Transparency Myanmar

transparency.myanmar@gmail.com

DVB News, 21st July 2010

မြန်မာ အာဏာပိုင်များသည် ထိုင်းနိုင်ငံမှ တရားမဝင် တင်သွင်းသော ကုန်ပစ္စည်းများနှင့် ပတ်သက်၍ နယ်စပ် ကုန်သွယ်ရေး စခန်းများတွင် နှိမ်နှင်း ဖြိုခွဲခဲ့ပြီးနောက် နိုင်ငံ အတွင်းပိုင်း ဒေသများတွင် ဆက်လက်၍ ကျယ်ကျယ်ပြန့်ပြန့် နှိမ်နှင်းလျက် ရှိသည်။

စတိုးဆိုင် ပိုင်ရှင်များ သိုလှောင်ထားသော ဘီယာ၊ အရက်၊ အချိုရည်၊ စားအုန်းဆီနှင့် စည်သွပ်ဗူးများကို ရဲနှင့် အကောက်ခွန် အဖွဲ့များက ပစ်မှတ်ထားနေကြောင်း ကြားသိရသည်။ တောင်ပိုင်း တနင်္သာရီတိုင်း မြို့တော် ထားဝယ်မှ ဆိုင်ပိုင်ရှင် တစ်ဦးက "တရားဝင် အခွန်ဆောင် မထားသော တားမြစ် ပစ္စည်းများကို ရဲများက သိမ်းဆည်းနေသည်'' ဟု DVB  သို့ ပြောကြားခဲ့သည်။

နယ်စပ် တလျှောက်ရှိ ဆိုင်များမှာ တာဝန်ရှိသူများအား လဘ်ထိုး၍ ဆက်လက် ရောင်းချ နိုင်ခဲ့ကြသော်လည်း လွန်ခဲ့သည့် ၆လ အတွင်း နှိမ်နှင်း ဖြိုခွဲမှုများကို ခပ်စိပ်စ်ိပ် တွေ့လာရသည်ဟု ၎င်းက ဆိုသည်။ တခြား ကုန်သည် တစ်ယောက်ကလည်း အချို့ ကုန်ပစ္စည်းများမှာ နယ်စပ်ဖြတ်ကျော် တင်သွင်းခွင့် ရရှိသော်လည်း မြန်မာပြည်ထဲ၌ ဖြန့်ချိမှုကို တားမြစ် ခံနေရသည်ဟု ပြောကြားခဲ့သည်။

"ရှမ်းပြည် အရှေ့မြောက်ဖက် ထိုင်း-မြန်မာ နယ်စပ်က တာချီလိတ်မြို့ကို ဝင်လာတဲ့ ပစ္စည်းတွေဟာ ပုံမှန်အားဖြင့်တော့ ကျိုင်းတုံနဲ့ တောင်ကြီးကို ပို့လေ့ ရှိတယ်။ ဒါပေမဲ့ အခု ကုန်ပစ္စည်း တင်ထားတဲ့ ကားတွေကို ထွက်ခွင့် မပေးဘူးလို့ ကြားရပါတယ်။ အကြောင်းရင်းကိုတော့ သေချာ မသိသေးပါဘူး'' ဟု ကျိုင်းတုံ ဒေသခံ တစ်ဦးက ပြောကြားသည်။

အထက်ပါ နှိမ်နှင်းမှုကြောင့် အခြေခံ စားကုန်များ ဈေးနှုန်းများစွာ တက်သွားခဲ့ရာ တာချီလိတ်တွင် ယခင်က အမေရိကန် ဒေါ်လာ ၆ ဒေါ်လာ ပေးရသော ဆန်တစ်အိတ်ကို ယခု ၂၈ ဒေါ်လာ ပေးဝယ်ခဲ့ရသည်ဟု ဒေသခံက ဆိုသည်။

ထိုင်းနိုင်ငံ မဲဆောက် နှင့် နီးသော ကရင်ပြည်နယ် မြဝတီမှ အဓိက နယ်စပ် စစ်ဆေးရေးဂိတ်ကို မြန်မာ အာဏာပိုင်များက ပိတ်လိုက်ပြီးနောက် ယခုကဲ့သို့   ဆက်လက် နှိမ်နှင်းခဲ့ခြင်း ဖြစ်သည်ဟု သိရသည်။

နယ်ခြားနယ်နိမိတ် မျဉ်းသဖွယ် ဖြစ်နေသည့် မွိုင်မြစ် (သောင်ရင်းမြစ်) တလျှောက် ထိုင်းနိုင်ငံက "တာဘောင်'' တည်ဆောက်ခြင်းနှင့် ပတ်သက်ပြီး ထိုင်းနှင့် မြန်မာ အစိုးရ ကြားတွင် ပြဿနာ ပေါ်ပေါက်လျက် ရှိသည်။

မြန်မာနိုင်ငံတွင်းသို့ ချစ်ကြည်ရေး တံတားကို ဖြတ်၍ မော်တော်ယာဉ် ဝင်ရောက်ခွင့်ကို ယခင်အပတ်က တားမြစ်ခဲ့ပြီး သီတင်းပတ်ကုန်တွင် ခြေလျင် လမ်းလျှောက် ဝင်သူများကိုပါ ပိတ်ပင်ခဲ့သည်။ မွိုင်မြစ်၏ ထိုင်းနိုင်ငံ ဘက်ခြမ်းတွင် တာဘောင် တည်ဆောက်ခြင်းကြောင့် မြန်မာနိုင်ငံ ဘက်ခြမ်းတွင် ရေတိုက်စား နိုင်သောကြောင့် မြန်မာအစိုးရ စိတ်ဆိုးနေခြင်း ဖြစ်သည်ဟု ယုံကြည်ရသည်။

ယခုကဲ့သို့ နယ်စပ် ကုန်သွယ်ရေး ကျဆင်းမှုမှာ ဖြစ်ရိုးဖြစ်စဉ် မဟုတ်ဟု ရန်ကုန် အခြေစိုက် စီးပွားရေး ပညာရှင် ခင်မောင်ညိုက ပြောကြားသည်။

"ကုန်သွယ်ရေး မူဝါဒကို ဆိုင်ရှင်တွေ၊ စားသုံးသူတွေ သေချာ သဘော မပေါက်သေးခင် အချိန်မှာ ကိစ္စတွေကို အစိုးရက ထိန်းပေးထားဖို့ လိုပါတယ်။ အမြတ် ရနိုင်ချေ ရှိနေရင်တော့ စီးပွားရေး ဆက်လုပ်မှာပါ၊ နယ်စပ်ကို အမြဲတမ်း ပိတ်လို့ မရနိုင်ပါဘူး၊ ကုန်စည် စီးဆင်းမှုတော့ ရှိနေတုန်းပါပဲ'' ဟု ၎င်းက သုံးသပ် ပြောကြားခဲ့သည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Daily Contributor, 21st July 2010

အာဆီယံနိုင်ငံများ၏ အစည်းအဝေးကို ဇူလိုင် ၂၃ရက် သောကြာနေ့တွင် ကျင်းပမည် ဖြစ်သည်။ ယခု အစည်းအဝေး ဖိုရမ်၌ ဆွေးနွေးမည့် ခေါင်းစဉ်များတွင် ဒေသတွင်း သဘာဝ ဘေးအန္တရာယ် တုန့်ပြန်ရေးနှင့် ကယ်ဆယ်ရေး၊ မြန်မာနိုင်ငံမှ လာမည့် ရွေးကောက်ပွဲ စသည်တို့ ပါဝင်သည်။

မြန်မာနိုင်ငံက လာမည့် ရွေးကောက်ပွဲကို လွတ်လပ်၊ မျှတစွာ ကျင်းပမည် ဆိုသည်ကို အာဆီယံ အဖွဲ့က သံသယရှိ၊ စိုးရိမ်နေကြသည်။ အဖွဲ့ဝင် နိုင်ငံများမှ ဝန်ကြီးများက မြန်မာ အာဏာပိုင်များအား အများနှင့် သက်ဆိုင်သော ရွေးကောက်ပွဲ ကျင်းပပေးရန် တိုက်ရိုက် တဲ့တိုး ထုတ်ဖော် ပြောဆိုခဲ့ကြသည်။ ဒီမိုကရေစီ ထောက်ခံသူ ခေါင်းဆောင် ဒေါ်အောင်ဆန်းစုကြည်မှာ ယခုအချိန်အထိ ရွေးကောက်ပွဲတွင် ပါဝင်ခြင်းကို တားမြစ်ခံရဆဲ ဖြစ်သည်။

တစ်ချိန်တည်းတွင် ဒေသတွင်း၌ မကြာခဏ ဖြစ်ပွားနေသော သဘာဝ ဘေးအန္တရာယ်များကို တုန့်ပြန်ရာတွင် အရပ်ဖက်နှင့် စစ်ဖက် ပူးပေါင်း ဆောင်ရွက်မှု ထိထိရောက်ရောက် တိုးတက်စေရန် အာဆီယံ ခေါင်းဆောင်များက စီစဉ်နေကြသည်။ အဆိုပါ ဘေးအန္တရာယ်များတွင် မြေငလျှင်များ၊ မုန်တိုင်းများ၊ မီးတောင် ပေါက်ကွဲမှုများ ပါဝင်သည်။ ပင်လယ် ရေမျက်နှာပြင် မြင့်တက်လာမှုနှင့် ပြင်းထန် ဆိုးဝါးသော ရာသီဥတု ပြောင်းလဲမှုသည် အရှေ့တောင်အာရှ ဒေသ အတွက် ကြီးမားသော စိုးရိမ်စရာ ဖြစ်လာသည်။

အာဆီယံသည် အာရှတိုက်တွင် အကြီးဆုံး လုံခြုံရေး ဖိုရမ် တစ်ခုဖြစ်သည်။ အာဆီယံနိုင်ငံများနှင့် တရုတ်နိုင်ငံ အကြားတွင် ယခု ရေပန်းစားနေသော လွတ်လပ်သော ကုန်သွယ်ရေး သဘောတူညီချက်ကို ချမှတ်ထားသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Straits Times, By Nirmal Ghosh, 21st July 2010

၂၀၁၀ ခုနှစ်၌ မြန်မာနိုင်ငံတွင် ကျင်းပပြုလုပ်မည့် ရွေးကောက်ပွဲသည် အဆိုပါ နိုင်ငံတွင် ဒီမိုကရေစီ အသွင် ကူးပြောင်းရေး၏ အစိတ်အပိုင်း တစ်ခု ဖြစ်လာမည်  ဖြစ်ကြောင်း အင်ဒိုနီးရှား နိုင်ငံခြားရေး ဝန်ကြီး Marty Natalegawa က သတင်းစာ ဆရာများသို့ ဇူလိုင်လ (၂၀) ရက်နေ့က ပြောကြားခဲ့သည်။

ရွေးကောက်ပွဲသည် မြန်မာနိုင်ငံတွင် ဖြစ်ပေါ်နေသော အရေးကိစ္စများ အတွက် အဖြေ တစ်စိတ်တစ်ပိုင်း ထုတ်ပေးနိုင်သည် ဆိုသော မျှော်လင့်ချက် ဒီဂရီ အတော်များများ ရှိနေသည်ဟု ၎င်းက ပြောသည်။

တနင်္ဂနွေနေ့ညက ကျင်းပသော အလုပ်သဘော ညစာစားပွဲတွင် အာဆီယံ နိုင်ငံခြားရေး ဝန်ကြီးများသည် မြန်မာနိုင်ငံ အရေးကိစ္စကို ဆွေးနွေးကြရာ  Natalegawa  က အာဆီယံ အနေဖြင့် မြန်မာနိုင်ငံ ရွေးကောက်ပွဲသို့ လေ့လာသူများ စေလွှတ်လိုကြောင်း ပြောကြားခဲ့သည်။ သို့သော် ၎င်းတို့သည် လေ့လာသူများသာ ဖြစ်ပြီး စောင့်ကြည့်မည့် သူများ မဟုတ်ကြောင်း အလေးအနက် ပြောကြားခဲ့သည်။

အစည်းအဝေးတွင် အာဆီယံ အထွေထွေ အတွင်းရေးမှူးချုပ် Surin Pitsuwan က သတင်းထောက်များသို့ ပြောကြားရာတွင် "အာဆီယံ အနေနဲ့ မြန်မာနိုင်ငံမှာ ငြိမ်းချမ်းတဲ့ အမျိုးသား ပြန်လည် ပေါင်းစည်းရေးကို အလွန်တရာ စိတ်ဝင်စားပါတယ်။ ဘာဖြစ်လို့လဲ ဆိုတော မြန်မာနိုင်ငံမှာ ဖြစ်ပျက်သမျှ ကောင်းတာပဲ ဖြစ်ဖြစ်၊ ဆိုးတာပဲ ဖြစ်ဖြစ် အာဆီယံ အပေါ်မှာ သက်ရောက်မှုတွေ ရှိနေလို့ပါပဲ'' ဟု ဆိုသည်။

မြန်မာ စစ်အစိုးရသည် နိုင်ငံရေး အကျဉ်းသား (၂၁၀၀) ကျော်ကို ဆက်လက် ထိန်းသိမ်းထားပြီး၊ ရွေးကောက်ပွဲတွင် မပါဝင်နိုင်အောင် ဥပဒေဖြင့် ကန့်သတ်ထားသည်။

"ဒီမိုကရေစီ အတွက် ဘယ်အသွင် ကူးပြောင်းရေးမှာမဆို နိုင်ငံရေး အကျဉ်းသားတွေကို လွှတ်ပေးဖို့ဟာ လုပ်ငန်းစဉ် အောင်မြင်ရေး အတွက် သော့ချက် ဖြစ်တယ်'' ဟု အမေရိကန် အခြေစိုက် မြန်မာနိုင်ငံနှင့် ပတ်သက်၍ အထူး လေ့လာသူ သြဇာရှိ ဒီမိုကရေစီ လှုပ်ရှားသူ တစ်ဦးက ယခု အာဆီယံ အစည်းအဝေး မတိုင်မီက The Straits Times သို့ ပြောကြားခဲ့သည်။

အမေရိကန် နိုင်ငံခြားရေး ဝန်ကြီး ဟီလာရီ ကလင်တန်သည် အာရှ၏ အကြီးဆုံး လုံခြုံရေး ဆိုင်ရာ ဆွေးနွေးပွဲ ဖြစ်သော အာဆီယံ ဒေသတွင်း ဖိုရမ် (Asean Regional Forum)  သို့ တက်ရောက်ရန် ကြာသပတေးနေ့တွင် ဟနွိုင်းသို့ ရောက်ရှိမည် ဖြစ်သည်။ သူမသည် ဆွေးနွေးပွဲတွင် မြန်မာ့အရေးကို ရှေ့တန်းတင် ပြောဆိုလာလိမ့်မည်ဟု မျှော်လင့်ရသည်။

သို့သော် နိုင်ငံတကာ အသိုင်းအဝိုင်းတွင် မြန်မာနိုင်ငံနှင့် ပတ်သက်၍ လုံးဝ အမြင်မတူ ကွဲပြား ခြားနားမှုများ ရှိနေသည်။

အမေရိကန်နှင့် ဗြိတိန်တို့သည် ရွေးကောက်ပွဲအား စစ်တပ် အုပ်ချုပ်ရေးအား တရားဝင်အောင် တန်ဆာ ဆင်ထားသော လုပ်ငန်းစဉ် အဖြစ် ကန့်ကွက် ရှုတ်ချခဲ့သည်။ ဥရောပ သမဂ္ဂကမူ ရွေးကောက်ပွဲသည် တိုးတက်မှု အချို့ အတွက် လက္ခဏာ ဖြစ်ကြောင်း၊ သို့သော် သေးငယ်သော လက္ခဏာ ဖြစ်ကြောင်း ဆိုသည်။

မြန်မာ့ရွေးကောက်ပွဲနှင့် ပတ်သက်၍ မှတ်ချက် ပေးကြရာတွင် စင်ကာပူ နိုင်ငံခြားရေး ဝန်ကြီး George Yeo က "ဒီနေ့ အခြေအနေ အတိုင်းဆိုရင် သိသာ ထင်ရှားတဲ့ ပြောင်းလဲမှု မတွေ့နိုင်ပါဘူး။ ဒါပေမဲ့ မြန်မာနိုင်ငံကို မတူတဲ့ အခြေအနေတစ်ခုဆီ သွားမယ့် အရေးကြီးတဲ့ အချိုးအကွေ့ကိုတော့ တွေ့နေရပါပြီ။ အခြေခံ ဥပဒေအရ ပေါ်လာမယ့် အစိုးရ၊ စီးပွားရေးကိုလည်း ပိုမို ဖွင့်ပေးလိမ့်မယ်'' ဟု ဆိုသည်။

မြန်မာနိုင်ငံသည် မြောက်ကိုးရီးယား၏ အကူအညီဖြင့် နျူကလီယာ လက်နက် ထုတ်လုပ်ရန် ရည်ရွယ်နေသည် ဆိုသော သတင်းများနှင့် ပတ်သက်၍ အာဆီယံ၏ စိုးရိမ်ပူပန်မှုကို မေးမြန်းရာ Yeo က "မြန်မာ နိုင်ငံခြားရေး ဝန်ကြီးက ကျွန်တော်တို့ကို အသေအချာ ပြောပါတယ်။ သူတို့မှာ နျူကလီယာ လက်နက် အစီအစဉ် မရှိပါဘူး။ ရည်ရွယ်ချက်လည်း မရှိပါဘူးလို့ ပြောပါတယ်'' ဟု ရှင်းပြသည်။

မြောက်ကိုးရီးယား နိုင်ငံခြားရေး ဝန်ကြီး Pak Ui Chun ခေါင်းဆောင်သော မြောက်ကိုးရီးယား ကိုယ်စားလှယ် အဖွဲ့သည် ARF တက်ရောက်ရန် ဗုဒ္ဓဟူးနေ့တွင် ဟနွိုင်းသို့ ရောက်ရှိမည်ဟု မျှော်လင့်ရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

လာမည့် ရက်သတ္တပတ် အတွင်း နိုင်ငံတော် ခရီးစဉ်အဖြစ် အိန္ဒိယနိုင်ငံသို့ သွားရောက် လည်ပတ်မည့် မြန်မာ စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေကို ကော်ဇောနီ ခင်းကာ ကြိုဆိုမည့် အိန္ဒိယအစိုးရကို ထိပ်တန်း လူ့အခွင့်အရေးအဖွဲ့ တစ်ဖွဲ့က ပြစ်တင် ရှုတ်ချလိုက်သည်။

ဗိုလ်ချုပ်မှူးကြီး သန်းရွှေသည် ၎င်း၏ ငါးရက်တာ ခရီးစဉ်အတွင်း အိန္ဒိယ ဝန်ကြီးချုပ် မန်မိုဟန်ဆင်း၊ သမ္မတ ပရာတီဘာပတ်တီတို့နှင့် တွေ့ဆုံမည် ဖြစ်သည်။ မြန်မာ အစိုးရ ခေါင်းဆောင်၏ အိန္ဒိယနိုင်ငံ ခရီးစဉ်မှာ ဇူလိုင်လ ၂၄ ရက်နေ့တွင် စတင်မည် ဖြစ်သည်ဟု အိန္ဒိယ နိုင်ငံခြားရေး ဝန်ကြီးဌာနက သတင်းရင်းမြစ်က AFP သတင်းဌာနသို့ ပြောကြားသည်။

ကမ္ဘာတစ်လွှားမှ အဖွဲ့အစည်းပေါင်း ၁၆၄ ဖွဲ့ကို  ကိုယ်စားပြုသော နိုင်ငံတကာ လူ့အခွင့်အရေး အဖွဲ့ချုပ် (FIDH) က ဗိုလ်ချုပ်မှူးကြီး သန်းရွှေ၏ ခရီးစဉ်သည် ပြဿနာကြီးသော ခရီးစဉ် ဖြစ်ကြောင်း ဖော်ပြပြီး ဝန်ကြီးချုပ် မန်မိုဟန်ဆင်းထံ စာတစ်စောင် ပေးပို့လိုက်သည်ဟု သိရသည်။

"မြန်မာ စစ်အစိုးရ၏ လူ့အခွင့်အရေး ချိုးဖောက်မှုများတွင် စစ်ရာဇဝတ်မှုများနှင့် နိုင်ငံတကာ ဥပဒေကို ဆန့်ကျင်သည့် လူသား မဆန်သော ရာဇဝတ်မှုများလည်း ပါဝင်ပေသည်" ဟု မစ္စတာ မန်မိုဟန်ဆင်းထံသို့ ပေးပို့သော စာတွင် FIDH က ဖော်ပြသည်။ ယင်းစာကို Agence France' Presse (AFP) သတင်းဌာနသို့လည်း ပေးပို့ခဲ့သည်။

"ကမ္ဘာလုံးဆိုင်ရာ လူ့အခွင့်အရေး ကိစ္စများကို အလေးမထားဘဲ မြန်မာ စစ်အစိုးရ ခေါင်းဆောင်များနှင့် ဆက်ဆံရေး မပျက်ပြားအောင် ထိန်းသိမ်းမှုသည် ကမ္ဘာ့ အကြီးမားဆုံး ဒီမိုကရေစီ နိုင်ငံ ဖြစ်လာမည် မဟုတ်သလို တာဝန်ယူတတ်သော အင်အာကြီး နိုင်ငံတစ်ခုလည်း ဖြစ်လာမည် မဟုတ်ပေ" ဟု အိန္ဒိယနိုင်ငံက မြန်မာစစ်အစိုးရ ခေါင်းဆောင်အား ကြိုဆို ဖိတ်ခေါ်ခဲ့မှုကို ပြစ်တင် ဝေဖန်ထားသည်။

ဥရောပသမဂ္ဂ၊ အမေရိကန် ပြည်ထောင်စုနှင့် အခြားသော နိုင်ငံများက မြန်မာနိုင်ငံကို စီးပွားရေး ပိတ်ဆို့ အရေးယူမှုများ ပြုလုပ်ပြီး စစ်ခေါင်းဆောင်များ ခရီးသွားလာမှုကို ပိတ်ပင်လျက် ရှိသည့်တိုင် မြန်မာ စစ်အစိုးရသည် အိမ်နီးချင်း အိန္ဒိယ၊ တရုတ်၊ ထိုင်း အစရှိသော နိုင်ငံများ၏ အထောက်အပံ့ ပေးမှုကြောင့် သက်သာရာ ရရှိနေသည်။

အိန္ဒိယသည် တစ်ချိန် တစ်ခါက မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို မမှိတ်မသုံ ထောက်ခံသော နိုင်ငံတစ်ခု ဖြစ်ခဲ့သော်လည်း လုံခြုံရေး၊ လောင်စာ စွမ်းအင်၊ မဟာဗျူဟာ ဦးစားပေးမှု  အစရှိသည် တို့ကြောင့် ၁၉၉၀ ပြည့်နှစ်မှ စကာ မြန်မာနိုင်ငံအပေါ် ထားရှိသည့် မူဝါဒကို ပြောင်းလဲပစ်ခဲ့သည်။

အိန္ဒိယသည် မြန်မာနိုင်ငံမှ ရေနံနှင့် သဘာဝ ဓာတ်ငွေ့များ တင်သွင်းရန် ကြိုးပမ်းလျက် ရှိသကဲ့သို့ နယ်စပ်ဒေသ တစ်လျှောက် ခြေကုပ်ယူ လှုပ်ရှားနေသော ခွဲထွက်ရေး သူပုန်များကို နှိမ်နင်းရာ၌လည်း မြန်မာနိုင်ငံ၏ အကူအညီကို လိုအပ်သော နိုင်ငံတစ်ခု ဖြစ်သည်။

AFP သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

လာမည့် သြဂုတ်လအတွင်း မြန်မာနိုင်ငံသို့ လာရောက် လည်ပတ်မည့် အစီအစဉ်ကို ထိုင်းဝန်ကြီးချုပ် အဘီဇစ် ဝိဇ္ဇာဝီရက ရွှေ့ဆိုင်းလိုက်ကြောင်း ထိုင်းအစိုးရ၏ ပြောရေးဆိုခွင့် ရှိသူက ဇူလိုင်လ ၂၀ ရက်နေ့တွင် ပြောကြားသည်။ ထိုင်း-မြန်မာ နှစ်နိုင်ငံ ခေါင်းဆောင်များ အကြား ဆောင်ရွက်စရာ အစီအစဉ်များ များပြားလာသောကြောင့် ယင်းသို့ ရွှေ့ဆိုင်းခြင်း ဖြစ်သည်ဟု ဆိုသည်။

အဆိုပါ မြန်မာ ခရီးစဉ် ရွှေ့ဆိုင်းမှုသည် ထိုင်း-မြန်မာ နယ်စပ်ဒေသ Tak ပြည်နယ်ရှိ ချစ်ကြည်ရေး တံတား ပိတ်မှုနှင့် ပတ်သက်ခြင်း မရှိကြောင်း ပြောရေးဆိုခွင့် ရှိသူ Panitan Wattanayagorn က ပြောကြားသည်။

နှစ်နိုင်ငံ နယ်စပ် ဒေသရှိ သောင်းရင်းမြစ်ကို ဖြတ်ကျော်သည့် ထိုင်း-မြန်မာ ချစ်ကြည်ရေး တံတား (မြဝတီ-မဲဆောက်) အပါအဝင် နယ်စပ် ဖြတ်ကျော် ကုန်သွယ်ရေး စခန်း ၂၀ ကို မြန်မာ အာဏာပိုင်များက ဇူလိုင်လ ၁၂ ရက်နေ့မှ စတင်ကာ ပိတ်ပင်ခဲ့သည်။ သောင်းရင်းမြစ် ကမ်းပါး တစ်လျှောက် ထိုင်းနိုင်ငံဘက် အခြမ်းတွင် ထိုင်းအစိုးရက ကမ်းထိန်း တမံများ တည်ဆောက်နေမှုကိုိ မြန်မာ အာဏာပိုင်များက မကျေနပ်သောကြောင့် ကန့်ကွက်သည့် အနေဖြင့် ယင်းသို့ ကုန်စည် စီးဆင်းမှုများကို ပိတ်ပင်ထားခြင်း ဖြစ်သည်ဟု ယုံကြည်ရသည်။ ထိုင်းဘက် အခြမ်းမှ ကမ်းပါး အကာအကွယ် တမံများ ဆောက်လုပ်မှုကြောင့် ရေကြောင်း ပြောင်းလဲပြီး မြန်မာဘက် ကမ်းပါး တွင် တိုက်စားမှုများ ဖြစ်ပေါ်နိုင်သည့် အတွက် မြန်မာ အစိုးရက ကန့်ကွက်ခဲ့သည်ဟု ဆိုသည်။

ထိုင်းအစိုးရ ပြောရေးဆိုခွင့် ရှိသူက ယခု ဝန်ကြီးချုပ် အဘီဇစ်၏ မြန်မာခရီးစဉ် ရွှေ့ဆိုင်းမှုသည် သောင်းရင်းမြစ်တွင်း တမံများ တည်ဆောက်မှုကို မြန်မာအစိုးရ အာဏာပိုင်များ မကျေမနပ်ဖြစ်မှုနှင့် လုံးဝ သက်ဆိုင်မှု မရှိပါကြောင်း၊ နှစ်နိုင်ငံ ခေါင်းဆောင်များ အနေဖြင့် နိုင်ငံတကာ ဖိုရမ်များ တက်ရောက်ရန် ရှိနေသောကြောင့် ရွှေ့ဆိုင်းခြင်း ဖြစ်ကြောင်း အတည်ပြု ပြောဆိုသည်။

"အဲဒီ အချိန် ကာလထဲမှာ နှစ်နိုင်ငံ ခေါင်းဆောင်တွေ အားလပ်မှု မရှိသေးတာကြောင့် ဖြစ်ပါတယ်" ဟု ၎င်းက ဆိုသည်။ ထိုင်း ဝန်ကြီးချုပ် အဘီဇစ်က သြဂုတ် လဆန်းပိုင်း ကာလတွင် အိမ်နီးချင်း မြန်မာနိုင်ငံသို့ အလည်အပတ် ခရီးစဉ် သွားရောက်မည် ဖြစ်သည်ဟု ဇူလိုင် လဆန်းပိုင်းက ပြောဆိုခဲ့သည်။ ဝန်ကြီးချုပ် အဘီဇစ်က မြန်မာနိုင်ငံတွင် ရွေးကောက်ပွဲ ကျင်းပပြုလုပ်မှု မပြုမီ ကာလအတွင်း လာရောက် လည်ပတ်ရန် စီစဉ်ခြင်း ဖြစ်သည်။

ပြီးခဲ့သည့် ၂၀၀၉ ခုနှစ်၊ ဇူလိုင်လ အတွင်း ကလည်း မြန်မာနိုင်ငံသို့ ထိုင်းဝန်ကြီးချုပ် လာရောက် လည်ပတ်ရန် စီစဉ်ခဲ့ဖူးသော်လည်း ထိုအချိန် ကာလက ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ နေအိမ်အတွင်းသို့ အမေရိကန် နိုင်ငံသား တစ်ဦး ရေကူးဝင်ကာ ဝင်ရောက်မှု ဖြစ်ပွားနေသောကြောင့် ရွှေ့ဆိုင်းခဲ့ရသည်။

ထိုင်းနိုင်ငံတွင် လတ်တလော ကာလများ အတွင်း ဖြစ်ပွားခဲ့သော နိုင်ငံရေး အကျပ်အတည်းများနှင့် လမ်းမပေါ်ထွက် ဆန္ဒပြမှုများ အပေါ် နားလည်မှုကောင်းများ ရရှိစေရေး အလို့ငှာ အိမ်နီးချင်း မြန်မာနိုင်ငံသို့ တစ်ရက် သို့မဟုတ် နှစ်ရက်တာမျှ အလည်အပတ် သွားရောက်မည် ဖြစ်ကြောင်း ထိုင်းဝန်ကြီးချုပ် အဘီဇစ်က ဇွန်လအတွင်း ထုတ်ဖော် ပြောဆိုခဲ့သည်။

Democracyforburma.wordpress.com မှ သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

www.Japantoday.com, 22nd July 2010

မြန်မာနိုင်ငံ၌ ယခုနှစ် နှောင်းပိုင်း ကျင်းပမည့် အငြင်းပွားဖွယ် ရွေးကောက်ပွဲများတွင် ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား ပါဝင်ခွင့် ပြုစေရေးကို တောင်းဆိုရန် ဂျပန် နိုင်ငံခြားရေး ဝန်ကြီး ကာဆူယာ အိုကာဒါသည် မြန်မာ နိုင်ငံခြားရေး ဝန်ကြီး ဦးဥာဏ်ဝင်းနှင့် ဗုဒ္ဓဟူးနေ့တွင် တွေ့ဆုံခဲ့သည်။ ဟနွိုင်းသို့ မသွားမီ အင်္ဂါနေ့၌ ကဘူးမြို့တော်တွင် သတင်းထောက်များအား ပြောကြားရာ၌ မစ္စတာ အိုကာဒါက အကယ်၍ မြန်မာနိုင်ငံသည် အထိန်းသိမ်းခံ အတိုက်အခံ ခေါင်းဆောင်ကို ရွေးကောက်ပွဲတွင် ပိတ်ပင်ထားပါက နိုင်ငံတကာ အသိုင်းအဝိုင်း၏ ထောက်ခံ အားပေးမှုကို ရရှိနိုင်လိမ့်မည် မဟုတ်ဟု ပြောကြားလိုက်သည်။

ရွေးကောက်ပွဲသည် မြန်မာနိုင်ငံအတွက် အဓိက အချိုးအကွေ့ တစ်ခု ဖြစ်နိုင်သောကြောင့် အကယ်၍သာ မျှတသော နည်းလမ်းများဖြင့် ကျင်းပပါက တိုင်းပြည်အတွက် အခွင့်အလမ်းသစ်များ ပွင့်လန်းလာလိမ့်မည်ဟု အိုကာဒါက ဆိုသည်။

မြန်မာ အစိုးရက ရွေးကောက်ပွဲနှင့် ပတ်သက်သော မူဝါဒကို မပြောင်းလဲ သရွေ့ တိုကျိုက မြန်မာနိုင်ငံ အပေါ် စီးပွားရေး အကူအညီ အပြည့်အဝဖြင့် ဖြည့်ဆည်းပေးနိုင်မည် မဟုတ်ဟုလည်း ၎င်းက ဆက်လက် ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Reuters, 22nd July 2010

တရုတ်အနေဖြင့် လာမည့် ငါးနှစ် အတွင်း တဖြည်းဖြည်း လုပ်ငန်းစဉ်များတွင် ယွမ်ငွေအား ပိုမို ကျယ်ပြန့်သော ခွင်အတွင်း နှုန်းရှင်ဖြင့် မျှောထားသင့်ကြောင်း ဗဟိုဘဏ်၏ ဒေသဆိုင်ရာ ဋ္ဌာနခွဲ တစ်ခုမှ တာဝန်ရှိ သူတစ်ဦးက ကြာသပတေးနေ့က ပုံနှိပ်ထုတ်ဝေသော မှတ်ချက်တွင် ဖော်ပြထားသည်။

Henan ပြည်နယ် Zhengzhou ရှိ ဗဟိုဘဏ် လေ့ကျင့်ရေးကျောင်းမှ  Wang Yong  က ပြောကြားရာတွင် တရုတ်ပြည်သူ့ဘဏ် (People's Bank of China) အနေဖြင့် နိုင်ငံခြား ငွေလဲလှယ်ရေး ဈေးကွက်တွင် ဝင်ရောက် စွက်ဖက်မှုအား နောက်ဆုတ်သင့်ကြောင်း၊ နေ့စဉ် အတက်အကျကို ကန့်သတ်ထားခြင်းကို ကျော်လွန်၍ ယွမ်က တက်သွားခြင်း မရှိသောကြောင့် ဟုဆိုသည်။

ယခု လောလောဆယ် အားဖြင့် ယွမ်ငွေသည် ဗဟိုဘဏ်မှ သတ်မှတ်ထားသော စံနှုန်းမှ ၀.၅ % သာ နေ့စဉ် အတက်အကျ ပြုလုပ်နိုင်သည်။ Beijing သည် ယွမ်ငွေအား အမေရိကန် ဒေါ်လာနှင့် အသေ ချည်နှောင်ထားခြင်းအား ဇွန်လ (၁၉) ရက်နေ့က ဖယ်ရှားလိုက်ပြီးနောက် ၀.၈ %  ခန့်သာ တိုးလာသည်။

နေ့စဉ် အတက်အကျ နှုန်းသည် လာမည့်နှစ်တွင် ၁ %  ရှိမည်ဟု ခန့်မှန်းထားပြီး၊ ၂၀၁၅ ခုနှစ်တွင် ၂ % ရှိမည်ဟု ခန့်မှန်းထားသည်ဟု တရားဝင် Shanghai Securities News ဆောင်းပါးတွင် Wang က ရေးသားထားသည်။

၎င်း၏ မှတ်ချက်များသည် တာဝန်ရှိသူများ၏ စဉ်းစားမှုတွင် အရာ ထင်လိမ့်မည် မဟုတ်သော်လည်း၊ ယွမ်လဲလှယ်နှုန်း ပြုပြင် ပြောင်းလဲရေးကို မည်သို့ လုပ်ဆောင်မည်နည်းဟု တရုတ်ပြည်ကြီးက စဉ်းစားနေချိန်တွင် ခြားနားသော အမြင် တစ်ခုအဖြစ် မီးမောင်းထိုး ပြလိုက်သကဲ့သို့တော့ ဖြစ်မည် ဖြစ်သည်။

တိုင်းပြည်၏ ထိပ်တန်းခေါင်းဆောင်များ ပြောကြားခဲ့သော အမြန်လက်ခံ ကျင့်သုံးရန် အတွက် တောင်းဆိုမှုများကို Beijing အနေဖြင့် လက်မခံကြောင်း အဆိုကို Wang က ထပ်မံထောက်ခံခဲ့သည်။

"တရုတ် အနေဖြင့် တစ်ကမ္ဘာလုံး၏ ဘဏ္ဍာရေး အကျပ်အတည်းကို ပေးဆပ် မပေးနိုင်ပါဘူး။ တခြားလူတွေရဲ့ စိတ်ခံစားမှု အတိုင်း လိုက်လုပ်ဖို့ မလိုပါဘူး'' ဟု ၎င်းက ရေးသားခဲ့သည်။

တရုတ်ပို့ကုန်များ အပေါ် ထိထိရောက်ရောက် ပံ့ပိုးနေသည့် တရုတ် ငွေကြေး မူဝါဒသည် အမေရိကန် လွှတ်တော်အတွင်း၌ တရုတ်ကို ဖိအားပေးရန် ရည်ရွယ်သည့် ဥပဒေ အလျှင်အမြန် ပြဋ္ဌာန်းရန် တွန်းအား ပေးနေသော တရုတ်ဝေဖန်သူ အမတ်များအား ထောက်ကွက် အသစ် ရစေခဲ့သည်ဟု အမေရိကန် ပြည်ထောင်စု အရံ ငွေကြေး ရန်ပုံငွေ ဥက္ကဋ္ဌ Ben Bernanke က ဗုဒ္ဓဟူးနေ့တွင် ပြောကြားလိုက်သည်။

တရုတ်နိုင်ငံသည် အကယ်၍ ယူရိုဇုန် ကြွေးမြီ ပြဿနာ၏ အဆက်မပြတ် ထိုးနှက်မှုကို ခံနေရသည် ဆိုပါက ၎င်း၏ ပို့ကုန်ကို အားပေးရန် အတွက် အမေရိကန် ဒေါ်လာနှင့် ချိတ်ဆက်ထားသော ၎င်း၏ ငွေကြေးကို တန်ဖိုး လျှော့ရန် ခွင့်ပြုသင့်သည်ဟု ဗဟိုဘဏ် အကြံပေး Zhou Qiren က သီးခြား ပြောဆိုသည်။

ယွမ်ငွေ တန်ဖိုး ဖြေလျှော့ပေးမှုကို ယခင်လက ပြန်လည် စတင်ခြင်းသည် လတ်တလော သတင်း ခေါင်းကြီးပိုင်းများကို လွှမ်းမိုးခဲ့သော်လည်း တရုတ်နိုင်ငံ၏ ပိုမို အခြေခံကျသော ပြုပြင်ပြောင်းလဲမှုသည် လွန်ခဲ့သည့် ၅ နှစ်၊ ၂၀၀၅ ဇူလိုင် ၂၁ရက်တွင် ပေါ်ပေါက်ခဲ့ဖူးပြီး ထိုစဉ်က ဘေဂျင်းသည် ယွမ်ငွေကို ဒေါ်လာနှင့် တရားဝင် ချည်ထားခြင်းကို ရုတ်သိမ်းခဲ့ပြီး မှန်မှန် ပြောင်းလဲသွားသော လမ်းကြောင်းပေါ် ချပေးခဲ့သည်။

နှစ်ပတ်လည် အထိမ်းအမှတ် အယ်ဒီတာ အာဘော်တွင် အစိုးရ Xinhua သတင်းဋ္ဌာနက "တရုတ်ငွေကြေး ပြုပြင် ပြောင်းလဲမှုသည် ယခုအခါ ငွေလဲလှယ်နှုန်း အတက်အကျ သိသာစွာ တွေ့မြင်နေရခြင်းနှင့် အတူ တိုးတက် ပြောင်းလဲမှုကို ပြုလုပ်နိုင်ခဲ့သည်'' ဟု ချီးမွှမ်း ရေးသားလိုက်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News, 20th July 2010

ထိုင်းအာဏာပိုင်များသည် ဘန်ကောက်တွင် အစိုးရ ဆန့်ကျင်ရေး ဆန္ဒပြမှုများကို နှိမ်နင်းခဲ့ပြီး နှစ်လအကြာတွင် ထိုင်းနိုင်ငံ မြောက်ပိုင်း ပြည်နယ် သုံးခုတွင် အရေးပေါ် အခြေအနေ ကြေညာထားမှုအား ရုတ်သိမ်းလိုက်သည်။

တာဝန်ရှိသူ တစ်ဦးက ပြောကြားရာတွင် Lampang၊ Roi Et နှင့် Sakon Nakhon တို့တွင် အရေးပေါ် ဥပဒေ ရုတ်သိမ်းခဲ့ကြောင်း၊ အဘယ်ကြောင့်ဆိုသော် အဆိုပါ ဒေသများတွင် မငြိမ်သက်မှုများ မရှိတော့၍ ဖြစ်ကြောင်း ဆိုသည်။

သို့သော် အရေးပေါ် ဥပဒေသည် ဘန်ကောက်နှင့် အခြားပြည်နယ် ၁၅ ခု တွင် ကျန်ရှိ နေသေးကြောင်း အဆိုပါ တာဝန်ရှိသူက ဆိုသည်။

ဥပဒေတွင် လူငါးဦးထက် ပိုမို၍ မစုရုံးရန်နှင့် လုံခြုံရေး တပ်ဖွဲ့များအား သံသယရှိသူများအား တရားရုံးသို့ တင်ပို့ခြင်း မရှိဘဲ ရက် ၃၀ ထိန်းသိမ်း ထားခွင့် ပြုထားသည်။

အရေးပေါ် ဥပဒေသည် ယခုနှစ် အစောပိုင်းက ဘန်ကောက်တွင် လူ ၉၀ သေဆုံးခဲ့သော အစိုးရ ဆန့်ကျင်ရေး ဆန္ဒပြမှုများကြောင့် ထုတ်ပြန်ခဲ့ရခြင်း ဖြစ်သည်။

ဇူလိုင်လ ၆ ရက်နေ့က ပြည်နယ် ငါးခုတွင် အဆိုပါ ဥပဒေ ရုတ်သိမ်းပေးခဲ့ပြီး၊ ကျန်ဒေသများတွင် နောက်ထပ် သုံးလ သက်တမ်းတိုးခဲ့သည်။

လူ့အခွင့်အရေး အုပ်စုများနှင့် နိုင်ငံခြား သံတမန်များက အရေးပေါ် ဥပဒေကို တတ်နိုင်သမျှ အမြန်ဆုံး ရုတ်သိမ်းရန် ထိုင်းအစိုးရအား တိုက်တွန်းခဲ့ကြပြီး၊ ဝေဖန် သုံးသပ်သူများကမူ အာဏာပိုင်များသည် ဆန္ဒပြ လှုပ်ရှားမှုများကို တင်းတင်းကြပ်ကြပ် ကိုင်တွယ်နိုင်ရန် အဆိုပါ ဥပဒေကို အသုံးပြုလျက် ရှိသည်ဟု ဆိုသည်။

သို့သော် ယခင်လို ထပ်မံ ဖြစ်ပွားခြင်းမှ ကာကွယ်ရန် အဆိုပါ ဥပဒေ လိုအပ်နေသေးကြောင်း ထိုင်းအစိုးရက ငြင်းချက် ထုတ်ခဲ့သေးသည်။

"ပြည်နယ် သုံးခုမှာ ရုတ်သိမ်း ပေးခဲ့ရတာကတော့ အဲဒီမှာ မငြိမ်မသက် ဖြစ်စေမယ့် လှုပ်ရှားမှု၊ လက္ခဏာတွေ မရှိလို့ပါပဲ။ အစိုးရမှာ ငြိမ်းချမ်းတဲ့ အခြေအနေကို ဆက်ထိန်းဖို့ လုံခြုံရေး အင်အား အပြည့်အစုံ ရှိပါတယ်" ဟု အစိုးရ လက်ထောက် ပြောခွင့်ရ ပုဂ္ဂိုလ် Supachai Jaisamut က ပြောကြားခဲ့သည်။

"အစိုးရက ပြည်နယ် ၁၆ ခုမှာ အရေးပေါ် အခြေအနေကို ဆက်လက် ထားရှိမှာပါ။ ဘာဖြစ်လို့လဲဆိုတော့ လှုပ်ရှားမှု အချို့ ရှိနေသေးလို့ပါ" ဟု ၎င်းက ဆိုသည်။

 

 

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Bangkok Post, 17th July 2010

ထိုင်းစက်မှုလုပ်ငန်း အဖွဲ့ချုပ် (The Federation of Thai Industries FTI) နှင့် ထိုင်းစီးပွားရေး လုပ်ငန်းရှင်များသည် မြန်မာနိုင်ငံ ကုန်သည်ကြီးများနှင့် စက်မှုလုပ်ငန်းရှင်များ အသင်း (UMFCCI) မှ ပုဂ္ဂိုလ်များသည် စနေနေ့က မဲဆောက်ရှိ ဟိုတယ် တစ်ခုတွင် နှစ်နိုင်ငံကြား ကုန်သွယ်မှု ပိုမို ခိုင်မာစေရေးနှင့် ရင်းနှီးမြှုပ်နှံမှုများ အတွက် တွေ့ဆုံခဲ့ကြကြောင်း သတင်းများက ဆိုသည်။

အစည်းအဝေး သဘာပတိ စက်မှုဝန်ကြီး Chaiwut Bannawat က ပြောကြားရာတွင် ထိုင်းနှင့် မြန်မာနိုင်ငံသည် နှစ်ပေါင်းများစွာ ကောင်းမွန်သော ဆက်ဆံရေး၏ အကျိုးကို ခံစားခဲ့ရကြောင်း၊ မြန်မာ လူမျိုးများစွာသည် ထိုင်းနိုင်ငံရှိ စက်ရုံများ အထူးသဖြင့် မဲဆောက်တွင် အလုပ်လုပ်နေကြောင်း ပြောကြားခဲ့သည်။

"နှစ်နိုင်ငံ နယ်စပ် ကုန်သွယ်မှု တန်ဖိုးဟာ ၂၀၀၉ ခုနှစ်မှာ စုစုပေါင်း ထိုင်းဘတ် ၁၄၈.၆၃ ဘီလီယံ ရှိခဲ့တော့ ထိုင်းစီးပွားရေး လုပ်ငန်းရှင်တွေဟာ အားတက်လာပြီး၊ မြန်မာနိုင်ငံမှာ ပိုမို ရင်းနှီးမြှုပ်နှံဖို့ နည်းလမ်းတွေ ရှာဖွေလာကြပါတယ်" ဟု Mr Chaiwut က ပြောသည်။

ထိုင်းအစိုးရကလည်း မြန်မာနိုင်ငံတွင် ပိုမို ရင်းနှီး မြှုပ်နှံရန် ထောက်ခံ ကူညီပေးကြောင်း၊ တိတိကျကျ ပြောရလျှင် စက်မှုဇုန်များ ထူထောင်ရန်နှင့် ရေနက် ဆိပ်ကမ်း ဆောက်လုပ်ရေးကို ပိုမို ဖြစ်စေလိုကြောင်း ၎င်းက ဖော်ပြခဲ့သည်။

FTI ဥက္ကဋ္ဌ Payungsak Chartsutthipol က ပြောကြားရာတွင် ယခု အစည်းအဝေးသည် နှစ်နိုင်ငံ ကုန်သွယ်ရေးနှင့် ရင်းနှီးမြှုပ်နှံမှု ပူးပေါင်း ဆောင်ရွက်ရေး တိုးချဲ့ရန် လမ်းခင်းပေးလိမ့်မည် ဖြစ်ကြောင်း ပြောခဲ့သည်။

ဥက္ကဋ္ဌ၏ အဆိုအရ FTI နှင့် UMFCCI တို့သည် ကုန်သွယ်ရေး၊ စိုက်ပျိုးရေး၊ စက်မှုလုပ်ငန်း၊ စွမ်းအင် ရင်းနှီးမြှုပ်နှံရေး၊ ပို့ဆောင်ရေး ကွန်ရက်၊ ခရီးသွားကဏ္ဍ၊ လူသားအရင်းအမြစ် တိုးတက်ရေး၊ လူထု ကျန်းမာရေး၊ ပတ်ဝန်းကျင် တိုးတက်ရေး တို့တွင် ပူးပေါင်း၍ ဆက်ဆံရေး ခိုင်မာရေး သဘောတူခဲ့သည်ဟု သိရှိရသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Bloomberg, 20th July 2010

မြန်မာနိုင်ငံတွင် နှစ်ပေါင်း နှစ်ဆယ် အတွင်း ပထမဦးဆုံး အကြိမ် ကျင်းပမည့် ရွေးကောက်ပွဲသို့ အကဲခတ် လေ့လာသူများ စေလွှတ်ရန် အရှေ့တောင် အာရှနိုင်ငံများက ကမ်းလှမ်းခဲ့ကြသည်။

အဆိုပါ အဆိုပြုချက်ကို ယမန်နေ့ ညက ဟနွိုင်းတွင် ကျင်းပပြုလုပ်သော အာဆီယံ နိုင်ငံခြားရေး ဝန်ကြီးများ အစည်းအဝေးတွင် ပြောကြားခဲ့ခြင်း ဖြစ်သည်။ မြန်မာနိုင်ငံ နိုင်ငံခြားရေး ဝန်ကြီး ဦးဥာဏ်ဝင်းသည် အပေါင်းလက္ခဏာ ဆောင်သော တုန့်ပြန်မှုများ ပြုခဲ့သည်ဟု စင်္ကာပူ နိုင်ငံခြားရေး ဝန်ကြီး George Yeo က သတင်းထောက်များသို့ ယနေ့ ပြောကြားခဲ့သည်။

"ကျွန်တော်တို့ မြန်မာ ဝန်ကြီးနဲ့ အဖွဲ့ကို ပြင်းပြင်းထန်ထန် အကြံပြုခဲ့ပါတယ်။ အာဆီယံ လေ့လာသူတွေကို ရွေးကောက်ပွဲမှာ လက်ခံဖို့ဟာ မိသားစု အဖွဲ့ဝင်တွေကို မိမိ ပြည်တွင်းရေးရာမှာ အမှန်တကယ် ဖြစ်နေတာကို ခေါ်ပြတဲ့ သဘောဖြစ်လို့ စဉ်းစားပေးဖို့ ပြောခဲ့ပါတယ်။ သူ့အစိုးရ အဖွဲ့ကို ပြန်ပြီး တင်ပြလိမ့်မယ်လို့ ထင်ပါတယ်" ဟု Yeo က ဟနွိုင်းတွင် ပြောကြားခဲ့သည်။

မြန်မာနိုင်ငံသည် ရွေးကောက်ပွဲ ကျင်းပမည့် ရက်ကို ယခုတိုင် ကြေညာခြင်း မရှိသေးပေ။ ၁၉၉၀ ရွေးကောက်ပွဲတွင် အနိုင်ရခဲ့သော ဒေါ်အောင်ဆန်းစုကြည်၏ အမျိုးသား ဒီမိုကရေစီ အဖွဲ့ချုပ်သည် ရွေးကောက်ပွဲကို သပိတ်မှောက်ကြောင်း ကြေညာ အပြီးတွင် ဖျက်သိမ်းခဲ့ရသည်။ ဒေါ်အောင်ဆန်းစုကြည်သည် အနှစ်နှစ်ဆယ် အတွင်း ၁၄ နှစ်ခန့် ထိန်းသိမ်းခံရပြီး၊ နောက်ဆုံး ထိန်းသိမ်း ခံရသည်မှာ ၂၀၀၃ ခုနှစ် မေလက ဖြစ်သည်။

အမေရိကန် ကိုယ်စားလှယ် Kurt Campbell က မေလက ပြောကြားရာတွင် မြန်မာ အစိုးရသည် ရွေးကောက်ပွဲတွင် ကျယ်ကျယ်ပြန့်ပြန့် ပါဝင်ခွင့် မပေးခဲ့လျှင် အများလက်ခံရန် မဖြစ်နိုင်ကြောင်း ပြောခဲ့သည်။

"မြန်မာ အစိုးရ ကိုယ်တိုင် ပြောခဲ့တဲ့ လွတ်လပ်ပြီး၊ တရားမျှတကာ ဒီမိုကရေစီကျကျ အားလုံး ပါဝင်သည့် ရွေးကောက်ပွဲ သေချာစေရေးကို ကျွန်တော်တို့ စိတ်အား ထက်သန်စွာ ရှိနေပါတယ်" ဟု အင်ဒိုနီးရှားနိုင်ငံ နိုင်ငံခြားရေး ဝန်ကြီး Marty Natalegawa က ယနေ့ ဟနွိုင်းတွင် အင်တာဗျူး တစ်ခု၌ ပြောကြားခဲ့သည်။ "နိုင်ငံရေး ပါတီတွေ မှတ်ပုံတင်ရေး လုပ်ငန်းစဉ် ပြီးသွားရင် ရွေးကောက်ပွဲ ကျင်းပမယ့်ရက်ကို ကြေညာမယ်လို့ ကျွန်တော်တို့ကို ပြောထားတယ်" ဟု ၎င်းက ပြောသည်။

ဆက်ဆံရေးမူဝါဒ

ပြီးခဲ့သည့် မတ်လက ရွေးကောက်ပွဲ ဥပဒေများ ထွက်ပေါ်လာရာ ဒေါ်အောင်ဆန်းစုကြည်နှင့် နိုင်ငံရေး အကျဉ်းသား ၂၁၀၀ ခန့်သည် ရွေးကောက်ပွဲတွင် ပါဝင်ခွင့်ကို တားမြစ်ထားသည်။ ပြီးခဲ့သည့် မေလက Campbell ၏ ခရီးစဉ်သည် Obama အစိုးရ၏ မြန်မာနိုင်ငံ အပေါ် အရေးယူမှုများ ရှိသော်လည်း၊ ထိတွေ့ ဆက်ဆံရေး မူဝါဒ၏ အစိတ်အပိုင်း တစ်ခု အဖြစ် သွားရောက်ခဲ့သည်။

ရွေးကောက်ပွဲ လုပ်ငန်းစဉ်သည် မြန်မာနိုင်ငံတွင် ပြောင်းလဲမှု အချို့ကို သယ်ဆောင် လာလိမ့်မည်ဟု Yeo က ပြောကြားခဲ့သည်။

"ဗိုလ်ချုပ်တွေဟာ ယူနီဖောင်း ချွတ်ပြီး၊ သူတို့ ရွေးကောက်ပွဲမှာ နိုင်ဖို့ လူကြားဆင်းပြီး ပြည်သူလူထု လိုအပ်ချက်တွေ ဖြည့်ပါ့မယ်လို့ ပြောပြီး၊ စည်းရုံးရေး ဆင်းကြရမှာပဲ။ ဒီလိုနဲ့ပဲ သူတို့ အမူအကျင့်တွေ ပြောင်းသွားပြီး တဖြည်းဖြည်း စီးပွားရေး တံခါးပွင့်လာမှာပါ။ လောလောဆယ်တော့ ဒီနေ့ အခြေအနေကနေ သိသိသာသာ ပြောင်းသွားဖို့ ကျွန်တော်တို့ မတွေ့ရသေးပါဘူး။ ဒါပေမယ့် မြန်မာနိုင်ငံကို ကွဲပြား ခြားနားတဲ့ အခြေအနေတစ်ခုကို ပြောင်းသွားဖို့ အရေးကြီးတဲ့ အချိုးအကွေ့ တစ်ခုကို ကျွန်တော်တို့ တွေ့နေရပါပြီ" ဟု Yeo က ဆက်ပြောသည်။

မြန်မာနိုင်ငံခြားရေး ဝန်ကြီးက ၎င်းတို့တွင် နျူကလီယာ အစီအစဉ်များ မရှိကြောင်း၊ လုပ်ဆောင်ရန် အစီအစဉ်လည်း မရှိကြောင်း ထပ်လောင်း ပြောကြားခဲ့သည်ဟု Yeo  က ပြောသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာနိုင်ငံ၏ နျူကလီယာ ရည်မှန်းချက်များနှင့် ပတ်သက်၍ အာဆီယံ အဖွဲ့ဝင် နိုင်ငံ ခေါင်းဆောင်များ မသေမချာ ဖြစ်နေကြောင်း ဒေသတွင်း နိုင်ငံခြားရေး မူဝါဒဆိုင်ရာ ကျွမ်းကျင်သူ တစ်ဦးက ဆိုသည်။

မြန်မာ သတင်းစာ ဆရာများ ဇွန်လအတွင်း ထုတ်ဖော်ခဲ့သော မှတ်တမ်းများအရ အာဆီယံ အဖွဲ့ဝင် မြန်မာနိုင်ငံသည် နျူကလီယာ လက်နက်များ တပ်ဆင် ထုတ်လုပ်ရန် ကြိုးပမ်းလျက် ရှိသည်။ မြန်မာနိုင်ငံသည် မြောက်ကိုရီးယားနိုင်ငံမှ နျူကလီယာ လက်နက်ဆိုင်ရာ နည်းပညာများ ဝယ်ယူလျက် ရှိနိုင်ကြောင်း လန်ဒန် အခြေစိုက် International Institute for Strategic Studies ၏ စင်ကာပူ ဌာနခွဲမှ အမှုဆောင်ဒါရိုက်တာ Tim Huxley က ပြောကြားသည်။ သို့သော် အာဆီယံ ခေါင်းဆောင်များသည် မြန်မာ နျူကလီယာ ကိစ္စအပေါ် "ခိုင်မာသော အသုံးအနှုန်း" များ အသုံးပြုကာ ထင်မြင်ချက်ပေးရန် တွန့်ဆုတ်နေကြသည်ဟု ၎င်းက ပြောသည်။

"မြန်မာနိုင်ငံရဲ့ နျူကလီယာ ရည်မှန်းချက်တွေနဲ့ ပတ်သက်ပြီး ဘယ်လို ကိုင်တွယ်ရမယ် ဆိုတာကို အာဆီယံနိုင်ငံတွေ မသေမချာ ဖြစ်နေပါတယ်။ တကယ်လို့ သူတို့က မြန်မာနဲ့ ထိပ်တိုက် တွေ့မယ်ဆိုရင် မြန်မာကလည်း အရပ်ဘက်သုံး စွမ်းအင်အတွက် သူတို့မှာ နျူကလီယာ စွမ်းအင် တီထွင်ထုတ်လုပ်ခွင့် ရှိတယ်လို့ ပြောလိုက်မှာပဲ။ နောက်ပြီး မြောက်ကိုရီးယားနဲ့ အချိတ်အဆက်တွေ လုပ်ထားတယ် ဆိုတာတွေ အားလုံးကို အသာလေး ငြင်းလိုက်မှာပဲ" ဟု မစ္စတာ Tim Huxley က ဆိုသည်။

အင်ဒိုနီးရှား နိုင်ငံခြားရေး ဝန်ကြီး Marty Natalegawa က မြန်မာနှင့် နှစ်နိုင်ငံ အပြန်အလှန် ဆွေးနွေးပွဲ အာဂျင်ဒါတွင် နျူကလီယာ လက်နက်ကိစ္စ ပါဝင်မည် မဟုတ်ဟု ဂျာမန် သတင်းဌာန ဖြစ်သော DPA သို့ ပြောကြားသည်။

ဇူလိုင်လ ၂၀ ရက် အစောပိုင်းတွင် အာဆီယံ အကြီးအကဲ မစ္စတာ ဆူရင်ပစ်ဆာဝမ်က မြန်မာနိုင်ငံ၏ နျူကလီယာ ရည်မှန်းချက်များနှင့် ပတ်သက်၍ ထုတ်ဖော် ဆွေးနွေးရန် အာဆီယံ အဖွဲ့ဝင်များအကြား သဘောတူညီမှု ရရှိထားခြင်း မရှိကြောင်း ပြောကြားသည်။

"ဒါပေမဲ့ သေချာတာ တစ်ခုက အာဆီယံ ချာတာနဲ့ တောင် - အရှေ့အာရှ နျူကလီယာ လက်နက် ကင်းစင်ရေးဇုန် သဘောတူညီချက် စာချုပ်အရ အာဆီယံနိုင်ငံတွေ အနေနဲ့ နျူကလီယာ လက်နက်ပိုင်ဆိုင်မှု ကင်းရှင်းရမှာ ဖြစ်ပါတယ်" ဟု ၎င်းက ဆိုသည်။

၁၉၉၇ ခုနှစ်တွင် ချုပ်ဆိုခဲ့သော အဆိုပါ စာချုပ်အရ အာဆီယံ နိုင်ငံများ အနေဖြင့် နျူကလီယာ လက်နက် အသုံးပြုမှု၊ တီထွင် ထုတ်လုပ်မှု၊ နျူကလီယာ လက်နက်များ သယ်ယူပို့ဆောင်မှု အစရှိသည်တို့ကို လုပ်ဆောင်နိုင်ခွင့် မရှိပေ။ ထို့ပြင် တစ်နိုင်ငံနှင့် တစ်နိုင်ငံ နယ်စပ်ဒေသ တို့တွင်လည်း နျူကလီယာ လက်နက် တပ်ဆင်ထုတ်လုပ်မှုများ ပြုလုပ်ခွင့် ပေးမည် မဟုတ်ဟု ကတိပြုထားသည်။

မြန်မာနှင့် မြောက်ကိုရီးယား စီးပွားရေးအရ အပြန်အလှန် ပြုမူ ဆက်ဆံနေမှုများနှင့် ပတ်သက်၍ ပွင့်လင်းမြင်သာမှု နည်းပါးနေသည့် ကိစ္စအပေါ် အမေရိကန် အစိုးရအနေဖြင့် စိုးရိမ် ပူပန်မိကြောင်း နိုင်ငံခြားရေးဝန်ကြီး ဟီလာရီကလင်တန်၏ ပြောခွင့်ရပုဂ္ဂိုလ်က ဗီယက်နမ်နိုင်ငံ၊ ဟနွိုင်းမြို့တွင် ကျင်းပမည့် အာဆီယံဖိုရမ်သို့ ဟီလာရီကလင်တန် မတက်ရောက်မီ ပြောကြားခဲ့သည်။

Earth Times ၏ သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ပြည်နှင်ဒဏ် ပေးခံရသော မြန်မာ ပြောင်းရွှေ့ လုပ်သားများသည် ယခုအခါ ထိုင်း-မြန်မာ နယ်စပ်ဒေသ၌ ပစ်မှတ်ထား ငွေညှစ် ခြိမ်းခြောက် ခံနေရသည် ဟူသော သတင်း ပေးပို့ချက်များကို စုံစမ်း ဖော်ထုတ်ရန် အလုပ်သမား အခွင့်အရေး အဖွဲ့များက ထိုင်းအစိုးရအား အသနားခံစာ တစ်စောင် တင်ပို့လိုက်သည်။

အလုပ်သမား အခွင့်အရေး ရရှိရေးအတွက် လှုပ်ရှားသူ ၅၀ ခန့်က ထိုင်းဝန်ကြီးချုပ် အဘီဇစ် ဝိဇ္ဇာဝီရထံသို့ အဆိုပါ အသနားခံစာကို ပေးပို့ခဲ့ကြောင်း၊ ဒီမိုကရက်တစ် ကရင် ဗုဒ္ဓဘာသာ တပ်ဖွဲ့ (ဒီကေဘီအေ) နှင့် မြန်မာစစ်အစိုးရ လက်အောက်ခံ နယ်စပ် ဒေသစောင့် တပ်ဖွဲ့များက ထိုင်းနိုင်ငံမှ နှင်ထုတ်ခံရခဲ့ရသူ တရားမဝင် အလုပ်သမားများကို ငွေညှစ် ခြိမ်းခြောက်နေသည် ဟူသော ကိစ္စအား အမြန်ဆုံး စုံစမ်း စစ်ဆေးပေးရန် တောင်းဆိုခဲ့ကြကြောင်း သိရသည်။

"ပြောင်းရွှေ့ လုပ်သားများအပေါ် လူ့အခွင့်ရေး ချိုးဖောက် ကျူးလွန်ရာတွင် ပါဝင် ပတ်သက်သူ အာဏာပိုင်များနှင့် လူပုဂ္ဂိုလ်တို့ကို တော်ဝင် ထိုင်းအစိုးရ အနေဖြင့် စုံစမ်း ဖော်ထုတ်ကာ အပြစ်ပေးသင့်သည်" ဟု ဝန်ကြီးချုပ် အဘီဇစ်ထံသို့ ပေးပို့သော စာတွင် ရေးသားထားသည်။

အဆိုပါစာကို လူ့အခွင့်အရေးနှင့် ဖွံ့ဖြိုးရေး ဖောင်ဒေးရှင်း၊ ထိုင်းအလုပ်သမား စည်းလုံးညီညွတ်ရေး ကော်မတီ၊ နိုင်ငံလုပ်သားများ ဆက်ဆံရေး ကော်မတီ အပါအဝင် နိုင်ငံတကာနှင့် ပြည်တွင်း လူ့အခွင့်အရေး စောင့်ကြည့်ရေး အုပ်စု ၂၄ ခုတို့က ပူးတွဲ လက်မှတ် ရေးထိုးကာ ဝန်ကြီးချုပ် အဘီဇစ်ထံသို့ တင်ပို့ခဲ့ခြင်း ဖြစ်သည်။

စုံစမ်း ဖော်ထုတ်မှုများ မပြီးပြတ်သေးသရွေ့ ထိုင်းအစိုးရ အနေဖြင့် မြန်မာလုပ်သားများကို ပြည်နှင်ဒဏ် ပေးသည့် လုပ်ရပ်များ အားလုံးကို ရပ်ဆိုင်းထားသင့်ပြီး နောင်ကာလတွင် ပြုလုပ်မည့် ပြည်နှင်ဒဏ် ပေးမှုများကို လုံခြုံစိတ်ချစွာ ဆောင်ရွက်သင့်ပါကြောင်း အသနားခံစာတွင် တိုက်တွန်းထားသည်။

မဲဆောက် အခြေစိုက် အလုပ်သမား အခွင့်အရေး လေ့လာ စောင့်ကြည့်သူများ အဆိုအရ ထိုင်း မြန်မာ နယ်စပ် ဒေသသို့ ထိုင်းအစိုးရ၏ နှင်ထုတ်ခြင်း ခံရသူ တရားမဝင် မြန်မာ အလုပ်သမား ရာနှင့် ချီ၍ နေ့စဉ် ရောက်ရှိလာကြောင်း၊ ၎င်းတို့သည် မိုးရေးမြစ်ကို တရားမဝင် ဖြတ်သန်းပြီး ဒီကေဘီအေ အဖွဲ့က ထိန်းချုပ်ထားသော စစ်ဆေးရေး စခန်းသို့ ဝင်ရောက်ကြရကြောင်း၊ ထိုစစ်ဆေးရေး စခန်းတွင် မြန်မာနိုင်ငံသို့ ပြန်လည် ဝင်ရောက်ခ အဖြစ် ဘတ်ငွေ ၁၂၀၀ (၃၇ ဒဿမ ၅၀ ဒေါ်လာ) ပေးဆောင်ရကြောင်း သိရသည်။

မြန်မာနိုင်ငံတွင်းသို့ ပြန်လည် ဝင်ရောက်ခ မပေးဆောင်နိုင်သူများကို ငွေပေးမချေ နိုင်သေးသရွေ့ ဖမ်းဆီးထိန်းသိမ်းမှုများ ရှိသည်ဟု ဆိုသည်။ အချို့မှာ ဖိအားပေး အလုပ်စေခိုင်းခြင်း ခံရသည်။

ထိုင်းအစိုးရက ကမ္ဘောဒီးယား၊ လာအိုနှင့် မြန်မာနိုင်ငံတို့မှ မှတ်ပုံမတင်သော အလုပ်သမားဦးရေ တစ်သန်းခန့် ရောက်ရှိလာမှုကို ဖြေရှင်းသည့် အနေဖြင့် ယင်းသို့ ပြည်နှင်ဒဏ်များ ပေးနေခြင်း ဖြစ်သည်။

ပြောင်းရွှေ့ လုပ်သားများအပေါ် အလုပ်ရှင်များနှင့် လူကုန်ကူးသူများက အလွဲသုံးစား ပြုခြင်းအပေါ် မသိကျိုးနွံ ပြုသည့်အတွက် ထိုင်းအစိုးရမှာ လူ့အခွင့်အရေး စောင့်ကြည့်သည့် အုပ်စုများ၏ ပြစ်တင်ဝေဖန်ခြင်းကို ခံနေရသည်။ သို့သော် ထိုင်းအစိုးရက အနည်းငယ်သော အလွဲသုံးစားမှုများနှင့် ခေါင်းပုံဖြတ်မှုများကို ဥပဒေအရ စုံစမ်းစစ်ဆေးမှု ပြုလုပ်နိုင်ရန် အထောက်အပံ့ ပေးထားသည်ဟု ဆိုသည်။

ထိုင်းအစိုးရက ကမ္ဘောဒီးယား၊ လာအိုနှင့် မြန်မာ အလုပ်သမားများ အနေဖြင့် မတ်လ ၃၁ ရက်နေ့ နောက်ဆုံးထားကာ ဥပဒေအရ တရားဝင် မှတ်ပုံတင်ရန် စီစဉ် သတ်မှတ်ခဲ့သည်။ ယင်းအစီအစဉ်ကို အိမ်နီးချင်း အစိုးရများနှင့် တရားမဝင် အလုပ်သမားများ တရားဝင် ပါမစ် ရရှိရန် ပူးပေါင်း ဆောင်ရွက်ရေးအစီအစဉ် တစ်စိတ်တစ်ပိုင်းအဖြစ် အကောင်အထည်ဖော် ဆောင်ရွက်ခဲ့ခြင်း ဖြစ်သည်။

ထိုင်းအလုပ်သမား ဝန်ကြီးဌာန အဆိုအရ ထိုင်းနိုင်ငံတွင် အဆိုပါ အစီအစဉ်ဖြင့် တရားဝင် မှတ်ပုံတင်ရန် လျှောက်ထားခဲ့သူ မြန်မာ အလုပ်သမား ၈၁၂၉၈၄ ဦး ရှိခဲ့သော်လည်း ၈၀၄၃၅ ဦး ကိုသာ မြန်မာ အစိုးရက ခွင့်ပြုချက် ပေးခဲ့သည်။

Earth Times မှ သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.