Transparency Myanmar

transparency.myanmar@gmail.com

yangonchronicle 2011
yangonchronicle 2011

 

၁၅.၅.၂၀၁၁

ပြည်တွင်းသတင်းများ

ထိုင်းနိုင်ငံရောက် မြန်မာရွှေ့ပြောင်းလုပ်သားများ တရားဝင်မှတ်ပုံတင်ခွင့် စိတ်ဝင်စား

ထိုင်းအစိုးရ ပြုလုပ်ပေးမည့် တရားဝင် အလုပ်လုပ်ခွင့်လက်မှတ် (work permit)ကိစ္စအား ထိုင်းနိုင်ငံသို့ တရားမဝင် ရောက်ရှိနေသည့် မြန်မာ ရွှေ့ပြောင်းအလုပ်သမားများ အထူးစိတ်ဝင်စားလျက်ရှိကြောင်းသိရသည်။

“ကျွန်တော်က အသစ်ရောက်လာတာမို့ ဘာလက်မှတ်မှ မရှိဘူး၊ ဒါကြောင့် ဘယ်ကိုမှမသွားလာရဲဘူး၊ အခု work permit လုပ်ဖို့ စာရင်းသွင်းထား ပြီးပြီ၊ ဘယ်လောက်ပဲ ကုန်ကျပါစေ၊ အေးအေးဆေးဆေးနေထိုင်ရဖို့အတွက် လုပ်ကို လုပ်ရမှာပဲ” ဟု အလုပ်လုပ်ခွင့်လက်မှတ် မရှိသေးသူတစ်ဦးက ပြော ကြားသည်။

ရာဘာစေးခြစ် လုပ်သားတစ်ဦးကလည်း “အလုပ်လုပ်ကိုင်ခွင့် လက်မှတ်ရရှိဖို့ သူဌေးကို ပြောထားပြီးပြီ၊ ဒီလက်မှတ်ရပြီးမှ ပတ်စပို့ လုပ်လို့ရမယ်၊ ပတ်စပို့ ရပြီးရင်တော့ မြို့ကြီးတွေဘက်ကို အလည် တခေါက်လောက် သွားချင်တယ်” ဟု ဆိုသည်။

ထိုင်းနိုင်ငံအတွင်း တရားမဝင် အလုပ် လုပ်ကိုင်နေသူများအား တနှစ်သက်တမ်း တရားဝင်အလုပ်လုပ် ကိုင်ခွင့် လက်မှတ် ထုတ်ပေးရန် ပြီးခဲ့သည့် ဧပြီလ ၂၆ ရက်နေ့တွင် ထိုင်းအစိုးရက ဆုံးဖြတ်ချက်ချခဲ့ကြောင်း Bangkok post သတင်းစာ၌ ရေးသားဖော်ပြခဲ့သည်။

လာမည့် ဇွန်လတွင် ပြုလုပ်ပေးမည်ဟု သိရပြီး လက်မှတ်မရှိသေးသော အလုပ်သမားအများအပြား စာရင်းပေးသွင်းထားကြကာ တစ်ဦးလျှင် ဘတ်ငွေ ၅၈၀၀ ခန့် ကုန်ကျကြောင်း အလုပ်သမားများထံမှ သိရသည်။

ယခုအကြိမ် အလုပ်လုပ်ကိုင်ခွင့် လက်မှတ်ထုတ်ပေးခြင်းသည် နောက်ဆုံးအကြိမ် ဖြစ်နိုင်သည်ဟု Bangkok post သတင်းစာ၌ ရေးသားဖော်ပြသည်။

“work permit မရှိ၊ ပတ်စပို့ မရှိရင် ဘယ်ကိုမှ သွားလို့မရဘူး။ ရဲတွေ ဖမ်းမိရင် ဒဏ်ငွေ ဘတ်နှစ်သောင်း သုံးသောင်းလောက် ဆောင်ရမယ်၊ မပေး နိုင်ရင်တော့ ပြန်အပို့ခံရမယ်။ ဒါ့ကြောင့် အေးအေးဆေးဆေး အလုပ်လုပ်ပြီး နေထိုင်နိုင်ဖို့ အားလုံးလိုလို လက်မှတ်လုပ်ကြတာချည်းပဲ” ဟု အလုပ်လုပ်ကိုင် ခွင့်လက်မှတ် ရရှိထားသူတစ်ဦးက ပြောကြားသည်။

အလုပ်လုပ်ကိုင်ခွင့်လက်မှတ် ရရှိပြီးသူများ တစ်နှစ်တကြိမ် သက်တမ်းတိုးရမည် ဖြစ်သည်။ ၂၀၁၀ ခုနှစ်တွင် အလုပ်လုပ်ကိုင်ခွင့်လက်မှတ် သက် တမ်းတိုးရန် အလုပ်သမား ၉၃၂ ၂၅၅ ဦး စာရင်းသွင်းထားသော်လည်း ယခုနှစ် ဖေဖေါ်ဝါရီလ ၂၈ ရက် သက်တမ်းတိုး ကုန်ဆုံးချိန်ထိ ၇၀၆ ၄၄၅ ဦးသာ သက်တမ်း တိုးခဲ့ပြီး ၂၂၅ ၈၁၀ ဦး ပျက်ကွက်ခဲ့ကြောင်း လွန်ခဲ့သည့် မတ်လ ၁၀ ရက်နေ့တွင် ထိုင်းအလုပ်သမားရေးရာဝန်ကြီးဌာနမှ ကြေညာချက် ထုတ် ပြန်ခဲ့သည်။

ထိုင်းနိုင်ငံရှိ နိုင်ငံခြားသား အလုပ်သမားများအနက် ကမ္ဘောဒီးယား၊ လာအိုနှင့် မြန်မာနိုင်ငံတို့မှ အလုပ်သမား ၂ သန်းနှင့် ၃ သန်းကြား ရှိနိုင် ကြောင်း Bangkok post သတင်းစာက ခန့်မှန်းရေးသားခဲ့သည်။

-----------------------------------------------------------------------------------------------------------------------------------

ကြက်ဥအတုများ ဈေးကွက်အတွင်း တစ်ကျော့ပြန်ဝင်ရောက်

ပျောက်ကွယ်နေသည်မှာ ကြာပြီဖြစ်သည့် ကြက်ဥအတုများသည် ယခုနှစ်တွင် ဈေးကွက်အတွင်းသို့ တစ်ကျော့ပြန် ဝင်ရောက်လာပြီဖြစ်ကြောင်း ကိုယ်တွေ့ကြုံသူများ၏ ပြောကြားချက်အရ သိရသည်။

ကြက်ဥအစစ်နှင့်ယှဉ်လျှင် ကြက်ဥအရောင်ဖျော့ကာ အရွယ်အစားလည်း ပိုကြီးကြောင်း၊ အလေးချိန်မှာလည်း သာမန်ကြက်ဥထက် အနည်းငယ် ပေါ့နေပြီး လှုပ်ကြည့်သည့်အခါ အရည်သံများ ကြားနေရကြောင်း၊ ကြက်ဥကိုဖောက် လိုက်သည့်အခါတွင်လည်း အနှစ်ကများပြီး အကာနည်းကာ ညှီစို့စို့အနံ့ အသက်များ ထွက်ပေါ်နေတတ်ကြောင်း ကိုယ်တွေ့ ကြုံသူများ၏ပြောပြချက်အရ သိရသည်။

ဈေးထဲတွင် ကြက်ဥအတုများ ပေါ်နေသည်ဟု သတင်းစကားများ ပေါ်ထွက်နေသော်လည်း မိမိအနေဖြင့် မယုံကြည်ခဲ့ကြောင်း၊ အဆိုပါ ကြက်ဥ အတုများကိုရောင်းသည့် ဈေးသည်သည် ကြက်ဥကိုဝယ်ယူသည့်အခါ ခလောက်ကြည့်ပြီး ဝယ်ယူသည်ကို ခွင့်မပြုကြောင်း ကြက်ဥအတုများ ဝယ်ယူမိခဲ့ သူတစ်ဦးက ပြောကြားသည်။

“ကျွန်တော်ကြုံရတုန်းက ကြက်ဥကိုခွဲလိုက်တော့ အနှစ်ကအများကြီး အကာကနည်းနည်း လေးပဲပါတယ်။ ဒါ ထူးခြားတယ်ဆိုပြီး နောက်တစ်လုံး ခွဲကြည့် တော့လည်း အဲဒီအတိုင်းပဲ။ အဲဒီကြက်ဥက အလုံးပိုကြီးတယ်။ အရောင်က နည်း နည်းဖျော့တယ်။ ကျန်းမာရေး ရှုထောင့်ကနေ ဘေးထွက်ဆိုးကျိုး ရှိလား၊ မရှိလားတော့ ကျွန်တော် မသိဘူး။ ကျွန်တော် သိရသလောက်တော့ အဲဒီကြက်ဥတွေက တရုတ်ဘက်ကလာတာ။ ဒီ ကြက်ဥကို အကင်ဆိုင်တွေ အများဆုံး သုံးကြတယ်။ ကြက်ဥပေါင်းအတွက် အသုံးများတယ်။ ဘာပဲဖြစ်ဖြစ်ပေါ့ဗျာ ဒါမျိုးတွေကို ဈေးကွက်မှာ မရောင်းသင့်ဘူး။ တချို့ ကြက်ဥရောင်းနေ တဲ့သူတွေ ကိုယ်တိုင် အတုလား၊ အစစ်လားမသိကြဘူး။ ဖောက်သည်ပို့တဲ့သူတွေက အများနဲ့ရောပြီး ပို့ကြတာဆိုတော့ အလွယ်တကူ မသိနိုင်ဘူးပေါ့”ဟု ကိုယ်တိုင်ကြုံတွေ့ခဲ့ရသူတစ်ဦးက ပြောကြားသည်။

“တရုတ်နယ်စပ်မှာ အလုပ်သွားလုပ်နေတဲ့ ကျွန်တော့်သူငယ်ချင်းတစ်ယောက် ပြောတာကတော့ ဓာတုဗေဒ နည်းနဲ့ စီမံထားတဲ့ ဆေးတစ်မျိုးနဲ့ ကြက်ကိုကျွေးတာတဲ့။ အဲဒီကြက်တွေကို ကြက်ခြံတွေ မှာသီးသန့်မွေးထားတာ။ ကြက် တွေကို အဲဒီအစာကျွေးပြီး ၁ဝ ရက်လောက်အတွင်းမှာ ဥ,ဥနိုင်တယ်။ ဥ,ဥတဲ့အခါ မှာလည်း ကြက်မတစ်ကောင်ကို ဥ အလုံး ၂ဝလောက်အထိ ဥနိုင်တယ်”ဟု ၎င်းက ဆက်လက်ပြောကြားသည်။

-----------------------------------------------------------------------------------------------------------------------------------

အင်တာနက်ဥပဒေ နားလည်ထားရန်လိုအပ်

မြန်မာနိုင်ငံ၌ အင်တာနက်အသုံးပြုသည့် Userများအနေဖြင့် အင်တာနက်အသုံးပြုရာတွင် သက်ဆိုင်ရာဥပဒေများကို နားလည်ပြီး အသုံးပြုရန် လိုအပ်ကြောင်း မြန်မာနိုင်ငံမှ အိုင်တီပညာရှင်တစ်ဦးကပြောကြားခဲ့သည်။

အင်တာနက်အသုံးပြုသည့် User များအနေဖြင့် အွန်လိုင်းနှင့် ဝက်ဆိုဒ်များပေါ်မှ တစ်ဦးဦးကို ထိခိုက်နစ်နာ စေချင်သည့် ရည်ရွယ်ချက်မျိုးဖြင့် တိုက်ခိုက်သည်ဖြစ်စေ၊ နိုင်ငံတော်နှင့် ပတ်သတ်သည့်မပာုတ်မမှန်သတင်းများ ရေးသားဖြန့်ဝေမှုပြုသည်ဖြစ်စေ၊ သက်ဆိုင်ရာဝက်ဆိုဒ် တာဝန်ရှိသူများ အနေဖြင့် မိမိတို့ဝက်ဆိုဒ်တွင် အထက်ပါ အကြောင်းအရာများနှင့်ပတ်သတ်၍ ရေးသားထားမှုများကို အချိန်မီတားမြစ်မှုများမလုပ်နိုင်ပါက ဝက်ဆိုဒ်တာဝန် ခံအား  ဥပဒေအရ ထိ ရောက်စွာအရေးယူနိုင်သည့်အတွက် သတိထားရန်လိုအပ်ကြောင်း ဥပဒေကျွမ်းကျင်သူတစ်ဦးက ပြောကြားခဲ့သည်။            

ပြည်တွင်းဝက်ဆိုဒ်များတွင် တာဝန်ရှိသူများအနေဖြင့် အမြဲတမ်းပင်စောင့်ကြည့်ပေးနေရန်လိုအပ်ကြောင်း၊ မိမိဝက်ဆိုဒ်တွင် အမြဲပင်ပြောင်းလဲမှု များ၊ ရေးသားမှုများကို သိရှိနေရမည်ဖြစ်ကြောင်း၊ မပာုတ်မမှန်ကန်သည့် သတင်းများကို မိမိဝက်ဆိုဒ်ပေါ်တွင် ရေးသားထားကြောင်းတွေ့ရှိရပါက ချက်ချင်း ပင် အရေးယူဆောင်ရွက်ရန်လိုအပ်ကြောင်း၊ မြန်မာအင်ဖိုတတ်ခ်မှ အထက်ပါလုပ်ရပ်များအပေါ် ရှုတ်ချခြင်းများ၊ တိုင်ကြားခြင်းများ ပြုလုပ်လာမည်ဆိုပါက အရေးယူဆောင်ရွက်ရသည့် အခြေအနေသို့ရောက်သွားနိုင်ကြောင်း  အပြည်ပြည်ဆိုင်ရာ ရှေ့နေလုပ်ငန်းလုပ်ကိုင်လျှက်ရှိသော ပုဂ္ဂိုလ်တစ်ဦးက ပြောကြားခဲ့သည်။

ထို့ပြင် သက်ဆိုင်ရာအွန်လိုင်းဥပဒေတွင် အချက်အလက်များကိုဖြစ်စေ(သို့) အချက်အလက်အစိတ်အပိုင်း တစ်ခုခုကိုဖြစ်စေ မရိုးဖြောင့်သော နည်းလမ်းဖြင့် ပေးပို့ဖြန့်ဝေမှုပြုလုပ်မည်ဆိုပါက ထောင်ဒဏ်နှင့် ဒဏ်ငွေကျခံနိုင်ကြောင်း၊ နိုင်ငံတော်၏လုံခြုံရေး၊ တရားဥပဒေစိုးမိုးရေးနှင့် နယ်မြေအေး ချမ်းသာယာရေး၊ တိုင်းရင်းသားစည်းလုံးညီညွှတ်ရေး၊ နိုင်ငံတော်၏စီးပွားရေး၊ အမျိုးသားယဉ်ကျေးမှုကိုထိခိုက်စေမည့် ပြစ်မှုကျုးလွန်မည်ဆိုပါက ထိရောက် စွာအရေးယူမှု ခံရနိုင်ကြောင်း အွန်လိုင်းဥပဒေများတွင် ဖော်ပြထားကြောင်းသိရသည်။

(မြန်မာတိုင်းမ်၊ အတွဲ-၂၆၊ အမှတ်-၅၁၇ ပါ “အင်တာနက်အသုံးပြုသူများ သက်ဆိုင်ရာဥပဒေများကို နားလည်ထားရန်လိုအပ်” သတင်းအား အကျဉ်းချုံး ဖော်ပြသည်)

 ×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

 ပြောင်းလဲမှုပုံစံ(၃)မျိုးနှင့် ရပ်ကွက်အုပ်ချုပ်ရေးမှူး

ရပ်ကွက်အုပ်ချုပ်ရေးမှူးများ ခန့်အပ်သည့်ကိစ္စရပ်နှင့်ပတ်သတ်၍ မဲဆန္ဒရှင်များသည် ရပ်ကွက်အုပ်ချုပ်ရေးမှူးများကို ခန့်အပ်ရာတွင် မဲဆန္ဒရှင် များသည် ပုံစံ သုံးမျိုးဖြင့် အပြောင်းအလဲလုပ်လိုကြောင်း သိရသည်။

ရပ်ကွက်အုပ်ချုပ်ရေးမှူးများကို မဲဆန္ဒရှင်များက အပြောင်းအလဲလုပ်လိုသည့်ပုံစံများမှာ စနစ်ပြောင်း လူမပြောင်းသည့်ပုံစံ၊ စနစ်ပြောင်းလူပြောင်း ပုံစံနှင့် မဲဆန္ဒရှင်များစိတ်ကြိုက် ရပ်ကွက်အုပ်ချုပ်ရေးမှူးကို ရွေးချယ်တင်မြှောက်လိုခြင်းစသည့် ပုံစံသုံးမျိုးပင်ဖြစ်ကြောင်း သင်္ဃန်းကျွန်းမြို့နယ် ပြည်သူ့ လွှတ်တော် အမတ် ဦးသိန်းညွှန့်ကပြောကြားခဲ့သည်။

ပြည်သူများမှာ ရပ်ကွက်၊ ကျေးရွာ အုပ်ချုပ်ရေးမှူးများကို ရွေးချယ်ရာ၌ သက်ဆိုင်ရာ မဲဆန္ဒရှင်များ ယုံကြည်လေးစားရသည့် ပုဂ္ဂိုလ်များကို မဲဆန္ဒ နှင့်အညီ ရွေးချယ်တင်မြှောက်ခြင်းဖြင့် ဖြေရှင်းသင့်ကြောင်း မြို့တော်ဝန်ပောာင်း တောင်ဥက္ကလာပမြို့နယ်မှ ပြည်သူ့လွှတ်တော်ကိုယ်စားလှယ် ဦးအောင် သိန်းလင်းကလည်း မေလ ပထမပတ်ထုတ် လျှပ်တပြတ်ဂျာနယ် အင်တာဗျူးအခန်းကဏ္ဍတွင်ဖော်ပြခဲ့စသည်။

ယခုကဲ့သို့ မဲဆန္ဒရှင်များသည် ပုံစံသုံးမျိုးဖြင့် ဖြစ်နေသည့်အတွက် ရွေးချယ်ရန်ခက်ခဲပြီး ပြည်သူများ ထိခိုက်နစ် နာမှုမရှိနိုင်စေရန် ယခင် ရပ်ကွက်၊ ကျေးရွာ အုပ်ချုပ်ရေးမှူးများ၏ လုပ်ဆောင်မှုပုံစံများကို ကြည့်ရှု၍ မဲဆန္ဒရှင်များကို အဆုံးအဖြတ်ပေးသင့်ကြောင်း ဦးသိန်းညွှန့်က ဆက်လက်ပြောကြား ခဲ့သည်။

ရပ်ကွက်၊ ကျေးရွာများရှိ အုပ်ချုပ်ရေးမှူးများကိုခန့်အပ်ရာတွင် အုပ်ချုပ်မည့်ပုဂ္ဂိုလ်များ၏ အဆင့်အတန်း၊ ပညာအရည်အချင်း၊ မဲဆန္ဒရှင်များ၏ ယုံကြည်လေးစားခံရမှုနှင့် ကိုယ်ကျင့်သိက္ခာကောင်းမွန်မှုများကို ကြည့်ရှု၍သာ ခန့်အပ် သင့်ကြောင်း နိုင်ငံရေးပါတီတစ်ခုမှ တာဝန်ရှိသူတစ်ဦးက ပြောကြား ခဲ့သည်။

ယခုကဲ့သို့ ရပ်ကွက်၊ ကျေးရွာများရှိ အုပ်ချုပ်ရေးမှူးများကို ခန့်အပ်သည့် ကိစ္စရပ်သည် ရေကိစ္စ၊ မီးကိစ္စ ကဲ့သို့သော ကိစ္စရပ်များကဲ့သို့ ပြည်သူများ စိတ်အဝင်စားဆုံးမေးခွန်းတစ်ခုဖြစ်လာနိုင်ကြောင်းသိရသည်။

(Popular News Journal ၊အတွဲ-၃၊ အမှတ်-၁၈၊ ပါ ရပ်ကွက်အုပ်ချုပ်ရေးမှူးအပြောင်းအလဲလုပ်လိုမှု ပုံစံ(၃) မျိုးဖြစ်နေ သတင်းအား အကျဉ်းချုံး ဖော်ပြသည်)

 ××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

"ကျွန်တော်တို့နိုင်ငံမှာ ပညာရေးစနစ်အနေနဲ့ပြောမယ်ဆိုရင် ဆရာဝန်ပညာကိုသင်ပြီး ဆရာဝန်အလုပ်ကို မလုပ်တဲ့သူတွေထက် စိုက်ပျိုးရေးဘွဲ့ရပြီး ကျေးလက်ထိဆင်းပြီး ပညာပေးမယ့်အဆင့်မျိုးကို မွေးထုတ်ဖို့လိုပါတယ်"

မေ ၉ ထုတ် The Messenger အတွဲ(၁) အမှတ်(၅၁) တွင်ပါသည့် "လယ်ယာစိုက်ပျိုးရေးကဏ္ဍတွင် စိုက်ပျိုးရေးပညာ ရှင်များ နည်းပါဟုဆို" သတင်းမှ ဆန်စပါးလုပ်ငန်းရှင်အသင်းဥက္ကဋ္ဌ ဦးချစ်ခိုင်၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"ကျွန်တော်ဒီမှာ နည်းနည်းပြောချင်တာက ယဉ်ကျေးမှုတစ်ရပ်ဟာ ကိုင်တွယ်လို့ရတဲ့အရာ၊ လမ်းတွေ၊ တံတားတွေ၊ အဆောက်အအုံကြီးတွေ၊ စက်ရုံကြီး တွေအစရှိသည်ဖြင့် ဒါတွေဟာ လူတွေတည်ဆောက်ထားတဲ့ ဒုတိယဝန်းကျင်လို့ ခေါ်အပ်တဲ့ ယဉ်ကျေးမှုအဆောက်အအုံပါ။ ဒီယဉ်ကျေးမှုအဆောက်အုံကို မြင်လို့ရတယ်။ ကိုင်လို့ရတယ်။ သို့သော်လည်း ကိုင်တွယ်လို့မရတဲ့ Intellectual culture ဆိုတာလည်းရှိပါတယ်။

ဒါကဘာလဲဆိုတော့ လူရဲ့ခံစားချက်တွေ လူရဲ့စိတ်ကူးစိတ်သန်းတွေ ဒါတွေကတော့ မမြင်နိုင်တဲ့ ယဉ်ကျေးမှု၊ မြင်လို့ရ၊ ကိုင်တွယ်လို့ရတဲ့၊ လူတွေ တည်ဆောက်တဲ့ဝန်းကျင်ဖြစ်တဲ့ ဒုတိယဝန်းကျင်ကို တကယ်သယ်ဆောင်သွားတာ၊ တကယ်ပြဋ္ဌာန်းတာဟာ ခုနကကျွန်တော်ပြောတဲ့ မမြင်နိုင်၊ မမြင်အပ် တဲ့ လူရဲ့စိတ်ဓာတ်၊ လူရဲ့ အသိဉာဏ်၊ လူရဲ့ခံစားချက်၊ မမြင်နိုင် မမြင်အပ်တဲ့ ယဉ်ကျေးမှုဟာ အင်မတန်ကျယ်ပြန့်ပါတယ်"

မေ ၁၃ရက် ထုတ် လျှပ်တစ်ပြတ်သတင်းဂျာနယ် အတွဲ(၃) အမှတ်(၃၆) တွင်ပါသည့် ဆောင်းပါးရှင် ဘလတ်တူ ၏ "လူ့လောက ကမ္ဘာမြေ ပေါ်မှာ လူလို နေတက်သွားတက်ဖို့ လိုတယ်" ဆောင်းပါးမှ ဆရာနန္ဒသိန်းဇန်၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"လောလောဆယ်မှာ နိုင်ငံ့လူဦးရေရဲ့ ၂၆ ဒဿမ ၅ ရာခိုင်နှုန်းဟာ တစ်နေ့ဝင်ငွေတစ်ဒေါ်လာအောက်နဲ့ရပ် တည်နေကြတာပါ။ UN ကနေ သတ်မှတ် ထားတဲ့ Proverty Line က တရက်ဝင်ငွေကို အမေရိကန်ဒေါ်လာ ၁ ဒဿမ ၂၅ ဒေါ်လာ သတ်မှတ်ပါတယ်။ လက်ရှိအချိုးအစားအရ တကယ်လို့များ ၃၅ ရာခိုင်နှုန်းလောက်အထိ မြင့်တက်လာမယ်ဆိုရင် ဒါဟာ နိုင်ငံအတွက်ရော၊ ကုလသမဂ္ဂအတွက်ရော စိန်ခေါ်မှုတစ်ရပ်ပါ။ ဒါကြောင့်မို့လို့ ဆင်းရဲမွဲတေမှု ကိစ္စ တွေကို ကိုင်တွယ်ဖြေရှင်းနိုင်ဖို့ လိုပါတယ်။ UN အနေနဲ့ကတော့ ၂၀၁၅ ခုနှစ်ကို ဆင်းရဲမွဲတေမှုဆွဲချရေးအတွက် ထောင်စုနှစ် ရည်မှန်းချက် (Millennium Development Goals-MDG) အဖြစ်သတ်မှတ်ထား ပါတယ်။ လက်ရှိအခြေအနေက ၂၀၁၁ ဆိုတော့ တဖြည်းဖြည်းနဲ့ကပ်လာပါပြီ"

မေ ၁၃ ထုတ် BiWeekly ELEVEN အတွဲ(၆) အမှတ်(၄) တွင်ပါသည့် "တစ်နေ့လျှင် အမေရိကန်ဒေါ်လာ တစ်ဒေါ်လာ အောက်ဝင်ငွေရရှိသည့် ပမာဏ ၂၆ ဒဿမ ၅ ရာခိုင်နှုန်းရှိနေ" သတင်းမှ UNESCAP မှ တာဝန်ရှိသူတစ်ဦး၏ ပြောကြား ချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"ကျွန်မက အထည်ချုပ်စက်ရုံမှာ စက်ချုပ်ဝင်လာတာ ၁၀ နှစ်ကျော်ရှိပြီ၊ အရင်ကလုပ်တဲ့ စက်ရုံတွေကပိတ်တော့ စက်ရုံပြောင်းပြီးလုပ်လာတာ၊ စက်ရုံ သုံးရုံ ရှိပြီ။ အခုဒီစက်ရုံကလည်း အခြေခံလစာ ၄၀၀ကျော်ဘဲရ တော့ လစာများတဲ့ စက်ရုံကိုပဲ ပြောင်းရွှေ့တော့မယ်"

မေ ၁၂ ထုတ် "အထည်ချုပ်စက်ရုံဝန်ထမ်းများ အခြေခံလစာများနည်း၍ စက်ရုံပြောင်းရွှေ့သူများပြားလာ" သ တင်းမှ မင်္ဂလာဒုံစက်မှုဇုန်သို့ ပြောင်းရွှေ့လုပ်ကိုင်မည့် အထည်ချုပ်အလုပ်သမားတစ်ဦး၏ ပြောကြားချက်အပေါ် ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

ကျောင်းဖွင့်ချိန်ဝယ်

ရွေးကောက်ပွဲကာလများက ကိုယ်စားလှယ်လောင်း အတော်များများ ရွှန်းရွှန်းဝေအောင် ပြောဆိုစည်းရုံးခဲ့ကြသည့် မက်လုံးတစ်ခုမှာ ပညာရေး ကဏ္ဍကို ပြုပြင်ပြောင်းလဲမည်ဟူ၍ ဖြစ်သည်။ ပညာရေးကဏ္ဍတွင် မူလတန်းစနစ်ကို အခမဲ့ မသင်မနေရ ပြဋ္ဌာန်းနိုင်ရန်၊ ပညာရေးကို အဆင့်မှီ ပြောင်းလဲ နိုင်ရန်  ကြိုးပမ်းမည်ဟု ကတိများပေးခဲ့ဖူးသည်။

သို့ရာတွင် အခမဲ့မူလတန်းပညာရေးသည် မဲဆွယ်စည်းရုံးရန် မလိုအပ်လောက်အောင် ဖွဲ့စည်းပုံအခြေခံတွင် ပြဋ္ဌာန်းပြီးဖြစ်သည်ကို အမတ်မင်း များ သိရှိကြဟန်မတူ။ ထိုအချက်ကို ထောက်ပြပြောဆိုရာတွင် ဖွဲ့စည်းပုံတွင် ပြဋ္ဌာန်းထားသော်လည်း လက်တွေ့တွင် အကောင်အထည်မပေါ်သေး၍ ကြိုးပမ်းမည်ဟု ကတိပေးရခြင်းဖြစ်ကြောင်း အမတ်မင်း အချို့က ပြန်လည်ဖြေကြားခဲ့သည်။

လွှတ်တော်တွင် ပညာရေးနှင့် ပတ်သက်သည့်အဆိုကို အလုံမဲဆန္ဒနယ်မှ ဦးခင်မောင်ရည်က တင်သွင်းပြီး ၎င်းနှင့် ပါတီတူ ဂိုဏ်းကွဲ ဦးကြည်မြင့်က ထောက်ပြကန့်ကွက်သည်။ ၎င်း၏အဆိုတွင် ပညာရေး၏ကျောရိုးကို ပြောင်းလဲရန်၊ အလယ်တန်းအထိ အခမဲ့မသင်မနေရ ပြဋ္ဌာန်းပေးရန်တို့ ပါဝင်ပြီး ဦးကြည်မြင့်က ထိုကိစ္စသည် စေတနာကောင်းတိုင်း ပြုလုပ်နိုင်မည့် ကိစ္စမဟုတ်ကြောင်း၊ ဗြိတိန်ကဲ့သို့ နိုင်ငံကြီးတွင်ပင် မူလတန်းအခမဲ့သာ ရှိသေးကြောင်း လူနေမှုမြင့်မားရန်လည်း လိုသေးကြောင်း ထောက်ပြခဲ့သည်။

ပညာရေးဝန်ကြီး ဒေါက်တာချမ်းငြိမ်းကလည်း လက်ရှိပညာရေး စနစ်မည်မျှ ကောင်းမွန်နေ ကြောင်း၊ ၎င်းလက်ထက်တွင် ကျောင်းပေါင်းမည်မျှ၊ ဘွဲ့ရမည်မျှ တိုးတက်လာကြောင်း၊ အာဆီယံ တက္ကသိုလ်များတွင် မြန်မာနိုင်ငံမှ ကျောင်းသားများ တိုက် ရိုက်ချိတ်ဆက် တက်ရောက်နိုင်သယောင်ယောင် ဇောင်းပေး၍ ပြန်လည်ချေပ သွားခဲ့သည်။ ထို့ကြောင့် ပညာရေးကဏ္ဍတွင် လက်ရှိသင်ရိုးကို ပြင်ဆင်ရန် မဖြစ်နိုင်သေးကြောင်း သိရှိခဲ့ပြီးဖြစ်သည်။ ဤအချက်သည် မြန်မာနိုင်ငံ၏ ပညာရေးမှာ အဆင့်မမှီမှန်းသိလျှက်နှင့်ပင် မျိုချလိုက်ရသော အချက်တစ်ချက် ဖြစ်သည်။ အမတ်မင်းများ မည်သို့မျှမတတ်နိုင်ချေ။

ဒုတိယအချက်ဖြစ်သည့် ဦးကြည်မြင့်တို့ ထောက်ပြပြောဆိုသော ဖွဲ့စည်းပုံပါ အခမဲ့မူလတန်းပညာရေးကို ဆက်ရလျှင် စစ်အစိုးရ လက်ထက် ကပင် ကျောင်းနေအရွယ်ကလေး ကျောင်းအပ်နှံရေး၊ ကျောင်းအပ်နှံရေး ရက်သတ္တပတ် စသည်ဖြင့် ချို့တဲ့သူများ ကျောင်းအပ်နိုင်ရန် ကြိုးပမ်းခဲ့ဖူးသည်။ သို့ရာတွင် မည်သည့်ကလေးမျှ ငွေကြေး တစ်ပြားတစ်ချပ်မျှမကုန်ဘဲ ကျောင်းအပ်ခဲ့ရသည်ဟု ကြားဖူးကြမည်မထင်ချေ။ ဤအချက်သည် အစိုးရ၏ အပြစ် လည်းမဟုတ်သလို၊ စာသင်ကျောင်းများ၏ ခြစားမှုတစ်ခုလည်းမဟုတ်ချေ။ မိဘများကိုယ်တိုင်ကပင်လျှင် ကျောင်းအပ်လျှင် ပိုက်ဆံပါမှရမည်ဟု သဘော ပေါက်ပြီးသောကြောင့် ဆင်းရဲသောမိဘပင်လျှင် မိမိကလေး ကျောင်းထားနိုင်ရန် အနည်းဆုံးတော့ ထမင်းတစ်နပ် အငတ်ခံကာ ကျောင်းအပ်ကြသော ကြောင့် ဖြစ်သည်။ ကျောင်းက စေတနာရှိသလောက် အလှူငွေထည့်ပါဆိုလျှင် မိမိသားသမီးမျက်နှာမငယ်ရန် ကြွယ်ဝသူများမလောက် မလှူနိုင်သော် လည်း အများနှင့်တန်းတူတော့ လှူခဲ့ကြပြီး မည်သည့် ကျောင်းဆရာ၊ ဆရာမကမျှ စောဒက တက်ခြင်းမရှိဘဲ ကျောင်းအပ်လျှင် ငွေပေးရသည်၊ ချမ်းသာလျှင် ပိုပေးရပြီး ချို့တဲ့လျှင် အများတန်းတူပေးရမည်ဟူသော ယဉ်ကျေးမှုကို ကျောင်းဆရာနှင့်မိဘ နှစ်ဘက်လုံးက ယဉ်ကျေးမှုတစ်ခုလို လက်ခံထားကြသော ကြောင့် ဖြစ်သည်။

အချို့နာမည်ကြီးကျောင်းများသည် လူဂုဏ်တန် သားသမီးများသာ တက်ရောက်လေ့ရှိပြီး ကျောင်းအပ်ခမှာလည်း သိန်းချီ၍ တောင်းလေ့ရှိသည်။ ဤသည်မှာ ထိုကျောင်းတွင် ကျောက်သင်ပုန်းအနက်များသုံး၍ မြေဖြူမှုန့် များကြောင့် ဆရာနှင့်ကျောင်းသားများ အသက်ရှုလမ်းကြောင်းဆိုင်ရာ ရောဂါများ ရနိုင်သည့်အတွက် ဝှိုက်ဘုတ်များသုံးရန် ငွေကြေးတစ်ရပ်ဖြစ်သကဲ့သို့၊ ရေအေးစက်ပါ သောက်ရေသန့်များ ဝယ်ယူသုံးစွဲနိုင်သဖြင့် ကလေးများ ကျန်းမာရေး စောင့်ရှောက်ပြီးသကဲ့သို့လည်းဖြစ်ရာ ကျောင်း၏ပုံရိပ်ကို တိုးတက်စေသည်။ သို့ရာတွင် ထိုကျောင်းဧရိယာတွင် ပါဝင်သော ချို့တဲ့ကလေးမှာ ထိုကဲ့သို့ သိန်းချီသော ကျောင်းအပ်ခကို မည်သို့ တတ်နိုင်ပါမည်နည်း။ ထို့ကြောင့် အခြား သက်သာသော ကျောင်းများသို့ တက်ရသည်။ အနီးအနားတွင် မတက်နိုင်၍ ကားခငွေနှင့် အချိန်ကုန်ရသည်။ ထိုအခါ မိဘကွယ်ရာဖြစ်၍ ကျောင်းပြေးခြင်းမှ ကလေးပျောက်ခြင်းအထိ ဖြစ်ပွားနိုင်ပေသည်။ အနီးအနားတွင် တက်ရ မည်ဆိုပါကလည်း အထက်တွင် ဖော်ပြပြီးသကဲ့သို့ ချေးငှား၍လည်းကောင်း၊ အငတ်ခံ၍ လည်းကောင်း အများနည်းတူ အကုန်ကျခံကြသည့် ယဉ်ကျေးမှု ကိုသာ ပြန်ရောက်သည်။

ထိုသို့ သံသရာလည်နေသော ယဉ်ကျေးမှုတစ်ခုကို အမတ်မင်းများက လွယ်လွယ်ကူကူ ကတိပေးခဲ့ကြပြီး မည်သည့်အပြောင်းအလဲမျှ မပြုလုပ် နိုင်သေးဘဲ အမတ်မင်းများ၏ သားသမီးများပင် ကျောင်းအပ်ရန် ငွေပေးနေကြရသည်။ သို့ဆိုလျှင် အမတ်မင်းများအနေဖြင့် ယခုအခြေအနေကို မည်သို့ပြု ပြင်နိုင်မည်နည်း၊ မည်သို့ ပြုလုပ်နိုင်မည် နည်းဆိုသည်ကို စဉ်းစားကြရန် လိုအပ်နေပေသည်။ သားသမီးကို အငတ်ခံ၍ ကျောင်းထားခဲ့သည်၊ အကြွေးတင်ခံ ကျောင်းထားခဲ့သည်ဟု မိဘတို့၏ ပီတိကို အသိအမှတ်ပြုသော်လည်း ဤယဉ်ကျေးမှုသည် ရေရှည်ကောင်းသည့် ယဉ်ကျေးမှုတော့မဟုတ်ချေ။ နိုင်ငံသား တစ်ဦး ဖွဲ့စည်းပုံပါ ရပိုင်ခွင့်ဖြစ်သည့် အခမဲ့မူလတန်းစနစ်ကို မဖြစ်မနေ ခံစားရရှိရန်လိုသည်။

လွှတ်တော်ကိုယ်စားလှယ်ကြီးများအနေဖြင့် ပညာရေးကဏ္ဍကို အဆင့်မြင့်ပြုပြင်ပြောင်းလဲရန် မစွမ်းနိုင်စေကာမူ အမတ်မင်းတစ်ဦး၏ လုပ်ပိုင်ခွင့် အရ မိမိကိုယ်စားပြုရာနယ်မြေတွင် ကျောင်းအပ်နှံကြရာ၌ မူလတန်းအဆင့်တွင် အခမဲ့ပညာရေးကို ကျင့်သုံးချင်းရှိမရှိ၊ အကယ်၍ ချို့တဲ့၍ မအပ်နိုင်လျှင်ပင် အခမဲ့ပညာရေးစနစ်သည် နိုင်ငံသားတစ်ဦးအနေဖြင့် မဖြစ်မနေ ရပိုင်ခွင့်ရှိသည်ကို အများပြည်သူ သိရှိလက်ခံလာရန် ပြောဆိုစည်းရုံးခြင်း၊ ကျောင်းများသို့ လည်း အလှူငွေ ကောက်ခံစေကာမူ သက်ဆိုင်ရာကျောင်းဧရိယာရှိ ချို့တဲ့ကလေးများ အခမဲ့ပညာသင်ကြားနိုင်ရန် ကျောင်းအုပ်ကြီးများနှင့် ညှိနှိုင်း စည်းရုံး ခြင်းများကို ပြုလုပ်ပေးနိုင်ပါသည်။

ထိုသို့ အခမဲ့ကျောင်းအပ်နှံရေး လှူပ်ရှားမှုမျိုးမှာ အထက်တွင်ဖော်ပြခဲ့သလို လွှတ်တော် ကိုယ်စားလှယ်တစ်ဦး၏ လုပ်ပိုင်ခွင့်ဘောင်အတွင်းမှ ဖြစ်ပြီး ပြည်ထောင်စုလွှတ်တော်အဆင့်များတွင်ပင် တင်ပြရန်မလိုဘဲ တိုင်းဒေသကြီးလွှတ်တော်များ၌ပင် ဆွေးနွေးပြောဆိုနိုင်သည်ဖြစ်ရာ မကြာမီ ကျ ရောက်လာတော့မည့် ကျောင်းအပ်နှံရေးကာလတွင် လွှတ်တော်ကိုယ်စားလှယ်ကြီးများသည် မိမိသက်ဆိုင်ရာ နယ်မြေများတွင် အခမဲ့ကျောင်းအပ်နှံရေးကို ကြိုးပမ်းဆောင်ရွက်ပေးနိုင်ပါရန် အကြံပြု တင်ပြလိုက်ရပါသည်။

×××××××××××××××××××××××××××××××××××××××××××××××××××××××××××××××


Google Docs makes it easy to create, store and share online documents, spreadsheets and presentations.
Logo for Google Docs