Transparency Myanmar

transparency.myanmar@gmail.com

The Christian Science Monitor, 28th June 2010

အခန်းတစ်ခု အတွင်းဝယ် သပ်သပ်ရပ်ရပ် ဝတ်ထားသော မြန်မာ ကျောင်းသားများ အတန်းလိုက် ထိုင်နေကြပြီး ၎င်းတို့၏ စာသင်ကြား ပို့ချနေသူ ဧည့်သည် ဆရာတစ်ဦးအား မေးခွန်းများ မေးလျက် ရှိသည်။ အတန်းမှာ Social Entrepreneurship အတန်း ဖြစ်ပြီး၊ သင်ကြားနေသော အကြောင်းအရာမှာ ဥရောပ သမဂ္ဂ အကြောင်း ဖြစ်သည်။

"ဆွစ်ဇာလန်က ဘာကြောင့် အီးယူမှ မပါတာလဲ။ ဆေးခြောက်က ဘာကြောင့် အချို့ တိုင်းပြည်မှာ တရားဝင်ပြီး၊ အချို့ နိုင်ငံတွေမှာ တရားမဝင်တာလဲ" ဟု မေးမြန်းလျက် ရှိရာ ဆရာက "မေးခွန်းကောင်းတွေပဲ" ဟု ခေါင်းညိမ့်လျက် ရှိသည်။

အဆိုပါ အတန်းကို Myanmar Egress က ဖွင့်လှစ်ထားခြင်း ဖြစ်သည်။ Myanmar Egress သည် စစ်တပ် အုပ်ချုပ်သော မြန်မာနိုင်ငံတွင် လူ့အဖွဲ့အစည်း အခြေပြု လှုပ်ရှားမှုများအတွက် တစ်နေရာတည်းတွင် အကုန် ရနိုင်သော ဆိုင်သဖွယ် ပြုလုပ်ထားသော အကျိုးအမြတ် အတွက် မဟုတ်သည့် အဖွဲ့အစည်း တစ်ခု ဖြစ်သည်။ ၎င်းအဖွဲ့အား ၂၀၀၆ ခုနှစ်တွင် ပညာရှင်များနှင့် စီးပွားရေးသမားများက တည်ထောင်ထားပြီး၊ စီးပွားရေး ဖွံ့ဖြိုး တိုးတက်မှု ဘာသာမှအစ လူထုသို့ စကားပြောနည်း၊ အသင်းအဖွဲ့ တည်ထောင်ခြင်း စသည်များကို အခကြေးငွေဖြင့် ဖွင့်လှစ် သင်ကြားလျက် ရှိသည်။ ၎င်းတွင် ပြည်သူ့ရေးရာ မူဝါဒ သုတေသန ဌာနခွဲလည်း ရှိပြီး၊ လူသားချင်း ကယ်ဆယ်ရေး လုပ်ငန်းများကို တွက်ချက် တန်ဖိုးဖြတ်ခြင်းများ လုပ်ကိုင်လျက် ရှိကာ နိုင်ငံရေး အသိပညာ ပေးခြင်း လုပ်ငန်းကို တဖြည်းဖြည်း တိုးချဲ့လုပ်ကိုင်လာသည်။

သို့သော် ၎င်းတို့သည် အများစု မနှစ်သက်သော စစ်အစိုးရအပေါ် အတိုက်အခံ မပြုသောဖက်မှ ရပ်တည်နေခြင်းကြောင့် အချို့ ဒီမိုကရေစီ လှုပ်ရှားသူများကို ဒေါသထွက် စိတ်ဆိုးစေသည်။ ၎င်းတို့သည် အစိုးရနှင့် နီးကပ်သော ဆက်ဆံရေး ရှိသည်ဟု စွပ်စွဲမှုများ ရှိပြီး၊ စည်းကမ်း ပြည့်ဝသော ဒီမိုကရေစီအတွက် လမ်းညွှန်မြေပုံ ခုနှစ်ဆင့်မှ အများစု သဘောမတူသည့် ယခုနှစ် ရွေးကောက်ပွဲကို ထောက်ခံလျက် ရှိသည်။

ဝေဖန်သူများက အနှစ်နှစ်ဆယ်အတွင်း ပထမဆုံးအကြိမ် ကျင်းပမည့် ရွေးကောက်ပွဲသည် အရပ်သားအသွင် သဏ္ဍာန်ပြလျက် နောက်ကွယ်မှ စစ်တပ်က ကြိုးကိုင်ခြင်းကို ပြုလုပ်ခြင်းသာ ဖြစ်မည်ဟု ပြောကြသည်။ အမေရိကန် ပြည်ထောင်စုကလည်း မဲပေးမှုများမှာ လွတ်လပ်၍ တရား မျှတလိမ့်မည် မဟုတ်ဟု သတိပေးခဲ့သည်။

အချို့ ခွဲခြမ်းစိတ်ဖြာ သုံးသပ်သူများက Myanmar Egress နှင့် အခြား အစွန်းမရောက်သော အယူအဆ ရှိသည့် အုပ်စုများကို "တတိယအင်အားစု" (Third Force) ဟု အမည် တပ်ကြပြီး၊ ၎င်းအင်အားစုသည် အစိုးရနှင့် ဒေါ်အောင်ဆန်းစုကြည် အပါအဝင် အတိုက်အခံများကြားတွင် လမ်းကြောင်းတစ်ခု ပေါ်ပေါက်ရေး ကြိုးစားနေကြသည်ဟု ဆိုသည်။

အချို့ကမူ Myanmar Egress အား ဒီမိုကရေစီ ပြောင်းလဲမှုအတွက် အင်အားစုတစ်ခု ဖြစ်သည်ဟု ဆိုရမည်ကို သံသယများ ရှိကြောင်း၊ အဘယ်ကြောင့်ဆိုသော် ၎င်းတို့ကို အစိုးရနှင့် နီးကပ်သော ဆက်ဆံရေးများ ရှိခြင်းကြောင့် ဖြစ်ကြောင်း၊ ထိုင်းနိုင်ငံ အခြေစိုက် ဧရာဝတီ မဂ္ဂဇင်း အယ်ဒီတာ အောင်ဇော်က ပြောသည်။ ၎င်းတို့သည် စစ်အစိုးရ၏ လမ်းညွှန်မြေပုံနှင့် ရွေးကောက်ပွဲကို ထောက်ခံနေသည့် သဘော ရှိသည်။ ထိုကိစ္စမှာမူ သဘောတူနိုင်စရာ မရှိပေ။

Myanmar Egress ကို တည်ထောင်သူများတွင် တစ်ဦး အပါအဝင် ဖြစ်သော ဦးတင်မောင်သန်းက ပြောကြားရာတွင် စစ်တပ်မှ နှစ်ပေါင်း ငါးဆယ်နီးပါး အုပ်ချုပ်လာသော တိုင်းပြည်တွင် ဒီမိုကရေစီသို့ အမြန်ဆုံး ပြောင်းလဲသွားလိမ့်မည်ဟု မျှော်လင့်နေခြင်းမှာ လောကကို လွယ်လွယ်လေးဟု တွေးရာ ရောက်ကြောင်း ပြောခဲ့သည်။ ပြုပြင် ပြောင်းလဲမှုများကို အခြေမှစ၍ ပြုလုပ်ရမည် ဖြစ်ပြီး၊ စည်းမျဉ်းများ သေချာသည့် တစ်နေ့မှသာ အဓိက ပြောင်းလဲမှုများကို ပြုလုပ်နိုင်မည် ဖြစ်ကြောင်း ၎င်းကပြောသည်။

လူငယ်များကို ကျေးလက် ဖွံ့ဖြိုးတိုးတက်ရေးများ လေ့ကျင့် သင်ကြားပေးခြင်း၊ တော်သူများ ဥာဏ်ကောင်းသူများကို နိုင်ငံခြားတွင် ပညာသင်စေခြင်းများသည် ဤပြောင်းလဲမှု အတွက် မျိုးစေ့ချခြင်း နည်းလမ်းတစ်ခု ဖြစ်ပြီး၊ "နိုင်ငံရေးအရ ကွက်လပ်တွေ ဘယ်လို ဖန်တီးရမယ် ဆိုတာကို ကျွန်တော်တို့ သိပါတယ်" ဟု ၎င်းက ပြောသည်။

ဆက်ဆံမလား သပိတ်မှောက်မလား

မြန်မာနိုင်ငံ အပေါ် မည်သို့ ဆက်ဆံမည်နည်းဟူသော ကိစ္စအပေါ် စကား အချေအတင် ဆွေးနွေးမှုများ နိုင်ငံတကာ နိုင်ငံရေး မျက်နှာစာတွင် ရှိခဲ့ဖူးသည်။ Obama အစိုးရသည် မြန်မာနိုင်ငံ အုပ်စိုးသူများနှင့် ထိတွေ့ ဆက်ဆံရန် ကြိုးစားရာ၊ မြင်သာ ထင်သာသော အောင်မြင်မှု အနည်းငယ်သာ တွေ့ခဲ့ရသည်။ ၎င်းတောင်းဆိုခဲ့သော ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများ လွှတ်ပေးရန် တောင်းဆိုမှုကို အစိုးရက လျစ်လျူပြုခဲ့သည်။ အမေရိကန်နှင့် အခြား အနောက်နိုင်ငံများက မြန်မာနိုင်ငံအပေါ် စီးပွားရေးအရ အရေးယူမှုများ ချမှတ်ခဲ့သော်လည်း ထိုင်းနှင့် တရုတ် အပါအဝင် ၎င်း၏ အိမ်နီးချင်းများက ကုန်သွယ်မှုနှင့် ရင်းနှီးမြှုပ်နှံမှုများ ရှေ့လှမ်းတက်ရန် ကြိုးစားလျက် ရှိကြသည်။

အရေးယူ ပိတ်ဆို့မှုများသည် စစ်အစိုးရအား အားနည်းအောင် မပြုလုပ်နိုင်ကြောင်း အနောက်နိုင်ငံ သံတမန်များက ဝန်ခံခဲ့ကြသည်။ သံတမန်များက ပြောကြားရာတွင် ရွေးကောက်ပွဲနှင့် အရပ်သား အုပ်ချုပ်ရေးကို အာဏာ လွှဲပြောင်းပေးမှုအား အကန့်အသတ်ဖြင့် မစဉ်းစားပါ ဆိုလျှင်တောင်၊ ပြန်လည် သုံးသပ်ရမည့် အကြောင်း ဖြစ်လာပေလိမ့်မည်ဟု ဆိုသည်။ သို့သော် ဒေါ်အောင်ဆန်းစုကြည် အပေါ် မည်သို့ ကိုင်တွယ်မည်လဲ ဆိုသည့်အပေါ်တွင်လည်း များစွာ မူတည်နေသည်။ သူမသည် နိုင်ငံတကာ ဇာတ်ကောင်တစ်ဦး ဖြစ်ဆဲ ဖြစ်ပြီး၊ လက်ရှိ ပြစ်ဒဏ်သည် ၂၀၁၁ ဖေဖော်ဝါရီလတွင် ပြီးဆုံးမည် ဖြစ်သည်။ သူမ၏ နိုင်ငံရေး ပါတီသည် ရွေးကောက်ပွဲတွင် ပါဝင်ရေး ကိစ္စနှင့် ပတ်သက်၍ ကွဲခဲ့ကြပြီး၊ ပါတီမှ ခွဲထွက်လာသော အဖွဲ့သည် ပါတီသစ်အဖြစ် မှတ်ပုံတင်ခဲ့သည်။

ကျောင်းသား သမဂ္ဂ ခေါင်းဆောင် ဖြိုးမင်းသိန်းသည် အစိုးရအား ဆန့်ကျင်မှုကြောင့် ထောင် ၁၄ နှစ်ကျခဲ့သည်။ ၎င်းသည် ယခုအခါ ပြည်ထောင်စု ဒီမိုကရက်တစ်ပါတီ (Union Democratic Party) ကို ခေါင်းဆောင်၍ ပါလီမန်၏ နေရာ တစ်ဝက်ကျော်တွင် ပါဝင် ယှဉ်ပြိုင်ရန် ရည်မှန်းထားသည်။ ၎င်းက အစိုးရသည် ၎င်း၏ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP) ကို မတရားသဖြင့် အခွင့်အရေးများ ပေးလျက် ရှိကြောင်း ဝေဖန်ခဲ့ပြီး၊ အခြားသော နိုင်ငံရေးပါတီ ၄၂ ခုအား အနိုင်ရရန် မျက်နှာသာ ပေးလျက် ရှိသည်ဟု ဆိုသည်။ အခွင့်အရေး ပေးမှုများတွင် ထင်ရှားသော အချက်တစ်ခုမှာ အခြားသော ပါတီများ၊ ပါတီဝင်များ စုစည်းခွင့် မရမီမှာပင် USDP သည် ၎င်းနှစ်ပေါင်းများစွာ စုဆောင်းထားသော အဖွဲ့ဝင်များကို ရရှိပြီး ဖြစ်ကြောင်းနှင့် အစိုးရ စီမံကိန်းများတွင် ၎င်း၏ အမည်ကို အသုံးပြုနေခြင်းများ ဖြစ်ကြောင်း ဆိုသည်။ သို့သော် ဖြိုးမင်းသိန်းက ရွေးကောက်ပွဲတွင် ပါဝင် ယှဉ်ပြိုင်ရန် ဆုံးဖြတ်ထားပြီး၊ ပါလီမန်ကို အတိုက်အခံ အတွက် ပလက်ဖောင်းအဖြစ် အသုံးပြုနိုင်ရေး ကြိုးစားသွားမည်ဟု ဆိုသည်။

အနောက်နိုင်ငံများ၏ အရေးယူ ပိတ်ဆို့မှုများ အလုပ် မဖြစ်ကြောင်း ၎င်းက သဘောတူသော်လည်း၊ ရုတ်သိမ်းရန်မူ အချိန်မတိုင်သေးဟု ဆိုသည်။ "တကယ်လို့ အစိုးရက လွတ်လပ်ပြီး တရားမျှတတဲ့ ရွေးကောက်ပွဲ ကျင်းပပြီး၊ ပါလီမန် ခေါ်ယူနိုင်ခဲ့မယ်ဆိုရင် အရေးယူမှုတွေ ရုတ်သိမ်းသင့်ပါတယ်။ ဒါပေမယ့် ဒီအစိုးရက ကတိတွေ အမြဲတမ်း ဖျက်တတ်ပါတယ်" ဟု ၎င်းက ဆိုသည်။

သို့သော် ယခု လာမည့် ရွေးကောက်ပွဲသည် သာမန် မြန်မာပြည်သူများ ကြားတွင် သံသယများ၊ စိတ်မဝင်စားမှုများနှင့် အနာဂတ်အတွက် စိုးရိမ်ပူပန်မှုများကို ဖြစ်စေသည်။ အချို့ကမူ ဘာမျှ ဖြစ်လာမှာ မဟုတ်ဟု ခံယူထားကြသည့် နည်းတူ အချို့က နိုင်ငံရေး အကြောင်း ပြောရသည်မှာ အန္တရာယ် များလွန်းသည်ဟု ဆိုကြသည်။

စစ်အစိုးရ၏ စီးပွားရေးနှင့် ပတ်သက်၍ လုပ်မှားကိုင်မှားများကို စိတ်ပျက်စွာ ညည်းတွားလေ့ ရှိသော စီးပွားရေးလုပ်ငန်း အသေးလေးပိုင်ရှင် တစ်ဦးက ပြောကြားရာတွင် မူဝါဒ ချမှတ်ရာတွင် စစ်တပ် ပါဝင်မှု မဖြေလျော့နိုင်သရွေ့ မည်သည့် ပြောင်းလဲမှုမျှ အကျိုးရှိလိမ့်မည် မဟုတ်ကြောင်း ဆိုသည်။ အရပ်သားများ အုပ်ချုပ်မှုသို့ တဖြည်းဖြည်း အနာခံ အသွင် ကူးပြောင်းရေးသည်သာ တိုးတက်မှုအတွက် တစ်ခုတည်းသော လမ်းကြောင်း ဖြစ်ကြောင်း ၎င်းက ငြင်းချက်ထုတ်သည်။ ထိုအကြောင်းကြောင့် ယခု ရွေးကောက်ပွဲတွင် ၁၉၉၀ ခုနှစ်ကကဲ့သို့ အတိုက်အခံမှ အောင်မြင်သွားရေးကို ချဉ်ခြင်း မတပ်ကြောင်း ဆိုသည်။

"ကျွန်တော်တို့ စစ်တပ်ကို ထွက်ပေါက် ကောင်းကောင်း ပေးရပါလိမ့်မယ်။ မဟုတ်ရင် ချောင်ပိတ် အရိုက်ခံရတဲ့ ခွေးလို သူတို့က ပြန်ကိုက်ပါလိမ့်မယ်" ဟု ၎င်းက ဆိုသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Nation, 28th June 2010

ထားဝယ်ဆိပ်ကမ်းကို အဓိက ဆိပ်ကမ်း အဖြစ် အဆင့်မြင့်ရန် ထိုင်းအစိုးရက ယခင် အပတ်တွင် သဘောတူလိုက်ပြီးနောက်တွင် အနောက်ဖက် ကမ်းခြေ၏ ရေနက် ဆိပ်ကမ်းအဖြစ် နောက်တစ်ကြိမ် ထွန်းတောက်လျက် ရှိကာ၊ ဆာတွန်ရှိ ပတ်ဘာရာ ဆိပ်ကမ်းမှာမူ ပတ်ဝန်းကျင်ဆိုင်ရာ ကိစ္စများကြောင့် သာမန် ဆိပ်ကမ်းအဖြစ်သာ အသုံးဝင်တော့မည် ဖြစ်သည်။

ထားဝယ် ဆိပ်ကမ်းသည် မဟာမဲခေါင် ဒေသခွဲ အတွင်းရှိ ကုန်းတွင်း လမ်းကြောင်းများနှင့် ချိတ်ဆက်ရန် မျှော်လင့်ထားကာ အဆိုပါ ဒေသတွင်းရှိ ထိုင်းနိုင်ငံသည် အရှေ့မှ အနောက်သို့ ကုန်စည်ပစ္စည်းများ ပို့ဆောင်ရာတွင် အချိန် တိုတောင်းခြင်း၊ ကုန်ကျစရိတ် နည်းပါးခြင်းတို့ကြောင့် စီးပွားရေး ပူးပေါင်း ဆောင်ရွက်ရေး လှုပ်ရှားမှုတိုင်း၏ ဗဟိုအချက်အချာ ဖြစ်လာသည်။

ဝန်ကြီးချုပ် အဘီဆစ် ဗဲ့ဂျာဂျီဗား ဦးဆောင်သော အမျိုးသား ကုန်စည် ပို့ဆောင်ရေး ဖွံ့ဖြိုးမှု ကော်မတီ၏ ပထမအကြိမ် အစည်းအဝေးကို ယခင်အပတ်က ကျင်းပခဲ့ရာ အမျိုးသား ကုန်စည် ပို့ဆောင်ရေး ဖွံ့ဖြိုးမှုဆိုင်ရာ မဟာဗျူဟာ အစီအစဉ်မှာ ပုံပေါ်လာခဲ့ပြီ ဖြစ်သည်။

ထားဝယ်-ကန်ချနာဘူရီ ဖြတ်လမ်းကို ဖြတ်သန်းသွားသည့် ကုန်းတွင်း လမ်းကြောင်းများကို အသုံးပြုခြင်းဖြင့် တောင်တရုတ် ပင်လယ်နှင့် အင်ဒါမန် ပင်လယ်အကြား ကုန်စည် ပို့ဆောင်ချိန်ကို ၆ ရက်အထိ လျော့ချနိုင်ရန် အထောက်အကူ ရမည် ဖြစ်ပြီး ရေယာဉ် ထူထပ်သော မလက္ကာ ရေလက်ကြားကို အသုံးပြုပါက ၁၆ ရက် မှ ၁၈ ရက် အထိ ကြာမြင့်သည်ဟု ပို့ဆောင်ရေး ကျွမ်းကျင်သူ တစ်ဦးက ပြောကြားသည်။

ပတ်ဘာရာ ဆိပ်ကမ်းမ၏ှာမူ တနှစ်လျှင် ပေ ၂၀ ကွန်တိန်နာ တစ်သန်းထက် မကျော်သော ဝန်ဆောင်မှုကို ပေးမည့် ပြည်တွင်း ဆိပ်ကမ်းတစ်ခု ဖြစ်လာမည် ဖြစ်သည်။

မြန်မာ အရှေ့တောင်ပိုင်း ထားဝယ်၌ ဘတ်ငွေသန်း ၃၀၀ ကျော် ကုန်ကျရန် မျှော်လင့်ထားသည့် အကြီးစား ရင်းနှီးမြှုပ်နှံမှု စီမံကိန်းတွင် ထားဝယ် ဆိပ်ကမ်းမှာ အစိတ်အပိုင်း တစ်ခုသာ ဖြစ်သည်။ ဘတ်ငွေ သန်း ၅၀ ကုန်ကျမည့် ဆိပ်ကမ်းအပြင် ဧက ၂၀၀၀၀၀ ရှိ မြေပေါ်တွင် စက်မှုဇုံနှင့် လူနေ အဆောက်အဦးများ၊ ကားလမ်းနှင့် ရထားလမ်း ကွန်ယက်များ ပါဝင်သော အကြီးစား စီမံကိန်း ဖြစ်သည်။

တည်ဆောက်ရေးလုပ်ငန်းကို ယခုနှစ် စတင်ရန် မျှော်လင့်ထားပြီး ၂၀၂၀ တွင် အပြီးသတ်မည် ဖြစ်သည်။ ထိုင်းနိုင်ငံ၏ အကြီးဆုံး ဆောက်လုပ်ရေး လုပ်ငန်း ဖြစ်သော အီတာလီယံ-ထိုင်း ကုမ္ပဏီ၏ စီမံချက် ဖြစ်သော အထက်ပါ စီမံကိန်းအတွက် ကုမ္ပဏီက မဟာဗျူဟာမြောက် ရင်းနှီးမြှုပ်နှံမည့် လုပ်ဖော်ကိုင်ဘက်များ ရှာဖွေနေသည်။

အီတာလျံ-ထိုင်း ကုမ္ပဏီသည် အရှေ့တောင် အာရှ၏ ဖြတ်လမ်းသစ် တစ်ခုဖြစ်သော ထားဝယ်-ကန်ချနာဘူရီ အဝေးပြေး လမ်းမကြီး တိုင်းတာခြင်းနှင့် တည်ဆောက်ခြင်း ကန်ထရိုက် လုပ်ငန်းကို မြန်မာ အာဏာပိုင်များထံမှ ရရှိခဲ့ပြီးနောက် ၂၀၀၈ တွင် အထက်ပါ စီမံကိန်းနှင့် ပါဝင် ပတ်သက်ခဲ့ခြင်း ဖြစ်သည်။

ထားဝယ်-ကန်ချနာကူရီ ၄လမ်းသွား အဝေးပြေးလမ်း တည်ဆောက်မှုကို မကြာမီ စတင်မည် ဖြစ်ကာ ၂၀၁၃ တွင် ပြီးစီးရန် မျှော်လင့်ထားသည်။

ကုန်သွယ်ရေး ဒုတိယ ဝန်ကြီး အလွန်ခွန် သွန်လာဘွတ်သည် အဝေးပြေးလမ်း စီမံကိန်း စတင်မှု အပါအဝင် ကန်ချနာဘူရီ စစ်ဆေးရေးဂိတ်ရှိ နှစ်နိုင်ငံ နယ်စပ် ကုန်သွယ်ရေးကို မြှင့်တင်ရန် ကိစ္စနှင့် ပတ်သက်ပြီး မြန်မာ အာဏာပိုင်များနှင့် စေ့စပ် ဆွေးနွေးရန် အတွက် ယခုနှစ် အစောပိုင်းမှ စ၍ မြန်မာနိုင်ငံသို့ အကြိမ်ပေါင်းများစွာ သွားရောက်ခဲ့သည်။

ဤစီမံကိန်းသည် ထိုင်း ကန်ထရိုက်တာများ၏ မြန်မာပြည်တွင်း ဆောက်လုပ်ရေး စီမံကိန်းများ အတွက် ဘိလပ်မြေ၊ ဆောက်လုပ်ရေး ပစ္စည်းများနှင့် ဆောက်လုပ်ရေး စက်ပစ္စည်း ယန္တရားများ လွတ်လပ်စွာ စီးဆင်းမှု သာမကပဲ ထားဝယ်ဆိပ်ကမ်းကို အသုံးပြုကာ ထိုင်းနိုင်ငံ ကုန်းတွင်း လမ်းကြောင်းမှ အင်ဒါမန် ပင်လယ်သို့ ဆက်သွယ်မည့် ဘက်စုံသုံး ပို့ဆောင်ရေး စနစ်တစ်ခုကိုပါ ဖန်တီးပေးမည် ဖြစ်သည်။

ထို့အပြင် အရှေ့-အနောက် စီးပွားရေး စင်္ကြန်လမ်း (အဝေးပြေး R-9) ၊ တောင်ပိုင်း စီးပွားရေး စင်္ကြံလမ်း၊ တရုတ်နိုင်ငံ တောင်ပိုင်းမှ လာအို၊ ဗီယက်နမ်ကို ဖြတ်၍ စင်္ကာပူသို့ လည်းကောင်း၊ ထိုင်း၊ မလေးရှားသို့ လည်းကောင်း ဆက်သွယ်သည့် မြောက်ပိုင်း-တောင်ပိုင်း စီးပွားရေး စင်္ကြံလမ်း စသော ရထားလမ်း၊ ကားလမ်း ပါဝင်သည့် ကုန်းတွင်းလမ်းကြောင်း များစွာနှင့် ထားဝယ်-ကန်ချာနာဘူရီ ဖြတ်လမ်းကို ဆက်သွယ်နိုင်မည် ဖြစ်သည်။

 နိုင်ငံရေး ကိစ္စရပ်များ

ထားဝယ် ဆိပ်ကမ်းတွင် ကုန်တန်ချိန် ၃၀၀,၀၀၀ တင်ဆောင်ထားသော မည်သည့် သင်္ဘောမဆို ဆိုက်ကပ်နိုင်မည် ဖြစ်သည်။ သို့သော်လည်း အမျိုးသား ကုန်စည် ပို့ဆောင်ရေး မဟာဗျူဟာနှင့် ပတ်သက်၍ အစိုးရ၏ ယခုအကြိမ် ဆုံးဖြတ်မှုသည် အချို့ပို့ဆောင်ရေး လုပ်ငန်းရှင်များကို စိတ်အနှောင့်အယှက် ဖြစ်စေခဲ့ပြီး ၎င်းတို့က အစိုးရ၌ နိုင်ငံရေး ရည်ရွယ်ချက် ရှိသည်ဟု ယူဆနေကြသည်။

ထားဝယ် ရေနက် ဆိပ်ကမ်းသည် နိုင်ငံရေး ကိစ္စရပ်များကြောင့်ပင် အဓိက ဆိပ်ကမ်း တစ်ခုအဖြစ် မီးမောင်း ထိုးခံနေရခြင်း ဖြစ်သည်။ အစိုးရက ပတ်ဘာရာ ဆိပ်ကမ်းကို ယခုအထိ မတို့ထိရဲခြင်းမှာ တောင်ပိုင်းနေ ပြည်သူများက သဘာဝ ပတ်ဝန်းကျင် ပျက်စီးမှုကြောင့် ခရီးသွား စီးပွားရေးလုပ်ငန်း အပေါ် ထိခိုက်မည်ကို စိုးရိမ်နေကြသောကြောင့် ဖြစ်သည်ဟု ကုန်စည် ပို့ဆောင်ရေး လုပ်ငန်း သတင်းရပ်ကွက် ပြောကြားသည်။ အကယ်၍ အစိုးရက ထားဝယ် ဆိပ်ကမ်းကို အဓိက ဆိပ်ကမ်းအဖြစ် အသုံးပြုမည် ဆိုပါက ခဲတစ်လုံးနှင့် ငှက်များစွာ ထိမှန်လိမ့်မည်ဟု နောက်ထပ် သတင်းရပ်ကွက် တစ်ခုက ပြောကြားသည်။

သေချာသည်မှာ မြန်မာနိုင်ငံက အကျိုးအမြတ် အများစုကို ရရှိသွားမည့် အချက် ဖြစ်သည်။

ဒုတိယအချက်မှာ ထိုင်းပင်လယ်ကွေ့တွင် လုပ်စားနေကြသည့် သင်္ဘောလိုင်းများမှာ အင်ဒါမန် ပင်လယ်တွင် လုပ်ငန်းများ ပိုမို ရရှိကာ ထားဝယ် ဆိပ်ကမ်းမှ အကျိုးအမြတ် ရရှိကြမည် ဖြစ်သည်။

တတိယ အချက်မှာ စက်မှုဇုံ ဖွံ့ဖြိုးရေး လုပ်ငန်းရှင်များသည်လည်း ထိုဒေသတွင် ရင်းနှီးမြှုပ်နှံရန် အခွင့်အလမ်းများ ပိုမို ရရှိကြမည် ဖြစ်သည်။ အကယ်၍ အရှေ့ဖက် ကမ်းရိုးတန်း ရာယောင်းမြို့ မက်တာဖွတ် စက်မှုဇုံမှ ထုတ်လုပ်သူ အချို့ ထားဝယ်သို့ ရွှေ့ပြောင်း ထုတ်လုပ်ခဲ့ပါက အစိုးရ အပေါ်တွင် လေထုညစ်ညမ်းမှု ဆိုင်ရာ ဖိအားများ လျော့ကျသွားမည် ဖြစ်သည်။

ထိုအခါ အစိုးရ အနေဖြင့်လည်း သဘာဝ ပတ်ဝန်းကျင်ဆိုင်ရာ စိုးရိမ်မှုများ ထွက်ပေါ်နေသည့် ပတ်ဘာရာ ဆိပ်ကမ်းကို အဓိက ရေနက် ဆိပ်ကမ်းအဖြစ် ဆက်လက် အကောင်အထည် ဖော်ပါက မြင့်တက်လာနိုင်သည့် ဖိအားများကိုလည်း ရင်ဆိုင်ရတော့မည် မဟုတ်ပါ။

"အစိုးရ အနေနဲ့ နောင်အချိန် တော်တော်ကြာမှပဲ အနောက်ဖက် ဝင်ပေါက် ကိုယ်ပိုင် အဓိက ဆိပ်ကမ်းနဲ့ တောင်ဖက် ကမ်းရိုးတန်း စက်မှုဇုံကို အကောင်အထည် ဖော်သင့်ပါတယ်" ဟု ပြောကြားသူမှာ ထိုင်းကုန်စည် ပို့ဆောင်ရေး အသင်းချုပ် ဥက္ကဌ ကရစ်ကလာ ဆွန်သီမတ် ဖြစ်သည်။

"နောက်ဆုံးကျရင်တော့ ကိုယ့်နှာခေါင်းနဲ့ ကိုယ် အသက်ရှူရမှာပေါ့ဗျာ" ဟု ၎င်းက ဆိုသည်။

သာမာဆတ် စီးပွားရေး သင်တန်းကျောင်းမှ ဒါရိုက်တာ၊ တွဲဖက် ပါမောက္ခ ရုတ်သံဘာနမ်ရောင်ကမူ "မည်သည့် မဟာဗျူဟာကို တိုင်းပြည်က အသုံးပြုမည် ဆိုသည့် အချက်ပေါ်တွင် မူတည်နေသည်" ဟု ပြောကြားသည်။

"တကယ်လို့ ၂၀၂၀ မှာ အာဆီယံဟာ ဈေးကွက်တစ်ခုတည်း ဖြစ်လာမယ်ဆိုတဲ့  ဒေသတွင်း ပူးပေါင်းဆောင်ရွက်ရေး အောင်မြင်မှုကို ကျွန်တော်တို့ ယုံကြည်တယ် ဆိုရင်တော့ မြန်မာနိုင်ငံရဲ့ ထားဝယ်ဆိပ်ကမ်းဟာ အိန္ဒိယ၊ အရှေ့အလယ်ပိုင်းနဲ့ ဘင်္ဂလားပင်လယ်အော် အနားသတ် နိုင်ငံတွေ (ဘင်းမ်စတက်) စတဲ့ အနောက်ဖက်ဒေသ ဈေးကွက်တွေကို သွားဖို့ အဓိက ဆိပ်ကမ်းတစ်ခု၊ ထွက်ပေါက်တစ်ခု အဖြစ် အသုံးတော်ခံနိုင်မှာပါ" ဟု ၎င်းက ပြောကြားခဲ့သည်။

ထိုင်းစက်မှုလုပ်ငန်း အသင်းချုပ် ဒုတိယ ဥက္ကဌ တာနစ်ဆိုရပ်က "လက်ရှိ မလက္ကာ ရေလက်ကြားကို ဖြတ်သန်းနေရသည့် ရေလမ်းကြောင်းမှာ အလွန် ကြပ်ညှပ် ပြွတ်သိပ်နေကြောင်း၊ ရေကြောင်း သယ်ယူပို့ဆောင်ရေး ပုံစံသည် လာမည့် ၁၀ နှစ် အတွင်း ကုန်းမှ ပင်လယ် (သို့) ပင်လယ်မှ ကုန်းကြောင်း ပုံစံမှ ပင်လယ်-ကုန်းကြောင်း ပေါင်းကူးတံတား ပုံစံသို့ ပြောင်းလဲသွားဖွယ် ရှိပြီး ပို့ဆောင်ရေး စရိတ် ချွေတာရေး အတွက် နောက်ထပ် ရွေးချယ်စရာ ဖြစ်လာကြောင်း" ပြောကြားသည်။

ထိုင်းနိုင်ငံ အနေဖြင့် ရေကြောင်း ဆက်စပ် ပို့ဆောင်ရေး လုပ်ငန်းမှ အကျိုးအမြတ်များ အသုံးချ၊ ထိန်းသိမ်းရေးနှင့် သက်ဆိုင်သည့် 'ကြိုးကိုင်အစီအစဉ်' နှင့် 'လက်တွေ့အသုံးချ အစီအစဉ်' တို့ ရှိထားရန် လိုအပ်သည်ဟု ၎င်းက ဆိုသည်။

မည်သို့ပင် ဖြစ်စေ၊ ဒေသတွင်း ကုန်စည် ပို့ဆောင်မှု အချက်အချာ ဖြစ်လာရန် အတွက် ထိုင်းနိုင်ငံတွင် အရှေ့-အနောက် ဆက်သွယ်နိုင်သည့် ရေနက်ဆိပ်ကမ်း အပါအဝင် ပို့ဆောင်ရေး ပုံစံအားလုံးနှင့် အကျုံးဝင်သည့် ရှင်းလင်းသော ကုန်စည် ပို့ဆောင်ရေး စီမံချက် တစ်ခု ရှိထားသင့်သည်ဟု ပို့ဆောင်ရေး လုပ်ငန်းရှင်များက ပြောဆိုသည်။

စာချုပ်အားဖြင့် ဆိုရသော် အစိုးရ အနေဖြင့် အမျိုးသား သင်္ဘောလိုင်း၊ သင်္ဘောကျင်း လုပ်ငန်းနှင့် ဆက်စပ် စက်မှုလုပ်ငန်းများ အတွက် ဖွံ့ဖြိုးတိုးတက်ရေး အစီအစဉ်များကိုလည်း ရေးဆွဲထားသင့်ကြောင်း တင်ပြလိုက်ရသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News, 27th June 2010

ဗြိတိန် ဝန်ကြီးချုပ် David Cameron သည် တရုတ်နိုင်ငံသို့ နိုဝင်ဘာလတွင် အလည်အပတ် သွားရောက်မည် ဖြစ်ကြောင်း ဒေါင်းနင်းလမ်းမှ အတည်ပြုခဲ့သည်။

ကနေဒါနိုင်ငံ တိုရန်တိုတွင် ကျင်းပနေသော G-20 ထိပ်သီး အစည်းအဝေးတွင် ၎င်းတို့နှစ်ဦး တွေ့ဆုံရာတွင် တရုတ်သမ္မတ ဟူကျင်းတောင်က Mr. Cameron သို့ ဖိတ်ကြားခဲ့ခြင်း ဖြစ်သည်။

နှစ်နိုင်ငံ ဆွေးနွေးရာတွင် နှစ်ဦးနှစ်ဘက် ခေါင်းဆောင်များက တရုတ်နှင့် ယူကေကြားတွင် ကုန်သွယ်မှု တိုးမြှင့်ရေးကို လုံးလုံး သဘောတူကြကြောင်း ဒေါင်းနင်းလမ်းက ပြောကြားခဲ့သည်။

Mr. Cameron သည် အိန္ဒိယ ဝန်ကြီးချုပ်နှင့်လည်း နွေးထွေး၍ အပေါင်းလက္ခဏာ ဆောင်သော ဆွေးနွေးမှု ရရှိခဲ့သည်။

Mr. Hu က နောက်တစ်ကြိမ် နိုဝင်ဘာလတွင် တောင်ကိုရီးယားနိုင်ငံ Seoul တွင် ကျင်းပမည့် G-20 ထိပ်သီး အစည်းအဝေး လာရောက်ရင်း တရုတ်နိုင်ငံသို့ လာရောက်ရန် ဗြိတိန် ဝန်ကြီးချုပ်အား ဖိတ်ကြားခဲ့ခြင်း ဖြစ်သည်။

Mr. Hu က စကားပြန်မှ တဆင့် စကားပြောရာတွင် "အဆွေတော်အား ပထမဆုံး အကြိမ် တွေ့ဆုံရသည်ကို အလွန် ဝမ်းမြောက်မိပါတယ်။ အဆွေတော် ဗြိတိန် ဝန်ကြီးချုပ်ဖြစ်လာတာကို ချီးကျူးစကား ဆိုပါရစေ" ဟု ဆိုသည်။

တရုတ် သမ္မတက ပြောကြားရာတွင် Mr. Cameron သည် ဝန်ကြီးချုပ် ဖြစ်ပြီး ဒုတိယနေ့တွင် ၎င်းထံတွင် ဖုန်းဆက်ပြီး တရုတ်နိုင်ငံနှင့် အားကောင်းသော ဆက်ဆံရေး ထူထောင်ရန် အသင့်ရှိကြောင်း ပြသခဲ့သည်ဟု ဆိုသည်။

Mr. Hu က ဖြည့်စွက် ပြောကြားရာတွင် "ဒီအချက်က အဆွေတော် ကိုယ်တိုင်ရော၊ ဗြိတိသျှ အစိုးရသစ် အတွက်ပါ တရုတ်နိုင်ငံနဲ့ ဆက်ဆံရေးမှာ အရေးကြီးတဲ့ တာဝန် ထမ်းဆောင်ရမယ်လို့ ပြသလိုက်တာပါပဲ။ ကျွန်ုပ်တို့ အနေနဲ့ ဒီအချက်ကို အများကြီး အသိအမှတ် ပြုပါတယ်" ဟု ပြောခဲ့သည်။

Mr. Cameron ကလည်း "ဗြိတိန်နဲ့ တရုတ်ဆက်ဆံရေးဟာ အလွန် အရေးကြီးတဲ့အတွက် ကျွနိုပ်အနေနဲ့ ဦးဆောင် အခန်းကဏ္ဍကနေ ပါဝင်လိုပါတယ်" ဟု တုန့်ပြန်ခဲ့သည်။

"ကျွန်တော့်အနေနဲ့ မဟာဗျူဟာ မြောက်တဲ့ ဆွေးနွေးမှုတွေကို မျှော်လင့်နေပါမယ်" ဟု ဆိုခဲ့သည်။

သမ္မတ Hu နှင့် မိနစ် သုံးဆယ်ကြာ တွေ့ဆုံမှုတွင် Mr. Cameron သည် စွမ်းအားပြည့် ထူထောင်ခဲ့သော ကူးသန်းရောင်းဝယ်ရေးနှင့် နှစ်နိုင်ငံ စီးပွားရေး ဆက်ဆံမှုကို အဆင့်မြှင့်ရေး အတွက် ကိုယ်ပိုင် ကတိကဝတ်များလည်း ပြုခဲ့ကြောင်း ဒေါင်းနင်းလမ်းက ပြောကြားခဲ့သည်။

ခေါင်းဆောင်များသည် ရသုံးမှန်းခြေဆိုင်ရာ ငွေကြေးများ ပိုမို အင်အားကောင်းစွာ ဆောင်ရွက်ခြင်းဖြင့် ကမ္ဘာ့စီးပွားရေး နလံထူမှု အတွက် လက်ရှိ ကြိုးစား အားထုတ်မှုများသည် အသက်တမျှ အရေးကြီးကြောင်း သဘောတူကြသည်ဟု ပြောခွင့်ရ ပုဂ္ဂိုလ် တစ်ဦးက ဆိုသည်။

အဆိုပါ ပြောခွင့်ရ ပုဂ္ဂိုလ်က ပြောကြားရာတွင် ခေါင်းဆောင် နှစ်ဦးတို့သည် ကမ္ဘာ့ကုန်သွယ်ရေးနှင့် ပတ်သက်၍ ဒိုဟာ စားပွဲဝိုင်း ဆွေးနွေးမှုကို အဆုံးသတ်ရန် နှစ်ဦးစလုံးက ဆန္ဒရှိကြောင်း ဆိုခဲ့ပြီး၊ ဗြိတိန် - တရုတ် နှစ်နိုင်ငံ ကုန်သွယ်ရေး မြှင့်တင်ရန် သဘောတူခဲ့ကြသည်။

တစ်ချိန်တည်းတွင်ပင် Mr. Cameron သည် အိန္ဒိယ ဝန်ကြီးချုပ် Manmohan Singh နှင့်လည်း စကားပြောခဲ့သည်ဟု ဒေါင်းနင်းလမ်းက ပြောသည်။

ပြောရေးဆိုခွင့်ရ ပုဂ္ဂိုလ်က ပြောကြားရာတွင် ဗြိတိသျှ ဝန်ကြီးချုပ်သည် ဗြိတိန်-အိန္ဒိယ ဆက်ဆံရေး အတွက် ၎င်း၏ လေးနက်သော သံယောဇဉ်ကို ပြသခဲ့ပြီး နှစ်နိုင်ငံကြား အထူး ပါတနာရှစ် ထူထောင်လိုသော ၎င်း၏ မပျက်ပြယ်သော ဆန္ဒကိုလည်း ထုတ်ဖော် ပြသခဲ့သည်ဟု ဆိုသည်။

နှစ်နိုင်ငံ ခေါင်းဆောင်များသည် ဗြိတိန်-အိန္ဒိယ ကုန်သွယ်ရေး တိုးမြှင့်ရေး၊ စီးပွားရေး အဆက်အသွယ်များနှင့် ပညာရေး ဖလှယ်မှုများကို လေးနက်စွာ အာရုံပြု ဆွေးနွေးခဲ့သည်ဟု သိရှိရသည်။

ဒေါင်းနင်းလမ်းက ပြောကြားရာတွင် နိုင်ငံခြားရေးရာ မူဝါဒများကို ဆွေးနွေးရာတွင် အာဖဂန် နစ္စတန်နှင့် ပါကစ္စတန်တို့၏ တည်ငြိမ်ရေးသည် ဗြိတိန်နှင့် အိန္ဒိယတို့၏ အမျိုးသား လုံခြုံရေးအတွက် အရေးကြီးကြောင်း သဘောတူခဲ့သည်ဟု ဆိုသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News, 28th June 2010

တောင်ကိုရီးယား စစ်သင်္ဘော နစ်မြုပ်မှုနှင့် ပတ်သက်သည့် တင်းမာမှုများကြားမှ အမေရိကန်၏ စစ်ရေးအရ ရန်မူမည့် အရိပ်အယောင်ကြောင့် မြောက်ကိုရီးယားနိုင်ငံက နျူကလီယာ ဗုံးအသစ် စမ်းသပ် ထုတ်လုပ်မည်ဟု ခြိမ်းခြောက်လျက် ရှိသည်။

နှစ်နိုင်ငံကြား စစ်ဖက် ကင်းရှင်းရေးဇုံ အတွင်းရှိ အပစ်ရပ် ကျေးရွာ ပန်မွန်ဂျုံသို့ အမေရိကန်က လက်နက်များ သယ်ယူနေသည်ဟုလည်း ပြုံးယမ်းက စွပ်စွဲထားသည်။

စစ်သင်္ဘော ကိစ္စနှင့် ပတ်သက်၍ ခိုင်ခိုင်မာမာ ပြတ်ပြတ်သားသား ရပ်တည်ရန် အမေရိကန် သမ္မတ ဘားရက် အိုဘားမားက တရုတ် သမ္မတအား တိုက်တွန်းအပြီး နာရီပိုင်း အကြာတွင် ပြုံးယမ်း၏ ကြေညာချက် ထွက်ပေါ်လာခြင်း ဖြစ်သည်။

မြောက်ကိုရီးယားသည် ချိုနန် စစ်သင်္ဘောကို မတ်လ ၂၆ ရက်က တိုပီဒိုဖြင့် ပစ်ခတ် နှစ်မြုပ်ခဲ့ခြင်း ဖြစ်သည်ဟု စုံစမ်း စစ်ဆေးရေးမှူးများက ပြောကြားသည်။

နှစ်နိုင်ငံအကြား အငြင်းပွားရေပြင် နယ်နိမိတ် အနီးတွင် တောင်ကိုရီးယား စစ်သင်္ဘော ချိုနန် ၂ ပိုင်းပြတ် နစ်မြုပ်သွားခဲ့ရာ ရေတပ်သား ၄၆ ဦး အသက်ဆုံးရှုံးခဲ့သည်။

မြောက်ကိုရီးယားက လုံးဝ တာဝန် မရှိကြောင်း ငြင်းဆိုနေသည့် အဆိုပါ ဖြစ်ရပ်နှင့် ပတ်သက်၍ ကုလသမဂ္ဂ လုံခြုံရေးကောင်စီ အနေဖြင့် တုံ့ပြန် အရေးယူစေရန် တောင်ကိုရီးယားက ကြိုးစားနေသည်။

မြောက်ကိုရီးယား၏ ကြေညာချက်ကို အစိုးရ သတင်းဌာနက KCNA က ထုတ်ပြန်ခဲ့သော်လည်း ကွန်မြူနစ် တိုင်းပြည်တစ်ခု အနေဖြင့် ၎င်း၏ နျူကလီယာ ထုတ်လုပ်နိုင်စွမ်းကို မည်သို့ အားပေး လုပ်ဆောင်မည် ဆိုသည့် အသေးစိတ် အချက်များ မပါဝင်ပါ။

"မြောက်ကိုရီးယား အပေါ် အမေရိကန်ရဲ့ တောက်လျှောက် ရန်လိုနေတဲ့ မူဝါဒနဲ့ စစ်ရေးအရ ခြိမ်းခြောက်မှုကို ကိုင်တွယ် ဖြေရှင်းဖို့ အတွက် နျူကလီယာ လက်နက်သစ် ထုတ်လုပ်ရေးကို အားပေးဖို့ လိုအပ်တယ်ဆိုတဲ့ အချက်ကို ကိုရီးယား ကျွန်းဆွယ် အပေါ် လက်ရှိ အနှောင့်အယှက် ပေးနေတဲ့ ဖြစ်ပေါ်မှုတွေက မီးမောင်း ထိုးပြနေပါတယ်" ဟု နိုင်ငံခြားရေး ဝန်ကြီးဌာန၏ ကြေညာချက်ကို KCNA က ထုတ်ပြန်ခဲ့သည်။

မြောက်ကိုရီးယားသည် နျူကလီယာ စမ်းသပ်မှု နှစ်ကြိမ် ပြုလုပ်ခဲ့ပြီးဖြစ်ရာ ၎င်းနိုင်ငံတွင် ပလူတိုနီယံနှင့် ယူရေနီယံ အခြေခံ လက်နက် အစီအစဉ် နှစ်မျိုးစလုံး ရှိနေသည်ဟု ယူဆရသည်။

အထက်ပါ မှတ်ချက်များသည် ၎င်းတို့ပိုင်ဆိုင်ထားပြီး ဖြစ်သည်ဟု နားလည် ထားကြသော လက်နက် ပုံစံထက် အဖျက်စွမ်းအား ပိုမို ကြီးမားသော ဟိုက်ဒရိုဂျင်ဗုံး ထုတ်လုပ်ရန် ကြိုးစားနေသည် ဟူသော အချက်ကို အရိပ်အယောင်ပြသည့် လက္ခဏာ ဖြစ်ဖွယ်ရှိသည်ဟု ဆိုးလ်မှ BBC သတင်းထောက် John Sudworth က ပြောကြားသည်။

ဟိုက်ဒရိုဂျင်ဗုံး ထုတ်လုပ်ရာတွင် အသုံးပြုသည့် နည်းပညာဖြစ်သော "နျူကလီယာ ပေါင်းစပ် ဓာတ်ပြုမှု" ကို အောင်မြင်စွာ လုပ်ဆောင်နိုင်ခဲ့သည်ဟု မြောက်ကိုရီးယားက ပြီးခဲ့သော မေလတွင် ကြေညာခဲ့သည်။

သို့သော်လည်း အဆိုပါ တိုးတက် ပြောင်းလဲမှုမျိုးမှာ အဓိက နည်းပညာဆိုင်ရာ ခုန်ပျံကျော်လွှားမှု လိုအပ်သောကြောင့် မြောက်ကိုရီးယားတွင် အဆင့်မြင့် နည်းပညာ ရင်းမြစ်များ၊ နည်းပညာ အသုံးအဆောင်များ ရှိသည်ဆိုသည့် အချက်ကို ကျွမ်းကျင် ပညာရှင်များက သံသယ ရှိကြသည်ဟု BBC သတင်းထောက်က ဆိုသည်။

တနင်္လာနေ့က ထုတ်ပြန်သော ဒုတိယကြေညာချက်တွင် "နှစ်နိုင်ငံအကြား စစ်မက် ကင်းရှင်းရေးဇုံ အတွင်းရှိ အပစ်ရပ် ကျေးရွာ ပန်မွန်ဂျုံသို့ ဇွန်လ ၂၆ ရက်တွင် အမေရိကန်က လက်နက်များ သွင်းယူလာသည်" ဟု မြောက်ကိုရီးယားက စွပ်စွဲထားသည်။

အကယ်၍ လက်နက်များကို ဖယ်ရှားခြင်း မပြုပါက ပြင်းထန်သော စစ်ရေး တန်ပြန် ဆောင်ရွက်ချက်များ ပြုလုပ်သွားမည်ဟုလည်း ကြေညာချက်တွင် ဖော်ပြသည်။

အမေရိကန် တပ်ဖွဲ့များက "မိမိတို့ အစီရင်ခံစာများကို စစ်ဆေးနေသည်" ဟု ပြောကြားသည်။

ချိုနန် သင်္ဘောကိစ္စနှင့် ပတ်သက်၍ သမ္မတ အိုဘားမားက တရုတ်သမ္မတ ဟူကျင်းတောင်နှင့် တဲ့တိုး ပြောဆို ဆွေးနွေးခဲ့ခြင်းကြောင့် မြောက်ကိုရီးယား၏ စိတ်ဓာတ် စစ်ဆင်ရေး ကြေညာချက် နှစ်ခု ထွက်ပေါ်လာခြင်း ဖြစ်သည်။

ကုလ လုံခြုံရေးကောင်စီ၏ တညီတညွတ်တည်း တုံ့ပြန် အရေးယူမှုအတွက် တရုတ်နိုင်ငံ၏ ရပ်တည်မှုကို အရေးတကြီး လိုအပ်နေခြင်းမှာ ၎င်းတွင် ဗီတိုအာဏာ ပိုင်ဆိုင်ထားသောကြောင့် ဖြစ်သည်။

ဘေဂျင်းသည် ၎င်း၏ အိမ်နီးချင်း ဆင်းရဲသားနိုင်ငံ ပြိုလဲသွားမည်ကို စိုးရိမ်သောကြောင့် ပြုံးယမ်းအပေါ် ပြင်းထန်သော အရေးယူမှုများကို ယခင်က ကန့်ကွက်ခဲ့သည်။

သမ္မတ အိုဘားမားက "၎င်းအနေဖြင့် တရုတ်နိုင်ငံ၏ အနေအထားကို နားလည် သဘောပေါက်သော်လည်း ယခုကိစ္စတွင် သည်းခံ စိတ်ရှည်ခြင်းနှင့် ပြဿနာ တာရှည်အောင် တမင်တကာ မျက်စိမှိတ်ထားခြင်း နှစ်ခုမှာ ကွဲပြား ခြားနားသည်" ဟု ပွင့်ပွင့်လင်းလင်း ပြောဆိုလိုက်သည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Mizzima News, 28th June 2010

ဒီမိုကရေစီ လှုပ်ရှားမှု ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံရန် ဥရောပ သမဂ္ဂက တောင်းဆိုထားမှုကို မြန်မာ စစ်ဖက် အုပ်ချုပ်သူများက ငြင်းဆိုလိုက်ပြီးနောက် ဥရောပ သမဂ္ဂ အဆင့်မြင့် ကိုယ်စားလှယ်အဖွဲ့ မြန်မာနိုင်ငံသို့ သွားရောက်ရန် စီစဉ်ထားသော ခရီးစဉ်ကို လတ်တလော ပယ်ဖျက်လိုက်သည်။

စပိန်နိုင်ငံက လက်ရှိ တာဝန်ယူထားသော အီးယူ ဥက္ကဌ၏ ကိုယ်စား မြန်မာနိုင်ငံဆိုင်ရာ ဂျာမန် သံအမတ်ကြီး Julius Georg Luy သည် ကမ္ဘာ့အကျော်ကြားဆုံး နိုင်ငံရေး အကျဉ်းသား ဒေါ်အောင်ဆန်းစုကြည်နှင့် တွေ့ဆုံခွင့် ရရန် ဇွန်လ ၁၅ ရက်တွင် နေပြည်တော်၌ မြန်မာအစိုးရ SPDC နိုင်ငံခြားရေး ဦးဥာဏ်ဝင်းအား တောင်းဆိုခဲ့သည်။ ဤသည်မှာ အဆင့်မြင့် အီးယူ ခရီးစဉ်၏ အစိတ်အပိုင်းတစ်ခု ဖြစ်သော်လည်း ရက်မသတ်မှတ် ရသေးသည့် ရွေးကောက်ပွဲများ မတိုင်မီ လပိုင်း အလိုတွင် ယင်းသို့ တောင်းဆိုလာခြင်းကို မြန်မာ အစိုးရက ငြင်းဆိုလိုက်သည်။

SPDC သည် မြန်မာ စစ်ဖက် အုပ်ချုပ်သူများက ၎င်းတို့ကိုယ် ၎င်းတို့ ပေးထားသော အမည် ဖြစ်သည်။

"ဒေါ်အောင်ဆန်းစုကြည်နဲ့ တွေ့ခွင့်ပြုဖို့ မြန်မာ အစိုးရက ငြင်းပယ်လိုက်တာကြောင့် ဒါမှမဟုတ် တခြား အကြောင်းရင်းတွေကြောင့် အစည်းအဝေးကို ဖျက်/မဖျက် ဆိုတာကို ကျွန်မ မှတ်ချက်မပေးနိုင်ပါဘူး" ဟု အီးယူ ဌာနေ ကိုယ်စားလှယ် ပြောရေးဆိုခွင့်ရှိသူ Suvi Seppalainen က ပြောကြားသည်။

ဗုဒ္ဓဟူးနေ့တွင် ကုန်ဆုံးမည့် စပိန်နိုင်ငံ၏ အီးယူ ဥက္ကဌ သက်တမ်းအတွင်း အဆင့်မြင့် အစည်းအဝေး ဖြစ်နိုင်ဖွယ် မရှိဟု သူမက ဆက်လက် ပြောကြားခဲ့သော်လည်း ထပ်မံ စီစဉ်ဖွယ် ရှိမရှိကို မခန့်မှန်းနိုင်ဟုလည်း ဆိုသည်။ အဆိုပြုထားသော တွေ့ဆုံမှု အစီအစဉ်တွင် သူမ ပါဝင်ခြင်း မရှိ၍ ဒေါ်အောင်ဆန်းစုကြည်နှင့် မည်သည့် အကြောင်းအရာများ ဆွေးနွေးမည် ဆိုသည်ကို သူမ သိရှိခြင်း မရှိပါ။

"သူတို့ တွေ့ဆုံချင်တဲ့ စာရင်းမှာ ဘာကြောင့် "Lady" က ထိပ်ဆုံးက ပါနေတာလဲ ဆိုတာကတော့ လုံးဝ ရှင်းပါတယ်။ ဒါပေမယ့် ဒီတောင်းဆိုမှုကို အစိုးရက ပိတ်ငြင်းလိုက်တာကတော့ စိတ်မကောင်းစရာပါ" ဟု သူမက ဆိုသည်။

မှတ်ချက်ပေးရန် အတွက် အစိုးရ နိုင်ငံခြားရေး ဝန်ကြီးဌာနကမူ လက်လှမ်းမှီမည် မဟုတ်ပါ။

အီးယူနှင့် ဒေါ်အောင်ဆန်းစုကြည် တွေ့ဆုံခွင့်ကို ပိတ်ပင်ခဲ့သည့် မြန်မာအစိုးရ၏ ဆုံးဖြတ်ချက်ကို တုန့်ပြန်သည့် အနေဖြင့် NCUB နှင့် မြန်မာ ဒီမိုကရေစီ ထောက်ခံသူ အုပ်စုများ၊ နိုင်ငံရေး အတိုက်အခံ အုပ်စုများ သမဂ္ဂတို့က မြန်မာ စစ်ဖက် အစိုးရကို ပြစ်တင် ရှုတ်ချသည့် ကြေညာချက် ထုတ်ပြန်ခဲ့ကြသည်။

NCUB ၏ ပူးတွဲ အထွေထွေ အတွင်းရေးမှူး (၁)၊ NLD လွတ်မြောက်နယ်မြေမှ မြင့်သိန်းက အီးယူအား "နိုင်ငံတကာ တောင်းဆိုမှုများကို ထပ်မံ အတည်ပြုရန်နှင့် အစိုးရ၏ ရွေးကောက်ပွဲ အပါအဝင် ရလဒ်များကို ကန့်ကွက်ရန်" တောင်းဆိုလိုက်သည်။

"သူတို့မှာ ဒေါ်အောင်ဆန်းစုကြည်နဲ့ အခြား နိုင်ငံရေး အကျဉ်းသားတွေကို လွှတ်ပေးဖို့ အစီအစဉ် မရှိသေးပါဘူး။ သူမကို လွှတ်ပေးပြီး တွေ့ဆုံ ဆွေးနွေးဖို့ ကမ္ဘာ့ခေါင်းဆောင်တွေက အဆိုပြုတာတွေကိုလည်း ငြင်းပယ်ခဲ့ကြပါတယ်" ဟု ၎င်းက စစ်ဖက် အစိုးရကို အပြစ်တင်လိုက်သည်။

"ရွေးကောက်ပွဲများသည် လွတ်လပ်၊ မျှတမှု ရှိမည် မဟုတ်ကြောင်း၊ မြန်မာနိုင်ငံ၏ နိုင်ငံရေး အနေအထားကို ပြောင်းလဲစေမည့် ဆောင်ရွက်ချက် မှန်သမျှကို စစ်တပ်က အကြိမ်ကြိမ် ငြင်းဆန်ခဲ့ကြောင်း" မြင့်သိန်းက ဆက်လက် ပြောကြားသည်။ အထက်ပါ အကြောင်းများကြောင့် မြန်မာ အစိုးရ အပေါ် တင်းမာပြတ်သားစွာ ရပ်တည်ကြရန် အီးယူ အပါအဝင် နိုင်ငံတကာ အသိုင်းအဝိုင်းကို ၎င်းက တောင်းဆိုခဲ့သည်။ သို့ရာတွင် ရွေးကောက်ပွဲ ရလဒ်များ ပယ်ချရေးနှင့် ပတ်သက်ပြီး အီးယူက ယခုတိုင် ပြောကြားခြင်း မရှိသေးပါ။

"မရင့်ကျက်သေးပါဘူး။ နုပါသေးတယ်" ဟု Seppalainen က ဆိုသည်။ မည်သို့ပင်ဖြစ်စေ အီးယူက ၎င်း၏ သဘောအတိုင်း ရပ်တည်သွားမည်သာ ဖြစ်သည်။ "လွတ်လပ်၊ မျှတတဲ့ ရွေးကောက်ပွဲတွေ ဖြစ်လာဖို့ ကျွန်မတို့ တောင်းဆိုနေပါတယ်။ ဒါဟာ အီးယူရဲ့ လက်ရှိ ရပ်တည်ချက် ဖြစ်ပြီး ပြောင်းလဲဖို့ မရှိပါဘူး" ဟု သူမက ပြောကြားသည်။

နိုဘယ်ဆုရှင် ဒေါ်အောင်ဆန်းစုကြည်ကို မြန်မာအစိုးရက ပုံစံ အမျိုးမျိုးဖြင့် ၁၅ နှစ်ခန့် တားဆီး ထိန်းသိမ်းခဲ့ပြီး ယခုတိုင် နေအိမ် အကျယ်ချုပ် ကျခံနေရဆဲ ဖြစ်သည်။ သူမ၏ NLD ပါတီသည် ၁၉၉၀ ရွေးကောက်ပွဲတွင် အပြတ်အသတ် အနိုင်ရခဲ့သော်လည်း စစ်ဖက် အုပ်ချုပ်သူများက အစိုးရဖွဲ့ခွင့် မပေးခဲ့ဘဲ NLD ပါတီဝင် များစွာကို ထောင်သွင်း အကျဉ်းချခဲ့သည်။

ရွေးကောက်ပွဲ ဝင်မည် ဆိုပါက ပြစ်ဒဏ် ကျခံနေရသူများကို ပါတီမှ ထုတ်ပယ်ရမည်ဟု မမျှမတ ဖိအားပေးထားသော ရွေးကောက်ပွဲ ဥပဒေ၏ အောက်တွင် မှတ်ပုံတင်ရန် NLD က ငြင်းဆန်ခဲ့ပြီးနောက်တွင် မေလ ၆ ရက်နေ့၌ စစ်ဖက် အုပ်ချုပ်သူများက ပါတီကို အဓမ္မ ဖျက်သိမ်းခဲ့သည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

တောင်-မြောက်ကိုရီးယား နှစ်နိုင်ငံအား ကန့်သတ် ပိုင်းခြားထားသော နယ်စပ်ဒေသရှိ စစ်မက် ကင်းစင်ရေး ဇုန်အတွင်းသို့ အမေရိကန် စစ်တပ်က လက်နက်ကြီးများ သယ်ဆောင်လာမှုကို မြောက်ကိုရီးယား ကွန်မြူနစ်အစိုးရက အပြင်းအထန် ပြစ်တင် ဝေဖန်လျက် ရှိကြောင်း နိုင်ငံပိုင် မီဒီယာက ရေးသား ဖော်ပြသည်။

အမေရိကန် တပ်ဖွဲ့များသည် ဇွန်လ ၂၇ ရက်နေ့ နံနက် စောစောပိုင်းတွင် Panmunjom ဒေသသို့ လက်နက်များ သယ်ဆောင်လာသည်ဟု မြောက်ကိုရီးယားပိုင် KCNA သတင်းဌာနက ဖော်ပြသည်။ အမေရိကန် စစ်ဘက် ပြောရေးဆိုခွင့် ရှိသူအား အဆိုပါ ကိစ္စနှင့် ပတ်သက်၍ ထင်မြင် သုံးသပ်ချက် ပေးရန် ကြိုးပမ်းခဲ့သော်လည်း ၎င်းက တုံ့ပြန်မှု တစ်စုံတရာ မပြုလုပ်ခဲ့ပေ။

"တောင်နှင့် မြောက်ကိုရီးယား လက်နက်ကိုင် တပ်ဖွဲ့များ ထိပ်တိုက် ရင်ဆိုင်မှုများ ကြုံတွေ့နေရသည့် ဒေသသို့ အမေရိကန် စစ်တပ်က လက်နက်ကြီးများ သယ်ဆောင်လာခြင်းသည် စစ်ရေး ပဋိပက္ခနှင့် စစ်မီးပွား စတင် ပေါ်ပေါက်စေရန် အဓိက ဦးတည်ခြင်း ဖြစ်သည်" ဟု မြောက်ကိုရီးယား သတင်း အေဂျင်စီက ဆိုသည်။

မြောက်ကိုရီးယား စစ်ဘက် အရာရှိကြီးများက "အကယ်၍ အမေရိကန်တို့၏ လက်နက်ကြီးများ အဆိုပါ ဒေသမှ မဖယ်ရှားပါက မိမိတို့ အနေဖြင့် ပြင်းထန်သော စစ်ရေး လုပ်ဆောင်ချက်များဖြင့် တုံ့ပြန်သွားမည် ဖြစ်သည်" ဟု ဆိုသည်။

ပြီးခဲ့သည့် မတ်လ တောင်ကိုရီးယားပိုင် ချိုနန် စစ်သင်္ဘော နစ်မြုပ်ခဲ့ပြီးနောက် ကိုရီးယား ကျွန်းဆွယ်တွင် တင်းမာမှုများ အလွန်အမင်း ကြီးထွားလျက် ရှိသည်။ လူပေါင်း ၄၆ ဦး သေဆုံးခဲ့ရသော ချိုနန် စစ်သင်္ဘော နစ်မြုပ်မှုသည် မြောက်ကိုရီးယားကြောင့် ဖြစ်သည်ဟု တောင်ကိုရီးယားက ပြစ်တင် ပြောဆိုလျက် ရှိသည်။ သို့သော် ပြုံးယမ်း အစိုးရက မိမိတို့၏ လက်ချက် မဟုတ်ကြောင်း ငြင်းဆိုထားသည်။

လွန်ခဲ့သည့် ရက်သတ္တပတ်က ကျင်းပသော ထိပ်သီး ဆွေးနွေးပွဲတွင် ဂျီ-၈ နိုင်ငံ ခေါင်းဆောင်များက မြောက်ကိုရီးယား အစိုးရကို ပြစ်တင် ဝေဖန်ခဲ့ကြသည်။

"ယခုလို ဖြစ်ရပ်သည် ဒေသတွင်း ငြိမ်းချမ်းရေးနှင့် လုံခြုံရေးကို စိန်ခေါ်မှုတစ်ရပ်ပင် ဖြစ်သည်" ဟု ဂျီ-၈ ခေါင်းဆောင်များက ပူးတွဲ ကြေညာချက် တစ်ရပ် ထုတ်ပြန်သည်။

"ကိုရီးယား ဒီမိုကရက်တစ် ပြည်သူ့ သမ္မတနိုင်ငံ အနေဖြင့် အလားတူ တိုက်ခိုက်မှုများ ထပ်မံ မပြုလုပ်ရန်နှင့် တောင်ကိုရီးယား နိုင်ငံအပေါ် ရန်ပြု ခြိမ်းခြောက်မှုများ ထပ်မံ မပြုလုပ်ရန် ကျွန်ုပ်တို့ တောင်းဆိုအပ်သည်" ဟု ကြေညာချက်တွင် ဖော်ပြသည်။

CNN သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

အမေရိကန် ပြည်ထောင်စုသို့ လာရောက် လည်ပတ်ရန် သမ္မတ အိုဘားမား၏ ဖိတ်ကြားချက်ကို တရုတ်ပြည်သူ့ သမ္မတနိုင်ငံ၊ သမ္မတ ဟူဂျင်တောင်က လက်ခံလိုက်ပြီ ဖြစ်ကြောင်း အိမ်ဖြူတော်က သတင်း ထုတ်ပြန်သည်။

အဆိုပါ ဖိတ်ကြားမှုကို ကနေဒါ နိုင်ငံတွင် ကျင်းပ ပြုလုပ်သော ဂျီ-၂၀ ထိပ်သီး ဆွေးနွေးပွဲ ကာလအတွင်း ပြုလုပ်ခဲ့ခြင်း ဖြစ်သည်။ ယခုအခါ သမ္မတ ဟူဂျင်တောင်၏ ခရီးစဉ် အတွက် အချိန်ဇယားကို နှစ်နိုင်ငံအရာရှိကြီးများ စီစဉ် သတ်မှတ်ရတော့မည် ဖြစ်သည်။ အဆိုပါ ခရီးစဉ်သည် သမ္မတ အိုဘားမား လက်ထက်အတွင်း တရုတ်သမ္မတ ဟူဂျင်တောင်၏ ပထမဆုံး အမေရိကန် ခရီးစဉ် ဖြစ်ကြောင်း သိရသည်။

တရုတ်နိုင်ငံသည် ယခင် ဘဏ္ဍာရေး မူဝါဒကို ပြောင်းလဲပြီး နိုင်ငံသုံး ငွေကြေးအား နိုင်ငံတကာ ဈေးကွက် ပေါက်ဈေးအတိုင်း လဲလှယ်ခွင့် ပြုရန် သဘောတူညီထားသည်။ ယခင် တရုတ်အစိုးရက ယွမ်ငွေတန်ဖိုး နှိမ့်ချ သတ်မှတ်ခဲ့ခြင်းသည် အမေရိကန်နှင့် တရုတ် ကုန်သွယ်မှုကို မမျှမတ ဖြစ်စေကြောင်း စီးပွားရေး ပညာရှင်များက ဝေဖန်ခဲ့ကြသည်။

"အမေရိကန် ပြည်ထောင်စုကို လာရောက် လည်ပတ်ဖို့ သမ္မတ အိုဘားမားက တရုတ်သမ္မတ ဟူဂျင်တောင်ကို ကမ်းလှမ်းခဲ့ပါတယ်။ ကမ်းလှမ်းချက်ကို သမ္မတ ဟူဂျင်တောင်က လက်ခံခဲ့ပြီး ဖြစ်ပါတယ်။ အဲဒါကြောင့် ခရီးစဉ် အချိန်ကာလ သတ်မှတ်ဖို့ နှစ်နိုင်ငံ ပူးပေါင်း ဆောင်ရွက်သွားရမှာ ဖြစ်ပါတယ်" ဟု အမေရိကန် အိမ်ဖြူတော် မှ Jeffrey Bader က အတည်ပြု ပြောဆိုသည်။

ငွေကြေး လဲလှယ်မှုနှုန်းကို ပြုပြင် ပြောင်းလဲလွယ်အောင် ထားရှိပေးမည် ဟူသော တရုတ်အစိုးရ၏ မူဝါဒကို ကြိုဆိုကြောင်း သမ္မတအိုဘားမားက မစ္စတာ ဟူဂျင်တောင်ကို ဂျီ-၂၀ ထိပ်သီး ဆွေးနွေးပွဲတွင် ပြောဆိုခဲ့သည်။ တရုတ်၏ ဘဏ္ဍာရေးဆိုင်ရာ အဆိုပါ လုပ်ဆောင်ချက်သည် လွန်စွာမှ အရေးကြီးသည်ဟု အိမ်ဖြူတော်မှ Jeffrey Bader က ဆက်လက် ပြောဆိုသည်။

BBC သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ဥပဒေ စည်းမျဉ်းစည်းကမ်း မရှိမှုနှင့် စနစ်တကျ အဂတိ လိုက်စားမှုများ ဒွန်တွဲနေခြင်းကြောင့် မြန်မာနိုင်ငံတွင် လူ့အခွင့်အရေး ကိစ္စရပ်များ ပိတ်ပင်ခံနေရကြောင်း Asian Legal Resource Centre (ALRC) က ကုလသမဂ္ဂကို ပြောဆိုလိုက်သည်။

ကုလသမဂ္ဂ အဖွဲ့ဝင် နိုင်ငံများ အနေဖြင့် နိုင်ငံတကာ ဥပဒေများနှင့် ကိုက်ညီမှုရှိ၊ မရှိ လေ့လာ ဆန်းစစ်သည့် စံချိန်စံနှုန်းများနှင့် အညီ ရီဗျူးလုပ်ပြီး ကုလသမဂ္ဂ လူ့အခွင့်အရေး ကောင်စီသို့ စာမျက်နှာ ငါးမျက်နှာပါ အစီရင်ခံစာ တစ်ရပ် တင်သွင်းခဲ့ခြင်း ဖြစ်သည်။ ထို့ပြင် ၂၀၀၈ ခုနှစ် ဖွဲ့စည်းပုံ အခြေခံဥပဒေနှင့် အခြားသော ဥပဒေ ၁၉ မျိုးကို ဖိုးကပ်စ် လုပ်ထားသည့် စာမျက်နှာ ၃၀ ပါ နောက်ဆက်တွဲ အစီရင်ခံစာကိုလည်း ထည့်သွင်း ဖော်ပြသည်။

ALRC အဖွဲ့၏ အဆိုအရ ကုလ လူ့အခွင့်အရေး ကောင်စီက နိုင်ငံရေး ပါတီများသည် နိုင်ငံတကာ ဥပဒေ စံချိန်စံနှုန်းများနှင့် ကိုက်ညီအောင် လုပ်ဆောင်နိုင်သူများအဖြစ် မျှော်မှန်း သတ်မှတ်ထားသော်လည်း မြန်မာနိုင်ငံတွင် ဆန့်ကျင်ဘက် သဘောမျိုးကို တွေ့ရှိရကြောင်း သိရသည်။ "မြန်မာနိုင်ငံတွင် လူ့အခွင့်အရေးကို အကာအကွယ် ပေးနိုင်သည့် ဥပေဒ စည်းမျဉ်း စည်းကမ်းများ အားနည်းနေသည်" ဟု ALRC က ဆိုသည်။

မြန်မာနိုင်ငံသည် လွတ်လပ်ပြီး ဘက်လိုက်မှု မရှိသော တရားစီရင်ရေး မဏ္ဍိုင် မရှိသည့် နိုင်ငံ တစ်နိုင်ငံ ဖြစ်သည် ဟု ဟောင်ကောင် အခြေစိုက် ALRC အဖွဲ့က ပြောကြားသည်။

"မြန်မာနိုင်ငံ ရဲတပ်ဖွဲ့သည် စစ်တပ်အသွင် ဆောင်နေသည်။ လူ့အခွင့်အရေး ချိုးဖောက်မှုများကို စနစ်တကျ ပြုလုပ်လျက် ရှိသည်။ အမှားကို အမှန်ဖြစ်အောင် ထိထိ ရောက်ရောက် လုပ်ဆောင်ပေးနိုင်သည့် နည်းလမ်းများ လျော့နည်းနေသည်" ဟု အစီရင်ခံစာကို နိဂုံးချုပ် ရေးသားသည်။

ALRC ၏ မြန်မာနိုင်ငံ လူ့အခွင့်အရေး ကိစ္စအပေါ် တရားဝင် အသိအမှတ်ပြု လက်ခံလာအောင် အကောင်အထည်ဖော် ဆောင်ရွက်ရာတွင် အဓိက အဟန့်အထားကြီး နှစ်ရပ် ရှိနေသည်ကို တွေ့ရကြောင်း အစီရင်ခံစာတွင် ဖော်ပြသည်။

ယင်းအဟန့်အတား နှစ်ရပ်မှာ-- နံပါတ် (၁) ဥပဒေ စည်းမျဉ်း စည်းကမ်းများသည် အာဏာပိုင်များ၏ လုပ်ပိုင်ခွင့် တစ်ရပ်အဖြစ် တည်ရှိနေသောကြောင့် တရားစီရင်ရေး အခန်းကဏ္ဍသည် ဥပဒေ ပြဋ္ဌာန်းရေးထက် မူဝါဒ ချမှတ်ရေး အသွင် ဆောင်နေခြင်း၊ နံပါတ် (၂) အဂတိ လိုက်စားမှုများ စနစ်တကျ ဖြစ်ပေါ်နေခြင်း စသည်တို့ ဖြစ်သည်။

မြန်မာနိုင်ငံ၏ ဖွဲ့စည်း အုပ်ချုပ်ပုံ အခြေခံ ဥပဒေသည် အခွင့်အရေးများ အားလုံးကို မသိကျိုးနွံ ပြုစေသော စာရွက်စာတမ်း တစ်ခုမျှသာ ဖြစ်သည်ဟု ALRC က ဆိုသည်။

ကုလသမဂ္ဂ လူ့အခွင့်အရေး ကောင်စီသည် မြန်မာနိုင်ငံတွင်း လူ့အခွင့်အရေး ချိုးဖောက်မှုများကို အတိုင်းအတာ တစ်ခုအထိ ထုတ်ဖော်ရန် ပျက်ကွက်ခဲ့ကြောင်း၊
မြန်မာနိုင်ငံတွင်း လူ့အခွင့်အရေး အခြေအနေများ တိုးတက် ကောင်းမွန်လာအောင် လုပ်ဆောင်နိုင်မည့် မဟာဗျူဟာများ ချမှတ်နိုင်မည့် နည်းလမ်းများလည်း မရှိကြောင်း သုံးသပ် ဝေဖန်သည်။

မြန်မာနိုင်ငံတွင် သိသာ ထင်ရှားသော နိုင်ငံရေး ပြောင်းလဲမှုများ မရှိသော်လည်း လူ့အခွင့်အရေး အခြေအနေများ တိုးတက် ကောင်းမွန်လာအောင် ထူးထူးခြားခြား လုပ်ဆောင်ပေးနိုင်မှုလည်း လူ့အခွင့်အရေး ကောင်စီတွင် မရှိကြောင်း ALRC က သတိပေး ပြောဆိုသည်။

လူ့အခွင့်အရေး ကောင်စီ အနေဖြင့် အခြားသော ကုလသမဂ္ဂ အဖွဲ့အစည်းများနှင့် အနီးကပ် ပူးပေါင်း ဆောင်ရွက်ကာ မြန်မာနိုင်ငံတွင်း လူ့အခွင့်အရေး ပြဿနာများ အဆုံးသတ်နိုင်သည်အထိ လုပ်ဆောင်ရန် လိုအပ်သည်ဟု အစီရင်ခံစာတွင် တိုက်တွန်းထားသည်။

မြန်မာနိုင်ငံ လူ့အခွင့်အရေး ကိစ္စများကို ကာလ ကြာရှည်စွာ အသေးစိတ် လေ့လာမှု၊ ကျွမ်းကျင်သူများ၏ အကဲဖြတ်မှု၊ လူ့အခွင့်အရေး ပြဿနာ ရာပေါင်းများစွာကို ခွဲခြမ်း လေ့လာမှု အစရှိသည်တို့ ပြုလုပ်ပြီးမှ အဆိုပါ အစီရင်ခံစာကို ထုတ်ဖော် ရေးသားခဲ့ခြင်း ဖြစ်သည်ဟု ALRC က ဆိုသည်။

ALRC ၏ Press Release ကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြောက်ကိုရီးယားကြောင့် တောင်ကိုရီးယား ချိုနန် စစ်သင်္ဘော နစ်မြုပ်ရသည် ဟူသော စွပ်စွဲ ပြောဆိုချက်များနှင့် ပတ်သက်၍ တရုတ်နိုင်ငံ သမ္မတ ဟူဂျင်းတောင်နှင့် ပွင့်ပွင့်လင်းလင်း ပြောဆို ဆွေးနွေးခဲ့ကြကြောင်း အမေရိကန် သမ္မတ ဘားရက် အိုဘားမားက ဆိုသည်။

ချိုနန် စစ်သင်္ဘော နစ်မြုပ်မှုအပေါ် တရုတ်နိုင်ငံက သုံးသပ်ချက် တစ်စုံတရာ မပေးဘဲ ကန့်သတ် ထိန်းချုပ်ထားခြင်းကို နားလည် သဘောပေါက်ကြောင်း အိုဘားမားက ဆိုသည်။ အိမ်နီးချင်း နိုင်ငံအပေါ် အရေးစိုက်မှု ဟူသော အကြောင်း ကိစ္စကြောင့် တရုတ်က ယင်းသို့ ရပ်တည်နေခြင်း ဖြစ်သည်ဟု ဆိုသည်။

သို့သော် ယင်းသို့ ထိန်းချုပ် စောင့်စည်းနေမှုသည် "စိတ်ပါလက်ပါ မမြင်ချင်ယောင် ဆောင်မှု" တစ်ခုပင် ဖြစ်သည်ဟု အိုဘားမားက သတ်မှတ် ပြောဆိုသည်။

ချိုနန် စစ်သင်္ဘော နစ်မြုပ်မှုအတွက် မိမိတို့တွင် တာဝန် ရှိသည်ဟူသော စွပ်စွဲချက်မှာ မဟုတ်မမှန်ကြောင်း မြောက်ကိုရီးယားက ငြင်းပယ်ထားသည်။ အမေရိကန် ပြည်ထောင်စု၏ ရန်ပြုလိုမှုကို တုံ့ပြန်သည့် အနေဖြင့် နျူကလီယာ ဟန့်တားမှု တစ်ရပ်အတွက် ပြင်ဆင်တော့မည် ဖြစ်ကြောင်း နိုင်ငံခြားရေး ဝန်ကြီးဌာနက ကြေညာချက် တစ်စောင် ထုတ်ပြန်သည်။

စည်းဘောင်ကျော်မှု

ကုလသမဂ္ဂ လုံခြုံရေး ကောင်စီက မြောက်ကိုရီးယား နိုင်ငံကို ပြစ်တင် ကန့်ကွက်မည့် ဆုံးဖြတ်ချက် ချမှတ်ရာတွင် တရုတ်နိုင်ငံ အထောက်အပံ့ ပေးလာရန် အမေရိကန် ပြည်ထောင်စုက လိုလားလျက် ရှိသည်။

ဂျီ-၂၀ ထိပ်သီး ဆွေးနွေးပွဲပြီးနောက် ပြုလုပ်သော သတင်းစာ ရှင်းလင်းပွဲတွင်
"ချိုနန် စစ်သင်္ဘော နစ်မြုပ်မှုကို မြောက်ကိုရီးယား နိုင်ငံ၏ စည်းဘောင်ကျော်သည့် လုပ်ရပ် တစ်ခုအဖြစ် တရုတ်နိုင်ငံ သမ္မတ ဟူဂျင်တောင်က အသိအမှတ်ပြု လက်ခံ လာလိမ့်မည်ဟု မျှော်လင့်ကြောင်း" အိုဘားမားက ဆိုသည်။

နိုင်ငံတကာ စုံစမ်း စစ်ဆေးရေး အဖွဲ့ အဆိုအရ တောင်ကိုရီးယား စစ်သင်္ဘောသည် မြောက်ကိုရီးယား တော်ပီတိုဖြင့် တိုက်ခိုက်ခံရခြင်း ဖြစ်သည်။ ဂျပန်နိုင်ငံ ဝန်ကြီးချုပ်သစ် နာတိုကန်ကလည်း ချိုနန် စစ်သင်္ဘော ကိစ္စအတွက် မြောက်ကိုရီးယားပေါ် လိုအပ်သော ပြစ်တင် ရှုတ်ချမှုများ ပြုလုပ်ရန် တရုတ်နိုင်ငံကို တိုက်တွန်းထားကြောင်း ပြောကြားသည်။

ဇွန်လ ၂၆ ရက်နေ့တွင် အမေရိကန် သမ္မတ အိုဘားမားက မြောက်ကိုရီးယားသည် ချိုနန် နစ်မြုပ်မှုအတွက် မဖြစ်မနေ တာဝန်ယူရမည် ဖြစ်သည်ဟု ဆိုသည်။ မိမိသည် တောင်ကိုရီးယား သမ္မတ လီမြောင်ဘတ်နှင့်အတူ ရပ်တည်ခဲ့ပြီး မြောက်ကိုရီးယား အစိုးရ၏ တာဝန် မယူတတ်သော အပြုအမူကို ပြစ်တင် ရှုတ်ချခဲ့ကြောင်း ပြောသည်။

ဂျီ-၈ နိုင်ငံ ခေါင်းဆောင်များကလည်း အဆိုပါ စစ်သင်္ဘော တိုက်ခိုက်ခံရမှုကို ပြစ်တင် ရှုတ်ချသည့် ကြေညာချက် တစ်စောင် ထုတ်ပြန်ခဲ့သည်။

"မြောက်ကိုရီးယား နိုင်ငံက လုပ်ဆောင်ခဲ့သော နျူကလီယာနှင့် ဒုံးကျည် စမ်းသပ်မှုများသည် ဒေသတွင်း တင်းမာမှုများကို ပိုမို ဖြစ်ပေါ်စေခဲ့ပြီး နိုင်ငံတကာ ငြိမ်းချမ်းရေးနှင့် လုံခြုံရေးကိုလည်း ဆက်လက် ခြိမ်းခြောက်လျက် ရှိသည် ဟူသော အချက်ကို လွန်စွာ စိုးရိမ်ပူပန်မိသည်" ဟု ဂျီ-၈ ခေါင်းဆောင်များ၏ ကြေညာချက်က ဆိုသည်။

BBC သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.