Transparency Myanmar

transparency.myanmar@gmail.com

(The Ottawa citizen မှ 22 February 2011 ရက်စွဲပါ Andrew Cohen ၏ "Sanctions aren't working in Burma" ဆောင်းပါးကို ဘာသာ ပြန်ဆိုသည်)

          ယနေ့ ကနေဒါ Carleton University တွင် မြန်မာနိုင်ငံမှ ရဲရင့်သော အမျိုးသမီး ဒေါ်အောင်ဆန်းစုကြည်ကို ဂုဏ်ထူးဆောင် ဒေါက်တာဘွဲ့ အပ်နှင်းမည် ဖြစ်သည်။ ယခု ဂုဏ်ထူး ဆောင်ဘွဲ့သည် အမြဲတမ်းပင် ကိုယ်တိုင်ဆု လက်ခံရန် မဖြစ်နိုင်သည့် ရဲရင့်သော နိုဘယ် ဆုရှင်အား ထပ်မံ၍ ချီးကျူး ဂုဏ်ပြုခြင်းပင် ဖြစ်သည်။

          ဒေါ်အောင်ဆန်းစုကြည်သည် ပြီးခဲ့သော နိုဝင်ဘာလက နေအိမ် အကျယ်ချုပ်မှ လွတ်မြောက် လာခဲ့ပြီး နောက်ပိုင်း တပ်မတော် အစိုးရ စိတ်အနှောင့်အယှက် မဖြစ်အောင် ဂရုတစိုက် သတိထားလျက် ရှိသည်။ သူမ၏ အင်းလျား ကန်စောင်း နေအိမ်တွင် ပြီးခဲ့သော ဆောင်းဦး အထိ ၁၆ နှစ်တာမျှ ထိန်းသိမ်း ခံခဲ့ရသော ရန်ကုန် မြို့တော်ကို ကျော်လွန်၍ မြန်မာနိုင်ငံ အတွင်း ခရီးထွက်ရန် ငြင်းဆိုခဲ့သလို လူထုအား မိန့်ခွန်း ပြောကြားမှုလည်း အနည်း ငယ်သာ ရှိခဲ့သည်။ 

          သူမ၏ အမျိုးသား ဒီမိုကရေစီ အဖွဲ့ချုပ်သည် ကနေဒါ အပါအဝင် အနောက် နိုင်ငံများက မြန်မာ အစိုးရ အပေါ် ချမှတ်ထားသော Sanctions များကို ထောက်ခံကြောင်း ယခုလ အစောပိုင်းတွင် ထပ်မံ အတည်ပြုခဲ့ပြီး အဆိုပါ Sanctions များသည် တပ်မတော် အစိုးရကိုသာ ထိခိုက်စေပြီး ပြည်သူ လူထုကို မထိခိုက်ကြောင်း အခိုင်အမာ ပြောဆိုခဲ့သည်။ "တရား မျှတမှုနဲ့ လူ့အခွင့် အရေး အခြေခံ စံနှုန်းတွေနဲ့ ဆန့်ကျင်ဘက် သက်ရောက်မှု ရှိတဲ့ ဒီလို ပစ်မှတ်ထား Sanctions တွေဟာ အာဏာရှင် အစိုးရတွေ စည်းလွတ်အောင် ပြစ်မှု မကျူးလွန် နိုင်အောင် သတိ ပေးမှု အဖြစ်နဲ့ အသုံးဝင်ပါတယ်၊ လတ်တလော မှာတော့ Sanctions တွေ ဖယ်ရှားပေးဖို့ တောင်းဆိုမှုတွေ ရှိနေ ပါတယ်" ဟု NLD ပါတီက ပြောကြားသည်။

          NLD ပါတီ၏ ကြေညာချက်က Sanctions များကို အချောကိုင် ပြုပြင်ရန် လိုအပ်ကြောင်း အကြံ ပြုထား သော်လည်း ဒေါ်အောင်ဆန်းစုကြည်ကို လွှတ်ပေးခဲ့သည့် အစိုးရက သူမအား ဂရုစိုက်လာအောင် ပြုလုပ်သည့် သဘော ဟုတ်ပုံ မရပါ။ အနည်းဆုံးယခုအချိန်တွင် အနောက် နိုင်ငံများအား သူတို့၏ ကာလ ရှည်ကြာ မူဝါဒများကို ပြန်လည် စဉ်းစား သုံးသပ်ဖို့ တောင်းဆိုရန် ဒေါ်အောင်ဆန်း စုကြည်က ပြင်ဆင်နေသည် ဟူသော ခန့်မှန်းချက်ကို ကျန်အောင် ပြုလုပ်ခြင်း ဖြစ်ပုံ ရသည်။

ထိုတစ်ချက်မှာ အမှန် တကယ်ကို ဆိုးလွန်းသည်။ အကြောင်းရင်းမှာ Sanctions များ အလုပ် မဖြစ် ကြောင်းကို အထောက် အထားများက ပြသနေခြင်း ကြောင့်ပင် ဖြစ်သည်။ လောဘ ကြီးခြင်း၊ ညံ့ဖျင်းခြင်း၊ ရက်စက် ကြမ်းကြုပ်ခြင်း အရာများတွင် မေးခွန်း ထုတ်စရာပင် မလိုသည့် တပ်မတော် အစိုးရကို Sanctions များ က ထိခိုက်စေသည် ဆိုပါက ဘယ်နေရာမှာလဲ၊ ဘယ်လို ပုံစံနဲ့လည်း ဟုသာ မေးရပါတော့မည်။

          ၁၉၈၈ ခုနှစ် နောက်ပိုင်း ကနေဒါ၊ အမေရိကန် ပြည်ထောင်စု၊ သြစတြေးလျနှင့် ဥရောပ သမဂ္ဂ နိုင်ငံများက ပုံစံ အမျိုးမျိုးဖြင့် ချမှတ်ထားသော ကုန်သွယ်ရေးနှင့် ခရီး သွားလာခွင့် ပိတ်ပင် တားဆီးမှုများကို မြန်မာ နိုင်ငံ တပ်မတော် ခေါင်းဆောင်များနှင့် စီးပွားရေး ရောင်းရင်းများက ကွေ့ပတ် ရှောင်ကွင်းနိုင်မည့် နည်းလမ်းများ တွေ့ရှိထားကြောင်း Globe and Mail သတင်းစာမှ Mark Mackinnon ၏ လတ်တလော သတင်းဆောင်းပါး တွင် ဆွေးနွေးထားသည်။

          သံဃာတော်များ ဦးဆောင်သည့် ဆန့်ကျင် ဆန္ဒပြမှုကို တပ်မတော် အစိုးရက ကြိတ်ချေ ပစ်ခဲ့သည်။ ၂၀၀၇ ခုနှစ် အဓိကရုဏ်း အပြီးတွင် တင်းကြပ်ထားခဲ့ပြီး ဖြစ်သော Sanctions များကို ပြီးခဲ့သော နှစ်တွင် ကနေဒါက ထပ်မံ ဝက်အူ တင်းခဲ့သည်။ ကနေဒါက ချမှတ်သော Sanctions များသည် ကမ္ဘာတွင် အပြင်းထန်ဆုံး ဟုပင် ဆိုကြသည်။  မြန်မာနိုင်ငံတွင် လျို့ဝှက် သတင်း နှိုက်ယူရန် ၂ ပတ်ကြာ နေထိုင်ခဲ့သော Mackinnon က "ထိုနိုင်ငံတွင် ခေတ်ပျက်သူဌေး ဖြစ်လာသော အထက်လွှာ ရေပေါ်ဆီများက အနောက် Sanctions များကို အားသာချက် အဖြစ် ပြောင်းလဲ ပစ်လိုက်ကြသည်" ဟု ရှုမြင်သည်။ ပိတ်ဆို့ခံ အနေအထားတွင် စစ်တပ်နှင့် ပူးပေါင်း၍ လုပ်ကိုင် နေသော ခေတ်ပေါ် သူဌေးများ အပေါ် Mackinnon ၏ ရှုမြင်မှုက Sanctions များသည် ၂၃ နှစ်ကြာခဲ့သည့် တိုင်အောင် အလုပ်မဖြစ် ဟူသော တခဲနက် ထွက်ပေါ်လာသည့် အယူအဆကို ရောင်ပြန် ဟပ်ပြနေသည်။

          အဆိုးဆုံးမှာမူ အာရှ၏ အဆင်းရဲဆုံး နိုင်ငံတစ်ခုသို့ ပေးသော အနောက်နိုင်ငံ ကူညီ ထောက်ပံ့မှုများကို ကန့်သတ်ထားခြင်းကြောင့် သနားစရာ အကောင်းဆုံး မြန်မာပြည်သူများကို ထိခိုက် နစ်နာစေခဲ့ခြင်းပင် ဖြစ်သည်။ ဤသုံးသပ်ချက်သည် နိုင်ငံတကာ ကယ်ဆယ် ထောက်ပံ့ရေး အသိုင်းအဝိုင်းမှ ဝေဖန် ဆန်းစစ်သူများက Sanctions များအပေါ် ရှုမြင်သည့် မှတ်ချက်ပင် ဖြစ်သည်။

          ယခုကဲ့သို့ Sanctions များအပေါ် ယေဘုယျ ဝေဖန်မှုသည် အသစ် အဆန်းတော့ မဟုတ်ပါ။ ၁၉၈၀ ခုနှစ်များတွင် တောင်အာဖရိကနိုင်ငံအပေါ် Sanctions များ ချမှတ်ခဲ့စဉ် ကလည်း အလားတူ ဝေဖန်မှုများ ရှိခဲ့ပြီး ဖြစ်သည်။ ထိုစဉ်က သမိုင်း၏ "မှားတဲ့ ဘက်မှာ" ရပ်ခဲ့သော မားဂရက် သက်ချာ၏ အတိုက်အခံ ကန့်ကွက်မှု ကြားမှပင် လူမျိုးရေး ခွဲခြားမှုကို ဖယ်ရှားရာ၌ ဆုံးဖြတ်မှု မှန်ကန်ခဲ့သည်။

ယခု ပြဿနာမှာ မြန်မာ နိုင်ငံသည် တောင်အာဖရိက မဟုတ်ခြင်းပင် ဖြစ်သည်။ မြန်မာ၏ အိမ်နီးချင်း ထိုင်း၊ အိန္ဒိယနှင့် တရုတ်တို့သည် Sanctions များကို လစ်လျူရှု ထားကြသည်။ သူတို့က သစ်မာများ၊ သဘာဝ ဓာတ်ငွေ့များ၊ သတ္တုများ၊ ကျောက်မျက် ရတနာများကို အပေါ်စီးမှ ဝယ်ခွင့် ရ၍ ပျော်နေကြသလို ရှိသမျှ ထုတ်ရောင်းကာ ပျော်နေသည့် တပ်မတော် အစိုးရကလည်း နေရင်း ထိုင်ရင်း ကြွယ်ဝလာကာ တရားမဝင် စစ်အုပ်ချုပ်ရေးကို သက်ဆိုး ရှည်စေခဲ့သည်။

          အထက်တွင် ဆိုခဲ့သည့် အကြောင်း အရာများတွင် မြန်မာအစိုးရ ခေါင်းများသည် ကရုဏာ ကင်းမဲ့သော လူမိုက်များ မဟုတ်ဟု ရှေ့နေ လိုက်သော အချက် တစ်ခုမှ မပါဝင်ပါ။ အမှန်စင်စစ် သူတို့သည် ၁၉၈၈ ခုနှစ်က ဒီမိုကရေစီ ထောက်ခံ ဆန္ဒပြသူများကို သတ်ဖြတ်ရန် ဆေးရုံများထဲသို့ စစ်သားများ စေလွှတ်ခဲ့သူ များသာ ဖြစ်သည်။ ၁၉၈၉ တွင် တိန်အန်မင် ရင်ပြင်မှ ဆန္ဒပြသူများကို ကြိတ်ချေရန် နည်းလမ်းများကို တရုတ် ခေါင်းဆောင်များအား ရှေ့ဆောင် လမ်းပြ လုပ်ခဲ့သူများ ဖြစ်သည်။

          ယခု ဆောင်းပါးတွင် မြန်မာ နိုင်ငံ၏ နောက်ဆုံး ရွေးကောက်ပွဲများသည် အတု မဟုတ်၊ မြန်မာ အစိုးရသည် ကမ္ဘာတွင် အဂတိ လိုက်စားမှု အများဆုံး အစိုးရများထဲတွင် မပါဟု တင်ပြခြင်း မရှိပါ။ သူတို့သည် အမှန်တကယ် လှည့်ဖြား ခဲ့သလို အမှန်တကယ် အဂတိ လိုက်စားသူ များသာ ဖြစ်သည်။

          သို့သော်လည်း သင့်အနေဖြင့် မအောင်မြင်သော မူဝါဒကို ဆုပ်ကိုင်ကာ ဘာဆက်လုပ် မည်နည်း၊ အများ လက်ခံထားသော လက်တွေ့ အရှိတရားမှ မည်သို့ ထုတ်နှုတ် ဆင်ခြင် ပြောင်းလဲ မည်နည်းဟု မေးခွန်း ထုတ်ရန်သာ ရှိသည်။

          ဖြစ်သင့်သည်မှာ အခြား နည်းလမ်းများကို ရှာဖွေ လေ့လာရန်ပင် ဖြစ်သည်။ ရာစုနှစ် တစ်စိတ် (၂၅နှစ်) ခန့် ဒဏ်ခတ် အရေးယူ ပစ်ပယ် အပြီးတွင် မြန်မာနိုင်ငံသည် အနောက် နိုင်ငံများ၏ ထိန်းချုပ်မှုမှ လွတ်ထွက် ကျော်လွန် သွားခဲ့ပါပြီ။ လစ်ဘရယ် ဒီမိုကရေစီကို အရေး မထားသော တရုတ် အစိုးရထံမှ အရိတ်အမြွတ် စကားများကို ယခု အချိန်တွင် မြန်မာ အစိုးရက အများဆုံး နာခံနေပါပြီ။ အစစ်အမှန် ဒီမိုကရေစီ နိုင်ငံ အိန္ဒိယကလည်း မြန်မာ နိုင်ငံတွင် လစ်ဘရယ် ဒီမိုကရေစီ ထွန်းကားရေးထက် သူ၏ ဒေသတွင်း မဟာ ဗျူဟာမြောက်၊ စီးပွားရေး ဆိုင်ရာ အကျိုးစီးပွားများ အပေါ် တွင်သာ စိုးရိမ်ပူပန် အာရုံ များလျက် ရှိသည်။

          အချို့ အကဲခတ် လေ့လာသူများက မြန်မာနိုင်ငံတွင် အထူးသဖြင့် တပ်မတော်ထဲတွင် မျိုးဆက် မပြောင်းလဲမှု ဖြစ်ပေါ်နေသည်ဟု ရှုမြင်ကာ မြန်မာ လူငယ်ပိုင်းများနှင့် ညှိနှိုင်း လုပ်ဆောင်သင့်သည်ဟု စောဒကတက် အငြင်းပွားနေသည်။ ထို့အပြင် အရပ်ဖက် အုပ်ချုပ်ရေး စနစ်သို့ ဟန်ပြ အသွင် ပြောင်းထားသော မြန်မာ နိုင်ငံသည် တစ်ချိန်က အာဏာရှင် စနစ်အောက်မှ မလွတ်မြောက်နိုင်ဟု ထင်ခဲ့ကြသည့် အင်ဒိုနီးရှားကဲ့သို့ နိုင်ငံများထက် ဒီမိုကရေစီ အသွင်ပြောင်း အတားအဆီးများ ပိုမို လျော့ပါးဖွယ် ရှိနေသည်ဟု ၎င်းတို့က တင်ပြ ထားသည်။

          တောင်အာဖရိက ကိစ္စတွင် Sanctions များ အလုပ် ဖြစ်ခဲ့စဉ်က အီရတ်မှ ဆက်ဒမ် ဟူစိန်ကို ထိန်းချုပ် ရာတွင်မူ မအောင်မြင်ခဲ့ပါ။ ပို၍ ထင်ရှားသော အချက်မှာ Sanctions များသည် ကျူးဘားတွင် နှစ် ၅၀ ကြာခဲ့သည့် တိုင်အောင် ဖီဒယ်ကတ်စထရိုနှင့် သူ၏ ဆက်ခံသူများကို မဖယ်ရှား နိုင်ခြင်းပင် ဖြစ်သည်။

          ယခု အချိန်သည် မြန်မာနိုင်ငံမှ နာတာရှည် ရက်စက် ကြမ်းကြုတ်မှု ရောဂါကို ဖြေရှင်းရန် နည်းလမ်းသစ်များ ရှာဖွေရမည့် အချိန်ပင် ဖြစ်သည်။ ဗိုလ်ချုပ်ကြီးများ၏ လတ်တလော အောင်ပွဲခံ မြူးတူးမှုကို မြင်ရဖွယ် ရှိရာ လတ်တလောတွင် နာသာခံခက် ဖြစ်ရပါလိမ့်မည်။ ဤမျှ မကသေးပါ။ ကုန်သွယ်ရေး၊ ကဏ္ဍ၊ ခရီးသွား လုပ်ငန်း ကဏ္ဍ၊ နိုင်ငံရေး တွေ့ဆုံ ညှိနှိုင်းမှု ကဏ္ဍများလည်း ရှိလာပါ လိမ့်ဦးမည်။ ယခုအချိန်တွင် ၎င်းတို့ သယ်ဆောင်လာမည့် အပြောင်းအလဲ မျိုးစေ့များက သာလျှင် အာဏာ ပလ္လင်တွင် သံမှိုစွဲ ထားလိုသူများအား ဖယ်ရှားပစ်မည့် တစ်ခုတည်းသော နည်းလမ်း ဖြစ်ကြောင်း သုံးသပ် တင်ပြ လိုက်ရပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

(PTI သတင်းမှ 20 February 2011 ရက်စွဲပါ "Fertilizer for North East Reaches Bangladesh and Myanmar" ကို ဘာသာ ပြန်ဆိုသည်)

အိန္ဒိယ အရှေ့မြောက် ဒေသသို့ ကူညီ ထောက်ပံ့ ပေးပို့ လိုက်သော ဓာတ်မြေဩဇာ တန်ချိန် ၃ သိန်းကျော်သည် အိမ်နီးချင်း ဘင်္ဂလားဒေ့ရှ် နှင့် မြန်မာ နိုင်ငံများသို့ လမ်းလွဲ ရောက်ရှိ သွားခဲ့သည်ဟု အစိုးရ ထိပ်ပိုင်း တာဝန်ရှိ ပုဂ္ဂိုလ်တစ်ဦးက ပြောကြား လိုက်သည်။

ဗဟို ထောက်လှမ်းရေး အဖွဲ့၏ အစီရင်ခံစာကို ကိုးကားကာ ဓာတ်မြေဩဇာ ဝန်ကြီးဌာန ပို့ဆောင်ရေး ညွှန်ကြားရေးမှူး ဒီးပတ်ကူးမားက အရှေ့မြောက် ဒေသ ၈ ပြည်နယ်မှ ပြည်နယ် အစိုးရ တာဝန်ရှိသူ များနှင့် ပြုလုပ်သော အစည်း အဝေးတွင် ဒီးပတ်ကူးမားက ပြည်နယ် အစိုးရများအား နယ်စပ် ဖြတ်ကျော် ဓာတ်မြေဩဇာ တရား မဝင် ခိုးထုတ်မှုကို စစ်ဆေးရန် တောင်းဆိုထားသည်။

ယမန်နေ့က ပြုလုပ်သော အစည်း အဝေးတွင် ဒီးပတ် ကူးမားက ထောက်ပံ့ ဓာတ်မြေဩဇာ ဖြန့်ဖြူးမှုနှင့် ပတ်သက်၍ မိမိတို့ ဝန်ကြီးဌာနက အပြည့်အဝ ပူးပေါင်း ဆောင်ရွက်မည် ဖြစ်ကြောင်း ပြည်နယ် အစိုးရများကို အာမခံ ပြောကြား ခဲ့ပြီး ယခုကဲ့သို့ တရားမဝင် ကိစ္စများကို စစ်ဆေးရေး အတွက် စောင့်ကြပ်ရေး ကော်မတီများ ဖွဲ့စည်းရန် ၎င်းတို့အား တောင်းဆိုခဲ့သည်။

ကူးမားက ဆက်လက်၍ ပြီးခဲ့သော နှစ်အနည်းငယ် အတွင်း ထုတ်လုပ်မှု တိုးတက် လာခဲ့သည့် အရှေ့မြောက် ဒေသ စိုက်ပျိုးရေး ကဏ္ဍရပ်များ အပေါ် လယ်ယာ စိုက်ပျိုးရေး ဝန်ကြီးဌာနက ကျေနပ် အားရလျက် ရှိသည် ဟုလည်း ထုတ်ဖော် ပြောကြား ခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

(Sumon K. Chakrabarti/ Male ရေးသားသော Maldivian Autocrat's Family's Illegal 'Oil Trade' Allegedly Worth $800 Million ကို ဘာသာ ပြန်ဆိုသည်)

၂၀၁၁ ခုနှစ်သည် လက်ရှိ အာဏာရှင်များ အတွက်ရော၊ အာဏာရှင် အဟောင်းများ အတွက်ပါ ကောင်းသော လက္ခဏာ မရှိပေ။ ဇန်နဝါရီလက Jasmine တော်လှန်ရေးသည် တူနီးရှား အာဏာရှင် Zine el Abidine Ben Ali နှင့် အီဂျစ်မှ ဟော့စနီ မူဘာရက်တို့ကို ဖယ်ရှား နိုင်ခဲ့သည်။ ဆန္ဒပြမှုများသည် အယ်လ်ဂျီးရီးယား၊ ယီမင်၊ ဂျော်ဒန်နှင့် ဆီးရီးယား တို့တွင် ပိုမို အသံ ကျယ်လောင် လာခဲ့သည်။ သို့သော် ၂ နှစ်ခွဲခန့် အာဏာ လက်မဲ့နေသော အာဏာရှင်ဟောင်း တစ်ဦးသည် အာဏာ ပြန်ရရန် တိတ်တဆိတ် ကြိုးပမ်း နေသည်။

အာရှ တိုက်၏ အရှည်ကြာဆုံး အာဏာရှင် ဖြစ်ခဲ့သော Mauoon Abdul Gayoom သည် အာဏာ ပြန်လိုချင်နေသည့် သဘော ရှိနေသည်။ ယင်းသည် မူဘာရက်၏ မိတ်ဆွေဟု ပြောလေ့ ရှိပြီး ကိုင်ရိုတွင် ပညာ သင်ခဲ့သူ Gayoom သည် မော်လ်ဒိုက် နိုင်ငံကို အနှစ် သုံးဆယ် အုပ်ချုပ် ခဲ့သည်။ မော်လ်ဒိုက် သမ္မတ Mohamed Nasheed ကမူ "ကောင်းတဲ့ ကိစ္စ တစ်ခုတော့ မဟုတ်ပါဘူး" ဟု ဆိုးဆိုး ရွားရွား ဖြစ်လာ နိုင်သည်ကို ပျက်ရယ်ပြု လိုက်သည်။ Nasheed သည် ၂၀၀၈ ခုနှစ်က ပြုလုပ်သော ပထမဆုံး အကြိမ် ဒီမိုကရေစီ ရွေးကောက်ပွဲတွင် Gayoom အား အနိုင် ရရှိ ခဲ့ခြင်း ဖြစ်သည်။ အဘယ်ကြောင့် Gayoom က ပြန်လာလို သနည်း။ Nasheed ကလည်း မည်သို့ နှပ်ကြောင်း ပေးခဲ့သနည်း။

အဖြေက စင်ကာပူ ပေါ်တွင် တည်နေသည်။ ၂၀၁၀ ခုနှစ် မတ်လက မော်လ်ဒိုက်သည် Grant Thornton ကို Gayoom၊ ၎င်း၏ မိသားစုနှင့် ၎င်းနှင့် ပတ်သက် သူများ၏ လျှို့ဝှက် ပိုင်ဆိုင် မှုများကို စုံစမ်း ဖော်ထုတ်ရန် တာဝန် ပေးခဲ့သည်။ Grant Thornton မှာ တစ်ကမ္ဘာလုံးရှိ လွတ်လပ်သော ငွေကြေးဆိုင်ရာ အကြံပေး အဖွဲ့ (၂၆၀၀) ကွန်ရက် ချိတ်ထားသော အဖွဲ့ ဖြစ်သည်။ ၂၀၀၈ ခုနှစ်က မော်လ်ဒိုက် စာရင်းစစ်ချုပ်က Gayoom အား ကိုယ်ကျိုးစီးပွား အတွက် အစိုးရ ရန်ပုံငွေများနှင့် အစိုးရ အဖွဲ့ အစည်းများကို အသုံး ပြုခဲ့သည်ဟု အပြစ် တင်ခဲ့သည်။ ၂၀၁၀ နှစ်လယ်က စင်ကာပူ ရဲတပ်ဖွဲ့သည် Gayoom မိသားစု၏ ငွေကြေး ခဝါချမှု လုပ်ငန်းစဉ်အား တရားဝင် ရာဇဝတ်မှု စုံစမ်း စစ်ဆေးမှုများ စတင် ပြုလုပ် ခဲ့သည်။ ၎င်းမိသားစု၏ ငွေကြေး ခဝါချမှု လုပ်ငန်းသည် ဒေသတွင်း တစ်နေရာ၌ ဒေါ်လာသန်း (၈ဝဝ) ခန့် ရှိမည်ဟု ခန့်မှန်း ကြသည်။

The Week က Grant Thornton မှ Nasheed ၏ ရုံးသို့ တင်ပြသော စုံစမ်း စစ်ဆေးရေး အစီရင်ခံစာ ကော်ပီကို ဖော်ထုတ် ခဲ့သည်။ အဆိုပါ အစီရင် ခံစာတွင် အာဏာရှင်ဟောင်း၏ ဖအေတူ မအေကွဲ (သို့) မအေတူ ဖအေကွဲ ညီအစ်ကို Abdullah Yameen Abdul Gayoom အား ငွေကြေး ခဝါချမှု လုပ်ငန်းစဉ်၏ အဓိက ပုဂ္ဂိုလ် အဖြစ် ဖော်ပြ ထားသည်။ ထို့အပြင် အဆိုပါ လုပ်ငန်းစဉ်၏ အဓိက ပါဝင် ပတ်သက်သူ အဖြစ် မြန်မာ စစ်အစိုးရ ကိုလည်း ဖော်ထုတ် ထားသည်။

Gayoom မိသားစုများသည် မြန်မာ နိုင်ငံ စွမ်းအင် ဝန်ကြီး ဗိုလ်ချုပ် လွန်းသီနှင့် စစ်အစိုးရ ခေါင်းဆောင် ဒုတိယ ဗိုလ်ချုပ်မှူးကြီး မောင်အေးတို့နှင့် ဆက်သွယ်မှုများ ရှိနေသည်။ မောင်အေးနှင့် Gayoom မိသားစုကို ဆက်သွယ်ပေးသူမှာ ကမ္ဘောဇဘဏ် နှင့် ကမ္ဘောဇ ဘောလုံး အသင်း ပိုင်ရှင် မြန်မာ စီးပွားရေး လုပ်ငန်းရှင် ဦးအောင်ကိုဝင်း ဖြစ်သည်။

Gayoom မိသားစုသည် စက်မှု  (၁) ဝန်ကြီး ဦးအောင်သောင်း ထံမှလည်း အကူအညီများ ရထားသည်။ ဦးအောင်သောင်း၏ သားဖြစ်သူ ဗိုလ်မှူးပြည်အောင်သည် ဒုဗိုလ်ချုပ်မှူးကြီး မောင်အေး၏ သမီး နန္ဒာအေးနှင့် လက်ထပ် ထားသူ ဖြစ်သည်။ နောက်ထပ် မြန်မာ စီးပွားရေး လုပ်ငန်းရှင် စုံတွဲ ဖြစ်သူ ဦးထွန်းမြင့်နိုင် (ခေါ်) Steven Law နှင့် ဇနီး ဖြစ်သူ Cecilia Ng တို့သည်လည်း Gayoom များ နှင့် အဆက်အဆံများ ရှိသည်။ Steven Law သည် ဘိန်းဘုရင် လော်စစ်ဟန်၏သား ဖြစ်သည်။ လော်စစ်ဟန် မိသားစုသည် Asia World ကုမ္ပဏီ တည်ထောင်ထားပြီး၊ အခြား လုပ်ငန်းများ အပြင် ရန်ကုန် ဆိပ်ကမ်းကိုလည်း လုပ်ကိုင်လျက် ရှိသည်။

အမေရိကန် ဘဏ္ဍာရေး ဌာန၏ နိုင်ငံခြား ပိုင်ဆိုင်မှု ထိန်းချုပ်ရေး အဖွဲ့သည် Steven Law အား လော်စစ်ဟန်၏ မူးယစ်ဆေးဝါး အင်ပါယာ အစိတ်အပိုင်း အဖြစ် စွပ်စွဲ၍ ၎င်း၏ ကုမ္ပဏီများအား အမည်မည်း စာရင်း သွင်းခဲ့သည်။ Cecilia မှာလည်း မြန်မာ အစိုးရ၏ ငွေများအား စင်္ကာပူတွင် လုပ်ငန်းများ လုပ်ပြီး ခဝါချမှု အတွက် စွပ်စွဲချက်များကြောင့် စောင့်ကြည့် ခံနေရသည်။

Gayoom မိသားစုများ၊ စစ်အစိုးရနှင့် အမည်မသိ စီးပွားရေးသမားများ အတူတကွ ဘာတွေ လုပ်ကြသနည်း။ မော်လ်ဒိုက်သည် OPEC နိုင်ငံများက ၁၀၀% စွန်နီ မူဆလင် လူဦးရေအား ထောက်ပံ့သော ရေနံများအား လက်ခံသည်။ Gayoom များက မော်လ်ဒိုက် အတွက်ဟု ဆိုကာ အဆိုပါ ရေနံများအား ဝယ်ယူ၍ မြန်မာနိုင်ငံနှင့် နိုင်ငံတကာ မှောင်ခို ဈေးကွက်တွင် ပြန်လည် ရောင်းချသည်။ မြန်မာ နိုင်ငံကလည်း Sanction များ ရှိသည့် အတွက် အဆိုပါ မော်လ်ဒိုက် ဆီများနှင့် မြန်မာနိုင်ငံမှ ဆီများကို အာရှနိုင်ငံ အချို့နှင့် စူပါ ပါဝါဟု အထင် ရောက်နေသော နိုင်ငံသို့ လျှို့ဝှက်စွာ ရောင်းချသည်။

Grant Thornton အစီရင်ခံစာကို သိရှိသူ ကက်ဘိနက် ဝန်ကြီး လေးဦး အနက် တစ်ဦးက The Week သို့ ပြောကြားရာတွင် "တဖြည်းဖြည်း ထင်ရှားလာတဲ့ အချက်က ရေနံတင် သင်္ဘောတွေ စင်္ကာပူ ကနေ မော်လ်ဒိုက်ကို မှန်မှန် ထွက်နေတာပဲ။ ဒါပေမယ့် ဒီကို ဘယ်တော့မှ ရောက်မလာဘူး" ဟု ပြောသည်။ "ကျွန်တော်တို့ နိုင်ငံက သေးသေးလေးပါ။ ဆီလိုအပ်ချက် ကလည်း နည်းပါတယ်။ မော်လ်ဒိုက် နိုင်ငံပိုင် ကုန်သွယ်ရေး အဖွဲ့ (STO) က ဆီတွေကို OPEC နိုင်ငံတွေဆီက ဝယ်ပြီး၊ မှောင်ခိုဈေးကွက် ဒါမှမဟုတ် မြန်မာ နိုင်ငံကို ပြန်ရောင်းပါတယ်" ဟု ၎င်းက ပြောသည်။

STO ကို ၁၉၆၄ ခုနှစ်တွင် မရှိမဖြစ် လိုအပ်သော ကုန်ပစ္စည်း ဈေးနှုန်းများ တည်ငြိမ်အောင် တည်ထောင်ခဲ့ခြင်း ဖြစ်သည်။ STO တွင် မော်လ်ဒိုက် အစိုးရက ၉၂.၂၉% ပါဝင်ပြီး၊ ကျန်ရာခိုင်နှုန်းကို ပြည်သူက ပိုင်သည်။ ၎င်း၏ လက်အောက်ခံ ကုမ္ပဏီအဖြစ် STO Maldives (Singapore) Pvt Ltd ကို ကုန်သွယ်မှု ပိုမို ချောမွေ့ရေး အတွက် ၁၉၉၇ ခုနှစ်တွင် တည်ထောင်ခဲ့သည်။

STO စင်္ကာပူသည် အစပထမက မော်လ်ဒိုက် နိုင်ငံအတွက် ရေနံထွက် ပစ္စည်းများ ဝယ်ယူရန်သာ အခွင့် ပေးထားခဲ့သည်။ သို့သော် နောက်ပိုင်းတွင် ၎င်းအား ရေနံ ရောင်းဝယ်ရေးပါ ပြုလုပ်ရန် ခွင့်ပြုလာသည်။ ဝယ်ယူထားသော ရေနံ အများစုအား STO နှင့် မြန်မာနိုင်ငံသို့ ရောင်းချခဲ့ရာ၊ မလေးရှားမှ ဝင်ငွေ အများကြီး ရရှိသော ၂၀၀၂ မှလွဲ၍ ကျန်နှစ်များတွင် ရောင်းချခဲ့သည်။

STO စင်္ကာပူသည် လောင်စာဆီများကို Shall Eastern Petroleum Pvt Ltd ၊ Singapore Petroleum Company Ltd နှင့် Petronar တို့မှ ဝယ်ယူပြီး၊ STO နှင့် တတိယ နိုင်ငံများသို့ ပြန်လည် ရောင်းချသည်။ Gayoom မိသားစုသည် STO စင်္ကာပူအား ဆီများ တဆင့် ပြန်လည် ရောင်းချရေးနှင့် ငွေကြေး ခဝါချရေး အတွက် အသုံးပြုသည်ဟု စွပ်စွဲချက်များ ရှိလာသည်။

စင်္ကာပူ ရဲတပ်ဖွဲ့မှ သတင်း အရင်းအမြစ် တစ်ခုကက ပြောကြားရာတွင် ၎င်းတို့၏ စုံစမ်း စစ်ဆေးမှုများ အရ အတည် ပြုနိုင်သော အချက် တစ်ခုမှာ ဆီတင်သော စင်းလုံးငှား သင်္ဘောများသည် မော်လ်ဒိုက် အတွက်ဟု ဖော်ပြသော်လည်း မှောင်ခို ဈေးကွက်တွင် ရောင်းချခဲ့ရာ နှစ်ပေါင်းများစွာ ကြာနေပြီး၊ အမြတ် အစွန်း ကြီးမားစွာ ရရှိနေသည် ဆိုသော အချက် ဖြစ်သည်ဟု ဆိုသည်။ Nasheed သို့ တင်ပြသော အစီရင်ခံစာတွင် Grant Thornton က ပြောကြားရာတွင် ၎င်းတို့သည် ၂၀၀၂ မှ ၂၀၀၈ ထိ ငွေကြေး ဆိုင်ရာ အချက် အလက်များသာ တင်ပြနိုင်ကြောင်း ပြောသည်။

Gayoom သမ္မတ ဖြစ်ခဲ့စဉ်က ၎င်း၏ ညီအစ်ကို တော်သူ Yameen သည် ခရီးသွားလာရေးနှင့် မြို့ပြ လေကြောင်း ဝန်ကြီး ဖြစ်ခဲ့ပြီး၊ ၁၉၉၀ ခုနှစ်က STO ဥက္ကဌနှင့် ကုန်သွယ်ရေး ဝန်ကြီး ဖြစ်ခဲ့သည်။ ၎င်းသည် ၂၀၀၅ ခုနှစ်တွင် STO ဥက္ကဌ အဖြစ်မှ နုတ်ထွက်ခဲ့သော်လည်း၊ STO စင်္ကာပူ စာရင်းမှ ထုတ်ယူငွေ များသည် ၂၀၀၇ နှင့် ၂၀၀၈ များတွင် Yameen ထံသို့ ပေးထားသည်ကို တွေ့ရသည်။ STO စင်္ကာပူ၏ မန်နေဂျင်း ဒါရိုက်တာဟောင်း Ahmed Muneez နှင့် STO ၏ မန်နေဂျင်း ဒါရိုက်တာဟောင်း Hussain Maniku တို့သည် Yameen အား တရားမဝင် လုပ်ငန်းများ အတွက် အကူအညီများ ပေးခဲ့သည်မှာ အသေ အချာဟု ယူဆရသည်။ Maniku သည် STO ၏ MD အဖြစ် ၁၉၉၃ မှ ၂၀၀၈ ထိ တာဝန် ယူခဲ့ပြီး၊ လက်ရှိ အားဖြင့် ဝါရှင်တန် ဒီစီတွင် မော်လ်ဒိုက် ကိုယ်စား တာဝန်ယူ လုပ်ကိုင် ပေးနေသူ ဖြစ်သည်။

Grant Thornton အစီရင်ခံစာတွင် "ထွက်ငွေ စာရင်း ပြုစုထားရာမှာ Yameen ထံမှ ရန်ပုံငွေဟာ STO ဌာနချုပ်ကို သွင်းပါတယ်။ နောက်မှ STO စင်္ကာပူ ငွေစာရင်းကို လွှဲပေးပါတယ်။ ဒါဟာ STO ဌာနချုပ်က စာရင်းနဲ့ ကိုက်ညီပြီး Yemeen က ချက်ဖြင့် STO စာရင်းကို ထည့်တယ်လို့ ST0 ဌာနချုပ်က အတည် ပြုပါတယ်။ Muneez နဲ့ စကား ပြောရာမှာတော့ ဒီငွေတွေဟာ စင်္ကာပူမှာ ပညာ သင်နေတဲ့ Yameen ရဲ့ သားနဲ့ သမီး အတွက်လို့ ဆိုပါတယ်။ သူတို့ရဲ့ သုံးငွေတွေကို Muneez ကတစ်ဆင့် ပေးရပါတယ်" ဟု ပြောသည်။ ထိုစာရင်း လွှဲခြင်းများသည် Gayoom အာဏာ မစွန့်လွှတ်ခင် အထိ ဖြစ်ခဲ့သည်။

မာလီရှိ သမတရုံးမှ ဗျူရိုကရက် တစ်ဦးက ပြောကြားရာတွင် "ကုမ္ပဏီ ငွေစာရင်းအား ကိုယ်ရေး ကိုယ်တာ ငွေလွဲပြောင်းမှု အတွက် သုံးတာဟာ ထုံးစံ မဟုတ်ပါ" ဟု ပြောခဲ့သည်။ "Yameen က အရင် က Gayoom ကို ရေနံ ထုတ်လုပ် ရောင်းဝယ်ရေးနဲ့ ပတ်သက်လို့ နိုင်ငံခြား ခေါင်းဆောင်တွေနဲ့ ဝန်ကြီး တွေထံကို စာရေး ပေးပို့ တောင်းဆိုခဲ့ဖူးတယ်" ဟု ၎င်းက ပြောသည်။

Gayoom ၏ မသမာမှုများ လျှို့ဝှက် လုပ်ဆောင်မှုများကို ပထမဆုံး အလံနီ ထောင်ပြခဲ့သူမှာ သီရိလင်္ကာမှ KPMG ဖြစ်သည်။ KPMG သည် STO ကို စာရင်း စစ်ရန် Pricewaterhouse Coppers ထံမှ ၂၀၀၄ ခုနှစ်က တာဝန် လွှဲပြောင်းယူခဲ့သူ ဖြစ်သည်။ KPMG က ၂၀၀၄ ခုနှစ်တွင် မှတ်ချက် ရေးခဲ့ ရာ၌ "၂၀၀၄ ခုနှစ်က စင်္ကာပူတွင် Mocom Trading Pte Ltd အမည်ဖြင့် တည်ထောင်ခဲ့သော ကုမ္ပဏီသည် ဘဏ္ဏာငွေ ကြေညာလွှာကို လိုက်နာရမည့် စည်းကမ်းအမှတ် (၃၀) နှင့်အညီ လူသိ ရှင်ကြား ထုတ်ပြန်ခဲ့ခြင်း မရှိပါ။ အဖွဲ့အစည်း၏ ထောက်ခံချက် သက်သေ အထောက် အထားများလည်း မရှိပါ။ ထို့အပြင် မိမိတို့သည် ကုမ္ပဏီ၏ ပမာဏ၊ သဘာဝတို့ကို ရေးသားရန် မလွယ်ပါ" ဟု ဖော်ပြထားသည်။

၂၀၀၅ ခုနှစ်တွင်လည်း KPMG က အထက်ပါ အတိုင်းပင် ကန့်ကွက်ခဲ့ပြီး "Mocom Trading pte ltd ဟူသော အမည်မှာ ၂၀၀၆ ခုနှစ် ဧပြီလ ၂၀ ရက်နေ့က ပယ်ဖျက်ပြီး ဖြစ်ပါသည်" ဟု ပြောကြား ခဲ့သည်။ Mocom Trading PTE Ltd သည် ယခု ဆောင်းပါး အစောပိုင်းက ဖော်ပြခဲ့သော မြန်မာ စစ်အစိုးရနှင့် စီးပွားရေး သမားများဖြင့် တိုက်ရိုက် ဆက်ဆံမှုများ ရှိခဲ့သည်။

Mocom Trading ကို ၂၀၀၄ ဖေဖော်ဝါရီလတွင် STO စင်္ကာပူနှင့် မလေးရှား Mocom Corporation Sdn Bhd တို့ ပူးတွဲ တည်ထောင်ခဲ့သည်။ ၎င်းသည် မြန်မာ နိုင်ငံသို့ လောင်စာဆီ ရောင်းချ ခြင်းသာ ပြုလုပ်ခဲ့သည်။ ခွင့်ပြု ရင်းနှီးငွေမှာ ဒေါ်လာ ၁၀ သိန်း ဖြစ်သည်။ ရှယ်ယာဝင် လေးဦးမှာ မြန်မာ နိုင်ငံသား Kamal Bin Rashid ၊ မလေးရှား နိုင်ငံသား Raja Abdul Rashid Bin Raja Badiozaman နှင့် မော်လ်ဒိုက် နိုင်ငံသား နှစ်ဦး ဖြစ်သော Fathimad Ashan နှင့် Sana Mansoor တို့ ဖြစ်ကြသည်။ အဆိုပါ ရှယ်ယာရှင် လေးဦးမှာ ဒါရိုက်တာများ ဖြစ်ပြီး၊ ပဉ္စမမြောက် ဒါရိုက်တာမှာ Muneez ဖြစ်သည်။ တင်ဒါ လုပ်ငန်းစဉ်မှ တစ်ဆင့် မြန်မာနိုင်ငံသို့ ရေနံ ရောင်းချခွင့် ရထားသော ကုမ္ပဏီ ၄ ခုတွင် Mocom Corporation ပါဝင်သည်ဟု စုံစမ်း စစ်ဆေးရေးမှူး များအား Muneez က ပြောကြားသည်။ အခြား ကုမ္ပဏီ ၃ ခုမှာ Daewoo၊ Petrocom Energy နှင့် Hyundai တို့ ဖြစ်သည်။ နောက်ပိုင်းတွင် Mocom Corporation က STO Singapore ကို ပါဝင်ခွင့် ပေးကာ ဖက်စပ် ကုမ္ပဏီ ပြုလုပ်ခဲ့သည်။ ကန်ထရိုက် စာချုပ်အရ STO Singapore က Mocom Trading သို့ ဒီဇယ် ပေးသွင်းခွင့် ရရှိသည်။ သို့သော်လည်း Mocom Corporation က မူလ ကန်ထရိုက် စာချုပ်ကို ကိုင်ထားခြင်းကြောင့် အမြတ်ငွေ၏ ၄၀ ရာခိုင်နှုန်း နီးပါးကို ကော်မရှင် ခံစားခွင့် အဖြစ် ရယူခဲ့သည်။ ယင်းကော်မရှင် ခံစားခွင့် ငွေကို စင်္ကာပူ United Overseas Bank ရှိငွေ စာရင်း account သို့ သွင်းပေးရသည်။ အဆိုပါ အမေရိကန် ဒေါ်လာ ငွေစာရင်း Account ကို ရာရှစ် တစ်ဦးက ဖွင့်ထားခြင်း ဖြစ်သည်။ သို့ဖြစ်ရာ ကော်မ ရှင်ခံစားခွင့် ပွဲခကို Macom သို့ ပေးရသော်လည်း ရာရှစ်က အိတ်ထဲ ထည့်သွားကြောင်း စာရင်းစာအုပ် များက ညွှန်ပြနေသည်။ ဤ ကိစ္စသည် STO ၏ ငွေစာရင်း စာအုပ်များကို အပြန်ပြန် အလှန်လှန် စစ်ဆေးရာမှ ထွက်ပေါ်လာသည့် ဥပမာများစွာ အနက်မှ တစ်ခုမျှသာ ဖြစ်သည်။

          နောက်ထပ် ဥပမာများထဲမှ တစ်ခုမှာ STO Singapore နှင့် Mocom Trading တို့က မြန်မာ နိုင်ငံသို့ ရောင်းချသည့် အရောင်း ပြေစာများကို ၂ ဆ ပွားထားကြခြင်း ဖြစ်သည်။ အရောင်း ပြေစာ များတွင် ပေးပို့သော "စည်" အရေအတွက်နှင့် အခြေခံ ဈေးနှုန်းကို ဖော်ပြထားသည်။ ပြေစာ ၂ အုပ်လုံးသည် "ရေနံစိမ်း တစ်စည် ဈေးနှုန်း"မှ လွဲလျှင် အားလုံး ဆင်တူ ဖြစ်သည်။ STO Singapore ပြေ စာများမှ အခြေခံ ဈေးနှုန်းက Mocom Trading ပြေစာများမှ အခြေခံ ဈေးနှုန်းထက် ၅ ဒေါ်လာ ဝန်း ကျင်ပိုနေသည်။ ဤကိစ္စသည် စာရင်းစစ်များ ရှုပ်ထွေးသွားအောင် ပြုလုပ်ထားခြင်းဖြစ်သည်။ Myanmar petrochemical enterprises သို့ Mocom Trading မှ ရောင်းချသော အရောင်းပြေစာ အားလုံး၏ စုစုပေါင်း တန်းဖိုးမှာ အမေရိကန် ဒေါ်လာ 4,57,51,423,(45.7 သန်း) ဖြစ်ပြီး STO Singapore အရောင်း ပြေစာများ၏ စုစုပေါင်း တန်ဖိုးမှာ အမေရိကန် ဒေါ်လာ 5,14,23,523 (51.4 သန်း) ဖြစ်နေရာ ကွာဟငွေ ပမာဏမှာ ဒေါ်လာ 56,57,100 (5.6 သန်း) ဖြစ်သည်။

          ၂၀၀၈ ခုနှစ်က  Gayoom ပြုတ်ကျမှုသည် STO Singapore ၏ အနာဂတ် ကံကြမ္မာနှင့် တိုက်ရိုက် ဆက်စပ် နေခဲ့သည်။ ၂၀၀၁-၂၀၀၂ ဘဏ္ဍာရေးနှစ်တွင် ကုမ္ပဏီ၏ ဝင်ငွေ အံသြဘနန်း ခုန်တက် ခဲ့ပြီးနောက် နှစ်စဉ် အရောင်းဝင်ငွေမှာ စင်္ကာပူ ဒေါ်လာ သန်း ၁၀၀ ဝန်းကျင်တွင် တည်တည် ငြိမ်ငြိမ် ထိန်းထားခဲ့သည်။ ၂၀၀၆ နောက်ပိုင်းတွင် အရောင်း ကျဆင်းမှု စတင် ဖြစ်ပေါ်လာကာ ၂၀၀၉ တွင် စင်္ကာပူဒေါ်လာ ၁၇ သန်းအထိ ကျဆင်းသွားခဲ့ရာ အနိမ့်ဆုံး စံချိန်တင် ကျဆင်းမှု ဖြစ်ခဲ့သည်။

          စုံစမ်း စစ်ဆေးသူများ တွေ့ရှိသော သာဓက အထောက် အထားများ ထဲတွင် သင်္ဘော ကပ္ပတိန်က လက်မှတ်ထိုး မထားသော ကုန်တင် ပြေစာများလည်း ပါဝင်သည်။ ကုန်တင် ပြေစာသည် သယ်ယူ ပို့ဆောင်သူက ကုန်ပစ္စည်း အပ်နှံသူထံ ပေးရသည့် လက်ခံ ရရှိကြောင်း သက်သေ ဖြစ်သောကြောင့် အလွန် အရေးကြီးသော အထောက် အထား တစ်ခု ဖြစ်သည်။

          Gayoom မိသားစုနှင့် Moneez တို့ အဆန်း ထွင်ခဲ့သော မဟာ ဗျူဟာများသည် အတော်ဆုံး စုံစမ်း စစ်ဆေးရေးမှူး များကိုပင် အရူး လုပ်နိုင်ခဲ့သည်။ "သေးငယ်တဲ့ အမှား အယွင်းလေး တစ်ခုက သေသပ် တိကျတဲ့ မျက်လှည့်ပွဲကို အဖုံး လှပ်ပစ်နိုင်တယ် ဆိုတာကို သူတို့ မေ့လျော့သွားတာပါ"ဟု မော်လ်ဒိုက် သမတ၏ အထူး ကိုယ်စားလှယ် အီဗရာဟင် ဟူစိန်ဇာကီက ပြောကြားလိုက်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

(Associated Press မှ 24 February 2011 ရက်စွဲပါ "US talks to Suu Kyi About Aid" ကို ဘာသာ ပြန်ဆိုသည်)

ဝါရှင်တန် အနေဖြင့် စစ်ဖက်က အုပ်စိုးသော မြန်မာ နိုင်ငံ အပေါ် မည်သို့သော ကူညီ ထောက်ပံ့မှု အမျိုးအစားကို ကမ်းလှမ်း ရမည် ဆိုသည်နှင့် ပတ်သက်၍ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် ဆွေးနွေးမှု စတင်နေသည်ဟု မြန်မာ နိုင်ငံမှ အမေရိကန် သံအရာရှိက ဗုဒ္ဓဟူးနေ့တွင် ပြောကြားသည်။

မြန်မာ နိုင်ငံမှ တပ်မတော် အစိုးရ၏ လူ့ အခွင့်အရေး ညှင်းပန်း နှိပ်စက်မှုများနှင့် ဒီမိုကရေစီ စနစ် သွတ်သွင်းရန် ပျက်ကွက်မှု တို့ကြောင့် ဝါရှင်တန်က ကာလရှည်ကြာ ချမှတ် ထားခဲ့သော ဒဏ်ခတ် အရေး ယူမှု Sanctions များအပေါ် တည်မှီ ရစ်ပတ် နေသော အထက်ပါ ကိစ္စနှင့် ပတ်သက်၍ အမေရိကန် ပြည်ထောင်စုသည် မြန်မာ အစိုးရ နှင့်လည်းကောင်း၊ အခြားသူများ နှင့် လည်းကောင်း ဆွေးနွေးလျက် ရှိသည်ဟု အမေရိကန် သံမှူး Larry M. Dinger က ပြောကြား ခဲ့သည်။

စစ်အုပ်ချုပ်ရေး သက်တမ်းလွန် နေသော မြန်မာ နိုင်ငံတွင် ပါလီမန် အုပ်ချုပ်ရေး စနစ်ကို ယခင်လက စ၍ အမည်ခံ အကောင် အထည်ဖော် ဆောင်ရွက် ခဲ့သော်လည်း အရပ်ဖက် အစိုးရသစ် တရားဝင် ဖွဲ့စည်းမှုကို ယခုတိုင် အပြီး မသတ်နိုင်သေးပါ။ လွန်ခဲ့သော သုံးနှစ်က ရေးဆွဲသည့် အခြေခံ ဥပဒေနှင့် မနှစ်က ပြုလုပ်ခဲ့သော ရွေးကောက်ပွဲများသည် ဩဇာ အာဏာကို ဆက်လက် ထိန်းသိမ်း လိုသော တပ်မတော်၏ လမ်းညွှန်မှု အောက်တွင် လုပ်ဆောင် ခဲ့ခြင်းသာ ဖြစ်သည်။ သံမှူး Larry M. Dinger က ယင်းအနေဖြင့် မြန်မာ နိုင်ငံ ဆိုင်ရာ အမေရိကန် မူဝါဒကို အထောက် အကူ ပြုစေရန် ရည်ရွယ်၍ ဒေါ်အောင်ဆန်း စုကြည်နှင့် အင်္ဂါနေ့မှ စတင်ကာ ဆွေးနွေး ခဲ့သည်ဟု ဆိုသည်။

၁၉၈၈ ခုနှစ်တွင် မြန်မာ့ တပ်မတော်က မြန်မာ ပြည်သူများ၏ ဒီမိုကရေစီ ထောက်ခံ ဆန္ဒ ပြပွဲများကို အကြမ်းဖက် နှိပ်ကွပ် ခဲ့ပြီး နောက်ပိုင်း ဝါရှင်တန်နှင့် မြန်မာ နိုင်ငံ တို့၏ ဆက်ဆံရေး တင်းမာ စိမ်းကား သွားခဲ့ခြင်း ဖြစ်ပြီး တပ်မတော် အစိုးရက Myanmar ဟု အမည် ပြောင်းခဲ့သည့် တိုင်အောင် အမည်ဟောင်း Burma ကိုသာ အမေရိကန် ပြည်ထောင်စုက ဆက်လက် သုံးစွဲ ရည်ညွှန်းလျက် ရှိသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

(AP သတင်းကို ဘာသာ ပြန်ဆိုသည်)

အီဂျစ်နှင့် တူနီးရှားနိုင်ငံ တို့တွင် ဖြစ်ပွားခဲ့သော လူထု အုံကြွ ဆန္ဒပြမှုများက မြောက်အာဖရိကနှင့် ပင်လယ်ကွေ့ဒေသသို့ ကူးစက်ပျံ့နှံ့ခဲ့ရာ လစ်ဗျား၊ ဘာရိန်း၊ ယီမင် နှင့် အီရန် နိုင်ငံတို့ တွင်လည်း အကြမ်းဖက် ဆန္ဒပြမှုများ ဖြစ်ပေါ်ခဲ့ကြောင်း သတင်းဌာနများက ရေးသား ဖော်ပြသည်။ လစ်ဗျားနိုင်ငံ မြို့တော်၊ ဘန်ဂါဇီတွင် ထောင်ပေါင်း များစွာသော ဆန္ဒပြသူများသည် ရဲ့တပ်ဖွဲ့ဝင်များနှင့် အစိုးရ လိုလားသော အင်အားစုများနှင့် ပဋိပက္ခ ဖြစ်ပေါ်ခဲ့သည်ဟု ဆိုသည်။

လစ်ဗျားနိုင်ငံသည် ခေါင်းဆောင်ကြီး မွမ်မာကဒါဖီ၏ တင်းကြပ်သော အုပ်ချုပ်မှု အောက်သို့ နှစ်ပေါင်း ၄၀ ကျော်ကြာ ရောက်ရှိခဲ့သည်။ ဆန္ဒပြသူ ၂၀၀၀ ကျော်လူထုကြီးက ဒုတိယ အကြီးဆုံးမြို့ ဖြစ်သော ဘန်ဂါဇီတွင် ဆန္ဒပြမှုများ ပြုလုပ်ခဲ့သည်။ သတင်း ပေးပို့ချက်များ အရ ဆန္ဒပြသူများက ရဲတပ်ဖွဲ့ဝင်များကို ကျောက်ခဲများဖြင့် ပစ်ပေါက်ခဲ့ကြပြီး ရဲတပ်ဖွဲ့ဝင်များက မီးသတ်ပိုက်များ၊ မျက်ရည်ယို ဓာတ်ငွေ့များနှင့် ရာဘာ ကျည်ဆံများဖြင့် ပစ်ခတ် နှိမ်နင်းခဲ့သည် ဟု သိရသည်။

အဆိုပါ ဖြစ်ရပ်ကြောင့် ရဲတပ်ဖွဲ့ဝင် ၁၀ ဦးအပါအဝင် လူပေါင်း ၁၄ ဦး ဒဏ်ရာ ပြင်းထန်စွာ ရရှိခဲ့ကြောင်း လစ်ဗျား နိုင်ငံထုတ် ပုဂ္ဂလိက သတင်းစာ Quryna ၏ ဝက်ဆိုက် သတင်းတွင် ရေးသား ဖော်ပြသည်။ သို့သော် လစ်ဗျား နိုင်ငံပိုင် သတင်းဌာန၏ ထုတ်လွှင့် ပြသချက်တွင် ဘန်ဂါဇီမြို့မှ ရာဂဏန်းရှိသော လူအုပ်က အစိုးရကို ထောက်ခံကြောင်း အော်ဟစ် ဆန္ဒပြလျက် ရှိသည်ကို ရိုက်ကူး ဖော်ပြခဲ့သည်။ လစ်ဗျားအစိုးရက ဒုတိယ အကြီးဆုံး ဆိပ်ကမ်းမြို့ ဖြစ်သော ဘန်ဂါဇီတွင် ဖြစ်ပျက်နေသော အရေးကိစ္စများနှင့် ပတ်သက်၍ ထုတ်ပြန် ကြေညာချက် တစ်စုံတရာ ပြုလုပ်ခြင်း မရှိသေးပေ။

ဆန္ဒပြသူ လူအုပ်က လူ့အခွင့်အရေး ဆိုင်ရာ လှုပ်ရှားသူ Fathi Terbil အား အစိုးရက ဖမ်းဆီး ထိန်းသိမ်းထားမှုကို အမျက်ဒေါသ ထွက်နေကြခြင်း ဖြစ်ပြီး ၎င်းအား အမြန်ဆုံး လွှတ်ပေးရန် တောင်းဆိုကြသည်။

နာမည်ကျော် အွန်လိုင်း လူမှုကွန်ယက် ဖြစ်သော Facebook တွင် လစ်ဗျား ပြည်သူ ထောင်ပေါင်းများစွာ ဆန္ဒပြပုံများကို ထုတ်လွှင့် ပြသသည်။ အဆိုပါ ဗီဒီယို၌ သေနတ်ပစ်သံများ၊ ဒဏ်ရာ ရသူများကို ကယ်ထုတ်သွားပုံများ ပါဝင်သည်။ အရှေ့ အလယ်ပိုင်း ဒေသတွင် ယင်းသို့ ဆန္ဒပြမှုများ အဆက်မပြတ် ထွက်ပေါ်လာရသည့် အဓိက အကြောင်းရင်းများတွင် အလုပ်လက်မဲ့ ဖြစ်မှု၊ နေထိုင်စရိတ် ကြီးမားလာမှု၊ အဂတိ လိုက်စားမှု နှင့် အာဏာရှင် ဆန်မှုတို့ကို မကျေနပ်၍ ဖြစ်သည်ဟု လေ့လာ သုံးသပ်သူများက ဆိုသည်။

ယခု ရက်သတ္တပတ် (ဖေဖော်ဝါရီလ နောက်ဆုံးပတ်) တွင် ယီမင်၊ ဘာရိန်းနှင့် အီရန် နိုင်ငံတို့၌လည်း အစိုးရ ဆန့်ကျင်ရေး ဆန္ဒပြမှုများ ထွက်ပေါ်ခဲ့သည်။ ဘာရိန်း နိုင်ငံတွင်မူ ဆန္ဒပြသူ နှစ်ဦး သေနတ် ပစ်ခတ်ခံရမှုကြောင့် သေဆုံးခဲ့ရသည့် ကိစ္စတွင် သံသယရှိသူ ရဲတပ်ဖွဲ့ ဝင်များအား ဖမ်းဆီး ထိန်းသိမ်းထားကြောင်း ပြည်ထဲရေး ဝန်ကြီးက အတည်ပြု ပြောဆိုထားသည်။

သေဆုံးသူ တစ်ဦးမှာ အသက် ၃၁ နှစ်အရွယ် Fadhel Matrook ဆိုသူဖြစ်ပြီး ၎င်းသည် သေနတ် ပစ်ခတ်ခံရခြင်းကြောင့် သေဆုံးသွားသော အခြားဆန္ဒပြသူ တစ်ဦး၏ ဈာပနသို့ သွားရောက်စဉ် ပစ်ခတ်ခံခဲ့ရခြင်း ဖြစ်သည်။ Fadhel Matrook ၏ ဈာပနသို့ ထောင်ပေါင်း များစွာသော ဘာရိန်း ပြည်သူများ တက်ရောက်ခဲ့ကြသည်ဟု ဆိုသည်။ ယီမင် နိုင်ငံတွင်မူ အကြမ်းဖက် ဆန္ဒပြမှုများ ပိုမို ကြီးထွားလာဖွယ် ရကြောင်း၊ ဆန္ဒပြသူများက သမ္မတ Ali Abdullah Saleh ရာထူးမှ ဆင်းပေးရန် တောင်းဆိုခဲ့ကြကြောင်း Aljazeera သတင်းဌာနက ရေးသား ဖော်ပြသည်။

အီရန်နိုင်ငံ၊ မြို့တော် တီဟီရန်တွင်လည်း အစိုးရ ဆန့်ကျင်ရေး ဆန္ဒပြမှုအတွင်း ပစ်ခတ် ခံရခြင်းကြောင့် သေဆုံးခဲ့သူ ကျောင်းသားတစ်ဦး၏ ဈာပန အခမ်းအနား ပြုလုပ်နေစဉ် ပဋိပက္ခများ ဖြစ်ပေါ်ခဲ့ကြောင်း  နိုင်ငံပိုင် ရုပ်သံက ထုတ်လွှင့် ပြသသည်။ အစိုးရ ထောက်ခံသူ နှင့် ဆန့်ကျင်သူ ပြိုင်ဘက် ဆန္ဒပြအုပ်စုများက သေဆုံးသူ ကျောင်းသားမှာ ၎င်းတို့ကို ထောက်ခံသူ ဖြစ်သည်ဟု ပြိုင်တူ ငြင်းခုန် ပြောဆိုကြသည်ဟု သိရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

(The Global Post မှ ဆောင်းပါးကို ဘာသာ ပြန်ဆိုသည်)

မြန်မာ စစ်အစိုးရ ဗိုလ်ချုပ်ကြီးများသည် နိုင်ငံတော် အဆင့် ကျင်းပသော အခမ်းအနားများ၊ ပွဲလမ်း သဘင်များတွင် အမျိုးသမီးများ ဝတ်ဆင်သည့် ဒီဇိုင်း အဆင် အဝတ်အထည်များ ဝတ်ဆင် လာကြကြောင်း ပြည်ပြေး မြန်မာများ ထုတ်ဝေသည့် မဂ္ဂဇင်း တစ်စောင်က ရေးသား ဖော်ပြသည်။ ကမ္ဘာပေါ်တွင် အရက်စက်ဆုံးနှင့် ဖိနှိပ်မှု အများဆုံး ပြုလုပ်သော အစိုးရများ အနက် တစ်ခု အပါအဝင်ဖြစ်သော မြန်မာစစ်အစိုးရ ခေါင်းဆောင်ကြီးများသည် ပုံမှန်အားဖြင့် သတင်းစာ ရှင်းလင်းပွဲများ ပြုလုပ်ကာ မေးခွန်းများ ဖြေကြားပေးသည့် ထုံးစံ လုံးဝမရှိပေရာ အဆိုပါ အမျိုးသမီး အဝတ်အစားများ ဝတ်ဆင်သည့် အကြောင်းကိစ္စနှင့် ပတ်သက်၍ အများပြည်သူများ အကြား ထင်ကြေးပေး ပြောဆိုမှု မျိုးစုံ ထွက်ပေါ်နေသည်။

ဖေဖော်ဝါရီလ ၁၂ ရက်နေ့တွင် ရေးသားသော ဧရာဝတီ သတင်းတစ်ပုဒ်တွင် မြန်မာ စစ်ခေါင်းဆောင် ဗိုလ်ချုပ်မှူးကြီး သန်းရွှေနှင့် အခြားသော ထိပ်ပိုင်း စစ်ခေါင်းဆောင် လေးဦးသည် မြန်မာ အမျိုးသမီးများ မင်္ဂလာဆောင်တွင် ဝတ်ဆင်လေ့ ရှိသည့် ချိတ်ထမီများကို ဝတ်ဆင်ကာ နိုင်ငံတော် အခမ်းအနားသို့ တက်ရောက်ကြောင်း ရေးသား ဖော်ပြထားသည်။ (ချိတ်အဆင်ကို အမျိုးသားဝတ် ပုံစံဖြင့် ဝတ်ဆင်ထားသော်လည်း မြန်မာ လူမျိုးများက မည်သည့် အဆင်သည် အမျိုးသမီးများ အတွက် ဖြစ်သည် ဟူသည်ကို ကောင်းစွာ ခွဲခြား တတ်ကြသည်)

မြန်မာ စစ်အစိုးရက ၎င်း၏ စိတ်ပိုင်းဆိုင်ရာ နူးညံ့ ကြင်နာမှုကို ထုတ်ဖော် ပြသလိုက်ခြင်းလော။ သို့ဆိုလျှင်လည်း မဟုတ်တန်ရာ ဖြစ်မည်။ မြန်မာအရေး စောင့်ကြည့် လေ့လာသူတို့က မြန်မာ စစ်ဗိုလ်ချုပ်ကြီးများသည် စကော့ အမျိုးသားတို့ ဝတ်ဆင်သည့် ဒူးဆစ်လောက် ရှိသော စကတ်ပုံစံ ဝတ်စား ဆင်ယင်မှုမျိုး (အမျိုးသမီး စကတ်မျိုး) ကို နှစ်သက်သောကြောင့် ယင်းသို့ ဝတ်ဆင်ခြင်းလော ဟုလည်း မေးခွန်း ထုတ်ကြသည်။

ဧရာဝတီ သတင်းဌာနက မြန်မာ သတင်းစာ ဆရာတစ်ဦး၏ ပြောကြားချက်ကို ကိုးကား ရေးသားရာတွင် မြန်မာနိုင်ငံကို အမျိုးသမီး တစ်ဦးက တစ်နေ့နေ့ တစ်ချိန်ချိန်တွင် ဦးဆောင် လိမ့်မည်ဟု ဗေဒင်ဆရာ အတော်များများက ဟောကိန်း ထုတ်ထားကြောင်း ဖော်ပြခဲ့သည်။

အမှန်တွင် အဆိုပါ ဖြစ်ရပ်မှာ လွန်ခဲ့သော နှစ်ပေါင်း ၂၁ နှစ်ကတည်းက ဖြစ်ပျက်ခဲ့ပြီး ဖြစ်သည်။ ထိုစဉ်က ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ အမျိုးသားဒီမိုကရေစီ အဖွဲ့ချုပ်က ၁၉၉၀ ရွေးကောက်ပွဲတွင် ပြည်လုံးကျွတ် အတိုင်းအတာဖြင့် အနိုင် ရရှိခဲ့ခြင်း ဖြစ်သည်။ စစ်အစိုးရက အဆိုပါ ရွေးကောက်ပွဲ ရလဒ်ကို အသိအမှတ် မပြုခဲ့သလို ဒေါ်အောင်ဆန်း စုကြည်ကိုလည်း နေအိမ် အကျယ်ချုပ် ဖမ်းဆီး ထိန်းသိမ်းခဲ့သည်။ (သို့သော် မကြာသေးခင် နိုဝင်လာလက သူမ လွတ်မြောက်လာပြီ ဖြစ်သည်)

မြန်မာစစ်အစိုးရ ဗေဒင်ယတြာများ အပေါ် မှီခိုလွန်းသည့် ကိစ္စမှာ စိတ်ပျက်စရာ ကောင်းလွန်းလှသည်။ ရံဖန်ရံခါ ရက်စက် ကြမ်းကြုတ်မှုများကလည်း စိတ်ပျက်စရာပင်ဖြစ်၏။ ယခင်က မြန်မာစစ်အာဏာရှင် ဖြစ်ခဲ့သော ဦးနေဝင်းသည်လည်း ဗေဒင်အလိုအရ မြန်မာ ငွေစက္ကူများကို ဖျက်သိမ်းခဲ့သည်။ ငွေစက္ကူ အမြောက်အမြားကို ဘဏ်များတွင် မအပ်နှံဘဲ နေအိမ်တွင် အထုပ်လိုက် သိမ်းဆည်းထားခဲ့သော မိသားစုများမှာ ညတွင်းချင်းပင် ဘဝ ပျက်ခဲ့ကြရသည်။ ယင်းဖြစ်ရပ်သည် လူတိုင်းသိသော ဥပမာ ဖြစ်သည်။

မြန်မာ စစ်အစိုးရက ချမှတ်သော အရေးကြီးသည့် ဆုံးဖြတ်ချက်များထဲမှ အချို့သည် အီးတီနှင့် ရုပ်ဆင်သူ နာမည်ကျော် ဗေဒင်ဆရာမ တစ်ဦးက ဆန်းစစ် ပေးခဲ့ခြင်းဖြစ်သည် ဟူသော ကိစ္စကိုလည်း မြန်မာအချို့က သိရှိထားကြသည်။

ယခု မြန်မာစစ်အစိုးရ ခေါင်းဆောင်များ အမျိုးသမီး လုံချည်များ ဝတ်ဆင်သည့် ကိစ္စမှာ ပထမဆုံး အကြိမ်တော့ မဟုတ်ပေ။ ဧရာဝတီ သတင်းဌာန ရေးသားချက်အရ လာအို ဝန်ကြီးချုပ်နှင့် မကြာသေးခင်က တွေ့ဆုံရာ၌ ကက်ဘိနက် အဖွဲ့ဝင်အားလုံး အမျိုးသမီးဆင် လုံချည်များ ဝတ်ဆင် ထားသည် ဟူ၏။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ဗီယက်နမ် နိုင်ငံတွင် ဖြစ်ပေါ်နေသော ငွေကြေး ဖောင်းပွမှုကို ထိန်းချုပ်ရန် အစိုးရက အတိုးနှုန်းကို ၂ ရာခိုင်နှုန်းအထိ မြှင့်တင် ပေးလိုက်ကြောင်း ဘီဘီစီ သတင်းဌာနက ရေးသားသည်။ သို့သော် စီးပွားရေး ကျွမ်းကျင်သူများက ဗီယက်နမ်နိုင်ငံသည် ငွေကြေး ဖောင်းပွမှု ထိန်းချုပ်ရာတွင် ခက်ခဲသော အခြေအနေများဖြင့် ရင်ဆိုင်နေရဆဲ ဖြစ်သည်ဟု ဆိုသည်။

ဗီယက်နမ် ဗဟိုဘဏ်သည် ဖေဖော်ဝါရီလ ၁၈ ရက်နေ့တွင် အတိုးနှုန်းကို ၉ ရာခိုင်နှုန်းမှ ၁၁ ရာခိုင်နှုန်း (စုစုပေါင်း ၂ ရာခိုင်နှုန်း) အထိ တိုးမြှင့်ပေးလိုက်သည်။ ဖေဖော်ဝါရီလ ဒုတိယ ပတ်ခန့် ကလည်း ဗီယက်နမ် ဒေါင်ငွေကြေးကို ၈ ဒဿမ ၅ ရာခိုင်နှုန်းအထိ တန်ဖိုး လျှော့ချ သတ်မှတ်ခဲ့သည်။ အဆိုပါ လုပ်ရပ်သည် ငွေကြေး ဖောင်းပွမှုများ ဖြစ်ပေါ်လာအောင် တွန်းအား ပိုပေးသလို ဖြစ်နိုင်သည်ဟု စီးပွားရေး ကျွမ်းကျင်သူတို့က ဆိုသည်။

ဗီယက်နမ် ငွေကြေး ဖောင်းပွမှု နှုန်းထားသည် ၂၃ လအတွင်း အမြင့်ဆုံးသို့ ရောက်ရှိခဲ့သည်။ လေ့လာ သုံးသပ်သူများက ယခုလို အတိုးနှုန်း မြှင့်တင် ပေးလိုက်မှုကြောင့် ငွေကြေးစနစ်နှင့် ငွေကြေး ဖောင်းပွမှု လျှော့ချရေးကို အထောက်အကူပြုရာ ရောက်သည်ဟု ဆိုသည်။

"အတိုးနှုန်း မြှင့်တင်ပေးမှုသည် မရှိမဖြစ် လိုအပ်သော ကိစ္စဖြစ်သည်။ အထူးသဖြင့် ဒေါင်ငွေ တန်ဖိုး လျှော့ချမှု ဖြစ်ပေါ်ပြီးနောက် လိုအပ်သော ကိစ္စတစ်ခု ဖြစ်ပေသည်" ဟု ANZ ဘဏ်က ဆိုသည်။

သို့သော် အတိုးနှုန်း မြှင့်တင်ပေးမှု တစ်ခုတည်းဖြင့် နိုင်ငံတော် ဗဟိုဘဏ်၏ ရည်မှန်းချက် ဖြစ်သော ၂၀၁၁ ခုနှစ် နောက်ဆုံးပိုင်းတွင် ငွေကြေး ဖောင်းပွမှု ၇ ရာခိုင်နှုန်း အထိ လျှော့ချရေးကို ဆောင်ကြဉ်းပေးရန် ခက်ခဲလိမ့်မည် ဖြစ်သည်ဟု ANZ က ဆိုသည်။

"သို့အတွက်ကြောင့် အာဏာပိုင်များ အနေဖြင့် ယခုနှစ်အတွင်း အတိုးနှုန်းများ မြှင့်တင် ပေးမှုကို နောက်ထပ်တစ်ကြိမ် ထပ်မံ လုပ်ကိုင်ရန် လိုအပ်လိမ့်မည်ဟု ကျွန်ုပ်တို့က မျှော်လင့်သည်" ဟု ANZ ဘဏ်၏ ကြေညာချက်တွင် ပါရှိသည်။

မည်သို့ပင်ဆိုစေ အတိုးနှုန်း မြှင့်တင်ပေးမှုများက ဗီယက်နမ် စီးပွားရေး တိုးတက်မှုနှုန်းကို ထိခိုက်မှု ရှိလေမလား ဟူသည့် စိုးရိမ်ပူပန်မှု များလည်း ထွက်ပေါ်လျက် ရှိသည်။ အချို့သော ပညာရှင်များကမူ ဗီယက်နမ် အနေဖြင့် ယခုနှစ်အတွင်း  စီးပွားရေး တိုးတက်မှုနှုန်းကို ၅ ရာခိုင်နှုန်းမှ ၆ ရာခိုင်နှုန်းအကြား ပစ်မှတ်ထား လျှော့ချရန် လိုအပ်လိမ့်မည်ဟု ဆိုသည်။

BBC သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

အိန္ဒိယ အမျိုးသား ထောက်လှမ်းရေး အေဂျင်စီ (NIA) ၏ စုံစမ်း ဖော်ထုတ်ချက် အရ မဏိပူရ ပြည်နယ် အခြေစိုက် အကြမ်းဖက် အုပ်စုဖြစ်သော ညီညွတ်သော အမျိုးသား လွတ်မြောက်ရေး တပ်ဦး (UNLF) နှင့် တရုတ်နိုင်ငံမှ အမျိုးသားများ အကြား စီးပွားရေး လုပ်ဆောင်မှု တစ်ရပ် ရှိနေပြီး UNLF သည် အဆိုပါ ပုဂ္ဂိုလ်များ၏ အကူအညီဖြင့် အိမ်နီးချင်း နိုင်ငံများမှ လက်နက်များ ရရှိနေကြောင်း သိရသည်။

NIA က စုံစမ်း စစ်ဆေးမှု ပြုလုပ်ခဲ့ရာတွင် UNLF အုပ်စုများသည် ဗဟို ထောက်လှမ်းရေး အေးဂျင့်များ မသိရှိအောင် ငွေညှစ်ခြိမ်းခြောက်မှုများ ပြုလုပ်ရာတွင် ဂြိုလ်တု ဆက်သွယ်ရေး ဖုန်းများ အသုံးပြု ခဲ့သည်ကို တွေ့ရှိရသည်။ "NIA က ပြုလုပ်တဲ့ စုံစမ်း ဖော်ထုတ်ချက် အရ UNLF အုပ်စုဟာ တရုတ် နိုင်ငံသား တချို့ရဲ့ အကူအညီနဲ့ လက်နက်တွေ ရရှိအောင် ကြိုးပမ်းခဲ့တယ် ဆိုတာကို တွေ့ရပါတယ်" ဟု ပြောရေးဆိုခွင့် ရှိသူ အစိုးရ အရာရှိ တစ်ဦးက ဆိုသည်။

UNLF အဖွဲ့တွင် မိမိဘာသာ ဥက္ကဌ ရာထူး ရယူထားသူ RK Meghen နှင့် အခြားသော အဖွဲ့ဝင် ၁၈ ဦးအား အထူး တရားရုံးတော်တွင် တရားစွဲဆိုရန် NIA က စီစဉ်ထားသည်ကို အစိုးရ၏ ထုတ်ပြန်ချက်တွင် ဖော်ပြထားသည်။ NIA က အဆိုပါ ပုဂ္ဂိုလ်များအား နိုင်ငံတော်ကို စစ်မက်ဖြင့် တိုက်ခိုက်ရန် ကြိုးပမ်းမှု၊ ငွေညှစ်ခြိမ်းခြောက်မှု၊ အိမ်နီးချင်း နိုင်ငံများမှ တရားမဝင် လက်နက် ဝယ်ယူမှုတို့ ကျူးလွန်ခဲ့သည်ဟု စွဲချက် တင်ထားသည်။

UNLF သည် မဏိပူရ ပြည်နယ်တွင် အစိုးရအပါအဝင် အခြေားသော ပုဂ္ဂလိက အဖွဲ့အစည်း များထံမှ ငွေညှစ် ခြိမ်းခြောက်မှုများ ကျယ်ကျယ်ပြန့်ပြန့် ပြုလုပ်ကာ ရန်ပုံငွေ အမြောက်အမြား ရှာဖွေ စုဆောင်းခဲ့သည်ဟု NIA က စွပ်စွဲ ပြောဆိုသည်။

"အိန္ဒိယ အမျိုးသား ထောက်လှမ်းရေး အေဂျင်စီက အဲဒီ ပုဂ္ဂိုလ်တွေကို တရား စွဲဆို ထားပါတယ်။ စွဲချက် အရတော့ သူတို့ဟာ မဏိပူရ ပြည်နယ်ထဲမှာ ငွေညှစ် ခြိမ်းခြောက်မှုတွေလုပ်ပြီး ရန်ပုံငွေတွေ ရှာဖွေ စုဆောင်းခဲ့တယ်။ အဲဒီကနေ တစ်ဆင့် UNLF အဖွဲ့မှာ အသုံးပြုဖို့ လက်နယ်တွေ ဝယ်ယူနိုင်ဖို့ အတွက် အဲဒီ ငွေကြေးတွေကို နီပေါ၊ ဘင်္ဂလားဒေ့ရှ်၊ မြန်မာ စတဲ့ အိမ်နီးချင်း နိုင်ငံတွေဆီကို လွှဲပြောင်း ပေးပို့ခဲ့ကြတာ ဖြစ်ပါတယ်" ဟု ပြောရေးဆိုခွင့် ရှိသူက စွပ်စွဲ ပြောဆိုသည်။

ဥက္ကဌဆိုသူ RK Meghen မှာ ယခုအခါ ဖမ်းဆီး အကျဉ်းချ ခံထားရပြီး အခြားသော အဖွဲ့ဝင်များမှာ ဂူဝါဟေတီ ပြည်နယ်တွင် ပုန်းလျှိုး ကွယ်လျှိုး နေထိုင်ပြီး ငွေညှစ် ခြိမ်းခြောက်မှုများ ပြုလုပ်စဉ် အာသံ ရဲတပ်ဖွဲ့ဝင်များက ဖမ်းဆီး ရမိခဲ့ခြင်း ဖြစ်သည်ဟု ဆိုသည်။

အာသံပြည်နယ် ရဲတပ်ဖွဲ့ အဆိုအရ ဂူဝါဟေတီ ပြည်နယ် တစ်လျှောက် အဆက်မပြတ် ရှာဖွေ စစ်ဆေးမှုများ ပြုလုပ်ခဲ့ရာ မတူညီသော နေရာသုံးခုတွင် ၎င်းတို့အား ဖမ်းမိခဲ့ခြင်း ဖြစ်ကြောင်း၊ လက်ပတော့များ၊ မိုဘိုင်းဖုန်းများ အပါအဝင် ၎င်းတို့ အလုပ်အတွက် အသုံးပြုသည့် ပစ္စည်းများ အားလုံး နှင့်အတူ ဖမ်းမိခဲ့ခြင်း ဖြစ်ကြောင်း သိရသည်။

PTI သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

နိုင်ငံတော်အကြီးအကဲမှ နုနယ်သည့် ဒီမိုကရေစီနိုင်ငံဟု သုံးနှုန်း


နေပြည်တော်မြို့တော်ခန်းမ၌ ကျင်းပသော ၆၄ နှစ်မြောက် ပြည်ထောင်စု နေ့အခမ်းအနားတွင် ပြည်ထောင်စုနေ့ ကျင်းပရေးဗဟိုကော်မတီဥက္ကဋ္ဌ အတွင်းရေးမှူး (၁) သီဟသူရ တင်အောင်မြင့်ဦးမှ နိုင်ငံတော်အကြီးအကဲ ဗိုလ်ချုပ်မှူးကြီး သန်းရွှေမှ ပေးပို့သော သဝဏ်လွှာကို ဖတ်ကြားခဲ့သည်။

          ယင်းသဝဏ်လွှာ၌ မြန်မာနိုင်ငံကို ဒီမိုကရေစီနိုင်ငံတော်ဆိုသည့် အသုံးအနှုန်းကို ထည့်သွင်းသွားခဲ့ကြောင်း အခမ်းအနားသို့ တက်ရောက်လာကြသော လွှတ်တော်ကိုယ်စားလှယ်များက ပြောကြားသည်။ "ဒီမိုကရေစီနိုင်ငံတော်လို့ သုံးနှုန်းသွားသော်လည်း ရက်ပိုင်းသာရှိသေးတဲ့အတွက် အင်မတန်နုနယ်သေးတယ်လို့ ပြောကြား သွားတယ်" ဟု အမျိုးသားလွှတ်တော်ကိုယ်စားလှယ်တစ်ဦးက ပြန်လည်ပြောကြားသည်။

          "သဝဏ်လွှာကို သီဟသူရဦးတင်အောင်မြင့်ဦးဖတ်ကြားသွားတဲ့အထဲမှာ ဘာကိုသတိထားမိသလဲဆိုရင် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီက ဒီအသုံးအနှုန်းကို စတင်သုံးစွဲခဲ့တယ်။  ဒီမိုကရေစီ နိုင်ငံတော် ဆိုတာကို ပထမဦးဆုံးအကြိမ်စတင်သုံးနှုန်းသွားတယ်။ ဒါပေမယ့် နုနယ်သေးတယ်ဆိုပြီး ထည့်သုံး သွားတယ်"ဟု ပြည်ထောင်စုနေ့အခမ်းအနားသို့ တက်ရောက်လာသော အမျိုးသားလွှတ်တော် ကိုယ်စားလှယ်တစ်ဦးက ပြောကြားသည်။

          မြန်မာနိုင်ငံ၏ နှစ် ၂၀ အတွင်း ပထမဦးဆုံးအကြိမ်လွှတ်တော် အစည်းအဝေးများကို ဇန်နဝါရီ ၃၁ ရက်နေ့က စတင်ကျင်းပခဲ့ပြီး သမ္မတအသစ်ကို ဖေဖော်ဝါရီလ ၄ရက်က ရွေးကောက်တင်မြောက်ခဲ့ရာ လက်ရှိဝန်ကြီးချုပ် တာဝန်ထမ်းဆောင်နေသော ဦးသိန်းစိန်မှ သမ္မတဖြစ်လာသည်။ ထို့အပြင် ပြည်ထောင်စုအစိုးရအဖွဲ့၊ ပြည်နယ်နှင့် တိုင်းဒေသကြီးအစိုးရအဖွဲ့များကိုလည်း ဖွဲ့စည်းပြီးသွားပြီး ဖြစ်သည်။


-----------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

နိုင်ငံရေးမှာ စိတ်ရှည်ဖို့လိုသည်ပာု ကျားဖြူပါတီမှ အမျိုးသားလွှတ်တော် ကိုယ်စားလှယ်ဦးစိုင်းဆောင်ဆီက ပြောကြား


       ပြည်ထောင်စုလွှတ်တော် ကျင်းပသည့် အခြေအနေများနှင့်တစ်ကွ တိုင်းဒေသကြီးနှင့် ပြည်နယ်အုပ်ချုပ်ရေးအပေါ်၌ ထားရှိသည့်အမြင်များနှင့် ပတ်သတ်၍ ရှမ်းတိုင်းရင်းသားများဒီမိုကရက်တစ်ပါတီမှ ပြောခွင့်ရပုဂ္ဂိုလ် ဦးစိုင်းဆောင်ဆီက ပြောကြားခဲ့သည်။

        ယခုဖွဲ့စည်းသည့် ပုံစံ၌ ဖွဲ့စည်းပုံအခြေခံဥပဒေအရ သမ္မတအပါအဝင် အဆင့်ဆင့်သော အုပ်ချုပ်ရေး၌ တာဝန်ယူမည့်ပုဂ္ဂိုလ်များကို ရွေးချယ်ခဲ့ခြင်းဖြစ်သည့်အတွက် မိမိတို့က ဘာမှမပြောလိုကြောင်း၊ ပြည်နယ်ဝန်ကြီးများနေရာ၌ တိုင်းရင်းသားပါတီများကို အနည်းငယ်နေရာပေးထားကြောင်း၊ မည်သို့ပင်ဆိုစေ မိမိတို့ ရှမ်းပါတီသည် အုပ်ချုပ်ရေးအဖွဲ့ထဲ ပါသွားသည့်အတွက် ကျေနပ်ကြောင်း၊ မိမိတို့ကတော့ ပြည်သူလူထု၏ အခက်အခဲများကိုဖြေရှင်းပေးနိုင်ရန် ဥပဒေပြုမည့်အခန်းကဏ္ဍ၌သာ ရှိနေမည်ဖြစ်ကြောင်း၊ သို့သော် ပြည်သူလူထု၏ အခက်အခဲကိုဖြေရှင်းပေးရာ၌ မိမိတို့ အခန်းကဏ္ဍသည်အနည်းငယ် ကြာမည်ဖြစ်သည့်အတွက် အစိုးရအဖွဲ့ထဲ၌ တိုင်းရင်းသား များပါဝင်နေသည့်အတွက် ပြည်သူလူထု ဖြစ်ပျက်နေသည့် အခက်အခဲ ကိစ္စရပ်များကို အချိန်တိုအတွင်း ဖြေရှင်းပေးနိုင်တော့မှာ ဖြစ်ကြောင်း၊ ဝန်ကြီးဋ္ဌာနအလိုက် လုပ်ပိုင်ခွင့်များ ရရှိသွားတော့မည်ဖြစ်ကြောင်း၊ ထို့ကြောင့် မိမိအနေဖြင့် ပြောစရာမရှိကြောင်း ၎င်းမှပြောကြားခဲ့သည်။

            ယခု ရှမ်းပြည်နယ်လွှတ်တော်မှ ပြည်နယ်ဝန်ကြီးများအဖြစ် ရွေးချယ်ခံထားရသည့် မိမိတို့ပါတီမှ ကိုယ်စားလှယ် နှစ်ဦးအပေါ်၌လည်း အားရကျေနပ်မှုရှိကြောင်း၊ ဒီမိ်ုကရေစီဖြစ်စဉ်သို့ သွားသည့်ရွေးကောက်ပွဲသည် ပထမဆုံးအကြိမ်ဖြစ်သည့်အတွက် အသွင်အပြင်အသစ်အဆန်းဖြစ်သော်လည်း ကောင်းမွန်သည်ပာု မိမိခံယူ ကြောင်း ဦးစိုင်းဆောင်ဆီမှ ဆက်လက်ပြောကြားခဲ့သည်။

            ပြည်ထောင်စုလွှတ်တော်တတ်ရောက်နေရသည့် အချိန်၌ မိမိတို့မှ ဘာမှမမျှော်လင့်ထားကြောင်း၊ ပြည်ထောင်စု လွှတ်တော် ၃ ပတ်ကြာသွားသော်လည်း အစိုးရအဖွဲ့အစအဆုံး လုပ်ငန်းများကို ဖွဲ့စည်းဖြစ်သည့်အတွက် မိမိတို့မှ စိတ်ရှည်စွာ စောင့်ရဦးမည်ဖြစ်ကြောင်း၊ ယခုပေါ်ပေါက်လာသည့် အစိုးရသစ်သည် ပြည်သူလူထု အပေါ်၌ ကောင်းမွန်စွာ ဆက်ဆံ ပေးပါက လူထုကလက်ခံမည်ဖြစ်ကြောင်း၊ အစိုးရသည် ပြည်သူလူထု ဘဝဖွံ့ဖြိုးတိုးတတ်အောင် တာဝန်ယူရမည် ဖြစ်ကြောင်း ၎င်းမှပင် ဆက်လက်ပြောကြားခဲ့သည်။

            နောက်ဆုံးအနေဖြင့် မိမိတို့ပါတီမှ ကိုယ်စားလှယ်များ လွှတ်တော်တတ်ရောက်နေသည့် အမတ်များအားလုံးက ဆက်လက်ကြိုးစားသွားမည်သာ ဖြစ်ကြောင်း၊ ပြည်သူလူထု ၏ မျက်နှာသာ ကြည့်၍ ပြည်သူလူထု၏ အရေးကိစ္စများကို ဖြေရှင်းပေးသွားမည်သာ ဖြစ်ကြောင်း၊ သို့သော် နိုင်ငံရေးသည် ဘယ်အရေးကိစ္စများနှင့်မျှ မတူ သည့်အတွက် စိတ်ရှည်လက်ရှည် ဖြေရှင်းမှသာရမည်ဖြစ်ကြောင်း ရှမ်းတိုင်းရင်းသားများ ဒီမိုကရက်တစ်ပါတီမှ ဦးစိုင်းဆောင်ဆီမှ ပြောကြားခဲ့သည်။


--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မန္တလေးမြို့၌ ဝယ်ရောင်းဓာတ်ဆီဆိုင်များအား စတင်အရေးယူ

မန္တလေး၊ ဖေဖော်ဝါရီ ၂၃

မန္တလေးမြို့တွင် ဝယ်ရောင်းဓာတ်ဆီဆိုင်မှ အစပြုသည့် မီးလောင်မှုများဖြစ်ပွားပြီးနောက် မြို့တွင်းရှိ ဝယ်ရောင်းဆီဆိုင်များအား သက်ဆိုင်ရာမှရောင်းချခွင့်ရပ်နားထားပြီး ယနေ့မှစ၍ စတင်အရေးယူနေပြီ ဖြစ်ကြောင်းသိရသည်။

ဝယ်ရောင်းဓာတ်ဆီဆိုင်များ ပိတ်လိုက်ရခြင်းကြောင့် ပုဂ္ဂလိကစက်သုံးဆီဆိုင်များတွင် လာရောက်တန်းစီ ထုတ်ယူသူများ ပိုမိုများပြားလာကြောင်း ဆီထုတ်ရန်လာရောက် စောင့်ဆိုင်းနေသူတစ်ဦးက ပြောကြားသည်။

"ကျွန်မကတော့ အလုပ်ချိန်အပျက်ခံပြီး ပုဂလိကဆီဆိုင်တွေမှာထည့်မနေတော့ဘူး။အလွယ်တကူပဲ လမ်းဘေးဆိုင်မှာ ပဲထည့်လိုက်တော့တယ်"ဟု မြိုခံတစ်ဦးကပြောဆိုသည်။ ယင်းအကြောင်းများကြောင့် မန္တလေးမြို့တွင် ဝယ်ရောင်းဓာတ်ဆီဆိုင်များကြောင့် မီးဘေးအန္တရာယ်ရှိနေသော်လည်း ယင်းဆိုင်များမှာ လိုအပ်လျက် ရှိနေသေးကြောင်း သိရသည်။

မန္တလေးမြို့တွင် နှစ်နှစ်တာကာလအတွင်း အောက်ခြေလူတန်းစားများ တစ်ဖြေဖြေး အလုပ်လက်မဲ့များပြားလာပြီး ယခုကဲ့သို့ ဝယ်ရောင်းဓာတ်ဆီဆိုင်များကိုအားထားနေရသော လုပ်သားများလည်း အလုပ်လက်မဲ့ဘဝသို့ ရောက်ရှိလာတော့မည်ဖြစ်ကြောင်း ဝံသာနုNLD ပါတီမှ အထွေထွေအတွင်းရေးမှူး ဒေါ်နန်းရွှေကြာက ပြောကြားသည်။

"ဒီမှာက ကိုယ်ပိုင်ဆိုင်ကယ်နဲ့ ခေါက်တုံ့ခေါက်ပြန်ဆီဖြည့်ပြီး အပြင်ဆိုင်မှာရောင်းစားနေတဲ့သူတွေရှိသလို ကျွန်တော့်လိုမျိုး ပုဂ္ဂလိကဆီဆိုင်တွေမှာ အချိန်မကုန်စေချင်တဲ့သူတွေအတွက် တစ်စီးကို လေးရာကျပ်နဲ့ စောင့်ခယူစားနေရတဲ့သူတွေလဲ အများကြီးဘဲ။" ဟု ပုဂ္ဂလိကဆီဆိုင်ရှေ့တွင် ဆိုင်ကယ်တန်းစီ ထုတ်ယူပေးနေသူ တစ်ဦးက ပြောကြားသည်။ မြန်မာနိုင်ငံ၏ ဆိုင်ကယ်အများဆုံးမြို့ဖြစ်သည့် မန္တလေးမြို့ပေါ်တွင် ပုဂ္ဂလိကစက်သုံးဆီဆိုင်မှာ ငါးဆိုင်သာ ရှိကြောင်းသိရသည်။

မန္တလေးမြို့တွင် အောက်ခြေလူတန်းစားများအလုပ်လက်မဲ့များပြားလာခြငိးနှင့် ပတ်သက်၍ ကော်မရှင်သို့ တင်ပြရန်စီစစ်နေကြောင်း ဒေါ်နန်းရွှေကြာကပြောကြားခဲ့သည်။

Peace Press

----------------------------------------------------------------------------------------------------------------------------------------------------------------------------------------------------------------------------------------

ဒီဇယ်နှင့် ဓာတ်ဆီဈေးများ မြင့်တက်

ရန်ကုန်၊ ဖေဖေါ်ဝါရီလ၂၂

ရန်ကုန်မြို့၌ ယခုရက်ပိုင်းအတွင်း ဒီဇယ်နှင့် ဓာတ်ဆီဈေးများ တဂါလံလျှင် ၃ဝဝ ကျပ်ကျော် မြင့်တက်သွားကြောင်း ပုဂ္ဂလိက စက်သုံးဆီဆိုင်များ၏ ပြောဆိုချက်များအရ သိရသည်။

ဒီဇယ်ပေါက်ဈေးမှာ တဂါလံလျှင် ၃၃ဝဝ ကျပ်မှ ၃၆ဝဝ ကျပ်သို့ မြင့်တက်သွားပြီး ဓာတ်ဆီ ပြင်ပပေါက်ဈေးမှာလည်း ယခင်က ကျပ် ၃ဝဝဝ ရှိခဲ့ရာမှ ယခုအခါ ၃၄ဝဝ ကျပ်သို့ မြင့်တက်သွားကြောင်း သတင်းရရှိသည်။

ပုဂ္ဂလိကဆီဆိုင်များတွင် ဒီဇယ်၊ ဓာတ်ဆီ၊ အောက်တိန်းဆီ၊ gasoline စသည့် လောင်စာဆီများကို ရောင်းချ လျက် ရှိရာ၊ ဓာတ်ဆီမှလွဲ၍ အခြားစက်သုံးဆီများကို မိမိကြိုက်ဈေးဖြင့် အကန့်အသတ်မရှိ ရောင်းချနိုင်ပြီး ဓာတ်ဆီကို အစိုးရသတ်မှတ်ဈေး ၂၅ဝဝ ကျပ်ဖြင့် တစ်ရက်လျှင် ၄ ဂါလံနှုန်း ကန့်သတ် ရောင်းချပေးနေ ကြောင်း သိရသည်။

စက်သုံးဆီလုပ်ငန်းများကို ပုဂ္ဂလိကလက်သို့ ၂၀၁၀ခုနှစ် ဇွန်လမှစ၍ လွှဲပြောင်းခဲ့စဉ်က ဓာတ်ဆီကို လိုသလောက် ရောင်းချခဲ့သော်လည်း တန်းစီစောင့်ဆိုင်းကာ ဝယ်ယူပြီး၊ ပြင်ပ၌ ပြန်ရောင်းချကြသည့် အလေ့အထ ပြန်လည်ခေတ်စားလာသဖြင့် လွန်ခဲ့သည့် ၄ လခန့်မှစ၍ အကန့်အသတ်ဖြင့်သာ ရောင်းချတော့သည်။

ဒီဇယ်နှင့် အောက်တိန်းဆီကို စင်္ကာပူမှတဆင့် တင်သွင်းခြင်းဖြစ်ပြီး ဓာတ်ဆီကိုမူ မြန်မာ့စွမ်းအင်ဝန်ကြီးဌာနမှ ပုဂ္ဂလိကဆီဆိုင်များသို့ ခွဲတမ်းဖြင့် ရောင်းချပေးနေခြင်း ဖြစ်ကြောင်းသည်။

အစိုးရက စက်သုံးဆီလုပ်ငန်းများကို ပုဂ္ဂလိကလက်တွင်း လွှဲပြောင်းခဲ့သော်လည်း ဈေးနှုန်းအတက်အကျကို လုပ်ငန်းရှင်များကသာ ဈေးညှိထိန်းချုပ်ထားသည်ဟု ပုဂ္ဂလိကဆီဆိုင်နှင့် နီးစပ်သူတဦးက ပြောဆိုသည်။

လတ်တလော ကမ္ဘာ့အရှေ့အလယ်ပိုင်း နိုင်ငံအချို့၌ အစိုးရဆန့်ကျင်သော ဆန္ဒပြပွဲများ ဖြစ်ပွားနေသဖြင့် ရေနံစိမ်း တပေပါလျှင် အမေရိကန်ဒေါ်လာ ၁၅ ဒေါ်လာထက်မနည်း မြင့်တက်လာခဲ့သည်။


-------------------------------------------------------------------------------------------------------------------------------------------------------------------------------------------------------------------------------------------------------

အလုပ်ခန့်ရာတွင် စာချုပ်ပေါ်တွင်လက်မှတ်ထိုးစေ၍ လိမ်လည်အလုပ်ခိုင်းစေမှုများရှိလာ

ရန်ကုန်၊ ဖေဖေါ်ဝါရီလ၂၃

ဗလာစာချုပ်များပေါ်တွင် အလုပ်ခန့်ရန်အတွက် အလုပ်သမားများအား လက်မှတ်ထိုးစေပြီး အလုပ်ရှင်များမှ အလုပ်သမားများအပေါ် အလုပ်မထွက်ရဲစေရန် ခြိမ်းခြောက်၍ လိမ်လည်၍အလုပ်ခိုင်းစေမှုများရှိလာသည်ပာု သိရှိရ သည်။

ပြည်တွင်းရှိ အလုပ်သမတစ်ဦးသည် ကုမ္ပဏီတစ်ခု၌ အလုပ်သွားရောက်လျှောက်ထားရာ အလုပ်ရှင်မှ စာရွက် အလွတ်တစ်ရွက်ပေါ်တွင် လက်မှတ်ထိုးစေ၍ အနည်းဆုံး ၆ လလုပ်ကိုင်ရမည်ပာု ညွှန်ကြားကြောင်း၊ ပထမ ၂ လ၌ ကုမ္ပဏီ၌ပင် အမှတ်တကယ် အလုပ်လုပ်ကိုင်ရကြောင်း၊ နောက်ကာလများ၌ ကုမ္ပဏီ၌ ထားရှိခြင်းမရှိတော့ပဲ အလုပ်ရှင်၏ အိမ်တွင်သာ အဝတ်လျှော်၊ မီးပူတိုက်အလုပ်များကိုသာ လုပ်ကိုင်ရတော့ကြောင်း ကြုံတွေ့ခံစားခဲ့ရသူ အလုပ်သမ အမျိုးသမီးတစ်ဦးမှ ပြောကြားခဲ့သည်။

ဤကဲ့သို့ စာချုပ်ချုပ်ဆိုခံရသည့်အတွက် လုပ်စာတိုးမြှင့်ရန် မျှော်လင့်ခွင့်မရှိကြောင်း၊ လက်မှတ်ထိုးထားသည့် အတွက် လစာတိုး၍ မတောင်းဆိုရဲကြောင်း၊ မည်သည့်အချိန်တွင်မှ လစာတိုးပေးမည်ကို မသိကြောင်း ထိုအမျိုးသမီးမှ ဆက်လက်ပြောဆိုခဲ့ပါသည်။

မိမိအနေနှင့် လုပ်ချင်သည့်အလုပ် လုပ်ကိုင်ရခြင်းမရှိသည့်အတွက် ဆက်လုပ်မလုပ်ကိုင်တော့ကြောင်း၊ ထိုသို့ အလုပ်သို့မလာသည့်အတွက် ဖုန်းဆက်၍ အလုပ်ပြန်ဆင်းရန် မဆင်းပါက လက်မှတ်ထိုးထားသည့် စာရွက်အလွတ် ပေါ်တွင် မပာုတ်သည်များရေး၍ ရဲစခန်းတိုင်မည်ပာု ခြိမ်းခြောက်ကြောင်း၊ ထို့ကြောင့် မိမိမှာ အလုပ်ဆက်လက် မလုပ်ကိုင် လိုသော်လည်း ၆ လပြည့်အောင်ဆက်လက်လုပ်ကိုင်နေရကြောင်း ထိုအမျိုးသမီးမှပင် ဆက်လက်ပြောခဲ့သည်။

နိုင်ငံခြားကုမ္ပဏီများသည် အလုပ်သမားခန့်အပ်ရာ၌ စာချုပ်၌ လက်မှတ်ထိုး၍ခန့်အပ်ခြင်းကို ယခင်ကတည်း ကပင် ကျင့်သုံးပြီးဖြစ်လေသည်။ မည်သည့်လုပ်ငန်းတွင်မဆို အလုပ်သမားခန့်အပ်ရာ၌ စာချုပ်ချုပ်ခန့်အပ်စေရန် အလုပ် သမားဝန်ကြီးဋ္ဌာနမှ ၂၀၀၉ ခုနှစ်တွင်ညွှန်ကြားပြဋ္ဌာန်းထားပြီးဖြစ်သည်။

ယင်းကိစ္စနှင့်ပတ်သတ်၍ ဥပဒေပညာရှင်တစ်ဦးမှ အလုပ်သမားခန့်အပ်ရေး စာချုပ်ချုပ်ဆိုရာ၌ အလုပ်ရှင်နှင့် အလုပ်သမားသဘောတူညီမှသာ လက်မှတ်ထိုးသင့်ကြောင်း၊ အကယ်၍ ထိုးမည်ဆိုပါကလည်း စာချုပ်၌ ပါဝင်သည့် အချက်အလက်များကို သေချာစွာဖတ်ရှုသင့်ကြောင်း၊ စာရွက်အလွတ်ပေါ်၌ လက်မှတ်ထိုးခြင်းမျိုးကို မပြုလုပ်သင့် ကြောင်း၊ စာမဖတ်တတ်သူ မသိနားမလည်သူတစ်ဦးကို စာချုပ်အလွတ်၌ လက်မှတ်ထိုးခိုင်းပြီး ခြိမ်းခြောက်အကျပ်ကိုင် လိုသည့် သဘောဖြင့်ဆောင်ရွက်ပါက ဥပဒေကြောင်းအရ တရားစွဲဆိုခံရပြီး ထောင်ဒဏ်ချမှတ်နိုင်ကြောင်း ပြောကြား ခဲ့သည်။

ပြည်တွင်းရှိ အလုပ်ရုံများ၊ ဝန်ဆောင်မှုလုပ်ငန်းများနှင့် အခြေခံ လုပ်ငန်းရပ်များတွင် အလုပ်သမားခေါ်ဆို ခန့်အပ် ရာ၌ စာချုပ်ချုပ်ဆို၍ ခန့်အပ်ခြင်းမျိုး နည်းပါးသေးကြောင်း၊ ထိုသို့ မပြုလုပ်သည့်အတွက် အလုပ်သမားများအနေဖြင့် ရသင့်သောအခွင့်အရေးများ ဆုံးရှုံးနစ်နာနေရကြောင်း၊ ထိုဖြစ်စဉ်မျိုး ဖြစ်ပေါ်ရခြင်းမှာ အလုပ်သမားများအနေဖြင့် အသိ ပညာနည်းပါးနေခြင်းနှင့် အလုပ်သမားဥပဒေအပေါ် လက်တွေ့လုပ်ဆောင်နိုင်မှုမရှိသေးခြင်းတို့ဖြစ်ကြောင်း ဥပဒေ ပညာ ရှင်များမှ သုံးသပ်ဝေဖန်ပြောဆိုခဲ့သည်။


---------------------------------------------------------------------------------------------------------------------------------------------------------------------------------------------------------------------------------------------------------

တရုတ်လုပ် Modem မိုဒမ်ဖြင့် သုံးရာမှ ငါးသိန်းဖုန်းကတ်တွင် ပြဿနာပေါ်

ရန်ကုန်၊ ဖေဖေါ်ဝါရီလ၂၃

            ၈၀၀ မီဂါဟတ်ဇ် ငါးသိန်း ဖုန်းကတ်ဖြင့် အင်တာနက် သုံးစွဲရာမှ တရုတ်အမျိုးအစား မိုဒမ်အချို့ကြောင့် ဖုန်းကတ် အပူလွန်ပြီး ဟန်းဆက်တွင် ပြန်သုံးမရသည့် အဖြစ်များရှိနေကြောင်း သိရသည်။

တရုတ်နိုင်ငံလုပ် ငါးသိန်းဖုန်း အင်တာနက်သုံး မိုဒမ် အမျိုးအစားအမျိုးမျိုး ဝင်ရောက်လျက်ရှိရာ အချို့သော မိုဒမ် အမျိုးအစားများမှာ ကွန်ပျူတာဖြင့် သုံးစွဲစဉ် အပူရှိန်ထုတ်လွှတ်မှုများပြီး RUIMကတ်အား ထိခိုက်စေသည့် သဘောဖြစ် ကြောင်း သိရသည်။

"အင်တာနက် သုံးဖို့အတွက် အင်တာနက်သုံးလို့ရတဲ့ ဟန်းဆက် ထပ်ဝယ်မယ်ဆိုရင် အနည်းဆုံး ၁ သိန်းဝန်း ကျင်ကုန်မယ်ဆိုတော့ မိုဒမ်ကိုပဲ သုံးသောင်းနဲ့ ဝယ်လိုက်တယ်။ မိုဒမ်မှာ ကတ်ထည့်ပြီး ကွန်ပျူတာနဲ့ သုံးတော့ တစ်နာရီ လောက်ကြာတယ်ဆိုရင်ပဲ မိုဒမ်းက ပူလာတယ်။ တစ်ခါသုံးရင် တစ်နာရီ၊ နှစ်နာရီလောက် လေး၊ငါးရက် ဆက်တိုက်သုံးပြီး ဟန်းဆက်ထဲ ဖုန်းကတ်ပြန်ထည့်တော့ ဖုန်းက ကတ်မထည့်ထားဘူးလို့ ပြနေတဲ့အဖြစ်ကို ကြုံရတာပဲ။ ဖုန်းဆားဗစ်ဆိုင်ကို ပြကြာ့်တော့ RUIM ကတ်က အပူကြောင့် ကော့သွားပြီး လက်ရှိသုံးနေတဲ့ ဟန်းဆက်ကို မသိတော့ တာလို့ ပြောတယ်"ဟု ကိုယ်တိုင်သုံးစွဲ ကြုံတွေ့ခဲ့သူတစ်ဦးက ပြောကြားသည်။

ဈေးကွက်ထဲတွင် ငါးသိန်းဖုန်းဖြင့် သုံးသည့် ဟန်းဆက်၊ မိုဒမ် စသည့်ပစ္စည်းများမှာ တရုတ်နိုင်ငံလုပ် ပစ္စည်းများ သာ ရှိပြီး အမှတ်တံဆိပ်အားဖြင့်လည်းကောင်း၊ အရည်အသွေးအားဖြင့်လည်းကောင်း မည်သည့်အရောင်းဆိုင်မှ အာမခံခြင်းမရှိဟု သိရပြီး သုံးစွဲသူများကသာ မိမိဘာသာ စစ်ဆေးဝယ်ယူရသည့် အခြေအနေမျိုး ရှိသည်ဟု သိရသည်။

ငါးသိန်ဖုန်းဖြင့် အင်တာနက် သုံးစွဲရာတွင် ဖုန်းပေးတွင် အင်တာနက်သုံးနိုင်သည့် ဟန်းဆက်ဝယ်ယူပြီး ဖုန်းပေါ်  (သို့မဟုတ်) ကွန်ပျူတာနှင့် ကြိုးဆက်သွယ်ကယ သုံးသည့်နည်းရှိသလို ဖုန်းကတ်ထည့်သွင်းရသည့် မိုဒမ်ကိုသာ ဝယ်ယူပြီး ဖုန်းကတ်ကို မိုဒမ်တွင်ထည့်ကာ ကွန်ပျူတာဖြင့် အင်တာနက်သုံးသည့်နည်း နှစ်နည်းရှိ သည်ဟု သိရသည်။

မြန်မာ့ဆက်သွယ်ရေးလုပ်ငန်းမှ ငှားရမ်းခွင့်ပြုထားသည့် RUIMကတ် ပျက်စီးခဲ့လျှင် မြန်မာ့ဆက်သွယ်ရေး လုပ်ငန်းတွင် မူရင်းစာချုပ်နှင့် စာချုပ်ပါငှားရမ်းသူ၏ မှတ်ပုံတင်မိတ္တူတို့ဖြင့် ပျောက်ဆုံးကြောင်း လျှောက်လွှာတင်ကာ ငွေကျပ် တစ်သိန်းပေးသွင်းပြီး ပြန်လည်လျှောက်ထားရမည်ဖြစ်ကြောင်း သိရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.