Transparency Myanmar

transparency.myanmar@gmail.com

တရုတ်နိုင်ငံသည် အာဆီယံနှင့် လွတ်လပ်စွာ ကုန်သွယ်မှု၊ ကမ္ဘောဒီးယား၊ ဗီယက်နမ်၊ လာအို၊ မြန်မာ အစရှိသော နိုင်ငံများနှင့် ချိုသာသော ကုန်သွယ်ခွန်ဖြင့် ကုန်သွယ်ခွင့် ရရှိမှု တို့ကြောင့် အကျိုး အမြတ်များ ဖြစ်ထွန်းလျက် ရှိပြီး ထိုင်းနိုင်ငံတွင် ၎င်း၏ စီးပွားရေး လုပ်ကိုင်ရန် ခြေရာ ချဲ့ထွင်မှုများလည်း သိသိသာသာ ကြီးမားလာလျက် ရှိရာ တရုတ်နှင့် အာဆီယံ ဒေသတွင်း ကုန်သွယ်ရေးမှာ အင်အား ကောင်းမွန် လာတော့မည် ဖြစ်သည်။

ပြီးခဲ့သည့် ဇန်နဝါရီလ ၁၉ ရက်နေ့က ထိုင်းနိုင်ငံ၊ ဘန်ကောက်မြို့၌ ကျင်းပ ပြုလုပ်သော ပထမအကြိမ် အာဆီယံ-တရုတ် စီးပွားရေး ကွန်ဖရင့်၌ ချိုင်းနားစီတီ (China City) အမည်ရ ကုန်သွယ်ရေးဇုန် နယ်မြေ နမူနာပုံစံမှာ ဆွေးနွေးပွဲ တက်ရောက်သူ အားလုံး၏ အာရုံစိုက်မှုကို ရရှိခဲ့သည်။

ယင်းချိုင်းနားစီတီသည် ဘန်ကောက်မြို့ပြင် ဆင်ခြေဖုံး နေရာတွင် တည်ရှိမည် ဖြစ်ပြီး ရင်းနှီးမြှုပ်နှံမှု တန်ဖိုးမှာ ဘတ် ၄၅ သန်း (အမေရိကန် ဒေါ်လာ ၁ ဒဿမ ၄၇ ဘီလီယံ) ခန့် ရှိမည် ဖြစ်သည်။ နှစ်နှစ်အတွင်း တည်ဆောက်မှု ပြီးဆုံးသွားပါက ချိုင်းနားစီတီ ကုန်သွယ်ရေး စင်တာ တစ်ခုတည်းက အလုပ်အကိုင် သစ်ပေါင်း ၇၀၀၀၀ ခန့် ဖန်တီးနိုင်လိမ့်မည်ဟု ခန့်မှန်းရကြောင်း ထိုင်းစီးပွားရေးနှင့် ကူးသန်း ရောင်းဝယ်ရေး ဝန်ကြီးဌာန ဒုတိယဝန်ကြီး Alongkorn Ponlaboot က အာဆီယံ-တရုတ် စီးပွားရေး ကွန်ဖရင့် ဖွင့်ပွဲ၌ ပြောကြားသည်။

တရုတ်နိုင်ငံမှ ထိပ်တန်း ရင်းနှီးမြှုပ်နှံရေး ကုမ္ပဏီကြီး တစ်ခု ဖြစ်သော Ashima Yunnan Cultural Industry Group မှ Dong Hongqi က ယင်းကုန်သွယ်ရေး စင်တာသည် ဘတ်ငွေ ၄၅ ဘီလီယံမှ ၅၀ ဘီလီယံ တန်ဖိုး ရှိသော အာဆီယံတွင်း ကုန်သွယ်ရေးကို နှစ်စဉ် ဖြစ်ပေါ်စေလိမ့်မည် ဖြစ်ကြောင်း ပြောကြားသည်။

ကုန်သွယ်ရေး စင်တာကို ယခုနှစ် မတ်လတွင် စတင် တည်ဆောက်မည် ဖြစ်ပြီး အပိုင်း သုံးပိုင်းဖြင့် တိုးတက် ဖြစ်ထွန်းလာအောင် ဖန်တီးသွားမည်ဟု ဆိုသည်။ ပထမအပိုင်းမှာ လာမည့် ၂၀၁၁ ခုနှစ်တွင် စတင် လည်ပတ်နိုင်မည် ဖြစ်ကြောင်း၊ ဒုတိယ အပိုင်းတွင် ပြပွဲကြီးများ ခင်းကျင်း ပြသမှု၊ ကုန်သွယ်ရေး လုပ်ကိုင်မှုနှင့် ကုန်ထုတ်လုပ်မှု ဆိုင်ရာ အခြေခံ အဆောက် အအုံများ တည်ဆောက်မှုတို့ ပါဝင်မည်ကာ တတိယ အပိုင်း၌ ဇိမ်ခံဟိုတယ်ကြီးများ ဖွင့်လှစ် လည်ပတ်မှုတို့ ပါဝင်ရန် စီစဉ်ထားကြောင်း သိရသည်။

ယင်းကုန်သွယ်ရေး စီမံကိန်းသည် အာဆီယံ-တရုတ် စီးပွားရေး ကွန်ဖရင့်၏ အဓိက ဆွေးနွေးစရာ အကြောင်းကိစ္စရပ် တစ်ခုဖြစ်ခဲ့သည်။ "တရုတ်နိုင်ငံမှာ ပိုက်ဆံ ရှိနေတယ်။ အာဆီယံ နိုင်ငံတွေ အားလုံးကလည်း တရုတ်နိုင်ငံနဲ့ တန်းညှိပြီး တန်းတူ အလုပ် လုပ်လိုကြတယ်။ တရုတ်နဲ့ ပေါင်းပြီး အလုပ် မလုပ်ချင်ဘူးလို့ ပြောတဲ့ အာဆီယံ နိုင်ငံ တစ်နိုင်ငံမှ ကျွန်တော် မတွေ့ရပါဘူး" ဟု Central Chambers Law ကော်ပိုရေးရှင်းမှ မန်နေးဂျင်း ဒါရိုက်တာ Ronnie Tan က စင်ကာပူ Strait Times သတင်းစာသို့ ပြောကြားသည်။ ၎င်းသည် အာဆီယံ-တရုတ် စီးပွားရေး ကွန်ဖရင့်၊ စီးပွားရေး ဖွံ့ဖြိုးရေး ဆိုင်ရာ ဘုတ်အဖွဲ့၏ စင်ကာပူ နိုင်ငံ ကိုယ်စားလှယ် အဖြစ် တာဝန် ယူသူ ဖြစ်သည်။

ကုန်သွယ်ရေး စင်တာသည် ထိုင်းစီးပွားရေး လုပ်ငန်းရှင်ကြီး များအတွက် စီးပွားရေး လမ်းကြောင်းကြီး တစ်ခု ဖြစ်လာမည် ဖြစ်ကြောင်း၊ အထူးသဖြင့် အသေးစားနှင့် အလတ်စား စီးပွားရေး လုပ်ငန်းရှင်များ အနေဖြင့် အာဆီယံနှင့် တရုတ် နိုင်ငံတို့နှင့် ကုန်သွယ်ရေး လုပ်ကိုင်ရန် အခွင့်အလမ်းကြီး တစ်ခုဖြစ်ကြောင်း စီးပွားရေး ဒုတိယ ဝန်ကြီး Alongkorn Ponlaboot က ပြောကြားသည်။

"အာဆီယံ အဖွဲ့ဝင်တွေ အားလုံးနဲ့ တရုတ်နိုင်ငံတို့ရဲ့ ပုဂ္ဂလိက စီးပွားရေး လုပ်ငန်းတွေ ပူးပေါင်း လုပ်ကိုင်မှုကို ကျွန်တော်တို့ အနေနဲ့ မြှင့်တင်လိုပါတယ်" ဟု ၎င်းက ဖြည့်စွက် ပြောဆိုသည်။ အာဆီယံ ၁၀ နိုင်ငံနှင့် တရုတ် (Asean plus one) ဟု ၎င်းက ညွှန်းဆို ပြောကြားသည်။ ကွန်ဖရင့်သို့ ကုန်သွယ်ရေး စင်တာ စီမံကိန်းအနီး တည်ရှိသော ဘန်ကောက် အမေရိကန်ကျောင်း (American School of Bangkok) မှ အကြီးအကဲများလည်း တက်ရောက်ခဲ့သည်။ ကုန်သွယ်ရေး စင်တာစီမံကိန်း စတင် လည်ပတ်သည်နှင့် တစ်ပြိုင်နက် ပြည်ပြေးများထံမှ ဝယ်လိုအား မြင့်တက်လာမည်ဟု ထင်မြင်မိကြောင်း အဆိုပါ ကျောင်းက သုံးသပ်သည်။

အဆိုပါ စီမံကိန်းနှင့် ပတ်သက်၍ ထိုင်းနိုင်ငံမှ ဇန်နဝါရီလ ၂၀ ရက်နေ့ထုတ် အင်္ဂလိပ် သတင်းစာ တစ်စောင်တွင် တရုတ် လွှမ်းမိုးမှုအပေါ် စိုးရိမ် ပူပန်မှုကို ပြသသည့် ကာတွန်း တစ်ပုဒ် ပါရှိခဲ့သည်။ ယင်းကာကွန်းတွင် တရုတ်နိုင်ငံကို ကိုယ်စားပြုသော နဂါးကြီး တစ်ကောင်က ချိုင်းနားစီတီး ကုန်သွယ်ရေး စင်တာဟု ရေးသားထားသော သေတ္တာကြီး တစ်ခုအား ထိုင်းနယ်မြေပေါ်သို့ ပစ်ချလိုက်ရာ လမ်းဘေး ဈေးရောင်းသူများ သေတ္တာကြီး ပိ၍ သေဆုံးရမည်ကို စိုးသောကြောင့် ဆောက်တည်ရာမရ ထွက်ပြေးနေပုံကို ရေးသားထားသည်။

ဇန်နဝါရီလ ၁၈ ရက်နေ့ထုတ် The Nation သတင်းစာကလည်း ထိုင်းကုန်သည်ကြီးများ အသင်း ဥက္ကဌ Dusit Nontanakorn ၏ ချိုင်းနားစီတီ ကုန်သွယ်ရေး စင်တာ စီမံကိန်းအပေါ် ထင်မြင် သုံးသပ်ချက်ကို ရေးသား ဖော်ပြခဲ့သည်။ မစ္စတာ Dusit Nontanakorn က "ထိုင်းစီးပွားရေး လုပ်ငန်းရှင်တွေ အတွက် အစိုးရရဲ့ ပံ့ပိုးမှု လျော့နည်းနေတယ်။ တကယ်လို့ မူဝါဒ ရှင်းရှင်း လင်းလင်း ရှိတယ် ဆိုရင် သူတို့ ဒီစီမံကိန်းကို လုပ်နိုင်ပါတယ်။ တရုတ်နိုင်ငံက အခုလို လုပ်တာဟာ သူပိုင်တဲ့ ငွေကြေးတွေကို နေရာတကာမှာ ဖြန့်ကြက် ထားချင်ရုံ သက်သက်ပါပဲ" ဟု ဆိုသည်။

အာဆီယံ-တရုတ် ကွန်ဖရင့် တက်ရောက်ခဲ့သူ အမည် မဖော်လိုသူ ကိုယ်စားလှယ် တစ်ဦးက ဤမျှ ကြီးမားသော စီမံကိန်းကြီးကြောင့် အားနည်းချက် ရှိသော အချို့ ဒေသခံများ ထိခိုက် နစ်နာ ကြရလိမ့်မည် ဖြစ်ကြောင်း ပြောကြားသည်။ မည်သို့ပင် ဆိုစေ တရုတ် စီးပွားရေး ရင်းနှီး မြှုပ်နှံသူများက ယင်းကိစ္စကို ကောင်းစွာ သိရှိ နားလည်အောင် ပြင်ဆင် ထားလိုပုံ ရသည်။ Ashima Yunnan Cultural Industry မှ ဥက္ကဌ Dong Hongqi က စီမံကိန်း ပထမ အပိုင်းတွင် ကုန်သွယ်ရေး စင်တာ နယ်မြေ၏ ၃၀ ရာခိုင်နှုန်းကို ထိုင်းကုန်သည်ကြီး များအတွက် ချထားပေးမည် ဖြစ်ကြောင်း၊ ၎င်းတို့ အနေဖြင့် တရုတ် ကုန်သည်များထက် ပိုမို ချိုသာသော ဈေးနှုန်းဖြင့် ငှားရမ်းခွင့် ရရှိမည် ဖြစ်ကြောင်း ပြောကြားသည်။

ထိုင်းကုန်သွယ်ရေး ကိုယ်စားလှယ်ရုံးမှ အာဆီယံ ကုန်သွယ်မှု ဆိုင်ရာ တာဝန်ရှိသူ ဒေါက်တာ Suthad Setboonsarng က "စီမံကိန်းမှာ အပြုသဘော ဆောင်မယ့် ကိစ္စတွေ အများကြီး ရှိလာမှာပါ။ ဒီစီမံကိန်းဟာ တရုတ်နိုင်ငံ ထုတ်ကုန်ပစ္စည်းတွေ ရောင်းချမယ့် ကိစ္စသက်သက်ပဲ မဟုတ်ပါဘူး။ ထိုင်းစီးပွားရေး လုပ်ငန်းတွေ ကိုယ်တိုင်လည်း စီမံကိန်းထဲမှာ ဝင်ရောက် အခြေချနိုင်မှာပါ။ စီမံကိန်းကြောင့် ထိုင်းနိုင်ငံဟာ အာဆီယံရဲ့ ကုန်သွယ်ရေး ဗဟိုချက်မအဖြစ် ပြောင်းလဲ သွားပါလိမ့်မယ်။ ထိုင်းတွေ အနေနဲ့ စီမံကိန်းကို အသုံးချပြီး သူတို့ရဲ့ ထုတ်ကုန်တွေကို အာဆီယံ နိုင်ငံတွေနဲ့ တရုတ်နိုင်ငံကို ရောင်းချနိုင်မှာပါ" ဟု Strait Times သတင်းစာသို့ ပြောကြားသည်။ ချိုင်းနား စီတီသည် ထိုင်းနိုင်ငံ ပိုင်နက်ထဲတွင် ရှိသောကြောင့် တရုတ် စွန့်ဦး တီထွင် စီးပွားရေး တစ်ခုသက်သက် အဖြစ် သတ်မှတ်၍ ရမည် မဟုတ်ပေ။

Strait Times သတင်းစာမှ သတင်းဆောင်းပါးကို ဆီလျော်အောင် ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment