Transparency Myanmar

transparency.myanmar@gmail.com

BBC News, By Guy Delauney, 7th June 2010

ကမ္ဘောဒီးယားနိုင်ငံ အတွက် ကုလသမဂ္ဂ လူ့အခွင့်အရေး အထူး ကိုယ်စားလှယ်သည် ၎င်း၏ တတိယအကြိမ် ခရီးစဉ် အဖြစ် ကမ္ဘောဒီးယားသို့ လာရောက်မည် ဖြစ်သည်။

အထူး ကိုယ်စားလှယ် Surya Subedi သည် အကျင့်ပျက် ခြစားပြီး နိုင်ငံရေးအရ စွက်ဖက်မှုများ ရှိသည်ဟု အချိန် အတော်ကြာက စွပ်စွဲခြင်း ခံထားရသော နိုင်ငံ၏ တရားရေးစနစ်ကို ကြည့်ရှုရန် စီစဉ်ထားသည်။

ဖိအားပေးသော အုပ်စုမှ ပြောကြားရာတွင် တရားခံများသည် များသောအားဖြင့် ၎င်းတို့၏ အခြေခံ ရပိုင်ခွင့်များ မရရှိခဲ့ကြဟု ဆိုသည်။

ပြီးခဲ့သည့်နှစ်က ပါမောက္ခ Subedi က ပြောကြားခဲ့ရာတွင် အစိုးရအား ဝေဖန်သူများအား ရာဇဝတ်မှုများဖြင့် ရုံးတင် တရားစွဲခြင်းမှာ လုံးဝ သက်ဆိုင်ခြင်း မရှိဘဲ မတရားသဖြင့် လုပ်ခြင်းသာ ဖြစ်ကြောင်း ပြောကြားခဲ့သည်။

ယခု လူ့အခွင့်အရေး အထူးကိုယ်စားလှယ်၏ လာရောက်မှုမှာ ဗဟို တရားရုံးက ထင်ရှားသော အတိုက်အခံ ခေါင်းဆောင်အား ဝန်ကြီးချုပ် ဟွန်ဆန် အပေါ် မဟုတ်မမှန် ပြောဆို ရေးသားမှုများ အတွက် အပြစ်ရှိကြောင်း တွေ့ရှိသည်ဟု ပြောကြားအပြီး တစ်ပတ် အကြာတွင် ဖြစ်သည်။

မြေယာ ပိုင်ဆိုင်မှုနှင့် ပတ်သက်၍ လတ်တလော အငြင်းပွားမှုများသည် ဆင်းရဲသား ရွာသားများအား ဆန္ဒပြရန် မီးမွှေးပေးခဲ့ပြီး၊ ရွာသားများက တရားသူကြီးများသည် အဆက်အသွယ် ကောင်းသူများ အပေါ်တွင်သာ ဘက်လိုက်လျက် ရှိကြောင်း ပြောဆိုနေကြသည်။

ကုလသမဂ္ဂမှ ငွေထောက်ပံ့ထားသော ပြည်တွင်း အဖွဲ့တစ်ခု ဖြစ်သော Justice and Reconciliation ကော်မတီသည် တရားခံများ ဆိုးဝါးစွာ ခံစားနေသော အခြေအနေအပေါ် အလေးထား လုပ်ဆောင်လျက် ရှိသည်။

အခြေခံ တရားစီရင်ရေး ရပိုင်ခွင့်များ ရရှိခြင်း မရှိဟု အဆိုပါ ကော်မတီက ဆိုသည်။

မျက်ကွယ်တွင် စစ်ဆေးသော အမှု ဆယ်ခုတွင် ကိုးခုခန့်သည် မိနစ် သုံးဆယ်ပင် မကြာဘဲ ပြီးစီးသွားပြီး အများစုမှာ မျက်မြင် သက်သေများ ခေါ်ယူခြင်း မရှိပေ။

ပါမောက္ခ Subedi သည် အလှည့်အပတ် များလွန်းသော နယ်မြေသို့ ရောက်ရှိနေရသော်လည်း၊ ၎င်း၏ ယခင်က နေရာတွင် လာရောက်သွားသူများနှင့် မတူဘဲ၊ ၎င်းသည် အစိုးရ တာဝန်ရှိသူများနှင့် ကောင်းမွန်သော ဆက်ဆံရေးကို ထိန်းသိမ်းထားနိုင်ခဲ့သည်။

သို့သော် ၎င်းအနေနှင့် ကမ္ဘောဒီးယား အစိုးရအား ထိရောက်စေမည့် ဝေဖန်မှုမျိုးလောက်ကိုမူ ပြုလုပ်နိုင်လိမ့်မည်ဟု ယူဆရပေသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Yonhap, By Hwang Doo-hyong, 4th June 2010

အမေရိကန် ပြည်ထောင်စုသည် သောကြာနေ့က မြန်မာနိုင်ငံအား ကုလသမဂ္ဂ၏ ဆုံးဖြတ်ချက် ဖြစ်သော မြောက်ကိုရီးယားနှင့် လက်နက် ဖလှယ်မှု ပိတ်ပင်ထားခြင်းကို လိုက်နာရန် တောင်းဆိုခဲ့သည်။ မြောက်ကိုရီးယားမှာ တောင်အာရှနိုင်ငံများသို့ နျူကလီယာနှင့် ဒုံးကျည် နည်းပညာများ ပေးလျက် ရှိသည်ဟု သံသယ ရှိနေကြသည်။

"ကျွန်တော်တို့ဟာ မြန်မာနိုင်ငံကို လက်နက် မပြန့်ပွားရေး အပါအဝင် နိုင်ငံတကာ လိုက်နာရမယ့် တာဝန်တွေကို ကျင့်သုံးနိုင်ရေး အတွက် အားပေးသွားမှာပါ" ဟု နိုင်ငံခြားရေးဌာန ပြောခွင့်ရ ပုဂ္ဂိုလ် Philip Crowley က ပြောကြားခဲ့သည်။ "မြန်မာနိုင်ငံရဲ့ ရည်ရွယ်ချက်တွေနဲ့ မြောက်ကိုရီးယားနဲ့ ဆက်ဆံရေးကို နိုင်ငံတကာက စိုးရိမ် ပူပန်တာကို ကျွန်တော်တို့ ခံစား နားလည်ပါတယ်။ တခြားနိုင်ငံတွေနဲ့အတူ ကျွန်တော်တို့ကလည်း မြန်မာနိုင်ငံကို နိုင်ငံတကာက စောင့်ထိန်းတဲ့ ကျင့်ဝတ်တွေကို လိုက်နာမယ်လို့ မျှော်လင့်ပါတယ်။ ကျွန်တော်တို့ဟာ မြောက်ကိုရီးယားနဲ့ မြန်မာရဲ့ အသွားအလာကို စောင့်ကြည့်သွားမှာပါ" ဟု Crowley က ပြောခဲ့သည်။

Crowley ၏ ပြောကြားချက်များမှာ မြန်မာ စစ်တပ်မှ ထွက်ပြေးလာသူ တစ်ဦး၏ မြန်မာနိုင်ငံသည် နျူကလီယာ လက်နက်များနှင့် တာဝေးပစ် ဒုံးကျည် ထုတ်လုပ်ရေး အတွက် မြောက်ကိုရီးယားနှင့်အတူ အလုပ်လုပ်ကိုင်လျက် ရှိကြောင်း ပြောဆိုမှုကို အခြေခံသော အစီရင်ခံစာအား တုန့်ပြန်ထားခြင်း ဖြစ်သည်။

ကုလသမဂ္ဂ၏ ဆုံးဖြတ်ချက်များမှာ မြောက်ကိုရီးယား၏ နျူကလီယာနှင့် ဒုံးကျည် စမ်းသပ်မှုများကြောင့် ထွက်ပေါ်လာခဲ့ရခြင်း ဖြစ်သည်။ အဆိုပါ ဆုံးဖြတ်ချက်အရ ဆင်းရဲ မွဲတေသော်လည်း နျူကလီယာ လက်နက် ပိုင်ဆိုင်သော ကွန်မြူနစ်နိုင်ငံ အပေါ် လက်နက် အားလုံးနှင့် စီးပွားရေးအရ ပိတ်ဆို့မှုများ ပြုလုပ်ခဲ့သည်။

အမေရိကန် ပြည်ထောင်စု အရှေ့အာရှနှင့် ပစိဖိတ်ရေးရာ လက်ထောက် နိုင်ငံခြားရေး ဝန်ကြီး Kurt Campbell သည် ပြီးခဲ့သည့် လက မြန်မာနိုင်ငံသို့ သွားရောက်ခဲ့ပြီး မြန်မာ အစိုးရအား ကုလသမဂ္ဂ၏ ဆုံးဖြတ်ချက် ဖြစ်သော မြောက်ကိုရီးယားနှင့် လက်နက် ရောင်းဝယ်ရေးကို တားမြစ် ပိတ်ပင်ထားမှုအား လိုက်နာရန်နှင့် လူ့အခွင့်အရေး မှတ်တမ်းများ တိုးတက်မှု ရှိရေး ဆောင်ရွက်ရန် တောင်းဆိုခဲ့သည်။

အမေရိကန် ဆီနိတ်တာ Jim Webb သည် မြန်မာနိုင်ငံမှာ စစ်ရေးအရ မြောက်ကိုရီးယားနှင့် ဆက်သွယ်မှုများ ရှိကြောင်း စွပ်စွဲချက်အရ ကြာသပတေးနေ့က မြန်မာနိုင်ငံသို့ သွားရောက်မည့် ခရီးစဉ်ကို ဖျက်သိမ်းခဲ့သည်။

Webb က ပြောကြားရာတွင် ၎င်းအနေဖြင့် ပိုမို ပွင့်လင်းသော အစိုးရ စနစ် တဖြည်းဖြည်း ဖြစ်ပေါ်လာရေးနှင့် အရှေ့တောင်အာရှတွင် အနာဂတ် မဟာဗျူဟာ ချိန်ခွင်လျှာ ညီမျှရေး အတွက် ဆွေးနွေးမှုများ ဆက်လက် ရှိနေဦးမည်ဟု ယုံကြည်နေသေးကြောင်း ပြောကြားခဲ့သည်။

"ဒါပေမယ့် အပြုသဘော ဆောင်တဲ့ ဆွေးနွေးမှုများဟာ အထက်က ပြောခဲ့တဲ့ အချက် နှစ်ခု ရှင်းလင်းမှသာ အောင်မြင်နိုင်မှာ ဖြစ်ပါတယ်" ဟု Webb က ပြောသည်။

Webb သည် ပြီးခဲ့သည့် သြဂုတ်လက မြန်မာနိုင်ငံသို့ သွားရောက်ခဲ့ပြီး ဒေါ်အောင်ဆန်းစုကြည်၏ နေအိမ်ဝင်း အတွင်း ရေကူးဝင်ရောက်မှုကြောင့် ဖမ်းဆီးထားသော အမေရိကန် နိုင်ငံသား John Yettaw အား လွတ်မြောက်အောင် ကြိုးပမ်းနိုင်ခဲ့ပြီး၊ ဗိုလ်ချုပ်မှူးကြီး သန်းရွှေနှင့်လည်းကောင်း၊ ဒေါ်အောင်ဆန်းစုကြည်နှင့် လည်းကောင်း တွေ့ဆုံခဲ့သည်။

 

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Reuters, 7th June 2010

ကုလသမဂ္ဂ နျူကလီယာ စောင့်ကြည့်ရေးအဖွဲ့က တနင်္လာနေ့တွင် ပြောကြားခဲ့ရာ၌ ၎င်းသည် စစ်အစိုးရ အုပ်ချုပ်သော မြန်မာနိုင်ငံတွင် နျူကလီယာ လက်နက်များ ထုတ်လုပ်ရန် ရည်ရွယ်လျက် ရှိသည်ဟူသော အစီရင်ခံစာ အပေါ် စောင့်ကြည့်လျက် ရှိကြောင်း ပြောကြားခဲ့သည်။

နိုင်ငံတကာ အက်တွမ်မစ် စွမ်းအင် အေဂျင်စီ (IAEA) မှ အကြီးအကဲ ဖြစ်သူ Yukiya Amano ကလည်း လိုအပ်ပါက ဗီယင်နာ အခြေစိုက် IAEA အနေဖြင့် မြန်မာနိုင်ငံမှ ရှင်းလင်းချက် တောင်းခံမည် ဖြစ်ကြောင်း ပြောကြားခဲ့သည်။

ယမန်နှစ်ကလည်း နျူကလီယာ အစီအစဉ်များနှင့် ပတ်သက်၍ ထွက်ပေါ်လာခြင်းများ ရှိခဲ့သော်လည်း မြန်မာ အစိုးရက တစ်စုံတစ်ရာ ငြင်းဆိုခြင်း သော်လည်းကောင်း၊ အတည်ပြုခြင်း သော်လည်းကောင်း မရှိခဲ့ပေ။

နော်ဝေ အခြေစိုက် ဒီမိုကရက်တစ် ပြည်သူ့အသံ (DVB) ၏ ငါးနှစ်တာ လေ့လာအပြီး ကောက်ချက်ချခဲ့ရာ၌ မြန်မာနိုင်ငံ အနေဖြင့် နျူကလီယာ လက်နက် ထုတ်လုပ်ရန် အလှမ်းဝေးဦးမည် ဖြစ်ကြောင်း၊ သို့သော် နည်းပညာနှင့် ကျွမ်းကျင်မှုများကိုမူ ကျယ်ကျယ်ပြန့်ပြန့် လေ့လာလျက် ရှိကြောင်း ဖော်ပြထားသည်။

အကယ်၍သာ မှန်ကန်ခဲ့ပါက မြန်မာနိုင်ငံသည် အရှေ့တောင်အာရှ၏ နျူကလီယာ ရည်မှန်းချက် ရှိသော ပထမဆုံး နိုင်ငံ ဖြစ်လာမည် ဖြစ်ပြီး၊ လျင်မြန်စွာ တိုးတက်လျက် ရှိသော ဒေသတွင်း၏ မဟာဗျူဟာ အနေအထားကို ပြောင်းပြန်လှန် လိုက်သကဲ့သို့ ရှိလာလိမ့်မည် ဖြစ်သည်။ အဘယ်ကြောင့်ဆိုသော ဒေသတွင်း၌ အင်ဒိုနီးရှား၊ ဖိလစ်ပိုင်နှင့် ထိုင်းနိုင်ငံတို့သည် ဝါရှင်တန်နှင့် ရင်းနှီးသော မဟာမိတ်များ ဖြစ်နေကြသောကြောင့် ဖြစ်သည်။

"ကျွန်တော်တို့ မီဒီယာတွေမှာ သက်ဆိုင်တဲ့ ဆောင်းပါးတွေ တွေ့နေရပါတယ်။ သတင်း အချက်အလက်တွေကို မှန်/မမှန် အကဲဖြတ်နေပါတယ်" ဟု Amano က သတင်းစာ ရှင်းလင်းပွဲတွေ ပြောကြားခဲ့သည်။

"လိုအပ်ရင် မြန်မာနိုင်ငံက ရှင်းလင်းချက် တောင်းခံသွားမှာပါ" ဟု ဂျပန်သံတမန်က ၃၅ နိုင်ငံ ပါဝင်သော IAEA ၏ အစည်းအဝေး ပထမနေ့တွင် ပြောကြားခဲ့သည်။

မြန်မာနိုင်ငံသည် ကမ္ဘာလုံးဆိုင်ရာ နျူကလီယာ လက်နက် ဆန့်ကျင်ရေး သဘောတူညီချက် ဖြစ်သော နျူကလီယာ လက်နက် မပြန့်ပွားရေး စာချုပ် (NPT) အဖွဲ့ဝင်နိုင်ငံ တစ်ခုဖြစ်ပြီး၊ IAEA ၏ အဖွဲ့ဝင်နိုင်ငံလည်း ဖြစ်သည်။

DVB ၏ အစီရင်ခံစာသည် ရုရှားတွင် ပညာသင်လာသော မြန်မာ့ စစ်တပ်မှ အင်ဂျင်နီယာ တစ်ဦး ဖြစ်သူ စိုင်းသိန်းဝင်း ထံမှ ရရှိသော အချက်များ အပေါ် အမေရိကန် နျူကလီယာ သိပ္ပံပညာရှင်၏ အကဲဖြတ်ထားမှုကို အခြေခံ၍ ရေးသားထားသည်။

စိုင်းသိန်းဝင်းသည် လူအမြောက်အများ သေစေရန် ရည်ရွယ်သော လက်နက် ထုတ်လုပ်ရန် စက်ရုံ ဆောက်လုပ်ရာတွင် အလုပ်လုပ်ခဲ့ပြီး ထွက်ပြေးလာခြင်း ဖြစ်ကြောင်း ပြောသည်။

အဆိုပါ အစီရင်ခံစာကြောင့် အမေရိကန် ဆီနိတ်တာ Jim Webb သည် ပြီးခဲ့သည့် ကြာသပတေးနေ့က မြန်မာနိုင်ငံ ခရီးစဉ်ကို ဖျက်သိမ်းခဲ့ပြီး၊ မြန်မာနိုင်ငံ၏ လုပ်ရပ်သည် မိုက်မဲ၍ မသင့်လျော်သော လုပ်ရပ် ဖြစ်ကြောင်း ပြောကြားခဲ့သည်။

မြန်မာနိုင်ငံမှ ယခင်က ထွက်ပြေးလာသော သူများက မြန်မာနိုင်ငံသည် မြောက်ကိုရီးယားမှ အကူအညီများ ရယူလျက် ရှိသော နိုင်ငံများ စာရင်းတွင် ပါဝင်ကြောင်း ပြောပြခဲ့ကြပြီး၊ ပြီးခဲ့သော နှစ်များအတွင်း မြန်မာနိုင်ငံမှ ထိပ်တန်း ဗိုလ်ချုပ်တစ်ဦး ပြုံးယမ်းသို့ သွားရောက်ပြီး စစ်ရေးအရ ပူးပေါင်း ဆောင်ရွက်ရေး နားလည်မှု စာချွန်လွှာ ရေးထိုးခဲ့သည်ဟု ဆိုသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ယခုအခါ မြန်မာအစိုးရက ဘင်္ဂလားဒေ့ရှ် နိုင်ငံသို့ လျှပ်စစ်ဓာတ်အား တင်ပို့ရောင်းချရန် စီမံချက် တစ်ရပ် စတင် ရေးဆွဲနေပြီ ဖြစ်ရာ လျှပ်စစ်စွမ်းအင် အလွန်အမင်း လိုအပ်လျက် ရှိသော ဘင်္ဂလားဒေ့ရှ်၏ လျှပ်စစ်စွမ်းအင် အခန်းကဏ္ဍအတွက် မျှော်လင့်ချက် တစ်ရပ် ထွက်ပေါ်လာပြီ ဖြစ်ကြောင်း ဘင်္ဂလားဒေ့ရှ် အရာရှိများက ပြောကြားသည်။

ဘင်္ဂလားဒေ့ရ်ှသည် လျှပ်စစ်စွမ်းအား ထုတ်လုပ်သည့် အခန်းကဏ္ဍတွင် နှစ်ကာလ ကြာရှည်စွာ ရင်းနှီးမြှုပ်နှံမှု နိမ့်ကျခဲ့ခြင်း၊ စွမ်းအင် ထုတ်လုပ်မှု အခက်အခဲ ရှိခြင်းကြောင့် လျှပ်စစ်ဓာတ်အားနှင့် ပတ်သက်၍ လွန်စွာ အခက်အခဲ ဖြစ်ပေါ်နေသော နိုင်ငံဖြစ်သည်။

ဘင်္ဂလားဒေ့ရ်ှတွင် ရှိသော လျှပ်စစ် ဓာတ်အား စက်ရုံများ၏ ၈၇ ရာခိုင်နှုန်းမှာ သဘာဝ ဓာတ်ငွေ့ လျော့နည်း ကျဆင်းမှုနှင့် ရင်ဆိုင်နေရသည်။

"မြန်မာက ဘင်္ဂလားဒေ့ရ်ှကို ဓာတ်ငွေ့ရောင်းမယ် ဆိုတဲ့ကိစ္စဟာ အချိန်ကိုက် ဖြစ်ရပ်ပါပဲ၊ မြန်မာနိုင်ငံရဲ့ ဓာတ်ငွေ့ တင်ပို့ရောင်းချမယ့် စီမံချက်က ကျွန်တော်တို့ရဲ့ လျှပ်စစ် ဓာတ်အား အခက်အခဲတွေကို အကူအညီပေး ဖြေရှင်းနိုင်မယ်လို့ ထင်ပါတယ်" ဟု ဘင်္ဂလားဒေ့ရှ် နိုင်ငံပိုင် လျှပ်စစ် စွမ်းအင် ဖွံ့ဖြိုးရေး ဘုတ်အဖွဲ့ (PDB) ၏ ဥက္ကဋ္ဌ Alamgir Kabir က ပြောကြားသည်။

ပြီးခဲ့သည့် မေလ ကုန်ပိုင်းတွင် မြန်မာနိုင်ငံမှ လျှပ်စစ်စွမ်းအင် ထုတ်လုပ်ရေး ဆိုင်ရာ အဖွဲ့တစ်ဖွဲ့ ဒါကာမြို့တော်သို့ လာရောက်ခဲ့ပြီး ဘင်္ဂလားဒေ့ရှ် အစိုးရ အရာရှိကြီးများနှင့် တွေ့ဆုံ ဆွေးနွေးခဲ့ကြောင်း၊ နှစ်နိုင်ငံ လျှပ်စစ်စွမ်းအင် ကုန်သွယ်ရေး ကိစ္စနှင့် ပတ်သက်၍ ဖြစ်ပေါ်လာမည့် စိန်ခေါ်မှုများ အပေါ် ဆွေးနွေးခဲ့ခြင်း ဖြစ်ကြောင်း သိရသည်။ မြန်မာ လျှပ်စစ်စွမ်းအင် အဖွဲ့သည် လျှပ်စစ် ဓာတ်အား တင်ပို့ရောင်းချမည့် အစီအစဉ်တွင် ပါဝင်မည့် သက်ဆိုင်ရာ ဘင်္ဂလားဒေ့ရှ် Stakeholder များနှင့်လည်း တွေ့ဆုံခဲ့သည်။

ယခုအခါ ဘင်္ဂလားဒေ့ရှ် ပြည်သူများသည် လျှပ်စစ်ဓာတ်အား ပြတ်တောက်မှုနှင့် ဆိုးဆိုးရွားရွား တွေ့ကြုံနေရသောကြောင့် အလွန်အမင်း အမျက်ထွက်လျက် ရှိရာ အစိုးရသည် ပြည်သူလူထု၏ မကျေနပ်ချက်ကို ဖြေသိမ့်ရန် ကြိုးပမ်းလျက် ရှိသည်။ သို့အတွက်ကြောင့် မြန်မာနိုင်ငံ၏ လျှပ်စစ်ဓာတ်အား တင်ပို့ ရောင်းချရေး စီမံချက်သည် ဒါကာ အစိုးရအတွက် များစွာ အရေးကြီးနေသည်။

ဘင်္ဂလားဒေ့ရှ် နိုင်ငံအတွက် တစ်နေ့တာ လိုအပ်သော လျှပ်စစ်ဓာတ်အား မီဂါဝပ် ၁၅၀၀-၂၀၀၀ကို ဖြည့်စွမ်းပေးနိုင်ခြင်း မရှိသောကြောင့် ကုန်ထုတ်လုပ်မှု လုပ်ငန်းများကို ဆိုးဆိုးရွားရွား ထိခိုက်လျက် ရှိသည်။ ထို့အတူ စီးပွားရေး တိုးတက်မှု နှေးကွေး ကျဆင်းမည့် အခြေအနေနှင့်လည်း ရင်ဆိုင်နေရသည်။

"မြန်မာအဖွဲ့နဲ့ ကျွန်တော်တို့ တွေ့ဆုံ ဆွေးနွေးမှု လုပ်ခဲ့ကြပါတယ်။ အဲဒီအဖွဲ့က နယ်စပ် ဖြတ်ကျော်ပြီး လျှပ်စစ်ဓာတ်အား တင်ပို့ရောင်းချမယ့် မြန်မာ အစိုးရရဲ့ လုပ်ငန်းစဉ်ကို စတင်နိုင်ဖို့ ပြောဆို ဆွေးနွေးခဲ့တာ ဖြစ်ပါတယ်" ဟု PFB အဖွဲ့၏ အကြီးအကဲက Financial Express သတင်းစာသို့ ပြောကြားသည်။

မြန်မာနိုင်ငံမှ Shwe Taung Development ကုမ္ပဏီက ရခိုင်ပြည်နယ်တွင် မီဂါဝပ် ၅၀၀ ထွက်ရှိသော ရေအားလျှပ်စစ် ထုတ်လုပ်ရေးစက်ရုံ တည်ဆောက်ပြီး ဘင်္ဂလားဒေ့ရ်ှသို့ လျှပ်စစ်ဓာတ်အား သွယ်တန်း ရောင်းချရန် စိတ်ဝင်စားကြောင်း ထုတ်ဖော် ပြောဆိုထားသည်။

အဆိုပါ ကုမ္ပဏီသည် ပုဂ္ဂလိကပိုင် ဖြစ်ပြီး ရခိုင်ပြည်နယ်တွင် လျှပ်စစ်ဓာတ်အား ထုတ်စက်ရုံ နှစ်ခု တည်ဆောက်နိုင်ရေးအတွက် မြေယာ အမြောက်အမြား ဝယ်ယူထားပြီး ဖြစ်သည်။ အဆိုပါ ကုမ္ပဏီသည် ယခုအခါ ဘင်္ဂလားဒေ့ရ်ှသို့ လျှပ်စစ်ဓာတ်အား တင်ပို့ ရောင်းချရန် စဉ်းစားလျက် ရှိသည်။ ဘင်္ဂလားဒေ့ရှ် နိုင်ငံသည် စွမ်းအင်နှင့် ပတ်သက်၍ ဖြစ်ပေါ်နေသော Supply နှင့် Demand ကွာဟချက်ကို ချိတ်ဆက်ပေးရန် လိုအပ်နေသည်။ ထို့အတူ ဘင်္ဂလားဒေ့ရှ် စက်မှုလုပ်ငန်းများ ပုံမှန် လည်ပတ်နိုင်ရေးအတွက် ပြည်ပမှ စွမ်းအင် ဝယ်ယူရန်လည်း ကြိုးပမ်းနေသည်။

ပုဂ္ဂလိကပိုင်နှင့် ပြည်သူပိုင် ကုမ္ပဏီများက လျှပ်စစ်ဓာတ်အား ၄၀၀၀ မီဂါဝပ် ထုတ်လုပ် ပေးနိုင်သော်လည်း အလုပ်ချိန်များအတွင်း လိုအပ်ချက်မှာ ၆၀၀၀ မီဂါဝပ်အထိ ရှိသည်ကို တွေ့ရကြောင်း Financial Express သတင်းစာက ဆိုသည်။ ကမ္ဘာ့ဘဏ်၏ ခန့်မှန်းချက်အရ ဘင်္ဂလားဒေ့ရှ် လျှပ်စစ်စွမ်းအား အကျပ်အတည်းကြောင့် နှစ်စဉ် အမျိုးသား တိုးတက်မှု၏ ၂ ဒဿမ ၀ ရာခိုင်နှုန်းခန့် ထိခိုက်လျက် ရှိသည်။

မည်သို့ဆိုစေ ဘင်္ဂလားဒေ့ရှ် အစိုးရက လာမည့် ၂၀၁၅ ခုနှစ်မှစ၍ လျှပ်စစ်ဓာတ်အား မီဂါဝပ် ၉၀၀၀ ထုတ်လုပ်ရန် စီစဉ်လျက် ရှိသည်။ အဆိုပါ အစီအစဉ်အတွက် ရင်းနှီးမြှုပ်နှံမှုတန်ဖိုးမှာ ဒေါ်လာ ၉ ဒဿမ ၀ ဘီလီယံ လိုအပ်မည် ဖြစ်သည်။

ထို့ပြင် ဘင်္ဂလားဒေ့ရ်ှသည် အိန္ဒိယနိုင်ငံနှင့်လည်း လျှပ်စစ်ဓာတ်အား အရောင်းအဝယ် ပြုလုပ်နိုင်ရေးအတွက် ဆွေးနွေးလျက် ရှိသည်။ အိန္ဒိယမှ မီဂါဝပ် ၂၅၀ တင်သွင်းရန် ဆွေးနွေးနေခြင်း ဖြစ်သည်။

Financial Express မှ သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

English.news.cn, 7th June 2010

ဆန်းသစ် တီထွင်ခြင်း၊ အနာဂတ် ရှုမျှော်ခြင်းတို့ကြောင့် လူသိများသော ဥရောပ အခြေစိုက် ကမ္ဘာ့စီးပွားရေး ဖိုရမ် WEF သည် စိတ်ဝင်စားစရာ ကောင်းသော အတွေးအခေါ် ဦးစားပေး အကြောင်းအရာကို ယခုနှစ် WEF အရှေ့အာရှဆိုင်ရာ ဖိုရမ်အတွက် ရွေးချယ်ခဲ့ပြီး အာရှတိုက်၏ ဦးဆောင်မှု အစီအစဉ်ကို ပြန်လည် စဉ်းစား သုံးသပ်ခဲ့ကြသည်။

နှစ်ရက်ကြာ ဆွေးနွေးပွဲ အတွင်း ထွက်ပေါ်ခဲ့သော မှတ်ချက်သည် စီးပွားရေး အဖွဲ့အစည်းနှင့် နိုင်ငံပေါင်း ၅၀ ကျော်မှ တက်ရောက်လာသော ကိုယ်စားလှယ်များအကြား များစွာ ဆွဲဆောင်နိုင်ခဲ့သည်။ ကမ္ဘာ့စီးပွားရေး အကျပ်အတည်း၏ အကျိုးဆက် အာရှ၏ လိုအပ်ချက်ကို အလေးပေးလာမှုနှင့် တစ်ကမ္ဘာလုံး ပူးပေါင်း ဆောင်ရွက်ရေး အတွက် ထိရောက်သော ပြင်ပ ဆက်ဆံရေးကို ပြုလုပ်နိုင်စွမ်းရှိမှု စသည်တို့ကြောင့် ကမ္ဘာ့စီးပွားရေး ပါဝါဟန်ချက်တွင် အပြောင်းအရွှေ့ ဖြစ်ပေါ်နေသည်။

အာဆီယံ အထွေထွေ အတွင်းရေးမှူးချုပ် ဆူရင်ပစ်ဆူဝမ်က "လွန်ခဲ့သော နှစ်နှစ်တာသည် အာရှတိုက်၏ အနေအထားကို သိသိသာသာ ပြောင်းလဲစေခဲ့သော ကာလဖြစ်သည်" ဟု ပြောကြားလိုက်သည်။

အာရှသည် ၎င်း၏ သွင်းကုန်ကဏ္ဍကို ဆက်လက် ဖွင့်ပေးထားခြင်းဖြင့် ကမ္ဘာကြီးကို စီးပွားရေး အကျပ်အတည်းမှ ဆွဲထုတ်ရာတွင် ကူညီနိုင်ခဲ့သည်။ တချိန်ထဲတွင် အာရှသည် အဆက်မပြတ် ကြီးထွားမှုကိုလည်း ထိန်းသိမ်းနိုင်ခဲ့ပြီး ကမ္ဘာစီးပွားရေး ပြန်လည် သန်စွမ်းမှုအတွက် မောင်းနှင်အား တစ်ခု ဖြစ်လာခဲ့ပါသည်ဟု ဆူရင်က ဆိုသည်။

ယခု ဖိုရမ်၏ ပူးတွဲ သဘာပတိ အဖြစ် ဆောင်ရွက်သူ ရုရှား VTB ဘဏ်၏ ဥက္ကဌနှင့် CEO Andrei Kostin က ကမ္ဘာ့စီးပွားရေး ပါဝါအရွေ့ကို မတည်ငွေ စီးဆင်းမှု ရှုဒေါင့်မှ သုံးသပ်၍ မှတ်ချက် ပေးခဲ့သည်။

"ထုံးစံအရတော့ အာရှက မတည် ရင်းနှီးငွေ တင်သွင်းသူ ဖြစ်ခဲ့ပေမဲ့ အခုအချိန်မှာ ရင်းနှီးငွေ တင်ပို့တဲ့သူ ဖြစ်လာပါတယ်" ဟု Kostin က ဖိုရမ်သို့ ပြောကြားခဲ့သည်။ "အာရှနဲ့ ပင်လယ်ကွေ့နိုင်ငံတွေဟာ ဒီနေ့ကမ္ဘာပေါ်က ရင်းနှီးမြှုပ်နှံသူတွေ အတွက် အဓိက မတည်ငွေ ရင်းမြစ်တွေ ဖြစ်နေပါတယ်" ဟု ၎င်းက ဆိုသည်။

ဖိုရမ်တွင် ဆွေးနွေးသည့် ခေါင်းဆောင်မှု အစီအစဉ်ကို အာရှခေါင်းဆောင်များ၊ ပညာရှင်များက စဉ်းစား ဆင်ခြင် ဥာဏ် အပါအဝင် အကောင်းမြင်ဝါဒဖြင့် တုန့်ပြန်ခဲ့ကြသည်။

"အရှေ့အာရှက တာဝန်ယူထားတဲ့ ကမ္ဘာအဆင့် အနေအထားနဲ့ တာဝန်ယူမှုတွေကို အသိအမှတ်ပြုဖို့ လိုအပ်ပါတယ်။ လုံလောက်တဲ့ တန်ဖိုးအဆင့် သတ်မှတ်မှုကိုလည်း ပြန်လုပ်ရမယ်" ဟု ဗီယက်နမ် ဝန်ကြီးချုပ် ငုယင်တန်ဒေါင်းက ဖိုရမ်တွင် ပြောကြားသည်။ "သစ်လွင်ပြီး ပိုမို ထိရောက်တဲ့ ကမ္ဘာ့ စီမံခန့်ခွဲမှုဆိုင်ရာ ဒီမိုကရေစီ ဖွဲ့စည်းပုံမှာ အရှေ့အာရှက တက်တက်ကြွကြွ ပါဝင်ဖို့ ဆန္ဒရှိနေပါတယ်" ဟု ငုယင်တန်ဒေါင်းက ပြောကြားခဲ့ပြီး "ယခု ဖိုရမ်၏ အဓိက အကြောင်းအရာသည် ဒေသတွင်း အခြေအနေများ အတွက် အလွန်ပင် သင့်မြတ် လျှော်ကန်ပါပေသည်" ဟု ဂုဏ်ပြုလိုက်သည်။

အင်ဒိုနီးရှားနိုင်ငံ ရင်းနှီးမြှုပ်နှံမှု ညှိနှိုင်းရေး ဘုတ်အဖွဲ့ ဥက္ကဌ ဂီတာဝီဂျာဝမ်က "ခေါင်းဆောင်မှု အစီအစဉ်" ဟူသော စကားစုကို "နိုင်ငံတကာရေးရာများ ညှိနှိုင်းဆွေးနွေးရာတွင် သြဇာကြီးမားမှု အဆင့်" ဟူ၍ ရှင်းလင်း ပြန်ဆိုသည်။

အာရှသည် နိုင်ငံတကာရေးရာ ဆွေးနွေးမှုများတွင် ၎င်း၏အဆင့်နှင့် ထိုက်တန်သလောက် များစွာပါဝင်မှု မရှိခဲ့ဟု ဂီတာက ဆိုသည်။ အာရှသည် နိုင်ငံတကာ ဝန်းကျင်တွင် G-20 ကဲ့သို့ပင် ပိုမို ကိုယ်စားပြုခွင့် ရရှိသင့်သည်ဟု ၎င်းက ပြောကြားခဲ့သည်။

တရုတ်နိုင်ငံမှ နာမည်ကြီး Nankai University မှ ဒုတိယ အဓိပတိ ပါမောက္ခ တုံဂျာဒုန်ကမူ "အာရှသည် ကမ္ဘာ့စီးပွားရေး ဖွံ့ဖြိုးမှုကို ဦးဆောင်နေသော်လည်း ခေါင်းဆောင်မှု ကဏ္ဍအတွက် ယခုအထိ အဆင်သင့် မဖြစ်သေးပါ" ဟု ၎င်းအမြင်ကို ပွင့်လင်းစွာ ပြောကြားခဲ့သည်။

"ကမ္ဘာ့စီးပွားရေး ဖိုရမ် WEF ရဲ့ ဆွေးနွေးပွဲ အကြောင်းအရာဟာ အမြဲတမ်း ရှေ့ကို မျှော်ကြည့်ပြီး နိုင်ငံတကာ လမ်းကြောင်းမှာ နောက်ထပ် ပေါ်လာမယ့် လှိုင်းတွေကို ထိတွေ့ စမ်းသပ်တာပါ။ အာရှဟာ ကြီးကြီးမားမား ဖွံ့ဖြိုးလာပေမယ့် ကမ္ဘာ့ခေါင်းဆောင်ကဏ္ဍကို ရယူလောက်အောင် လုံလောက်တဲ့ ကျွမ်းကျင်မှုတွေ မပြည့်စုံသေးပါဘူး" ဟု တုံဂျာဒုန်က ပြောကြားလိုက်သည်။

သို့သော်လည်း အားသာချက်များ အားလုံးကို လောလောဆယ် ရရှိထားသည့် အာရှအနေဖြင့် ရည်ရွယ်ချက် ကြီးမားသော "ယခု ခေါင်းဆောင်မှု အစီအစဉ်" ကြောင့် ဆန်းသစ် တွေးခေါ်မှု အချို့ ထွက်ပေါ်လာနိုင်သည်ဟု ၎င်းက ဆိုသည်။

အာရှတိုက်၏ ငွေရင်းငွေနှီး အားသာချက်နှင့် ပတ်သက်၍ တုံဂျာဒုန်တွင် ကိုယ်ပိုင် အယူအဆများ ရှိနေသည်။ "အာရှသည် ၎င်း၏ ပို့ကုန်ကဏ္ဍမှ တဆင့် ကြီးမားသော နိုင်ငံခြား အရံငွေများကို စုဆောင်းမိထားသည်။ သို့သော်လည်း စိတ်မကောင်းစရာပင် လုံခြုံ၊ ထိရောက်သော လမ်းကြောင်းများ ချို့တဲ့မှုကြောင့် ရင်းနှီးငွေများကို ဒေသတွင်း ပြန်လည် ရင်းနှီးမြှုပ်နှံမှု မလုပ်နိုင်ပဲ ၎င်းအစား အမေရိကန် ငွေချေးစာချုပ် ဈေးကွက် ကဲ့သို့သော အခြား ဈေးကွက်များသို့ စီးထွက်သွားခြင်း ဖြစ်သည်" ဟု ၎င်းက သုံးသပ်ခဲ့သည်။

တရုတ်နိုင်ငံ နှင့်အတူ အာရှ ဒေသတွင်း ဖွံ့ဖြိုးဆဲ နိုင်ငံ အများစုသည် ရင်းနှီးမြှုပ်နှံမှုနှင့် တိုးတက် ဖွံ့ဖြိုးရေး အတွက် အလွန် ကြီးမားသော ရင်းနှီးငွေ လိုအပ်နေသည်ဟု တုံဂျာဒုန်က ဆိုသည်။ ရင့်ကျက် ပြည့်ဝသော ကုန်သွယ်ရေး၊ ဘဏ္ဍာရေးနှင့် ရင်းနှီးမြှုပ်နှံမှု စနစ်များကို ဒေသတွင်း တည်ဆောက်ကြရန် ၎င်းက တိုက်တွန်းလိုက်ပြီး သို့မှသာ အာရှတိုက်၏ ပိုက်ဆံဖြင့် အာရှတိုက်၏ ဖွံ့ဖြိုးမှုကို ကောင်းမွန်စွာ ဆောင်ကြဉ်းပေးနိုင်လိမ့်မည်ဟု တိကျ မှန်ကန်သော မှတ်ချက်ကို ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာနှင့်ဘင်္ဂလားဒေ့ရ်ှတွင် အခြေစိုက်သည့် တရားမဝင် လက်နက်ကိုင်တပ်ဖွဲ့ဖြစ်သည့် ညီညွတ်သော အာသံပြည် လွတ်မြောက်ရေးတပ်ဦး (ULFA) မှ ထိပ်ပိုင်းခေါင်းဆောင်များနှင့် တပ်ရင်းမှူးများ မကြာမီကာလတွင် လက်နက်ချကာ ငြိမ်းချမ်းရေး ဖော်ဆောင်လာဖွယ်ရှိကြောင်း အိန္ဒိယပြည် ဟိန္ဒူထဲရေးဝန်ကြီး G K Pillai က ပြောကြားသည်။

"မြန်မာနဲ့ ဘင်္ဂလားဒေ့ရ်ှမှာ ခြေကုပ်ယူလှုပ်ရှားနေတဲ့ ULFA အဖွဲ့က ထိပ်ပိုင်းခေါင်းဆောင်နဲ့ တပ်ရင်းမှူးတချို့က သူတို့အနေနဲ့ အလင်းဝင်ဖို့ ဆန္ဒရှိနေတယ်လို့ ထုတ်ဖော်ပြောဆိုထားပါတယ်" ဟု ပြည်ထဲရေးဝန်ကြီး Pillai က IANS သတင်းဌာနနှင့် အင်တာဗျူးခန်းတွင် ပြောကြားသည်။

မစ္စတာ Pillai သည် လုံခြုံရေးအခြေအနေများကို စောင့်ကြည့်လေ့လာရန် Meghalaya ဒေသသို့ သုံးရက်တာခရီးအဖြစ် သွားရောက် လည်ပတ်ခဲ့သည်။ "အာသံအစိုးရကတော့ ULFA လက်နက်ကိုင် အဖွဲ့နဲ့ ငြိမ်းချမ်းရေးဖြစ်စဉ်ကို ကနဦး အကောင်အထည်ဖော် လုပ်ဆောင်ခဲ့ပြီးပါပြီ။ အဲဒီလို အေးအေးချမ်းချမ်း ဖြစ်လာတာကို ကျွန်တော်တို့က အကောင်းမြင်ပါတယ်" ဟု မစ္စတာ Pillai က ပြောသည်။

ရှာဖွေရခက်ခဲ့သော ULFA လက်နက်ကိုင်အဖွဲ့၏ စစ်ဦးစီး Paresh Baruah ရှိနေခြင်းသည် ငြိမ်းချမ်းရေး ဆွေးနွေးမှုအတွက် လွန်စွာအရေးကြီးကြောင်း၊ သို့သော် အကယ်၍ Paresh Baruah သာ ဒိုင်ယာလော့ခ် မလုပ်ပါက ၎င်းကိုယ်တိုင် ကျင်းထဲကျပ်ထဲ အနေအထားမျိုးသို့ ရောက်ရှိမည်ဖြစ်ကြောင်း မစ္စတာ Pillai က ပြောသည်။ "တကယ်လို့ အာသံပြည်သူတွေရဲ့ ခံစားချက်ကို အရေးမစိုက်ဘဲနေမယ်၊ တစ်ပြားသားမှ အလျှော့မပေးဘဲ လုပ်နေမယ်ဆိုရင် Paresh Baruah ဟာ ဘေးရောက်သွားမှာပါ" ဟု ၎င်းကဆိုသည်။

မေလ နောက်ဆုံးရက်သတ္တပတ်တွင် အာသံပြည်နယ် အုပ်ချုပ်ရေးမှူး Tarun Gogoi က ULFA လက်နက်ကိုင်အဖွဲ့ ခေါင်းဆောင်ပိုင်းနှင့် ငြိမ်းချမ်းရေး ဆွေးနွေးပွဲပြုလုပ်ရန် စတင် အကောင်အထည် ဖော်ခဲ့သည်။

အာသံပြည်နယ် ကက်ဘိနက်အဖွဲ့၏ ဆုံးဖြတ်ချက်အတိုင်း မစ္စတာ Tarun Gogoi က လုပ်ဆောင်ခြင်း ဖြစ်သည်။ သတင်းများအရ ယခုအခါ ULFA ခေါင်းဆောင်ခြောက်ဦးမှာ ဖမ်းဆီးခံ အကျဉ်းချခံထားရသည်။ ယင်းတို့မှာ ULFA ဥက္ကဋ္ဌ Arabinda Rajkhowa၊ ဒုတိယ စစ်ဦးစီးချုပ် Raju Baruah၊ နိုင်ငံခြားရေးအကြီးအကဲ Sasha Choudhury၊ ဘဏ္ဍာရေး အတွင်းရေးမှူး Chitraban Hazarika၊ ယဉ်ကျေးမှုဆိုင်ရာ အတွင်းရေးမှူး Pranati Deka နှင့် နိုင်ငံရေးအကြံပေး Bhimkanta Buragohain တို့ဖြစ်သည်။

ULFA  ဒုတိယ ဥက္ကဋ္ဌ Pradeep Gogoi နှင့် ခေါင်းဆောင် Mithinga Daimary တို့မှာ အာမခံဖြင့် လွတ်မြောက်လျက်ရှိပြီး ၎င်းတို့သည် ယခုအခါ ငြိမ်းချမ်းရေးဆွေးနွေးပွဲအတွက် ပြည်သူ့ဆန္ဒ ရယူရန် ကြိုးပမ်းလျက်ရှိသည်။ ပုန်ကန်ခွဲထွက်မှုများ ဆက်လက်လုပ်ကိုင်နေသူ ထိပ်ပိုင်း ခေါင်းဆောင်မှာ Paresh Baruah သာဖြစ်သည်။

"Paresh Baruah ဟာ တရုတ်နိုင်ငံ ယူနန်ပြည်နယ်နဲ့ မြန်မာနိုင်ငံကြားက နယ်စပ်ဒေသက တစ်နေနေရာမှာရှိနေမှာ" ဟု မစ္စတာ Pillai ကပြောသည်။ ULFA အထွေထွေ အတွင်းရေးမှူး Anup Chetia မှာ ၁၉၉၇ ခုနှစ်တွင် ဖမ်းဆီးခံခဲ့ရပြီး နောက်ပိုင်း ယနေ့အချိန်အထိ ဘင်္ဂလားဒေ့ရှ်  အကျဉ်းထောင်တွင် ခိုလှုံနေရဆဲဖြစ်သည်။ Anup Chetia ၏ ထောက်ဒဏ်သက်တမ်းမှာ စေ့သွားပြီဖြစ်သော်လည်း နိုင်ငံရေးခိုလှုံခွင့် ရယူရန် ကြိုးပမ်းနေသောကြောင့် ဘင်္ဂလားဒေ့ရ်ှတွင်ပင် ဆက်လက်နေထိုင်နေခြင်း ဖြစ်သည်။

"Anup Chetia က နိုင်ငံရေးခိုလှုံခွင့်ရဖို့ လုပ်နေတဲ့အတွက်ကြောင့် ပြစ်မှုတွေ လွှဲပြောင်းပေးရေးနဲ့ ပတ်သက်ပြီး ပြဿနာတွေဖြစ်နေတယ်" ဟု မစ္စတာ Pillai ကပြောသည်။ မည်သို့ပင်ဆိုစေ အာသံပြည်နယ်တွင် ULFA နှင့် National Democratic Front of Bodoland (NDFB) လက်နက်ကိုင်တပ်ဖွဲ့များ၏ တိုက်ခိုက်မှုများ ဖြစ်ပေါ်လာဖွယ်ရှိကြောင်း ပြည်ထဲရေးဝန်ကြီးက ဆိုသည်။

NDFB အဖွဲ့ခေါင်းဆောင် Ranjan Daimary အား ဘင်္ဂလားဒေ့ရ်ှအစိုးရက အိန္ဒိယနိုင်ငံသို့ လွှဲပြောင်းပေးလိုက်ပြီ ဖြစ်သည်။ သူသည် ယခုအခါ အာသံပြည်နယ် ရဲဘက်အကျဉ်းထောင်တွင် ဖမ်းဆီး ထိန်းသိမ်းခံရသည်။

IANS သတင်းဌာန၏ သတင်းကိုဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Bernama, 6th June 2010

      မြန်မာတိုင်းရင်းသား ရိုဟင်ဂျာ လူ့အခွင့်အရေးအဖွဲ့ မလေးရှား (Myanmar Ethnic Rohingyas Human Rights Organisation Malaysia MERHROM) သည် မြန်မာနိုင်ငံရှိ ရိုဟင်ဂျာ တိုင်းရင်းသားများ အပေါ် နှိပ်ကွပ်နေမှုများကို အရှိန်မြှင့် ဖြေရှင်းပေးရန် ကုလသမဂ္ဂနှင့် အမေရိကန် ကဲ့သို့သော အဓိက အင်အားကြီး နိုင်ငံများကို တောင်းဆိုခဲ့သည်။

      အဆိုပါ အဖွဲ့ ဥက္ကဌဖြစ်သူ Zafar Ahmead Mohd Abdul Ghani က ပြောကြားရာတွင် မြန်မာ ရိုဟင်ဂျာ တိုင်းရင်းသားများမှာ ၁၉၆၂ ကတည်းက စစ်အစိုးရ၏ ဖိနှိပ်ခြင်းကို ခံခဲ့ရသည်ဟု ဆိုသည်။

      "ကုလသမဂ္ဂနဲ့ သမ္မတ Obama တို့ကို ၁၉၆၂ စစ်တပ်က အာဏာသိမ်းကတည်းက စခဲ့တဲ့ ပြဿနာကို ဖြေရှင်းပေးဖို့ ကျွန်တော် တိုက်တွန်းလိုပါတယ်။ ရိုဟင်ဂျာတွေဟာ အဲဒီအချိန်ကတည်းက သူတို့ ပိုင်မြေ၊ လယ်ယာတွေ၊ အခြားပစ္စည်းတွေ သိမ်းခံရပြီး၊ သူတို့ အခွင့်အရေးတွေ ဆုံးရှုံးခဲ့ပါတယ်" ဟု ၎င်းက Bernama သို့ တနင်္ဂနွေနေ့က ပြောကြားခဲ့သည်။

      Zafar က ပြောကြားရာတွင် MERHROM အနေဖြင့် မြန်မာ အစိုးရအား ရိုဟင်ဂျာများထံမှ သိမ်းဆည်းထားသော နိုင်ငံသား စီစစ်ရေးကဒ်ပြားများ ပြန်ပေးရန် တောင်းဆိုထားကြောင်း ပြောခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

AP, By Amy Teibel, 6th June 2010

      ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းသည် ဂါဇာသို့ သွားသည့် အကူအညီ ပေးရေး ပစ္စည်းများ တင်ဆောင်ထားသော ရေယာဉ်တန်းအား အစ္စရေးတို့ ဝင်ရောက် စီးနင်းမှုနှင့် ပတ်သက်၍ နိုင်ငံတကာ ကော်မရှင်ဖွဲ့၍ စုံစမ်း စစ်ဆေးရန် စီစဉ်လျက် ရှိကြောင်း အစ္စရေး အစိုးရ တာဝန်ရှိ ပုဂ္ဂိုလ်က တနင်္ဂနွေနေ့က ပြောကြားလိုက်သည်။

      ဘန်ကီမွန်းသည် ရေကြောင်း ဥပဒေ ကျွမ်းကျင်သူ နယူးဖီလန် ဝန်ကြီးချုပ်ဟောင်း Geoffrey Palmer အား စစ်ဆေးရေးအဖွဲ့ကို ခေါင်းဆောင်စေလိုပြီး၊ အစ္စရေး၊ တူရကီနှင့် အမေရိကန်တို့မှ ကိုယ်စားလှယ်များ ပါဝင်လိမ့်မည် ဖြစ်ကြောင်း နိုင်ငံခြားရေး ဝန်ကြီးဌာန တာဝန်ရှိ ပုဂ္ဂိုလ်က ပြောကြားလိုက်သည်။ ၎င်းက အမည် ထုတ်ဖော်ရန် ငြင်းဆိုခဲ့ပြီး၊ ဘန်ကီမွန်းက ၎င်း၏ အစီအစဉ်ကို အသေးစိတ် ထုတ်ပြန် ကြေညာခြင်း မရှိသေးသောကြောင့် ဖြစ်သည်ဟု ဆိုသည်။

      နိုင်ငံတကာ စုံစမ်း စစ်ဆေးရေး ပြုလုပ်ရန် တွန်းအားပေးခြင်းသည် Hamas များ အုပ်ချုပ်သော ဂါဇာဒေသအား ဒုက္ခရောက်စေရန်၊ အကူအညီပေးရေး ရေယာဉ်တန်းအား မည်သို့ ပိတ်ဆို့ တိုက်ခိုက်သည် ဆိုသည်ကို ရှင်းပြစေရန် အစ္စရေးအား ဖိအားပေးခြင်းပင် ဖြစ်သည်။ ထို့အပြင် အစ္စရေး ပြောသကဲ့သို့ သင်္ဘောပေါ်တွင် ပါသော အစ္စလာမ်မစ် အစွန်းရောက်များက ၎င်း၏တပ်ဖွဲ့များကို တိုက်ခိုက်ရန် ရည်ရွယ်သည်ဟူသော ကိစ္စအားလည်း မီးမောင်း ထိုးပြလိမ့်မည် ဖြစ်သည်။

      လူအများ သေကြေစေမှုကြောင့် အများက စိတ်ဆိုးကြပြီး အမေရိကန် အပါအဝင် နိုင်ငံအတော် များများက စစ်တပ်ဖြင့် ပိတ်ဆို့ထားမှုအား တစိတ်တပိုင်း ဖွင့်ပေးရေးကို ချက်ချင်း တောင်းဆိုခဲ့ကြသည်။ အစ္စရေးကမူ Hamas အစ္စလာမ်မစ် စစ်သွေးကြွများအား ၎င်းတို့၏ လက်နက်များ တိုးချဲ့မလာစေရန် အထီးကျန် ပြုထားရေး အတွက် ပိတ်ဆို့ထားရန် လိုအပ်သည်ဟု ပြောဆိုခဲ့သည်။

      ပြီးခဲ့သည့် စနေနေ့က အစ္စရေးတို့သည် နောက်ထပ် အကူအညီပေး ပစ္စည်းများပါသော သင်္ဘောအား ထိန်းသိမ်းခဲ့ပြီး၊ သင်္ဘောပေါ်တွင် ပါဝင်သော တက်ကြွသူများနှင့် သင်္ဘောသား ၁၉ ဦး စလုံးကို တနင်္ဂနွေနေ့က ပြန်ပို့ခဲ့ပြီး ဖြစ်ကြောင်း ပြည်ထဲရေး ဝန်ကြီးဌာန ပြောခွင့်ရပုဂ္ဂိုလ် အမျိုးသမီး ဖြစ်သူ Sabine Haddad က ပြောကြားခဲ့သည်။

      အစ္စရေးရှိ ကုလသမဂ္ဂ တာဝန်ရှိသူများကမူ ဘန်ကီမွန်း၏ စုံစမ်း စစ်ဆေးရေး အတွက် စီစဉ်မှုကို မသိရှိရသေးကြောင်း၊ အထွေထွေ အတွင်းရေးမှူးချုပ် အနေဖြင့် ထိုကိစ္စကို ဗုဒ္ဓဟူးနေ့တွင် ကိုင်တွယ်မည်ဟု ပထမပြောကြားခဲ့ဖူးသည်ဟု ဆိုသည်။

      ကုလသမဂ္ဂ လူသားချင်း စာနာမှုဆိုင်ရာ အကူအညီပေးရေး အကြီးအကဲ John Holmes က သြစတြေးလျသို့ အလည်အပတ် ရောက်ရှိစဉ် ပြောကြားရာ၌ ကုလသမဂ္ဂသည် အဆိုပါ အဖြစ်အပျက် များအတွက် လွတ်လပ်သော စုံစမ်း စစ်ဆေးမှုများ မပြုလုပ်နိုင်သလော ဟူသော မေးခွန်းများ အပေါ် အဖြေရှာလျက် ရှိကြောင်း ပြောကြားခဲ့သည်။ ထို့အပြင် အခြေအနေများ မှန်ကန်ခဲ့ပါလျှင် အကူအညီများ ရည်ရွယ်သော နေရာများသို့ ရောက်ရှိရေး အတွက် မိမိတို့ တတ်နိုင်သလောက် ကူညီမည် ဖြစ်ကြောင်း ပြောကြားခဲ့သည်။

      ကက်ဘိနက်၏ ဝါရင့်ဝန်ကြီးများသည် တနင်္ဂနွေနေ့ နေ့ခင်းပိုင်းတွင် တွေ့ဆုံ၍ အဆိုပါ သင်္ဘောအား စီးနင်း တိုက်ခိုက်မှု အတွက် စုံစမ်း စစ်ဆေးရန် ဘန်ကီမွန်း၏ အဆိုပြုချက်နှင့် အခြား အဆိုပြုချက်များကို ဆွေးနွေးကြမည် ဖြစ်ကြောင်း နိုင်ငံခြားရေး ဝန်ကြီးဌာန ပြောခွင့်ရ ပုဂ္ဂိုလ်က ပြောကြားခဲ့သည်။

      အစ္စရေးသည် အဆိုပါ ကိစ္စအတွက် ပြင်ပ စုံစမ်း စစ်ဆေးမှုများကို လက်မခံဘဲ ရှိနေပြီး၊ ၎င်းကိုယ်တိုင် စုံစမ်း စစ်ဆေးနိုင်ကြောင်း ပြောကြားခဲ့သည်။ ၎င်း၏ စစ်သားများကို နိုင်ငံတကာက လာရောက် စစ်ဆေးမှုအား လက်မခံနိုင်ကြောင်း ပြောခဲ့သည်။

      စုံစမ်း စစ်ဆေးရေးတွင် နိုင်ငံတကာ ပါဝင်လာမှုကြောင့် တူရကီနှင့် ဖြစ်ပွားနေသော သံတမန် ရေးရာအရ တင်းမာမှုကို ဖြေလျော့ပေးစေနိုင်လိမ့်မည် ဖြစ်သည်။ တူရကီသည် တစ်ချိန်က အစ္စရေး၏ ရင်းနှီးသော မဟာမိတ် ဖြစ်ခဲ့သော်လည်း ယနေ့ ပြင်းပြင်းထန်ထန် ဝေဖန်သူ တစ်ဦး ဖြစ်သည်။

      မေလ ၃၁ ရက်နေ့က စီးနင်း တိုက်ခိုက်မှုတွင် တူရကီနှင့် တူရကီ အမေရိကန် ၈ ဦး အသတ်ခံရပြီး၊ အလောင်းများကို ကနဦး စစ်ဆေးချက်အရ ၎င်းတို့မှာ အကြိမ် ၃၀ ခန့် အပစ်ခံရကြောင်း တူရကီက စနေနေ့က သတင်းထုတ်ပြန်ခဲ့သည်။ အစ္စရေးကမူ ၎င်းတို့မှာ အစ္စလာမ်မစ် အစွန်းရောက်များ ဖြစ်ပြီး၊ အစ္စရေး စစ်သားများမှာ မိမိကိုယ် မိမိကာကွယ်ရင်း ဖြစ်ရကြောင်း ဆိုသည်။

      အဆိုပါ တူရကီ သင်္ဘောသည် နိုင်ငံတကာ အကူအညီပေးရေး ရေယာဉ်တန်း သင်္ဘော ၆ စီး အနက် တစ်စီးဖြစ်ပြီး၊ ထိုသင်္ဘောတစ်စီးပေါ်တွင်သာ အစ္စရေး စစ်သားများနှင့် ပစ်ခတ်မှု ဖြစ်ပွားခဲ့ခြင်း ဖြစ်သည်။ အစ္စရေးစစ်တပ်မှ ဗီဒီယိုနှင့် တူရကီ ရုပ်မြင်သံကြားမှ ပြသမှုများအရ အစ္စရေး စစ်သားများ ရဟတ်ယာဉ်မှ သင်္ဘော ကုန်းပတ်ပေါ်သို့ တက်လာရာ၊ သင်္ဘောပေါ်မှ သံချောင်းများနှင့် ဆီး၍ တိုက်ခိုက်ခဲ့သည်ကို တွေ့ရသည်။

      "ကျွန်တော်တို့ လက်ထဲမှာ ရှိတဲ့ သတင်း အချက်အလက်တွေအရ ဒီအုပ်စုတွေဟာ အခြားမြို့ကနေ တက်လာတာပါ။ လက်နက်တွေ ကိုင်ပြီး သင်္ဘောပေါ် ပါလာတာ ဖြစ်ပြီး၊ တခြားသူတွေလို ဘာမှ စစ်ဆေးခံရတာ မဟုတ်ပါဘူး" ဟု အစ္စရေး ဝန်ကြီးချုပ် Benjamin Netanyahu က တနင်္ဂနွေနေ့က အပတ်စဉ် ကက်ဘိနက် အစည်းအဝေး အဖွင့်တွင် ပြောကြားခဲ့သည်။

      "ဒီအုပ်စုရဲ့ အဓိက ရည်ရွယ်ချက်က အစ္စရေး စစ်သားတွေနဲ့ ထိပ်တိုက် ရင်ဆိုင်ဖို့ ဖြစ်ပါတယ်" ဟု ၎င်းက ပြောသည်။

      ယခု တိုက်ခိုက်မှုမှ ထွက်ပေါ်လာသော သံတမန်ရေးရာ အရ အကျိုးဆက်မှာ အစ္စရေးက ဂါဇာဒေသအား စစ်တပ်ဖြင့် ပိတ်ဆို့ထားခြင်းကို ပြန်လည် စဉ်းစားနေခြင်းပင် ဖြစ်သည်။ ဂါဇာအား အစ္စရေးက Hamas များ ဝင်ရောက် နေရာယူပြီး ကတည်းက ၂၀၀၇  ခုနှစ်ကတည်းက ပိတ်ဆို့ထားခဲ့သည်။ အဆိုပါ ဒေသရှိ ဂါဇာ စစ်သွေးကြွများသည် အစ္စရေးကို ဗုံးများ၊ ဒုံးကျည်များ၊ မော်တာများဖြင့် နှစ်ပေါင်းများစွာ တိုက်ခိုက်လျက် ရှိရာ ၎င်းတို့ထံသို့ လက်နက်များ၊ အခြား စစ်သုံး ပစ္စည်းများ မရောက်ရှိနိုင်အောင် ပိတ်ဆို့ထားရန် လိုအပ်သည်ဟု အစ္စရေးက ငြင်းချက်ထုတ်ခဲ့သည်။ ထို့အပြင် ယခင်ကတည်းက ဆင်းရဲသော ဂါဇာဒေသတွင် Hamas များအား လိုအပ်သော အသုံးအဆောင်များ ဖြတ်တောက်ထားခြင်းဖြင့် အားနည်းသွားစေရန် ရည်ရွယ်၍ ပိတ်ဆို့ထားခြင်း ဖြစ်သည်။

      သို့သော် လက်တွေ့တွင်မူ ပိတ်ဆို့ရခြင်း၏ ရည်ရွယ်ချက်များ သိပ်ထိရောက်မှု မရှိသည်ကို တွေ့ရသည်။ အဘယ်ကြောင့်ဆိုသော် ဂါဇာနှင့်အီဂျစ် အကြားရှိ နယ်စပ် ဥမင်လှိုဏ်များသည် လက်နက်များနှင့် လူသုံးကုန်များ စီးဆင်းရာ လမ်းကြောင်း ဖြစ်ခဲ့ခြင်းကြောင့် ဖြစ်သည်။ ထို့အပြင် ပိတ်ဆို့ထားသဖြင့် ဂါဇာရှိ ၁.၅ သန်းသော နေထိုင်သူများသည် ဆင်းရဲမွဲတေမှုကြောင့် Hamas များကို စိတ်ဆိုးစေရန် ရည်ရွယ်ခဲ့သော်လည်း အဆိုပါ လူများက အစ္စရေး အပေါ်တွင်သာ ပိုမို စိတ်ဆိုးလာကြသည်။

      အစ္စရေး၏ အရင်းနှီးဆုံး မဟာမိတ် အမေရိကန်ကလည်း သောကြာနေ့က အခြား တိုင်းပြည်များနှင့် ပေါင်း၍ ပိတ်ဆို့မှုကို ယခုပုံစံအတိုင်း ဆက်သွားရန် မသင့်တော်တော့ကြောင့် ပြောကြားခဲ့ပြီး၊ အဆိုပါ ဒေသသို့ လက်နက်များ ရောက်ရှိခြင်း မရှိစေရန် အခြားနည်းလမ်း ရှာဖွေရန် အစ္စရေးသို့ ဖိအား ပိုမိုပေးရန် ပြောကြားခဲ့ကြသည်။

      "ကျွန်တော်တို့ဟာ အစ္စရေးရဲ့ လုံခြုံရေးကို အလုံးစုံ အကာအကွယ်ပေးမယ့် မူဝါဒ တစ်ခု လိုအပ်ပါတယ်။ ဒါပေမယ့် ဂါဇာမှာရှိတဲ့ လူတွေ အတွက် အကူအညီပေးဖို့ လိုအပ်ပါတယ် ဟု အရှေ့အလယ်ပိုင်း ကိုယ်စားလှယ် Tony Blair က အစ္စရေး စစ်တပ် ရေဒီယိုမှ တနင်္ဂနွေနေ့က ပြောကြားခဲ့သည်။

      Tony Blair သည် အရှေ့အလယ်ပိုင်း ကိစ္စကြားဝင် ညှိနှိုင်းပေးသော အမေရိကန်၊ ကုလသမဂ္ဂ၊ ဥရောပ သမဂ္ဂနှင့် ရုရှားတို့၏ ကိုယ်စားလှယ် ဖြစ်သည်။

      အစ္စရေး ကက်ဘိနက် ဝန်ကြီး Isaac Herzog က AP သတင်းဌာနသို့ ပြောကြားရာတွင် အစ္စရေးသည် ဂါဇာဒေသသို့ ကုန်ပစ္စည်းများ စီးဝင်နိုင်ရေး လွယ်ကူစေရန် ၎င်း၏ မဟာမိတ်များနှင့် စကားပြောလျက် ရှိကြောင်း ပြောကြားခဲ့ပြီး၊ အသေးစိတ်ကိုမူ ပြောကြားခဲ့ခြင်း မရှိပေ။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Washinton Post, 4th June 2010

      မြန်မာနိုင်ငံသည် နျူကလီးယားဗုံး အတွက် ယူရေနီယံ သတ္ထုပြုလုပ်ရာတွင် အသုံးပြုသော အထူးကိရိယာ အပါအဝင် နျူကလီးယားလက်နက် အစီအစဉ် အတွက် အဓိက လိုအပ်သော အစိတ်အပိုင်းများကို ရရှိရန် လျှို့ဝှက်စွာ စတင် ဆောင်ရွက်နေကြောင်း မြန်မာနိုင်ငံကို လတ်တလော စွန့်ခွာ ထွက်ပြေးလာသော တပ်မတော် အရာရှိ တစ်ဦးထဲမှ ရရှိသည့် အထောက်အထားနှင့် ဓာတ်ပုံများကို ကိုးကားထားသော အစီရင်ခံစာအရ သိရှိရသည်။

      မြန်မာ စစ်ဖက် အုပ်ချုပ်သူများသည် နျူကလီးယားလက်နက် ပိုင်ဆိုင်ရန် ရည်ရွယ်သည့် သိသာ ထင်ရှားသော ဆောင်ရွက်ချက်များကို ပြုလုပ်နေကြောင်းကို ခိုးထုတ်လာသော အထောက်အထားများက ညွှန်ပြနေသည်ဟု လွတ်လပ်သော နျူကလီးယား ကျွမ်းကျင်သူနှင့် အစီရင်ခံစာ ပူးတွဲ ရေးသားသူ အကဲခတ် ပညာရှင်က ဆိုသည်။ သို့သော်လည်း မြန်မာနိုင်ငံ၏ နည်းပညာ ကျွမ်းကျင်မှုတွင် ကြီးမားသော ဟာကွက်များကို တွေ့ရှိရပြီး အမှန်တကယ် ဗုံးပြုလုပ်နိုင်ရန် နှစ်ပေါင်းများစွာ ကြာလိမ့်မည်ဟု ၎င်းတို့က တင်ပြထားသည်။

      အစိုးရ ဆန့်ကျင်ရေးအုပ်စု democratic Voice of Burma က ခန့်အပ်သော ပညာရှင်က "နျူကလီယာ နည်းပညာရရှိရန် မြန်မာနိုင်ငံ ကြိုးစားနေသည်" ဟု ယုံကြည် စိတ်ချမှု အပြည့်ဖြင့် ကောက်ချက်ချခဲ့ပြီး "ဒီနည်းပညာက လက်နက် ထုတ်လုပ်ဖို့ အတွက်ပါ။ အရပ်ဖက် သုံးဖို့၊ ဓာတ်အားပေးဖို့ မဟုတ်ပါဘူး" ဟု ၎င်းက ဆက်လက် ပြောကြားသည်။

      "ရည်ရွယ်ချက်ကတော့ ရှင်းနေပါတယ်။ ဒါဟာ နိုင်ငံတကာ သဘောတူညီချက်တွေကို တကယ်ကို အနှောင့်အယှက်ပေးတဲ့ ကိစ္စပါ" ဟု အစီရင်ခံစာ ပူးတွဲ ရေးသားသူ အငြိမ်းစား ကုလသမဂ္ဂ နျူကလီးယား စစ်ဆေးရေး အရာရှိ Robert E Kelley က ဆိုသည်။ DVB တာဝန်ရှိ ပုဂ္ဂိုလ်များက အထက်ပါ အစီရင်ခံ မိတ္တူများကို AL-Jazeera အသံလွှင့်ဌာန၊ The Washinton Post နှင့် အခြား သတင်းဌာန အနည်းငယ်ထံသို့ ပေးပို့ခဲ့သည်။

      အဆိုပါ အစီရင်ခံစာ ထုတ်ပြန်ပြီး နာရီ အတန်ငယ် အကြာတွင် ဗာဂျီးနီးယား ဒီမိုကရက်တစ် လွှတ်တော်အမတ် Jim Webb က "မြန်မာ ခရီးစဉ်ကို ပယ်ဖျက်ကာ အသေးစိတ် သိရှိအောင် စောင့်ဆိုင်းမည်" ဟု ကြေညာခဲ့သည်။ "ယခု စွပ်စွဲချက်များ တိကျခိုင်မာမှု ရှိ/မရှိ ဆိုသည်ကို မသဲကွဲသေးပါ" ဟု အရှေ့အာရှ၊ ပစိဖိတ်ဆိုင်ရာ အထက်လွှတ်တော် နိုင်ငံခြား ဆက်ဆံရေး ကော်မတီ ဥက္ကဌ Jim Webb က ပြောကြားခဲ့ကြောင်း ၎င်း၏ ရုံးခန်းမှ ထုတ်ပြန်သော ကြေညာချက်တွင် ဖော်ပြထားသည်။ "သို့သော်လည်း ယခုကိစ္စများ ရှင်းရှင်းလင်းလင်း မဖြစ်ခင် မြန်မာနိုင်ငံကို သွားမည် ဆိုပါက စဉ်းစားဥာဏ်မရှိရာ ရောက်ပြီး ဆန့်ကျင်ဘက် ရလဒ်များသာ ထွက်ပေါ်ရန် အလားအလာ ရှိသည်ဟု ယုံကြည်မိကြောင်း" ၎င်းက ပြောဆိုခဲ့သည်။

      မြန်မာ စစ်ဖက် အုပ်ချုပ်သူများ၏ လျှို့ဝှက် နျူကလီးယား အစီအစဉ်များနှင့် ပတ်သက်၍ ယခင်ကပင် စွပ်စွဲချက် မြောက်မြားစွာ ထွက်ပေါ်ခဲ့ဖူးပြီး ဒွိဟဖြစ်ဖွယ် ဂြိုလ်တုဓာတ်ပုံများ၊ စွန့်ခွာလာသော တပ်ပြေးများထံမှ အတည်မပြုနိုင်သော အကြောင်းအရာများ အပေါ်တွင် လုံးလုံးလျားလျား အခြေပြုကာ သတ်မှတ်ခဲ့ကြခြင်း ဖြစ်သည်။ သို့ရာတွင် ယခု တစ်ကြိမ်တွင်မူ နည်းပညာသစ်ကို သရုပ်ပြ ရှင်းလင်းသော ဆွေးနွေးပွဲများကို တက်ရောက်ကာ အဓိက စက်တပ်ဆင်မှုများကို တွေ့ရှိခဲ့သည်ဟု ပြောကြားသော ဗိုလ်မှူးဟောင်း စိုင်းသိန်းဝင်း ခိုးထုတ်လာခဲ့သော ရာဂဏန်း အရေအတွက်ရှိသော ဓာတ်ပုံများ၊ ထောင်နှင့်ချီသော အချက်အလက်ဖိုင်များကို အခြေပြုကာ ပညာရှင်အသစ်က အစီရင်ခံစာ တင်ပြခဲ့ခြင်း ဖြစ်သည်။

      စွမ်းအင်ဌာန နျူကလီးယား ဓာတ်ခွဲခန်း နှစ်ခုတွင် တာဝန်ထမ်းဆောင်ပြီးမှ IAEA ဝါရင့် စစ်ဆေးရေး အရာရှိ ဖြစ်လာခဲ့သူ Kelley က တန်ဖိုးကြီး လျှို့ဝှက် အချက်အလက်များကို စစ်ဆေး သုံးသပ်ခဲ့ခြင်းဖြစ်သည်။ DVB က ခန့်အပ်သော သုတေသနပညာရှင် Ali Fowle နှင့် ပူးတွဲကာ Kelley က အစီရင်ခံစာကို ရေးသားခဲ့ခြင်း ဖြစ်သည်။

      မြန်မာ စစ်ဖက် အရာရှိထံမှ ရရှိသော အထောက်အထားများမှာ ဗုံးထုတ်လုပ်ရေး ကိရိယာ၏ နည်းပညာပြ ပုံညွှန်းများ ဖြစ်ပြီး နျူကလီးယားလက်နက် အစိတ်အပိုင်းများနှင့် လောင်စာတောင့်များ အတွက် လိုအပ်သော ယူရေနီယံ သတ္တုပြုလုပ်ရာတွင် အဓိက အသုံးပြုသည့် ကိရိယာ ဖြစ်သည်။ အဆိုပါ ကိရိယာ တပ်ဆင်မှုကို ညွှန်ကြားနေသည့် မြန်မာ အစိုးရ တာဝန်ရှိ ပုဂ္ဂိုလ်၏ ပုံနှင့်ကိရိယာ တပ်ဆင်မှု ပြီးစီးသွားသော ပုံများကို မြန်မာ အရာရှိက ထုတ်ဖော် ပြသခဲ့သည်။

      အခြားဓာတ်ပုံများမှာ ယူရေနီယံ သတ္တုထုတ်လုပ်ရာတွင် အသုံးပြုသည့် Vacuum Glove Box ဟု ခေါ်သော ကိရိယာ၏ ဘေးတွင် ရပ်နေကြသည့် စစ်ဖက် အရာရှိများနှင့် အရပ်သားများ၏ ပုံများ ဖြစ်သည်။ ယူရေနီယံ သတ္တုတူးဖော်ခြင်းမှ စ၍ လေဆာ အသုံးပြု ယူရေနီယံ သန့်စင်သည့် လုပ်ငန်းများအထိ ပါဝင်သော နျူကလီးယားလက်နက် အစီအစဉ်၏ အဆင့်ပေါင်း များစွာ အပေါ် ဆက်လက် ကြိုးစား ဆောင်ရွက်နေမှုများကို အဆိုပါ ဗိုလ်မှူးက တင်ပြခဲ့သည်။ မြန်မာ နျူကလီးယား အစီအစဉ်တွင် အသုံးပြုနေသော စက်ပစ္စည်းအချို့မှာ အနောက်နိုင်ငံထုတ် ပစ္စည်းများ ဖြစ်ပုံရသည်။

      မြန်မာ သိပ္ပံပညာရှင်များသည် လေဆာသုံး ယူရေနီယံ သန့်စင်မှု ကဲ့သို့သော လုပ်ငန်းစဉ် အချို့နှင့် နျူကလီးယား နည်းပညာကို ကျွမ်းကျင်ရန် အားစိုက် ကြိုးစားနေရသည့် လက္ခဏာရှိပြီး မြန်မာနိုင်ငံကဲ့သို့သော ဆင်းရဲနွမ်းပါးသည့် အပယ်ခံနိုင်ငံ တစ်ခုအနေဖြင့် နျူကလီးယား စွမ်းရည်ကို ပိုင်ဆိုင်ရန် အလှမ်းဝေးလွန်းသေးသည်ဟု အစီရင်ခံစာတွင် မှတ်ချက် ပေးထားသည်။

      ဓာတ်ပုံများသည် အတုအယောင်များ ဖြစ်နိုင်သော်လည်း အလွန်ပင် များပြားလှပြီး အခြားသော သတင်း အချက်အလက်များနှင့် အလွန်ပင် ကိုက်ညီနေကာ ၎င်းအချက်အလက်များ သက်သက်နှင့်ပင် မြန်မာအစိုးရ၏ နျူကလီးယား နည်းပညာ ကြိုးစားနေမှုကို အပြည့်အဝ စိတ်ချလက်ချ ကောက်ချက်ချနိုင်သည်ဟု အစီရင်ခံစာက ဆိုသည်။

      အဆိုပါ အစီရင်ခံစာကို သုံးသပ်ခဲ့သည့် ဝါရှင်တန် အခြေစိုက် နျူကလီးယား လက်နက် ပညာရှင်က "မြန်မာနိုင်ငံ၏ နျူကလီးယား ရည်မှန်းချက်များ အပေါ် သုံးသပ်ချက်များမှာ လက်ခံ ယုံကြည်ထိုက်သည့် လက္ခဏာရှိသည်" ဟု ပြောကြားခဲ့သည်။ "ဒီလို အစီအစဉ်ကို ဖုံးကွယ်ထားဖို့က သိပ်ကို လွယ်လွန်းပါတယ်" ဟု အမေရိကန် အစိုးရ၏ နျူကလီးယား အတိုင်ပင်ခံ ပညာရှင် Joshua H. Pollack က ပြောကြားလိုက်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Manila Times, 7th June 2010

      မြန်မာနိုင်ငံတွင် ယခု နှစ်ကုန် ကျင်းပမည်ဟု မျှော်လင့်ရသော ရွေးကောက်ပွဲများ အတွက် အာဆီယံ၏ အကူအညီကို ကြိုဆိုသည့် လက္ခဏာများကို မြန်မာအစိုးရက သဲသဲကွဲကွဲ ပြသခဲ့ခြင်း မရှိဟု အရှေ့တောင် အာရှ အိမ်နီးချင်းများက တနင်္ဂနွေနေ့တွင် ပြောကြားသည်။ အာဆီယံနှင့် ဥရောပ သမဂ္ဂတို့က မြန်မာနိုင်ငံအား ရွေးကောက်ပွဲများကို လက်ခံယုံကြည်ဖွယ် ရှိအောင်၊ ပွင့်လင်း မြင်သာအောင် ကျင်းပရန် တိုက်တွန်းခဲ့ကြသည်။

      "သဲကွဲတဲ့ တုန့်ပြန်မှုကို ကျွန်တော်တို့ မရသေးပါဘူး။ အာဆီယံ အဖွဲ့ဝင် နိုင်ငံတွေက အကူအညီပေးဖို့ ကမ်းလှမ်းခဲ့ပေမယ့် ကမ်းလှမ်းချက်က စားပွဲပေါ်မှာပဲ ရှိနေပါသေးတယ်" ဟု အာဆီယံ အထွေထွေ အတွင်းရေးမှူးချုပ် ဆူရင်ပစ် ဆူဝမ်က အရှေ့အာရှဆိုင်ရာ ကမ္ဘာ့စီးပွားရေး ဖိုရမ်၏ အဝန်းအဝိုင်းတွင် သတင်းထောက်များအား ပြောကြားခဲ့သည်။

      "မြန်မာနိုင်ငံက ရွေးကောက်ပွဲဟာ အပြစ်ကင်း ပြည့်စုံဦးမှာ မဟုတ်ပေမယ့် အစစ်အမှန် ဒီမိုကရေစီကို ဖော်ဆောင်ပေးမယ့် လုပ်ငန်းစဉ်ကိုတော့ စတင်နိုင်ဖို့ ရှိနေပါတယ်" ဟု ဆူရင်က မက်ဒရစ်မြို့တွင် ယခင်လက ပြောကြားခဲ့သည်။

      အာဆီယံ အဖွဲ့တွင် ဘရူနိုင်း၊ ကမ္ဘောဒီးယား၊ အင်ဒိုနီးရှား၊ လာအို၊ မလေးရှား၊ မြန်မာ၊ ဖိလစ်ပိုင်၊ စင်္ကာပူ၊ ထိုင်းနှင့် ဗီယက်နမ် နိုင်ငံတို့ ပါဝင်ဖွဲ့စည်းထားသည်။

      လာမည့် ရွေးကောက်ပွဲများသည် တရားဝင် အသိအမှတ်ပြုခံရမည် မဟုတ်ဟု နိုင်ငံတကာက စိုးရိမ် ပူပန်နေသည့် ကြားမှ မြန်မာ အစိုးရ အာဘော် သတင်းစာက "မိမိတို့နိုင်ငံသည် ရွေးကောက်ပွဲများကို စောင့်ကြည့် လေ့လာမည့် နိုင်ငံခြား အကဲခတ်များကို မလိုအပ်ပါ" ဟု ယခင်လတွင် ဖော်ပြခဲ့သည်။

      တကမ္ဘာလုံးက ကျယ်ကျယ်ပြန့်ပြန့် ပြစ်တင် ဝေဖန်ကြသည့် ရွေးကောက်ပွဲ ဥပဒေ စည်းမျဉ်းများကြောင့် အထိန်းသိမ်းခံ ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ NLD ပါတီမှာ အတင်းအကျပ် ဖျက်သိမ်းခံခဲ့ရသည်။

      NLD ပါတီသည် ၎င်းတို့၏ ပါတီခေါင်းဆောင်ကို ထုတ်ပယ်ရန် အတင်း ဖိအားပေးထားသည့် ရွေးကောက်ပွဲ ဥပဒေကြောင့် ရွေးကောက်ပွဲကို သပိတ်မှောက်ကာ မေလ ၆ ရက် နောက်ဆုံးထား၍ ပါတီမှတ်ပုံတင်ရန် ငြင်းဆန်ခဲ့သည်။

      ပါတီခေါင်းဆောင် ငြိမ်းချမ်းရေး နိုဗယ်ဆုရှင် ဒေါ်အောင်ဆန်းစုကြည်မှာ ယခုအချိန်အထိ ၁၄ နှစ်ခန့် နေအိမ် အကျယ်ချုပ် ထိန်းသိမ်းခြင်း ခံနေရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.