Transparency Myanmar

transparency.myanmar@gmail.com

yangonchronicle 2011
yangonchronicle 2011

၁၁.၆.၂၀၁၁

ပြည်တွင်းသတင်းများ

ထားဝယ်သို့ မှတ်ပုံတင်မပါဘဲ လာရောက်က အရေးယူမည်

ရန်ကုန်၊ ဇွန်၁၁။

တနင်္သာရီတိုင်း၊ ထားဝယ်ဒေသသို့ နိုင်ငံသားမှတ်ပုံတင်မရှိဘဲ လာရောက်ပါက ဖမ်းဆီးအရေးယူမည်ဖြစ်ကြောင်း ထားဝယ်ခရိုင်မှ ရဲအရာရှိ တစ်ဦးက ဆိုသည်။

အဆိုပါ တာဝန်ရှိသူက “ထားဝယ်ဒေသမှ မဟုတ်ပါဘူး၊ ဘယ်ဒေသကိုမဆို ခရီးသွားရင် နိုင်ငံသားမှတ်ပုံတင် ယူဆောင်သွားရပါတယ်။ မှတ်ပုံတင် မပါရင် လူဝင်မှုကြီးကြပ်ရေးဥပဒေနဲ့ အရေးယူလို့ရပါတယ်” ဟုဆိုသည်။

မြန်မာပြည်အတွင်းရှိ ဒေသများသို့ ခရီးသွားလာရာတွင် နိုင်ငံသားမှတ်ပုံတင် မပါကလည်း ရပ်ကွက်ထောက်ခံချက်ဖြင့် ခရီးသွားလာနိုင်ကြောင်း သိရှိရသည်။

ထားဝယ်ဒေသကိုဖြတ်ကာ မလေးရှားနှင့် ထိုင်းနိုင်ငံသို့ တရားမဝင် သွားရောက်အလုပ် လုပ်ကိုင်သူများရှိသဖြင့် ယင်းကဲ့သို့ ပြင်းထန်စွာ အရေးယူ ရခြင်းဖြစ်ကြောင်း သိရှိရသည်။

ရန်ကုန်မှ ထားဝယ်သို့အပတ်စဉ် ကုန်းလမ်းခရီးဖြင့် သွားရောက်နေသူတစ်ဦးက “မေလနောက်ဆုံးပတ်ကစပြီး ထားဝယ်ကို သွားနေကျလူတွေပဲ သွားလို့ရတယ်၊ သွားနေကျလူဆိုတာ သွားပါများလို့ စစ်ဆေးရေးတွေနဲ့ မျက်နှာချင်း ရင်းနှီးနေသူကိုဆိုလိုတာပါ။ ဒီလိုလူမျိုးမဟုတ်ရင်တော့ ထားဝယ်မှာ အမျိူးဖြစ်ဖြစ်၊ နယ်ခံမိတ်ဆွေဖြစ်ဖြစ်မရှိရင် ထားဝယ်အဝင် စစ်ဆေးရေးစခန်းမှာတင် ဆွဲပြီးစစ်ဆေးတယ်၊ မှတ်ပုံတင်မပါဘူးဆိုရင် တစ်ခါတည်း အကျဉ်း ချတယ်”ဟု ပြောကြားသည်။

ရန်ကုန်မှထားဝယ်ဒေသတွင် သွားရောက် အလုပ်လုပ်ကိုင်သူတစ်ဦးက “ကျွန်တော်တို့အဖွဲ့က ဆောက်လုပ်ရေး လုပ်ငန်းခွင်တွေများတဲ့ ဒေသ တွေကို သွားရောက် အလုပ်လုပ်ကိုင်တဲ့ အဖွဲ့ပါ။ ဆေးသုတ်တာကို အဓိကလုပ်တာပါ၊ ဇွန်လ ၂ ရက်နေ့က ထားဝယ်ကိုသွားပြီး အလုပ်လုပ်တော့ ထားဝယ် အဝင် ၁၀ မိုင်အလိုက စစ်ဆေးရေးစခန်းမှာတင် သူငယ်ချင်း ၅ယောက်ကို မှတ်ပုံတင်မပါတဲ့အမှုနဲ့ ဖမ်းထားတယ်လို့ သတင်းကြားရတယ်။ ကျွန်တော်က အဖမ်းအဆီးများတယ်ကြားတော့ ဘားအံကနေ ရန်ကုန်လှည့်ပြန်လာခဲ့တယ်” ဟု ဆိုသည်။

ယင်းကဲ့သို့ ထားဝယ်ဒေသအဝင်တွင် ဖမ်းဆီးစစ်ဆေးမှုများနေခြင်းသည် ထားဝယ်ဒေသသို့ ဖြတ်သန်းကာ မလေးရှားနှင့် ထိုင်းနိုင်ငံသို့ တရား မဝင် သွားရောက်အလုပ် လုပ်ကိုင်သူများရှိသဖြင့် ယင်းကဲ့သို့ ပြင်းထန်စွာ အရေးယူရခြင်း ဖြစ်ကြောင်း သိရှိရသည်။

မေလကလည်း နေပြည်တော်သို့ နိုင်ငံသားမှတ်ပုံတင်မပါက မလာရဟူသော အမိန့်များထုတ်ပြန်ခဲ့သည့်အတွက် ဆောက်လုပ်ရေး လုပ်ငန်းခွင် နှင့် ဆက်စပ်လုပ်ကိုင်နေသူ လုပ်သားများ ထိခိုက်ခဲ့ကြောင်း သိရှိရသည်။

ကျော်စွာ

-----------------------------------------------------------------------------------------------------------------------------------

ပုဂ္ဂလိကသတင်းစာ ထုတ်ဝေခွင့်မပြုသေး

ပြည်ထောင်စု မြန်မာနိုင်ငံ အစိုးရသစ်လက်ထက်၌ မီဒီယာလွတ်လပ်ခွင့် ဆောင်ရွက်မှုများကို လုပ်ဆောင်နေပြီ ဖြစ်သော်လည်း လတ်တလော၌ ပုဂ္ဂလိနေ့စဉ်ထုတ် သတင်းစာများကို ခွင့်ပြုရန်မဖြစ်နိုင်သေးကြောင်း ပြန်ကြားရေးဝန်ကြီးဌာနမှ တာဝန်ရှိသူတစ်ဦးက ပြောကြားခဲ့သည်။

၂၀၁၁ ခုနှစ် ဇွန်လ (၁၀) ရက်နေ့မှ စတင်ပြီး ထပ်မံ၍ ပြည်တွင်း ဂျာနယ်၊ မဂ္ဂဇင်း(၁၇၈) မျိုး စာပေစိစစ်ရေး တင်ပြရန် မလိုတော့ဘဲ ထုတ်-တင် စနစ်ဖြင့် ထုတ်လုပ်ရန် ခွင့်ပြုခဲ့ပြီးဖြစ်ကြောင်း၊ ယခုခွင့်ပြုလိုက်သည့် ဂျာနယ်၊ စာစောင်များသည် စာပေစိစစ်ရေးတင်ရန် မလိုအပ်တော့သည့်အတွက် နောင်ဖြစ်လာမည့် ပြဿနာကိစ္စရပ်များသည် ထုတ်ဝေသူနှင့် အယ်ဒီတာအဖွဲ့ထံတွင်သာ တာဝန်ရှိလာမည်ဖြစ်ကြောင်း၊ သက်ဆိုင်ရာဌာနများမှ တားမြစ် ထားသည့် စည်းကမ်းချက်များကို လိုက်နာဆောင်ရွက်ရန် လိုအပ်ကြောင်း စာပေစိစစ်ရေးနှင့် မှတ်ပုံတင်ဌာမှ တာဝန်ရှိသူတစ်ဦးက ပြောကြားခဲ့သည်။

ထုတ်-တင်စနစ်ဖြင့် ခွင့်ပြုခြင်းခံရသည့် ဂျာနယ်၊ မဂ္ဂဇင်းများသည် မှားယွင်းမှုများ လုပ်ခဲ့သော် စာပေစိစစ်ရေး တင်ရဦးမည့် ကျန်ရှိနေသေးသည့် ဂျာနယ်၊ မဂ္ဂဇင်းများကို အခွင့်အရေးပေးတော့မည် မပာုတ်ကြောင်း သိရသည်။ အုပ်စု (၁) အမျိုးအစားကို စောင့်ကြည့်နေမည်ဖြစ်ပြီး အုပ်စု (၁) အလား အလာ ကောင်းမှသာ အုပ်စု(၂)အား ထပ်မံခွင့်ပြုမည်ဖြစ်ကြောင်း သိရသည်။

၎င်း ခွင့်ပြုခြင်းခံလိုက်ရသည့် ဂျာနယ်၊ မဂ္ဂဇင်းများသည် နိုင်ငံတော် တည်ငြိမ်ရေး၊ လုံခြုံရေးနှင့် ဒို့တာဝန် အရေးသုံးပါး ထိန်းသိန်းစောင့်ရှောက် ရေး၊ နိုင်ငံသားတို့၏ တာဝန်နှင့် ဝတ္တရားများကို လေးစားလိုက်နာရမည် ဖြစ်ကြောင်း သိရသည်။

စာနယ်ဇင်းအဖွဲ့များမှ ပုဂ္ဂိုလ်များ ပါဝင်သည့် စိစစ်သုံးသပ်တင်ပြရေးအဖွဲ့၌ ပါဝင်သည့်သူများသည် ကြီးသည့်အမှုအား ငယ်ရန်၊ ငယ်သည့်အမှုအား ပပျောက်ရန် စိတ်ထားရှိမည့်သူများကို ထည့်သွင်းဖွဲ့စည်းရန် ဂျာနယ်တိုက်တစ်ခုမှ အယ်ဒီတာချုပ်တစ်ဦးကလည်း အကြံပေး ပြောကြားခဲ့သည်။

(The Voice၊ အတွဲ-၇၊ အမှတ်-၂၆ ပါ “ပုဂ္ဂလိကနေ့စဉ်ထုတ်သတင်းစာများလတ်တလောခွင့်ပြုရန်မဖြစ်နိုင်သေး”  သတင်းအား အကျဉ်းချုံး ဖော်ပြသည်)

-----------------------------------------------------------------------------------------------------------------------------------

အင်တာနက်ဆိုင်များ၌ စည်းကမ်းချက်အသစ်များ ထပ်မံထုတ်ပြန်

ဆက်သွယ်ရေး ညွှန်ကြားမှုဦးစီးဌာနမှ မေလအတွင်း ထုတ်ပြန်ထားခဲ့သည့် အင်တာနက်ဆိုင်များ လိုက်နာရမည့် စည်းကမ်းချက်များ၌ External Drive များ တပ်ဆင်အသုံးမပြုရန် ပါရှိသည့်အတွက် အင်တာနက်ဆိုင်များ၌ လာရောက်အသုံးပြုသူ(User) များ အခက်အခဲတွေ့လျှက်ရှိကြောင်းသိရသည်။

ယခုကဲ့သို့ အင်တာနက်ဆိုင်များ၌ တားမြစ်ထားခြင်းသည် ပညာရေးလိုက်စားနေသည့် လူငယ်များအတွက် ကောင်းမွန်မှု မရှိတော့ကြောင်း၊ ကျောင်းစာနှင့် ပတ်သက်သည့် ကိစ္စရပ်များကို ကူးယူ၍ရတော့မည် မပာုတ်ကြောင်း၊ စီဒီခွေများနှင့် ကူးယူခြင်းမျိုးမှာလည်း ရေရှည်ကောင်းမွန်နိုင်မှု မရှိ ကြောင်း၊ သုံးနေသည့်စက်များကို အားသည့်အချိန်များ၌ လိုက်လံစစ်ဆေးနိုင်ပါက ပို၍ကောင်းမွန်နိုင်မည်ဖြစ်ကြောင်း အင်တာနက် အသုံးပြုသူတစ်ဦးက ပြောကြားခဲ့သည်။

ဆက်သွယ်ရေးညွှန်ကြားမှုဦးစီးဌာနမှ မေလအတွင်း ထုတ်ပြန်ထားခဲ့သည့် အင်တာနက်ဆိုင်များလိုက်နာရမည့် စည်းကမ်းချက်များတွင် Floppy Drive, CD Drive, USB Drive နှင့် အခြား External Drive များကို အများသုံး အင်တာနက်ဆိုင်များတွင် တပ်ဆင်အသုံးမပြုရန် တားမြစ်ညွှန်ကြားထား ကြောင်း သိရသည်။

မိမိအနေဖြင့် ပညာရေးအတွက်သာမက ဖျော်ဖြေရေးအတွက်ပါ အင်တာနက်ဆိုင်သို့ သွားရောက်လေ့ရှိကြောင်း၊ အင်တာနက်ထဲမှ လိုချင်သည့် အချက်အလက်များ၊ သီချင်းများကို ဖိုင်ကူး၍ မန်မိုရီစတစ်နှင့် ယူဆောင်လာပြီး အိမ်ရှိစက်ထဲသို့ ကူးယူလေ့ရှိကြောင်း၊ သို့သော် ယခု ၎င်းကိစ္စရပ်များကို ကူးယူ၍ မရနိုင်တော့ကြောင်း၊ အချက်အလက်များအား စာရွက်များဖြင့် Print လုပ်မည်ဆိုပါက ကုန်ကျစရိတ် ပိုမိုများပြားလာနိုင်မည်ဖြစ်ကြောင်း အင်တာ နက်အသုံးပြုသူ ကုမ္ပဏီ ဝန်ထမ်းတစ်ဦးက ပြောကြားခဲ့သည်။

ဆက်သွယ်ရေးညွှန်ကြားမှုဦးစီးဌာနမှ ယခုကဲ့သို့တားမြစ်ထားရခြင်းမှာ နိုင်ငံတော်လုံခြုံရေးနှင့် အကျိုးစီးပွားအား ထိခိုက်စေနိုင်မည့် သတင်း အချက်အလက်များ ပေါက်ကြားမှုများကို ဖြစ်ပေါ်စေနိုင်သည့်အတွက် ထိုကဲ့သို့ပစ္စည်းများ မသုံးစွဲရန် တားမြစ်ထားခြင်းဖြစ်ပြီး သက်ဆိုင်ရာတာဝန်ရှိသူများ ဝင်ရောက်စစ်ဆေးရာတွင် စည်းကမ်းချက် ဖောက်ဖျက်မှုများကို တွေ့ရှိရပါက လိုင်စင်ပိတ်သိမ်းမှုများ ပြုလုပ်မည့်အပြင် တည်ဆဲဥပဒေများနှင့်ပါ အရေးယူ မည်ဖြစ်ကြောင်း ဖော်ပြထားသည်။

(MYANMAR TIMES အတွဲ(၂၇)၊ အမှတ်(၅၂၁) ပါ  “အင်တာနက်ဆိုင်များ လိုက်နာဆောင်ရွက်ရမည့် စည်းကမ်းချက် အသစ်များ ထုတ်ပြန် ထား” သတင်းအား အကျဉ်းချုံး ဖော်ပြသည်)

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

ကြားဖြတ်ရွေးကောက်ပွဲအတွက် တိုင်းရင်းသား နိုင်ငံရေးပါတီများ ပြင်ဆင်

ရွေးကောက်ပွဲဝင် တိုင်းရင်းသားနိုင်ငံရေးပါတီ (၅)ပါတီမှ လာမည့် ၂၀၁၁ နှစ်ကုန်လောက်တွင် ကျင်းပမည့် ကြားဖြတ်ရွေးကောက်ပွဲ၌ ပါဝင်ယှဉ် ပြိုင်ရန်အတွက် ကြိုတင်ပြင်ဆင်နေပြီဟု မွန်ဒေသလုံးဆိုင်ရာ ဒီမိုကရေစီပါတီဥက္ကဋ္ဌ နိုင်ငွေသိန်းက ပြောကြားသည်။

ဤကဲ့သို့ ဝင်ရောက်ယှဉ်ပြိုင် အရွေးခံရန်အတွက် တိုင်းရင်းသားနိုင်ငံရေးပါတီ (၅)ပါတီမှ သဘောတူညီချက်ရ ရှိထားပြီးဟု မွန်ပါတီဥက္ကဋ္ဌ နိုင်ငွေ သိန်း ပြောကြားချက်အရ သိရသည်။

ရွေးကောက်ပွဲဝင် တိုင်းရင်းသား နိုင်ငံရေးပါတီ (၅)ဖွဲ့ဖြစ်သည့် ရခိုင်တိုင်းရင်းသားများ တိုးတက်ရေးပါတီ၊ ချင်းအမျိုးသားပါတီ၊ ဖလုံစဝေါ် ဒီမို ကရက်တစ်ပါတီ၊ ရှမ်းတိုင်းရင်းသားများ ဒီမိုကရက်တစ်ပါတီနှင့် မွန်ဒေသလုံးဆိုင်ရာ ဒီမိုကရေစီ ပါတီတို့သည် ဇွန်လဆန်းတွင် တွေ့ဆုံဆွေးနွေး ညှိနှိုင်း ခဲ့ပြီးဟု မွန်ပါတီဥက္ကဋ္ဌနိုင်ငွေသိန်းက ပြောကြားသည်။

ကြားဖြတ်ရွေးကောက်ပွဲကို ဝင်ရောက်ယှဉ်ပြိုင်မည့် တိုင်းရင်းသားနိုင်ငံရေးပါတီထဲတွင် ရှမ်းတိုင်းရင်းသားများ ဒီမိုကရက်တစ်ပါတီမှ အများဆုံး ဝင်ရောက် ယှဉ်ပြိုင်မည်ဟု သိရသည်။

(၂၀၁၀)ခုနှစ်၊ ရွေးကောက်ပွဲတွင် ဝင်ရောက်ယှဉ်ပြိုင်ခဲ့သည့်  ဒီမိုကရက်တစ်အင်အားစု နိုင်ငံရေးပါတီများ၊ တိုင်းရင်းသားနိုင်ငံရေးပါတီ၊ စုစုပေါင်း (၁၁)ပါတီနှင့် ပူးပေါင်းဖွဲ့စည်းထားသော ဒီမိုကရေစီမိတ်ဆွေပါတီအဖွဲ့သည် ကြားဖြတ် ရွေးကောက်ပွဲကို ဝင်ရောက်ယှဉ်ပြိုင်နိုင်ရန်အတွက် ကြားဖြတ်ရွေး ကောက်ပွဲဆိုင်ရာ ကော်မတီတစ်ရပ်ကို ဖွဲ့စည်းခဲ့သည် ကြောင်း  သိရသည်။

-----------------------------------------------------------------------------------------------------------------------------------

ကြားဖြတ်ရွေးကောက်ပွဲ  လစ်လပ်မဲဆန္ဒနယ်အားလုံး ပြည်ခိုင်ဖြိုး ဝင်ပြိုင်မည်

ယခုနှစ် ပွင့်လင်းရာသီတွင် ကျင်းပမည်ဟု ယူဆရသော ကြားဖြတ်ရွေးကောက်ပွဲတွင် လစ်လပ်မဲဆန္ဒနယ်နေရာတိုင်း၌ ပြည်ထောင်စု ကြံ့ခိုင် ရေးနှင့် ဖွံ့ဖြိုးရေး ပါတီဝင်ရောက်ယှဉ်ပြိုင်မည်ဖြစ်ကြောင်း ပါတီအထွေထွေအတွင်းရေးမှူး ဦးဌေးဦးက နေပြည်တော်ရှိပါတီဌာနချုပ်တွင် ပြောကြားသည်။

ဟင်္သာတမြို့နယ် ပြည်သူ့လွှတ်တော် ကိုယ်စားလှယ်ဖြစ်သူ ဦးဌေးဦးက ကြားဖြတ်ရွေးကောက်ပွဲဝင်မည့် ကိုယ်စားလှယ်များအား လျာထားပြီး ဖြစ် သည်ဟု ပြောကြားခဲ့သည်။

လက်ရှိတွင် ကြားဖြတ်ရွေးကောက်ပွဲများကို နိုင်ငံအနှံ့ နေရာပေါင်း ၄၅ နေရာတွင် ကျင်းပရန်ရှိပြီး ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဟောင်း ဦးသိန်းစိုးက ယခုနှစ် အောက်တိုဘာ၊ သို့မဟုတ် နိုဝင်ဘာလတွင် ကြားဖြတ်ရွေးကောက်ပွဲများ ကျင်းပနိုင်မည်ဟု ပြည်သူ့လွှတ်တော် ရှေ့မှောက် တွင် ဖြေကြားခဲ့သည်။

ပြည်ခိုင်ဖြိုးပါတီဝင် လွှတ်တော်ကိုယ်စားလှယ်များ လွှတ်တော်တွင် ဆွေးနွေးမှုများနှင့် ပတ်သက်ပြီး ပါတီအတွင်း၌ အရင်ဆွေးနွေး ရကြောင်း၊ လွှတ်တော်တွင်းမှာ တစ်ယောက်နှင့် တစ်ယောက် အတွေးအခေါ်မတူနိုင်ဘူး ဆိုသော်လည်း ပါတီဝင်ဆိုလျှင် ပါတီ၏ အတွေးအခေါ်အတိုင်း လုပ်ရမည် ဖြစ်ကြောင်း၊ ပါတီ၏ မူဝါဒလမ်းစဉ်အား သက်ဝင်ယုံကြည်၍ ပါတီဝင်ဖြစ်လာသည့်အတွက် ပါတီ၏မူဝါဒအတိုင်း လုပ်ဆောင်ရမည်ဖြစ်ကြောင်း၊ ပါတီဝင်တွေ အားလုံးသည် ပါတီ၏ မူဝါဒလမ်းစဉ်များအတိုင်း ပြည်သူများ ဖွံ့ဖြိုးတိုးတက်ရန် လုပ်ရမည်ဖြစ်ကြောင်း ဦးဌေးဦးက ပြောကြားသည်။

၂၀၁၀ ပြည့်နှစ်၊ နိုဝင်ဘာလကကျင်းပခဲ့သော၊အထွေထွေ ရွေးကောက်ပွဲ၌ လွှတ်တော်သုံးရပ်အတွက် မဲဆန္ဒနယ် စုစုပေါင်း ၁,၁၅၄ ခုရှိသည့် အနက် ပြည်ခိုင်ဖြိုးပါတီသည် မဲဆန္ဒနယ်အားလုံး၌ ဝင်ရောက်ယှဉ်ပြိုင်ကာ ၈၈၂ နေရာရွေးချယ် ခံခဲ့ရသည်။

(MYANMAR TIMES အတွဲ(၂၇)၊ အမှတ်(၅၂၁) ပါ “ကြားဖြတ်ရွေးကောက်ပွဲကျင်းပရာတွင် ၀င်ရောက်ယှဉ်ပြိုင်ကြရန် ပြင်ဆင်” သတင်းအား အကျဉ်းချုံး ဖော်ပြသည်)

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

"လာဘ်ပေးလာဘ်ယူကိစ္စနဲ့ ပတ်သက်ပြီး သတင်းထွက်ပေါ်နေသူတွေ၊ ပြည်သူလူထုက တိုင်ကြားသူတွေနဲ့ လာဘ်ပေးလာဘ်ယူလုပ်လို့ရနိုင်တဲ့ နေရာဌာန တွေကို အဓိကထားပြီး စုံစမ်းဖော်ထုတ်နေပါတယ်။ လာဘ်ပေးလာဘ်ယူမလုပ်ဖို့လည်း မေတ္တာရပ်ခံထားတယ်။ လုပ်တဲ့သူတွေကိုလည်း  သတိပေးထား တယ်။ အလိုက်နာရင် လမ်းညွှန်ချက်တွေနဲ့အညီ အရေးယူ သွားမှာပါ။ အရင်ကတည်းက လာဘ်ပေးလာဘ်ယူကိစ္စတွေကို တားမြစ်အရေးယူပါတယ်။ အခု ပိုပြီး  တိတိကျကျ လုပ်သွားဖို့ရှိပါတယ်"

BiWeekly ELEVEN အတွဲ(၄) အမှတ်(၁၀) တွင်ပါသည့် "ဝန်ကြီးဌာနအချို့ရှိ လာဘ်ပေးလာဘ်ယူ ကိစ္စရပ်များ တိုက်ဖျက်နိုင်ရေးအတွက် ဌာနတွင်းအဖွဲ့များ ဖွဲ့စည်း၍ စုံစမ်းဖော်ထုတ်နေ" သတင်းဆောင်းပါးမှ ဝန်ကြီးဌာနတစ်ခုရှိ လာဘ်ပေးလာဘ်ယူ တိုက်ဖျက်ရေးဆိုင်ရာ အဖွဲ့ ဝင် တစ်ဦး၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"လက်ရှိဘဏ်တိုးနှုန်းလို မြင့်မားတဲ့အတိုးနှုန်းနဲ့ဆိုရင်တော့ ဘယ်သူမှ ချေးဖို့စိတ်ဝင်စားမှာမဟုတ်ပါဘူး။ အခု အရင်းအနှီးလိုပေမယ့် ငွေချေးဖို့ စိတ်မဝင် စားတာ အတိုးနှုန်းမြင့်မယ် ထင်လို့ပါ။ နိုင်ငံတကာလို အတိုးနှုန်း နည်းပါးမယ်ဆိုရင် တော့ စိတ်ဝင်စားကြမှာပေါ့"

BiWeekly ELEVEN အတွဲ(၄) အမှတ်(၁၀) တွင်ပါသည့် "အသေးစား၊ အလတ်စားလုပ်ငန်းရှင်များအား ဇူလိုင်လကုန်တွင် စတင်ငွေထုတ် ချေး မည်" သတင်းမှ လုပ်ငန်းရှင်တစ်ဦး၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"အခုလိုခေါ်ယူတွေ့ဆုံတယ်ဆိုတာ NGO တွေကို ထိန်းချုပ်လိုလို့မဟုတ်ပါဘူး။ NGO တွေရဲ့ လုပ်ငန်းသဘော တရား၊ အတွင်းရေး၊ ငွေကြေး သုံးစွဲမှုတွေကို  သိချင်လို့ မဟုတ်ဘူးဆိုတာကို ရှင်းရှင်းလင်းလင်းပြောချင်ပါတယ်။ NGO များရဲ့ တတ်ကျွမ်းတဲ့ပညာ၊ အတွေ့အကြုံနဲ့ နိုင်ငံအကျိုးပြုလုပ်ငန်းတွေမှာ ဆောင်ရွက်နေပေမယ့် NGO များရဲ့ လုပ်ဆောင်ချက်ကို လေ့လာကြည့်တဲ့အခါ မိမိတို့ နယ်ပယ်အသီးသီးမှာ ဆောင်ရွက်နေတဲ့ အချက်အလက်တွေဟာ ပြန့်ကျဲနေပြီး စုစုစည်း စည်း မရှိတာကို တွေ့ပါတယ်"

မြန်မာတိုင်းမ် အတွဲ(၂၇) အမှတ်(၅၂၁) တွင်ပါသည့် "ပတ်ဝန်းကျင်ဆိုင်ရာ ပြဿနာများကို အင်န်စီအီးအေနှင့် ပတ်ဝန်းကျင် ထိန်းသိမ်းရေး အဖွဲ့အစည်းများ ပူးပေါင်းဖြေရှင်းရန်လို" သတင်းမှ သစ်တောရေးရာ ပြည်ထောင်စုဝန်ကြီး ဦးဝင်းထွန်း၏ ပြောကြားချက်အပေါ် ကောက် နှုတ်ချက်

-----------------------------------------------------------------------------------------------------------------------------------

"လောလောဆယ် ဘွဲ့ရပြီး အလုပ်မရှိလို့ ကားပေါ်တွေမှာ ကပ်ထားတဲ့စာကိုဖတ်ပြီး အေဂျင်စီတွေနဲ့ဆက်သွယ်ပြီး အလုပ်လျှောက်ထားခဲ့တယ်။ ကိုယ် လျှောက်တော့ စာရင်းကိုင်၊ ရတော့အလုပ်သမားကတ်တင်းနဲ့ ကြီးကြပ်တဲ့ အလုပ်ဖြစ်နေတာနဲ့ ကြီးကြပ်က ဘာမှန်းမသိတာနဲ့ စုံစမ်းကြည့် လိုက်တော့ ပန်းဥယျာဉ်တွေမှာ တံဆိပ်ကပ်ထား မကပ်ထားလားဆိုတာ လိုက်ကြည့်ရမယ့် အလုပ်ဖြစ်နေတယ်။ ဒါကြောင့် ဖုန်းဆက်ပြီးပြောတော့ နောက် ပြန်ဆက်သွယ်ဆိုပြီး  အခု တစ်နှစ်ပြည့်တော့မယ်။ အဲဒါကြောင့် ဝန်ဆောင်ခကို အလုပ်ရပြီးမှ ပေးရမှာလား၊ တစ်ခါတည်း ပေးရမလားဆိုတာ သေချာ အောင် စုံစမ်းပြီး အခုလိုမျိုးလျှောက်တာနဲ့ လွဲမှားမှုမျိုး မဖြစ်အောက် သေချာစုံစမ်းသင့်တယ်"

The HOT NEWS အတွဲ(၁) အမှတ်(၄၃) တွင်ပါသည့် "အလုပ်အကိုင်အေဂျင်စီတချို့ မသေချာမှုကြောင့် ယုံကြည်မှုနည်းလာ" သတင်းမှ ကြည့်မြင်တိုင်မြို့နယ်တွင် နေထိုင်သူ မဝင်းလဲ့ခင်၏ ပြောကြားချက် အပေါ်ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

အစိုးရတစ်ရပ်၏ တရားဝင်မှု

တပ်မတော် အစိုးရလက်ထက်တုန်းက ပြည်တွင်းပြည်ပ အတိုက်ခံများနှင့် နိုင်ငံတကာမှ အမြဲရှုတ်ချလေ့ရှိသည့် စကားလုံးမှာ ပြည်သူကို ကိုယ်စား မပြုသော အစိုးရ၊ တရားမဝင်သော အစိုးရဟူ၍ ဖြစ်သည်။ ၁၉၈၈ အရေးအခင်းပြီးစဉ်တည်းက ပြည်ပရောက် ညွန့်ပေါင်းအဖွဲ့ဖွဲ့ကာ ဝန်ကြီးချုပ်က တပြား သားမှမလျော့သော ပုဂ္ဂိုလ်များလဲ ရှိသလို ၉၀ ရွေးကောက်ပွဲ အနိုင်ရလဒ်ကိုကိုင်စွဲ၍ ယခုတိုင်တိုက်ပွဲဝင်နေသူများလည်း ရှိပါသည်။ ယခု အစိုးရသစ်ကိုလဲ စစ်အစိုးရကို ဆက်ခံသောအစိုးရဖြစ်၍ ထူးမခြားနားဟု ကန့်ကွက်သူများလည်း ရှိသည်။

မည်သို့ပင်ဆိုစေကာမူ စစ်အစိုးရလက်ထက်မှ ယခုအချိန်အထိ ကုလသမဂ္ဂတွင် တရားဝင်အစိုးရမှာ လက်ရှိအစိုးရဖြစ်ပြီး တရားဝင် အသုံးအနှုန်း မှာလည်း မြန်မာနိုင်ငံဟုသာ သုံးနှုန်းပါသည်။ ဘားမားဟု မသုံးနှုန်းပါ။ နိုင်ငံတကာ အစိုးရတိုင်းကလဲ မြန်မာဟူ၍သာ သုံးစွဲကြပါသည်။ ဤအချက်မှာ ပြည် သူလူထုကို ကိုယ်စားပြုသည်ဖြစ်စေ၊ မပြုသည်ဖြစ်စေ လက်ရှိအာဏာကို ချုပ်ကိုင်ထားသော အဖွဲ့အစည်းသည် တရားဝင် အစိုးရသာဖြစ်သည်။ ကျေနပ်မှု မရှိသည့်တိုင်၊ လက်မခံနိုင်သည့်တိုင် ထိုအာဏာပိုင် အဖွဲ့အစည်းနှင့်သာ ထိတွေ့ဆောင်ရွက်ရသည်။ ကမ္ဘောဒီးယားကတော့ ချွင်းချက်ဖြစ်သည်။ အာဏာ ရှင် ပိုပေါ့လက်ထက်က ကုလသမဂ္ဂတွင် ပြည်ပရောက် အစိုးရကို အသိအမှတ်ပြုလက်ခံသည်။ မြန်မာနိုင်ငံက ထိုနိုင်ငံလောက် မဆိုးဝါး၍လား၊ နိုင်ငံတကာ ဥပဒေကြောင်းများအရ ထိုအဆင့်မျိုး သတ်မှတ်ရန် မလုံလောက်၍လား မသိ။ အာဏာပိုင်အဖွဲ့အစည်း အဆင့်ဆင့်သာ တရားဝင် အစိုးရဖြစ်ခဲ့သည်။

NLD က စစ်အစိုးရကို အသိအမှတ်မပြုခြင်းမှာ စစ်အစိုးရက NLD ကို အသိအမှတ်မပြုခြင်းကြောင့် ဖြစ်သည်ဟု ဆိုကြသည်။ ထိုကိစ္စရပ်သည် နိုင်ငံရေးအရ မှန်ကန်သည့် လုပ်ရပ်ဖြစ်ပြီး ၉၀ခုနှစ်က ရိုးသားစွာ အနိုင်ရခဲ့သောရလဒ်ကို ဂုဏ်သိက္ခာ ထိန်းသိမ်းသည့်အနေဖြင့် ဆက်လက်ကိုင်စွဲခြင်းသည် ပါတီတစ်ရပ်အနေဖြင့် လုပ်သင့်လုပ်ထိုက်သောကိစ္စ ဖြစ်သည်။

သို့ရာတွင် မည်မျှပင် အသိအမှတ်မပြုဟု ဆိုသော်လည်း လက်တွေ့တွင်မူ အာဏာပိုင် အဖွဲ့အစည်းတစ်ရပ်၏ တရားဝင်မှုကို ပေးရစမြဲဖြစ်သည်။ တွေ့ဆုံဆွေးနွေးလိုပါသည်ဟု တောင်းဆိုခြင်းကပင် လက်ရှိအစိုးရ၏ တရားဝင်မှုကို ဖော်ပြသည်။ စစ်အစိုးရနှင့် တလျှောက်လုံး ဆက်ဆံခဲ့သည့် နိုင်ငံများ ကြောင့် တရားဝင်ခဲ့သည်။ အရပ်သားအစိုးရ တက်လာပြီးနောက်ပိုင်းတွင်လည်း နိုင်ငံတကာ၏ အသိအမှတ်ပြုမှုကို ပိုမိုရရှိလာသည်။ အမြဲတမ်းပိတ်ဆို့ ခဲ့သော အမေရိကန်ပင်လျှင် အပြောင်းအလဲများစတင်ရန် ဆော်သြပြီး ထိတွေ့ဆက်ဆံရေးကို ကျင့်သုံးလာသည်။ ယခု ဒေါ်အောင်ဆန်းစုကြည်၏ နယ်လှည့် ခရီးစဉ်ပင် အကြောင်းအမျိုးမျိုးကြောင့် အစိုးရကိုအသိပေးပြီး သွားရသည်ဆိုသော်လည်း ထိုသို့အသိပေးခြင်းကပင် နိုင်ငံ၏ တာဝန်သည် အစိုးရလက်ဝယ် တွင် ရှိကြောင်း အသိအမှတ်ပြုခြင်းပင်ဖြစ်သည်။

ယခုအစိုးရမှာ ပြည်သူလူထု၏ အတိုင်းအတာ တစ်ရပ်ကိုလည်း ကိုယ်စားပြုမှုရှိနေသည်။  ဦးဝင်းတင် မှတ်ချက်ပေးခဲ့သလို စစ်အစိုးရကို အသိ အမှတ်မပြုရန် ကြားနိုင်ငံများတွင် ဆွေးနွေးရန်ဟူသော စကားလုံးများသည် ဂျွန်မက်ကိန်း လာသောအခါ သဲထဲရေသွန်ဖြစ်ရပြီ။ ဆိုလိုသည်မှာ လက်ရှိ တရားဝင်မှုအရ မည်သို့ဆက်လက်ကစားမည်ဟူသော အိုင်ဒီယာမျိုး စဉ်းစားရန်လိုသည်။ ထိုသို့ ရင့်ကျက်မှုမရှိစွာ ပြောဆိုလိုက်ခြင်းဖြင့် ယခင်က နိုင်ငံ တကာက လေးစားမှုရှိခဲ့သော NLD ၏ အနေအထားကို ပို၍ သေးငယ်သွား အောင်လုပ်လိုက်သကဲ့သို့ရှိနေသည်။ ၉၀ ရလဒ်သည် တချိန်က ဂုဏ်သိက္ခာ ဖြစ်၍ လက်ရှိအနေအထားတွင် ပါဝါနိုင်ငံရေးကို မည်သို့ဝင်ကစားမည်ဟူသော ဆုံးဖြတ်ချက် မပြုသေးသမျှ၊ မစဉ်းစားနိုင်သေးသမျှ အသံကုန်အော်ရင်း တိမ်ဝင်သွားသည့်အဖြစ်နှင့် ကြုံရပေလိမ့်မည်။ လက်ရှိအစိုးရသည် တရားဝင်အစိုးရ ဖြစ်သွားပေပြီ။  မည်သို့ပင်ဆိုစေ တရားဝင်နေသော အစိုးရကို ပစ် ပယ်၍ တိုက်ရိုက်ဆွေးနွေးရန် ပြောကြားမှုများသည် စိတ်ကူးယဉ်မှုဆန်သွားပြီဖြစ်သည်။

×××××××××××××××××××××××××××××××××××××××××××××××××××××××××××××××


Google Docs makes it easy to create, store and share online documents, spreadsheets and presentations.
Logo for Google Docs