆံရေးမှာ ယေဘူယျအားဖြင့် ကောင်းမွန်ပါသည်။ မိမိ၏ သဘောထားမှာ ဂျပန် - တရုတ် ဆက်ဆံရေး ဆက်လက် ခိုင်မြဲစေရန် အတွက် သီးသန့် ပြဿနာများကို တဆင့်ပြီးတဆင့် ဖြေရှင်းသွားရေးပင် ဖြစ်သည်" ဟု အင်္ဂါနေ့တွင် ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Belfasttelegraph.co.uk, By Andrew Buncombe, 19th May 2010

      မြန်မာ အတိုက်အခံ ခေါင်းဆောင် ဒေါ်အောင်ဆန်းစုကြည်သည် သူမ၏ လုပ်ဖော်ကိုင်ဖက်ဟောင်း များက ပါတီထောင်၍ ရွေးကောက်ပွဲဝင်ရန် ဆုံးဖြတ်ခဲ့ခြင်းကြောင့် အံ့သြဖွယ် ဒေါသဖြင့် တုန့်ပြန်ခဲ့သည်။

      ဒေါ်အောင်ဆန်းစုကြည်၏ NLD ပါတီသည် ရွေးကောက်ပွဲသည် ဒီမိုကရေစီ နည်းလမ်းမကျဟု ဆိုကာ ရွေးကောက်ပွဲကို သပိတ်မှောက်ရန် ဆုံးဖြတ်ခဲ့သည်။ ယခု ရွေးကောက်ပွဲ ဥပဒေ အသစ်အရ ရွေးကောက်ပွဲ မဝင်သော ပါတီသည် ပါတီအဖြစ် ရပ်တည်ခွင့် မရှိပေ။

      ဒေါ်အောင်ဆန်းစုကြည်က NLD အနေဖြင့် ရွေးကောက်ပွဲ မဝင်သင့်ကြောင်း သူမ အနေဖြင့် ယုံကြည်ကြောင်း ပြောကြားခဲ့သဖြင့် NLD အဖွဲ့ဝင်များက တညီတညွတ်တည်း ရွေးကောက်ပွဲ မဝင်ရန် ဆုံးဖြတ်ခဲ့ကြသည်။ သို့သော် NLD တရားဝင် ရပ်တည်မှု ကုန်ဆုံးပြီး နောက်တစ်ရက်တွင် NLD အဖွဲ့ဝင် အချို့ သဘောမတူမှုများ လျင်မြင်စွာ ထွက်ပေါ်လာခဲ့ပြီး၊ ပါတီသစ် တစ်ခု ထောင်မည် ဖြစ်ကြောင်း ကြေညာခဲ့သည်။

      အဆိုပါ ပါတီကို NLD အဖွဲ့ဝင်ဟောင်း ဒေါက်တာ သန်းငြိမ်းက ဦးဆောင်မည် ဖြစ်ပြီး အမျိုးသား ဒီမိုကရေစီ အင်အားစု (National Democratic Force – NDF) ဟု အမည်ပေးပြီး ရွေးကောက်ပွဲတွင် ပါဝင် ယှဉ်ပြိုင်မည် ဖြစ်သည်။

      သို့သော် အသက် ၆၄ နှစ်ရှိ ဒေါ်အောင်ဆန်းစုကြည်က သူမ၏ လုပ်ဖော်ကိုင်ဖက် အချို့၏ ဆုံးဖြတ်ချက် အပေါ် သူမက စိတ်ပျက်ကြောင်း ပြောခဲ့သည်ဟု ဆိုသည်။

      သူမ၏ နေအိမ်သို့ ဝင်ထွက်ခွင့်ရသူ အနည်းငယ် အနက်မှ သူမ၏ ရှေ့နေ ဦးဥာဏ်ဝင်း၏ ပြောကြားချက်အရ ဒေါ်အောင်ဆန်းစုကြည်က အများစု တညီတညွတ်တည်း ဆုံးဖြတ်ထားမှုကို ဆန့်ကျင်၍ ပြုလုပ်သော အနည်းစု၏ လုပ်ရပ်သည် ဒီမိုကရေစီ ကျင့်စဉ်နှင့် မညီကြောင်း ပြောခဲ့သည်ဟု ဆိုသည်။

      NLD ၏ ဆုံးဖြတ်ချက်ကို မတ်လ နှောင်းပိုင်းက ကြေညာခဲ့ပြီး၊ ပါတီအနေဖြင့် ပြစ်ဒဏ်ကျခံ နေရသော ဒေါ်အောင်ဆန်းစုကြည်အား ပါတီမှ ထုတ်ပယ်ရမည် ဖြစ်၍ ရွေးကောက်ပွဲမဝင်ရန် အဖွဲ့ဝင်များက တညီတညွတ်တည်း ဆုံးဖြတ်ခဲ့ကြခြင်း ဖြစ်သည်။

      သို့သော် ထိုသို့ ဆုံးဖြတ်ချက်ကြောင့် မှတ်ပုံတင်ရန် သတ်မှတ်ထားသော နောက်ဆုံးရက် မေလ ၇ ရက် နောက်ပိုင်းတွင် NLD သည် အလိုအလျောက် ပျက်ပြယ်သွားခဲ့သည်။ ထို့နောက် NLD ၏ ဝါရင့် အဖွဲ့ဝင်များ ကြားတွင် ဆုံးဖြတ်မှုအတွက် အငြင်းပွားမှုများ ဖြစ်ခဲ့ရသည်။ ၁၉၉၀ ခုနှစ်က တစ်ပြည်လုံး အတိုင်းအတာအရ အနိုင်ရရှိခဲ့မှုကို စစ်တပ်ကသာ လျစ်လျူရှုခဲ့ခြင်း ဖြစ်၍ ပါတီအနေဖြင့် ဆက်လက် ရှိနေသင့်ကြောင်း ဆိုသည်။

      ယခု အဖြစ်အပျက်များ အတွက် ဒေါ်အောင်ဆန်းစုကြည်က သူမ၏ စိတ်ပျက်မှုအား တဆင့် ထုတ်ဖော်ခဲ့ခြင်း အပေါ် NDF မှ အဖွဲ့ဝင်များက ၎င်းတို့၏ လုပ်ရပ် အတွက် ကာကွယ် ပြောဆိုခဲ့သည်။ NDF ပါတီ ခေါင်းဆောင် ဒေါက်တာ သန်းငြိမ်းက ဧရာဝတီသို့ ပြောကြားရာတွင် ဒေါ်အောင်ဆန်းစုကြည် အနေဖြင့် ပါတီ ဖွဲ့စည်းခွင့်မှာ လူတစ်ဦးချင်းစီ၏ ပိုင်ခွင့်ဖြစ်သည် ဆိုသည်ကို နားလည်သင့်ကြောင်း ပြောကြားခဲ့သည်။

      "ကျွန်တော်တို့က NLD တရားဝင် ရပ်တည်မှု မရှိတော့တဲ့ အချိန်ကျမှ ပါတီထောင်ခဲ့တာပါ။ လူတစ်ဦးချင်းစီ အနေနဲ့ ကျွန်တော်တို့မှာ အဲဒီလို လုပ်ပိုင်ခွင့် ရှိပါတယ်။ ဒီမိုကရေစီ ဘက်တော်သား တစ်ဦး အနေနဲ့ သူမက ကျွန်တော်တို့ကို နားလည်သင့်ပါတယ်" ဟု ၎င်းက ပြောသည်။ သူနှင့် အခြား NDF ခေါင်းဆောင်များ အနေဖြင့် ဒီမိုကရေစီ ရုန်းကန်မှုများ အတွက် နိုင်ငံရေး ပါတီတစ်ခု ရှိရန် လိုအပ်သည်ဟု ယုံကြည်ကြောင်း ၎င်းက ဖြည့်စွက်ပြောသည်။

      ဒေါ်အောင်ဆန်းစုကြည်၏ မှတ်ချက်အား NLD ဝါရင့် ခေါင်းဆောင်ဟောင်း ဦးဝင်းတင်က ထောက်ခံလျက် "သူမ မှန်တယ်လို့ ကျွန်တော် ထင်ပါတယ်။ ပါတီ မှတ်ပုံမတင်ဖို့ ဆုံးဖြတ်တုန်းက၊ ကန့်ကွက်မှု မရှိ အားလုံး သဘောတူခဲ့ကြတာပါ။ ဒါ့ကြောင့် ဒီပါတီသစ် ထောင်တာကို ကျွန်တော်တို့ ဝမ်းမသာနိုင်ပါဘူး" ဟု ဆိုသည်။

      သို့သော် ဒေါက်တာ သန်းငြိမ်းက NDF သည် NLD မှ ခွဲထွက်သော ပါတီမဟုတ်ကြောင်း၊ အဘယ်ကြောင့်ဆိုသော် NLD သည် ဥပဒေအရ မရှိတော့ခြင်းကြောင့် ဖြစ်ကြောင်း ပြောကြားခဲ့သည်။ ယခုအချိန်အထိ နိုင်ငံရေးပါတီ ၃၇ ခုက မှတ်ပုံတင်ရန် လျှောက်ထားခဲ့ကြသည်။ ရွေးကောက်ပွဲအား ဝေဖန်သူများက ရွေးကောက်ပွဲသည် စစ်တပ် အခန်းကဏ္ဍကို အမြစ်တွယ်အောင် ပြုလုပ်ခြင်းပင် ဖြစ်ကြောင်း သုံးသပ်ခဲ့ကြသည်။

      အရှေ့တောင် အာရှ၏ ဗြိတိသျှ သံတမန်ဟောင်း၊ Myanmar Network ခေါင်းဆောင် Derek Tonkin က ပြောကြားရာတွင် "NLD အနေနဲ့ ဒေါ်အောင်ဆန်းစုကြည်ကို လေးစားလို့ ရွေးကောက်ပွဲကို သပိတ်မှောက်ဖို့ ဆုံးဖြတ်ခဲ့တယ်ဆိုတာ ရှင်းပါတယ်။ ဒါ့အပြင် အမြင်မတူ ကွဲပြားခြားနားမှုတွေ ရှိနေတယ် ဆိုတာကလည်း ရှင်းလင်းစွာ မြင်နေရပါတယ်" ဟု ဆိုခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

2010-05-17
ဗိုလ်ချုပ်မှူးကြီး သန်းရွှေရဲ့ အတ္ထုပ္ပတ္တိရေးသူ Benedict Rogers ကို RFA မှ ဒေါ်နန်းခမ်းထွေးက တွေ့ဆုံ မေးမြန်းထားပါတယ်။ (Photo: RFA)


မေး။ ။ ဗိုလ်ချုပ်မှူးကြီး သန်းရွှေအကြောင်းရေးဖို့ ဘာကြောင့် စိတ်ဝင်စားလာပါသလဲ။

ဖြေ။ ။ တကယ်တော့ မြန်မာအရေးလှုပ်ရှားနေသူတဦးလည်း ဖြစ်တဲ့ မိတ်ဆွေတယောက် အကြံပေး တာက စခဲ့တာပါ။ အာဏာရှင်တွေရဲ့ အတ္ထုပ္ပတ္တိတွေဟာ နိုင်ငံမှာ ဖြစ်ပေါ်နေတဲ့ အခြေအနေတွေကို တနည်းတလမ်းအားဖြင့် မီးမောင်းထိုးပြနိုင်တယ်လို့ သူက ပြောပါတယ်။ Kim Jong-Il တို့ Robert Mugabe, Saddam Hussein စတဲ့ တခြား ဆိုးဝါးတဲ့ အာဏာရှင်တွေအကြောင်း ရေးသားခဲ့ပေမဲ့ ကမ္ဘာ့ အဆိုးဝါးဆုံး အာဏာရှင်ဖြစ်တဲ့ ဗိုလ်ချုပ်မှူးကြီး သန်းရွှေရဲ့ အတ္ထုပ္ပတ္တိကို ရေးထားတာ မရှိသေးပါဘူး။ မြန်မာနိုင်ငံအကြောင်းကို ဖော်ပြရာမှာ ဗိုလ်ချုပ်မှူးကြီး သန်းရွှေနဲ့ ချိတ်ဆက်ဖော်ပြတဲ့ သဘောပါဘဲ။

မေး။ ။ သူနဲ့ ပတ်သက်တဲ့ အချက်အလက်တွေကို ဘယ်လို ရယူပါသလဲ။ ဘယ်လို အချက်တွေကို ရှာဖို့ အခက်ခဲဆုံး ဖြစ်ခဲ့ပါသလဲ။

ဖြေ။ ။ ကျနော့်ရဲ့ အဓိက သတင်း အရင်းအမြစ်တွေကတော့ ဗိုလ်ချုပ်မှူးကြီး သန်းရွှေကို အချိန် အပိုင်းအခြား အမျိုးမျိုးမှာ အနေအထား အမျိုးမျိုးနဲ့ သိရှိခဲ့ကြတဲ့ စစ်မှုထမ်းဟောင်းတွေပါ။ အနောက်တောင်တိုင်း စစ်ဌာနချုပ် တိုင်းမှူး ဘဝက သူ့လက်အောက်မှာ အမှုထမ်းခဲ့သူတွေ၊ သူနဲ့ စစ်တပ် လေ့ကျင့်ရေး သင်တန်းကျောင်းမှာ သိခဲ့သူတွေ၊ မကြာသေးခင်က သူ့ကို တွေ့ဆုံခဲ့သူတွေ၊ နောက်ပြီး နိုင်ငံတကာနဲ့ကုလသမဂ္ဂ ကိုယ်စားလှယ်တွေ၊ Australia, Britain, Japan, Thai, America က သံတမန်တွေ၊ သံအမတ်တွေကို မေးမြန်းခဲ့ပါတယ်။ အခက်ခဲဆုံးကတော့ သူ့ရဲ့ အစောပိုင်း နှစ်တွေက အခြေအနေ အသေးစိတ်ကို သိရဖို့ပါ။ သူ့ခလေးဘဝက အဖြစ်အပျက်တွေကို သိရဖို့ အတွက်သူ့မိသားစုအကြောင်း အသေးစိတ်သိတဲ့သူတွေကို ရှာလို့မရတဲ့ အခက်အခဲပါ။

မေး။ ။ ဗိုလ်ချုပ်မှူးကြီး သန်းရွှေအကြောင်း သူတို့ရဲ့ပြောပြချက်တွေက ဘယ်လောက်အထိ် မှန်ကန်နိုင်ပါသလဲ။

ဖြေ။ ။ ကျနော်ကတော့ ဒီလူတွေရဲ့ ပြောပြချက်တွေဟာ ယုံကြည်စိတ်ချရတယ်လို့ ထင်ပါတယ်။ ကျနော့်စာအုပ်ထဲမှာ သူ့ရဲ့ စရိုက်လက္ခဏာတွေ၊ သူ့ရဲ့ ဘဝထဲက အရေးအကြီးဆုံး အဖြစ်အပျက်တွေနဲ့ ပတ်သက်ပြီး မှန်မှန်ကန်ကန် ပုံဖော်နိုင်တယ်လို့ ထင်ပါတယ်။ တချို့အချက်တွေကတော့ သက်သေ မပြနိုင်တဲ့ ပြောဆိုချက်တွေပါ။ ဘယ်ဟာတွေကတော့ဖြင့် ခိုင်လုံတဲ့ အချက်တွေ၊ ဘယ်ဟာတွေ ကတော့ သက်သေမပြနိုင်တဲ့ အချက်တွေဆိုပြီး ကျနော့်စာအုပ်ထဲမှာ အသိပေး ဖော်ပြထားပါတယ်။

မေး။ ။ အဲဒီတော့ သူ့ကို ဘယ်လို အတိုချုပ်ပြီး ပုံဖော်နိုင်မလဲ။ သူဟာ ဘယ်လိုလူစားမျိုးလဲ။

ဖြေ။ ။ တိုတိုပြောရမယ်ဆိုရင်တော့ သူ့အောက်ကလူတွေရဲ့ ရာနှုံးပြည့် သစ္စာခံမှုကို လိုလားသူပါ။ သူ့ကို တစုံတရာ ဆန့်ကျင် ကန့်ကွက်တာ၊ သဘောထားချင်း မတိုက်ဆိုင်တာမျိုးကို လုံးဝ သည်းမခံတဲ့ သူပါ။ စစ်သားဘဝတုံးက သူ့မှာ ထူးခြားပြောင်မြောက်တဲ့ လုပ်ရပ်တွေ၊ အောင်မြင်ကျော်ကြားလိုတဲ့ သဘောမျိုးတွေကို မတွေ့ရပါဘူး။ သူ့အထက် အရာရှိတွေအတွက်လည်း သူက အန္တရာယ်မရှိတဲ့သူ တယောက်လို ဖြစ်ခဲ့တဲ့အတွက်လည်း သူ့ကို ဆက်ပြီး တင်ပေးခဲ့တာပါ။ စစ်တပ်နဲ့ ဦးနေဝင်းကို သစ္စာခံတဲ့ အနေအထားမျိုး တွေ့ရပါတယ်။ ဒါကြောင့်လည်း သူ့ရဲ့ စစ်မှုထမ်းဘဝမှာ အမှားအယွင်းတွေ အများကြီး လုပ်ခဲ့ပေမဲ့ အပြစ်ပေးတာ မခံခဲ့ရတဲ့အပြင် ရာထူးရာခံတွေ တိုးပေးတာ ခံခဲ့ရတာပါ။

မေး။ ။ ဒါပေမဲ့ သူအာဏာရလာတဲ့ အခါမှာတော့ အထင်နဲ့ အမြင် လွဲခဲ့ရတယ်လို့ ဆိုလိုတာလား။

ဖြေ။ ။ ဟုတ်ပါတယ်။ အချုပ်အခြာ အာဏာကို ရလာတဲ့အခါမှာတော့ သူ ဘယ်လောက်အထိ အာဏာ မက်မောတယ်ဆိုတာ တွေ့လာရပါတယ်။ ထိပ်ဆုံးကို မရောက်မချင်း သူက ရေမြွေလို နေခဲ့တာပါ။ အာဏာရလာတော့ သူအရင်က သူ့အထက်အရာရှိတွေကို ကျိုးနွံခဲ့သလို သူ့ကိုလည်း ကျိုးနွံခိုင်းတာပါ။

မေး။ ။ ဗိုလ်ချုပ်မှူးကြီး သန်းရွှေကို သိကျွမ်းခဲ့တဲ့သူတွေ အများကြီးကို မေးထားတယ်။ သူ့အကြောင်းကို လေ့လာ သုတေသနပြုထားတယ်ဆိုတော့ သူ့ကို ဘယ်လို မြင်ပါသလဲ။ မြန်မာပြည်ကို ဒီမိုကရေဒီနိုင်ငံဖြစ်လာအောင် ဖော်ဆောင်ပေးမယ်၊ ဒီမိုကရေစီနည်းကျတဲ့ လူမှုဘဝကို ခွင့်ပြုမယ်လို့ ထင်ပါသလား။ ရွေးကောက်ပွဲလုပ်ပေးမယ်။ နိုင်ငံကို ပြောင်းလဲမယ်လို့ ပြောတယ်။ ဒါကို ယုံကြည်ပါသလား။

ဖြေ။ ။ ကျနော် မယုံကြည်ပါဘူး။ ရွေးကောက်ပွဲဟာ သူရဲ့ အာဏာ၊ သူမိသားစုနဲ့ စစ်အုပ်ချုပ်မှုကို ကာကွယ်ဖို့ သက်သက် ပြင်ဆင်တယ်ဆိုတာ ရှင်းပါတယ်။ ဒါကိုလည်း သူ့ရဲ့ဖွဲ့စည်းပုံအခြေခံဥပဒေမှာ မြင်နိုင်ပါတယ်။ အမတ်နေရာ ၂၅ နေရာကို စစ်တပ်အတွက် ယူထားတာပါ။ ရွေးကောက်ပွဲ ဥပဒေ၊ NLD နဲ့ ဒေါ်အောင်ဆန်းစုကြည်ကို ဆက်ဆံပုံ၊ ဒါတွေကို ကြည့်ရင် သိနိုင်ပါတယ်။ ဒါကြောင့် ရွေးကောက်ပွဲဟာ ဒီမိုကရေစီဖော်ဆောင်ဖို့အတွက် ရည်ရွယ်ချက်နဲ့  လုပ်တာ မဟုတ်ပါဘူး။ အစိုးရအဖွဲ့မှာ စစ်တပ်က ပါဝင်နိုင်ရေးကိုသာ အဓိကထားတာပါ။ နိုင်ငံကို စစ်တပ်ကသာ ကယ်တင်နိုင်တယ်ဆိုပြီး စစ်တပ်အခြေပြု နိုင်ငံရေးနဲ့ အစိုးရတရပ် ထူထောင်ဖို့ ပြင်ဆင်တာပါ။

မေး။ ။ အရင်က ဗိုလ်ချုပ်မှူးကြီး သန်းရွှေနဲ့ ဗိုလ်ချုပ်ကြီး မောင်အေးတို့ အကြားမှာ အားပြိုင်မှုတွေ ရှိနေတယ်ဆိုတဲ့ သတင်းတွေ ထွက်ခဲ့ပါတယ်။ ဘာများသိထားတာ ရှိပါသလဲ။

ဖြေ။ ။ တချို့အချက်တွေကတော့ မှန်မယ် ထင်ပါတယ်။ ဒါပေမဲ့ ကျနော်မေးမြန်းခဲ့တဲ့သူ အများစုက ဗိုလ်ချုပ်ကြီးမောင်အေးဟာ ဗိုလ်ချုပ်မှူးကြီး သန်းရွှေကို တန်ပြန်အံတုဖို့ စွန့်စားမှာ မဟုတ်ဘူးလို့  ယူဆကြပါတယ်။ ဗိုလ်ချုပ်ကြီးမောင်အေးက ဒုတိယနေရာကို ရောက်နေပြီဆိုတော့ အတော့ကို ကျေနပ်နေပါပြီ။ နောက်ပြီး တန်ပြန်လို့ ရှုံးနိမ့်ခဲ့မယ်ဆိုရင် ဗိုလ်ချုပ်ခင်ညွန့်လို အဖိနှိပ်ခံရမှာကို စိုးရိမ်ပုံရပါတယ်။

မေး။ ။ ဒေါ်အောင်ဆန်းစုကြည်အပေါ် ဗိုလ်ချုပ်မှူးကြီး သန်းရွှေက ဘယ်လို သဘောထားတယ် ထင်ပါသလဲ။ အမျိုးသားရေးခေါင်းဆောင်လည်းဖြစ်၊ စစ်ခေါင်းဆောင်တဦးလည်း ဖြစ်ခဲ့တဲ့ ဗိုလ်ချုပ်အောင်ဆန်းရဲ့ သမီး ဒေါ်အောင်ဆန်းစုကြည်နဲ့ လက်တွဲပြီး အနာဂတ်မြန်မာနိုင်ငံအတွက် ပူးပေါင်း လုပ်ဆောင်သွားမယ်လို့ ထင်ပါသလား။

ဖြေ။ ။ အဲဒီလို ဖြစ်လာဖို့အတွက် ကျနော်တို့အားလုံးမြင်ချင်တွေ့ချင်ပေမဲ့ ဖြစ်လာလိမ့်မယ်လို့ ယူဆနိုင်ဖို့က အတော်လေး ခက်ပါတယ်။ ကျနော် မေးမြန်းခဲ့သူတဦးကဆိုရင် ၁၉၉၀ နှစ်ပိုင်းတွေက အကြောင်းတွေကို ပြန်ပြောပြခဲ့ပါတယ်။ တကြိမ်မှာ ဗိုလ်ချုပ်မှူးကြီး သန်းရွှေ၊ ဗိုလ်ချုပ်မောင်အေး၊ ဗိုလ်ချုပ်ခင်ညွန့်တို့နဲ့ ဒေါ်အောင်ဆန်းစုကြည်တို့ ညစာစားပွဲအတွက် တွေ့ဆုံခဲ့ပါတယ်။ ကျနော့်ကို ပြောပြတဲ့သူရဲ့ အဆိုအရ ညစာစားပွဲကို ဦးဆောင်ကျင်းပတဲ့ ဗိုလ်ချုပ်မှူးကြီး သန်းရွှေက အိမ်ရှင်အနေနဲ့ စကားပြောရမှာ ဖြစ်ပေမဲ့ ဘာတခွန်းမှ မစခဲ့ပါဘူး။ ဒီလိုနဲ့ အကြာကြီးဘဲ ဇွန်းသံ ခရင်းသံတွေဘဲ ထွက်နေခဲ့တာပါ။ နောက်ဆုံးတော့ ဗိုလ်ချုပ်ကြီးမောင်အေးက စကားစမြီ စပြောပါတယ်။ ဒါပေမဲ့ နိုင်ငံရေး၊ စီးပွါးရေး ကိစ္စမဟုတ်ဘဲ သဘာဝဝန်းကျင် အကြောင်းပါ။ နောက်ဆုံးတော့ ညစာစားပွဲသာ ပြီးသွားတယ်။ ဗိုလ်ချုပ်မှူးကြီး သန်းရွှေက စကားတခွန်းမှ မပြောသလို ဘာဆွေးနွေးတာမှ မရှိခဲ့တော့ ဘာရလဒ်မှလည်း ထွက်မလာခဲ့ပါဘူး။ ကျနော်ထင်တာကတော့ ဒေါ်အောင်ဆန်းစုကြည်က သူ့ထက် ငယ်တယ်၊ အမျိုးသမီးလည်း ဖြစ်တယ်ဆိုတော့ သူ့စကားကို နာခံရမယ်ဆိုတဲ့ သဘောမျိုး ဗိုလ်ချုပ်မှူးကြီး သန်းရွှေက ထားရှိပုံရပါတယ်။ တဖက်ကလည်း ဒေါ်အောင်ဆန်းစုကြည်ကို ကြောက်ရွံ့နေပါတယ်။ ဘာလို့လဲဆိုတော့ သူ့မှာမရှိတဲ့ အရည်အချင်းတွေအားလုံး ဒေါ်အောင်ဆန်းစုကြည်မှာ ရှိနေလို့ပါဘဲ။ ဒေါ်အောင်ဆန်းစုကြည်ဟာ နိုင်ငံတကာရေးရာကို သိကျွမ်းနားလည်သူ၊ အတွေ့အကြုံများပြီး ခေတ်နဲ့ရင်ဘောင်တန်းနေတဲ့၊ ပညာတတ် တဦးပါ။ ဒီတော့ ကြောက်တာရယ်၊ မကျေနပ် မုန်းတီးတာရယ်၊ နောက်ပြီး ဗိုလ်ချုပ်မှူးကြီးရဲ့ မာန်မာန ထောင်လွှားမှုရယ် ပေါင်းပြီး ဖြစ်လာတဲ့ အမြင်သဘောထားမျိုး ဗိုလ်ချုပ်မှူးကြီး သန်းရွှေက ဒေါ်အောင်ဆန်းစုကြည် အပေါ်မှာရှိတယ်လို့ ကျနော် ယူဆပါတယ်။

မေး။ ။ ဒီတော့ ဒေါ်အောင်ဆန်းစုကြည်ကို ဗိုလ်ချုပ်မှူးကြီး သန်းရွှေက ဘယ်တော့မှ လက်ခံမှာ မဟုတ်ဘူး ဆိုတဲ့ သဘောလား။

ဖြေ။ ။ အဲဒီလိုတော့ကျနော် မပြောလိုပါဘူး။ ဒါပေမဲ့ နိုင်ငံတကာက လေးလေးနက်နက် ဖိအားမပေးဘဲနဲ့တော့ ဖြစ်မလာနိုင်ပါဘူး။ သူက စစ်သား။ ဒီတော့ သံတမန်နည်းလမ်းနဲ့ သိမ်သိမ်မွေ့မွေ့ ချဉ်းကပ်တာကို နားထောင်မဲ့သူ မဟုတ်ပါဘူး။ သူနားလည်တာက ဖိအားတခုထဲပါ။

မေး။ ။ ဗိုလ်ချုပ်မှူးကြီး သန်းရွှေက မြန်မာပြည်မှာ အာဏာ လုံးဝချုပ်ကိုင်ထားသူလည်း ဖြစ်တော့ ဖိအားပေးတဲ့ အပေါ် သူက တုန့်ပြန်ပါ့မလား။

ဖြေ။ ။ ကိုယ်လိုချင်တဲ့ နည်းမျိုးနဲ့ တုန့်ပြန်မှုရဖို့တော့ မလွယ်ပါဘူး။ ဒါပေမဲ့ နိုင်ငံတကာကလည်း အလေးအနက် ဖိအားပေးမယ်။ တရုတ်ကလည်း သူရဲ့ ရပ်တည်ချက်ကို နဲနဲလေး ပြောင်းလိုက်မယ်ဆိုရင်တောင် တွေ့ဆုံ စကားပြောရေး စလုပ်ဖို့ လမ်းပွင့်လာနိုင်ပါတယ်။ ဒါမှလည်း နောက်လူတွေက ဆက်လုပ်နိုင်မှာပါ။ ဒါပေမဲ့ သူအသက်ရှင်နေသ၍၊ ကိုယ်တိုင် ချုပ်ကိုင်နိုင်သေးသ၍ကတော့ အပြောင်းအလဲ ဖြစ်ဖို့ လမ်းမမြင်ပါဘူး။

မေး။ ။ ဗိုလ်ချုပ်မှူးကြီး သန်းရွှေနဲ့ တရုတ်နိုင်ငံရဲ့ ဆက်ဆံရေးက ဘယ်လို ရှိပါသလဲ။

ဖြေ။ ။ ကျနော့်လေ့လာချက်တွေအရဆိုရင်တော့ ဗိုလ်ချုပ်မှူးကြီး သန်းရွှေက တရုတ်ပြည်ကို သဘောကျလှတာ မဟုတ်ဘူးဆိုတာ ရှင်းပါတယ်။ ဒါပေမဲ့ သူက တရုတ်ကို အကာအကွယ်အတွက်၊ လိုအပ်တဲ့ စစ်လက်နက်တွေရဖို့အတွက် အသုံးကျတဲ့ မဟာမိတ်အဖြစ် အသုံးချနေတာပါ။ သူပြောခဲ့တဲ့ စကားရှိပါတယ်။ တရုတ်နဲ့ မြန်မာဆက်ဆံရေးဟာ ရင်ထဲက လာတာ မဟုတ်ဘူး။ အခုလတ်တလော တရုတ်က အသုံးဝင်တဲ့ မဟာမိတ် ဖြစ်နေလို့။ တရုတ်ဖက်က အပြောင်းအလဲရှိလာရင် ငါတို့ကလည်း တခြားမဟာမိတ် ရှာရုံဘဲလို့ သူပြောခဲ့ဖူးပါတယ်။ ဒီတော့ အသုံးဝင်မှုအပေါ် မူတည်ပြီး ဆက်ဆံနေတာပါ။ နိုင်ငံရေးအရ အာဏာရဖို့၊ စစ်လက်နက်ရဖို့၊ စီးပွါးကုန်သွယ်နိုင်ဖို့ အတွက် သက်သက်ပါ။

မေး။ ။ အခုတလော သတင်းတွေမှာ မြောက်ကိုရီးယားက မြန်မာကို လက်နက်ပို့တာ၊ မြန်မာနိုင်ငံမှာ မြောက်ကိုရီးယားအကူအညီနဲ့ အနုမြူဓါတ်ပေါင်းဖို ဆောက်တာ စသဖြင့် ကြားရပါတယ်။ ဖြစ်နိုင်ပါသလား။ အခုလက်ရှိ မြန်မာနဲ့ မြောက်ကိုရီးယားဆက်ဆံရေး ဘယ်လိုရှိပါသလဲ။

ဖြေ။ ။ အထောက်အထား အတော်များများအရ ဒီသတင်းတွေ မှန်ကန်တယ်လို့ ကျနော် ယူဆပါတယ်။ မြန်မာပြည်မှာ မြေအောက် လှိုဏ်ခေါင်းတူးနေတာ၊ အနုမြူဓါတ်ပေါင်းဖို တည်တယ်ဆိုတဲ့ ကိစ္စတွေပါ။ ဒါပေမဲ့ ဘယ်လောက်အထိ ခရီးရောက်နေတယ် ဆိုတာကိုတော့ အသေအချာ မသိရပါဘူး။ နောက်ပြီး ဒီအနုမြူဓါတ်ပေါင်းဖိုကို စစ်ရေးအတွက် သုံးမှာလား၊ စစ်အစိုးရပြောသလို စစ်ရေးနဲ့ မပတ်သက်တဲ့ အရာတွေအတွက် သုံးမှာလားဆိုတာတွေကတော့ မသဲကွဲသေးပါဘူး။ ဘယ်လိုဘဲ ဖြစ်စေ မြောက်ကိုရီးယားနဲ့ မြန်မာစစ်အာဏာရှင်တွေရဲ့ ဆက်ဆံရေးက ပိုနီးကပ်လာတာတော့ အမှန်ပါဘဲ။ သူတို့က အသွင်သဏ္ဌာန်ကလည်း တူကြတော့ နှစ်ဦးနှစ်ဖက် အကျိုးအတွက် မဟာမိတ် ဖွဲ့ကြတာပါဘဲ။

မေး။ ။ တိုင်းရင်းသားတွေအပေါ် ဗိုလ်ချုပ်မှူးကြီး သန်းရွှေရဲ့ သဘောထား ဘယ်လို ရှိပါသလဲ။

ဖြေ။ ။ သူ သဘောထားက အတော်လေး တင်းမာပါတယ်။ သူ့မိန်းမက ပအို့တိုင်းရင်းသူဖြစ်နေတာ အတော် အံ့ဩစရာပါ။ ဗိုလ်ချုပ်မှူးကြီး သန်းရွှေမှာက အင်မတန် ကျဉ်းမြောင်းလွန်းပြီး တဖက်စွန်း ရောက်နေတဲ့ မြန်မာ လူမျိုးကြီးဝါဒနဲ့ သူလိုသလို ဆွဲယူပြီး အသုံးချထားတဲ့ ဗုဒ္ဓဘာသာ၊ အဲဒီ ဝါဒနှစ်ခုပေါင်းက သူ့ကို ကြီးစိုး လွှမ်းမိုးနေတာပါ။ ကျနော့်အမြင်ကတော့ သူဟာ ဗုဒ္ဓဘာသာဝင် မဟုတ်ပါဘူး။ သူ့လုပ်ရပ်တွေက ဗုဒ္ဓရဲ့ ဓမ္မတွေနဲ့ လုံးဝကို သွေဖီနေတာပါ။ ဗုဒ္ဓဘာသာကို လိုသလို အသုံးချနေတာပါ။ ဒါကြောင့်လည်း ဗမာမဟုတ်တဲ့ တိုင်းရင်းသားတွေနဲ့ ဗုဒ္ဓဘာသာဝင်မဟုတ်တဲ့ သူတွေအပေါ် သူက လုံးဝ သဘောထား မကြီးနိုင် ဖြစ်နေရတာပါ။

မေး။ ။ ဗိုလ်ချုပ်မှူးကြီး သန်းရွှေအကြောင်း ဘာထပ်ပြောချင်ပါသလဲ။

ဖြေ။ ။ သူဟာ လူသားထုအပေါ် ကျူးလွန်တဲ့ ရာဇဝတ်မှုနဲ့ စစ်ရာဇဝတ်မှုတွေကို ကျူးလွန်တဲ့ စစ်အစိုးရကို ဦးဆောင်နေသူပါ။ ဦးနေဝင်းလက်ထက်က စတင်ခဲ့တာမှန်ပေမဲ့ ဗိုလ်ချုပ်မှူးကြီး သန်းရွှေ လက်အောက်မှာ ဒီကျူးလွန်မှုတွေက အများကြီးပိုဆိုးလာတာပါ။ မြန်မာနိုင်ငံဟာလည်း အာရှဒေသရဲ့ အချမ်းသာဆုံးနိုင်ငံ အဖြစ်ကနေ ကမ္ဘာ့ အဆင်းရဲဆုံး နိုင်ငံဖြစ်သွားခဲ့ရတာပါ။ သူ့အုပ်ချုပ်မှုရဲ့ ရလဒ်ကတော့ မြန်မာပြည်သားတွေ အကြီးအကျယ် ဒုက္ခ သုက္ခ ရောက်ရတာတွေပါဘဲ။ အနှစ်ချုပ် ပြောရရင် သူဟာ စစ်ရာဇဝတ်ကောင်ပါ။ လူသားထုအပေါ်ကျူးလွန်တဲ့ ရာဇဝတ်မှုရဲ့ တရားခံပါ။ ဒါတွေက စစ်တပ် ဗိုလ်ချုပ်များအဖွဲ့ဆိုပြီး စုဆုံးဖြတ်ကြတာ မဟုတ်ပါဘူး။ စစ်အာဏာရှင် သန်းရွှေ တယောက်တည်း ဆုံးဖြတ်ကျူးလွန်တာပါ။ အာရှလူ့ အခွင့်အရေးလှုပ်ရှားသူ Benedict Rogers ဟာ စာရေးဆရာတဦးလည်းဖြစ်၊ လန်ဒန်အခြေစိုက် လူ့အခွင့်အရေး အဖွဲ့တခုဖြစ်တဲ့ Christian Solidarity
Worldwide ရဲ့ အရှေ့အာရှအဖွဲ့ ခေါင်းဆောင်လည်း ဖြစ်ပါတယ်။ မြန်မာ၊ အင်ဒိုနီးရှား၊ မြောက်ကိုရီးယား၊ တရုတ်၊ ဗီယက်နမ်၊ လာအိုနိုင်ငံတွေက CSW ရဲ့ လုပ်ငန်း ဆောင်တာတွေကို ကြည့်ကြပ်သူ ဖြစ်ပါတယ်။ ဗြိတိန်နိုင်ငံ Conservative Party Human Rights Commission ရဲ့ ဒုတိယ ဥက္ကဌလည်း ဖြစ်ပါတယ်။ မြန်မာနိုင်ငံနဲ့ ပတ်သက်ပြီး Burma: A Captive Nation, Than Shwe: Unmasking Burma
s Tyrant နဲ့ A Land Without Evil: Stopping the Genocide of Burma Karen People စာအုပ် ၃ အုပ်ကို ရေးသားခဲ့ပါတယ်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

နာဂသူပုန်ခေါင်းဆောင် Thuingaleng Muivah ကို ထောက်ခံသူများနှင့် မဏိပူရ အစိုးရအကြား ဖြစ်ပေါ်လျက်ရှိသော လိပ်ခဲတည်းလည်းပြဿနာကြောင့် ဒေသတွင်း တိုင်းရင်းသား လူမျိုးစုများ ဆက်ဆံရေး ပိုမိုဆိုးရွားလာနိုင်ဖွယ် ရှိနေသည်။

နာဂ အုပ်စုများက ယခုအခါ မဏိပူရနှင့် အိန္ဒိယဒေသများသို့ ဆက်သွယ်ပေးသည့် အမျိုးသားလမ်းမကြီးကို ပိတ်ပင်လိုက်ရာ မဏိပူရတွင် အစားအသောက်၊ လောင်စာနှင့် အခြားသော ကုန်ပစ္စည်းများ ပြတ်တောက်မှုနှင့် ကြုံတွေ့ရမည့် ကိန်းဆိုက်တော့မည်ဖြစ်သည်။

အဆိုပါ လိပ်ခဲတည်းလည်းပြဿနာကို နယူးဒေလီအစိုးရက ကြားဝင်ဖြေရှင်းပေးသော်လည်း ယခုအချိန်အထိ အောင်မြင်မှု မရရှိသေးပေ။ ယခုပြဿနာသည် နာဂသူပုန် ခေါင်းဆောင် Thuingaleng Muivah က မဏိပူရပြည်နယ်ရှိ သူ၏ မွေးရပ်ဇာတိ ကျေးရွာကို သွားရောက်လည်ပတ်ရန် ကြိုးစားရာမှ အချေတင်ဖြစ်ပွားခဲ့ခြင်းဖြစ်သည်။

နာဂခွဲထွက်ရေးသမားများ၏ အဓိကတောင်းဆိုချက်မှာ မဏိပူရပြည်နယ်၊ အာသံပြည်နယ်၊ အူရန်ချာ ပရာဒေ့ရ်ှနှင့် မြန်မာနိုင်ငံ ထဲတွင် နေထိုင်သော နာဂများအပါအဝင် နာဂလူမျိုးနှင့် သက်ဆိုင်သော ပြည်နယ်များအားလုံး ပါဝင်သည့် နာဂနယ်မြေကြီးတစ်ခု ဖန်တီးပေးရေးပင်ဖြစ်သည်။ မဏိပူရပြည်နယ် နယ်စပ်ဒေသ Imphal တောင်ကြားရှိ တောင်ကုန်းဒေသများမှာ နာဂလူမျိုးစုများ အဓိက အခြေချနေထိုင်ရာဖြစ်သည်။

မဏိပူရအစိုးရက စိတ်ပူပန်လျက်ရှိသည်မှာ အကယ်၍ နာဂသူပုန်ခေါင်းဆောင်သာ ၎င်းတို့၏ ပြည်နယ်ထဲသို့ လာရောက်လည်ပတ်ပါက ပြည်နယ်တွင်း နေထိုင်သော တိုင်းရင်သား လူမျိုးစုများ ဆက်ဆံရေး မပြေမလည်ဖြစ်နိုင်သည်ဟူသော  အချက်ပင်ဖြစ်သည်။

အရှေ့မြောက်ဒေသတွင် ဖြစ်ပေါ်လျက်ရှိသော ပုန်ကန်ထကြွမှုအချို့ကြောင့် တိုင်းရင်းသား လူမျိုးစုများနှင့် ဒေသတွင်း နေထိုင်သူများကို ပဋိပက္ခများဖြစ်ပေါ်စေသည်။ အကယ်၍ အဆိုပါ အရေးကိစ္စများကို ပညာသားပါပါ ကိုင်တွင်ဖြေရှင်းနိုင်ခြင်း မရှိပါက ရုန်းရင်းဆန်ခတ်မှုများ ဖြစ်ပေါ်လာဖွယ်ရှိသည်။၏

နာဂလူမျိုး အရေးကိစ္စနှင့်ပတ်သက်၍ တွေ့ဆုံဆွေးနွေးမှုများ နှစ်ကာလကြာရှည်စွာ ပြုလုပ်နေရခြင်း၏ အကြောင်းအရင်းတစ်ခုမှာ ခွဲထွက်ရေးသမားများ၏ တောင်းဆိုမှုများသည် နာဂလူမျိုးမဟုတ်သော ပြည်သူများကို ထိခိုက်နစ်နာစေသောကြောင့်ပင်ဖြစ်သည်။

သို့သော် သတိထားရန် လိုအပ်သည်မှာ နိုင်ငံနယ်နိမိတ်ဟူသည့် အရေးကိစ္စပါသော နိုင်ငံရေးအမြင်ဖြင့် ပြဿနာ ဖြေရှင်းပါက ဒေသတွင်း ငြိမ်းချမ်းရေးနှင့် စီးပွားရေး တည်ငြိမ်မှု မရရှိနိုင်ဟူသော အချက်ပင်ဖြစ်သည်။

နယ်မြေခွဲခြား သတ်မှတ်ရန် တောင်းဆိုနေမှုများသည် မည်သို့မျှ ခွဲခြား၍မရနိုင်သော တိုင်းရင်းသားလူနည်းစုများ၊ ဒေသခံများ၏ ယဉ်ကျေးမှုများကို ခွဲခြားပစ်နေသည့် သဘောတွင် ရှိသည်ကို ခွဲထွက်ရေးသူပုန်များ သတိပြုသင့်သည်။

Relief Web မှသတင်းကိုဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Jakata Globe, By Andrew Selth, 18th May 2010

      လွန်ခဲ့သည့် ဆယ်နှစ်အတွင်း မြန်မာနိုင်ငံ အပေါ် နျူကလီယာ လက်နက်များ ပိုင်ဆိုင်ရန် ကြိုးစားခဲ့ကြောင်း စွပ်စွဲမှုများ ရှိခဲ့သည်။ ထိုကာလ အတွင်း မြန်မာနိုင်ငံသည် မြောက်ကိုရီးယား နှင့် ဆက်ဆံရေး တိုးတက်လာခဲ့ခြင်းမှာ မှတ်မှတ်သားသား ရှိခဲ့ကြပြီး၊ နိုင်ငံတကာ၏ စိုးရိမ်ပူပန်မှုများ မြင့်တက်လာခဲ့သည်။ သို့သော် အဆိုပါ နျူကလီယာ အစီအစဉ် အတွက် ခိုင်မာသော သက်သေ အထောက်အထားများ ထွက်ပေါ်လာခြင်း မရှိခဲ့ပါ။

      ထိုသို့ လျှို့ဝှက် နျူကလီယာ လက်နက် အစီအစဉ်မှာ ၂၀၀၀ ခုနှစ်က မြန်မာ အစိုးရက ရုရှားထံမှ သုတေသန ဓာတ်ပေါင်းဖို အသေးတစ်လုံး ဝယ်ယူရန် ကြေညာခဲ့ခြင်းမှ အစပြုခဲ့သည်။ စွပ်စွဲမှုများ ၂၀၀၃ ခုနှစ်တွင် ပြန်လည် ထွက်ပေါ်လာရာ လူလေးစားသော သတင်း မဂ္ဂဇင်း တစ်စောင်မှ မြန်မာနိုင်ငံ၏ နျူကလီယာ နည်းပညာအတွက် ပင်မ အကူအညီပေးသူမှာ ရုရှားထံမှ မြောက်ကိုရီးယားထံသို့ ရောက်ရှိသွားကြောင်း ဖော်ပြခဲ့ခြင်းကြောင့် ဖြစ်သည်။ ထို့နောက် ထိုကိစ္စမှာ နိုင်ငံရေး လှုပ်ရှားသူများ၏ Web Site များတွင် ကြိုကြား ကြိုကြား ထွက်ပေါ်နေခဲ့သည်။ သို့သော် ၂၀၀၉ ခုနှစ် သြဂုတ်လတွင် တစ်ကမ္ဘာလုံး အာရုံကို ဆွဲဆောင်ခဲ့သော သတင်းတစ်ပုဒ် Sydney Morning Herald (SMH) တွင် ထွက်ပေါ်လာရာ၊ သြစတြေးလျ အမျိုးသား တက္ကသိုလ်မှ ပါမောက္ခ Des Ball နှင့် ထိုင်းနိုင်ငံ အခြေစိုက် သတင်းစာ ဆရာ Phil Thornton တို့က ရေးသားခဲ့သည်။

      SMH က မြန်မာနိုင်ငံတွင် နျူကလီယာ စီမံကိန်း နှစ်ခု ပြုလုပ်နေကြောင်း ဖော်ပြခဲ့သည်။ ပထမ တစ်ခုမှာ နိုင်ငံတကာ ကြီးကြပ်မှုဖြင့် လည်ပတ်မည့် ရုရှား သုတေသန ဗဟိုဌာန ဖြစ်သည်ဟု ဆိုသည်။ (SMH ၏ ဆန့်ကျင်ဘက် သတင်းအရ အဆိုပါ ဓာတ်ပေါင်းဖို ဆောက်လုပ်ရေးမှာ မစတင်ရသေးပါဟု ဆိုသည်။) ဒုတိယ တစ်ခုမှာ မြောက်ကိုရီးယား၏ အကူအညီဖြင့် ဆောက်လုပ်မည့် နျူကလီယာ စွမ်းအင်နှင့် ပတ်သက်သော နျူကလီးယား ဓာတ်ပေါင်းဖို လျှို့ဝှက် ဆောက်လုပ်ရေး စီမံကိန်း ဖြစ်ကြောင်း ဖော်ပြခဲ့သည်။ SMH ၏ အဆိုအရ၊ အဆိုပါ စီမံကိန်းများ အောင်မြင်ပါက မြန်မာနိုင်ငံသည် ၂၀၁၄ တွင် နျူကလီယာ လက်နက် ပိုင်ဆိုင်မည် ဖြစ်ပြီး၊ ၂၀၂၀ တွင် အဆိုပါ လက်နက် အတော်များများ ရှိနေမည်ဟု ဆိုသည်။ SMH ၏ ဖော်ပြမှုများ၏ အဓိက သတင်းရင်းမြစ်များမှာ မြန်မာနိုင်ငံမှ ထွက်ပြေးလာသူ နှစ်ဦးနှင့် ကြော်ငြာ ဂြိုလ်တုမှ သံသယရှိသော အဆောက်အဦး ဓာတ်ပုံများပင် ဖြစ်သည်။

      အဆိုပါ ဖော်ပြမှုများကြောင့် အမေရိကန် ပြည်ထောင်စုနှင့် အခြား အစိုးရများသည် မြန်မာနိုင်ငံ အပေါ် သေချာစွာ စောင့်ကြည့်လာ ရတော့သည်။ ထို့အပြင် ဥာဏ်ကြီးရှင် အဖွဲ့ (Think Tank) များ ဖြစ်သော လန်ဒန်မှ International Institute for Strategic Studies နှင့် ဝါရှင်တန်မှာ Institute for Science and International Security အဖွဲ့များသည် ထောင့်စုံမှ လေ့လာမှုများ ပြုလုပ်လာကြသည်။

      အမေရိကန် အစိုးရကလည်း လွန်ခဲ့သည့် ဆယ်စုနှစ်အတွင်း မြန်မာနှင့် မြောက်ကိုရီးယားကြား ကာကွယ်ရေးဆိုင်ရာ ဆက်ဆံရေး တိုးတက်လာခြင်း အတွက် စိုးရိမ် ပူပန်ကြောင်း ထုတ်ဖော် ပြောဆိုခဲ့သည်။ အဆိုပါ သတင်းချိတ်များက မြောက်ကိုရီးယား၏ မြန်မာနိုင်ငံအပေါ် ရိုးရိုး သာမန် လက်နက်များ ရောင်းချမှု၊ မြေအောက် အဆောက်အဦများ ဆောက်လုပ်ခြင်း အပါအဝင် မြန်မာ့ကာကွယ်ရေး အခြေခံ အဆောက်အအုံများ တိုးတက်ရေး အတွက် အကူအညီပေးမှု၊ မြန်မာနိုင်ငံတွင် လက်နက် ထုတ်လုပ်မှု အတွက် အကူအညီများ ပေးခြင်းများ၊ လေကြောင်းရန် ကာကွယ်ရေး အတွက် သင်တန်းများ ပေးခြင်းများကို ဖော်ပြကြသည်။ ၂၀၀၄ ခုနှစ်က အမေရိကန်သည် မြောက်ကိုရီးယားက မြန်မာနိုင်ငံသို့ တာတို ထိပ်ဖူး ဒုံးကျည် ရောင်းချမှုကို ပိတ်ဆို့ခဲ့သည်။

      Obama အစိုးရကလည်း မြောက်ကိုရီးယားမှ မြန်မာနိုင်ငံ အပေါ် နျူကလီယာ နည်းပညာများ လွှဲပြောင်းမှုများ အပါအဝင် နျူကလီယာ ပြန့်ပွားခြင်း အတွက် မြန်မာနိုင်ငံနှင့် ဆွေးနွေးလိုကြောင်း ဖော်ပြခဲ့သည်။ အမှန်တကယ်တွင်မူ ဝါရှင်တန် အနေဖြင့် ကွန်ဂရက် အဖွဲ့ဝင်များ၊ နိုင်ငံရေး လှုပ်ရှားသူများနှင့် သတင်းစာ ဆရာများထံမှ ထိရောက်သော ဖိအားပေးမှု မရှိခဲ့လျှင် ထိုကိစ္စကို ပြောဆိုရန် ငြင်းဆိုလိုဟန် ရှိပေသည်။ အမေရိကန် အနေဖြင့် မြန်မာနိုင်ငံတွင် လျှို့ဝှက် နျူကလီယာ လက်နက် အစီအစဉ် မရှိဟူသော ယုံကြည်ချက်နှင့် အဆိုပါ ကိစ္စ စွပ်စွဲရန် ခိုင်မာသော အထောက်အထား မရှိခြင်းတို့၏ ထင်ဟပ်ချက်ကြောင့် ပြောဆိုရန် ငြင်းဆိုလိုဟန် ရှိပေသည်။

      အဆိုပါ အယူအဆမှာ ဗြိတိန်နှင့် သြစတြေးလျ အပါအဝင် အခြားနိုင်ငံများကပါ လက်ခံကြသည်။ ဗြိတိန်နှင့် သြစတြေးလျတို့၏ မြန်မာနိုင်ငံ၏ လျှို့ဝှက် နျူကလီယာ အစီအစဉ်များ အပေါ် သတင်းရေးသားမှုများမှာ အတည်မပြုနိုင်သော သတင်းပေးပို့မှုများ ပေါ်တွင်သာ အခြေခံရသောကြောင့် ဖြစ်သည်။ IISS နှင့် ISIS တို့ကပင် စွပ်စွဲမှု အတွက် သက်သေ အလုံအလောက် မရှိကြောင်း ဖော်ပြခဲ့ကြသည်။ ဥပမာအားဖြင့် IISS က ၂၀၀၉ ခု နှောင်းပိုင်းတွင် ဖော်ပြခဲ့ရာ၌ မြန်မာနိုင်ငံတွင် နျူကလီယာ လက်နက် အတွက် သိသာသည့် စွမ်းဆောင်ရည် မရှိသေးကြောင်း ဖော်ပြခဲ့သည်။

      သို့တိုင်အောင် ဗြိတိန်၊ သြစတြေးလျနှင့် ဥာဏ်ကြီးရှင်အဖွဲ့များက မြန်မာနိုင်ငံ၏ ရည်မှန်းချက် အပေါ် သံသယ ရှိနေဆဲ ဖြစ်ပြီး၊ ၎င်းတို့ စောင့်ကြည့်ရမည့် အချက်များကို ထောက်ပြလျက် ရှိနေသည်။

      အရှေ့တောင် အာရှနိုင်ငံများ ကြားတွင်မူ မြန်မာနိုင်ငံမှာ နျူကလီယာ လက်နက် အစီအစဉ် အတွက် မဟာဗျူဟာအရ အားအကောင်းဆုံး အခြေအနေတွင် ရှိသည်။ ၁၉၈၈ မအောင်မြင်သော ဒီမိုကရေစီ လှုပ်ရှားမှု ပြီးကတည်းက စစ်အစိုးရသည် အမေရိကန်နှင့် မဟာမိတ်များက လက်နက်ဖြင့် ဝင်ရောက် စွက်ဖက်လာမည်ကို အကြောက်ကြီး ကြောက်ခဲ့သည်။ စစ်အစိုးရသည် စီးပွားရေးအရ အရေးယူ ပိတ်ဆို့မှုများနှင့် အခြား ပြစ်ဒဏ်ခတ်မှုများကို ခံစားခဲ့ရသည်။ မြန်မာ ဗိုလ်ချုပ်များသည် မြောက်ကိုရီးယား၏ ဖိအားများကို တွန်းလှန်နိုင်သည့် စွမ်းရည်ကို အားကျသည်။ နိုင်ငံတကာက အလျော့ပေးလာရသည့် အခြေကို သဘောကျနေကြသည်။ မြန်မာ ဗိုလ်ချုပ်များက ထိုသို့ ဖြစ်ရခြင်းမှာ ပြုံးယမ်း၏ နျူကလီယာ လက်နက် ပိုင်ဆိုင်ခြင်းကြောင့်ဟု တထစ်ချ ယုံကြည်ကြသည်။

      ဖြည့်စွက်ပြောရလျှင် မြန်မာနိုင်ငံသည် ယခုနှစ် အနည်းငယ် အတွင်း မြောက်ကိုရီးယား ရောင်းဝယ်ရေး လုပ်ငန်း နှစ်ခုနှင့် နျူကလီယာနှင့် ဒုံးကျည် နည်းပညာများ ပြန့်ပွားရေး ကိစ္စ ဆောင်ရွက်မှုများ အတွက် မှတ်တမ်းများ ရှိခဲ့သည်။ ထို့အပြင် မြန်မာနိုင်ငံသည် ဥရောပနှင့် ဂျပန်မှ အဆင့်မြင့် စက်ပစ္စည်းများနှင့် နှစ်မျိုးသုံးနိုင်သော ပစ္စည်း အချို့တင်သွင်းခဲ့ရာ၊ နျူကလီယာ အစီအစဉ်တွင် အသုံးပြုဖွယ် ရှိသည်ဟု မှတ်ယူရသည်။ မြန်မာနိုင်ငံသား အတော်များများကို ရုရှားသို့ နျူကလီယာ သင်တန်းများ အတွက် စေလွှတ်ခဲ့ရာ ငြိမ်းချမ်းစွာ နျူကလီယာ သုတေသန အစီအစဉ်များ ပြုလုပ်ရေး အတွက် လိုအပ်သည်ထက် ပိုမို များပြားသည်။ ထို့အပြင် မြန်မာနိုင်ငံမှ ထွက်ပြေးလာသူများ၏ ပြောကြားချက်များက ထိုအချက်များကို ပိုမို ခိုင်မာစေသည်။

      သို့သော် အထက်ပါ အချက်များသည် မြန်မာနိုင်ငံ အနေဖြင့် နျူကလီယာ လက်နက် အစီအစဉ် လမ်းကြောင်းပေါ် ရောက်နေပြီဟု ပြောနိုင်မည့် သက်သေပြချက်များ မပါချေ။ အီရတ် စစ်ပွဲကို မှားယွင်းစွာ ဆင်နွှဲပြီးသည့် နောက်ပိုင်း မည်သည့်အစိုးရမျှ မပြည့်စုံသော၊ အတည်မပြုနိုင်သော ထောက်လှမ်းရေး သတင်းများကို အခြေခံ၍ အလျင်စလို ဆုံးဖြတ်မှုများ မပြုလုပ်လိုကြပေ။ တဖက်တွင်လည်း နှစ်အနည်းငယ်ခန့် အိပ်ငိုက်နေခဲ့ပြီးကာမှ ဆီးရီးယားသည် မြောက်ကိုရီးယား၏ အကူအညီဖြင့် ဓာတ်ပေါင်းဖိုတစ်ခု ဆောက်လုပ်နေသည်ကို ဘွားကနဲ တွေ့ခဲ့ကြရသည်။ ထို့ကြောင့်ပင် နိုင်ငံတကာ အသိုင်းအဝိုင်းသည် မြန်မာနိုင်ငံ၏ လျှို့ဝှက် နျူကလီယာ အစီအစဉ်များ အတွက် ခိုင်မာသော အထောက်အထားများကို စေ့စပ် သေချာစွာ ရှာဖွေနေကြရပြီ ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Associated Press News, 17th May 2010

      ပိုမို တင်းကျပ်သော အရေးယူ ပိတ်ဆို့မှုများ ချမှတ်ရန် ဖိအားပေးခံနေရသော အီရန်နိုင်ငံ၏ အငြင်းပွားဖွယ် နျူကလီယာ အစီအစဉ် အပေါ် နိုင်ငံတကာ၏ သဘောထား တင်းမာမှု ပြေလျော့စေမည့် နျူကလီယာ လောင်စာ လဲလှယ်ရေး အစီအစဉ်အရ သန့်စင်ပြီး ယူရေနီယံများကို တူရကီသို့ ပို့ဆောင်ရန် အီရန်က တနင်္လာနေ့တွင် သဘောတူ လိုက်သည်။

      အီရန်၏ နျူကလီယာ ဆောင်ရွက်ချက်များ အပေါ် အငြင်းပွားမှုတွင် ပထမဆုံး အကြိမ် ကြားဝင် စေ့စပ်သူများ ဖြစ်သည့် ဘရာဇီး၊ တူရကီတို့နှင့် ဆွေးနွေးရာတွင် သဘောတူညီမှု ရခဲ့ခြင်း ဖြစ်သည်။ အစောပိုင်း ညှိနှိုင်းမှုများကို ဦးဆောင်ခဲ့သော အမေရိကန်နှင့် ကမ္ဘာ့ အင်အားကြီးနိုင်ငံများထံမှ ယခု သဘောတူညီချက် အပေါ် ကျေနပ်မှု ရှိ၊ မရှိနှင့် ၄ ချီမြောက် အရေးယူ ပိတ်ဆို့ရေး အစီအစဉ်များ ဆိုင်းငံ့ခြင်း ရှိ၊ မရှိတို့နှင့် ပတ်သက်ပြီး မှတ်ချက်ပေးခြင်း မရှိသေးပါ။

      ဝါရှင်တန်နှင့် မဟာမိတ်များက အီရန်နိုင်ငံအား ၎င်းသိုလှောင်ထားသည့် အဆင့်နိမ့် သန့်စင်ပြီး ယူရေနီယမ်များကို ပြည်ပသို့ ပို့ဆောင်ကာ ဓာတ်ပေါင်းဖို အဆင်သင့်သုံး လောင်စာတောင့်များနှင့် လဲလှယ်ရန် ကုလသမဂ္ဂ ရေးဆွဲထားသော အစီအစဉ်ကို လက်ခံအောင် ဖိအား ပေးခဲ့ကြသည်။ နျူကလီယာ လက်နက် အစီအစဉ် အတွက် ကျောရိုးအဖြစ် အချို့က စိုးရိမ်ပူပန် နေကြသော အီရန်၏ ယူရေနီယမ် သန့်စင်မှု စွမ်းရည်ကို အနောက်နိုင်ငံများက ထိန်းချုပ်လိုကြခြင်း ဖြစ်သည်။

      အီရန်၊ တူရကီနှင့် ဘရာဇီး ခေါင်းဆောင်များ၏ ၃ ပွင့်ဆိုင် ဆွေးနွေးပွဲတွင် သဘောတူညီမှု ရခဲ့ခြင်း ဖြစ်ပြီး အီရန်၏ သန့်စင်ပြီး ယူရေနီယံများကို လောင်စာတောင့်များနှင့် လဲလှယ်ရမည့် နေရာမှာ တူရကီ ဖြစ်လိမ့်မည်ဟု နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ ရာမင်မီဟမ်းပါရတ်က တနင်္လာနေ့တွင် နိုင်ငံပိုင် ရုပ်သံမှ ပြောကြားခဲ့သည်။

      အီရန်သည် အနောက်နိုင်ငံများ၏ အလိုကို လိုက်လျောသော နျူကလီယာ သဘောတူညီချက် များများ ရရှိမည့် အပေါင်းလက္ခဏာ ဆောင်သော အလားအလာကို ယခင်က ပြသခဲ့သော်လည်း နောက်ပိုင်းတွင် သံတမန်ရေးအရ အချိန်ဆွဲသည့် နည်းဗျူဟာကို သိသိသာသာ ကျင့်သုံးလာခဲ့သည်။

      ယခု သဘောတူညီချက်သည် နျူကလီယာ လက်နက် ထုတ်လုပ်ရန် လိုအပ်သော အဆင့်မြင့် ယူရေနီယမ် သန့်စင်လိုသည့် အီရန်အား အနည်းဆုံး ယာယီမျှ တားဆီးထားနိုင်လိမ့်မည်။ အီရန်က ပြန်လည် ရရှိမည့် လောင်စာတောင့်များကို ၎င်း၏ အဆင့်နိမ့် နည်းပညာ အဆင့်အတန်းအရ အဆင့်မြင့် သန့်စင်နိုင်မည် မဟုတ်ပါ။ ကင်ဆာရောဂါ ကုသရေး အတွက် အိုင်ဆိုတုပ်များ ထုတ်လုပ်နေသော တီဟီရန်ရှိ သက်တမ်းရင့် ဆေးသုတေသန ဓာတ်ပေါင်းဖိုတွင် အသုံးပြုရန် အဆိုပါ လောင်စာတောင့်များကို အီရန်က လိုအပ်နေသည်။

      ယခု သဘောတူညီချက်က အီရန်၏ နျူကလီယာ ဆောင်ရွက်မှုများ အပေါ် နိုင်ငံတကာ၏ စိုးရိမ် ပူပန်မှုကို သက်သာရာ ရစေလိမ့်မည်။ အစောပိုင်း စေ့စပ် ညှိနှိုင်းမှုများကို ဦးဆောင်ခဲ့သည့် လုံခြုံရေး ကောင်စီ အမြဲတမ်း အဖွဲ့ဝင် ၅ နိုင်ငံ (အမေရိကန်၊ ဗြိတိန်၊ ပြင်သစ်၊ ရုရှား၊ တရုတ်) နှင့် ဂျာမဏီတို့က အီရန်၏ ယူရေနီယမ် သန့်စင်မှုကို ရပ်ဆိုင်းရန် ကြိုးစားခဲ့ကြပြီး နျူကလီယာ လက်နက် ထုတ်လုပ်ရန် အလားအလာ ရှိသော လမ်းကြောင်းကို တားဆီးခဲ့ကြခြင်း ဖြစ်သည်။

      တီဟီရန်တွင် ဘရာဇီး သမ္မတ လူလာဒါဆဲလ်ဗား၊ တူရကီ ဝန်ကြီးချုပ် တေရစ်ပ်အာဒိုဂန် နှင့် အီရန် သမ္မတ အာမက်ဒီနီဂျက် တို့အကြား ဆွေးနွေးပွဲ ကျင်းပပြီးနောက် တနင်္လာနေ့ သဘောတူညီချက်ကို ထုတ်ပြန် ကြေညာခဲ့ခြင်း ဖြစ်သည်။

      အီရန် နျူကလီယာ စွမ်းအင် အဖွဲ့အစည်း၏ အကြီးအကဲ ဒုတိယ သမ္မတ အလီအက်ကဘာ၊ ဆာလီဟီ က တနင်္လာနေ့ သဘောတူညီချက်သည် သမိုင်းဝင် ဖြစ်သည်ဟု ပြောဆိုခဲ့သည်။

      "ကုလသမဂ္ဂ အရေးယူ ပိတ်ဆို့မှုတွေ လုပ်ဖို့ မလိုတော့ပါဘူး" ဟု တူရကီ နိုင်ငံခြားရေး ဝန်ကြီး အာမက် ဒါဗူတိုဂလူးက တီဟီရန်တွင် သတင်းထောက်များအား ပြောကြားခဲ့ခြင်းကို တူရကီ ပုဂ္ဂလိက ရုပ်သံ NTV က ထုတ်လွှင့်ခဲ့သည်။

      အီရန်က ရှုပ်ထွေးသော လက္ခဏာ အချို့ ကနဦးတွင် ပြသကာ လုံးဝ ပယ်ချခဲ့သော ကုသမဂ္ဂက အောက်တိုဘာလတွင် ရေးဆွဲခဲ့သည့် အစီအစဉ်ကို ပြန်လည် သက်ဝင်စေရန် ယခု သဘောတူညီချက်က မျှော်မှန်းထားသည်။ များစွာသော အသေးစိတ် အချက်များအရ အလားတူပင် ယူဆနိုင်သည်။

      ဆေးသုတေသန ဓာတ်ပေါင်းဖို အတွက် လိုအပ်သော သန့်စင်ပြီး လောင်စာတောင့်များ ရရှိရန် အတွက် အီရန်က အဆင့်နိမ့် သန့်စင်ထားသော ယူရေနီယမ် ပေါင် ၂၆၀၀ (သို့) ၁၂၀၀ ကီလိုဂရမ် ခန့်ကို တင်ပို့ပေးရမည်ဟု "မီဟမ်းပါရတ်" က ပြောကြားခဲ့သည်။

      အမေရိကန် ပြည်ထောင်စုနှင့် နိုင်ငံတကာ အနုမြူ စွမ်းအင် အေဂျင်စီ IAEA တို့ အပါအဝင် အဓိက စေ့စပ် ညှိနှိုင်းသူများနှင့် အီရန်နိုင်ငံ အကြား နောက်ဆုံး သဘောတူညီချက် လက်မှတ် ရေးထိုးအပြီး တစ်လအကြာတွင် လဲလှယ်ရေး လုပ်ငန်းစဉ်ကို စတင်ဖွယ် ရှိသည်။

      အီရန်က ၎င်းစုဆောင်းထားသော ယူရေနီယမ်များကို တခေါက်ထဲ ပို့ဆောင်ရခြင်းထက် လောင်စာတောင့် လဲလှယ်ရေးကို အဆင့်ဆင့် ပြုလုပ်သွားရန် အစောပိုင်း တောင်းဆိုမှုကို စွန့်လွှတ်လိုက်သည့် လက္ခဏာရှိပြီး လဲလှယ်ခြင်းကို အီရန်နိုင်ငံတွင် ဆောင်ရွက်လိုကြောင်းနှင့် တချိန်ထဲတွင် လောင်စာတောင့်များ ရရှိလိုသော တောင်းဆိုမှုများကိုလည်း စွန့်လွှတ်ခဲ့သည်။

      ကုလသမဂ္ဂ၏ အစီအစဉ်တွင် ပြင်သစ်၌ လောင်စာတောင့်များ ထုတ်လုပ်ရန် တစ်နှစ် ခွင့်ပြုမည့် ဟာကွက်တစ်ခု ရှိနေသည်။

      အီရန်က လောင်စာတောင့်များ လက်ခံ မရရှိခင် တူရကီ၌ နိုင်ငံတကာ ကြီးကြပ်မှုအောက်တွင် ထားရှိမည့် ယူရေနီယမ်များကို အီရန်ပိုင်ပစ္စည်းအဖြစ် ယူဆမည်ဟု နိုင်ငံခြားရေး ဝန်ကြီး Manouchehr Mottaki က ပြောကြားသည်။

      အီရန်က တူရကီ၊ ဘရာဇီးတို့နှင့် သဘောတူညီခဲ့ခြင်းသည် ယူရေနီယမ် သန့်စင်မှုကို ရပ်ဆိုင်းရန် ငြင်းပယ်ခြင်းကြောင့် ကုလသမဂ္ဂက ချမှတ်မည် အရေးယူ ပိတ်ဆို့မှုများကို ရှောင်ရှားရန် ကြိုးစားခဲ့ခြင်းသာ ဖြစ်သည်။ ဘရာဇီးနှင့် တူရကီသည် လုံခြုံရေးကောင်စီ၏ အမြဲတမ်း မဟုတ်သော အဖွဲ့ဝင်များ ဖြစ်သည်။

      အဆိုပါ တနင်္လာနေ့ သဘောတူညီချက်ကို ၃ နိုင်ငံမှ နိုင်ငံခြားရေး ဝန်ကြီးများက လက်မှတ်ရေးထိုးခဲ့ကြသည်။

      အီရန်က ၎င်း၏ ယူရေနီယမ် သန့်စင်ရေး အစီအစဉ်သည် ငြိမ်းချမ်းစွာ အသုံးပြုရန် ရည်ရွယ်ပြီး ဓာတ်ပေါင်းဖို အတွက် လောင်စာ ထုတ်လုပ်ခြင်းသာ ဖြစ်သည်ဟု အကြောင်းပြခဲ့သည်။

      နောက်ဆုံး သဘောတူညီချက် ရရှိရေး အတွက် တစ်ပတ်အတွင်း IAEA သို့ စာတစ်စောင် ပေးပို့မည်ဟု မီဟမ်းပါရတ်က ပြောကြားသည်။

      "ကျွန်တော်တို့နဲ့ သူတို့အုပ်စု အကြား လက်မှတ်ရေးထိုးမယ့် သဘောတူညီချက် အတွက် သူတို့ အဆင်သင့် ဖြစ်သင့်ပါတယ်" ဟု ၎င်းက အမေရိကန်၊ ပြင်သစ်၊ ရုရှားနှင့် IAEA တို့ကို ရည်ညွှန်း ပြောဆိုလိုက်သည်။

      နောက်တစ်လခန့် အကြာတွင် လက်ရှိ ၃.၅ % သန့်စင်ထားသော ယူရေနီယမ်များကို IAEA နှင့် အီရန်တို့၏ ကြီးကြပ်မှုအောက်တွင် ထားရှိမည့် တူရကီသို့ ပို့ဆောင်နိုင်ဖွယ် ရှိပါသည်ဟု မီဟမ်ပါရတ်က ပြောကြားခဲ့ပြီး ပြန်လည် ရရှိမည့် လောင်စာတောင့်များမှာ ၂၀ % နီးပါး သန့်စင်ထားသော ပစ္စည်းများ ဖြစ်သည်ဟု ဆိုသည်။

      နျူကလီယာ လက်နက် ထိပ်ဖူး ထုတ်လုပ်ရန် ၉၀ % အဆင့်မြင့် သန့်စင်ထားသော ယူရေနီယမ် လိုအပ်သည်ဟု သိရှိရသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

www.relifweb.com, 18th May 2010

      မြန်မာနိုင်ငံ ဧရာဝတီ မြစ်ဝကျွန်းပေါ်မှ နာဂစ်စ် ဆိုက်ကလုံး ဒဏ်ခံ ပြည်သူများ အတွက် နေအိမ် ဆောက်လုပ်ပေးမည့် IOM ၏ အစီအစဉ်ကို အမေရိကန် ဒေါ်လာ ၂သိန်း ဆက်လက် ကူညီရန် စင်ကာပူနိုင်ငံက ကတိပြုလိုက်သည်။

      ယခုလ ဝင်ရောက်တော့မည့် မုတ်သုံရာသီ မတိုင်မီ ဖျာပုံမြို့နယ် ကျေးလက် ဒေသမှ ပျက်ဆီးမှု အများဆုံး အိမ်ယာများကို ရာသီဥတု ဒဏ်ခံနိုင်ရေး အတွက် ပြုပြင်ရာတွင် ထောက်ပံ့ရန် စင်ကာပူနိုင်ငံက အစောပိုင်း လှူဒါန်းခဲ့သော ဒေါ်လာ တစ်သိန်း၏ နောက်ဆက်တွဲ အဖြစ် ယခု ဆက်လက် လှူဒါန်းခဲ့ခြင်း ဖြစ်သည်။

      ဝါးများ၊ ဝါးထရံများ၊ ဓနိမိုးများ အပါအဝင် အိမ်ဆောက် ပစ္စည်းများ အတွက် သုံးစွဲရန် အလှူငွေ ပေးအပ်ခြင်း ဖြစ်သည်။ အိမ်ထောင်စုတိုင်းသည် လုံခြုံ စိတ်ချရသော နေအိမ် ဆောက်လုပ်ရာတွင် အထောက်အကူ ရရန် ကျေးလက်နေအိမ် လမ်းညွှန် စာအုပ် တစ်အုပ်စီ လက်ခံရရှိလိမ့်မည် ဖြစ်သည်။

      ၂၀၀၈ မေလတွင် နာဂစ်စ် ဆိုက်ကလုံး မြန်မာနိုင်ငံသို့ ဝင်ရောက် တိုက်ခတ်ခဲ့ရာ ရေလမ်းခရီးဖြင့်သာ အများစု သွားလာနိုင်သော ဧရာဝတီ မြစ်ဝကျွန်းပေါ် ဒေသတွင် လူပေါင်း ၁၄၀,၀၀၀ ခန့် အသက် ဆုံးရှုံးခဲ့ပြီး လူပေါင်း ၂.၄ သန်းခန့် အိုးမဲ့အိမ်မဲ့ ဒုက္ခများ ရင်ဆိုင်ခဲ့ရသည်။

      "နာဂစ်စ် ဆိုက်ကလုံးမှာ အသက်ရှင် ကျန်ရစ်သူတွေရဲ့ ဘဝပြန်လည်ထူထောင်ရေးကို ကူညီဖို့ စင်ကာပူ အစိုးရက ကတိပေးခဲ့ပါတယ်။ နိုင်ငံတကာ အဖွဲ့အစည်းတွေ၊ မြန်မာနိုင်ငံ IOM နဲ့ ကျွန်တော်တို့ မိတ်ဆွေတွေဟာ နာဂစ်စ် ဒဏ်ခံ ဒေသက ဆောက်လုပ်ဆဲ အိမ်ယာတွေမှာ ကြီးကြီးမားမား လိုအပ်နေတဲ့ အရာတွေကို ဖြေရှင်းပေးဖို့ ရည်ရွယ်ထားပါတယ်။ နောက်ပြီးတော့ နာဂစ်စ် အလွန် ပြန်လည် ထူထောင်ရေးနဲ့ ကြိုတင် ပြင်ဆင်မှု အစီအစဉ်နဲ့ ဦးစားပေး ဆောင်ရွက်မှု အစီအစဉ်တွေကို ဆက်လက် ဦးဆောင် လမ်းညွှန်ပေးနေပါတယ်'' ဟု မြန်မာနိုင်ငံဆိုင်ရာ စင်ကာပူ သံအမတ်ကြီး ရောဘတ်ချူးက ပြောကြားသည်။

      IOM သည် ဆိုက်ကလုံး အပြီးတွင် မြစ်ဝကျွန်းပေါ်မှ မိသားစု ၆၈,၀၀၀ ကျော်ကို နေအိမ်များ ပြန်လည်ပြုပြင် ဆောက်လုပ်ရေးအတွက် အမေရိကန် ဒေါ်လာ ၁၅သန်းခန့် ကူညီခဲ့ပြီး ဖြစ်သည်။ IOM ၏ နာဂစ်စ် အလွန် အိမ်ယာ အစီအစဉ်ကို ကူညီအားဖြည့်သူများတွင် ယူကေနိုင်ငံ၊ အမေရိကန် ပြည်ထောင်စု၊ သြစတြေးလျား၊ ဂျပန်နှင့် ECHO တို့လည်း ပါဝင်သည်။

      သို့ရာတွင် ဆိုက်ကလုံး အပြီး ၂ နှစ်ကြာသည့် တိုင်အောင် ထောင်ပေါင်းများစွာသော သနားစရာ မိသားစုများမှာ လုံလောက်သော ခိုကိုးရာမဲ့နေဆဲ ဖြစ်သည်ဟု IOM မြန်မာနိုင်ငံ မစ်ရှင် အကြီးအကဲ မာရီကို တိုမီယာမာ ၏  အဆိုအရ သိရှိရသည်။ "အခုအချိန် အထိ ဒုက္ခ ရောက်နေတဲ့ သနားစရာ မိသားစု ၅၀,၀၀၀ အတွက် လိုအပ်ချက်တွေ ဖြည့်ဆည်းပေးဖို့ အမေရိကန် ဒေါ်လာ ၁၂.၅ သန်း ဆက်လက် ကူညီကြပါလို့ IOM က လတ်တလော မေတ္တာရပ်ခံနေပါတယ်" ဟု သူမက ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.