Transparency Myanmar

transparency.myanmar@gmail.com

မြောက်ကိုရီးယားဘက်က စစ်ရေး သတိပေးချက်များ မည်သို့ပင် ရှိစေသော်ငြား တောင်ကိုရီးယား နိုင်ငံတွင် ရေငုပ်သင်္ဘော တိုက်ဖျက်ရေး ဧရာမ စစ်ရေး လေ့ကျင့်မှုများကို စတင်ပြုလုပ်ပြီ ဖြစ်ကြောင်း စစ်ဘက် အရာရှိများက သြဂုတ်လ ၅ ရက်နေ့တွင် ပြောကြားလိုက်သည်။

ငါးရက်တာ ပြုလုပ်မည့် အဆိုပါ စစ်ရေး လေ့ကျင့်မှုတွင် စစ်သည် အင်အား ၄၅၀၀ ခန့် ပါဝင်မည် ဖြစ်ကြောင်း၊ စစ်ရေး လေ့ကျင့်မှုကို တောင်-မြောက် နှစ်နိုင်ငံ ရေကြောင်း နယ်နမိတ် ပိုင်ဆိုင်မှု အငြင်းပွားနေသည့် ပင်လယ်ဝါ (Yellow Sea) အတွင်း ပြုလုပ်ခဲ့ခြင်း ဖြစ်ကြောင်း တောင်ကိုရီးယား စစ်ဘက်၏ သတင်း ထုတ်ပြန်ချက်ကို ကိုးကား၍ မီဒီယာများက ဖော်ပြသည်။

တောင်ကိုရီးယားသည် ယခုအခါ ချိုနန် စစ်သင်္ဘော နစ်မြုပ်မှုအပေါ် အကြီးအကျယ် မကျေမနပ် ဖြစ်လျက် ရှိပြီး စစ်အင်အား တောင့်တင်း ခိုင်မာမှုကို အစွမ်းကုန် ထုတ်ပြလျက် ရှိသည်။ ပြီးခဲ့သည့် မတ်လအတွင်း ချိုနန် စစ်သင်္ဘော နစ်မြုပ်ခဲ့ရမှုမှာ မြောက်ကိုရီးယား တော်ပီတို ဒုံးကျည် တိုက်ခိုက်ခံရမှုကြောင့် ဖြစ်သည်ဟု တောင်ကိုရီးယားက စွပ်စွဲ ပြောဆိုထားသည်။ သို့သော် မြောက်ကိုရီးယား ကွန်မြူနစ် တိုင်းပြည်က ယင်းကိစ္စ မဟုတ်မမှန်ကြောင်း တုံ့ပြန် ပြောဆိုပြီး တောင်ကိုရီးယား၏ စစ်ရေး လေ့ကျင့်မှုများသည် ရန်ပြုလိုမှု တစ်ခု ဖြစ်သည်ဟု ဖော်ပြသည်။

ပင်လယ်ဝါ အတွင်းသို့ ချိုနန်စစ်သင်္ဘော နစ်မြုပ်သွားမှုတွင် သင်္ဘောသား ၄၆ ဦး သေဆုံးခဲ့သည်။ အမေရိကန် - တောင်ကိုရီးယား ပူးတွဲစစ်ရေး လေ့ကျင့်မှုများ အပြီး နောက်ဆုံး ပြုလုပ်မည့် လေ့ကျင့်မှုများတွင် စစ်သင်္ဘော ၂၉ စီးနှင့် လေယာဉ် အစင်း ၅၀ ပါဝင်မည် ဖြစ်သည်။

ကာကွယ်ရေး ဝန်ကြီးဌာနက စစ်ရေး လေ့ကျင့်မည့် သင်္ဘောများသည် အနောက်ဘက် ကမ်းခြေဒေသရှိ အငြင်းပွားစရာ နယ်နိမိတ်နှင့် လွတ်ကင်းစွာ သွားလာမည် ဖြစ်သည်ဟု ဆိုထားသည်။ သို့သော် အဆိုပါ နယ်စပ်ဒေသနှင့် ကပ်လျက် ရှိသော ကျွန်းများပေါ်တွင် အခြေစိုက်သည့် မရိန်းတပ်ဖွဲ့များက အမှန်တကယ် ပစ်ခတ်မှုများ ပြုလုပ်ကာ စစ်ရေး လေ့ကျင့်ကြမည် ဖြစ်သည်။

ယခု စစ်ရေး လေ့ကျင့်မှုများသည် နိုင်ငံ ကာကွယ်ရေး လုပ်ဆောင်ချက်မျိုးသာ ဖြစ်သည်ဟု စစ်ဘက် အရာရှိများက ဆိုသည်။ "ဒီစစ်ရေး လေ့ကျင့်မှုတွေရဲ့ အဓိက ဖိုးကပ်စ်ကတော့ ရန်သူတွေရဲ့ အချိုးမပြေတဲ့ ရန်ပြုမှုတွေအပေါ် ကျွန်တော်တို့ရဲ့ တုံ့ပြန်မှုနဲ့ စစ်ရေး ပူးတွဲ လုပ်ဆောင်မှုတွေ အားကောင်းလာဖို့ပါပဲ" ဟု တောင်ကိုရီးယား ပူးတွဲ စစ်ဦးစီးချုပ်က Yonhap သတင်းဌာနသို့ ပြောဆိုသည်။

"ရန်သူတွေရဲ့ ဘယ်လို ရန်စမှုမျိုးပဲဖြစ်ဖြစ် ကျွန်တော်တို့ သည်းညည်း ခံတော့မှာ မဟုတ်ဘူး။ ဒီစစ်ရေး လေ့ကျင့်မှုတွေဟာ စစ်ပွဲအတွက် အပြည့်အဝ ပြင်ဆင်ခွင့် ရအောင် လုပ်ပေးပါတယ်" ဟု ၎င်းက ဆိုသည်။ အဆိုပါ စစ်ရေး လေ့ကျင့်မှုများသည် ကိုရီးယား ဒီမိုကရက်တစ် ပြည်သူ့ သမ္မတနိုင်ငံ (မြောက်ကိုရီးယား) ၏ မိမိကိုယ်ကို ခုခံ ကာကွယ်ပိုင်ခွင့်ကို ချိုးဖောက်လိုသည့် ဦးတည်ချက်ဖြင့် ပြုလုပ်သော တိုက်ရိုက် စစ်ရေးကျူးကျော်မှု ဖြစ်သည်ဟု မြောက်ကိုရီးယား အစိုးရ အရာရှိကြီးများ၏ ပြောဆိုချက်ကို ကိုးကား၍ ယင်းနိုင်ငံပိုင် မီဒီယာက ဖော်ပြသည်။

သစ္စာဖောက် အုပ်စုများက ပြင်းထန်သည့် ရုပ်ပိုင်းဆိုင်ရာ လက်တုံ့ပြန်မှုဖြင့် ပြုလုပ်သော ရေတပ်စစ်ရေး လေ့ကျင့်မှုများနှင့် ပစ်ခတ်မှုများကို တန်ပြန် တိုက်စစ်ဆင်ရန် မြောက်ကိုရီးယား ခေါင်းဆောင်ကြီးများက ဆုံးဖြတ်ချက် ချမှတ်လိုက်ပြီး ဖြစ်သည် ဟု မြောက်ကိုရီးယားက ကြေညာချက် ထုတ်ပြန်သည်။

AP  သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

AFP, 6th August 2010

နျူကလီယာ စွမ်းအင်နှင့် နည်းပညာ မျှဝေရန် ဗီယက်နမ်နိုင်ငံနှင့် စေ့စပ် ညှိနှိုင်းမှုများ ပြုလုပ်နေသည်ဟု အမေရိကန် ပြည်ထောင်စုက ကြာသပတေးနေ့တွင် ပြောကြားခဲ့သော်လည်း ယူရေနီယံ ကိုယ်တိုင် သန့်စင်မှုကို ဟနွိုင်းအား ခွင့်ပြုရန် ဆွေးနွေးနေခြင်း ရှိ/မရှိကိုမူ ပြောကြားရန် ငြင်းဆိုခဲ့သည်။

အမေရိကန် ပြည်ထောင်စုနှင့် ဗီယက်နမ်သည် အရပ်ဖက် နျူကလီယာ နည်းပညာနှင့် သက်ဆိုင်သည့် ၁-၂-၃ စေ့စပ်မှုဟု ခေါ်ဝေါ်သည့် တွေ့ဆုံ ညှိနှိုင်းမှုကို ပြုလုပ်နေသည်ဟု နိုင်ငံခြားရေးဌာန ပြောရေးဆိုခွင့် ရှိသူ Philip Crowley က သတင်းထောက်များအား ပြောကြားသည်။

နျူကလီယာ ပူးပေါင်း ဆောင်ရွက်မှု အတွက် ယူရေနီယံ သန့်စင်မှုနှင့် အလဲအလှယ် လုပ်ရန် လိုအပ်နေသော အရှေ့အလယ်ပိုင်း အမေရိကန် မိတ်ဆွေများ အပေါ် ချမှတ်ထားသည့် ပိုမို တင်းကျပ်သော တောင်းဆိုမှုများကို လျော့ပေါ့ပေးဖွယ် ရှိသည်ဟု ကွန်ဂရက် ဆန်းစစ်သူများက ပြောကြားခဲ့ကြောင်းကို Wall Street ဂျာနယ်က အစောပိုင်းတွင် ဖော်ပြခဲ့သည်။

အမေရိကန် ပြည်ထောင်စုနှင့် အာရပ်စော်ဘွားများ ပြည်ထောင်စု UAE တို့သည် အဆိုပါ သဘောတူညီချက်ကို ယခင်နှစ် ဇန်နဝါရီလက လက်မှတ် ရေးထိုးခဲ့ကြသည်။

ဗီယက်နမ် မြေပေါ်တွင် ယူရေနီယံ သန့်စင်ရေးနှင့် ပတ်သက်၍ ဝါရှင်တန်နှင့် ဟနွိုင်းတို့ ဆွေးနွေးနေခြင်း ရှိ/ မရှိကို ပြောကြားရန် ငြင်းဆိုခဲ့ခြင်းမှာ ဆွေးနွေးမှုများ ပြုလုပ်နေဆဲ ဖြစ်သောကြောင့်ဟု Crowley က ဆိုသည်။

နိုင်ငံခြားရေး မူဝါဒ ရည်ရွယ်ချက် အဖြစ် Crowley က "ဗုံးပြုလုပ်နိုင်သည့် အဆင့် ယူရေနီယံ ပျံ့နှံ့မှုကို တားဆီးရန် ကြိုးပမ်းသည့် အနေဖြင့် ကမ္ဘာပေါ်တွင် ယူရေနီယံ သန့်စင်သည့် တိုင်းပြည် အနည်းငယ်ကိုသာ မြင်တွေ့လိုသည်" ဟု Crowley က ပြောကြားခဲ့သည်။

"ယူရေနီယံ သန့်စင်မှု အပေါ်မှာ အာမခံချက် ရှိတဲ့ နိုင်ငံတကာစနစ် တစ်ခု ပေါ်ပေါက်လာဖို့နဲ့ သင့်လျော်တဲ့ နိုင်ငံတကာ ကြီးကြပ်မှု အောက်မှာ ထားရှိတာကို ကျွန်တော်တို့ အတိအကျ တွေ့မြင်ချင်ပါတယ်" ဟု Crowley က ဆိုသည်။

စေ့စပ်ရေးမှူးများသည် ယခင် စစ်ဆေးကာလ ရန်သူ ဗီယက်နမ်အပေါ် အပြည့်အဝ နျူကလီယာ ပူးပေါင်း ဆောင်ရွက်ရေး အဆိုပြုလွှာကို ပေးဆပ်ခဲ့ကြပြီး အောက်လွှတ်တော်နှင့် အထက်လွှတ်တော် နိုင်ငံခြား ဆက်ဆံရေး ကော်မတီများထံ စတင် အစီရင်ခံ နေကြသည်ဟု ဂျာနယ်တွင် ဖော်ပြခဲ့သည်။

ဗီယက်နမ်နှင့် နယ်စပ်ခြင်း ရှည်လျားစွာ ထိစပ်နေသည့် တရုတ်နိုင်ငံကို တိုင်ပင် ညှိနှိုင်းခြင်း မရှိဟုလည်း သိရှိရသည်။

"အမေရိကန်နှင့် ဗီယက်နမ် အကြား ညှိနှိုင်းမှုတွေ ပြုလုပ်နေတာ ဖြစ်ပါတယ်။ တရုတ်နှင့် မပတ်သက်ပါဘူး" ဟု Crowley က ပြောဆိုသည်။

ဗီယက်နမ်သို့ နျူကလီယာ ဓာတ်ပေါင်းဖို အစိတ်အပိုင်းများ ရောင်းချရန် General Electric နှင့် Bechtel စသော အမေရိကန် ကုမ္ပဏီများကို ခွင့်ပြုဖွယ် ရှိသည်ဟုလည်း သိရှိရသည်။

နျူကလီယာ ဓာတ်ပြုမှု ကိရိယာများ လုံခြုံရေး၊ အရပ်ဖက် နျူကလီယာ စွမ်းအင် ဖွံ့ဖြိုးရေး တို့အပေါ် ပူးပေါင်း ဆောင်ရွက်ရန် နားလည်မှု စာချွန်လွှာကို သမ္မတ ဘွတ်ရှ် အစိုးရနှင့် ဗီယက်နမ်တို့ ၂၀၀၁ ခုနှစ်က လက်မှတ် ရေးထိုးခဲ့ခြင်း ဖြစ်သည်။

နှစ်ဖက်စလုံးသည် နျူကလီယာ ပူးပေါင်း ဆောင်ရွက်ရေး အပေါ် ကနဦး သဘော တူညီချက်များကို မတ်လက ရရှိခဲ့ကြပြီး ယခု နှစ်ကုန်တွင် အပြီးသတ်ရန် မျှော်လင့်ထားကြသည်ဟု ဗီယက်နမ် အနုမြူ စွမ်းအင်ဌာန ညွှန်ကြားရေးမှူး ဗွန်ဟူတန်က ပြောကြားခဲ့သည်ဟု သိရှိရပြီး ဗီယက်နမ်က ယူရေနီယမ် သန့်စင်ရန် အစီအစဉ် မရှိဟုလည်း ၎င်းက ပြောဆိုခဲ့သည်ဟု ဆိုသည်။

 

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Alert Net, 3rd August 2010

မြန်မာနိုင်ငံတွင်း နှစ်ရှည်လများ အစာရေစာ မလုံလောက်မှုကို ခံစားရနေပြီး အဆင်းရဲဆုံး ဒေသတစ်ခု ဖြစ်သည့် အလယ်ပိုင်း ခြောက်သွေ့ဇုန်တွင် ၃ နှစ် ဆက်တိုက် မိုးရွာသွန်းမှု နည်းပါးခြင်းကြောင့် မူလကပင် ပူပြင်းသော ဒေသတွင် အစာရေစာ ငတ်မွတ်မှု ပိုမို ဆိုးဝါးလာနိုင်သည်ဟု မကြာမီ အနားယူမည့် မြန်မာနိုင်ငံမှ ကုလ စားနပ်ရိက္ခာ အေဂျင်စီ အကြီးအကဲက ပြောကြားသည်။

မြန်မာအစိုးရ၏ တင်းကျပ် ချုပ်ချယ်မှုများကြောင့် ကမ္ဘာ့ စားနပ်ရိက္ခာ အစီအစဉ် WFP အနေဖြင့် ဒေသတွင်း မြို့နယ် အနည်းငယ်မျှကိုသာ ကူညီနိုင်ခဲ့ပြီး ပြည်တွင်း စားနပ်ရိက္ခာ မလုံလောက်မှုနှင့် ကယ်ဆယ်ရေး ရိက္ခာ ဖြန့်ဝေရန် ပမာဏကို အကဲဖြတ်ရာတွင် အခက်အခဲများ ဖြစ်ပေါ်စေခဲ့သည်။ မြန်မာနိုင်ငံ တဝှမ်းတွင် လူ ၁၀ ယောက်လျှင် ၁ ယောက် (သို့) လူဦးရေ ၅ သန်းကျော် နေ့စဉ် ငတ်မွတ်လျက် ရှိသည်ဟု ကုလသမဂ္ဂ အစီရင်ခံစာအရ သိရှိရသည်။

မြန်မာနိုင်ငံ အကျယ်အဝန်း၏ ဆယ်ပုံ တစ်ပုံခန့် ရှိသော လူဦးရေ ထူထပ်သည့် မိုးခေါင်ရေရှား အပူပိုင်း ခြောက်သွေ့ဇုန်မှ ငတ်မွတ်မှုကို Kaye က ပြောကြားရာတွင် "ဒီကိစ္စက တငွေ့ငွေ့ လောင်နေတဲ့ ပြဿနာ ဆိုပေမဲ့ ပိုဆိုးလာတယ်လို့ အထောက်အထားတွေက ညွှန်ပြနေပါတယ်'' ဟု ဆိုသည်။

"ပထမတော့ မိုးကျ နောက်ကျတယ်၊ ဒီနောက်မှာ မိုးစရွာလာတော့ လယ်သမားတွေလည်း စပြီး စိုက်ပျိုးကြပါတယ်၊ အဲဒီအချိန် နောက်ပိုင်း မိုးရပ်သွားတယ်၊ ပထမဆုံး စိုက်ခဲ့တဲ့ အပင်တွေက ခြောက်ပြီး သေကုန်ပါပြီ" ဟု ၎င်းက ပြောကြားသည်။

မြန်မာနိုင်ငံသည် အရှေ့တောင် အာရှ၏ စပါးကျီဟု တစ်ချိန်က ကျော်ာကားခဲ့သည်။ ထိုနိုင်ငံသည် ယခုအခါ ဒေသတွင်း အဆင်းရဲဆုံး နိုင်ငံတစ်ခု ဖြစ်နေ၍ ကြီးမားသော အစာရေစာ ငတ်မွတ်မှု  ပြဿနာနှင့် ရင်ဆိုင်နေရသည်။ ငတ်မွတ်မှု၏ အကြောင်းရင်းမှာ နယ်မြေဒေသပေါ် မူတည်၍ အမျိုးမျိုး ကွဲပြားလျက် ရှိသည်။

"တိုင်းပြည်မှ စားနပ်ရိက္ခာတွေ ရှိနေပေမဲ့ လိုအပ်တဲ့ နေရာကို မရောက်ပါဘူး၊ တိုင်းပြည်ထဲမှာ ကုန်ပစ္စည်းတွေ၊ တချို့ လူမျိုးစုတွေ ရွှေ့ပြောင်းမှုကို အစိုးရက တင်းကျပ် ချုပ်ချယ်ထားပါတယ်" ဟု Kaye က ဆက်လက် ပြောကြားသည်။

အလယ်ပိုင်း ခြောက်သွေ့ဇုန်မှ သတင်းအချက်အလက် မရနိုင်ခြင်းကြောင့် WFP အနေဖြင့် အာဟာရ လေ့လာမှု အစီရင်ခံစာ အသေးစားများ၊ ဒေသခံပြည်သူတို့၏ စိုးရိမ်ဖွယ်ရာ အာဟာရ ချို့တဲ့မှု အဆင့်အတန်းကို ညွှန်ပြသည့် ပုံပြင်ဆန်ဆန် အထောက်အထားများကိုသာ မှီခို အားထားခဲ့ရသည်ဟု ဆိုသည်။

"အစိုးရက ဒီဒေသကို ပိုပြီး ကူညီစေချင်တယ်လို့ ကျွန်တော်တို့ သိထားပါတယ်၊ ဒါပေမယ့် ဒေသတွင်း မြို့အားလုံးကို ကျွန်တော်တို့ သွားခွင့်ရတဲ့ တိုင်အောင် အကူအညီတွေကတော့ တင်းကျပ်ခြင်း ခံနေရပါတယ်" ဟု Kaye က ပြောကြားသည်။

တစ်ချိန်တည်းတွင် WFP သည် ချင်းပြည်နယ်နှင့် ရခိုင်ပြည်နယ် မြောက်ပိုင်း အပါအဝင် မြန်မာနိုင်ငံ အခြားဒေသများတွင် စီမံကိန်းများ တိုးချဲ့လျက် ရှိပြီး လာမည့် ၃ နှစ် အတွက် လူဦးရေ နှစ်သန်းကို ကျွေးမွေးရန် ရည်ရွယ်ထားသည်။

ကုလသမဂ္ဂ အဖွဲ့က လာမည့် ၃ နှစ်စာ အစီအစဉ် အတွက် ရန်ပုံငွေ ထောက်ပံ့ရန် ဒေါ်လာ ၁၂၂ သန်းကို အလှူရှင်များထံ တောင်းခံထားသည်။ အလှူရှင်များသည် မြန်မာ၊ ကမ္ဘောဒီးယား၊ နှင့် လာအိုတို့ အကြားမှ ခြားနားမှုကို သိရှိသည့် အားလျှော်စွာ အဆိုပါ ပိုက်ဆံကို ထောက်ပံ့လိမ့်မည်ဟု Kaye က မျှော်လင့်ထားသည်။ ဤကိစ္စမှာ အမှန်ပင် တရားမျှတမှု မရှိပါ၊ ဥပမာအားဖြင့် ၂၀၀၇ ခုနှစ်တွင် မြန်မာနိုင်ငံက လူတစ်ဦးလျှင် ၄ ဒေါ်လာနှုန်း ရရှိသည့် အချိန်တွင် ကမ္ဘောဒီးယားက  ၄၇ ဒေါ်လာ လာအိုက  ၆၈ ဒေါ်လာ ရရှိခဲ့သည်ကို တွေ့ရလိမ့်မည် ဖြစ်သည်။

သို့သော်လည်း နာဂစ် ဒဏ်ခံ ဒေသများ အတွက် ကယ်ဆယ်ရေး လုပ်ငန်းများကို ကြီးကြီးမားမား ထောက်ပံ့နေရဆဲ ဖြစ်သောကြောင့် အရေးပေါ် စားနပ်ရိက္ခာ ရန်ပုံငွေ အတွက် အလှူရှင်များက ပိုက်ဆံ ထုတ်/ မထုတ်ကို ရှင်းလင်းစွာ မသိရသေးပါ။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Assam Tribune, 4th August 2010

လက်နက်များသည် မြန်မာနှင့် ဘင်္ဂလားဒေ့ရှ် နယ်စပ်များကို ဖြတ်၍ တရားမဝင် ရောင်းဝယ်နေသည်ဟု ထောက်လှမ်းရေး သတင်းများက ဆိုကြောင်း ပြည်ထောင်စု ပြည်ထဲရေး ဝန်ကြီး P Chidambaram က ယနေ့ ဝန်ခံ ပြောကြားလိုက်သည်။

"ဒီနယ်စပ်တွေမှာ အလွယ်တကူ ရောင်းဝယ်နိုင်ပါတယ်။ အိန္ဒိယ-ဘင်္ဂလားဒေ့ရှ် နယ်စပ်ကတော့ ခြံစည်းရိုး ကာရံခြင်း လုပ်ငန်း လုပ်ဆောင်နေပါတယ်။ အဲဒီမှာ နယ်စပ် ဖြတ်ကျော် လက်နက် ရောင်းဝယ်တဲ့ လျှို့ဝှက် အဖွဲ့အစည်းတွေ ရှိတယ်ဆိုတဲ့ သာဓကတွေ ရှိပါတယ်။ လုံခြုံရေး တပ်ဖွဲ့တွေ မှောင်ခိုတွေ၊ အဲဒီ လျှို့ဝှက် အဖွဲ့တွေ ကြားမှာ လက်ရှိ ရုန်းကန် တိုက်ခိုက်နေရပါတယ်။ လုံခြုံရေး တပ်ဖွဲ့တွေက အောင်မြင်ပါတယ်။ ဒါပေမယ့် အဆိုပါ ကိစ္စတွေ တစ်ခါတစ်ရံ ဖြစ်နေတုန်း ဆိုတာလည်း မှန်ပါတယ်'' ဟု ပြည်ထဲရေး ဝန်ကြီးက Rajya Sabha တွင် မေးမြန်းထားမှုအား ပြန်လည် ဖြေကြားခဲ့သည်။

BSF သည် နယ်န်ိမိတ် ဖြတ်၍ လျှို့ဝှက်အဖွဲ့များနှင့် ဆက်ဆံရာတွင် လက်နက်ပြည့်စုံပြီး၊ အသေအချာ လေ့ကျင့်ထားသော အဖွဲ့ဖြစ်သည်။ အစိုးရ၏ အာသံ သေနတ်ကိုင် တပ်ရင်းသည် ရှေ့မြောက် ပြည်နယ်များတွင် နေရာယူထားသည်။ ၎င်းသည် အိန္ဒိယ တပ်မတော်၏ အစိတ်အပိုင်း ဖြစ်ပြီး လက်နက် ပြည့်စုံပြီး၊ လေ့ကျင့်ထားသော တပ်ရင်း ဖြစ်သည်ဟု ၎င်းက မြင်သည်။

နယ်စပ်ဒေသ ဖွံ့ဖြိုးရေးကို စိတ်ဝင်စားသည် ဆိုသော်လည်း၊ ထိုဒေသများတွင် လိုအပ်သည်ထက် ပိုမို လုပ်ဆောင်ရန် လိုအပ်သည်။ ထိုဒေသများသည် အလွန် ဝေးလံပြီး ဆက်သွယ်ရေး ခက်ခဲလှသည်။ ထိုအကန့်များ ရှိနေသော်လည်း လမ်းဖောက်ခြင်း၊ နယ်စပ်မြို့ တည်ထောင်ခြင်းနှင့် တိုးတက်အောင် ကြိုးစား လုပ်ဆောင်လျက် ရှိနေသည်။ သို့မှသာ နယ်စပ်အား လုံခြုံရေးနှင့် အသေအချာ စောင့်ကြည့်ရေးကို ပြုလုပ်နိုင်မည် ဖြစ်သည်။

အိန္ဒိယ-မြန်မာ နယ်စပ်တွင် ခြံစည်းရိုး ကာရံခြင်း လုပ်ငန်း မရှိပေ။ ထိုနေရာများသည် ဝေးလံ ခေါင်းပါးပြီး၊ ခက်ခဲသော အခြေအနေတွင် ရှိသည်။ ထိုဒေသများတွင် တရားမဝင် လုပ်ဆောင်မှုများ အလွယ်တကူ လုပ်နိုင်သည်ဟု Chidambaram က ဆိုသည်။

သို့သော်လည်း BSF နှင့် အစိုးရတပ်ကြား ပစ်ခတ်မှု မရှိအောင် ထိန်းသိမ်းထားနိုင်သည်။ ဖမ်းဆီး ထိန်းသိမ်းမှု အများအပြား ရှိပြီး၊ လူပေါင်းများစွာ အဖမ်းခံကြရသော်လည်း အချို့လက်နက်များ နယ်စပ်ကို ဖြတ်၍ ရောင်းဝယ်ဆဲ ဖြစ်သည်ဟု ထောက်လှမ်းရေး သတင်းများက ဆိုသည်။

သူပုန်များ ပူးပေါင်းထားသော အဖွဲ့နှင့် တရုတ်နိုင်ငံအကြား ဆက်သွယ်မှုများကိုမူ မတွေ့ရကြောင်း ပြည်နယ် ပြည်ထဲရေး ဝန်ကြီး M Ramachandran က ပြောသည်။ သို့သော် အချို့ အိန္ဒိယ သူပုန် အုပ်စုများသည် အိမ်နီးချင်း တိုင်းပြည် အချို့တွင် စခန်း ထူထောင်၍ လက်နက်များ ရောင်းဝယ်နေသည်ကို အိန္ဒိယ အစိုးရက သိရှိသည်ဟု ဆိုသည်။ အဆိုပါ ကိစ္စများကို နှစ်နိုင်ငံ ဆွေးနွေးပွဲများတွင် အမြင်ချင်း ဖလှယ်ကြကြောင်း ဝန်ကြီးက ပြောသည်။

တစ်ချိန်တည်းမှာပင် ISI နှင့် Naxals သည် အရှေ့မြောက် ပြည်နယ်များတွင် အခြေချမှု အသစ်များ ထူထောင်နေကြောင်း သတင်းများကို ပြည်ထောင်စု အစိုးရက ငြင်းဆန်သော်လည်း ဗဟို အစိုးရက CPI (Maoists) သည် ဒေသတွင်း သူပုန် ပူးပေါင်းအဖွဲ့များနှင့် အဆက်အသွယ် ထူထောင်ရန် ကြိုးစားနေကြောင်း သတင်းကို ဝန်ခံခဲ့သည်။

Rajya Sabha တွင် Biren Baishya ၏ မေးခွန်းကို ပြည်နယ် ပြည်ထဲရေး ဝန်ကြီး Ajay Maken က ဖြေကြားရာတွင် ပြည်နယ်အတွင်း Naxal ၏ လှုပ်ရှားမှုနှင့် ပတ်သက်သော အရေးကိစ္စများကို ကိုင်တွယ်ရန် ပြည်နယ် အစိုးရများသည် အမြဲ အသင့်ရှိနေကြောင်း ဆိုသည်။

Kumar Deepak Das ၏ ISI သည် သူပုန် ပူးပေါင်းအဖွဲ့နှင့် အဆက်အသွယ် ထူထောင်နေကြောင်း မေးမြန်းမှုအား ပြည်နယ် ပြည်ထဲရေး ဝန်ကြီး M Ramachandran က သီးခြား ဖြေကြားရာတွင် NER တွင် လှုပ်ရှားနေသော မြေအောက်အဖွဲ့ အချို့သည် ပါကစ္စတန်၏ ISI နှင့် ဆက်သွယ်ရေး လမ်းကြောင်း ထူထောင်ပြီး ဖြစ်ကြောင်း သတင်းများ ရရှိခဲ့သည်ဟု ဆိုသည်။

သတင်းများ၏ အဆိုအရ Tripura တွင် ISI အေးဂျင့်ဟု သံသယရှိသူ ပါကစ္စတန် နိုင်ငံသား တစ်ဦးကို အခြား ခြောက်ဦးနှင့်အတူ ဖမ်းဆီးရမိခဲ့သည်ဟု သိရှိရသည်။ အာသံတွင် ISI ဆဲလ်တစ်ဦးအား ဇူလိုင်လ (၁၀) ရက်နေ့က ဖမ်းဆီးရမိသည်ဟု ၎င်းက သတင်းပေးသည်။

သို့သော် ဝန်ကြီးက ပြောကြားရာတွင် အကြမ်းဖက် ပူးပေါင်းအဖွဲ့မှ ကေဒါများသည် အရှေ့မြောက် ဒေသတွင် ပြဿနာ ဖန်တီးရန် အိန္ဒိယသို့ စိမ့်ဝင်လာခြင်း ရှိသည် ဟူသော သတင်းများကို မည်သည့် နိုင်ငံခြား ထောက်လှမ်းရေး အေဂျင်စီထံမှမျှ မရရှိခဲ့ကြောင်း ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Council on Foreign Relation, By Joshua Kurlantzick, 3rd August 2010

အမေရိကန် ပြည်ထောင်စု သမ္မတ Barack Obama သည် ၎င်း စတင် တာဝန်ယူသည့် ၂၀၀၉ ခုနှစ်မှ စ၍ ယခင် Bush အစိုးရ မူဝါဒကို ပြောင်းပစ်ရာ၌ အာရှတိုက်တွင် မြန်မာနိုင်ငံကို စမ်းသပ်ရန် ဆုံးဖြတ်ခဲ့သည်။ အီရန်နှင့် ဆူဒန်တို့ကို ပြုလုပ်ခဲ့သကဲ့သို့ပင် Obama အစိုးရသည် မြန်မာ အစိုးရနှင့် ဆက်ဆံရေး ပြုလုပ်ခဲ့သည်။ သို့သော် လူ့အခွင့်အရေး ချိုးဖောက်မှုများကြောင့် ယခင်က ကွန်ဂရက်က ချမှတ်ထားခဲ့သော အရေးယူမှုများ အဆုံးသတ်ရေးကိုမူ မပြုလုပ်ခဲ့ပေ။ လက်ထောက် နိုင်ငံခြားရေး ဝန်ကြီး Kurt Campbell သည် ပြီးခဲ့သည့် နှစ်အတွင်း မြန်မာနိုင်ငံသို့ နှစ်ခေါက် သွားရောက်ခဲ့ပြီး၊ ယခုနှစ် နှောင်းပိုင်းတွင် ကျင်းပတော့မည့် ရွေးကောက်ပွဲ ကဲ့သို့သော အရေးကြီးသည့် ကိစ္စများ စကားပြောရန် ကြိုးစားခဲ့သည်။

မြန်မာနိုင်ငံကို ဆက်ဆံခဲ့ခြင်းအားဖြင့် ရလဒ် အချို့ ရရှိခဲ့သည်။ မြန်မာနိုင်ငံနှင့် စကားပြောရန် စိတ်ပါဝင်စားမှု ရှိခဲ့ခြင်းကြောင့် အခြား အာဆီယံ အဖွဲ့ဝင် နိုင်ငံများကလည်း ဝါရှင်တန်သည် အရှေ့တောင်အာရှနှင့် ဆက်ဆံရေးကို အဆင့်မြှင့်ရန် ကတိပြုလိုက်သလို အချက်ပေးလိုက်ခြင်းပင် ဖြစ်သည်။ ယခင် အမေရိကန် အစိုးရသည် မြန်မာနိုင်ငံနှင့် ဆိုးရွားသော ဆက်ဆံရေးကြောင့် အခြား အာဆီယံ ခေါင်းဆောင်များနှင့် တွေ့ဆုံရန် ခက်ခဲလျက် ရှိခဲ့သည်။

မြန်မာနိုင်ငံနှင့် ဆက်ဆံရန် ကြိုးစားခြင်းအားဖြင့် အိမ်ဖြူတော်သည် သူ၏ အခြား အာရှ မဟာမိတ်များ၏ ပြောစကားကို နားထောင်သည်ဟု ပြလိုဟန် ရှိသည်။ အရှေ့တောင် အာရှနိုင်ငံ အတော်များများက မြန်မာ အစိုးရအား ဆက်ဆံရေးဖြင့် ချဉ်းကပ်ရန် အချိန် အတော်ကြာကပင် အကြံပေး ခဲ့ကြဖူးသည်။

သို့သော် Campbell ၏ ကြိုးစား အားထုတ်မှုများ ရှိခဲ့သော်လည်း အရေးယူမှုများက ရလဒ် အနည်းငယ်သာ ရခဲ့သလိုပင် ယခု ဆက်ဆံရေး မူဝါဒကလည်း အနည်းငယ်သာ အလုပ် ဖြစ်ခဲ့သည်။ Campbell ၏ မေလ ခရီးစဉ်တွင် မြန်မာ အစိုးရသည် ၎င်းအား အဆင့်နိမ့် တာဝန်ခံများနှင့်သာ ပေးတွေ့ခဲ့သည်ကို ကြည့်ခြင်းအားဖြင့် မြန်မာ အစိုးရသည် တွေ့ဆုံ ဆွေးနွေးမှုကို အလေး မထားကြောင်း ပြသလိုက်ခြင်း ဖြစ်သည်ဟု မှတ်ယူရမည် ဖြစ်သည်။ အစိုးရသည် တင်းကြပ်သည့် မတရားသော ဥပဒေများ ထုန်ပြန်ခဲ့ခြင်းကြောင့် ဒေါ်အောင်ဆန်းစုကြည်အား ရွေးကောက်ပွဲတွင် မပါဝင်နိုင်အောင် တားဆီးထားသည့်ပြင် NLD အားလည်း သပိတ်မှောက်ရန် လမ်းကိုသာ ရွေးရန် တွန်းပို့သလို ဖြစ်ပြီး၊ နောက်ဆုံး အစိုးရက ပါတီကို ဖျက်သိမ်းခဲ့သည်။

စိုးရိမ်စရာ အကောင်းဆုံး အချက်မှာ မြန်မာ အစိုးရသည် သတင်းထွက်ပေါ်ခဲ့သည့် နျူကလီယာ အစီအစဉ်များကို တွန်းအားပေးသည်ဟု ယူဆနေရသည်။ မြန်မာ အစိုးရသည် ပြီးခဲ့သော နှစ်များအတွင်း မြောက်ကိုရီးယားနှင့် စစ်ရေးအရ ပိုမို နီးကပ်စွာ ဆက်ဆံလာရာ၊ ယခု မကြာသေးမီက မြောက်ကိုရီးယား နိုင်ငံခြားရေး ဝန်ကြီးသည် မြန်မာနိုင်ငံသို့ လေးရက်ကြာ ခရီးစဉ် ပြီးဆုံးကာစပင် ရှိသေးသည်။ ပြီးခဲ့သည့် ဇန်နဝါရီလက Institute of Science and Interanational Security ၏ အစီရင်ခံစာတွင် မြန်မာ အစိုးရသည် အရပ်သုံး အတွက် အနည်းငယ်သာ ဖြစ်ပြီး၊ နျူကလီယာ သို့မဟုတ် ဒုံးကျည် နည်းပညာတွင် သုံးရန် ပစ္စည်း အတော်များများ တင်သွင်းခဲ့ကြောင်း ဖော်ထုတ်ခဲ့သည်။ နောက်လ အတန်ကြာသောအခါ al-Jazeera နှင့် ဒီမိုကရက်တစ် မြန်မာ့အသံတို့သည် မြန်မာနိုငငံမှ ထွက်ပြေးလာသူများနှင့် နျူကလီယာ မပြန့်ပွားရေး ပညာရှင်များနှင့် ပူးပေါင်း၍ သတင်း ထုတ်ပြန်ရာတွင် မြန်မာ အစိုးရသည် ယူရေနီယံများ တူးဖော်လျက် ရှိပြီး နျူကလီယာ လက်နက် ထုတ်လုပ်ရန် နည်းပညာများ စုဆောင်းနေသည်ဟု ဖော်ပြထားသည်။

သို့သော် အမေရိကန် အစိုးရ တာဝန်ရှိသူ အတော်များများက မြန်မာနိုင်ငံသည် နျူကလီယာ လက်နက် အတွက် ထုတ်လုပ်ရန်နှင့် ပိုင်ဆိုင်ရန် အရေးကြီးသော ခြေလှမ်း လှမ်းနေသည် ဆိုသည်ကို သံသယ ရှိနေဆဲ ဖြစ်သည်။ အကယ်၍သာ နျူကလီယာ လက်နက် ထုတ်လုပ်နိုင်ခဲ့လျှင် နိုင်ငံခြားသား ကြောက်သည့် မြန်မာ အစိုးရအား ပြင်ပ ဖိအားကို မဖြုံသည့် အဖြစ်ကို ရောက်စေမည် ဖြစ်သည်။ ယခင်က မြန်မာနိုင်ငံ၏ နျူကလီယာ အရေးကို ခေါင်းထဲ မထည့်ခဲ့သော အမေရိကန် အစိုးရ တာဝန်ရှိသူများပင် သံသယဖြစ်ဖွယ် အထောက်အထားများ အပြည့်အစုံ ရှိကြောင်း ဝန်ခံခဲ့ကြပြီး၊ မြောက်ကိုရီးယားနှင့် ပူးပေါင်းနေမှုများကို ပိုမို ဖော်ထုတ်ရန် မြန်မာ အစိုးရအား ပြင်းပြင်းထန်ထန် ဖိအားပေးရမည်ဟု ဆိုသည်။ မြန်မာနိုင်ငံသည် အရှေ့တောင် အာရှ နျူကလီယာ ကင်းမဲ့ဇုန် ဖြစ်ရေး ကြေညာ စာတမ်းတွင် လက်မှတ် ရေးထိုးခဲ့သော်လည်း အဘယ်ကြောင့် နျူကလီယာ နည်းပညာများကို ဝယ်ယူ စုဆောင်းနေသည်ကို ဖော်ထုတ်ရန် ဖိအားပေးရမည်ဟု ဆိုသည်။

မြန်မာ အစိုးရသည် အမေရိကန် ပြည်ထောင်စု နှင့်ပတ်သက်၍ သဘောထား ပြောင်းလဲရန် ခဲယဉ်းသော်လည်း ယခုနှစ်နှင့် နောက်နှစ်တွင် မြန်မာနိုင်ငံ၌ အမေရိကန်သည် ယခုထက် ပိုမိုသော အခန်းကဏ္ဍ ရရှိရန် ရှားရှားပါးပါး အခွင့်အလမ်း ရှိနေဆဲ ဖြစ်သည်။ အစိုးရ အပေါ် သြဇာလွှမ်းမိုးမှု အနည်းငယ် ရရှိနိုင်ရန် ဖြစ်နိုင်သေးသည်။

အချို့ အတိုက်အခံ နိုင်ငံရေးသမားများက ရွေးကောက်ပွဲသည် နိုင်ငံ၏ အခက်အခဲများ ကြုံနေရသည့် နိုင်ငံရေးနှင့် စီးပွားရေး အတွက် လမ်းကြောင်း ပြောင်းရန် အကောင်းဆုံး တကယ့် အခွင့်အရေး ရှိလာနိုင်သည်ဟု ယုံကြည်နေဆဲ ဖြစ်သည်။

နောက်တစ်ခုမှာ မြန်မာနိုင်ငံသည် ဒေသတွင်း ပါဝါများ တက်လာမှုတွင် ပြိုင်ဘက် တစ်ဦး အနေဖြင့် အရေးကြီးစွာ ထွက်ပေါ်လာနေပြီ ဖြစ်သည်။ မြန်မာနိုင်ငံသည် အာရှတိုက်တွင် မဟာဗျူဟာ အရ အရေးပါသော နေရာတွင် ရှိနေပြီး ဒေသတွင်း အကြီးဆုံး ရေနံနှင့် သဘာဝဓာတ်ငွေ့များ ပိုင်ဆိုင်နေသည်။ ကောက်ချက်ချရမည် ဆိုလျှင် မြန်မာနိုင်ငံ၏ အနာဂတ် လမ်းကြောင်းသည် ဒေသတွင်းတွင် အရေးပါလှပြီး၊ အမေရိကန်၏ မဟာမိတ်များ ဖြစ်သော အိန္ဒိယနှင့် ထိုင်းနိုင်ငံ တို့အတွက် မရှိမဖြစ် အရေးပါလှသည်။

ဝါရင့် စစ်ဗိုလ်ချုပ်များသည် ကန့်လန့်ကာ နောက်ကွယ်မှ သြဇာ လွှမ်းမိုးနိုင်ရေး အတွက် ၎င်းတို့ သတ်မှတ်ထားသော ပါတီများ အာဏာရရှိရေး အတွက် ရွေးကောက်ပွဲအား အစိုးရက တင်းကြပ်စွာ ထိန်းချုပ်ထားမည်မှာ သံသယ ဖြစ်ဖွယ် မရှိပေ။ သို့သော် International Crisis Group မှ ရေးသားသော အစီရင်ခံစာတွင် ရွေးကောက်ပွဲ ကျင်းပသော နေ့တွင်မူ အစိုးရ ၁၉၉၀ တုန်းကကဲ့သို့ လွတ်လွတ်လပ်လပ် တရားမျှတစွာ မဲပေးခွင့် ပေးကောင်းပေးလိမ့်မည်ဟု ရေးသားထားသည်။

အစိုးရက ရွေးကောက်ပွဲတွင် ပါဝင် ယှဉ်ပြိုင်သည့် ပါတီများအား မဲရေတွက်ရာတွင် ကြည့်ရှု ခွင့်ပြုမည် ဖြစ်သည်။ NLD ပါတီအနေဖြင့် ပါတီနှင့် ဒေါ်အောင်ဆန်းစုကြည် အပေါ် ကန့်သတ်မှုများကြောင့် သင့်တော်သော ဆုံးဖြတ်ချက် အဖြစ် ရွေးကောက်ပွဲကို သပိတ်မှောက်ရန် ရွေးချယ်ခဲ့သော်လည်း၊ ပါတီ အချို့ ငယ်ရွယ်သော အဖွဲ့ဝင်များက ကန့်သတ်ချက်များ ရှိသော်လည်း NLD အနေဖြင့် ရွေးကောက်ပွဲ ဝင်သင့်ကြောင်း၊ မဲဆန္ဒရှင်များနှင့် အစိုးရကို ၎င်း၏ ပေါ်ပြူလာ ဖြစ်ဆဲ အင်အားကို ပြသင့်သည်ဟု ယုံကြည် နေကြသည်။ ထို့ကြောင့် အချို့ NLD အဖွဲ့ဝင်ဟောင်းများသည် ရွေးကောက်ပွဲ ဝင်ကြမည် ဖြစ်သည်။

ရွေးကောက်ပွဲ ဝင်မည့် ပါတီများသည် ပါလီမန်တွင် လက်တဆုတ်စာ ရှိမည် ဖြစ်သော်လည်း လွတ်လပ်သော စိတ်ရှိသော ဥပဒေပြု အမတ်များ အဖြစ် ထွက်ပေါ်လာမည် ဖြစ်သည်။ ထိုအမတ်များ၏ လွတ်လပ်ခွင့်ကို ပါလီမန်တွင် စစ်တပ်က ကန့်သတ်မှုများ ပြုလုပ်လိမ့်ဦးမည် ဖြစ်သော်လည်း ၎င်းတို့သည် နိုင်ငံရေး စနစ် ပိုမို လမ်းပွင့်လာရေးနှင့် ယဉ်ကျေးသော နိုင်ငံ ဖြစ်လာရေး အတွက် အခြေခံ အုတ်မြစ်ချသွားနိုင်မည် ဖြစ်သည်။ မြန်မာနိုင်ငံတွင် အုပ်ချုပ်ရေး စနစ်တွင် အရပ်သားများ၏ ကဏ္ဍပိုမို ပါဝင်လာသည်နှင့်အမျှ အမေရိကန်နှင့် ပိုမို ကျယ်ပြန့်စွာ ဆက်ဆံလာနိုင်မည် ဖြစ်သည့်အပြင် အခြား ဒေသတွင်း ပါဝါရှိ နိုင်ငံများနှင့် ဆက်ဆံရေး ကောင်းလာနိုင်သည်။ ထို့အပြင် မြန်မာ အစိုးရ၏ လျှို့ဝှက်တတ်ခြင်းနှင့် နိုင်ငံခြားသား ကြောက်ခြင်း အရေခွံများကို ခွာချနိုင်မည် ဖြစ်ကာ အမေရိကန်၏ သြဇာ လွှမ်းမိုးရေး ကြိုးစားမှု အတွက် လမ်းပွင့်လာနိုင်မည် ဖြစ်သည်။

ပို၍ အရေးကြီးသော အချက်မှာ မြန်မာနိုင်ငံ၏ တိုင်းရင်းသားများဒေသ၊ အထူးသဖြင့် မြောက်ဖက်နှင့် အရှေ့ဖက်တွင် လူသားချင်း စာနာဖွယ် ပဋိပက္ခများ ပြင်းပြင်းထန်ထန် တိုးပွားလာခြင်း ဖြစ်သည်။ ထိုဒေသများကို တိုင်းရင်းသားတပ်များက ထိန်းချုပ်ထားသည်။ ထိုအထဲတွင် အင်အား အကောင်းဆုံးမှာ စစ်သား အင်အား နှစ်သောင်းကျော် ရှိသော ညီညွတ်သော ဝ ပြည်ထောင်စုတပ် (UWSA) ဖြစ်ပြီး၊ ၎င်းသည် ကမ္ဘာပေါ်တွင် အကြီးဆုံး မူးယစ်ဆေးဝါး ရောင်းဝယ်ရေး အဖွဲ့ ဖြစ်သည်။ အစိုးရသည် အဆိုပါ တိုင်းရင်းသား လက်နက်ကိုင်များအား အစိုးရ လက်အောက်ခံ နယ်ခြားစောင့်တပ် အသွင်ပြောင်းရန် လိုလားလျက် ရှိပြီး၊ လက်ရှိအားဖြင့် အစိုးရနှင့် ၎င်းတို့ကြားတွင် အချိန်မရွေး ပျက်သွားနိုင်သော အပစ်အခတ် ရပ်စဲရေး သဘော တူညီချက်သာ ရှိသည်။ လက်နက်ကိုင် တိုင်းရင်းသား အများစုသည် လက်နက် မချလိုကြပဲ၊ အချို့သည် လက်နက် အင်အား ဖြည့်တင်းလျက် ရှိနေကြသည်။ ထိုအတွက် ငွေကို မူးယစ်ဆေးဝါး ပိုမို ရောင်းချခြင်းဖြင့် ရှာဖွေလျက် ရှိသည်။

ယခုအခါ အဆိုပါ နယ်စွန်နယ်ဖျား ဒေသများတွင် စစ်ဖြစ်ရန် အလားအလာ များနေပြီး၊ ထိုသို့ ဖြစ်ပွားပါက စစ်ပြေး ဒုက္ခသည်များ၊ HIV/AIDS ဖြစ်ပွားမှုများနှင့် မူးယစ်ဆေးဝါး ရောင်းဝယ်မှုများ အတွက် မီးများပင် ဖြစ်သည်။ အဆိုပါ ပဋိပက္ခများသည် ဒေသတွင်းကိုပါ မတည်မငြိမ် ဖြစ်စေမည် ဖြစ်ရာ တရုတ်၊ အိန္ဒိယနှင့် ထိုင်းနိုင်ငံ တို့ကို သက်ရောက်မည် ဖြစ်ရာ၊ အမေရိကန်က စိုးရိမ်စွာ ပတ်သက်လာရေး အတွက် လုံလောက်သော အကြောင်းပြချက်ပင် ဖြစ်သည်။

စိုးရိမ်ဖွယ် အကောင်းဆုံး အချက်မှာ ထိုသို့ မတည်မငြိမ် ဖြစ်ပွားမှုများ ပျံ့နှံ့လာပါက အစိုးရ၏ နျူကလီယာ အစိတ်အပိုင်းများ၊ လောင်စာ စသည်များသည် သူပုန်များ၊ ထိုဒေသများတွင် ကျက်စားနေသော အကြမ်းဖက်သမားများ၏ ရာဇဝတ်မှု ကွန်ရက်အတွင်း ကျရောက်သွားမည်ကို စိုးရိမ်ရသည်။

ရွေးချယ်စရာ မူဝါဒ

အမေရိကန် အနေဖြင့် နေပြည်တော်ရှိ မြန်မာ အစိုးရ အပေါ် ရွေးစရာ လမ်းကြောင်းမှာ အကန့်အကွက်များ ရှိနေပြီး၊ မြန်မာ အစိုးရအား အထီးကျန် ပစ်ပယ်ထားပြီး ဖြစ်နေသဖြင့် နှစ်နိုင်ငံ ဝေးကွာလွန်း နေသည်။ တချိန်တည်းတွင် အခြား ဒေသတွင်း နိုင်ငံများ ဖြစ်သော တရုတ်၊ အိန္ဒိယ၊ စင်္ကာပူနှင့် ထိုင်းနိုင်ငံတို့ အတွက်မူ မြန်မာနိုင်ငံသည် အရေးကြီးလျက် ရှိသည်။ မြန်မာ အစိုးရသည် တရုတ်၏ သြဇာ လွှမ်းမိုးမှုကို လျော့ချရေး အတွက် အမေရိကန်ကို အသုံးပြုနိုင်ရန် အမေရိကန်၏ အသိအမှတ်ပြုမှုကို ရယူလိုဟန် ရှိသည်။ မြန်မာနိုင်ငံ၏ လက်ရှိ လူ့အခွင့်အရေး ချိုးဖောက်မှုများမှာ အမေရိကန် ကွန်ဂရက် အတွက် အကြောင်းပြချက်ကောင်း ဖြစ်နေသဖြင့်၊ အမေရိကန် အစိုးရ အတွက် ရွေးစရာလမ်းမှာ အကန့်အသတ်များနှင့် ရှိနေဆဲ ဖြစ်သည်။ ကွန်ဂရက်သည် ပြင်းထန်သော အရေးယူမှုများ ချမှတ်နေသည် ဆိုသော်လည်း စင်္ကာပူနှင့် ဒူဘိုင်းရှိ မြန်မာ အစိုးရ၏ ဘဏ်စာရင်းများကို မထိမတို့ရသေးသဖြင့်၊ အစိုးရကို ပြစ်ဒဏ်ခတ်ရန် ကွန်ဂရက် အနေဖြင့် အနည်းငယ် ပိုမို လုပ်နိုင်သေးသည်။

အဆိုပါ ငွေကြေးကိစ္စများကို အသာထား၊ အမေရိကန် ပြည်ထောင်စု အနေဖြင့် Beijing ဖြင့် နီးကပ်စွာ ပူးပေါင်း၍ နယ်စပ် တည်ငြိမ်ရေး အတွက် ဖြစ်လာနိုင်သည့် မြန်မာ တိုင်းရင်းသား ပဋိပက္ခများကို အသုံးပြု ကိုင်တွယ်နိုင်သည်။ ဝါရှင်တန်နှင့် Beijing တို့သည် မြန်မာနိုင်ငံတွင် လုံခြုံရေး ဆိုင်ရာ ပဋိပက္ခ အနည်းငယ်သာရှိရာ၊ ကိုရီးယား ကျွန်းဆွယ်နှင့် မတူပဲ မြန်မာနိုင်ငံ အနေဖြင့် အမေရိကန် - တရုတ် ပူးပေါင်းမှုကို တကယ့် အခွင့်အလမ်း အဖြစ် ကမ်းလှမ်း နိုင်သည်။ မြန်မာနိုင်ငံက တရုတ်နိုင်ငံသို့ ဖြစ်စေနိုင်သည့် အန္တရာယ်များမှာ ကြီးမားလှသည်။ မူးယစ်ဆေးဝါး၊ HIV ကူးစက်မှုနှင့် မြန်မာနိုင်ငံမှ ဒုက္ခသည်များ ကိစ္စများသည် တရုတ်နိုင်ငံ အတွက် အန္တရာယ် အလွန် ကြီးသည်။ တရုတ်သည် မြန်မာနိုင်ငံနှင့် ပူးပေါင်း ဆောင်ရွက်ရန် စိတ်အား ထက်သန်မှုအား ပြသပြီး ဖြစ်ရာ အမေရိကန်ကို မြန်မာ အစိုးရနှင့် တွေ့ဆုံရေးကို ပံ့ပိုး ကူညီပေးပြီး၊ ပြုံးယမ်းနှင့် အလုပ်လုပ်နေခြင်း ထက်စာလျှင် နေပြည်တော်၏ မတည်ငြိမ်မှုကို ဖန်တီးမှု အတွက် လူသိရှင်ကြား ရှုတ်ချသင့်ပေသည်။

ဝါရှင်တန်နှင့် ဘေဂျင်းတို့သည် ပူးပေါင်း၍ တိုင်းရင်းသား ဒေသများတွင် လူသားချင်း စာနာသော အကူအညီများ တိုးတက်ပေးနိုင်သည်။ ထိုအကူအညီများကို တရုတ် သို့မဟုတ် ထိုင်းနိုင်ငံ နယ်စပ်မှ တဆင့် ပေးပို့သင့်သည်။ အဘယ်ကြောင့်ဆိုသော်  အဆိုပါ နယ်စပ်များတွင် မြန်မာနိုင်ငံတွင်းသို့ သယ်ယူရန် ကောင်းမွန်သော အခြေခံ အဆောက်အဦးများ ရှိပြီး ဖြစ်သည်။ သို့မဟုတ် မြန်မာပြည်တွင်းမှ တဆင့် နယ်စပ် ဒေသများသို့ ပို့ဆောင်နိုင်သည်။ ထို့အပြင် ဝါရှင်တန်နှင့် ဘေဂျင်းတို့သည် တိုင်းရင်းသား လက်နက်ကိုင်များနှင့် ပြင်ပ အဆက်အသွယ်များ ရှာဖွေကာ နိုင်ငံ ပြင်ပသို့ လုံခြုံရေးဆိုင်ရာ ခြိမ်းခြောက်မှုများကို စောင့်ကြည့်ပြီး၊ အကူအညီ ပိုမိုပေးနိုင်ရေး အတွက်နှင့် တည်ငြိမ်မှု ထိန်းသိမ်းနိုင်ရေး အတွက် အဆိုပါ ပွဲစားများကို ကူညီသင့်သည်။ နောက်ဆုံးတွင် အမေရိကန်နှင့် တရုတ်တို့သည် မြန်မာနိုင်ငံ၏ အလားအလာရှိသော နျူကလီယာ အစီအစဉ်များကို စောင့်ကြည့်နိုင်ပြီး၊ တဖြည်းဖြည်းနှင့် နေပြည်တော်အား ၎င်း၏ ရည်ရွယ်ချက်များ ဖော်ထုတ်ပြရေး ဖိအား ပိုမို ပေးရမည် ဖြစ်သည်။ ဘေဂျင်း အနေဖြင့်လည်း မြန်မာနိုင်ငံတွင် နျူကလီယာ အဆောက်အဦးများ ဆောက်လုပ်နေမှုကို အလို မရှိသည်မှာ သေချာသည်။

တရုတ် အမေရိကန် ဆက်ဆံရေးသည် အထူးသဖြင့် အရှေ့တောင် အာရှ ကိစ္စနှင့် ပတ်သက်၍ မပြေလည်မှု တိုးပွားလာသည့် အချိန်တွင် ဘေဂျင်း၏ ပူပန်မှုသည် ပူးပေါင်း ဆောင်ရွက်ရေး ပြတင်းတံခါးကို ဖွင့်ပေးနိုင်မည် ဖြစ်သည်။ ဝါရှင်တန် အနေဖြင့်မူ ရလာမည့် အခွင့်အလမ်းကို အမိအရ ယူနိုင်ရန် အသင့် ဖြစ်နေသင့်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ရန်သူ ပတ်လည် အဝိုင်းခံထားရသကဲ့သို့ ဖြစ်နေသည့် မြန်မာ အတိုက်အခံ နိုင်ငံရေး အင်အားစုအပေါ် ယခင် လေဘာ အစိုးရထက် အကူအညီ အထောက်အပံ့များ ပိုမို ပေးသွားမည် ဖြစ်ကြောင်း ဗြိတိန် ဝန်ကြီးချုပ်သစ် David Cameron က သြဂုတ်လ ၃ ရက်နေ့တွင် ပြောကြားလိုက်သည်။

ဝန်ကြီးချုပ် David Cameron ၏ အဆိုပါ မှာကြားချက်ကို မြန်မာနိုင်ငံ ဆိုင်ရာ ဗြိတိန် သံအမတ်ကြီး Andrew Heyn မှတစ်ဆင့် ဒေါ်အောင်ဆန်းစုကြည် ဦးဆောင်သော အမျိုးသား ဒီမိုကရေစီပါတီ (NLD) သို့ သြဂုတ်လ ၄ ရက်နေ့တွင် ပန်ကြားလိုက်ကြောင်း သိရသည်။ ထိုနေ့တွင်ပင် မြန်မာနိုင်ငံအပေါ် ခိုင်မာပြီး ထိရောက်မှု ရှိသော နိုင်ငံတကာ ဖိအားပေးမှုများနှင့် အရေးယူ ဆောင်ရွက်ချက်များ ထွက်ပေါ်လာရေးအတွက် ဗြိတိန်အစိုးရက ဦးစီး ဦးဆောင် လုပ်ကိုင်ပေးရန် နိုင်ငံရေး လှုပ်ရှားသူအုပ်စုများက အဆိုပြု ရေးသားထားသည့် စာအစောင် ၁၆၀၀ ခန့်ကို ဒေါင်းနင်းလမ်း (ဗြိတိန်အစိုးရ) သို့ ပေးပို့လိုက်သည်။

NLD ဒုတိယ ဥက္ကဋ္ဌ ဦးတင်ဦးက ၎င်းနှင့် စီနီယာ အဖွဲ့ဝင်နှစ်ဦး ဖြစ်သည့် ဦးဝင်းတင်နှင့် ဦးဉာဏ်ဝင်း တို့သည် ဗြိတိန် သံအမတ်ကြီး Andrew Heyn နှင့် ရန်ကုန်မြို့တွင် တွေ့ဆုံခဲ့ကြောင်း ပြောကြားသည်။

"မြန်မာပြည်တွင်းက ဒီမိုကရေစီ အင်အားစုတွေ လှုပ်ရှားမှုတွေ ဆက်လုပ်နေတဲ့ ကိစ္စကို ဗြိတိန် အစိုးရက သဘောတူထောက်ခံပြီး အတိုက်အခံတွေရဲ့ လုပ်ဆောင်ချက်တွေ  အားလုံးကို ကျောထောက်နောက်ခံ ပေးသွားမယ် ဆိုတဲ့ ဗြိတိန် ဝန်ကြီးချုပ်ရဲ့ မှာကြားချက်ကို ပြောပါတယ်" ဟု ဦးတင်ဦးက ဆိုသည်။

"Andrew က ဗြိတိန်အစိုးရ အဖွဲ့သစ်ဟာ အရင် လေဘာ အစိုးရထက် အထောက်အပံ့တွေ ပိုလုပ်ပေးသွားမှာ ဖြစ်တယ်ဆိုတဲ့ အချက်ကို ပြောသွားပါတယ်" ဟု ၎င်းက ပြောကြားသည်။

ယခင် ဗြိတိန်ဝန်ကြီးချုပ် ဂေါ်ဒန်ဘရောင်းက ရာထူးသက်တမ်း မကုန်ခင် ရက်ပိုင်းများအတွင်း ငြိမ်းချမ်းရေး နိုဘယ်ဆုရှင် ဒေါ်အောင်ဆန်းစုကြည်ကို ထောက်ခံ အားပေးသည့် အကြောင်း စာတစ်စောင် ရေးသား ပေးပို့ခဲ့မှုများ ပြုလုပ်ခဲ့သော်လည်း မြန်မာ စစ်အစိုးရအပေါ် ဗြိတိန်အစိုးရ၏ ပြစ်တင် ဝေဖန်မှု၊ ဖိအာားပေးမှုများမှာ တစ်သတ်မတ်တည်း မဟုတ်ဘဲ ပြတ်တောင်း ပြတ်တောင်း ဖြစ်နေခဲ့သည်ကို တွေ့ရသည်။

"ဒေါ်အောင်ဆန်းစုကြည်ကို ကျောထောက်နောက်ခံ ပေးဖို့ ကျွန်တော် လုပ်နိုင်သမျှ အရာအားလုံးကို လုပ်သွားမှာပါ။ ကျွန်တော့်အတွက် ဒေါ်စုကြည်ဟာ ရဲစွမ်းသတ္တိ တစ်ခုပါပဲ၊ ခင်ဗျား လွတ်မြောက်ဖို့နဲ့ မြန်မာပြည်သူတွေ လွတ်မြောက်ဖို့ အတွက် ကျွန်တော် တိုက်ပွဲဝင်သွားမှာပါ" ဟု ဗြိတိန် ဝန်ကြီးချုပ်ဟောင်း ဂေါ်ဒန်ဘရောင်းက ဒေါ်အောင်ဆန်းစုကြည်ထံသို့ လက်ရေးဖြင့် စာတစ်စောင် ရေးသား ပေးပို့ခဲ့ဖူးသည်။

ဗြိတိန်သည် အမေရိကန် ပြည်ထောင်စုကဲ့သို့ပင် မြန်မာနိုင်ငံအပေါ် ပိတ်ဆို့ အရေးယူမှု မူဝါဒ ကျင့်သုံးသည်။ သို့သော် လူ့အခွင့်အရေး စောင့်ကြည့်သည့် အုပ်စုများက အနောက် နိုင်ငံများသည် အခြား ဦးစားပေးရမည့် အရေးကိစ္စများကို အာရုံစိုက်လျက် ရှိရာ မြန်မာ့အရေးသည် ၎င်းတို့အတွက် လွန်စွာ အရေးမကြီးသည့် အနေအထားတွင် ရှိသည်ဟု သုံးသပ်ကြသည်။

လန်ဒန် အခြေစိုက် Burma Campaign UK(BCUK) က ၁၉၈၈ ခုနှစ် မြန်မာနိုင်ငံ ဒီမိုကရေစီ အရေးတော်ပုံ ၂၂ နှစ်မြောက် အထိမ်းအမှတ်အဖြစ် သြဂုတ်လ ၄ ရက်နေ့တွင် ဗြိတိန် အစိုးရထံသို့ စာအစောင် ၁၆၅၇ စောင် ပေးပို့ခဲ့သည်။

မြန်မာနိုင်ငံကို လက်နက် ရောင်းချမှုများ ကမ္ဘာလုံး အတိုင်းအတာဖြင့် ပိတ်ပင်ရေး၊ နိုင်ငံတွင်း လူ့ကျင့်ဝတ် ချိုးဖောက်မှုများ၊ စစ်ရာဇဝတ်မှုများ အစရှိသည်တို့ကို ကုလသမဂ္ဂ ဦးဆောင်၍ စုံစမ်း စစ်ဆေးရေး၊ စစ်အစိုးရအနေဖြင့် ဒီမိုကရေစီ အင်အားစုများ၊ တိုင်းရင်းသား လူနည်းစု အုပ်စုများနှင့် စစ်မှန်သော ဒိုင်ယာလော့ခ် ပြုလုပ်အောင် တွန်းအားပေးရေး အစရှိသည် တို့ကို အဆိုပါ စာများတွင် ရေးသား တောင်းဆိုထားသည်။

"မြန်မာ့အရေးကို ဦးစားပေးကိစ္စ တစ်ခုအဖြစ် ရှုမြင်တယ် ဆိုတဲ့ အချက်ကို ဗြိတိန်ဝန်ကြီးချုပ် David Cameron က ထုတ်ဖော် ပြသလိုက်ပြီး ဖြစ်ပါတယ်" ဟု BCUK မှ Campaign Officer ဒေါ်မေရီလှက ဆိုသည်။

"BCUK အနေဖြင့် လက်တွေ့ကျသော အဆင့်သို့ ရောက်ရှိရေးအတွက် ထောက်ပံ့မှုများ ရရှိအောင် ဦးစီး ဆောင်ရွက်သွားမည် ဖြစ်သည်။ လာမည့် စက်တင်ဘာလ ကုလသမဂ္ဂ အထွေထွေ ညီလာခံသို့ ဗြိတိန် ဝန်ကြီးချုပ် တက်ရောက်သည့်အခါ ၎င်းအနေဖြင့် မြန်မာနိုင်ငံတွင်း လူ့အခွင့်အရေး ချိုးဖောက်မှုများ၊ စစ်ရာဇဝတ်မှုများ အစရှိသည်တို့ကို စုံစမ်း ဖော်ထုတ်နိုင်ရေးအတွက် အထူး စုံစမ်းစစ်ဆေးရေး ကော်မရှင် တစ်ရပ် ဖွဲ့စည်းရန် ဖိအားပေး ပြောခွင့်ရမည် ဖြစ်သည်" ဟု BCUK က ကြေညာချက် စာတစ်စောင် ထုတ်ပြန်သည်။

DVB သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Straits Times, 5th August 2010

မြန်မာနိုင်ငံမှ ဒီမိုကရေစီ လိုလားသော ပါတီ တစ်ခုမှ ခေါင်းဆောင်က ယခုနှစ်အတွင်း ကြာမြင့်စွာ စောင့်ဆိုင်းခဲ့ကြသည့် ရွေးကောက်ပွဲများသည် တိုင်းပြည်၏ စစ်ဖက် အုပ်ချုပ်သူများ ကတိ ပြုထားသည့်အတိုင်း လွတ်လပ်၊ မျှတမှု ရှိမည် မဟုတ်ဟု သံသယ ရှိသဖြင့် ကြာသပတေးနေ့တွင် ရွေးကောက်ပွဲမှ နုတ်ထွက်သွားခဲ့သည်။

ပြည်ထောင်စု ဒီမိုကရေစီ ပါတီ UDP ဥက္ကဋ္ဌ ဖြိုးမင်းသိန်းက "ရွေးကောက်ပွဲ ဥပဒေများသည် တင်းကျပ်လွန်းကြောင်း၊ စစ်အစိုးရ ကိုယ်စားပြု ပါတီကသာ လွှတ်တော်နေရာ အများစု အနိုင်ရစေရန် ရည်ရွယ် ရေးဆွဲထားခြင်း ဖြစ်ကြောင်းနှင့် စစ်အစိုးရ၏ အာဏာ ချုပ်ကိုင်မှုသာလျှင် တာရှည်လိမ့်မည်'' ဟု ရိုက်တာသို့ ပြောကြားခဲ့သည်။

"မြန်မာပြည်သူ တစ်ရပ်လုံးကို နိုင်ငံရေးမှာ ပါဝင်ခွင့် ပြုလိမ့်မယ်၊ နိုင်ငံရေး အကျဉ်းသားတွေကို လွှတ်ပေးလိမ့်မယ်၊ သူတို့ကို ရွေးကောက်ပွဲမှာ ပါဝင်ခွင့်ရမယ်၊ လွတ်လပ်စွာ မဲဆွယ်ခွင့်၊ လွတ်လပ်စွာ ပြောဆိုခွင့်တွေ ရမယ် လို့ ကျွန်တော်က မျှော်လင့်ခဲ့တာပါ" ဟု ၎င်းက ဆိုသည်။

"ဒါပေမယ့် အခုထိ တစ်ခုမှ ဖြစ်မလာပါဘူး။ ဒါကြောင့် ရွေးကောက်ပွဲနဲ့ နိုင်ငံရေးကို စွန့်လွှတ်ဖို့ ကျွန်တော် ဆုံးဖြတ်ခဲ့တာပါ" ဟု ပြောကြားခဲ့သော ဖြိုးမင်းသိန်းသည် မြန်မာနိုင်ငံတွင် ဒီမိုကရေစီရေးအတွက် တောက်ပသော မျှော်လင့်ချက်များထဲမှ တစ်ဦးအဖြစ် ကျယ်ကျယ်ပြန့်ပြန့် ရှုမြင်ခြင်း ခံရသူ ဖြစ်သည်။ အစိုးရ ဆန့်ကျင်ရေး ဆန္ဒပြမှုများကြောင့် ထောင်ဒဏ် ၄ နှစ် ကျခံခဲ့ရသူ ကျောင်းသားဟောင်း နိုင်ငံရေးသမားသည် ၎င်း၏ သြဇာ တိက္ကမကြောင့် မြန်မာပြည်သူများ အကြား ရေပန်းစားသူ တစ်ဦး ဖြစ်သည်။

မမျှတသည့် ရွေးကောက်ပွဲ ဥပဒေနှင့် NLD ပါတီဝင်များစွာကို ဖမ်းဆီး အကျဉ်းချထားမှုတို့ကြောင့် အထိန်းသိမ်းခံ နိုဘယ်ဆုရှင် ဒေါ်အောင်ဆန်းစုကြည် ခေါင်းဆောင်သော အမျိုးသား ဒီမိုကရေစီ အဖွဲ့ချုပ် NLD (ယခု ဖျက်သိမ်းပြီး) က ရွေးကောက်ပွဲများကို သပိတ်မှောက်ခဲ့ပြီးနောက် ယခု ၎င်းက ထပ်မံ နုတ်ထွက်ခဲ့ခြင်း ဖြစ်သည်။

မြန်မာနိုင်ငံသည် နှစ်၂၀ အတွင်း ပထမဆုံး ကျင်းပမည့် ပါတီစုံ ရွေးကောက်ပွဲများအတွက် ယခုတိုင်အောင် ရက်သတ်မှတ်ခြင်း မရှိသေးသော်လည်း ရွေးကောက်ပွဲများကို ယခုနှစ် ကျင်းပမည့်၊ လွတ်လပ် မျှတမည်၊ လူတိုင်း ပါဝင်ခွင့် ရှိသည်ဟု အသံလွှင့်လျက် ရှိသည်။

 

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.