Transparency Myanmar: Feb 2, 2011

ပြီးခဲ့သည့် နိုဝင်ဘာလ ၇ ရက်နေ့က ကျင်းပ ပြုလုပ်ခဲ့သော ရွေးကောက်ပွဲသည် ဒီမိုကရေစီ ဖော်ဆောင်ရေးနှင့် အရပ်ဘက် အုပ်ချုပ်ရေးစနစ်သို့ ပြောင်းလဲရေး၏ အစိတ်အပိုင်းတစ်ခု ဖြစ်ခဲ့သည့်တိုင် ဖြစ်ပေါ်လာမည့် ပါလီမန် လွှတ်တော်၌ ဥပဒေ ပြုရေး လုပ်ငန်းစဉ်အား ဒီမိုကရေစီ ဆန်ဆန် ကျင့်သုံးရေးမှာ ခက်ခဲလိမ့်မည် ဖြစ်ကြောင်း မြန်မာနိုင်ငံက ဆိုသည်။

နိုဝင်ဘာလ ၇ ရက်နေ့က အတုအယောင် သဘောဖြင့် ကျင်းပခဲ့သော ရွေးကောက်ပွဲတွင် အနိုင် ရရှိခဲ့သူများဖြင့် ၂၀၁၁ ခုနှစ်၊ ဇန်နဝါရီလ ၃၁ ရက်နေ့တွင် ပါလီမန် လွှတ်တော် ခေါ်ယူ ကျင်းပကြောင်း သတင်းများ အရ သိရသည်။ ယင်းလွှတ်တော်များသည် ၁၉၈၈ ခုနှစ် နောက်ပိုင်း မြန်မာ နိုင်ငံ၏ ပထမဆုံးသော တရားဥပဒေ ပြုရေးအဖွဲ့ တစ်ခုဟု ဆိုလျှင်လည်း မှားမည်မဟုတ်ပေ။ မြန်မာ စစ်အစိုးရသည် အငြင်းပွားစရာ ဖြစ်သော ဖွဲ့စည်းပုံ အခြေခံဥပဒေကို ၂၀၀၈ ခုနှစ်တွင် ရေးဆွဲခဲ့သည်။ ယင်းဥပဒေက ပြီးခဲ့သည့် ရွေးကောက်ပွဲတွင် စစ်အစိုးရ ခေါင်းဆောင်များ အသာ စီးရအောင် ဖန်တီးပေးခဲ့ပြီး စစ်အစိုးရကို ထောက်ခံသော အရာရှိကြီးများ၊ စစ်တပ်က ခန့်အပ်သော ကိုယ်စားလှယ်များ အမတ်နေရာ ၈၀ ရာခိုင်နှုန်း အနိုင် ရရှိအောင်လည်း ဖန်တီးပေးခဲ့သည်။ စစ်အစိုးရသည် ထွက်ပေါ်လာမည့် လွှတ်တော်အတွက် တပ်မတော်သား ကိုယ်စားလှယ်များကို မကြာသေးခင်က ခန့်အပ်လိုက်ပြီး နိုင်ငံရေး အာဏာကို ပိုမို ခိုင်မြဲအောင် လုပ်ကိုင် လိုက်ပြီလည်း ဖြစ်သည်။

ပါလီမန် လွှတ်တော် အမတ်နေရာ လေးပုံတစ်ပုံကို ယင်းစစ်ဘက် ကိုယ်စားလှယ်များက ရယူထားခြင်း ဖြစ်သည်။

မြန်မာ စစ်ခေါင်းဆောင်များက ရွေးကောက်ပွဲသည် ဒီမိုကရေစီ ဖော်ဆောင်ရေးနှင့် အရပ်ဘက် အုပ်ချုပ်ရေးစနစ် ပြောင်းလဲရေး ဖြစ်စဉ်၏ တစ်စိတ် တစ်ပိုင်းသာ ဖြစ်သည်ဟု ဆိုသည်။ သို့သော် လွှတ်တော်၌ ဖြစ်ပေါ်လာမည့် ဥပဒေပြုရေး ဖြစ်စဉ်အား ဒီမိုကရေစီ ဆန်ဆန် ကျင့်သုံးရေးမှာ ခက်ခဲလိမ့်မည်ဟု ဆိုသည်။ စစ်အစိုးရ ခေါင်းဆောင်များက ပါလီမန် လွှတ်တော်၏ အရေးပါသော နေရာများ အားလုံးကို ၎င်းတို့၏ နောက်လိုက်များ၊ သစ္စာခံများဖြင့် ဖြည့်စွက်ထားပြီဖြစ်ရာ အတိုက်အခံ အင်အားစုများ အနေဖြင့် လွှတ်တော်တွင် စည်းရုံး သိမ်းသွင်းမှုများ ပြုလုပ်ရန် မည်သို့မျှ ဖြစ်နိုင်တော့မည် မဟုတ်ပေ။

ဒီမိုကရေစီ ဖော်ဆောင်ရေးအတွက် အစွမ်းကုန် ကြိုးပမ်းခဲ့သူ အတိုက်အခံ ခေါင်းဆောင် ဒေါ်အောင်ဆန်းစုကြည် အပါအဝင် ဒီမိုကရေစီရေး လှုပ်ရှားသူများသည်လည်း ပြီးခဲ့သည့် ရွေးကောက်ပွဲတွင် ပါဝင်ခွင့် မရရှိအောင် ကန့်သတ် ပိတ်ပင် ခံခဲ့ရသည်။ နိုဝင်ဘာ ရွေးကောက်ပွဲသည် မည်သို့မျှ တရား မျှတမှု မရှိခဲ့သလို လွတ်လပ်မှုလည်း မရှိခဲ့ပေ။

အမေရိကန် ပြည်ထောင်စုအပါအဝင် အနောက် နိုင်ငံများက ဒီမိုကရေစီ ဖော်ဆောင်ရေးနှင့် လူ့အခွင့်အရေး အလေး ထားရေးကို မထီမဲ့မြင် ပြုလုပ်ရာတွင် အဓိက တာဝန်ရှိသူများ အားလုံးကို ပစ်မှတ်ထားကာ ဒဏ်ခတ် အရေးယူမှုများ ပြုလုပ်ခဲ့သည်။ ယခု မြန်မာနိုင်ငံ၌ ပါလီမန် လွှတ်တော်များ စတင် ခေါ်ယူလိုက်ချိန်တွင် အိမ်နီးချင်းနိုင်ငံများက ပိတ်ဆို့ အရေးယူမှုများကို ဖယ်ရှားပေးရန် အနောက် နိုင်ငံများကို ပြောဆိုလာကြသည်။ မြန်မာနိုင်ငံ အပေါ် ထားရှိသည့် အမေရိကန် မူဝါဒက ကုန်သွယ်ရေး၊ ရင်းနှီး မြှုပ်နှံရေး နှင့် နည်းပညာ အစရှိသော နယ်ပယ်များ အပေါ် ထိခိုက် နစ်နာစေသည်ဟု အိမ်နီးချင်း နိုင်ငံများက ဆိုသည်။ အထူးသဖြင့် စစ်အစိုးရ၏ ဖိနှိပ် ချုပ်ခြယ်မှု၊ ခွဲခြား ဆက်ဆံမှုများ ခံနေရသော တိုင်းရင်းသား လူမျိုးစု ဒေသများ ဖွံ့ဖြိုးရေး ဆောင်ကြဉ်းရာ၌ ထိခိုက် နစ်နာမှုများ ဖြစ်ပေါ်စေကြောင်း ထောက်ပြ ပြောဆိုကြသည်။

အမေရိကန် ပြည်ထောင်စုကမူ မြန်မာနိုင်ငံမှ အခြေခံ လူတန်းစားများ ကြုံတွေ့နေရသော လူမှုဒုက္ခ အဝဝနှင့် ပတ်သက်၍ စိုးရိမ် ပူပန်မိကြောင်း ထုတ်ဖော် ပြောဆိုသည်။ သို့သော် ယင်းကိစ္စမှာ မြန်မာ နိုင်ငံအပေါ် လွဲမှားသည့် စီးပွားရေး မူဝါဒ ကျင့်သုံးသော စစ်အစိုးရတွင်သာ တာဝန် ရှိသည်ဟု ဆိုရမည်။ မြန်မာနိုင်ငံ စီးပွားရေးကို စီမံခန့်ခွဲရာ၌ စစ်အစိုးရ မည်မျှ အတိုင်းအတာ အထိ လွဲမှားခဲ့သည်၊ အဂတိ လိုက်စားမှုများကို တရားဝင် ဖြစ်အောင် မည်သို့ လုပ်ဆောင်ခဲ့သည်၊ အဖိုးတန် သဘာဝ သယံဇာတများကို မည်ကဲ့သို့ အလွဲသုံးစား ပြုခဲ့သည် ဟူသော အချက်မှာ ရှင်းလွန်းနေသည်။

မြန်မာ စစ်အစိုးရနှင့် ဝါရှင်တန် အစိုးရတို့သည် ၂၀၀၉ ခုနှစ်မှ စတင်ကာ ဆက်ဆံရေး တိုးတက် ဖြစ်ထွန်းအောင် လုပ်ဆောင်ခဲ့ကြသည်။ အမေရိကန် ပြည်ထောင်စုက အပြန်အလှန် အကျိုးစီးပွား ဟူသော ကိစ္စကို အခြေခံကာ မြန်မာ စစ်အစိုးရနှင့် စေ့စပ် ညှိနှိုင်းမှုများ ထပ်မံ လုပ်ဆောင် သွားလိမ့်မည် ဖြစ်သည်။ မြန်မာ အစိုးရက မြန်မာ ပြည်တွင်း အခြေခံ ပြောင်းလဲမှုများ ဖြစ်ပေါ်အောင် အကောင်အထည် မဖော်နိုင်သေးသရွေ့၊ နိုင်ငံရေး အကျဉ်းသား ၂၀၀၀ ကျော်ကို လွတ်မြောက်ခွင့် မပေးသေးသရွေ့၊ မြန်မာ စစ်အစိုးရနှင့် အတိုက်အခံ အင်အားစုများ၊ တိုင်းရင်းသား လူမျိုးစု အုပ်စုများ စစ်မှန်ပြီး အဓိပ္ပာယ် ပြည့်ဝသော ဒိုင်ယာလော့ခ် မဖြစ်ပေါ် သေးသရွေ့ အမေရိကန် ပြည်ထောင်စု၏ ပိတ်ဆို့ အရေးယူမှုများ ဆက်ရှိနေဦးမည် ဖြစ်သည်။

VOA ခေါင်းကြီးပိုင်းကို ဆီလျော်အောင် ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2739} မြန်မာ နိုင်ငံ အရေး အာဆီယံနှင့် အီးယူတို့၏ ရှေ့လမ်းခရီး

Posted by Transparency Myanmar 2010

comments (0)

(31 January 2011 ရက်စွဲပါ Asia News Network မှ Jonathan Eyal ရေးသားသော Way Forward for Asean and EU on Burma ကို ဘာသာ ပြန်ဆိုသည်)

မြန်မာ နိုင်ငံတွင် အသစ် ရွေးကောက် တင်မြှောက် ခဲ့သော ပါလီမန် အသစ်သည် ဇန်နဝါရီ (၃၁) ရက်နေ့ တနင်္လာနေ့တွင် စတင် ကျင်းပရန် စီစဉ်ထားသည်။

အနောက် နိုင်ငံ အစိုးရများ အဖို့ ယခု အချိန် အခါသည် ၎င်းတို့ Burma ဟု သုံးနှုန်းနေသော မြန်မာ နိုင်ငံနှင့် ပြန်လည် ဆက်ဆံရန် ပြည့်စုံသော အခွင့်အလမ်း ကောင်းပင် ဖြစ်သင့်သည်။ ပြီးခဲ့သည့် အပတ်က အာဆီယံ နိုင်ငံခြားရေး ဝန်ကြီးများ ဥရောပနှင့် အမေရိကန်တို့အား စီးပွားရေး အရေးယူမှုများ ရုတ်သိမ်းပေးရန် တောင်းဆိုခဲ့မှုနှင့် တစ်ထပ် တည်းပင် ဖြစ်သည်။

အနောက်နိုင်ငံ အများစုက ၎င်းတို့၏ လက်ရှိ ချဉ်းကပ်မှုသည် အဖြေ မထွက်ကြောင်း သိကြ သော်လည်း ယခု အနောက် နိုင်ငံများက အထက်ပါ တောင်းဆိုမှုကို ငြိမ်သက်လျက် ရှိသည်။

၁၉၉၀ ခုနှစ် နှစ်လယ်များ ကတည်းက အီးယူ၊ အမေရိကန်၊ ဩစတြေးလျ၊ ကနေဒါနှင့် နယူး ဇီလန်တို့သည် မြန်မာ နိုင်ငံ အပေါ် အရေးယူ ပိတ်ဆို့မှု အမျိုးမျိုး ချမှတ် ခဲ့သည်။ အဆိုပါ အရေးယူ ပိတ်ဆို့မှုများတွင် လက်နက် ရောင်းဝယ်မှု၊ သစ်၊ ကျောက်မျက် ရတနာနှင့် သတ္တုများ ရောင်းဝယ်မှု များကို ပိတ်ပင်ထား ခဲ့သည်။ ထို့အပြင် အစိုးရ အဖွဲ့ဝင်များ အပေါ် ဗီဇာ ကန့်သတ်ချက်များ၊ ဖွံ့ဖြိုး တိုးတက်မှု အတွက် အကူ အညီ ပေးရေး အစီအစဉ် များကိုပါ ရပ်ဆိုင်း ထားခဲ့သည်။

အနောက် နိုင်ငံ အစိုးရများသည် မြန်မာ နိုင်ငံကို သူစိမ်း တရံစာကဲ့သို့ ဆက်လက် ဆက်ဆံရန် အကြောင်း ပြချက် အချို့ ရှိနေသည်။ သို့သော် ၎င်းတို့သည် အခြား အာဏာရှင် အစိုးရများနှင့်မူ ဆက်ဆံရန် အခက်အခဲ မရှိခဲ့ကြပေ။

အချက် တစ်ခုမှာ စိတ်ပညာ သဘောနှင့် ဆိုင်သည်။ မြန်မာ နိုင်ငံတွင် ၁၉၈၈ ခုနှစ်က အရေး အခင်းသည် ပေါ်ပြူလာ ဖြစ်ခဲ့ပြီး နောင်မကြာမီ အရှေ့ ဥရောပတွင်လည်း ထိုနည်း လည်းကောင်း ပြောင်းလဲမှုကြီးကို ကြုံကြရသည်။ ထို့ကြောင့် ဥရောပသားတို့သည် မြန်မာ နိုင်ငံကို ၎င်းတို့ နှင့်အတူ လွတ်မြောက် ရာလမ်းသို့ ချီတက်ကြသော အစိတ် အပိုင်း တစ်ခု အဖြစ် စိတ်ထဲတွင် စွဲထင် သွားကြသည်။ သို့သော် မြန်မာ နိုင်ငံတွင် ၁၉၉၀ ခုနှစ် လွတ်လပ်သော ရွေးကောက်ပွဲ ရလဒ်ကို အသိ အမှတ် မပြု ခဲ့သောအခါ ၎င်းတို့၏ ဒီမိုကရေစီ အောင်ပွဲ ဆိုသည့် ယုံကြည်ချက်မှာ တစ်စစီ ပြိုကွဲ ခဲ့ရပေသည်။

အတိုက် အခံ ခေါင်းဆောင် ဒေါ်အောင်ဆန်း စုကြည်၏ နာမည် ကျော်ကြားမှု ကလည်း တစ်စိတ် တစ်ပိုင်း ပါဝင်ခဲ့သည်။ သူမသည် ခန္ဓာကိုယ်က ပိန်သဖြင့် အားမရှိဟု ယူဆရသော်လည်း နိုင်ငံရေး အရ ဖြိုခွင်း၍ မရသော ဇာတ်ကောင် တစ်ဦး ဖြစ်ခဲ့ရသည်။ နောက်ပိုင်းတွင် အနောက် နိုင်ငံများ အဖို့ သူမသည် လွတ်မြောက်ရေး အတွက် သူရဲကောင်း တစ်ဦး ခေတ်သစ် မဟတ္တမ ဂန္ဒီ ဖြစ်လာတော့သည်။

မြန်မာ နိုင်ငံကို ဆန့်ကျင်ရေး အတွက် ကြားဝင် ဆောင်ရွက်မှုများ ရှိခဲ့ရာ Burma Campaign သည် ဗြိတိန် နိုင်ငံ၏ ထိရောက်သော ဖိအား ပေးရေး အုပ်စု တစ်ခု ဖြစ်သည်။

မြန်မာ နိုင်ငံသည် သယံဇာတ ပေါများသော်လည်း အနောက် နိုင်ငံများနှင့် အဓိက ကုန်သွယ်ဖက် မဖြစ်ခဲ့ရခြင်း ကလည်း Sanction ပြုလုပ် ရခြင်း၏ အကြောင်းများတွင် ပါဝင်နေသည်။ မြန်မာ နိုင်ငံကို မဆက်ဆံရန် ဆုံးဖြတ်ခြင်းတွင် ငွေကြေး ကုန်ကျမှု လွန်စွာ မရှိလှချေ။

သို့သော် ရလဒ်မှာ လုံးဝ ကျရှုံးခဲ့သည်။ ဆွီဒင် နိုင်ငံ Institute for Security and Development Policy မှ အကြီးအကဲ Dr. Niklas Swanstorm က "ဒီနေ့ မြန်မာ နိုင်ငံမှာ တွေ့ရတာက အားနည်းတဲ့ အစိုးရ မဟုတ်ပါဘူး၊ ပြည်သူတွေနဲ့ သယံဇာတတွေကို ချုပ်ကိုင် ထားနိုင်တဲ့ အားကောင်းတဲ့ အစိုးရ တစ်ခု ဖြစ်နေပါတယ်" ဟု ဆိုသည်။

မြန်မာ နိုင်ငံတွင် လွတ်လပ်ရေး ရကာစက အာရှ၏ အချမ်းသာဆုံး နိုင်ငံများတွင် ပါဝင်ပြီး ယခု အခါ ကုလသမဂ္ဂ လူသား ဖွံ့ဖြိုး တိုးတက်မှု ညွှန်းကိန်းများ အရ ၁၈၂ နိုင်ငံ အနက် အမှတ်စဉ် ၁၃၈ တွင် ရှိနေသည်။ သို့သော် အမှန်တကယ် ဒုက္ခ ခံစား နေရသူများမှာ သာမန် လူတန်းစားများပင် ဖြစ်သည်။

မြန်မာ နိုင်ငံတွင် Sanction ရုတ်သိမ်းရေး အတွက် အာဆီယံ၏ တင်ပြချက်မှာ အဓိက အချက် နှစ်ခု အပေါ်တွင် အခြေခံသည်။ စစ်တပ်မှ မျိုးဆက်သစ် အရာရှိများ မကြာမီ အာဏာ ရလာကြ တော့မည် ဖြစ်သည်။ ၎င်းတို့ကို မျက်စိပွင့်၊ နားပွင့်၊ ဦးနှောက်ပွင့်စေရန် အားပေးကြရမည် ဖြစ်သည်။ ကုန်သွယ်ရေး တိုးမြှင့်ခြင်း၊ အကူအညီ တိုးပေးခြင်းအားဖြင့် မြန်မာ နိုင်ငံမှ အုပ်ချုပ်သူများကို မက်လုံး ပေးရာ ရောက်ပြီး လူထု ဒုက္ခ ခံစားနေရမှု များလည်း လျော့နည်း သွားနိုင်သည်။

သို့သော် အနောက် နိုင်ငံမှ နိုင်ငံရေး သမား အများစုမှာ ဆွဲဆောင်၍ မရ ဖြစ်နေသည်။ ယင်းတို့က မြန်မာ နိုင်ငံတွင် စစ်တပ်သည် မျိုးဆက် နှစ်ခုခန့် အာဏာ ယူထားပြီး ယခုလည်း မပြောင်းလဲဘဲ ရှိနေသည်ဟု တစ်ထစ်ချ မှတ်ယူထားလျက် ရှိသည်။

စီးပွားရေး ဖွံ့ဖြိုး တိုးတက်မှုမှာ Sanction များ ရုတ်သိမ်းပြီး နောက်မှ လိုက်လာမည် ဟူသော အချက်မှာလည်း သံသယ ဖြစ်ဖွယ် ရှိသည်။ စီးပွားရေး ဖွံ့ဖြိုး တိုးတက်မှုမှာ စီးပွားရေးသည် နိုင်ငံရေး၏ ချုပ်ကိုင်မှု ကင်းလွတ်မှ၊ မြန်မာ ခေါင်းဆောင်များက လူထု၏ သက်သာ ချောင်ချိရေး တိုးတက်ရန် လိုအပ်သည်ဟု လက်ခံမှသာ ဖြစ်ပေါ် နိုင်မည် ဖြစ်သည်။

လက်ရှိ အားဖြင့်မူ နှစ်ခု စလုံး ဖြစ်ရန် အကြောင်းကိစ္စ မမြင်ပေ။ တိုင်းပြည်၏ ဝင်ငွေမှာ မှန်မှန်ကြီး တိုးတက်လျက် ရှိသော်လည်း လူထုမှာ ဘာမျှ အကျိုး ခံစားရခြင်း မရှိပေ။ ကျန်းမာရေးနှင့် ပညာရေး နှစ်ခု ပေါင်း ဘတ်ဂျတ်မှာ ၂% ထက်ပင် နည်းသည်။

Sanction များကို ရုတ်သိမ်းပေးခြင်းဖြင့် အနည်းငယ် ခြားနားသွားမည်မှာ အမှန်ပင် ဖြစ်သည်။ မြန်မာ နိုင်ငံ၏ ထွက်ရှိသော ကုန်ကြမ်းများကို တရုတ်နှင့် အိန္ဒိယတို့ကသာ ချုပ်ကိုင်ထားသည်။ ကမ္ဘာလှည့် ခရီးသွား လုပ်ငန်းကိုလည်း ကန့်သတ်မှုများ ပြုလုပ် မထားချေ။ မြန်မာ နိုင်ငံ အပေါ်မှ အကျိုးအမြတ် ရလိုသူ အနောက် နိုင်ငံ ကုမ္ပဏီများ အနေဖြင့် အခွင့် အလမ်းများ ရှိနေသေးသည်ဟု ဆိုနိုင်သည်။

အနောက် နိုင်ငံ အထည်ချုပ် ကုမ္ပဏီများသည် အဘယ်ကြောင့် မြန်မာ နိုင်ငံသို့ မသွားသနည်း။ ဘင်္ဂလားဒေ့ရှ်၊ ကမ္ဘောဒီးယားနှင့် ဗီယက်နမ်တို့က လုပ်အားခ ပိုမို ပေါပေါနှင့် ဆွဲဆောင် ထား၍လော။ ပိုမို ကောင်းမွန်သော သယ်ယူ ပို့ဆောင်ရေး အခြေခံ အဆောက် အအုံများ ရှိ၍လော မေးခွန်း ထုတ်စရာ ဖြစ်နေသည်။

"ဆက်ဆံရေး ပြုလုပ်ခြင်း၊ ဖွံ့ဖြိုး တိုးတက်မှု အကူ အညီ ပေးခြင်းနှင့် ကုန်သွယ်မှု မှတစ်ဆင့် တဖြည်းဖြည်း ပြောင်းလဲမှု ရနိုင်မည် ဆိုတဲ့ အယူအဆဟာ အရှေ့မှာပဲ ဖြစ်စေ အာဏာရှင် စနစ်ကနေ အဓိပ္ပာယ် ရှိတဲ့ လူမှု ပြောင်းလဲရေး ဖြစ်စဉ် သမိုင်းမှာ လက်တွေ့ကျတဲ့ အခြေခံ မရှိခဲ့ပါဘူး" ဟု London School of Economics မှ သုတေသနဖဲလိုး ဖြစ်သူ ဒေါက်တာ ဇာနည်က ပြောသည်။

အသံ ဆူဆူ ညံညံ ကြားနေရသော NGO များထံမှ နိုင်ငံရေး အရ ဆန့်ကျင်မှုများမှာ ပြင်းထန်သည့် အလျောက် စီးပွားရေး အရ အကျိုးအမြတ်များကလည်း နည်းသည့်အလျောက် Sanction များကို ရုတ်သိမ်းရေး မက်လုံး သိပ်မရှိလှချေ။ ဒေါ်အောင်ဆန်း စုကြည် ကိုယ်တိုင်ကပင်လျှင် Sanction ရုတ်သိမ်းရေး အတွက် မျက်နှာသာ ပေးလှသည် မဟုတ်ဟု ပြီးခဲ့သည့် အပတ်အကုန်က Financial Times တွင် သတင်း ဖော်ပြခဲ့သည်။

မည်သို့ပင် ဆိုစေ ရှေ့ဆက်ရမည့် လမ်းကမူ ရှိနေသည်ပင် ဖြစ်သည်။ အာဆီယံ၏ နောက်ဆုံး တောင်းဆိုခဲ့သော Sanction ရုတ်သိမ်းရေးတွင် မပြေလည် နိုင်သော မြန်မာ့ ပြည်တွင်း နိုင်ငံရေး ပြဿနာကို ကူညီ ဖြေရှင်းရေး အစီအစဉ်ကိုပါ တင်ပြထားကြောင်း ဥရောပတို့ မှတ်သား မိပါလိမ့်မည်။ အင်ဒိုနီးရှား နိုင်ငံခြားရေး ဝန်ကြိး Marty Natalegawa က ပြီးခဲ့သော သီတင်းပတ်က ဆိုခဲ့သကဲ့သို့ အရေး ယူမှုများ ရုတ်သိမ်းရေးနှင့် ပြန်လည် ပေါင်းစည်းရေးမှာ လက်ချင်း တွဲနေ သင့်ကြောင်းပင် ဖြစ်သည်။

ပို၍ အရေးကြီးသည်မှာ အမေရိကန်သည် မြန်မာ နိုင်ငံနှင့် လက်တွေ့ကျသော ဆက်ဆံရေး အသစ် ပြုလုပ်နေပြီး ဖြစ်သည်။ ဝါရှင်တန်သည် ၂၀၀၉ ခုနှစ် စက်တင်ဘာလက မူဝါဒ ပြောင်းလဲကြောင်း ကြေညာပြီး နောက်ပိုင်း ရလဒ် အနည်း ငယ်သာ ရသဖြင့် အခြား နည်းလမ်းကို ရှာဖွေလျက် ရှိသည်။

စိန်ခေါ်မှု အသစ်မှာ အချိန်ကိုက် လုပ်ဆောင်နိုင်ရေး ဖြစ်သည်။ အာဆီယံ အနေဖြင့် ယခုကဲ့သို့ စောသေးသည့် အဆင့်တွင် အီးယူ ထံမှ သော်လည်းကောင်း၊ အမေရိကန် ထံမှ သော်လည်းကောင်း Sanction ရုတ်သိမ်းရေးနှင့် ပတ်သက်သော တရားဝင် ကတိ စကားများ ရရှိရန် မဖြစ်နိုင်ပါ။

သို့သော် အာဆီယံ အနေဖြင့် ထိုသို့ တောင်းဆိုရန် အခွင့် ရှိနေသည်။ အနောက် နိုင်ငံ အစိုးရများ အဖို့ နားလည်မှုဖြင့် ဖြစ်စေ၊ အာဆီယံက မြန်မာ နိုင်ငံမှ အနာဂတ် နိုင်ငံရေး သဘော တူညီမှုများ ရယူရေးတွင် လျင်မြန်စွာ အပေါင်း လက္ခဏာ ဆောင်သော တုံ့ပြန်မှုများ စီစဉ်နိုင်ပေသည်။ Sanction များကို အရေးကြီးသော ကိစ္စအား နောက်ဆုံး ချန်၍ တဆင့်ချင်း ရုတ်သိမ်း သွားနိုင်ပါသည်။

ဥရောပ အနေဖြင့် ပထမ ခြေလှမ်းကိုပင် လှမ်းနိုင်ဖွယ် မရှိပေ။ သို့သော် အမေရိကန်က အာဆီယံ နှင့်အတူ ဆောင်ရွက်ရန် နားချပါက အီးယူသည် ၎င်း၏ ရပ်တည်မှုကို ပြောင်းရန် စဉ်းစား လာနိုင်သည်။

အာဆီယံ၏ Sanction ရုတ်သိမ်းရန် လျှောက်လဲချက် ပေးမှုမှာ ရှုထောင့် တစ်ခုမှ ကြည့်လျှင် Jချိန်ပင် အတော် လွန်နေပြီ ဖြစ်ကြောင်း သတိ ပေးသကဲ့သို့ ဖြစ်ခဲ့သည်။ သို့သော် လုပ်ရ ကိုင်ရ ခက်နေသော မြန်မာ နိုင်ငံနှင့် ဆက်ဆံရေး ကိစ္စကြီးကလည်း ရှေ့တွင် ရှိနှင့်ခဲ့ပြီး ဖြစ်နေသည်။ သို့ရာတွင် အဆိုပါ နည်းလမ်း နှစ်ခုစလုံးသည် အာဆီယံနှင့် အနောက်ကြား အသံကျယ် ပြောခြင်း ပရိယာယ်၊ လူထုကြား လက်ညှိုး ထိုးခြင်း နည်းများဖြင့် ဆက်လက် လုပ်ကိုင် နေပါက မည်သည်ကိုမျှ ရလိမ့်ဦးမည်ကား မဟုတ်ပေ။

{Yangon Chronicle 2010:2738} မြန်မာ အမြောက်ဆံ နယ်စပ်ကျော်ကျရောက် ပေါက်ကွဲမှုကြောင့် ထိုင်းစစ်သား ၂ ဦး ဒဏ်ရာရ

Posted by Transparency Myanmar 2010

comments (0)

(Bangkok Post မှ 31 January 2011 ရက်စွဲပါ "Thai Soldiers hurt by Burmese Motors" ကို ဘာသာ ပြန်ဆိုသည်)

မြန်မာ အစိုးရ တပ်ဖွဲ့များနှင့် DKBA ကရင် လက်နက်ကိုင် တပ်ဖွဲ့များ အကြား တိုက်ပွဲ ဖြစ်ပွားစဉ် နယ်စပ်ကို ကျော်ကာ တပ်ခါ ပြည်နယ် အတွင်းသို့ အမြောက်ဆံ လွဲချော် ကျရောက် ပေါက်ကွဲမှုကြောင့် ထိုင်းစစ်သား နှစ်ဦး ဒဏ်ရာ ရရှိသွားကြောင်း သတင်းရရှိသည်။

အဆိုပါ ဖြစ်စဉ်တွင် ဒဏ်ရာ ရရှိသွားသူ တစ်ဦး ဖြစ်သည့် ဘန်ဂျာပွန် ပေါင်ကန်သာ အား ထိုင်းစစ်တပ် တတိယ အကြီးအကဲ ဝန်သမ်ဝမ်ဝေက တနင်္လာနေ့တွင် မဲဆောက် ဆေးရုံသို့ သွားရောက် မေးမြန်း ခဲ့သည်။

ဒဏ်ရာရ စစ်သားမှာ တပ်ခ်ပြည်နယ် မဲဆောက် ခရိုင် အခြေစိုက် အမှတ် (၄) ခြေလျှင် တပ်ရင်း လက်အောက်ရှိ အထူး တိုက်ခိုက်ရေး ယူနစ်မှ ဖြစ်သည်ဟု သိရသည်။

၁၂၀ မီလီမီတာ အမြောက်ဆံ ပေါက်ကွဲ ထိမှန်မှုကြောင့် ညာဖက် လက်မောင်း ကျိုးသွားခြင်း ဖြစ်သည်ဟုလည်း ဆိုသည်။

တနင်္လာနေ့က တပ်ခ်ပြည်နယ် ဖော့ဖရားခရိုင်တွင်လည်း အလားတူ ဖြစ်ရပ်ကြောင့် ထိုင်းစစ်သား ဝီနိုင်းဒမ်မရောင် မှာ အသေးစား ထိခိုက် ဒဏ်ရာ ရသွားခဲ့ရာ ဖော့ဖရား ဆေးရုံသို့ တက်ရောက် ကုသနေသည်ဟု သတင်း ရရှိသည်။

{Yangon Chronicle 2010:2737} ဒီမိုကရေစီစနစ်ဆီသို့ သတိကြီးစွာ ခြေလှမ်းနေသည့် မြန်မာ

Posted by Transparency Myanmar 2010

comments (0)

မြန်မာ နိုင်ငံတွင် နှစ်ပေါင်း ၂၀ အတွင်း ပထမဆုံးအဖြစ် ထွက်ပေါ်လာသည့် ပါလီမန် လွှတ်တော် ဆွေးနွေးပွဲကို စစ်ဗိုလ်ချုပ်ကြီးများက ဦးဆောင်ကာ သဘာပတိ ပြုနေပြီ ဖြစ်သည်။ ယင်းသို့ ပါလီမန် လွှတ်တော် ခေါ်ယူခြင်းသည် ပါတီစုံ ဒီမိုကရေစီ ဖော်ဆောင်ရေး လုပ်ငန်းစဉ်၏ နောက်ဆုံး အပိုင်းဖြစ်သည်ဟု မြန်မာ စစ်အစိုးရက ဆိုသည်။

တရားဝင်အားဖြင့် ပြောမည်ဆိုပါက နေပြည်တော် မြို့တော်သစ်တွင် ပါလီမန် လွှတ်တော်ကို ပထမဆုံး ခေါ်ယူမှုသည် စစ်အစိုးရအား ဖျက်သိမ်းတော့မည် ဟူသည့် သဘောမျိုးကို သက်ရောက်သည်။ သို့သော် တကယ့် သဘောတရား အစစ်ကို ပြောမည် ဆိုပါက ယခုကဲ့သို့ လွှတ်တော် ခေါ်ယူခြင်းသည် လွတ်လပ်သော ဒီမိုကရေစီ တစ်ရပ် စတင် ပေါ်ထွန်းမှု ဖြစ်သည်ဟု ဆို၍ ရမည် မဟုတ်ပေ။ လွှတ်တော်အမတ် နေရာ လေးပုံတစ်ပုံမှာ စစ်တပ်မှ တိုက်ရိုက် ခန့်ထားသူများ ရရှိပြီး ကျန်နေရာ အားလုံး၏ ၈၀ ရာခိုင်နှုန်းကို စစ်တပ် ကျောထောက် နောက်ခံ ပါတီမှ ကိုယ်စားလှယ်များ ရယူထားသည် ဖြစ်ရာ စစ်ဗိုလ်ချုပ်ကြီးများအနေဖြင့် ၎င်းတို့၏ ပါဝါကို ထိထိ ရောက်ရောက်ပင် ပြန်လည် ထိန်းသိမ်းထားနိုင်မည် ဖြစ်သည်။ သို့သော် ရာထူးကြီးငယ် အဆင့်ဆင့် အုပ်ချုပ်သည့် စနစ်မျိုး လျော့နည်းသွားမည် ဖြစ်သည်။

"စစ်တပ်ကပဲ ဆက်ပြီး ထိန်းချုပ်နေဦးမှာပါ။ ဒါပေမဲ့ သူတို့ထဲက တချို့ကတော့ စစ်ယူနီဖောင်း ချွတ်လိုက်ရမှာပါ" ဟု ထိုင်းနိုင်ငံ၊ Payap University မှ ပါမောက္ခ ဦးဝင်းမင်းက ပြောကြားသည်။ လက်ရှိ အနေအထားတွင် အဓိက မေးစရာ ဖြစ်နေသည့် မေးခွန်းမှာ မြန်မာ စစ်အစိုးရ၏ နံပါတ် ၁ ခေါင်းဆောင် ဖြစ်သော ဗိုလ်ချုပ်မှူးကြီး သန်းရွှေ ဖွဲ့စည်းပုံ အခြေခံ ဥပဒေသစ် လက်အောက်တွင် အာဏာ အရှိဆုံး ရာထူးဖြစ်သည့် နိုင်ငံတော်သမ္မတ ဖြစ်လာမည်လော ဟူသည်ပင်။ သို့သော် တစ်ဖက်တွင် ဖွဲ့စည်းပုံ အခြေခံဥပဒေအရ ဗိုလ်ချုပ်မှူးကြီး သန်းရွှေအနေဖြင့် အဆိုပါ ရာထူးကို ရယူမည် ဆိုပါက ၎င်းလက်ရှိ ရယူထားသည့် ကာကွယ်ရေး ဦးစီးချုပ် ရာထူးမှ နုတ်ထွက်ပေးရမည် ဖြစ်သည်။

မြန်မာနိုင်ငံတွင် ထွက်ပေါ်ခဲ့သော ဆန္ဒပြမှုများ၊ အဓိကရုဏ်းများကို နှိမ်နင်းပြီး နိုင်ငံရေးတွင် သြဇာ အာဏာ ရှိသော ပြိုင်ဘက်များကို ကောင်းစွာ အနိုင် ယူနိုင်ခဲ့သူ ဗိုလ်ချုပ်မှူးကြီး သန်းရွှေသည် ယခု ဖေဖော်ဝါရီလ ၂ ရက်နေ့တွင် အသက် ၇၈ နှစ် ပြည့်ခဲ့ပြီ ဖြစ်ကြောင်း လွန်ခဲ့သည့် နှစ်ပေါင်း ၃၀ ခန့်က ထုတ်ပြန်သည့် အစိုးရ ပြန်တမ်း တစ်ရပ်အရ သိရသည်။ (မြန်မာ စစ်အစိုးရသည် လွန်စွာ လျှို့ဝှက် သိုသပ်သော အဖွဲ့အစည်း ဖြစ်သည်။ နိုင်ငံ ထိပ်ပိုင်း ခေါင်းဆောင်များ၏ မွေးနေ့၊ မွေးရက်ကိုပင် ထုတ်ဖော်မှု မပြုပေ။)

မြန်မာနိုင်ငံတွင် ထွက်ပေါ်လာမည့် နိုင်ငံရေး စနစ်သစ်သည် ဒီမိုကရေစီ စနစ်ကို အနှစ်သာရ သဘောထက် အသွင်သဏ္ဍာန် သဘောမျိုးဖြင့် တည်ဆောက်သွားမည် ဖြစ်သည်။ သို့သော် စစ်အစိုးရ လက်ထက် ထက်-အောက် အုပ်ချုပ်မှု ပုံစံမျိုးတွင် မရှိခဲ့သော အငြင်းအခုံ ပြုမှုများ၊ နိုင်ငံရေး သမား အားလုံး ပါဝင် ဆွေးနွေးမှုများ ပိုမို ပေါ်ထွန်းလာမည် ဖြစ်ကြောင်း လေ့လာ သုံးသပ်သူများက ဆိုသည်။

ပြည်ပရောက် မြန်မာ မီဒီယာများ အဆိုအရ ပါလီမန်တွင် မေးမည့် မေးခွန်းများကို အဖွဲ့ဝင်များက ၁၀ ရက်ကြို၍ တင်ပြရမည် ဖြစ်ကြောင်း၊ ထို့နောက် စိစစ်မှုများ ပြုလုပ်ပြီးမှ ခွင့်ပြုမည် ဖြစ်ကြောင်း သိရသည်။ "ဒီမိုကရေစီ အစိုးရ လက်ထက် ပထမ ငါးနှစ်အတွင်းမှာ အများကြီး ပွင့်လင်းလာမယ် လို့တော့ ကျွန်မ မထင်မိပါဘူး" ဟု မြန်မာနိုင်ငံ ဆိုင်ရာ အမေရိကန် သံရုံး၌ အကြီးအကဲ အဖြစ် ၁၉၉၉ ခုနှစ်မှ ၂၀၀၂ ခုနှစ်အထိ တာဝန် ထမ်းဆောင်ခဲ့သူ Priscilla Clapp က သုံးသပ် ပြောဆိုသည်။ "ဒါပေမဲ့ စနစ်ကိုပိုပြီး ရှုပ်ထွေး နက်နဲနေတယ် ဆိုတော့ ပါဝါစင်တာတွေ အပြိုင်အဆိုင် ဖြစ်လာတာမျိုး မလွဲမသွေ တွေ့ရမှာ ဖြစ်ပါတယ်" ဟု ၎င်းက ဆက်လက် ပြောဆိုသည်။

နိုဝင်ဘာလ ၇ ရက်နေ့ ရွေးကောက်ပွဲ ကျင်းပပြီးနောက် ပါလီမန် လွှတ်တော် စတင် ခေါ်ယူသည့် ကိစ္စသည် တစ်ခုတည်းသော အပြောင်းအလဲ တစ်ခု ဖြစ်သည်။ နိုဗယ်လ် ငြိမ်းချမ်းရေးဆုရှင် ဒေါ်အောင်ဆန်းစုကြည်သည် ယင်းရွေးကောက်ပွဲ ကျင်းပပြီးနောက် ရက်ပိုင်းမျှတွင် နေအိမ် အကျယ်ချုပ်မှ လွတ်မြောက်လာခဲ့ကာ လက်ရှိ အနေအထားတွင် ဒီမိုကရေစီရေး လှုပ်ရှားမှုများ ပြန်လည် လုပ်ကိုင်ရန် နည်းလမ်း ရှာဖွေလျက် ရှိသည်။ ဤအတော အတွင်းမှာပင် မြန်မာ စစ်အစိုးရက နိုင်ငံပိုင် အဆောက်အအုံများ၊ စက်ရုံများ၊ လုပ်ငန်းကြီးများကို ၎င်းနှင့် နီးစပ်သော အသိုင်းအဝိုင်း လက်သို့ အဆမတန် လွှဲပြောင်းရောင်းချကာ ပုဂ္ဂလိကပိုင် ပြုပေးနေသည်။ ဆိုဗီယက် ပြည်ထောင်စု ပြိုကွဲပြီးနောက် ရုရှား နိုင်ငံတွင် ပုဂ္ဂလိကပိုင် ပြုမှုများ အစွမ်းကုန် ပြုလုပ်သကဲ့သို့ ဖြစ်သည်။

မြန်မာ နိုင်ငံတွင်း ဖြစ်ပေါ်လျက် ရှိသော အပြောင်းအလဲ အချို့နှင့် ပတ်သက်၍ အိမ်နီးချင်း နိုင်ငံများက စီးပွားရေး ပိတ်ဆို့ အရေးယူမှုများ ဖယ်ရှားပေးရန်နှင့် အထီးကျန် ဖြစ်အောင် လုပ်ဆောင်မှုများ ရပ်တန့်ပေးရန် အမေရိကန် ပြည်ထောင်စုနှင့် အနောက် နိုင်ငံများကို တိုက်တွန်း ပြောဆိုသည်။

NY Times မှ သတင်း ဆောင်းပါးကို ဘာသာ ပြန်ဆိုသည်။

{Yangon Chronicle 2010:2736} စစ်တပ်က နောက်တွင် ရှိနေသရွေ့ မူဘာရတ် မြဲနေဦးမည်

Posted by Transparency Myanmar 2010

comments (0)

(The Asian Age မှ 1 February 2011 ရက်စွဲပါ "Egypt's Mubarak Hangs on as Army Steps Back" ကို ဘာသာ ပြန်ဆိုသည်)

ကိုင်ရို လမ်းများ ပေါ်သို့ ပြည်သူများ သိန်းနှင့် ချီ၍ ထွက်လာကာ ဆန္ဒပြလျက် ရှိရာ မြန်မာ ဒီမိုကရေစီ ခေါင်းဆောင် ဒေါ်အောင်ဆန်း စုကြည်က "ကျွန်မတို့ အားလုံး ရှင်တို့ ဘက်မှာ ရှိနေပါတယ်" ဟု အင်္ဂါနေ့တွင် အီဂျစ် အစိုးရ ဆန့်ကျင် ဆန္ဒပြသူများကို ပြောကြားလိုက်သည်။

မြန်မာ စစ်ဖက် အစိုးရကို ဆယ်စုနှစ် များစွာ တွန်းလှန် ခဲ့သူ ငြိမ်းချမ်းရေး နိုဘယ်ဆုရှင်က ဘီဘီစီ အသံလွှင့်ဌာန၏ တိုက်ရိုက် အမေး အဖြေ ကဏ္ဍတွင် သူမ အနေဖြင့် အီဂျစ် အနေအထားကို များစွာ စိတ်ဝင်စားလျက် ရှိပြီး ဆန္ဒပြသူများ ဇွဲ မလျှော့ဘဲ တောင့်တား ကြရန် တိုက်တွန်းသည်ဟု ပြောကြားခဲ့သည်။

အီဂျစ်တွင် ကြောက်မက်ဖွယ် အသွင် ကူးပြောင်းမှု အခိုက်အတန့် နှင့် ရင်ဆိုင် နေရသဖြင့် သူမထံမှ အကြံဉာဏ် တောင်းခံသော ကိုင်ရိုမှ တယ်လီဖုန်း ဖြင့် မေးမြန်းသူအား သူမက "ခေါင်းအေးအေး ထားဖို့၊ စိတ်ဓာတ် ခိုင်မာဖို့၊ မျှော်လင့်ချက်ကို ဇွဲမလျှော့ဖို့ ဆက်ပြီး တောင့်ထားဖို့ မဖြစ်မနေ လိုအပ်ပါတယ်" ဟု တုံ့ပြန် ပြောကြားခဲ့သည်။

သူမက ဆက်လက်၍ "ကျွန်မတို့ အားလုံး ရှင်တို့နဲ့ အတူ ရှိနေတယ် ဆိုတာကို အသိပေး ချင်ပါတယ်၊ လွတ်လပ်မှုကို လိုလားတဲ့ ကမ္ဘာပေါ်က ပြည်သူတွေဟာ လွတ်လပ်ခွင့် အတွက် တိုက်ပွဲ ဝင်နေတဲ့ တခြား ပြည်သူတွေနဲ့ ခံစားမှုချင်း ဆက်နွယ်နေပါတယ်" ဟု ပြောကြားသည်။

ဒေါ်အောင်ဆန်း စုကြည်၏ NLD ပါတီသည် ၁၉၉၀ ခုနှစ်က နောက်ဆုံး ရွေးကောက်ပွဲ များတွင် ပြည်လုံးကျွတ် အနိုင်ရရှိသော်လည်း စစ်ဖက် အုပ်ချုပ်သူများက ၎င်းရလဒ်ကို လုံးဝ အသိ အမှတ် မပြုသည့် အပြင် သူမအား အနှစ် နှစ်ဆယ်နီးပါး အကျယ်ချုပ် ထိန်းသိမ်း ထားခဲ့သည်။

အနှစ် ၅၀ စစ်အုပ်ချုပ်ရေးကို ခြေကုတ် မြဲအောင် ပြုလုပ်ခြင်းဟု ကမ္ဘာက ဝိုင်းဝန်း ဝေဖန်ခဲ့ကြသော ရွေးကောက်ပွဲများ အပြီး တစ်ပတ် အကြာ နိုဝင်ဘာတွင်မူ စစ်ဖက် အစိုးရက သူမအား အကျယ်ချုပ်မှ လွှတ်ပေးလိုက်သည်။

အီဂျစ် နိုင်ငံနှင့် ပတ်သက်၍ သူမက ဆက်လက် ပြောကြားရာတွင် "အာဏာရှင် အစိုးရတွေကြောင့် ပြည်သူတွေ နှစ်အတန်ကြာ မောပန်း နေကြမှာတော့ ပုံမှန် သဘာဝလို့ ကျွန်မ ထင်ပါတယ်၊ နောက်ပြီးတော့ ဒီကနေ့ ပြည်သူတွေဟာ အီဂျစ်မှာ လုပ်ခဲ့ကြသလိုမျိုး တစ်ဦးနဲ့ တစ်ဦး အပြန်အလှန် ဆက်သွယ်ပြီး ကြီးမားတဲ့ လူထု ဆန္ဒပြပွဲတွေ စီစဉ်တဲ့ နေရာမှာ နည်းလမ်းကောင်းတွေ ပိုပြီး နားလည် တတ်ကျွမ်း နေကြတယ်လို့ ကျွန်မ ယူဆပါတယ်" ဟု ဆိုသည်။

အီဂျစ်တွင် တွေ့မြင်နေရသော ကြီးမားသည့် လူထု ဆန္ဒပြပွဲများသည် မြန်မာ နိုင်ငံ ဒီမိုကရေစီ ပြောင်းလဲရေး အတွက် အကောင်းဆုံး နည်းလမ်း ဟုတ်သည် မဟုတ်သည် မေးမြန်း ခဲ့ရာ သူမက "အကောင်းဆုံး နည်းလမ်း လို့တော့ ပြောနိုင်မယ် မထင်ပါဘူး၊ ဒါဟာ ပြောင်းလဲမှုကို ဆောင်ကြဉ်း ပေးနိုင်မယ့် နည်းလမ်း တစ်ခုမျှသာ ဖြစ်ပါတယ်၊ ဒါပေမဲ့ အကောင်းဆုံး နည်းလမ်း ဖြစ်တယ်လို့တော့ ပြောဖို့ မဖြစ်နိုင်ပါဘူး၊ ဘာကြောင့်လဲ ဆိုရင် ဖြစ်နိုင်ခြေ နည်းလမ်းတွေ အားလုံးကို ကျွန်မတို့ သုံးမကြည့် ရသေးလေ" ဟု ဖြေကြားခဲ့သည်။

{Yangon Chronicle 2010:2735} အီဂျစ် အုံကြွမှု သတင်းနှင့် ဆွေးနွေးမှုများကို တရုတ် ပိတ်ပင်

Posted by Transparency Myanmar 2010

comments (0)

(AFP သတင်းမှ 31 January 2011 ရက်စွဲပါ "China Restricts News Discussion of Egypt Unrest" ကို ဘာသာ ပြန်ဆိုသည်)

တရုတ် ဆင်ဆာ အဖွဲ့က အီဂျစ် နိုင်ငံ မငြိမ်သက်မှုနှင့် ပတ်သက်သည့် အွန်လိုင်း ဆွေးနွေးမှုများကို ပိတ်ဆို့ကာ သတင်း ဖော်ပြမှုများကို ဖယ်ရှားလျက် ရှိရာ အဆိုပါ အီဂျစ် အုံကြွမှုက တရုတ် ပြည်တွင်း ပြုပြင် ပြောင်းလဲရေး အတွက် တောင်းဆိုမှုများကို လှုံဆော်ပေးနိုင်ဖွယ် ရှိသည်ဟု တရုတ် တာဝန် ရှိသူများ သောကရောက် နေသည့် လက္ခဏာပင် ဖြစ်သည်။

တရုတ် နိုင်ငံ၏ ဆင်ဆာ တည်းဖြတ်ရေး ယန္တရားက အစွမ်းကုန် အရှိန်မြင့်နေသည့် အားလျော်စွာ တနင်္လာနေ့က အွန်လိုင်း Micro Blogs များတွင် အီဂျစ် ဆန္ဒပြပွဲများကို ရှာဖွေ၍ မရတော့ဘဲ အီဂျစ် သတင်းများ အပေါ် ဆွေးနွေးမှုများ မှာလည်း ပိတ်ဆို့ ဖယ်ရှားခြင်း ခံခဲ့ရသည်။

အီဂျစ် သမ္မတ ဟော့စနီ မူဘာရက်၏ အနှစ် သုံးဆယ် အုပ်ချုပ်မှုကို ဆန့်ကျင်သည့် ဆန္ဒပြပွဲများ အကြောင်း သတင်း အစီရင်ခံစာ များမှာလည်း အခြေခံ နိုင်ငံရေး အကြောင်းရင်းနှင့် ဒီမိုကရေစီ တောင်းဆိုမှုများကို သိသိ သာသာ ဖြတ်တောက်ထားကာ အချက် အလက် မစုံလင်သော သတင်း အဖြစ်သာ ကန့်သတ် ဖော်ပြသည်ကို တွေ့ရသည်။

သတင်းစစ် သတင်းမှန်များ အစား တရုတ် နိုင်ငံခြားရေး ဝန်ကြီးဌာန၏ တောင်းဆိုမှုကို သံယောင် လိုက်ကာ ကိုင်ရို၏ မင်းမဲ့ စရိုက် အခြေ အနေနှင့် ဥပဒေ စိုးမိုးရန် လိုအပ်ချက် တို့ကို အလေးပေး ဖော်ပြ ခဲ့ပြီး ခိုကိုးရာမဲ့ တရုတ် လူမျိုး ၅၀၀ ကျော်ကို ပြန်လည် ခေါ်ယူရန် အတွက် စင်းလုံးငှား လေယာဉ် ၂ စင်း ကိုင်ရိုသို့ စေလွှတ်ရန် အစိုးရက စီစဉ်နေသည့် သတင်းများကိုသာ ဖော်ပြလျက် ရှိသည်။

အဓိက တရုတ် သတင်းစာ များတွင်လည်း အီဂျစ်မှ ဓာတ်ပုံများကို မတွေ့ရသကဲ့သို့ တနင်္လာနေ့က ရုပ်သံ ထုတ်လွှင့်ရာ တွင်လည်း ဆန္ဒပြပွဲ ရုပ်ပုံများ မပါဝင်ဘဲ မူဘာရတ်နှင့် တာဝန်ရှိ ပုဂ္ဂိုလ်များ တွေ့ဆုံမှုကိုသာ ပြသသွားခဲ့သည်။

"နိုင်ငံပိုင် ဆင်ဟွာ (Xinhua) သတင်းဌာနက ပေးတဲ့ သတင်း ကော်ပီတွေကိုသာ အသုံး ပြုရမယ်လို့ အစိုးရက အမိန့် ထုတ်မယ်လို့ ထင်ပါတယ်၊ သူတို့ရဲ့ လုပ်ထုံး လုပ်နည်းပေါ့" ဟု ဆင်ဆာ အပိတ်ခံရသော ဘေဂျင်း အခြေစိုက် တရုတ် မီဒီယာ ဝက်ဘ်ဆိုက် Danwei.org မှ အယ်ဒီတာ Jeremy Goldkorn က ပြောကြားသည်။

Transparency Myanmar

transparency.myanmar@gmail.com

Welcome

Blog Archive

Labels

{Yangon Chronicle 2010:2740} မြန်မာနိုင်ငံနှင့် ဒီမိုကရေစီ အလှမ်းဝေးနေဆဲ

{Yangon Chronicle 2010:2739} မြန်မာ နိုင်ငံ အရေး အာဆီယံနှင့် အီးယူတို့၏ ရှေ့လမ်းခရီး

{Yangon Chronicle 2010:2738} မြန်မာ အမြောက်ဆံ နယ်စပ်ကျော်ကျရောက် ပေါက်ကွဲမှုကြောင့် ထိုင်းစစ်သား ၂ ဦး ဒဏ်ရာရ

{Yangon Chronicle 2010:2737} ဒီမိုကရေစီစနစ်ဆီသို့ သတိကြီးစွာ ခြေလှမ်းနေသည့် မြန်မာ

{Yangon Chronicle 2010:2736} စစ်တပ်က နောက်တွင် ရှိနေသရွေ့ မူဘာရတ် မြဲနေဦးမည်

{Yangon Chronicle 2010:2735} အီဂျစ် အုံကြွမှု သတင်းနှင့် ဆွေးနွေးမှုများကို တရုတ် ပိတ်ပင်

Transparency Myanmar

transparency.myanmar@gmail.com

Subscribe To

Welcome

Blog Archive

Labels

{Yangon Chronicle 2010:2740} မြန်မာနိုင်ငံနှင့် ဒီမိုကရေစီ အလှမ်းဝေးနေဆဲ

{Yangon Chronicle 2010:2739} မြန်မာ နိုင်ငံ အရေး အာဆီယံနှင့် အီးယူတို့၏ ရှေ့လမ်းခရီး

{Yangon Chronicle 2010:2738} မြန်မာ အမြောက်ဆံ နယ်စပ်ကျော်ကျရောက် ပေါက်ကွဲမှုကြောင့် ထိုင်းစစ်သား ၂ ဦး ဒဏ်ရာရ

{Yangon Chronicle 2010:2737} ဒီမိုကရေစီစနစ်ဆီသို့ သတိကြီးစွာ ခြေလှမ်းနေသည့် မြန်မာ

{Yangon Chronicle 2010:2736} စစ်တပ်က နောက်တွင် ရှိနေသရွေ့ မူဘာရတ် မြဲနေဦးမည်

{Yangon Chronicle 2010:2735} အီဂျစ် အုံကြွမှု သတင်းနှင့် ဆွေးနွေးမှုများကို တရုတ် ပိတ်ပင်