Transparency Myanmar

transparency.myanmar@gmail.com

yangonchronicle 2011
yangonchronicle 2011

၁၃.၆.၂၀၁၁

ဘာသာပြန်သတင်းများ - ၂

မြန်မာနိုင်ငံရေးအကျဉ်းသားတွေကို လွှတ်ပေးပါ

(Huffington Post မှ 9 June 2011 ရက်စွဲပါ Burma Campaign UK နာယက ဗြိတိန်ဝန်ကြီးချုပ်ဟောင်း ဂေါ်ဒွန်ဘရောင်း၏ “Release the Political Prisoners of Burma” ကိုယ်တိုင်ရေး ဆောင်းပါးကို ဘာသာ ပြန်ဆိုသည်)

ကျွန်တော်အနေနဲ့ အခုတစ်ပတ်မှာ တစ်နှစ်အတွင်း ၃ ကြိမ်မြောက်အဖြစ် ဒေါ်အောင်ဆန်းစုကြည်နဲ့ စကားပြောခဲ့ပါတယ်၊ သူမနဲ့ တွေ့ဆုံ ရအောင် မြန်မာနိုင်ငံကို လာရောက်ခွင့်ပြုဖို့ကိုတော့ တပ်မတော်အစိုးရက ငြင်းဆန်ခဲ့ပါတယ်၊ မြန်မာနိုင်ငံမှာ နိုင်ငံရေးအကျဉ်းသားတွေကို လွှတ်ပေး အောင် တောင်းဆိုဖို့ ကြီးကြီးမားမား လှုပ်ရှားမှု လိုအပ်နေကြောင်း သူမက အလေးပေး ပြောကြားခဲ့သလို ကျွန်တော်အပါအဝင် ကမ္ဘာတစ်ဝှမ်းက သူမကို ထောက်ခံကြသူ သန်းပေါင်းများစွာ အနေနဲ့ ကမ္ဘာ့မေတ္တာရပ်ခံလွှာကို လက်မှတ်ရေးထိုးကြဖို့ သူမက တောင်းဆိုပါတယ်၊ ကျွန်တော်တို့ရဲ့ စုစည်းခိုင်မာမှုကြောင့် သူမ လွတ်မြောက်လာခဲ့တာဖြစ်ပြီး အခုအချိန်မှာ ထိန်းသိမ်းခံနေရဆဲ ဖြစ်တဲ့ နိုင်ငံရေး အကျဉ်းသားတွေရဲ့ ကိုယ်စား အလားတူ ဖိအားပေးကြပါလို့ သူမက တောင်းဆိုခဲ့တာပါ။

၁၉၉၀ ခုနှစ်တွေမှာ သူမရဲ့ မိသားစုကို ကျွန်တော် စတင်သိကျွမ်း ဆက်ဆံခဲ့ရတာဖြစ်ပြီး သူမဟာ အတ္တမာန မရှိတဲ့ ရဲဝံ့တဲ့ ကြံ့ခိုင်တဲ့ သာမန် မဟုတ်တဲ့ အမျိုးသမီးတစ်ဦး ဖြစ်တယ်လို့ သိရှိနားလည်ထားပါတယ်။ သူမရဲ့ခင်ပွန်း မိုက်ကယ်ရဲ့ ကင်ဆာဝေဒနာ နောက်ဆုံးရက်တွေမှာတောင် သူမဆီ လာခွင့်ကို အစိုးရက ပိတ်ပင်ခဲ့တာပါ။ သူမရဲ့ ခင်ပွန်း ရှိရာ အင်္ဂလန်ကို ပြန်ဖို့အခွင့်အရေးကို အစိုးရက ကမ်းလှမ်းလာချိန်မှာလည်း ဒီလို လုပ်ခြင်းအားဖြင့် သူမနိုင်ငံရဲ့ ဒီမိုကရေစီကိစ္စကို သစ္စာဖောက်ရာရောက်မှာဖြစ်လို့ ငြင်းပယ်ရန်တွေဝေခြင်း လုံးဝမရှိခဲ့ပါဘူး။ ဒါကြောင့် ဒီလို အံ့အား သင့်ဖွယ် စွမ်းရည်မျိုးရှိတဲ့ ခေါင်းဆောင်တစ်ဦးက အခုအချိန်မှာ သူမရဲ့ အနာဂတ်အတွက် မဟုတ်ဘဲ တိုင်းပြည်ရဲ့ အနာဂတ်ကို ပူပန်ပြောဆိုတာကို ကျွန်တော် လုံးဝ မအံ့ဩတော့ပါဘူး။

နိုင်ငံတကာ အသိုင်းအဝိုင်းအဖြစ် ကျွန်တော်တို့ လုပ်သမျှ လှုပ်ရှားမှုအားလုံးဟာ မှန်ကန်တဲ့ တစ်စုံတစ်ရာပေါ် မှာသာ အခြေခံသင့်ပြီး ဘာမှ မဟုတ်တဲ့ အရာပေါ်မှာ အခြေမခံသင့်ပါဘူး။ အခုချိန်မှာ နိုင်ငံရေးအကျဉ်းသား အားလုံး လွတ်မြောက်ရေးဟာ နိုင်ငံတကာအသိုင်းအဝိုင်းက မြန်မာအစိုးရကို အဓိက တောင်းဆိုရမယ်ကိစ္စဖြစ်ပါတယ်။ ကုလသမဂ္ဂ အထွေထွေ အတွင်းရေးမှူးချုပ်က အပြစ်မရှိတဲ့ မြန်မာနိုင်ငံရေးအကျဉ်းသားတွေ လွတ်မြောက်ဖို့ တောင်းဆိုခြင်းဖြင့် ကမ္ဘာ့ အသိုင်းအဝိုင်းကို ဆော်ဩတာမျိုးကို ကျွန်တော် တွေ့မြင်ချင်တာပါ။ မြန်မာဗိုလ်ချုပ်တွေရဲ့ ဒီမိုကရေစီ ပြုပြင်ပြောင်းလဲမှု ကတိကဝတ်ကို အဓိက စစ်ဆေးမှုအဖြစ် လေ့လာစောင့်ကြည့်ဖို့ ကုလသမဂ္ဂက အထူးကိုယ်စားလှယ်တစ်ဦး ခန့်အပ်သင့် တယ်လို့ ကျွန်တော် ယူဆပါတယ်။

ထောင်ထဲက အကျဉ်းသား ၅ဝ% လောက်လွတ်လာတာဟာ စိတ်ဆန္ဒ စေတနာကောင်းရဲ့ ကနဦး လက္ခဏာလို့ ဆိုနိုင်ပါတယ်။ဒါပေမဲ့လည်း ဒါဟာ နိုင်ငံတကာ ကြက်ခြေနီကော်မတီကို မြန်မာအစိုးရက အကျဉ်းသားတွေ အကဲခတ်ဖို့ ကျန်းမာရေး စောင့်ရှောက်မှုလိုအပ်နေသူတွေကို ဆေးကုသ ပေးဖို့ အာမခံ လိုက်တဲ့ ကိစ္စရဲ့ နောက်ဆက်တွဲသာ ဖြစ်ပါလိမ့် မယ်။ ကြက်ခြေနီ ကိုယ်စားလှယ်အဖွဲ့နဲ့အတူ လက်ရှအစိုးရအဖွဲ့ဝင်တစ်ဦး လိုက်ပါဖို့ မြန်မာအစိုးရက ဇွတ်အတင်း တောင်းဆိုနေတာတွေ၊ ကြက်ခြေနီအဖွဲ့ရဲ့ ပင်ကိုယ်သဘာဝကို ကြားဝင်စွက်ဖက်ဖို့ ကြိုးပမ်းနေတာတွေကို ကျွန်တော်တို့ သည်းခံ မနေသင့်တော့ပါဘူး။

ဥရောပအနေနဲ့ ကျွန်တော်တို့သာ စည်းစည်းလုံးလုံး အတူတကွ ရပ်တည်ကြမယ်ဆိုရင် ကျွန်တော်တို့ရဲ့ ဩဇာကို စိတ်ချယုံကြည်လို့ ရပါ တယ်။ လူ့အခွင့်အရေးနဲ့ ဒီမိုကရေစီမဏ္ဍိုင်စည်းမျဉ်းတွေကို နောက်ခံပြုထားတဲ့ ကြီးကျယ်ခမ်းနားတဲ့ ဥရောပရဲ့ စည်းလုံးမှုကို ပြသမှုအဖြစ် ကေသီ အက်ရ်ှတန်ရဲ့ ကိုယ်စားလှယ်အဖွဲ့ မြန်မာနိုင်ငံကို သွားတဲ့ ခရီးစဉ်ကို ကျွန်တော် မြင်တွေ့ချင်ပါတယ်။ ဒါ့အပြင် မြန်မာအတိုက်အခံ အသိုင်းအဝိုင်းရဲ့ ကြီးထွားလာတဲ့ စည်းလုံးမှုကနေ တက်ကြွတဲ့ စိတ်ဓာတ်ကို ကျွန်တော်တို့ ဆင့်ပွားယူရမှာဖြစ်ပါတယ်။ ဒေါ်အောင်ဆန်းစုကြည် အားပေးလှုံ့ဆော် နေတာက တော့ သူမရဲ့ NLD ပါတီနဲ့ အခြား အတိုက်အခံအင်အားစုတွေ အကြား အကျိုးတူ ပူးပေါင်းဆောင်ရွက်နိုင်ကြဖို့ ဖြစ်ပါတယ်။

သူမနဲ့ ကျွန်တော် စကားပြောတဲ့အချိန်မှာ သူမဟာ အနာဂတ်နဲ့ ပတ်သက်လို့ အမြဲ အကောင်းမြင်တဲ့ သဘော ရှိပြီး နိုင်ငံတကာ အသိုင်း အဝိုင်းရဲ့ အစဉ်တစိုက် အားပေး ထောက်ခံမှုကိုလည်း ကျေးဇူးတင်ကြောင်း ပြောလေ့ရှိပါတယ်။ မြန်မာနိုင်ငံမှာ လက်ရှိပြောဆိုနေကြတဲ့ စီးပွားရေး ပြုပြင်ပြောင်းလဲမှုကို စစ်မှန်တဲ့ နိုင်ငံရေး ပြုပြင်ပြောင်းလဲမှုကသာ မြေတောင်မြှောက်ပေးနိုင်မယ်လို့ သူမက အခိုင်အမာ ယုံကြည်ထားကြပါတယ်။ စီးပွားရေးကို လွတ်လပ်ခွင့် ရှိအောင် လုပ်တာက အရေးကြီးတယ်ဆိုပေမယ့် ပြည်သူတွေရဲ့ လွတ်လပ်ခွင့်ရရှိရေးက ပိုပြီးတော့ အရေးကြီးတယ် ဆိုတာကို အာရပ်ကမ္ဘာ အုံကြွမှုက သက်သေပြနေတယ် မဟုတ်လား။

**********************************************************************

တရုတ်အတွက် အကြံဥာဏ် အနည်းငယ်

(Contra Costa Times မှ 6 June 2011 ရက်စွဲပါ နယူးယောက်တိုင်းမ် ဆောင်းပါးရှင် Thomas Friedman ၏ “Some advice for China” ကို ဆီလျော်အောင် ဘာသာပြန်ဆိုသည်)

မှ/             နိုင်ငံတော် လုံခြုံရေး ၀န်ကြီးဌာန

သို့/           သမ္မတ ဟူကျင်းတောင်

အကြောင်းအရာ။   ။ အာရပ်ကမ္ဘာ တော်လှန်မှု

                လေးစားရပါသော သမ္မတ “ဟူ”။ လူကြီးမင်းက အာရပ် ကမ္ဘာ တော်လှန်မှုအပေါ် ကျွန်တော်တို့ရဲ့ အကဲဖြတ်ချက်ကို တောင်းဆိုထားပါတယ်။ ကျွန်တော်တို့ရဲ့ သုံးသပ်ချက်ကတော့ အာရပ် ကမ္ဘာက တော်လှန်မှုတွေထဲမှာ တရုတ် ကွန်မြူနစ် ပါတီ အုပ်ချုပ်မှုအတွက် အရေးကြီးတဲ့ သင်ခန်းစာ အချို့ ပါဝင်နေတယ်လို့ ဆိုချင်ပါတယ်။ အကြောင်းကတော့ ၂၁ ရာစုမှာ တော်လှန် အုံကြွ မှုတွေ ဘယ်လို ပြန့်ပွားလာသလဲ ဆိုတဲ့ အကြောင်း အရာသစ်နဲ့ ဘာကြောင့် ပေါက်ကွဲ လာရသလဲ ဆိုတဲ့ အကြောင်းအရာ ဟောင်းကို ဒီကူးစက်မှုက ထုတ်ဖော် ပြသနေလို့ပါ။

                အကြောင်းအရာသစ်နဲ့ အရင်စကြရအောင်။ သက္ကရာဇ် ၂၀၀၀ တစ်ဝိုက်မှာ ကမ္ဘာကြီးဟာ အလွန် အဆင့်မြင့်တဲ့ ဆက်သွယ်မှု စနစ်ကို ရရှိ သွားပြီး ကမ္ဘာလုံးဆိုင်ရာ စီးပွားရေး “ခွင်” ကို လုံးဝ နီးနီး ပြားသွားစေပါတယ်။ တစ်ကိုယ်ရေသုံး ကွန်ပျူတာတွေ၊ ဖန်မျှင်နန်းကြိုး၊ အင်တာနက်နဲ့ ၀က်ဘ် ဆာဗာတွေရဲ့ ပျံ့နှံ့မှု အပေါ်မှာ ၀က်ဘ် (web) ဆက်သွယ်မှု စနစ်ကို တည်ဆောက်ခဲ့ပါတယ်။ ဒီ ဆက်သွယ်ရေး ပလက်ဖောင်းရဲ့ လုပ်ဆောင်မှုက ဘော့စတွန်နဲ့ ဘီဂျင်း (သို့) ဒက်ထရွိုက်နဲ့ ဒမတ် စကတ်တို့ကို ကပ်ရပ် အိမ်နီးခြင်းတွေလို ဖြစ်သွားအောင် လုပ်ပေးခဲ့ပါတယ်။  အင်တာနက် ကွန်ယက်ဟာ လူပေါင်း သန်း ၂၀၀၀ လောက်ကို ကမ္ဘာလုံးဆိုင်ရာ စကားဝိုင်းထဲကို ခေါ်ယူ ခဲ့ပါတယ်။

                လူကြီးမင်း သိတဲ့အတိုင်း အမေရိကန် ပြည်ထောင်စုရဲ့ စီးပွားရေး အကျပ်အတည်း အပေါ် ကျွန်တော်တို့ အာရုံ ရောက်နေချိန်မှာပဲ ကျွန်တော်တို့ဟာ အချိတ်အဆက် မိနေတဲ့ ကမ္ဘာကနေ အလွန် ချိတ်ဆက်မှု ကောင်းတဲ့ ကမ္ဘာကို ရောက်သွားကြပါတယ်။ ဒီကွန်ယက်ဟာ ဘောစတွန်၊ ဘီဂျင်း ကနေ အခုဆိုရင် အတွင်း မွန်ဂိုလီးယား ဘာအိုတောင် အထိ ချိတ်ဆက် ပေးခဲ့ပါပြီ။ ဒီ ဆက်သွယ်ရေးရဲ့ နက်ရှိုင်းစွာ ထိုးဖောက်မှုဟာ အဆင့်မြင့် ဆဲလ်ဖုန်းတွေ၊ ၀ါယာလက် စနစ်နဲ့ လူမှု ကွန်ယက်တွေ အပေါ်မှာ အခြေခံ တည်ဆောက်ထားတာ ဖြစ်ပါတယ်။ ဒီလို စရိတ် သက်သာပြီး ရွေ့လျား (mobile) နိုင်တဲ့ ဆက်သွယ်ရေး ပလက်ဖောင်းသစ်ဟာ ပို၍ ပို၍ ဝေးလံ ခက်ခဲတဲ့ ဒေသတွေက နောက်ထပ် လူပေါင်း သန်း ၂၀၀၀ လောက်ကို ကမ္ဘာ့ စကားဝိုင်းထဲသို့ ခေါ်ယူလျက် ရှိပါတယ်။

ဒီ ကွန်ယက်ကို အရှေ့အလယ်ပိုင်း ကမ္ဘာထဲ ရောက်အောင် ပို့လိုက်တဲ့ အခါမှာတော့ ဆက်သွယ်ရေး ပလက်ဖောင်းသစ်ဟာ ဒက်ထရွိုက်နဲ့ ဒမတ်စကတ်နဲ့ ဒါရာနဲ့ ချိတ်ဆက်ပေးခဲ့ပါတယ်။ ဒါရာ ဆိုတာ ဘယ်မှာလဲလို့ လူကြီးမင်းက မေးမှာပါ။ ဒါရာ ဆိုတာ ကတော့ ဆီးရီးယားနဲ့ လူထု အုံကြွ မှုတွေ စတင် ဖြစ်ပွားခဲ့တဲ့ နယ်ခြား မြို့ငယ်လေး တစ်ခုပါ။ ဒါရာမြို့က ဒေသခံတွေက ဆီးရီးယား အစိုးရရဲ့ ရက်စက်မှုတွေ မှန်သမျှကို ဗီဒီယို၊ Twitter, Facebook ကွန်ယက် တွေကနေ တဆင့် တစ်ကမ္ဘာလုံး သိအောင် ပေးပို့ ပြသနေပါတယ်။

လူကြီးမင်းကို ပြချင်တဲ့ အချက်ကတော့ ကမ္ဘာကြီးဟာ အခု အချိန်မှာ အချိတ်အဆက် အလွန် ကောင်းသွားပြီဖြစ်လို့ အိမ်တွင်းရေး၊ ပြည်တွင်းရေးဆိုတဲ့ ကိစ္စမျိုး လုံးဝ မရှိတော့ဘူး ဆိုတာပါပဲ။ လက်ရှိ အချိန်မှာ ဘယ်လို နိုင်ငံက ဖြစ်ဖြစ်၊ ဘယ်လောက်ဝေးတဲ့ ဒေသက ဖြစ်ဖြစ်၊ အရာရာဟာ သူတို့ကို ဖြန့်ချီပေးမယ့် ကမ္ဘာ့ ပလက်ဖောင်း ပေါ်ကို ချက်ခြင်း စီးဝင်နေပါပြီ။ ၀က်ဘ် စာမျက်နှာများ အတွက် လက်တော့ ကွန်ပျူတာ၊ အင်တာနက်နဲ့ ရှာဖွေရေး (search engine) အင်ဂျင် တို့ရဲ့ ပေါင်းစည်း လုပ်ဆောင်မှုဟာ ကွန်ယက် ချိတ်ဆက်မှု ရှိသူ မည်သူကို မဆို စိတ်ဝင်စားတဲ့ အရာမှန်သမျှ ရှာဖွေ နိုင်စေသလို၊ ဆဲလ်ဖုန်း၊ အင်တာနက်နဲ့ facebook တို့ရဲ့ ပေါင်းစည်း လုပ်ဆောင်မှု ဟာလည်း မည်သူကို မဆို စိတ်ဝင်စားသူ မှန်သမျှကို ရှာဖွေ စေနိုင်ပါတယ်။ ဒီနောက် မှာတော့ ညှိနှိုင်း ပူးပေါင်း ဆောင်ရွက်မှုနဲ့အတူ နာကျည်းစရာ အကြောင်းရင်းတွေ စိတ်အား ထက်သန်မှုတွေကို မျှဝေကြပါတယ်။

နိုင်ငံပိုင် ရုပ်သံတွေကို ထိန်းချုပ်ခြင်း၊ ပြည်သူတွေကို သတင်းမှောင် ချခြင်းတို့ကို အာရပ် အာဏာရှင်တွေ လုပ်နိုင်ခဲ့တဲ့ အချိန်ဟာ ကုန်လွန် သွားခဲ့ ပါပြီ။ ဆီးရီးယားတွေဟာ သူတို့ရဲ့ လျှပ်စစ် ဓာတ်အားလိုင်းတွေကို ပိတ်ပစ်နိုင်တယ် ဆိုရင်တောင် ဆဲလ်ဖုန်း ကွန်ယက် တွေကိုတော့ ဒီထက် ပိုပြီး ပိတ်လို့ မရနိုင်တော့ပါဘူး။

ဒီတစ်ချက်ကို လူကြီးမင်း စဉ်းစားကြည့်ပါ။ CNN, BBC အစရှိတဲ့ နိုင်ငံခြား သတင်းလိုင်း အားလုံးကို ဆီးရီးယား အစိုးရက ပိတ်ထားပေမယ့် You Tube ကိုဝင်ပြီး ဒါရာ “Dara” ဆိုတဲ့ စကားလုံးကို ရိုက်ထည့်လိုက်မယ်ဆိုရင် ဆီးရီးယား အစိုးရရဲ့ နှိမ်နှင်း ဖြိုခွဲမှု နောက်ဆုံး ရိုက်ကူးထားတဲ့ လတ်လတ်ဆတ်ဆတ် ရုပ်ပုံ ဗီဒီယို ကို အကြည်လင်ဆုံး တွေ့မြင်ရမှာပါ။ ရိုက်ကူးမှု အားလုံးကို ဆီးရီးယား ပြည်သူတွေက ဆဲလ်ဖုန်းတွေ၊ ဒီဂျစ်တယ် ကင်မရာတွေနဲ့ ရိုက်ယူပြီး You Tube (သို့) အသစ် ဖန်တီးထားတဲ့ “Sham News Network” လို ၀က်ဘ်ဆိုက်တွေ ပေါ်ကို လွှင့်တင် လိုက်ကြတာ ဖြစ်ပါ တယ်။ ဘာကိုမှ ဖုံးဖိထားလို့ မရတော့ပါဘူး။

အာရပ် ကမ္ဘာ အုံကြွမှုမှာ ကျွန်တော်တို့ တွေ့မြင်ရတဲ့ ဒုတိယ အကြောင်းအရာကတော့ ဆီလီကွန် တောင်ကြားက SRI International ရဲ့ စီအီးအို Curtis Carlson အခိုင်အမာ တင်ပြထားတဲ့ “Carlson’s Law” ရှင်းလင်း ဖွင့်ဆိုမှု ဖြစ်ပါတယ်။ Carlson’s Law ရဲ့ ဖော်ပြချက် ကတော့ “ ပညာရေးနဲ့ ဈေးပေါတဲ့ တီထွင်မှု ကိရိယာတွေကို အလွယ်တကူ ရထားသော လူများစွာ ရှိနေတဲ့ ကမ္ဘာကြီးမှာ အောက်ခြေက ထွက်ပေါ်လာတဲ့ တီထွင်မှုဟာ အစီအစဉ် မကျပေမယ့် စမတ်ကျတယ်၊ ထိပ်ပိုင်းက ထွက်ပေါ်လာတဲ့ တီထွင်မှုဟာ အစီအစဉ် ကျပေမယ့် သုံးလို့မရဘူး လို့ ဆိုထားပါတယ်။ ဒါကြောင့် ဒီကနေ့ တီထွင်မှုတွေရဲ့ ချစ်စရာ ကောင်းတဲ့ အကွက်ကတော့ ပြည်သူတွေနဲ့ အနီးဆုံး ဖြစ်အောင် ဆင်းသက် ရွေ့လျားနေတာ ဖြစ်ပြီး အထက်ကို ဆန်တက်ခြင်း မရှိပါဘူး။ အကြောင်းကတော့ အတူတကွ ရှိနေကြသူ အားလုံးဟာ တစ်ကိုယ်တော် နေသူတွေထက် ပိုပြီး စမတ်ကျလို့ပဲ ဖြစ်ပါတယ်။ အခုအချိန်မှာ လူတွေအားလုံးဟာ တီထွင်စရာ ကိရိယာတွေ ရှိနေ ကြပြီး ပူးပေါင်း လုပ်ဆောင် နေကြပါပြီလို့ Carlson က ဆိုထားပါတယ်။

အီဂျစ်က ဟော့စနီ မူဘာရတ် အစိုးရဟာ တော်တော့်ကို အသုံး မကျလွန်း အားကြီးပြီး လူထု အုံကြွမှုကို ပြေလည်အောင် ဖြေရှင်းဖို့ နှေးကွေး ခဲ့ပါတယ်။ တာရစ် ရင်ပြင်က တော်လှန်ရေး သမားတွေက စမတ်ကျပေမယ့် အစီအစဉ် မကျသလို ခေါင်းဆောင်မှုလည်း မရှိပါဘူး။ ဒါကြောင့် ဒီကနေ့ ခေတ် ကုမ္ပဏီတွေ၊ နိုင်ငံတွေက ခေါင်းဆောင်တွေရဲ့ ကဏ္ဍဟာ အောက်ခြေကနေ တက်လာတဲ့ တီထွင် ဆန်းသစ်မှုတွေ အားလုံးကို လှုံ့ဆော်၊ အားဖြည့်၊ ပံ့ပိုးပေးပြီး ဒီနောက်မှာမှ တည်းဖြတ် ရောသမမွှေ ပေးရမှာ ဖြစ်ပါတယ်။ ကျွန်တော်တို့ ဆိုလိုချင်တဲ့ သဘောတရားကို လူကြီးမင်း မြင်ပါပြီ လား။

ဒါပေမယ့် ဒီအချက်ဟာ နည်းပညာ ကိစ္စချည်း သက်သက် မဟုတ်ပါ။ ရုရှား သမိုင်း ပညာရှင် Leon Aron ရဲ့ ထောက်ပြမှု အရဆိုရင် အာရပ် ကမ္ဘာ က အုံကြွမှုတွေဟာ ၁၉၉၁ ခုနှစ်က ရုရှား ဒီမိုကရေစီ တော်လှန်ရေးရဲ့ အဓိက သွင်ပြင်  လက္ခဏာ တစ်ခုနဲ့ အနီးစပ်ဆုံး ဆင်တူနေတယ်လို့ ဆိုပါ တယ်။ ဒီတော်လှန်ရေးတွေဟာ လွတ်လပ်ခွင့်တို့၊ စားနပ်ရိက္ခာတို့နဲပ သိပ်ပြီး မသက်ဆိုင်ပဲ ဂုဏ် သိက္ခာနဲ့သာ ပတ်သက် နေတာဖြစ်ပါတယ်။ ဒါကြောင့် ပြည်သူတွေရဲ့ သူတို့ဘ၀ သူတို့ ဖန်တီးလိုတဲ့ ဆန္ဒ၊ နိုင်ငံသား တစ်ယောက်လို ဂုဏ်သိက္ခာ ရှိရှိ ဆက်ဆံခံချင်တဲ့ ဆန္ဒတွေ ပေါ်မှာ နက်နက် ရှိုင်းရှိုင်း အမြစ်တွယ်ပြီး ဒီလို တော်လှန်ရေးတွေ ပေါက်ဖွားလာရတာ ဖြစ်ပါတယ်။ ဒီ တာဝန်တွေ၊ အခွင့်အရေး တွေ နှစ်မျိုးစလုံးကို နိုင်ငံတော်က ပေးရုံလေး တောင် မလုပ်နိုင်လို့ ပါပဲ။

တကယ်လို့ တော်လှန်ရေးတွေ ဖြစ်ပေါ်လာရတဲ့ အကြောင်းရင်းကို သိချင်တယ် ဆိုရင်တော့ ဒါဟာ ဂျီဒီပီ တက်လို့၊ ကျလို့ မဟုတ်ပဲ လူ့ဂုဏ်သိက္ခာကို ရှာဖွေတဲ့ အကြောင်းရင်းသာ ဖြစ်တယ်လို့ Aron က ဆိုပါတယ်။ ပြည်သူတွေရဲ့ လိုအပ်မှု၊ တောင်းဆိုမှုနဲ့ ပတ်သက်လာရင် ကျွန်တော် တို့ဟာ အမြဲတမ်း ဆိုသလို ဂျီဒီပီကိုသာ ပုံကြီးချဲ့ လေ့လာလေ့ ရှိကြပြီး အကောင်းဆုံး စံညွှန်းတွေ လိုချင်တာ တွေကိုတော့ လျှော့တွက်မိကြပါတယ်။ “ပေါင်မုန့်ရဲ့ အရင် ဂုဏ်သိက္ခာကို ပေးပါ” ဆိုတာဟာ တူနီးရှား တော်လှန်ရေးရဲ့ ကြွေးကြော်သံတစ်ခုပါ။ ဖြူစ် (ဒဏ်ခံကြိုး) ပြတ်သွားစေတဲ့ မီးပွားဟာ ဂုဏ် သိက္ခာအတွက် တောင်းဆိုမှုသာလျှင် ဖြစ်တယ်လို့ Aron က ပြောကြားပါတယ်။ ဒီကနေ့ ခေတ်ရဲ့ နည်းပညာဟာ ငြိမ်းသတ်ရတာ ပိုပြီး ခက်ခဲလာတဲ့ မီးတောက်ကို ပြုလုပ်ပေးရုံသာ ဖြစ်ပါတယ် လို့ သူက ဆိုပါတယ်။

တရုတ်နိုင်ငံမှာလည်း ဒီအချက်ကို ထည့်သွင်း စဉ်းစားဖို့ လိုအပ် ပါတယ်။ ပြည်သူတွေ အတွက် ဖြန့်ဝေပေးနိုင်ခဲ့တဲ့ လူနေမှုအဆင့်အတန်း တိုးတက်မှုကိုတော့ ဂုဏ်ယူရမှာ ဖြစ်ပါတယ်။ ဒီကိစ္စကို တော်တော်များများ ကလည်း အသိအမှတ်ပြု နားလည် ကြပါတယ်။ ဒါပေမယ့်လည်း သူတို့ တွေရဲ့ ဘ၀တွေမှာ ဒီကိစ္စ တစ်ခုတည်း ရှိတာ မဟုတ်ပါဘူး။ တစ်ချို့ကဏ္ဍ၊ တစ်ချို့ ရှုထောင့်တွေမှာ လူနေမှုအဆင့်ဟာ အရေးအကြီးဆုံး အရာ ဖြစ်လို့ မဆိုနိုင်ပါဘူး။ ကျွန်တော် ဆိုလိုချင်တာကို လူကြီးမင်း နားလည်မယ်လို့ ထင်ပါတယ်။

 *************************************************************************

အာဆီယံနှင့်လွတ်လပ်စွာ ကုန်သွယ်မှု စေ့စပ်ညှိနှိုင်းရာ၌ မြန်မာပါဝင်ခွင့်ရရှိရေး အီးယူစဉ်းစားဖွယ်

(Bernama မှသတင်းကိုဘာသာပြန်ဆိုသည်)

အရှေ့တောင်အာရှနိုင်ငံများနှင့် လွတ်လပ်စွာ ကုန်သွယ်ခွင့်သဘောတူညီချက် ရရှိရေးအတွက် စေ့စပ်ညှိနှိုင်းရာ တွင် မြန်မာနိုင်ငံ ပူးပေါင်း ပါဝင်ခွင့် ရရှိရေးကို ဥရောပသမဂ္ဂ(အီးယူ)က ထည့်သွင်းစဉ်းစားဖွယ်ရှိကြောင်း Bernama သတင်းဌာနက ရေးသားဖော်ပြသည်။

အီးယူကိုယ်စားလှယ်အဖွဲ့အကြီးအကဲနှင့် စင်ကာပူနိုင်ငံဆိုင်ရာ အီးယူသံအမတ်ကြီး Marc Ungeheuer က မြန်မာနိုင်ငံသည် အီးယူနှင့် လွတ်လပ်စွာ ကုန်သွယ်ရေး သဘောတူညီချက်ရရှိရေးအတွက် အဆိုပြုထားခြင်း မရှိကြောင်း ပြောဆိုသည်။

"ဒါပေမဲ့ ရှင်းရှင်းလင်းလင်းပြောဆိုချင်တဲ့အချက်ကတော့ မြန်မာနိုင်ငံတွင်း ဒီမိုကရေစီ ဖော်ဆောင်ရေး လုပ်ငန်းစဉ်တွေနဲ့ ပတ်သက်ပြီး ဖြစ်ပေါ်လာမယ့် တိုးတက်ဖြစ်ထွန်းမှုအသစ်တွေကို အီးယူကစောင့်ကြည့်နေမယ် ဆိုတာပါပဲ" ဟု ၎င်းက ဆိုသည်။ "တကယ်လို့ မြန်မာနိုင်ငံက အခြား အာဆီယံနိုင်ငံတွေလိုပဲ ဒီမိုကရေစီနဲ့ လူ့အခွင့်အရေးကိစ္စတွေအပေါ် တူညီတဲ့စံချိန်စံနှုန်းတွေ ထုတ်ဖော်ကျင့်သုံးမယ်ဆိုရင် အီးယူနဲ့ လွတ်လပ်စွာ ကုန်သွယ်ခွင့် ကိစ္စအတွက် မြန်မာကိုငြင်းစရာအကြောင်း ရှိလာမှာမဟုတ်ပါဘူး" ဟု မစ္စတာ Marc Ungeheuer က အီးယူ-စင်ကာပူ ကုန်သွယ်ရေးနှင့် ရင်းနှီးမြှုပ်နှံရေး ဆွေးနွေးပွဲ၌ မီဒီယာများကိုပြောကြားသည်။

မည်သို့ပင်ဆိုစေကာမူ လတ်တလောကာလများတွင် အီးယူအနေဖြင့် မြန်မာနိုင်ငံအပေါ် ထားရှိသော ပိတ်ဆို့ အရေးယူမှုများကို ဆက်လက် ထိန်းသိမ်းထားဆဲပင်ဖြစ်ကြောင်း၊ မြန်မာနိုင်ငံတွင် ကန့်သတ်ချုပ်ချယ်မှုများ ယခင်ကထက် လျော့ပါးသွားသည့်တိုင် လက်ရှိကာလသည် ပိတ်ဆို့ အရေးယူမှုများကို ဖယ်ရှားမည့်ကာလမဟုတ်ပါကြောင်း ၎င်းက ဆိုသည်။

အီးယူသည် ပြီးခဲ့သည့် ၂၀၀၇ ခုနှစ်အစောပိုင်းကာလတွင် အာဆီယံနှင့် ဒေသတွင်း ကုန်သွယ်ရေး သဘောတူညီချက်တစ်ရပ် ရရှိရေးအတွက် စတင် ကြိုးပမ်းခဲ့သည်။ အဆိုပါ သဘောတူညီချက်သည် ကမ္ဘာ့အကြီးဆုံး ကုန်သွယ်ရေးအုပ်စုကြီးများအနက်မှ တစ်ခုဖြစ်လာရန်နှင့် လူပေါင်း တစ်ဘီလီယံခန့် အကျိုးအမြတ်ခံစားခွင့်ရရှိအောင် ရည်ရွယ်သည်။

သို့သော် အာဆီယံအဖွဲ့ဝင် ၁၀ နိုင်ငံအကြား မတူညီသော စီးပွားရေးဖွံ့ဖြိုးတိုးတက်မှုများကြောင့် အီးယူ၏ ကြိုးပမ်းချက်များ အောင်မြင်မှု မရရှိခဲ့ပေ။ ထို့ပြင်အာဆီယံအဖွဲ့ဝင်နိုင်ငံများ၏ မတူညီသော နိုင်ငံရေးအခြေအနေများ ကြောင့်လည်း ပျက်ပြယ်ခဲ့ရခြင်းဖြစ်သည်။

မည်သို့ပင်ဆိုစေ ၂၀၁၀ ပြည့်နှစ်၊ နိုဝင်ဘာလ ၇ ရက်နေ့ကနှစ်ပေါင်း ၂၀ အတွင်း ပထမဆုံးအကြိမ်အဖြစ် ပြုလုပ်သော ဒီမိုကရေစီ ရွေးကောက်ပွဲတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီအနိုင်ရရှိပြီး ယခင် ဝန်ကြီးချုပ်ဟောင်း ဦးသိန်းစိန် မြန်မာအရပ်ဘက်အစိုးရသစ်၏ သမ္မတ ဖြစ်လာပြီးနောက် မြန်မာ့နိုင်ငံရေးအနေအထားမှာ အပြောင်းအလဲများဖြစ်ပေါ်လာသလို အစိုးရကလည်း အချို့သောအရေးကိစ္စများတွင် ယခင်နှင့် မတူ မီဒီယာများကို ရင်ဆိုင်ပြောဆိုမှုများပြုလုပ်လာသည်ကိုတွေ့ရသည်။

*****************************************************************

ကချင်ပြည်နယ်တွင် တိုက်ပွဲဖြစ်ပွား

(Monster And Critics မှသတင်းကိုဘာသာပြန်ဆိုသည်)

တရုတ်-မြန်မာနယ်စပ်ဒေသအနီး ကချင်ပြည်နယ်တွင် မြန်မာစစ်တပ်နှင့် တိုင်းရင်းသားလက်နက်ကိုင် သူပုန်များ အကြား တိုက်ပွဲဖြစ်ပွားခဲ့ ကြောင်း သတင်းရင်းမြစ်များက ဇွန်လ ၁၂ ရက်နေ့တွင်ပြောကြားလိုက်သည်။

မြန်မာစစ်တပ်က ကချင်လွတ်မြောက်ရေးတပ်ဖွဲ့၊ တပ်မဟာ ၃ ၏ Sang Gang ခရိုင်မှ အမာခံနယ်မြေကို ဇွန်လ ၉ ရက်နေ့က ထိုးစစ်ဆင် တိုက်ခိုက်ခဲ့ခြင်းဖြစ်ကြောင်း၊ ထို့နောက် ဇွန်လ ၁၁ ရက်နေ့နှင့် ၁၂ ရက်နေ့တို့တွင် ထပ်မံတိုက်ခိုက်မှုများဖြစ်ပေါ်ခဲ့ကြောင်း ထိုင်းနိုင်ငံ၊ ချင်းမိုင်မြို့ အခြေစိုက် ကချင်သတင်းဌာန(KNC)မှ အယ်ဒီတာ Naw Din က ပြောကြားသည်။

"တိုက်ပွဲဖြစ်ပွားတဲ့နေရာမှာ စစ်သား အနည်းဆုံး ၁၅ ယောက်လောက် ကျရှုံးတယ်လို့ ကျွန်တော်တို့ကြားပါတယ်" ဟု ၎င်းကဆိုသည်။ Sang Gang ခရိုင်သည် မြောက်ပိုင်းတရုတ်နယ်စပ်ဒေသနှင့် ကီလိုမီတာ အနည်းငယ်သာဝေးကွာပြီး တာပင်မြစ်တစ်လျှောက် တရုတ်နိုင်ငံတောင်ပိုင်းနှင့် ကုန်သွယ်ရေးပြုလုပ်ရာအဓိကနေရာဖြစ်ရာ KIA အဖွဲ့အတွက် မဟာဗျူဟာကျသော နယ်မြေဖြစ်ကြောင်း ၎င်းကဆိုသည်။ တရုတ်နိုင်ငံက အဆိုပါမြစ်၏ မြန်မာနိုင်ငံဘက်အခြမ်းတွင် ရေအားလျှပ်စစ်ဓာတ်အားထုတ်စက်ရုံ နှစ်ခုတည်ဆောက်ထားသည်။

"တိုက်ပွဲကြောင့် အဲဒီဓာတ်အားပေးစက်ရုံနှစ်ခု ထိခိုက်ပျက်စီးသွားလားဆိုတာကိုတော့ ကျွန်တော်တို့ မသိရသေးပါဘူး။ ဒီဖြစ်ရပ်ဟာ ပြည်တွင်းစစ် ပြန်လည်စတင်တဲ့ အထိဖြစ်လာနိုင်ပါတယ်" ဟု အယ်ဒီတာ Naw Din ကဆိုသည်။ KIA နှင့် မြန်မာစစ်တပ်တို့သည် လွန်ခဲ့သည့် နှစ် ၂၀ ခန့်က အပစ်အခတ်ရပ်စဲရေး သဘောတူညီချက်စာချုပ် လက်မှတ် ရေးထိုးခဲ့ကြသော်လည်း ယင်းသဘောတူညီမှုမှာ ပြီးခဲ့သည့် ၂၀၁၀ ပြည့်နှစ်၊ နိုဝင်ဘာလ ၇ ရက်နေ့တွင် ကျင်းပသည့် ရွေးကောက်ပွဲ မတိုင်မီပျက်ပြားခဲ့သည်။

မြန်မာစစ်တပ်က KIA အနေဖြင့် ၎င်း၏ထိန်းချုပ်မှုအောက်သို့ဝင်ပြီး နယ်ခြားဒေသစောင့် တပ်ဖွဲ့အဖြစ် ပြောင်းလဲဖွဲ့စည်းရန် တောင်းဆိုခဲ့သော် လည်း KIA ကငြင်းပယ်ခဲ့သည်။ မြန်မာနိုင်ငံသည် ယခုအခါ အရပ်ဘက်အစိုးရ သစ်၏ အုပ်ချုပ်မှုအောက်တွင်ရှိသော်လည်း ယခင်စစ်အစိုးရ ခေါင်းဆောင်များသာ အရပ်သားဝတ်စုံ ဝတ်ဆင်ထားခြင်းသာဖြစ်သည်ဟု လေ့လာသူများကဆိုသည်။

*******************************************************************************

တောင်တရုတ်ပင်လယ် နယ်နိမိတ်အငြင်းပွားမှုများကို ငြိမ်းချမ်းစွာဖြေရှင်းမည်ဟု တရုတ်ကတိပြု

(CNN သတင်းကိုဘာသာပြန်ဆိုသည်)

တောင်တရုတ်ပင်လယ်အတွင်း ဖြစ်ပေါ်နေသော နယ်နိမိတ်ပိုင်ဆိုင်မှုဆိုင်ရာ အငြင်းပွားမှုများ အပေါ် စိုးရိမ်ပူပန်မိကြောင်း အမေရိကန် ပြည်ထောင်စုက ထုတ်ဖော်ပြောဆိုလိုက်ပြီး နောက်တစ်ရက်တွင် တရုတ်နိုင်ငံက ငြိမ်းချမ်းရေးနှင့် တည်ငြိမ်ရေးကို ထိန်းသိမ်းသွားမည်ဖြစ်ကြောင်း အိမ်နီးချင်း နိုင်ငံများအား အာမခံပြောဆိုလိုက်သည်။

တရုတ်ကာကွယ်ရေးဝန်ကြီး ဗိုလ်ချုပ်ကြီး Liang Guanglie က နယ်နိမိတ်ဆိုင်ရာ အငြင်းပွားမှုများကို ငြိမ်းချမ်းစွာ ဖြေရှင်းမည်ဟူသော သဘောတူညီချက်ကို တရုတ်နိုင်ငံက ထိန်းသိမ်းထားကြောင်းပြောကြားသည်။ သို့သော် တောင်တရုတ်ပင်လယ်အတွင်း လွတ်လပ်စွာ ဖြတ်သန်း သွားလာခွင့် ရှိရေးကို ထင်သာမြင်သာ ဖြစ်အောင် ၎င်းက ပြောဆိုသည်။

တရုတ်ရေတပ်သည် လတ်တလော ရက်သတ္တပတ်များအတွင်း အဆိုပါပင်လယ်ပြင်တွင်း ဗိုလ်ကျစိုးမိုးမှုများ ပြုလုပ်ခဲ့သည်ဟု စွပ်စွဲခံထားရ သည်။ ရေနံ၊ သဘာဝဓာတ်ငွေ့နှင့် အဏ္ဏဝါ သယံဇာတများပေါကြွယ်ဝသော တောင်တရုတ် ပင်လယ်တွင် တရုတ်၊ ဖိလစ်ပိုင်၊ ဗီယက်နမ်၊ မလေးရှား၊ ဘရူနိုင်း နှင့်ထိုင်ဝမ်တို့က နယ်နိမိတ်ပိုင်ဆိုင်မှုနှင့် ပတ်သက်ပြီး သူပိုင်သည်၊ ကိုယ်ပိုင်သည်ဟူ၍ အငြင်းပွားလျက်ရှိသည်။ တောင်တရုတ်ပင်လယ်သည် အာရှဒေသတွင် အန္တရာယ် အများဆုံး ဖန်တီးဖြစ်ပေါ်စေနိုင်ပြီး ပဋိပက္ခများတည်ရှိရာ နေရာတစ်ခုအဖြစ်လည်း အများကယူဆကြသည်။

ကာကွယ်ရေးဝန်ကြီး Liang Guanglie က တရုတ်ပြည်သည် ကမ္ဘာ့ငြိမ်းချမ်းရေးအတွက် ခြိမ်းခြောက်မှု တစ်ခု မဟုတ်ပါကြောင်းပြောဆိုပြီး တရုတ်ပြည်၏ စစ်ရေးမူဝါဒသည် ကာကွယ်ရေးအတွက်သက်သက်မျှသာ ဖြစ်သည်ဟု ဆိုသည်။ "နိုင်ငံတစ်နိုင်ငံဟာ ကမ္ဘာ့ငြိမ်းချမ်းရေးကို ခြိမ်း ခြောက်မှု ရှိ၊ မရှိဆိုတာကို ဆန်းစစ်ဖို့အတွက်အရေးကြီးတာက အဲဒီနိုင်ငံက ကျင့်သုံးတဲ့မူဝါဒကို ကြည့်ဖို့ပဲလိုပါတယ်။ စစ်ရေးနဲ့စီးပွားရေး တောင့်တင်း မှုကို ကြည့်လို့မရပါဘူး" ဟု ဗိုလ်ချုပ်ကြီး Liang ကမှတ်ချက်ပေးသည်။

တရုတ်နိုင်ငံ စစ်ရေးပါဝါကြီးထွားလာမှုနှင့် ခေတ်မှီဆန်းသစ်အောင်ပြုလုပ်မှုအပေါ် စိုးရိမ်ပူပန်မှုများနှင့် ပတ်သက်၍ ၎င်းက ယခုလိုဆိုပြန်သည်။ "တရုတ်ပြည်ဘယ်လောက်အတိုင်းအတာအထိ ဖွံ့ဖြိုးတိုးတက်နေသည်ဖြစ်စေ ဗိုလ်ကျစိုးမိုးမယ့်ကိစ္စ ဒါမှမဟုတ် စစ်အင်အားတိုးချဲ့မယ့် ကိစ္စတွေကို ဘယ်တော့မှ လုပ်ဆောင်မှာမဟုတ်ပါဘူး" ဟုလည်း ဆိုသည်။

ဗီယက်နမ်ကာကွယ်ရေးဝန်ကြီး ဗိုလ်ချုပ်ကြီး Phung Quang Thanh ကမူ တောင်တရုတ် ပင်လယ်ပြင်အတွင်း အငြင်းပွားမှုများ ပြေလည် စေရေးအတွက် အာဆီယံနှင့်တရုတ်အကြား လုပ်ကိုင်ဆောင်ရွက်မှုဆိုင်ရာ ဥပဒေ စည်းမျဉ်း စည်းကမ်းများကို အပြီးသတ်ရေးဆွဲရန် ထပ်မံတောင်းဆို ထားသည်။ မေလ ၂၆ ရက်နေ့ တောင်တရုတ်ပင်လယ်ပြင် အတွင်း တရုတ်ကင်းလှည့် သင်္ဘောများနှင့် ဗီယက်နမ်သင်္ဘောတို့ ထိပ်တိုက်ပဋိပက္ခ ဖြစ်ပွားမှုအပေါ် ဗီယက်နမ်နိုင်ငံက စိတ်ရှည်စွာဖြင့် ကိုင်တွယ်ဖြေရှင်းခဲ့ကြောင်း၊ သို့သော် အလားတူဖြစ်ရပ်မျိုး ထပ်မံဖြစ်ပေါ်ခြင်းမရှိရန် မျှော်လင့်ထား ကြောင်း ၎င်းကဆိုသည်။

ဖိလစ်ပိုင်နိုင်ငံသမ္မတ Benigno Aquino က တောင်တရုတ်ပင်လယ်ပြင်တွင်း အငြင်းပွားမှုများသည် ဒေသတွင်း စစ်ရေးအင်အား ယှဉ်ပြိုင်မှု များကို ဖြစ်ပေါ်လာစေနိုင်ကြောင်း မေလကုန်ပိုင်းက ထုတ်ဖော်ပြောဆိုသည်။ ဖိလစ်ပိုင်နိုင်ငံက တရုတ်နိုင်ငံသည် ယင်းပင်လယ်ပြင်အတွင်းရှိ ရေနံပေါကြွယ်ဝရာ Spratly ကျွန်းစုဒေသများကို သိမ်းပိုက်ရန် ကြိုးပမ်းလျက်ရှိသည်ဟု စွပ်စွဲပြောဆိုသည်။ အမေရိကန်ပြည်ထောင်စုကလည်း ဒေသတွင်းနိုင်ငံအချင်းချင်း ခိုက်ရန်ဖြစ်ပွားမှုများ ပေါ်ထွက်လာမည်ကို စိုးရိမ်မကင်းဖြစ်မိကြောင်း သဘောထားထုတ်ပြန်သည်။ ပြီးခဲ့သည့် ၂၀၁၀ ပြည့်နှစ်တွင် အမေရိကန်နိုင်ငံခြားရေးဝန်ကြီး ဟီလာရီကလင်တန်က တောင်တရုတ်ပင်လယ်ပြင်တွင်းမှ နယ်နိမိတ် ပိုင်ဆိုင်မှု အငြင်းပွားမှုများကို ငြိမ်းချမ်းစွာဖြေရှင်းကြရန် တိုက်တွန်းခဲ့ပြီး အဆိုပါအရေးကိစ္စသည် အမေရိကန်အမျိုးသား အကျိုးစီးပွားတစ်ခု ဖြစ်ကြောင်းပြောဆိုခဲ့ရာ တရုတ်နိုင်ငံက လွန်စွာ မကျေမနပ်ဖြစ်ခဲ့သည်။

*************************************************************************

တရုတ်နှင့် အငြင်းပွားပြီးနောက် ဗီယက်နမ်က လက်တွေ့ ပစ်ခတ် စစ်ရေး လေ့ကျင့်ရန် စီစဉ်

(Associated Press မှ 11 June 2011 ရက်စွဲပါ “Vietnam plans live fire drill after China dispute” သတင်းကို ဘာသာပြန်ဆိုသည်)

တောင်တရုတ် ပင်လယ်ပြင်မှ ဗီယက်နမ်တို့၏ ရေနံရှာဖွေမှု အားလုံးကို ရပ်ဆိုင်းရန် တရုတ်နိုင်ငံက တောင်းဆိုမှုကို တုန့်ပြန်သည့် အနေဖြင့် ဗီယက်နမ်က လက်တွေ့ ပစ်ခတ် စစ်ရေး လေ့ကျင့်မှု ပြုလုပ်မည်ဟု သောကြာနေ့တွင် ကြေညာခဲ့ရာ တောင်တရုတ် ပင်လယ် ပိုင်နက် အငြင်းပွားမှု ပြဿနာ ပိုမို ကြီးထွားလာခဲ့သည်။

နိုင်ငံပေါင်း များစွာက အလားအလာ ကောင်းသည့် ရေနံနှင့် ဓာတ်ငွေ့သိုက်များကို မျက်စိကျနေ ကြသည့် တောင်တရုတ် ပင်လယ်ရေပြင်၏ အခြား နေရာ တစ်ခုတွင် ယခု သီတင်းပတ် အစောပိုင်းက တရုတ်နှင့် ဖိလစ်ပိုင် နိုင်ငံတို့ အလားတူ အငြင်းပွားခဲ့ကြပြီးနောက် ယခုတစ်ဖန် အိမ်နီးခြင်း ကွန်မြူနစ် နှစ်နိုင်ငံအကြား အခြေအတင် အငြင်းပွားမှု ထွက်ပေါ်လာခြင်း ဖြစ်သည်။

အဆိုပါ အငြင်းပွားမှုများကြောင့် တရုတ်နှင့် အိမ်နီးခြင်း နိုင်ငံများ၏ အားပြိုင်မှုကို ဖြစ်ပေါ်စေသည့် အပြင် “ကျွဲကူးရေပါ” ပါဝင်လာသော အမေရိကန် ပြည်ထောင်စုကလည်း “တရုတ် နိုင်ငံ၏ ရေပြင်ပိုင်နက် တောင်းဆိုမှုများသည် နိုင်ငံတကာ ရေပြင် ဥပဒေကို ချိုးဖောက်ရာ ရောက်ခြင်း နှင့် နိုင်ငံတကာ ကုန်သွယ်ရေးကို ထိခိုက်ရန် အလားအလာ ရှိနေခြင်းတို့ကြောင့် ၀ါရှင်တန်က အလေးထား စဉ်းစား သုံးသပ်နေသည်” ဟု ပြောကြားခဲ့သည်။

ဗီယက်နမ်က သောကြာနေ့တွင် ကြေညာရာ၌ နိုင်ငံ အလယ်ပိုင်း ကွမ်နမ် ပြည်နယ် အပြင်ဖက် ရေပြင်တွင် စုစုပေါင်း ၉ နာရီ ကြာမြင့်မည့် စစ်ရေးလေ့ကျင့်မှု နှစ်ခုကို တနင်္လာနေ့တွင် ပြုလုပ်မည်ဟု ဆိုသည်။ နိုင်ငံပိုင် Northern Maritime Safety Corp ၏ ၀က်ဘ်ဆိုက်တွင်လည်း သင်္ဘောများ၊ လှေများ အနား ကပ်မလာရန် သတိပေးထားသည်။ ဗီယက်နမ် နိုင်ငံက ရေတပ် စစ်ရေး လေ့ကျင့်မှုနှင့် ပတ်သက်၍ သတိပေးချက် ထုတ်ပြန်သည်မှာ ယခု ပထမဆုံး အကြိမ် ဖြစ်သည်။

တရုတ် နှင့် ဗီယက်နမ်တို့သည် သူတို့ ပိုင်ဆိုင်ကြောင်း ကြေညာထားသည့် ရေပြင်များမှ လက်ရှောင်ကြရန် အပြန်အလှန် တောင်းဆိုခြင်းဖြင့် သံတမန်ရေး အငြင်းပွားမှုများ ဖြစ်ပွားပြီး နောက်တစ်ရက်တွင် ဗီယက်နမ်တို့၏ စစ်ရေး လေ့ကျင့်ခန်း အစီအစဉ် ထွက်ပေါ်လာခြင်း ဖြစ်သည်။

တရုတ်နိုင်ငံက ယင်း၏ ရေလုပ်သားများ အသက်အန္တရာယ်ကို ဗီယက်နမ်က ခြိမ်းခြောက် နေသည် ဟု စွပ်စွဲ ပြောဆိုထားသည်။ ကြာသ ပတေးနေ့ အစောပိုင်းတွင် ဗီယက်နမ်က ဗီယက်နမ် ကမ်းလွန် အလယ်ပိုင်းရှိ ဆိုက်စမစ် တိုင်းတာမှု လုပ်ငန်းများကို တရုတ်က အနှောက်အယှက် ပေးခဲ့ကြောင်း ပြစ်တင် ရှုပ်ချ လိုက်ပြီး အစောင့် သင်္ဘော နှစ်စင်း လိုက်ပါလာသော တရုတ် ငါးဖမ်း သင်္ဘောက ဗီယက်နမ် နိုင်ငံပိုင် သုတေသန သင်္ဘော၏ ရေအောက် ရှာဖွေရေး ကေဘယ်ကို ဖျက်ဆီး ခဲ့သည်ဟု ပြောကြားခဲ့သည်။

***********************************************************************

တောင်ကိုရီးယားနှင့် ဒိုင်ယာလော့ခ်လုပ်စရာမရှိဟု မြောက်ကိုရီးယားထုတ်ဖော်

(BBC သတင်းကို ဘာသာ ပြန်ဆိုသည်။)

တောင်ကိုရီးယားသံတမန် ဘေဂျင်းသို့ရောက်ရှိနေသောကြောင့် တောင်ကိုရီးယားနှင့် ဒိုင်ယာလော့ခ် လုပ်စရာ မရှိကြောင်း မြောက်ကိုရီးယား နိုင်ငံက ဇွန်လ ၉ ရက်နေ့တွင် ထုတ်ဖော်ပြောဆိုသည်။ တောင်ကိုရီးယားနိုင်ငံ Yonghap သတင်းဌာနက ကြေညာချက်တစ်ရပ် ထုတ်ပြန်ရာတွင် ပြီးခဲ့သည့် ၂၀၁၀ ပြည့်နှစ်အတွင်း မြောက်ကိုရီးယားနှင့် ဖြစ်ပွားခဲ့သော ပြဿနာများကြောင့် ကိုရီးယားကျွန်းဆွယ်ဒေသတွင် တင်းမာမှုများ ဆက်လက် တည်ရှိနေကြောင်း ဖော်ပြပါရှိသည်။

မြောက်ကိုရီးယားဆိုင်ရာ တောင်ကိုရီးယားသံတမန်အကြီးအကဲမှာ လတ်တလောကာလတွင် ၎င်းနှင့် ရာထူးချင်း တန်းတူဖြစ်သော မြောက်ကိုရီးယားဆိုင်ရာ တရုတ်သံတမန်အကြီးအကဲ Wu Dawei နှင့်တွေ့ဆုံဆွေးနွေးရန် ဘေဂျင်းမြို့သို့ ရောက်ရှိနေသည်။ သံတမန်နှစ်ဦး တွေ့ဆုံ ဆွေးနွေးရာတွင် မြောက်ကိုရီးယားနျူကလီးယား အစီအစဉ်များ အဆုံးသတ်ရေးအတွက် ခြောက်နိုင်ငံဆွေးနွေးပွဲ ပြန်လည်စတင်ရေးကို အဓိက ဦးစား ပေးမည်ဖြစ်သည်ဟု ဆိုသည်။ ခြောက်နိုင်ငံဆွေးနွေးပွဲတွင် တောင်-မြောက်ကိုရီးယား နှစ်နိုင်ငံ၊ တရုတ်၊ ဂျပန်၊ ရုရှားနှင့် အမေရိကန် ပြည်ထောင်စုတို့ ပါဝင်ပြီး ယင်းဆွေးနွေးပွဲသည် ပြီးခဲ့သည့် ၂၀၀၉ ခုနှစ်တွင်ပျက်ပြားခဲ့ရသည်။

ခြောက်နိုင်ငံဆွေးနွေးပွဲပြန်လည်စတင်ရန် ကြိုးပမ်းခဲ့ကြသော်လည်း ယမန်နှစ်တွင် တောင်ကိုရီးယားပိုင် ချိုနန်စစ်သင်္ဘောကို တော်ပီတို ဒုံးကျည်ဖြင့် တိုက်ခိုက်ခံရခြင်းနှင့် တောင်ကိုရီးယားကျွန်းပေါ်သို့ မြောက်ကိုရီးယားက အမြောက်များဖြင့် ပစ်ခတ်ခြင်းတို့ကြောင့် အောင်မြင်မှုမရရှိခဲ့ပေ။ ချိုနန်စစ်သင်္ဘောတိုက်ခိုက်ခံရမှုတွင် သင်္ဘောသား ၄၆ ဦး သေဆုံးပြီး အမြောက်ဖြင့် ပတ်ခတ်ခံရမှုတွင် တောင်ကိုရီးယားအရပ်သားများ သေဆုံးခဲ့ရ သည်။

လတ်တလော ကာလများတွင် မြောက်ကိုရီးယားနှင့် တရုတ်နှစ်နိုင်ငံသည် နယ်စပ်ဒေသ၌ ပူးတွဲစီးပွားရေးဇုန်ကြီး ဖွင့်လှစ်နိုင်ခဲ့ခြင်းအတွက် ဂုဏ်ပြု အခမ်းအနားများပြုလုပ်ခဲ့ကြကြောင်း သတင်းများရရှိသည်။ မြောက်ကိုရီးယား ကွန်မြူနစ် ခေါင်းဆောင်ကြီး ကင်ဂျုံအီလ်သည် ပြီးခဲ့သည့် မေလအတွင်း တရုတ်ပြည်သို့သွားရောက်လည်ပတ်ခဲ့ကြောင်း၊ တရုတ်ပြည်က ၎င်း၏စီးပွားရေးဖွံ့ဖြိုးတိုးတက်အောင် ဆောင်ကျဉ်းနိုင်မှုကို လာရောက် လေ့လာရန် ဖိတ်ခေါ်သောကြောင့် သွားရောက်ခဲ့ခြင်းဖြစ်ကြောင်း တောင်ကိုရီးယားသတင်းဌာနများက ရေးသားဖော်ပြသည်။

မြောက်ကိုရီးယားသည် ယခုအခါ စားနပ်ရိက္ခာ၊ လျှပ်စစ်စွမ်းအင်နှင့် ကုန်ကြမ်းပစ္စည်းများ ပြတ်လပ်မှုများနှင့် ရင်ဆိုင်ကြုံတွေ့နေရသည်။ အမေရိကန်ပြည်ထောင်စုနှင့် ဥရောပသမဂ္ဂတို့က လတ်တလောကာလများတွင် မြောက်ကိုရီးယား စားနပ်ရိက္ခာ ပြတ်လပ်မှုနှင့်ပတ်သက်၍ လေ့လာ သုံးသပ်လျက် ရှိသည်။ သို့သော် စားနပ်ရိက္ခာ အကူအညီများ ပြန်ပေးရန် ဆုံးဖြတ်ချက် မချမှတ်ရသေးပေ။

***********************************************************************************

တရုတ်ပြည်၏ မီးဖိုချောင်

(9 June 2011 ရက်စွဲပါ The Economist မှ Chinese takeaway kitchen ကို ဘာသာ ပြန်သည်)

ရာပေါင်း များစွာသော လူများသည် ခါးလောက်သာ နက်သော ရွံ့များ ပြည့်နေသော ရေထဲတွင် ရွှေကျင် လျက် ရှိကြသည်။ ယင်းတို့သည် မြန်မာပြည် နေရာ အနှံ့ အပြားမှ နေ၍ ဧရာဝတီမြစ် အစ မေခနှင့် မလိခ မြစ်ပေါင်းဆုံရာသို့ လာရောက်၍ ရွှေကျင်လျက် ရှိရာ ကံကောင်းသော နေ့များ တွင် ဒေါ်လာ (1000) တန်ဖိုးရှိသော ရွှေများ ရရှိခဲ့ ကြသော်လည်း အဆိုပါ နေ့များ လွန်မြောက်ခဲ့ပြီ ဖြစ်သည်။

မြစ် တစ်ဖက်ကမ်းတွင် သံမဏိဖြင့် ပြုလုပ်ထားသော တန်းလျားများသည် နေ့ခင်း နေရောင်တွင် အရောင်များ ပြန်လျက် ရှိသည်။ ယင်း တန်းလျားများတွင် မြစ်ဆုံ ရေအား လျှပ်စစ် စီမံကိန်း အတွက် လာရောက် အလုပ်လုပ်နေသော ရာပေါင်း များစွာသော တရုတ် အလုပ်သမားများ နေထိုင်လျက် ရှိသည်။ မြန်မာ အစိုးရ၏ အဆိုအရ ယခု ရေကာတာသည် ကမ္ဘာပေါ်တွင် ဆဋ္ဌမ အကြီးဆုံး ဖြစ်ပြီး တစ်နှစ်လျှင် လျှပ်စစ်ဓာတ်အား မဂ္ဂါဝပ် (6000) ထုတ်လုပ် နိုင်မည်ဟု သိရှိရသည်။ အဆိုပါ စီမံကိန်းသည် ၂၀၁၉ တွင် ပြီးစီးမည်ဖြစ်ရာ ရွှေ ရှာဖွေသော နေရာများ ရေဖုံးလွှမ်းသွားမည် ဖြစ်ပြီး အနည်းဆုံး လူ (၁၀၀၀၀)ခန့် ရွေ့ပြောင်းပေးရမည် ဖြစ်သည်။ ထွက်ရှိသော လျှပ်စစ်ဓာတ်အား အားလုံးကို တရုတ်နိုင်ငံသို့ ရောင်းချမည် ဖြစ်သည်။ ပတ်ဝန်းကျင် ထိန်းသိမ်းရေးနှင့် လူမှုရေးဆိုင်ရာ သက်ရောက်မှုများ အတွက် လေ့လာရေး ပြီးဆုံးခဲ့ပြီဆိုလျှင်တောင် ထိခိုက်ခဲ့သော ရွာသားများကို မေးမြန်းထားခြင်း မရှိသည်ကို တွေ့ရသည်။

ဒေသခံ ကက်သိုလိပ် ရဟန်း တစ်ပါးက ပြောကြားရာတွင် ယင်း၏ ဘုရားကျောင်းသို့ လာရောက်သော ရွာသားများသည် စံပြ ရွာသို့ ပြောင်းရွေ့ ရပြီး အိမ်သေးသေးလေး တစ်လုံးနှင့် စိုက်ပျိုးရန် မြေ အနည်းငယ်သာ ရရှိသည်ဟု ဆိုသည်။ မြန်မာ ခေါင်းဆောင်များ ထံသို့ ထို ဘုန်းတော် ကြီးက စာရေးသား ခဲ့သော်လည်း စာပြန်ခြင်း မရှိပေ။ ဘုန်းတော်ကြီးက ပြောကြားရာတွင် ယင်းသည် ယင်း၏ သမိုင်းဝင် ဘုရားကျောင်းတွင် တံခါးရှေ့ ရေများ တက်လာသည်အထိ နေထိုင်သွား မည်ဖြစ်ကြောင်း ပြောကြားခဲ့သည်။

အဆိုပါ ပရောဂျက်ကို စိုးရိမ် ပူပန်သူများမှာ နေရာ ရွေ့ပြောင်း ခံရသူများသာ မဟုတ်ပေ။ အဆိုပါ ပရောဂျက်သည် နှစ်ပေါင်း များစွာကပင် အစိုးရနှင့် တိုက်ခိုက်နေသော ကချင် လွတ်မြောက်ရေး အဖွဲ့ (KIO) ထိန်းချုပ်ထားသော နယ်မြေအထိ ရောက်သည်။ ပြီးခဲ့သည့်နှစ် မေလ က ရေကာတာ ဆောက်လုပ်ရေး လုပ်ငန်းခွင်တွင် ဗုံးများကွဲခဲ့ပြီး ဆောက်လုပ်ရေး မရပ်ပါက ပြည်တွင်းစစ် ဖြစ်နိုင်သည်ဟု KIO က သတိပေးခဲ့သည်။ KIO ၏ လက်နက်ကိုင်တပ် သည် မကြာသေးမှီက အပစ် အခတ် ရပ်ထားသော်လည်း အစိုးရတပ်ဖွဲ့များနှင့် တိုက်ပွဲများ ဖြစ်ပွားခဲ့သည်။

KIO သည် အစိုးရ နယ်ခြားစောင့်တပ် အစီအစဉ်ကို လက်မခံခြင်းကြောင့် ပြီးခဲ့သည့်နှစ် ရွေးကောက်ပွဲတွင် ပါဝင်ခွင့် မရရှိခဲ့ပေ။ ယင်း၏ ခြိမ်းခြောက်မှုများသည် အရပ်သား အစိုးရသစ် သမ္မတ ဦးသိန်းစိန် တရုတ်နိုင်ငံသို့ သွားရောက်ပြီးနောက် ထွက်ပေါ်လာခြင်း ဖြစ်သည်။

တရုတ်သည် မြန်မာနိုင်ငံတွင် များစွာ ရင်းနှီးမြှုပ်နှံထားသည်။ နိုင်ငံခြား ရင်းနှီးမြှုပ်နှံမှုတွင် အများဆုံး ဖြစ်သည်။ မြစ်ဆုံ စီမံကိန်းသည် တရုတ်က ရင်းနှီး မြှုပ်နှံထားသော ရေအား လျှပ်စစ် စီမံကိန်းများ၊ သတ္တုတွင်းနှင့် အခြေခံ အဆောက်အဦ စီမံကိန်းများအနက် တစ်ခု ဖြစ်သည်။ တရုတ်၏ ရည်မှန်းချက် အထားဆုံးမှာ ယင်း၏ ရေနံစိမ်း သဘောင်္များအတွက် ရေနက် ဆိပ်ကမ်းပင် ဖြစ်သည်။ ယင်းသည် ၂၀၁၃ တွင် ပြီးစီးမည်ဖြစ်ရာ မြန်မာနိုင်ငံ၏ ရွှေသဘာဝဓာတ်ငွေ့ လုပ်ကွက်မှ ဓာတ်ငွေ့ကို သယ်ဆောင်နိုင်မည် ဖြစ်ပြီး တရုတ်၏ ရေနံ တင်သွင်းမှု လိုအပ်ချက်၏ ၁၀% ကို သက်သာ စေမည် ဖြစ်သည်။

ယခုကဲ့သို့ နီးကပ်စွာ ဆက်ဆံရေးသည် နှစ်ဖက်စလုံး အတွက် သက်သာလှသည်တော့ မဟုတ်ပါ။ တရုတ်လူမျိုး တစ်သန်းမှ နှစ်သန်းခန့်သည် မြန်မာနိုင်ငံ မြောက်ပိုင်းသို့ ပြောင်းရွေ့ ၀င်ရောက်လာကြသည်။ ယင်းတို့သည် ကျောက်စိမ်း ရောင်းဝယ်ရေး၊ မြေဈေးများ မြင့်တက်စေခြင်း နှင့် မန္တလေး နှင့် မြစ်ကြီးနားတို့တွင် ယင်းတို့၏ ကြွယ်ဝမှုများကို မြှုပ်နှံ နေကြသည်။ မြစ်ကြီးနားတွင် တရုတ် နံပါတ်ပြား တပ်ထားသော ကားများ တွေ့နေရသည်။ ဒေသခံများ၏ မကျေနပ်မှုများ တိုးပွားလာသည်။ ခရစ်ယာန် ဘုရားကျောင်း အကြီးအကဲများးက တရုတ်လူမျိုးများက လူဦးရေ တစ်ဝက် ရှိနေပြီဖြစ်ကြောင်း ပြောသည်။ မြန်မာ အများစုက ပြောကြားရာတွင် မြောက်ပိုင်း ဒေသများသည် တရုတ်၏ ပြည်နယ် တစ်ခုကဲ့သို့ ဖြစ်နေပြီဟု ဆိုကြ သည်။

တရုတ်ကလည်း သူ့အပိုင်းတွင် ယင်း၏ ရင်းနှီးမြှုပ်နှံမှုများနှင့် ယင်း၏ လူမျိုးများ အပေါ် စိုးရိမ် ပူပန်မှုများ ရှိနေသည်။ ယခင်က တရုတ်သည် စစ်တပ်နှင့် တိုင်းရင်းသား သူပုန်များကြားတွင် တိုက်ပွဲများ မဖြစ်ရေးအတွက် မြန်မာ အစိုးရ ခေါင်းဆောင်များကို ထောက်ခံ ကူညီခဲ့သည်။ သို့သော် ၂၀၀၉ ခုနှစ်တွင် ကိုးကန့်များနှင့် ပဋိပက္ခ ဖြစ်သောအခါ တရုတ် ဟန် လူမျိုး (၃၇၀၀၀)ကျော် သည် တရုတ်နိုင်ငံသို့ ထွက်ပြေးလာခြင်းကြောင့် မြန်မာ စစ်အစိုးရကို ပြင်းထန်စွာ ဝေဖန်ခဲ့သည်။

တရုတ်၏ စီးပွားရေး အကျိုးစီးပွားက ကြီးထွားလာသော အခါ ယင်း၏ ဆိပ်ကမ်းသစ်နှင့် ပိုက်လိုင်းများ လုံခြုံရေးကို စောင့်ကြည့်နိုင်ရန် မြန်မာ့ ဆိပ်ကမ်းများနှင့် ရေပိုင်နက်များကို ပိုမို ထိတွေ့ရေး ဖိအားပေးလာသည်။ မြန်မာနိုင်ငံ အနေဖြင့်  ယခင် ကတည်းက ယင်း၏ အိမ်နီးချင်း တရုတ် အပေါ် သံသယ အမြစ်တွယ်ပြီး ဖြစ်နေရာ ယခု ကိစ္စမှာ အပ်နှင့် ခပ်ဆတ်ဆတ် ထိုးလိုက်သလို နာကျင်ရမည့် ကိစ္စဖြစ်သည်။

နိုင်ငံခြားသား ကြောက်သော မြန်မာ ခေါင်းဆောင်များသည် တရုတ်အပေါ် မှီခို နေရမှုများကို လျှော့ချသည့် အနေဖြင့် အိန္ဒိယနှင့် အနောက် နိုင်ငံများ အပေါ် ကစားလျက် ရှိသည်။ သို့သော် အိန္ဒိယ ကလည်း မြန်မာနိုင်ငံတွင် ခြေကုတ်ရရေး ကြိုးစားမှု နှေးကွေးလျက် ရှိပြီး၊ အမေရိကန်နှင့် ဥရောပ သမဂ္ဂကလည်း မကြာသေးမှီက မြန်မာနိုင်ငံအပေါ် ချမှတ်ထားသော Sanctions များ သက်တမ်းတိုး ခဲ့သည်။ အမေရိကန်၏ ပိတ်ဆို့မှုတွင် ကမ္ဘာ့ဘဏ်မှ ငွေချေးခြင်းများလည်း ပါဝင်သည်။ ထို့ကြောင့် ပတ်ဝန်းကျင် ဆိုင်ရာ ထိခိုက်မှုများ ရှိသော မြစ်ဆုံကဲ့သို့သော ပရောဂျက်ကြီးများ ဖြစ်ပေါ်လာရ ပေသည်။

ထို့ကြောင့် မြန်မာ အစိုးရသည် တရုတ်ကို လိုအပ်သည်ထက် ပို၍ မှီခိုလာရသည်။ မြန်မာ ဘုန်းတော်ကြီး တစ်ပါး ပြောသကဲ့သို့ “ငါတို့ကတော့ တရုတ် ရဲ့ မီးဖိုချောင်ပဲ။ သူတို့ လိုချင်တာတွေ ယူသွားပြီး အမှိုက်တွေပဲ ပစ်ထားခဲ့တယ်” ဟု ဆိုရမလိုပင် ဖြစ်နေချေသည်။

*****************************************************************************

တရုတ်အတွက် အကြံဥာဏ် အနည်းငယ်

(Contra Costa Times မှ 6 June 2011 ရက်စွဲပါ နယူးယောက်တိုင်းမ် ဆောင်းပါးရှင် Thomas Friedman ၏ “Some advice for China” ကို ဆီလျော်အောင် ဘာသာပြန်ဆိုသည်)

မှ/             နိုင်ငံတော် လုံခြုံရေး ၀န်ကြီးဌာန

သို့/           သမ္မတ ဟူကျင်းတောင်

အကြောင်းအရာ။   ။ အာရပ်ကမ္ဘာ တော်လှန်မှု

                လေးစားရပါသော သမ္မတ “ဟူ”။ လူကြီးမင်းက အာရပ် ကမ္ဘာ တော်လှန်မှုအပေါ် ကျွန်တော်တို့ရဲ့ အကဲဖြတ်ချက်ကို တောင်းဆိုထားပါတယ်။ ကျွန်တော်တို့ရဲ့ သုံးသပ်ချက်ကတော့ အာရပ် ကမ္ဘာက တော်လှန်မှုတွေထဲမှာ တရုတ် ကွန်မြူနစ် ပါတီ အုပ်ချုပ်မှုအတွက် အရေးကြီးတဲ့ သင်ခန်းစာ အချို့ ပါဝင်နေတယ်လို့ ဆိုချင်ပါတယ်။ အကြောင်းကတော့ ၂၁ ရာစုမှာ တော်လှန် အုံကြွ မှုတွေ ဘယ်လို ပြန့်ပွားလာသလဲ ဆိုတဲ့ အကြောင်းအရာသစ်နဲ့ ဘာကြောင့် ပေါက်ကွဲ လာရသလဲ ဆိုတဲ့ အကြောင်းအရာ ဟောင်းကို ဒီကူးစက်မှုက ထုတ်ဖော် ပြသနေလို့ပါ။

                အကြောင်းအရာသစ်နဲ့ အရင်စကြရအောင်။ သက္ကရာဇ် ၂၀၀၀ တစ်ဝိုက်မှာ ကမ္ဘာကြီးဟာ အလွန် အဆင့်မြင့်တဲ့ ဆက်သွယ်မှု စနစ်ကို ရရှိသွားပြီး ကမ္ဘာလုံးဆိုင်ရာ စီးပွားရေး “ခွင်” ကို လုံးဝ နီးနီး ပြားသွားစေပါတယ်။ တစ်ကိုယ်ရေသုံး ကွန်ပျူတာတွေ၊ ဖန်မျှင်နန်းကြိုး၊ အင်တာနက်နဲ့ ၀က်ဘ် ဆာဗာတွေရဲ့ ပျံ့နှံ့မှု အပေါ်မှာ ၀က်ဘ် (web) ဆက်သွယ်မှု စနစ်ကို တည်ဆောက်ခဲ့ပါတယ်။ ဒီ ဆက်သွယ်ရေး ပလက်ဖောင်းရဲ့ လုပ်ဆောင်မှုက ဘော့စတွန်နဲ့ ဘီဂျင်း (သို့) ဒက်ထရွိုက်နဲ့ ဒမတ် စကတ်တို့ကို ကပ်ရပ် အိမ်နီးခြင်းတွေလို ဖြစ်သွားအောင် လုပ်ပေးခဲ့ပါတယ်။  အင်တာနက် ကွန်ယက်ဟာ လူပေါင်း သန်း ၂၀၀၀ လောက်ကို ကမ္ဘာလုံးဆိုင်ရာ စကားဝိုင်းထဲကို ခေါ်ယူ ခဲ့ပါတယ်။

                လူကြီးမင်း သိတဲ့အတိုင်း အမေရိကန် ပြည်ထောင်စုရဲ့ စီးပွားရေး အကျပ်အတည်း အပေါ် ကျွန်တော်တို့ အာရုံ ရောက်နေချိန်မှာပဲ ကျွန်တော် တို့ဟာ အချိတ်အဆက် မိနေတဲ့ ကမ္ဘာကနေ အလွန် ချိတ်ဆက်မှု ကောင်းတဲ့ ကမ္ဘာကို ရောက်သွားကြပါတယ်။ ဒီကွန်ယက်ဟာ ဘောစတွန်၊ ဘီဂျင်း ကနေ အခုဆိုရင် အတွင်း မွန်ဂိုလီးယား ဘာအိုတောင် အထိ ချိတ်ဆက် ပေးခဲ့ပါပြီ။ ဒီ ဆက်သွယ်ရေးရဲ့ နက်ရှိုင်းစွာ ထိုးဖောက်မှုဟာ အဆင့်မြင့် ဆဲလ်ဖုန်းတွေ၊ ၀ါယာလက် စနစ်နဲ့ လူမှု ကွန်ယက်တွေ အပေါ်မှာ အခြေခံ တည်ဆောက်ထားတာ ဖြစ်ပါတယ်။ ဒီလို စရိတ် သက်သာပြီး ရွေ့လျား (mobile) နိုင်တဲ့ ဆက်သွယ်ရေး ပလက်ဖောင်းသစ်ဟာ ပို၍ ပို၍ ဝေးလံ ခက်ခဲတဲ့ ဒေသတွေက နောက်ထပ် လူပေါင်း သန်း ၂၀၀၀ လောက်ကို ကမ္ဘာ့ စကားဝိုင်းထဲသို့ ခေါ်ယူလျက် ရှိပါတယ်။

ဒီ ကွန်ယက်ကို အရှေ့အလယ်ပိုင်း ကမ္ဘာထဲ ရောက်အောင် ပို့လိုက်တဲ့ အခါမှာတော့ ဆက်သွယ်ရေး ပလက်ဖောင်းသစ်ဟာ ဒက်ထရွိုက်နဲ့ ဒမတ်စကတ်နဲ့ ဒါရာနဲ့ ချိတ်ဆက်ပေးခဲ့ပါတယ်။ ဒါရာ ဆိုတာ ဘယ်မှာလဲလို့ လူကြီးမင်းက မေးမှာပါ။ ဒါရာ ဆိုတာ ကတော့ ဆီးရီးယားနဲ့ လူထု အုံကြွ မှုတွေ စတင် ဖြစ်ပွားခဲ့တဲ့ နယ်ခြား မြို့ငယ်လေး တစ်ခုပါ။ ဒါရာမြို့က ဒေသခံတွေက ဆီးရီးယား အစိုးရရဲ့ ရက်စက်မှုတွေ မှန်သမျှကို ဗီဒီယို၊ Twitter, Facebook ကွန်ယက် တွေကနေ တဆင့် တစ်ကမ္ဘာလုံး သိအောင် ပေးပို့ ပြသနေပါတယ်။

လူကြီးမင်းကို ပြချင်တဲ့ အချက်ကတော့ ကမ္ဘာကြီးဟာ အခု အချိန်မှာ အချိတ်အဆက် အလွန် ကောင်းသွားပြီဖြစ်လို့ အိမ်တွင်းရေး၊ ပြည်တွင်းရေးဆိုတဲ့ ကိစ္စမျိုး လုံးဝ မရှိတော့ဘူး ဆိုတာပါပဲ။ လက်ရှိ အချိန်မှာ ဘယ်လို နိုင်ငံက ဖြစ်ဖြစ်၊ ဘယ်လောက်ဝေးတဲ့ ဒေသက ဖြစ်ဖြစ်၊ အရာရာဟာ သူတို့ကို ဖြန့်ချီပေးမယ့် ကမ္ဘာ့ ပလက်ဖောင်း ပေါ်ကို ချက်ခြင်း စီးဝင်နေပါပြီ။ ၀က်ဘ် စာမျက်နှာများ အတွက် လက်တော့ ကွန်ပျူတာ၊ အင်တာနက်နဲ့ ရှာဖွေရေး (search engine) အင်ဂျင် တို့ရဲ့ ပေါင်းစည်း လုပ်ဆောင်မှုဟာ ကွန်ယက် ချိတ်ဆက်မှု ရှိသူ မည်သူကို မဆို စိတ်ဝင်စားတဲ့ အရာမှန်သမျှ ရှာဖွေ နိုင်စေသလို၊ ဆဲလ်ဖုန်း၊ အင်တာနက်နဲ့ facebook တို့ရဲ့ ပေါင်းစည်း လုပ်ဆောင်မှု ဟာလည်း မည်သူကို မဆို စိတ်ဝင်စားသူ မှန်သမျှကို ရှာဖွေ စေနိုင်ပါတယ်။ ဒီနောက် မှာတော့ ညှိနှိုင်း ပူးပေါင်း ဆောင်ရွက်မှုနဲ့အတူ နာကျည်းစရာ အကြောင်းရင်းတွေ စိတ်အား ထက်သန်မှုတွေကို မျှဝေကြပါတယ်။

နိုင်ငံပိုင် ရုပ်သံတွေကို ထိန်းချုပ်ခြင်း၊ ပြည်သူတွေကို သတင်းမှောင် ချခြင်းတို့ကို အာရပ် အာဏာရှင်တွေ လုပ်နိုင်ခဲ့တဲ့ အချိန်ဟာ ကုန်လွန် သွားခဲ့ ပါပြီ။ ဆီးရီးယားတွေဟာ သူတို့ရဲ့ လျှပ်စစ် ဓာတ်အားလိုင်းတွေကို ပိတ်ပစ်နိုင်တယ် ဆိုရင်တောင် ဆဲလ်ဖုန်း ကွန်ယက် တွေကိုတော့ ဒီထက် ပိုပြီး ပိတ်လို့ မရနိုင်တော့ပါဘူး။

ဒီတစ်ချက်ကို လူကြီးမင်း စဉ်းစားကြည့်ပါ။ CNN, BBC အစရှိတဲ့ နိုင်ငံခြား သတင်းလိုင်း အားလုံးကို ဆီးရီးယား အစိုးရက ပိတ်ထားပေမယ့် You Tube ကိုဝင်ပြီး ဒါရာ “Dara” ဆိုတဲ့ စကားလုံးကို ရိုက်ထည့်လိုက်မယ်ဆိုရင် ဆီးရီးယား အစိုးရရဲ့ နှိမ်နှင်း ဖြိုခွဲမှု နောက်ဆုံး ရိုက်ကူးထားတဲ့ လတ်လတ်ဆတ်ဆတ် ရုပ်ပုံ ဗီဒီယို ကို အကြည်လင်ဆုံး တွေ့မြင်ရမှာပါ။ ရိုက်ကူးမှု အားလုံးကို ဆီးရီးယား ပြည်သူတွေက ဆဲလ်ဖုန်းတွေ၊ ဒီဂျစ်တယ် ကင်မရာတွေနဲ့ ရိုက်ယူပြီး You Tube (သို့) အသစ် ဖန်တီးထားတဲ့ “Sham News Network” လို ၀က်ဘ်ဆိုက်တွေ ပေါ်ကို လွှင့်တင်လိုက်ကြတာ ဖြစ်ပါတယ်။ ဘာကိုမှ ဖုံးဖိထားလို့ မရတော့ပါဘူး။

အာရပ် ကမ္ဘာ အုံကြွမှုမှာ ကျွန်တော်တို့ တွေ့မြင်ရတဲ့ ဒုတိယ အကြောင်းအရာကတော့ ဆီလီကွန် တောင်ကြားက SRI International ရဲ့ စီအီးအို Curtis Carlson အခိုင်အမာ တင်ပြထားတဲ့ “Carlson’s Law” ရှင်းလင်း ဖွင့်ဆိုမှု ဖြစ်ပါတယ်။ Carlson’s Law ရဲ့ ဖော်ပြချက် ကတော့ “ ပညာရေးနဲ့ ဈေးပေါတဲ့ တီထွင်မှု ကိရိယာတွေကို အလွယ်တကူ ရထားသော လူများစွာ ရှိနေတဲ့ ကမ္ဘာကြီးမှာ အောက်ခြေက ထွက်ပေါ်လာတဲ့ တီထွင်မှုဟာ အစီအစဉ် မကျပေမယ့် စမတ်ကျတယ်၊ ထိပ်ပိုင်းက ထွက်ပေါ်လာတဲ့ တီထွင်မှုဟာ အစီအစဉ် ကျပေမယ့် သုံးလို့မရဘူး လို့ ဆိုထားပါတယ်။ ဒါကြောင့် ဒီကနေ့ တီထွင်မှုတွေရဲ့ ချစ်စရာ ကောင်းတဲ့ အကွက်ကတော့ ပြည်သူတွေနဲ့ အနီးဆုံး ဖြစ်အောင် ဆင်းသက် ရွေ့လျားနေတာ ဖြစ်ပြီး အထက်ကို ဆန်တက်ခြင်း မရှိပါဘူး။ အကြောင်းကတော့ အတူတကွ ရှိနေကြသူ အားလုံးဟာ တစ်ကိုယ်တော် နေသူတွေထက် ပိုပြီး စမတ်ကျလို့ပဲ ဖြစ်ပါတယ်။ အခုအချိန်မှာ လူတွေအားလုံးဟာ တီထွင်စရာ ကိရိယာတွေ ရှိနေ ကြပြီး ပူးပေါင်း လုပ်ဆောင် နေကြပါပြီလို့ Carlson က ဆိုထားပါတယ်။

အီဂျစ်က ဟော့စနီ မူဘာရတ် အစိုးရဟာ တော်တော့်ကို အသုံး မကျလွန်း အားကြီးပြီး လူထု အုံကြွမှုကို ပြေလည်အောင် ဖြေရှင်းဖို့ နှေးကွေးခဲ့ပါတယ်။ တာရစ် ရင်ပြင်က တော်လှန်ရေး သမားတွေက စမတ်ကျပေမယ့် အစီအစဉ် မကျသလို ခေါင်းဆောင်မှုလည်း မရှိပါဘူး။ ဒါကြောင့် ဒီကနေ့ခေတ် ကုမ္ပဏီတွေ၊ နိုင်ငံတွေက ခေါင်းဆောင်တွေရဲ့ ကဏ္ဍဟာ အောက်ခြေကနေ တက်လာတဲ့ တီထွင် ဆန်းသစ်မှုတွေ အားလုံးကို လှုံ့ဆော်၊ အားဖြည့်၊ ပံ့ပိုးပေးပြီး ဒီနောက်မှာမှ တည်းဖြတ် ရောသမမွှေ ပေးရမှာ ဖြစ်ပါတယ်။ ကျွန်တော်တို့ ဆိုလိုချင်တဲ့ သဘောတရားကို လူကြီးမင်း မြင်ပါပြီလား။

ဒါပေမယ့် ဒီအချက်ဟာ နည်းပညာ ကိစ္စချည်း သက်သက် မဟုတ်ပါ။ ရုရှား သမိုင်း ပညာရှင် Leon Aron ရဲ့ ထောက်ပြမှု အရဆိုရင် အာရပ် ကမ္ဘာက အုံကြွမှုတွေဟာ ၁၉၉၁ ခုနှစ်က ရုရှား ဒီမိုကရေစီ တော်လှန်ရေးရဲ့ အဓိက သွင်ပြင်  လက္ခဏာ တစ်ခုနဲ့ အနီးစပ်ဆုံး ဆင်တူနေတယ်လို့ ဆိုပါတယ်။ ဒီတော်လှန်ရေးတွေဟာ လွတ်လပ်ခွင့်တို့၊ စားနပ်ရိက္ခာတို့နဲပ သိပ်ပြီး မသက်ဆိုင်ပဲ ဂုဏ် သိက္ခာနဲ့သာ ပတ်သက် နေတာဖြစ်ပါတယ်။ ဒါကြောင့် ပြည်သူတွေရဲ့ သူတို့ဘ၀ သူတို့ ဖန်တီးလိုတဲ့ ဆန္ဒ၊ နိုင်ငံသား တစ်ယောက်လို ဂုဏ်သိက္ခာ ရှိရှိ ဆက်ဆံခံချင်တဲ့ ဆန္ဒတွေ ပေါ်မှာ နက်နက် ရှိုင်းရှိုင်း အမြစ်တွယ်ပြီး ဒီလို တော်လှန်ရေးတွေ ပေါက်ဖွားလာရတာ ဖြစ်ပါတယ်။ ဒီ တာဝန်တွေ၊ အခွင့်အရေး တွေ နှစ်မျိုးစလုံးကို နိုင်ငံတော်က ပေးရုံလေးတောင် မလုပ်နိုင်လို့ ပါပဲ။

တကယ်လို့ တော်လှန်ရေးတွေ ဖြစ်ပေါ်လာရတဲ့ အကြောင်းရင်းကို သိချင်တယ် ဆိုရင်တော့ ဒါဟာ ဂျီဒီပီ တက်လို့၊ ကျလို့ မဟုတ်ပဲ လူ့ဂုဏ်သိက္ခာကို ရှာဖွေတဲ့ အကြောင်းရင်းသာ ဖြစ်တယ်လို့ Aron က ဆိုပါတယ်။ ပြည်သူတွေရဲ့ လိုအပ်မှု၊ တောင်းဆိုမှုနဲ့ ပတ်သက်လာရင် ကျွန်တော် တို့ဟာ အမြဲတမ်း ဆိုသလို ဂျီဒီပီကိုသာ ပုံကြီးချဲ့ လေ့လာလေ့ ရှိကြပြီး အကောင်းဆုံး စံညွှန်းတွေ လိုချင်တာ တွေကိုတော့ လျှော့တွက်မိကြပါတယ်။ “ပေါင်မုန့်ရဲ့ အရင် ဂုဏ်သိက္ခာကို ပေးပါ” ဆိုတာဟာ တူနီးရှား တော်လှန်ရေးရဲ့ ကြွေးကြော်သံတစ်ခုပါ။ ဖြူစ် (ဒဏ်ခံကြိုး) ပြတ်သွားစေတဲ့ မီးပွားဟာ ဂုဏ် သိက္ခာအတွက် တောင်းဆိုမှုသာလျှင် ဖြစ်တယ်လို့ Aron က ပြောကြားပါတယ်။ ဒီကနေ့ ခေတ်ရဲ့ နည်းပညာဟာ ငြိမ်းသတ်ရတာ ပိုပြီး ခက်ခဲလာတဲ့ မီးတောက်ကို ပြုလုပ်ပေးရုံသာ ဖြစ်ပါတယ် လို့ သူက ဆိုပါတယ်။

တရုတ်နိုင်ငံမှာလည်း ဒီအချက်ကို ထည့်သွင်း စဉ်းစားဖို့ လိုအပ် ပါတယ်။ ပြည်သူတွေ အတွက် ဖြန့်ဝေပေးနိုင်ခဲ့တဲ့ လူနေမှုအဆင့်အတန်း တိုးတက်မှုကိုတော့ ဂုဏ်ယူရမှာ ဖြစ်ပါတယ်။ ဒီကိစ္စကို တော်တော်များများ ကလည်း အသိအမှတ်ပြု နားလည် ကြပါတယ်။ ဒါပေမယ့်လည်း သူတို့တွေရဲ့ ဘ၀တွေမှာ ဒီကိစ္စ တစ်ခုတည်း ရှိတာ မဟုတ်ပါဘူး။ တစ်ချို့ကဏ္ဍ၊ တစ်ချို့ ရှုထောင့်တွေမှာ လူနေမှုအဆင့်ဟာ အရေးအကြီးဆုံး အရာ ဖြစ်လို့ မဆိုနိုင်ပါဘူး။ ကျွန်တော် ဆိုလိုချင်တာကို လူကြီးမင်း နားလည်မယ်လို့ ထင်ပါတယ်။

 

*************                             ****************                            *****************


Google Docs makes it easy to create, store and share online documents, spreadsheets and presentations.
Logo for Google Docs

0 comments:

Post a Comment