Transparency Myanmar

transparency.myanmar@gmail.com

yangonchronicle 2011
yangonchronicle 2011

၁၀.၇.၂၀၁၁

ပြည်တွင်းသတင်းများ

ပင်စင်လစာများ ထုတ်ယူရာတွင် ညွှန်ကြားချက်များ ထုတ်ပြန်

ပင်စင်စားများ ပင်စင်လစာထုတ်ယူရာတွင် အခက်အခဲများ ကြုံတွေ့ခြင်း မရှိနိုင်စေရန် ညွှန်ကြားချက်များကို ဘဏ္ဍာရေးနှင့် အခွန်ဝန်ကြီးဌာနမှ ဇူလိုင် ၉ ရက်နေ့က ထုတ်ပြန်ခဲ့သည်ဟု နိုင်ငံပိုင်သတင်းစာမှ သိရှိရသည်။

ယင်းထုတ်ပြန်ချက်တွင် ပင်စင်စားများသည် မိမိနေထိုင်ရာမြို့နယ်တွင် မိခင်ဌာနရုံးချုပ်/ရုံးခွဲများ မရှိပါက မိခင်ဌာနကိုယ်စား မြို့နယ်ထွေအုပ်ရုံး များတွင် တိုးမြှင့်ပင်စင်လစာများကို သက်ဆိုင်ရာဌာနများသို့ သွားရောက်တင်ပြရမည်ဖြစ်ကြောင်း၊ ပင်စင်လစာခွင့်ပြုမိန့်မရှိပါကလည်း ပင်စင်လစာစာအုပ် တစ်ခုတည်းဖြင့် ဆက်လက်ဆောင်ရွက်နိုင်ကြောင်း ယင်းထုတ်ပြန်ချက်တွင် ပါရှိသည်။

ပင်စင်စားမကျန်းမာပါကလည်း ၎င်းကိုယ်စားထုတ်ယူနိုင်ပြီး၊ ယင်းပင်စင်စား သက်ရှိထင်ရှားရှိကြောင်း သက်ဆိုင်ရာဌာနများမှ စိစစ်အတည်ပြုပြီး ပါက သက်ဆိုင်ရာဌာနသို့ တိုးမြှင့်ပင်စင်လစာတောင်းခံလွှာကို ပေးပိုရမည်ဖြစ်ပြီး၊ ပင်စင်ထုတ်ယူခြင်းနှင့် ဆက်စပ်သည့် အစိုးရဌာနများမှ ပြီးပြည့်စုံစွာ အကူအညီပေးရမည်ဟု ညွှန်ကြားထားကြောင်း ရန်ကုန်တိုင်းဒေသကြီးရှိ မြို့နယ်အုပ်ချုပ်ရေးမှူးရုံးဝန်ထမ်းတစ်ဦးက ဆိုသည်။

ယင်းကဲ့သို့ ညွှန်ကြားချက်ထုတ်ပြန်လိုက်ခြင်းကြောင့် သက်ဆိုင်ရာအစိုးရဌာနများနှင့် ဆက်စပ်လုပ်ကိုင်ရာတွင် အဆင်ပြေနိုင်ကြောင်း အလုပ် သမားဝန်ကြီးဌာနမှ အငြိမ်းစားဝန်ထမ်းတစ်ဦးက ဆိုသည်။

ဘဏ္ဍာအခွန်မှ အကြီးတန်းအရာရှိအဆင့်ဖြင့် အငြိမ်းစားယူခဲ့သည့် အရာရှိတစ်ဦးကလည်း "ဒီလိုညွှန်ကြားချက် တိတိကျကျထုတ်ပြန်လိုက်တော့ နယ်ကိုခရီးမသွားနိုင်သူတွေ၊ ကျန်းမာရေးမကောင်းတဲ့သူတွေအတွက် တော်တော်အဆင်ပြေသွားတယ်"ဟု ဆိုသည်။

၂၀၁၁ ခုနှစ်၊ ဇွန်လ ၃၀ရက်မှစတင်ကာ နိုင်ငံ့ဝန်ထမ်းပင်စင်စားများနှင့် နိုင်ငံရေးပင်စင်စားများအား ပင်စင်လစာတိုးမြှင့်ပေးကြောင်း အမိန့်ကြေ ငြာစာ ထွက်ပေါ်ခဲ့သော်လည်း မည်သို့ဆက်လက်ဆောင်ရွက်ရမည်ကို ညွှန်ကြားချက်များ မထွက်လာသဖြင့် သက်ဆိုင်ရာအစိုးရဌာနများနှင့် ပင်စင်စားများ အခက်ကြုံခဲ့ရကြောင်း ပြီးခဲ့သည့် ရန်ကုန်ခရော်နီကယ်သတင်းလွှာတွင် ဖော်ပြပါရှိခဲ့ပြီးဖြစ်သည်။

ယင်း ပင်စင်စားများသည် နှစ်လွန် ပင်စင်လစာနှင့်တိုးမြှင့်ပင်စင်လစာများအတွက်ရရှိမည်ဖြစ်သော ပင်စင်လစာငွေကို မြို့အသီးသီးရှိ မြန်မာ့ စီးပွားရေးဘဏ်ခွဲပေါင်း ၂၉၆ ခု၌ ထုတ်ယူနိုင်အောင်စီစဉ်ထားပေးပြီးဖြစ်ကြောင်း ဘဏ္ဍာရေးနှင့် အခွန်ဝန်ကြီးဌာနမှ အရာရှိတစ်ဦးက ဇူလိုင် ၉ ရက်နေ့ တွင် ဆိုသည်။

ပင်စင်ဦးစီးဌာန၏ ထုတ်ပြန်ချက်များအရ မြန်မာတစ်နိုင်ငံလုံးတွင် နိုင်ငံဝန်ထမ်း ပင်စင်စား (၈)သိန်းကျော်နှင့် နိုင်ငံရေး ပင်စင်စား(၄) သောင်း ကျော် ရှိကြောင်း သိရှိရသည်။

ကျော်စွာ

-----------------------------------------------------------------------------------------------------------------------------------

တောင်းပန်ခြင်းမပြုနိုင်၊ အမှုကိုရင်ဆိုင်သွားမည်ဟု Hot News ဆို

SSC ၏ ဝန်ဆောင်မှု အပေါ်ရေးသားခဲ့သော သတင်းဆောင်းပါးနှင့် ပတ်သက်၍ ရှင်းလင်းပွဲတစ်ရပ်ကို ဇူလိုင်လ ၈ ရက်နေ့ မွန်းလွဲ ၂ နာရီက ရန်ကုန်မြို့ Park Royal Hotel တွင် ပြုလုပ်ခဲ့ရာတွင်  အသရေဖျက်မှုဖြင့် တရားစွဲခံရသည့် အမှုများကို ရင်ဆိုင်သွားမည်ဟု အပတ်စဉ်ထုတ် Hot News သတင်းဂျာနယ်၏ အယ်ဒီတာချုပ် ဒေါ်ဟေမာ (ခ) မမက ပြောကြားခဲ့သည်။

အဆိုပါရှင်းလင်းပွဲတွင် မမှန်မကန်ဖော်ပြထားခြင်း မဟုတ်သည့်အတွက် မတောင်းပန်နိုင်ကြောင်း Hot News ဂျာနယ်မှ SSC အထူးကုဆေးရုံသို့ နို့တစ်စာပြန်ခဲ့ကြောင်း မိမိတို့ထံသို့ တရားဝင်သမ္မာန်စာ မရောက်ရှိသေးသောကြောင့် မိမိတို့အား တရားစွဲသည်ကို အတိအကျ မသိရသေးကြောင်း၊ တရား စွဲခဲ့သည်ဆိုပါကလည်း တရားဥပဒေနှင့်အညီ ရင်ဆိုင်သွားမည်ဖြစ်ကြောင်း၊ မိမိတို့ထံတွင် SSC အထူးကုဆေးရုံ ဝန်ဆောင်မှုကို သုံးသပ်သည့်သတင်း နှင့်ပတ်သက်၍ အထောက်အထား အခိုင်မာရှိကြောင်း အယ်ဒီတာချုပ် ဒေါ်မမက  ပြောကြားခဲ့သည်။

SSC အထူးကုဆေးရုံမှ Hot News Journal အား တရားရုံးနှစ်ခုတွင် အမှုနှစ်ခုဖြင့် စွဲဆိုထားကြောင်း ဇူလိုင်လ ၆ရက်နေ့က အမှုတင်ခဲ့ခြင်း ဖြစ် ကြောင်း တစ်မှုမှာ ဗဟန်းမြို့နယ်တွင် အမှု အမှတ်၃၁၅/၂၀၁၁၊ အသရေဖျက်ခြင်းနှင့် သက်ဆိုင်သည့် ပြစ်မှုဆိုင်ရာ ဥပဒေပုဒ်မ ၅၀၀/၅၀၁ဖြင့် စွဲဆိုထား သည့် အမှုဖြစ်ပြီး၊ ကျန်တစ်မှုမှာ  ရန်ကုန်တိုင်းဒေသကြီး တရားလွှတ်တော်တွင် အမှုအမှတ်၂၆၀၁/၂၀၁၁၊ နစ်နာမှုလျော်ကြေး သိန်းပေါင်းနှစ်သောင်း ရလိုမှု ဖြင့် စွဲဆိုထားသည့် အမှုဖြစ်ပြီး နှစ်မှုလုံးတွင် အယ်ဒီတာချုပ် ဒေါ်ဟေမာ (ခ) မမ၊ အမှုဆောင်အယ်ဒီတာ ဦးခင်မောင်အေးနှင့် ထုတ်ဝေသူ ဦးဝေဖြိုးမင်းတို့ အား တရားစွဲ ဆိုထားခြင်းဖြစ်ကြောင်း  သိရသည်။

အဆိုပါ အမှုအား ရင်ဆိုင်သွားရမည်ဆိုပါက Hot News Journal ဘက်မှ လက်ရှိသင်္ဃန်းကျွန်းမြို့နယ် ပြည်သူ့လွှတ်တော်ကိုယ်စားလှယ်ဖြစ်သည့် တရားလွှတ်တော်ရှေ့နေ ဦးသိန်းညွန့်က ရှေ့နေအဖြစ် လိုက်ပါဆောင်ရွက်မည်ဖြစ်ကြောင်း သိရသည်။

Hot News Jounal အတွဲ(၁)၊ အမှတ်(၄၂)တွင် "ပုဂ္ဂလိကဆေးရုံ SSC ၏ ဝန်ဆောင်မှု" ခေါင်းစဉ်ဖြင့် ဖော်ပြခဲ့ပြီး ရှေ့အပတ်ဆက်ရန်ဟု ဖော်ပြ ထားခဲ့သော်လည်း နောက်တစ်ပတ်တွင် ဆက်လက်ဖော်ပြခဲ့ခြင်း မရှိကြောင်း ယင်းကိစ္စနှင့်ပတ်သက်၍ စာပေစိစစ်ရေးမှ ခွင့်မပြုသောကြောင့် ဖော်ပြနိုင်ခဲ့ ခြင်းမရှိကြောင်း  အယ်ဒီတာချုပ် ဒေါ်မမ၏ ပြောကြားချက်အရ သိရသည်။

ဇွန်လ ၃ ရက်နေ့ထုတ် Hot News Jounal တွင် ဖော်ပြခဲ့သည့် SSC အထူးကုဆေးခန်းနှင့်ပတ်သက်သည့် သတင်းနှင့်ပတ်သက်၍ အချက် အလက်များ မှားယွင်းနေကြောင်း၊ မမှန်မကန် ဖော်ပြထားကြောင်းနှင့် ဇွန်လ ၃၀ရက်နေ့ နောက်ဆုံးထား၍ ဂျာနယ်စာမျက်နှာပေါ်မှ တရားဝင် ပြန်လည် တောင်းပန်ရန်၊ ထိုသို့ ပြန်လည်မတောင်းပန်ပါက တရားစွဲဆိုသွားမည်ဖြစ်ကြောင်း SSC အထူးကုဆေးခန်းမှ နို့တစ်စာပို့ခဲ့ကြောင်းလည်း သိရသည်။

Hot News Jounal ဂျာနယ်၏ အမှုဆောင်အရာရှိချုပ်ှင့် အယ်ဒီတာချုပ် ဒေါ်မမသည် မုခမဂ္ဂဇင်း၊ ပေဖူးလွှာ မဂ္ဂဇင်းကိုလည်း ထုတ်ဝေထားပြီး ဒုတိယဗိုလ်ချုပ်ကြီး ခင်မောင်သန်း(ငြိမ်း)၏ သမီးဖြစ်သလို ခင်ပွန်းသည်မှာ တပ်မတော်အငြိမ်းစား အရာရှိကြီးတစ်ဦးဖြစ်သည်။ ၎င်းသည် တည်ဆောက်ရေး လုပ်ငန်းများနှင့် အခြားစီးပွားရေး လုပ်ငန်းများကို လုပ်ကိုင်နေသူလည်းဖြစ်သည်။

(Weekly Eleven၊ အတွဲ-၆၊ အမှတ်-၄၁ ပါ “Hot News ဂျာနယ်တွင်ပါသော "ပုဂ္ဂလိကဆေးရုံ SSC ၏၀န်ဆောင်မှု" သတင်းဆောင်းပါးနှင့် ပတ်သက်၍ SSC က တရားစွဲထား သတင်းအချက်အလက်မှန်ကန်သဖြင့် တောင်းပန်ခြင်းမပြုနိုင်ကြောင်း၊ အမှုကိုရင်ဆိုင်သွားမည်ဟု Hot News အယ်ဒီတာချုပ်ပြောကြား ” သတင်းအား အကျဉ်းချုံး ဖော်ပြသည်)

-----------------------------------------------------------------------------------------------------------------------------------

မစ္စတာရော့ဒန်ကလေ အယူခံဝင်မည်

မြန်မာတိုင်း(မ်)ဂျာနယ်ကို တည်ထောင်သူ၊ မြန်မာတိုင်း(မ်)အင်္ဂလိပ်စာစောင်၏ စာတည်းမှူးချုပ်ဖြစ်သူနှင့် ကမ္ဘောဒီးယားနိုင်ငံ ဖနွမ်းပင်ပို့စ် သတင်းစာ၏ ထုတ်ဝေသူ မစ္စတာ ရော့စ်ဒန်ကလေသည် ကမာရွတ်တရားရုံးမှ ၎င်းအပေါ်ချမှတ်ခဲ့သည့် ပြစ်ဒဏ်များအပေါ်တွင် အယူခံဝင်သွားမည်ဖြစ် ကြောင်း ပြောကြားသည်။

တရားလို မခိုင်ဇာလင်းအား သာမန်နာကျင်စေမှုများ ကျူးလွန်ခဲ့မှုဖြင့် မြို့နယ်တရားသူကြီး ဦးအောင်မင်းက မစ္စတာဒန်ကလီကို ထောင်ဒဏ် တစ်လ ချမှတ်ခဲ့သည်။ ထို့ပြင် လူဝင်မှုကြီးကြပ်ရေးဆိုင်ရာ ဥပဒေအရ ဒဏ်ငွေ ကျပ် တစ်သိန်း  ပေးဆောင်ရန်၊ သို့မဟုတ် ထောင်ဒဏ် ခြောက်လ ကျခံရန် အမိန့်ချမှတ်ခဲ့သည်။

သို့ရာတွင် မစ္စတာဒန်ကလီသည် ရန်ကုန်အင်းစိန်အကျဉ်းထောင်တွင် ဖေဖော်ဝါရီနှင့် မတ်လအတွင်းက ၄၇ ရက် အချုပ်ခံထားရပြီး ဖြစ်သဖြင့် ထောင်ဒဏ်ကျခံရန် မလိုအပ်တော့ဘဲ လူဝင်မှုကြီးကြပ်ရေးပြစ်ဒဏ်အတွက် ဒဏ်ငွေပေးဆောင်ခဲ့သည်။

သတင်းထောက်များအား ပြောကြားရာတွင် မစ္စတာဒန်ကလီက မခိုင်ဇာလင်းကို ထိခိုက်ဒဏ်ရာရရှိစေသည်ဆိုသည့်အချက်အပေါ် ငြင်းဆိုခဲ့ သည်။ မစ္စတာဒန်ကလီအပေါ်တွင် စွဲဆိုထားခဲ့သည့် စွဲချက်များအနက်မှ မခိုင်ဇာလင်းအား မူးယစ်ဆေးဝါးများ အတင်းအဓမ္မတိုက်ကျွေးခဲ့သည်ဟု ရုံး တော်က မယူဆကြောင်းနှင့် မစ္စတာဒန်ကလေ၏ နေအိမ်တွင်လည်း မူးယစ်ဆေးဝါးများ ရှာဖွေတွေ့ရှိခဲ့ခြင်းမရှိဟု တရားသူကြီးက ပြောကြားခဲ့သည်။

သို့ရာတွင် ၎င်းသည် မခိုင်ဇာလင်းအား သာမန်နာကျင်စေမှုများကို ကျူးလွန်ခဲ့သည်ဟု တရားရုံးတော်မှ အမိန့် ချ မှတ်ခဲ့ကာ ထိုအချက်သည် လူဝင်မှု ကြီးကြပ်ရေးဥပဒေကို ဖောက်ဖျက်ခဲ့ခြင်းဖြစ်သည်ဟု အမိန့်ချမှတ်ခဲ့သည်။

မစ္စတာဒန်ကလေသည် လွန်ခဲ့သည့် ဖေဖော်ဝါရီလ ၁၀ ရက်နေ့တွင် ရာဇ၀တ်မှုနှင့် လူဝင်မှုကြီးကြပ်ရေး ဥပဒေများကို ချိုးဖောက်ခဲ့သည်ဟု ဆိုကာ ဖမ်းဆီးထိန်းသိမ်းခံခဲ့ရခြင်း ဖြစ်သည်။

တရားလို မခိုင်ဇာလင်းသည် ၎င်းစွဲဆိုထားခဲ့သည့်အမှုများ ပြန်လည် ရုပ်သိမ်းခွင့်ကို ဖေဖော်ဝါရီလတွင် တင်သွင်းခဲ့သော်လည်း  တရားရုံးက လက်မခံခဲ့ဘဲ မေလတွင်မှ အမှုရုပ်သိမ်းခွင့် တင်သွင်းမှုကို လက်ခံခဲ့သည်။

(MYANMAR TIMES အတွဲ ၂၊ အမှတ်- ၅၂၅ ပါ “တရားရုံးဆုံးဖြတ်ချက်ကို မစ္စတာဒန်ကလီ အယူခံဝင်မည်” သတင်းအား အကျဉ်းချုံး ဖော်ပြ သည်)

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

ခြောက်ပါတီမှလူငယ်များ ဇူလိုင် ၁၂ ရက်နေ့တွင် ဂျပန်သွားမည်

ရန်ကုန်၊ ဇူလိုင် ၁၀။

၂၀၁၀ရွေးကောက်ပွဲအနိုင်ရသည့် နိုင်ငံရေးပါတီ ၆ ပါတီမှ လူငယ်ပါတီဝင်များသည် ဇူလိုင် ၁၂ ရက်နေ့တွင် ဂျပန်နိုင်ငံသို့ လေ့လာရေးခရီး စတင်ထွက်ခွာမည်ဖြစ်ကြောင်း သိရှိရသည်။

ယင်းလေ့လာရေးခရီးတွင် လူငယ် ၂၀ ပါဝင်မည်ဖြစ်ကာ၊ အဆိုပါ လေ့လာရေးခရီးစဉ်အား စတင်အကောင်အထည်ဖော်သည့် ပြည်ခိုင်ဖြိုးပါတီမှ ပါတီဝင် ၁၀ ဦးနှင့်အခြား ၅ ပါတီမှ တစ်ပါတီလျှင် ၂ ဦးစီ ပါဝင်မည်ဖြစ်ကြောင်း လေ့လာရေးခရီးတွင် ပါဝင်သည့် ပြည်ခိုင်ဖြိုးပါတီဝင်တစ်ဦးက ဆိုသည်။

"ဇူလိုင် ၁၂ ရက်နေ့သွားပြီး၊ ဇူလိုင် ၂၀ မှာပြန်ရောက်မှာပါ။ ဂျပန်နိုင်ငံမှာတော့ သူတို့ရဲ့ဒိုင်းယက်(လွှတ်တော်)အကြောင်း၊ ဘုရင်စနစ်အကြောင်း၊ ဆူနာမီကြောင့် ပျက်စီးသွားတာတွေကို ဘယ်လိုပြန်လည်တည်ဆောက်နေတယ်ဆိုတာကို ပြသမှာပါ၊ ဒီလိုလေ့လာရေးတွေလုပ်နေရင်း ဂျပန်နိုင်ငံရဲ့ လူနေမှုစနစ်တွေက ဘယ်လိုဆိုတာကို ဂျပန်မိသားစုတွေ ဆီမှာ Home Stay နေရင်းလေ့လာရမှာပါ"ဟု ဆိုသည်။

ပြည်ခိုင်ဖြိုးပါတီ အထွေထွေအတွင်းရေးမှူး ဦးဌေးဦးမှလည်း "ဂျပန်နိုင်ငံက မြန်မာနိုင်ငံရဲ့ လွှတ်တော်တွေထဲမှာ နေရာအများစုရတဲ့ ပါတီတွေကို ရွေးချယ်ပြီး၊ ဒီခရီးစဉ်ကိုဖိတ်ကြားတာပါ"ဟု ဂျပန်ခရီးစဉ်နှင့် ပတ်သက်၍ဆိုသည်။

ပြီးခဲ့သည့် ဇွန်လက အဆိုပါခရီးစဉ်အတွက် ပြုလုပ်သည့် သတင်းစာရှင်းလင်းပွဲတွင် ရက်သတ္တပတ်ကြာမည်ဟု ဦးဌေးဦးမှ သတင်းမီဒီယာများအား ပြောခဲ့သော်လည်း၊ ယခုမှု ရှစ်ရက်ကြာခရီးစဉ်အဖြစ်သို့ ပြန်လည်ပြောင်းလဲသွားခဲ့သည်။

NDF ပါတီမှ လူငယ်ပါတီဝင်တစ်ဦးသည်လည်း ပြည်ထဲရေးဝန်ကြီးဌာနမှ ပတ်စပို့ပိတ်သိမ်းထားသဖြင့်  အဆိုပါ ခရီးစဉ်အားလိုက်ပါရန် အဆင် မပြေဖြစ်နေကြောင်းသိရသည်။

ဂျပန်နိုင်ငံသို့ လေ့လာရေးခရီးသွားမည့် ရွေးကောက်ပွဲအနိုင်ရပါတီ ၆ ပါတီမှာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ အမျိုးသားဒီမိုကရေစီ အင်အားစုပါတီ၊ ရှမ်းတိုင်းရင်းသားများ ဒီမိုကရက်တစ်ပါတီ (SNDP)၊ ရခိုင်တိုင်းရင်းသားများ ဖွံ့ဖြိုးတိုးတက်ရေးပါတီ၊ တိုင်းရင်းသား စည်းလုံးညီညွတ်ရေး ပါတီ၊ မွန်ဒေသလုံးဆိုင်ရာ ဒီမိုကရေစီပါတီတို့ ဖြစ်ကြသည်။

ကျော်စွာ

-----------------------------------------------------------------------------------------------------------------------------------

ပြည်ခိုင်ဖြိုးပါတီမှဆေးရုံသစ်ဖွင့်လှစ်

ရန်ကုန်၊ ဇူလိုင် ၁၀။

ပြည်ခိုင်ဖြိုးပါတီ၏ ဆေးရုံသစ်တွင် ကျောက်ကပ် အခမဲ့ဆေးကြောပေးမည့်ဌာနနှင့် မီးယပ်သားဖွားဆောင် တစ်ခုကိုလည်း ထည့်သွင်းဖွင့်လှစ် ထားကြောင်း ရန်ကုန်တိုင်းဒေသကြီး ပြည်ခိုင်ဖြိုးပါတီတာဝန်ခံ ဦးအောင်သိန်းလင်းက ဇူလိုင် ၁၀ ရက်နေ့တွင် ဆိုသည်။

အင်းစိန်မြို့နယ်၊ ကြို့ကုန်းရှိ GTIကျောင်းဝင်းအတွင်းတွင် ပြည်ခိုင်ဖြိုးပါတီက ဖွင့်လှစ်ထားသော ဖြိုးစေတနာ ဆေးရုံကို ဇွန်လ ၂၅ ရက်နေ့တွင် ဖွင့်လှစ်ခဲ့ပြီး၊ ဆင်းရဲနွမ်းပါးသော ကျောက်ကပ်ဝေဒနာရှင်များအား အခမဲ့ ကျောက်ကပ်ဆေးကြောပေးမည် ဖြစ်သည့်အပြင်၊ ဆင်းရဲနွမ်းပါးသော သားဖွား မိခင်များကိုလည်း ယင်းဆေးရ