Transparency Myanmar

transparency.myanmar@gmail.com

yangonchronicle2011
yangonchronicle2011

၁၆.၁၁.၂၀၁၁

ပြည်တွင်းသတင်းများ

  1. လယ်မြေမရှိဘဲ ကျေးရွာအုပ်ရေးမှူး စိုက်ဘဏ်ချေးငွေ လိမ်ထုတ်
  2. သီလဝါအထူးစီးပွားရေးဇုန်အတွက် စီမံကိန်းတည်ဆောက်၍ ရေပေးဝေမည်

ပြည်တွင်းပါတီ၊ နိုင်ငံရေးသတင်းများ

  1. မန္တလေးသံဃာ့ဆန္ဒပြမှု ရန်ကုန်သို့ ဂယက်ရိုက်
  2. လူမှုစီးပွား တိုးတက်ရေးအတွက် ဌာနများစုပေါင်း၍ သမ္မတထံစာတမ်းတင်မည်
  3. ရပ်ကွက်ရုံးအသုံးစရိတ် ပြည်သူများပေးနေရဆဲ

သတင်းနှင့် ဆောင်းပါးများမှ ကောက်နှုတ်ချက်များ

************************************************************

ပြည်တွင်းသတင်းများ

လယ်မြေမရှိဘဲ ကျေးရွာအုပ်ရေးမှူး စိုက်ဘဏ်ချေးငွေ လိမ်ထုတ်

ရန်ကုန်တိုင်းဒေသကြီး ကွမ်းခြံကုန်းမြို့နယ် ငှက်ကြီးဒေါင့်ကျေးရွာ အုပ်ချုပ်ရေးမှူးသည် လယ်ပိုင်မရှိဘဲ မြေစာရင်း လိမ်တင်ကာ မြန်မာ့ လယ်ယာစိုက်ပျိုးရေးဘဏ်မှ မိုးစပါးစိုက်ပျိုးစရိတ်ချေးငွေများ ကိုယ်ကျိုးအတွက် လိမ်လည်ထုတ်ယူခဲ့ကြောင်း လယ်သမားများက ပြောကြားသည်။

လယ်သမား ၃၆ဦး အမည်စာရင်းနှင့် လယ်ဧက စုစုပေါင်း ၃၃၅ ဧကအတွက် ကျပ်ငွေ သိန်း ၆၅ သိန်းကျော် မြေစာရင်း၊ ဘဏ်ဝန်ထမ်း တစ်ချို့နှင့် ပူးပေါင်း ငွေလ်ိမ်ထုတ်ယူခဲ့ကြောင်း ဒေသခံများအဆိုအရ သိရှိရသည်။

ယင်း ကျေးရွာအုပ်ချုပ်ရေးမှူး မလျှော်ကန်သော အပြုအမူကို သမ္မတနှင့် တိုင်းဒေသကြီး ၀န်ကြီးချုပ်ထံ တင်ပြထားကြောင်း ထပ်ဆင့်သိ ရသည်။

ဖခင်တစ်ဦးတည်း နာမည်လေးလုံးနှင့် လူတစ်ဦး အမည်နှစ်ပိုင်း ခွဲထုတ်ယူခဲ့ကြောင်း (ဥပမာ အဖ ဦးတင်လှိုင်၏ သား ဦးကြင်မြင့်ဦးကို ဦးကြင်မြင့်အနေဖြင့် တစ်ကြိမ်၊ ဦးမြင့်ဦးအနေဖြင့် တစ်ကြိမ် နှစ်ကြိမ်ခွဲထုတ်ကြာင်း )  တောင်သူတစ်ဦးက ဆိုသည်။

ယခုနှစ်တွင် အစိုးရမှ လယ်များရေမြုပ်ကုန်သဖြင့် စိုက်ပျိုးစရိတ်ကို တစ်ဧက ကျပ်နှစ်သောင်းမှ လေးသောင်းအထိ တိုးမြှင့်ထုတ်ပေးသော် လည်း အောက်ခြေ အကောင်အတည်ဖော်ရသူ ပြည်ခိုင်ဖြိုးပါတီဝင်များနှင့် အကျင့်ပျက် ၀န်ထမ်းများ ကိုယ်ကျိုးရှာခြင်းဖြစ်ကြောင်း စုံစမ်းသိရသည်။

မိဖြူ

-----------------------------------------------------------------------------------------------------------------------------------

သီလဝါအထူးစီးပွားရေးဇုန်အတွက် စီမံကိန်းတည်ဆောက်၍ ရေပေးဝေမည်

၂၀၁၂-၂၀၁၃ ဘဏ္ဍာရေးနှစ်တွင် သီလဝါ အထူးစီးပွားရေးဇုန်အတွက် စစ်ပင်တောင်စီမံကိန်း တည်ဆောက်၍ ရေဂါလန် ၄၅ သန်းကို ပေးဝေ သွားမည်ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီမှ တာဝန်ရှိသူတစ်ဦးက ပြောကြားခဲ့သည်။

ရန်ကုန်တောင်ပိုင်းခရိုင် သန်လျင်မြို့နယ်၌ လုပ်ကိုင်လျက်ရှိသည့် သီလဝါ အထူးစီးပွားရေးဇုန်အတွင်း ရေပေးဝေနိုင်ရေးစီမံကိန်းကို ဒဂုံ မြို့သစ် အရှေ့ပိုင်းမြို့နယ် စစ်ပင်တောင်ကျေးရွာအနီး အမှတ်(၇) လမ်းနှင့် ငမိုးရိပ်ချောင်းဆုံရာနေရာ ငမိုးရိပ်ရေထိန်းတံခါး အထက်ဖက်တွင် တည်ဆောက်သွားမည်ဖြစ်ကြောင်း သိရသည်။

ယခုတည်ဆောက်မည့် စစ်ပင်တောင် စီမံကိန်း ပြီးစီးသွားပါက သီလဝါ အထူးစီးပွားရေးဇုန်သာမက သာကေတ၊ ဒေါပုံနှင့် ဒဂုံမြို့သစ် မြို့နယ်များကိုပါ ရေပေးဝေနိုင်မည်ဖြစ်ကြောင်း သိရသည်။

အများပြည်သူများအတွက် သန့်ရှင်းကြည်လင်ပြီး ကျန်းမာရေးနှင့် ညီညွှတ်သည့် သောက်သုံးရေ ရရှိရေးအတွက် ငမိုးရိပ်ချောင်း ရေချိုပိုင်းမှ ရေကို အသုံးပြုသွားမည်ဖြစ်ပြီး လက်ရှိအချိန်တွင် ရေပေးဝေနိုင်ရေးစီမံကိန်းအတွက် အင်ဂျင်နီယာများမှ စတင်ဆောင်ရွက်နေပြီဖြစ်ကြောင်း သိရ သည်။

ထို့ပြင် မြန်မာ-ကိုရီးယားပူးပေါင်း၍ သီလဝါအထူးစီးပွားရေးဇုန်အတွင်း ဒေါ်လာ ငါးဘီလီယံကျော် ရင်းနှီးမြှုပ်နှံ၍ Myanko မြို့တော်တစ်ခုကို တည်ဆောက်သွားမည်ဖြစ်ကြောင်း သိရသည်။

ဒေသတွင်းပြည်သူများ စီးပွားရေးဖွံ့ဖြိုးတိုးတက်နိုင်စေရန် သီလဝါ အထူးစီးပွားရေးစီမံကိန်းဇုန်၌ စက်မှုဇုန်များ၊ ပိာုတယ်များ၊ ကွန်ဗင်းရှင်း စင်တာများ တည်ဆောက်၍ နိုင်ငံတကာနှင့် ကုန်သွယ်မှုလုပ်ငန်းကို လုပ်ကိုင် ဆောင်ရွက် သွားမည်ဖြစ်ကြောင်း သိရသည်။

                                                                                                      Ref:ပြည်မြန်မာ

***************************************************************************************

ပြည်တွင်းပါတီ၊ နိုင်ငံရေးသတင်းများ

မန္တလေးသံဃာ့ဆန္ဒပြမှု ရန်ကုန်သို့ ဂယက်ရိုက်

မန္တလေးမြို့တွင် နိုင်ငံရေးအကျဉ်းသားများလွတ်မြောက်ရေးအတွက် သံဃာများ ဆန္ဒပြနေမှုသည် ရန်ကုန်မြို့သို့ ကူးစက်လာတော့မည် ဖြစ်ကြောင်း သိရသည်။

ရန်ကုန်မြို့ရှိ သံဃာများက နိုဝင်ဘာလ ၁၆ရက်နေ့ နေ့လည် ၁နာရီတွင် ရွှေတိဂုံစေတီတော် အရှေ့ဘက်မုဒ်ရှိ ကြေးသွန်းဘုရားတွင် နိုင်ငံရေး အကျဉ်းသားများ ထပ်မံလွတ်မြောက်လာရေးအတွက် ဆုတောင်းပွဲပြုလုပ်မည်ဟု သတင်းကြောင့် လုံခြုံရေးများ တင်းကြပ်စွာချထားကြောင်း ဘုရားဖူးများက ပြောကြားသည်။

နိုဝင်ဘာ ၁၅ရက်နေ့ ညနေ ၄နာရီကလည်း လှည်းတန်းတွင် သံဃာများဆန္ဒပြမည်ဟု ကောလဟာလများ ထွက်ပေါ်ခဲ့ကြောင်း သိရသည်။

“ဥူးဇင်းတို့ စုစည်းနေပါတယ် အခြေအနေကိုကြည့်ပြီး ရန်ကုန်မှာ လှုပ်ရှားသွားမယ်။” ဟု ရန်ကင်းမြို့နယ်ရှိ မိုးကောင်းတွင် သီတင်းသုံး နေထိုင်သည့် သံဃာတစ်ပါးက မိန့်ကြားသည်။

မန္တလေးမြို့ မဟာမြတ်မုနိဘုရားကြီးရှိ မဟာဗုဒ္ဓ၀င် ဗိမာန်တော်ကြီးတွင် သံဃာတော် (၅) ပါးက နိုဝင်ဘာလ ၁၅ရက်နေ့ မနက်ပိုင်းမှ စ၍ မြန်မာပြည် ငြိမ်းချမ်းရေးနှင့် ဒီမိုကရေစီရေးအတွက် ဆန္ဒဖော်ထုတ် ဟောပြောခဲ့ကြောင်း သိရသည်။

ဗိမာန်တော်ကြီး အရှေ့ဖက်ခြမ်းတွင် “မြန်မာပြည် အမြန်ငြိမ်းချမ်းပါစေ၊ လွတ်လပ်မှုကိုပေးပါ။ နိုင်ငံရေးအကျဉ်းသားများ ချက်ချင်းလွှတ်၊ ပြည်တွင်းစစ် ချက်ချင်းရပ်” စသည့် စာသားများကို မြန်မာ-အင်္ဂလိပ် နှစ်ဘာသာဖြင့် ရေးသားထားသည့် ပိတ်သားပိုစတာများချိတ်ဆွဲပြီး နိုဝင်ဘာ ၁၅ရက် နေ့ မနက် (၅) နာရီကျော်ခန့်က စတင်ကာ ဆန္ဒဖော်ထုတ်ခဲ့ခြင်း ဖြစ်ကြောင်း သိရသည်။

နိုင်ငံရေးအကျဉ်းသားများလွှတ်ပေးရေး၊ ပြည်တွင်းစစ်ရပ်စဲရေး၊ လွတ်လပ်စွာ ဟောပြောခွင့်ရရေး စသည့်အချက်သုံးချက်ပါ စာရွက်ကို နိုင်ငံ့ တာဝန်ရှိသူ အဆင့်ဆင့်ထံ တင်ပြရန်အတွက် သံဃာ့နာယက ဆရာတော်ကြီးများမှတဆင့် လက်မှတ်ထိုးပေးအပ်ခဲ့ကြောင်း လက်မှတ်ရေးထိုး ခဲ့သည့် သံဃာတော်တစ်ပါးက ပြောကြားသည်။

ဆန္ဒပြ သံဃာများသည် မန္တလေးမြို့ မစိုးရိမ်ကျောင်းတိုက်တွင် နိုဝင်ဘာ ၁၆ရက်နေ့ နေ့လည် ၁ နာရီမှ ၂ နာရီအထိ ဟောပြောခွင့်ရရှိပြီး လူစုခွဲခဲ့ကြရကြောင်း သိရသည်။

ယင်းဟောပြောပွဲသို့ လာရောက်ခဲ့သည့် သံဃာတော်များနှင့် ပြည်သူများကို နေ့လည်နှစ်နာရီမှစ၍ လူစုခွဲခဲ့ရာ ညနေ ၄နာရီတွင် အားလုံး လူစုခွဲထားပြီးဖြစ်ကြောင်း ဒေသခံတစ်ဦးက ပြောကြားသည်။

ယခုကဲ့သို့ သံဃာတော်များ ဆန္ဒပြခြင်းသည် ၂၀၀၇ စက်တင်ဘာ သံဃာ့လှုပ်ရှားမှုနောက်ပိုင်းနှင့် အစိုးရသစ်လက်ထက်တွင် ပထမဆုံး အကြိမ် ဖြစ်သည်။

သမ္မတ ဦးသိန်းစိန်၏ လွတ်ငြိမ်းချမ်းသာခွင့်တွင် နိုင်ငံရေးအကျဉ်းသား၂၀၀ ကျော်သာ ပါဝင်မှုကို သံဃာတော်များက ထောက်ပြဝေဖန်ပြီး တိုင်းပြည်တွင်း အမှန်တကယ်ပြောင်းလဲမှုကို လိုလားပါက နိုင်ငံရေးအကျဉ်းသားအားလုံး ခြွင်းချက်မရှိ လွှတ်ပေးရမည်ဟု သံဃာတော်များက မိန့်ကြား ခဲ့သည်။

ယခု ဆန္ဒပြမှုတွင် ဦးဆောင်ပါဝင်နေသည့် သံဃာ ၅ပါးထဲတွင် အရှင်သောပါကသည် ဂျာမနီနိုင်ငံတွင် နိုင်ငံရေး ခိုလှုံခွင့်ရထားပြီး မကြာသေးမီ ကာလက ပြည်တွင်းသို့ ပြန်လည်ရောက်ရှိလာသည့် သံဃာတစ်ပါးဖြစ်ကြောင်း သိရသည်။

Peace Press

-----------------------------------------------------------------------------------------------------------------------------------

လူမှုစီးပွား တိုးတက်ရေးအတွက် ဌာနများစုပေါင်း၍ သမ္မတထံစာတမ်းတင်မည်

ရန်ကုန်မြို့၌ လာမည့် ၂၀၄၀ ကာလအထိတိုင် လူမှုရေးနှင့် စီးပွားရေးဆိုင်ရာ ကိစ္စရပ်များတွင် ရေရှည်ဖွံ့ဖြိုးတိုးတက်နိုင်ရန် အချက် အလက်များ စုဆောင်း၍ ဌာနဆိုင်ရာ ၂၉ ခုမှ စာတမ်းများ ရေးဆွဲကာ နိုင်ငံတော်သမ္မတထံသို့ တင်ပြသွားမည်ဖြစ်ကြောင်း သိရသည်။

ရန်ကုန်တိုင်းဒေသကြီးအတွင်း နောက်လာမည့် အနှစ်သုံးဆယ်တွင် လူဦးရေအချိုးအစား၊ စီးပွားရေး၊ လူမှုရေး၊ သယ်ယူပို့ဆောင်ရေး စသည့် ကိစ္စရပ်များ၌ ဖွံ့ဖြိုးတိုးတက်နိုင်ရန်နှင့် အခြေအနေများကိုတွက်ချက်၍ ဖြစ်ပေါ်လာမည့် အခြေအနေများအလိုက် အကောင်အထည်ဖော် စီမံဆောင်ရွက် နိုင်စေရန် ရည်ရွယ်၍ စာတမ်းပြုစုရခြင်းဖြစ်ကြောင်း ရန်ကုန်တိုင်းဒေသကြီး အထွေထွေအုပ်ချုပ်ရေးဦးစီးဌာနမှ တာဝန်ရှိသူတစ်ဦးက ပြောကြားခဲ့သည်။

ရန်ကုန်မြို့တွင် လက်ရှိနေထိုင်လျက်ရှိသည့် လူဦးရေသည် ပျှမ်းမျှ ခြောက်သန်းခန့်ရှိပြီး နောင်လာမည့် အနှစ်လေးဆယ်တွက် လူဦးရေ ဆယ်သန်းခန့် ဖြစ်လာနိုင်သည့်အတွက် တိုးပွားလာမည့် လူဦးရေများအတွက် စားဝတ်နေရေးပြေလည်နိုင်မည့် အစီအစဉ်များကို အဓိကထား ရေးဆွဲ သွားမည်ဖြစ်ကြောင်း သိရသည်။

လူဦးရေ များပြားလာသည်နှင့်အမျှ စက်မှုဇုန်များ၊ စိုက်ပျိုးဇုန်များအပြင် ယဉ်ကျေးမှုနယ်မြေများနှင့် နိုင်ငံ၏ စီးပွားရေး ဖွံ့ဖြိုးတိုးတက် စေနိုင်မည့် တည်ဆောက်မှုများကို နိုင်ငံတော်မှ လုပ်ဆောင်ရန် ဌာနဆိုင်ရာများမှ ယခုကဲ့သို့ စာတမ်းပြုစု၍ အကြံပြုရေးဆွဲသွားမည် ဖြစ်သည့်အတွက် ကောင်းမွန် ကြောင်း နိုင်ငံရေးလေ့လာနေသူတစ်ဦးက ပြောကြားခဲ့သည်။

                                                                                                    Ref: Poplar News

-----------------------------------------------------------------------------------------------------------------------------------

ရပ်ကွက်ရုံးအသုံးစရိတ် ပြည်သူများပေးနေရဆဲ

အစိုးရသစ်လက်ထက် ရပ်ကွက်အချို့တွင် ပြည်သူများမှ ထောက်ခံစာ၊ ဧည့်စာရင်း၊ ယာယီသန်းခေါင်စာရင်းများ ပြုလုပ်ရာတွင် စာရွက် စာတမ်းကြေးနှင့် ရုံးအသုံးစရိတ်များကို ရပ်/ကျေး အုပ်ချုပ်ရေးမှူးများအား ပေးနေရဆဲဖြစ်ကြောင်း သိရသည်။

နိုင်ငံတော်အစိုးရမှ ပြည်သူများထံမှ ရပ်ကွက်ရုံးများအနေဖြင့် ငွေကြေးတစ်စုံတစ်ရာ ကောက်ခံခွင့်မရှိပာု ဆိုထားသော်လည်း ရန်ကုန်မြို့ရှိ ရပ်ကွက်အချို့တွင် ရပ်ကွက်အုပ်ချုပ်ရေးမှူးများမှာ ယနေ့ထက်တိုင် စာရွက်စာတမ်းကြေးပာုဆိုကာ ပြည်သူများထံမှ ငွေကြေးကောက်ခံနေဆဲ ဖြစ်ကြောင်း သိရသည်။

လက်ရှိအချိန်သည် မြန်မာနိုင်ငံအတွင်း အပြောင်းအလဲ စတင်ဖြစ်ပေါ်သည့်အတွက် အောက်ခြေဌာနတိုင်းတွင် လုပ်ငန်းလိုအပ်ချက်များ ရှိနိုင်ကြောင်း နိုင်ငံရေးနယ်ပယ်တစ်ခုမှ ပုဂ္ဂိုလ်တစ်ဦးက ပြောကြားခဲ့သည်။

ယခင်အစိုးရပောာင်း လက်ထက်ကတည်းကပင် ပြည်သူများမှ ဧည့်စာရင်းတိုင်ကြားခြင်း၊ ရပ်ကွက်ထောက်ခံစာ ပြုလုပ်ခြင်းကိစ္စရပ်များတွင် ရပ်/ကျေး အုပ်ချုပ်ရေးမှူးများအား အပိုကြေးပေးဆောင်၍ လုပ်ဆောင်ခဲ့ရသော်လည်း ယခုအစိုးရသစ် လက်ထက်ထိတိုင် ၎င်းအကျင့်များမှာ ပျောက်ကွယ်သွားခြင်း မရှိသေးကြောင်း ရပ်ကွက်အတွင်း နေထိုင်သူ တစ်ဦးက ပြောကြားခဲ့သည်။

၎င်း ကိစ္စရပ်တွေကို နိုင်ငံတော်ကမပြုပြင်နိုင်ဘူးဆိုရင် နိုင်ငံတော်အဆင့်ဆောင်ရွက်နေတဲ့ အဂတိလိုက်စားမှု တိုက်ဖျက်ရေး၊ ဆင်းရဲနွမ်းပါးမှု လျှော့ချရေး စသည့်ကိစ္စရပ်များလုပ်ဆောင်ရာတွင် ထိခိုက်လာနိုင်မည်ဖြစ်ကြောင်း အငြိမ်း စားဝန်ထမ်းပောာင်းတစ်ဦးက ပြောကြားခဲ့သည်။

ထို့ပြင် မြန်မာနိုင်ငံရှိ ဌာနဆိုင်ရာအချို့တွင်လည်း အစိုးရသစ်လက်ထက်ထိတိုင် ခြစားမှုများ၊ လာဘ်ပေးလာဘ်ယူမှုများမှာ ရှိနေကြဆဲပင် ဖြစ်ကြောင်း သိရသည်။

                                                                                                                                        YC

***************************************************************************************

သတင်းနှင့် ဆောင်းပါးများမှ ကောက်နှုတ်ချက်များ

“ဟိုတုန်းကဆိုရင် ငွေကိုအပ်သလောက် လက်ခံခွင့်မရှိဘူး။ ကန့်သတ်ချက်ရှိတယ်။ ဒါပေမယ့် အခုနောက်ပိုင်း ဗဟိုဘဏ်က ဖြေလျော့ပေးမှုတွေ လုပ်လာတယ်။ ဒါမှလည်းဘဏ်လုပ်ငန်းငွေ တိုးတက်လာမှာပါ။ စက်တင်ဘာလ၊ သြဂုတ်လလောက်က စပြီးတော့ ပြောင်းလဲပေးဖို့ ပြောလာတာ။ အောက်တိုဘာလ ၁ ရက်နေ့ မှာ တကယ်လုပ်နိုင်ခဲ့တယ်။ အပ်ငွေများများ လက်ခံနိုင်တော့ ချေးငွေလည်းများများချေးနိုင်တယ်။ နောက်ထပ်လည်း ဘဏ်နဲ့ပတ်သက်ရင် reform တွေ များများလုပ်နိုင်ဖို့လိုပါတယ်”

နိုဝင်ဘာ ၁၆ ထုတ် Weekly ELEVEN အတွဲ (၇) အမှတ် (၇) တွင်ပါသည့် “ပြည်တွင်းရှိပုဂ္ဂလိကဘဏ်များ ဘဏ်အပ်ငွေအား အကန့် အသတ်မထားဘဲ လက်ခံနိုင်ပြီ” သတင်းမှ ယူနိုင်တက်အမရာဘဏ်မှ အထွေထွေမန်နေဂျာ ဦးစံသိန်း၏ ပြောကြားချက်အပေါ် ကောက် နှုတ်ချက်

-----------------------------------------------------------------------------------------------------------------------------------

မေး- နိုင်ငံခေတ်မီဖွံ့ဖြိုးတိုးတက်အောင် အဓိက ဆောင်ရွက်ရမည့် အချက်အလက်များ၊ သမ္မတကြီးအား အကြံပြုပြောကြားခဲ့သည့် အချက်များ၊ ထောက်ပြဝေဖန် ဆွေးနွေးလိုသည့် အခြားအချက်အလက်များကိုလည်း ပြောပြစေလို ပါတယ်။

ဖြေ- နိုင်ငံတစ်ခု ခေတ်မီဖွံ့ဖြိုးတိုးတက်အောင် ဆောင်ရွက်ကြရာမှာ တစ်နိုင်ငံနဲ့ တစ်နိုင်ငံအခြေအနေတွေ မတူနိုင်ပါဘူး။ မြန်မာနိုင်ငံလို ကွဲပြားခြားနားမှု တစုံတရာရှိတဲ့ နိုင်ငံအနေနဲ့တော့  “Development through   peace and stability” က သွားရမှာဖြစ်တယ်၊ ငြိမ်းချမ်းရေး၊ တည်ငြိမ်ရေးက တဆင့် ဖွံ့ဖြိုးတိုးတက်မှုလို့ ပြောရမှာပေါ့။ နိုင်ငံရေးက အားလုံးထဲမှာ အဓိကအကျဆုံးပဲ။ အခု နိုင်ငံရေးတိုးတက်မှု ဖြစ်စဉ်က မှန်းတာထက်ပိုပြီး မြန်မြန်ဆန်ဆန် ဖြစ်နေပြီ။ ဒုတိယ တိုင်းရင်းသားကိစ္စ။ ဒါလည်းအတော်အတန် တိုးတက်မှုရနေပြီ။ တတိယ ဗျူရိုကရေစီယန္တရား။ အဲဒါကတော့ Mindset Changing Process ဖြစ်တာမို့ အချိန်ပေးရလိမ့်မယ်။ နောက်ဆုံးနည်းစဉ်ကတော့ Fire and Hire စနစ်ပဲ။ တစ်ပြိုင်နက် တည်းမှာပဲ စီးပွားရေး၊ ပညာရေး၊ ကျန်းမာရေး စတဲ့ကဏ္ဍမှာ လက်တွေ့ကျပြီး ဈေးကွက်စီးပွားရေး လက္ခဏာနဲ့ ညီညွတ်တဲ့ မူဝါဒတွေ  လိုလာပြီ။ တစ်ပြိုင်နက်တည်းမှာပဲ လူ့အရင်းအမြစ် ကောင်းတွေကို မွေးထုတ်ဖို့လည်း လုပ်ရလိမ့်မယ်၊ သမ္မတ ကြီးကို အကြံပြုခဲ့တာတွေကတော့ အလုပ်သဘောဖြစ်လို့ ပြောလို့ရမှာမဟုတ်ဘူး။ ကျွန်တော့် ဇနီးသည်တောင် မသိစေတဲ့ သဘောရှိပါတယ်။ ယေဘုယျသဘောကတော့ ဖြစ်ပျက်နေတဲ့ ပြည်တွင်း၊ ပြည်ပအခြေအနေနဲ့ ဖွံ့ဖြိုးရေးကိုရှေးရှုတဲ့ အကြံ မျိုးပေးတယ်လို့ပဲ ပြောလို့ရပါလိမ့်မယ်။ ကျွန်တော် အစိုးရိမ်ဆုံးက ဗျူရိုကရေစီ ယန္တရားကိုဘယ်လောက် အချိန်ပေးပြီး ပြုပြင်ယူမလဲဆိုတာပဲ။

နိုဝင်ဘာ ၁၇ ထုတ် Venus News အတွဲ (၃) အမှတ် (၁၈) တွင်ပါသည့် “နိုင်ငံတော်သမ္မတ အကြံပေး ဒေါက်တာနေဇင်လတ်နှင့် တွေ့ဆုံ ခြင်း” မှ ကောက်နှုတ်ချက်

-----------------------------------------------------------------------------------------------------------------------------------

 “ဒီကနေ့ အင်တာနက်ခေတ်မှာ နိုင်ငံတကာရေးရာများကို လေ့လာမှတ်သားလိုတဲ့ လူငယ်တွေအတွက် အခွင့်အလမ်းက ဗိုလ်ချုပ်တို့ခေတ်ကနဲ့ ဘာမျှ မဆိုင်လောက်အောင် တိုးတက်များပြားနေပြီဗျာ။ အထူးသဖြင့် အင်္ဂလိပ်စာကို ကျွမ်းကျွမ်းကျင်ကျင် တတ်မြောက်ထားတဲ့ လူငယ်တွေအတွက် အဲဒီလို အခွင့်အလမ်းတွေ အဆုံးမရှိ ပွင့်နေတယ်ဗျာ။ ဂျပန်ခေတ်တုန်းက ဂျပန်တွေ ပိတ်ဆို့ထားသမျှ ခံခဲ့ရတဲ့ခေတ်မျိုး မဟုတ်တော့ပါဘူး။ ဒီတော့ အနာဂတ်မှာ တိုင်းပြည်ခေါင်းဆောင်တွေ မလွဲမသွေ ဖြစ်လာကြမှာဖြစ်တဲ့ မျိုးချစ်ပြည်ချစ်လူငယ်တွေ ‘အကြားအမြင် ဗဟုသုတများပြားခြင်းသည် မင်္ဂလာမည်၏’ ဆိုတဲ့ စကားကိုမပြတ် နှလုံးသွင်းရင်း နိုင်ငံတကာရေးရာများ၊ အထူးသဖြင့် အိမ်နီးချင်းနိုင်ငံများ အကြောင်းနဲ့ သူတို့ရဲ့အပြုအမူများ အကြောင်းကို အခုကတည်းက စူးစူးနစ်နစ် နက်နက်ရှိုင်းရှိုင်း ဖတ်ရှုနားထောင် လေ့လာ မှတ်သားကြဖို့ တိုက်တွန်းလိုက်ရကြောင်းပါဗျ။

နိုဝင်ဘာ ၁၇ ထုတ် ပြည်သူ့ခေတ်ဂျာနယ် အတွဲ (၂) အမှတ် (၆၉) တွင်ပါသည့် ဆောင်းပါးရှင် မောင်ဝံသ၏ “အိမ်နီးချင်း နိုင်ငံများ အကြောင်း လူငယ်များလေ့လာကြပါ” ဆောင်းပါးမှ ကောက်နှုတ်ချက်

****************************************************************************

 

 


Google Docs makes it easy to create, store and share online documents, spreadsheets and presentations.
Logo for Google Docs

0 comments:

Post a Comment