Transparency Myanmar

transparency.myanmar@gmail.com

AFP, 17th August 2010

မြန်မာနိုင်ငံတွင် ယခုနှစ် နှောင်းပိုင်းတွင် ကျင်းပမည့် ရွေးကောက်ပွဲသည် ဖိနှိပ်မှု များသော အခြေအနေတွင် ကျင်းပမည်ကို ကနေဒါ နိုင်ငံ အနေဖြင့် လွန်စွာ စိုးရိမ်မိကြောင်း နိုင်ငံခြားရေး ဝန်ကြီး Lawrence Cannon က တနင်္လာနေ့က ပြောကြားခဲ့သည်။

"ကနေဒါ နိုင်ငံ အနေနဲ့ မြန်မာ အစိုးရက ဒီမိုကရေစီ ရွေးကောက်ပွဲ ကျင်းပပေးမယ် ဆိုလို့ ကြိုဆိုပါတယ်။ ဒါပေမယ့် ကျွန်တော်တို့ အနေနဲ့ ဖိနှိပ်မှုများတဲ့ အခြေအနေမှာ ကျင်းပပေးမှာ ကိုတော့ အလွန်အမင်း စိုးရိမ်ပါတယ်။ နိုင်ငံတကာ စံတွေနဲ့ မကိုက်ညီမှာကိုလည်း စိုးရိမ်ပါတယ်" ဟု Cannon က ကြေညာချက်တွင် ပြောကြားခဲ့သည်။

"မြန်မာ ပြည်သူတွေဟာ ခြိမ်းခြောက်မှုနဲ့ ရက်စက်မှုတွေကို မကြောက်ရဘဲ သူတို့ အသံကို သူတို့ ပြန်ကြားနိုင်ဖို့ ထိုက်တန်ပါတယ်" ဟု ၎င်းက ဆိုသည်။

"မြန်မာ အစိုးရဟာ သူကတိပြုထားတဲ့ လွတ်လပ်ပြီး တရားမျှတတဲ့ ရွေးကောက်ပွဲ ကျင်းပပေးမယ် ဆိုတဲ့ အချက်ကို ထိန်းသိမ်းတဲ့ အနေနဲ့ ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားတွေကို ချွင်းချက်မရှိ လွှတ်ပေးဖို့နဲ့ မြန်မာနိုင်ငံက တိုင်းရင်းသားတွေနဲ့ ဒီမိုကရက်တစ် အတိုက်အခံတွေ အားလုံး ပါဝင်တဲ့ စစ်မှန်တဲ့ တွေ့ဆုံ ဆွေးနွေးမှု ပြုလုပ်ဖို့၊ လုပ်ငန်းစဉ်မှာ ဒီမိုကရေစီအရ အပြည့်အဝ ပါဝင် ခွင့်ပြုရေးကို တောင်းဆိုပါတယ်" ဟု ဖော်ပြထားသည်။

မြန်မာ အစိုးက ရွေးကောက်ပွဲများကို နိုဝင်ဘာလ ၇ ရက်နေ့တွင် ကျင်းပမည်ဟု သောကြာနေ့က ကြေညာခဲ့ရာ၊ ဒေါ်အောင်ဆန်းစုကြည်၏ လက်ရှိ နေအိမ် အကျယ်ချုပ် ပြစ်ဒဏ် ကုန်ဆုံးမည့် နိုဝင်ဘာ ၁၃ ရက် မတိုင်မီ တစ်ပတ် အလိုတွင် ဖြစ်သည်။

ဒေါ်အောင်ဆန်းစုကြည်သည် လွန်ခဲ့သည့် အနှစ် နှစ်ဆယ် အတွင်း အချိန် အတော်များများ ထိန်းသိမ်းခံနေရပြီး၊ အစိုးရ အပေါ် အကြီးမားဆုံးသော ခြိမ်းခြောက်မှု ပြုနိုင်နေဆဲ ဖြစ်သည်။

သူမ၏ အမျိုးသား ဒီမိုကရေစီ အဖွဲ့ချုပ်သည် ရွေးကောက်ပွဲ ဥပဒေများသည် တရားမျှတမှု မရှိဆိုကာ ရွေးကောက်ပွဲကို သပိတ်မှောက်ခဲ့သည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ထိုင်းနိုင်ငံတွင် လအတန်ကြာ ထုတ်ပြန်ထားသည့် နိုင်ငံတော် အရေးပေါ် အခြေအနေ အမိန့်ကို ဘန်ကောက်မြို့တွင် ဆက်လက် ပြဋ္ဌာန်းထားဆဲ ဖြစ်သော်လည်း ပြည်နယ် သုံးခုတွင် ရုပ်သိမ်းလိုက်ပြီ ဖြစ်ကြောင်း နိုင်ငံခြားရေး ဝန်ကြီးဌာနက သြဂုတ်လ ၁၆ ရက်နေ့တွင် ထုတ်ပြန် ကြေညာသည်။

အဆိုပါ အရေးပေါ် အမိန့် ဆက်လက် ပြဋ္ဌာန်းထားဆဲ ဖြစ်သည့် ပြည်နယ် စုစုပေါင်း ၇ ခု ကျန်ရှိသေးကြောင်း ထိုင်းနိုင်ငံခြားရေး ဝန်ကြီးဋ္ဌာန၏ ဒုတိယ ပြောရေးဆိုခွင့် ရှိသူ Thani Thongpakdi က ပြောကြားသည်။

နိုင်ငံတော် အရေးပေါ် အခြေအနေ ဥပဒေအရ စစ်တပ်အနေဖြင့် လုံခြုံရေး ဆောင်ရွက်ချက်များကို တာဝန်ယူ လုပ်ကိုင်နိုင်ခွင့် ရှိသည်။ ထိုင်းနိုင်ငံတွင် ပြီးခဲ့သည့် ဧပြီလအတွင်း အစိုးရ ဆန့်ကျင်ရေး ဆန္ဒပြ အုပ်စုများက ပါလီမန် အဆောက်အအုံထဲသို့ ချိုးဖောက် ဝင်ရောက်မှု ဖြစ်ပွားပြီးနောက် အစိုးရက ယင်းဥပဒေ အမိန့်ကို ထုတ်ပြန်ခဲ့သည်။

ထိုင်းဝန်ကြီးချုပ် အဘီဇစ် ဝိဇ္ဇာဝီရက နိုင်ငံတွင်း တရား ဥပဒေ စိုးမိုးရေးနှင့် အေးချမ်း သာယာရေးတို့ ပြန်လည် ရရှိနိုင်ရေး၊ ထိုင်း ပြည်သူလူထုထံသို့ လွဲမှားသော သတင်းများ ပျံ့နှံ့ ရောက်ရှိမှုများ ရပ်တန့်နိုင်ရေးအတွက် ယင်းအမိန့် ထုတ်ပြန်ရခြင်း ဖြစ်သည်ဟု ဆိုသည်။

ထိုင်းနိုင်ငံ၊ ဘန်ကောက်မြို့တွင် နိုင်ငံရေး ပဋိပက္ခ ဖြစ်ပွားမှုများ၊ ရုန်းရင်းဆန်ခတ်မှုများ ရပ်ဆိုင်းသွားပြီး နောက်ပိုင်း အစိုးရက ပြည်နယ် အသီးသီးတွင် ပြဋ္ဌာန်းထားသော အရေးပေါ် အခြေအနေ အမိန့်ကို တဖြည်းဖြည်းချင်း ရုပ်သိမ်းပေး လာခဲ့သည်။

လူ့အခွင့်အရေးကိစ္စ

ပြီးခဲ့သည့် ဇွန်လအတွင်း နိုင်ငံတကာ လွတ်ငြိမ်း ချမ်းသာခွင့်အဖွဲ့ (AI) က ထိုင်းဝန်ကြီးချုပ်ထံသို့ စာတစ်စောင် ရေးသား ပေးပို့ခဲ့သည်။ "ပြဋ္ဌာန်းထားသော နိုင်ငံတော် အရေးပေါ် အခြေအနေ အမိန့်ကြောင့် လွတ်လပ်စွာ ထုတ်ဖော် ပြောဆိုခွင့်များ ကန့်သတ် ပိတ်ပင် ခံထားရသည်။ အထူးသဖြင့် လူ့အခွင့်အရေး ချိုးဖောက်သော အရာရှိကြီးများ တရားစွဲဆို အပြစ်ပေးနိုင်မည့် လုပ်ရပ်များလည်း ရပ်ဆိုင်းထားရသည်။ ယင်းအရေးပေါ် အခြေအနေအမိန့် ထုတ်ပြန်ထားသေးသရွေ့ အာဏာပိုင်များ အနေဖြင့် အလွဲသုံးစားမှုများ၊ အဂတိ လိုက်စားမှုများ ကျူးလွန်နိုင်သည် ဖြစ်ရာ အမြန်ဆုံး ရုပ်သိမ်းပေးစေလိုသည်" ဟု AI က ရေးသားသော စာတွင် ဖော်ပြပါ ရှိသည်။

မြို့တော် ဘန်ကောက်တွင် ဖြစ်ပွားခဲ့သော အစိုးရ ဆန့်ကျင်ရေး ဆန္ဒပြ အုပ်စုများနှင့် အစိုးရ တပ်ဖွဲ့များ အကြား အပြန်အလှန် တိုက်ခိုက်မှုကြောင့် လူပေါင်း ၈၀ ကျော် သေဆုံးခဲ့ပြီး ၁၅၀၀ ကျော် ဒဏ်ရာ ရရှိခဲ့သည်။ ထို့ပြင် ဘန်ကောက်ရှိ ဘဏ်တစ်ခု၊ ရဲစခန်းတစ်ခု၊ ပြည်တွင်း ရုပ်သံဌာန တစ်ခုနှင့် အကြီးဆုံး ရှော့ပင်းမောလ် တစ်ခု အပါအဝင် အဆောက်အအုံ ၃၀ ကျော် မီးရှို့ခံခဲ့ရသည်။

ယင်း ဆန္ဒပြပွဲကို ယခင် ဝန်ကြီးချုပ်ဟောင်း သက်ဆင်ရှင်နာဝပ်ကို လိုလားသူ ရှပ်နီဝတ် အုပ်စုများက ဦးဆောင်ခဲ့ခြင်း ဖြစ်သည်။ ရှပ်နီ အုပ်စုများက လက်ရှိ ထိုင်းအစိုးရ အဖွဲ့နှင့် ပါလီမန်ကို ဖျက်သိမ်းပြီး ရွေးကောက်ပွဲသစ် တစ်ရပ် ပြန်လည် ကျင်းပပေးရန် တောင်းဆိုခဲ့ခြင်း ဖြစ်သည်။

CNN သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

englishnews@chosun.com, 16th August 2010

မြောက်ကိုရီးယား ခေါင်းဆောင် ကင်ဂျုံအီသည် ၎င်း၏ ဆင်းရဲ မွဲတေနေသော တိုင်းပြည်တွင် နိုင်ငံတကာ၏ အရေးယူ ပိတ်ဆို့မှုနှင့် နိုင်ငံခြားငွေ ပြတ်လပ်မှု တို့ကြောင့် ဒုက္ခရောက် နေရာ စီးပွားရေးကို ဦးစားပေး လုပ်ဆောင်နေကြောင်း၊ သူ၏ နေရာတွင်ပင် ချက်ချင်း လမ်းညွှန်မှု ပေးသော ခရီးစဉ်များ အပေါ် သုံးသပ်ချက် အစီရင်ခံစာတွင် ဖော်ပြထားသည်။

ကင်သည် ယခုနှစ် နှစ်ဝက် အတွင်း အဆိုပါ ခရီးစဉ် ၇၇ ခု သွားရောက်ခဲ့ပြီး ဖြစ်ရာ ယမန်နှစ် ကလည်း ထိုအရေအတွက်ခန့် ခရီးသွားခဲ့သည်ဟု ဆိုသည်။ ၎င်းတို့အနက် ၃၃ ခုသည် စီးပွားရေးနှင့် သက်ဆိုင်သည်ဟု ပြန်လည် ပေါင်းစည်းရေး ဝန်ကြီးဌာန၏ သုံးသပ်ချက်အရ သိရှိရသည်။ ယမန်နှစ်က စီးပွားရေး လုပ်ငန်း ခရီးစဉ် ၂၇ ခု ထွက်ခဲ့သည်။ ယမန်နှစ်က စစ်တပ် ဆိုင်ရာ ခရီးစဉ် ၂၁ ခု ထွက်ခဲ့သည်။

ကင်ဂျုံအီနှင့် အမြဲတမ်း လိုက်ပါသော အကြီးတန်း အရာရှိမှ ၎င်း၏ နှမ ဖြစ်သူ အလုပ်သမား ပါတီ၏ အပေါ့စား စက်မှုဌာနမှ အကြီးအကဲ Kim Kyong-hee ဖြစ်ပြီး ၅၆ ကြိမ် လိုက်ပါခဲ့သည်။ သူမနှင့်အတူ အမျိုးသား ကာကွယ်ရေး ကော်မရှင် ဒုတိယ ဥက္ကဌ Jang Song-taek (၄၅ ကြိမ်)၊ ပါတီ ဗဟို ကော်မတီ အတွင်းရေးမှူး Kim Ki-nam (အကြိမ် ၄၀) နှင့် ပါတီ အတွင်းရေးမှူး Choe Thae-bok တို့လည်း လိုက်ပါကြသည်။

Kim Kyong-hee မှာ ယမန်နှစ်က ကင်ဂျုံအီကို အကူအညီ ပေးသော ထိပ်တန်း ပုဂ္ဂိုလ် ၁၀ ဦးတွင် မပါဝင်ပေ။ ကင်ဂျုံအီက စီးပွားရေးကို ဦးစားပေး လုပ်ဆောင်သည့် အချိန်မှသာ သူမ၏ ကဏ္ဍမှာ တိုးတက်လာသည်ဟု ဆိုရမည် ဖြစ်သည်ဟု တောင်ကိုရီးယား လုံခြုံရေး ဆိုင်ရာ တာဝန်ရှိသူ တစ်ဦးက ဆိုသည်။

မြောက်ကိုရီးယား မီဒီယာသည် Stakhanovite အောင်မြင်မှု ပုံပြင်များကို နေ့တိုင်း ထုတ်လွှင့်သည်။ ကိုရီးယား ဗဟို အသံလွှင့် ဌာနသည် ပါဝါ ထုတ်လုပ်မှုကို ယခုနှစ် ပထမနှစ်ဝက်တွင် ထုတ်လွှင့်မှုမှာ ယမန်နှစ် ယခုလို အချိန်ကထက် ၁.၂ ဆ ပို၍ များသည်။ KCNA ကလည်း အချို့ စက်ရုံများသည် မျှော်မှန်းသည်ထက် ပိုမို ထုတ်လုပ်နေသည်ဟု ဆိုသည်။

"မြောက်ကိုရီးယားသည် မကြာခဏ အံ့သြစရာ ကောင်းလောက်အောင် မတူတဲ့ အစွန်း နှစ်ဖက် အယူအဆတွေနဲ့ စီးပွားရေး ပြဿနာတွေကို ရည်ညွှန်းလေ့ ရှိပါတယ်" ဟု chungang တက္ကသိုလ်မှ ပါမောက္ခ Kim Young-soo က ပြောသည်။ "ဒါပေမယ့် ကင်ဂျုံအီကတော့ ပြဿနာများကို မိမိကိုယ်ကို အားကိုးပြီး ဖြေရှင်းရန်သာ လက်ကိုင်ထားပါတယ်" ဟု ဆိုသည်။ ပြန်လည် ပေါင်းစည်းရေး ဝန်ကြီးဌာနမှ တာဝန်ရှိသူ တစ်ဦးက ခန့်မှန်းရာတွင် မြောက်ပိုင်းတွင် ရာသီဥတု အေးခြင်းကြောင့် အစာရေစာ ပြတ်လပ်မှု ဖြစ်ပေါ်ကြောင်းနှင့် ယမန်နှစ်က မှားယွင်းသော ငွေကြေး ပြုပြင် ပြောင်းလဲမှုကြောင့် မငြိမ်မသက်မှုများသည် ပြည်သူများ ကြားတွင် ယုံကြည်မှု မရှိအောင် ပိုလုပ်သလို ဖြစ်ရကြောင်း ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Andrew Batson, Daisuke Wakaba Yashi and Mark Whitehouse, 16th August 2010

တရုတ်နိုင်ငံသည် ကမ္ဘာ့ ဒုတိယ အကြီးဆုံး စီးပွားရေး နိုင်ငံအဖြစ် ယခုနှစ်အတွင်း ဂျပန်ကို ကျော်တက်မည်ဟု မျှော်လင့်ရသဖြင့် ခက်ခဲ ပင်ပန်းမှုများ နှင့်အတူ အောင်ပွဲများပါ ရရှိနေသည့် ဖွံ့ဖြိုးဆဲ နိုင်ငံ တစ်ခု အတွက် ယခင်က မရှိခဲ့ဖူးသော အနေအထား တစ်ရပ်ပင် ဖြစ်သည်။

တနင်္လာနေ့ မနက်က ထုတ်ပြန်သော ဂျပန်၏ ဒုတိယ လေးလပတ် ဂျီဒီပီမှာ ဒေါ်လာ ၁.၂၈၈ ထရီလီယံသာ ရှိသဖြင့် တရုတ်နိုင်ငံ၏ ဒုတိယ လေးလပတ် ဂျီဒီပီ ဒေါ်လ ၁.၃၃၉ ထရီလီယံထက် လျော့နည်းနေသည်။

ဤအချက်မှာ တရုတ်သည် ဂျပန်ကို တစ်ကြိမ်တည်းနှင့် တစ်နှစ်ပတ်လုံး အတွက် ကျော်ဖြတ်သွားမည့် လက္ခဏာကို ညွှန်ပြနေသည်။ တရုတ် စီးပွားရေး ပိုမို သွက်လက်လာသည့် ယခင်နှစ် နောက်ဆုံး လေးလပတ် ကာလကပင် တရုတ် ထုတ်ကုန် တန်ဖိုးက ဂျပန်ကို ကျော်တက်ခဲ့ပြီး ဖြစ်သည်။ ဂျပန်ကို အစောပိုင်း လေးလပတ်များတွင် ကျော်ဖြတ်ခဲ့ခြင်းသည် ဂျပန်ကို တစ်နှစ်ပတ်လုံး ဖြတ်ထားနိုင်သည့် အရှိန်အဟုန် တရုတ်တွင် ရှိနေသည်ကို ညွှန်ပြနေသည်။ ၂၀၁၀ အတွက် ကိန်းဂဏန်းများ အားလုံးကို စုစည်းပြီးသည်နှင့် တပြိုင်နက် တရုတ်သည် ဂျပန်ကို ကျော်ကာ ကမ္ဘာ့ ဒုတိယ အကြီးဆုံး စီးပွားရေး နိုင်ငံ အဆင့်ကို ရယူတော့မည်ဟု စီးပွားရေး ပညာရှင် အများစုက မျှော်လင့်နေကြသည်။

တရုတ်၏ စီးပွားရေး ထုတ်လုပ်မှု ဒေါ်လာ ၅ ထရီလီယံနှင့် အမေရိကန်၏ စီးပွားရေး ထုတ်လုပ်မှု ဒေါ်လာ ၁၅ ထရီလီယံ အကြားတွင် ကွာဟချက် ကြီးမားလွန်းသည့် အပြင် တရုတ်၏ လက်ရှိ ကြီးထွားနှုန်းမှာလည်း အစဉ်မပြတ် ရနိုင်မည် မဟုတ်သောကြောင့် တရုတ် အနေဖြင့် အမေရိကန် ပြည်ထောင်စုကို မှီရန် ဆယ်စုနှစ် တစ်စု (သို့) ထို့ထက် ပို၍ အချိန် လိုအပ်လိမ့်မည်။

"ဒီအပြောင်းအလဲက ကမ္ဘာ့စီးပွားရေး အတွက် မှတ်တိုင် တစ်ခု ဖြစ်လာပါလိမ့်မယ်" ဟု နယူးယောက် J.P Morqan Chase & Co မှ စီးပွားရေး ပညာရှင် အကြီးအကဲ Bruce Kasman က ပြောကြားသည်။ "တခြားနိုင်ငံ အများစု တကယ်ကို အခက်အခဲ တွေ့နေချိန်မှာ တရုတ်နိုင်ငံက ကောင်းကောင်း ဖြတ်သန်းပြီး သန်စွမ်း ကြီးထွားခဲ့တာကတော့ ချီးကျူးစရာပါပဲ" ဟု ၎င်းက ဆက်လက် ပြောသည်။

လွန်ခဲ့သော ၁၀ နှစ် ကျော်ခန့်ကမူ တရုတ်နိုင်ငံသည် ကမ္ဘာ့ သတ္တမ အကြီးဆုံး စီးပွားရေး အဆင့်တွင် ရှိခဲ့သည်။ ၎င်းသည် ၂၀၀၇ တွင် ဂျာမနီကို ကျော်ဖြတ်ကာ နံပါတ် (၃) ဖြစ်လာသည်။ ယခု ၂၀၁၀ တွင်မူ ဂျာမနီက အဆင့် ၄၊ ပြင်သစ်က အဆင့် ၅၊ ဗြိတိန်က အဆင့် ၆ ရရှိကာ အဆင့် ၇ အီတလီ၏ နောက်တွင် ဘရာဇီးက အဆင့် ၈ အဖြစ် ပေါ်ထွက်လာမည်ဟု မျှော်လင့်ရသည်။

တရုတ်၏ စီးပွားရေး အဆင့်ကို အတိအကျ သတ်မှတ်ခြင်းသည် စီးပွားရေး ကဏ္ဍများကို မည်သို့ မည်ပုံ တိုင်းတာသည် ဟူသော လုပ်ငန်းတစ်ခု ဖြစ်သည်။ တရုတ်နိုင်ငံသည် အမေရိကန်၏ နောက်တွင် ဒုတိယ အဖြစ် ဂျပန်ကို ကျော်ဖြတ်နိုင်ခဲ့သည့်တိုင် တရုတ်နိုင်ငံ၏ တစ်ဦးချင်း ထုတ်လုပ်မှု တန်ဖိုးမှာ ဒေါ်လာ ၄၀၀၀ ခန့်သာ ရှိ၍ ဂျပန်၏ ဆယ်ပုံတစ်ပုံခန့်သာ ရှိသည်။

လေထိုးသကဲ့သို့ ကြီးထွားနေသော တရုတ်နှင့် သိသိသာသာ ခြားနားစွာပင် ဂျပန် စီးပွားရေးမှာ ဆယ်စု နှစ်စုခန့် နှေးကွေး လေးလံကာ ကမောက်ကမ ဖြစ်နေသဖြင့် တရုတ်နိုင်ငံ၏ အဆင့် ပြောင်းလဲမှု ပေါ်ထွက်လာခြင်း ဖြစ်သည်။

ဂျပန် နိုင်ငံမှာမူ လွန်ခဲ့သည့် နှစ်အနည်းငယ် အတွင်း အာရှ၏ စီးပွားရေး ဦးဆောင် နိုင်ငံ အဆင့်ကို ဆုံးရှုံးခဲ့ခြင်းအား မလွဲမရှောင်သာ လက်ခံလိုက်သည့် လက္ခဏာ ရှိသည်။ ပြီးခဲ့သော ဧပြီလတွင် ဂျပန် နာမည်ကြီး သတင်းစာ အဆာဟီ ရှင်ဘွန်းက လူပေါင်း ၂၃၉၂ ယောက်ကို စစ်တမ်း ကောက်ယူခဲ့ရာ ၅၀ % က ဂျပန် စီးပွားရေးကို တရုတ်က ကျော်တက်သွားပြီး၊ အဆင့် ၃ သို့ ကျသွားခြင်းကို အဓိက ပြဿနာ တစ်ခုဟု ယူဆကြ၍ ၄၆ % ကမူ ယင်းသို့ မယူဆကြဟု သိရှိရသည်။

အနာဂတ် ကံကြမ္မာ အပေါ် သဘော ကွဲလွဲမှုများ အနက် တိုကျိုမှ တက္ကစီ ဒရိုင်ဘာ ကိုအိချိယာမာတာက ကုန်ကျစရိတ် ထောင်းနေသော ဂျပန်များမှာ တက္ကစီ ငှားရမ်းမှု နည်းလာပြီး တရုတ် ကမ္ဘာလှည့် ခရီးသည်များကိုသာ ပို၍ အားထား နေရသည်ဟု ပြောကြားခဲ့ခြင်းမှာ ထင်ရှားသည့် သာဓက တစ်ခုပင် ဖြစ်သည်။ "ဒါဟာ ဂျပန်နိုင်ငံ ဘယ်လောက်တောင် ကျဆင်းသွားတယ် ဆိုတာကို စိတ်မကောင်းစရာ သတိပေးမှု တစ်ရပ်ပါ" ဟု ၎င်းက ဆိုသည်။ "ဒီလို ပြောဖို့ မသင့်ပေမဲ့ ကျွန်တော်တို့ ဂျပန်တွေ တချိန်က စီးပွားရေး စန်းထခဲ့တဲ့ ပုံစံကို တရုတ်တွေ ခံစားနေတာကို ကြည့်ရတာ နည်းနည်းတော့ စိတ်အနှောင့်အယှက် ဖြစ်မိတယ် ဆိုတာကို ကျွန်တော် ရိုးရိုးသားသာ ဝန်ခံပါရစေ" ဟု ယာမာတာက ပြောကြားခဲ့သည်။

၁၉၈၀ ခုနှစ်များတွင် ဂျပန် စီးပွားရေး စန်းထကာ စီးပွားရေး ဟဲဗီးဝိတ် ဖြစ်လာပြီးနောက် ဂျပန် ကုမ္ပဏီများက အာရှတစ်လွှား စက်ရုံများ တည်ဆောက်မှု အတွင်းသို့ ငွေများ လောင်းထည့်ခဲ့သည့် လမ်းကြောင်း အတိုင်း ယခု တရုတ်က လိုက်ပါနေသည်။ တရုတ်နိုင်ငံသည် ၎င်း၏ အနေအထား အပေါ် ထောက်ခံမှု ရရှိရန် အတွက် ၎င်း၏ ငြိမ်းချမ်းသော ဖွံ့ဖြိုးမှု အစီအစဉ်များနှင့် ပတ်သက်၍ အိမ်နီးချင်းများကို အာမခံရန် အာရုံစိုက်နေပြီး အနောက်နိုင်ငံများလောက် စည်းကမ်း သတ်မှတ်ချက် မထားဘဲ အထောက်အပံ့ ပေးအပ်ခြင်း၊ ရင်းနှီး မြှုပ်နှံခြင်းများကို ပြုလုပ်လျက် ရှိသလို ယဉ်ကျေးမှု လက်တံ ဆန့်ခြင်းကိုလည်း ပထမဆုံး အကြိမ် အသည်းအသန် ပြုလုပ်နေသည်။

ယခုအခါ တရုတ် စီးပွားရေး ကြီးထွားလာခြင်းသည် ဆွဲဆောင်မှု အဖြစ်သာမကပဲ ခြိမ်းခြောက်မှုလည်း ဖြစ်လာနိုင်သည့် အပြင် သတိထား ကိုင်တွယ်ရန် လိုအပ်သည် ဆိုသော အချက်ကို နိုင်ငံခြားရေး မူဝါဒ စည်းဝိုင်းများ အတွင်း ပိုမို သိရှိ သဘောပေါက် လာကြသည်။ "တရုတ်နိုင်ငံက သူ့ရဲ့ ဆောင်ရွက်ချက်တွေနဲ့ သူ့ရဲ့ သဘောထား အမာ/အပျော့ကို စဉ်းစား ဆင်ခြင်ဖို့ ရှိပါတယ်။ ဒါ့ကြောင့် တရုတ်နိုင်ငံရဲ့ တရုတ် လူမျိုးတွေဟာ နှစ်သက်စရာ ကောင်းတယ်လို့ ကမ္ဘာက အသိအမှတ်ပြုနေပါပြီ" ဟု ဘေဂျင်းရှိ ရှင်းဟွာ တက္ကသိုလ် နိုင်ငံတကာ လေ့လာရေးဌာနမှ ပါမောက္ခ လူဂျန်ယောင်က ပြောကြားသည်။

တရုတ်နိုင်ငံ စီးပွား ကြွယ်ဝလာခြင်းသည် နိုင်ငံရေး ပြဿနာ အဖြစ်သို့ စတင် ပြောင်းလဲ နေသော်လည်း နိုင်ငံတကာ ခေါင်းဆောင်များ၏ ဝေဖန်စရာ ပစ်မှတ်တစ်ခု အဖြစ်ကိုလည်း ရောက်ရှိနေသည်။ တရုတ်နိုင်ငံ၏ ပို့ကုန် ဦးဆောင် ဖွံ့ဖြိုးရေး မူဝါဒကို ကမ္ဘာ့ ကုန်သွယ်ရေး ဟန်ချက် မညီမှု၏ အကြောင်းရင်း အဖြစ် အနောက်နိုင်ငံ တာဝန်ရှိ ပုဂ္ဂိုလ် အများစုက ရှုမြင်နေကြသည်။ တရုတ် စီးပွားရေး သန်စွမ်းမှုသည် အာဏာသြဇာနှင့် လွှမ်းမိုးမှုကို ပေးစွမ်းသလို မိတ်ဆွေများကိုလည်း ဆုံးရှုံးနိုင်ခြေ ရှိနေသည်။

စီးပွားရေး သန်စွမ်းမှုကို ပါဝါ အပျော့ အဖြစ်သို့ ပြောင်းလဲမည့် တရုတ်၏ စွမ်းရည်မှာ အကန့်အသတ်များ ရှိနေသည်ဟု ဆစ်ဒနီရှိ Lowy Institute of International Studies မှ ဝါရင့် သုတေသန ပညာရှင် Andrew Shearer က ပြောကြားသည်။ "တရုတ်နိုင်ငံဟာ လိုထာထက် ပိုမို အားထုတ်တဲ့ အတွက် မအောင်မြင်တဲ့ လက္ခဏာတွေကို တွေ့ရပါတယ်" ဟု ၎င်းက ပြောဆိုခဲ့ပြီး၊ ဗီယက်နမ်၊ တောင်ကိုရီးယား၊ သြစတြေးလျ စသော လုပ်ဖော်ကိုင်ဖက်များနှင့် လတ်တလော ဖြစ်ပွားခဲ့သော သံတမန်ဆိုင်ရာ အငြင်းပွားမှုများကို ထောက်ပြ ရည်ညွှန်းသည်။

မတ်လက တောင်ကိုရီးယား စစ်သင်္ဘော နစ်မြုပ်မှုသည်လည်း တရုတ်နှင့် တောင်ကိုရီးယား ဆက်ဆံရေး အလှည့်အပြောင်းကို ဖြစ်ပေါ်စေခဲ့သည်။ ချိုနန် စစ်သင်္ဘော နစ်မြုပ်မှု ဖြစ်ရပ် အပြီးတွင် တရုတ်သည် ဆိုးလ်၏ အကြီးဆုံး ကုန်သွယ်ဖက် ဖြစ်သလို ပြုံးယမ်း၏ အဓိက မဟာမိတ်လည်း ဖြစ်သည်ကို တောင်ကိုရီးယား တို့အတွက် သတိပြုစရာ ဖြစ်လာခဲ့သည်။

မေလတွင် တောင်ကိုရီးယား၊ အမေရိကန်၊ ဗြိတိန်၊ ဆွီဒင်နှင့် သြစတြေးလျားတို့ ပါဝင်သော နိုင်ငံစုံ စစ်ဆေးရေး အဖွဲ့က ချိုနန် သင်္ဘော နစ်မြုပ်ခြင်းသည် မြောက်ကိုရီးယား တိုပီဒို ပစ်ခတ်မှုကြောင့် ဖြစ်သည်ဟု အစီရင်ခံစာ တင်ပြခဲ့ကြသည်။ သို့သော် တရုတ်နိုင်ငံသည် ရေတပ်သား ၄၆ ဦး သေဆုံးသော သင်္ဘောနစ်မြုပ်မှုနှင့် ပတ်သက်၍ တောင်ကိုရီးယားအား ဝမ်းနည်းစကား ပြောကြားရန် တစ်လခန့် နှောင့်နှေးခဲ့သည့် အပြင် စုံစမ်း စစ်ဆေးမှု ရလဒ်များကို သုံးသပ်ရန် တောင်ကိုရီးယားက ဖိတ်ခေါ်ခဲ့ခြင်းကိုလည်း တုန့်ပြန်မှု မပြုလုပ်ခဲ့ပါ။ ထို့အပြင် အခင်းဖြစ်ရက် နောက်ပိုင်း တောင်ကိုရီးယားနှင့် အမေရိကန် ပြည်ထောင်စုတို့၏ ပူးတွဲ စစ်ရေး လေ့ကျင့်မှုများကိုလည်း လူသိရှင်ကြား ကန့်ကွက်ခဲ့ပြန်သည်။

"တရုတ်ရဲ့ အပြုအမူကတော့ တောင်ကိုရီးယားတွေ မျှော်လင့်ထားတာနဲ့ လုံးဝ ဆန့်ကျင်ဘက်ပါပဲ" ဟု ဆိုးလ် Yonxi University တရုတ်ရေးရာ လေ့လာမှု ပါမောက္ခ ဟန်ဆွတ်ဟီးက ပြောဆိုသည်။

"ခိုင်မာတဲ့ စီးပွားရေး ဆက်ဆံမှုတွေကနေ ကောင်းမွန်တဲ့ သံတမန် ဆက်ဆံရေး၊ စစ်ဖက် ဆက်ဆံရေးကို အသွင်းပြောင်းလိမ့်မယ်လို့ တချို့ တောင်ကိုရီးယားတွေက မျှော်လင့်ထားကြပါတယ်။ အခုတော့ စိတ်ပျက်စရာပါပဲ" ဟု ၎င်းက ဆိုသည်။ ယခုနှစ် အစောပိုင်းတွင် Pew Global Attitudes Project က ပြုလုပ်သော သဘောထား ကောက်ယူမှုတွင် တောင်ကိုရီးယား ၅၆ % က တရုတ် အပေါ် မနှစ်သက်သည့် သဘောထားရှိပြီး ၃၉ % ကသာ နှစ်သက်သည့် သဘောထား ပေးခဲ့သည်ကို တွေ့ရှိရသည်။

အရှေ့တောင် အာရှ နိုင်ငံများ အတွက်လည်း တရုတ်သည် အဓိက စီးပွားဖက် ဖြစ်နေပြီး၊ အချိန် ကြာမြင့်စွာ ဦးဆောင်ခဲ့သော ဂျပန်ကို မနှစ်က ကျော်တက်ကာ အာဆီယံ ၁၀ နိုင်ငံ၏ အကြီးဆုံး ကုန်သွယ်ဖက် ဖြစ်လာခဲ့သည်။ သို့သော်လည်း တောင်တရုတ် ပင်လယ်တွင်းရှိ ရေပြင်နှင့် ကျွန်းများနှင့် ပတ်သက်၍ အချိန်ကြာမြင့်စွာ အငြင်းပွား နေမှုများအပေါ် တရုတ်နိုင်ငံ၏ လတ်တလော ကိုင်တွယ်ပုံကြောင့် အဆိုပါ ဒေသတွင် သတိပေး ခေါင်းလောင်း မြည်လာခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Associated Press, By Anne Flaherty, 16th August 2010

တရုတ်နိုင်ငံသည် အဓိက စစ်ရေး အင်အားကြီး နိုင်ငံ ဖြစ်လာရေး အတွက် လျှို့ဝှက်စွာ ပြုပြင် ပြောင်းလဲလျက် ရှိကြောင်း၊ လျှို့ဝှက်စွာ လုပ်ဆောင်နေခြင်းကြောင့် အခြားနိုင်ငံများနှင့် နားလည်မှု လွဲခြင်းများ၊ စစ်ရေး ပဋိပက္ခများ ဖြစ်လာနိုင်ကြောင်း ပင်တဂွန်က အစီရင်ခံစာသစ်တွင် ပြောကြားသည်။

တနင်္လာနေ့က ထုတ်ပြန်သော ကာကွယ်ရေး ဌာန၏ နှစ်ပတ်လည် အကဲဖြတ် အစီရင်ခံစာတွင် Beijing သည် ၎င်း၏ မြေပြင် အခြေစိုက် ဒုံးကျည် လက်နက်ကြီးများကို အဆင့်မြှင့်ခြင်း၊ နျူကလီယာ အင်အားကို ခေတ်မီအောင် ပြုလုပ်ခြင်း၊ ရေတပ်အုပ်စုအား ရေငုပ် သင်္ဘောများအား တိုက်ခိုက်နိုင်အောင် တိုးချဲ့ခြင်းများ ပြုလုပ်နေသည်ဟု ဖော်ပြထားသည်။

ထိုသို့ ကြိုးပမ်းမှုများမှာ တရုတ်သည် အမေရိကန်နှင့် စစ်တပ်ခြင်း ဆက်သွယ်မှု ရပ်ဆိုင်းသွား ပြီးနောက် ပြုလုပ်ခြင်း ဖြစ်ပြီး၊ ထိုသို့ တည်ဆောက်ခြင်း၏ နောက်ကွယ်မှ ရည်ရွယ်ချက်များကို အမေရိကန်အား သိစေလိုသည့် သဘော ရှိသည်။

အမေရိကန်နှင့် တရုတ်တို့၏ ဆက်ဆံရေးမှာ မကြာသေးမီသော လများက နွေးထွေးမှု မရှိခဲ့ပေ။ တောင်ကိုရီးယား စစ်သင်္ဘော နစ်မြုပ်ခြင်းနှင့် ပတ်သက်၍ စုံစမ်း စစ်ဆေးရေး အဖွဲ့က မြောက်ကိုရီးယားအား အပြစ်ဖို့ထားခြင်းအား တရုတ်က ပယ်ချခဲ့သည်။ တရုတ်၏ စစ်ရေးအရ တည်ဆောက်မှုများမှာ ထိုင်ဝမ်ကို အမေရိကန်က အကာအကွယ် ပေးခြင်းကို ခြိမ်းခြောက်ရန်လည်း ဖြစ်သည်။

ကွန်ဂရက်မှ ခွင့်ပြုပြီးသော အဆိုပါ အစီရင်ခံစာသည် အံ့သြစရာတော့ မကောင်းလှပေ။ ထိုကိစ္စမှာ အချိန် အတော်ကြာကပင် သတိပြုမိပြီး ဖြစ်သည်။ တရုတ်သည် ကမ္ဘာ့ စီးပွားရေးအရ အင်အားကြီးသော နိုင်ငံအဖြစ် ထွက်ပေါ်လာ အပြီးတွင် ၎င်း၏ ဒေသတွင်း စိတ်ပါဝင်စားမှုများကို အကာအကွယ် ပေးနိုင်ရန် စစ်ရေးအရ တိုက်ခိုက်ရေး၊ ကာကွယ်ရေး အတွက် ဒေါ်လာ ဘီလီယံပေါင်း များစွာ အသုံးပြုခဲ့သည်။

သို့သော် အမေရိကန် အစိုးရ တာဝန်ရှိသူများက ပြောကြားရာတွင် လျှို့ဝှက်စွာ လုပ်ဆောင်နေခြင်းကြောင့် Beijing ၏ ရည်ရွယ်ချက်များကို တိုင်းတာရန် ခက်ခဲသည်ဟု ဆိုသည်။

တရုတ်သည် ယခုနှစ် အတွင်း ကာကွယ်ရေး ဝန်ကြီး Robert Gates အပါအဝင် ပင်တဂွန်မှ အကြီးတန်း တာဝန်ရှိသူများနှင့် တွေ့ဆုံရန် ငြင်းပယ်ခဲ့သည်။ Robert Gates မှာမူ ဇွန်လက အာရှတိုက်သို့ လာရောက်စဉ် တရုတ်သို့ပါ ဝင်ရောက်ရန် ကမ်းလှမ်းမှုအား ငြင်းပယ် ခံရခြင်း ဖြစ်သည်။

"လွန်ခဲ့တဲ့လ အနည်းငယ် ကတည်းက အဓိပ္ပာယ် အမျိုးမျိုး ကောက်ယူနိုင်သလို ဖြစ်နေပါတယ်" ဟု ပင်တဂွန်၏ တရုတ်နှင့် ဆက်ဆံရေး အပေါ် အမြင်အား အကြီးတန်း ကာကွယ်ရေး တာဝန်ရှိ ပုဂ္ဂိုလ်က ပြောကြားခဲ့သည်။

တရုတ်နိုင်ငံ၏ စစ်ရေးနှင့် လုံခြုံရေး ဆိုင်ရာ ကိစ္စများတွင် ပွင့်လင်း မြင်သာမှု၌ အကန့်အသတ်များ ရှိခြင်းကြောင့် မသေချာ မရေရာမှုများနှင့် အထင်အမြင် မှားမှုများ၊ မှားယွင်း တွက်ချက်မှုများ ပိုမို ဖြစ်လာစေကြောင်း အစီရင်ခံစာတွင် ဖော်ပြထားသည်။

တရုတ်နိုင်ငံ၏ စစ်တပ်ကို ကြီးမားအောင်နှင့် ခေတ်မီအောင် ပြုလုပ်ခြင်းများသည် ခြိမ်းခြောက်မှု ဖြစ်ကြောင်း အမေရိကန်၏ စွပ်စွဲချက်ကို တရုတ်က အလေးအနက် ထားခြင်း မရှိပေ။

အမေရိကန် အစိုးရ တာဝန်ရှိသူများက ပြောကြားရာတွင် တရုတ်သည် ဒေသတွင်း တည်ငြိမ်ရေး တိုးတက်ရန်နှင့် အီရန်နှင့် မြောက်ကိုရီးယားတို့၏ နျူကလီယာ ရည်မှန်းချက်များကို အနောက်နိုင်ငံများနှင့် ပူးပေါင်း ကန့်ကွက်ရန် လုပ်ဆောင်နိုင်ကြောင်း ဆိုသည်။

"Beijing က တစ်ခါ တစ်ခါ လုပ်မယ်လို့ ပြောလိုက်၊ တစ်ခါ တစ်ခါ မလုပ်ဘူးလို့ ပြောလိုက်နဲ့" ဟု ပူးတွဲ စစ်ဦးစီး အရာရှိချုပ်များ ဥက္ကဋ္ဌ ရေတပ် ဗိုလ်ချုပ် Mike Mullen က ယခုနှစ် အစောပိုင်းက ပြောခဲ့သည်။

ပင်တဂွန်၏ အစီရင်ခံစာတွင် တရုတ်နိုင်ငံ၌ တာတိုပစ် အားကောင်းသော ဒုံးကျည် ၁၁၅၀ နှင့် တာလတ်ပစ် ဒုံးကျည် အရေအတွက် သိရှိခြင်း မရှိသော်လည်း ရှိနေကြောင်း ဖော်ပြထားသည်။

ထို့အပြင် တရုတ်သည် တိုင်ဝမ် ရေလက်ကြားကို ဖြတ်ပစ်နိုင်သော လက်နက်ကြီး အမြောက်အများကို ထုတ်လုပ်နေကြောင်း အဆိုပါ အစီရင်ခံစာတွင် ဖော်ပြထားသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Reuters, 16th August 2010

Barclays Bank Plc ဘဏ်လုပ်ငန်းသည် အမေရိကန် အရေးယူ ပိတ်ဆို့မှုများကို ချိုးဖောက်ကာ ကျူးဘား၊ အီရန်၊ လစ်ဗျား၊ ဆူဒန်နှင့် မြန်မာနိုင်ငံတို့နှင့် ဆက်ဆံခဲ့ခြင်း အပေါ် တရားစွဲဆို ခံနေရခြင်းကို အဆုံးသတ်ရန် အတွက် အမေရိကန် ဒေါ်လာ ၂၉၈ သန်း (ပေါင်သန်း ၁၉၀) ပေးဆောင်ရန် သဘောတူ ခဲ့သည်ဟု တနင်္လာနေ့က ရရှိသော အမေရိကန် တရားရုံး အထောက်အထား များအရ သိရှိရသည်။

လန်ဒန် အခြေစိုက် ဘဏ်လုပ်ငန်းသည် ၁၉၉၅ မှ ၂၀၀၆ စက်တင်ဘာအထိ ဒေါ်လာ သန်း ၅၀၀ ခန့် ပါဝင် ပတ်သက်ခဲ့ခြင်းကြောင့် နိုင်ငံတကာ အရေးပေါ် စီးပွားရေး အာဏာများ အက်ဥပဒေနှင့် ရန်သူနှင့် ကုန်သွယ်မှု အက်ဥပဒေတို့ကို ချိုးဖောက်မှုဖြင့် တရားစွဲဆို ခံရခြင်း ဖြစ်သည်ဟု အထောက်အထားများ အရ သိရသည်။

ဘာကလေဘဏ်နှင့် အမေရိကန် အမှုလိုက် အရာရှိများက ၂၄ လ သက်တမ်း ရှိသည့် ဆိုင်းငံ့ ပြစ်ဒဏ် သဘောတူညီချက်ကို တင်သွင်းခဲ့ကြခြင်း ဖြစ်သည်။ အဆိုပါ သဘောတူညီမှုကို ပြည်ထောင်စု တရားရုံးက အတည်ပြုရဦးမည် ဖြစ်သည်။

ဘာကလေဘဏ်က အမေရိကန် အာဏာပိုင်များထံ "တားမြစ်ထားသော စီးပွားရေး ဆက်ဆံမှု" အချို့ကို ဆန္ဒအလျောက် ထုတ်ဖော်ခဲ့ပြီး အပြည့်အဝ ပူးပေါင်းရန် သဘောတူ ခဲ့သည်ဟုလည်း သိရှိရသည်။

ဘာကလေဘဏ်က ၎င်း၏ လုပ်ဆောင်မှုများ အတွက် တာဝန်ရှိကြောင်းကို လက်ခံ အသိအမှတ် ပြုခဲ့သည်ဟုလည်း သိရသည်။

ဘာကလေဘဏ်က အမေရိကန် အစိုးရထံ ဒေါ်လာ ၁၄၉ သန်း ပေးဆောင်ရန် သဘောတူခဲ့ပြီး ကျန် ဒေါ်လာ ၁၄၆ သန်းကိုမူ နယူးယောက် ခရိုင် ရှေ့နေရုံးနှင့် ဆိုင်းငံ့ ပြစ်ဒဏ် သဘော တူညီချက်အရ သီးခြား ပေးဆောင်ရမည်ဟု ရရှိသော အထောက်အထားများအရ သိရှိရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.