Transparency Myanmar

transparency.myanmar@gmail.com

ထိုင်းနိုင်ငံ၊ ကာကွယ်ရေး ဝန်ကြီးဌာနက ပြည်နယ်ပေါင်း ၃၁ ပြည်နယ်တွင် တရားမဝင် မူးယစ်ဆေးဝါးနှင့် အလုပ်သမား ပြဿနာများကို နှိမ်နင်းခဲ့သည့် ကိစ္စနှင့် ပတ်သက်၍ အစီရင်ခံစာ တစ်ရပ် ထုတ်ပြန်ခဲ့ပြီး အဆိုပါ ပြဿနာများ အကောင်းဆုံး နည်းလမ်းဖြင့် ဖြေရှင်းပေးရန် ဝန်ကြီးချုပ် အဖိဆစ်ဝိ ချာချီဝအား ပြောဆိုမည် ဖြစ်ကြောင်း သိရသည်။ ဝန်ကြီးချုပ် အနေဖြင့် ထိုင်းပြည်တွင်း လုံခြုံရေးနှင့် အလုပ်သမား လိုအပ်ချက်ကို ချိန်ညှိပေးသွားရန် ပြောဆိုမည် ဖြစ်ကြောင်း ထိုင်းသတင်း အေဂျင်စီ (TNA) က ရေးသား ဖော်ပြသည်။

TNA သတင်းဌာန အဆိုအရ ထိုင်းကာကွယ်ရေး ဝန်ကြီးဌာနမှ စစ်ဦးစီးချုပ် ဗိုလ်ချုပ်ကြီး ဆွန်ကစ်တီ ဂျာကာဘာတရာသည် နယ်စပ် ဒေသတွင် ပြုလုပ်လျက် ရှိသော လုံခြုံရေး ဆိုင်ရာ စစ်ဆင်ရေးများနှင့် ပတ်သက်၍ ဒီဇင်ဘာလ ၂၈ ရက်နေ့က ဆွေးနွေးပွဲ တစ်ရပ် ပြုလုပ်ခဲ့သည်ဟု သိရသည်။ အဆိုပါ ဆွေးနွေးပွဲသို့ သက်ဆိုင်ရာ အစိုးရ အရာရှိကြီးများနှင့် နယ်စပ်ဒေသ ပြည်နယ်ပေါင်း ၃၁ ခုမှ အုပ်ချုပ်ရေးမှူးများ တက်ရောက်ခဲ့သည်။

ဆွေးနွေးပွဲတွင် ဗိုလ်ချုပ်ကြီး ဆွန်ကစ်တီက ယမန် နှစ်အတွင်း ပြုလုပ်ခဲ့သော နယ်စပ်ဒေသ တရားမဝင် မူးယစ်ဆေး မှောင်ခိုကူးမှု၊ လူကုန်ကူးမှု အစရှိသော ပြဿနာများ နှိမ်နင်း တိုက်ဖျက်ရေး လုပ်ငန်းများကို ပြန်လည် သုံးသပ်ခဲ့ကြောင်း၊ ပြည်နယ် အသီးသီးတွင် ဖြစ်ပေါ်ခဲ့သော ပြဿနာများကို ကောင်းစွာ နားလည် သဘောပေါက်ခဲ့ပြီး အလားအလာ ရှိသော ရလဒ်များ ထွက်ပေါ်နိုင်ရေး အတွက် ဆွေးနွေးခဲ့ကြောင်း TNA က ဆိုသည်။

ထို့ပြင် ထိုင်းနိုင်ငံ အနေဖြင့် အိမ်နီးချင်း နိုင်ငံများနှင့် ငြိမ်းချမ်းစွာ အတူ ယှဉ်တွဲ နေထိုင်သွားမည် ဖြစ်ကြောင်း၊ ထိုသို့ နေထိုင်သွားရာတွင် ငြိမ်းချမ်းရေးကို ထုတ်ဖော်ကာ ရိုးရာ ဓလေ့ ထုံးတမ်းစဉ်လာများ၊ ယဉ်ကျေးမှုများနှင့် အပြန်အလှန် စီးပွားရေး ဖွံ့ဖြိုး တိုးတက်မှုများကိုပါ ဆောင်ကြဉ်း သွားမည် ဖြစ်ကြောင်း ဆွေးနွေးပွဲတွင် သဘော တူညီမှု ရရှိခဲ့ကြသည်။

ထိုင်းပြည်နယ် အသီးသီးတွင် တရားမဝင် အလုပ်သမားများကြောင့် ဖြစ်ပေါ်လျက် ရှိသည့် တရားမဝင် မူးယစ်ဆေးဝါး ရောင်းဝယ်မှုများ၊ လူကုန်ကူးမှုများနှင့် အခြားသော ပြဿနာများ ပိုမို များပြားလာကြောင်း၊ အဆိုပါ တရားမဝင် အလုပ်သမား အရေအတွက်မှာ ပိုမို များပြားလာလျက် ရှိသကဲ့သို့ ထိုင်းနိုင်ငံတွင်း ၎င်းတို့၏ ကွန်မြူနီတီ ပိုမို ဖွံ့ဖြိုးအောင် ပြုလုပ်လျက် ရှိသည်ကို တွေ့ရကြောင်း ဗိုလ်ချုပ်ကြီး ဆွန်ကစ်တီက ဆိုသည်။

ပြည်ပမှ ယင်းသို့ တရားမဝင် လာရောက် နေထိုင်လျက် ရှိသော အလုပ်သမားများ၏ ပြဿနာများကို ဖြေရှင်းရာတွင် ထိုင်းပြည်ထဲရေး ဝန်ကြီးဌာန၊ ပြည်သူ့ ကျန်းမာရေး ဝန်ကြီးဌာန၊ ကာကွယ်ရေး ဝန်ကြီးဌာန၊ ပညာရေး ဝန်ကြီးဌာန အပါအဝင် သက်ဆိုင်ရာ ဝန်ကြီး ဌာနများ အနေဖြင့် ထိခိုက် ဆုံးရှုံးမှုများ ရှိလာနိုင်သည်ဟု ၎င်းက ထောက်ပြသည်။

"အခုလို ဖြစ်နေတဲ့ ပြဿနာတွေကို အမျိုးသား လုံခြုံရေး ကောင်စီ အနေနဲ့ ဝန်ကြီးချုပ်ကို အစီရင်ခံ တင်ပြမှာ ဖြစ်ပါတယ်။ အဲဒါကြောင့် နောက်ပိုင်းမှာ တိတိကျကျနဲ့ ထိထိ ရောက်ရောက် ရှိမယ့် ရလဒ်တွေကို ထုတ်ဖော်နိုင်မှာ ဖြစ်ပါတယ်။ ပြဿနာတွေ ဖြေရှင်းရာမှာ စီးပွားရေးနဲ့ လူမှုရေးစတဲ့ ကိစ္စတွေကိုပါ ထည့်တွက်မှာ ဖြစ်ပါတယ်။ နောက်ပြီးတော့ ပြည်ပ အလုပ်သမား၊ လုံခြုံရေး၊ လူမှု အဖွဲ့အစည်း စတာတွေ အတွက် လိုအပ်ချက်တွေကို မဖြစ်မနေ ချိန်ညှိသွားရမှာ ဖြစ်ပါတယ်" ဟု ၎င်းက ပြောကြားသည်။

ထိုင်း-မြန်မာ နယ်စပ် ဒေသ တစ်လျှောက် ဖြစ်ပေါ်လျက် ရှိသော ပြဿနာများကို နှိမ်နင်း တိုက်ဖျက်ရာတွင် ထိုင်းနိုင်ငံ အနေဖြင့် အိမ်နီးချင်း နိုင်ငံများ၏ ပြည်တွင်းရေးကို ဝင်ရောက် စွက်ဖက်မည် မဟုတ်ကြောင်း ဗိုလ်ချုပ်ကြီး ဆွန်ကစ်တီက ဆက်လက် ပြောဆိုသည်။

Bernama သတင်းဌာနမှ သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment