Transparency Myanmar: Feb 25, 2011

{chronicle2011:2920} သတင်းနှင့် ဆောင်းပါးများမှ ကောက်နှုတ်ချက်များ

Posted by Transparency Myanmar 2010

Friday, February 25, 2011

" ဒုသမ္မတကိုရွေးတော့ အမျိုးသားလွှတ်တော်ကိုယ်စားလှယ် ၁၆၈ ယောက်ရှိတယ်။ တပ်မတော်သား မပါတော့ဘူးလေ။ အဲဒီမဲရဲ့ တစ်ဝက်ရရင်ကို ကျွန်တော်တို့ဘက်က ဒုတိယသမ္မတ တစ်ယောက်ဖြစ်တယ်။ NLD ပါရင် ဘယ်အချိန်ပြိုင်ပြိုင် ဒီလောက်မဲကရတယ်။ အခုအတိုင်းက ဒုတိယသမ္မတဖြစ်ဖို့ ၈၅ မဲပဲလိုတာ။ NLD အနေအထားက တစ်ရေးနိုးထပြိုင်ရင်တောင် ဒီမဲရတယ်။ အဲဒီလိုကျတော့ ယခု ရလဒ်ကို မချင့်မရဲဖြစ်ကြတာပေါ့ဗျာ"

ဖေဖော်ဝါရီ ၂၂ ထုတ် True News မှာပါသည့် အမျိုးသားလွှတ်တော်ကိုယ်စားလှယ် ဦးဖုန်းမြင့်အောင် နှင့် အင်တာဗျူး ကောက်နှုတ်ချက်

------------------------------------------------------------------------------------------------------------------------------------------------------------------------------------------------------------------------------------------

"အခုဖြစ်ပေါ်နေတဲ့ အစိုးရဖွဲ့စည်းပုံမှာ လွှတ်တော်အမတ်တွေကို ဥပဒေပြုရေးကနေ အုပ်ချုပ်ရေးထဲကို ထည့်သွင်း ဖွဲ့စည်းတဲ့ပုံစံမျိုးဆိုတာ တွေ့ရပါတယ်။ အခုက သမ္မတတွေရော၊ ဝန်ကြီးတွေပါ ရွေးပြီးသွားတဲ့အတွက် ကျန်နေတဲ့ ဒုတိယဝန်ကြီး အနည်းဆုံး အပါး ၃၀ မှာ ကျွန်တော်တို့ ကျားဖြူပါတီ အနေနဲ့ ပါဝင်သင့်တယ်လို့ ကျွန်တော်မျှော်လင့်ပါတယ်။ အလားတူပါပဲ၊ ကျန်တဲ့ တိုင်းရင်းသားပါတီတွေလည်း ပြည်ထောင်စုလွှတ်တော်ကို ရောက်လာကြတဲ့ သူတို့ အမတ်ဦးရေ ပါဝင်မှုအရ ရာခိုင်နှုန်း အတိုင်းကျန်တဲ့ ဒုတိယဝန်ကြီးတွေနေရာမှာ အချိုးကျ ဝေမျှတာဝန်ပေးသင့်တယ်လို့ ထင်ပါတယ်"

ဖေဖော်ဝါရီ ၂၅ ထုတ် မြန်မာတိုင်းမ်မှာပါသည့် " ပြည်ထောင်စုအစိုးရအဖွဲ့တွင် တိုင်းရင်းသားအမတ်တို့လည်း ပါဝင်စေလို" သတင်းမှ ရှမ်းတိုင်းရင်းသားများဒီမိုကရက်တစ်ပါတီ ဒုဥက္ကဋ္ဌ ဦးဆောင်ဆီ၏ ပြောကြားချက်အပေါ် ကောက်နှုတ်ချက်

"နိုင်ငံခြားတိုက်ရိုက်ရင်းနှီးမြုပ်နှံမှုတွေက ပြည်တွင်းမှာရှိတဲ့ အသေးစား၊ အလတ်စားစက်မှုလုပ်ငန်း (SMES) တွေကို လုယူ မှာ မဟုတ်ပါဘူး၊ ပိုပြီးအထောက်အကူပြုတာမျိုးသာဖြစ်ပါတယ်၊ ဂျပန်နိုင်ငံလည်းပဲ ၁၉၅၀ ပြည့်လွန်နှစ်တွေက အမေရိကနဲ့ ဥရောပဆီက နည်းပညာတွေကို ရယူခဲ့ကြရတာပါ၊ ရတဲ့နည်းပညာတွေကို ပိုကောင်း အောင် ကြိုးစားအားထုတ်ခဲ့ကြ ရတယ်။ ၁၉၇၀ နောက်ပိုင်းရောက်မှသာ အခြေအနေကောင်းလာတာဖြစ်တယ်။ SMEတွေ တိုးမြင့်ဖို့ ခဏလေးနဲ့ မဖြစ်နိုင်ဘူး" ဟု မစ္စတာ တက်ဆူရာ ဟိုရှိနိုကဆိုသည်။

မြန်မာနိုင်ငံမှာ ရင်းနှီးမြုပ်နှံတဲ့အခါ ဂျပန်နိုင်ငံက စီအီးအိုအဆင့်နဲ့ နည်းပညာကျွမ်းကျင်တဲ့ အင်ဂျင်နီယာတွေကိုသာ ခေါ်ယူလာမှာလို့ဆိုတယ်။ အလယ်အလတ်အဆင့် စီမံခန့်ခွဲသူတွေနဲ့ အောက်ခြေအဆင့် ဝန်ထမ်းတွေကို ပြည်တွင်းကပဲ သုံးစွဲသွားမှာ ဖြစ်ပါတယ်။ "အလုပ်အကိုင်အခွင့်အလမ်းနဲ့ နည်းပညာလွှဲပြောင်းပေးတာပဲ ဖြစ်ပါ တယ်"လို့ ဂျပန်နိုင်ငံရဲ့ ရင်းနှီး မြုပ်နှံမှုနဲ့ ပတ်သက်ပြီး သူကဆက်ပြောတယ်။

ဖေဖော်ဝါရီ ၂၅ ထုတ် မော်ဒန်သတင်းဂျာနယ်မှာပါသည့် " စက်မှုလုပ်ငန်းတွေမှာ ဂျပန်က လာရောက် ပူးပေါင်းလုပ်ကိုင်မည်" ဟူသည့် သတင်းမှ ဂျပန်နိုင်ငံ Organiztion for SME & Regional မှ မစ္စတာ တက်ဆူရာ ဟိုရှိနို(Tatsuya Hoshino) ၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"နိုင်ငံခြားရင်းနှီးမြုပ်နှံမှုတွေကြောင့် အလုပ်အကိုင်အခွင့်အလမ်းတွေ များပြားလာမှာ ဖြစ်တယ်။ ထားဝယ် ရေနက်ဆိပ်ကမ်းစီမံကိန်းမှာ စက်မှုဇုန်တွေစတင်ရင် လုပ်သားလိုအပ်ချက်က သိန်းချီ၊ သန်းချီ လိုအပ်မယ့် အနေအထားဖြစ်တယ်လို့ စီးပွားရေးပညာရှင်တစ်ချို့က ခန့်မှန်းထားတယ်။ နိုင်ငံခြားကို ရောက်ရှိနေတဲ့ မြန်မာလုပ်သား တချို့ကလည်း စီမံကိန်းကြီးတွေမှာပေးတဲ့ လုပ်ခလစာက နိုင်ငံခြားမှာရတဲ့ လစာနဲ့ မကွာရင်သည်ကို ပြန်လာလုပ်ဖို့ စိတ်ဝင်စားနေကြပါတယ်။

အနိမ့်ဆုံးရှိသင့်တဲ့ လုပ်ခလစာတွေ သတ်မှတ်ရင် ဘွဲ့ရလူငယ်တွေအနေနဲ့ မိမိရဲ့ဘွဲ့ကို တကယ်အသုံးချနိုင်တဲ့အထိ တက်ကျွမ်းနိုင်ဖို့ ပညာရေးကလည်း အဓိကအရေးပါတယ်လို့ သိရတယ်။

စီးပွားရေးပညာရှင်က " နိုင်ငံခြားရင်းနှီးမြုပ်နှံမှုဝင်လာတာနဲ့အမျှ ဒီကလုပ်သားတွေ မနစ်နာဖို့ အနိမ့်ဆုံးလစာ သတ်မှတ်ဖို့လိုတယ်၊ ကမ္ဘာဘဏ်က အနိမ့်ဆုံးဝင်ငွေ လူတစ်ယောက်ကို တစ်နေ့နှစ် ဒေါ်လာဝန်ကျင် သတ်မှတ်တယ်၊ လုပ်သားတွေ စားဝတ်နေရေးပြေလည်လာတာနဲ့အမျှ စီးပွားရေး အားလုံးလဲ ကောင်းလာမယ်၊ လစာ တွေကို အမြဲတမ်း ငါးနှစ်တစ်ကြိမ်လောက် ပြန်သုံးသပ်ပြီး ခေတ်နဲ့အညီ ပြင်ဆင်ပေးဖို့လိုတယ်"

ဖေဖောဝါရီ ၂၅ ထုတ် မော်ဒန်သတင်းဂျာနယ်မှာပါသည့် "ပြည်ပရင်းနှီးမြုပ်နှံမှုကြောင့် အနိမ့်ဆုံးလစာ သတ်မှတ်ဖို့လိုလာ" သတင်းဆောင်းပါးမှ ကောက်နှုတ်ချက်

-----------------------------------------------------------------------------------------------------------------------------------

"ဗဟိုဘဏ်က ဒီစက်တွေ သုံးခွင့်ပြုလိုက်ပြီဆိုရင်တောင် ချက်ချင်း ဒီစနစ်အသုံးချနိုင်ဖို့ဆိုတာ မလွယ်ဘူး။ ပထမဆုံး စမ်းသပ်တဲ့အနေနဲ့ Standalone လို့ခေါ်တဲ့ ဒီဘဏ်မှာရှိတဲ့ အကောင့်ကို ဒီဘဏ်က Account Holder အရင်သုံးနိုင်ဖို့ လုပ်ရမယ်။ ဥပမာ ATM စက်ကို ကမာရွတ်ဘဏ်ခွဲအောက်မှာ ထားတယ်ဆိုရင် အဲဒီဘဏ်ခွဲစာရင်း ရှိသူပဲ အထုတ်အသွင်း လုပ်နိုင်မယ်။ အဲဒါအဆင်ပြေရင် ဒုတိယအဆင့်အနေနဲ့ ခုနက ATM ကတ်ကို ကိုင်ထားတဲ့ Customer က ကမ္ဘောဇဘဏ်ကဆိုရင် ကမ္ဘောဇဘဏ်ခွဲ ရှိတဲ့နေရာတိုင်းမှာ ထုတ်နိုင်အောင် လုပ်ရမယ်။ အဲဒီ ထုတ်လုပ်နိုင်ဖို့ နောက်ကွယ်မှာ အိုင်တီနည်းပညာ တော်တော်သုံးရမယ်။ Software တွေလိုမယ်။ Database တွေဆောက်ရမယ်။ ဘဏ်ခွဲရှိတဲ့နေရာတိုင်း ငွေထုတ်လို့ရအောင် Database ဆောက်ပြီး Online နဲ့သွားရမှာ။ အဲ့ဒီအတွက် ပိုက်ဆံ၊ နည်းပညာ၊ ပြည်ပအကူအညီလို တယ်"

ဖေဖော်ဝါရီ ၂၅ ထုတ် The Hot News မှာပါသည့် "ATM ကတ်စနစ်ခွင့်ပြုချိန် အသင့်ဖြစ်ရန် ပုဂ္ဂလိကဘဏ်များ ပြင်ဆင်ထားရန်လို" သတင်းမှ ကမ္ဘောဇဘဏ်မှ ဒုဥက္ကဋ္ဌ ဦးသန်းလွင်၏ ပြောကြားချက်အပေါ် ကောက်နှုတ်ချက်

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{chronicle2011:2919} သတင်းဆောင်းပါး

Posted by Transparency Myanmar 2010

comments (0)

အထူးစီးပွားရေးဇုန်များ၌ အလုပ်အကိုင်အခွင့်အလမ်းအခြေအနေ

မြန်မာနိုင်ငံ အထူးစီးပွားရေးဇုန်အဖြစ်သတ်မှတ်ထားသည့် နေရာတစ်ခုဖြစ်သည့် ထားဝယ်ရေနက်ဆိပ်ကမ်း၏ ပထမနှစ် စီမံကိန်းအတွက် မြန်မာအလုပ်သမားပေါင်း ၆၀၀၀ခန့် အလုပ်ပေးသွားမည် ဖြစ်ကြောင်း အဆိုပါစီမံကိန်းကို အကောင်အထည်ဖော်နေသည့် Italian-Thai ကုမ္ပဏီ၏ တာဝန်ရှိသူတစ်ဦးနှင့်တွေ့ဆုံစဉ်က ပြောကြားသွားသည်။ " မြန်မာအလုပ်သမားတွေအတွက် အလုပ်အကိုင် အခွင့်အလမ်းတွေ အများကြီးရှိတယ်" ဟု Italian-Thai ကုမ္ပဏီမှ စီမံကိန်း အင်ဂျင်နီယာ Suphap Satt hatham ကပြောကြားသည်။

ပထမငါးနှစ် စီမံကိန်းအတွက် လုပ်သား ၇၀၀၀ ခန့်ဖြင့် ခန့်ထားရန် စီစဉ်ထား၍ မြန်မာအလုပ် သမား ၆၀၀၀နှင့် ထိုင်းအလုပ်သမား ၁၀၀၀ ခန့်ခန့်ထားမည်ဟုဆိုပြီး မြန်မာအလုပ်သမားများကို ကျွမ်းကျင်လုပ်သားနှင့် အထွေထွေလုပ်သား နှစ်မျိုးစလုံးခန့်ထားမည်ဟု ၎င်းကဆိုသည်။

သို့သော် အဆိုပါ စီမံကိန်း၏ တာဝန်ရှိသူများနှင့် လေ့လာနေသော စီးပွားရေးလုပ်ငန်းရှင်များက ယင်းအထူးစီးပွား ရေးဇုန်စီမံကိန်းများ၌ ပြည်တွင်အလုပ်သမားများ၏ အလုပ်အကိုင်ရရှိမှု အခွင့်အလမ်းနည်းပါးသေးကြောင်း ပြောကြားသည်။ ပြည်ပရင်းနှီးမြုပ်နှံသူများအနေဖြင့် ၎င်းတို့၏ စီမံကိန်းတွင် အသုံးပြုမည့်နည်းပညာနှင့် အချက်အလက်များ ပြန့်ပွားမည်ကို စိုးရိမ်မှုများရှိနေခြင်း၊ ပြည်ပသို့ထွက်ကာ ရင်းနှီးမြုပ်နှံမှုများပြုလုပ်ကြခြင်းဖြစ်ကြောင်း နိုင်ငံသားများ၏ အလုပ်အကိုင်အခွင့်အလမ်းများ ဆုံးရှုံးမှုများမဖြစ်ပေါ်စေရန်အတွက် ယင်းတို့၏ အလုပ်သမားများကို တစ်ပါးတည်း ခေါ်ဆောင်လာကြခြင်းများက မြန်မာနိုင်ငံသားများ၏ အလုပ်အကိုင်ရရှိစေမှု အခွင့်အလမ်းများကို နည်းပါးစေသည့် အကြောင်းပြချက်များပင်ဖြစ်နေကြောင်း အဆိုပါ အထူးစီးပွားရေးဇုန်များကို လေ့လာနေသည့် စီးပွားရေးပညာရှင်အချို့က သုံးသပ်ကြသည်။

" အဓိကကတော့ ကိုယ့်နိုင်ငံသားတွေရဲ့ အလုပ်အကိုင် အခွင့်အလမ်းတွေ ပိုပြီးများများရဖို့ပါ။ ပြီးရင် လုပ်ခလစာတွေလည်း သာတူညီမျှဖြစ်ဖို့ပါပဲ။ ကိုယ့်နိုင်ငံမှာ လာတည်ထောင်ရင်တော့ ကိုယ့်နိုင်ငံသားတွေက ပိုပြီးအခွင့်အရေးရသင့်တာပေါ့"ဟု စီးပွားရေး ဇုန်တစ်ခုတွင် မြန်မာနိုင်ငံဘက်မှ တာဝန်ယူထားရသည့် အစိုးရတာဝန်ရှိသူ တစ်ဦးကဆိုသည်။

ပြည်တွင်း၌ လာရောက်ရင်းနှီးမြုပ်နှံမှုများ ပြုလုပ်ကြသော ပြည်ပနိုင်ငံစီမံကိန်းများတွင် နိုင်ငံသားများတွင် နိုင်ငံသားများ အလုပ်အကိုင်ရရှိရန် လိုအပ်သည့်အပြင် ဒေသခံများကို ဦးစားပေးအလုပ် ခန့်အပ်ခဲ့သည့် နာဂစ်မုန်တိုင်းအလွန် စီမံကိန်းများသကဲ့သို့ဖြစ်ရန်လိုအပ်ကြောင်း ရန်ကုန်မြို့တွင်း တည်ထောင်ထားသည့် နာမည်ရ ဆောက်လုပ်ရေးကုမ္ပဏီတစ်ခုမှ အထွေထွေမန်နေဂျာတစ်ဦးက သုံးသပ်သည်။ ယင်းကဲ့သို့ ဒေသခံများ၏ အလုပ်အကိုင်ရရှိမှု အခွင့်အလမ်းနှင့်ပတ်သက်ပြီး အဆိုပါ တာဝန်ရှိသူက "အနောက်နိုင်ငံက ရင်းနှီးမြုပ်နှံမှု စီမံကိန်းတွေနဲ့ အာရှဒေသက အင်အားကြီးနိုင်ငံတွေရဲ့ ရင်းနှီးမြုပ်နှံမှုကကွာတယ်။ အာရှဒေသကဆိုရင် သူတို့နိုင်ငံ သားကို ပိုဦးစားပေးတယ်။ အနောက်နိုင်ငံတွေကတော့ သူတို့ ရင်းနှီးမြုပ်နှံမှုလုပ်တဲ့နိုင်ငံတွေက ဒေသခံတွေကို ဦးစားပေးတာတွေ့ရတယ်"ဟု ၎င်း၏အတွေ့အကြုံကို ဆက်လက် ပြောကြားသည်။

အထူးစီးပွားရေးဇုန်အတွင်း ရင်းနှီးမြုပ်နှံသူများသည် ကျွမ်းကျင်မှုဆိုင်ရာလုပ်ငန်းများအတွက် နိုင်ငံသားကျွမ်းကျင်သူ အလုပ်သမားများ၊ အတက်ပညာရှင်များနှင့် ဝန်ထမ်းများကို ခန့်ထားရာတွင် လုပ်ငန်းစတင်သည့်နှစ်မှ ပထမငါးနှစ်ကုန်ဆုံးသည့် အချိန်တွင်နိုင်ငံသားအနည်းဆုံး ၂၅ ရာခိုင်နှုန်း၊ ဒုတိယ ငါးနှစ်ကုန်ဆုံးသည့် အချိန်တွင် အနည်းဆုံး ၅၀ ရာခိုင်နှုန်း၊ တတိယငါးနှစ်ကုန်ဆုံးသည့်အချိန်တွင် အနည်းဆုံး ၇၅ ရာခိုင်နှုန်း ခန့်ထားရမည်ဖြစ်ကြောင်း အထူးစီးပွားရေးဇုန် ပုဒ်မ (၅၁) ၌ ပြဋ္ဌာန်းထားသည်။ သို့သော် အနိမ့်ဆုံးလစာ မသတ်မှတ်ထားသေးတဲ့အတွက် ထားဝယ်ရေနက်ဆိပ်ကမ်းမှာ လုပ်ကိုင်နေတဲ့ လုပ်သားတွေနဲ့ ကုမ္ပဏီက တာဝန်ရှိသူတွေ လုပ်ခလစာနှင့် ပတ်သက်၍ ညှိ နှိုင်းဆွေးနွေးမှုတွေ လုပ်နေရပါတယ်။

ထိုင်းနိုင်ငံမှာဆိုရင် အနိမ့်ဆုံးလုပ်ခလစာ တစ်နေ့ကို ၂၁၉ ဘတ်ဝန်းကျင်ဖြစ်တယ်။ အနိမ့်ဆုံး လုပ်ခလစာက တစ်နေ့ကို ၂၁၉ ဘတ်ဝန်းကျင်ဖြစ်တယ်။ အနိမ့်ဆုံးလုပ်ခလစာ မသတ်မှတ်ထားသေးတဲ့အခါမှာ ဒေသခံလုပ်သားဘက်မှာ နစ်နာမှုကြုံတွေ့ရတာတွေရှိပါတယ်။ အငြိမ်းစား ဘူမိဗေဒပညာရှင်တစ်ဦးက " ရခိုင်ရေနက် ဆိပ်ကမ်းမှာ အင်ဂျင်နီယာ အလုပ်ခေါ်တုန်းက အင်ဂျင်နီယာတစ်ယောက်က မျှော်မှန်းလစာကို တစ်သိန်းပြောတယ်။ နောက်တစ်ယောက်က ငါးသောင်းနဲ့ လုပ်နိုင်တယ်ပြောလို့ သူ့ကို ခန့်လိုက်တယ်။ ဒီကုမ္ပဏီက အင်ဂျင်နီယာတစ်ယောက်က ငါးသောင်းနဲ့ရတယ် ဆိုတာမျိုး ဖြစ်သွားတယ်" လို့ သူရဲ့အတွေ့အကြုံပြောပါတယ်။

အနိမ့်ဆုံးလုပ်ခလစာလို့ဆိုရာမှာ အနိမ့်ဆုံးအလုပ်တွေက အိမ်အကူ၊ သန့်ရှင်းရေး၊ ညစောင့် ၊ ပန်းရန်ဆိုရင်လည်း အုတ်သယ်စတဲ့ အလုပ်တွေဖြစ်တယ်။ လက်သမားတို့၊ အထည်ချုပ်က စက်ချုပ်သမားစတာတွေက ကျွမ်းကျင်တဲ့ပညာရှိလို့ အနိမ့်ဆုံးထဲမှာ မပါဝင်ပါဘူး။ စီးပွားရေးပညာရှင်တစ်ဦးက " နိုင်ငံတစ်ချို့မှာ အနိမ့်ဆုံး လစာ သတ်မှတ်တယ်၊ လူတန်းစေ့နေထိုင်နိုင်ဖို့အတွက် ဘယ်လောက်ရှိသင့်တယ်ဆိုတာမျိုး ဥပဒေနဲ့ ပြဋ္ဌာန်းထားတယ်။ သူတို့ဆီက အလုပ်လက်မဲ့က သူတို့တက်တဲ့ပညာနဲ့ သတ်မှတ်ထားတဲ့လစာမရရင်မလုပ်ဘဲ ထောက်ပံ့ကြေးထုတ်ယူတယ်၊ ဘွဲ့ရတဲ့သူက ရရာအလုပ် လုပ်တာမျိုးမရှိဘူး။ သက်ဆိုင်ရာက ဒါကိုကြည့်ပြီး သူတို့နိုင်ငံက ဘယ်လိုအလုပ်တွေပဲ များနေလဲဆိုတာသိပြီး စီးပွားရေး ပြုပြင်ပြောင်းလဲမှုတွေလုပ်တယ်" လိုဆိုသည်။

နိုင်ငံခြားရင်းနှီးမြုပ်နှံမှုတွေကြောင့် အလုပ်အကိုင်အခွင့်အလမ်းတွေ များပြားလာမှာဖြစ်တယ်။ ထားဝယ်ရေနက် ဆိပ်ကမ်းစီမံကိန်းမှာ စက်မှုဇုန်တွေစတင်ရင် လုပ်သားလိုအပ်ချက်က သိန်းချီ၊ သန်းချီလိုအပ်မယ့် အနေအထားဖြစ် ပါတယ်လို့ စီးပွားရေးပညာရှင်တစ်ချို့က ခန့်မှန်းထားတယ်။ နိုင်ငံခြားကို ရောက်ရှိနေတဲ့ မြန်မာလုပ် သားတစ်ချို့ကလည်း စီမံကိန်းကြီးတွေမှာ ပေးတဲ့လုပ်ခလစာက နိုင်ငံခြားမှာရတဲ့လစာနဲ့ မကွာရင်သည်ကို ပြန်လာလုပ်ဖို့ စိတ်ဝင်စားနေကြပါတယ်။ စီးပွားရေးပညာရှင်က " နိုင်ငံခြားရင်းနှီးမြုပ်နှံမှု ဝင်လာတာနဲ့အမျှ ဒီကလုပ်သားတွေ မနစ်နာဖို့ အနိမ့်ဆုံးလစာ သတ်မှတ်ဖို့လို တယ်၊ ကမ္ဘာ့ဘဏ်က အနိမ့်ဆုံးဝင်ငွေ လူတစ်ယောက်ကို တစ်နေ့ နှစ်ဒေါ်လာဝန်းကျင် သတ်မှတ်တယ်၊ လုပ်သားတွေ စားဝတ်နေရေး ပြေလည်လာတာနဲ့အမျှ စီးပွားရေးအားလုံးလဲ ကောင်းလာမယ်၊ လစာတွေကို အမြဲတမ်း ငါးနှစ်တစ်ကြိမ်လောက် ပြန်သုံးသပ်ပြီး ခောတ်နဲ့အညီ ပြင်ဆင်ပေးဖို့လိုပါ တယ်" လို့ဆိုပါတယ်။

{chronicle2011:2918} မြန်မာ့လူ့အခွင့်အရေး ပြဿနာများသည် ဒေသတွင်း အခြားနိုင်ငံများသို့ ထိခိုက်ဟု ကုလသမဂ္ဂ အထူး ကိုယ်စားလှယ် သတိပေး

Posted by Transparency Myanmar 2010

comments (0)

(24 February 2011 ရက်စွဲပါ "United Nation Human Rights Council by Myanmar's human rights problems affect other countries in the region, warns UN special Rapporteur" ကို ဘာသာ ပြန်သည်)

မြန်မာ နိုင်ငံ၏ မနှစ်မြို့ဖွယ် လူ့အခွင့်အရေး အခြေ အနေ များသည် ဒေသတွင်း အခြား နိုင်ငံများကို သက်ရောက်မှုများ ရှိကြောင်း၊ မြန်မာနိုင်ငံ၏ လူ့အခွင့်အရေး အခြေအနေများ အတွက် ကုလသမဂ္ဂ အထူး ကိုယ်စားလှယ် Tomas Ojea Quintana က ကြာသပတေးနေ့က အသိပေး လိုက်သည်။

"မြန်မာနိုင်ငံရဲ့ လူ့အခွင့်အရေး ပြဿနာတွေဟာ သူ့နယ်နိမိတ်ကို ကျော်ပြီး စဉ်းစားရမယ့် ကိစ္စတွေ ဆိုတာ ရှင်းနေပါတယ်" ဟု Quintana က ကွာလာ လမ်ပူတွင် ပြောကြားခဲ့သည်။ "မြန်မာ နိုင်ငံမှာ အသွင် ကူးပြောင်းရေး ကာလ အတွက် ကတိတွေ ရှိနေပေမယ့်၊ လူ့အခွင့်အရေး အခြေ အနေတွေ ကတော့ စိုးရိမ်ဖွယ် ရှိနေဆဲပါပဲ" ဟု ၎င်းက မြန်မာနိုင်ငံ၏ လူ့အခွင့်အရေး ပြဿနာများကြောင့် ထိခိုက်မှု ရှိသော နိုင်ငံတစ်ခု ဖြစ်သော မလေးရှား နိုင်ငံတွင် အချက်အလက် ရှာဖွေရေး (၈) ရက်ကြာ ခရီးစဉ် ပြီးဆုံးပြီးနောက် ပြောကြားခဲ့သည်။

2011 ဇန်နဝါရီလတွင် ဒုက္ခသည်နှင့် နိုင်ငံရေး ခိုလှုံခွင့် တောင်းသူ (၈၄၈၀၀) ခန့် ရှိပြီး၊ မှတ်ပုံတင်ခြင်း မရှိသေးသူ အများအပြား ကျန်ရှိနေပါသေးသည်။ ဒေသတွင်း အခြား နိုင်ငံများ ကလည်း မြန်မာ နိုင်ငံထဲမှ ဒုက္ခသည်များ၊ နိုင်ငံရေး ခိုလှုံခွင့် တောင်းသူများနှင့် ရွှေ့ပြောင်း သွားလာသူ အများ အပြားကို လက်ခံ ထားရသည်ဟု သိရသည်။

"မြန်မာနိုင်ငံမှာ လူ့အခွင့်အရေး အခြေအနေတွေ တိုးတက်ဖို့ လိုအပ်တဲ့ လုပ်ဆောင်မှုတွေ လုပ်ဖို့ ဒေသတွင်း နိုင်ငံများက မြန်မာနိုင်ငံ အစိုးရကို တိုက်တွန်းဖို့ ဆန္ဒ ရှိနေကြသည်။ ဒီအလုပ်တွေဟာ အစိုးရသစ်က အားခြင်း လုပ်ရမည့် ကိစ္စတွေပါ" ဟု ၎င်းက အလေးအနက် ပြောကြားသည်။

မြန်မာ နိုင်ငံ၏ အခြေအနေနှင့် ပတ်သက်၍ အချက် အလက်များ အဆက်မပြတ် စုဆောင်းရေး ကြိုးစားသည့် အနေဖြင့် Quintanaသည် မြန်မာနိုင်ငံမှ မလေးရှားသို့ ထွက်ပြေး သွားသူများကို ကျယ်ကျယ် ပြန့်ပြန့် တွေ့ဆုံခဲ့ပြီး ၎င်းတို့၏ ကိစ္စများကို ဆောင်ရွက်နေသော အဖွဲ့အစည်း များနှင့်လည်း တွေ့ဆုံခဲ့သည်။ အထူး ကိုယ်စားလှယ်သည် တိုင်းရင်းသား အုပ်စု အမျိုးမျိုးနှင့် တွေ့ဆုံရာတွင် အထူးသဖြင့် ချင်းနှင့် ရိုဟင်ဂျာများကို အာရုံ ထားသည်ကို တွေ့ခဲ့ရသည်။

"ကျွန်တော်ရဲ့ ခရီးစဉ် အတွင်းမှာ မြန်မာ နိုင်ငံမှာ အဓမ္မ လုပ်အား ပေးစေမှုကြောင့်၊ လယ်နှင့် ပစ္စည်းတွေ အသိမ်းခံရမှုကြောင့်၊ မတရား အခွန် ကောက်ခံခြင်းကြောင့်၊ ဘာသာရေး လူမျိုးရေး အရ ဖိနှိပ်မှု များကြောင့်၊ မတရား ဖမ်းဆီး ခံရမှုများကြောင့်၊ လိင်ပိုင်း ဆိုင်ရာ ရက်ရက် စက်စက် လုပ်ခံရမှုကြောင့် မကြာခင်က ထွက်ပြေး လာသူတွေကို တွေ့ဆုံ ခဲ့ရပါကြောင်း "လူ့အခွင့်အရေး ပညာရှင်က ပြောကြားသည်။

Quintana သည် မြန်မာနိုင်ငံမှ လူ့အခွင့်အရေး ချိုးဖောက် ခံရသူများ၏ ပြောဆိုချက်များကို ပြောကြားခဲ့သည်။ လူတစ်ဦးသည် (၁၅) နှစ်ခန့် စစ်တပ်တွင် ပေါ်တာ ဆွဲခံရမှုကြောင့် ချင်းပြည်နယ်မှ ထွက်ပြေးလာသည်။ ၎င်းသည် အခြား (၁၄) ဦးနှင့်အတူ ဘုရားကျောင်းမှ ပြန်လာစဉ် အဖမ်းခံရပြီး၊ ပေါ်တာအဖြစ် အတင်းအကျပ် လုပ်ခိုင်းခဲ့သည်။ ၎င်းအား စစ်တပ်မှ နောက်တစ်ကြိမ် ပေါ်တာ ဆွဲမည်ကို ကြောက်ရွံ့သဖြင့် ထွက်ပြေးလာခြင်း ဖြစ်သည်။

ဘာသာရေး ခေါင်းဆောင် လူသိများသော ချင်းအမျိုးသမီး တစ်ဦးကိုမူ အစိုးရက ရုပ်မြင်သံကြား အစီအစဉ်တွင် ဘာသာရေး လွတ်လပ်ခွင့်များ ကန့်သတ် ထားသည်ဟု ဆိုသော စွပ်စွဲချက်များ အပေါ် မဟုတ်ကြောင်း ငြင်းဆိုထားသော ကြေညာချက်ကို ခြိမ်းခြောက်၍ ဖတ်ခိုင်းခဲ့သည်။ အဆိုပါ အမျိုးသမီး၏ ဘာသာရေးနှင့် ပက်သက်သော နှိပ်ကွပ်မှု အတွေ့အကြုံများကို လူ့အခွင့် အရေး ကိုယ်စားလှယ်နှင့် တွေ့သော ချင်းလူမျိုးများက ပြောကြသည်။

အခြား ရိုဟင်ဂျာ လူငယ် တစ်ဦးမှာ တက္ကသိုလ် တက်ရန် ခရီး သွားလာခွင့် ကန့်သတ် ခံရခြင်းကြောင့်၊ ၎င်းကို ချိုးဖောက်ခဲ့၍ ဖမ်းဆီး ခံခဲ့ရကြောင်း၊ ထို့ကြောင့် ၎င်းသည် ရခိုင်ပြည်နယ် မြောက်ပိုင်းမှ ထွက်ပြေးလာရာ Quintana က ရိုဟင်ဂျာ လူမျိုးများအား ဖိနှိပ်သည့် ကိစ္စတစ်ခု အဖြစ် ရှုမြင်ခဲ့သည်။

ရှမ်းပြည်နယ်မှ ထွက်ပြေးလာသော လူငယ် တစ်ဦးက စစ်တပ်သည် ၎င်းတို့ မိသားစုပိုင် လယ်မြေများအား သိမ်းယူပြီး၊ ၎င်း၏ အကိုအား ဖမ်းဆီး သတ်ဖြတ်ခဲ့ကြောင်း၊ ၎င်းအားလည်း ဖမ်းဆီး ခဲ့သော်လည်း ထွက်ပြေး လာခဲ့ကြောင်း ပြောသည်။

Quintana သည် ၎င်း၏ နောက်ဆုံး အစီရင်ခံစာကို လူ့အခွင့်အရေး ကောင်စီတွင် 2011 ခု မတ်လတွင် တင်သွင်းမည် ဖြစ်သည်။

Tomas Ojea Quintana သည် အာဂျင်တီးနား နိုင်ငံမှ ဖြစ်ပြီး၊ ၎င်းအား ကုလသမဂ္ဂ လူ့အခွင့်အရေး ကောင်စီက မြန်မာနိုင်ငံ အတွက် 2008 ခုနှစ် မေလတွင် ခန့်အပ်ခဲ့ခြင်း ဖြစ်သည်။

{chronicle2011:2917} Sanctions များ ဆက်ထားမည်လား ရုတ်သိမ်းမည်လား

Posted by Transparency Myanmar 2010

comments (0)

(23 February 2011 ရက်စွဲပါ Ameloa Salyers ၏ "To Sanction or not to Sanction" ကို ဘာသာ ပြန်ဆိုသည်။)

ငြိမ်းချမ်းရေး နိုဘယ်ဆုရှင် ဒေါ်အောင်ဆန်းစုကြည်က သူမ၏ တိုင်းပြည်တွင် နည်းပညာ၊ အခြေခံ အဆောက် အဦးနှင့် အသေးစား ငွေချေး ကဏ္ဍများ တိုးတက် ဖွံ့ဖြိုးစေရန် အတွက် စတင် ရင်းနှီး မြှုပ်နှံကြရန် နိုင်ငံတကာ အသိုင်းအဝိုင်းကို တောင်းဆိုထားသည်။ "ထိခိုက် ပျက်စီးမှုတွေ၊ ပေးဆပ်မှုတွေကိုလည်း အထူး သတိထားဖို့ လိုအပ်ပါတယ်။ သဘာဝ ပတ်ဝန်းကျင် ကဏ္ဍပဲ ဖြစ်ဖြစ်၊ ဒါမှမဟုတ် လူမှုဆိုင်ရာ ကဏ္ဍမှာပဲ ဖြစ်ဖြစ် ပေါ့" ဟု ပြောကြားခဲ့သော ဒေါ်အောင်ဆန်းစုကြည်က မြန်မာပြည်သူ ၅၅ သန်းကို ၂၁ ရာစုသို့ ခေါ်ဆောင်ရန် အတွက် "တာဝန် ယူသော ရင်းနှီး မြှုပ်နှံမှု" များ ဖြစ်ရန် လိုအပ်သည်ဟု အခိုင်အမာ ဆိုသည်။

စိတ်မကောင်း စရာမှာ ဒေါ်အောင်ဆန်းစုကြည်၏ သဝဏ်လွှာ ရောက်ရှိ လာချိန်တွင် နိုင်ငံတကာ၏ အာရုံက အရှေ့ အလယ်ပိုင်းမှ ပြဿနာ အကျပ်အတည်း အပေါ်တွင် ကျရောက် နေသောကြောင့် အခြား ဖိနှိပ် အုပ်စိုးသည့် အာဏာရှင် အစိုးရများ၏ ပြုပြင် ပြောင်းလဲရေးနှင့် ပတ်သက်သည့် အရေးကြီး ဆွေးနွေးမှုများ အတွက် အချိန် အနည်းငယ်သာ ပေးခဲ့ခြင်းပင် ဖြစ်သည်။ အမှန် စင်စစ်တွင် သူမ၏ ဒါဗို့စ် သဝဏ်လွှာပါ မှတ်ချက်များကို အလေးအနက် အာရုံ စိုက်သည်ဟု ယူဆရသည့် တစ်ခုတည်းသော အစိုးရမှာ မြန်မာ တပ်မတော် အစိုးရ သာလျှင် ဖြစ်သည်။ အနောက်နိုင်ငံ ရင်းနှီး မြှုပ်နှံမှုများကို ဟန့်တားထားသည့် Sanctions များ ရုတ်သိမ်းရန်၊ အနောက် နိုင်ငံများကို တောင်းဆိုခြင်း ဟုတ်/မဟုတ် အငြင်းအခုန် ပြဿနာကို ဒေါ်အောင်ဆန်းစုကြည်၏ မြန်မာ နိုင်ငံ ဖွံ့ဖြိုးမှု မြှင့်တင်ရေး သဝဏ်လွှာက အစပျိုး ပေးလိုက်ပြီး နောက်တွင် သူမ၏ NLD ပါတီက ပစ်မှတ်ထား Sanctions များကို ထောက်ခံကြောင်း ထပ်မံ ကြေညာချက်ကို လွန်ခဲ့သော ၂ ပတ်ခန့်က ထုတ်ပြန်ခဲ့သည်။ ယင်းကြေညာချက်ကို တုန့်ပြန်သည့် အနေဖြင့် တပ်မတော် အစိုးရ၏ အာဘော် New Lights of Myanmar သတင်းစာက ဒေါ်အောင်ဆန်းစုကြည်နှင့် NLD ပါတီသည် Sanction များကို ထောက်ခံကြောင်း ကြေညာသည့် အတွက် ကြေကွဲဖွယ် အဆုံးသတ်နှင့် ရင်ဆိုင်ရလိမ့်မည်ဟု သတိပေးခဲ့သည်။ ထိုသို့ အပြန်အလှန် ပြောဆိုမှုသည် မြန်မာပြည်သူများထံ အနောက်နိုင်ငံ ကုမ္ပဏီများ ရင်းနှီး မြှုပ်နှံရေး အတွက် နည်းလမ်းသစ်များကို ဆွေးနွေးရမည့် အစား တပ်မတော် အစိုးရက ဖြစ်စေချင်သော Sanctions အကြောင်း ငြင်းခုံပွဲ ဓာတ်ပြားဟောင်းကြီး ပြန်ဖွင့်သည့် အနေအထားသို့ လမ်းချော်ကာ ပြန်လည် ရောက်ရှိသွားခဲ့သည်။

ထိုကဲ့သို့ အနောက်နိုင်ငံ များကလည်း ဝေခွဲမရဖြစ်၊ NLD ပါတီကလည်း ဓာတ်ပြား ဟောင်းကြီးကို ဖက်တွယ်ထားချိန်တွင် တရုတ်၊ ထိုင်း စသော မြန်မာ အိမ်နီးချင်းများက ပွဲလန့်တုန်း ဖျာဝင် ခင်းသွားကြသည့် အပြင် ဒေါ်အောင်ဆန်းစုကြည်၏ သဘာဝ ပတ်ဝန်းကျင်နှင့် လုပ်သား အခွင့်အရေးများကို လေးစားကြရန် မေတ္တာရပ်ခံမှုကိုပါ ဂရုမစိုက် သယောင် မျက်နှာပြောင် တိုက်ခဲ့ကြသည်။

သာဓက အနေဖြင့် ဖြစ်ရာမှာ ထိုင်းနိုင်ငံ၏ အကြီးဆုံး လုပ်ငန်းစုကြီးများ ထဲမှ တစ်ခုဖြစ်သည့် အီတာလျံ ထိုင်းကုမ္ပဏီက ဦးဆောင်ကာ မြန်မာနိုင်ငံ တောင်ပိုင်းတွင် စက်မှု စီးပွားရေးဇုန် တစ်ခု ဖန်တီးရန် ရည်ရွယ်လုပ် ဆောင်နေသည့် ထားဝယ် ဖွံ့ဖြိုးရေး စီမံကိန်းသစ် ဖြစ်ပြီး မြန်မာ အလုပ်သမား သန်းနှင့် ချီကာ အလုပ်အကိုင် ရမည်ဟု ဆိုကြသည်။ အမှန်စင်စစ် ထားဝယ် စီမံကိန်းသည် တနင်္သာရီ ကမ်းရိုးတန်း တစ်လျှောက်ရှိ နဂိုရည် မပျက် ယွင်းသေးသည့် သဘာဝပတ်ဝန်းကျင်ကို ထိခိုက်ပျက်စီးစေမည့် အပြင် ဒေသခံနေထိုင်သူများနှင့် မြန်မာ အလုပ် သမား သန်းပေါင်း များစွာ၏ သဘာဝကိုပါ အန္တရာယ် ဖြစ်စေမည့် အလားအလာ ရှိနေပသည်။ အောက်စပို့စ်ထွက် ပညာတတ် ဝန်ကြီးချုပ် အဘီဆစ်ဂျာဂျီးမားက "တချို့စက်မှု လုပ်ငန်းတွေက ထိုင်းနိုင်ငံထဲမှာ ထားရှိဖို့ မသင့်တော်ပါဘူး။ ဒါကြောင့် အီတာလျံထိုင်းက ထားဝယ်ကို သွားပြီး အကောင်အထည် ဖော်ရတာပါ"ဟု ပြောကြားခဲ့ခြင်းကို International Herald Tribone သတင်းစာက မူရင်းမပျက် ဖော်ပြထားသည်။ အဆိုပါ စကားသည် "မြန်မာ အလုပ်သမားများ၏ ဝနှင့် လူနေမှု အဆင့်အတန်းသည် ထိုင်းနိုင်ငံ သားများ လောက် တန်ဖိုး မရှိ"ဟု သိသိသာသာ ရည်ညွှန်း လိုက်ခြင်းပင် ဖြစ်သည်။ IHT သတင်းစာ ဆောင်းပါးတွင် မြန်မာနိုင်ငံသည် ထိုင်းနိုင်ငံနှင့်မည်သို့ မည်ပုံကွာခြားကြောင်း၊ အန္တရာယ်စီမံကိန်းများကို ဆက်၍ အကောင် အထည် မဖော်မှီ သဘောဝ ပတ်ဝန်းကျင်အပေါ် သက်ရောက်မှု အစီရင်ခံစာ တင်ပြရန်၊ ဒေသခံ နေထိုင်သူများနှင့် ဆွေးနွေး ညှိနှိုင်းရန် လိုအပ်သည့် ဥပဒေ အမျိုးအစားများ မရှိကြောင်း၊ ကျင့်ဝတ် သိက္ခာ မရှိသည့် နိုင်ငံခြား ကုမ္ပဏီ များသည် ကျင့်ဝတ်သိက္ခာ မရှိသည့် အစိုးရနှင့် ပေါင်း၍ စီးပွားရှာရန် လွယ်ကူကြောင်း စသဖြင့် အသေးစိတ် ရေးသား ထားသည်။

ထိုင်းကုမ္ပဏီများ သာလျှင် မြန်မာ နိုင်ငံတွင် ဥပဒေ ထိန်းချုပ်မှု အနှောင့် အသွား ကင်းကင်းဖြင့် ရင်းနှီး မြှုပ်နှံခွင့် ရကြသည် မဟုတ်ပါ။ လတ်တလောနှစ်များ အတွင်း တရုတ် ကုမ္ပဏီများကလည်း သယံဇာတ ဆာလောင်နေသော ၎င်းတို့ တိုင်းပြည်တွင် အသုံးပြုရန်အတွက် မြန်မာနိုင်ငံ၏ ပေါကြွယ်ဝသော သယံဇာတများကို ရိတ်သိမ်းရန် အလို့ငှာ ၎င်းတို့၏ တောင်ဖက် အိမ်နီးချင်း မြန်မာပြည်ထဲသို့ အုပ်စုလိုက် ဝင်လာကြပြီ ဖြစ်သည်။ နိုဝင်ဘာ ရွေးကောက်ပွဲများ မပြုလုပ်ခင်နှင့် ဒေါ်အောင်ဆန်းစုကြည်ကို လွှတ်မပေးခင် ပြီးခဲ့သော အောက်တိုဘာ လအတွင်း မြန်မာနိုင်ငံ တဝှမ်းသို့ စာရေးသူ ၂ ပတ်ခန့် ခရီး လှည့်လည်ခဲ့သည်။ အမှတ်တရ ပစ္စည်း ရောင်းသူမှ သည် လူလတ်တန်းစား ဟိုတယ်မန်နေဂျာနှင့် ချမ်းသာသော အနောက်နိုင်ငံ ဘွဲ့ရ စီးပွားရေး လုပ်ငန်းရှင် အဆုံး စာရေးသူ တွေ့ဆုံခဲ့သမျှ ဒေသခံ အားလုံးက ပြောပြကြသည်မှာ တရုတ် စီးပွားရေး နယ်ချဲ့ ဝင်ရောက်လာမှု အကြောင်းပင် ဖြစ်သည်။ သူတို့ နိုင်ငံ၏ သယံဇာတများကို တရုတ် ကုမ္ပဏီများက "ချွတ်ယူ" နေကြပြီး တပ်မတော် ခေါင်းဆောင် ဗိုလ်ချုပ်ကြီးများသာ အမြတ် ထွက်နေသည်ဟု မြန်မာ ပြည်သူ အများစုက ယုံကြည်ထား ကြသည်။ သာဓက တစ်ခုမှာ မြောက်များ စွာသော ရေအား လျှပ်စစ် ဓာတ်အားပေး စက်ရုံများ၊ သဘာဝ ဓာတ်ငွေ့သုံး ဓာတ်အားပေး စက်ရုံများ၊ အခြား အမျိုးအစား ဓာတ်အားပေး စက်ရုံများ ရှိနေသော်လည်း ထွက်ရှိလာသော လျှပ်စစ်ဓာတ်အား အများစုကို အစိုးရက အိမ်နီးချင်း ထိုင်းနှင့် တရုတ်သို့ ရောင်းချနေပြီး မြန်မာပြည်သူ များမှာမူ လုံးဝနီးပါး အမှောင်ထုထဲတွင် နေထိုင်ကြရခြင်းပင် ဖြစ်သည်။ မြန်မာနိုင်ငံ အတွင်း တရုတ် စီးပွားရေး လုပ်ငန်းများ ဆက်နွယ်နေပုံကို မန္တလေးမှ ဒေသခံ စီးပွားရေး လုပ်ငန်းရှင် တစ်ဦးက ပြောပြရာတွင် "ကျွန်းသစ်လို သဘာဝ ကုန်ကြမ်းတွေကို တရုတ် ကုမ္ပဏီတွေက အောက်ဈေးနဲ့ ဝယ်တဲ့ အချိန်မှာ ဗိုလ်ချုပ်တွေ အိတ်ထဲကို ပိုက်ဆံတွေ ရောက်သွားတယ်။ ဒီကုန်ကြမ်းတွေကို တရုတ် စက်ရုံတွေမှာ ကုန်ချောအဖြစ် ထုတ်လုပ်ပြီး မြန်မာပြည်ထဲကို ဈေးကြီးကြီးနဲ့ ပြန်ရောင်းတဲ့ အချိန်မှာ ဗိုလ်ချုပ်တွေနဲ့ အစိုးရ အိတ်ထဲကို ပိုက်ဆံတွေနောက်တစ်ကြိမ် ဝင်လာ ပြန်တယ်" ဟု ဆိုသည်။

"ကဲ အရပ်ကတို့ရေ ဘယ်လို လုပ်ကြမလဲ" မြန်မာလို မေးခွန်း ထုတ်ပါမည်။ တပ်မတော် အစိုးရက သူ၏ ပြည်သူလူထုကို သံလက်သီးဖြင့် ဆုပ်ထားသော်လည်း မျှော်လင့်ချက်ထားရန် အကြောင်းများ ရှိနေသည်။ NLD ပါတီက Sanctions များကို ထောက်ခံကြောင်း ထပ်မံ ကြေညာ ခဲ့သည့် တိုင်အောင် မြန်မာ လူငယ်ပိုင်း တက်ကြွ လှုပ်ရှားသူများ အပါအဝင် အရေအတွက် တိုးလာနေသည့် အနောက်နိုင်ငံ အကဲခတ် လေ့လာသူ များစွာက Sanctions များ ရုတ်သိမ်းရေးကို ပိုမို လှုံ့ဆော်ရန် စတင်နေကြသည်။

ကနေဒါ သတင်းစာ Globe and Mail မှ လတ်တလော ဆောင်းပါး တစ်ပုဒ်တွင် Mark Mackinnon ထောက်ပြခဲ့သည့် အတိုင်း တရုတ် နိုင်ငံသည် မြန်မာ နိုင်ငံ ကဲ့သို့ပင် အာဏာရှင် အစိုးရနှင့် အဂတိ လိုက်စားမှုများ ရှိနေသော်လည်း အနောက် နိုင်ငံများက စီးပွားရေး အရ လက်တွဲ လုပ်ဆောင် ခဲ့ခြင်းကြောင့် သန်းပေါင်း များစွာသော တရုတ်ပြည်သူများ အကျိုးအမြတ် များစွာ ဖြစ်ထွန်းကာ ဆင်းရဲတွင်းမှ ရုန်းထွက် နိုင်ခဲ့ကြသည်။ ပြောရမည် ဆိုလျှင် မြန်မာနိုင်ငံသည် မြောက်ကိုရီးယားလို နိုင်ငံမျိုးထက် သိသိသာသာ ပိုမို ပွင့်လင်းသော လူ့အဖွဲ့ အစည်း ရှိနေသည့် နိုင်ငံ ဖြစ်သည်။ မြန်မာ အများစုမှာ SIM Card တစ်ခုလျှင် 10 သိန်းကျပ် (ဒေါ်လာ 1000) ခန့် တန်ဖိုးကြောင့် မိုဘိုင်းဖုန်း မကိုင်နိုင်ကြသော်လည်း စာရေးသူ တွေ့ဆုံခဲ့သမျှ လူအများစုတွင် facebook နှင့် Email accounts များ ရှိထားကြသည်။ အဆိုပါ အင်တာနက် ဆက်သွယ်ရေး လမ်းကြောင်းမှ တစ်ဆင့် မြန်မာ ပြည်သူများသည် ၎င်းတို့နှင့် တွေ့ဆုံခဲ့သော ခရီးသွား တိုးရစ်များနှင့် ဆက်သွယ်ခြင်း၊ နိုင်ငံတကာ သတင်းများ ရယူခြင်းတို့ကို ပြုလုပ်လျက် ရှိကြသည်။ မြန်မာ ဗိုလ်ချုပ်များသည် သူတို့၏ ပြည်သူ လူထုကို နည်းပေါင်းစုံဖြင့် ကောင်းစွာ ဖိနှိပ် အုပ်ချုပ် နိုင်ခဲ့ကြသော်လည်း ကမ္ဘာလုံး ဆိုင်ရာ အင်တာနက် ခေတ်ပြောင်း တော်လှန်ရေး၏ ပါဝါ ကိုမူ လျော့၍ တွက်ဆ ခဲ့ကြပုံ ရသည်။

အသက် ၇၈ နှစ် ရှိပြီဟု ဆိုသော ဗိုလ်ချုပ်မှူးကြီး သန်းရွှေကဲ့သို့ အရွယ်လွန် ဗိုလ်ချုပ်ကြီးများ မရှိတော့သည့် အချိန်တွင် မြန်မာ ပြည်သူများ ပြင်ပ ကမ္ဘာနှင့် ပိုမို ထိတွေ့ နိုင်ကြမည် ဖြစ်ပေရာ၊ မြန်မာ ပြည်သူများ ဆယ်စုနှစ် များစွာ မျှော်လင့်ခဲ့ကြသည့် တည်ငြိမ်၊ ပွင့်လင်းသော ဒီမိုကရေစီ စနစ်သို့ အသွင် ကူးပြောင်းရန် အခွင့်အရေး ရှိနေကြောင်း တင်ပြ လိုက်ရပါသည်။

{chronicle2011:2916} ဂျပန်လူသုံးကုန် ဈေးနှုန်း ၂၃ လ မြောက် ကျဆင်း

Posted by Transparency Myanmar 2010

comments (0)

(Associated Press မှ 25 February 2011 ရက်စွဲပါ "Japan's Consumer Prices Fall for 23^rd Month" ကို ဘာသာ ပြန်ဆိုသည်)

ဂျပန် နိုင်ငံတွင် ယန်းငွေ ကျုံ့မှုက နိုင်ငံ၏ စီးပွားရေးကို ထိန်းထား သဖြင့် ဇန်နဝါရီလတွင် ၂၃ လ မြောက်အဖြစ် ကုန်ဈေးနှုန်းများ ဆက်လက် ကျဆင်း ခဲ့သည်။

သို့သော်လည်း ကမ္ဘာ တလွှား၌ စားသောက် ကုန်နှင့် လောင်စာဆီ ဈေးနှုန်းများ လတ်တလော တက်ရိပ် ပြနေမှုကြောင့် ဂျပန် ကုန်ဈေးနှုန်း ကျဆင်းမှုမှာ ၄ လ ဆက်တိုက် နှေးကွေး သွားခဲ့သည်။

လတ်တလော စားသောက်ကုန်များကို ထည့်သွင်း မထားသည့် ဂျပန် အဓိက လူသုံးကုန် ဈေးနှုန်း ညွှန်းကိန်းသည် ယခင် နှစ်ကထက် ၀.၂% ကျဆင်း သွားသည်ဟု အစိုးရက သောကြာ နေ့တွင် ပြောကြားသည်။

ယင်းရလဒ်သည် ကျိုဒို သတင်းဌာန၏ ပျမ်းမျှ ဈေးကွက် ခန့်မှန်းချက်မှ ၃% ကျဆင်းမှုထက် အနည်းငယ်သာ ပိုသည်။

လမ်းကြောင်းမှန်ပေါ် ပြန်ရောက်ရန် ရုန်းကန် နေရသော ဂျပန် စီးပွားရေး လုပ်ငန်းများ ရင်ဆိုင် နေရသော အဓိက ပြဿနာ များထဲတွင် ယန်းငွေ ကျုံ့မှု (Deflation) သည်လည်း တစ်ခု အပါအဝင် ဖြစ်သည်။

ကုန်ဈေးနှုန်း ကျဆင်းမှုကြောင့် တစ်ဦးချင်း ဝယ်လိုအားကို မြင့်တက် စေသော်လည်း စီးပွားရေး နယ်ပယ် ကျယ်လာရန် အတွက်မူ အလွန် ဆိုးသော အချက် ဖြစ်သည်။ ကုန်ဈေးနှုန်း ကျဆင်းမှုသည် ကော်ပိုရိတ် အမြတ်များကို ဝါးမြို ပစ်လိုက်သောကြောင့် အလုပ် အကိုင်နှင့် လုပ်ခ လစာ ကျဆင်းမှုကို ဖြစ်ပေါ် စေသည်။

ဂျပန် ဗဟိုဘဏ် အုပ်ချုပ် ရေးမှူးက ယခုလ အစောပိုင်း ပြောကြားသော မိန့်ခွန်း တစ်ခုတွင် "၁၉၉၀ ခုနှစ်များ နှောင်းပိုင်းမှ စတင် ခဲ့သော ယန်းငွေ ကျုံ့မှု Deflation သည် ဂျပန် စီးပွားရေး ဖွံ့ဖြိုးမှု အလား အလာ ကာလ အတန်ကြာ ကျဆင်းမှုမှ မြစ်ဖျား ခံလာခြင်း ဖြစ်သည်" ဟု ပြောကြား ခဲ့သည်။

"ဖွံ့ဖြိုးမှုနှုန်း ကာလအတန်ကြာ ဆက်တိုက် ကျဆင်းသွားတဲ့ အချိန်မှာ ပြည်သူတွေရဲ့ အနာဂတ် ဝင်ငွေ တိုးရေး မျှော်လင့်ချက်တွေ လျော့သွားပြီး လုပ်ငန်းတွေနဲ့ အိမ်ထောင်စု တွေလည်း သူတို့ရဲ့ အသုံးစရိတ်ကို ကန့်သတ်လိုက်ကြပါတယ်" ဟု Bank of Japan အုပ်ချုပ်ရေးမှူး မာဆာကီ ရှီရာကာဝါက ရှင်းလင်း ပြောကြားသည်။

ဂျပန် ဗဟိုဘဏ်က ၎င်း၏ အဓိက ကျသော အတိုးနှုန်းကို လုံးဝ သုည အဆင့်သို့ သတ်မှတ် လိုက်ပြီး ငွေကျုံ့မှု ဖြစ်စဉ် ပပျောက် သွားသည် အထိ လွယ်ကူသော ငွေကြေး မူဝါဒကို ထိန်းသိမ်း ထားမည် ဖြစ်ကြောင်း ကတိ ပြုခဲ့သည်။ အဓိက လူသုံးကုန် ဈေးနှုန်း ညွှန်းကိန်းသည် မကြာမီ စတင်၍ တက်ရိပ် ပြလာမည် ဖြစ်ကာ ၂၀၁၂ မတ်လကို ဖြတ်သန်းမည့် ဘဏ္ဍာရေးနှစ်တွင် ၀.၃% တက်လာမည်ဟု ဗဟိုဘဏ်က ခန့်မှန်း ပြောကြားသည်။

အကယ်၍ လုပ်ခ လစာ တိုးခြင်း အစား ကုန်ကြမ်း ဈေးကြီးမှု၏ ရလဒ် အဖြစ် ကုန်ဈေးနှုန်း တက်ခဲ့မည် ဆိုပါက ဤကိစ္စသည် အခါခပ်သိမ်း ကောင်းသော ကိစ္စ တစ်ခု မဟုတ်နိုင်ပါ။ ကုမ္ပဏီများသည် ကုန်ကျစရိတ် ကြီးမြင့်မှုကို စားသုံးသူများထံ ပုတ်ထုတ် လိုက်ခြင်းသာ ဖြစ်ပြီး ဝယ်လိုအား ကျဆင်း သွားနိုင်စေသည့် အပြင် စီးပွားရေး ကဏ္ဍ တစ်ခုလုံးကိုပါ ထိခိုက် စေနိုင်သည်။

တစ်နိုင်ငံလုံး အတွက် ပြည်သူ့ ဝန်ဆောင်မှု ဈေးနှုန်းများမှာမူ ဇန်နဝါရီလတွင် ၂.၆ % တက်ခဲ့သည်ဟု ဝန်ကြီးဌာန အစီရင်ခံစာက ဆိုသည်။

တိုကျို ဧရိယာ အတွက် ကနဦး လူသုံးကုန် ဈေးနှုန်း ညွှန်းကိန်းသည် တစ်နိုင်ငံလုံး အတိုင်း အတာနှင့် ၄% ကျဆင်းမှုကို ညွှန်ပြ နေသည် ဟုလည်း သိရှိရသည်။

{chronicle2011:2915} ရို့စ်ဒန်ကလေ ဖမ်းဆီးခံရမှုက ပေးလိုက်သည့် သင်ခန်းစာများ

Posted by Transparency Myanmar 2010

comments (0)

(The Nation သတင်းစာ၏ Editorial ဖြစ်သော Lessons from Ross Dunkley's arrest in Burma ကို ဆီလျော်အောင် ဘာသာ ပြန်သည်)

ရို့စ်ဒန်ကလေ ဆိုသည့် နိုင်ငံခြားသား အယ်ဒီတာ တစ်ဦးကို မြန်မာ စစ်ဗိုလ်ချုပ်ကြီးများ ဆက်လက် အသုံးချ လိုစိတ် မရှိတော့သည်မှာ ရှင်းရှင်းလင်းလင်း ကြီးပင် ဖြစ်သည်။

မြန်မာ စစ်အစိုးရသည် နိုင်ငံခြားသားများအား မည်သို့ မည်ပုံ အသုံးပြုရမည် ဟူသော အချက်ကို ကောင်းကောင်း မွန်မွန်နှင့် အလွန် အမင်း သိရှိထားသည်။ အရည်အချင်းနှင့် ကိုယ်ရည် ကိုယ်သွေး ပြည့်စုံ ကောင်းမွန်သူ တစ်ဦး ဖြစ်သူ သြစတြေးလျ လူမျိုး ရို့စ်ဒန်ကလေကလည်း ပြည်ပကမ္ဘာ၏ အကူအညီများ ဆိုးဆိုးရွားရွား လိုအပ်နေသော မြန်မာ စစ်ဗိုလ်ချုပ်ကြီးများကို ကောင်းစွာ အသုံးချနိုင်မည် ဟူသော အတွေးဖြင့် မြန်မာနိုင်ငံသို့ ဝင်ရောက်ပြီး စီးပွားရေး ရင်းနှီး မြှုပ်နှံမှု ပြုလုပ်ခဲ့သည်။ ဒန်ကလေသည် ၂၀၀၀ ပြည့်နှစ်တွင် စစ်အစိုးရက မည်သို့မျှ အလို မရှိခဲ့သည့် လုပ်ငန်း တစ်ခုဖြစ်သော အင်္ဂလိပ် သတင်းစာ တစ်စောင် ထုတ်လုပ် ဖြန့်ချိသည့် လုပ်ငန်းကို စမတ် ကျကျဖြင့်ပင် တာဝန်ယူ လုပ်ကိုင်ခဲ့သည်။ ထိုသတင်းစာမှာ အပတ်စဉ်ထုတ် The Myanmar Times ပင် ဖြစ်သည်။ ထိုစဉ်က မြန်မာ စစ်အစိုးရသည် ပြည်ပြေး မီဒီယာများနှင့် အတိုက်အခံ အင်အားစုများကို တန်ပြန် တိုက်ခိုက်နိုင်ရေး အလို့ငှာ အရည်အသွေး တောက်ပြောင် ကောင်းမွန်သည့် ဝါဒဖြန့် ယန္တရား တစ်ရပ်ကို အလိုရှိခဲ့သည်။

ရို့စ်ဒန်ကလေသည် ဖေဖော်ဝါရီလ ၁၀ ရက်နေ့တွင် ပြည်ဝင်ခွင့် ဗီဇာဆိုင်ရာ စည်းမျည်း စည်းကမ်းများ ချိုးဖောက်မှုဖြင့် ဖမ်းဆီး ထိန်းသိမ်းခံခဲ့ရခြင်း ဖြစ်သည်။ သူသည် ယခုဆိုလျှင် နာမည်ကျော် အင်းစိန် အကျဉ်းထောင်တွင် ဒေါ်အောင်ဆန်းစုကြည်ကို ထောက်ခံသူများ အပါအဝင် နိုင်ငံရေး အကျဉ်းသားများနှင့် အတူ နေထိုင်နေရပြီ ဖြစ်သည်။ သူ၏ The Myanmar Times သတင်း စာစောင်က ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများ လွတ်မြောက်ရေး အတွက် မည်သည့်အခါကမှ တိုက်တွန်း ရေးသားမှု မပြုခဲ့ပေ။ ဖေဖော်ဝါရီ လကုန်ပိုင်း (နောက်ဆုံး ရက်သတ္တပတ်) ၌ စီရင်မည့် တရားခွင်တွင် ရို့စ်ဒန်ကလေအား စွပ်စွဲချက် အသစ်များ ထပ်မံ တိုးပွားလာနိုင်ပြီး သူ့အား မြန်မာပြည်မှ နှင်ထုတ်မည် ဟူသော ကိစ္စမှာ သံသယ ဖြစ်နေစရာပင် မလိုဟု ထင်သည်။

ဤအတောအတွင်းမှာပင် ရို့စ်ဒန်ကလေ၏ စီးပွားရေး မိတ်ဖက်ဖြစ်သူက The Myanmar Times တစ်ခုလုံးကို အပြည့်အဝ ရယူလိုက်ပြီ ဖြစ်ရာ မေးခွန်းတွေ၊ မေးစရာတွေ ဖြစ်ကုန်သည်။ "ယခုလို အရှက်မရှိ၊ ဗြောင်ကျကျ လုပ်ရပ်မျိုးကို လုပ်ခဲ့သည့် စစ်အစိုးရ၏ အတွင်း စိတ်သဏ္ဍာန်ထဲမှာ ဘာတွေများ ဖြစ်နေတာလဲ" ဟူ၏။ အဖြေမှာ ရိုးရိုး ရှင်းရှင်း လေးပါ။ မြန်မာ စစ်တပ်တွင် ရည်ရွယ်ချက် ပေါင်းစုံ ရှိနေသည်။ ရည်ရွယ်ချက်တွေ ထဲက ပထမဆုံး တစ်ခုမှာ မြန်မာ စစ်တပ်သည် နိုင်ငံတွင်း လာရောက် စီးပွားရေး လုပ်ကြသည့် နိုင်ငံခြားသားများ ကြောက်လန့် သွားအောင် ခြိမ်းခြောက် လိုခြင်းပင် ဖြစ်သည်။ "သတိထားပါ။ ခင်ဗျားတို့ နောက်ကို ကျုပ်တို့ လိုက်နေတယ်" ဟူ၍ ဆိုနေသကဲ့သို့ ဖြစ်နေသည်။

ရို့စ်ဒန်ကလေသည် ဆယ်စုနှစ် တစ်ခုကြာမျှ စစ်အစိုးရ၏ သစ္စာရှိသော ကျေးကျွန် တစ်ဦး သဖွယ် ဖြစ်ခဲ့သည်။ သို့သော ပါမွှား အဆင့်သာ ဖြစ်ပြီး သူမရှိလည်း ဖြစ်သည်။ သူ့ကိုသိသော သူများက ရို့စ်ဒန်ကလေသည် The Myanmar Times ကို မြန်မာနိုင်ငံတွင် အကောင်းဆုံး သတင်းစာစောင် တစ်ခု ဖြစ်စေလိုသည့် ဆန္ဒရှိပြီး ပြည်တွင်း ဂျာနယ်လစ်များအား လေ့ကျင့် သင်ကြားပေးသော မီဒီယာကြီး တစ်ခုလည်း ဖြစ်စေလိုသည်ဟု ပြောကြသည်။ သို့သော် တစ်ဖက်တွင် သူသည် စစ်အစိုးရ၏ လုပ်ဆောင်မှုတိုင်း အပေါ် လက်ညှိုးထောင် ခေါင်းညိမ့် လုပ်ရန် လွန်လွန်ကဲကဲပင် ဆန္ဒရှိခဲ့သူ ဖြစ်သည်။

မြန်မာ စစ်အစိုးရက မြန်မာနိုင်ငံအား ပြည်ပနိုင်ငံများ၏ အသိအမှတ် ပြုလာအောင် ကြိုးစားချိန် နှင့် မိမိတို့၏ အာဘော်များ၊ ထင်မြင်ချက်များကို အင်္ဂလိပ်ဘာသာဖြင့် ရေးသား ထုတ်ဝေလိုစိတ် ရှိချိန်တွင် ရို့စ်ဒန်ကလေ၏ ဗျူဟာမှာ ကောင်းစွာ အလုပ် ဖြစ်ခဲ့ဟန် ရှိသည်။ သို့သော် ရွေးကောက်ပွဲ ကျင်းပပြီးချိန်တွင် ရို့စ်ဒန်ကလေ ပေးသော ဝန်ဆောင်မှုမျိုး စစ်အစိုးရက မလိုအပ်တော့ပြီ ဖြစ်သည်။ မည်သို့ပင် ဆိုစေ အဆိုပါ ရွေးကောက်ပွဲသည် စစ်ဗိုလ်ချုပ်ကြီးများ အတွက် လက်လွန် သွားသော အမှုကိစ္စ ဖြစ်ရာ မဖြစ်မနေ လက်သင့် ခံရမည် ဖြစ်သည်။ ရို့စ်ဒန်ကလေ သည်လည်း မည်သို့မျှ အသုံးမဝင်တော့သူ တစ်ဦး ဖြစ်သွားရသည်။ ရို့စ်ဒန်ကလေ၏ ရှေ့ကံကြမ္မာကို ကြည့်လျှင် ကမ္ဘောဒီးယားက Phonom Penh Post သတင်းစာ ရှိသည်။ သူသည် ထိုသတင်းစာကို လောလာလတ်လတ် ကာလ အတွင်းမှာပင် ဝယ်ယူခဲ့သည်။ ကံကောင်း ထောက်မသည် ဟုပင် ဆိုရမည်။ ကမ္ဘောဒီးယားသည် အင်္ဂလိပ်ဘာသာ၊ ပြင်သစ်ဘာသာဖြင့် ထုတ်ဝေသော သတင်းစာများ အောင်မြင် ကြီးပွားနေသော နိုင်ငံတစ်ခု ဖြစ်ပြီး နိုင်ငံခြား မီဒီယာများ ကိုလည်း ပိုမို လေးစားသည်။

ရို့စ်ဒန်ကလေ ကိစ္စနှင့် ပတ်သက်၍ စစ်အစိုးရတွင် ဦးတည်ချက် များစွာ ရှိသည့်အနက် ဒုတိယ အချက်မှာ စစ်အစိုးရက မြန်မာပြည် စီးပွားရေး၌ အစုရှယ်ယာ ဝေစု ရထားသော နိုင်ငံခြားသား မဟုတ်သူ နိုင်ငံသားများအား "ကောင်းကောင်း နေပါ။ မသိတာတွေကို သိအောင် လုပ်ပါ" ဟူ၍ သတိပေးလိုခြင်းပင် ဖြစ်သည်။ ပြည်တွင်း စီးပွားရေး အဝန်းအဝိုင်း၌ ပါဝင်သူများ၊ အထူးသဖြင့် စီးပွားရေး လုပ်ငန်းကြီးများ လုပ်ကိုင်နေသူများ အနေဖြင့် ၎င်းတို့၏ အနာဂတ်အတွက် စိုးရိမ်ပူပန် မနေသင့်ပေ။ အကြောင်းမှာ အသစ် စက်စက် ဖွဲ့စည်းလိုက်သည့် ရုပ်သေး အစိုးရ လက်ထက်တွင် အခြေအနေ ကောင်းသည့် ရင်းနှီး မြှုပ်နှံမှုသစ်များ ပိုမို ဝင်ရောက် လာနိုင်သောကြောင့် ဖြစ်သည်။ မြန်မာ စစ်ဗိုလ်ချုပ်ကြီးများကတော့ မကြာသေးခင်က မြန်မာနိုင်ငံ အပေါ် ပိတ်ဆို့ အရေးယူမှုများ ဖယ်ရှားရန် အာဆီယံ၏ တောင်းဆိုမှုက မိမိတို့ နိုင်ငံ၏ အဆိုးကျော့ သံသရာကို ရပ်တန့်အောင် လုပ်နိုင်လိမ့်မည်ဟု မျှော်လင့်နေကြသည်။

နောက်ဆုံးအချက် အနေဖြင့် ပြောရလျှင် မြန်မာနိုင်ငံတွင်း အနည်းငယ်မျှ အပြောင်းအလဲ ဖြစ်လာမည် ဟူသည်မှာ ရှင်းနေပြီ ဖြစ်သည်။ လုံးဝ သေချာသော အပြောင်းအလဲမှာ စစ်ဗိုလ်ချုပ်ကြီးများ အာဏာ ပိုမို ရရှိလာခြင်း ဖြစ်သည်။ အပေါ်ယံ သဘောဖြင့် ပြုလုပ်သော ရွေးကောက်ပွဲနှင့် မဲရလဒ်များကြောင့် သူတို့တွင် လုပ်ပိုင်ခွင့်များနှင့် တရားဝင်မှုများ လက်ဝယ် ရရှိလာကြပြီး နိုင်ငံရေး လမ်းပြ မြေပုံ၏ နောက်ဆုံး အဆင့်ကို အကောင် အထည် ဖော်ကာ အာဏာလည်း ဆက်ရ နေဦးမည်သာ ဖြစ်သည်။

{chronicle2011:2914} လောင်စာဆီဈေးနှုန်း တရုတ် မြှင့်တင်၍ ငွေကြေးဖောင်းပွမှု စိုးရိမ်ရ

Posted by Transparency Myanmar 2010

comments (0)

(BBC သတင်းကို ဘာသာ ပြန်ဆိုသည်)

ကမ္ဘာ့ရေနံ ဈေးနှုန်းများ မြင့်တက်မှုကို ခုနှိမ်နိုင်ရန် အလို့ငှာ တရုတ်နိုင်ငံက လောင်စာ ဈေးနှုန်းများကို သုံးလအတွင်း ဒုတိယအကြိမ် မြှင့်တင်လိုက်ကြောင်း သိရသည်။ သို့သော် ယခုကဲ့သို့ လောင်စာဈေးနှုန်းများ မြှင့်တင်လိုက်ခြင်းသည် တရုတ် အစိုးရ၏ ငွေကြေး ဖောင်းပွမှု လျှော့ချရန် ကြိုးပမ်းမှု တစ်ရပ်လော ဟူ၍ မေးခွန်းများကို ဖြစ်ပေါ်စေသည်။

လောင်စာဆီ ဈေးနှုန်းများအပေါ် နိုင်ငံတော်က စရိတ် စိုက်ထုတ် ပေးထားသော တရုတ် နိုင်ငံသည် ဖေဖော်ဝါရီလ ၂၁ ရက်နေ့တွင် ဓာတ်ဆီနှင့် ဒီဇယ် လက်ကား ရောင်းချသည့် ဈေးနှုန်းများကို တစ်တန်လျှင် ၅၃ ဒေါ်လာဖြင့် ဈေးမြှင့်လိုက်သည်။ အကယ်၍ နိုင်ငံတကာ ဈေးကွက်တွင် လောင်စာဆီ စရိတ်စကများ ဆက်လက် မြင့်တက် နေဦးမည် ဆိုပါက ပြည်တွင်း လောင်စာဆီ နှုန်းထားများ နောက်ထပ် မြှင့်တင်ရန် လိုအပ် လာလိမ့်မည် ဖြစ်ကြောင်း စီးပွားရေး လေ့လာ ဆန်းစစ်သူများက ဆိုသည်။

အရှေ့ အလယ်ပိုင်း ဒေသတွင် မတည်မငြိမ် ဖြစ်မှုများကြောင့် လောင်စာဆီ ရရှိရေးနှင့် ပတ်သက်၍ စိုးရိမ်စရာများ ဖြစ်ပေါ်စေခဲ့ပြီး လောင်စာဆီ ဈေးနှုန်းများလည်း တစ်ပေပါလျှင် ဒေါ်လာ ၁၀၀ ကျော်သည် အထိ မြင့်တက် သွားစေခဲ့သည်။

ကန့်သတ်ခံ ထားရသည့် ဝယ်လိုအား

တရုတ် အမျိုးသား ဖွံ့ဖြိုးရေးနှင့် ပြုပြင် ပြောင်းလဲရေး ကော်မရှင် (NDRC) က နိုင်ငံတွင်း လောင်စာဆီ ဝယ်လိုအားကို လျှော့ချနိုင်ရေးအတွက် ယခုလို လောင်စာဈေးနှုန်းများ မြှင့်တင်ရန် လိုအပ်ကြောင်း ပြောကြားသည်။ "လောင်စာ သုံးစွဲမှု ဒရကြမ်း မြင့်တက်လာခြင်းသည် ကျွန်ုပ်တို့ တိုင်းပြည်၏ စီးပွားရေး အရရော သဘာဝ ပတ်ဝန်းကျင် အရပါ လက်သင့်ခံနိုင်သော ပမာဏထက် ကျော်လွန်သွားသည်" ဟု NDRC ၏ ပြောကြားချက်ကို ကိုးကား၍ Reuters သတင်းဌာနက ဖော်ပြသည်။ တရုတ်နိုင်ငံတွင် နောက်ဆုံးအကြိမ် အဖြစ် မြှင့်တင်လိုက်သည့် လောင်စာ ဈေးနှုန်းမှာ ဓာတ်ဆီ တစ်လီတာလျှင် ၄ ဆင့် နှင့် ဒီဇယ် တစ်လီတာလျှင် ၅ ဆင့်စီ ဖြစ်သည်။

ငွေကြေးဖောင်းပွမှု ဆိုင်ရာ ဖိအားများ

တရုတ် အပါအဝင် အာရှ တစ်လွှားရှိ နိုင်ငံ အတော် များများနှင့် ကျန်ကမ္ဘာ့ နိုင်ငံများသည် ယခုအခါ ငွေကြေး ဖောင်းပွမှုနှုန်း မြင့်တက်ခြင်းကို တိုက်ဖျက်လျက် ရှိကြသည်။ အစား အသောက်နှင့် လောင်စာဆီ ကဲ့သို့သော ကုန်ပစ္စည်းများ ရောင်းလိုအား တင်းကြပ်မှုကြောင့် ဈေးနှုန်းများကို မြင့်တက်သွားစေပြီး အစိုးရများနှင့် စားသုံးသူများပါ မအီမသာ ဖြစ်ကြရသည်။ ယခု ဖေဖော်ဝါရီလ အစောပိုင်းတွင် တရုတ် ဗဟိုဘဏ်က ဈေးနှုန်းများ မြင့်တက်မှုကို ထိန်းချုပ်နိုင်ရေး အလို့ငှာ အတိုးနှုန်းထားကို ၆ ဒဿမ ၀၆ ရာခိုင်နှုန်းအထိ မြှင့်တင်ပေးခဲ့သည်။

ယခုကဲ့သို့ လောင်စာ ဈေးနှုန်းများ မြင့်တက်မှုကြောင့် သယ်ယူ ပို့ဆောင်ရေး စရိတ်စက များလည်း မြင့်တက်စေနိုင်ပြီး အခြေခံ ကုန်ပစ္စည်း ဈေးနှုန်းများ အပေါ် ဂယက်ရိုက် ခတ်လာနိုင်ကြောင်း လေ့လာ ဆန်းစစ်သူများက ဆိုသည်။ တရုတ်အစိုးရက နောက်ဆုံး ထုတ်ပြန်သော ကိန်းဂဏန်းများ အရ ဈေးသုံးသူ ဈေးနှုန်းများသည် ဇန်နဝါရီလတွင် ၄ ဒဿမ ၉ ရာခိုင်နှုန်း မြင့်တက်ခဲ့သည်။

{chronicle2011:2913} ပြည်ပပို့ကုန်ကြောင့် ထိုင်းစီးပွားရေး ပြန်လည် ခေါင်းထောင်

Posted by Transparency Myanmar 2010

comments (0)

(BBC သတင်းကို ဘာသာ ပြန်ဆိုသည်)

ထိုင်းအမျိုးသား စီးပွားရေးနှင့် လူမှု ဖွံ့ဖြိုးရေး ဘုတ်အဖွဲ့ အဆိုအရ နိုင်ငံ စီးပွားရေးသည် ကျဆင်းမှုမှ ပြန်လည် ရုန်းထွက်နိုင်ခဲ့ပြီ ဖြစ်ကြောင်း သိရသည်။ ပြီးခဲ့သည့် ၂၀၁၀ ပြည့်နှစ် နောက်ဆုံး သုံးလတွင် GDP ၁ ဒဿမ ၂ ရာခိုင်နှုန်းခန့် မြင့်တက်လာသည်ကို တွေ့ရကြောင်း ယင်းဘုတ်အဖွဲ့က ထုတ်ပြန်သော ကိန်းဂဏန်းများက ဆိုသည်။

ထိုင်းစီးပွားရေးသည် ယမန်နှစ် ဒုတိယ လေးလပတ်တွင် ၀ ဒဿမ ၆ ရာခိုင်နှုန်း၊ တတိယ လေးလပတ်တွင် ၀ ဒဿမ ၃ ရာခိုင်နှုန်း ကျုံ့သွားခဲ့ပြီး စီးပွားရေး ကျဆင်းမှုသို့ ရောက်ရှိ သွားခဲ့ရသည်။ ယခုကဲ့သို့ စီးပွားရေး ကျဆင်းမှုမှ ပြန်လည် ရုန်းထွက်နိုင်ခဲ့သည်မှာ ကုန်ပစ္စည်း တင်ပို့မှုများ မြင့်တက်ခဲ့ခြင်းကြောင့် ဖြစ်သည်။

စီးပွားရေး တိုးတက်မှု ဆိုင်ရာ ကိန်းဂဏန်းများ ပြန်လည် ကောင်းမွန်လာခြင်း နှင့်အတူ စားသောက်ကုန်နှင့် ကုန်ပစ္စည်းဈေးနှုန်းများ မြင့်တက်လာပြန်ရာ ဗဟိုဘဏ် အနေဖြင့် အတိုးနှုန်းထား မြှင့်တင်ပေးရမည့် အခြေအနေနှင့်လည်း ရင်ဆိုင်ကောင်း ရင်ဆိုင်ရ လာနိုင်သည်ဟု လေ့လာ သုံးသပ်သူများက ဆိုသည်။

ထိုင်းဘဏ် (The Bank of Thailand) သည် ဇန်နဝါရီလ အတွင်း ကုန်ဈေးနှုန်းများ မြင့်တက်မှုကို လျှော့ချနိုင်ရန် အလို့ငှာ ငွေချေးငှားမှု စရိတ်စက (အတိုးနှုန်း) ကို ၁ ရာခိုင်နှုန်း၏ လေးပုံ တစ်ပုံမှ ၂ ဒဿမ ၂၅ ရာခိုင်နှုန်းထိ မြှင့်တင်ပေးခဲ့သည်။ လာမည့် မတ်လတွင် ကျင်းပ ပြုလုပ်မည့် အစည်းအဝေးပွဲ၌ ထိုင်းဘဏ်အနေဖြင့် အတိုးနှုန်းများ ထပ်မံမြှင့်တင် ပေးရဖွယ် ရှိကြောင်း ဘောဂဗေဒ ပညာရှင်များက မျှော်လင့်ထားကြသည်။

တတိယ လေးလပတ် အတွင်း စီးပွားရေး ကြီးထွားလာမှုက ထိုင်းနိုင်ငံ အနေဖြင့် စီးပွားရေး ကျဆင်းမှုမှ ရုန်းထွက်နိုင်အောင် ဖန်တီးပေးလိုက်ခြင်း ဖြစ်ကြောင်း Standard Chartered Bank မှ ဘောဂဗေဒ ပညာရှင် Usara Wilaipich က ပြောကြားသည်။

"အခုလို ဖွံ့ဖြိုးတိုးတက်လာမှုက ဗဟိုဘဏ်က ကျင့်သုံးနေတဲ့ ဈေးနှုန်းများ ပုံမှန်ဖြစ်ရေး မူဝါဒကို ကျောထောက် နောက်ခံ ပေးမယ်လို့ ထင်ပါတယ်" ဟု ၎င်းက ဆိုသည်။

ကုန်ပစ္စည်း တင်ပို့မှု ခေါင်းထောင်လာခြင်း

ထိုင်းနိုင်ငံသည် အရှေ့တောင် အာရှ ဒေသတွင် ဒုတိယ အကြီးဆုံး စီးပွားရေး အင်အားကြီး နိုင်ငံဖြစ်ပြီး ကုန်ပစ္စည်း တင်ပို့သည့် အခန်းကဏ္ဍကို အလွန်အမင်း အမှီသဟဲ ပြုနေရသည်။ ၂၀၁၀ ပြည့်နှစ်၏ ရှုပ်ထွေးသော ပထမ ကိုးလတာ ကာလ လွန်မြောက် သွားပြီးနောက် ထိုင်းနိုင်ငံ၏ အရေးကြီးသော ဈေးကွက်အချို့တွင် ဝယ်လိုအားများ ပြန်လည် မြင့်တက်လာခဲ့သည်။ အကြောင်းမှာ ၎င်းတို့၏ စီးပွားရေး လုပ်ငန်းများ ပြန်လည် နာလန် ထူလာသောကြောင့် ဖြစ်သည်။ အသားတင် ကုန်ပစ္စည်းနှင့် ဝန်ဆောင်မှုများ တင်ပို့မှုမှာ ၂၀၁၀ ပြည့်နှစ်၏ နောက်ဆုံး သုံးလတွင် ၆ ဒဿမ ၇ ရာခိုင်နှုန်း မြင့်တက်ခဲ့သည်။ ယမန်နှစ်က အဆိုပါ ကာလတွင် ၁၄ ဒဿမ ၅ ရာခိုင်နှုန်းအထိ ကျဆင်းခဲ့ကြောင်း အမျိုးသား စီးပွားရေးနှင့် လူမှုဖွံ့ဖြိုးရေး ဘုတ်အဖွဲ့က ဆိုသည်။

၂၀၁၀ ပြည့်နှစ် တစ်နှစ်တာ ကာလ တစ်လျှောက် ထိုင်းနိုင်ငံမှ ပြည်ပ တင်ပို့မှုမှာ ၂၈ ဒဿမ ၁ ရာခိုင်နှုန်းထိ မြင့်တက်ခဲ့သည်။ ထိုင်းစီးပွားရေး အတွက် သတင်းကောင်း တစ်ခုမှာ ယခုနှစ် တွင်လည်း ပြည်ပ တင်ပို့မှု ဆက်လက် မြင့်တက်နေခြင်းပင် ဖြစ်သည်။ ၂၀၁၁ ခုနှစ်၊ ဇန်နဝါရီလ၏ နိုင်ငံခြားသို့ တင်ပို့ ရောင်းချမှုမှာ ယမန်နှစ် ဇန်နဝါရီလထက် ၂၂ ဒဿမ ၃ ရာခိုင်နှုန်း မြင့်တက် လာသည်ကို တွေ့ရသည်။

"နိုင်ငံခြား ဝယ်လိုအား မြင့်တက်မှုက ဆက်လက် တည်ရှိနေဆဲ ဖြစ်ပါတယ်။ ထိုင်းနိုင်ငံရဲ့ ပြည်ပ တင်ပို့မှု အပေါ် ဖွံ့ဖြိုးပြီး နိုင်ငံတွေ၊ အထူးသဖြင့် အမေရိကန် ပြည်ထောင်စုလို နိုင်ငံတွေ ဘက်က ဝယ်လိုအားတွေ မြင့်တက် လာလိမ့်မယ်လို့ ကျွန်တော်တို့က မျှော်မှန်းထားပါတယ်" ဟု Tisco Securities မှ ဘောဂဗေဒ ပညာရှင် တစ်ဦးက ဆိုသည်။

နှေးကွေးနေသော တိုးတက်မှု

မည်သို့ပင် ဆိုစေကာမူ ယခု ကြုံတွေ့နေရသော အခြေအနေ အရပ်ရပ်ကို ထိုင်းစီးပွားရေး အတွက် သတင်းကောင်းများ ဟူ၍ မရသေးပေ။ လက်ရှိ ၂၀၁၁ ခုနှစ် ထိုင်းနိုင်ငံ၏ စီးပွားရေး တိုးတက်မှုနှုန်းသည် ယမန်နှစ်၏ တိုးတက်မှုနှုန်း ဖြစ်သော ၇ ဒဿမ ၈ ရာခိုင်နှုန်းကို လိုက်မီနိုင်မည့် အနေအထားတွင် မရှိသေးပေ။ ယခုနှစ် အတွင်း စီးပွားရေး တိုးတက်မှုနှုန်းမှာ ၃ ရာခိုင်နှုန်းမှ ၅ ရာခိုင်နှုန်း အထိသာ ရှိလိမ့်မည်ဟု မျှော်လင့်ရကြောင်း ထိုင်းဘဏ်က ခန့်မှန်းထားသည်။

ထိုင်းစီးပွားရေး နှေးကွေး သွားစေခဲ့သည့် အကြောင်း အချက် များစွာ ရှိသည့် အနက် တစ်ခုမှာ ငွေကြေး ဖောင်းပွမှုနှင့် အတိုးနှုန်း မြင့်မားမှုတို့ ဖြစ်ကြောင်း လေ့လာ ဆန်းစစ်သူတို့က ဆိုသည်။ ထိုင်းပြည်ပ ပို့ကုန်များ အပေါ် တရုတ်နိုင်ငံမှလည်း ဝယ်လိုအား လျော့နည်းနေကြောင်း၊ ၂၀၁၁ ခုနှစ်အတွက် စီးပွားရေး တိုးတက်မှု ဆိုင်ရာ ကန်းဂဏန်းများ နိမ့်ကျနေဦးမည်သာ ဖြစ်ကြောင်း ၎င်းတို့က ပြောဆိုသည်။

"နိုင်ငံ အတော်များများရဲ့ စီးပွားရေး လုပ်ငန်းတွေဟာ ယခု အချိန်အထိ ကောင်းကောင်း မွန်မွန် မြင့်တက် လာနေတာကို တွေ့ရပါတယ်။ အဲဒါကြောင့် ထိုင်းနိုင်ငံအနေနဲ့ ပထမ သုံးလပတ် အတွင်းမှာ ပြည်ပ တင်ပို့မှု အခန်းကဏ္ဍကို ကျောထောက် နောက်ခံ ပေးသင့်ပါတယ်" ဟု Kasikor စီးပွာရေး သုတေသန စင်တာမှ ဘောဂဗေဒ ပညာရှင် Pimonwan Mahujchariyawong က ပြောကြားသည်။

"ဒါပေမဲ့ ခက်တာက ဗဟိုဘဏ်တွေ အတော် များများက ငွေကြေး ဖောင်းပွမှု တိုက်ဖျက်ရေးကိုပဲ အာရုံ စိုက်နေကြတော့ ပြည်ပ တင်ပို့တဲ့ အခန်းကဏ္ဍမှာ ထိခိုက် နစ်နာမှုတွေ ဆက်လက် ဖြစ်ပေါ်နေဦးမှာပါ" ဟုလည်း ယင်းက ဆက်လက် ဆိုသည်။

{chronicle2011:2912} ပြည်တွင်း သတင်းများ

Posted by Transparency Myanmar 2010

comments (0)

ကြိုတင်ငွေဖြည့်ကတ်စနစ် ပြောင်းသုံးတော့မည့် မိုဘိုင်းဖုန်း ဆက်သွယ်ရေး

ဖေဖော်ဝါရီ ၂၃

မြန်မာနိုင်ငံရှိ မိုဘိုင်းဖုန်း အမျိုးအစား အားလုံးကို နိုင်ငံတကာတွင် အသုံးပြုနေသကဲ့သို့ တယ်လီဖုန်း ခေါ်ဆိုခ အား ကြိုတင်ငွေဖြည့်ကတ် သုံးသည့် စနစ် (Prepaid Card ) သို့ ပြောင်းလဲရန် စတင်စီစဉ်နေကြောင်း သတင်းရရှိသည်။

၂၀၁၀ ခုနှစ်ကစတင်၍ CDMA 450 MHZ ဖုန်းများတွင် Prepaid Card စနစ်ကို ပြောင်းလဲခဲ့ပြီး ဆက်လက်၍ ကျန်ရှိနေသေးသည့် မိုဘိုင်းဖုန်း အမျိုးအစား အားလုံးတွင် အဆိုပါစနစ်ကို ယခုနှစ်အတွင်း အပြီးပြောင်းလဲသွားမည်ဖြစ် ကြောင်း သိရသည်။

"အခုနောက်ပိုင်းမှာ ချပေးတဲ့ ၅ သိန်းတန်ဖုန်းတွေကတော့ Prepaid Card စနစ်ပါပြီးသားဆိုတော့ ပြောင်းစရာ မလိုတော့ဘူး။ ဟိုးအရင်ချထားပေးခဲ့တဲ့ မိုဘိုင်းဖုန်းတွေနဲ့ နေပြည်တော် CDMA 450 MHZ ဖုန်းတွေကို မတ်လကုန် နောက်ဆုံးထား လဲရမယ်လို့ ကြေညာထားတယ်"ဟု မြန်မာ့ဆက်သွယ်ရေး စာတိုက်နှင့် ကြေးနန်း ဝန်ကြီးဌာနမှ အရာရှိ တစ်ဦးက ပြောကြားသည်။

ထို့အပြင် ယခုလ ၂၀ ရက်နေ့မှ စတင်၍ ၅ သိန်းတန် တယ်လီဖုန်း ကုတ်နံပါတ်ကို ၀၁ မှ ၀၉ အဖြစ် ပြောင်းလဲခဲ့ပြီး ၊ ဖုန်းခေါ်ဆိုခကိုလည်း GSM တယ်လီဖုန်းခေါ်ဆိုခအတိုင်း ပြောင်းလဲကောက်ယူသွားမည်ဟု သိရသည်။

လက်ရှိ အခြေအနေတွင် မြန်မာနိုင်ငံ၌ GSM ဖုန်း အလုံးရေ ၅ သိန်းဝန်းကျင်ကို ချထားပေးပြီး ဖြစ်သည်။ GSM ဖုန်းများကို ၂၀၀၀ ပြည့်နှစ်ဝန်းကျင်မှ စတင်ချထားပေးခဲ့ခြင်း ဖြစ်သည်။

၁၃ နှစ်အတွင်း ၁၄ ဆကျော် မြင့်တက်ခဲ့သော ရွှေဈေးနှုန်း

ပြည်တွင်းဈေးကွက်အတွင်း ရွှေဝယ်ယူမှု ယခင်ထက် ပိုမိုများပြားလာသောကြောင့် ယခုအခါ အခေါက်ရွှေဈေး နှုန်းသည် ကျပ် ၆၇၀၀၀၀ ကျော် ရောက်ရှိနေမှုကြောင့် ရွှေဈေးနှုန်းသည် မြင့်တက်နေကြောင်း သိရသည်။

ရွှေ အရောင်းအဝယ်မှာ ပြီးခဲ့သည့် ၁၀ စုနှစ်ဝန်းကျင်ဖြစ်သည့် ၂၀၀၀ ပြည့်နှစ်ကျော်ကတည်းက အရောင်းအဝယ်အေးစက်ခဲ့ပြီး ၂၀၁၀ ပြည့်နှစ် နိုဝင်ဘာလခန့်မှစ၍ ယခုအချိန်အထိ ရွှေဝယ်ယူမှု ယခင်ထက်ပိုမိုများပြားလာပြီး ရွှေဈေးနှုန်းမှာလည်း ၁၉၉၇ ခုနှစ် က တစ်ကျပ်သားလျှင် ၄၇၃၆၇ ကျပ်သာ ရှိခဲ့သည့်အတွက် ၁၃ နှစ်တာ ကာလအတွင်း ဈေးနှုန်း ၁၄ ဆကျော် မြင့်တက်နေကြောင်း သိရသည်။

လက်ရှိ ပြည်တွင်းဈေးကွက်၌ ရွှေဈေးနှုန်းသည် နှုန်းရှင်ဖြင့်သွားနေ၍ ဈေးနှုန်းအတက်အကျသည် မြန်ဆန်နေ ခြင်းကြောင့် ဖေဖော်ဝါရီလ ၁၆ ရက်နေ့က အခေါက်ရွှေတစ်ကျပ်သားလျှင် ကျပ် ၆၈၀၀၀၀ ဖြစ်ခဲ့မှုသည် ၁၈ရက်နေ့ မှစတင်ကာ ကျပ် ၆၆၀၀၀၀ ကျော်သို့ ဈေးနှုန်းပြန်လည်ကျဆင်းခဲ့ပြီး ဖေဖော်ဝါရီလ ၂၁ ရက်နေ့ တွင် အခေါက်ရွှေမှာ တစ်ကျပ်သားလျှင် ကျပ် ၆၆၉၀၀၀ ရှိနေကြောင်း ရွှေလုပ်ငန်းရှင်များအသင်းမှ သိရသည်။

ယခုရက်ပိုင်းအတွင်း ရွှေပြုလုပ်ကြသူအများစုမှာ ခေတ်ပေါ်ဒီဇိုင်း အထည်ပစ္စည်းများထက် ပြန်ရောင်းရာတွင် အရှုံးမရှိနိုင်သည့်ပစ္စည်းများကိုသာ ပြုလုပ်မှုများကြပြီး နိုင်ငံတကာဈေးကွက်တွင်လည်း ရွှေဈေးနှုန်းမှာ တစ်အောင်စလျှင် အမေရိကန်ဒေါ်လာ ၁၃၈၉.၁၀ ဖြစ်ပေါ်နေကြောင်း သိရသည်။

ပြည်တွင်း ပုဂ္ဂလိက ဘဏ်အချို့ ATM ငွေထုတ် စနစ် စတင် အသုံးပြုရန် စီစဉ်

ပြည်တွင်း ပုဂ္ဂလိကဘဏ်အချို့တွင် ATM (Automatic Teller Machine) ငွေထုတ်စနစ်အား စတင်အသုံးပြုရန် စီစဉ်နေပြီ ဖြစ်ကြောင်း ပြည်တွင်း ပုဂ္ဂလိက ဘဏ်လုပ်ငန်း အသိုင်းအဝိုင်း မှ သတင်းရရှိသည်။

အဆိုပါ ATM ငွေထုတ် စနစ်ဆိုသည်မှာ မိမိတို့၏ လက်ရှိ ငွေပမာဏအား ATM စက်ရှိရာ နေရာဒေသများတွင် ATM ငွေထုတ် ကတ်ဖြင့် အလွယ်တကူ ထုတ်ယူ နိုင်သည့် စနစ်ဖြစ်ကြောင်း သိရသည်။

အဆိုပါ ATM ငွေထုတ်စနစ်ကို ယခင်က မြန်မာမေဖလားဝါးဘဏ်တွင် အသုံးပြုခဲ့ဖူးကြောင်း၊ ၂၀၀၃ ခုနှစ် နောက်ပိုင်းမှစ၍ ပြည်တွင်း ၌ ဘဏ် အကျပ်အတည်းများ ဖြစ်ပွားခဲ့ခြင်းကြောင့် အဆိုပါ ATM ငွေထုတ်ကတ်စနစ်မှာ ရပ်ဆိုင်း သွားခဲ့ခြင်းဖြစ်သည်။

ထို့အပြင် ယခုလက်ရှိအချိန်၌ ဘဏ်လုပ်ငန်းများ တိုးပွားလာမှုကြောင့် ပုဂ္ဂလိက ဘဏ်အချို့မှာ credit card နှင့် debit card များကိုပါ အသုံးပြုရန် ပြင်ဆင်နေပြီ ဖြစ်ကြောင်း သိရသည်။

အဆိုပါ စနစ်များတွင်လည်း credit card စနစ်မှာ ဘဏ်က customer အပေါ်တွင် ယုံကြည်မှုဖြင့် သွင်းယူထား သည့် ငွေပမာဏထက် ကျော်လွန် သုံးစွဲခွင့်ရှိပြီး သတ်မှတ်ထားသော အချိန်ကာလတွင် ပြန်ဆပ်ရသည့် စနစ် ဖြစ်ကြောင်း၊ debit card စနစ်မှာ မိမိသွင်းထားသည့် စာရင်းရှိ ငွေပမာဏ အတိုင်းသာ သုံးစွဲခွင့် ရှိသည့် စနစ်ဖြစ်ကြောင်းလည်း သိရ သည်။

{chronicle2011:2912} ပြည်တွင်းပါတီ၊ နိုင်ငံရေး သတင်းများ

Posted by Transparency Myanmar 2010

comments (0)

ကြားဖြတ်ရွေးကောက်ပွဲများအတွက် ကြိုတင်ပြင်ဆင်သင့်ဟု ဒေါက်တာ မြတ်ဥာဏစိုး ပြောကြား

ဖေဖော်ဝါရီ ၂၃

ပြည်ထောင်စုအဆင့် အဖွဲ့အစည်းများတွင် ပါဝင်ဖွဲ့စည်းရန် အမည်စာရင်းတင်သွင်းခံရသည့် လွှတ်တော်ကိုယ် စားလှယ်များ၏ ကိုယ်စားလှယ်နေရာများကို အစားထိုးပြန်လည်ရွေးကောက်တင်မြှောက်ရမည် ဖြစ်သည်။

အမျိုးသားဒီမိုကရေစီအင်အားစုပါတီမှ အမျိုးသားလွှတ်တော်ကိုယ်စားလှယ်တစ်ဦးဖြစ်သူ ဒေါက်တာမြတ်ဥာဏစိုးက ဒုတိယဝန်ကြီးနေရာများအတွက် အမည်စာရင်းတင်သွင်းပြီးသည့်အချိန်တွင် ပြည်ထောင်စုလွှတ်တော်ရှိ ကိုယ်စားလှယ်နေရာ (၇၀)ခန့် လစ်လပ်မည်ဟု ခန့်မှန်းရကြောင်း၊ အဆိုပါ နေရာ(၇၀)အတွက် ကြားဖြတ် ရွေးကောက်ပွဲ ကျင်းပပေးရန် အစီအစဉ်ရှိကြောင်း၊မည်သည့်အချိန်၌ ကျင်းပပေးမည်ကိုတော့ မသိရသေးကြာင်း ပြောကြားခဲ့သည်။

အဆိုပါ ကြားဖြတ်ရွေးကောက်ပွဲများအတွက် ဒီမိုကရက်တစ်အင်အားစုများအနေဖြင့် ပထမရွေး ကောက်ပွဲ အခြေအနေများကို သင်ခန်းစာယူကာ ကြိုတင်ပြင်ဆင်နိုင်မည်ဆိုပါက ယင်း နေရာများတွင် ဝင်ရောက်အစား ထိုးနိုင်မည် ဖြစ်ကြောင်း၊ ယင်းနေရာများတွင် ဒီမိုကရေစီအင်အားစုများ အနိုင်ရရှိခဲ့ပါက လွှတ်တော်အတွင်း မဲခွဲဆုံးဖြတ်ရသည့်အခါ ယခု ထက်ပိုမိုထိရောက်မှု ရှိလာမည်ဟု မျှော်မှန်းကြောင်း ၎င်းက ဆက်လက် ပြောကြားသည်။

နောက်ထပ် နေရာ(၇၀) ထပ်ရမည်ဆိုလျှင်တောင်မှ မဲခွဲဆုံးဖြတ်သည့်အခါ အများကြီးပြောင်းလဲသွားမည်ဟု ပြော၍မရဘဲ သုံးပုံတစ်ပုံခန့်သာ ဖြစ်လာနိုင်မည် ဖြစ်ကြောင်း၊ ဒီမိုကရက်တစ်အင်အားစု ကိုယ်စားလှယ်တွေ များလာသည့်အခါ ပြည်သူများအတွက် ကိုယ်စားပြုပြီး အရေးဆိုတင်ပြနိုင်မည့် ကိုယ်စားလှယ်တွေ များလာ မည်ဖြစ်ကြောင်း ၎င်းက ပြောကြားသွားသည်။

လွှတ်တော်အတွင်း၌ မေးခွန်းများ စတင်မေးမြန်းကြပြီ

ဖေဖော်ဝါရီ ၂၃

လက်ရှိကျင်းပနေသော ပြည်ထောင်စုလွှတ်တော် အစည်းအဝေး၌ နိုင်ငံရေးပါတီများမှ ကိုယ်စားလှယ်များသည် ယခုအခါ မေးခွန်းများ မေးမြန်းခြင်းနှင့် အဆိုပြုခြင်းများ စတင်ဆောင်ရွက်နေပြီဖြစ်ကြောင်း သတင်းရရှိသည်။

ကြယ်ပွင့်ပြထားသည့် မေးခွန်းနှစ်ခုနှင့် အဆို သုံးခုကို တင်သွင်းထားပြီးဖြစ်ကြောင်း၊ နောက်ထပ် လွှတ်တော်အတွင်း ရသုံးမှန်းခြေရငွေစာရင်း၊ ကြားဖြတ်ရွေးကောက်ပွဲ၊ သွင်းကုန်ထုတ်ကုန်လုပ်ငန်း၊ လယ်ယာမြေ၊ သာသနာရေးနှင့် သယ်ယူပို့ ဆောင်ရေးလုပ်ငန်းဆိုင်ရာ မေးခွန်းများကို တင်သွင်းမေးမြန်းသွားမည်ဖြစ်ကြောင်း အမျိုးသား ဒီမိုကရေစီ အင်အားစုပါတီမှ အမျိုးသားလွှတ်တော်ကိုယ်စားလှယ်တစ်ဦးဖြစ်သူ ဒေါက်တာ မြတ်ဥာဏစိုးက ပြောကြားသည်။

လက်ရှိကာလတွင် လွှတ်တော်အတွင်း အစိုးရအသစ်တစ်ရပ် ဖွဲ့စည်းနိုင်ရေးကို လုပ်ဆောင်နေခြင်းဖြစ်သည့်အတွက် တင်သွင်းထားသည့် မေးခွန်းများကို လက်ရှိတာဝန်ယူထားကြသည့် သက်ဆိုင်ရာန်ကြီးများကဖြေဆိုမလား၊ ဝန်ကြီးအသစ်တွေကပဲ ဖြေဆိုမလားဆိုသည်ကို မသိရသေးဟု ၎င်းက ဆက်လက် ပြောကြား သွားသည်။

ဖလုံ-စဝေါ် ဒီမိုကရက်တစ်ပါတီမှ လွှတ်တော်ကိုယ်စားလှယ် ဦးစောခင်မောင်မြင့်က ပြောကြားရာတွင် ကရင်ပြည် နယ် အုပ်ချုပ်မှုရေးရာနှင့်သက်ဆိုင်သည့် ဥပဒေမူကြမ်းတစ်ရပ် တင်သွင်းရန် ပြင်ဆင်နေကြောင်း၊ အဆိုပါ ဥပဒေမူကြမ်း အား ဒေသခံတိုင်းရင်းသားများ၏ အကြံပြုချက်နှင့် သဘောထားအမြင်များကို ရယူပြီး ရေးဆွဲခဲ့ခြင်းဖြစ်ကြောင်း၊ ကရင်ပြည် နယ် ငြိမ်းချမ်းရေးနှင့် ဖွံ့ဖြိုးတိုးတက်ရေးကို အဓိကထားရေးဆွဲထားပြီး ဖြစ်နိုင်ချေရှိသည့် အရာများကိုသာ တင်ပြမည် ဖြစ် ကြောင်း ပြောကြားသွားသည်။

{chronicle2011:2911} ပြည်တွင်း သတင်းများ

Posted by Transparency Myanmar 2010

comments (0)

ဖေဖော်ဝါရီ ၂၃

"အခုနောက်ပိုင်းမှာ ချပေးတဲ့ ၅ သိန်းတန်ဖုန်းတွေကတော့ Prepaid Card စနစ်ပါပြီးသားဆိုတော့ ပြောင်းစရာ မလိုတော့ ဘူး။ ဟိုးအရင်ချထားပေးခဲ့တဲ့ မိုဘိုင်းဖုန်းတွေနဲ့ နေပြည်တော် CDMA 450 MHZ ဖုန်းတွေကို မတ်လကုန် နောက်ဆုံးထား လဲရမယ်လို့ ကြေညာထားတယ်"ဟု မြန်မာ့ဆက်သွယ်ရေး စာတိုက်နှင့် ကြေးနန်းဝန်ကြီးဌာနမှ အရာရှိတစ်ဦးက ပြောကြားသည်။

ထို့အပြင် ယခုလ ၂၀ ရက်နေ့မှ စတင်၍ ၅ သိန်းတန် တယ်လီဖုန်း ကုတ်နံပါတ်ကို ၀၁ မှ ၀၉ အဖြစ် ပြောင်းလဲခဲ့ပြီး ၊ ဖုန်း ခေါ်ဆိုခကိုလည်း GSM တယ်လီဖုန်းခေါ်ဆိုခအတိုင်း ပြောင်းလဲ ကောက်ယူသွားမည်ဟု သိရသည်။

-------------------------------------------------------------------------------------------------------------

၁၃ နှစ်အတွင်း ၁၄ ဆကျော် မြင့်တက်ခဲ့သော ရွှေဈေးနှုန်း

ရွှေ အရောင်းအဝယ်မှာ ပြီးခဲ့သည့် ၁၀ စုနှစ်ဝန်းကျင်ဖြစ်သည့် ၂၀၀၀ ပြည့်နှစ်ကျော်ကတည်းက အရောင်းအဝယ် အေးစက်ခဲ့ပြီး ၂၀၁၀ ပြည့်နှစ် နိုဝင်ဘာလခန့်မှ စ၍ ယခုအချိန်အထိ ရွှေဝယ်ယူမှု ယခင်ထက်ပိုမိုများပြားလာပြီး ရွှေဈေးနှုန်းမှာလည်း ၁၉၉၇ ခုနှစ် က တစ်ကျပ်သားလျှင် ၄၇၃၆၇ ကျပ်သာ ရှိခဲ့သည့်အတွက် ၁၃ နှစ် တာကာလအတွင်း ဈေးနှုန်း ၁၄ ဆကျော် မြင့်တက်နေကြောင်း သိရသည်။

လက်ရှိ ပြည်တွင်းဈေးကွက်၌ ရွှေဈေးနှုန်းသည် နှုန်းရှင်ဖြင့်သွားနေ၍ ဈေးနှုန်းအတက်အကျသည် မြန်ဆန်နေ ခြင်းကြောင့် ဖေဖော်ဝါရီလ ၁၆ ရက်နေ့က အခေါက်ရွှေတစ်ကျပ်သားလျှင် ကျပ် ၆၈၀၀၀၀ ဖြစ်ခဲ့မှုသည် ၁၈ရက်နေ့ မှစတင်ကာ ကျပ် ၆၆၀၀၀၀ ကျော်သို့ ဈေးနှုန်းပြန်လည်ကျဆင်းခဲ့ပြီး ဖေဖော်ဝါရီလ ၂၁ ရက်နေ့တွင် အခေါက်ရွှေမှာ တစ်ကျပ်သားလျှင် ကျပ် ၆၆၉၀၀၀ ရှိနေကြောင်း ရွှေလုပ်ငန်းရှင်များအသင်းမှ သိရသည်။

Transparency Myanmar

transparency.myanmar@gmail.com

Welcome

Blog Archive

Labels

{chronicle2011:2920} သတင်းနှင့် ဆောင်းပါးများမှ ကောက်နှုတ်ချက်များ

{chronicle2011:2919} သတင်းဆောင်းပါး

{chronicle2011:2917} Sanctions များ ဆက်ထားမည်လား ရုတ်သိမ်းမည်လား

{chronicle2011:2916} ဂျပန်လူသုံးကုန် ဈေးနှုန်း ၂၃ လ မြောက် ကျဆင်း

{chronicle2011:2915} ရို့စ်ဒန်ကလေ ဖမ်းဆီးခံရမှုက ပေးလိုက်သည့် သင်ခန်းစာများ

{chronicle2011:2914} လောင်စာဆီဈေးနှုန်း တရုတ် မြှင့်တင်၍ ငွေကြေးဖောင်းပွမှု စိုးရိမ်ရ

{chronicle2011:2913} ပြည်ပပို့ကုန်ကြောင့် ထိုင်းစီးပွားရေး ပြန်လည် ခေါင်းထောင်

{chronicle2011:2912} ပြည်တွင်း သတင်းများ

ပြည်တွင်း ပုဂ္ဂလိက ဘဏ်အချို့ ATM ငွေထုတ် စနစ် စတင် အသုံးပြုရန် စီစဉ်

{chronicle2011:2912} ပြည်တွင်းပါတီ၊ နိုင်ငံရေး သတင်းများ

ကြားဖြတ်ရွေးကောက်ပွဲများအတွက် ကြိုတင်ပြင်ဆင်သင့်ဟု ဒေါက်တာ မြတ်ဥာဏစိုး ပြောကြား

{chronicle2011:2911} ပြည်တွင်း သတင်းများ

ပြည်တွင်း ပုဂ္ဂလိက ဘဏ်အချို့ ATM ငွေထုတ် စနစ် စတင် အသုံးပြုရန် စီစဉ်

transparency.myanmar@gmail.com

Subscribe To

Welcome

Blog Archive

Labels

ပြည်တွင်း ပုဂ္ဂလိက ဘဏ်အချို့ ATM ငွေထုတ် စနစ် စတင် အသုံးပြုရန် စီစဉ်

ကြားဖြတ်ရွေးကောက်ပွဲများအတွက် ကြိုတင်ပြင်ဆင်သင့်ဟု ဒေါက်တာ မြတ်ဥာဏစိုး ပြောကြား

ပြည်တွင်း ပုဂ္ဂလိက ဘဏ်အချို့ ATM ငွေထုတ် စနစ် စတင် အသုံးပြုရန် စီစဉ်