Transparency Myanmar: Sep 16, 2010

၂၀၀၉-၂၀၁၀ ဘဏ္ဍာရေးနှစ်တွင် မြန်မာ-ထိုင်း နှစ်နိုင်ငံ အပြန်အလှန် ကုန်သွယ်မှု တန်ဖိုးမှာ ဒေါ်လာ ၃ ဒဿမ ၅၇၇ ဘီလီယံအထိ ရောက်ရှိခဲ့ပြီး နှစ်ပေါင်း ငါးနှစ်အတွင်း နှစ်ဆခန့် မြင့်တက်လာခြင်း ဖြစ်ကြောင်း ပြည်တွင်း သတင်းဂျာနယ် တစ်စောင်က ရေးသား ဖော်ပြသည်။

ပြီးခဲ့သည့် ၂၀၀၅-၂၀၀၆ ခုနှစ်တွင် ထိုင်း-မြန်မာ အပြန်အလှန် ကုန်သွယ်မှု တန်ဖိုးမှာ ၁ ဒဿမ ၅၉၃ ဘီလီယံ ဒေါ်လာ ရှိခဲ့ကြောင်း မြန်မာနိုင်ငံ ကုန်သည်ကြီးများနှင့် စက်မှုလက်မှု လုပ်ငန်းရှင်ကြီးများ အသင်း (UMFCCI) ၏ ထုတ်ပြန်ချက်ကို ကိုးကားပြီး ရန်ကုန်တိုင်းမ် ဂျာနယ်က ရေးသား ဖော်ပြသည်။ မြန်မာနှင့် ထိုင်း စွန့်ဦးတီထွင် လုပ်ငန်းရှင်ကြီးများ အနေဖြင့် အပြန်အလှန် ကုန်သွယ်ရေး ပူးပေါင်း ဆောင်ရွက်မှုကို မြှင့်တင်ပေးနိုင်ခဲ့သည်ဟု ဆိုသည်။

ပုံမှန် ကုန်သွယ်ရေး နည်းတူ နယ်စပ် ကုန်သွယ်ရေးမှာလည်း ပြီးခဲသည့် ဘဏ္ဍာရေးနှစ်နှင့် နှိုင်းယှဉ်ပါက မြင့်တက်ခဲ့သည်ကို တွေ့ရကြောင်း UMFCCI ဒုတိယ ဥက္ကဌ ဦးထွန်းအောင်၏ အဆိုအရ သိရသည်။ တာချီလိတ်၊ မြဝတီ၊ ကျိုင်းတုံ နှင့် မြိတ် ဒေသ နယ်စပ် ကုန်သွယ်ရေး တန်ဖိုးမှာ ၂၀၀၅-၂၀၀၆ ခုနှစ်တို့တွင် ဒေါ်လာ ၁၉၉ သန်း ရှိခဲ့ရာမှ ၂၀၀၉-၁၀ ဘဏ္ဍာရေးနှစ်တွင် ၂၉၅ သန်းအထိ မြင့်တက်ခဲ့ကြောင်း ၎င်းက ဖြည့်စွက် ပြောဆိုသည်။

မြန်မာနိုင်ငံ၏ ပုံမှန် နိုင်ငံခြား ကုန်သွယ်ရေး မိတ်ဖက် နိုင်ငံများတွင် ထိုင်းသည် ထိပ်ဆုံးနေရာမှ ရပ်တည်လျက် ရှိပြီး ထိုင်းပြီးလျှင် စင်ကာပူ၊ တရုတ်၊ အိန္ဒိယ၊ တရုတ် (ဟောင်ကောင်)၊ မလေးရှား၊ ဂျပန်၊ တောင်ကိုရီးယား နှင့် အင်ဒိုနီးရှားတို့ ဖြစ်သည်။ သို့သော် မြန်မာနိုင်ငံ၏ နယ်စပ် ကုန်သွယ်ရေး မိတ်ဖက်တွင် ထိုင်းသည် ဒုတိယ နေရာတွင်သာ ရှိသည်။

ထိုင်းနိုင်ငံက မြန်မာသို့ အထည်အလိပ်၊ ဖိနပ်၊ ဆေးဝါး ထုတ်ကုန်၊ ဆန်၊ ရာဘာ၊ ကျောက်မျက်၊ မော်တော်ကား၊ ကွန်ပျူတာ နှင့် အီလက်ထရွန်နစ် ပစ္စည်းတို့ တင်ပို့ပြီး မြန်မာနိုင်ငံမှ ထိုင်းသို့ သစ်တောထွက် ပစ္စည်းများ၊ ရေထွက်ကုန်များ၊ စိုက်ပျိုးရေး ထွက်ကုန်များ နှင့် သဘာဝ ဓာတ်ငွေ့များ တင်ပို့လျက် ရှိသည်။

တစ်ချိန်တည်းမှာပင် ထိုင်းသည် ဗြိတိန်နှင့် စင်ကာပူတို့ ပြီးလျှင် မြန်မာနိုင်ငံတွင်း နိုင်ငံခြား ရင်းနှီးမြှုပ်နှံမှု အများဆုံး ပြုလုပ်သည့် နိုင်ငံအဖြစ် ရပ်တည်လျက် ရှိသည်။ ၁၉၈၈ ခုနှစ်မှ ၂၀၀၉ ခုနှစ်အထိ နှစ်ပေါင်း ၂၁ နှစ်တာ ကာလအတွင်း မြန်မာနိုင်ငံ၌ ထိုင်းနိုင်ငံ၏ နိုင်ငံခြား ရင်းနှီးမြှုပ်နှံမှု ပမာဏမှာ ၇ ဒဿမ ၄၁ ဘီလီယံ အထိ ရှိခဲ့သည်။ အဆိုပါ ပမာဏထဲမှ ၈၁ ဒဿမ ၇ ရာခိုင်နှုန်းမှာ လျှပ်စစ် စွမ်းအင်၊ ၈ ဒဿမ ၃၃ ရာခိုင်နှုန်းမှာ ကုန်ထုတ်လုပ်မှု၊ ၃ ဒဿမ ၁ ရာခိုင်နှုန်းမှာ ဟိုတယ်နှင့် ခရီးသွား လုပ်ငန်းတို့တွင် ရင်းနှီး မြှုပ်နှံထားခြင်း ဖြစ်သည်။

Xinhua သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2198} ရေလွှမ်းမိုးမှုကြောင့် မြောက်ကိုရီးယား ကွန်မြူနစ်ပါတီ ဆွေးနွေးပွဲနှောင့်နှေး

Posted by Transparency Myanmar 2010

comments (0)

နိုင်ငံတွင်း ရေလွှမ်းမိုးမှုနှင့် တိုက်ဖွန် မုန်တိုင်း တိုက်ခတ်မှုကြောင့် မြောက်ကိုရီးယား အုပ်ချုပ်ရေး ပါတီ၏ ကျင်းပလေ့ မရှိသလောက် နည်းပါးသည့် အစည်းအဝေးကြီးကို ရွှေ့ဆိုင်းထားကြောင်း တောင်ကိုရီးယား သတင်းဌာနများက စက်တင်ဘာလ ၁၅ ရက်နေ့တွင် ရေးသား ဖော်ပြသည်။ အဆိုပါ အစည်းအဝေးကြီးသည် မြောက်ကိုရီးယား၏ ခေါင်းဆောင် အပြောင်းအလဲကို ဆုံးဖြတ်မည့် ဆွေးနွေးပွဲ တစ်ခုဟုလည်း သတ်မှတ် ပြောဆိုခြင်း ခံနေရသည်။

ကွန်မြူနစ်ပါတီ ကွန်ဖရင့်ဟု ခေါင်းစဉ် ပေးထားသည့် အဆိုပါ ဆွေးနွေးပွဲသည် နှစ်ပေါင်း ၃၀ တာ ကာလအတွင်း မြောက်ကိုရီးယား နိုင်ငံရေးအတွက် လွန်စွာ အရေးကြီးသော ကိစ္စ တစ်ခုလည်း ဖြစ်သည်။

မူလက အဆိုပါ အစည်းအဝေးကို စက်တင်ဘာလ ပထမပတ် လောက်တွင် ကျင်းပမည်ဟု လျာထားခဲ့သော်လည်း ယခုအခါ အစည်းအဝေး ကျင်းပပြုလုပ်ရန် စီစဉ်နေသည့် အရိပ်အယောင် မတွေ့ရသေးကြောင်း တောင်ကိုရီးယား အရာရှိကြီးများက ပြောဆိုသည်။

မြောက်ကိုရီးယားတွင် မုန်တိုင်း တိုက်ခိုက်မှုကြောင့် အပျက်အစီးများ ဖြစ်ပေါ်ခဲ့ခြင်း၊ ရေလွှမ်းမိုးမှုများ ကြုံတွေ့နေရခြင်း အစရှိသည်တို့ကြောင့် ပါတီ ကိုယ်စားလှယ်များ တွေ့ဆုံ ဆွေးနွေးပွဲကြီးကို ရွှေ့ဆိုင်းထားသည်ဟု မြောက်ကိုရီးယား အစိုးရ အရာရှိကြီးများက နိုင်ငံတကာ အေဂျင်စီများကို ထုတ်ဖော် ပြောဆိုခဲ့ကြောင်း Yonhap သတင်းဌာနက ကိုးကား ဖော်ပြသည်။

ယခုကဲ့သို့သော အချိန်တွင် အရေးကြီးသည့် ကွန်မြူနစ်ပါတီ ကွန်ဖရင့်ကြီး ကျင်းပ ပြုလုပ်ခြင်းသည် ရေဘေးဒုက္ခသည် ကယ်ဆယ်ရေး လုပ်ကိုင်နေသူများ အပေါ် မထီမဲ့မြင် သဘောမျိုး ဖြစ်သွားမည်ကို ပြုံယမ်း အာဏာပိုင်များက စိုးရိမ်လျက် ရှိသည်ဟု Yonhap သတင်းဌာနက ဆိုသည်။ အစည်းအဝေးကြီး မည်သည့်အချိန် ကျင်းပမည် ဟူသော အချက်ကို မသိရှိရသေးဟု ယင်းသတင်းဌာနက ဖော်ပြသည်။

တောင်ကိုရီးယား လူမှုကယ်ဆယ်ရေး အဖွဲ့တစ်ခု ဖြစ်သော Good Friends (မိတ်ဆွေကောင်းများ) အဆိုအရ ရေလွှမ်းမိုးမှုကြောင့် ပါတီ ကိုယ်စားလှယ်များ ခရီးသွားလာရန် အခက်အခဲ တွေ့ကြုံနေရခြင်းကြောင့် ဆွေးနွေးပွဲ ရွှေ့ဆိုင်းထားခြင်း ဖြစ်သည်။ လတ်တလော အနေအထားတွင် အစည်းအဝေးကြီး ကျင်းပမည့် နေ့ရက်ကို မသတ်မှတ်ရ သေးသော်လည်း လာမည့် အောက်တိုဘာလ ၁၀ ရက်နေ့ မတိုင်မီ ကာလအတွင်း ကျင်းပပြုလုပ်ဖွယ် ရှိသည်ဟု ဆိုသည်။

AFP သတင်းကို ဘာသာ ပြန်ဆိုသည်။

{Yangon Chronicle 2010:2197} တောင်ကိုးရီးယားနှင့် စစ်ဖက်ဆွေးနွေးပွဲများ ပြုလုပ်ရန် မြောက်ကိုးရီးယား အဆိုပြု

Posted by Transparency Myanmar 2010

comments (0)

AFP, 16^th Sept 2010

တောင်ကိုးရီးယားနှင့် စစ်ဖက်ဆိုင်ရာ ဆွေးနွေးပွဲများ ကျင်းပရန် မြောက်ကိုးရီးယားက အဆိုပြုခဲ့ကြောင်း ကြာသပတေးနေ့က သတင်း ထွက်ပေါ်လာခြင်းမှာ တင်းမာမှုများ ပြေလျော့လာသည့် နောက်ထပ် ထင်းရှားသော လက္ခဏာ တစ်ရပ်ပင် ဖြစ်သည်။

နှစ်နိုင်ငံ နယ်စပ် ပန်မွန်ဂျုံကျေးရွာတွင် စစ်ဖက်ဆိုင်ရာ ဆက်သွယ်မှု လမ်းကြောင်းမှတဆင့် လုပ်ငန်းအဆင့် ဆွေးနွေးပွဲများ ကျင်းပရန် ဗုဒ္ဓဟူးနေ့တွင် မြောက်ကိုးရီးယားက အဆိုပြုခဲ့သည်ဟု တောင်ကိုးရီးယား စစ်ဖက် အာဏာပိုင်များ၏ ပြောကြားမှုကို ကိုးကား၍ ယွန်ဟတ် သတင်းဌာနက ဖော်ပြခဲ့သည်။

အမေရိကန် ပြည်ထောင်စုနှင့် တောင်ကိုးရီးယားက နိုင်ငံစုံ စစ်ဆေးရေး အဖွဲ့၏ တွေ့ရှိချက်များကို ကိုးကား၍ တောင်ကိုးရီးယား စစ်သင်္ဘောကို မြောက်ကိုးရီးယားက တိုဗီဒိုဖြင့် ပတ်ခတ်ခဲ့ခြင်း ဖြစ်ကြောင်း မေလတွင် စွပ်စွဲခဲ့ပြီးနောက် ၂ နိုင်ငံ ဆက်ဆံရေး အေးစက် တင်းမာလာခဲ့ခြင်း ဖြစ်သည်။

မတ်လအတွင်းက ရေတပ်သား ၄၆ ဦး သေဆုံးခဲ့ရသည့် စစ်သင်္ဘော နစ်မြုပ်မှုတွင် ၎င်းတို့ ပတ်သက်မှု မရှိဟု မြောက်ကိုးရီးယားက ငြင်းဆိုခဲ့ပြီး၊ ပြုံယမ်းကို သတိပေးသည့် အနေဖြင့် ပြုလုပ်သော စစ်ရေး လေ့ကျင့်မှုများကိုလည်း လက်တုန့်ပြန်မည်ဟု ခြိမ်းခြောက်ခဲ့သည်။

သို့သော်လည်း ယခု လအတွင်း မြောက်ကိုးရီးယားက ၎င်းတို့ ဖမ်းဆီးထားသော တောင်ကိုးရီးယား သင်္ဘောမှ သင်္ဘောသား အဖွဲ့ကို ပြန်လွှတ်ပေးခဲ့သလို နှစ်ခြမ်းကွဲ ကိုးရီးယား ကျွန်းဆွယ်မှ ကွဲကွာနေသော မိသားစုများ ပြန်လည် တွေ့ဆုံရေးအတွက် အသစ် ထပ်မံ ဆွေးနွေးရန် ကမ်းလှမ်းခဲ့ပြီး ဆိုးလ်ထံမှ ရေဘေး ကယ်ဆယ်ရေး အကူအညီများကိုလည်း လက်ခံခဲ့သည်။

{Yangon Chronicle 2010:2196} လာမည့် ရွေးကောက်ပွဲအပေါ် မျှော်လင့်ချက်များ ပုံမထားသင့်

Posted by Transparency Myanmar 2010

comments (0)

Indiana University Media Relations, 15^th Sept 2010

နိုင်ငံတကာ အသိုင်းအဝိုင်း အနေဖြင့် မြန်မာ စစ်ဖက် အစိုးရအား လွပ်လပ်မျှတသော ရွေးကောက်ပွဲများ နိုဝင်ဘာလတွင် ကျင်းပစေရန် တိုက်တွန်း အားပေးရေး အပေါ် အာရုံစိုက်နေမည် ဆိုပါက အမှားအယွင်း လုပ်မသွားလိမ့်မည်ဟု တိုင်းရင်းသား အတိုက်အခံ အုပ်စုများအား အကြံဥာဏ် ပေးသူ Indiana University မှ ဥပဒေ ပါမောက္ခက ပြောကြားလိုက်သည်။

Indiana University Maurer School of law မှ ဥပဒေ ပါမောက္ခ နှင့် Center for Constitutional Democracy ဒါရိုက်တာ ဖြစ်သူ David Willians က "ရွေးကောက်ပွဲတွေကို ဘေးဖယ်ထားလိုက်ပါဦး၊ ၂၀၀၈ အခြေခံ ဥပဒေက ဖုံးကွယ်တတ်တဲ့ အာဏာရှင် စစ်ဖက် အစိုးရ အာဏာဆက်ပြီး ထိန်းချုပ်နိုင်အောင် အာမခံချက် ပေးထားပြီးသားပါ'' ဟု ပြောကြားခဲ့သည်။

"နိုင်ငံတကာ အသိုင်းအဝိုင်း အဓိက အာရုံစိုက်ရမယ့် ကိစ္စက လွတ်လပ် မျှတတဲ့ ရွေးကောက်ပွဲတွေ မဟုတ်ပါဘူး၊ ဒီကိစ္စ အစား ရွေးကောက်ပွဲ အပြီး အာဏာကို အမှန်တကယ် ချုပ်ကိုင်ထားမယ့် တပ်မတော်ရယ်၊ အရပ်ဖက် အစိုးရရယ် ၂ ဖွဲ့စလုံးကို တိုင်းပြည်ရဲ့ Stakeholders တွေ အထူးသဖြင့် တိုင်းရင်းသား အုပ်စုတွေနဲ့ စဉ်ဆက်မပြတ် ဒိုင်ယာလော့ ပြုလုပ်အောင် တိုက်တွန်း အားပေးဖို့ နည်းလမ်းတွေကို ကြိုးစား ရှာဖွေရမှာပါ'' ဟု Willians က ဆိုသည်။

နှစ် ၅၀ ကျော် ရာစုနှစ်ဝက် ပြည်တွင်းစစ်ကြောင့် မြန်မာ နိုင်ငံမှာ ဖွာလန်ကျဲ စုတ်ပြတ်နေခဲ့ပြီ ဖြစ်သည်။ ထိုင်းနိုင်ငံတွင် ၁၉၆၂ မှစ၍ စစ်တပ်က အုပ်ချုပ်ခဲ့ပြီး ၁၉၈၉ တွင် ပြည်ထောင်စု မြန်မာနိုင်ငံဟု တရားဝင် အမည် ပြောင်းလဲခဲ့သည်။

နိုင်ငံတော် အေးချမ်း သာယာရေးနှင့် ဖွံ့ဖြိုးရေး ကောင်စီဟု ခေါ်သော စစ်ဖက် အုပ်ချုပ်သူများသည် ၎င်းတို့၏ ကိုယ်စားလှယ်လောင်းများ နိုဝင်ဘာလတွင် အနိုင်ရ စေရန်အတွက် ဈေးကြီးလွန်းသော မှတ်ပုံတင်ကြေးများ၊ တိုတောင်းလွန်းသော နောက်ဆုံးရက်သတ်မှတ်မှုများ၊ ရွေးကောက်ပွဲ ဝင်ခွင့် ရှိသူကို ကန့်သတ်မှုများ အပါအဝင် အတိုက်အခံများ အပေါ် ပိတ်ပင်တားဆီး ချုပ်ချယ်ခြင်းဖြင့် ၎င်းတို့အတွက် သေချာအောင် ပြုလုပ်ပြီး ဖြစ်သည်ဟု Willians က ပြောကြားသည်။

မမျှတသော ရွေးကောက်ပွဲ ဥပဒေများကြောင့် အတိုက်အခံ ခေါင်းဆောင် ဒေါ်အောင်ဆန်းစုကြည်၏ NLD ပါတီကလည်း ရွေးကောက်ပွဲကို သပိတ်မှောက်ထားသည်။ ရွေးကောက်ပွဲများမှ အရပ်ဖက်အစိုးရ ပေါ်ပေါက်လာနိုင်သော်လည်း အခြေခံဥပဒေက တပ်မတော်ကို လိုအပ်လျှင် အရေးပေါ် အခြေအနေ ကြေညာခွင့် ပေးထားပြန်သည်။ ၎င်းအရေးပေါ် အခြေအနေ ဆိုသည်မှာ အစိုးရကို ဖျက်သိမ်းကာ တပ်မတော်က တရားဝင် အာဏာ သိမ်းခြင်း ဖြစ်သည်။

အကယ်၍ အရပ်ဖက် အစိုးရတွင် လုပ်ပိုင်ခွင့် အမှန်တကယ် ရှိခဲ့မည်ဆိုလျှင် ဆယ်စုနှစ် များစွာကြာ ပြည်တွင်းစစ်ကြောင့် ကွဲပြားနေသည့် တိုင်းရင်းသား ဒေသများ အရေးကို ဖြေရှင်းနိုင်လိမ့်မည် မဟုတ်ပါ။ မြန်မာနိုင်ငံ အတွက် အမှန်တကယ် ပြောင်းလဲနိုင်မည့် တစ်ခုတည်းသော လမ်းကြောင်းမှာ လက်ရှိ အစိုးရ၊ ဒီမိုကရေစီ အတိုက်အခံများနှင့် ကိုယ်ပိုင် အုပ်ချုပ်ခွင့် အတွက် တိုက်ပွဲ ဝင်နေသော တိုင်းရင်းသား အုပ်စုများ အကြား ပြုလုပ်ရမည့် ၃ ပွင့်ဆိုင် ဒိုင်ယာလော့သာ ဖြစ်သည်ဟု Willians က ပြောကြားလိုက်သည်။

မည်သို့ပင်ဖြစ်စေ အာဏာနှင့် အပြန်အလှန် ပံ့ပိုးမှုအတွက် တပ်မတော်နှင့် ရင်ဆိုင် ယှဉ်ပြိုင်မည့် အရပ်ဖက် နိုင်ငံရေး သမား အုပ်စုအသစ်ကို ရွေးကောက်ပွဲက ဖန်တီး မွေးထုတ်လိမ့်မည်ဟု Willians ဆိုသည်။ သို့ဖြစ်ရာ အမေရိကန် ပြည်ထောင်စုနှင့် အခြား ကမ္ဘာ့နိုင်ငံများသည် အငြင်းပွားဖွယ် ရွေးကောက်ပွဲအပေါ် အာရုံစိုက် နေမည့်အစား အရပ်သား လွှတ်တော် ကိုယ်စားလှယ်အသစ်များ၊ တိုင်းရင်းသား လက်နက်ကိုင် စစ်တပ်များနှင့် ဆက်ဆံရေးကို ထူထောင်ရမည်ဟု ၎င်းက ပြောကြားသည်။

ထို့နောက်တွင်မူ အကယ်၍ မြန်မာနိုင်ငံ၏ အနေအထား ပိုမို ပျော့ပြောင်းလာမည် ဆိုပါက နိုင်ငံတကာ အသိုင်းအဝိုင်း အနေဖြင့် ဒီမိုကရေစီ အာဏာ ခွဲဝေမှုကို ရည်မှန်းချက် ထားကာ ဒိုင်ယာလော့ကို အားပေး မြှင့်တင်ရန် သြဇာ သုံးနိုင်လိမ့်မည် ဖြစ်သည်။

"တကယ်လို့ ရွေးကောက်ပွဲတွေ လွတ်လပ်မျှတမှု ရှိမယ်ဆိုရင် ဘာမှ ဖြစ်လာမှာ မဟုတ်ပါဘူး၊ အခြေခံ ဥပဒေအရ စစ်တပ်က ဆက်ပြီး အုပ်ချုပ်မှာ ဖြစ်သလို တိုင်းရင်းသား အုပ်စုတွေကလည်း အန္တရာယ်ရှိနေဆဲ ဖြစ်နေလို့ပါပဲ၊ ရွေးကောက်ပွဲတွေ မပြုလုပ်ခင် အခုအချိန်မှာ နိုင်ငံတကာ အသိုင်းအဝိုင်း အနေနဲ့ ရွေးကောက်ပွဲ အလွန် လတွေ၊ နှစ်တွေ အပေါ်မှာ အာရုံစိုက်ထားသင့်ပါတယ်၊ အကြောင်းကတော့ တကယ့် အပြောင်းအလဲတွေ ဖြစ်ပေါ်နိုင်ဖို့ စောလွန်းနေလို့ပါ'' ဟု Willians က သုံးသပ် ပြောကြားခဲ့သည်။

{Yangon Chronicle 2010:2195} အငြိမ်းစား ဗိုလ်ချုပ်ကြီးများ ရွေးကောက်ပွဲဝင်

Posted by Transparency Myanmar 2010

comments (0)

Monsters and Critics, 15^th Sept 2010

အငြိမ်းစား ယူထားသော မြန်မာနိုင်ငံ၏ ထိပ်တန်း ဗိုလ်ချုပ်ကြီး သုံးဦးသည် အစိုးရ ထောက်ခံသော အဓိက နိုင်ငံရေး ပါတီမှ နေ၍ ရွေးကောက်ပွဲတွင် ဝင်ရောက် အရွေးခံမည် ဖြစ်ကြောင်း တာဝန်ရှိသူများက ဗုဒ္ဓဟူးနေ့က ပြောကြားခဲ့သည်။

ဝန်ကြီးချုပ် သိန်းစိန်၊ ရွှေမန်း နှင့် တင်အောင်မြင့်ဦး တို့သည် ပြီးခဲ့သည့် လက စစ်တပ် ရာထူးမှ အငြိမ်းစားယူ၍ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (USDP) မှ နေ၍ နေပြည်တော်ရှိ မြို့နယ်များတွင် ကိုယ်စားလှယ် လောင်းများ အဖြစ် မှတ်ပုံတင်ခဲ့ကြသည်။

"သူတို့ အမည်တွေကို ရွေးကောက်ပွဲ ကော်မရှင်က အတည်ပြုပြီး သွားပါပြီး'' ဟု အမည် မဖော်လိုသူ တာဝန်ရှိ ပုဂ္ဂိုလ် တစ်ဦးက ပြောသည်။

စစ်အစိုးရက ရွေးကောက်ပွဲ အတွက် ပြင်ဆင်သည့် အနေဖြင့် စစ်တပ်တွင်းတွင် အပြောင်းအလဲများ အကြီးအကျယ် ပြုလုပ်ခဲ့ရာတွင် ၎င်းတို့သည် ရာထူးမှ အငြိမ်းစား ယူခဲ့သည်။ ရွေးကောက်ပွဲ ဝင်ရောက်ရန် အတွက် အရပ်သား ဖြစ်ရပ် လိုအပ်သည်။

"ဒီထိပ်တန်း ပုဂ္ဂိုလ် သုံးဦးဟာ တိုင်းရင်းသား စည်းလုံး ညီညွတ်ရေး ပါတီက ကိုယ်စားလှယ်များနှင့်သာ ယှဉ်ပြိုင်ရမှာ ဖြစ်ပါတယ်။ ဘာလို့လဲဆိုတော့ တခြား နိုင်ငံရေး ပါတီတွေက နေပြည်တော်မှာ ဝင်ရောက် ယှဉ်ပြိုင်ဖို့ စာရင်းသွင်း မထားလို့ပါပဲ" ဟု နေပြည်တော်မှ တာဝန်ရှိသူ တစ်ဦးက ဆိုသည်။

တိုင်းရင်းသား စည်းလုံး ညီညွတ်ရေး ပါတီ (NUP) သည်လည်း စစ်အစိုးရ ထောက်ခံသော နိုင်ငံရေး ပါတီ တစ်ခု ဖြစ်သည်။

ရွေးကောက်ပွဲတွင် ယှဉ်ပြိုင်ရန် ပါတီပေါင်း (၃၇) ခုမှ မှတ်ပုံ တင်ထားရာ၊ စစ်တပ် ကျောထောက် နောက်ခံပြု ပါတီများ ဖြစ်သော USDP နှင့် NUP တို့ကသာ အထက်၊ အောက်နှင့် ဒေသဆိုင်ရာ ပါလီမန် အဆင့်ဆင့်တွင် ကိုယ်စားလှယ်လောင်း အပြည့် ပါဝင်နိုင်မည် ဖြစ်သည်။

ကိုယ်စားလှယ်လောင်း မှတ်ပုံတင်ကြေးသည် ဒေါ်လာ ၅၀၀ ရှိရာ၊ မြန်မာနိုင်ငံအဖို့ အတော်အတန် များသည်။ မြန်မာနိုင်ငံတွင် နိုင်ငံသား တစ်ဦး၏ တစ်နှစ် ဝင်ငွေသည် ဒေါ်လာ (၆၀၀) ထက် နည်းသည်။

အကြီးဆုံး အတိုက်အခံ ပါတီဖြစ်သော အမျိုးသား ဒီမိုကရေစီ အင်အားစု ( NDF) သည် ရန်ပုံငွေ လုံလောက်မှု မရှိ်သောကြောင့် ကိုယ်စားလှယ်လောင်း (၁၆၀) သာ ဝင်ရောက် ယှဉ်ပြိုင်နိုင်သည်။

မြန်မာနိုင်ငံ၏ အခြေခံ ဥပဒေသစ်သည် ပါလီမန် အသစ် စတင်သည်နှင့် အသက်ဝင်မည် ဖြစ်ပြီး၊ စစ်တပ်သည် အောက်နှင့် အထက် ပါလီမန်များတွင် လေးပုံတစ်ပုံသော အမတ်နေရာကို ယူထားရာ ဥပဒေအားလုံး အတွက် ဗီတိုအာဏာ ပေးထားသလို ဖြစ်သည်။

ပထမဆုံး အကြိမ် ပါလီမန်တွင် ဗိုလ်ချုပ်မှူးကြီးဟောင်းများ ဖြစ်ကြသော ရွှေမန်းနှင့် တင်အောင်မြင့်ဦးတို့အား သမ္မတ အဖြစ် အမည်စာရင်း တင်သွင်းလိမ့်မည်ဟု အများက ယူဆနေကြသည်။

လက်ရှိ ခေါင်းဆောင် ဗိုလ်ချုပ်မှူးကြီးသန်းရွှေသည်လည်း သမ္မတ အဖြစ် အမည်စာရင်း သွင်းဖွယ်ရှိကြောင်း လေ့လာသူများက ပြောသည်။

အခြေခံ ဥပဒေ အရ မြန်မာနိုင်ငံ၏ လာမည့် သမ္မတသည် "စစ်ရေး အတွေ့အကြုံ ရှိရမည်" ဟု ဆိုသည်။ သို့သော် ၎င်းသည် ရွေးချယ် တင်မြှောက်ခံရသော ကိုယ်စားလှယ် တစ်ဦး ဖြစ်ရန် မလိုအပ်ပေ။

{Yangon Chronicle 2010:2194} မြန်မာ ရွေးကောက်ပွဲတွင် နိုင်ငံရေးပါတီ ၁၀ ခု မပါဝင်နိုင်ခြင်းအတွက် ဘန်ကီမွန်း စိုးရိမ်

Posted by Transparency Myanmar 2010

comments (0)

UN News Center, 15^th Sept 2010

မြန်မာနိုင်ငံ ရွေးကောက်ပွဲ ကော်မရှင်သည် အမျိုးသား ဒီမိုကရေစီ အဖွဲ့ချုပ် အပါအဝင် နိုင်ငံရေး ပါတီ (၁၀) ခုအား ဖျက်သိမ်းခဲ့ခြင်းကြောင့် ကုလသမဂ္ဂ အတွင်းရေးမှူးချုပ် ဘန်ကီမွန်းသည် မြန်မာ အာဏာပိုင်များအား နိုဝင်ဘာ ရွေးကောက်ပွဲတွင် အားလုံး အပြည့်အဝ ပါဝင်ရေးအတွက် တောင်းဆိုခဲ့သည်။

ပြီးခဲ့သည့် လက ဘန်ကီမွန်းက ရွေးကောက်ပွဲတွင် နိုင်ငံရေး အကျဉ်းသားများ ပါဝင်နိုင်ရေး အတွက် ကျန်ရှိသော နိုင်ငံရေး အကျဉ်းသားများအား လွှတ်ပေးရန် အာဏာပိုင်များအား တောင်းဆိုခဲ့သည်။ ဘန်ကီမွန်းသည် နိုဘယ်ဆုရှင် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားများ အားလုံးကို လွှတ်ပေးရန် ထပ်ခါ တလဲလဲ တောင်းဆိုခဲ့သည်။

ပြန်လည် မှတ်ပုံတင်ခြင်း မပြုသော NLD နှင့် အခြား ပါတီလေးခု အပါအဝင်၊ ပါတီဆယ်ခုအား ရွေးကောက်ပွဲ ကော်မရှင်က ဖျက်သိမ်းရန် ဆုံးဖြတ်ခဲ့ခြင်းအား ဘန်ကီမွန်း အနေဖြင့် စိုးရိမ်ကြောင်း ပြောခွင့်ရ ပုဂ္ဂိုလ် Martin Nesirky က သတင်းထောက်များသို့ ယနေ့ပြောကြားခဲ့သည်။

"အထွေထွေ အတွင်းရေးမှူးချုပ် အနေဖြင့် ယခု တစ်ကြိမ်တွင်လည်း ရွေးကောက်ပွဲ လုပ်ငန်းစဉ်တွင် အပြည့်အဝ ပါဝင်နိုင်ရေး အတွက် မြန်မာ အာဏာပိုင်တွေကို ထပ်မံ တိုက်တွန်းပါတယ်'' ဟု Nesirky က ပြောကြားခဲ့သည်။ နိုင်ငံပေါင်း တစ်ဒါဇင်ကျော် ပါဝင်သော မြန်မာ နိုင်ငံ၏ မိတ်ဆွေများ အဖွဲ့နှင့် ဒေသတွင်း အဖွဲ့ကြီး တစ်ခုသည် နယူးယောက်တွင် စက်တင်ဘာလ (၂၇) ရက်နေ့တွင် တွေ့ဆုံ ဆွေးနွေးလိမ့်မည်ဟု မျှော်လင့်ရကြောင်း ၎င်းက ဆိုသည်။

ကုလသမဂ္ဂ၏ ရုံးများ၏ အခန်းကဏ္ဍနှင့် ပတ်သက်၍ မေးမြန်းရာ ဆက်လက် လုပ်ဆောင်လျက် ရှိကြောင်းနှင့် ဘန်ကီမွန်း အနေဖြင့် မြန်မာ အာဏာပိုင်များနှင့် ဆက်သွယ်ရာတွင် ကျေနပ်မှု မရှိမှုများအား ဖော်ပြခဲ့သည်ဟု ၎င်းက ပြန်ပြောင်း ပြောပြသည်။

Transparency Myanmar

transparency.myanmar@gmail.com

Welcome

Blog Archive

Labels

{Yangon Chronicle 2010:2199} ထိုင်း-မြန်မာ အပြန်အလှန် ကုန်သွယ်မှု ငါးနှစ်အတွင်း နှစ်ဆခန့် မြင့်တက်

{Yangon Chronicle 2010:2198} ရေလွှမ်းမိုးမှုကြောင့် မြောက်ကိုရီးယား ကွန်မြူနစ်ပါတီ ဆွေးနွေးပွဲနှောင့်နှေး

{Yangon Chronicle 2010:2197} တောင်ကိုးရီးယားနှင့် စစ်ဖက်ဆွေးနွေးပွဲများ ပြုလုပ်ရန် မြောက်ကိုးရီးယား အဆိုပြု

{Yangon Chronicle 2010:2196} လာမည့် ရွေးကောက်ပွဲအပေါ် မျှော်လင့်ချက်များ ပုံမထားသင့်

{Yangon Chronicle 2010:2195} အငြိမ်းစား ဗိုလ်ချုပ်ကြီးများ ရွေးကောက်ပွဲဝင်

{Yangon Chronicle 2010:2194} မြန်မာ ရွေးကောက်ပွဲတွင် နိုင်ငံရေးပါတီ ၁၀ ခု မပါဝင်နိုင်ခြင်းအတွက် ဘန်ကီမွန်း စိုးရိမ်

Transparency Myanmar

transparency.myanmar@gmail.com

Subscribe To

Welcome

Blog Archive

Labels

{Yangon Chronicle 2010:2199} ထိုင်း-မြန်မာ အပြန်အလှန် ကုန်သွယ်မှု ငါးနှစ်အတွင်း နှစ်ဆခန့် မြင့်တက်

{Yangon Chronicle 2010:2198} ရေလွှမ်းမိုးမှုကြောင့် မြောက်ကိုရီးယား ကွန်မြူနစ်ပါတီ ဆွေးနွေးပွဲနှောင့်နှေး

{Yangon Chronicle 2010:2197} တောင်ကိုးရီးယားနှင့် စစ်ဖက်ဆွေးနွေးပွဲများ ပြုလုပ်ရန် မြောက်ကိုးရီးယား အဆိုပြု

{Yangon Chronicle 2010:2196} လာမည့် ရွေးကောက်ပွဲအပေါ် မျှော်လင့်ချက်များ ပုံမထားသင့်

{Yangon Chronicle 2010:2195} အငြိမ်းစား ဗိုလ်ချုပ်ကြီးများ ရွေးကောက်ပွဲဝင်

{Yangon Chronicle 2010:2194} မြန်မာ ရွေးကောက်ပွဲတွင် နိုင်ငံရေးပါတီ ၁၀ ခု မပါဝင်နိုင်ခြင်းအတွက် ဘန်ကီမွန်း စိုးရိမ်