Transparency Myanmar

transparency.myanmar@gmail.com

yangonchronicle 2011
yangonchronicle 2011

၁၈.၈.၂၀၁၁

ပြည်တွင်းသတင်းများ

  1. မော်တော်ယာဉ် တင်သွင်းခွင့်ပြုရန် ပို့ကုန်လုပ်ငန်းရှင်များ နိုင်ငံတော်သမ္မတ ဦးသိန်းစိန်ထံတင်ပြ
  2. တံတားဖြတ်သန်းခပိုကောက်မှု ရန်ကုန်တွင် အရေးယူပြီ
  3. စက်ရုံ၊ အလုပ်ရုံ ပိတ်သိမ်းမှု အကြောင်းမကြားက ထောင်ဒဏ် ၂ နှစ်ထိ ချမှတ်မည်
  4. တရုတ်ရေလုပ်သားများအား လုပ်ကိုင်ခွင့်မပြုတော့

ပြည်တွင်းပါတီ၊ နိုင်ငံရေးသတင်းများ

  1. သမ္မတက ပြည်ပရောက်မြန်မာများကို ပြန်လာရန် ဖိတ်ခေါ်
  2. ဒေါ်စုကို အမေရိကန် အထက်လွှတ်တော်အမတ် John Kerry ၏ လက်ထောက်အရာရှိ သွားရောက်တွေ့ဆုံ
  3. မန္တလေးမြို့တော်ဝန် ဦးဖုန်းဇော်ဟန် ထိန်းသိမ်းခံရ
  4. တာဝန်ရှိသူများအား စော်ကားမှုဖြင့် ပါတီဥက္ကဋ္ဌ တရားစွဲဆိုခံရ

ဆောင်းပါးကဏ္ဍ

  1. ဒီမိုကရေစီတည်ဆောက်ရေးနှင့် ယုံကြည်မှု

×××××××××××××××××××××××××××××××××××××××××××××××××××××××××××××××××

ပြည်တွင်းသတင်းများ

မော်တော်ယာဉ် တင်သွင်းခွင့်ပြုရန် ပို့ကုန်လုပ်ငန်းရှင်များ နိုင်ငံတော်သမ္မတ ဦးသိန်းစိန်ထံတင်ပြ

သြဂုတ်လ ၁၆ ရက်နေ့တွင် နေပြည်တော်၌ ကျင်းပခဲ့သော မြန်မာနိုင်ငံ ပြည်ပပို့ကုန် လုပ်ငန်းရှင် ၃၀ ဦးနှင့် နိုင်ငံတော် သမ္မတ ဦးသိန်းစိန်တို့ ဆွေးနွေးပွဲတွင် ပြည်ပပို့ကုန် လုပ်ငန်းရှင်များအား မော်တော်ယာဉ် တင်သွင်းမှုကို ခွင့်ပြုပေးရန် တင်ပြခဲ့ကြောင်း ဝါးခယ်မ ဆန်စပါးအထူးပြု ရောင်းဝယ်ရေး ကုမ္ပဏီ အုပ်ချုပ်မှုဒါရိုက်တာ ဒေါက်တာစိုးထွန်းထံမှ သိရသည်။

ပြည်ပပို့ကုန် လုပ်ငန်းရှင်များဖြစ်ကြသည့် ဆန်၊ ပဲ၊ နှမ်း၊ ရေလုပ်ငန်း၊ အထည်ချုပ်လုပ်ငန်း နယ်ပယ်မှ လုပ်ငန်းရှင် ၃၀ ဦးနှင့် သမ္မတ ဦးသိန်းစိန်တို့ စီးပွားရေးလုပ်ငန်းနယ်ပယ်တွင် တွေ့ကြုံနေရသော အခက်အခဲများအား ဆွေးနွေးခဲ့ရာတွင် ပြည်ပပို့ကုန် လုပ်ငန်းရှင်များကို ဆွဲဆောင်မှုပေးသည့် အနေဖြင့် မော်တော်ယာဉ် တင်သွင်းခွင့်ပြုရန် တင်ပြခဲ့ခြင်းကို အခြေအနေများကိုကြည့်ကာ စဉ်းစားပေးသွားမည် ဖြစ်ကြောင်း နိုင်ငံတော် သမ္မတ ဦးသိန်းစိန်မှ ပြန်လည် ဖြေကြားခဲ့ကြောင်း သိရသည်။

အဆိုပါဆွေးနွေးပွဲတွင် အစိုးရနှင့် ပုဂ္ဂလိကလုပ်ငန်းများပူးပေါင်း၍ စပါးပိုလျှံသည့် ဒေသများမှ စပါးများအား အာမခံဈေးဖြင့် ဆန်တန်ချိန် တစ်သန်း ပမာဏအထိ အရန်ဆန်အဖြစ်ထားရှိ ဝယ်ယူသွားရန် စီစဉ်နေသည်ကို နိုင်ငံတော်သမ္မတမှ ပြောကြားခဲ့ကြောင်း မြန်မာနိုင်ငံ ဆန်စပါး လုပ်ငန်းအသင်း ဒုဥက္ကဋ္ဌ ဦးလှမောင်ရွှေက ပြည်တွင်းထုတ် သတင်းဂျာနယ်တစ်ခုတွင် ပြောကြားထားသည်။

မြန်မာနိုင်ငံရှိ စီးပွားရေးလုပ်ငန်းများအနေဖြင့် ဆက်သွယ်ရေးအတွက် တယ်လီဖုန်းများကို ဈေးနှုန်းကြီးမြင့်စွာ ပေး၍ ငှားရမ်းအသုံးပြုရမှု၊ သယ်ယူပို့ဆောင်ရေးအတွက် ယာဉ်နှင့် ယန္တယားများကို ဈေးနှုန်းကြီးမြင့်စွာ ဝယ်ယူသုံးစွဲရမှု၊ လျှပ်စစ်မီး ပုံမှန်မရရှိမှုကြောင့် မီးစက်နှင့် လောင်စာဆီသုံးစွဲရမှုနှင့် အခြားအပိုဆောင်းကုန်ကျစရိတ်များ ကုန်ကျမှု အစရှိသည့် အခြေခံအဆောက်အဦများ အားနည်းချွတ်ယွင်းမှုကြောင့် အခက်အခဲများစွာဖြင့် အရင်းအနှီးများကို နှစ်ရင်း၊သုံးရင်း ရင်းနှီးလုပ်ကိုင်ခဲ့ရပြီး အချို့လုပ်ငန်းများမှာ  နိုင်ငံတကာဈေးကွက်တွင် ပါဝင်ယှဉ်ပြိုင်လုပ်ကိုင်ရန်  မတတ်သာတော့ဘဲ လုံးဝသေဆုံးလုနီးပါးအခြေအနေသို့ ရောက်ရှိနေသည့်အတွက် ယခုကဲ့သို့ ပြောဆိုမှုကို မျှော်လင့်ချက်အလင်းတန်း တစ်ခုအဖြစ် စီးပွားရေးလုပ်ငန်းရှင်အများစုက အကောင်းမြင် သုံးသပ်နေကြသည်။

YC

-----------------------------------------------------------------------------------------------------------------------------------

တံတားဖြတ်သန်းခပိုကောက်မှု ရန်ကုန်တွင် အရေးယူပြီ

ရန်ကုန်တိုင်း ဒေသကြီးအတွင်း၌ တံတားဖြတ်သန်းခ ကောက်ခံလျက်ရှိသည့် ဂိတ်များတွင် ကျသင့်ငွေထက် တံတားဖြတ်သန်းခ ပိုမိုကောက်ခံ သည့် ဂိတ်များကို ပထမ အကြိမ်အနေနှင့် သတိပေးမည်ဖြစ်ပြီး ဆက်လက် လုပ်ဆောင်ပါက လုပ်ငန်းလိုင်စင် ရုတ်သိမ်းသည်အထိ အရေးယူ ဆောင်ရွက် သွားမည်ဖြစ်ကြောင်း သက်ဆိုင်ရာ တာဝန်ရှိသူ တစ်ဦးက ပြောကြားခဲ့သည်။

ရန်ကုန်တိုင်းဒေသကြီး အတွင်းရှိ တံတားအသုံးပြုခ ကောက်ခံလျက်ရှိသည့် ဂိတ်အချို့၌ လမ်းတံတားအသုံးပြုခ ကောက်ခံရာတွင် သတ်မှတ် ငွေထက်ပိုယူခြင်း၊ ငွေအကြွေပြန်မအမ်းခြင်းစသည့် ကိစ္စရပ်များရှိနေသည့်အတွက် တိုင်းဒေသကြီး ပြည်သူ့ဆောက်လုပ်ရေးလုပ်ငန်းက အရေးယူ ဆောင်ရွက်နိုင်ရန် ယခုကဲ့သို့ ထုတ်ပြန်ခဲ့ခြင်းဖြစ်ကြောင်း သိရသည်။

ရန်ကုန်တိုင်းဒေသကြီးအတွင်းရှိ တံတားကြေးကောက်ခံမှုများကို BOT စနစ်ဖြင့် ကန်ထရိုက်လုပ်ငန်းရှင်များသို့ ပေးထားသည်မှန်သော်လည်း တံတား အသုံးပြုကြေး ကောက်ခံရမည့် နှုန်းထားကို အစိုးရမှ စည်းကမ်းသတ်မှတ် ပေးထား ပြီးဖြစ်လေသည်။

“ရန်ကုန်တိုင်းဒေသကြီးအတွင်းက တံတားအသုံးပြုခ ကောက်ခံမှုကို BOT စနစ်နဲ့ ပုဂ္ဂလိကပိုင်လွှဲလိုက်တာကတော့ ကောင်းပါတယ်။ ဒါပေမယ့် တံတားအသုံးပြုခအတွက် ကောက်ခံရမယ့် နှုန်းထားတွေကို အစိုးရက ဈေးနှုန်း သတ်မှတ်ထားပေမယ့် လုပ်ငန်းရှင်တွေ မကိုက်တော့ဘူးဆိုရင် ပိုကောက် မှာပဲ။ ဒီတော့ ပုဂ္ဂလိက လုပ်ငန်းရှင် အချင်းချင်း ပြိုင်ဆိုင်မှုဖြစ်အောင် အခွင့်အရေးတန်းတူပေးပြီး လွှတ်ပေးထားသင့်တယ်” ပာု အင်ဂျင်နီယာ တစ်ဦးက ပြောကြားခဲ့သည်။

YC

-----------------------------------------------------------------------------------------------------------------------------------

စက်ရုံ၊ အလုပ်ရုံ ပိတ်သိမ်းမှု အကြောင်းမကြားက ထောင်ဒဏ် ၂ နှစ်ထိ ချမှတ်မည်

မြန်မာနိုင်ငံရှိ အလုပ်ရုံများ ပိတ်သိမ်းခြင်း(သို့) ပိတ်ထားလိုပါက မပိတ်မီတစ်လခန့် ကြိုတင်၍ အလုပ်သမား ကြီးကြပ်ရေး ကော်မတီသို့ အကြောင်းကြားရမည်ဖြစ်ပြီး လုပ်ဆောင်ခြင်းမရှိပါက အလုပ်ရုံအက်ဥပဒေအရ အရေးယူ ဆောင်ရွက်မည်ဖြစ်သွားမည်ဖြစ်ကြောင်း သိရသည်။

၁၉၅၁ ခုနှစ်တွင် ထုတ်ပြန်ခဲ့သော အလုပ်ရုံအက်ဥပဒေမှာ မြန်မာနိုင်ငံရှိ အလုပ်ရုံများကို အမြဲတမ်း(သို့) ယာယီ ပိတ်ထားလိုပါက လုပ်ငန်း ပိုင်ရှင်များက သက်ဆိုင်ရာ အလုပ်သမားကြီးကြပ်ရေးကော်မတီသို့ အကြောင်းကြားရမည်ပာု ပါရှိကြောင်း အလုပ်သမားဝန်ကြီးဌာနမှ တာဝန်ရှိသူ တစ်ဦးက ပြောကြားခဲ့သည်။ လိုက်နာမှုမရှိပါက အလုပ်ရုံ အက်ဥပဒေအရ ထောင်ဒဏ် ၂ နှစ်ထိတိုင် ချမှတ်နိုင်ကြောင်း သိရသည်။

ထို့ပြင် မြန်မာနိုင်ငံ၌ အလုပ်ရှင်နှင့် အလုပ်သမားအကြား ဖြစ်ပွားလျက်ရှိသော အငြင်းပွားမှုဆိုင်ရာ ကိစ္စရပ်များနှင့် ပတ်သက်၍လည်း သက်ဆိုင်ရာ မြို့နယ်များရှိ အလုပ်သမားကြီးကြပ်မှုကော်မတီသို့ အချိန်မရွေး အကြောင်းကြား အကူအညီ တောင်းခံနိုင်ကြောင်း သိရသည်။

အလုပ်ကြီးကြပ်မှု ကော်မတီသည် လက်ရှိအချိန်၌ အလုပ်ရှင်များလိုက်နာရမည့် တာဝန်များနှင့် အလုပ်သမားများ လိုက်နာ ဆောင်ရွက်ရမည့် စည်းကမ်းများကို ရေးဆွဲလျက်ရှိပြီး အလုပ်ရှင်နှင့် အလုပ်သမားများကြား အငြင်းပွားမှုဆိုင်ရာ ကိစ္စရပ်များအတွက် တည်ဆဲဥပဒေနှင့်အညီ အလုပ်သမား ဆိုင်ရာ အခွင့်အရေးများရရှိနိုင်စေရေးအတွက် ဆောင်ရွက်ရန် စီစဉ်လျက်ရှိကြောင်း သိရသည်။

ဂျူလိုင်လလယ်ခန့်က လင်းထက်အမည်ရ အထည်ချုပ်စက်ရုံတစ်ရုံသည် စက်ရုံအလုပ်သမားများကို လုံလောက်သည့် နစ်နာကြေးပေးလျှော်မှု မရှိဘဲ စက်ရုံပိတ်သိမ်းခဲ့မှုကြောင့် သက်ဆိုင်ရာ အစိုးရဌာနများနှင့် တာဝန်ရှိသူများ ညှိနှိုင်းဆောင်ရွက်ခဲ့ရမှု ဖြစ်ပွားခဲ့သည်။

                                                                                                    Ref: Myanmar Post Global

-----------------------------------------------------------------------------------------------------------------------------------

တရုတ်ရေလုပ်သားများအား လုပ်ကိုင်ခွင့်မပြုတော့

မြန်မာ့ပင်လယ်ပြင်တွင် ငါးဖမ်းလုပ်ငန်း လုပ်ကိုင်လျက်ရှိသော နိုင်ငံသားပိုင် ငါးဖမ်းလှေများပေါ်တွင် တရုတ် ကျွမ်းကျင် ရေလုပ်သားများကို လုပ်ကိုင်ခွင့် ပြုတော့မည် မပာုတ်ကြောင်း ငါးလုပ်ငန်းဦးစီးဌာနက တာဝန်ရှိသူတစ်ဦးက ပြောကြားခဲ့သည်။

၎င်း တရုတ် ငါးဖမ်းကျွမ်းကျင်လုပ်သားများကို စက်တင်ဘာ လကုန်ခန့်ထိသာ ဆက်လက်လုပ်ကိုင်ခွင့် ပြုမည်ဖြစ်ပြီး နောက်ပိုင်းတွင် မြန်မာ နိုင်ငံသားပိုင် ငါးဖမ်းစက်လှေများပေါ်တွင် မြန်မာငါးဖမ်းလုပ်သားများကိုသာ ထားရှိသွားမည် ဖြစ်ကြောင်း သိရသည်။

မြန်မာနိုင်ငံ၌ လက်ရှိအသုံးပြုလျက်ရှိသည့် ငါးဖမ်းစက်လှေများမှာ တရုတ်နိုင်ငံမှ တင်သွင်းသည့် စက်လှေများဖြစ်ပြီး ငါးဖမ်းဆီးရာတွင် အသုံးပြုသည့် တရုတ်နိုင်ငံလုပ်ကျားပိုက် (ဘုံကျောင်းပိုက်)ကို အသုံးပြုတတ်စေရန် တရုတ်ငါး ဖမ်းကျွမ်းကျင်လုပ်သားများကို နိုင်ငံသားပိုင် စက်လှေများ တွင် လိုက်ပါခွင့်ပြုခဲ့ခြင်းဖြစ်ကြောင်း သိရသည်။

ထိုသို့ လိုက်ပါခွင့်ပြုခဲ့သော်လည်း တရုတ်ကျွမ်းကျင်ရေလုပ်သားများကို ငါးလုပ်ငန်းဦးစီးဌာနက ရေလုပ်သားကတ်ပြား ပါရှိမှသာ လုပ်ကိုင်ခွင့် ပြုခဲ့ပြီး ၎င်း ရေလုပ်သားကတ် သက်တမ်းမှာ သုံးလတစ်ကြိမ် ကုန်ဆုံးကြောင်း သိရသည်။

ယခုကဲ့သို့ တရုတ်ကျွမ်းကျင် ငါးဖမ်းရေလုပ်သားများကို နိုင်ငံသားပိုင်စက်လှေများပေါ်တွင် လိုက်ပါခွင့် ပိတ်ပင်လိုက်ရခြင်းမှာ မြန်မာ ငါးဖမ်း ရေလုပ်သားများမှာ တရုတ်နိုင်ငံလုပ် ကျားပိုက်(ဘုံကျောင်းပိုက်) ကို ကျွမ်းကျင်စွာ အသုံးပြုတတ်သွားခြင်းကြောင့် ဖြစ်ကြောင်းသိရသည်။

မြန်မာ့ပင်လယ်ပြင်တွင် ငါးဖမ်းလုပ်ငန်းလုပ်ကိုင်ရန် ပြည်တွင်းထုတ် လှေနှင့် တရုတ်နိုင်ငံမှ တင်သွင်းသော လှေ စုစုပေါင်း ၂၀၀၀ ကျော် ခွင့်ပြု ထားပြီး ၎င်း စက်လှေများပေါ်တွင် တရုတ်ကျွမ်းကျင်ရေလုပ်သား ၁၇၈ ဦးလိုက်ပါ လုပ်ကိုင် လျက်ရှိကြောင်း သိရသည်။

                                                                                                                            Ref: 7Day News

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

သမ္မတက ပြည်ပရောက်မြန်မာများကို ပြန်လာရန် ဖိတ်ခေါ်

သြဂုတ်လ ၁၇ ရက်နေ့ မွန်းလွဲ ၂ နာရီတွင် နေပြည်တော်ရှိ (MICC) ခန်းမတွင် ပြောကြားခဲ့သော နိုင်ငံတော် သမ္မတ ဦးသိန်းစိန်၏ မိန့်ခွန်းတွင် အကြောင်း အမျိုးမျိုးကြောင့် ပြည်ပသို့ရောက်ရှိနေသော မြန်မာနိုင်ငံသားများနှင့် တိုင်းရင်းသားများကို ပြစ်မှုတစ်စုံတရာ ကျူးလွန်ခြင်းမရှိပါက အချိန်မရွေး မြန်မာနိုင်ငံသို့ ပြန်လာနိုင်ပြီး ပြစ်မှုများရှိပါက စဉ်းစား ပေးသွားမည်ဖြစ်ကြောင်း ဖိတ်ခေါ်ပြောကြားခဲ့သည်။

အထက်ပါ သမ္မတမိန့်ခွန်းပါအချက်နှင့် ပက်သက်၍ ထိုင်းနိုင်ငံတွင် နေထိုင်နေသူ ABSDF ရဲဘော်ဟောင်းတစ်ဦးက အစိုးရ အနေဖြင့် မည်ကဲ့သို့သောသူမျိုးများကို ဥပဒေအရ လွတ်ငြိမ်းချမ်းသာခွင့် ပေးမည်ဟု  ပါရှိသည့် တိကျသေချာသော ဥပဒေတစ်ခု ထုတ်ပြန် သင့်ကြောင်း ပြောကြားသည်။

ယင်းက “သမ္မတ လက်မှတ်ထိုးထားတဲ့ အမိန့်ကြော်ငြာစာတို့ ထုတ်ပြန်သင့်တယ်။ဒါမှ တရားဝင် ဖြစ်မှာလေ”ဟု ဆက်လက် ပြောကြားသည်။

နိုင်ငံတော် သမ္မတ ဦးသိန်းစိန်မှ ပြည်တွင်း လက်နက်ကိုင် တပ်ဖွဲ့များအနေဖြင့် ငြိမ်းချမ်းရေး ရယူလိုသော ဆန္ဒများရှိလျှင် သက်ဆိုင်ရာ ပြည်နယ်အစိုးရအဖွဲ့များနှင့် အချိန်မရွေး ဆွေးနွေးနိုင်ရန် လမ်းဖွင့်ပေးထားကြောင်း ပြောကြားခဲ့သည်။

ထို့နောက် နိုင်ငံတော် သမ္မတမှ နိဂုံးချုပ်အနေဖြင့် ကိုယ့်နိုင်ငံ ပျက်စီးဆုံးရှုံးမသွားရအောင် ကိုယ့်နိုင်ငံ သေးသိမ်မသွားရအောင် နိုင်ငံသား အားလုံး ဝိုင်းဝန်းစောင့်ရှောက် ကာကွယ်သွားကြရန် တာဝန်ရှိပြီး မိမိတို့၏ သားစဉ်မြေးဆက်အတွက် ကောင်းမွန်သည့် အမွေခံကောင်းများနှင့် ကောင်းမွန်သော ပတ်ဝန်းကျင်ကောင်းများ တည်ဆောက်သွားကြရန် လိုအပ်ကြောင်း ပြောကြားခဲ့သည်။

နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန (MICC) တွင် ကျင်းပခဲ့သော စီးပွားရေးနှင့် လူမှုရေး နယ်ပယ်အသီးသီးမှ တာဝန်ရှိသူများနှင့် တွေ့ဆုံပွဲတွင် နိုင်ငံတော် သမ္မတ ဦးသိန်းစိန်မှ သြဂုတ်လ ၁၇ ရက် နေ့က ယင်းသို့ တက်ရောက်မိန့်ခွန်း ပြောကြားခဲ့ခြင်း ဖြစ်သည်။      

YC

-----------------------------------------------------------------------------------------------------------------------------------

ဒေါ်စုကို အမေရိကန် အထက်လွှတ်တော်အမတ် John Kerry ၏ လက်ထောက်အရာရှိ သွားရောက်တွေ့ဆုံ

မြန်မာ့ဒီမိုကရေစီ ခေါင်းဆောင် အမျိုးသားဒီမိုကရေစီအဖွဲ့ချုပ် (NLD) အထွေထွေ အတွင်းရေးမှူး ဒေါ်အောင်ဆန်းစုကြည်အား အမေရိကန် သံရုံး ကိုယ်စားလှယ်များနှင့် အမေရိကန် အထက်လွှတ်တော်အမတ် John Kerry ၏ နိုင်ငံခြားရေးမူဝါဒဆိုင်ရာ လက်ထောက် အရာရှိ Mr.Atman Trivedi သည် ရန်ကုန်မြို့ တက္ကသိုလ်ရိပ်သာလမ်းသစ်ရှိ ဒေါ်အောင်ဆန်းစုကြည်၏ နေအိမ်တွင် သြဂုတ်လ ၁၇ ရက်နေ့က သွားရောက် တွေ့ဆုံခဲ့ကြောင်း သတင်း ရရှိသည်။

အမေရိကန် အထက်လွှတ်တော်အမတ် John Kerry ၏ လက်ထောက်အရာရှိနှင့် အဖွဲ့သည် သြဂုတ်လ ၁၇ ရက်နေ့ မွန်းလွဲပိုင်းတွင် ဒေါ်အောင်ဆန်းစုကြည်၏ နေအိမ်တွင် သွားရောက်တွေ့ဆုံမေးမြန်းခဲ့ရာ ပြည်ထောင်စုဝန်ကြီး ဦးကျော်ဆန်းမှ သြဂုတ်လ ၁၂ ရက်နေ့က နေပြည်တော် တွင် ကျင်းပခဲ့သော သတင်းစာရှင်းလင်းပွဲတွင် အမျိုးသားဒီမိုကရေစီ အဖွဲ့ချုပ်အနေဖြင့် နိုင်ငံရေးလုပ်ငန်းများ ဆက်လက်လုပ်ကိုင်မည် ဆိုပါက တရားဝင် ပါတီအဖြစ် မှတ်ပုံတင်ရန် လိုအပ်ကြောင်း ပြောကြားခဲ့မှုအပေါ် မည်ကဲ့သို့ လုပ်ဆောင်သွားရန် ရှိသည်ကို မေးမြန်းပြီး ရွေးကောက်ပွဲ ဝင်မည့် အလားအလာ များကို မေးမြန်းခဲ့ကြောင်း သိရသည်။

နိုင်ငံခြားရေးမူဝါဒဆိုင်ရာ လက်ထောက် အရာရှိ Mr. Atman Trivedi က ဒေါ်အောင်ဆန်းစုကြည် သြဂုတ်လ ၁၄ ရက်နေ့တွင် သွားရောက်ခဲ့သော ပဲခူးခရီးစဉ် အောင်မြင်ခဲ့ခြင်းအပေါ် သဘောကျ ကျေနပ်မှု ရှိကြောင်း ပြောကြားခဲ့ သည်။

အမေရိကန် အထက်လွှတ်တော်အမတ်၏ ကိုယ်စားလှယ်နှင့် အမေရိကန်သံရုံး အဖွဲ့ဝင်များသည် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် သွားရောက်မတွေ့ဆုံမီ အမျိုးသားဒီမိုကရေစီ အဖွဲ့ချုပ် ဒု-ဥက္ကဋ္ဌ ဦးတင်ဦးနှင့် ၂၀၁၀ ရွေးကောက်ပွဲတွင် ဝင်ရောက်ယှဉ် ပြိုင်ခဲ့သော နိုင်ငံရေး ပါတီများမှ ခေါင်းဆောင် ၉ ဦးကိုလည်း သြဂုတ်လ ၁၄ ရက်နေ့မနက်ပိုင်းတွင် သွားရောက်တွေ့ဆုံခဲ့သေးကြောင်း သိရသည်။

အမျိုးသားဒီမိုကရေစီ အဖွဲ့ချုပ် ဒု-ဥက္ကဋ္ဌ ဦးတင်ဦးအား NLD ရုံးချုပ်တွင် သွားရောက်တွေ့ဆုံစဉ် အမေရိကန် နိုင်ငံခြားရေး မူဝါဒဆိုင်ရာ လက်ထောက်အရာရှိ Mr.Atman Trivedi က ဒေါ်အောင်ဆန်းစုကြည်နှင့် ပြည်ထောင်စုဝန်ကြီး ဦးအောင်ကြည်တို့ တွေ့ဆုံမှုများနှင့် ပက်သက်ပြီး NLD အနေဖြင့် မည်ကဲ့သို့ မျှော်မှန်းထားသည်ကို မေးမြန်းခဲ့ကြောင်း သိရသည်။

သြဂုတ်လ ၂၂ ရက်နေ့တွင် ကုလသမဂ္ဂလူ့အခွင့်ရေးကိုယ်စားလှယ် မစ္စတာ ကင်(န်)တားနား မြန်မာနိုင်ငံသို့ ငါးရက်ကြာလာရောက်မည် ဖြစ်ကြောင်း သိရသည်။ မစ္စတာ ကင်(န်)တားနားသည် မြန်မာနိုင်ငံသို့ ရောက်ရှိစဉ် အစိုးရ အဖွဲ့ဝန်ကြီးများ၊ နိုင်ငံရေးပါတီခေါင်းဆောင်များနှင့် မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်တို့အား တွေ့ဆုံရန် စီစဉ်ထားကြောင်း သိရသည်။

YC

-----------------------------------------------------------------------------------------------------------------------------------

မန္တလေးမြို့တော်ဝန် ဦးဖုန်းဇော်ဟန် ထိန်းသိမ်းခံရ

မန္တလေးမြိုတော်ဝန်၏ လှုပ်ရှားဆောင်ရွက်မှုများ မန္တလေးစည်ပင်သာယာက နေစဉ်ထုတ်ဝေသော မန္တလေးနေ့စဉ်သတင်းစာတွင် မတွေ့မြင့်ရသည်မှာ သီတင်းပတ်တစ်ပတ်ခန့် ကြာမြင့်ပြီးနောက် မန္တလေးမြို့ခံများကြားတွင် မြို့တော်ဝန်ဖုန်းဇော်ဟန် ထိမ်းသိမ်းခံရသည်ဆိုသော ပြောဆိုမှုများ ကျယ်ကျယ်ပြန့် ထွက်ပေါ်နေခြင်းဖြစ်သည်ဟု မြို့ခံသတင်းသမားများကဆိုသည်။

ဦးဖုန်းဇော်ဟန်၏လှုပ်ရှားမှုဓါတ်ပုံများ မြို့တော်စည်ပင်နေ့စဉ် သတင်းစာတွင် မပါသည့်နေ့မရှိခဲ့ဘူးကြောင်း   “တော်တော်တော့ ထူးတယ် သူက ဗိုလ်ချုပ်မောင်အေးရဲ့ သားတပည့်လေ” သတင်းထောက်အတွေ့အကြုံ ငါးနှစ်ခန့်ရှိ လူငယ်သတင်းသမားတစ်ဦးကဆိုသည်။

ကာကွယ်ရေးဝန်ကြီးဌာန အထူးစစ်ဆင်ရေးမှုးအဖွဲ့မှ ဗိုလ်ချုပ်တင်ငွေ၊ ဗိုလ်ချုပ်မြင့်စိုးတို့နှစ်ဦးကို အကျင့်ပျက်ခြစားမှုများဖြင့် ဖမ်းဆီးခြင်း၊ ကမ်းရိုးတန်းဒေသတိုင်းစစ်ဌာနချုပ် တိုင်းမှုးဗိုလ်မှုးချုပ် ခင်အောင်ဌေး၊ ရန်ကုန်တိုင်းစစ်ဌာနချုပ် တိုင်းမှုး ဗိုလ်မှုးချူပ် ထွန်းသန်း တြိဂံတိုင်းစစ်ဌာနချုပ် တိုင်းမှုးဟောင်း လက်ရှိတပ်မတော် စစ်ဆေးရေးနှင့် စာရင်းစစ်ချုပ် ဗိုလ်ချုပ်ကျော်ဖြိုးတို့ကို ဖမ်းဆီးသည့် သတင်းများပေါ်ပေါက်လာပြီးနောက် ယခုနောက်ဆုံး မန္တလေးမြို့တော်ဝန် ဦးဖုန်းဇော်ဟန် ထိမ်းသိမ်းခံရသည့် သတင်းများ ကျယ်ကျယ်ပြန့်ပြန့် ထွက်ပေါ်လာခြင်းဖြစ်သည်။

တိုင်းမှုးများအပါအဝင် စစ်ဗိုလ်ချုပ်တချို့ အကျင့်ပျက်ခြစားမှု အဏာအလွဲသုံးစားမှုများနှင့် ထိမ်းသိမ်းခံရမှုများ ဆက်တိုက် သတင်းထွက် နေကြောင်း အကျင့်ပျက်ခြစားမှုကြောင့် အရေးယူမည်ဆိုလျှင် တစ်ယောက်မျှ မကင်းကြောင်း ယခုအဖမ်းခံရသူများကို လေ့လာကြည့်လျှင် ဗိုလ်ချုပ်မောင်အေး လူများသာဖြစ်နေကြောင်း၊ ယခု ဖယ်ရှားမှုများသည် ဂိုဏ်းဂဏအစွဲနှင့် ဖယ်ရှားနေမှုများဖြစ်နိင်ပြီး ဒုသမ္မတ တင်အောင်မြင့်ဥိး လက်ချက်ဖြစ်နိင်ကြောင်း မန္တလေးမှ လူတန်းစား အမြင်ရှိသူ ရသစာရေးဆရာတစ်ဦးကဆိုသည်။

တပ်မတော်အစိုးရလက်ထက် ၁၉၉၇ ခုနှစ်တွင် ဟိုတယ်နှင့်ခရီးသွားလာရေးဝန်ကြီး ဦးကျော်ဘ၊ ကုန်သွယ်ရေးဝန်ကြီး ဗိုလ်ချူပ်ထွန်းကြည် တို့ကို ဖယ်ရှားပြီး ၂၀၀၄ ခုနှစ်တွင် အမျိုးသားထောက်လှမ်းရေးညွန်ကြားရေးမှူးချုပ် အတွင်းရေးမှုး-၁ ဗိုလ်ချူပ်ခင်ညွန့်နှင့် ထောက်လှမ်းရေး တဖွဲ့လုံးကို ဖယ်ရှားခြင်းများသည် ထင်ရှားသော ဂိုဏ်းဂဏတိုက်ပွဲများဖြစ်သည်ဟု မြန်မာအရေးကို လေ့လာစောင့်ကြည့်သူများကဆိုသည်။

မိဖြူ

-----------------------------------------------------------------------------------------------------------------------------------

တာဝန်ရှိသူများအား စော်ကားမှုဖြင့် ပါတီဥက္ကဋ္ဌ တရားစွဲဆိုခံရ

ဌာနဆိုင်ရာ တာဝန်ရှိသူများကို စော်ကားပြောဆိုမှုဖြင့် ၂၀၁၀ ရွေးကောက်ပွဲဝင် ပြည်ထောင်စု မြန်မာနိုင်ငံ အမျိုးသား မပာာမိတ်များအဖွဲ့ချုပ် ပါတီမှ ဥက္ကဋ္ဌဖြစ်သူ ဦးအေးလွင်နှင့် အပေါင်းအပါ ခြောက်ဦးအား တရားစွဲဆိုလိုက်ကြောင်း သိရသည်။

၂၀၁၀ ခုနှစ် ဇူလိုင်လ ၂၆ ရက်နေ့၌ ရန်ကုန်-မန္တလေး အမြန်လမ်းမကြီး လမ်းအသုံးပြုခ ကောက်ခံနေသည့် အမှတ်-၃ လမ်းဆုံရှိ တိုးဂိတ်သို့ ဦးအေးလွင်အပါအဝင် အပေါင်းအပါ ၆ ယောက်တို့ ယာဉ်တစ်စီးဖြင့် ရောက်ရှိကြပြီး လမ်းအသုံးပြုခပေးဆောင်ရန် ငြင်းဆန်သည့်အပြင် နိုင်ငံတော်ဆိုင်ရာ အကြောင်းအချက်များကို ပြောဆိုပြီး တိုးဂိတ် တာဝန်ကျ ဝန်ထမ်းများအား စော်ကားပြောဆိုခဲ့သည့်အပြင် ခွင့်ပြုချက်မရှိဘဲ ဗီဒီယိုကင်မရာ ရိုက်ကူးခဲ့ခြင်း အပေါ် လှည်းကူးမြို့နယ် တရားရုံးသို့ ၎င်းတိုးဂိတ်တာဝန်ခံတစ်ဦးက ပြစ်မှုကြီးအမှတ် ၁၁၆၉/ ၂၀၁၁ ပြစ်မှုဆိုင်ရာ ဥပဒေပုဒ်မ ၁၈၆ ဖြင့် တရားစွဲဆို ထားကြောင်း သိရသည်။

ဌာနဆိုင်ရာ ဝန်ထမ်းများအား စော်ကားပြောဆိုမှုဖြင့် တရားစွဲဆိုခြင်း ခံရသည့် သူများမှာ ပြည်ထောင်စု မြန်မာနိုင်ငံ အမျိုးသားမပာာမိတ်များ အဖွဲ့ချုပ်ပါတီမှ ဥက္ကဋ္ဌဖြစ်သူ ဦးအေးလွင်၊ ပြည်ထောင်စုမြန်မာနိုင်ငံ အမျိုးသား မပာာမိတ်များ အဖွဲ့ချုပ်ပါတီမှ အတွင်းရေးမှူး ဦးဌေးအောင်၊ ၈၈ မျိုးဆက် ကျောင်းသားလူငယ်များ(ပြည်ထောင်စုမြန်မာနိုင်ငံ) ပါတီမှ ဒုဥက္ကဋ္ဌ ဦးသန်းဦး၊ အထွေထွေအတွင်းရေးမှူး ဦးလေးစိုး၊  ၎င်းပါတီမှ တိုင်းဒေသကြီး ပါတီ အလုပ်အမှုဆောင် ဦးမျိုးဇော် တို့ပင် ဖြစ်ကြောင်း သိရသည်။

၎င်း တရားစွဲဆိုသည့် ကိစ္စရပ်နှင့် ပတ်သက်၍ သြဂုတ်လ ၃ ရက်နေ့တွင် ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးခင်မောင်မြင့်မှ နိုင်ငံတော်သမ္မတထံသို့ အစီရင်ခံစာပေးပို့ခဲ့ပြီး ပြည်ထောင်စုရွေးကောက်ပွဲ ဥက္ကဋ္ဌ ဦးတင်အေးကလည်း တည်ဆဲဥပဒေနှင့်အညီ အရေးယူ ဆောင်ရွက် သွားရန် ပြောကြားခဲ့သည်။

လှည်ကူးမြို့နယ် ရဲစခန်းမှ ပြည်ထောင်စု မြန်မာနိုင်ငံ အမျိုးသားမပာာမိတ်များ အဖွဲ့ချုပ်ပါတီမှ ဥက္ကဋ္ဌဖြစ်သူ ဦးအေးလွင် အပါအဝင် အပေါင်း အပါ ခြောက်ဦးအား  ပြစ်မှုဆိုင်ရာကျင့်ထုံးဥပဒေ ၁၆၀ အရ လာရောက်ရန် အကြောင်းကြားစာကို သြဂုတ်လ ၉ ရက်နေ့တွင် ပေးပို့ထားပြီး သြဂုတ်လ ၁၂ ရက် နေ့တွင် လှည်းကူးမြို့နယ် ရဲစခန်းသို့ လာရောက် ထွက်ဆိုချက်ပေးရန် ဆင့်ခေါ်ထားကြောင်း သိရသည်။

                                                                Ref: Myanmar Post Global၊ Hot News

 ×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

“အဂတိလိုက်စားမှု တိုက်ဖျက်ရေး နိုင်ငံတကာ အတွေ့အကြုံတွေကို ဖတ်ရှုလေ့လာမိတော့ ကျွန်တော်တို့ဆီမှာ ဆေးရုံ အပေါက်စောင့်တဲ့ လုံခြုံရေး ဝန်ထမ်းကို ပိုက်ဆံပေးပြီးဝင်ရတာ ဘတ်စ်ကားစပယ်ယာ ပိုက်ဆံ ပြန်မအမ်းဘဲ မသိချင် ယောင်ဆောင်နေတာ၊ ဓာတ်ဆီဆိုင်မှာ ဓာတ်ဆီလျော့ပြီးရတာ၊ ရုပ်ရှင်ရုံမှာ လက်မှတ် မှောင်ခိုဝယ်ရတာ၊ ရထားလက်မှတ် အပိုကြေး ပေးဝယ်ရတာ စတာတွေလောက်ကို ကျွန်တော်တို့က ရေးကြီးခွင်ကျယ် လုပ်ကာ အကျင့်ပျက်မှုများအဖြစ် ရေးသားပြောဆိုမိတယ်”

သြဂုတ် ၁၈ ထုတ် ပြည်သူ့ခေတ်ဂျာနယ် အတွဲ(၂) အမှတ် (၅၆) တွင်ပါသည့် ဆောင်းပါးရှင် မောင်ဝံသ၏ “အဂတိလိုက်စားမှုပပျောက်ရေး ဘယ်လောက်အရေးကြီးလဲ” ဆောင်းပါးမှ ကောက်နှုတ်ချက်

-----------------------------------------------------------------------------------------------------------------------------------

“တိန့်ရှောင်ဖိန် ပြောသလိုပေါ့။ မြေကြီးကိုတော့ မယူသွားလို့မရပါဘူးတဲ့။ ဒီခေတ်မှာ စီးပွားရေး လုပ်တယ်ဆိုတာ ဘယ်သူဘယ်ဝါရယ်လို့ ခွဲခြားနေလို့ မရဘူး။ ကိုယ့်အတွက် အခွင့်သာမယ် အမြတ်ရှိမယ်ဆိုရင် လုပ်ကြတဲ့ သဘော ရှိပါတယ်။ သို့သော်လည်းပဲ အစိုးရပိုင်း ကဏ္ဍက လာတာတစ်မျိုး၊ ပုဂ္ဂလိက ပိုင်းက လာတာတစ်မျိုးပေါ့။ ပုဂ္ဂလိကပိုင်းကလာတဲ့ ကိစ္စမှာတော့ ခွင့်ပြုဖို့မသင့်ဘူးလို့ ကျွန်တော်ထင်တယ်။ ဘာလို့ဆို ခိုင်မာတဲ့ သဘောတူ ညီချက် ခွင့်ပြုချက်တွေကို ရှာဖွေမှာ မဟုတ်ဘဲနဲ့လှည့်စားပြီးတော့ စီးပွားရေးသမားတွေက သူ့ကိုယ် ပိုင်လုပ်နည်းလုပ်ဟန်တွေ ရှိတယ်ဆိုတဲ့ စကား အတိုင်းလုပ်မှာ ဖြစ်တဲ့အတွက်ကြောင့် တရုတ်လာတယ်ဆိုတာကို အစိုးရပိုင်းနဲ့ အလုပ်လုပ်တာကို လက်ခံတယ်။ ပုဂ္ဂလိကပိုင်းက တစ်ဦးချင်း ဝင်လာတာ တွေ့မှာတော့ အလွန်တရာစိစစ်ပြီး  မူအားဖြင့် လက်ခံဖို့မသင့်ဘူးလို့ ကျွန်တော် မြင်ပါတယ်”

သြဂုတ် ၁၈ ထုတ် ပြည်သူ့ခေတ်ဂျာနယ် အတွဲ(၂) အမှတ် (၅၆) တွင်ပါသည့် “တရုတ်နိုင်ငံ၊ တရုတ်စီးပွားရေး သမားတွေနဲ့ စီးပွားရေး ဘယ်လိုလုပ်သင့်သလဲ” သတင်းဆောင်းပါးမှ ပြည်သူ့လွှတ်တော်ကိုယ်စားလှယ် ဦးကြည် မြင့်၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

မေး- ၂၀၀၃ ခုနှစ်က ချမှတ်ခဲ့တဲ့ ဆန်စပါး မူဝါဒသစ် အခု ပြန်လည်ပြင်ပြင်ဖို့ ပြုလုပ်နေပြီလို့ သိရပါတယ်။ ဒီမူဝါဒ ။အသစ်ချမှတ်ဖို့ လယ်ယာ စိုက်ပျိုးရေးကဏ္ဍအတွက် ဘယ်လောက်အရေးကြီးပါသလဲ။

ဖြေ- ၂၀၀၃ ခုနှစ်မှာ ချမှတ်ခဲ့တဲ့ ဆန်စပါး မူဝါဒကတော့ ပုဂ္ဂလိကကဏ္ဍက ဆန်စပါး ပြည်ပတင်ပို့ခွင့်ပြုတာကို စခဲ့တယ်။ အခုချိန်မှာ ပြောင်းလဲလာတဲ့ စနစ်နဲ့ အခင်းအကျင်းသစ်ပေါ်မှာ ဆန်စပါးမူဝါဒသစ်ကို လက်ရှိအစိုးရသစ်ရဲ့ လယ်/ဆည် ဝန်ကြီးဌာနနဲ့ အခြားဆက်စပ်နေတဲ့ ဝန်ကြီးဌာနတွေကလည်း မူဝါဒသစ် ပြန်လည်ချမှတ်ဖို့ ပြင်ဆင်နေတာကြားရတယ်။ ဒါကိုလည်း ကြိုဆိုပါတယ်။ အဲ့ဒီမူဝါဒသစ် ချမှတ်တာက လယ်ယာစိုက်ပျိုးရေး ကဏ္ဍတစ်ခုတည်း အတွက်တင် မဟုတ်ဘူး။ တစ်နိုင်ငံလုံးရဲ့ State Building (နိုင်ငံတည်ဆောက်ရေး) တစ်ခုလုံးအတွက်လည်း အရမ်းအရေးကြီးတယ်။ ပုဂ္ဂလိက ကဏ္ဍ ဘက်ကလည်း မြန်မာနိုင်ငံ ဆန်စပါးလုပ်ငန်းအသင်းဆိုရင် အဲဒီ့အတွက် ပွင့်လင်းမြင်သာမှုရှိရှိနဲ့ အများစုရဲ့  ဆန္ဒနဲ့ အလုပ်ရုံဆွေးနွေးပွဲတွေလုပ်ပြီးတော့ အချက်အလက်တွေ၊ လိုအပ်ချက်တွေ၊ အကြံပြုချက်တွေစုဆောင်းပြီးတော့ မူဝါဒသစ်မှာ ပုဂ္ဂလိကကဏ္ဍရဲ့ လိုအပ်ချက်တွေကို ညှိနှိုင်းလို့ရမယ်လို့ ယုံကြည်တယ်။

သြဂုတ် ၁၈ ထုတ် 7DAY NEWS အတွဲ (၁၀) အမှတ် (၂၂) တွင်ပါသည့် စီးပွားရေးလုပ်ငန်းရှင်ဦးလှမောင်ရွှေ နှင့်အင်တာဗျူး ကောက်နှုတ်ချက်

-----------------------------------------------------------------------------------------------------------------------------------

“မွေးကင်စ ကလေးငယ်တွေကို စွန့်ပစ်သူတွေကို ဥပဒေအရ ထိထိရောက်ရောက် အရေးယူသွားမယ်။ ပြီးခဲ့တဲ့ ရက်ပိုင်းတွေက ဗဟန်းမှာ မွေးကင်းစ နီတာရဲ ကလေးငယ်ကို စွန့်ပစ်တဲ့သူကို ပြစ်မှုအရ ထိထိရောက်ရောက် အရေးယူသွားမှာပါ”

သြဂုတ် ၁၈ ထုတ် 7DAY NEWS အတွဲ (၁၀) အမှတ် (၂၂) တွင်ပါသည့် “မွေးကင်းစကလေးငယ် စွန့်ပစ်သူများကို ထိထိ ရောက်ရောက် အရေးယူမည်” သတင်းမှ ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

ဒီမိုကရေစီတည်ဆောက်ရေးနှင့် ယုံကြည်မှု

မြန်မာနိုင်ငံ ဒီမိုကရေစီ အသွင်ကူးပြောင်းရေး ကာလသည် ရှည်ကြာလွန်းရုံသာမက အကန့်အသတ်များ၊ နိုင်ငံရေးအင်အားစုများကြား ညှိနှိုင်း ဆောင်ရွက်မှု အားနည်းချက်များလည်း ရှိနေပါသေးသည်။ ဒီမိုကရေစီဆိုကို လူထုလှုပ်ရှားမှုဖြင့်သာ ရနိုင်သည်ဟူသော ရှုထောင့်မှ ကြည့်လျှင် ၈၈ ကျောင်းသားလှုပ်ရှားမှု၊ ၂၀၀၇ ရွှေဝါရောင်သံဃာ လူမှုလှုပ်ရှားမှုများဖြင့် ရသွားနိုင်စရာအကြောင်း ရှိပါသည်။ သို့သော် ဤအရေးအခင်းများသည် ထင်သလောက် ခရီးပေါက်ခဲ့သည်မဟုတ်။ နိုင်ငံတကာမှ မြန်မာနိုင်ငံအပေါ် လူ့အခွင့်အရေး ချိုးဖောက်မှုကြောင့် ဝိုင်းဝန်းရှုတ်ချ ခြင်းသာခံခဲ့ရလေသည်။

တချို့သော လေ့လာသုံးသပ်သူများက မြန်မာနိုင်ငံတွင် လူလတ်တန်းစား အားမကောင်းသလို၊ အရပ်ဖက် လူ့အဖွဲ့အစည်းများလည်း အားနည်း သည့်အတွက် ဒီမိုကရေစီလူထုလှုပ်ရှားမှုများ မအောင်မြင်ရခြင်းဖြစ်သည်ဟု သုံးသပ်ကြခြင်း မျိုးလည်း ရှိပါသည်။ ဤရှုထောင့်မှ ကြည့်လျှင် မြန်မာနိုင်ငံ အဖို့ ဒီမိုကရေစီ အပြည့်အဝ ရနိုင်ဖို့မှာ လွန်စွာ နည်းပါးသွားမည်သာ ဖြစ်သည်။ အဘယ်ကြောင့်ဆိုသော် မြန်မာနိုင်ငံမှာ လူလတ်တန်စား အားကောင်းဖို့ ဆိုသည်မှာဝေးစွ ဆင်းရဲမွေတေသော လူဦးရေ သန်းနှင့်ချီပြီးတည်ရှိနေရုံမျှမက အရပ်ဘက် လူ့အဖွဲ့အစည်းမှာလည်း နိုင်ငံတော်၏ လုံခြုံရေးဆိုင်ရာ အမြင်ဖြင့် မျိုးစုံကန့်သတ်ခံထားရကြောင်း တွေ့ရှိရလေသည်။ အရပ်ဖက်လူ့အဖွဲ့အစည်း၏ အခန်းကဏ္ဍမှာ နာဂစ် မုန်တိုင်း တိုက်ခိုက်ခံရပြီး နောက်ပိုင်း လူ့အဖွဲ့ အစည်း၏ ဖိအားပေးမှုကြောင့် တစ်စုံတစ်ရာ ဖွင့်ပေးလိုက် သည်မျိုးတော့ ရှိလေသည်။

တချို့သော နိုင်ငံရေးသုတေသီများက ဒီမိုကရေစီ အမှန်တကယ် ဖြစ်ပေါ်စေနိုင်သော အဓိကလုပ်ငန်းစဉ်မှာ ဒီမိုကရက်တစ် အင်စတီကျူးရှင်း များကို စနစ်တကျတည်ဆောက်ခြင်းပင်ဖြစ်သည်ဟု ဆိုကြသည်။ ဥပမာ- နာမည်ကျော် နိုင်ငံရေးသိပ္ပံပညာရှင် တစ်ဦးဖြစ်သူ ဖရန်စစ် ဖူးကူးယားမားက ဒီမိုကရက်တစ်အင်စတီ ကျူးရှင်းများ စနစ်တကျ တည်ဆောက်ခြင်း၊ စွမ်းဆောင်ရည် အပြည့်ရှိသော ပြည်သူ့အုပ်ချုပ်ရေးကို အကောင်အထည်ဖော်ခြင်း ဖြင့်သာ ဒီမိုကရက်တစ်ဝိဉာဉ်မှာ အမှန်တကယ် ရှင်သန်နိုင်မည်ဟု ဆိုလေသည်။ မြန်မာနိုင်ငံ ယခု သွားရောက်နေသည့် ဒီမိုကရေစီလမ်းကြောင်းမှာ ဤကဲ့သို့သော လမ်းကြောင်းမျိုး ဖြစ်လေသည်။ မြန်မာနိုင်ငံအနေဖြင့် ဒီမိုကရက်တစ် အင်စတီကျူးရှင်းများကို စနစ်တကျတည်ဆောက်ရန် အစိုးရရော၊ နိုင်ငံရေး အင်အားစုများရော နည်းမျိုးစုံဖြင့် ကြိုးပမ်းနေရသည့်အချိန် ဖြစ်သည်။ ဤသို့တည်ဆောက်ရေးအတွက် အဓိကလိုအပ်သည်မှာ အရည်အချင်း ဖြစ်လေသည်။ အရည်အချင်းနည်းပါးလျှင် ဒီမိုကရက်တစ် ဖြစ်စဉ်များဖြင့် ကမောက်ကမ ဖြစ်နိုင်ရုံမျှမက လုပ်ထုံးလုပ်နည်းဝေဝါးကာ စွမ်းဆောင်ရည်လည်း ပြည့်ဝမည်လည်းမဟုတ်ပါ။

ဤနေရာ၌ မီဒီယာနှင့် အရပ်ဖက်လူ့အဖွဲ့အစည်း၏ အခန်းကဏ္ဍမှာ ဒီမိုကရေစီစနစ် လက်တွေ့အလုပ်ဖြစ်လာအောင် ဝေဖန်ထောက်ပြ၊ ထောက်ပံ့ပေးသည့် ယန္တရားကြီးတစ်ခုဖြစ်လေသည်။ တစ်စုံတစ်ရာ ပွင့်လင်းမြင်သာမှုရှိအောင်၊ ဒီမိုကရက်တစ်ဖြစ်စဉ်အတွင်း နိုင်ငံရေးသမားများ၊ ပါတီများ၊ ဗျူရိုကရက်များအတွင်း အဂတိလိုက်စားမှု၊ မသိနားမလည်၍ မှားယွင်းဆောင်ရွက်မှုများကို မပြတ်တမ်းဝေဖန်ပြောဆိုနေမည်သာဖြစ်သည်။

လွှတ်တော်၊ ပါတီ၊ ရွေးကောက်ပွဲ အစရှိသည့် နိုင်ငံရေးအင်စတင်ကျူးရှင်များ တည်ဆောက်နိုင်ရုံနှင့် ဒီမိုကရက်တစ် နိုင်ငံရေးဖြစ်စဉ်ကြီး ချောမွေ့ လာမည်မဟုတ်၊ စီးပွားရေး အင်စတီကျူးရှင်းများ၊ လူမှုရေး အင်စတီကျူးရှင်များကို စနစ်တကျ တည်ဆောက်နိုင်ဖို့မှာ နိုင်ငံရေးနည်းတူ အရေးကြီးပါသည်။ စီးပွားရေး အသင်းအဖွဲ့များ၊ စီးပွားရေး လုပ်ငန်းရှင်များနှင့် အစိုးရကြား နီးနီးကပ်ကပ်အလုပ်လုပ်ခြင်းဖြင့် စီးပွားရေးဖွံ့ဖြိုးတိုးတက်ရန် အလား အလာများစွာ ဖြစ်ထွန်းသွားနိုင်ပါသည်။ ထိုအတွက်ကြောင့် သက်ဆိုင်ရာ ကဏ္ဍအလိုက် စီးပွားရေးလုပ်ငန်းရှင်များစုပေါင်းပြီး ယခုထက်ပိုမို၍ ဖွဲ့စည်းတည်ဆောက် နိုင်ဖို့မှာ လွန်စွာ အရေးကြီးပါသည်။ ဤသို့သော စီးပွားရေးအဖွဲ့အစည်းများသည်လည်း အမှုဆောင်ချုပ် ရွေးချယ်ခြင်း၊ ယင်းတို့၏ လုပ်ငန်းနှင့် အစိုးရ မူဝါဒဆိုင်ရာ ဆွေးနွေးပွဲများတွင် ဒီမိုကရက်တစ်ကျင့်စဉ်ကို လိုက်နာနိုင်ရန် လိုအပ်ပါသည်။ ဒီမိုကရေစီကျင့်စဉ်ကို လိုက်နာနိုင်မှသာလျှင် ယင်းတို့၏ လုပ်ငန်းနှင့် သက်ဆိုင်သော အခက်အခဲများကို အစိုးရထံသို့ မူဝါဒဆိုင်ရာ သွင်းအားစုအဖြစ်တင်သွားနိုင်မည်ဖြစ်သည်။ ဤသို့မှ မဟုတ်လျှင် အစိုးရ အဖွဲ့အတွင်းရှိ လုပ်ပိုင်ခွင့်ရှိသူများထံသို့ ချဉ်းကပ်ကာ လုပ်ပိုင်ခွင့် ရှာစေခြင်းမျိုးဖြင့်တော့ စီးပွားရေး ဖွံ့ဖြိုးမှုကို အမှန်တကယ် ရပ်တန့်သွားနိုင်မှာ ဖြစ်လေ သည်။

သမ္မတအစိုးရအဖွဲ့သစ်မှ နိုင်ငံခေါင်းဆောင်းများရော၊ ဒေါ်အောင်ဆန်းစုကြည်အပါအဝင် အတိုက်အခံအသွင် ဆောင်နေသော နိုင်ငံရေး အင်အားစုများရော၊ ရွေးကောက်ပွဲ ထက်ထက်သန်သန် ဝင်ရောက်ယှဉ်ပြိုင်ခဲ့သည့် နိုင်ငံရေးအင်အားစုများပါ မြန်မာနိုင်ငံကို အခြားနိုင်ငံများနည်းတူ ဖွံ့ဖြိုးစေချင်သည့် ဆန္ဒထက်သန်မှုများ ရှိမည်သာ ဖြစ်ပေသည်။ သမ္မတ အစိုးရအဖွဲ့သစ်နှင့် အောင်ဆန်းစုကြည်မှာ ဒုတိယအကြိမ် တွေ့ဆုံပြီး သော်လည်း နှစ်ဖက်စလုံးက မီဒီယာများနှင့် တွေ့ဆုံစဉ် အကောင်ရှုမြင်သုံးသပ်မှုများသာပြောကြားခဲ့ပြီး ဆွေးနွေးပွဲ အသေးစိတ်များကို ပြောသင့်သည့် အချိန်ရောက် ထုတ်ဖော်ပြောကြားသွားမည်ဟုသာ ဆိုသွားခဲ့လေသည်။ ဤနေရာ၌ နှစ်ဖက်စလုံးမှာ ဖြစ်နိုင်ချေအလွန်နည်းသည့် နိုင်ငံရေး ရည်မှန်းချက်ကို မဖြစ်ဖြစ်အောင် အကောင်အထည်ဖော် ဖို့ကြိုးစားရန်မသင့်တော့ဘဲ နှစ်ဖက်စလုံး အမှန်တကယ် အကျိုးရှိနိုင်မည့် ယုံကြည်မှုကို တည်ဆောက်နိုင်ဖို့ အထူးပင် အရေးကြီးပါသည်။ သို့မှသာ စစ်မှန်သော အမျိုးသား စည်းလုံးညီညွတ်ရေးကို ဖော်ဆောင်နိုင်မှာဖြစ်ပြီး ဒီမိုကရေစီ အသီးပွင့်များကို ပြည်သူတို့ ခံစားနိုင်ရန် လက်တွဲကြိုးပမ်း ဆောင်ရွက်သွားနိုင်မည်ဖြစ်ပါကြောင်း။

×××××××××××××××××××××××××××××××××××××××××××××××××××××××××××××××


Google Docs makes it easy to create, store and share online documents, spreadsheets and presentations.
Logo for Google Docs