Transparency Myanmar

transparency.myanmar@gmail.com

Associated Press, 21th June 2010

မြောက်ကိုရီးယားက နျူကလီယာ နည်းပညာ တိုးတက်မှုကို ရရှိ အောင်မြင်ခဲ့သည်ဟု ယခင်လက ကြွေးကြော်ခဲ့ပြီးနောက် ရက်အတန်ကြာတွင် ကိုရီးယား နှစ်နိုင်ငံ နယ်စပ် အနီး၌ ပုံမှန် မဟုတ်သော ရေဒီယို သတ္တိကြွ ဓာတ်ရောင်ခြည် ဖြာထွက်မှုကို ထောက်လှမ်း တွေ့ရှိခဲ့သည်ဟု တောင်ကိုရီးယား သိပ္ပံနည်းပညာ ဝန်ကြီးဌာနက တနင်္လာနေ့တွင် ပြောကြားလိုက်သည်။

ဓာတ်ရောင်ခြည် ဖြာထွက်မှု၏ အကြောင်းရင်းကို မတွေ့ရှိခဲ့သော်လည်း ဖြစ်နိုင်ချေ ရှိသော မြောက်ကိုရီးယား၏ မြေအောက် နျူကလီယာ စမ်းသပ်မှုကိုမူ ဖယ်ထုတ်ခဲ့သည်။ အနုမြူ ပေါက်ကွဲမှု၏ နောက်တွင် လိုက်ပါလာရမည့် ပြင်းထန်သော မြေငလျင် လှုပ်မှု အထောက်အထားများ မရှိခြင်းကို ကိုးကား၍ ဖယ်ထုတ်ခဲ့ခြင်း ဖြစ်သည်။

မေလ ၁၂ ရက်နေ့တွင် မြောက်ကိုရီးယားက ၎င်း၏ သိပ္ပံပညာရှင်များသည် ဟိုက်ဒရိုဂျင်ဗုံး ပြုလုပ်ရာတွင် လိုအပ်သော "နျူကလီယာ ခွဲဖြာမှု" နှင့်မတူဘဲ ရေဒီယို သတ္တိကြွ စွန့်ပစ် ပစ္စည်း အနည်းငယ်သာ ထွက်ရှိခြင်းကြောင့် တစ်ချိန်ချိန်တွင် အကန့်အသတ်မဲ့ သန့်စင်သော စွမ်းအင်ကို ထုတ်လုပ်ပေးနိုင်ဖွယ် ရှိသည်။

ယခုကဲ့သို့ တိုးတက် အောင်မြင်မှုကို မြောက်ကိုရီးယားက အမှန်တကယ် ပြုလုပ်နိုင်ခဲ့သည် ဆိုသော အချက်ကို တောင်ကိုရီးယား ကျွမ်းကျင်သူများက သံသယ ရှိနေသည်။ ကမ္ဘာတဝှမ်းမှ သိပ္ပံပညာရှင်များသည် အထက်ပါ ပေါင်းစပ် ဓာတ်ပြုမှုကို ဆယ်စုနှစ်ပေါင်း များစွာ လေ့လာ စမ်းသပ်ခဲ့ကြသော်လည်း သမားရိုးကျ မဟုတ်သော စွမ်းအင် အလားအလာကို ယခုတိုင် အောင်မြင်စွာ လုပ်ဆောင်နိုင်ခြင်း မရှိသေးပါ။

မည်သို့ပင် ဖြစ်စေ နျူကလီယာဗုံး ပေါက်ကွဲအပြီး ထုတ်လွှတ်မှု (သို့မဟုတ်) နျူကလီယာ ဓာတ်ပေါင်းဖိုမှ ရေဒီယို သတ္တိကြွ ယိုစိမ့်မှုတွင် ထွက်ရှိသော ဇီနွန် ဓာတ်ငွေ့များ လေထုတွင်း စုဝေးနေမှုကို ကိုရီးယား နှစ်နိုင်ငံ နယ်စပ် တောင်ကိုရီးယား ဘက်တွင် တွေ့ရှိခဲ့ရာ ပုံမှန်ထက် ၈ ဆခန့် များပြားသည်ဟု တောင်ကိုရီးယား သိပ္ပံ ဝန်ကြီးဌာနက ဆိုသည်။

အကယ်၍ မြောက်ကိုရီးယားက နျူကလီယာ စမ်းသပ်မှု ပြုလုပ်ခဲ့သည် ဆိုပါက တွေ့ရှိရမည် ဖြစ်သော သဘာဝ မဟုတ်သည့် အင်အားပြင်း ငလျင် လက္ခဏာများကို တောင်ကိုရီးယားက ချက်ချင်း ရှာဖွေခဲ့သည်။ သို့သော်လည်း ကျွမ်းကျင်သူများသည် မြောက်ကိုရီးယားတွင် ငလျင်လှုပ်သည့် လက္ခဏာများ မတွေ့ရှိခဲ့ကြဟု ဝန်ကြီးဌာန တာဝန်ရှိ ပုဂ္ဂိုလ်က ပြောကြားသည်။

"မြေအောက် နျူကလီယာ စမ်းသပ်မှု ပြုလုပ်တဲ့ ဖြစ်နိုင်ချေ အထောက်အထားတွေ မရှိဘူးလို့ ကျွန်တော်တို့ ဆုံးဖြတ်ခဲ့ပါတယ်" ဟု၎င်းက ဆိုသည်။ ထောက်လှမ်း တွေ့ရှိသည့် ဓာတ်ငွေ့သည် အန္တရာယ် မရှိဟုလည်း သိရှိရသည်။

တောင်ကိုရီးယား၏ နေ့စဉ် စောင်ရေများ ချိုဆွန်းအီဘို သတင်းစာက ပုံမှန် မဟုတ်သော ရေဒီယို သတ္တိကြွမှုကို ကိုးကားကာ မြောက်ကိုရီးယားသည် အသေးစား နျူကလီယာ စမ်းသပ်မှု တစ်ခု ပြုလုပ်ခဲ့ဖွယ် ရှိသည်ဟု တနင်္လာနေ့ အစောပိုင်းတွင် သတင်းထုတ်ပြန်လိုက်ပြီး အတိအကျ စိစစ်နိုင်ခြင်း မရှိဟုလည်း အနုမြူ ကျွမ်းကျင် ပညာရှင်ကို ကိုးကား တင်ပြခဲ့သည်။

နျူကလီယာ ဓာတ်ပေါင်းဖို အတွင်း အလွန့်အလွန် မြင့်မားသော ဖိအားနှင့် အပူချိန်တွင် လည်းကောင်း၊ ထိုအခြေအနေတွင် သိပ္ပံပညာရှင်များက ယူရေနီယမ် အခြေခံသည့် ဗုံးကို ဖောက်ခွဲခြင်းဖြင့် လည်းကောင်း၊ ပေါင်းစပ် ဓာတ်ပြုမှု ဖြူးရှင်းကို စမ်းသပ်ရသည်ဟု တောင်ကိုရီးယား ကျန်ဟီးယူနီဗာ စီတီမှ နျူကလီယာ ပညာရှင် ဝှမ်ဂျူဟို က ပြောကြားသည်။

"မြေပြင် တိုင်းတာမှု လှိုင်းတွေ တွေ့ရှိခြင်း မရှိတဲ့ အတွက် မြောက်ကိုရီးယားက ဖောက်ခွဲမှု လုပ်ခဲ့တယ် ဆိုတဲ့ အချက်က သံသယ ရှိစရာပါ" ဟု ဝှမ်က ပြောကြားခဲ့သည်။

နျူကလီယာ လက်နက် ဒါဇင်ဝက်ခန့် အတွက် လိုအပ်သော ပလူတိုနီယမ် လုံလောက်စွာ ရှိသည်ဟု ယုံကြည်ရမည့် မြောက်ကိုရီးယား ၂၀၀၆ နှင့် ၂၀၀၉ တွင် မြေအောက် နျူကလီယာ စမ်းသပ်မှု နှစ်ကြိမ် ပြုလုပ်ခဲ့ခြင်းကြောင့် နိုင်ငံတကာ ပြစ်တင် ရှုတ်ချမှုနှင့် ကုလသမဂ္ဂ အရေးယူ ပိတ်ဆို့မှုတို့ကို ရင်ဆိုင်နေရသည်။

ရေတပ်သားများစွာ အသက်ဆုံးရှုံးခဲ့သည့် တောင်ကိုရီးယား စစ်သင်္ဘော နစ်မြုပ်မှုတွင် မြောက်ကိုရီးယား တိုပီဒို တိုက်ခိုက်မှုဟု စွပ်စွဲ ပြစ်တင်ခဲ့ခြင်းကြောင့် ကိုရီးယား ကျွန်းဆွယ်တွင် တင်းမာမှုများ လျင်မြန်စွာ ကြီးထွားနေစဉ် ရေဒီယို သတ္တိကြွမှု ထောက်လှမ်း တွေ့ရှိသည့် သတင်းများ ပေါ်ထွက်လာခြင်း ဖြစ်သည်။

အဆိုပါ နစ်မြုပ်မှု အတွက် ပြုံးယမ်းကို အရေးယူရန် ဆိုးလ်၏ တောင်းဆိုမှုကို ကုလ လုံခြုံရေး ကောင်စီက စဉ်းစား သုံးသပ်နေခြင်းကြောင့် မြောက်ကိုရီးယားက ၎င်းအပေါ် စွပ်စွဲမှုကို မျက်စိမှိတ် ငြင်းဆိုခဲ့ပြီး အရေးယူမှု တစ်စုံတစ်ရာ ပြုလုပ်ခြင်းသည် စစ်ပွဲကို အစပျိုးသလို ဖြစ်လိမ့်မည်ဟု သတိပေးခဲ့သည်။

ဇီနွန် ဓာတ်ငွေ့ တွေ့ရှိခဲ့ချိန်တွင် သိပ္ပံဝန်ကြီးဌာန အရာရှိက "မြောက်ဘက်ကတော့ တောင်ဘက်ကို လေနဲ့ ခြောက်နေပြီ" ဟု ပြောကြားလိုက်သည်။

သို့သော်လည်း အမည် မဖော်လိုသူ အရာရှိက ဌာနဆိုင်ရာ မူဝါဒကို ကိုးကား၍ ပြောကြားရာတွင် ဇီနွန် ဓာတ်ငွေ့သည် မြောက်ကိုရီးယား သာမကပဲ တရုတ် (သို့) ရုရှားနိုင်ငံမှလည်း လာနိုင်ဖွယ် ရှိကြောင်းနှင့် ဓာတ်ငွေ့များစွာ စုဝေးနေခြင်း၏ အကြောင်းရင်းကို သိရှိရန် တောင်ကိုရီးယား အနေဖြင့် မတတ်နိုင်ကြောင်း ဖော်ပြခဲ့သည်။

တောင်ကိုရီးယား နျူကလီယာ ဓာတ်ငွေ့ပေး စက်ရုံများမှ ဇီနွန် ထွက်လာခြင်း ဖြစ်သည်ဟူသော အချက်မှာလည်း ဖြစ်နိုင်ချေ မရှိဟု ၎င်းအရာရှိက ဆက်လက် ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Inner City Press, By Matthew Ruscell Lee, 17th June 2010

အာဏာရှင် အစိုးရပင် ဖြစ်စေကာမူ၊ စစ်အစိုးရပင် ဖြစ်စေကာမူ အစိုးရအဖွဲ့၏ စွမ်းဆောင်ရည် တိုးတက်အောင် ပြုလုပ်ပေးခြင်း လုပ်ငန်းကို ကုလသမဂ္ဂ ဖွံ့ဖြိုးရေး အစီအစဉ် (UNDP) က လုပ်ဆောင်လျက် ရှိသည်။ ကြာသပတေးနေ့က Inner City Press သည် UNDP အုပ်ချုပ်ရေး အရာရှိ Helen Clark အား သူမ ပြောခဲ့သည့် မြန်မာနိုင်ငံတွင် UNDP လုပ်နိုင်သော ကိစ္စရပ်များကို နိုင်ငံရေးအရ အကြောင်းရင်းခံများက ကန့်သတ်မှု ပြုနေကြောင်း ကိစ္စအား ရှင်းလင်း ပြောပြရန် မေးမြန်းခဲ့သည်။ သူမက ယခုအချိန်တွင် Millennium Development Goals အစီအစဉ်အရ တိုးတက်မှုများ ပြုလုပ်ရန် သိပ်မလွယ်ကြောင်း ပြောခဲ့ခြင်း ဖြစ်သည်။

Ms. Clark သည် အမြင် ပြောင်းသွားခဲ့ပြီး၊ မြန်မာနိုင်ငံတွင် အကန့်အသတ်ဖြင့် ပြုလုပ်ရသော UNDP ၏ လုပ်ရပ် အပေါ် အပြစ်မဖို့သင့်ကြောင်း၊ အလှူရှင်များ၏ နိုင်ငံရေး ရှင်းရှင်းလင်းလင်း အဓိပ္ပာယ် ဖွင့်ရလျှင် အရေးယူ ပိတ်ဆို့မှုများကြောင့် ဖြစ်ကြောင်း သူမက ဆိုသည်။ Clark က မြန်မာနိုင်ငံသည် မြောက်ကိုရီးယား အပါအဝင် အခြားနိုင်ငံများ နှစ်စဉ်ရသော ဖွံ့ဖြိုးမှု အကူအညီ အနည်းဆုံးရသော နိုင်ငံများထက်ပင် ဖွံ့ဖြိုးမှု အကူအညီ အနည်းငယ်သာ ရကြောင်း အလေးထား ပြောကြားခဲ့သည်။ နိုင်ငံရေးမှာမူ အလွန် ရှုပ်ထွေးသော အကြောင်းရပ် ဖြစ်ကြောင်း သူမက ပြောသည်။

ထိုကိစ္စမှာ အမှန်ပင် ဖြစ်သည်။ မြန်မာ အစိုးရသည် ဒေါ်အောင်ဆန်းစုကြည်၏ NLD ပါတီအား ဖျက်သိမ်းခဲ့ပြီး၊ ရွေးကောက်ပွဲကို စစ်တပ်နှင့် ပတ်သက်သော ကိုယ်စားလှယ်များ အတွက်သာ ပြုလုပ်မည် ဖြစ်သည်။ ဤကဲ့သို့သော အစိုးရမျိုး၏ စွမ်းဆောင်ရည် မြင့်မားရေး အတွက် UNDP က ကူညီပေးသင့်ပါသလော။

ဗြိတိသျှ သံအမတ်ကြီး Lyall Grant က ဝင်ရောက် ပြောဆိုရာတွင် အရေးယူမှုများမှာ အစိုးရကိုသာ ရည်ရွယ် ချမှတ်ထားခြင်း ဖြစ်ကြောင်း ပြောခဲ့သည်။

ကုလသမဂ္ဂ ကလေးငယ်များနှင့် လက်နက် ပဋိပက္ခ ကိုယ်စားလှယ် Radhika Coomaraswamy က ပြောကြားရာတွင် မြန်မာ အစိုးရသည် ရွေးကောက်ပွဲကြောင့် ကလေး စစ်သားများနှင့် ပတ်သက်၍ အရေးယူ ဆောင်ရွက်နေမှုများကို လုံးဝ ရပ်ဆိုင်းထားကြောင်း ဆိုသည်။ ဇွန်လ ၁၆ ရက်နေ့က လုံခြုံရေး ကောင်စီ အပြင်ဖက်တွင် ကုလသမဂ္ဂဆိုင်ရာ မြန်မာ သံအမတ်ကြီးအား Inner City Press က ရပ်တန့်၍ အဘယ်ကြောင့် ရပ်ဆိုင်းသွားရသနည်းဟု မေးမြန်းခဲ့သည်။ သံအမတ်ကြီးက ပြောကြားရာတွင် မြန်မာ အစိုးရသည် Ms. Coomaraswamy နှင့် အနီးကပ် လုပ်ဆောင်လျက် ရှိကြောင်း၊ သူမ၏ စာရင်းတွင် ကလေး စစ်သား စုဆောင်းသူ အဖြစ် စာရင်းသွင်းထားမှုကို ဖျက်ပေးစေလိုကြောင်း ပြောသည်။ အမှန်တကယ်ပင် UNDP က ထိုကိစ္စကို အကူအညီ ပေးမည်လော။

Inner City Press က Ms. Clark အား ဆိုမာလီ၏ လုံခြုံရေး ကဏ္ဍတွင် UNDP ၏ အခန်းကဏ္ဍအား မေးမြန်းခဲ့သည်။ ဆိုမာလီ အစိုးရသည် ကလေးစစ်သား ၂၀% အသုံးပြုလျက် ရှိသည်။ "ကျွန်မတို့ စစ်သားတွေကို လေ့ကျင့် မပေးပါဘူး။ ကျွန်မတို့ အဲဒီကိစ္စနဲ့ လုံးဝ မနီးစပ်ပါဘူး" ဟု Clark က ဖြေသည်။ UNDP သည် TFG လုံခြုံရေး အတွက် ငွေကြေး ထောက်ပံ့ပေးသည်။ ၎င်းတို့ မည်မျှလောက် အသုံးပြုသည် ဆိုသည်ကိုသာ အငြင်းပွားနေသည်။

အောက်ခြေမှတ်စု

UNDP သည် မြောက်ကိုရီးယား အစီအစဉ်များကို ပြန်လည်ဖွင့်လှစ်ရာတွင် နိုင်ငံတကာ ငွေရေးကြေးရေး အရာရှိအဖြစ် Mr. Vijay Thapa ကို စာရင်းပေးခဲ့သည်။ သံချောင်းခေါက်သူ တစ်ဦးက မေးမြန်းရာတွင် အတွေးထဲတွင် ပဋိပက္ခ ဖြစ်နေသော အချက်တစ်ခုမှာ Mr. Thapa သည် မြောက်ကိုရီးယားတွင် ၂၀၀၃  ခုနှစ်ကတည်းက ငွေရေးကြေးရေး အရာရှိ တာဝန်ထမ်းဆောင်ခဲ့ဘူးသူ ဖြစ်နေခြင်း ဖြစ်ကြောင်း၊ ငွေအတု ပြုလုပ်ကြောင်း မတွေ့ရှိမီ လေးနှစ်ခန့်က မဟုတ်ပေဘူးလားဟု မေးသည်။ Mr. Thapa သည် ငွေတု ပြုလုပ်ခြင်းနှင့် ပတ်သက်၍ အမေရိကန် တောင်ပိုင်း ရှေ့နေနှင့် စကားပြောရန် ပျက်ကွက်သူ မြောက်ကိုရီးယားရှိ UNDP ဝန်ထမ်းများတွင် တစ်ဦး အပါအဝင် ဖြစ်သည်။ မြောက်ကိုရီးယားရှိ UNDP ၏ လုပ်ရပ် အမှားများ အတွက် စီမံခန့်ခွဲမှု တာဝန်ရှိသူများတွင် ဇာတ်ကောင်ဟောင်း တစ်ဦး ဖြစ်သည်။ တစ်ဦးကမူ Mr. Thapa အား ခန့်ထားရခြင်းမှာ မြောက်ကိုရီးယား အစိုးရ၏ တောင်းဆိုမှုကြောင့် မဖြစ်နိုင်သလောဟု တွေးပေသည်။ ထိုသို့ ခန့်ထားခြင်းကြောင့် မြောက်ကိုရီးယား အစိုးရ စွမ်းဆောင်ရည် ပိုမို မြင့်တက်လာမည်လောဟု မေးခွန်းထုတ်ဖွယ်ရာ ဖြစ်နေသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The New York Times, By Aung Linn Htut, 18th June 2010

ယခုအချိန်သည် အမေရိကန် ပြည်ထောင်စုနှင့် ကမ္ဘာပေါ်တွင် အကျင့်ပျက် ခြအစားဆုံး အစိုးရတို့၏ ဆက်ဆံရေးတွင် အရေးကြီးသော အချိန်သို့ ရောက်ရှိနေပြီ ဖြစ်သည်။ စစ်အစိုးရသည် မြန်မာပြည်ကို ကိုယ်ပိုင် အပိုင်စား ခွင့်ပြုခဲ့သကဲ့သို့ တိုင်းပြည်မှ ရသမျှကို ခိုးယူနေသည်။

Obama အစိုးရသည် "လက်တွေ့ကျသော ဆက်ဆံရေး" ဟု အမည်တပ်ထားသော မဟာဗျူဟာကို ကျင့်သုံးရန် ကြိုးစားခဲ့သည်။ ပြည်တွင်းရော၊ နိုင်ငံခြားတွင်ပါ ပြဿနာများ အတွက် ကျယ်ကျယ်လောင်လောင် ဆူဆူညံညံ ကြားနေချိန်တွင် အမေရိကန်သည် ၎င်း၏ နေရာကို ပြန်လည် စဉ်းစားရန် လိုအပ်သည်။ ဝါရှင်တန် အနေဖြင့် မသိလိုက် မသိဘာသာ စစ်ခေါင်းဆောင်များ အပေါ် ရပ်တည်ချက် ပျော့ပြောင်း သွားမိမည်ကို စိုးရိမ်ရသည်။ နောက်တစ်ချက်မှာ အမေရိကန် အနေဖြင့် စစ်အစိုးရ၏ နျူကလီယာ ရည်မှန်းချက်များကို အလေးအနက်ထား ထည့်သွင်း စဉ်းစား သင့်လှပေသည်။

သမိုင်း အဆက်ဆက် မြန်မာ အစိုးရသည် အမေရိကန်ကို မယုံသည့် သဘော ရှိသည်။ ကျွန်တော်သည် ထိုအကြောင်းကို ကောင်းကောင်း သိသည်။ ကျွန်တော်သည် အမေရိကန်သို့ ၂၀၀၅ ခုနှစ်တွင် ထွက်မပြေးမီက မြန်မာနိုင်ငံရှိ စစ်ရုံးတွင် ထောက်လှမ်းရေး အရာရှိ လုပ်ခဲ့ဖူးသည်။ ဝါရှင်တန်ရှိ မြန်မာ သံရုံးတွင် ဒုတိယ ခေါင်းဆောင် အဖြစ်လည်း တာဝန် ထမ်းဆောင်ဖူးသည်။

၂၀၀၃ ခုနှစ် နွေဦးကာလက ဖြစ်သည်။ အမေရိကန် ဆီနိတ်တာ၏ အကြီးတန်း ဝန်ထမ်း အဖွဲ့ဝင် တစ်ဦးသည် သံအမတ်ကြီး ဦးလင်းမြိုင်နှင့် ကျွန်တော်တို့အား တွေ့ဆုံရန် ဝါရှင်တန်ရှိ မြန်မာ သံရုံးသို့ နှစ်ခေါက် လာခဲ့သည်။ တစ်ချိန်တည်း လိုလိုမှာပင် အမေရိကန် နိုင်ငံခြားရေးဌာနနှင့် အမျိုးသား လုံခြုံရေး ကောင်စီမှ တာဝန်ရှိ ပုဂ္ဂိုလ်များသည် နယူးယောက်တွင် ဝန်ကြီးချုပ်ရုံး ဝန်ကြီး ဦးတင်ဝင်းနှင့် အစိုးရ ပြောခွင့်ရ ပုဂ္ဂိုလ် ဗိုလ်မှူးကြီး လှမင်းတို့နှင့် တွေ့ဆုံခဲ့သည်။

အမေရိကန် အစိုးရ တာဝန်ရှိ ပုဂ္ဂိုလ်များသည် မြန်မာနိုင်ငံ အနေဖြင့် သမ္မတ George W.Bush က သတ်မှတ်ထားသော မိစ္ဆာ ဝင်ရိုးစွန်းနိုင်ငံ သုံးနိုင်ငံမှ တစ်ခုဖြစ်သော မြောက်ကိုရီးယားနှင့် လျှို့ဝှက်စွာ ပြန်လည် ဆက်ဆံနေသည် ဆိုသော ကိစ္စနှင့် ပတ်သက်သော သတင်းများကို လာရောက် စစ်ဆေးကြခြင်း ဖြစ်သည်။

မြန်မာနိုင်ငံသည် ၁၉၈၃ ခုနှစ်အထိ မြောက်ကိုရီးယားနှင့် ဆက်ဆံမှုများ ရှိခဲ့ပြီး၊ တောင်ကိုရီးယား သမ္မတ ချန်ဒူးဝှန် မြန်မာနိုင်ငံသို့ သွားရောက် လည်ပတ်စဉ် မြောက်ကိုရီးယားက လုပ်ကြံ သတ်ဖြတ်ရန် ကြိုးစားမှု အပြီးတွင် နှစ်နိုင်ငံ ဆက်ဆံရေး ရပ်ဆိုင်း သွားခဲ့သည်။ အဆိုပါ လုပ်ကြံမှုကြောင့် သမ္မတ ချန်ဒူးဝှန် ထိခိုက်မှု မရှိသော်လည်း ဒုဝန်ကြီးချုပ်၊ နိုင်ငံခြားရေး ဝန်ကြီး၊ ကူးသန်းရောင်းဝယ်ရေး ဝန်ကြီးများ အပါအဝင် တောင်ကိုရီးယား ၁၇ ဦး သေဆုံးခဲ့သည်။

ဗိုလ်ချုပ်မှူးကြီး သန်းရွှေက မိမိတို့အား အမေရိကန်ကို ညာပြောရန် ညွှန်ကြားခဲ့သည်။ ကျွန်တော်တို့ကလည်း သူခိုင်းသည့် အတိုင်း ညာခဲ့ရသည်။ ကျွန်တော်တို့သည် ပြုံးယမ်းနှင့် ပြန်လည် ဆက်ဆံနေသည် ဟူသော ကောလာဟလနှင့် ပတ်သက်၍ မြန်မာနိုင်ငံ နိုင်ငံရေး အတိုက်အခံကို အပြစ်တင်ခဲ့သည်။ အမေရိကန်ကလည်း သက်သေပြရန် တောင်းဆိုခဲ့သည်။ ထိုအခါ ဗိုလ်ချုပ်မှူးကြီး သန်းရွှေက နိုင်ငံခြားရေး ဝန်ကြီး ဦးဝင်းအောင်အား အဆိုပါ သတင်းနှင့် ပတ်သက်၍ ငြင်းဆိုသည့် စာတစ်စောင်ကို နိုင်ငံခြားရေး ဝန်ကြီး Colin Powell သို့ ရေးရန် ညွှန်ကြားခဲ့သည်။ ဗြိတိသျှ အစိုးရက အမှန်ကို သိသည်။ ထို့ကြောင့် ရန်ကုန်ရှိ ဗြိတိသျှ သံအမတ်ကြီးက ဦးဝင်းအောင်အား လူလိမ်လူညာ အဖြစ် သမုတ်ခဲ့သည်။

မြန်မာနိုင်ငံသည် အဘယ်ကြောင့် မြောက်ကိုရီးယားနှင့် ပြန်လည် ဆက်သွယ်ရသနည်းဆိုလျှင် စစ်အစိုးရ သက်ဆိုးရှည်စေရေး အတွက်ပင် ဖြစ်သည်။

မြန်မာနိုင်ငံတွင် ၁၉၈၈ အရေးအခင်း ပြီးနောက် ရိုးရိုးလက်နက် ထုတ်လုပ်သော နိုင်ငံခြားနှင့် ဖက်စပ်လုပ်ငန်းများ ပျက်သွားခဲ့သည်။ ထို့ကြောင့် ဗိုလ်ချုပ်မှူးကြီး သန်းရွှေသည် ၁၉၉၂ ခုနှစ် ၎င်းအာဏာ ရလာသောအခါ မြောက်ကိုရီးယားနှင့် လျှို့ဝှက်စွာ ပြန်လည် ဆက်ဆံခဲ့သည်။

ထိုအချိန်က မြန်မာနိုင်ငံတွင် ဒီမိုကရေစီ လှုပ်ရှားမှုများကလည်း အထွဋ်အထိပ် ရောက်နေချိန် ဖြစ်၍၊ ဗိုလ်ချုပ်မှူးကြီး သန်းရွှေက အမေရိကန်နှင့် အိန္ဒိယတို့က တိုက်ခိုက်လာနိုင်သည်ဟု အကြောင်းပြချက် ပေးခဲ့သည်။ ၎င်းသည် ပိုမို အင်အားကောင်းသော စစ်တပ်ကို လိုချင်ခဲ့သည်။ ခေတ်မှီ လက်နက်များ အလိုရှိသည်။ နျူကလီယာ လက်နက်ကိုပင် လိုချင်ခဲ့သည်။ မြန်မာ ပြည်သူများ မည်မျှလောက် မွဲနေပါစေ၊ ၎င်းက ဂရုမစိုက်ပေ။

၎င်းသည် ပြုံးယမ်းနှင့် လျှို့ဝှက်စွာ အဆက်အသွယ် ပြုလုပ်ခဲ့သည်။ မြောက်ကိုရီးယား လက်နက် ကျွမ်းကျင်သူ တောင်ကိုရီးယား စီးပွားရေးသမားများ မြန်မာနိုင်ငံသို့ စတင် ရောက်ရှိခဲ့သည်။ ကျွန်တော်သည် ထိုဧည့်သည်များကို အမှတ်ရနေသေးသည်။ ၎င်းတို့ကို ရန်ကုန် လေဆိပ်တွင် အထူး ဧည့်ခံခဲ့သည်။ မြန်မာနိုင်ငံသည် ထိုင်းနိုင်ငံသို့ သဘာဝဓာတ်ငွေ့များ ရောင်းချထားသဖြင့် မြောက်ကိုရီးယားကို ဒုံးကျည် နည်းပညာ အတွက် ငွေကောင်းကောင်း ပေးနိုင်သည်။

ဗိုလ်ချုပ်များက ထင်မြင်နေသည်မှာ ဒုံးကျည် ထိပ်ဖူးတွင် နျူကလီယာ တပ်ဆင်နိုင်ခဲ့ပါက အမေရိကန် အပါအဝင် အခြား အင်အားကြီး နိုင်ငံများ အနေဖြင့် မြန်မာနိုင်ငံ အပေါ် သြဇာလွှမ်းမိုးမှု လျော့ကျပြီး မတိုက်ခိုက်ရဲတော့ဟု တွေးထင်နေကြသည်။

ဗိုလ်ချုပ်မှူးကြီး သန်းရွှေ အနေဖြင့် မြောက်ကိုရီးယားနှင့် ဆက်သွယ်နေသည်များကို ဖုံးကွယ်ထားလိုခြင်းမှာ၊ ၎င်းနိုင်ငံ၏ သဘာဝ သယံဇာတများကို ခိုးယူနေသည့် ဖြစ်စဉ်တွင် ဂျပန်နှင့် တောင်ကိုရီးယား ကုမ္ပဏီများအား မြန်မာနိုင်ငံတွင် ပိုမို ရင်းနှီးမြှုပ်နှံရန် ဆွဲဆောင်နေသောကြောင့် ဖြစ်သည်။ ၂၀၀၆ ခုနှစ်တွင် ဗိုလ်ချုပ်များသည် မိမိကိုယ်ကိုယ် ယုံကြည် စိတ်ချရ၍သော် လည်းကောင်း၊ လိုအပ်ချက်အရ လည်းကောင်း၊ မြောက်ကိုရီးယားနှင့် သံတမန် ဆက်ဆံရေး ထူထောင်ကြောင်း လူသိရှင်ကြား ကြေညာခဲ့သည်။

မြန်မာနိုင်ငံသည် ဒုံးကျည် ထုတ်လုပ်ရေးနှင့် ဓာတု လက်နက် ထုတ်လုပ်ရေးကို လွန်ခဲ့သော ဆယ်နှစ်ခန့်ကတည်းက လုပ်ကိုင်နေခဲ့ခြင်း ဖြစ်သည်။ စစ်တပ်၏ စီးပွားရေး လက်တံတစ်ခု ဖြစ်သော မြန်မာ့ စီးပွားရေး ဦးပိုင်၏ ဥက္ကဌဖြစ်သူ ဗိုလ်ချုပ်ကြီး တင်အေးသည် မြောက်ကိုရီးယားနှင့် ဆက်ဆံရေးတွင် အဓိက ပုဂ္ဂိုလ် ဖြစ်သည်။

ယမန်နှစ်က ပေါက်ကြားခဲ့သော သတင်းအရ အစိုးရ၏ နံပါတ် ၃ ခေါင်းဆောင် ဗိုလ်ချုပ်ကြီး ရွှေမန်းသည် ၂၀၀၈ ခုနှစ် နိုဝင်ဘာလတွင် ပြုံးယမ်းသို့ လျှို့ဝှက်စွာ သွားရောက်ခဲ့သည်။ ၎င်းသည် နှစ်နိုင်ငံ စစ်ရေးအရ ပူးပေါင်း ဆောင်ရွက်ရန် သဘောတူ လက်မှတ်ရေးထိုးခဲ့သည်။ အဆိုပါ သဘော တူညီချက်အရ ဒုံးကျည်များ၊ လေယာဉ်များနှင့် သင်္ဘောပင်လျှင် ဖွက်နိုင်သော ဂူများ၊ ဥမင်လိုဏ်များ ဆောက်လုပ်ရာတွင် မြောက်ကိုရီးယားထံမှ အကူအညီ ရရှိမည် ဖြစ်သည်။

အဆိုပါ သတင်းများသည် မြန်မာ စစ်တပ် တာဝန်ရှိသူများထံမှ ပေါက်ကြားခြင်း ဖြစ်ပြီး၊ အဆိုပါ အရေးကြီးသော ကိစ္စရပ်များ လုပ်ကိုင်မှုများသည် သန်းရွှေ၏ အာဏာရူးမှုကို ပြသည့်နည်းတူ အစိုးရအတွင်း ဆန့်ကျင်သူများ ရှိနေသည်ကိုလည်း ပြသလိုက်ခြင်းပင် ဖြစ်သည်။

ယခု "လက်တွေ့ကျသော ဆက်ဆံရေး" ကြောင့် ဝါရှင်တန်၏ မြန်မာ အစိုးရအား ခိုင်မာစွာ အတိုက်အခံ ပြုနေမှု အပေါ်အားနည်း မသွားစေသင့်ပေ။

အမေရိကန်နှင့် အခြားနိုင်ငံများသည် သန်းရွှေနှင့် ၎င်း၏ အစိုးရ အဖွဲ့၏ တရားဝင်မှုကို မေးခွန်း ဆက်ထုတ်သင့်သည်။ ယခုနှစ် ရွေးကောက်ပွဲကို လွတ်လပ်၍ တရားမျှတ စေရမည် ဟူသော သန်းရွှေ၏ ကတိပြုမှုကို မယုံကြည်သင့်ပေ။

တစ်ကမ္ဘာလုံး၏ စုစည်း ညီညွတ်သော ဖိအားသည်သာ အလိမ်အညာ ထိပ်ခေါင်နှင့် ဆက်ဆံရာတွင် ထိရောက်လိမ့်မည် ဖြစ်သည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

VOA News, 18th June 2010

မြန်မာနိုင်ငံတွင် ယခုနှစ်ကုန် ရွေးကောက်ပွဲများ အပြီးတွင် တပ်မတော်က အာဏာ ဆက်လက် ချုပ်ကိုင်မည်ကို ဒီမိုကရေစီ လှုပ်ရှားသူ မြန်မာ အမျိုးသမီးများက စိုးရိမ်နေကြပြီး ရွေးကောက်ပွဲ ရလဒ်ကို ပယ်ချရန် နိုင်ငံတကာ အသိုင်းအဝိုင်းကို တောင်းဆိုလျက် ရှိသည်။ မြန်မာ အမျိုးသမီးများနေ့နှင့် ငြိမ်းချမ်းရေး နိုဘယ်ဆုရှင် ဒေါ်အောင်ဆန်းစုကြည်၏ မွေးနေ့ အထိမ်းအမှတ် အဖြစ် အဆိုပါ ဒီမိုကရေစီ လှုပ်ရှားသူများက ယင်းသို့ တောင်းဆိုခဲ့ခြင်း ဖြစ်သည်။

မြန်မာ နိုင်ငံရေး လှုပ်ရှားသူများက ထိုသို့ ရွေးကောက်ပွဲ ရလဒ်များကို သပိတ်မှောက်ရန် နိုင်ငံတကာ အသိုင်းအဝိုင်းကို တောင်းဆိုခဲ့ကြခြင်းမှာ ယခုနှစ် ကျင်းပမည့် အထွေထွေ ရွေးကောက်ပွဲများ၏ ပွင့်လင်းမြင်သာမှု အပေါ် စိုးရိမ် ပူပန်ကြခြင်းကြောင့် ဖြစ်သည်။

ဇွန်လ ၁၉ ရက်တွင် ကျရောက်သော အတိုက်အခံ ခေါင်းဆောင် ဒေါ်အောင်ဆန်းစုကြည်၏ ၆၅ နှစ်မြောက် မွေးနေ့ အထိမ်းအမှတ် အဖြစ်၊ အတိုက်အခံ ပါတီကို ထောက်ခံသည့် ဗမာနှင့် တိုင်းရင်းသား အသိုင်းအဝိုင်းက ဂုဏ်ပြုရန် စီစဉ်ရာမှ အောက်တိုဘာတွင် ကျင်းပဖွယ် ရှိသည့် ရွေးကောက်ပွဲ ရလဒ် အပေါ် စိုးရိမ် ပူပန်မှုများ ထွက်ပေါ်လာခြင်း ဖြစ်သည်။

၁၉၉၀ ရွေးကောက်ပွဲ ရလဒ်ကို တပ်မတော်က ပယ်ချခဲ့ပြီးနောက် ဆယ်စု နှစ်စုကြာ ရပ်တန့်နေသော နိုင်ငံရေး လုပ်ငန်းစဉ်သည် ယခု ကျင်းပမည့် ရွေးကောက်ပွဲများကြောင့် ရှေ့တစ်ဆင့် တိုးလာသည်ဟု အချို့ လေ့လာသူများက ရှုမြင်ကြသည်။

ဒေါ်အောင်ဆန်းစုကြည် ခေါင်းဆောင်သော အတိုက်အခံ NLD ပါတီသည် ၁၉၉၀ ရွေးကောက်ပွဲတွင် ပြတ်ပြတ်သားသား အနိုင်ရခဲ့သော်လည်း အာဏာ လွှဲပြောင်း ရယူခွင့် မရခဲ့ဘဲ မြန်မာ စစ်တပ်က နိုင်ငံရေး အတိုက်အခံ ခေါင်းဆောင်များစွာကို ဖမ်းဆီးခဲ့ပြီး၊ ပါတီဝင်များကို အနှောင့်အယှက် ပေးခဲ့သည်။

၂၀၀၈ ခုနှစ်တွင် အမျိုးသား ဆန္ဒခံယူပွဲ မှတဆင့် အခြေခံ ဥပဒေသစ်ကို အတည်ပြုခဲ့ပြီးနောက် လတ်တလောတွင် အစိုးရက ရွေးကောက်ပွဲ ဥပဒေသစ်ကို ထုတ်ပြန်ထားသည်။ NLD ပါတီနှင့် အခြား တိုင်းရင်းသား အုပ်စုများက ရွေးကောက်ပွဲတွင် ပါဝင်ရန် ငြင်းဆန်ခဲ့ကြသည်။

၂၁ နှစ် ထောင်ဒဏ်ကို ၄ နှစ်ခန့် ကျခံခဲ့ပြီးနောက် ထိုင်းနိုင်ငံသို့ ထွက်ပြေးလာခဲ့သူ နိုင်ငံရေး အကျဉ်းသားဟောင်း လေးလေးနွယ်က "ရွေးကောက်ပွဲ အပြီး မြန်မာနိုင်ငံ အလားအလာကို စိုးရိမ် ပူပန်မိသည်" ဟု ပြောကြားသည်။

အခြေခံ ဥပဒေသစ်သည် လွှတ်တော် ကိုယ်စားလှယ် နေရာများကို တပ်မတော် အတွက် သီးသန့် ခွဲဝေပေးခြင်းဖြင့် ပံ့ပိုးထားသလို လတ်တလော ကြေညာခဲ့သည့် ရွေးကောက်ပွဲ ဥပဒေကလည်း အတိုက်အခံများကို မတရား ဖိနှိပ်ကာ တပ်မတော်၏ အာဏာကို အားပေး ထောက်ခံနေသည်ဟု သူမက ပြောကြားလိုက်သည်။

"ရွေးကောက်ပွဲ ဥပဒေ ထုတ်ပြန်လိုက်တယ် ဆိုပေမယ့် တရားမျှတမှု မရှိတာကို တွေ့မြင်နိုင်ပါတယ်။ ဒီရွေးကောက်ပွဲ ဥပဒေဟာ မမျှတပါဘူး။ နိုင်ငံတကာ အသိုင်းအဝိုင်း အနေနဲ့ ကျေးဇူးပြုပြီး ၂၀၁၀ ရွေးကောက်ပွဲကို အသိအမှတ် မပြုဖို့၊ စစ်ဖက် အစိုးရကို မထောက်ခံဖို့ ကျွန်မ ပန်ကြားလိုပါတယ်" ဟု သူမက ပြောဆိုခဲ့သည်။

လူ့အခွင့်အရေး အလွဲသုံးမှုများကို ရင်ဆိုင်ခဲ့ရသော မြန်မာ အမျိုးသမီးများ ရေးသား တင်ပြသည့် "ငြိမ်းချမ်းရေး အတွက် အမျိုးသမီးများ သဘောထား (မြန်မာနိုင်ငံ)" အစီရင်ခံစာ စာတမ်းကို Alternative Asean Network on Burma လူ့အခွင့်အရေး အုပ်စုက လူသိရှင်ကြား ထုတ်ပြန်ခဲ့ပြီးနောက် သူမ၏ မှတ်ချက်များ ထွက်ပေါ်ခဲ့ခြင်း ဖြစ်သည်။

Women's League of Burma မှ အဖွဲ့ဝင် လွယ်အေးနန်းကလည်း "လာမည့် ရွေးကောက်ပွဲများကြောင့် စစ်တပ် ဆက်လက် လွှမ်းမိုးမှုနှင့် ပတ်သက်သည့် စိုးရိမ်မှုများ ကြီးထွားလာသည်" ဟု ပြောကြားသည်။

"အခု ရွေးကောက်ပွဲက စစ်တပ်ကို သူတို့ လုပ်ချင်သမျှ တရားဝင် လုပ်နိုင်အောင် ဥပဒေအရ ခွင့်ပြုမှာပါ။ ဒါ့ကြောင့် မြန်မာနိုင်ငံ အနေအထားဟာ ပြောင်းလဲသွားမှာ မဟုတ်ပါဘူး။ ပြည်သူတွေကို ဒုက္ခ သံသရာထဲ ဆက်ပြီး ပစ်ထားဦးမှာပါ" ဟု သူမက ဆိုသည်။

တိုင်းရင်းသား အဖွဲ့အစည်းများနှင့် ဆက်နွယ်သည့် ပါတီများ အပါအဝင် အခြားနိုင်ငံရေး ပါတီများ တင်းကြပ်စွာ ချုပ်ချယ်ခံရချိန်တွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ ကဲ့သို့သော စစ်ဖက် အစိုးရ နောက်ခံ ပါတီများမှာမူ လွတ်လပ်စွာ မဲဆွယ် စည်းရုံးနိုင်ကြသည်။ ရွေးကောက်ပွဲသည် မြန်မာနိုင်ငံကို ရှေ့သို့ ရောက်စေမည့် နည်းလမ်း မဟုတ်ဟု သူမက ပြောကြားခဲ့သည်။

"ပြည်သူတွေကတော့ ဘာမှ မရတာထက် တစ်ခုခုက ပိုကောင်းပါတယ်လို့ ပြောကြပါလိမ့်မယ်။ ဒါပေမယ့် အဲဒီ တစ်ခုခုက မြန်မာပြည်သူတွေကို အန္တရာယ် တွင်းထဲ ဆွဲချနေတာပါ။ နောက်ဆုံးကျတော့ စစ်ဖက် ခေါင်းဆောင်တွေ၊ စစ်ဖက် အသိုင်းအဝိုင်းနဲ့ ကြံ့ခိုင် ဖွံ့ဖြိုးရေး ပါတီဝင်တွေကပဲ တရားဝင် အုပ်ချုပ်သူ နေရာကို ယူသွားကြမှာပါ" ဟု သူမက ဆက်လက် ပြောကြားသည်။

ဒေါ်အောင်ဆန်းစုကြည်၏ မွေးနေ့ အထိမ်းအမှတ် ကျင်းပရန် ပြင်ဆင်နေသည့် ကမ္ဘာတလွှားမှ မြန်မာ အသိုင်းအဝိုင်းသည် သူမနှင့်တကွ နိုင်ငံရေး အကျဉ်းသား ၂၅၀၀ ကျော် လွတ်မြောက်စေရန် အတွက် တောင်းဆိုမှုများကို တိုးမြှင့် ပြုလုပ်လျက် ရှိသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.