Transparency Myanmar

transparency.myanmar@gmail.com

လုပ်ငန်း လည်ပတ်သည့် စားရိတ်စက နည်းပါးခြင်း၊ သဘာဝ အရင်းအမြစ်များ ပေါကြွယ်ဝခြင်း၊ ဈေးကွက် ကြီးမားခြင်း အစရှိသည်တို့ကြောင့် ထိုင်းနိုင်ငံမှ ရင်းနှီး မြှုပ်နှံသူများသည် မြန်မာနိုင်ငံတွင် ရင်းနှီး မြှုပ်နှံမှုများ ပြုလုပ်ရန် နည်းလမ်း ရှာဖွေလျက် ရှိကြောင်း ထိုင်း-မြန်မာ စီးပွားရေး ကောင်စီ၏ အဆိုအရ သိရသည်။

မြန်မာ ပုဂ္ဂလိက စီးပွားရေး လုပ်ငန်းများမှ ကိုယ်စားလှယ်များ မကြာသေးခင် ကာလက ထိုင်းနိုင်ငံသို့ လာရောက် လည်ပတ်ပြီး ထိုင်းစက်မှု လုပ်ငန်းများ အနေဖြင့် မြန်မာနိုင်ငံတွင် ဝင်ရောက် ရင်းနှီးမြှုပ်နှံမှုများ ပြုလုပ်ရန် စည်းရုံးခဲ့ကြကြောင်း စီးပွားရေး ကောင်စီမှ Santi Vilassakdanont က ပြောသည်။ ဝင်ရောက် ရင်းနှီးမြှုပ်နှံရန် တိုက်တွန်း ပြောဆိုခဲ့ကြသည့် အခန်းကဏ္ဍများတွင် အစားအသောက် ထုတ်လုပ်ရေး၊ လယ်ယာ စိုက်ပျိုးရေးနှင့် ဆက်နွှယ်သော စက်မှုလုပ်ငန်းများ လုပ်ကိုင်ရေး၊ အထည်ချုပ် လုပ်ငန်း တည်ထောင်ရေး အစ ရှိသည်တို့လည်း ပါဝင်ကြောင်း ၎င်းက ဆိုသည်။

မြန်မာနိုင်ငံတွင် ယခုနှစ် ကုန်ပိုင်းလောက်၌ ဒီမိုကရေစီ ရွေးကောက်ပွဲ ကျင်းပရန် ရှိသည်။ အသစ် ဖြစ်ပေါ်လာမည့် မြန်မာအစိုးရ အဖွဲ့ အနေဖြင့် ရင်းနှီးမြှုပ်နှံမှု ဆိုင်ရာ မက်လုံးများ ပေးပြီး နိုင်ငံခြား ရင်းနှီးမြှုပ်နှံမှုများ ဝင်ရောက်လာအောင် ပြုလုပ်လိမ့်မည်ဟု မျှော်လင့်ရသည်။

အာဆီယံ အဖွဲ့ဝင် နိုင်ငံများ အားလုံး ၂၀၁၅ ခုနှစ်မှစတင်ကာ အာဆီယံ စီးပွားရေး ကွန်မြူနစ်တီ (Asean Economic Community) တစ်ရပ် ထူထောင်သွားရန် သဘော တူညီခဲ့ပြီးနောက် မြန်မာနိုင်ငံက နိုင်ငံခြား ရင်းနှီးမြှုပ်နှံမှုများအတွက် ပိုမို လမ်းဖွင့်ပေးလာခဲ့သည်။ ယင်း သဘော တူညီချက်အရ အာဆီယံသည် တစ်ခုတည်းသော ဈေးကွက် တစ်ခု ဖြစ်လာမည် ဖြစ်သည်။

အဆိုပါ အခင်းအကျင်းတွင် မြန်မာနိုင်ငံက နောက်ကျ မကျန်ရစ် ခဲ့စေလိုကြောင်း မစ္စတာ Santi Vilassakdanont က ပြောသည်။

"ကျွန်တော်တို့ တတွေ မြန်မာနိုင်ငံက ပုဂ္ဂလိက အခန်းကဏ္ဍတွေနဲ့ အနီးကပ် ပူးပေါင်း ဆောင်ရွက်နေကြပါတယ်" ဟု ဆိုသည်။

ပို၍ ဆိုရပါက မြန်မာ အာဏာပိုင်များက အလုပ်အကိုင် အခွင့်အလမ်းများကို ဖန်တီးလိုကြသည်။ လက်ရှိ အချိန်တွင် မြန်မာ အလုပ်သမား မြောက်မြားစွာမှာ ထိုင်းနိုင်ငံရှိ ကုန်ထုတ်လုပ်မှု စက်ရုံများတွင် အလုပ်လုပ်ကိုင်လျက် ရှိသည်။ "ထိုင်းနိုင်ငံမှာ အလုပ် လာလုပ်နေတဲ့ အဲဒီ မြန်မာ အလုပ်သမားတွေ မြန်မာနိုင်ငံကို ပြန်လာပြီး အလုပ်လုပ်ကိုင် စေလိုတဲ့ သဘောပါပဲ" ဟု မစ္စတာ Santi က ဟြေသည်။

ထိုင်း-မြန်မာ စီးပွားရေး ကောင်စီကလည်း ထိုင်းစီးပွားရေး လုပ်ငန်းရှင် ၂၀ ပါဝင်သည့် ကိုယ်စားလှယ် အဖွဲ့တစ်ဖွဲ့ကို သြဂုတ်လအတွင်း မြန်မာနိုင်ငံသို့ စေလွှတ်ရန် စီစဉ်ထားသည် ဟု ၎င်းက ဆိုသည်။ အဆိုပါ မြန်မာ ခရီးစဉ်အတွင်း မြန်မာနိုင်ငံမှ လယ်ယာ စိုက်ပျိုးရေး ထွက်ကုန်များ ထိုင်းနိုင်ငံ အစားအသောက် ထုတ်လုပ်ရေး လုပ်ငန်းများသို့ ထောက်ပံ့ ပေးပို့နိုင်ရေးနှင့် ထိုင်းနိုင်ငံမှ အဝတ်အထည်များ မြန်မာနိုင်ငံသို့ တင်ပို့နိုင်ရေးအတွက် နှစ်နိုင်ငံ နားလည်မှု စာချွန်လွှာ (MoU) တစ်ရပ်ကို လက်မှတ် ရေးထိုးမည် ဖြစ်သည်။

ယင်းခရီးစဉ်တွင် ထိုင်းကုန်ထုတ် စီးပွားရေး လုပ်ငန်းရှင်များ အနေဖြင့် မြန်မာနိုင်ငံမှ စီးပွားရေး လုပ်ငန်းရှင်များနှင့် တွေ့ဆုံကာ ဆက်ဆံရေး တစ်ရပ် ထူထောင်နိုင်မည့် အခွင့်အလမ်းများ ရရှိလိမ့်မည် ဖြစ်သည်ဟု ကောင်စီက ဆိုသည်။

ထိုင်းနိုင်ငံမှ စတီး၊ ဘိလပ်မြေ၊ စွမ်းအင် လုပ်ငန်းများမှ စီးပွားရေး လုပ်ငန်းရှင်များက မြန်မာနိုင်ငံတွင် ဝင်ရောက် ရင်းနှီးမြှုပ်နှံရေးနှင့် ပတ်သက်၍ များစွာ စိတ်ဝင်စားသည်ဟု ထုတ်ဖော် ပြောဆိုမှုများကိုလည်း မိမိအနေဖြင့် လက်ခံ ရရှိထားသည်ဟု Santi က ပြောသည်။ တရုတ်၊ စင်ကာပူ အစရှိသော အခြားနိုင်ငံများကလည်း မြန်မာနိုင်ငံတွင် ရင်းနှီးမြှုပ်နှံမှု အခွင့်အလမ်းများ ရရှိရန် နည်းလမ်း ရှာဖွေလျက် ရှိသည်။

နှစ်နိုင်ငံ ပထဝီ အနေအထားအရ ထိစပ်မှု ရှိခြင်း၊ သမိုင်းကြောင်းအရ ပြည်သူ ချစ်ကြည် ရင်းနှီးမှု ရှိခြင်း အစရှိသည့် အကျိုးအမြတ်များကို ထိုင်းနိုင်ငံ အနေဖြင့် အသုံးချရန် လိုအပ်သည်ဟု ၎င်းက ဆိုသည်။

"ထိုင်း စက်မှုလုပ်ငန်းတွေ အနေနဲ့ မြန်မာနိုင်ငံမှာ ရင်းနှီးမြှုပ်နှံဖို့ ပိုပြီး အာရုံစိုက်သင့်ပါတယ်။ ဘာဖြစ်လို့လဲဆိုတော့ မြန်မာနိုင်ငံမှာ အလုပ်သမား စရိတ်စက၊ လုပ်ငန်း လည်ပတ်တဲ့ စရိတ်စက နဲ့ မြေယာ စရိတ်စက စတာတွေဟာ ထိုင်းနိုင်ငံမှာထက် နည်းပါးလို့ပဲ ဖြစ်ပါတယ်။ နောက်ပြီး မြန်မာနိုင်ငံရဲ့ ရင်းနှီး မြှုပ်နှံမှုဆိုင်ရာ ထိန်းချုပ်မှုတွေဟာ ထိုင်းနိုင်ငံမှာလောက် မတင်းကြပ်ပါဘူး" ဟု ၎င်းက ဆိုသည်။

ထိုင်း-မြန်မာ စီးပွားရေး ကောင်စီ (TMBC) ကို ယခုနှစ် ဖေဖော်ဝါရီလတွင် စတင် ထူထောင်ခဲ့ခြင်း ဖြစ်သည်။ ထိုင်း စက်မှုလုပ်ငန်းများ အဖွဲ့ချုပ် (FTI)၊ ထိုင်းစက်မှု လက်မှုနှင့် ကုန်သည်ကြီးများ၊ ထိုင်း ဘဏ်လုပ်ငန်းရှင်များ အသင်း (TCCTBA) တို့အကြား ပူးပေါင်း ဆောင်ရွက်မှုများ ပြုလုပ်ရန် TMBC ကို ထူထောင်ထားခြင်း ဖြစ်သည်။

The Nation သတင်းစာမှ သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Earth Times, By Peter Janssen, 12th July 2010

ဒေါက်တာ စင်သီယာအောင်သည် ၁၉၈၈ ခုနှစ်က ရန်ကုန်တွင် စစ်တပ်၏ ချေမှုန်းမှုကြောင့် တောထဲတွင် ဆယ်ရက်ခန့် ဖြတ်သန်းပြီး ထိုင်းနိုင်ငံ နယ်စပ်သို့ ထွက်ပြေးလာခဲ့ပြီး၊ မဲဆောက်တွင် လအနည်းငယ် နေရန် စီစဉ်ခဲ့ဖူးသည်။

ယခု အနှစ်နှစ်ဆယ် ကြာသော အခါ သူမ၏ မယ်တောင် (Mae Tao) ဆေးခန်းသည် နယ်စပ် အဖွဲ့အစည်းကြီး တစ်ခုအသွင် ရှိနေကာ ဝန်ထမ်း (၆၃၄) ဦးခန့်ထားပြီး နေ့စဉ်လူနာ (၂၀၀၀) ကျော်အား ငှက်ဖျားရောဂါမှ စ၍ ခြေဖြတ်လက်ဖြတ် အထိ တာဝန်ယူ ကုသပေးလျက် ရှိနေသည်။

သူမ၏ မြန်မာ စစ်ပြေး ဒုက္ခသည်များနှင့် ရွှေ့ပြောင်းလုပ်သားများ၏ ကျန်းမာရေး စောင့်ရှောက်ပေးသော လုပ်ငန်းမှာ မည်သူမျှ မလုပ်သေးသော အလုပ် ဖြစ်ပြီး၊ အများတကာက အသိအမှတ် မပြုဘဲ မနေနိုင်ခဲ့ပေ။ သူမသည် Ramon Magsaysay ဆုအပါအဝင် နိုင်ငံတကာ ဆုပေါင်း တစ်ဒါဇင်ခန့် ရရှိထားပြီး ဖြစ်ကာ၊ ၂၀၀၅ ခုနှစ်က ငြိမ်းချမ်းရေး နိုဘယ်ဆုအတွက် ဆန်ကာတင် စာရင်း ပါခဲ့ဖူးသည်။

ဒေါက်တာ စင်သီယာသည် ဆေးခန်းကို ၁၉၈၉ ခုနှစ်တွင် စတင် တည်ထောင်ခဲ့ပြီး၊ ယာယီ သစ်သား တဲလေး တစ်လုံးဖြင့် သာမိုမီတာများကို rice cooker တွင် ထည့်၍ ပိုးသတ်ပြီး စတင်ခဲ့ရာ ယခုအခါ သစ်သားတဲများ ဖြစ်နေဆဲ ဖြစ်သော်လည်း ကုတင် (၁၅၀) ဆန့် လူထု ဆေးရုံကြီး ဖြစ်လာသည်။ ဓါတ်ခွဲခန်း၊ ဆေးဆိုင်၊ ခြေတု လက်တု ဋ္ဌာန၊ ရှေ့ဦး သူနာပြု လေ့ကျင့်ရေး အစီအစဉ်များ၊ စာသင်ကျောင်း စသည်များ ပါဝင်သည်။

ဆေးခန်း၏ လူနာတစ်ဝက် နီးပါးခန့်မှာ မဲဆောက်နှင့် အနီးဝန်းကျင်တွင် နေထိုင်ကြသော ရွှေ့ပြောင်း လုပ်သားများနှင့် သူတို့၏ မိသားစုများ ဖြစ်ကြသည်။ မဲဆောက် ဝန်းကျင်တွင် မြန်မာ နှစ်သိန်းခန့်သည် မည်သည်မျှ မသေချာ မရေရာသော အခြေအနေတွင် နေထိုင် အသက်ရှင် နေကြရသည်။

ကျန်သော လူနာ တစ်ဝက်မှာ နယ်စပ်ကို ဖြန်လာပြီး သူမ၏ ဆေးခန်းသို့ လာပြသော လူများ ဖြစ်သည်။

"အကူအညီ လာတောင်းတဲ့လူတွေ တစ်နေ့ထက် တစ်နေ့ များများ လာပါတယ်။ ကျွန်မတို့ဆီမှာ ပြင်းပြင်းထန်ထန် ဖြစ်တဲ့ ရောဂါသည် အများစုဟာ မြန်မာနိုင်ငံတွင်းက လာကြပါတယ်'' ဟု သူမက ပြောသည်။

သူမ၏ ဆေးခန်းသို့ လာသမျှ လူများသည် စစ်ပွဲကြောင့်၊ မြေမြှုပ်မိုင်းကြောင့်ချည်း လာကြသူများ မဟုတ်ပေ။ အချို့မှာ မြန်မာနိုင်ငံ၏ ဆိုးဝါးသော ကျန်းမာရေး စောင့်ရှောက်မှု စနစ်ကြောင့် သူမ၏ ဆေးခန်းသို့ လာရောက်သူများလည်း ပါဝင်သည်။

မြဝတီမှ အသက် (၁၅) နှစ်ရှိ ဝါယာထူးသည် သံလွင်မြစ်ကို ဖြတ်၍ ၎င်း၏ ခြေထောက်မှ အနာများကို လာကုခြင်း ဖြစ်သည်။

"ဗမာဆေးရုံတွေ သွားဖို့ ကျွန်တော့်မှာ ပိုက်ဆံ မရှိပါဘူး။ ဗမာ ဆေးရုံတွေက ကောင်းပါတယ်။ ဒါပေမဲ့ ပိုက်ဆံရှိမှ သူတို့က လက်ခံတယ်'' ၎င်းက ဆိုသည်။

မြန်မာနိုင်ငံတွင် စစ်တပ်မှ (၄၈) နှစ်ခန့် အုပ်ချုပ်လာပြီးသည့်နောက် အရှေ့တောင် အာရှတွင် အချမ်းသာဆုံး နိုင်ငံများစာရင်းမှ ဝေးကွာလာခဲ့ပြီး လက်ရှိတွင် ဒေသတွင်း၌ အညံ့ဖျင်းဆုံး ကျန်းမာရေးနှင့် ပညာရေးစနစ်တို့ ရှိနေသည်။

"မြန်မာနိုင်ငံမှာ ပြည်မမှာကိုက ကျန်းမာရေး စနစ်က ညံ့ဖျင်းလှပါတယ်။ ပိုက်ဆံရှိတဲ့ လူပဲ ကျန်းမာရေး စောင့်ရှောက်မှု ရနိုင်တယ်'' ဟု ဒေါက်တာစင်သီယာမောင် က ပြောသည်။

မြန်မာနိုင်ငံတွင် စစ်တပ်၏ ရက်ရက်စက်စက် အုပ်ချုပ်မှုများကြောင့် အပယ်ခံနိုင်ငံဖြစ်နေခြင်းကြောင့်၊ နိုင်ငံခြား အကူအညီ အနိမ့်ဆုံး ရရှိသော နိုင်ငံများ စာရင်းတွင် ပါဝင်ပြီး၊ နှစ်စဉ် လူတစ်ဦးလျှင် (၂) ဒေါ်လာအောက်သာ အကူအညီ ရရှိပါသည်။

မယ်တောင်ဆေးခန်း လုပ်ငန်းများသည်ပင် နိုင်ငံခြား လှူးဒါန်းငွေများဖြင့် ရပ်တည်နေရခြင်း ဖြစ်သည်။ သူမ၏ ဆေးခန်းတွင် နှစ်စဉ် လည်ပတ်သော ဘတ်ဂျက်၏ ၉၅ % ဖြစ်သော ဒေါ်လာ ၃ သန်းခန့်ကို နိုင်ငံခြား  အလှူငွေများမှ ရရှိကြောင်း၊ ကျန်ငွေမှာ လူနာများ  မှတ်ပုံတင်ကြေး တစ်ဦးလျှင် တစ်ဒေါ်လာ ကောက်ခံခြင်းဖြင့် ရရှိကြောင်း၊ ဒေါက်တာ စင်သီယာမောင်က ပြောသည်။

သူမ၏ လူနာများမှာ နှစ်စဉ် ၅-၁၀ %  တိုးနေသည်။ ယခုနှစ်တွင် ဆေးခန်း၌ ဘတ်ဂျက် လျော့နည်းမှုနှင့် ကြုံတွေ့ရမှုကြောင့် အစား အသောက် အခမဲ့ ကျွေးခြင်းနှင့် အခြား တိုးတက် လုပ်ဆောင်မည့် လုပ်ငန်းများ ရွှေ့ဆိုင်းထားခြင်းဖြင့် လုံလောက်အောင် စီမံခန့်ခွဲနေရသည်။

ရေရှည်အားဖြင့် ယခုအခါ မြန်မာနိုင်ငံတွင် ရွေးကောက်ပွဲ ကျင်းပမည်ဟု အစိုးရက ကတိပေးထားခြင်းကြောင့် စိုးရိမ်မှုများ ပိုမိုလာသည်။ ရွေးကောက်ပွဲသည် လွတ်လပ်၍ တရား မျှတလိမ့်မည် ဆိုသည်ကို လူအနည်းငယ်ကသာ မျှော်လင့်ကြသော်လည်း၊ ရွေးကောက်ပွဲ အပြီး ရလဒ်အားဖြင့် အကူအညီ ပေးမှုများသည် မြန်မာနိုင်ငံတွင်းသို့သာ တိုးပေးပြီး၊ နယ်စယ်ရှိ လုပ်ငန်းများ အပေါ်တွင် လျော့နည်းသွားမည်ကို စိုးရိမ်ရသည်။

"အမှန်တကယ်ပါပဲ။ အလှူရှင် အများစုက နိုင်ငံတွင်းကိုပဲ ပို့ပေးချင်ကြတာ။ နယ်စပ်မှာ သိပ် မပေးချင်ကြဘူး။ အခု ရွေးကောက်ပွဲ အပြီးမှာလဲ ဒီအတိုင်းပဲ ဆက်သွားလိမ့်မယ် ထင်တယ်'' ဟု ဘန်ကောက် အခြေစိုက် ဥရောပ သံတမန် တစ်ဦးက ပြောသည်။

နယ်စပ် တလျှောက် အခြေစိုက်သော မြန်မာနိုင်ငံ ပြည်ပရောက် နိုင်ငံရေး အုပ်စုများကို ပေးသော အလှူငွေများမှာလည်း ရပ်သလောက် ဖြစ်နေပြီ ဖြစ်ရာ၊ ရွေးကောက်ပွဲ အပြီးတွင် ထိုအုပ်စုများမှာ လှုပ်ရှားမှု ရပ်သလောက် ဖြစ်သွားမည်ဟု မျှော်လင့်ရသည်ဟု သတင်းတစ်ခုက ဆိုသည်။

ပို၍ စိုးရိမ်စရာ ကောင်းသော အချက်မှာ နယ်စပ်ရှိ စီမံကိန်းများ ဖြစ်သော ကျန်းမာရေး စောင့်ရှောက်မှုများ၊ မြန်မာ ရွှေ့ပြောင်း လုပ်သားများ၏ ကလေးငယ်များအတွက် ဖွင့်ထားသော ကျောင်း (၆၀) ကျော်နှင့် အလုပ်သမား ကာကွယ် စောင့်ရှောက်ရေး အုပ်စုများ အပေါ် သိသိသာသာ ထိခိုက်မှုများ ရှိလာမည် ဆိုသော အချက် ဖြစ်သည်။ မဲဆောက် တစ်ခုတည်းတွင် မြန်မာနိုင်ငံနှင့် ပတ်သက်သော NGO (၁၃၀) ကျော် ရှိသည်။

"ဒါဟာ အကြီးအကျယ် စိုးရိမ်ရမယ့် အချက်ပဲ'' ဟု Human Rights Watch မှ မြန်မာ့အရေး ကျွမ်းကျင်သူ David Mathieson က ပြောသည်။

"ဘာဖြစ်လို့လဲ ဆိုတော့ ရွေးကောက်ပွဲ ပြီးသွားတာနဲ့ ဒီအခြေခံ ပြဿနာတွေဟာ ပြောင်းသွားမှာ မဟုတ်ပါဘူး။ ရွေးကောက်ပွဲ ပြီးတာနဲ့ မြန်မာ ဒုက္ခသည်တွေနဲ့ ရွှေ့ပြောင်း လုပ်သားတွေဟာ မြန်မာနိုင်ငံကို ပြန်သွားကြမှာ မဟုတ်ပါဘူး။ ထိုင်းအစိုးရကတော့ ပြန်သွားစေချင်တာပေါ့'' ဟု David က ပြောသည်။

ထိုင်းနိုင်ငံသည် ၎င်း၏ မြေပေါ်ရှိ မြန်မာ ဒုက္ခသည်များနှင့် ရွှေ့ပြောင်းလုပ်သား နှစ်သန်းခန့်နှင့် ပတ်သက်၍ ရွေးကောက်ပွဲ အပြီး မည်သို့ ကိုင်တွယ်ရမည် ဆိုသည့် မူဝါဒမှာ မဆုံးဖြတ်ရသေးပေ။

ထိုင်းအစိုးရလည်း အခြားအစိုးရများ နည်းတူ ရွေးကောက်ပွဲ အပြီးကို စောင့်ကြည့်လျက် ရှိသည်။ စောင့်ကြည့် လေ့လာသူ အများစုကမူ စစ်တပ်ကို ထောက်ခံသော အစိုးရ တစ်ခုသာ ပေါ်လာဖွယ် ရှိကြောင်း ပြောဆိုနေသည်။

"ရွေးကောက်ပွဲ ပြီးရင်တော့ နိုင်ငံတကာ အသိုင်းအဝိုင်းအနေနဲ့ ဘာလုပ်ရမယ် ဆိုတာ ပိုမို ရှင်းလင်းလာပါလိမ့်မယ် '' ဟု Back Pack Health Workers Team မှ အမှုဆောင် ဒါရိုက်တာ Mahn Mahn က ပြောသည်။ အဆိုပါ အဖွဲ့သည် မြန်မာနိုင်ငံတွင်း ကျန်းမာရေး လုပ်သားများ လေ့ကျင့်ပေးရေး အစီအစဉ်ကို မယ်တောင် ဆေးခန်းနှင့် အတူ လုပ်ကိုင်နေသော အဖွဲ့ ဖြစ်သည်။ "ရွေးကောက်ပွဲကြောင့် ဘာမှ ဖြစ်မလာတာတွေလည်း ပိုမို ပြတ်သားလာပါလိမ့်မယ်'' ဟု ၎င်းက ပြောသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

www.newagebd.com, 10th July 2010

မြန်မာနိုင်ငံကို ဖြတ်သန်း၍ စစ်တကောင်းနှင့် ယူနန်ပြည်နယ် ကူမင်းကို ဆက်သွယ်မည့် ၃ နိုင်ငံ အဝေးပြေးလမ်း ဖောက်လုပ်ရေးကို မြန်မာနိုင်ငံက သဘောတူလိမ့်မည်ဟု ဘင်္ဂလားဒေ့ရှ် အစိုးရက မျှော်လင့်လျက် ရှိသည်။

မြန်မာနိုင်ငံသို့ ဝန်ကြီးချုပ် ရှိတ်ဟတ်ဆီနာ မကြာမီ သွားရောက်မည့် ခရီးစဉ်တွင် ယခုကိစ္စကို ဆွေးနွေးမည် ဖြစ်သည်။

"ကူမင်း အဝေးပြေးလမ်း အတွက် ကနဦး ခြေလှမ်းကို မြန်မာနိုင်ငံက အပြုသဘော ဆောင်၍ တုန့်ပြန်မည် ဟု မိမိတို့ မျှော်လင့်ထားကြောင်း'' နိုင်ငံခြားရေး ဝန်ကြီး ဒစ်ပူးမိုနီ က တနင်္ဂနွေနေ့က သတင်းစာ ရှင်းလင်းပွဲတွင် ပြောကြားခဲ့သည်။

နှစ်နိုင်ငံ နယ်ခြားကိစ္စ၊ ရေပြင် နယ်နိမိတ် ကိစ္စ၊ ဘင်္ဂလားဒေ့ရ်ှတွင် နေထိုင်နေသော မြန်မာ ရိုဟင်ဂျာများ ကိစ္စ၊ ကုန်သွယ်ရေး ကိစ္စနှင့် ကူမင်း အဝေးပြေးလမ်း ဖောက်လုပ်ရေး ကိစ္စ အပါအဝင် တို့ကို ဝန်ကြီးချုပ် ဟက်ဆီနာ မြန်မာနိုင်ငံသို့ သွားရောက်စဉ် ဆွေးနွေးလိမ့်မည်ဟု သူမက ပြောကြားသည်။

အဆိုပြုထားသော ကီလိုမီတာ ၉၀၀ အဝေးပြေးလမ်းသည် မြန်မာနိုင်ငံကို ဖြတ်သန်းကာ စစ်တကောင်းနှင့် ကူမင်းကို ဆက်သွယ်မည် ဖြစ်ပြီး ၃ နိုင်ငံ အကြား ကုန်သွယ်ရေး တိုးတက်ရေးကို ရည်ရွယ်သည်။

ထို့အပြင် ဒေသတွင်း ဆက်သွယ်မှု ဖွံ့ဖြိုးရေးကိုလည်း အထောက်အကူ ပြုမည် ဖြစ်ပြီး စစ်တကောင်း ဆိပ်ကမ်းကို ချဉ်းကပ်လိုသော တရုတ်နိုင်ငံအတွက် အခွင့်အလမ်းများ ဖန်တီးပေးမည် ဖြစ်သည်။

ဝန်ကြီးချုပ် ဟက်ဆီနာသည် ဇူလိုင်လတွင် မြန်မာနိုင်ငံသို့ သွားရောက်ရန် စီစဉ်ထားသော်လည်း မြန်မာ အာဏာပိုင်များက ၎င်းတို့ စီစဉ်ထားသော ရွေးကောက်ပွဲပြီးမှသာ လက်ခံရန် ရည်ရွယ်ကြောင်း ပြောကြားခဲ့ခြင်းကြောင့် ခရီးစဉ်ကို ရွှေ့ဆိုင်းခဲ့ရခြင်း ဖြစ်သည်။

မြန်မာနိုင်ငံတွင် အနှစ် ၂၀ အတွင်း ပထမဆုံး ဖြစ်ဖွယ် ရှိသော ရွေးကောက်ပွဲများကို ယခုနှစ် အတွင်း ကျင်းပရန် စိုင်းပြင်းနေသော်လည်း အစိုးရက ယခုတိုင် ကျင်းပမည့်ရက်ကို သတ်မှတ်ခြင်း မရှိသေးပေ။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ပြီးခဲ့သည့် မတ်လ အတွင်း နစ်မြုပ်ခဲ့သော တောင်ကိုရီးယား ချိုနန် စစ်သင်္ဘော ကိစ္စနှင့် ပတ်သက်၍ အမေရိကန် ပြည်ထောင်စု ဦးဆောင်သော ကုလသမဂ္ဂ ညွှန်ကြားရေးရုံး နှင့် မြောက်ကိုရီးယား အစိုးရ အရာရှိများအကြား တွေ့ဆုံ ဆွေးနွေးကြမည် ဖြစ်ကြောင်း ကုလသမဂ္ဂက သတင်း ထုတ်ပြန်သည်။

အဆိုပါ တွေ့ဆုံ ဆွေးနွေးမှုကို အပစ်အခတ် ရပ်စဲထားသော Panmunjom မြို့ကလေးတွင် ဇူလိုင်လ ၁၃ ရက်နေ့၌ ကျင်းပ ပြုလုပ်မည် ဖြစ်ကြောင်း၊ အနာဂတ် ကာလတွင် အဆင့်မြင့် ခေါင်းဆောင်များ ဆွေးနွေးမှုများ ပြုလုပ် လာနိုင်ရေးအတွက် အဓိက ဦးတည်ထားကြောင်း ကုလသမဂ္ဂက ဆိုသည်။

ကုလသမဂ္ဂ လုံခြုံရေး ကောင်စီ (UNSC) က ချိုနန် စစ်သင်္ဘော နစ်မြုပ်မှုကို ပြစ်တင် ရှုတ်ချလိုက်ပြီးနောက် ရက် အနည်းငယ်အတွင်း ယင်းဆွေးနွေးပွဲ ပြုလုပ်ရန် ပြင်ဆင်ကြခြင်း ဖြစ်သည်။ သို့သော် လုံခြုံရေးကောင်စီက မြောက်ကိုရီးယား အပေါ် ပြစ်တင်ရှုတ်ချမှု မပြုလုပ်သေးသည်ကို တွေ့ရသည်။

စစ်သင်္ဘော ချိုနန်သည် မတ်လ ၂၆ ရက်နေ့တွင် နစ်မြုပ်ခဲ့ရာ လူပေါင်း ၄၆ ဦး သေဆုံးခဲ့သည်။ နိုင်ငံတကာ စုံစမ်း စစ်ဆေးရေး အဖွဲ့က မြောက်ကိုရီးယား တော်ပီတိုကြောင့် ချိုနန်စစ်သင်္ဘော နစ်မြုပ်ရခြင်း ဖြစ်သည်ဟု ဆိုသည်။ သို့သော် အဆိုပါ ဖြစ်ရပ်သည် မိမိတို့ တာဝန် မဟုတ်ပါကြောင်း ပြုံးယမ်းအစိုးရက ငြင်းပယ်ထားသည်။

အေးခဲနေသည့် နှစ်နိုင်ငံ ဆက်ဆံရေး

ကုလသမဂ္ဂ ညွှန်ကြားရေးရုံးက ဆွေးနွေးမှုများ ပြုလုပ်ရန် မြောက်ကိုရီးယားက ဇူလိုင်လ ၉ ရက်နေ့တွင် သဘော တူညီခဲ့ကြောင်း ပြောကြားသည်။ ယခု ဆွေးနွေးမှုသည် "ဗိုလ်မှူးကြီးများ အဆင့် တွေ့ဆုံ ဆွေးနွေးမှု" ဖြစ်ပြီး အနာဂတ်ကာလ ဗိုလ်ချုပ်ကြီးများ အဆင့် ဆွေးနွေးမှုများ ထွက်ပေါ်လာရန် ဦးတည်ထားခြင်း ဖြစ်သည်ဟု ကုလ ကြေညာချက်က ဆိုသည်။

ယခုကိစ္စသည် မြောက်ကိုရီးယား၏ သဘောထား ပြောင်းလဲမှုကို ဖော်ကျူးရာ ရောက်သည်ဟု ဆိုသည်။ မြောက်ကိုရီးယား အစိုးရက ယခင်က ဆွေးနွေးမှုများ ပြုလုပ်ရန် ငြင်းဆန်ခဲ့သည်။

ချိုနန် စစ်သင်္ဘော နစ်မြုပ်မှုကြောင့် တောင်နှင့်မြောက် ကိုရီးယား နှစ်နိုင်ငံ ဆက်ဆံရေးမှာ လွန်စွာ ဆိုးရွားသွားသည်။ တောင်ကိုရီးယားနိုင်ငံ၏ ကုန်သွယ်ရေး ရပ်ဆိုင်းမှုကို တုံ့ပြန်သည့် အနေဖြင့် မြောက်ကိုရီးယားကလည်း တောင်ကိုရီးယားနှင့် ရှိထားသော အဆက်အသွယ်များ အားလုံးကို ဖြတ်တောက်ထားသည်။

ကုလ လုံခြုံရေးကောင်စီ၏ ကြေညာချက်တွင် ချိုနန် စစ်သင်္ဘော နစ်မြုပ်မှုနှင့် ပတ်သက်၍ တောင်ကိုရီးယား၏ လုပ်ဆောင်မှုများကို ချီးမွမ်း ရေးသားထားသည်။ သို့သော် မြောက်ကိုရီးယား နိုင်ငံအပေါ် ပြစ်တင် ရှုတ်ချထားခြင်း မရှိပေ။

သတင်းထောက်များ အဆိုအရ လုံခြုံရေးကောင်စီ ကြေညာချက်သည် တရုတ်နိုင်ငံ၏ ထောက်ပံ့မှု ရရှိရေး အလို့ငှာ ထုတ်ပြန်သည့် သဘောမျိုး ဖြစ်ကြောင်း သိရသည်။

BBC သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ထိုင်းနိုင်ငံမှ စီးပွားရေး လုပ်ငန်းများစွာ ပူးပေါင်း တည်ထောင်ထားသည့် ကော်ပိုရေးရှင်းကြီး ဖြစ်သော Siam Cement Group(SGC) သည် အိမ်နီးချင်း မြန်မာနိုင်ငံတွင် စီးပွားရေး အခွင့်အလမ်းများ ရရှိရန် ရှာဖွေလျက် ရှိကြောင်း The Nation သတင်းစာက ဖော်ပြသည်။ SGC သည် အထူးသဖြင့် ကုန်ပစ္စည်းများနှင့် ဘိလပ်မြေ ထုတ်လုပ်သည့် လုပ်ငန်းများတွင် ရင်းနှီး မြှုပ်နှံ လုပ်ကိုင်ခွင့် ရရှိရန် ကြိုးပမ်း ရှာဖွေနေခြင်း ဖြစ်သည်ဟု ဆိုသည်။

မြန်မာနိုင်ငံ ဈေးကွက် အတွင်းသို့ ဝင်ရောက်မှုသည် ၂၀၁၅ ခုနှစ်မှ စ၍ အာဆီယံ ဒေသတွင်း စက်မှု လုပ်ငန်းများတွင် ဦးဆောင်သူ ဖြစ်လာရေး ဟူသော SGC ဆောင်ရွက်မှု တစ်စိတ်တစ်ပိုင်း ဖြစ်ကြောင်း SCG ၏ အမှုဆောင် အရာရှိချုပ် Kan Trakulhoon က ပြောသည်။

ယခုနှစ်အတွင်း ကျင်းပရန် စီစဉ်ထားသည့် ဒီမိုကရေစီ ရွေးကောက်ပွဲ လွန်ကာလ မြန်မာနိုင်ငံ၏ နိုင်ငံရေး အခြေအနေမှာ ပိုမို တည်ငြိမ်လာမည်ဟု မျှော်လင့်ရသည်။ မြန်မာနိုင်ငံက နိုင်ငံခြား ရင်းနှီး မြှုပ်နှံမှုများ အတွက် ပိုမို တံခါးဖွင့် လာပေးသောကြောင့် ထိုင်း စီးပွားရေးနှင့် စက်မှုလုပ်ငန်းများ အနေဖြင့် မြန်မာ့ဈေးကွက် အတွင်းသို့ ဝင်ရောက်ကာ စီးပွားရေး အခွင့်အလမ်းများ ပိုမို ရှာဖွေလာကြမည် ဖြစ်ကြောင်း Kan Trakulhoon က သုံးသပ် ပြောဆိုသည်။

မြန်မာနိုင်ငံတွင်း ရင်းနှီး မြှုပ်နှံရေး အခွင့်အလမ်းများ ရှာဖွေနေကြသည့် ထိုင်းကုမ္ပဏီများထဲတွင် SGC လည်း တစ်ခုအပါအဝင် ဖြစ်သည်။

မြန်မာနိုင်ငံသည် တရုတ်နိုင်ငံ တောင်ပိုင်းဒေသနှင့် နယ်နိမိတ်ချင်း ထိစပ်လျက် ရှိပြီး တစ်ဖက်တွင် ထိုင်းနိုင်ငံနှင့်လည်း မဟာမဲခေါင် ပူးတွဲ ဒေသ ဖွံ့ဖြိုးရေး လုပ်ငန်းစဉ်၏ တစ်စိတ်တစ်ပိုင်း အဖြစ် နှစ်နိုင်ငံအကြား လမ်းပန်း ဆက်သွယ်ရေးစနစ် ပိုမို ကောင်းမွန်အောင် လုပ်ကိုင်လျက် ရှိသည်။ သို့အတွက်ကြောင့် အကယ်၍သာ မြန်မာနိုင်ငံ ဈေးကွက်တွင်းသို့ SGC  ဝင်ရောက်ပါက တရုတ်နိုင်ငံ အထိပါ ဈေးကွက် ချဲ့ထွင်သွားနိုင်မည် ဖြစ်သည်ဟု Kan Trakulhoon က ဆိုသည်။

SGC ၏ စီမံခန့်ခွဲရေးနှင့် ဖွံ့ဖြိုးရေး ကော်မတီသည် ယခုလအတွင်း မြန်မာနိုင်ငံနှင့် ဆွေးနွေး ညှိနှိုင်းမှုများ ပြုလုပ်မည် ဖြစ်ကြောင်း၊ မြန်မာနိုင်ငံ ဈေးကွက် အလားအလာများကို မိမိတို့ ကုမ္ပဏီ အနေဖြင့် စစ်တမ်း ကောက်ယူ လေ့လာသွားမည် ဖြစ်ကြောင်း ၎င်းက ဆိုသည်။

"မြန်မာနိုင်ငံဟာ SGC ဝင်ရောက် ရင်းနှီးမြှုပ်နှံဖို့အတွက် အလားအလာတွေ အများကြီး ရှိတဲ့ နိုင်ငံတစ်ခု ဖြစ်ပါတယ်။ အထူးသဖြင့် ဘိလပ်မြေနဲ့ ဆောက်လုပ်ရေး ပစ္စည်းတွေ ထုတ်လုပ်တဲ့ လုပ်ငန်းတွေမှာပါ" ဟု Kan က ထပ်လောင်း ပြောဆိုသည်။

SGC သည် ၂၀၁၅ ခုနှစ်မှ စ၍ အာဆီယံ ဒေသတွင်း စက်မှုလုပ်ငန်းများတွင် ဦးဆောင်သူ တစ်ဦး ဖြစ်လာရန် ရည်မှန်းချက် ထားရှိထားသည်။ လက်ရှိ အနေအထားတွင် SGC ၏ အခွန်ငွေ ၈ ရာခိုင်နှုန်းမှာ ဗီယက်နမ်၊ ဖိလစ်ပိုင်၊ ကမ္ဘောဒီးယားနှင့် လာအို အစရှိသော အာဆီယံ နိုင်ငံများတွင် လည်ပတ် လုပ်ကိုင်မှုများမှ ရရှိနေခြင်း ဖြစ်သည်။ SGC ၏ အဓိက မဟာဗျူဟာမှာ ဒေသတွင်း စီးပွားရေး လုပ်ငန်းများ တိုးချဲ့သွားရေးပင် ဖြစ်သည်။

မိမိတို့ ကုမ္ပဏီသည် ဒေသတွင်း စက္ကူ ဈေးကွက်နှင့် ဆောက်လုပ်ရေး ပစ္စည်း ဈေးကွက်တို့တွင် ထိပ်တန်းနေရာမှ ဦးဆောင်လျက် ရှိကြောင်း၊ မိမိတို့ ရည်မှန်းချက်များ အကောင်အထည် ဖော်နိုင်ရေးအတွက် အာဆီယံ ဒေသတွင်း ရင်းနှီးမြှုပ်နှံမှုများ ပိုမို ရရှိအောင် ကြိုးစားရဦးမည် ဖြစ်ကြောင်း အမှုဆောင် အရာရှိချုပ်က ပြောသည်။

"အာဆီယံ ခေါင်းဆောင်တွေ အနေနဲ့ ကျွန်တော်တို့ SGC ဟာ ဒေသတွင်း စီးပွားရေး လုပ်ငန်းတွေ ပူးပေါင်း ဖွဲ့စည်းထားတဲ့ ခိုင်မာတဲ့ ကော်ပိုရေးရှင်းကြီး တစ်ခုအဖြစ် အသိအမှတ် ပြုစေလိုပါတယ်" ဟု ၎င်းက ဖြည့်စွက် ပြောဆိုသည်။

The Nation သတင်းစာမှ သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Straits Times, 13th July 2010

မြန်မာနိုင်ငံတွင် ကျင်းပမည့် ရွေးကောက်ပွဲများသည် တရားမျှတမှု ရှိမည် မဟုတ်၍ အလွန်အမင်း စိုးရိမ် ပူပန်လျက် ရှိသည်ဟု အမေရိကန် ပြည်ထောင်စုက တနင်္လာနေ့တွင် ပြောကြားလိုက်ပြီး အဓိက အတိုက်အခံ NLD ပါတီဝင်ဟောင်းများအား ရွေးကောက်ပွဲ ဝင်ခွင့် ပေးခဲ့သည့် အစိုးရ၏ လုပ်ဆောင်မှုသည် စာဖွဲ့လောက်သော အရာမဟုတ်ဟု ပြောဆိုခဲ့သည်။

မြန်မာ စစ်ဖက် အစိုးရသည် ဒေါ်အောင်ဆန်းစုကြည် ခေါင်းဆောင်သော NLD ပါတီကို ဖျက်သိမ်းခဲ့သော်လည်း အဆိုပါ ပါတီဝင်ဟောင်း အချို့ကို ပါတီ နာမည်သစ် တစ်ခုဖြင့် ရွေးကောက်ပွဲ ဝင်ရန် ယခင်အပတ်က ခွင့်ပြုခဲ့သည်။

"ရွေးကောက်ပွဲ လုပ်ငန်းစဉ်နဲ့ ပတ်သက်လို့ ကျွန်တော်တို့ရဲ့ ပူပန်နေမှုက မပြောင်းလဲပါဘူး။ ဒါဟာ ချို့ယွင်းချက် အပြစ်အနာတွေ များတဲ့ ရွေးကောက်ပွဲ လုပ်ငန်းစဉ် တစ်ခုလို့ ကျွန်တော်တို့ ယူဆပါတယ်" ဟု အမေရိကန် နိုင်ငံခြားရေးဌာန ပြောရေးဆိုခွင့် ရှိသူ Philip Crowley က သတင်းထောက်များအား ပြောကြားသည်။

"ယခင် NLD ပါတီဝင်တွေရဲ့ ဆုံးဖြတ်ချက်ကို ကျွန်တော်တို့ လေးစားရမှာပါ။ အခု မြန်မာနိုင်ငံမှာ ဆက်တိုက် ဖြစ်ပျက်နေတဲ့ အရာတွေဟာ လွတ်လပ် မျှတပြီး တရားဝင် အသိအမှတ်ပြု ထိုက်တဲ့ ရလဒ်နဲ့ ဆင်ဆင်တူဖို့တောင် အလှမ်းဝေးလှတဲ့ အတွက် ကျွန်တော်တို့ မျှော်လင့်ချက် တစ်စုံတစ်ရာ မထားဘူးဆိုတာ အသေအချာပါပဲ" ဟု ၎င်းက ဆိုသည်။

NLD ပါတီက ရွေးကောက်ပွဲ ဝင်ခြင်းသည် စစ်အုပ်ချုပ်ရေးကို တရားဝင် အသိအမှတ်ပြုရာ ရောက်သည်ဟု ယုံကြည်သဖြင့် ရွေးကောက်ပွဲကို သပိတ်မှောက်ရန် စီစဉ်ခဲ့ကြသည်။

NLD ပါတီ အနိုင်ရသော်လည်း အာဏာ မရခဲ့သည့် ၁၉၉၀ ရွေးကောက်ပွဲ နောက်ပိုင်း ယခုအကြိမ်သည် ပထမဆုံး အကြိမ် ဖြစ်ဖွယ် ရှိသည်။ ဒေါ်အောင်ဆန်းစုကြည်မှာ ထိုအချိန်က စ၍ အကျယ်ချုပ် ထိန်းသိမ်းခံခဲ့ရခြင်း ဖြစ်သည်။

အစိုးရက NDF ပါတီသစ်ကို မှတ်ပုံတင် ခွင့်ပြုခဲ့ခြင်းသည် အတိုက်အခံများကို အတော်အတန် သွေးကွဲစေခဲ့ပြီး NLD နှင့် ဒေါ်အောင်ဆန်းစုကြည်၏ လွှမ်းမိုးမှု အားနည်းသွားစေခဲ့သည်ဟု နိုင်ငံရေးသမား အချို့က ယုံကြည်နေသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News, 12th July 2010

အစိုးရ ဝန်ထမ်းများ အနေဖြင့် ၎င်းတို့၏ ရင်းနှီး မြှုပ်နှံမှုများ၊ ဝင်ငွေများ၊ ပိုင်ဆိုင်မှုများကို အသိပေး ကြေညာရန် လိုအပ်သော လာဘ်စားမှု တိုက်ဖျက်ရေး စည်းကမ်း ဥပဒေများကို တရုတ် အစိုးရက ထုတ်ပြန်လိုက်သည်ဟု နိုင်ငံပိုင် မီဒီယာက သတင်းထုတ်ပြန်သည်။

ယခုအခါ အရာရှိများသည် မိသားစုဝင်များ၏ ငွေကြေးဆိုင်ရာ အသေးစိတ် အချက်များနှင့် ၎င်းတို့၏ ပုဂ္ဂိုလ်ရေး အဆင့်အတန်း ပြောင်းလဲမှု တစ်စုံတစ်ရာကို အသိပေးရတော့မည် ဖြစ်သည်။

အရာရှိများက အခြားလူများ၏ နာမည်ကို အသုံးပြု၍ ဝင်ငွေကို ဖုံးကွယ်ထားခြင်းအား တားဆီးရန် အတွက် ဥပဒေသစ်များကို ရေးဆွဲ ပြဌာန်းခြင်း ဖြစ်သည်ဟု အကဲခတ်များက ဆိုသည်။

တရုတ် သမ္မတက "လာဘ်စားမှု တိုက်ဖျက်ခြင်းသည် ကွန်မြူနစ် ပါတီအတွက် သေရေး၊ ရှင်ရေး ကိစ္စတစ်ခု ဖြစ်သည်" ဟု ပြောကြားခဲ့သည်။

တနင်္ဂနွေနေ့တွင် စတင် သက်ရောက်မည့် စည်းမျဉ်း ဥပဒေသစ်များသည် ၂၀၀၆ က ထုတ်ပြန်ခဲ့သော ဥပဒေများကို တိုးချဲ့ခြင်း ဖြစ်ပြီး အရာရှိများ အသိပေး ကြေညာရမည့် ပုဂ္ဂိုလ်ရေး အချက်အလက်များ၏ နယ်ပယ်ကို ပိုမို ကျယ်ပြန့်စေသည်။

မည်သို့ပင် ဖြစ်စေ ယခု ဥပဒေသစ်များကြောင့် တရုတ် အရာရှိများ အသိပေးခဲ့သည့် ဝင်ငွေနှင့် ပိုင်ဆိုင်မှုများ လိုအပ်သလောက် မပြည့်မီခြင်းကို ရပ်တန့်သွားစေလိမ့်မည်ဟု China Daily က ဖော်ပြသည်။

လိုက်နာရန် ပျက်ကွက်သူများ၊ လိမ်လည် တင်ပြသူများသည် ရာထူးမှ ရပ်ဆိုင်းခြင်း (သို့) အပြစ်ဒဏ်ပေးခြင်းနှင့် ရင်ဆိုင်ရမည်ဟု နိုင်ငံပိုင် သတင်းစာက ဆိုသည်။

ယခင်က ကျင့်သုံးခဲ့သော အပြင်းဆုံး ဒဏ်ပေးမှုမှာ "အထောက်အထား ခိုင်လုံသော အပြစ်တင်မှု" သာ ဖြစ်သည်။

ယခု ဥပဒေသစ်နှင့် အကျုံးဝင်သည့် သူများမှာ အလယ်အလတ် အရာရှိများမှသည် ကွန်မြူနစ် ပါတီ ထိပ်ပိုင်းအဆင့် တာဝန်ရှိ ပုဂ္ဂိုလ်များ၊ နိုင်ငံပိုင် ကုမ္ပဏီများမှ အမှုဆောင် အရာရှိများ ဖြစ်ကြသည်။

အထက်ပါ စီမံချက်ကို အစိုးရက လူသိရှင်ကြား ဆောင်ရွက်နေသော်လည်း တာဝန်ရှိသူများ အကြား လာဘ်စားမှုများမှာ ကျယ်ပြန့်နေဆဲ ဖြစ်သည်ဟု ဘေဂျင်းမှ BBC သတင်းထောက် Damian Gramaticas က ပြောကြားသည်။

လာဘ်စားမှု အမျိုးမျိုး အပေါ် ပြည်သူလူထု၏ ဒေါသထွက်မှုသည် ကွန်မြူနစ် ပါတီ အတွက် ထောက်ခံမှု ကျဆင်းစေသည်ဟု အလွန်အမင်း စိုးရိမ်နေသော တရုတ် ခေါင်းဆောင်များအား ဆိုးဝါးလာသော လာဘ်စားမှုများက ပူပန်သောက ရောက်စေသည်ဟု သိရှိရသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ယခုအခါ တရားမဝင် နိုင်ငံခြားသားများသည် ဝင်ရောက်ရန် လွယ်ကူသည့် နယ်စပ် ဒေသများကို ကျော်ဖြတ်ကာ လစာ အနည်းငယ်သာ ရရှိမည့် အလုပ်အကိုင် ရှာဖွေနေကြသည်။ အကြောင်းမှာ ပြည်တွင်း အလုပ်သမားများ၏ အခြေခံလစာ မြင့်တက်လာခြင်း၊ အလုပ်သမားများက လစာ ပိုမို တောင်းခံလာခြင်းတို့ကြောင့် အလုပ်ရှင် သူဋ္ဌေးများက ဈေးပေါပေါဖြင့် ခိုင်းစေနိုင်မည့် တရားမဝင် လုပ်သားများကို အလိုရှိနေသောကြောင့် ဖြစ်သည်။ သူဋ္ဌေးများက ပြည်တွင်းမှ နိုင်ငံသား အလုပ်သမားများလောက် လစာကောင်းကောင်း ပေးမည် မဟုတ်သည်ကို တရားမဝင် လုပ်သားများ ကောင်းစွာ သိကြသည်။ သို့သော် ထိုအလုပ်ကိုပင် ရရန် ဆန္ဒရှိသောကြာင့် ရသည့် နည်းလမ်းဖြင့် နယ်စပ် ဖြတ်ကျော်ရန် ကြိုးပမ်းကြခြင်း ဖြစ်သည်။

တရုတ်နိုင်ငံ တောင်ပိုင်းဒေသ Guangxi နှင့် Guangdong ပြည်နယ်များတွင် အဆိုပါ အရေးကိစ္စများ အများဆုံး တွေ့မြင်ရသည်။ နှစ်စဉ် ဗီယက်နမ် နိုင်ငံနှင့် အခြား အရှေ့တောင် အာရှ နိုင်ငံများမှ တရားမဝင် လုပ်သား ထောင်ပေါင်းများစွာ တရုတ်နိုင်ငံတွင်းသို့ ဝင်ရောက်ပြီး ဈေးပေါသည့် အလုပ်အကိုင်များ ရရန် ရှာဖွေလျက် ရှိသည်။ သို့အတွက်ကြောင့် ဗီယက်နမ်နှင့် တရုတ် အစိုးရ အရာရှိများမှာ နှစ်နိုင်ငံ နယ်စပ်ဒေသ အကြား လူကုန်ကူးသည့် စီးပွားရေး လုပ်ငန်း ကြီးထွားလာသည့် ပြဿနာများနှင့် ရင်ဆိုင်နေကြရသည်။

သို့သော် တရုတ်နိုင်ငံထဲမှ စက်ရုံ၊ အလုပ်ရုံများက လူကုန်ကူးသည့် စီးပွားရေး အလားအလာကို ပပျောက်သွားအောင် ဆောင်ရွက်ပေးလိုခြင်း မရှိပေ။ လတ်တလော တရုတ်နိုင်ငံတွင် အလုပ်သမား အရေးကိစ္စများနှင့် ပတ်သက်ပြီး Honda မော်တော်ကား ကုမ္ပဏီတွင် ပဋိပက္ခများ ဖြစ်ပွားသည်။ Silicon Vally က ထောက်ပံ့ ပေးထားသော Foxconn စက်ရုံတွင်လည်း မိမိကိုယ်ကိုယ် အဆုံးစီရင်မှုများ ဖြစ်ပွားခဲ့သည်။

တရုတ်အစိုးရက လတ်တလော ပြင်ဆင် သတ်မှတ်လိုက်သည့် ယွမ်ငွေကြေး တန်ဖိုးကြောင့်လည်း စက်ရုံပိုင်ရှင် အတော်များများမှာ လုပ်ခလစာငွေ ပေးချေရေးအတွက် အကျပ် ရိုက်လျက် ရှိသည်။ အချို့ အလုပ်သမားများမှာမူ လစာငွေ ရရှိမှု နည်းပါးသော အလုပ်အကိုင်ကို ပြောင်းလုပ်ရသည် အထိ ဖြစ်ခဲ့ရသည်။

ဆိုခဲ့ပါ ဖြစ်ရပ်များကြောင့် တရုတ်နိုင်ငံတွင်း တရားမဝင် အလုပ်သမား ဝင်ရောက်မှုမှာ ပိုမို ကြီးထွားနေခြင်း ဖြစ်သည်။ သတင်းများအရ တရုတ် အစိုးရ အာဏာပိုင်များသည် ဗီယက်နမ်မှ
တရားမဝင် လုပ်သားများ ခေါ်ယူပေးသည့် ရာဇဝတ်ဂိုဏ်း အများစုကို ဖြိုခွင်းနိုင်ခဲ့သည် ဟုဆိုသည်။  Guangxi ပြည်နယ်တွင် လှုပ်ရှားနေသည့် လူကုန်ကူး ကွန်ယက် နှစ်ခုကိုလည်း ဖြိုခွင်းနိုင်ခဲ့ပြီး တရုတ်နိုင်ငံ တောင်ပိုင်းဒေသမှ တစ်ဆင့် ဝင်ရောက်လာသော တရားမဝင် အလုပ်သမား ၃၆၉ ဦးကိုလည်း တရုတ်ရဲများက ဖမ်းဆီးရမိခဲ့သည်။

စုံစမ်း လေ့လာမှုများအရ တရားမဝင် အလုပ်သမားများ ခေါ်ယူပေးသည့် ပွဲစားတစ်ဦးသည် တစ်လလျှင် ဒေါ်လော ၂၀၀ ထက် မနည်း ဝင်ငွေ ရရှိသည်။ အမေရိကန် ပြည်ထောင်စုတွင် မှတ်ပုံ မတင်ဘဲ နေထိုင်သော အလုပ်သမားများ နည်းတူပင် ဗီယက်နမ်၊ ကမ္ဘောဒီးယား၊ မြန်မာ စသည့် လုပ်သားများမှာ တရုတ်နိုင်ငံသို့ တရားမဝင် ဝင်ရောက်ပြီး ကြံစိုက်ခင်းများ၊ အထည်ချုပ် စက်ရုံများ၊ အလုပ်ရုံများ (ဝပ်ရှော့) နှင့် ဆောက်လုပ်ရေး လုပ်ငန်းခွင်များတွင် ဝင်ရောက် လုပ်ကိုင်ကာ ဘဝ ဇာတ်မြှုပ် ထားကြရသည်။

အဆိုပါ အလုပ်အကိုင်များမှ တစ်နေ့လျှင် ၅ ဒေါ်လာခန့် ရရှိကြသည်။ နိုင်ငံသား အလုပ်သမားများ အနေဖြင့် အချိန်ပို အလုပ်ဆင်းခနှင့် အခြား အမြတ်အစွန်းငွေများကို တောင်းခံပိုင်ခွင့် ရှိသော်လည်း တရားမဝင် အလုပ်သမားများမှာမူ အဆိုပါ အခွင့်အရေးများ မရရှိကြပေ။ ယနေ့ဆိုလျှင် တရုတ်နိုင်ငံတွင်း အလုပ်သမား ဈေးကွက်တွင် ခွဲခြား ဆက်ဆံမှုများ ပိုမို ဖြစ်ပေါ်လျက် ရှိသည်ကို  ပိုမို တွေ့မြင်လာရသည်။

ဂလိုဘယ်လိုက်ဇေးရှင်း စီးပွားရေး စတင်ချိန် ဆယ်စုနှစ် တစ်ခုလောက်က ဖွံ့ဖြိုးပြီး နိုင်ငံများသည် တရုတ်ပြည်မှ အလုပ်သမားများကို မျက်နှာသာ ပေးခဲ့ကြသော်လည်း ယခုအခါ တရုတ်ပြည်မှ အလုပ်အကိုင်များသည် နိုင်ငံခြားသားများ လက်ထဲသို့ စတင် ရောက်ရှိနေပြီ ဖြစ်သည်။

"သူတို့တတွေက အလုပ်ကြမ်းသမားတွေပါ၊ အမိန့် နာခံတတ်တဲ့ အလုပ်သမားတွေလည်း ဖြစ်ပါတယ်" ဟု Dongguan မြို့ရှိ ဖိနပ် စက်ရုံပိုင်ရှင် Zeng Xiangbiao က ပြည်ပမှ လာသော အလုပ်သမားများနှင့် ပတ်သက်၍ မှတ်ချက်ပေး ပြောဆိုသည်။ မစ္စတာ Zeng Xiangbiao ၏ ဖိနပ်စက်ရုံတွင် လောလောဆယ် ကမ္ဘောဒီးယား၊ လာအို တို့မှ အလုပ်သမား ၂၀၀ ကျော် လုပ်ကိုင်လျက် ရှိသည်။

"သူတို့တတွေက တစ်နေ့ကို ၁၅ နာရီကနေ ၁၆ နာရီလောက် အထိ အလုပ် လုပ်နိုင်ကြတယ်၊ တစ်လလုံး နားရက်မယူဘဲ လုပ်နိုင်ကြတယ်။ ၁၉၈၀ ပြည့်နှစ်တွေမှာ မွေးခဲ့တဲ့ ပြည်တွင်း လုပ်သား အနည်းသာ သူတို့လို လုပ်နိုင်ကြတယ်" ဟု ၎င်းက ဆက်လက် ပြောဆိုသည်။

လက်ရှိ အချိန်ကာလအထိ တရားမဝင် အလုပ်သမားများ ဝင်ရောက် လုပ်ကိုင်မှုနှုန်း မြင့်တက်လျက် ရှိဆဲပင် ဖြစ်သည်။ သို့သော် အကျပ်အတည်း ဖြစ်မှု တစ်စုံတစ်ရာ မကြားရသေးပေ။ တရုတ် အလုပ်သမား ဈေးကွက်သည် လစာငွေ အနည်းငယ်သာ ပေးရသော အလုပ်သမားများကို ခေါ်ယူနိုင်စွမ်း ရှိသည်ဟု ဆိုနိုင်သည်။ ဗီယက်နမ် အလုပ်သမား ဈေးကွက်မှာမူ လုပ်ခ ကောင်းမွန်စွာ ပေးနိုင်သော အလုပ်အကိုင်များ အလုံအလောက် မရှိဟု ကောက်ချက်ချနိုင်သည်။

ယင်းသို့ တရုတ်နိုင်ငံသို့ အလုပ်ရရှိရန် အလို့ငှာ နယ်စပ်ဒေသမှ ဖြတ်ကျော် ဝင်ရောက်လာသူများသည် Guandong ပြည်နယ် ဒေသတွင် အများဆုံး ပြောဆိုသော ကန်တုံ ဘာသာ စကားကိုလည်း တတ်ကျွမ်းကြရာ အလုပ်အကိုင် ရှာဖွေရေး၊ သွားလာ လှုပ်ရှားရေးအတွက် ပူပင်စရာ မလိုဘဲ ရှိသည်။

ဤသို့ဖြစ်ပါက တရုတ်နိုင်ငံသည် တရားမဝင် (မှတ်ပုံ မတင်ထားသော) အလုပ်သမားများ လက်ဝယ် ရရှိထားသော်လည်း အမေရိကန် ပြည်ထောင်စုလောက် အန္တရာယ် ကြီးမားမှုမျိုး မရှိပေ။ အမေရိကန် ပြည်ထောင်စုတွင်မူ ယင်းသို့သော အလုပ်သမား သန်းနှင့် ချီ၍ ရှိရာ ပြဿနာမျိုးစုံ ဖြစ်ပေါ်လျက် ရှိသည်။

တရုတ်အစိုးရက တရားဝင် ထုတ်ပြန်သော စာရင်းဇယားများ အရ Guangxi နယ်စပ် ဒေသတွင် တရားမဝင် နယ်စပ်ဖြတ်ကျော် ဝင်ရောက်သူ ၁၈၂၀ ဖမ်းမိခဲ့သော်လည်း ထောင်ပေါင်း များစွာ ကျန်ရှိသေးကြောင်း၊ ၂၀၀၉ ခုနှစ်တွင် အလုပ်အကိုင် ရှာဖွေရေးအတွက် နယ်စပ် ဖြတ်ကျော်ရန် ကြိုးပမ်းသူ ၄၈၃၉ ဦးကို ဟန့်တားနိုင်ခဲ့ကြောင်း သိရသည်။

ဗီယက်နမ် အလုပ်သမား ဌာနမှ ဒုတိယ ဒါရိုက်တာ Vi Xuan Mai က Forbes မဂ္ဂဇင်းသို့ ပြောကြားရာတွင် တစ်နှစ်လျှင် အလုပ်သမား ၅၀၀၀ ခန့် တရုတ် နယ်စပ်ဒေသသို့ ဖြတ်ကျော် ဝင်ရောက်လျက် ရှိသည်ဟု ဆိုသည်။ ဤသို့ ဆိုပါက တရားမဝင် အလုပ်သမား ထောင်ပေါင်းများစွာကို မည်သို့မည်ပုံ ဟန့်တားမည်နည်း ဟု မေးစရာ ရှိလာသည်။

"ဒီလို ဖြစ်စဉ်မျိုးတွေ တဖြည်းဖြည်းချင်း ကြီးထွားလာတာကို တွေ့ရပါတယ်။ ဒါပေမဲ့ ကျွန်တော်တို့ အဲဒါကို ရပ်တန့်သွားအောင် မလုပ်နိုင်သေးပါဘူး" ဟု ၎င်းက မှတ်ချက်ပြုသည်။

Forbes Asia မဂ္ဂဇင်းမှ သတင်း ဆောင်းပါးကို ဆီလျော်အောင် ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

တရုတ်နိုင်ငံ၏ အရန် နိုင်ငံခြားငွေ ထားရှိမှုမှာ ယခုနှစ် ဇွန်လ ကုန်ပိုင်းတွင် ၂ ဒဿမ ၄၅ သန်းအထိ ရောက်ရှိလာသည်။ ယင်းပမာဏသည် တစ်နှစ်လျှင် ၁၅ ဒဿမ ၁ ရာခိုင်နှုန်းစီ မြင့်တက်လာခြင်း ဖြစ်သည်ဟု ဗဟိုဘဏ်က ဆိုသည်။

မည်သို့ဆိုစေ တရုတ်နိုင်ငံ၏ အရန် နိုင်ငံခြားငွေမှာ ဒုတိယ လေးလပတ်အတွင်း ၇ ဒဿမ ၂ ဘီလီယံသာ မြင့်တက်ခဲ့ခြင်း ဖြစ်ကြောင်း၊ ယခင် ပထမ လေးလပတ်တွင် ၁၂၆ ဒဿမ ၅ ဘီလီယံထိ ရှိခဲ့ရာမှ လျော့ကျခဲ့ခြင်း ဖြစ်ကြောင်း တရုတ်ဘဏ်က ထည့်သွင်း ဖော်ပြသည်။

အဆိုပါ တရုတ် အရန် နိုင်ငံခြားငွေကို အမေရိကန် ပြည်ထောင်စုတွင် အနီးကပ် စောင့်ကြည့်ခြင်း ခံရသည်။ တရုတ်သည် အမေရိကန် ပြည်ထောင်စုတွင် ကုန်သွယ်ရေး ပိုလျှံမှုများ ပြန်လည် လည်ပတ်နိုင်ရေးအတွက် ဘဏ္ဍာရေး အာမခံနှင့် အခြားသော အစိုးရများ၏ ကြွေးမြီများ ဝယ်ယူသည်။

တရုတ်သည် ၂၀၀၆ ခုနှစ် အရောက်တွင် နိုင်ငံခြား အရန်ငွေကြေး ဒေါ်လာ ၁ ထရီလီယံ အထိ ရရှိလာနိုင်ရေးအတွက် ဆယ်စုနှစ် တစ်ခုတာမျှ အချိန်ယူ ကြိုးစားခဲ့ရသည်။ သို့သော် ကုန်သွယ်ရေး အဆမတန် ကြီးထွား ကောင်းမွန်လာသောကြောင့် စီးပွားရေး တိုးတက်မှု အလွန်အမင်း မြင့်တက်ခဲ့ကာ ၂၀၀၉ ဧပြီလ အရောက်တွင် အရန် နိုင်ငံခြားငွေ စုစုပေါင်းမှာ ဒေါ်လာ ၂ ထရီလီယံ ကျော်လွန်သွားခဲ့သည်။ ယင်းနှစ် ကုန်ပိုင်းတွင် ၂ ဒဿမ ၄ ထရီလီယံသို့ပင် ရောက်ရှိခဲ့သည်။

AP သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

အာဆီယံ အဖွဲ့ဝင် နိုင်ငံတစ်ခု ဖြစ်သော လာအိုနိုင်ငံ၏ နိုင်ငံခြားရေး ဝန်ကြီးသည် လာမည့် ရက်သတ္တပတ် အတွင်း အမေရိကန် ပြည်ထောင်စုသို့ သွားရောက် လည်ပတ်မည် ဖြစ်ကြောင်း သိရသည်။ ယင်းခရီးစဉ်သည် လာအို နိုင်ငံခြားရေး ဝန်ကြီး တစ်ဦးအတွက် ဗီယက်နမ် စစ်ပွဲ ပြီးဆုံးသည့် အချိန်မှ စ၍ အမေရိကန်သို့ ပထမဆုံး သွားရောက်သည့် ခရီးစဉ် ဖြစ်သည်။ ထို့ပြင် အမေရိကန် ပြည်ထောင်စုက အရှေ့တောင် အာရှဒေသတွင်း အမေရိကန် သြဇာ လွှမ်းမိုးမှုကို ပြန်လည် တည်ဆောက်လိုကြောင်းလည်း သံတမန်များက ဆိုသည်။

လာအို နိုင်ငံခြားရေး ဝန်ကြီး Thong Sisoulith (ဒုတိယ နိုင်ငံခြားရေး အဖြစ်လည်း တာဝန် ယူထားသူ) သည် အမေရိကန် ပြည်ထောင်စု ဝါရှင်တန်တွင် ရက် အတန်ကြာ နေထိုင်မည် ဖြစ်ပြီး ခရီးစဉ်အတွင်း အမေရိကန် နိုင်ငံခြားရေး ဝန်ကြီး ဟီလာရီ ကလင်တန်နှင့်လည်း တွေ့ဆုံဖွယ် ရှိသည်ဟု သံတမန်များက AFP သတင်းဌာနသို့ ပြောကြားသည်။

ယင်းခရီးစဉ်သည် ကုန်းတွင်းပိတ် လာအိုနိုင်ငံကို ကွန်မြူနစ်များ သိမ်းပိုက်ခဲ့သည့် ၁၉၇၅ ခုနှစ် နောက်ပိုင်း လာအို အဆင့်မြင့် အရာရှိတစ်ဦး အနေဖြင့် ပထမဆုံးအကြိမ် ဖြစ်သည်။ ၁၉၇၅ ခုနှစ်တွင် ဗီယက်နမ် စစ်ပွဲ အကူအညီဖြင့် ကွန်မြူနစ်များက လာအိုနိုင်ငံကို သိမ်းပိုက်ခဲ့သည်။ ယခုအခါ ဗီယက်နမ် အစိုးရမှာ အမေရိကန် ကျောထောက် နောက်ခံ ပေးမှုကို ရယူထားသည်။

လာအို-အမေရိကန် နှစ်နိုင်ငံ ဆက်ဆံရေး သမိုင်းကို ကြည့်လျှင် မည်သည့် အခါကမျှ ဆိုးဆိုးရွားရွား မရှိခဲ့ပေ။ သို့သော် ဗီယက်နမ် စစ်ပွဲအတွင်း အမေရိကန် တပ်ဖွဲ့များကို အကူအညီ ပေးခဲ့သော ဟမ်မုံ တိုင်းရင်းသား လူမျိုးစုများအပေါ် လာအိုအစိုးရက ဆန့်ကျင်မှုများ ပြုလုပ်ခဲ့ခြင်းနှင့် ပတ်သက်ပြီး ဝါရှင်တန် အစိုးရက စိုးရိမ် ပူပန်မိသည်ဟု ပွင့်ပွင့်လင်းလင်း ဝေဖန်ခဲ့ရာ နှစ်နိုင်ငံ ဆက်ဆံရေး နှစ်အတန်ကြာ တင်းမာခဲ့ဖူးသည်။

သို့သော် ၂၀၀၄ ခုနှစ်တွင် အမေရိကန် ပြည်ထောင်စုက လာအိုနိုင်ငံနှင့် ပုံမှန် ကုန်သွယ်ရေး တစ်ရပ်ကို စတင် ထူထောင်ခဲ့သည်။ ၂၀၀၉ ခုနှစ်သို့ အရောက်တွင် အမေရိကန် သမ္မတ ဘားရက်အိုဘားမားက လာအိုနိုင်ငံတွင် စီးပွားရေး လုပ်ကိုင်နေသော ကုမ္ပဏီများ အပေါ် ငွေထုတ်ချေးမှု ကန့်သတ် ပိတ်ပင်ထားမှုကို ပယ်ဖျက်ပေးခဲ့သည်။

ယခုအခါ တရုတ်နိုင်ငံက အာဆီယံ ဒေသတွင်း သြဇာ လွှမ်းမိုးမှုကို ချဲ့ထွင်ရန် နည်းလမ်း ရှာဖွေလျက် ရှိသကဲ့သို့ ဆက်ဆံရေး အဆင်မပြေ ဖြစ်ခဲ့ဖူးသည့် အိမ်နီးချင်း လာအိုနိုင်ငံနှင့်လည်း နှစ်နိုင်ငံ ဆက်ဆံရေး ပြုပြင် ပြောင်းလဲမှုများ ပြုလုပ်ရန် ကြိုးစားလျက် ရှိသည်။ တရုတ် ဒုတိယ သမ္မတ Xi Jinping သည် ပြီးခဲ့သည့် ဇွန်လအတွင်း လာအိုနိုင်ငံသို့ သွားရောက် လည်ပတ်ခဲ့သေးသည်။ တရုတ် အစိုးရက လာအို အခြေခံ အဆောက်အအုံများတွင် ရင်းနှီး မြှုပ်နှံမည်ဟု ကတိကဝတ် ပြုထားသည်။ အကြောင်းမှာ တရုတ်ထွက်ကုန်များ ဒေသတွင်း အဓိက ကျသော ထိုင်းနိုင်ငံသို့ တင်ပို့ရာ၌ လာအိုကို သယ်ယူ ပို့ဆောင်ရေး လမ်းကြောင်း တစ်ခုအဖြစ် အသုံးပြုလိုသောကြောင့် ဖြစ်သည်။

NY Times မှ သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.