Transparency Myanmar

transparency.myanmar@gmail.com

yangonchronicle 2011
yangonchronicle 2011

၇.၇.၂၀၁၁

ဘာသာပြန်သတင်းများ

နိုင်ငံရေးခိုလှုံခွင့်တောင်းသော မြန်မာသံတမန်က မြန်မာအုပ်ချုပ်သူများကို ဖိအားပေး

(Reuters သတင်းမှ 6 July 2011 ရက်စွဲပါ Myanmar envoy seeks asylum, pressure on rulers ကို ဘာသာ ပြန်ဆိုသည်)

ဝါရှင်တန်ရှိမြန်မာသံရုံးမှ အဆင့် (၂) သံတမန်အရာရှိဖြစ်သူ ဦးကျော်ဝင်းက “အမေရိကန်ပြည်ထောင်စုတွင် နိုင်ငံရေးခိုလှုံခွင့် တောင်းခံရခြင်း မှာ ယင်းအနေဖြင့် မြန်မာအစိုးရ၏ ညံ့ဖျင်းမှုများကို ထုတ်ဖော်ပြောဆိုထားသည့် အကြောင်းအချက်များက ၎င်းအတွက် အန္တရာယ်ရှိလာသောကြောင့် ဖြစ်ကြောင်း” အင်္ဂါနေ့က ပြောကြားလိုက်သည်။

သံတမန်အရာရှိဦးကျော်ဝင်းက ယင်းအနေဖြင့် အရှေ့တောင်အာရှ မြန်မာနိုင်ငံတွင် ပြုပြင်ပြောင်းလဲမှုကင်းမဲ့ နေခြင်းအပေါ် ယုံကြည်နိုင်မှု ပျက်ပြားခဲ့ရခြင်းကို ဝါရှင်တန်က နားလည်သိရှိစေရန် ဇူလိုင် ၄ ရက် အစောပိုင်းတွင် နိုင်ငံခြားရေးဝန်ကြီး ဟီလာရီကလင်တန်ထံ စာတစ်စောင် ရေးသား ပေးပို့ထားသည်ဟု Reuters သို့ ပြောကြားသည်။

“တစ်ခါတလေ သတင်းအချက်အလက်တွေကို အစီရင်ခံတင်ပြတဲ့အခါ သူတို့က သဘောမကျဘူး” ဟု တယ်လီဖုန်းအင်တာဗျူးတွင် ဦးကျော်ဝင်းက ပြောလိုက်ပြီး “မြန်မာနိုင်ငံကို နှစ်ပေါင်း ၅၀ အုပ်ချုပ်ခဲ့သော တပ်မတော်အစိုးရအနေဖြင့် ယင်းတို့၏ ဖိနှိပ်ချုပ်ချယ်မှုနှင့် အဂတိလိုက်စား မှုများက နိုင်ငံ၏ ပုံရိပ်ကို ထိခိုက်ကြောင်း သိရှိ နားလည်အောင် ၎င်းအနေဖြင့် ကြိုးပမ်းအားထုတ်ခဲ့ပုံများ” ကို ဆွေးနွေးပြောကြားခဲ့သေးသည်။

“သူတို့ပဲ ပြန်လာကြဦးမှာဆိုရင် ဘာကြောင့် ဒီလိုကိစ္စတွေကို လုပ်နေသလဲ” ဟု နေပြည်တော်မှ တာဝန်ရှိသူများကို ရည်ညွှန်း၍ ဆက်လက် ပြောသည်။ မြန်မာနိုင်ငံမှ တပ်မတော်အစိုးရသည် မနှစ်က နိုဝင်ဘာလတွင် ကမ္ဘာက ဝိုင်းဝန်း ရှုတ်ချသော အငြင်းပွားဖွယ် ရွေးကောက်ပွဲကို ပြုလုပ်ခဲ့ပြီး နောက် မတ်လတွင် နာမည်ခံ အရပ်ဖက်အစိုးရထံ အာဏာ လွှဲပြောင်းပေးခဲ့သည်။ ၄၉ နှစ်ကြာ စစ်တပ်က တိုက်ရိုက်အုပ်ချုပ်ခဲ့ပြီးနောက် ဒီမိုကရေစီ စနစ်သို့ အသွင်ကူးပြောင်းသည် ဟု ထင်မြင်စေရန် ရွေးကောက်ပွဲအတုကို ရည်ရွယ်ဖန်တီးခဲ့ကြခြင်းဖြစ်သည်။

“ကျွန်တော်တို့နိုင်ငံ တိုးတက်စေမယ့် နည်းလမ်းကို အတူတကွ အဖြေရှာကြဖို့ လိုအပ်နေတယ်၊ သူတို့ အခု လုပ်နေကိုင်နေပုံတွေဟာ မမှန်ကန် ဘူး ဆိုတာကို သူတို့(မြန်မာအစိုးရ)ကို ပြောပြဖို့ ကျွန်တော်ကြိုးစားခဲ့ပါတယ်၊ ဒါပေမဲ့လည်း ပြင်ပကမ္ဘာနဲ့ အတွေ့အထိမရှိတာ၊ ပညာမဲ့တာတွေကြောင့် ကမ္ဘာမှာ ဘာတွေဖြစ်နေသလဲဆိုတာကို သူတို့ နားလည်သဘောပေါက်နိုင်စွမ်း မရှိကြဘူး” ဟု ဦးကျော်ဝင်းက ရှင်းလင်းပြောကြားသွားသည်။

*********************************************************************

ဒေါ်အောင်ဆန်းစုကြည်ကြောင့် လူစုလူဝေး ဖြစ်ပေါ်

( IOL News မှ 6 July 2011 ရက်စွဲပါ “Suu Kyi draws crowds” သတင်း ကို ဘာသာ ပြန်ဆိုသည်)

                မြန်မာဒီမိုကရေစီ ခေါင်းဆောင် ဒေါ်အောင်ဆန်းစုကြည်သည် ရှေးဟောင်း ဘုရားပုထိုးမြို့တော် ပုဂံသို့ အနားယူ အပန်းဖြေခရီးစဉ် ရောက်ရှိ နေသည်ဟု ဆိုနိုင်သော်လည်း သူမအား နိုင်ငံရေးနှင့် ကင်းကင်းနေရန် သတိပေးထားသည့် အစိုးရ၏ သည်းခံနိုင်မှုကို စမ်းသပ်သည့် အနေဖြင့် အင်္ဂါနေ့ တွင် လူစုလူဝေး အုပ်စုကို ဖြစ်ပေါ်စေခဲ့သည်။

                နိုဝင်ဘာလက လွတ်မြောက်လာပြီးနောက်ပိုင်း ရန်ကုန်မြို့တော်အပြင်ဖက်သို့ ပထမဆုံးအကြိမ် ခရီးထွက်လာသော ဒေါ်အောင်ဆန်းစုကြည် သည် သူမ၏ သားငယ်နှင့်အတူ ရှေးဟောင်း မြို့တော်ပုဂံသို့ ဘုရားဖူး အလည်အပတ် ရောက်ရှိနေခြင်း ဖြစ်သည်။

                “ကျွန်မ အရမ်းပျော်ပါတယ်၊ ဒီခရီးဟာ အနှစ် ၂၀ အတွင်းမှာ ကျွန်မရဲ့သားနဲ့အတူ သွားခွင့်ရတဲ့ ပထမဆုံး အားလပ်ရက်ခရီးပါ” ဟု နာမည်ကျော် ပုဂံဘုရားတစ်ဆူတွင် ဘုရားဖူးပြီးနောက် သတင်းထောက်များကို ဒေါ်အောင်ဆန်းစုကြည်က ပြောကြားသည်။ အိမ်မှာဆိုရင် အိပ်ရေးဝ တယ်ဆိုတာ မရှိပါဘူး။ ဒါပေမယ့် အခုတော့ အမြဲတမ်းပဲ အိပ်ချင်နေတယ်လေ၊ ကျွန်မ အနားယူဖို့ အချိန်ရတာပေါ့ ဟု သူမက ဆိုသည်။

                သို့သော်လည်း ဘုရားဖူးခရီးစဉ် ဒုတိယနေ့တွင် သူမနှင့် သားငယ်၏ဘေးတွင် ဒေသခံလူတစ်အုပ် ဝိုင်းရံနေပြီး အရပ်ဝတ်ရဲနှင့် ထောက်လှမ်းရေးများက နောက်ယောင်ခံလိုက်လျက် ရှိသည်။ အဆိုပါ လူအုပ်စုကို ရဲများက လူစုခွဲရန် ကြိုးစားခြင်း မရှိပါ။

                ဒေါ်အောင်ဆန်းစုကြည်သည် သူမ၏ နိုင်ငံရေးထောက်ခံသူများကို တွေ့ဆုံရန် အတွက် နိုင်ငံအနှံ့ ခရီးလှည့်မည် ဟု မကြာမှီက ပြောကြား ခဲ့ခြင်းကြောင့် နိုင်ငံပိုင်သတင်းစာက သူမအား ပြဿနာများ မဖန်တီးရန် သတိပေးခြင်း ခံခဲ့ရသည်။

                ဒေါ်အောင်ဆန်းစုကြည်သည် ၂၀၀၃ ခုနှစ်က နောက်ဆုံးအကြိမ် နိုင်ငံရေးစည်းရုံးမှု ခရီးလှည့်ခဲ့ရာတွင် ကြီးမားသော လူစုလူဝေးများကို ဖြစ်ပေါ်စေခဲ့သည့်အတွက် သူမ၏ လူထုကြိုက် ရေပန်းစားမှုက ယခင် တပ်မတော်အစိုးရ ကို ကြီးကြီးမားမား ခြောက်လှန့်နိုင်ခဲ့သည်။ ထို့ကြောင့်ပင် အဆိုပါ မြန်မာပြည် မြောက်ပိုင်းခရီးစဉ်တွင် သူမ၏ မော်တော်ယာဉ်တန်းကို အစိုးရ နောက်လိုက်နောက်ပါများက အကြမ်းဖက်ခြုံခိုတိုက်ခိုက် ခဲ့ခြင်းကြောင့် သူမ၏ နောက်လိုက်နောက်ပါများစွာ အသက်ဆုံးရှုံးခဲ့ကြရသည်။ အဆိုပါ တိုက်ခိုက်မှုမှ သူမ လွတ်မြောက်လာခဲ့သော်လည်း အစိုးရက ဖမ်းဆီး ထိန်းသိမ်းခြင်း ခံခဲ့ရသည်။ အဆိုပါကိစ္စနှင့် ပတ်သက်ခြင်း မရှိပါဟု စစ်တပ်က ငြင်းဆိုခဲ့သော်လည်း ၎င်းတိုက်ခိုက်မှုကို စစ်တပ်မှသာ စီစဉ်ခြင်း ဖြစ်ကြောင်း သံသယများ ကြီးမားစွာ ထွက်ပေါ်ခဲ့သည်။

                ဒေါ်အောင်ဆန်းစုကြည် အနေဖြင့် သူမနေထိုင်ရာ သူမ၏ NLD ပါတီ ရုံးစိုက်ရာ ရန်ကုန်မြို့တော် ပြင်ပသို့ ခရီးထွက်သည့်အခါတိုင်း သူမ၏ ယာဉ်တန်းကို အစိုးရက ဟန့်တားခြင်း နှင့်အတူ ပြဿနာများကို ရင်ဆိုင်ရလေ့ ရှိသည်။

                ယခု ပုဂံခရီးစဉ်တွင် သူမအား ထောက်ခံသူ ၁၀၀၊ ၂၀၀ ခန့်နှင့် အတူ မြင်တွေ့ စပ်စုလိုသူ အချို့ နေရာတိုင်း တွင် ရှိနေသော်လည်း အဆိုပါ ဒေသမှာ လူဦးရေ နည်းပါးပြီး သူမ၏ အစီအစဉ်များ နှင့် ပတ်သက်၍ လူထု စိတ်ဝင်စားမှု သိပ်မရှိလှသော နေရာဖြစ်သည်။

                ဝါရှင်တန်မှ နိုင်ငံခြားရေးဌာန ပြောရေးဆိုခွင့် ရှိသူ Victoria Nuland က “ဒေါ်အောင်ဆန်းစုကြည် အကျယ်ချုပ် မှ လွတ်မြောက်လာပြီး နောက်ပိုင်း သူမ၏ ခရီးသွားလာခွင့်နှင့် ထောက်ခံသူများအား တွေ့ဆုံခွင့်သည် မြန်မာနိုင်ငံ အတွက် လာခြင်းကောင်းသော နိမိတ်ဖြစ်သည် ဟု အမေရိကန် ပြည်ထောင်စုက မျှော်လင့်ကြောင်း” အင်္ဂါနေ့တွင် ထုတ်ပြန် ကြေညာသည်။

******************************************************************

တန်ဖိုးခိုင်မာလာသော မြန်မာငွေကြောင့် ဆင်းရဲပြီးသားနိုင်ငံပို၍ ထိခိုက်

(Asahi.com မှ 3 July 2011 ရက်စွဲပါ Stronger Myanmar Currency Weakens Already Poor Country ကို ဘာသာ ပြန်ဆိုသည်)

ရပ်တန့်ဆုတ်ယုတ်နေသော လယ်ယာအခြေခံ စီးပွားရေးစနစ်၏ ဒဏ်ကို မူလကပင်ခံစားနေကြရသော မြန်မာနိုင်ငံမှ ဆင်းရဲနွမ်းပါးသော ပြည်သူများသည် အမေရိကန် ၁ ဒေါ်လာနှင့် မျှတသည့် မြန်မာကျပ်ငွေတန်ဖိုးမှာ တစ်နှစ်အတွင်း ၂ဝ%ကျော် မြင့်တက်မှုကြောင့် အန္တရယ်အဆင့်သို့ ရောက်ရှိနေသည့် ပြည်တွင်းသုံးငွေကြေး ပြဿနာနှင့် နောက်ထပ်ရင်ဆိုင်နေကြရသည်။

အဆိုပါပြဿနာကြောင့် အဓိကအားဖြင့် ပဲအမျိုးမျိုး၊ ဆန်နှင့် အခြားလယ်ယာထွက်ကုန်များ၊ အသင့်ချုပ်အထည် များ၊ ရေထွက်ကုန်ပစ္စည်းများ ရောင်းချသည့် ပို့ကုန်လုပ်ငန်းများစွာ အထိနာလျက်ရှိသည်။

မြန်မာနိုင်ငံသည် ဂျပန်လုပ်ဆန်အချောကိုင်ပစ္စည်းများကို လတ်တလော တင်သွင်းထားကာ ဆန်ပို့ကုန်လုပ်ငန်းကို ဦးစားပေး သတ်မှတ်ထား သော်လည်း လက်ရှိ ငွေလဲနှုန်းပြဿနာကြောင့် ဆန်ပို့ကုန်လုပ်ငန်းများ ငွေကြေးဆုံးရှုံးနစ်နာ နေခြင်းဖြစ်သည်။ “တင်ပို့မှုကိုတော့ ရပ်လို့မရပါဘူး၊ ဖောက်သည်တွေနဲ့ ရေရှည်ဆက်ဆံရေးကို ဦးစားပေးစဉ်းစားရမှာပါ” ဟု ပို့ကုန် လုပ်ငန်းရှင်တစ်ဦးက ဆိုသည်။ မြန်မာနိုင်ငံတွင် ယမန်နှစ် နိုဝင်ဘာလ၌ ရွေးကောက်ပွဲကျင်းပကာ မတ်လတွင် အစိုးရသစ်က လယ်ယာထွက်ကုန်၊ ရေထွက်ကုန်၊ အထည်ချုပ်ထွက်ကုန်များ တင်ပို့ခြင်းကို ဗဟိုပြုကာ စီးပွားရေး ပြုပြင် ပြောင်းလဲရန် တွန်းအားပေးနေသော်လည်း သွင်းကုန်ကဏ္ဍတွင် တင်သွင်းသည့်ပစ္စည်းများ ရောင်းဈေးကျဆင်းခြင်းနှင့် အတူ မူလကပင် ပြဿနာ နှင့် ရင်ဆိုင်နေကြရသည်။

ရန်ကုန်ရှိ စီးတီးမတ်စူပါမားကတ်များ အားလုံးနှင့် အခြားအရောင်းဆိုင်များ အားလုံးက “ကျွန်တော်တို့နိုင်ငံခြားက တင်သွင်းလာတဲ့ ကုန်ပစ္စည်း တွေကို ဈေးချထားပါတယ်” ဟု ပြောကြားကြသည်။ စင်ကာပူ၊ ထိုင်းနှင့် အခြားပြည်ပနိုင်ငံများ မှ တစ်ဆင့်တင်သွင်းလာသည့် ကော်ဖီ၊ ထောပတ်၊ ရှန်ပူနှင့် အခြား ကုန်ပစ္စည်းများ၏ ဈေးနှုန်းများကို ၁၀% လျှော့ချပေး ထားသည်ဟု စူပါမားကတ် ဝန်ထမ်းတစ်ဦးက ဆိုသည်။

ဈေးကွက်ပေါက်ဈေးအရ အမေရိကန်တစ်ဒေါ်လာနှင့် ညီမျှသည့် မြန်မာကျပ်ငွေ ၇၄၀ သို့ ရောက်ရှိချိန်သည် ၂၀၀၂ ခုနှစ်နောက်ပိုင်း အနိမ့်ဆုံး နှုန်းပင်ဖြစ်သည်။ ယမန်နှစ် ဇွန်၊ ဇူလိုင် ဝန်းကျင်က တစ်ဒေါ်လာလျှင် ၉၈၀၊ ၁၀၀၀ ခန့် ရှိခဲ့သော မြန်မာကျပ်ငွေသည် တစ်နှစ်အတွင်း ၂၅% ခန့် တက် သွားခဲ့ခြင်း ဖြစ်သည်။

သို့သော်လည်း မြန်မာကျပ်ငွေတန်ဖိုး တက်လာခြင်း၏ အကျိုးကျေးဇူးမှန်သမျှကို ခံစား၍မရနိုင်အောင် အကန့် အသတ်ရှိနေပေသည်။ ဆန်၊ ကြက်သွန်၊ အခြားဟင်းသီးဟင်းရွက်များနှင့် ဟင်းချက်ဆီ အပါအဝင် မရှိမဖြစ် ကုန်ပစ္စည်း များ၏ ဈေးနှုန်းများမှာ ပြောင်းလဲခြင်းမရှိသည့်အပြင် အနည်း ငယ် တက်သွားသည်ကိုပင် တွေ့ရသည်။

အခြားတစ်ဖက်တွင်လည်း ဂျပန်နိုင်ငံသို့ မြန်မာပို့ကုန် ၅၀% နီးပါးကို ဝေစုရရှိထားသော အထည်ချုပ်လုပ်ငန်း သည်လည်း ရှင်သန်ရပ်တည် ရေးအတွက် ရုန်းကန်နေရသည်ကို တွေ့ရသည်။ ဝန်ထမ်းများအား ဒေါ်လာဖြင့် လခပေး သော ဂျပန်ဖက်စပ်ကုမ္ပဏီများသည်လည်း ယင်းတို့၏ လုပ်ခ လစာပေးစနစ်များကို အလျင်အမြန် ပြန်လည် သုံးသပ်နေကြ သည်။

မြန်မာကျပ်ငွေ တန်ဖိုးတက်လာခြင်း၏ နောက်ကွယ်မှ အဓိက အကြောင်းရင်းနှစ်ချက်မှာ ကမ္ဘာတစ်လွှား ဒေါ်လာ တန်ဖိုး အားနည်းလာခြင်းနှင့် မြန်မာနိုင်ငံသို့ ပင်လယ်ရပ်ခြားမှ တိုက်ရိုက်ရင်းနှီးမြှုပ်နှံမှု သိသာစွာ တိုးမြင့်လာခြင်းတို့ပင် ဖြစ်သည်။ မြန်မာအစိုးရ အာဏာပိုင်များ၏ အဆိုအရ ၁၉၈၈ နှင့် ၂၀၁၀ မတ်လအကြား နိုင်ငံခြားမှ တိုက်ရိုက်ရင်းနှီးမြှုပ်နှံမှု စုစုပေါင်း ဒေါ်လာ ၁၆ ဘီလျံ ရှိခဲ့သော်လည်း ၂၀၁၀ ဧပြီလမှစ၍ ဘီလျံ ၂၀ သို့ ရောက်ရှိသွားခဲ့ ကြောင်း သိရှိရသည်။ အဆိုပါ ရင်းနှီးမြှုပ်နှံမှုများ၏ ၇၀% ခန့်မှာ ဟောင်ကောင်အပါအဝင် တရုတ်နိုင်ငံမှ စီးဝင်လာခြင်း ဖြစ်သည်။

နောက်ထပ်အကြောင်းရင်းတစ်ချက်မှာ ပြီးခဲ့သော ဇန်နဝါရီလနှင့် ဖေဖော်ဝါရီလတွင် နိုင်ငံပိုင်လုပ်ငန်းများနှင့် အစိုးရပိုင် မြေနေရာများကို ပုဂ္ဂလိက ကဏ္ဍသို့ လေလံတင်ရောင်းချခြင်းဖြစ်သည်။ အပတ်စဉ်ထုတ် သတင်းဂျာနယ်များကိုသာ သတင်းစာစစ်စစ်ဟု ပြည်သူလူထုက သတ်မှတ် ထားသော မြန်မာနိုင်ငံမှ အင်္ဂလိပ်ဘာသာ အပတ်စဉ်ထုတ် Myanmar Times စာစောင်၏ ဖော်ပြမှုအရ မြေနေရာ ၂၉၁ ခု ရောင်းချမှုမှ စုစုပေါင်း ကျပ်ငွေ ၈ ထရီလီယံကျော် ရရှိကြောင်း သိရှိရသည်။ အဆိုပါ လေလံအရောင်းအဝယ်များအတွက် ဇူလိုင်နှင့် ဩဂုတ်လတွင် နောက်ဆုံးငွေပေးချေရန် သတ်မှတ်ထားခြင်းကြောင့် ငွေကြေးဈေးကွက်အတွက်း ကျပ်ငွေဖော်မှု ပိုမိုလှုပ်ရှားများပြားလာကာ ပြည်တွင်းသုံး ကျပ်ငွေ ဆက်လက် အားကောင်းနေ လိမ့်မည်ဟု စီးပွားရေးပညာရှင်တစ်ဦးက သုံးသပ်ပြောကြားသည်။

********************************************************************

မြန်မာနိုင်ငံ၏ စိန်ခေါ်မှုများနှင့် ရှေ့ဆက်ရမည့်ခရီး

(4 July 2011 ရက်စွဲပါ The Hindu မှ Rajiv Bhatia ရေးသားသော Myanmar Challenges and way forward ကို ဘာသာပြန်ဆိုသည်။)

(စာရေးသားသူသည် မြန်မာနိုင်ငံဆိုင်ရာသံအမတ်ကြီးဟောင်းဖြစ်သည်။)

                စစ်အစိုးရအုပ်ချုပ်သော ခေတ်ဟောင်းကုန်ဆုံးခဲ့ပြီး၊ အရပ်သားအုပ်ချုပ်သော ခေတ်သစ်သည် လိုအပ်ချက် များစွာ ရှိသော်လည်း မြန်မာနိုင်ငံ တွင် စတင်ခဲ့ပြီဖြစ်သည်။

                ကျွန်ုပ်တို့တိုင်းပြည်နှင့် ကြီးမားစွာ ဆက်စပ်ပတ်သက်နေသော အိမ်နီးချင်းမြန်မာနိုင်ငံသည် အမြဲတမ်း စောင့်ကြည့်နေရန် လိုအပ်သော နိုင်ငံ ဖြစ်သည်။ ပြီးခဲ့သည့် နိုဝင်ဘာလက ရွေးကောက်ပွဲကျင်းပပြီးနောက်၊ ဒေါ်အောင်ဆန်းစုကြည်အား လွှတ်ပေးခဲ့ခြင်းကြောင့် မီဒီယာများ၏ အာရုံစူးစိုက်မှု ကိုခံခဲ့ရသည်။ သို့သော် ပြီးခဲ့သည့်လများအတွင်း မြန်မာနိုင်ငံတွင် ပြောင်းလဲမှုများ ပေါ်ပေါက်မှုနှင့် ပတ်သက်၍ သတင်းအချက်အလက် အနည်းငယ်သာ ရှိသောကြောင့် စိတ်ဝင်စားမှုလျော့ကျခဲ့ရသည်။

                ထိုသို့သော အချိန်တွင် အစိုးရသစ်ဖွဲ့ပြီးနောက် ပထမဆုံးအကြိမ်အဖြစ် Myanmar and the International Community The way Forward အမည်ဖြင့် နိုင်ငံတကာ ဆွေးနွေးပွဲတစ်ခုသို့ တက်ရောက်ရန် ဖိတ်ကြားခံခဲ့ရသည်။ အဆိုပါ ဆွေးနွေးပွဲကို ဇွန်လကုန်ပိုင်းက မြန်မာနိုင်ငံနိုင်ငံခြားရေး ဝန်ကြီးဌာနနှင့် ဂျာမန်ဖောင်ဒေးရှင်းတစ်ခုဖြစ်သော FES တို့ပူးပေါင်းကျင်းပခဲ့ကြပြီး အကျိုးရှိသော ဆွေးနွေးပွဲ ဖြစ်ခဲ့သည်။ ဆွေးနွေ&