Transparency Myanmar

transparency.myanmar@gmail.com

yangonchronicle 2011
yangonchronicle 2011

၁၃.၇.၂၀၁၁

ပြည်တွင်းသတင်းများ

ဖုန်ကန်ရာဇီတောင်ပေါ်တက်ခွင့်ပိတ်ပင်

ရန်ကုန်၊ ဇူလိုင် ၉။

မြန်မာနိုင်ငံတွင် အချမ်းသာဆုံးဟုဆိုသော ထူး ကုမ္ပဏီပိုင်ရှင် ဦးတေဇ ပြီးခဲ့သော မတ်လက ရဟတ်ယာဉ်စက်ချို့ယွင်းပြီး ဆင်းသက်ခဲ့ရသည့် ကချင်ပြည်နယ်၊ ပူတာအိုမြို့နယ်ရှိ၊ ဖုန်ကန်ရာဇီတောင်အား ထိုစဉ်မှစပြီး ယခုအထိ ဖြတ်သန်းသွားလာခွင့် ပိတ်ပင်ထားကြောင်း ဒေသခံများထံမှ သိရ သည်။

ရဟတ်ယာဉ် ဆင်းသက်ခဲ့ရသော မတ်လကတည်းက ပူတာအိုမြို့နယ် အုပ်ချုပ်ရေးမှူးက ပိတ်ပင်ထားမှုကြောင့် တောင်အနီးတဝိုက်ရှိ ဒေသခံများ အနေဖြင့် စားဝတ်နေရေးအခက်အခဲ ကြုံတွေ့နေရကြောင်း ကချင်ပြည်နယ် ဒေသခံတစ်ဦးဖြစ်သူ ဦးဖလားနော်ဒင်းမ်က ဆိုသည်။

“အချိန်ကြာလာတော့ အဲဒီ တောင်ပေါ်မှာ ဆေးမြစ်ရှာ၊ သစ်ဥသစ်ဖုရှာပြီး စားဝတ်နေရေးဖြေရှင်းနေရတဲ့ ဒေသခံတွေအတွက် အခက်အခဲဖြစ်လာ တာပေါ့” ဟု ၎င်းကဆိုသည်။

ထိုသို့ ဖြတ်သန်းသွားလာခွင့်ပိတ်ထားခြင်းမှာ ဦးတေဇအား ပြန်လည်ကယ်တင်ခြင်းမပြုနိုင်မီက ၎င်းတို့အသုံးပြုနိုင်ရန် လေယာဉ်ဖြင့်ချထားပေး ခဲ့ပြီး ၎င်းတို့မရရှိခဲ့သည့် ရိက္ခာထုတ်များကြောင့်ဖြစ်ကြောင်း၊ အဆိုပါ ရိက္ခာထုတ်များတွင် ဂြိုဟ်တုဖုန်းများ ပါသွားပြီး ယင်းတို့ကိုဒေသခံများ ရရှိမည် စိုးသဖြင့် ဖြတ်သန်းသွားလာခွင့် ပိတ်ထားခြင်းဖြစ်ကြောင်း ကချင်ပြည်နယ်မှ လွှတ်တော်ကိုယ်စားလှယ်လောင်းတစ်ဦးဖြစ်သူ ဒေါ်ဘောက်ဂျာက ၎င်းကြား သိထားသော အခြေအနေကို ရှင်းပြသည်။

“အခြား ဘာတွေပါသေးလဲတော့ အတိအကျမသိပါဘူး။ မြန်မြန်တွေ့အောင်ရှာပြီး မြန်မြန်ပြန်ဖွင့်ပေးစေချင်တယ်” ဟု ဒေါ်ဘောက်ဂျာက ဆိုသည်။

အဆိုပါကိစ္စ နှင့်ပတ်သက်ပြီး ထူးကုမ္ပဏီမှ ဒါရိုက်တာတစ်ဦးအား ဆက်သွယ်မေးမြန်းခဲ့ရာ “အဲဒီရိက္ခာထုပ်ကိစ္စကို အတိအကျမသိဘူး။ ဒါပေမယ့် စက်ချို့ယွင်းနေတဲ့ ရဟတ်ယာဉ်ကတော့ အခုထိ ပြန်မသယ်ရသေးဘူ” ဟု ပြန်လည်ဖြေကြားခဲ့သည်။

ဖုန်ကန်ရာဇီတောင်ဝန်းကျင်တွင် ကျေးရွာအုပ်စုပေါင်း ဆယ်ခုကျော်နှင့် ရွာပေါင်း ငါးဆယ်ထက်မနည်းရှိကြောင်း၊ ထိုရွာများရှိဒေသခံအများစုမှာ ဖုန်ကန်ရာဇီတောင်ကို အမီပြုပြီး အသက်မွေဝမ်းကျောင်းနေကြသူများဖြစ်ကြောင်း ဒေသခံ ဦးဖလားနော်ဒင်းမ်က ပြောကြားသည်။

နာမည်ကျော် စီးပွားရေးလုပ်ငန်းရှင်ကြီးတစ်ဦးဖြစ်သော ဦးတေဇမှာ Air-Bagan ဝန်ထမ်းများ၏ တောင်တက်ခရီးအတွက် လမ်းကြောင်း ရှာဖွေ ရန် ဖေဖော်ဝါရီလ ၂၂ ရက်နေ့တွင် ဖုန်ကန်ရာဇီရေခဲတောင်ဒေသသို့ အဆိုပါ ရဟတ်ယာဉ်ဖြင့် သွားရောက်ခဲ့ရာမှ ယင်းကဲ့သို့ မတော်တဆမှု ဖြစ်ပွား ခဲ့ခြင်း ဖြစ်သည်။

ရေခဲတောင်ဒေသတွင် သုံးရက်ကြာပိတ်မိနေခဲ့သော်လည်း ဦးတေဇမှာ တစ်စုံတစ်ရာ ကျန်းမာရေးထိခိုက်မှု မရှိဘဲ ဖေဖော်ဝါရီလ ၂၄ ရက်နေ့ တွင် ရန်ကုန်သို့ ပြန်လည်ရောက်ရှိခဲ့သည်။

မြန်မာနိုင်ငံ၏ အမြင့်ဆုံးတောင်တန်းများတည်ရှိရာ ကချင်ပြည်နယ်၊ ပူတာအိုမြို့နယ်ရှိ ရေခဲတောင်ဒေသမှာ ရန်ကုန်မြို့မှ မိုင်ပေါင်းတစ်ထောင် ကျော်ခန့်အကွာတွင် တည်ရှိပြီး မြစ်ကြီးနားမြို့မှ လေယာဉ်ဖြင့် မိနစ် ၂၀ ခန့် သွားရောက်ရကြောင်း မြစ်ကြီးနားဒေသခံများထံမှ သိရသည်။

ပိုင်စိုး

-----------------------------------------------------------------------------------------------------------------------------------

မြန်မာဘဏ်အတိုးနှုန်းမြင့်မား၍ ပြည်ပလုပ်ငန်းရှင်များ လာရောက်ငွေအပ်နှံ

မြန်မာနိုင်ငံမှ ဘဏ်များမှ အပ်ငွေအပေါ် ပေးသည့် ဘဏ်တိုးနှုန်းမှာ ပြည်ပနိုင်ငံများရှိ ဘဏ်များမှ အပ်ငွေအပေါ်ပေးသည့် ဘဏ်တိုးနှုန်းနှင့် နှိုင်းယှဉ်ပါက ၇ ရာခိုင်နှုန်းပိုမို များပြားသည့်အတွက် ပြည်ပနိုင်ငံမှ လာရောက်ရင်းနှီးမြှုပ်နှံသူ နိုင်ငံခြားသား လုပ်ငန်းရှင်အချို့ပင် မြန်မာဘဏ်၌ ငွေ လာရောက်အပ်နှံမှုများ ရှိနေကြောင်း သိရသည်။

အာဆီယံနိုင်ငံအချို့ရှိ ဘဏ်များတွင် ငွေသွားရောက်အပ်နှံရာတွင်ဘဏ်တိုးနှုန်းမှာ ဘဏ်ချေးငွေဆိုပါက ၅ ရာခိုင်နှုန်းယူပြီး ဘဏ်အပ်ငွေ ဆိုပါက ၃ ရာခိုင်နှုန်းသာ ပြန်ပေးကြောင်း သိရသည်။

မြန်မာနိုင်ငံ၌ ဘဏ်တိုးနှုန်းမှာမူ တစ်နှစ်လျှင်အပ်ငွေအပေါ် ၁၂ ရာခိုင်နှုန်းပေးကြောင်း သိရသည်။ မြန်မာနိုင်ငံမှ ဘဏ်များမှ အပ်ငွေအပေါ် ပေးသည့် ဘဏ်တိုးနှုန်းမှာ ပြည်ပနိုင်ငံများရှိ ဘဏ်များမှ အပ်ငွေအပေါ်ပေးသည့် ဘဏ်တိုးနှုန်းနှင့် နှိုင်းယှဉ်ပါက ၇ ရာခိုင်နှုန်းပိုမို များပြားကြောင်း သိရ သည်။

ထို့ပြင် အာရှနိုင်ငံများ၌ စီးပွားရေးအင်အားကြီးနိုင်ငံနှစ်ခုဖြစ်သည့် ပောာင်ကောင်နှင့် ဂျပန်နိုင်ငံများရှိ ဘဏ်များတွင် ငွေသွားရောက်အပ်နှံပါက အပ်ငွေအပေါ် ဘဏ်တိုးနှုန်း မပေးကြောင်း သိရသည်။ စင်ကာပူနှင့် မလေးရှားနိုင်ငံများရှိ ဘဏ်များတွင်မူ ဘဏ်တိုးနှုန်းမှာ တစ်နှစ်လျှင် ၁ ဒဿမ ၂ ရာခိုင်နှုန်း ကြားရှိကြောင်း စီးပွားရေးလုပ်ငန်းရှင်တစ်ဦးက ပြောကြားခဲ့သည်။

ပြည်တွင်းရှိဘဏ်များတွင် ဘဏ်တိုးနှုန်း ၁၂ ရာခိုင်နှုန်းပေးနေခြင်းမှာ ပြည်ပလုပ်ငန်းရှင်များအတွက် မက်မောစရာ ဖြစ်နေကြောင်း၊ အစိုးရမှ ပြည်တွင်းဘဏ်တိုးနှုန်း ၁၂ ရာခိုင်နှုန်းပေးနေမှုကို မပြောင်းလဲပါက မိမိတို့နိုင်ငံမှ ငွေများကို နိုင်ငံခြားသားလုပ်ငန်းရှင်များက ယူသွားလိမ့်မည်ဖြစ် ကြောင်း၊ ၎င်း ကိစ္စရပ်အား လေးလေးနက်နက်စဉ်းစားစေလိုကြောင်း ပို့ကုန်သွင်းကုန်လုပ်ငန်းရှင်တစ်ဦးက ပြောကြားခဲ့သည်။

မြန်မာနိုင်ငံရှိ ဘဏ်များတွင်ဘဏ်တိုးနှုန်း မြင့်မားနေသည့်အတွက် ပြည်ပနိုင်ငံများမှ လုပ်ငန်းရှင်များပင် ၎င်းတို့နိုင်ငံ၌ လက်ရှိလုပ်ကိုင်နေသည့် အလုပ်ကိုရပ်ကာ အတိုးနှုန်းကွာခြားမှုကြောင့် မြန်မာနိုင်ငံရှိဘဏ်များတွင် လာရောက်အပ်နှံကြကြောင်း သိရသည်။

ယခုကဲ့သို့ မြန်မာနိုင်ငံရှိ ဘဏ်များတွင် ဘဏ်တိုးနှုန်းမြင့်မားနေသည့် ၎င်း ကိစ္စရပ်အပေါ်အမြတ်ထုတ် အခွင့်အရေးယူနေသည့် လုပ်ငန်းရှင် များကို ပုံစံသုံးမျိုးဖြင့် တွေ့ရသည်။ ပထမအမျိုးအစားမှာ ပြည်ပဘဏ်များ၌ ငွေအပ်နှံထားသည့် မြန်မာနိုင်ငံသားလုပ်ငန်းရှင်က ပြည်ပဘဏ်မှ ငွေပြန် ထုတ်၍ ပြည်တွင်းဘဏ်တွင် ပြန်လည်အပ်နှံခြင်းဖြစ်သည်။ ဒုတိယအမျိုးအစားမှာ မြန်မာနိုင်ငံသားမှ ပြည်ပဘဏ်မှ ငွေချေးယူ၍ အတိုးနှုန်းများသည့် ပြည်တွင်းဘဏ်တွင် ပြန်လည် အပ်နှံခြင်းဖြစ်သည်။ တတိယအမျိုးအစားမှာ နိုင်ငံခြားသားလုပ်ငန်းရှင်က မြန်မာနိုင်ငံရှိ ရင်းနှီးသော မြန်မာနိုင်ငံသား အမည်ခံ၍ ဘဏ်၌ အမည်ပြောင်း ငွေစာရင်းဖွင့်ကာ အတိုးရယူနေခြင်းဖြစ်ကြောင်း သိရသည်။

မြန်မာနိုင်ငံရှိ ဘဏ်များမှ နိုင်ငံခြားသားအပ်ငွေအပေါ် ဘဏ်တိုးနှုန်းပေးရမှုမှာ နိုင်ငံတော်ဘက်ဂျက်ထဲမှ ပေးရသလိုပင်ဖြစ်ကြောင်း၊ ပြည်သူ့ ငွေများမှာ ၎င်းနိုင်ငံခြားသားဆီသို့သာ ရောက်ရှိနေကြောင်း ဗပိာုဘဏ်မှ တာဝန်ရှိသူတစ်ဦးက ပြောကြားခဲ့သည်။

(7Day News၊ အတွဲ-၁၀၊ အမှတ်-၁၇ ပါ “ဘဏ်တိုးကြောင့်ပြည်ပလုပ်ငန်းရှင်အချို့ မြန်မာဘဏ်များတွင် ငွေအပ်နေ” သတင်းအား အကျဉ်းချုံး ဖော်ပြသည်)

-----------------------------------------------------------------------------------------------------------------------------------

နိုင်ငံခြားပို့ကုန်ဝင်ငွေရှိသူများကို အဝေးပြေးကုန်ကား တင်သွင်းခွင့်ပေး

မြန်မာနိုင်ငံရှိ လုပ်ငန်းရှင်များထဲမှ နိုင်ငံခြားပို့ကုန် ဝင်ငွေရှိသူတိုင်းအား အဝေးပြေးကုန်တင်ကားများကို တင်သွင်းခွင့် ရရှိမည်ဖြစ်ကြောင်း သိရသည်။

မြန်မာနိုင်ငံရှိ သက်ဆိုင်ရာဌာနများက သတ်မှတ်ထားသည့် ကုန်တင်ကားအမျိုးအစားကိုသာ နိုင်ငံခြားပို့ကုန် ဝင်ငွေရှိသည့် လုပ်ငန်းရှင်များ အနေဖြင့် တင်သွင်းခွင့်ရရှိမည်ဖြစ်ပြီး မြန်မာနိုင်ငံ၌ အာဆီယံစံနှုန်းအတိုင်းကျင့်သုံးရာတွင် အဝေးပြေးယာဉ်မောင်များတွင် ကားလိုအပ်ချက်များ ရှိနေသေး သည့်အတွက် ယခုကဲ့သို့ နိုင်ငံခြားပုိ့ကုန်ဝင်ငွေရှိသူတိုင်း ကုန်တင်ကားတင်သွင်းနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ခွင့်ပြုပေးခဲ့ခြင်း ဖြစ်ကြောင်း ဆောက်လုပ်ရေးဝန်ကြီးဌာန မှ တာဝန်ရှိသူတစ်ဦးက ပြောကြားခဲ့သည်။

ကုန်တင်ကားတင်သွင်းရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သတ်မှတ်ထားသည့် သတ်မှတ်ချက်မှာ အဓိကအနေဖြင့် ဝင်ရိုး လေးခုပါသည့် (၁၂ ဘီး) ကားကိုသာ တင်သွင်းရန် သတ်မှတ်ထားကြောင်း၊ ထို့ပြင် စက်မှု (၂)မှ TATA ကားစက်ရုံကလည်း တန် ၂၀ ရှိသည့်ကားများ ထုတ်လုပ်နေရာမှ တန် ၄၀ ရှိသည့် ကားများကို စတင်ထုတ် နေပြီ ဖြစ်ကြောင်း၊ ယခုကဲ့သို့ ကုန်တင်ကားတင်သွင်းခွင့်ပေးလိုက်သည့်အတွက် ပြည်တွင်း၌ ကုန်နှင့် ကားမလောက်ခြင်းများကို မဖြစ်နိုင်တော့ကြောင်း ၎င်းကဆက်လက်ပြောကြားခဲ့သည်။

ယခုကဲ့သို့ နိုင်ငံခြားပို့ကုန်ဝင်ငွေရှိသူတိုင်း ကုန်တင်ကားတင်သွင်းခွင့် ပေးရန်အတွက် ဇွန်လ နောက်ဆုံးပတ်၌  အဝေးပြေးကုန်စည် ပို့ဆောင်ရေး လုပ်ငန်းရှင်များ အသင်းမှ တာဝန်ရှိသူများအား ဆောက်လုပ်ရေးဝန်ကြီးဌာနမှ ခေါ်ယူဆွေးနွေးခဲ့ကြောင်း သိရသည်။

၎င်း ဆွေးနွေးပွဲအပြီး၌ ဆောက်လုပ်ရေးဝန်ကြီးဌာန၊ စက်မှု(၂)၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနှင့် သက်ဆိုင်ရာဌာနဆိုင်ရာ များက ညှိနှိုင်း၍ တင်သွင်းခွင့်ပြုလိုက်ခြင်းဖြစ်ကြောင်း သိရသည်။

ယခုကဲ့သို့ အာဆီယံစံနှုန်းသတ်မှတ်ချက် အောင်မြင်နိုင်ရန် လမ်းကြေး၊ တံတားကြေး အခွန်ကောက်ခံနေမှုများကို လျှော့ပေါ့ပေးရန် လိုအပ် ကြောင်း၊ ကုန်တင်ယာဉ်များလက်ရှိပေးဆောင်နေရသည့် အခွန်နှုန်းထားများကိုလည်း လျှော့ချပေးသင့်ကြောင်း ကုန်တင်ယာဉ်မောင်းတစ်ဦးက ပြော ကြားခဲ့သည်။

အာဆီယံစံနှုန်းအတိုင်း ဖြစ်နိုင်စေရန် လုပ်ယူခြင်းထက် လိုအပ်ချက်များကို ညှိနှိုင်း၍ သတ်မှတ်ချက်များကို အလိုလို လိုက်နာသွားစေရန် ဆောင် ရွက်သွားသင့်ကြောင်း ဆောက်လုပ်ရေးဝန်ကြီးဌာနက တာဝန်ရှိသူတစ်ဦးက ပြောကြား ခဲ့သည်။

(Popular News၊ အတွဲ-၃၊ အမှတ်-၂၇ ပါ “နိုင်ငံခြားပို့ကုန်ရငွေရှိသူတိုင်း အဝေးပြေးကုန်တင်ကား တင်သွင်းခွင့်ရပြီ” သတင်းအား အကျဉ်းချုံး ဖော်ပြသည်)

 -----------------------------------------------------------------------------------------------------------------------------------

စင်ကာပူလုပ်ခလစာတိုးမြှင့်မှု မြန်မာအများစုမခံစားရ

စင်ကာပူနိုင်ငံ၌ နိုင်ငံခြားသားလုပ်ခလစာများ တိုးမြှင့်ခဲ့သော်လည်း ၎င်းနိုင်ငံ၌  သွားရောက် အလုပ်လုပ်ကိုင်လျက်ရှိသည့် မြန်မာအများစုမှာ လစာတိုးမြှင့်အကျိုးခံစားခွင့် မရရှိခဲ့ကြောင်း သိရသည်။

စင်ကာပူနိုင်ငံရှိ အသေးစားကုမ္ပဏီများအနေဖြင့် လုပ်ချင်ရာလုပ်ကိုင်နိုင်ကြောင်း၊ လစာနှုန်းထားများကို စင်ကာပူအစိုးရက သတ်မှတ်သည့် အတိုင်း ကုမ္ပဏီများက GIO အကောင့်မှနေ၍ တရားဝင်ထည့်ပေးသော်လည်း လစာထုတ်ပြီးပါက တိုးသည့်လစာနှုန်းထားကို ၎င်းကုမ္ပဏီသို့ပင် ပြန်လွှဲပေး ရကြောင်း စင်္ကာပူနိုင်ငံ၌ သွားရောက် အလုပ်လုပ်ကိုင်နေသူတစ်ဦးက ပြောကြားခဲ့သည်။

ထို့ပြင် ၂၀၀၈ စီးပွားပျက်ဂယက်မှ စတင်၍ မြန်မာနိုင်ငံမှ စင်ကာပူနိုင်ငံသို့ သွားရောက်အလုပ်လုပ်ကိုင်ကြသည့် မြန်မာလုပ်သားများသည် စင်ကာပူနိုင်ငံ၌ အလုပ်ရရှိမှုလွယ်ကူစေရန် ကုမ္ပဏီများနှင့် ညှိနှိုင်းသဘောတူ စာချုပ် ချုပ်ဆိုရာတွင် အစိုးရသတ်မှတ်နှုန်းထက် လျှော့ယူ၍ လုပ်ကိုင်ပါ မည်ပာု ကတိပြုစာချုပ်ချုပ်ဆို၍ အလုပ်လုပ်ကိုင်ရန် စင်ကာပူနိုင်ငံသို့ သွားရောက်ကြကြောင်း သိရသည်။

တစ်ဖက်မှ စင်ကာပူအစိုးရမှ နိုင်ငံခြားသားအလုပ်သမားများအတွက် လစာနှုန်းထား တိုးပေးသော်လည်း အချို့ ကုမ္ပဏီများမှာ အခြားတစ်ဖက်မှ အကျိုးခံစားခွင့်များကို ပြန်လျှော့ကြောင်း၊ ၎င်း ကိစ္စရပ်များကို အများဆုံးလုပ်သည့် ကုမ္ပဏီများမှာ အလယ်အလတ်တန်းစားကုမ္ပဏီများပင်ဖြစ်ကြောင်း စင်ကာပူနိုင်ငံ၌ သွားရောက်အလုပ်လုပ်ကိုင်နေသည့် မြန်မာအင်ဂျင်နီယာတစ်ဦးက ပြောကြားခဲ့သည်။

၂၀၁၁ ခုနှစ် ဇူလိုင်လ မှစတင်၍ စည်းမျဉ်းအသစ်ကို စတင်ခဲ့ရာ Spass အတွက် အခြေခံလစာ ၁၈၀၀ မှ ၂၀၀၀ သို့လည်းကောင်း၊ EP အမျိုး အစားများဖြစ်သည့် Q1, P2, နှင့် P1 အတွက်ဒေါ်လာ ၂၈၀၀၊ ၄၀၀၀ နှင့် ၈၀၀၀ အထိ အသီးသီး တိုးမြှင့်သွားမည်ဖြစ်ကြောင်း အလုပ်သမားဝန်ကြီးဌာန ဝန်ကြီး Mr.Gan Kim Yoong က ပါလီမန်တွင် ပြောကြားခဲ့ကြောင်း သိရသည်။

ယခုကဲ့သို့ စင်ကာပူနိုင်ငံတွင် နိုင်ငံခြားသား အလုပ်သမားများအတွက် လစာနှုန်းထားတိုးမြှင့်လိုက်သည့်အတွက် နိုင်ငံခြားသားဝန်ထမ်း အလုပ် သမားများနှင့် ပြည်တွင်းကျွမ်းကျင် ဝန်ထမ်းအလုပ်သမားများအကြား ယှဉ်ပြိုင်မှုများ ရှိလာနိုင်ပြီး စင်ကာပူနိုင်ငံအနေဖြင့် နိုင်ငံခြားသား ကျွမ်းကျင်လုပ် သားများကို တံခါးပိတ်၍ မဖြစ်နိုင်ကြောင်း စင်ကာပူအစိုးရမှ ပြောကြားခဲ့ကြောင်း သိရသည်။

ယခုကဲ့သို့ စင်ကာပူနိုင်ငံမှ နိုင်ငံခြားသားအလုပ်သမားများအတွက် လစာနှုန်းထားတိုးပေးခြင်းမှာ စင်္ကာပူနိုင်ငံတွင် စရိတ်စကများ ကြီးလာသည့် အတွက် တိုးပေးခြင်းဖြစ်နိုင်ကြောင်း၊  အိမ်သုံး ရေ၊ မီး အခွန်များမှာလည်း ယခင်ထက်ပင် ကြီးလာကြောင်း၊ ထိုသို့ စရိတ်ကြီးထွားလာသည့်အတွက် အခြေခံလစာ တိုးပေးခြင်းဖြစ်နိုင်ကြောင်း စင်ကာပူရောက် မြန်မာပညာရှင်တစ်ဦးက ပြောကြားခဲ့သည်။

(Popular News၊ အတွဲ-၃၊ အမှတ်-၂၇ ပါ “စင်္ကာပူတွင် ပြည်ပလုပ်သားလစာတိုးမြှင့်သော်လည်း မြန်မာအများစုမခံစားရ” သတင်းအား အကျဉ်းချုံး ဖော်ပြသည်)

 -----------------------------------------------------------------------------------------------------------------------------------

 စတီးဝဲလ်လမ်းမကြီး ပြန်လည်ဖွင့်လှစ်သင့်

မြန်မာနိုင်ငံရှိ စီးပွားရေး ရင်းနှီးမြှုပ်နှံမှုများ ပိုမိုလာရန်နှင့် စီးပွားရေးဖွံ့ဖြိုး တိုးတက်မှုများ ရရှိလာနိုင်စေရန် အိန္ဒိယနိုင်ငံ အာသံပြည်နယ်မှ မြန်မာ၊ တရုတ်တောင်ပိုင်းထိတိုင် ဆက်သွယ်ဖောက်လုပ်ထားသည့် ကမ္ဘာကျော်စတီးဝဲလ်လမ်းမကြီးအား ပြန်လည်ဖွင့်လှစ်သင့်ကြောင်း စီးပွားရေး ညာရှင် တစ်ဦးက ပြောကြားခဲ့သည်။

မြန်မာနိုင်ငံသည် အာရှ၌ စီးပွားရေးအင်အား အတောင့်တင်းဆုံးဖြစ်သည့် တရုတ်နိုင်ငံနှင့် အိန္ဒိယနိုင်ငံ နှစ်နိုင်ငံကြားတွင် ရှိကြောင်း၊ ၎င်း နှစ်နိုင်ငံမှ တစ်နိုင်ငံနှင့် တစ်နိုင်ငံ သွားလာရန်ဆိုသည်မှာ မြန်မာနိုင်ငံမှ ဖြတ်သွားမှပင်ရမည် ဖြစ်ကြောင်း၊ စတီးဝဲလ် လမ်းမကြီးပြန်လည်ဖွင့်မည်ဆိုပါက ပြည်တွင်းရှိ လုပ်ငန်းအများအပြားတွင် ရင်းနှီးမြှုပ်နှံမှုများ၊ ငွေကြေးစီးဆင်းမှုများ အများအပြား ရရှိလာနိုင်မည်ဖြစ်ကြောင်း ပြည်တွင်း စီးပွားရေးပညာရှင် တစ်ဦးက ပြောကြားခဲ့သည်။

အစိုးရသစ်လက်ထက်၌ ၎င်း စတီးဝဲလ်လမ်းမကြီး ပြန်လည်ဖွင့်လှစ်နိုင်ရန် မြန်မာနိုင်ငံနှင့် အိန္ဒိယနိုင်ငံတို့မှ ဆွေးနွေးလျက်ရှိကြောင်း သိရသည်။

စတီးဝဲလ်လမ်းမကြီးအား ပြန်လည်ဖွင့်လှစ်မည်ဆိုပါက အိန္ဒိယနှင့် တရုတ်ကြားနယ်ကျော် ကုန်သွယ်ရေး (ပြည်တွင်းဖြတ် ကုန်သွယ်မှု) လုပ်ငန်း အား အဓိက လုပ်ဆောင်သွားနိုင်မည်ဖြစ်ကြောင်း သိရသည်။

နယ်ကျော်ဖြတ်ကုန်သွယ်ရေးအနေဖြင့် အိန္ဒိယနိုင်ငံနှင့် တရုတ်နိုင်ငံ ကုန်သွယ်ပို့ဆောင်ရာတွင် မြန်မာနိုင်ငံမှ လမ်းအသုံးပြုခနှင့် အကောက်ခွန် များကို တိုင်းပြည်ဘဏ္ဍာအဖြစ်ရရှိနိုင်မည်ဖြစ်ပြီး ပြည်သူများအတွက် အလုပ်အကိုင် အခွင့်အလမ်းများလည်း ပိုမိုလာနိုင်ကြောင်း စီးပွားရေးပညာရှင်များ က သုံးသပ်ခဲ့ကြသည်။

ယခုအချိန်ထိတိုင် တရုတ်ဘက်ခြမ်းမှနေ၍ အိန္ဒိယနိုင်ငံသို့ ကုန်သွယ်ပို့ဆောင်ရာတွင် ရေလမ်းကြောင်းကိုသာ အသုံးပြုလျက်ရှိကြောင်း၊ ယခု ကဲ့သို့ တရုတ်-အိန္ဒိယကုန်သွယ်ရေးတွင် ရေလမ်းကြောင်းကိုသာ အသုံးပြုနေရသည့်အတွက် အခက်အခဲများပြားလျက်ရှိကြောင်း၊ စတီးဝဲလ်လမ်းမကြီး သာ ပြန်လည်ဖွင့်လှစ်ပါက အချိန်နှင့် ငွေကုန်ကြေးကျ သက်သွားနိုင်ကြောင်း စီးပွားရေးပညာရှင်တစ်ယောက်ကပြောကြားခဲ့သည်။

(ကုမုဒြာ၊ အတွဲ-၁၊ အမှတ်-၁၉ ပါ “စတီးဝဲလ်လမ်းမကြီး ပြန်ဖွင့်မယ်ဆိုရင်” သတင်းအား အကျဉ်းချုံး ဖော်ပြသည်)

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

NLDအား နိုင်ငံရေးပါတီအဖြစ် မှတ်ပုံတင်ရန် သတင်းစာဆောင်းပါးဖြင့် တိုက်တွန်း

၂၀၁၁ ခုနှစ် ဇွန်လ ၂၈ ရက်နေ့၌ ပြည်ထဲရေးဝန်ကြီးဌာနမှ အမျိုးသားဒီမိုကရေစီအဖွဲ့ချုပ်မှ ဦးအောင်ရွှေနှင့် ဒေါ်အောင်ဆန်းစုကြည်ထံ ဥပဒေနှင့် လိုက်နာဆောင်ရွက်ရန် အကြောင်းကြားစာပေးပို့ခဲ့ပြီးနောက် နိုင်ငံပိုင်သတင်းစာတွင် အမျိုးသားဒီမိုကရေစီအဖွဲ့ချုပ်အား နိုင်ငံရေးပါတီအဖြစ် မှတ်ပုံတင်ရန် တိုက်တွန်းသည့် သဘောပါသည့် ဆောင်းပါးတစ်ပုဒ်ကို ရေးသားထားကြောင်း သိရသည်။

၎င်း ဆောင်းပါးမှာ စာရေးသူပြည့်စုံအောင်ရေးသားထားသည့် ‘ရွေးချယ်ခွင့်လက်ထဲမှာ’ ဆောင်းပါးပင်ဖြစ်ကြောင်း သိရသည်။ ၎င်း ဆောင်းပါး၏ အဓိက ရည်ရွယ်ချက်မှာ အမျိုးသားဒီမိုကရေစီအဖွဲ့ချုပ်အား နိုင်ငံရေးပါတီအဖြစ် ဆက်လက်ရပ်တည်နိုင်ရန် ပါတီအဖြစ် မှတ်ပုံတင်ရန် တိုက်တွန်းထား သည့် ဆောင်းပါးဖြစ်ကြောင်း သိရသည်။

၎င်း ‘ရွေးချယ်ခွင့်လက်ထဲမှာ’ ဆောင်းပါး၌ ဖော်ပြထားသည်မှာ ဒေါ်အောင်ဆန်းစုကြည်တို့အနေဖြင့် လက်ရှိအခြေအနေတွင် ဥပဒေနှင့်အညီ ပါတီပြန်လည် ထူထောင်ပိုင်ခွင့် ရှိနေသည်ကို တွေ့ရကြောင်း၊ လတ်တလောကာလအတွင်း၌ ပါတီသစ်ထူထောင်ခွင့် လျှောက်ထားနေကြသူများ၏ သတင်းများကို သတင်းစာများတွင် တွေ့မြင်နေကြရကြောင်း၊ ဒေါ်အောင်ဆန်းစုကြည်အနေဖြင့်လည်း ပါတီနိုင်ငံရေးအမှန်တကယ် ဆောင်ရွက်လိုသည် ဆိုပါက ဥပဒေနှင့်အညီ ပါတီထူထောင်ခွင့်ရှိကြောင်း၊ ပါတီတည်ထောင်ရာ၌လည်း အမည်သစ်နှင့်ဖြစ်စေ၊ အမည်ပောာင်းနှင့်ပင်ဖြစ်စေ တရားဝင်ရပ်တည် ခွင့်ရရှိရန် ဥပဒေနှင့်အညီ ကြိုးပမ်းသင့်ကြောင်း၊ ပါတီဘက်မှ ဥပဒေနှင့်အညီ တင်ပြလျှောက်ထားလာသည်ဆိုပါက သက်ဆိုင်ရာ ကော်မရှင်အနေဖြင့် လည်း ခွင့်မပြုနိုင်စရာ အကြောင်းမရှိနိုင်ကြောင်း၊ ကောင်းသောလုပ်ရပ်ပင်ဖြစ်ကြောင်း ရေးသား ထားသည်ကို တွေ့ရသည်။

ထို့ပြင် နိုင်ငံပိုင်သတင်းစာတွင်လည်း အခြားဆောင်းပါးတစ်ပုဒ်ဖြင့် အမျိုးသားဒီမိုကရေစီအဖွဲ့ချုပ်အား ပါတီမှတ်ပုံတင်၍ နိုင်ငံရေးပါတီအဖြစ် ရပ်တည်နိုင်ရန် တိုက်တွန်းထားကြောင်း တွေ့ရသည်။

(ပြည်သူ့ခေတ်၊ အတွဲ-၁၊ အမှတ်၅၁ ပါ “နိုင်ငံရေးပါတီအဖြစ် မှတ်ပုံတင်ရန် နိုင်ငံပိုင်သတင်းစာမှ ဆောင်းပါးဖြင့်တိုက်တွန်း”  သတင်းအား အကျဉ်းချုံးဖော်ပြသည်)

-----------------------------------------------------------------------------------------------------------------------------------

ဒေါ်သန်းသန်းနုနှင့် ဒေါ်ချိုချိုကျော်ငြိမ်း ကြားဖြတ်ရွေးကောက်ပွဲ မဝင်ရန်ဆုံးဖြတ်

နိုဝင်ဘာလအတွင်း ကျင်းပနိုင်ဖွယ်ရှိသည့် လွှတ်တော်တွင်းလစ်လပ်နေရာပြန်လည်ဖြည့်တင်းမည့် ကြားဖြတ် ရွေးကောက်ပွဲတွင် ဒီမိုကရက်တစ် ပါတီ (မြန်မာ) အတွင်းရေးမှူးချုပ် ဒေါ်သန်းသန်းနုနှင့် အတွင်းရေးမှူး ဒေါ်ချိုချိုကျော်ငြိမ်းတို့သည် ဝင်ရောက်ယှဉ်ပြိုင်တော့မည် မပာုတ်ကြောင်း သိရ သည်။

မိမိအနေနှင့် ကြားဖြတ်ရွေးကောက်ပွဲတွင် ဝင်ရောက်ယှဉ်ပြိုင်တော့မည်မပာုတ်ကြောင်း၊ ထပ်မံပြုလုပ်မည့် ကြားဖြတ်ရွေးကောက်ပွဲ၌ ဝင်ရောက် ယှဉ်ပြိုင်ပါက ကုန်ကျစရိတ်အနေဖြင့် မည်မျှရှိမည်ကို မခန့်မှန်းနိုင်သေးကြောင်း၊ ပါတီစည်းရုံးရေးမှာလည်း လုပ်ဆောင်ရဦးမည်ဖြစ်ကြောင်း၊ ၎င်း အခြေ အနေ အကြောင်းများကြောင့် ကြားဖြတ်ရွေးကောက်ပွဲ၌ ဝင်ရောက်မပြိုင်တော့ရန် ဆုံးဖြတ်ခြင်းဖြစ်ကြောင်း ဒီမိုကရက်တစ်ပါတီ(မြန်မာ)မှ အတွင်းရေး မှူးချုပ် ဒေါ်သန်းသန်းနုက ပြောကြားခဲ့သည်။

ဒီမိုကရက်တစ်ပါတီ(မြန်မာ)မှ အတွင်းရေးမှူး ဒေါ်ချိုချိုကျော်ငြိမ်းကလည်း ကြားဖြတ်ရွေးကောက်ပွဲ မဝင်ရောက်သည့်ကိစ္စရပ်နှင့် ပတ်သက်၍ ကြားဖြတ် ရွေးကောက်ပွဲ ဝင်ရောက်တော့မည် မပာုတ်ကြောင်း၊ရွေးကောက်ပွဲများ၌ ဝင်ရောက်ယှဉ်ပြိုင်သည်ဆိုသည်မှာ နိုင်ခြင်း၊ ရှုံးခြင်းသည် အဓိက မပာုတ်ဘဲ တိုင်းပြည်အတွက် အမှန်တကယ် အလုပ်လုပ်ပေးနိုင်ရန် ဝင်ရောက်ခြင်းဖြစ်ကြောင်း၊ မိမိအနေဖြင့် မည်သည့်ရာထူးမှ မလိုအပ်ကြောင်း ပြော ကြားခဲ့သည်။

ပြီးခဲ့သည့် ၂၀၁၀ ရွေးကောက်ပွဲ၌ ဒီမိုကရက်တစ်ပါတီ(မြန်မာ) မှ အတွင်းရေးမှူးချုပ် ဒေါ်သန်းသန်းနုသည်  မန္တလေးတိုင်းဒေသကြီး မဲဆန္ဒနယ် အမှတ်(၂) မှ ဝင်ရောက်ယှဉ်ပြိုင်ရှုံးနိမ့်ခဲ့ပြီး၊ ၎င်း ရွေးကောက်ပွဲ၌ပင် ဒီမိုကရက်တစ်ပါတီ (မြန်မာ)မှ အတွင်းရေးမှူး ဒေါ်ချိုချိုကျော်ငြိမ်းသည် ကြို့ပင် ကောက်မြို့နယ်မှ ပြည်သူ့လွှတ်တော် ကိုယ်စားလှယ်အဖြစ် ဝင်ရောက်ယှဉ်ပြိုင်ရှုံးနိမ့်ခဲ့ခြင်းဖြစ်ကြောင်း သိရသည်။

ထို့ပြင် ဒီမိုကရက်တစ်ပါတီ (မြန်မာ) မှ အတွင်းရေးမှူး ဒေါ်ချိုချိုကျော်ငြိမ်းသည် ၎င်း၏ပြိုင်ဘက် ပြည်ခိုင်ဖြိုးပါတီမှ ပြည်သူ့လွှတ်တော် ကိုယ်စား လှယ် ဦးသန့်ဇင်အား ရွေးကောက်ပွဲမသမာမှုအဖြစ် ကန့်ကွက်လွှာ တင်သွင်းရာတွင်လည်း အမှုရှုံးနိမ့်ခဲ့ကြောင်း သိရသည်။

(ပြည်သူ့ခေတ်၊ အတွဲ-၁၊ အမှတ်၅၁ ပါ “ဒီမိုကရက်တစ်ပါတီ(မြန်မာ) မှ အတွင်းရေးမှူး ၂ ဦး ကြားဖြတ်ရွေးကောက်ပွဲမဝင်ရန် ဆုံးဖြတ်” သတင်းအား အကျဉ်းချုံးဖော်ပြသည်)

 ×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

"ယခုအခါ ဥပဒေပြုရေးနယ်ပယ်တွင် ဖြစ်ပေါ်တိုးတက်မှု အခြေအနေသစ်တို့၏ အရိပ်အယောင်ကို စတင်မြင် တွေ့နိုင်ပေတော့မည်။ ဤသည်ကား အခြား မဟုတ်ပါ။ မြန်မာ့စီးပွားဖွံ့ထွားရေး လမ်းစရှာဖွေမှုအဖြစ် လယ်ယာစီးပွားနှင့် မြန်မာနိုင်ငံ၏  ပကတိဖြစ်ခဲ့၊ ဖြစ်ဆဲနှင့် ဖြစ်လတ္တံ့တို့ကို ဆန်းစစ်ဝေဖန် အကဲဖြတ်၍ လယ်ယာစီးပွား မြင့်တင်ခြင်းက စကြမည်ဆိုသည့် သဘောအမြင်တို့သည် ပညာရှင်အသိုင်းအဝိုင်းတို့၌ မကွာသောအမြင်တို့ ရခဲ့ကြခြင်းဖြစ် သည်။ ဤသည်ကို မြန်မာ့လယ်ယာစီးပွား၏ မှန်ကန်သော ထွက်ပေါက်သို့ရောက်ပြီးဟု မှတ်ချက်ပြုလျှင် လွန်အံ့မထင်ပါ"

ဇူလိုင် ၁၄ ထုတ် ရန်ကုန်တိုင်းမ် အတွဲ (၇) အမှတ် (၂၆) တွင်ပါသည့် ဆောင်းပါးရှင် ဦးခင်မောင်ဆွေ(NDF) ၏ "ပြောင်းလဲရမည့် စီးပွားရေး မူဝါဒ မြေယာမူဝါဒနှင့် နိုင်ငံရေးထွက်ပေါက်" ဆောင်းပါးကောက်နှုတ်ချက်

-----------------------------------------------------------------------------------------------------------------------------------

"အခွန်ကိစ္စနဲ့ပတ်သက်ပြီး နိုင်ငံတော်က အခုအများကြီးပြုပြင်ပြောင်းလဲပေးဖို့ အစီအစဉ်တွေရှိနေပါတယ်။ နိုင်ငံတော်က အခုအများကြီး ပြောင်းလဲပေးဖို့ အစီအစဉ်တွေရှိနေပါတယ်။ နိုင်ငံတော်က ပြောင်းလဲကျင့်သုံးနေတဲ့ မူဝါဒများနဲ့အညီ ရှင်းလင်းလွယ်ကူပြီး ပွင့်လင်းမြင်သာမှုရှိတဲ့ အခွန်စနစ် Simple and Transparent Tax  System ဆိုတဲ့စနစ်ကို ပြောင်းလဲကျင့်သုံးနိုင်ရေးအတွက် ပြည်တွင်းအခွန်များဦးစီးဌာနကနေ တာဝန်ယူ ဆောင်ရွက်လျက်ရှိ နေတယ်လို့ သိရပါတယ်။ အဲဒီနေရာမှာ ပုဂ္ဂလိကကဏ္ဍက လုပ်ငန်းရှင်တွေ၊ လုပ်ငန်းအသင်းအဖွဲ့တွေရဲ့ အကြံပြုချက်တွေဟာ အရေးပါတဲ့နေရာကို ရောက်လာပါတယ်"

ဇူလိုင် ၁၃ ထုတ် Weekly ELEVEN အတွဲ (၆) အမှတ် (၄၁) တွင်ပါသည့် "အခွန်ကိစ္စရပ်များနှင့် ပတ်သက်ပြီး လက်ရှိအခြေအနေနှင့် ဆီ လျှော်မှု မရှိတော့သည့် ပြဋ္ဌာန်းချက်များနှင့် ပြင်ဆင်သင့်သည့် ပြဋ္ဌာန်းချက်များကို တင်ပြဆွေးနွေးနိုင်ရန် လုပ်ငန်းရှင်များ အသိပေး" သတင်းဆောင်းပါးမှ မြန်မာနိုင်ငံ ငါးလုပ်ငန်းအဖွဲ့ချုပ်မှ ဒုတိယဥက္ကဋ္ဌ ဦးနှင်းဦး၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"မပီမသမှ ပီသလာအောင်၊ သို့မဟုတ် မပီမသမှ ပို၍မှေးမှိန်သော အနေအထား ပြန်လည်ရောက်ရှိမသွားအောင် ဘာတွေလိုပါမည်နည်း။ လောလောဆယ် မိမိအနေအထားကို ပြန်စဉ်းစားကြည့်ပါ။ ကျွန်တော်တို့ ရောက်ရှိနေသည်က၊ ယခင်အာဏာပိုင်စနစ်နှင့် ကာလရှည်ကြာ အုပ်ချုပ်လာခဲ့ရာမှ ပြည်သူလူထု၏ နှစ်ပေါင်း ၂၀ ကျော် တောင်းဆိုမှုများအရ ဒီမိုကရေစီသို့ ကူးပြောင်းရန် အစပြုသည့် အနေအထားဖြစ်သည်။ ထို့ကြောင့် အကူး အပြောင်းကိစ္စတွင် ပါဝင်လုပ်ဆောင် ပေးရမည့်သူများထဲ၌ စိတ်အားထက်သန်သူများရော၊ မလိုလားမထက်သန်သူများပါ ရောနှောပါရှိနေနိုင်သည်။ ဒီမိုကရေစီ လိုလားသော ပြည်သူများနှင့် ပြုပြင်ပြောင်းလဲရေးစိတ်ဓာတ် ထက်သန်သော ပြည်သူ့ကိုယ်စားလှယ်များ အားထုတ်ကြိုးပမ်းကြမှသာလျှင် ဒီမိုကရေစီ ပီပြင်အောင် တဖြည်ဖြည်း တွန်းရွှေ့သွားနိုင်လိမ့်မည်"

ဇူလိုင် ၁၄ ပြည်သူ့ခေတ်ဂျာနယ် အတွဲ (၁) အမှတ် (၅၁) တွင်ပါသည့် အယ်ဒီတာ့အာဘော်ကောက်နှုတ်ချက်

-----------------------------------------------------------------------------------------------------------------------------------

"အစိုးရကို ရက် ၁၀၀ လောက်နဲ့ကောက်ချက်ချရင်တော့ စောတယ်လို့ထင်တယ်။ မြန်မာနိုင်ငံက နှစ်အကြာ ကြီးနေမှ ပြောင်းလဲခဲ့လို့ အချိန်ပေးဖို့လိုတယ်။ ခြုံပြောရရင်တော့ လူတွေအားလုံး မျှော်လင့်ထားတာက များတော့ မျှော်လင့်ထားတာ လောက်တော့ မရသေးဘူး"

ဇူလိုင် ၁၄ ထုတ် 7DAYS အတွဲ (၁၀) အမှတ် (၁၇)တွင်ပါသည့် "ဦးသိန်းစိန်အစိုးရ၏ ပထမဆုံး ရက် ၁၀၀" သတင်းဆောင်းပါးမှ စီးပွားရေး လုပ်ငန်းရှင်ကြီးတစ်ဦး၏ ပြောကြားချက်အပေါ်ကောက်နှုတ်ချက်

 ×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

ပန်းမဝင်ခင် တက်ထောင်ခြင်းက ပေးသောသင်ခန်းစာ

သမ္မတ၏ စီးပွားရေးအကြံပေး ဦးမြင့် NLD ရုံးချုပ်တွင် စီးပွားရေးဆိုင်ရာ စာတမ်းဖတ်မည့်အစီအစဉ်ကို ဖျက်သိမ်းခဲ့သည်ဟု သိရသည်။ ဦးမြင့်မှ အချိန်မရတော့၍ဟု အကြောင်းပြန်ခဲ့သော်လည်း NLD ပါတီဝင်များက စာတမ်းမဖတ်မီ ပြင်ပသို့ အသိပေးခဲ့၍ ဦးမြင့်မှ စိတ်ခုကာ လာရောက်မဟောပြော တော့ခြင်း ဖြစ်သည်ဟုလည်း သတင်းရပ်ကွက်များမှ သိရသည်။ ဤဖြစ်ရပ်နှင့် ပတ်သက်၍ တွေးမိသော အတွေးများမှာ ပန်းမဝင်မှီ လှော်တက်ထောင် တက်သော၊ မယောင်ရာ ဆီလူးတတ်သော ကျွန်တော်တို့ လူမျိုးတို့၏ စရိုက်များ မည်သို့ ပြုပြင်ကြမည်နည်းဟူ၍သာ။

ပထမဦးစွာ ဦးမြင့် NLD တွင် လာရောက်စာတမ်းဖတ်မည့် ကိစ္စဖြစ်သည်။ ဦးမြင့် စာတမ်းမဖတ်မီပင်လျှင် NLD အနေဖြင့် လက်ရှိအချိန်တွင် မည်သို့ ရပ်တည်နေရသည်ကို ကောင်းစွာနားလည်ထားသင့်သည်။

အမေစုကြောင့်ရော၊ ပါတီဝင်များ၏ စွန့်လွှတ်အနစ်နာခံမှုများကြောင့်ရော စသည်ဖြင့် မည်မျှပင် ပြည်သူ့ချစ်ခင်မှု ရရှိနေသည်ဖြစ်စေ၊ NLD သည် ယခုအစိုးရလက်ထက်တွင် တရားမဝင် ရပ်တည်နေရသော အဖွဲ့အစည်းသာဖြစ်သည်။ NLD တရားဝင်ကြောင်းကို ယခုအုပ်ချုပ်နေသော အစိုးရ၏ တရားရုံးတွင် လျှောက်လဲတင်ပြနေရခြင်းပင်လျှင် လက်ရှိအစိုးရ၏ တရားဝင်မှုကို NLD က အသိအမှတ်ပြုထားသည့် သဘောဖြစ်ရာ အစိုးရက တရားဝင်၊ NLD က တရားမဝင်ဟု ဆိုရမည် ဖြစ်သည်။ ထို့ကြောင့် တရားဝင်အစိုးရသည် ၎င်း၏ ရန်သူကြီး NLD ကို ကျောင်းတော်ကရန်စ အရရော၊ နောင်ဖြစ်လာ မည့်အရေးကြောင့်ရော မည်သို့မျှ မျက်နှာသာမပေးသည်ကို တွေ့ရသည်။ အချိန်ပြည့် ထောက်လှမ်းရေးများ၊ စရဖများဖြင့် အမြဲမပြတ် စောင့်ကြည့်နေ သလို ပြည်ထဲရေးဝန်ကြီး ကိုယ်တိုင်ကပင်လျှင် အမေစုနှင့် ဦးအောင်ရွှေကို လိပ်မူကာ တရားမဝင်ပါတီဖြစ်ကြောင်းနှင့် ဖွဲ့စည်းပုံက သတ်မှတ်ထားသော ဥပဒေအရသာ နေထိုင်ကြရန် သတိပေးခဲ့ပြီး ဖြစ်သည်။

အမေစုကိုယ်တိုင်ပင်လျှင် အခြေအနေကို သဘောပေါက် ဆင်ခြင်သည့်အနေဖြင့် ပညာရှိပီပီ အစိုးရနှင့်ထိပ်တိုက်မတိုးဘဲ ပုဂံခရီးစဉ်ကိုပင် လေကြောင်းခရီးနှင့် သွားခဲ့သည်။ အရေးအခင်းကာလက မြေနီကုန်းတွင် စစ်တပ်က သေနတ်နှင့်ချိန်သည်ကိုပင် ဆက်သွားဝံ့ခဲ့သော အမေစုသည် ယခု အစိုးရကို ကြောက်၍၊ ဒီပဲယင်းကဲ့သို့ ထပ်မံဖြစ်ပွားမည်ကို ကြောက်၍ ကုန်းကြောင်းဖြင့် ခရီးမသွားခြင်းမဟုတ်ပါ။ ပါးရည်နပ်ရည်ရှိသည့် ခေါင်းဆောင်သည် မလိုအပ်ဘဲ ပြဿနာကို ထိပ်တိုက်တိုးလေ့မရှိ။ ဒေါ်အောင်ဆန်းစုကြည်သည် ပြည်သူတို့၏ နှလုံးသည်းပွတ်ဖြစ်ကြောင်း ကားတစ်စီးဖြင့် တစ်နိုင်ငံလုံး လိုက်ပြစရာမလို၊ အချိန်အကန့်သတ်၊ အစိုးရ အကန့်အသတ်များကြားမှ ပုဂံနှင့် ညောင်ဦးဒေသများရှိ ပြည်သူလူထု၏ လှိုက်လှိုက်လှဲလှဲ ချစ်ခင်မှု ရှိနေကြောင်း အစိုးရကို ပညာရှိပီသစွာ ပြလိုက်ပြီဖြစ်သည်။ သို့သော် နောက်လိုက်များကား သူရဲကောင်းဝါဒ မကုန်ချင်ကြသေး။ အခွင့်သင့်လျှင် သင့်သလို အစိုးရကို ပုခုံးချင်းယှဉ်ရန် ကြိုးစားကြသည်။ NLDကား တရားမဝင် မဟုတ်၊ သမ္မတ၏ အကြံပေးကိုယ်တိုင်ပင်လျှင် လာရောက်နေရသော အဖွဲ့ချုပ်ကြီး ဖြစ် သည်ဟု ဂုဏ်ယူ လိုဖွယ်ရှိသည်။ ဦးမြင့် လာရောက်မည့်အကြောင်းကို ပြင်ပသို့ မောင်းခတ်လေတော့သည်။

ဦးမြင့်သည် အမေစုနှင့် မိသားစုပမာရင်းနှီး၍ NLD သို့လာခြင်းဖြစ်သည်။ သမ္မတ အကြံပေးအနေဖြင့် ဒေါ်အောင်ဆန်းစုကြည်ကို လာရောက်ပြီး အစိုးရသစ်၏ အစီအစဉ်များကို ပရိုမိုးရှင်းလုပ်ခြင်း မဟုတ်ပေ။ သမ္မတနှင့် အစိုးရသစ်တွင် မည်သို့ဆောင်ရွက်နေသည်ကို အမေစု သိစေရန် ခင်မင် ရင်းစွဲရှိသည့် သဘောဖြင့်သာ လာရောက်ပြောပြသည့် သဘောသာဖြစ်သည်။ အခြေအနေကောင်းခဲ့လျှင် အစိုးရသစ်နှင့် အမေစုအကြား ကြားလူအဖြစ် ဆောင်ရွက်ပေးရန် စိတ်ကူးရှိပုံ လည်းရသည်။ သို့သော် ကာယကံရှင်က ပို၍သိပေမည်။

ထိုသို့ စိတ်ကူးရှိလျှင်ပင် ဦးမြင့်အနေနှင့် လတ်တလော NLD ၏ အနေအထားကို သဘောပေါက်ပုံရသည်။ သူ့ ဆန်စား ရဲရမည်ဟု နားလည်လျှင် အစိုးရက အမြင်မကြည်သော NLD သို့ လာရောက်သည့် ကိစ္စမှာ ၎င်းအတွက် ကြီးမားသည့် အခက်အခဲဖြစ်ပေလိမ့်မည်။ သမ္မတ၏ အကြံပေးအဖြစ် တာဝန်ယူနေသူက အမေစုသို့ လာရောက်ရန်မှာ သမ္မတကြီး ရာဇမာန်မရှစေရန်လည်း အရေးကြီးသည်။ တစ်ဖက်တွင်လည်း အမေစုနှင့်က မိသားစုပမာ ရင်းနှီးသူ။ ဤအနေအထားတွင် ဦးမြင့်အနေဖြင့် မည်သည့်ပြဿနာမှ ဖြစ်ပွားစေချင်ပုံမရ။ သမ္မတကြီး သိသာသိစေ၊ မမြင်စေနှင့် သဘောဖြင့်သာ လာရောက်လိုခြင်းဖြစ်မည်။ အမေစုနှင့် အစိုးရကိုယ်စားလှယ်အဖြစ်မဟုတ်ဘဲ စီးပွားရေး အခြေအနေနှင့် ပတ်သက်ပြီး ၎င်းတွေ့ရှိထားသည့် အချက် အလက်များကို လာရောက်ဆွေးနွေးခြင်း ဖြစ်ပေမည်။

ထိုသို့ ခက်ခဲသည့် အနေအထားမှ လာရောက်ရသည်ကို မသိနားမလည်သော NLDဝင်များက ဦးမြင့် လာရောက်မည့်အကြောင်းကို ဂုဏ်ယူ တကြီး ကြေညာမောင်းခတ်လေတော့ရာ အင်တာနက်စာမျက်နှာများတွင်ရော၊ ပြင်ပတွင်ပါ သတင်းက ဟိုးလေးတကျော်ဖြစ်ကာ ဦးမြင့်လည်း သမ္မတကြီး၏ ရာဇမာန်ရှမည့်အရေး မျှော်တွေးကာ အစီအစဉ်ကို ဖျက်သိမ်းလိုက်တော့သည်။ လွန်စွာမှပင် နှမြောစရာကောင်းပါသည်။ စာတမ်းတွင် စီးပွားရေးပညာရှင်များ လေ့လာတွေ့ရှိချက်များ ပါပေလိမ့်မည်။ နိုဗယ်ဆုရှင်ကြီးသည် အစိုးရကို မုန်းကောင်းမုန်းနိုင်သော်လည်း ပြည်သူများမျက်နှာကို ထောက်ထားပြီး  ပြည်သူများ ဆင်းရဲမွေတေမှုများ လျော့နည်းပါစေ၊ စီးပွားရေး အဆင်ပြေကြပါစေဟူသော စေတနာဖြင့် ဦးမြင့်တို့ ဖော်ဆောင်မည့် စီးပွားရေး ပြုပြင်ပြောင်းလဲမှုများအတွက် အကြံဥာဏ်ကောင်း ပေးနိုင်ပါလိမ့်မည်။ ဦးမြင့်သည် ပညာရှင်ပင်ဖြစ်သော်လည်း ၎င်းလေးစားရသော အောက် စဖိုဒ့် တက္ကသိုလ်ဆင်း နိုဗယ်ဆုရှင်၏အကြံကို တလေးတစား စဉ်းစားပေလိမ့်မည်။ အစိုးရကလုပ်သည် NLD ကလုပ်သည်၊ ဦးမြင့်က လုပ်သည်ထက်  လတ်တလောတွင် ပြည်သူလူထု အကျိုးဖြစ်ထွန်းမည့် ကိစ္စတစ်ခု နစ်နာသွားခြင်းဖြစ်သည်။ အဓိကတရားခံမှာ သတင်းပေါက်ကြားစေခဲ့သော NLD ပါတီ ဝင်များပင် ဖြစ်သည်။

ယခုမှမဟုတ်၊ ထိုကဲ့သို့ ပါတီဝင်များကြောင့် NLD မှာ ၁၉၉၀ ရွေးကောက်ပွဲတွင် နစ်နာခဲ့ရခြင်း ဖြစ်သည်။ စစ်တပ်မှ အာဏာမလွှဲမီပင် ငါတို့နိုင်ပြီ၊ စစ်ခေါင်းဆောင်များကို စစ်ခုံရုံးတင်ပစ်မည်ဟု ပန်းမဝင်ခင် တက်ထောင်ခဲ့ရာ စစ်တပ် အာဏာသိမ်းမှုကို ကြုံခဲ့ရပြီး ယနေ့ထိတိုင် ပြည်သူလူထုရော၊ NLD ရော ပန်းတိုင် မရောက်ခဲ့တော့ပေ။ အောင်ပွဲခံလိုလျှင် ပန်းဝင်ပြီးမှ ခံရမည်ကို သတိမပြုနိုင်ကြသေးသော၊ အခါခါခံရပြီးသည့်တိုင် သင်ခန်းစာ မယူ နိုင်ကြသေးသည့် လူများပါနေသော အသင်းအဖွဲ့တစ်ခု၏ ကျဆုံးမှုသည် ထူးခြားအံသြစရာ မရှိဟုသာ ဆိုရတော့မည်ဖြစ်သည်။

 ×××××××××××××××××××××××××××××××××××××××××××××××××××××××××××××××


Google Docs makes it easy to create, store and share online documents, spreadsheets and presentations.
Logo for Google Docs