Transparency Myanmar

transparency.myanmar@gmail.com

အရှေ့တောင်အာရှ ဒေသ တစ်ဝန်းတွင် အနောက်တိုင်း အမြန်ပြင် အစားအစာများ (Fast Food) များ ရေပန်းစား လူကြိုက်များမှု ကြီးထွားလာမှုက ဆီးချိုရောဂါ ဖြစ်ပွားမှုနှုန်း မြင့်မားလာအောင် တွန်းအားပေးနေကြောင်း သြစတြေးလျ သုတေသန ပညာရှင်များက ဇူလိုင်လ ၆ ရက်နေ့တွင် ပြောကြားသည်။

ဗီယက်နမ်နိုင်ငံ၊ ဟိုချီမင်းမြို့တွင် အမျိုးသား ၁၁ ရာခိုင်နှုန်းနှင့် အမျိုးသမီး ၁၂ ရာခိုင်နှုန်းတို့သည် ဆီးချိုရောဂါ အမျိုးအစား -၂  ဖြစ်ပေါ်နေသည်ကို မသိရှိဘဲ နေထိုင်နေသည်ကို တွေ့ရပြီး လူပေါင်း ၄ ရာခိုင်နှုန်းမှာ ဆီးချိုရောဂါ လက္ခဏာများ ဖြစ်ပေါ် ခံစားနေရကြောင်း လေ့လာ သုတေသနပြုမှုများက ဆိုသည်။

ဗီယက်နမ်တွင် နေ့စဉ် စားသောက်မှု ပုံစံမှာ ယခုနှစ်များ အတွင်း သိသိသာသာ ပြောင်းလဲလာသည်။ အထူးသဖြင့် အနောက်တိုင်း ပိုဆန်လာသည့် မြို့ကြီးပြကြီးများတွင် ဖြစ်သည်ဟု Sydney Garvan Institute of Medical Research မှ Tuan Nguyen က ပြောကြားသည်။

"Fast Food နဲ့ ပတ်သက်တဲ့ ကြော်ငြာစာရွက်တွေ နေရာတိုင်းလိုလို တွေ့ရတယ်" ဟု ၎င်းက ပြောသည်။  အဆိုပါ လေ့လာ တွေ့ရှိချက်များသည် ဗီယက်နမ် အမျိုးသား ၇၂၁ ဦး နှင့် အမျိုးသမီး ၁၄၂၁ ဦးတို့ကို အလျင်းသင့်သလို စမ်းသပ်မှုများ ပြုလုပ်ခဲ့ရမှ ရရှိခဲ့ခြင်း ဖြစ်သည်။ ထိုင်းနိုင်ငံတွင်လည်း အလားတူ သုတေသန ပြုလုပ်ချက်များ ဆောင်ရွက်ခဲ့ရာ ဗီယက်နမ်မှ တွေ့ရှိချက်များနှင့် တူညီနေကြောင်း Tuan Nguyen က ဆိုသည်။

"အဲဒါတွေကြောင့် အခြား အရှေ့တောင် အာရှနိုင်ငံတွေ ဖြစ်တဲ့ မလေးရှား၊ စင်ကာပူ၊ ကမ္ဘောဒီးယားနဲ့ လာအို အစရှိတဲ့ နိုင်ငံတွေရဲ့ အခြေအနေကို ကျွန်တော်တို့ ရထားတဲ့ တွေ့ရှိချက်တွေနဲ့ အခြေခံပြီး ခန့်မှန်းလို့ ကောင်းကောင်း ရပါတယ်" ဟုလည်း ဆက်လက် ပြောသည်။

အမျိုးအစား-၂ ဆီးချိုရောဂါသည် ဖြစ်လေ့ဖြစ်ထ ရှိသော ဆီးချိုမျိုးပင် ဖြစ်သည်။ အစားအစာတွင် အဆီနှင့် သကြားဓာတ် ပါဝင်မှုနှုန်း မြင့်လားခြင်း၊ လေ့ကျင့်ခန်း ပြုလုပ်မှု နည်းပါးခြင်းတို့ကြောင့် ဖြစ်ပြီး နှလုံးရောဂါ ဖြစ်ခြင်း၊ ခြေလက်အင်္ဂါများ ဖြတ်တောက်ရခြင်း၊ မျက်စိမှုန်ခြင်း၊ ကျောက်ကပ် ပျက်စီးခြင်း စသည်တို့ ဖြစ်ပေါ် ခံစားရတတ်သည်။

သုတေသန စာတမ်း ပြုစုရာတွင် ပူးပေါင်း ရေးသားခဲ့သူ Lesley Campbell က ဖွံ့ဖြိုးဆဲ နိုင်ငံများသည် ဝမ်းနည်းဖွယ် ဇာတ်လမ်းဖြင့် ရင်ဆိုင်နေရကြောင်း၊ တစ်ဖက်တွင် ငတ်မွတ် ခေါင်းပါးမှု၊ ဆင်းရဲ မွဲတေမှုတို့ကို ခံစားနေရချိန်တွင် အခြားတစ်ဖက်၌ အနောက်နိုင်ငံများ၏ လူနေမှု ဘဝပုံစံများ ရိုက်ခတ်ခြင်း ခံနေရကြောင်း ပြောကြားသည်။

"ဖွံ့ဖြိုးဆဲ နိုင်ငံတွေရဲ့ မျိုးဆက် တစ်ခုလောက် ဆီးချိုရောဂါဖြစ်မှု မြင့်တက်လာတာကို တွေ့ရပါတယ်" ဟု ၎င်းက ဆိုသည်။

AFP သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

လွန်ခဲ့သော ရက်အနည်းငယ်က ကျွန်တော်၏ ငယ်သူငယ်ချင်း ဖြစ်သူ တက္ကသိုလ်ဆရာ ပါမောက္ခ တစ်ဦးနှင့် လက်ဖက်ရည်ဆိုင်တွင် တွေ့ကြရာ တွေ့လျှင် တွေ့ချင်း ဆိုသလို ပါမောက္ခကြီးက ကျွန်တော်ကို ဆောက်နှင့် ထွင်းပါတော့သည်။

 "မင်းတို့ နိုင်ငံရေး သမားတွေ ကလည်းကွာ အိမ်ကြက်ချင်း အိုးမဲ သုတ်ပေးတာကို မသိဘဲ အသေအကျေ ခွပ်နေကြတာကိုးကွ ဘယ်လိုဖြစ်ကြတာလဲကွာ" ဟု ပြောသည်။

 ကျွန်တော်မှာ ထောင်းခနဲ ဒေါသ ထွက်သွားသော်လည်း မတွေ့ရတာ ကြာပြီဖြစ်သည့် သူငယ်ချင်း ပါမောက္ခကြီးကို စိတ်ထိန်း၍ အကျိုးသင့် အကြောင်းသင့် ရှင်းပြခဲ့ရသည်။ မိမိတို့၏ NLD ပါတီအနေဖြင့် ရွေးကောက်ပွဲကို ၀င်ရောက် ယှဉ်ပြိုင်ခြင်း မပြုရခြင်း၏ အဓိက အကြောင်းရင်းမှာ တရားမျှတမှု မရှိသည့် အခြေခံ ဥပဒေနှင့် တရားမျှတမှု မရှိသော ရွေးကောက်ပွဲ ဥပဒေတို့ကို အခြေခံ၍ ကျင်းပသော ရွေးကောက်ပွဲနှင့် တက်လာသော အစိုးရသစ်တို့သည် တရားဝင်မှု မရှိကြောင်း နိုင်ငံတကာက သိရှိ အရေးယူ ဆောင်ရွက်စေလိုသောကြောင့် ဖြစ်သည်။

ပြောလိုသည်မှာ ဤရွေးကောက်ပွဲကြီးကို ၀င်ရောက် ယှဉ်ပြိုင်နေသူများ ရှိခဲ့လျှင် ရွေးကောက်ပွဲကြီးနှင့် အစိုးရသစ်တို့ တရားဝင် ဖြစ်သွားမည်ကို စိုးရိမ်သောကြောင့် NLD ပါတီဝင်ဟောင်းများ အနေနှင့် ထိုသို့ မပြုလုပ်ကြစေရန် ဆော်သြ နေခြင်းသာ ဖြစ်သည် ဆိုသော အချက် ဖြစ်သည်။

မိတ်ဆွေ ပါမောက္ခ ဖြစ်သူ၏ အသုံးအနှုန်း တစ်ခုမှာ အတော်လေး ပြင်းထန်သည် ဖြစ်၍ ကျွန်တော်မှာ ဒေါသကို မနည်း မျိုချနေရသည်။ ၎င်းက ဒီမိုကရေစီ အင်အားစု တစ်ခုက နောက် ဒီမိုကရေစီ အင်အားစု တစ်ခုကို ချေမှုန်း (ချေမှုန်း) နေသည်ကို မည်သို့မျှ ခံစား၍ မရကြောင်း ပြောရာ ကျွန်တော်က ထိုသို့ မချေမှုန်းရကြောင်း ရှင်းပြမိသည်။

"ခင်ဗျားတို့ ရည်ရွယ်ချက် ရှိရှိ ချေမှုန်းတာ မဟုတ်ဘူး ဆိုရင်တောင် အခြေအနေ ကတော့ အဲဒီလို ဖြစ်နေပြီ အဲဒါ ဘယ်လို လုပ်မလဲ" ဟု မိတ်ဆွေက ထပ်မံ၍ စွပ်စွဲနေသည်။ NLD ခေါင်းဆောင်များ၊ အထူးသဖြင့် အန်တီစုသည် ဤမျှ သေးသိမ်သူ မဟုတ်ပါ။ NLD ပါတီဝင် အချို့က စိတ်ခံစားမှုဖြင့် ပြောဆို လုပ်ကိုင်မှုများ ရှိကောင်း ရှိနိုင်သည့်တိုင် ဤကိစ္စသည် NLD ခေါင်းဆောင်များ အထူးသဖြင့် အန်တီစု၏ သဘောထား မဟုတ်ကြောင်း ကျွန်တော် အသေအချာ သိပါသည်။ NLD မှ
ခွဲထွက်သွားသော NDF ပါတီ အနေဖြင့် ရွေးကောက်ပွဲတွင် အလုံးအရင်းနှင့် အနိုင်ရခဲ့၍ နအဖ အစိုးရက အာဏာ လွှဲပေးခဲ့လျှင် အန်တီစုက ၀မ်းမြောက်ဝမ်းသာ ချီးကျူး ဂုဏ်ပြုမည်သာ ဖြစ်ကြောင်း အန်တီစုကို နှစ်ပေါင်းများစွာ သိရှိခဲ့သော NLD အဖွဲ့ဝင် တစ်ဦး အနေဖြင့် အသေအချာ ပြောရဲပါသည်။

ကျွန်တော်တို့ NLD ခေါင်းဆောင်ပိုင်း အားလုံးသည် ဦးခင်မောင်ဆွေ၊ ဦးသန်းညိမ်း တို့ကို စစ်အစိုးရနှင့် အပေးအယူ လုပ်ထားသည်ဟု စွပ်စွဲနေခြင်း မဟုတ်ပါ။ ခမောက်ကို လုနေခြင်းလည်း မဟုတ်ပါ။ ဦးအေးလွင်တို့ကဲ့သို့ ယောင်တော်ပြန် ဒီမိုကရေစီများ လိုဂို ဆင်တူရိုးမှား လုပ်ခဲ့သည်ကိုပင် ကျွန်တော်တို့ မကန့်ကွက်ခဲ့ပါ။ အခု ကိစ္စသည် ရွေးကောက်ပွဲ မဝင်စေရန် တားမြစ်နေခြင်းသာ ဖြစ်ပါသည်။

အန်တီစုနှင့် NLD ပါတီကို နှစ်ပေါင်းများစွာ ထောက်ခံ အားပေးခဲ့ကြသော ပြည်သူလူထုကြီးအား အဓိက ပြောကြားလိုသည်မှာ NLD သည် အချို့ အချို့သော လူတစ်စုက စွပ်စွဲနေသကဲ့သို့ ငါ့ရွှေခွက် ပြန်ပေးဟု ပြောကြားနေခြင်းလည်း မဟုတ်၊ ပြည်သူလူထုအပေါ် ကျောခိုင်းသွားခြင်းလည်း မဟုတ်ဘဲ  ရွေးကောက်ပွဲကို ဟန်ဆောင် ပန်ဆောင် လုပ်ပြနေသော နအဖ၏ လုပ်ရပ်ကို သက်သေ ထူခြင်းသာ ဖြစ်ကြောင်း ပြောကြား လိုပါသည်။ ရွေးကောက်ပွဲဝင်မည့် အမတ်လောင်းများ၊ ပါတီဝင်မည့် ပြည်သူများကို သက်ဆိုင်ရာ မြို့နယ် အာဏာပိုင်များက မည်သို့ ခြိမ်းခြောက်၍ ကြံ့ဖွံ့ပါတီ မနိုင်နိုင်အောင် လုပ်ကြမည်ကို သိရှိနေသောကြောင့် တားမြစ်သော ကိစ္စသည် အိမ်ကြက်ချင်း ခွပ်သည့် သဘော မဟုတ်ပါ။ ဤသို့ ၀ိုင်းဝန်း တားမြစ်သည့် ကြားမှ ရွေးကောက်ပွဲကြီး ဖြစ်မြောက် သွားခဲ့လျှင်မူကား ခြင်္သေ့စာ မမိဖို့ ခမောက် ဆောင်းထားကြရန် NLD ခေါင်းဆောင်များက ၀ိုင်းဝန်း ဆော်သြ ပေးကြမည်သာ ဖြစ်ကြောင်းကိုလည်း ပြောကြားလိုပါသည်။
       ကျွန်တော် အဓိက ပြောကြားလိုသည်မှာ အန်တီစု၏ ဂုဏ်သိက္ခာ ကိစ္စ ဖြစ်ပါသည်။ အများ သိကြသည့်အတိုင်း အန်တီစုသည် ယခုကဲ့သို့သော အငြင်းအခုံများတွင် မည်သည့်အခါမှ ၀င်ပါမည့်သူ တစ်ဦး မဟုတ်သကဲ့သို့ သူငယ်ချင်း ပါမောက္ခ စွပ်စွဲ သကဲ့သို့ အိမ်ကြက်ချင်း ခွပ်သည့် ကိစ္စများကိုလည်း လိုလားသူ တစ်ဦး မဟုတ်ပါ။ NLD ပါတီဝင်များကိုလည်း အန်တီစု၏ ဂုဏ်သိက္ခာ ထိခိုက်စေမည့် ကိစ္စများကို ထိန်းထိန်းသိမ်းသိမ်း လုပ်ဆောင်ကြရန် တိုက်တွန်းလိုပါသည်။

NLD အဖွဲ့ဝင် တစ်ဦး

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြောက်ကိုရီးယား နိုင်ငံတွင် ငွေကြေး ပြုပြင် ပြောင်းလဲမှုများ ပြုလုပ်ခဲ့သော စီးပွားရေး အရာရှိကြီးများ၏ ဆွေမျိုးသားချင်း စုစုပေါင်း ၃၅ ယောက်ခန့်ကို ကွန်မြူနစ် အစိုးရက ဖမ်းဆီး အရေးယူကာ အကျဉ်းစခန်းသို့ ပို့လိုက်ကြောင်း တောင်ကိုရီးယား အကူအညီ ပေးရေး အဖွဲ့က ပြောကြားလိုက်သည်။

မြောက်ကိုရီးယား နိုင်ငံတော် လုံခြုံရေး ဝန်ကြီးဌာနသည် ပြီးခဲ့သည် ယခင် စီးပွားရေး အရာရှိဟောင်း Pak Nam Gi ၏ ဆွေမျိုးသားချင်း ၃၄ ဦးနှင့် အခြားသော သူများကို ပြီးခဲ့သည့် ဇွန်လက Hoeryong မြို့မြောက်ဘက် ဆင်ခြေဖုံးဒေသရှိ အကျဉ်းစခန်းသို့ ပို့လိုက်ကြောင်း ဆိုးလ်မြို့ အခြေစိုက် အကူအညီ ပေးရေးအဖွဲ့ ဖြစ်သော Good Friends က အင်တာနက် ဝက်ဘ်ဆိုက်တွင် ဖော်ပြသည်။

ကွန်မြူနစ် မြောက်ကိုရီးယားသည် ၂၀၀၉ ခုနှစ်တွင် ငွေကြေး ဖောင်းပွမှုကို တိုက်ဖျက်ရန်နှင့် ဈေးကွက် စီးပွားရေး အလွန်အမင်း ဖွံ့ဖြိုးလာမှုကို ထိန်းချုပ်ရန် နိုင်ငံ ငွေကြေးတန်ဖိုးများကို ပြုပြင် ပြောင်းလဲခဲ့သည်။ မည်သို့ဆိုစေ အဆိုပါ လုပ်ဆောင်ချက်က နိုင်ငံတွင်း မတည်မငြိမ်မှုများ ဖြစ်ပေါ်ခဲ့ပြီး မြောက်ကိုရီးယား ပြည်သူများ လက်ဝယ်တွင် တန်ဖိုး မရှိတော့သော ငွေစက္ကူ အမြောက်အမြားသာ ကျန်ရစ်စေခဲ့သည်။

အဆိုပါ ငွေကြေး ပြုပြင် ပြောင်းလဲမှုကို အာဏာရ အလုပ်သမား ပါတီမှ ဘဏ္ဍာရေးနှင့် စီမံကိန်း ရေးဆွဲရေး အရာရှိချုပ် Pak Nam Gi က ဦးစီး ဆောင်ရွက်ခဲ့ကြသည်။ သတင်း ပေးပို့ချက်များအရ မစ္စတာ Pak Nam Gi နှင့် အမည် မသိရသူ စီနီယာ အရာရှိကြီး တစ်ဦးတို့ကို ပြုံးယမ်း အားကစားရုံတွင် ကွပ်မျက်ရေး သေနတ်အဖွဲ့က ကွပ်မျက်ခဲ့ကြောင်း၊ ကွန်မြူနစ် အစိုးရက ပေါ်လစီ လွဲမှားမှု ဆိုင်ရာ ပြစ်ဒဏ်အဖြစ် သတ်မှတ်ပြီး ၎င်းတို့ကို ကွပ်မျက်စေခဲ့ခြင်း ဖြစ်ကြောင်း သိရသည်။

ဇွန်လ ၁၄ ရက်နေ့တွင် မစ္စတာ Pak Nam Gi ၏ ဆွေမျိုးသားချင်းများနှင့် အခြား အရာရှိများကို စုစည်းစေပြီး ဝက်ဂွန်ကား တစ်စီးပေါ်သို့ တင်ကာ အကျဉ်းစခန်းသို့ ပို့လိုက်ကြောင်း Good Friends အဖွဲ့က လုံခြုံရေး ဝန်ကြီးဌာနမှ အမည် မဖော်လိုသူ အရာရှိ တစ်ဦး၏ပြောဆိုချက်ကို ကိုးကား၍ ဖော်ပြသည်။

ကွန်မြူနစ် အာဏာပိုင်များက မစ္စတာ Pak ၏ ဆွေမျိုးသားချင်းများကို ညသန်းခေါင်ယံ အချိန်တွင် တိတ်တဆိတ် ဖမ်းဆီး ခေါ်ဆောင်သွားကြောင်း၊ နိုင်ငံတကာ အသိုင်းအဝိုင်း၏ ပြစ်တင် ဝေဖန်မှုများမှ ရှောင်ရှားနိုင်အောင် ယင်းသို့ လုပ်ဆောင်ခဲ့ခြင်း ဖြစ်ကြောင်း အမည် မဖော်လိုသူ အဆိုပါ အရာရှိက ဆိုသည်။

မြောက်ကိုရီးယားနှင့် နှစ်နိုင်ငံ ဆက်ဆံရေး လုပ်ငန်းများ ဆောင်ရွက်နေသည့် တောင်ကိုရီးယား နိုင်ငံ၏ ညီညွတ် ပေါင်းစည်းရေး ဝန်ကြီးဌာနက Good Friends အဖွဲ့၏ သတင်း ပေးပို့ချက်ကို အတည် မပြုနိုင်သေးကြောင်း ပြောကြားသည်။ တောင်ကိုရီးယား အမျိုးသား ထောက်လှမ်းရေး ဌာနက အဆိုပါ သတင်းပေးပို့ချက်ကို အသေးစိတ် လေ့လာ စစ်ဆေးနေကြောင်း ပြောဆိုသည်။

မြောက်ကိုရီးယားသည် ကမ္ဘာပေါ်တွင် အထီးကျန် ဘက်ပဲ့လွန်းသော နိုင်ငံတစ်ခု ဖြစ်သည်။ နိုင်ငံတွင်း ရေဒီယိုနှင့် ရုပ်မြင်သံကြား အစီအစဉ်များ အားလုံးကို ကွန်မြူနစ် အစိုးရက ထိန်းချုပ်ထားသည်။  လေ့လာ စောင့်ကြည့်ရေး အေဂျင်စီများနှင့် Good Friends ကဲ့သို့သော အကူအညီ ပေးရေး အဖွဲ့များသည် တောင်ကိုရီးယားတွင် အခြေစိုက်ကာ မြောက်ကိုရီးယားနှင့် ပတ်သက်သော သတင်းများကို တရုတ်နိုင်ငံမှ တစ်ဆင့် ရယူနေရသည်။ မြောက်ကိုရီးယားမှ တရားမဝင် မိုဘိုင်းဖုန်း အသုံးပြုသူများက အိမ်နီးချင်း တရုတ်နိုင်ငံရှိ ကွန်ယက်များနှင့် ချိတ်ဆက်ကာ သတင်း ပေးပို့လေ့ ရှိသည်။

မြောက်ကိုရီးယားသည် ကမ္ဘာပေါ်တွင် လူ့အခွင့်အရေး ချိုးဖောက်မှု အများဆုံး ပြုလုပ်သည့် နိုင်ငံများ စာရင်းတွင် ထိပ်ဆုံးမှ ပါဝင်သည်။ လူအများ ရှေ့မှောက်တွင် ကွပ်မျက် သတ်ဖြတ်ခြင်း၊ နိုင်ငံရေးသမားများကို ဖမ်းဆီး အကျဉ်းချ ညှဉ်းပန်း နှိပ်စက်ခြင်း အစရှိသည်တို့ ပြုလုပ်သည့် နိုင်ငံအဖြစ် သတ်မှတ် ဖော်ပြခံရသည်။

မြောက်ကိုရီးယားတွင် မစ္စတာ Pak Nam Gi ကဲ့သို့ ပေါ်လစီ လွဲမှား ရေးသားသူများကို အပြစ်ပေးခြင်း၊ ၎င်းဆွေမျိုးသားချင်းများကို အကျဉ်းစခန်းသို့ ပို့ခြင်း အစရှိသည် တို့သည် ဖြစ်တောင့်ဖြစ်ခဲ ဖြစ်ရပ်မျိုး မဟုတ်ပေ။ မြောက်ကိုရီးယားသည် ၁၉၉၀ ပြည့်နှစ်များတွင် စားနပ်ရိက္ခာ ပြတ်လပ်မှုနှင့် ငတ်မွတ် ခေါင်းပါးမှု ဖြစ်ပေါ်ခဲ့ရာ လယ်ယာ စိုက်ပျိုးရေး ဆိုင်ရာ ထိပ်တန်း အရာရှိ တစ်ဦးကို အများပြည်သူ ရှေ့မောက်တွင် ကွပ်မျက်ပြခဲ့သည်။

၁၉၉၀ ပြည့်နှစ်များတွင် ဖြစ်ပွားခဲ့သော စားနပ်ရိက္ခာ ပြတ်လပ်မှုနှင့် ငတ်မွတ် ခေါင်းပါးမှုကြောင့် မြောက်ကိုရီးယား ပြည်သူ ၂၄ သန်းခန့်သည် ပြည်ပမှ ပေးပို့သော  အကူအညီ အထောက်အပံ့များ အပေါ် အမှီသဟဲ ပြုခဲ့ရသည်။ အဆိုပါ ဖြစ်ရပ်ကြောင့် လူပေါင်း ၂ သန်းခန့် သေဆုံးခဲ့သည်။

AFP သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

VOA News, By Ron Corben, 7th July 2010

ထိုင်းအစိုးရသည် ရွှေ့ပြောင်း လုပ်သားများနှင့် ပတ်သက်၍ မူဝါဒ အသစ်ကို အကောင်အထည် ဖော်လျက် ရှိရာ၊ ရဲများသည် မြန်မာ၊ လာအိုနှင့် ကမ္ဘောဒီးယားမှ အလုပ်သမားများ ခန့်ထားသော စက်ရုံများကို ဝင်ရောက် ဖမ်းဆီးမှုများ ပိုမို လုပ်ဆောင်လာသည်ကို တွေ့ရသည်။ ထိုသို့ ဖမ်းဆီးခြင်းများသည် တရားဝင် လိုအပ်သော စာရွက်စာတမ်းများ လုပ်ဆောင်ရန် ကြိုးစားနေသော ရွှေ့ပြောင်း လုပ်သားများ ကြားတွင် အကြောက်တရားများ ဖန်တီးသလို ဖြစ်နေကြောင်း လူ့အခွင့်အရေး အကာအကွယ် ပေးသူများက ဆိုသည်။

မကြာသေးမီက တနင်္ဂနွေ နံနက်တစ်ခု၌ ဘန်ကောက်မြို့လယ်ရှိ ကျောင်းတစ်ခုတွင် မြန်မာရွှေ့ပြောင်း အလုပ်သမားများ စုဝေး၍ ဘာသာစကားနှင့် လက်နှိပ်စက် စသည်များ သင်ယူနေကြသည်။ ထိုနေရာသည် ၎င်းတို့အတွက် နောက်ဆုံးသတင်းများ ကြားရသော နေရာ ဖြစ်သည်။ သူတို့ အတွက် အရေးကြီးသော သတင်း တစ်ခုမှာ မကြာသေးမီက ရွှေ့ပြောင်းလုပ်သားများကို ဝင်ရောက် ဖမ်းဆီးခြင်းနှင့် ရာပေါင်းများစွာသော အလုပ်သမားများကို နေရပ် ပြန်ပို့သော သတင်း ဖြစ်သည်။

ထိုင်းအစိုးရက ပြောကြားရာတွင် ဖမ်းဆီးရခြင်း မူဝါဒ အသစ်၏ အစိတ်အပိုင်း တစ်ခု ဖြစ်ပြီး၊ ရွှေ့ပြောင်း အလုပ်သမား အားလုံး မှတ်ပုံတင်ပြီး၊ တရားဝင် အလုပ် လုပ်စေရန် ဖြစ်ကြောင်း ပြောကြားခဲ့သည်။ ထိုသို့ ပြုလုပ်ခြင်းဖြင့် ထိုင်းနိုင်ငံတွင်းရှိ ရွှေ့ပြောင်းလုပ်သား နှစ်သန်းခန့်၏ ရပိုင်ခွင့်များကို အကာအကွယ် ပေးနိုင်လိမ့်မည် ဖြစ်ကြောင်း ထိုင်းအစိုးရက ပြောခဲ့သည်။

မူဝါဒ အသစ်အရ အလုပ်သမားများသည် ပြီးခဲ့သည့် ဖေဖော်ဝါရီလကတည်းက ပတ်စ်ပို့ ကဲ့သို့သော သက်သေခံ အထောက်အထားများ သက်ဆိုင်ရာ နိုင်ငံ အသီးသီးမှ ထုတ်ယူထားပြီး ဖြစ်ရမည် ဖြစ်ပြီး၊ အလုပ်လုပ်ခွင့် ပါမစ် လျှောက်ထားရမည်ဟု ဆိုသည်။ သို့သော် အချိန်မီ လျှောက်ထားသူများပင်လျှင် ယခုထိ စာရွက်စာတမ်း ကိစ္စ မပြီးသေးဟု သိရှိရသည်။ ထို့ကြောင့် ထိုင်းအစိုးရက လျှောက်ထားပြီးကြောင်း သက်သေ ပြနိုင်ပါက ၂၀၁၂ ခုနှစ် ဖေဖော်ဝါရီလ အထိ ဆောင်ရွက်မှု ပြီးစီးအောင် အချိန်ပေးမည်ဟု ဆိုသည်။

အလုပ်သမားများသည် ၎င်းတို့ထံတွင် သက်သေခံ စာရွက်စာတမ်းများ ရှိသည့်တိုင် အလုပ်လုပ်သည့် နေရာများတွင် ဝင်ရောက် ဖမ်းဆီးမှုများကို ကြောက်နေကြကြောင်း Thai Action Committee for Democracy of Burma မှ ဒါရိုက်တာ မြင့်ဝေ၏ အဆိုအရ သိရှိရသည်။

"သူတို့မှာ အလုပ်လုပ်ခွင့် ပါမစ်က မရသေးဘူး။ Passport ကိစ္စကလည်း မပြတ်သေးတော့ ကြောက်တာပေါ့။ အလုပ်ရှင် အများစုကလည်း သူတို့က စက်ရုံ အချို့မှာ တရားမဝင် အလုပ်သမားတွေ သုံးနေရသေးတော့ ကြောက်ကြတာဘဲ။ ဒီတော့ လူ့အခွင့်အရေး ချိုးဖောက်မှုတွေ ဖြစ်နိုင်တာပေါ့။ ကျွန်တော်ကတော့ ကျောင်းသားတွေကို တရားဝင် အလုပ်လုပ်ခွင့် ပါမစ်မူရင်း ကိုင်ထားဖို့နဲ့၊ မရှိရင် မလာကြဖို့ မှာထားတယ်'' ဟု မြင့်ဝေက ပြောသည်။

သို့သော် ထိုင်းအစိုးရ တာဝန်ရှိသူများကလည်း သူတို့၏ လုပ်ရပ် အတွက် ကာကွယ် ပြောဆိုလျက် ရှိသည်။ အစိုးရ ပြောခွင့်ရ ပုဂ္ဂိုလ် Panitan Wattanayagorn က ပြောကြားရာတွင် ရေရှည် ရွှေ့ပြောင်း အလုပ်လုပ်ရေး မူဝါဒကို နေသားတကျ ဖြစ်အောင် ပြုလုပ်ရေးမှာ လိုအပ်ကြောင်း ဆိုသည်။

"ကျွန်တော်တို့ အခု လုပ်နေတာက ထိုင်းနိုင်ငံမှာ ရွှေ့ပြောင်းလုပ်သားတွေ အတွက် စနစ်ကျတဲ့ စည်းမျဉ်းတွေနဲ့ ကိုင်တွယ်နိုင်အောင် လုပ်နေတာပါ။ ကျွန်တော်တို့ အသေအချာ စီမံထားပါတယ်။ အရင်လို ထိန်းမနိုင် သိမ်းမရ အခြေအနေမျိုး မဖြစ်လိုတော့ပါဘူး '' ဟု ၎င်းက ပြောသည်။

ထိုင်းနိုင်ငံသည် အချိန် အတော်ကြာကပင် ဆင်းရဲသော အိမ်နီးချင်း နိုင်ငံများ ဖြစ်သော မြန်မာ၊ ကမ္ဘောဒီးယားနှင့် လာအိုနိုင်ငံများမှ ရွှေ့ပြောင်းလုပ်သားများ အတွက် အလုပ်ပေါသော နိုင်ငံ တစ်ခု ဖြစ်ခဲ့သည်။ ထို့အပြင် မြန်မာနိုင်ငံတွင်းရှိ ပဋိပက္ခများကလည်း ထောင်ပေါင်းများစွာသော လူများကို နယ်စပ်ဖြတ်၍ ထိုင်းနိုင်ငံတွင်းသို့ ဝင်ရောက်လာစေသည်။

အများစုသည် စိုက်ပျိုးရေး၊ ဆောက်လုပ်ရေးနှင့် စက်ရုံများတွင် အလုပ်လုပ်ကြရပြီး အချို့ကလည်း ဝန်ဆောင်မှု လုပ်ငန်းများ၊ အိမ်ဖော်များ အဖြစ် လုပ်ကိုင်ကြရသည်။ ထိုအခြေအနေမျိုးတွင် အလုပ်ရှင်များသည် အလုပ်သမား အများစုထံမှ အမြတ် ထုတ်ကြသည်ဟု လူ့အခွင့်အရေး အဖွဲ့များက စွပ်စွဲကြသည်။

ကမ္ဘောဒီးယားနှင့် လာအို အစိုးရများသည် အလုပ်သမားများ Passport  ထုတ်ပေးရေးအတွက် ထိုင်းနိုင်ငံတွင် လာရောက် လုပ်ပေးခဲ့သော်လည်း မြန်မာအစိုးရသည် မြန်မာလုပ်သားများအား နယ်စပ်ကို ဖြတ်၍ မြန်မာနိုင်ငံတွင် လာရောက် လုပ်ကိုင်စေခဲ့သည်။ ထို့ကြောင့် မြန်မာများ အဖို့ ငွေကုန်ကြေးကျ ပိုများပြီး၊ မြန်မာ အာဏာပိုင်များထံတွင် အန္တရာယ် များခြင်းနှင့် နယ်စပ်တလျှောက် ရာဇဝတ်မှု ပေါများခြင်းများကို ကြုံတွေ့နေရသည်။

ကရင် လူ့အခွင့်အရေး အဖွဲ့က ဖော်ပြရာတွင် မြန်မာ အများစုသည် အခွန်ငွေ အများကြီး ပေးရခြင်း၊ အဓမ္မ လုပ်အား ပေးစေခြင်း၊ ရိုက်နှက်ခံရခြင်း၊ အဓမ္မ ပြုကျင့်ခံရခြင်းနှင့် အသတ်ခံရခြင်းများကို စာရွက်စာတမ်း ပြုလုပ်ရန် နယ်စပ် ဖြတ်ကျော်စဉ် ခံရနိုင်ကြောင်း ဖော်ပြခဲ့သည်။

ရွှေ့ပြောင်းလုပ်သားများ၏ ရပိုင်ခွင့် ကာကွယ်ပေးသော အဖွဲ့ဖြစ်သည့် Human Rights Development Foundation ၏ အဆိုအရ အလုပ်သမား တစ်သန်းကျော်သည် အလုပ်လုပ်ခွင့် ပါမစ် မလျှောက်ထားရသေးခြင်းနှင့် သက်သေခံ ပြုလုပ်ရေး လုပ်ငန်းစဉ်ကိုပင် မစရသေးခြင်းများ ရှိကြောင်း သိရှိရသည်။ ၎င်းတို့နှင့် ထိုင်းနိုင်ငံသို့  အလုပ်သမားများ သယ်ဆောင်လာသော လူကုန်ကူး ဂိုဏ်းခေါင်းဆောင်များမှာ ထိုင်းအစိုးရ၏ ပစ်မှတ်များ ဖြစ်လာသည်။

ရွှေ့ပြောင်းလုပ်သား (၃၀၀၀) ကျော်နှင့် အလုပ်ရှင် (၆) ဦးခန့်ကို ဖမ်းဆီးထားပြီး ဖြစ်ကြောင်း အဆိုပါ Foundation ၏ အဆိုအရ သိရှိရသည်။ အတိုက်အခံ ဖြစ်သော NCGUB က ခန့်မှန်းရာတွင် အလုပ်သမား (၁၀၀၀၀) ခန့် နေရပ် ပြန်ပို့ခြင်း ခံရကြောင်း ဆိုသည်။

လက်ရှိ မဟာဗျူဟာသည် မအောင်မြင်သည့် အတွက် အလုပ်သမား မူဝါဒ လိုအပ်လျက် ရှိသေးကြောင်း Human Rights Development Foundation မှ ပြောခွင့်ရ ပုဂ္ဂိုလ် Andy Hall က ပြောကြားခဲ့သည်။

"ဒီမှာ အလုပ်သမားတွေ လိုအပ်နေပါတယ်။ ဒီတော့ တိုင်းပြည်မှာ အလုပ်သမားတွေ ရှိဖို့ လိုပါတယ်။ ဒါပေမဲ့ အခုလက်ရှိ စီမံခန့်ခွဲနေတဲ့ စနစ်က မအောင်မြင်ပါဘူး။ အသေအချာ စဉ်းစားပြီး လုပ်နေတာ မဟုတ်ပါဘူး။ စနစ်က မအောင်မြင်တော့၊ ကောင်းမွန်တဲ့ အစီအစဉ်တွေ ထွက်မလာပြန်ဘူး။ ဒီတော့ အခု တွေ့နေရတဲ့ လူ့အခွင့်အရေး ချိုးဖောက်မှုတွေ ဖြစ်ကုန်တာပေါ့ '' ဟု Hall က ပြောသည်။

လူ့အခွင့်အရေး အဖွဲ့များက ပြောကြားရာတွင် စာရွက်စာတမ်း မပါသော အလုပ်သမားများကို ရဲက ဖမ်းပြီး နှိပ်စက်မှုများ ခံရကြောင်း ဆိုသည်။ အချို့ အလုပ်ရှင်များကလည်း Passport များနှင့် အလုပ်လုပ်ခွင့် ပါမစ်များကို သိမ်းထားတတ်သည်။ ထို့ကြောင့် သက်သေခံ စာရွက်စာတမ်း မပြနိုင်သော အလုပ်သမားများသည် လာဘ်ငွေ ပေးရပြီး မဟုတ်ပါက နေရပ်သို့ ပြန်ပို့ခံရတတ်သည်။ ထို့နောက် ထိုင်းနိုင်ငံတွင်းသို့ တရားမဝင် ပြန်ဝင်လာရပြန်သည်။

ရွှေ့ပြောင်းလုပ်သား အကူအညီပေးရေး အဖွဲ့မှ Jackie Pollock က ပြောကြားရာတွင် မူဝါဒသစ်သည် ရွှေ့ပြောင်းများအတွက် အနည်းငယ်သာ တိုးတက်မှု ရရှိသည်ဟု ဆိုသည်။

"အလုပ်သမားတွေဟာ ဒီစနစ်ကြောင့် အချိန်ကုန် ငွေကုန်ခံရပြီး စာရွက်စာတမ်းတွေ လုပ်ရပေမဲ့ သူတို့အတွက် ဘာအကျိုး ခံစားခွင့်မှ လုပ်မပေးနိုင်ပါဘူး'' ဟု Polock က ပြောသည်။

ထိုင်းအစိုးရ တာဝန်ရှိ ပုဂ္ဂိုလ်များက ဝေဖန်မှုများကို ခါးခါးသီးသီး ငြင်းဆိုခဲ့ပြီး၊ ယခု မူဝါဒသည် ထိုင်းဥပဒေနှင့် လူ့အခွင့်အရေး စံများကို ထိန်းသိမ်းထားသည်ဟု ဆိုသည်။

သို့သော် လတ်တလောအားဖြင့် ထိုင်းနိုင်ငံသည် ၎င်း၏ ရွှေ့ပြောင်းလုပ်သားများနှင့် ပတ်သက်သော မူဝါဒ သက်ဝင်ရေး အတွက် ကြီးမားစွာ ရုန်းကန်နေရသည်။ ထိုသို့ ရုန်းကန်နေရာတွင် လူများ တဖြည်းဖြည်း စီးဝင်လာနေသော နယ်စပ်များ၊ ပတ်ဝန်းကျင် နိုင်ငံများ၏ နိုင်ငံရေး အရ မသေချာမှုများ၊ ဆင်းရဲ မွဲတေမှုများကလည်း မြွေပူရာ ကင်းမှောင့် ဖြစ်နေသေးတော့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြို့တော် ဘန်ကောက် အပါအဝင် ထိုင်းနိုင်ငံ ပြည်နယ် ၁၉ ခုတွင် ထုတ်ပြန်ထားသော နိုင်ငံတော် အရေးပေါ် အခြေအနေ အမိန့်ကို အစိုးရက ထပ်မံ တိုးမြှင့်လိုက်သည်။ နိုင်ငံရေး မတည်မငြိမ်မှုများနှင့် ရုန်းရင်းဆန်ခတ် ဖြစ်မှုများ ပြန်လည် ပေါ်ထွက်လာနိုင်သောကြောင့် ယင်းသို့ တိုးမြှင့်လိုက်ခြင်း ဖြစ်သည်ဟု ဆိုသည်။

သုံးလတာမျှ သက်တမ်း ကျော်လွန်သွားပြီးနောက် အရေးပေါ် အခြေအနေ အမိန့်ကို ပြည်နယ် ငါးခု၌ ပြန်လည် ရုပ်သိမ်းလိုက်သည်။ ယခု နှစ်ဆန်းပိုင်း ကာလတွင် အစိုးရ ဆန့်ကျင်ရေး ဆန္ဒပြမှုများနှင့် ပဋိပက္ခများ ဖြစ်ပေါ်ခဲ့စဉ် ကာလအတွင်း ထိုင်းအစိုးရက ယင်းအမိန့်ကို ထုတ်ပြန် ပြဋ္ဌာန်းခဲ့သည်။

ထိုင်းဝန်ကြီးချုပ် အဘီဇစ် ဝိဇ္ဇာဝီရက BBC သတင်းဌာနသို့ ပြောကြားရာတွင် အရေးပေါ် အခြေအနေ ဥပဒေများကို တဖြည်းဖြည်းချင်း ရုပ်သိမ်းသွားမည် ဖြစ်သည်ဟု ဆိုသည်။ ယင်းအရေးပေါ် ဥပဒေအရ အများပြည်သူနှင့် သက်ဆိုင်သော နေရာများတွင် လူငါးယောက်ထက် ပို၍ စုဝေးခြင်းကို ကန့်သတ် ပိတ်ပင်ထားသည်။ လုံခြုံရေး တပ်ဖွဲ့ဝင်များ အနေဖြင့်လည်း သံသယ ရှိသူများကို ရက်ပေါင်း ၃၀ အထိ ခြွင်းချက်မရှိ ထိန်းသိမ်းထားနိုင်သည်။

အရေးပေါ် အခြေအနေများ ဖြေရှင်းရေးဆိုင်ရာ စင်တာ (CRES) က အရေးကြီးသော ပြည်နယ်များတွင် အရေးပေါ် အမိန့်ကို ဆက်လက် တိုးမြှင့်ထားရှိရန် ကက်ဘိနက်သို့ ပြောဆိုထားသည်။ CRES သည် လက်နက်ကိုင် တပ်ဖွဲ့ တစ်ခုချင်းစီမှ ကိုယ်စားလှယ်များဖြင့် ဖွဲ့စည်းထားသော ကော်မတီ ဖြစ်ပြီး CRES မှ အရေးပါသော နေရာများ အားလုံးကို စစ်တပ်မှ ပုဂ္ဂိုလ်များက ထိန်းချုပ်ထားသည်။

ထိုင်းအစိုးရ အဆန့်ကျင်ရေး ရှပ်နီဆန္ဒပြ အုပ်စုများကို တုံ့ပြန် နှိမ်နင်းရန် ဟူသော ရည်ရွယ်ချက်ဖြင့် CRES ကို ဖွဲ့စည်းခဲ့ခြင်း ဖြစ်သည်။ ရှပ်နီဆန္ဒပြ အုပ်စုများ ကိုင်ဆောင်ခဲ့သော လက်နက် ခဲယမ်းများကို ယနေ့ အချိန်အထိ သိမ်းဆည်းနိုင်ခြင်း မရှိသေးကြောင်း CRES မှ ပြောရေးဆိုခွင့် ရှိသူ ဗိုလ်မှူးကြီး Sansern Kaewkamnerd က ပြောကြားသည်။

"နိုင်ငံမှာ အရေးပေါ် အခြေအနေကို ဆက်လက် ထိန်းသိမ်းထားတာဟာ တိုင်းပြည်ရဲ့ လုံခြုံရေးနဲ့ စီးပွားရေး တည်ငြိမ်မှုကို ထိန်းသိမ်းထားတဲ့ သဘောပဲ ဖြစ်ပါတယ်" ဟု ၎င်းက ဆိုသည်။

ထိုင်းနိုင်ငံ၌ အရေးပေါ် အခြေအနေ ဥပဒေ ပြဋ္ဌာန်းထားစဉ် အတွင်း လူပေါင်း ၄၀၀ ကျော်ကို ဖမ်းဆီး ထိန်းသိမ်းနိုင်ခဲ့သည်။ ယင်း ဥပဒေသည် အမိန့်အာဏာနှင့် လုပ်ပိုင်ခွင့်များကို စစ်ဘက်နှင့် ရဲဘက်ထံသို့ လွှဲပြောင်း ပေးထားသည့် သဘောမျိုး ဖြစ်သည်။

နိုင်ငံတကာ ပဋိပက္ခ စောင့်ကြည့် လေ့လာရေး အဖွဲ့ (ICG) က ထိုင်းအစိုးရ အနေဖြင့် အဆိုပါ အမိန့် ဥပဒေကို အမြန်ဆုံး ရုပ်သိမ်းရန် တောင်းဆိုထားသည်။ ယင်း ဥပဒေကြောင့် အစိုးရ ဆန့်ကျင်ရေး အုပ်စုများ အနေဖြင့် တရားဝင် (မြေပေါ်) ဆန္ဒပြမှုများ မပြုလုပ်နိုင်ဘဲ မြေအောက် လှုပ်ရှားမှုများ ပြုလုပ်လာအောင် တွန်းပို့နေသကဲ့သို့ ဖြစ်စေသည် ဟု သတိပေးသည်။ "မြေအောက် လှုပ်ရှားမှုများ၊ တရားမဝင် လုပ်ရပ်များ၊ အကြမ်းဖက်မှုများ ဖြစ်ပေါ်လာအောင် တွန်းအား ပေးနေသကဲ့သို့ ရှိသည်" ဟု ICG က ဆိုသည်။

"ထိုင်းနိုင်ငံ၏ ကြီးမားသော ကွာဟချက်ကို စေ့စပ်ပေးခြင်း" ဟူသော အမည်ဖြင့် ICG က အစီရင်ခံစာ တစ်စောင် ရေးသားခဲ့ပြီး ဖမ်းဆီး ထိန်းသိမ်းထားသူများ အားလုံးကို လွှတ်ပေးရန်နှင့် အစိုးရ ဆန့်ကျင်ရေး ဝါဒဖြန့် မီဒီယာများအပေါ် ပိတ်ပင်မှုများ ဖယ်ရှားရန် တောင်းဆိုထားသည်။

BBC သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ဗြိတိန်ဘုရင်မကြီး အဲလိဇဘက်က နှစ်ပေါင်း ၅၀ ကျော် ကာလအတွင်း ပထမဆုံး ကုလသမဂ္ဂ အထွေထွေ ညီလာခံတွင် မိန့်ခွန်း ပြောဆိုမည် ဖြစ်ကြောင်း သိရသည်။

ဘုရင်မကြီး အဲလိဇဘက်သည် ဆယ်စုနှစ် များစွာအတွင်း ကုလသမဂ္ဂ၏ ဖွံ့ဖြိုး တိုးတက်မှုများ အပေါ် အဓိက ဖိုးကပ်စ် လုပ်ပြီး မိန့်ခွန်း ပြောမည်ဟု မျှော်လင့်ရသည်။ ထို့အတူ ဘုရင်မကြီး၏ မိန့်ခွန်းတွင် နှစ်ပေါင်း ၆ဝ သက်တမ်းမျှ ရာဇပလ္လင် နေရာမှ အတွေ့အကြုံများလည်း ပါဝင်မည် ဖြစ်သည်။

မြောက်အမေရိကသို့ ကိုးရက်တာ ခရီးစဉ် နောက်ဆုံးနေ့တွင် နယူးယောက်မြို့သို့ ဝင်ရောက်ပြီး ကုလ အထွေထွေ ညီလာခံတွင် မိန့်ခွန်း ပြောကြားမည် ဖြစ်သည်။ ဘုရင်မကြီးသည် လွန်ခဲ့သည့် နှစ်ပေါင်း ၅၃ နှစ်က အမေရိကန် ပြည်ထောင်စု အရှေ့ဘက် နယူးယောက်မြို့သို့ ပထမဆုံး ရောက်ရှိခဲ့ဖူးသည်။ ထိုစဉ်က ဘုရင်မကြီးသည် အသက် ၃၁ နှစ် အရွယ်သာ ရှိသေးပြီး နာမည်ကျော် လေဘာတီ ရုပ်တု ရှိရာသို့ သွားရောက်ခဲ့သည်။

ထိုစဉ်က ကုလ အထွေထွေ ညီလာခံ၌ ကုလ အဖွဲ့ဝင် နိုင်ငံများအား မိန့်ခွန်း ပြောကြားရာတွင် ဘုရင်မကြီးက "တရား မျှတမှုနှင့် တာဝန် ဝတ္တရား သိတတ်မှုတို့ကို ကောင်းစွာ အခြေတည်နိုင်သော အချိန်တွင် ကုလသမဂ္ဂ အနေဖြင့် ကမ္ဘာကြီး၏ ရည်မှန်းချက် ပန်းတိုင်များ ဖြစ်သော ငြိမ်းချမ်းရေး၊ ဥပဒေ ထွန်းကားရေးနှင့် ကြွယ်ဝ ချမ်းသာရေး အစရှိသည်တို့ကို အကောင်အထည် ဖော်နိုင်မည် ဖြစ်သည်" ဟု ဆိုသည်။

ဘုရင်မကြီး အမေရိကန် ပြည်ထောင်စုသို့ ပထမဆုံး သွားရောက် လည်ပတ်ခဲ့သည့် နောက်ပိုင်း အမေရိကန် သမ္မတ ၁၀ ဦးအထိ ပြောင်းလဲခဲ့ပြီး ကမ္ဘာလုံး ဆိုင်ရာ အာဂျင်ဒါ အသစ်လည်း ထွက်ပေါ်ခဲ့သည်။ ယခုတစ်ကြိမ် ခရီးစဉ်တွင် ဘုရင်မကြီးသည် ၂၀၀၁ စက်တင်ဘာ၌ အကြမ်းဖက် တိုက်ခိုက်ခံရ၍ ပျက်စီး ပြိုကျခဲ့သော ကမ္ဘာ့ ကုန်သွယ်မှု ဗဟိုဌာန (WTO) သို့ သွားရောက်ပြီး သေဆုံးခဲ့သူများ၏ မိသားစုဝင်များနှင့်လည်း တွေ့ဆုံရန် ရှိသည်။

နယူးယောက်သို့ မသွားမီ တော်နေးတိုးမြို့၌ ပြုလုပ်သော နိုင်ငံတော် ညစာစားပွဲ၌ ဘုရင်မကြီး အဲလိဇဘက်က "ကုလ အထွေထွေ ညီလာခံမှာ အဖွဲ့ဝင် ၁၆ နိုင်ငံရဲ့ ဘုရင်မ အဖြစ်နဲ့ရော ဓနသဟာယ နိုင်ငံ အကြီးအကဲ အဖြစ် မိန့်ခွန်း ပြောမှာ ဖြစ်ပါတယ်" ဟု ဆိုသည်။

Majesty မဂ္ဂဇင်း အယ်ဒီတာ Ingrid Seward က "ဘုရင်မကြီးရဲ့ ကုလသမဂ္ဂ မိန့်ခွန်းဟာ သူ့အတွက် အင်မတန် ပုဂ္ဂိုလ်ရေး ဆန်ပြီး အရေးလည်း ကြီးမှာ ဖြစ်ပါတယ်" ဟု Sky News သို့ ပြောကြားသည်။

"အခု ပြောမယ့် မိန့်ခွန်းတွေဟာ အစိုးရ တစ်ရပ်ရဲ့ မိန့်ခွန်း မဟုတ်ပါဘူး။ ပုဂ္ဂိုလ်ရေးနဲ့ပဲ ပတ်သက်တဲ့ စကားလုံးတွေပဲ ဖြစ်မှာပါ။ ဘုရင်မကြီးရဲ့ နှလုံးသားက လာတဲ့ စကားတွေပဲ ဖြစ်မှာပါ" ဟု ၎င်းက ဆက်လက် ပြောဆိုသည်။

Sky News မှ သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

News.yahoo.com, 7th July 2010

ပြည်သူ့ ဆက်ဆံရေး ပြဿနာများ ရှိနေသော ရေနံ ကုမ္ပဏီကြီးများ စာရင်းတွင် chevron နှင့် ပြင်သစ်စွမ်းအင် ဘီလူးကြီး Total တို့ ပါဝင်လာခြင်းကြောင့် ၂ နေရာ ထပ်တိုးသွားသည်။ Earth Rights International NGO အဖွဲ့က တနင်္လာနေ့တွင် ထုတ်ပြန်သော အစီရင်ခံစာတွင် အဆိုပါ ကုမ္ပဏီများသည် မြန်မာနိုင်ငံမှ လူ့အခွင့်အရေး ချိုးဖောက်မှုများတွင် ပါဝင် ပတ်သက်နေကြောင်း စွပ်စွဲထားပြီး မြန်မာပြည်တွင်းရှိ Total နှင့် Chevron ပိုက်လိုင်းစောင့် စစ်သားများသည် ဒေသခံများကို သတ်ဖြတ်ခဲ့သကဲ့သို့ ဓါတ်ငွေ့တင်ပို့ စီးဆင်းမှု ချောမွေ့စေရေး ထိန်းသိမ်းရန် ရည်ရွယ်၍ အရပ်သားများအား လုပ်ခမပေးဘဲ အလုပ်ကြမ်း အဓမ္မ ခိုင်းစေခဲ့ကြသည်ဟု အခိုင်အမာ ပြောကြားခဲ့သည်။ ထို့အပြင် စီမံကိန်းမှ ရရှိသော ဝင်ငွေ ဘဏ္ဍာများသည် မြန်မာ ဖိနှိပ် အုပ်စိုးသူ အစိုးရကို ဆယ်စုနှစ် တစ်စုကျော် အထောက်အပံ့ ပေးခဲ့ခြင်းကြောင့် တိုင်းပြည်တစ်ခုလုံး ထိခိုက်စေသော အန္တရာယ် ရှိသည့် နိုင်ငံရေး အကျိုးဆက်များ ဖြစ်ပေါ်စေခဲ့သည်ဟုလည်း အစီရင်ခံစာတွင် သုံးသပ်ထားသည်။

Total နှင့် Chevron အပေါ် Earth Rights International ၏ စွပ်စွဲချက်များမှာ အသစ်အဆန်း မဟုတ်ပေ။ ပ်ိုက်လိုင်းစောင့် စစ်သားများက လုပ်ခ မပေးသော အလုပ်ကြမ်း အလုပ်သမားများကို မည်သို့ အတင်းအကျပ် ခိုင်းစေခဲ့သည်ကို ဒေသခံများနှင့် ဆွေးနွေး မေးမြန်းထားသော အင်တာဗျူးများကို ဝါရှင်တန်နှင့် ချင်းမိုင် အခြေစိုက် NGO က မနှစ်က ထုတ်ပြန်ခဲ့ဖူးသည်။ မြန်မာ ပိုင်နက် အတွင်း မိုင် ၄၀ ကျော် ဖြတ်သန်းသွားသော ဓါတ်ငွေ့ပိုက်လိုင်းသည် Chevron၊ Total၊ ထိုင်းစွမ်းအင် ကုမ္ပဏီနှင့် မြန်မာ့ရေနံနှင့် သဘာဝ ဓါတ်ငွေ့လုပ်ငန်း တို့အကြား ဖက်စပ် ရင်းနှီး မြှုပ်နှံမှု တစ်ခု ဖြစ်သည်။ မြန်မာနိုင်ငံ အစွန်းအဖျားကို ဖြတ်သန်းသွားသည့် တိုတောင်းသော ကုန်းပေါ် ပိုက်လိုင်းသည် ဒေသခံ နေထိုင်သူများနှင့် ပိုက်လိုင်းစောင့် တာဝန်ကျ အမှတ် ၂၈၂ ခြေလျင် တပ်ရင်းမှ စစ်သားများအကြား မပြီးနိုင်သော ပြဿနာများကို ဖြစ်ပွားစေခဲ့သည်ဟု လူ့အခွင့်အရေး လှုပ်ရှားသူများက ပြောကြားပါသည်။ ပိုက်လိုင်း တည်ဆောက်ခဲ့သည့် ၁၉၉၀ ခုနှစ်များ အထိ အဆိုပါ ဒေသတွင် စစ်ဖက် လှုပ်ရှားမှု အနည်းငယ်သာ ရှိခဲ့သည်။ ပိုက်လိုင်းစောင့် တပ်ရင်းမှ စစ်သားအချို့သည် ဖေဖော်ဝါရီလ အတွင်းက ဒေသခံ နှစ်ဦးအား လက်နက်ကိုင် သူပုန်များနှင့် အဆက်အသွယ် ရှိသည်ဟု သံသယ ရှိမှုဖြင့် သတ်ဖြတ်ခဲ့ကြောင်း Earth Rights အစီရင်ခံစာ အရ သိရှိရသည်။

မြန်မာနိုင်ငံ ရတနာ ဓါတ်ငွေ့သိုက်မှ ဓါတ်ငွေ့များကို ထိုင်းနိုင်ငံသို့ ဆယ်စုနှစ် တစ်စုကျော် တင်ပို့ ရောင်းချခဲ့သော Total နှင့် Chevron တို့၏ လုပ်ငန်းသည် မြန်မာစစ်ဖက် အစိုးရအား ကြွေးမြီ ကင်းရှင်းအောင် ပြုလုပ်ပေးနေသည်ဟု အစီရင်ခံစာက ဆိုသည်။ ပြီးခဲ့သော အောက်တိုဘာလ အတွင်း Total က ရှားရှားပါးပါး ဆောင်ရွက်ချက် တစ်ရပ် အနေဖြင့် မြန်မာ အစိုးရအား ၎င်း၏ ရှယ်ယာ အချိုးကျဝင်ငွေ မည်မျှ ပေးခဲ့ရသည်ကို ထုတ်ဖော် ပြောကြားခဲ့ရာ ယခင်နှစ်အတွင်း ရတနာ စီမံကိန်း၏ Total အပိုင်းမှ အချိုးကျ ဝင်ငွေ ဒေါ်လာ ၁၅၄ သန်း မြန်မာ အစိုးရက ရရှိခဲ့သည် ဟု သိရှိရသည်။ ၁၉၉၈ နှင့် ၂၀၀၉ နှစ်ကုန် အကြား ကာလအတွင်း အဆိုပါ စီမံကိန်းမှ စုစုပေါင်းဝင်ငွေ အနေဖြင့် ဒေါ်လာ ၉ ဘီလီယံခန့်ကို မြန်မာအစိုးရနှင့် ရေနံကုမ္ပဏီများအား ရှာဖွေပေးခဲ့ရာ ဒေါ်လာ ၄.၆ ဘီလီယံ ခန့်မှာ မြန်မာ အာဏာပိုင်များထံ တိုက်ရိုက် ပေးချေခဲ့ရသည်ဟု Earth Rights က ပြောကြားသည်။

သို့ရာတွင် Total နှင့် Chevron တို့ အနေဖြင့် မြန်မာအစိုးရ၏ လုပ်ဆောင်မှုများအတွက် တာဝန်ယူသင့်ပါသလားဟု မေးစရာ ရှိသည်။ အဆိုပါ မေးခွန်းကို နှစ်ပေါင်း အတန်ကြာ ပြန်လည် စေဒက တက်ခဲ့ကြသည့် ရေနံ ကုမ္ပဏီကြီးများက ၎င်းတို့သည် ကမ္ဘာတလွှား နိုင်ငံများစွာတွင် လုပ်ငန်းများ လုပ်နေကြောင်း၊  အများစုမှာ အာဏာရှင်များ ဖြစ်ကြောင်း၊ အဆိုပါ အစိုးရ တပ်ဖွဲ့ခြင်း၏ အပြုအမူများအတွက် ၎င်းတို့ တာဝန် မယူနိုင်ကြောင်း၊ အထူးသဖြင့် ၎င်းတို့၏ ကန်ထရိုက်များသည် ၂၅ နှစ်ခန့် အထိ ကြာတတ်သော လုပ်ငန်းများ ဖြစ်၍ အစိုးရ အဖွဲ့များ၏ သက်တမ်းထက်ပင် ပိုရှည်လေ့ ရှိကြောင်း ငြင်းခုံ ပြောကြားခဲ့ကြသည်။ ၎င်းတို့၏ မြန်မာနိုင်ငံ အတွင်းမှ ကန်ထရိုက် လုပ်ငန်းများသည် လူ့အခွင့်အရေး ချိုးဖောက်မှုများ ဖြစ်ပွားစေခဲ့သည် ဟူသော Earth Rights ၏ စွပ်စွဲချက်ကို Total နှင့် Chevron က ပယ်ချလိုက်ပြီး မြန်မာနိုင်ငံတွင်း ကျန်းမာရေး ဆေးပေးခန်းများ၊ စာသင်ကျောင်းများ စသော ကျေးလက် ဖွံ့ဖြိုးရေး အစီအစဉ်များတွင် ၎င်းတို့ ကုမ္ပဏီ ၂ ခု စလုံးက ရင်းနှီးမြှုပ်နှံ လှူဒါန်းခဲ့ကြသည်ဟု ပြောဆိုလိုက်သည်။

"အစီရင်ခံစာမှာ ပါတဲ့ စွပ်စွဲချက်တွေကြောင့် မိမိတို့ Total ကုမ္ပဏီ အရမ်း တုန်လှုပ်သွားခဲ့ရပါတယ်'' ဟု Total ပြောရေးဆိုခွင့် ရှိသူ Jean Fran Cois Lassalle က တနင်္လာနေ့တွင် TIME မဂ္ဂဇင်းသို့ ပြောကြားခဲ့သည်။ "မြန်မာတွေရဲ့ အမှန်တရားနဲ့ လုံးဝ ကင်းကွာနေတဲ့ တဖတ်သက် သုံးသပ်ချက်၊ အမြင်တွေပေါ်မှာ သူတို့က အခြေခံထားတာပါ" ဟု ၎င်းက ဆက်လက် ပြောဆိုသည်။ "ကျွန်တော်တို့ရဲ့ လုပ်ငန်းတွေမှာ လူ့အခွင့်အရေး လေးစားမှုကို ရှေ့တန်းတင်ပြီး နေ့စဉ် လုပ်ဆောင်နေပါတယ်။ လုပ်ငန်းတွေရဲ့ နောက်ကွယ်မှာလည်း ပိုမို ကောင်းမွန်စွာ စီမံအုပ်ချုပ်နိုင်ဖို့ လုပ်ဆောင်နေပါတယ်" ဟု ၎င်းက ဆိုသည်။ ယခင်နှစ်ကလည်း Earth Rights ကအလားတူ စွပ်စွဲမှုမျိုးကို ပြုလုပ်ခဲ့ပြီးနောက် Total က Lassalle နှင့် အင်တာဗျူးကို ၎င်း၏ ဝက်ဘ်ဆိုက်တွင် လွှင့်တင်ခဲ့ရာတွင် "Total သည် ကန်ထရိုက်တာ များမှ တဆင့် တိုက်ရိုက် (သို့) သွယ်ဝိုက်၍ အဓမ္မ အခိုင်းခံ လုပ်သားများ လုံးဝ အသုံးမပြုခဲ့ပါ၊ မိမိတို့ လုပ်ငန်း လုပ်ကိုင်သော ဒေသအတွင်း အဓမ္မ အခိုင်းခံ လုပ်သားများ အသုံးမပြုရန် အမြဲတမ်း သေချာစွာ အဓမ္မ အခိုင်းခံ လုပ်သားများ အသုံးမပြုရန် အမြဲတမ်း သေချာစွာ ဆောင်ရွက်ခဲ့သည်။ မြန်မာ ပိုက်လိုင်းတွင် အဓမ္မ အခိုင်းခံ လုပ်သားကိစ္စများ ဆက်နွယ် ပတ်သက်နေသည် ဟု ကုမ္ပဏီက ကြားသိရပါက လူသားချင်း စာနာသော ရှုထောင့်မှ စဉ်းစားကာ ချက်ချင်း လျော်ကြေးပေးခဲ့သည်'' ဟု ဖော်ပြထားသည်။

အကယ်၍သာ မြန်မာ ဒေသခံများက ရေနံ ကုမ္ပဏီများကို ၎င်းတို့၏ မိခင်နိုင်ငံများ ဖြစ်သော အမေရိကန်နှင့် ပြင်သစ်တွင် အသီးသီး တရားစွဲဆိုရန် ရွေးချယ်ခဲ့ပါက Total နှင့် Chevron အနေဖြင့် အဓိက ဥပဒေကြောင်း အရ စွဲဆိုမှုများ အတွက် ကုန်ကျစရိတ် ပေးချေရဖွယ် ရှိသည်ဟု Earth Rights အစီရင်ခံစာတွင် ပြောကြားထားသည်။ Chevron အတွက်မူ အဆိုပါ ကိစ္စမှာ အကျွမ်းတဝင် ရင်းနှီးပြီးသား ဖြစ်ပါလိမ့်မည်၊ ၂၀၀၅ ခုနှစ် အတွင်း Chevron က ဝယ်ယူလိုက်သော၊ ယခု မရှိတော့သည့် Unocal ရေနံကုမ္ပဏီသည် ပိုက်လိုင်း တလျှောက်ရှိ လူ့အခွင့်အရေး ညှဉ်းပန်းမှု ပြဿနာများနှင့် ပတ်သက်၍ ကယ်လီဖိုးနီးယား ပြည်နယ်တွင် ၉ နှစ်ကြာ တရားရင်ဆိုင်ပြီးနောက် မြန်မာ နစ်နာသူများအား ပမာဏ ဖော်ပြခြင်း မရှိသည့် ပိုက်ဆံများ ပေးလျော်ခဲ့ရသည်။

Total နှင့် Chevron သည် ပိုက်လိုင်းနယ်မြေမှ အနေအထားကို ဆွေးနွေးရန် အတွက် Earth Rights အဖွဲ့နှင့် တွေ့ဆုံရန် ငြင်းပယ်ခဲ့ကြပြီး၊ မြန်မာအစိုးရ သည်လည်း ၎င်း၏ ပိုက်လိုင်းစောင့် တပ်ဖွဲ့များ ကျူးလွန်သော လူ့အခွင့်အရေး ညှဉ်းပန်းမှုများ ပေါ်ထွက်လာခြင်းနှင့် ပတ်သက်ပြီး ပိုမို စိုးရိမ် ထိပ်လန့်နေပုံ ရသည် ဟု Earth Rights မှ အတိုင်ပင်ခံ ပညာရှင် Matthew Smith က ပြောကြားသည်။ "အဲဒီမှာ ဘာတွေဖြစ်နေလဲ ဆိုတာကို သတင်းပေးတဲ့ ပြည်သူတွေကို စိစစ်ဖို့ လုံခြုံရေး တပ်ဖွဲ့တွေရဲ့ အားထုတ် ကြိုးပမ်းမှုတွေ ပိုပြီးများလာပါတယ်'' ဟု ယခုအပတ် အစီရင်ခံစာကို ရေးသားသည့် Smith က ပြောကြားသည်။ ပိုက်လိုင်းနယ်မြေ အတွင်း မမြင်ဖူးသော ဧည့်သည်များ တွေ့ရှိပါက သတင်း ပို့ကြရန် ရွာသားများကို နယ်မြေခံ စစ်တပ်က ညွှန်ကြားထားသည်။ ၎င်းတို့ အားလုံး နီးပါးမှာ နိုင်ငံတကာ အစီရင်ခံစာများ ရေးသားနေသူများ ဖြစ်နိုင်သောကြောင့် ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

People's Daily, 7th July 2010

တရုတ် ဒုတိယ သမ္မတ လီကီကျန်းက မြန်မာနိုင်ငံနှင့် စွမ်းအင်၊ သယ်ယူပို့ဆောင်ရေး ကဏ္ဍများနှင့် ပူးပေါင်း ဆောင်ရွက်နေမှုကို အရှိန် မြှင့်တင် တိုးချဲ့သွားမည်ဟု အင်္ဂါနေ့က ကတိပြုလိုက်သည်။

မြန်မာ အစိုးရ SPDC အတွင်းရေးမှူး (၁) ဗိုလ်ချုပ်ကြီး တင်အောင်မြင့်ဦးနှင့် တွေ့ဆုံရာတွင် ဒုတိယ သမ္မတ "လီ" က ၁၉၅၀ ခုနှစ် သံတမန် ဆက်ဆံရေး စတင် ထူထောင်ခဲ့သည့် နောက်ပိုင်း နှစ်နိုင်ငံ နိုင်ငံရေးနှင့် စီးပွားရေး ဆက်ဆံမှုများ တိုးတက်လာခြင်းကို ဂုဏ်ပြု ပြောကြားခဲ့သည်ဟု နိုင်ငံခြားရေး ဝန်ကြီးဌာန ဗုဒ္ဓဟူးနေ့က ကြေညာချက်တွင် ဖော်ပြထားသည်။

တရုတ်နှင့် မြန်မာနိုင်ငံတို့သည် လတ်တလောနှစ်များ အတွင်း စီးပွားရေး ပူးပေါင်း ဆောင်ရွက်မှုနှင့် သက်ဆိုင်သည့် ကိစ္စများစွာတွင် တညီတညွတ်တည်း သဘောတူခဲ့ကြသည်ဟု 'လီ' က ဆိုသည်။

တရုတ်နိုင်ငံ၏ ဆယ်စုနှစ်ကြာ စီးပွားရေး ထောက်ပံ့ ကူညီမှုများကို ဗိုလ်ချုပ်ကြီး တင်အောင်မြင့်ဦးက အသိအမှတ် ပြုခဲ့ပြီး ဆက်လက်၍ အပြန်အလှန် ပူးပေါင်း ဆောင်ရွက်သွားမည် ဖြစ်ကြောင်း ကတိပြု ပြောကြားခဲ့သည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News, 6th July 2010

တရုတ်နိုင်ငံသည် ဒေါ်လာ ၈ ဘီလျံ ကုန်ကျမည့် ရေနံချက် စက်ရုံကို နိုင်ဂျီးရီးယားတွင် တည်ဆောက်တော့မည် ဖြစ်သည်။

ယခု စက်ရုံသည် မေလအတွင်းက နိုင်ဂျီးရီးယား နိုင်ငံပိုင် ရေနံကုမ္ပဏီ NNPC နှင့် တရုတ်နိုင်ငံပိုင် အင်ဂျင်နီယာ လုပ်ငန်း CSCEC တို့အကြား သဘောတူ လက်မှတ်ထိုးခဲ့သော ရေနံချက် စက်ရုံ ၃ ခုအနက် ပထမဆုံး တစ်ခု ဖြစ်ဖွယ် ရှိသည်။

အဆိုပါ စက်ရုံကို နိုင်ဂျီးရီးယား အကြီးဆုံးမြို့တော် Lagos ရှိ 'လက်ကီး' လွတ်လပ်သော ကုန်သွယ်ရေးဇုံတွင် တည်ဆောက်မည် ဖြစ်သည်။

တရုတ်နိုင်ငံက ကုန်ကျစရိတ်၏ ၈၀ % ၊ NNPC က ၂၀ % နှင့် Lagos မြို့တော်က မြေနှင့် အခြေခံ အဆောက်အဦးများ ထည့်ဝင်ကြမည် ဖြစ်သည်။

မေလက လက်မှတ် ထိုးခဲ့သော ဒေါ်လာ ၂၃ ဘီလျံ သဘောတူ စာချုပ်အရ NNPC နှင့် CSEC တို့သည် Bayelsa နှင့် Kogi တွင် နောက်ထပ် ရေနံချက် စက်ရုံ ၂ ခု တည်ဆောက်ဦးမည် ဖြစ်သည်။

နိုင်ဂျီးရီးယားတွင် ရေနံချက် စက်ရုံ ၄ ခု ရှိနှင့်ပြီး ဖြစ်သော်လည်း ထိန်းသိမ်းမှု ညံ့ဖျင်းပြီး စက်စွမ်းအား၏ ၄၀ % သာ ထုတ်လုပ်နိုင်သည်ဟု အများစုက သတ်မှတ်ထားသည်။

နောက်ဆုံး ရလဒ်အားဖြင့် အဓိက ရေနံစိမ်း ထုတ်လုပ် တင်ပို့သည့် အဆိုပါ အာဖရိကနိုင်ငံသည် လက်ရှိအချိန်တွင် သန့်စင်ပြီး ဓာတ်ဆီကို ပြည်ပမှ ပြန်လည် တင်သွင်းနေရသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Sanooaung.wordpress.com, By Aidila Razak, 7th July 2010

အခြေခံ ဒီမိုကရေစီ စံနှုန်းများကို လိုက်နာခြင်း မရှိသည့် အတွက် မြန်မာနိုင်ငံအား အာဆီယံ အဖွဲ့မှ ထုတ်ပယ်ရန် မေတ္တာ ရပ်ခံလွှာကို မလေးရှား ပါလီမန်တွင် ယနေ့ တင်သွင်းခဲ့ကြသည်။

Asean Inter-Parliamentory Myanmar Caucus (AIPMC) မှ မလေးရှား ကိုယ်စားလှယ်များ၏ မေတ္တာရပ်ခံချက်တွင် စစ်ဖက် အစိုးရ၏ လာမည့် ရွေးကောက်ပွဲများကို အသိအမှတ် မပြုရန် မလေးရှား အစိုးရအား တိုက်တွန်းထားသည်။

"စစ်ဖက် အစိုးရက သူတို့ရဲ့ အုပ်ချုပ်ရေး ရေရှည် ခိုင်မြဲစေမယ့် ရွေးကောက်ပွဲတွေ ကျင်းပဖို့ ကြိုးစားနေတာကြောင့် ကျွန်မတို့ မြန်မာနိုင်ငံဟာ အခုအချိန်မှာ စိန်ခေါ်မှုတွေနဲ့ ရင်ဆိုင်နေရပါတယ်" ဟု AIPMC အဖွဲ့ဝင် ခင်ဥမ္မာက ပြောကြားသည်။

မလေးရှား အစိုးရ အနေဖြင့် ဒေါ်အောင်ဆန်းစုကြည် ခေါင်းဆောင်သည့် NLD ပါတီ အပေါ် ဆက်လက် ထောက်ခံ အားပေးသွားရန် အဆိုပါ မေတ္တာ ရပ်ခံလွှာတွင် တိုက်တွန်းထားသည်။

ထို့အပြင် စစ်ဖက် အစိုးရက ကျူးလွန်ခဲ့သော စစ်ရာဇဝတ်မှုများကို စုံစမ်း စစ်ဆေးမည့် ကော်မရှင် ဖွဲ့စည်းရေးကို ထောက်ခံကြရန်နှင့် မလေးရှားရှိ မြန်မာ ဒုက္ခသည်များနှင့် ရွှေ့ပြောင်း အလုပ်သမားများကို အကာအကွယ် ပေးရန် ဆက်လက် တောင်းဆိုထားသည်။

စစ်ဖက် အစိုးရ ဆက်လက် အုပ်ချုပ်မှုသည် ၎င်း၏ ပြည်သူများ ပြည်ပသို့ ထွက်အောင် မောင်းထုတ်နေခြင်းသာ ဖြစ်၍ ယခု မေတ္တာရပ်ခံချက်ကို အားပေး ထောက်ခံခြင်းသည် မလေးရှား အစိုးရ၏ အကျိုးစီးပွားတွင် ပါဝင်သည်ဟု ခင်ဥမ္မာက ပါလီမန် ဧည့်ခန်းမတွင် သတင်းထောက်များအား ယနေ့ ပြောကြားခဲ့သည်။

"မြန်မာ နိုင်ငံသားတွေကို နိုင်ငံကနေ ထွက်ခွာအောင် အတင်း ဖိအားပေးနေတဲ့ အတွက် ဒုက္ခသည်တွေ၊ ရွှေ့ပြောင်းလုပ်သားတွေ ပိုများလာပြီး မူးယစ်ဆေး မှောင်ခို ရောင်းဝယ်မှုလည်း ပိုများလာပါတယ်" ဟု မြန်မာ ဒီမိုကရေစီနှင့် တိုင်းရင်းသား အခွင့်အရေး လှုပ်ရှားမှု အုပ်စုတွင်လည်း နိုင်ငံခြားရေးရာ အဖွဲ့ဝင် အဖြစ် တာဝန်ယူထားသော ခင်ဥမ္မာက ပြောကြားလိုက်သည်။

မလေးရှားမှာ တာဝန်ရှိ

AIPMC ဒုတိယ ဥက္ကဋ္ဌနှင့် ဘာလစ်ပါလူး ပြည်နယ် လွှတ်တော် အမတ် Yusmadi Yusoff က "မလေးရှား နိုင်ငံသည် ယခုအခါ ကုလသမဂ္ဂ လူ့အခွင့်အရေး ကောင်စီတွင် အဖွဲ့ဝင် ဖြစ်သောကြောင့် ယခု ပြဿနာကို ဆက်လက် ဖြေရှင်းသွားရန် တာဝန် ပိုရှိလာသည်" ဟု ဆက်လက် ပြောကြားသည်။

"မြန်မာနိုင်ငံ ကိစ္စကို ဂျီနီဗာမှာ တင်ပြဖို့ လက်ရှိ ခေါင်းဆောင်ပိုင်းကို ကျွန်တော် တောင်းဆိုပါတယ်။ ဒီလိုမှ မဟုတ်ရင် အမေရိကန် သမ္မတ ဘားရက် အိုဘားမားနဲ့ တွေ့တဲ့ အချိန်မှာ ပါလက်စတိုင်း ပြဿနာကို မတင်ပြ လိုက်ရတာမျိုး နောက်ထပ် အခွင့်အလမ်း တစ်ခု ဆုံးရှုံးသွားမှာပါ" ဟု ၎င်းက ပြောဆိုခဲ့သည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.