Transparency Myanmar: May 23, 2010

သတင်းစာလွတ်လပ်ခွင့်အပေါ် ကန့်သတ်ပိတ်ပင်မှုများ ပြုလုပ်သည့် အစိုးရများကို သတိပေး ခြိမ်းခြောက်ရာ ရောက်မည့် အမေရိကန်ပြည်ထောင်စု မီဒီယာဥပဒေသစ်တစ်ရပ်သည် မြန်မာနိုင်ငံအပေါ် အကျိုးသက်ရောက်မှု အနည်းငယ်သာ ရှိမည်ဖြစ်ကြောင်း မြန်မာနိုင်ငံတွင်းမှ မီဒီယာသမားများက သုံးသပ်ပြောကြားသည်။

အဆိုပါ မီဒီယာဥပဒေမူကြမ်းကို အမေရိကန်သမ္မတ ဘားရက်အိုဘားမားက မေလ ၁၈ ရက်နေ့တွင် လက်မှတ်ရေးထိုး အတည်ပြုလိုက်ပြီဖြစ်ရာ နိုင်ငံခြားရေးဝန်ကြီးဌာန အနေဖြင့် သတင်းစာ လွတ်လပ်ခွင့်ကို ချိုးဖောက်သော အစိုးရများစာရင်းကို ပြုစုထုတ်ပြန်မည်ဖြစ်သည်။ ပါကစ္စတန်နိုင်ငံတွင် ၂၀၀၂ ခုနှစ်က အသတ်ခံခဲ့ရသော Wallstreet Journal သတင်းထောက် Daniel Pearl ကို ဂုဏ်ပြုသောအားဖြင့် အမေရိကန်အစိုးရက ယင်းဥပဒေကို ထုတ်ပြန်ခြင်းဖြစ်သည်။

သို့သော် သတင်းစာလွတ်လပ်ခွင့် အနည်းဆုံး စာရင်းတွင် နောက်ဆုံးပိုင်းနေရာ ရောက်နေသော မြန်မာနိုင်ငံထဲမှ သတင်းစာဆရာများက သတင်းစာလွတ်လပ်ခွင့်အတွက် ပြင်ပနိုင်ငံများ၏ စစ်အစိုးရအပေါ် ဖိအားပေးမှုသည် ထိရောက်မှု အနည်းငယ်မျှသာ ရှိသည်ဟု ဆိုသည်။

"သတင်းစာလွတ်လပ်ခွင့်ဆိုတာ နိုင်ငံတစ်ခုကို လွှမ်းမိုးတဲ့ နိုင်ငံရေးတစ်ရပ်အပေါ်မှာ မှီခိုနေပါတယ်။ တကယ်လို့ စစ်အစိုးရရဲ့ နိုင်ငံရေးကို ကြီးကြီးမားမား သက်ရောက်မှု ရှိမယ်ဆိုရင် သူတို့က ပိုနေမြဲကျားနေမြဲပုံစံ ပြန်ဖြစ်အောင် လုပ်ယူသွားမှာပဲ။ သတင်းစာလွတ်လပ်ခွင့်အတွက် မျှော်လင့်ချက် သိပ်မရှိပါဘူး" ဟု မြန်မာနိုင်ငံတွင်း ထုတ်ဝေသော သတင်းဂျာနယ်တစ်စောင်မှ အမည်မဖော်လိုသူ အယ်ဒီတာတစ်ဦးက DVB သတင်းဌာနသို့ ပြောကြားသည်။

ထိုင်းနိုင်ငံအခြေစိုက် မြန်မာမီဒီယာအသင်း (BMA) ဒုတိယဥက္ကဋ္ဌ ဦးဇင်လင်းက မြန်မာစစ်အစိုးရ၏ သဘောထားတင်းမာမှု (ခေါင်းမာမှု) များကြောင့် ကမ္ဘာပေါ်တွင် ဖိနှိပ်ချုပ် ခြယ်မှု အများဆုံး မီဒီယာဥပဒေများ ထွက်ပေါ်ခဲ့ကြောင်း၊ အမေရိကန်ပြည်ထောင်စု၏ မီဒီယာ ဥပဒေသစ်သည် အနည်းငယ်မျှသာ ထိရောက်မှုရှိမည်ဖြစ်ကြောင်း ပြောကြားသည်။

"နိုင်ငံတကာ အသိုင်းအဝိုင်းကတော့ မြန်မာစစ်ဗိုလ်ချုပ်တွေကို သတိပေးမယ်၊ ပြစ်တင်ပြောဆိုမယ်၊ နောက်ပြီး မြန်မာပြည်တွင်းက သတင်းစာဆရာတွေကို ဂုဏ်ပြုဆုတွေချီးမြှင့်ပြီး ခွန်အားသတ္တိတွေ ရှိလာအောင် လုပ်ပေးမယ် စတာတွေကိုလုပ်နိုင်ပါတယ်။ ဒါပေမဲ့ ဒီစစ်အာဏာရှင် စနစ်ကြီးကို မပြောင်းလဲသေးသရွေ့ (ဒါမှမဟုတ်) စာပေစိစစ်ရေးဆိုတဲ့ အဖွဲ့ကို မပယ်ဖျက်သေးသရွေ့ သတင်းစာ လွတ်လပ်ခွင့်ဆိုတာ မြန်မာနိုင်ငံမှာ အလှမ်းဝေးနေအုံးမှာပဲ" ဟု ဦးဇင်လင်းက ပြောဆိုသည်။

DVB သတင်းဌာနမှ သတင်းထောက် မလှလှဝင်း၊ ကိုဝင်းဇော်နှင့် ကိုငွေစိုးလင်း အပါအဝင် သတင်းစာဆရာ ၁၅ ဦးခန့်မှာ ဖမ်းဆီးအကျဉ်းချ ခံထားရဆဲပင်ဖြစ်သည်။ သံဃာတော်များနှင့် အင်တာဗျူး လုပ်ခဲ့မှုကြောင့် မလှလှဝင်းမှာ ထောင်ဒဏ် ၃၅ နှစ် ပြစ်ဒဏ်ကျခံနေရပြီး မြန်မာ့ ဆိုင်ကလုန်း၏ မိဘမဲ့များ ခေါင်းစဉ်ဖြင့် ဗီဒီယိုမှတ်တမ်း ရိုက်ကူးခဲ့သူ ကို ငွေစိုးလင်းမှာ ထောင်ဒဏ် ၁၃ နှစ်ကျခံနေရသည်။

နယ်စည်းမခြား သတင်းထောက်များအဖွဲ့က ထုတ်ပြန်သော သတင်းစာ လွတ်လပ်ခွင့် စာရင်းအရ မြန်မာနိုင်ငံသည် နိုင်ငံပေါင်း ၁၇၅ နိုင်ငံတွင် ၁၇၂ နေရာသို့ရောက်ရှိနေ သည်ကို တွေ့ရသည်။ မြန်မာနိုင်ငံ၏အောက်တွင် တာ့ခ်မင်နစ္စတန်၊ အီရစ်ထရီးယား၊ မြောက်ကိုရီးယားနှင့် အီရန် တို့ရှိသည်။

"သတင်းစာ လွတ်လပ်ခွင့်နဲ့ ပတ်သက်လာရင် နိုင်ငံခြားအစိုးရတွေ ဘယ်လိုလုပ်ကိုင်တယ် ဆိုတာကို ကျွန်တော်တို့ အမေရိကန် အစိုးရနဲ့ နိုင်ငံခြားရေး ဝန်ကြီးဌာနက အလေးအနက်ထား စောင့်ကြည့်နေတယ် ဆိုတဲ့အချက်ကို ပေါ်လွင်အောင် ဒီမီဒီယာဥပဒေသစ်က ရှင်းရှင်းလင်းလင်း အကြောင်းကြားလိုက်တဲ့ သဘောပါ" ဟု အမေရိကန် သမ္မတ ဘားရက်အိုဘားမားက AFP သတင်းဌာနသို့ ပြောကြားသည်။

သို့သော် ဒီမိုကရေစီ ပြုပြင်ပြောင်းလဲရေးများ ဖြစ်ပေါ်လာရန် အမေရိကန်အစိုးရ၏ လတ်တလော ကြိုးပမ်းချက်များကို မြန်မာစစ်ဗိုလ်ချုပ်များက မသိကျိုးနွံပြုခဲ့သည်။ မြန်မာ စစ်ဗိုလ်ချုပ်များသည် စစ်တပ်အာဏာ ပိုမိုခိုင်မြဲရေးအတွက် အစီအစဉ်ဆွဲ အကွက်ချထားသည့် ရွေးကောက်ပွဲ ဖြစ်မြောက်ရန်သာ စိုင်းပြင်းလျက်ရှိသည်။

အခြားသော ပြည်တွင်း သတင်းစာဆရာတစ်ဦးကမူ အထူးသံတမန် Kurt Campbell ၏ လတ်တလော မြန်မာနိုင်ငံ ခရီးစဉ်အပါအဝင် အမေရိကန်ပြည်ထောင်စု၏ ကြိုးပမ်းချက်များကြောင့် မြန်မာနိုင်ငံတွင်း တစ်စုံတရာမျှ ပြောင်းလဲသွားခြင်း မရှိပါကြောင်း သုံးသပ်ပြောဆိုသည်။

"အခုဖြစ်နေတာက သတင်းထောက်တွေမှာ ဒီမှာဘာမှလုပ်လို့ကိုမရတာ။ အရေးကြီး ကိစ္စတစ်ခုဖြစ်တဲ့ (သတင်းဖြစ်တဲ့) နေရာကို သွားမိတာနဲ့ အဖမ်းခံရရောပဲ။ ဘာမှမပြောင်းလဲဘူး။ အခြေအနေက ပိုပြီးဆိုးလာတာကို တွေ့ရတယ်" ဟု ၎င်းကဆိုသည်။

DVB သတင်းကိုဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:1474} မြန်မာကဲ့သို့ အမှောင်ကျဘဝရောက်ကိန်း ဆိုက်နေသည့် ထိုင်းနိုင်ငံ

Posted by Transparency Myanmar 2010

comments (0)

ထိုင်းနိုင်ငံအစိုးရကို ဆန့်ကျင်လျက်ရှိသော ရှပ်နီဆန္ဒပြခေါင်းဆောင် Sean Boonpracong က မေလ ၁၈ ရက်နေ့တွင် ယခုလိုပြောသည်။

"အစိုးရက စေ့စပ်ညှိနှိုင်းမှု မလုပ်ချင်ဘူး၊ အဲဒီတော့ ကျွန်တော့်အထင်ပြောရရင် ပြည်သူ တော်တော်များများ အသက်သေဆုံးကြရလိမ့်မယ်" ။

ဤဖြစ်ရပ်ကို ထိုင်းနိုင်ငံ၏ တိန်ယန်မင်ရင်ပြင်ဟု ဆိုနိုင်သလို ဘန်ကောက်၏ ရှစ်လေးလုံး (၈၈၈၈) ဟုလည်းဆိုနိုင်သည်။ ၁၉၈၉ ခုနှစ်၊ တရုတ်နိုင်ငံ တိန်ယန်မင်ရင်ပြင် ဒီမိုကရေစီ လှုပ်ရှားမှုတွင် ကွန်မြုနစ်အစိုးရ၏ ဖြိုခွင်းမှုကြောင့် လူပေါင်းများစွာ သေဆုံးခဲ့ရပြီး ၁၉၈၈ခုနှစ်၊ သြဂုတ်လ ၈ ရက် မြန်မာနိုင်ငံတွင်ဖြစ်ပွားသော ဒီမိုကရေစီလှုပ်ရှားမှု၌ စစ်တပ်က ပစ်ခတ်မှုကြောင့် လူပေါင်း ထောင်နှင့်ချီ၍ သေဆုံးခဲ့ရသည်။

မြန်မာစစ်တပ်သည် ထိုစဉ်မှစ၍ ယနေ့အချိန်အထိ တိုင်းပြည်အာဏာကို ရယူထားသလို မြန်မာပြည်သူများ ပုန်ကန်ထကြွမှုများ ပြုလုပ်သည့်အခါတိုင်း ရက်စက်ကြမ်းတမ်းစွာပင် နှိမ်နင်းလျက်ရှိသည်။ (နီးစပ်သောဥပမာပြရပါက ၂၀၀၇ ခုနှစ်တွင် ဖြစ်ပွားသော ရွှေဝါရောင် တော်လှန်ရေး)။ အာရှနိုင်ငံများမှ အာဏာရှင်အတော်များများ အကြမ်းမဖက် ဆန္ဒပြမှုများကြောင့် အာဏာလက်လွတ် ဖြစ်ခဲ့ကြပြီးနောက် မြန်မာစစ်တပ်က ဆန္ဒပြမှုများမှန်သမျှကို ကြမ်ကြမ်းတမ်းတမ်း နှိမ်နင်းခဲ့သည်။ အဆိုပါလုပ်ရပ်များကို ကြည့်ပြီး တရုတ်ကွန်မြူနစ် အစိုးရက တိန်ရန်မင်ရင်ပြင် ဆန္ဒပြမှုအပေါ် အကြမ်းနည်းဖြင့် နှိမ်နင်းခဲ့ခြင်း ဖြစ်ဟန်ရှိသည်။ သို့ရာတွင် ကျွန်တော့်အနေဖြင့် ထိုင်းနိုင်ငံကိုတော့ ထိုကဲ့သို့ ပြည်သူအပေါ် အကြမ်းဖက်နှိမ်နင်းသည့် နိုင်ငံများ စာရင်းထဲသို့ မည်သည့်အခါကမှ ထည့်သွင်းခြင်းမရှိခဲ့ပေ။

လွန်ခဲ့သည့် နှစ်လတာ အချိန်လောက်ကဆိုလျှင် ထိုင်းနိုင်ငံသည် အပြစ်အနာအဆာရှိသည် သို့သော် စစ်မှန်သော ဒီမိုကရေစီရှိသော နိုင်ငံဖြစ်သည် ဟု ကျွန်တော် ပြောကောင်း ပြောခဲ့ ပေလိမ့်မည်။ အထူးသဖြင့် ရှပ်နီဆန္ဒပြ အုပ်စုများက မြို့တော် ဘန်ကောက်၏ အထင်ကရ နေရာအတော်များများကို သိမ်းပိုက်ပြီး အကြမ်းမဖက်ရေး ဒီမိုကရေစီ လှုပ်ရှားမှုများဖြင့် ဒီမိုကရေစီ တိုက်ပွဲဝင်ခြင်းသည် ဇာတ်သိမ်းကောင်းသော နိုင်ငံရေးဇာတ်လမ်းတစ်ပုဒ်ကို မြင်ရလိမ့်မည်ဟု ကျွန်တော်ထင် မှတ်နေခဲ့သည်။

သို့သော် ဆန္ဒပြ ပြည်သူအတော်များများကို စစ်တပ်က ပစ်ခတ်မှုများပြုလုပ်ပြီး လူပေါင်းများစွာ သေကျေဒဏ်ရာရမှုများ အဆက်မပြတ် ဖြစ်ပေါ်လာသည်ကို တွေ့ရပြီးနောက် ကျွန်တော်၏ အတွေးထဲတွင် မရေရာမသေချာမှုများ ဖြစ်ပေါ်ခဲ့သည်။ "ထိုင်းနိုင်ငံ နိုင်ငံရေးဇာတ်သိမ်းခန်း ကောင်းနိုင်ပါ့မလား၊ Happy Ending ဖြစ်နိုင်ပါ့မလား" ။

ဖြစ်နိုင်ခြေရှိသည်မှာ ဘန်ကောက်တွင် ပစ်ခတ်သတ်ဖြတ်မှုများ ထပ်မံဖြစ်ပေါ်လာနိုင်သည်။ ထိုင်းစစ်တပ်က အရာရာကို ထိန်းချုပ်ထားမည်မှာ သေချာလှသည်။ အကြောင်းမှာ ထိုင်းစစ်တပ်၏ အခြေအနေမှာ ကျားတစ်ကောင်ကို တက်ခွစီးမိလိုက်သည့် အနေအထားမျိုး ဖြစ်နေသောကြောင့်ပင်။ ဘယ်သောအခါမှ ပြန်ဆင်း၍ ရမည်မဟုတ်။ ဤသို့ဖြင့် ထိုင်းနိုင်ငံတစ်ခုလုံးကို မြန်မာစစ်အစိုးရပုံစံ အာဏာရှင်စနစ်ဖြင့် ကိုင်တွယ်သွားရမည့် သဘောတွင်ရှိသည်။ သို့သော် ယခုချက်ချင်း မြန်မာပုံစံ အာဏာရှင် စနစ်မျိုး ဖြစ်လာမည် မဟုတ်သေးပေ။

မြန်မာနိုင်ငံသည် နှစ်ပေါင်း ၄၀ တာ ကာလအတွင်း အရှေ့တောင်အာရှတွင် အချမ်းသာဆုံး တိုင်းပြည်တစ်ခုဘဝမှ အဆင်းရဲဆုံးဘဝသို့ ရောက်ရှိခဲ့သည်။ ထိုင်း စစ်ဗိုလ်ချုပ်များမှာ မြန်မာစစ်ဗိုလ်များကဲ့သို့ အသိဉာဏ် နုံနဲ့သူများ မဟုတ်သည့်တိုင် မြန်မာစစ်ဗိုလ်များ နိုင်ငံရေးတွင် နေရာယူထားသည့် ပုံစံမျိုးကို လိုက်လံတုပကြလိမ့်မည်။ တိုင်းပြည်တစ်ခုလုံးကို အမြဲတမ်း သေနတ်ဖြင့် ချိန်ထားပြီး ဓားစာခံလုပ်ထားမည့် သဘောမျိုးကို ဆိုလိုခြင်းဖြစ်သည်။

ထိုသို့မဟုတ်ပါက နောင်တက်လာမည့် အစိုးရက ၎င်းတို့ကို လူသတ်မှုဖြင့် အပြစ်ပေးမည်မှာ သေချာသည်။

ယခု ဘန်ကောက် ရှပ်နီဆန္ဒပြပွဲတွင် ပါဝင်သူများမှာ စစ်တပ်မှ စနိုက်ပါသမားများ၏ ချောင်းမြောင်းပစ်ခတ်မှုကို ခံနေရသည်။ တစ်နေ့လျှင် စနိုက်ပါလက်ချက်ဖြင့် လူငါးဦး သို့မဟုတ် ၁၀ ဦးသေဆုံးပြီး ဒါဇင်နှင့်ချီ၍ ဒဏ်ရာရရှိကြသည်။

ထိုင်းစစ်တပ်က ၎င်းတို့သည် ဆန္ဒပြသမားများထဲတွင် ဝင်ရောက်နေသော အကြမ်းဖက် သမားများကို ပစ်ခတ်ခြင်းဖြစ်သည်ဟု ဆိုသော်လည်း ရုပ်သံမီဒီယာများ ရိုက်ကူးထုတ်လွှင့်ချက်များ၌ လက်နက်မကိုင်သူများပါ စနိုက်ပါလက်ချက် မိနေသည်ကို တွေ့ရသည်။ သေဆုံးသူအများစုမှာ အရပ်ဘက် ပြည်သူများသာ ဖြစ်သည်။

ယခု ထိုင်းနိုင်ငံရေး အကျပ်အတည်း၏ ဇစ်မြစ်မှာ ပြီးခဲ့သည့် ၂၀၀၆ ခုနှစ် စစ်တပ် အာဏာ သိမ်းပိုက်မှုမှ စတင်ခဲ့ခြင်းဖြစ်သည်။ ထိုစဉ်က ထိုင်းစစ်တပ်သည် ဒီမိုကရေစီနည်းလမ်းတကျ ရွေးကောက် တင်မြှောက်ခံထားရသော သက်ဆင်ရှင်နာဝပ် အစိုးရကို ဖြုတ်ချပစ်ခဲ့ခြင်းဖြစ်သည်။

ရဲအရာရှိဟောင်း၊ သန်းကြွယ်သူဋ္ဌေးဘဝမှ နိုင်ငံရေးလောကထဲသို့ ဝင်ရောက်လာသူ သက်ဆင်ဟူသည်ကား ထိုင်းနိုင်ငံအတွက် စံနမူနာပြ ထိုက်သော ဝန်ကြီးချုပ်တစ်ဦးတော့ မဟုတ်ခဲ့ပေ။ သူလုပ်ဆောင်ခဲ့သော မူးယစ်ဆေး နှိမ်နင်းရေး မူဝါဒကြောင့် မူးယစ်ဆေးစွဲသူနှင့် ရောင်းဝယ်ဖောက်ကားသူ ထောင်ပေါင်းများစွာ သေဆုံးခဲ့ရသည်။ ထို့အတူ မွတ်စလင်အများစု နေထိုင်ရာ ထိုင်းတောင်ပိုင်းရှိ မငြိမ်မသက်ဖြစ်မှုကို ဖြေရှင်းရာတွင်လည်း လူပေါင်းများစွာ သေဆုံးခဲ့သည်။

သို့သော် သက်ဆင်သည် ထိုင်းနိုင်ငံမှ ဆင်းရဲသားများနှင့် အစေးကပ်သည်။ အောက်ခြေ လူတန်းစားများက ချစ်ခင်လေးစားသော ဝန်ကြီးချုပ်တစ်ဦး ဖြစ်ခဲ့သည်။ ထိုင်းနိုင်ငံသည် ၁၉၉၂ ခုနှစ်မှစ၍ ဒီမိုကရေစီ ကျင့်သုံးသော နိုင်ငံတစ်ခုဖြစ်ခဲ့သော်ငြား ဝန်ကြီးချုပ် သက်ဆင်ရှင်နာဝပ် လက်ထက်ရောက်မှ ဆင်းရဲသားများ၏ အသံကိုကြားရတော့သည်။ သက်ဆင်သည် အခြားနိုင်ငံရေး သမားများလို ဆင်းရဲမွဲတေသော ကျေးရွာများမှ ခေါင်းဆောင်များကို လာဘ်ထိုးပြီး
ကျေးရွာလူထု၏ မဲရရှိအောင် ကြိုးစားခြင်းထက် ဆင်းရဲသားများ၏ အကျိုးစီးပွားကို တိုက်ရိုက် ဖော်ဆောင်ပေးသူ ပထမဆုံး နိုင်ငံရေးသမားတစ်ဦး ဖြစ်ခဲ့သည်။

ဆင်းရဲသားများ၏ ကြွေးမြီများ ဖယ်ရှားပေးပြီး အတိုးသက်သာသော နှုန်းထားဖြင့် ချေးငွေပေးခြင်း၊ ကျန်းမာရေးစောင့်ရှောက်မှု အစီအမံကောင်းများပေးခြင်း အစရှိသည်တို့ကို လုပ်ဆောင်ပေးခဲ့သည်။ သို့သော် သူ၏ မူဝါဒများမှာ မြို့နေ ပညာတတ် အီလစ် (Elite) အလွှာများ ကြိုက်နှစ်သက်သည့် အခွန်ငွေအသုံးပြုသော ပုံစံမဟုတ်ခဲ့ပေ။

သို့အတွက်ကြောင့် မြို့နေအီလစ်အလွှာများက ရှပ်အဝါရောင်ဝတ် နိုင်ငံရေးလှုပ်ရှားမှုဖြင့် သက်ဆင်ရှင်နာဝပ်ကို စတင်ထိုးနှက်တော့သည်။ ဘန်ကောက်လမ်းများပေါ်တွင် ဆန္ဒပြမှုများ ပြုလုပ်သည်။ ကျေးရွာဒေသနေ အောက်ခြေလူတန်းစားများသည် အသိဉာဏ်ပါသော ရွေးချယ်မှုများ မရှိသောကြောင့် မဲပေးရာတွင် ကန့်သတ်မှုများ ပြုလုပ်ရမည်ဟု ရှပ်ဝါများက တောင်းဆိုကြသည်။

ဘန်ကောက်လမ်းမများပေါ်တွင် ရှပ်ဝါဆန္ဒပြအုပ်စုများ ပဋိပက္ခမျိုးစုံနှင့် ထိပ်တိုက်တွေ့မှု မျိုးစုံဖြစ်ပေါ်ပြီးနောက် ၂၀၀၆ ခုနှစ်၊ စက်တင်ဘာလတွင် စစ်တပ်က အာဏာသိမ်းပိုက်ကာ သက်ဆင်အစိုးရကို ဖြုတ်ချပစ်သည်။

၂၀၀၇ ခု နှစ်ကုန်ပိုင်းလောက်တွင် စစ်ဗိုလ်ချုပ်များက ရွေးကောက်ပွဲသစ်တစ်ရပ် ကျင်းပပြုလုပ်ပေးသည်။ ထိုရွေးကောက်ပွဲတွင် သက်ဆင်ရှင်နာဝပ်ကို ထောက်ခံသူ နိုင်ငံရေးသမားများ အနိုင်ရရှိပြန်သည်။

သို့အတွက်ကြောင့် သက်ဆင်ကိုဆန့်ကျင်သော နိုင်ငံရေးသမားများက တရားရုံးတော်များကို အသုံးချကာ ဝန်ကြီးချုပ် နှစ်ဦးကို ရာထူးမှနုတ်ထွက်အောင် ပြုလုပ်ခဲ့သည်။ အကျိုစီးပွားဆိုင်ရာ ပဋိပက္ခဟူသော စွပ်စွဲချက်ဖြင့် တရားရုံးတော်မှတစ်ဆင့် ဝန်ကြီးချုပ်ရာထူး ပြုတ်အောင် လုပ်ဆောင်ခဲ့ကြခြင်း ဖြစ်သည်။

ဝန်ကြီးချုပ်တစ်ဦးဆိုလျှင် အခကြေးငွေယူကာ ရုပ်သံလိုင်းတစ်ခုတွင် ဟင်းချက်ပြခဲ့သော ကြောင့် ၎င်းအပါအဝင် ပါတီဝင်များပင် နိုင်ငံရေးလုပ်ပိုင်ခွင့် ပိတ်ပင်ခံလိုက်ရသည်။

ထို့နောက် ဆင်းရဲနွမ်းပါးသော ကျေးလက်ဒေသမှ ကိုယ်စားလှယ်များ မပါဝင်တော့သည့် ထိုင်းပါလီမန်က လက်ရှိဝန်ကြီးချုပ် အဘီဇစ်ဝိဇ္ဇာဝီရကို မဲပေးကာ ရာထူးတင်မြှောက်ခဲ့သည်။ သို့အတွက်ကြောင့် ရှပ်နီဝတ် ဆန္ဒပြသမားများက ဝန်ကြီးချုပ် အဘီဇစ်ကို ရာထူးမှ နုတ်ထွက်ပေးပြီး ရွေးကောက်ပွဲသစ်တစ်ရပ် ကျင်းပပြုလုပ်ပေးရန် တောင်းဆိုခဲ့ကြသည်။

သို့သော် ရှပ်နီတို့၏တောင်းဆိုမှုမှာ ယနေ့အချိန်အထိ အကောင်အထည်မပေါ်သေးပေ။ သို့သော် လွန်ခဲ့သည့် ရက်သတ္တပတ်များအတွင်း မစ္စတာ အဘီဇစ်က ရှပ်နီတို့၏ တောင်းဆိုမှုကို အပြည့်အဝနီးပါး လိုက်လျောပေးမည့် အနေအထားမျိုး ပြုလုပ်ခဲ့သေးသည်။

အဓိကအကြောင်းအရင်းမှာ မြို့နေအီလစ်များက ထိုင်းစစ်တပ်က ၎င်းတို့၏ ကိုယ်စား ဝင်ရောက် ဖြေရှင်းပေးမည် ဟူသော အချက်ကို အသေအချာ မသိသေးသောကြောင့် ဖြစ်သည်။

ထိုင်းစစ်ဘက် အရာရှိကြီးများမှာ များသောအားဖြင့် ဘန်ကောက်ကဲ့သို့ မြို့ကြီးပြကြီးများတွင် နေထိုင်ပြီး ရှပ်ဝါဆန္ဒပြ အုပ်စုများကို ထောက်ခံသူ အီလစ်အလွှာမှ လာသူများမဟုတ်ပေ။ စစ်ဗိုလ်အများစု၏ နောက်ကြောင်းရာဇဝင်ကို ကြည့်ပါက မိမိကိုယ်မိမိ နှိမ့်ချတတ်သည့် သဘောထားများ ရှိကြသည်။ သူတို့၏ တပ်ဖွဲ့များနှင့် နောက်လိုက် တပ်သားများသည်လည်း ရှပ်နီ ဆန္ဒပြသမားများ ကဲ့သို့ပင် ထိုင်းပြည်သူများ ဖြစ်သည်။

သို့အတွက်ကြောင့် ထိုင်းစစ်ဗိုလ်ချုပ်ကြီးများက ဘန်ကောက်မြို့ အချက်အချာကျသော နေရာများမှ ရှပ်နီများကို ရှင်းထုတ်ပစ်ရန် ဝန်လေးနေခဲ့ကြဟန်ရှိသည်။ ပစ်ခတ် သတ်ဖြတ်မှုများ ပြုလုပ်ပြီး နိုင်ငံရေးအာဏာဟူသော ထောင်ချောက်ထဲသို့ ထာဝရ ကျရောက်သွားမည်ကိုလည်း ထိုင်းစစ်ဗိုလ်ချုပ်ကြီးများ လိုလားဟန်မရှိပေ။

ထို့ပြင် သူတို့ပေးသည့် အမိန့်ကို တပ်ဖွဲ့ဝင်များ နာခံပါ့မည်လောဟုလည်း ဒွိဟ ဖြစ်ကောင်းဖြစ်နေခဲ့ဟန် ရှိသည်။

မည်သို့ပင်ဖြစ်စေ ယနေ့အချိန်အထိ မျှော်လင့်ချက်အချို့တော့ ရှိနေသေးသည်။ သို့သော် အခြေအနေမှာ စိုးရိမ်ရသည့် အဆင့်တွင်ပင် ရှိနေသည်။ နေ့စဉ်လိုလို ပြည်သူများ ပစ်ခတ် သတ်ဖြတ်ခံနေရသည်။ ဘန်ကောက်တွင် လူပေါင်းမြောက်မြားစွာ သေဆုံးပါက ပြည်တွင်းစစ် ဖြစ်မည်ဟူသော ဟောကိန်းများကလည်း ထွက်ပေါ်လျက်ရှိသည်။ ဤသို့သော အနေအထားတွင် စစ်တပ်က မည်သို့သောပုံစံဖြင့် ရှောင်ထွက်မည် ဟူသောအချက်ကို မည်သူမျှ သိနိုင်မဟုတ်ပေ။

သို့သော် ဘန်ကောက် အီလစ်များ အလိုရှိသည့်အတိုင်း ဥပဒေစိုးမိုးမှုများ အချိန်ကြာမြင့်စွာ ပေါ်ထွက်လာပြီ ဆိုပါက ထိုင်းနိုင်ငံမှာ မှောင်လွန်းသောညများမှ လွတ်မြောက်လာဖွယ်ရှိသည်။ ဤသို့မဟုတ်ခဲ့ပါက အခြားဖြစ်နိုင်ခြေရှိသည့် ကိစ္စတစ်ခုမှာ ထိုင်းနိုင်ငံသည် မြန်မာနိုင်ငံကဲ့သို့ပင် မှောင်လွန်းသော ညများကို ကာလကြာရှည်စွာ ဖြတ်သန်းရဖွယ်သာ ရှိပါတော့သည်။

The Japan Times သတင်းစာမှ Gwynne Dyer ၏ဆောင်းပါးကို ဆီလျော်အောင် ဘာသာပြန်ဆိုပါသည်။

{Yangon Chronicle 2010:1473} ကုလသမဂ္ဂ အစီရင်ခံစာတွင် ကလေး စစ်သား အသုံးပြုသော နိုင်ငံများ၊ အဖွဲ့များကို အမည်နှင့်တကွ ဖော်ပြ

Posted by Transparency Myanmar 2010

comments (0)

VOA News, 22^nd May 2010

ကုလသမဂ္ဂသည် စစ်ပွဲများတွင် ကလေးသူငယ်များအား အသုံးပြုနေသော တိုင်းပြည်များနှင့် သူပုန်အဖွဲ့များကို ပိုမို တင်းကြပ်စွာ အရေးယူရန် တောင်းဆိုလိုက်သည်။

ကုလသမဂ္ဂက သောကြာနေ့တွင် ထုတ်ပြန်သော အစီရင်ခံစာတွင် အဆိုးဝါးဆုံး ချိုးဖောက်သော နိုင်ငံများ အဖြစ် မြန်မာနိုင်ငံ အပါအဝင်၊ ဖိလစ်ပိုင်ရှိ သူပုန်အဖွဲ့များ၊ ဆူဒန်ရှိ လက်နက်ကိုင် အဖွဲ့များနှင့် ကွန်ဂိုရှိ သူပုန်အဖွဲ့များကို အမည်တပ်၍ ဖော်ပြခဲ့သည်။

အစီရင်ခံစာတွင် မြန်မာနိုင်ငံနှင့် ပတ်သက်၍ သီးသန့် ဖော်ပြထားရာတွင် အစိုးရ၏ တပ်မတော်တွင်ရော၊ သူပုန်အဖွဲ့ နှစ်ခု ဖြစ်သော ကရင်နီတပ်နှင့် ကရင် အမျိုးသား လွတ်မြောက်ရေးတပ် (KNLA) တို့တွင် လွန်ခဲ့သော ငါးနှစ်ခန့်မှစ၍ ကလေးသူငယ် စစ်သားများ စုဆောင်းလျက် ရှိကြောင်း ဖော်ပြခဲ့သည်။

အစီရင်ခံစာတွင် ဖိလစ်ပိုင်ရှိ အဖွဲ့သုံးဖွဲ့ ဖြစ်သော Abu Sayyaf ၊ New People's Army နှင့် Moro Islamic Liberation Front (MILF) တို့သည် ကလေး စစ်သား စုဆောင်းရာတွင် အထူး တက်ကြွကြောင်း ဖော်ပြထားသည်။

ကုလသမဂ္ဂ လုံခြုံရေး ကောင်စီသည် ယခု အစီရင်ခံစာကို လာမည့်လတွင် ဆွေးနွေးမည်ဟု မျှော်လင့်ရသည်။

ကလေး သူငယ်များနှင့် လက်နက်ကိုင် ပဋိပက္ခ အတွက် ကုလသမဂ္ဂ အထူးကိုယ်စားလှယ် Radhika Coomaraswamy က သတိပေးရာတွင် ပဋိပက္ခ အတော်များများတွင် ကလေးများကို ရှေ့ဆုံးမှတင်၍ တိုက်ခိုက်မှုများ ရှိနေဆဲ ဖြစ်ကြောင်း ပြောခဲ့သည်။

အစီရင်ခံစာတွင် ကွန်ဂိုနိုင်ငံရှိ အချို့အဖွဲ့များသည် ကလေးများ အပေါ် လိင်မှုဆိုင်ရာတွင်ပါ ရည်ရွယ်၍ ရက်ရက်စက်စက် နှိပ်စက်ရာတွင် သွေးထွက်သံယို အထိ နှိပ်စက်ကြောင်း ဖော်ပြထားသည်။ ဆိုမာလီ အသွင် ကူးပြောင်းရေးကာလ အစိုးရနှင့် al-shabad သူပုန်များသည် ကလေး သူငယ်များအား သတ်ဖြတ်ခြင်း၊ သေရာပါ ဒဏ်ရာ ရစေခြင်းများ ပြုလုပ်လျက် ရှိကြောင်း စွပ်စွဲထားသည်။

အဆိုပါ အစီရင်ခံစာတွင် ကလေးများအား စပိုင် လုပ်စေခြင်း၊ စစ်သားလုပ်စေခြင်းနှင့် ရှေ့မှ အကာအကွယ် သဖွယ် သုံးခြင်းများကို အစဉ်တစိုက် အသုံးပြုသော နိုင်ငံများအား ဖော်ပြထားသည့် အပြင် ကလေးများအား ယခုမှ စတင် အသုံးပြုသော အဖွဲ့များအား ဖြော်ပခဲ့သည်။ အာဖကန် အမျိုးသား ရဲတပ်ဖွဲ့နှင့် ဆိုမာလီ၏ Hizbul Islam လက်နက်ကိုင်များသည် ယခုမှ ကလေးငယ်များကို စတင် အသုံးပြုသူများ အဖြစ် ဖော်ပြထားသည်။

ကုလသမဂ္ဂ တာဝန်ရှိသူများက ပြောကြားရာတွင် အချို့တိုင်းပြည်များသည် တိုးတက်မှုများ ပြုလုပ်လျက် ရှိကြောင်း ပြောသည်။

Burundi ၏ အမျိုးသား လွတ်မြောက်ရေးတပ် (FLN) တွင် ကလေးများအား စုဆောင်းထားရာမှ ၎င်းတို့ မိသားစုများထံ ပြန်လည် ပို့ဆောင်ပြီးကြောင်း ကုလသမဂ္ဂမှ စစ်ဆေး တွေ့ရှိရသဖြင့် အဆိုပါ စာရင်းမှ ပယ်ဖျက်ပေးခဲ့သည်။ အခြားသုံးဖွဲ့ ဖြစ်သော ဖိလစ်ပိုင်၏ MILF ၊ ဆူဒန် ပြည်သူ့လွတ်မြောက်ရေး တပ်မတော်နှင့် Nepal-Maoist ၏ United Communist Party တို့မှ ကလေး စစ်သား စုဆောင်းမှုအား ရပ်ဆိုင်းရန် စီမံချက်ချ လုပ်ဆောင်နေကြောင်း လက်မှတ် ရေးထိုးထားကြသည်။

{Yangon Chronicle 2010:1472} သမ္မတဟောင်း မူရှာရက်ဖ် နိုင်ငံရေး လောကသို့ ပြန်လာမည်ဟု ပြော

Posted by Transparency Myanmar 2010

comments (0)

CNN News, 20^th May 2010

ပါကစ္စတန် သမ္မတဟောင်း Pervez Musharraf သည် ပါကစ္စတန်သို့ ပြန်သွားရန် စီစဉ်လျက် ရှိပြီး၊ နိုင်ငံရေး လောကသို့ ပြန်လည်ဝင်ရောက်မည် ဖြစ်ကြောင်း ၎င်းက CNN သို့ ကြာသပတေးနေ့က ပြောကြားလိုက်သည်။

Musharraf က CNN ၏ Wolf Blitzer သို့ ပြောကြားရာတွင် ၎င်းအနေဖြင့် သမ္မတ (သို့) ဝန်ကြီးချုပ် မည်သည်ကို ရည်ရွယ်သည် ဆိုသည်ကိုမူ နောင်သိရမည် ဖြစ်ကြောင်း ပြောကြားခဲ့သည်။

သို့သော် ဝန်ကြီးချုပ် ဖြစ်လိုသည် ဆိုသည်ကိုမူ သိသိသာသာ ပြသခဲ့သည်။

"ပါလီမန် စနစ်ဖြစ်လို့၊ ရွေးကောက်ပွဲမှာ ပါတီ အနိုင်ရဖို့ လိုပါတယ်။ ဒါမှသာ ဘာလုပ်မယ်ဆိုတာ ဆုံးဖြတ်လို့ ရမှာပါ" ဟု Musharraf က Blitzer သို့ ပြောသည်။

"အခြေခံအားဖြင့် ပါတီကို ဦးဆောင်တဲ့သူဟာ ဝန်ကြီးချုပ် ဖြစ်လာမှာပဲ။ ဘာဖြစ်လို့လဲဆိုတော့ ပါကစ္စတန်မှာ အဓိကကျသူက သမ္မတ မဟုတ်ဘူး။ ဝန်ကြီးချုပ် ဖြစ်ပါတယ်" ဟု ၎င်းက ပြောသည်။

Musharraf သည် ၂၀၀၈ ခုနှစ်က ဖိအားပေးမှုများကြောင့် သမ္မတ အဖြစ်မှ နုတ်ထွက်ပေးခဲ့ပြီး၊ လွန်ခဲ့သော တစ်နှစ်ခန့်က တိုင်းပြည်မှ ထွက်သွားခဲ့သည်။ သို့သော် ၎င်းက တိုင်းပြည်သို့ ပြန်မည့် အချိန်ကိုမူ အတိအကျ ပြောကြားခြင်း မရှိပေ။

"ပြန်မယ့် အချိန်က ပါကစ္စတန်မှာ ရွေးကောက်ပွဲ လုပ်မယ့် အချိန်နဲ့ ဆက်စပ်နေပါတယ်။ သေချာတာ တစ်ခုကတော့ သက်တမ်းစေ့ ရွေးကောက်ပွဲဖြစ်စေ၊ သက်တမ်းတစ်ဝက်မှာ လုပ်မယ့် ရွေးကောက်ပွဲ ဖြစ်စေ၊ ရွေးကောက်ပွဲ မတိုင်ခင် ကျွန်တော် တိုင်းပြည်မှာ ရှိနေမှာပါပဲ" ဟု ၎င်းက ပြောသည်။

သက်တမ်း တစ်ဝက်တွင် ကျင်းပမည့် ရွေးကောက်ပွဲသည် လာမည့်နှစ်တွင် ဖြစ်ကြောင်း Musharraf က ပြောသည်။

၎င်းပြန်လာမည့် အချိန်ကို ကြေညာရန် ကိစ္စမှာမူ လုံခြုံရေး ကိစ္စအပေါ် မူတည်၍ ဆုံးဖြတ်မည် ဖြစ်ကြောင်း ၎င်းက ပြောသည်။

"ကျွန်တော့် ဇနီးနဲ့ မိသားစုက ကျွန်တော့်ထက် ပိုပြီး စိတ်ပူကြတယ်ဗျ" ဟု ၎င်းက ကြာသပတေးနေ့က ပြောခဲ့သည်။ "ဒါပေမယ့် လုံခြုံရေး ကိစ္စတွေကတော့ ထည့်စဉ်းစားရမယ်။ ဒါ့ကြောင့် ကျွန်တော် ပြန်မယ့်ရက်ကို မသတ်မှတ်ရသေးဘူး" ဟု ဆိုသည်။

"ဒါပေမယ့် ကျွန်တော့် ရည်ရွယ်ချက်တွေကို ကြေညာပြီး စတင် အကောင်အထည် ဖော်ဖို့ကတော့ နောက်မကျပါဘူး။ မကြာခင် ပြောပါ့မယ်" ဟု ပြောသွားသည်။

ကုလသမဂ္ဂက ပြီးခဲ့သည့်လက ထုတ်ပြန်သော အစီရင်ခံစာတွင် Musharraf အစိုးရသည် ၂၀၀၇ ခုနှစ်က ဝန်ကြီးချုပ်ဟောင်း ဘာနေဇာဘူတို လုပ်ကြံခံရမှုကို အကာအကွယ် မပေးနိုင်ခဲ့ကြောင်း ဖော်ပြထားမှုအား ၎င်းက အလေးအနက်ထား ပြောကြားသွားသည်။

"သူမကို ခြိမ်းခြောက်မှုတွေ ရှိတယ်လို့ ကျွန်တော်ကပဲ သတိပေးခဲ့တာဗျ။ ကျွန်တော်က သူမကို အဲဒီနေရာကို မသွားဖို့ တားခဲ့တော့။ နိုင်ငံရေးသမားတွေက တဖက်သတ် ကျွန်တော့်ကို သူမအပေါ် အကန့်အသတ်တွေ များတယ်လို့ စွပ်စွဲကြပြန်ရော။ ဒါပေမယ့် သူမက အဲဒီနေရာကို ထပ်သွားဖို့ ဆုံးဖြတ်ခဲ့တယ်လေ" ဟု Musharraf့  ပြောသည်။

"လုံခြုံရေးကတော့ ရဲတွေက တတ်နိုင်သလောက် ပေးခဲ့ပါတယ်" ဟု ၎င်းက ပြောသည်။

ပါကစ္စတန်ရှိ စစ်သွေးကြွများကို တိုက်ခိုက်ရန် အမေရိကန် ပြည်ထောင်စုက မောင်းသူမဲ့ လေယာဉ်များ အသုံးပြုမှု အတွက် သတင်းများကို Musharraf က ဝေဖန် ပြောကြားရာတွင် အဆိုပါ လုပ်ရပ်သည် ဖြစ်လာမည့် မကောင်းသည့် အကျိုးဆက်များကို မစဉ်းစားဘဲ လုပ်သည့် လုပ်ရပ် ဖြစ်ကြောင်း၊ အရပ်သူ အရပ်သားများ၏ ပစ္စည်းများ ပျက်စီးခြင်းကြောင့် အနုတ်လက္ခဏာဆောင်တဲ့ အကျိုးဆက်များ ရိုက်ခတ်ကြောင်း ပြောသည်။

အဆိုပါ တိုက်ခိုက်မှုများသည် ပါကစ္စတန် လူမျိုးများ၏ အတွေးအခေါ်များကို လုံးဝ ပြောင်းသွားစေကြောင်း၊ Time Square တွင် မအောင်မြင်သော ဗုံးထောင်မှုတွင် ပတ်သက်သော ပါကစ္စတန်နွယ်ဖွား အမေရိကန် နိုင်ငံသား Faisal Shazad ကို ရည်ညွန်း၍ ပြောကြားခဲ့သည်။ "မောင်းသူမဲ့ လေယာဉ်တွေနဲ့ မစဉ်းစား မဆင်ခြင်ဘဲ ဗုံးကြဲမှုတွေကြောင့် Faisal Shahad အဲဒီလို ဖြစ်သွားလားလို့ ကျွန်တော် စဉ်းစားနေတာဗျ" ဟု ၎င်းက ပြောကြားခဲ့သည်။

အင်တာနက်တွင် Prophet Mohammed ဆိုသည့် အဖွဲ့ကြောင့် ယခုအပတ်တွင် ပါကစ္စတန် အစိုးရက Facebook သို့ မဝင်ရောက်နိုင်ရန် ပိတ်ထားခြင်းအား Musharraf က ထောက်ခံကြောင်း ဖော်ပြခဲ့သည်။

"Prophet Mohammed ဓာတ်ပုံက မရှိနိုင်ပါဘူး။ ကာတွန်းပုံကတော့ ထားလိုက်ပါတော့။ ကံမကောင်းတာပါပဲ။ ကျွန်တော်တို့ သိရမယ်။ ဒါဟာ အရေးကြီးတဲ့ ကိစ္စပါ။ မီဒီယာရဲ့ လွတ်လပ်ခွင့်၊ မိန့်ခွန်းရဲ့ လွတ်လပ်စေမှုတွေ အတွက် သန်းပေါင်းများစွာသော လူတွေရဲ့ ခံစားမှုတွေကို ကျွန်တော်တို့ မထိခိုက်စေချင်ပါဘူး" ဟု ၎င်းက ပြောသည်။

{Yangon Chronicle 2010:1471} ဘီဂျင်း ဆွေးနွေးပွဲ မတိုင်မှီ ရှန်ဟိုင်း ကုန်စည်ပြပွဲသို့ ကလင်တန် လာရောက်

Posted by Transparency Myanmar 2010

comments (0)

AFP News, 22^nd May 2010

အမေရိကန် နိုင်ငံခြားရေး ဝန်ကြီး ဟီလာရီ ကလင်တန်သည် မြောက်ကိုရီးယား အပေါ် စွပ်စွဲထားသော တောင်ကိုရီးယား စစ်သင်္ဘော နစ်မြုပ်မှုကို အဓိက ဆွေးနွေးမည့် ဆွေးနွေးပွဲများ မတိုင်မီ ရှန်ဟိုင်း ကမ္ဘာကုန်စည်ပြပွဲသို့ စနေနေ့တွင် သွားရောက် လည်ပတ်ခဲ့သည်။

အရေးပါ အရာရောက်မှုကို ပြသရန် မျှော်လင့်ထားသည့် ဘီဂျင်း၌ ပြုလုပ်မည့် ဆွေးနွေးပွဲများ မတိုင်မီ တရုတ် ကုန်စည်ပြပွဲကို ကလင်တန် သွားရောက် လည်ပတ်ခဲ့ခြင်းကြောင့် သူမ အနေဖြင့် အေးဆေးသည့် လက္ခဏာ ပေါ်လွင်နေသည်။

လူပေါင်း ၄၆ ဦး သေဆုံးခဲ့သော တောင်ကိုရီးယား စစ်သင်္ဘော ချိုနန် နစ်မြုပ်မှုသည် မြောက်ကိုရီးယား ရေငုတ်သင်္ဘောမှ ပစ်လွှတ်သော တိုပီဒိုကြောင့် ဖြစ်သည်ဟု နိုင်ငံစုံ အဖွဲ့က ကြာသပတေးနေ့တွင် ကောက်ချက်ချခဲ့သည်။

ယခု ကိစ္စသည် အဘယ်ကြောင့် သွေးရိုးသားရိုး မဟုတ်သော အရေးကြီးသည့် ကိစ္စ ဖြစ်နေသည် ဆိုသော အချက်နှင့် အဘယ်ကြောင့် တရုတ်ထံမှ ထိရောက်သော ပူးပေါင်း ဆောင်ရွက်မှုကို လိုချင်သည် ဆိုသော အချက်တို့နှင့် ပတ်သက်၍ ကြီးကျယ်သော ကိစ္စတစ်ခု အဖြစ် ဆွေးနွေးရန် ကလင်တန်က ကြိုးစားလိမ့်မည်ဟု သူမနှင့် လိုက်ပါလာသော အမေရိကန် အရာရှိကြီး တစ်ဦးက ရှန်ဟိုင်းတွင် သတင်းထောက်များအား ပြောကြားခဲ့သည်။

တရုတ်နိုင်ငံ အနေနဲ့ တကယ် ဖြစ်ပျက်နေတာကို အသိအမှတ်ပြုဖို့နဲ့ မြောက်ကိုရီးယားရဲ့ အပြုအမူ ပြောင်းလဲလာအောင် ကြိုးစား ဆောင်ရွက်နေတဲ့ တောင်ကိုရီးယား၊ ဂျပန်၊ အမေရိကန် တို့ကို ပူးပေါင်း ကူညီတာကို ကျွန်တော်တို့ မြင်ချင်ပါတယ်ဟု အမည်မဖော်လိုသူ အရာရှိက သောကြာနေ့ ညပိုင်းတွင် ပြောကြားသည်။

စုံစမ်း စစ်ဆေး တွေ့ရှိချက်များကို ပြုံးယမ်းက အစောတလျှင် ပယ်ချလိုက်ပြီး အကယ်၍ နိုင်ငံတကာ အသိုင်းအဝိုင်းက အရေးယူမည် ဆိုပါက စစ်ပွဲ ဆင်နွှဲမည်ဟု ခြိမ်းခြောက်လိုက်သည်။

ပြုံးယမ်း၏ အဓိက ကျောရိုး မဟာမိတ် တရုတ်နိုင်ငံက သည်းခံ ထိန်းချုပ်ကြရန် တောင်းဆိုလိုက်ပြီး စုံစမ်း စစ်ဆေးရေး အစီရင်ခံစာကို ကိုယ်တိုင် အကဲဖြတ်မှု ပြုလုပ်ဦးမည်ဟု ပြောကြားလိုက်သည်။

မြောက်ကိုရီးယားကို ပစ်မှတ်ထားမည့် မည်သည့်နိုင်ငံတကာ ဆောင်ရွက်ချက်များမဆို ဘီဂျင်း၏ ထောက်ခံမှုက အရေးကြီးသည့် လက္ခဏာ ရှိသည်။ တရုတ်သည် ဗီတို အာဏာ သုံးစွဲခွင့် ရှိသော လုံခြုံရေး ကောင်စီ ၅ နိုင်ငံ အနက်မှ တစ်နိုင်ငံ ဖြစ်သည်။

သို့ရာတွင် အဆိုပါ ကိစ္စများမှာ သူမ၏ ဘီဂျင်း ခရီးစဉ် မပြီးမှီ ယတိပြတ် ပြော၍ မရသေးပါ။း သူမသည် စနေနေ့က ရှန်ဟိုင်း ကုန်စည်ပြပွဲမှ လူအများဆုံး လာရောက် ကြည့်ရှုကြသည့် အမေရိကန် ပြခန်းသို့ သွားရောက် လည်ပတ်ခဲ့ရာ တရုတ် လူမျိုး ၅၀၀ ခန့်က ဝိုင်း၍ ဆုမွန်ကောင်း တောင်းခဲ့ကြသည်။

ရှန်ဟိုင်းနှင့် အမေရိကန် ပြည်ထောင်စု ပုံရိပ်များကို ကြီးမားသော ဗီဒီယို ပိတ်ကားဖြင့် ပြသထားကာ "သူမ မရှိပါက အမေရိက ပြခန်းသည် အသက်ဝင်လိမ့်မည် မဟုတ်ပါ" ဟု အသံချဲ့ စပီကာများမှ တဆင့် ဂုဏ်ပြု ပြောကြားခဲ့ကြသည်။

အခွန်ထမ်း ပြည်သူများ၏ ဘဏ္ဍာငွေများဖြင့် ကုန်စည်ပြပွဲ ပြခန်း တည်ဆောက်ခြင်းကို တားမြစ်ထားသည့် အမေရိကန် ဥပဒေကြောင့် များစွာ နှောင့်နှေးကြန့်ကြာခဲ့ပြီးမှ ပြခန်းအတွက် ဒေါ်လာ ၆၁ သန်း ခွင့်ပြုရန် လှုံဆော် စည်းရုံးခဲ့သည့် ကလင်တန်ကို ဝိုင်းဝန်း ဂုဏ်ပြုခဲ့ကြသည်။

ကလင်တန်သည် ပြပွဲတွင် အမေရိကန်နှင့် တရုတ်ပြခန်း နှစ်ခုစလုံးကို လည်ပတ်ခဲ့ပြီး တရုတ်ကလေးငယ်များနှင့် အင်္ဂလိပ်ဘာသာဖြင့် နှုတ်ဆက်နေပုံကိုလည်း ဓာတ်ပုံ ရိုက်ကူးခဲ့သည်။

"ကလေးတို့ရဲ့ အင်္ဂလိပ်စကားက အရမ်းကောင်းလို့ အန်တီ မနာလိုတောင် ဖြစ်မိတယ်။ အန်တီက အင်္ဂလိပ်စကား တစ်မျိုးပဲ တတ်တယ်လေ" ဟု သူမက ပြောကြားခဲ့သည်။

"အစိုးရ အချင်းချင်း ဆက်ဆံရေးဟာ အရမ်း အရေးကြီးတယ် ဆိုပေမယ့် ပြည်သူ အချင်းချင်း ဆက်ဆံရေးက အရေးကြီးဆုံးပါပဲ" ဟု သူမက ဆိုသည်။

သူမသည် တနင်္ဂနွေနေ့က ဘီဂျင်းသို့ ရောက်ရှိပြီးနောက် တရုတ်နိုင်ငံ၏ နိုင်ငံခြားရေး မူဝါဒ ချမှတ်သူ နိုင်ငံတော် ကောင်စီဝင် ဒိုင်ဘင်ဂူနှင့် ညစာ သုံးဆောင်ခဲ့သည်။

မြောက်ကိုရီးယားကိစ္စ၊ ကုန်သွယ်ရေး အငြင်းပွားမှု၊ ယွမ်ငွေတန်ဖိုး၊ အီရန် အပေါ် နိုင်ငံတကာ၏ သဘောထား စသည့် ကိစ္စများနှင့် ပတ်သက်၍ တရုတ် ခေါင်းဆောင်များနှင့် တနင်္လာ၊ အင်္ဂါ နှစ်ရက်ကြာ ဆွေးနွေးရာတွင် အမေရိကန် ကိုယ်စားလှယ် အဖွဲ့ကို ကလင်တန်နှင့်အတူ ဘဏ္ဍာရေး ဝန်ကြီး တင်ပိုသီ ဂိသ်နာက ဦးဆောင်မည် ဖြစ်သည်။

တကမ္ဘာလုံး ကျယ်ကျယ်ပြန့်ပြန့် စီးပွားရေး နာလံထူလာအောင် ကူညီလုပ်ဆောင်ရာမှာ လိုအပ်တဲ့ အရာတွေကို တရုတ်နဲ့ အမေရိကန် ပြည်ထောင်စုက ဆောင်ရွက်နေပါတယ်ဟု ဂိတ်သံနာက Xinhua သတင်းဌာနနှင့် အင်တာဗျူးတွင် ပြောကြားခဲ့သည်။

ငွေကြေး အကျပ်အတည်းကနေ ကမ္ဘာ့စီးပွားရေး တစ်ခုလုံး လွတ်မြောက်ဖို့ ကြိုးစားရာမှာ နှစ်နိုင်ငံစလုံးက အရမ်း အရေးကြီးတဲ့ ကဏ္ဍကနေ ပါဝင်နေပါတယ်ဟု ၎င်းက ဆိုသည်။

ကုန်သွယ်ရေး ကိစ္စ အဆင့်ဆင့်တွင် အဆက်မပြတ် ချောမွေ့စေရန် အမေရိကန် ပြည်ထောင်စုက ၎င်း၏ ဘဏ္ဍာရေး လိုငွေပြမှုနှင့် အစိုးရ ကြွေးမြီများကို လျှော့ချ ဖြတ်တောက်ရန် ကတိပြုသည်ဟု ဂိတ်သ်နာက ပြောကြားကြောင်း Xinhua က ဖော်ပြခဲ့သည်။ အမေရိကန်ထံမှ ကြွေးမြီ အများဆုံး ရရန်ရှိသော တရုတ်နိုင်ငံ အတွက် အမေရိကန် လိုငွေပြနေမှုသည် အကြီးအကျယ် စိုးရိမ်စရာ ဖြစ်ခဲ့သည်။

ကမ္ဘာ့ပြဿနာ အနည်းငယ်ကို အမေရိကန် ဒါမှမဟုတ် တရုတ် တစ်နိုင်ငံတည်းက ဖြေရှင်းနိုင်ပါတယ်။ တချို့ပြဿနာတွေကတော့ အမေရိကန်နဲ့ တရုတ် နှစ်နိုင်ငံ မပါပဲနဲ့လည်း ဖြေရှင်းနိုင်ပါလိမ့်မယ်ဟု ကလင်တန်က ပြောကြားခဲ့ကြောင်း တရုတ်နိုင်ငံပိုင် Global Times က သူမ မရောက်မှီ သောကြာနေ့တွင် ဖော်ပြခဲ့သည်။

ဝါရှင်တန် နှင့် ဘီဂျင်းသည် ၂၀၁ဝ နှစ်ဆန်းမှစ၍ ထိုင်ဝမ်သို့ အမေရိကန် လက်နက်များ ရောင်းချမှု၊ အိမ်ဖြူတော်တွင် ဒလိုင်ဘားမားနှင့် တွေ့ဆုံမှု၊ တရုတ် ယွမ်ငွေ တန်ဖိုး ပြဿနာ၊ အင်တာနက် လွတ်လပ်ခွင့် စသည့် ကိစ္စများ အပေါ် နှစ်ဖက် သဘော ကွဲလွဲခဲ့ကြပြီး ခက်ခဲသော အနေအထားနှင့် အချိန်တို့ကို ဖြတ်ကျော်ခဲ့ရခြင်း ဖြစ်သည်။

{Yangon Chronicle 2010:1470} သုံးနိုင်ငံ ဆွေးနွေးပွဲ တက်မည့် ဝမ်ကျားပေါင်၏ အာရှ လေးနိုင်ငံ ခရီးစဉ်

Posted by Transparency Myanmar 2010

comments (0)

English.people.com, 22^nd May 2010

တရုတ် ဝန်ကြီးချုပ် ဝမ်ကျားပေါင်သည် တောင်ကိုရီးယား (ROK)၊ ဂျပန်၊ မွန်ဂိုလီးယားနှင့် မြန်မာနိုင်ငံများသို့ မေ ၂၈ မှ ဇွန် ၃ ရက် အတွင်း တရားဝင် ခရီးစဉ် သွားရောက်လိမ့်မည်ဟု တရုတ် နိုင်ငံခြားရေး ဝန်ကြီးဌာန ပြောရေးဆိုခွင့် ရှိသူက သောကြာနေ့တွင် ပြောကြားသည်။

တောင်ကိုရီးယား သမ္မတ လီမြောက်ဘက်၊ ဂျပန် ဝန်ကြီးချုပ် ဟာတိုယာမ ယူကီရို၊ မွန်ဂိုလီးယား ဝန်ကြီးချုပ် ဆာဘာထရင် ဘက်ဘိုးလ် နှင့် မြန်မာ ဝန်ကြီးချုပ် ဦးသိန်းစိန် တို့၏ ဖိတ်ကြားချက်အရ ဝန်ကြီးချုပ် 'ဝမ်' သွားရောက် လည်ပတ်ခြင်း ဖြစ်သည်ဟု နိုင်ငံခြားရေး ဝန်ကြီးဌာန ပြောရေးဆိုခွင့် ရှိသူ မာကျောက်ဇူက သတင်းစာရှင်းလင်းပွဲတွင် ပြောကြားခဲ့သည်။

ဝမ်ကျားပေါင်သည် တောင်ကိုရီးယားနိုင်ငံ ဂျီဂျူးကျွန်းတွင် ကျင်းပမည့် တရုတ်၊ ဂျပန်၊ တောင်ကိုရီးယား သုံးနိုင်ငံ ထိပ်သီး ဆွေးနွေးပွဲကိုလည်း တက်ရောက်လိမ့်မည်ဟု သိရှိရသည်။

Transparency Myanmar

transparency.myanmar@gmail.com

Welcome

Blog Archive

Labels

{Yangon Chronicle 2010:1475} အမေရိကန်၏ မီဒီယာဥပဒေသစ် မြန်မာနိုင်ငံပေါ် အကျိုးသက်ရောက်မှုနည်းနိုင်

{Yangon Chronicle 2010:1474} မြန်မာကဲ့သို့ အမှောင်ကျဘဝရောက်ကိန်း ဆိုက်နေသည့် ထိုင်းနိုင်ငံ

{Yangon Chronicle 2010:1473} ကုလသမဂ္ဂ အစီရင်ခံစာတွင် ကလေး စစ်သား အသုံးပြုသော နိုင်ငံများ၊ အဖွဲ့များကို အမည်နှင့်တကွ ဖော်ပြ

{Yangon Chronicle 2010:1472} သမ္မတဟောင်း မူရှာရက်ဖ် နိုင်ငံရေး လောကသို့ ပြန်လာမည်ဟု ပြော

{Yangon Chronicle 2010:1471} ဘီဂျင်း ဆွေးနွေးပွဲ မတိုင်မှီ ရှန်ဟိုင်း ကုန်စည်ပြပွဲသို့ ကလင်တန် လာရောက်

{Yangon Chronicle 2010:1470} သုံးနိုင်ငံ ဆွေးနွေးပွဲ တက်မည့် ဝမ်ကျားပေါင်၏ အာရှ လေးနိုင်ငံ ခရီးစဉ်

Transparency Myanmar

transparency.myanmar@gmail.com

Subscribe To

Welcome

Blog Archive

Labels

{Yangon Chronicle 2010:1475} အမေရိကန်၏ မီဒီယာဥပဒေသစ် မြန်မာနိုင်ငံပေါ် အကျိုးသက်ရောက်မှုနည်းနိုင်

{Yangon Chronicle 2010:1474} မြန်မာကဲ့သို့ အမှောင်ကျဘဝရောက်ကိန်း ဆိုက်နေသည့် ထိုင်းနိုင်ငံ

{Yangon Chronicle 2010:1473} ကုလသမဂ္ဂ အစီရင်ခံစာတွင် ကလေး စစ်သား အသုံးပြုသော နိုင်ငံများ၊ အဖွဲ့များကို အမည်နှင့်တကွ ဖော်ပြ

{Yangon Chronicle 2010:1472} သမ္မတဟောင်း မူရှာရက်ဖ် နိုင်ငံရေး လောကသို့ ပြန်လာမည်ဟု ပြော

{Yangon Chronicle 2010:1471} ဘီဂျင်း ဆွေးနွေးပွဲ မတိုင်မှီ ရှန်ဟိုင်း ကုန်စည်ပြပွဲသို့ ကလင်တန် လာရောက်

{Yangon Chronicle 2010:1470} သုံးနိုင်ငံ ဆွေးနွေးပွဲ တက်မည့် ဝမ်ကျားပေါင်၏ အာရှ လေးနိုင်ငံ ခရီးစဉ်